18.

Mahal na devoto si Santa Elena

Idtong sa turkia saka Santa Gloria

19. O mahal na Berbo o Dios na totoo

Sa Cruz ca yayaon Salvador del mundo

20. Sa Makuring Sinag milagro nahayag

Sa Cruz namumurac mga pagcaherac

21. O makurang ogma ipag-alegria

Lilingyon nin mata an Cruz ni Elena

22. O mahal na reyna si Santa Maria

Ipagalegria an cruz na sagrada

23. An benditong cruz iyong itinogdoc

Sa mga Cristianong dag-on an maraot

24. O mga passiones ke Jesus na sakit

Ining dignom cruzes sa turco ilinopig

25. Ta iyo na ngani an guerang ginawi

Boot na mabawi can satuyang hade

26. Idtong hadeng santo si San Casimero

Guinoban an turko ta an santong tuyo

27. An emperador man Carlos Quintonan ngaran

Turquiang guinoban boot na masacpan

28. Caya ining bela sa santa Cruzada

Tinugot nin Papa sa hadeng tabang ta

29. Na iyong Socorro sa mga suldados

Can guirang ginibo ni Felipo Quinto

30. Conde Sagcod ngonian sa dios na cabut-an

Caya tatabangan an ca cristianohan

SALUDACION

1. Si Jesus asin Maria

Namumutan na mag-ina

An saindong pusong duwa

Iyo niamong sinasamba

2. Uya caming minadoloc

Saimo santang maboot

Dai caming darang dulot

Condi an hababaan boot

3. Minaluhod cami ngonian

Digdi sa simong atubang

Ta nganing niamong makamtam

An langit kamurawayan

"Padre Nuestro"

4. O divino Espiritu

Na pararanga sa tawo

Palaadan ang puso co

sa pagcamuot saimo

5. Hilnga baya cagurangnan

An calag co naghihilang

Singcoa asin bolonga

Can graciang ikaoomay

6. Ica ang lindong sa init

Ica ang bulong sa sakit

Ampuna cami nin pirit

Na sorogon mo nin bagsik

7. Biba Biba espiritu

Biba sa gabos na santo

An ikatulo saindo

An calag sa purgatoryo
8. Daguson tang hahanapon

Si Jesus na satung poon

An puso ta palaadon

Sa divino aredentor

9. O standarteng bandera

Na iyo an samong dara

Ta iyo ming panagama

Sa demonyong caiwal ta.

10. O Santa Cruz na diamante

Saimo paaraman cami

Ta ining pagtalicod mi

An gracia mo cami hulogi

11. O Santa Cruz na Bendita

Ihatod mo Cami ngonian

Bamos kita magiriba

Tindog camo lacaw kita

12. O ina mi Simo Adios

O ina ming paratubos

O ina mi simo Adios

Ay Adios ay Adios, Adios

"DOLOT"

O banguing maliwanagon

Oras na matoninongan

Gabos na mga bituon

Nagkikintab na paghilingon

Malinao an permamento

Siring sa bulan na Mayo

An doros na nag-aamyo

Na sadoc sa peregrino

Odto duman an liwanag

Macuring pagkabanaag

Dolocon tang daing liwag

An Altar na maliwanag

oya caming minadoloc

saimo santong maboot

dai caming darang dolot

condi an hababaan boot

minaluhod cami ngonian

digdi sa simong atubang

awit pa samuyang camtan

an langit camurawayan

"padre nuestro"

Hilnga baya cagurangnan

an calag ko naghihilang

songcoa asin bolonga

nin gracia icaoomay

ica an bolong sa saquit

Ica an lindong sa init

Ica an hagdan mi ngapit

Con sumakat na sa langit

O virgin Santa Maria

Maheheracon na Ina

Cami Saimong gawi gawa

Ta cami ay mga uya

O Virgin Ina nin Gracia

Burabod na pararanga

Cami simong soroga

Sa caiwal mi agawa

O virgin Ina nin Poon

An saimong manto bukladon

Cami simong pasironga

Na tinubos mong uripon

"PAARAM"

Paaram Virgin Maria

Na samuyang abugada

Bantay saimo senora

Cami simo paaram na

Paaram mahal na Jesus

Na samuyang paratubos

Paaram na cami gabos

Saimo Adios, Adios

Nagpapaaram na cami

Saindong Cagharong digdi

Cami magpipinitente

Mag santa cruz burobanggi

Tindog mga pag-iriba

Ta padagos kitang maglacao

Ta harayo pa an dalan

Na satuyang lalacawan
Caya kita magpadagos

Sa paglibot sa santa cruz

Na pinakuan Que Jesus

Na satuyang paratubos

Malacao na kita ngonian

An santa Cruz na inotan

Ta iyong makikiglaban

Can satuyang mga caiwal