PANITIKAN HINGGIL SA ISYUNG PANGMANGGAGAWA
Isa sa mahalagang salik ng produksiyon ay ang
PAGGAWA (labor). Lubos na napakikinabangan ang
ibang salik ng produksiyon sa tulong ng paggawa. Ang
mga gawaing pang-ekonomiya ay naisasakatuparan
dahil sa lubos na paggamit ng mga manggagawa ng
kanilang lakas at kakayahan upang makalikha ng mga
produkto at serbisyo.
MGA URI NG PAGGAWA
Kapag sinabing PAGGAWA, ito ay laging kaugnay ng
manggagawa. Ang uri ng paggawa ay naayon sa uri ng
manggagawa. May dalawang klasipikasyon ng
manggagawa, ang Manggagawang Pisikal at
Manggagawang Mental.
MANGGAGAWANG PISIKAL (Blue Collar Job)
Ay inuuri bilang unskilled, semi-skilled, at skilled. Ito
ang tinatawag na blue collar job na tumutukoy sa
gawain ng mga manggagawang mas higit na ginagamit
ang kanilang lakas pisikal at inerhiya sa paglikha ng
produkto at serbisyo.
 Ang mga welders, drivers, plumbers, janitors at
iba pa ay ilan sa halimbawa ng mga
manggagawa ng blue collar job.
MANGGAGAWANG MENTAL (White Collar Job)
Ang gawain ng manggagawa na mas ginagamit ang
mental na kapasidad at kaisipan ay nabibilang sa white
collar job.
 Ang superbisor, manedyer, doktor, nars, guro at
iba pang propesyonal ay kabilang sa white collar
job.
KAIBAHAN NG NOMINAL WAGE AT REAL WAGE
NOMINAL WAGE~ ay tinatawag din na money wage. Ito
ay tumutukoy sa halaga ng tinanggap na kabayaran.
REAL WAGE~ ay tumutukoy sa halaga ng produkto at
serbisyo na mabibili mula sa kitang tanggap.
TEORYA TUNGKOL SA SAHOD
1. Marginal Productivity Theory
• Ang teorya na nagpapaliwanag na ang sahod ng mga
manggagawa ay katumbas ng halaga ng kanyang
kotribusyon sa paggawa
2. Wage Fund Theory
• Isinasaad ng teoryang ito na dapat may nakalaan na
pondo para sa pagpapasahod ng mga manggagawa
mula sa puhunan na ginagamit ng prodyuser.
3. Subsistence Theory
• Ito ang sahod na dapat ay naayon sa antas ng
pangangailangan ng manggagawa.
Kahalagahan ng paggawa:
• Nalilinang ang mga hilaw na materyales.
• Mapoproseso ang mga hilaw na materyales ng
agrikultura.
• Nalilinang ang mga likas na yaman.
• Napapaandar at nagagamit ang mga makinarya at
teknolohiya.
• Nalilikha ang mga produktong kailangan ng bansa.
ALITAN SA PAGGAWA
Boykot - mga konsyumer ay pinakikiusapan ng mga
manggagawa na huwag bilhin ang mga produkto ng
kanilang kompanya.
Piket - ay isang paraan ng paghihikayat sa mga ibang
manggagawa na lumahok sa welga at sa mga konsyumer
para huwag tangkilikin ang naturang kumpanya.
Welga - ay maraming anyo tulad ng sitdown strike,
hunger strike, general strike, at sympathy strike.
Isinasagawa ito sa iba’t ibang paraan ngunit may iisang
hangarin na nais matamo, ang maiparating sa
kinauukulan ang kanilang mga karaingan.
Sabotahe - ay isang lihim na paraan na ginagawa ng
mga manggagawa na nakaaapekto sa produksiyon at
kompanya.
Closed Shop - Isang paraan ito ng mga manggagawa
para gawing pabor sa unyon ang pinangasiwaan.
Blacklist - Ito ang listahan ng mga manggagawa na
lumahok sa welga.
Yellow Dog Contract - Ito ay isang kontrata na
pinapapirmahan sa mga manggagawa bago tanggapin sa
trabaho
Pagtanggap ng Scab - Kapag nagsisimula nang magpiket
ang mga welgista, ang kompanya ay tumatanggap ng
mga manggagawang hindi kasapi ng unyon.

Espiya - Ito ang mga tao na nagmamanman sa kilos at

galaw ng mga manggagawang kasapi ng unyon.

Open Shop - Pagtanggap ng mga manggagawa na hindi

kasapi ng unyon upang hindi maantala ang prudoksiyon
kahit na magsagawa ng welga ang mga kasapi ng unyon.

Lockout - Kapag ang welga ay nagaganap na, ang

pangasiwaan ay isinasara ang kompanya upang
puwersahin ang mga manggagawa na itigil na ang
pagwewelga.

Injunction - Ito ay utos mula sa hukuman na

nagsasabing ang isinasagawang welga ay labag sa batas