Tema: Kaul Enggau Dalam Konteks Global

Indung-Indung: Aram Sayauka Bumi Kitai.

Indung-indung, indung-indung
Pun kayu ditebang nadai alai belindung,
Pengangat datai nuntung,
Indung-indung.

Indung-indung,
Tanah gundul nadai utai tumbuh,
Lalak pun gadung,
Indung-Indung.

Indung-indung,
Menua kamah tung sampah kusung,
Sampah nyau betugung,
Indung-indung.

Indung-Indung,
Sungai kamah mayuh sampah,
Nadai ikan adung,
Indung-indung.

Indung-indung,
Asap kilang besepur-sepur,
Ngasuh chelum lubang idung,
Indung-indung.

Indung-indung,
Pengawa nunu ngundan sebun,
Asap nyau betampung,
Indung-Indung.
 Tema: Kaul Enggau Dalam Konteks Global

Indung-indung,
Mensia nginsap nemu enda kiruh,
Tang ngara bau tengung,
Indung-indung.

Indung-indung,
Deriba piko enda tau diselo,
Munyi rerengung,
Indung-indung.

Indung-indung,
Menua mansang baka ke lantang,
Tang rayat sakit lusung,
Indung-indung.

Indung-indung,
Penyakit nyamuk majak nuntung,
Laban parit betakung,
Indung-indung.

Indung-indung,
Bumi majak angat nama penyadi,
Mensia enggai nanggung,
Indung-indung.
 Tema: Kaul Enggau Dalam Konteks Global

Indung-Indung,
Menua beresi nadai penyakit,
Mensia untung,
Indung –indung.

Indung-indung,
Sungai beresi dipeda chiru,
Mayuh ikan baung,
Indung-indung.

Indung-indung,
Nyamuk nadai datai mantang,
Tinduk enda bekibung,
Indung-indung.

Indung-indung,
Muai uras ke tung sampah,
Anang nempalung,
Indung-indung

Indung-indung,
Pengawa nginsap patut ditagang,
Ngiar sakit jantung,
Indung-indung.

Indung-indung,
Nunu umai patut betatak,
Kampung enda retung,
Indung-indung.
 Tema: Kaul Enggau Dalam Konteks Global

Indung-indung,
Angin beresi nadai sebun,
Penyakit enggai nuntung,
Indung-indung.

Indung-indung,
Sama bekunsi kereban pengangkut,
Betulung nganjung,
Indung-indung.

Indung-Indung,
Mensia mereti nyaga pemeresi,
Selalu betulung,
Indung-indung.

Indung-Indung,
Atur nyaga perampa patut dientap,
Rayat nyukung,
Indung-indung.

Indung-Indung,
Nyaga perampa tanggungpengawa semua,
Sama bela nanggung,
Indung-indung…Indung-indung