Noong araw sa isang liblib na nayon ay may mag-ina na
naninirahan sa tabi ng kakahuyan.
Ang ina na si Aling Rosa ay isang relihiyosang babae. Palagi
siyang nagdarasal, at sinanay din niya ang kanyang anak na lalaki na magdasal at mag-orasyon bago sumapit ang dilim.
Ang anak na si Juan ay isang mabuti at masunuring anak.
Palagi niyang sinusunod ang utos ng kanyang ina tungkol sa pagdarasal. Bago dumilim, kahit saan sya naroon ay umuuwi siya upang samahan ang ina sa pag-oorasyon sa tapat ng kanilang bahay.
Sa paglipas ng panahon, mabilis na tumanda si Aling Rosa, at
si Juan naman ay naging isang makisig na binata.
Si Aling Rosa ay nanatili na lamang sa bahay at palaging
nagpapahinga, samantalang si Juan ay siyang naghahanap ng kanilang makakain sa araw-araw. At kahit mahina na si Aling Rosa ay hindi pa rin nila nakakalimutan ni Juan ang magdasal.
Minsan, habang si Juan ay nangunguha ng bungangkahoy sa
gubat, isang babae ang kanyang nakilala; si Helena.
Si Helena ay lubhang kaaki-akit kung kaya’t agad umibig dito
si Juan. Tuwing umaga kapang nangunguha ng bungangkahoy si juan ay nagkikita sila ni Helena sa gubat. Nahulog ng husto ang damdamin ni Juan sa dalaga. Ngunit hanggang ngayon ay hindi parin sya sinasagot ni helena
Maniniwala lamang si Helena kay Juan kung dadalhin ni juan
ang puso ng kanyang ina na nasa kanyang palad,bukas ng hapon.
Hindi makapaniwala si Juan sa sinabi ni Helena.Pagkatapos ng
kanilang kasunduan ay umuwi na si juan.Ngayong araw ay gagawin na ni juan ang inuotos ni helena.Nang dumating si Juan sa kanilang bahay ay agad siyang niyaya ni Aling Rosa na mag-orasyon. Nagtungo ang mag-ina sa harap ng kanilang bahay. Ngunit habang nagdarasal iba ang nasa isip ni Juan. Naiisip niya ang pag-iibigan nila ni Helena. At bigla, hinugot ni Juan ang kanyang itak at inundayan si Aling Rosa sa likod. Bumagsak sa lupa ang ina ni Juan, at si juan ay umiyak at pinagsisishan ang lahat.
Kasabay niyon ay bigla na lamang nagbago ang anyo ni Juan.
Siya ay naging isang maliit na hayop na may buntot. Si Juan ay naging isang butiki; ang kauna-unahang butiki sa daigdig.