BANGHAY ARALIN SA FILIPINO 6

I. LAYUNIN
A. Pamantayang Pangnilalaman (Pakikinig)
Naipamamalas ang kakayahan sa mapanuring pakikinig at pang-unawa sa napakinggan.
B. Pamantayan sa Pagganap (Pagbasa)
Nagagamit ang iba’t ibang babasahin ayon sa pangangailangan
C. Kasanayan sa Pagkatuto
Nasasagot ang mga tanong tungkol sa mga impormasyong makikita sa iba’t ibang bahagi ng
pahayagan
Natutukoy ang kahalagahan ng pagbabasa ng pahayagan sa tao

II. NILALAMAN
Pagtukoy at Paggamit ng iba’t ibang bahagi ng pahayagan

III. KAGAMITANG PANTURO

A. SANGGUNIAN
Gabay Pangkurikulum ( F6EP-IVc-7.1)
Binhi Wika at Pagbasa 6 p. 206-207

B. KAGAMITAN
1. Powerpoint presentation
2. Dyaryo
3. Manila Paper
4. Plaskard
5. Laptop, HDMI
6. Gunting, Pandikit

IV. PAMAMARAAN

A. Balik-Aral sa nakaraang aralin at/o pagsisimula ng bagong aralin

Suriin ang mga sumusunod . Tukuyin ang kathang isip at di-kathang isip.
1.Talaarawan
2.Alamat ng Matsing
3.Si Juan Tamad
4. Mga Kwento ni Lola Basyang
5. Kasaysayang Pilipinas

B. Paghahabi sa layunin ng aralin

Gawain: Maglaro Tayo
Halu Letra:Bumuo ng salita mula sa Halu-Letra (Jumbled Words)
Ipabasa ang nabuong salita.
1. balita
2. dyaryo
3. lathalain
4. pahayagan
5. panlibangan
Saan nyo matatagpuan ang mga sumusunod na salita?

C. Pag-uugnay ng mga halimbawa sa bagong aralin

Ipakita sa mga mag-aaral ang larawan ng ibat-ibang pahayagan.

Tama, mga mukha ng iba’t ibang pahayagan.

D. Paglalahad ng bagong kasanayan

 Itanong:
Ano nga ba ang ibig sabihin ng pahayagan?
Ang pahayagan ay naglalarawan ng balita, impormasyon, at patalastas. Kadalasan itong
inilalathala ng araw-araw o lingguhan.
Marami tayong mga pahayagan. Nasusulat sa Ingles at Filipino. Iilan lamang ang pahayagang
gumagamit ng wikang gamit sa paaralan. Ang iba halu-halong Ingles at Filipino.

Sa pambungad na pahina makikita ang pinakaulo ng mga balita. Ano ang ulo ng balita sa diyaryong nasa
sinundang
pahina? ____________________
Paano ito nasusulat? Maliliit o malalaking titik? Ano ang nakikita ninyo sa mga pahayagan? Ano ang
pangalan ng pahayagan? Ilarawan ang logo ng pahayagan. Kailan ang araw at petsa ng pagkakalabas
nito? Nakalagay ba ang halaga ng bawat sipi? Magkano? Paano mo mahahanap ang karugtong ng mga
balita sa pamukhang pahina?
Pahapyaw na tignan ang mga pahina ng pahayagan

Talakayin ang iba’t ibang bahagi ng pahayagan sa pamamagitan ng Powerpoint at pagpapakita din ng
larawan ng bawat bahagi,
1.Pamukhang pahina - makikita rito ang pangalan ng pahayagan at ang mga pangunahin o
mahahalagang balita
2.Editorial/Pangulong Tudling – sa pahinang ito mababasa ang kuru-kuro o puna na isinulat ng patnugot
hinggil sa isang napapanahong paksa o isyu
3.Balitang Pandaigdig – mababasa sa pahinang ito ang mga balitang nagaganap sa iba’t ibang bahagi ng
mundo
4.Balitang Pambansa – naglalaman ito ng mga balita tungkol sa mga pangyayari o mga proyekto sa iba’t
ibang dako ng bansa
5.Pahina ng Lathalain – mababasa rito ang iba’t ibang artikulo ng iba’t ibang manunulat
a. Panlibangan – tungkol sa horoscope, palaisipan (Cross word puzzle), komiks at mga palabas sa
sine
b.Pang-artista – mga balita tungkol sa mga artista
c. Pampalakasan – tungkol sa iba’t ibang sports, mga nanalo/kampeon sa larangan ng sports
d.Pangkabuhayan – mga balita tungkol sa negosyo, mga halaga ng palitan ng pera, mga proyektong
pangkabuhayan at mga bagong imbensyon
e. Anunsyo Klasipikado - mga patalastas para sa iba’t ibang uri ng hanapbuhay, bahay, lupa,
sasakyan at iba pang kagamitang ipinagbibili
f. Obitwaryo – ang pahinang ito ay anunsyo para sa mga taong namatay na. Nakasaad dito kung saan
nakaburol at kung kailan ililibing ang namatay
Unawain ang ating binasa at sagutin natin ang mga tanong ukol dito. (English- Achieve literacy
and accuracy)

E. Pagtalakay ng Bagong Konsepto

Pangkatang Gawain:
Pangkatin ng tatlo ang mga mag-aaral. Ibigay ang kanilang gawain.
Mga mag-aaral, lagi nating isaisip ang mga pamantayan sa paggawa ng pangkatang gawain.
Basahin at unawain ang direksiyon, aktibong tumulong sa gawain at tapusin sa loob ng limang minuto.
(Math Integration-Apply the concepts of time)
Unang Pangkat:Kilalanin Mo
Kilalanin kung anong bahagi ng pahayagan ang ipinakikita. Isulat ang inyong sagot sa ibaba kung
anong bahagi ng pahayagan ito.

_____________ _________ ___________ _____________ ____________

 Ikalawang Pangkat: Gupit Ko, Dikit Ko
Mula sa dyaryo na ibinigay ng guro, gumupit ng mga halimbawa ng pahayagan at idikit ito sa manila
paper. Bawat idinikit ng pangkat, lagyan ito ng ngalan ng bahagi ng pahayagan

Ikatlong Pangkat: I Believe mula sa Showtime

Mamili ng halimbawa ng 5 bahagi ng pahayagan na ibinigay ng guro. Gupitin ito. Sabihin kung anong
bahagi ng pahayagan ang tinutukoy at ano ang gamit nito
Halimbawa – I believe ito ay mga balita tungkol sa mga artista. I believe ito ang kanyang larawan. I
believe ito ay Balitang Pang-artista……. And I Thank You
1. Pamukhan pahina
2. Editoryal/Pangulong Tudling
3. Balitang Pandaigdig
4. Balitang Pambansa
5. Mga Lathalain
Pagtatanghal ng Awtput ng bawat Pangkat

F. Paglinang ng Kabihasnan (Formative Test thru Interactive Quiz)

Kilalanin kung anong bahagi ng pahayagan ang tinutukoy

G. Paglalapat ng aralin sa pang-araw araw na buhay

(ESP Integration)
Ano ang kahalagahan ng pahayagan?
Pagbibigay ng wastong impormasyon tungkol sa ating bansa at sa buong daigdig.
Karapatan natin bilang isang mamamayan na alamin ang mga kaganapan ng ating kapaligiran
H. Paglalahat sa aralin
Itanong
1. Ano ang pahayagan?
2. Anu-no ang mga bahagi ng pahayagan?
3. Bakit mahalaga na nagbabasa ng dyaryo ang isang mag-aaral na tulad nyo?
4. Kung ikaw ay magbabasa ng dyaryo, anong bahagi ng pahayagan ang babasahin mo? Bakit?

I. Pagtataya sa Aralin
A. Basahin ang mga sumusunod. Bilugan ang titik ng bahagi ng pahayagan na tinutukoy ng bawat
sitwasyon
1. Wala kang trabaho. Aling bahagi ng pahayagan ang titingnan mo?
a. Palaisipan b. Kolum ng mambabasa c. Anunsyo Klasipikado d.
Editoryal
2. Ibig mong alamin ang pananaw o pakahulugan ng publisher o palimbagan sa isyu tungkol sa unang
100 araw
ng Presidente.Alin sa mga sumusunod ang sasangguniin mo?
a. Pampalakasan b. Kolum ng isang manunulat
c. Editoryal o pangulong tudling d. Balitang Pandaigdig
3. Ibig mong malaman ang opinion ng isang indibidwal sa isyu tungkol sa brown-out. Alin dito ang
babasahin mo?
a. Kolum ng isang manunulat b. Balitang Pandaigdig
c. Pahinang Pampalakasan d. Editoryal
4. Aling bahagi ng pahayagan ang gagamitin mo upang maaliw?
a. Balitang Pampamayanan b. Panlibangan
c. Pangunahing balita d. Anunsyo Klasipikado
5. Pinakahuling balita tungkol sa paboritong laro ang mababasa sa bahaging ito. Aling pahina ito?
a. Pang-artista b. Anunsyo Klasipikado c. Pampalakasan d. Balitang
Pandaigdig

B. Sabihin ang mababasa sa sumusunod na mga bahagi ng pahayagan

1. Editoryal __________________________________ 4. Panlibangan
_______________________________
___________________________________
__________________________________
 __________________________________
__________________________________
2. Anunsyo Klasipikado ________________________ 5. Pang-artista
_____________________________
__________________________________
__________________________________
__________________________________
__________________________________
3. Balitang Pandaigdig_________________________
__________________________________
__________________________________

J. Karagdagang Gawain para sa takdang aralin at remediation

Gumupit ng mga bahagi ng pahayagan. Idikit sa bond paper at isulat kung anong bahagi ang mga ito.

Inihanda ni: