Pamahiin sa Patay:Katutubong

Konsepto
Posted on March 18, 2016 by belieforbelieve
https://belieforbelievecom.wordpress.com/2016/03/18/%EF%BB%BF%EF%BB%BFpamahiin-sa-
pataykatutubong-konsepto/

Kamakailan lamang, nagtungo kaming magkakaibigan sa lamay ng aming kamag-aral. Aking

naobserbahan ang mga pamahiin ng mga matatanda tungkol sa lamay at sa libing.

Batid ko naman na walang masama kung ating susundin ang mga pamahiin subalit ang
nakakapagtaka lamang na kung bakit hindi magawang maipaliwanag kung bakit ito dapat gawin
at sundin.

Ito ang mga listahan ng mga pamahiin na aking napag tuunan ng pansin (Ang iba rito ay hindi ko
na obserbahan pa sa lamay na aking napuntahan subalit itulot nyo na ito ay aking mabanggit sa
bahaging ito.)

Pamahiin kapag may Patay;

1. Maglagay ng sisiw sa kabaong kapag ang yumao ay namatay sa krimen – Para raw makonsensya
ang may sala. Hindi sila patatahimikin ng huni ng sisiw.
 Kung ito’y ituturing na makatotohanan, siguro marami ng sumukong kriminal. ( O marahil
sadyang sanay nalamang ang ang iyon sa huni ng sisiw. xD)

2. Bawal magwalis kapag may lamay – naitataboy mo raw ang kaluluwa ng namatay at isinasama
mo sa kang ang kaluluwa ng kanyang mahal sa buhay.
 Paano kung sadyang makalat na ang lugar ng lamay? Bawal pa rin bang maglinis?

3. Bawal ihatid sa labas ang nakikiramay – malas daw talaga! Period!

 Sige! No Comment! xD

4. Bawal maligo sa bahay kung nasaan ang lamay – Malas daw.

 Oo nga naman, puyat na nga kayo kakabantay ng patay tapos maliligo pa kayo? Baka kayo ang
sumunod na paglamayan.

5. Bawal magsuklay ng buhok sa lamay – Malas nanaman.

 Ito lamang ang nakuha kong paliwanag mula sa kaibigan kong nagngangalang “google”, Paano
kung mukha ka na talagang bruha? Baka katakutan ka pa ng mga nakikiramay.

6. Bawal mag uwi ng pagkain na galing sa lamay – Malas daw.

 Napagtanto ko na, ipinagbawal nila ito dahil baka marami ng nag te-take out ng pagkain. May
dine-in na, may take out pa! San ka pa? xD

7. Bawal mag suot ng pula. – Ang kulay pula ay nangangahulugan na masaya kaya bawal itong
isuot habang nagluluksa.
 Oo nga naman. Dapat nating ipakita ang pakikiramay natin sa namatayan, maging sa kasuotan.

8. Bawal tumingin ang mga buntis sa kabaong., maging bago ito ilibing. – baka raw maisama sa
hukay ang bata na nasa sinapupunan.
 Sige na nga, minsan din naman nakakatakot kapag hindi sinunod.

9. Ihakbang sa ataul lahat ng mga bata na nasa libing (bago ilagay sa hukay) – para huwag daw
mapanaginipan at huwag dalawin ng multo ang bata.
 Paano kung bata naman ang namatay? Kailangan mo rin bang ihakbang ang mga matatanda sa
libing? Para hindi sila multuhin? xD

10. Magpalipad ng putting lobo sa oras ng libing – Para raw makarating agad sa langit ang yumaong
mahal sa buhay.
 Paano kung walang pambili ng lobo? Edi alam na kung saan papunta yan! xD

Minsan natatawa na lamang tayo sa mga pamahiing ito lalo na kung iisipin natin kung ano nga
ba ang tunay na katuturan at kung ano ang saysay bakit natin ito ginagawa, pero sabi nga nila
wala namang masama kung atin nga naman itong gagawin paminsan minsan, basta ang pinaka
mahalaga ay ligtas ang lahat.

Mahalaga ang Self-reflection upang magkaroon ng iba’t ibang uri ng kultura na maaari nating
mapag-aralan. Ang hindi pagkakaroon pag unawa na lahat ay mayroong kulturang kinakagisnan,
at ang kaalaman ng tao base sa kanilang sariling kultura ay kakaunti, magkakaroon tayo ng
posibilidad na mabawasan ang pag-aaral nang kultura sa pinaka umpisa ng lahat, ang
pagkakaroon ng listahan ng mga dapat at hindi dapat ay rigid at sa proseso ng stereotyping.

Ang self –reflection ay nagsisimula sa pagkakaroon natin ng kaalaman tungkol sa iba’t- ibang
dimensyon ng kultura at pag-aaral upang maipabatid at maipaalam ng pangkalahatan sa ating
sariling kultura. Ito ang pinaka basehan upang maikumpara ang pagkakaiba ng mga kultura at
maunawaan ng mabuti kung bakit tayo nakakatugon sa iba’t- ibang sitwasyon na ating ginagawa.
Kaya naman, tayo’y nakabuo tayo ng pagpapahalaga sa sarili (Self-esteem) at identidad
partikular na sa konteksto ng kultura. Samakatuwid, ang hindi pagkakaroon ng malinaw na
identidad ng kultura, makakaranas tayo ng pagkalito at paghihiwalay.

Iba’t ibang pamahiin at rason sa lamay at libing

Last updated Oct 22, 2018

20,714

https://tonite.abante.com.ph/ibat-ibang-pamahiin-at-rason-sa-lamay-at-libing.htm
Share

Bagama’t moderno na ang panahon natin ngayon ay marami pa ring naipamanang pamahiin ang mga
nakatatanda sa atin. At dahil nalalapit na ang Araw ng mga Patay ay narito ang ilan sa mga pamahiin
sa lamay at libing na hanggang ngayon ay bitbit pa rin natin.

Malas daw ang:

Magsuklay at maligo kung nasaan ang lamay.

Mag-uwi ng pagkain galing sa patay.

Ihatid sa labas ang nakikiramay.

Bawal magwalis dahil itinataboy mo raw ang kaluluwa ng namatay.

Pinapasuot ng rosaryo ang namatay pero pinapatid din ito at inaalis bago ilibing para raw wala nang
sumunod sa pamilya.

Bawal magpasalamat sa nakikiramay ang namatayan baka isipin daw ng iba na nagpapasalamat kang
namatayan ka.

Bawal magsuot ng pula dahil simbolo ito ng kasiyahan na kontra sa nagluluksa.

Wag hayaang matuluan ng luha ang kabaong dahil mahihirapan ang yumao sa paglakbay sa kabilang
buhay.

Lahat ng kaanak na bata ay inihahakbang sa ataul para di umano multuhin ng yumao.

Bawal lumingon sa pinagburulan sa oras ng libing dahil may susunod daw na mamamatay sa
pamilya.

Kailangang magpalipad ng puting lobo sa araw ng libing para maitaas rin sa langit ang lahat ng
request at makarating agad ang namatay sa langit.

Bawal sumilip sa kabaong ang buntis – maisasama raw sa hukay ang baby sa sinapupunan.

‘Magpagpag’ sa ibang lugar o huwag munang umuwi agad sa bahay kapag nakiramay para mailigaw
daw at hindi makasunod ang multo.

THURSDAY, AUGUST 07, 2014

Mga Pamahiin sa Lamay at Libing

http://fortunate-lady.blogspot.com/2014/08/mga-pamahiin-sa-lamay-at-libing.html
Maraming matatandang pamahiin na hanggang ngayon ay namamayani pa rin at isa na rito ay ang mga
pamahiin tungkol sa patay.

Ilang araw pa lang ang nakararaan ng umuwi ako sa aming probinsya upang makiramay sa aking kaibigan
na nawalan ng kanyang mahal sa buhay, at aking na obserbahan pa rin ang mga pamahiing ito.

Alam ko naman na walang masama sa pamahiin subalit ang nakakapagtataka lang (at medyo nakakatawa)
ay kung bakit hindi nila maipaliwanag kung bakit ito dapat gawin at sundin.

Ito ang mga listahan nga mga pamahiin na aking napag ukulan ng pansin mula pa sa aking
pagkabata.(Ang iba po dito ay hindi ko na obserbahan mga sa huling lamay na aking napuntahan subalit
itulot nyo na ito ay maisama ko sa aking pagbabahagi.)

Pamahiin Kapag May Patay

1 .Bawal magsuklay ng buhok sa lamay - Malas raw.

Ito lang ang nakuha ko na paliwanag. Paano pag mukha ka ng bruha? Baka ang mga nakikiramay na nag
matakot sayo. :-)

2. Bawal maligo sa bahay kung nasaan ang lamay - Malas raw.

Ito na naman ang dahilan .. Subalit ng ako ay magsaliksilk sa tulong ng aking kaibingang si google, baka
raw ang dahilan ay dahil puyat ang mga tao sa pagbabantay sa patay. Bawal maligo dahil puyat, baka sila
magkasakit at sumunod na mamatay.

3. Bawal magwalis - Dahil itinataboy mo raw ang kaluluwa ng namatay at isinasama mo sa kanya ang
kaluluwa ng kanyang mahal sa buhay.

Paano kung masyado ng marumi ang inyong bakuran? Bawal pa rin?

Makwento ko lang...Nagwalis ng bahay namin ang aking pinsan ng namatay ang aking ama at buhay pa
naman kaming lahat kahit mahigit sampung taon na ang nakakaraan.

4. Bawal matuluan ng luha ang patay at ang kabaong - Para raw hindi mahirapan ang namatay sa kanyang
paglalakbay sa kabilang buhay.

Pinagalitan ako ng tiyahin ko nuong bata pa ako ng dahil dito. Bawal daw. Pero hindi naman niya
ipinaliwanag kung bakit. Kaya kapag may patay dapat lagi ka may panyo para sigurado na sa panyo mo
lang mapupunta ang luha mo.

5. Maglagay ng sisiw sa kabaong kapag ang yumao ay namatay sa krimen - Para raw makunsenya ang
mga ay sala. Hindi sila patatahimikin ng huni ng mga sisiw.

Siguro kung totoo ito eh sana marami ng sumuko na kriminal. (O baka naman sanay na ang kriminal sa
huni ng sisiw :-) kaya hindi na sila nababagabag at nabubulabog.

6. Dapat bantayan 24/7 ang patay . Bawal matulog ang bantay - Dahil kapag natulog daw ang bangkay ay
darating ang aswang at papalitan ng katawan ng saging ang bangkay. Hindi mo raw malalaman na
napalitan ang bangkay sapagkat kamukha na ng bangkay ang puno ng saging na nakalagay sa ataul.
Subalit kapag idinaan mo ang bangkay sa bintana (ilalabas ng bahay pero sa bintana idadaan) ay
magbabagong anyo ito at magiging saging uli.

Hindi ko po ito kathang isip lamang. Dati kong kaopisina ang nagkwento nito sa akin.(ewan ko kung saan
naman nya nakuha ang kwento)

7. Huwag mag uuwi ng pagkain galing sa patay - Bawal daw.

Naisip ko lang, baka maraming nag te-take out kaya naisip nila na ipagbawal.. may dine-in na, may take
out pa :-).

8. Dapat may rosaryo sa kamay ng namatay. Pinapatid ang rosaryo at inaalis sa bangkay bago ito ilibing
- Para raw maputol na ang kamatayan at wala ng sumunod sa pamilya kaya pinuputol ang rosaryo.

Ilang tao ang napagtanungan ko bago may nakapagsabi ng dahilan kung bakit dapat putulin ang rosaryo.
Buti na lang alam ng taga punerarya ang sagot.

Pero tanong lang uli.. Di ba banal ang rosaryo para sa mga Katoliko? Bakit ito puputulin kung banal ito?
Ano ang gagawin nila sa rosaryo pagkatapos?

9. Bawal magpasalamat ang namatayan sa mga nakikiramay - Baka raw ang isipin ng ibang tao ay
nagpapasalamat ka dahil may namatay sa inyo.

Hindi ko medyo maintindihan ang lohika nito. Kung ikaw ang nakikiramay, bakit mo naman iisipin na
nagpapasalamat sila dahil namatay ang mahal nila sa buhay?
10. Bawal ihatid sa labas ang nakikiramay - Basta malas daw. Bawal. Period.

Paano kung madilim sa labas at gusto mo lang makasiguro na makakauwi sya ng ligtas?

11. Bawal mag suot ng pula. - Ang pula ay kulay ng kasiyahan kaya bawal itong soutin habang
nagluluksa.

Tama lang ito para sa akin. Dapat ipakita mo sa namatayan ang itong pakikiramay maging sa iyong
kasuotan.

12. Bawal bumalik ang mga tao na nakalabas na ng bahay kapag nailabas na ang bangkay (sa bahay).
Ibilin na lang sa mga nasa bahay pa ang bagay na naiwan. - Para raw wala ng sumunod na mamamatay sa
pamilya.

Pero paano kapag importanteng bagay ang naiwan at lahat ay nakalabas na sa bahay?

13. Bawal lumingon sa bahay na pinagburulan. - Deretso lang ang tingin ng lahat. May susunod daw na
mamamatay sa pamilya kapag may lumingon.

Hindi kaya sumakit ang leeg ng mga nakikiramay?

14. Dapat malinisang mabuti ang bahay na pinagburulan ng bangkay bago pa makauwi ang mga kamag
anak na nakipag libing. - Para raw matanggal lahat ng malas at mga masamang enerhiya na naiwan.

Tama lang, dahil bawal magwalis habang may patay kaya dapat linisin agad ang bahay.

15. Bawal tumingin sa yumao ang buntis.. bago ito ilibing (ilagay sa hukay) - Baka daw maisama sa
hukay ang bata na nasa sinapupunan.

Hmmmp. sige na nga. Nakakatakot ito pag hindi sinunod.

16. Magpalipad ng puting lobo sa oras ng libing - Para raw maitaas rin sa langit ang ating mga kahilingan
na makapaglakbay ng matiwasay ang ating yumaong mahal sa buhay at makating sya agad sa langit.

Bago ito para sa akin at iilang beses ko pa lang ito nakikita. Naisip ko, baka bagong pakulo ito ng burial
plan management. :-)

17. Ihakbang sa ataul lahat ng mga bata - Para huwag daw managinip ng masama at huwag multuhin ng
patay.

Pano kapag takot sa patay ang bata? Hindi kaya sila magka trauma?

18. Alisin lahat ng pardible na ginamit sa paglalagay ng pangalan. Iwan ito sa sementeryo. - Para raw
malaya at hindi na nakakabit dito sa mundo ang namatay.

Naiuwi ko sa bahay ang lahat ng pardible ng namatay ang aking ama. Biglang nanlaki ang mata ng aking
ina ng malaman ito at nagkaroon agad ng ritual sa loob ng aming tahanan. Bata pa ako nuon at hindi ko
alam na bawal pala. akala ko souvenir namin. :-)

19. Bawal iuwi sa bahay ang mga pagkaing dinala para sa miryenda ng mga nakipag libing. - Malas daw.
Ang sabi eh pagkain, kaya iniuwi ang sobrang inumin :-). Ipinatapon ng mga matatanda ang inumin ng
malaman nila ito bago pa maipasok muli sa bahay. Sayang.

20. Bawal dumiretso sa sariling bahay ang mga nakiramay - Para raw mailigaw ang mga multo na
sumusunod.

Nasa Maynila na ako ng malaman ko ito dahil sa probinsya namin eh diretso uwi kami. Wala naman
kaming nakita na sumunod na multo . :-).

21. Dapat maghanda ng maligamgan na tubig na may dahon ng bayabas na harapan ng bahay ng
namatayan. Dito maghuhugas ng kamay ang mga tao na sumama sa libing. - Para raw matanggal ang mga
malas.

Dalawang beses pa lang ako na nakakakita nito dahil hindi ito ginagawa sa aming probinsya kaya sa
tingin ko, ilang lugar lang ang gumagawa nito.

Minsan natatawa na lang tayo sa mga pamahiing ito lalo na kung iisipin natin kung ano ang tunay na
katuturan at kung ano ang saysay bakit natin ito ginagawa, pero sabi nga nila wala namang masama kung
gagawin mo, basta ang mahalaga ay ligtas ang lahat.

Posted by Sherlane at 10:58 AM

Email ThisBlogThis!Share to TwitterShare to FacebookShare to Pinterest
Labels: Pamahiin, Pamahiin sa Lamay, Pamahiin sa Patay