Pangalan: Johanna Caryl Catay Seksyon: 12-ABM POUNDS Agosto 08,2019

Review Paper

Teksto: Bakit ako Nagagalit sa Aking Sarili?: Mga Dahilan sa Pagkagalit sa Sarili at mga Paraan upang ito ay
Mapatawad
Akda ni: Ron R. Resurreccion
Department of Psychology
De La Salle University (DLSU), Manila

Sa ating buhay hindi talaga nating maiiwasan na sisihin ang sarili sa mga pangyayaring hindi
natin inaasahan, kapagkua’y hindi madali ang pagpapatawad sa sariling katangahan at kapabayaan. Ang
artikulong “Bakit ako Nagagalit sa Aking Sarili?; Mga Dahilan sa Pagkagalit sa Sarili at mga Paraan upang
ito ay Mapatawad na akda ni Ron R. Resurreccion sa taong 2015 ay isang anyong pananaliksik na
tumutukoy sa mga mahahalagang konsepto sa Sikolohiya na madalas aralin ng mga mananaliksik kagaya
ng galit bilang isang emosyon at ang pagpapatawad bilang isang coping mechanism. Tinalakay din nito
na kinakailangan ng karagdagang pag-aaral kung bakit ang mga tao ay nagagalit sa sarili at kung papaano
nila napapatawad ang sarili pagkatapos makagawa ng mga kamalian.

Ang teksto ay binubuo ng Abstrak, Metodo, Resulta, Pagtatalakay at Sanggunian, na siyang

kinakailangan sa paggawa ng isang saliksik. Ang unang parte ay kinabibilangan ng Abstrak kung saan
kinapapalooban ito ng mga layunin ng pag-aaral. Ipinahayag din dito ang katutubong metodong ginamit
na pagtatanong-tanong at ang mga naging resulta sa naturang pananaliksik. May dalawang bahagi ng
abstrak sa teksto, ang isa ay salin sa wikang Filipino habang ang isa ay nasa wikang Ingles na siyang mas
madaling intindihin at namnamin ng mga madla na hindi bihasa sa wikang Filipino o sa wikang Ingles.
Siniwalat din dito ang pagkakaiba sa sariling pagkagalit at ordinaryong pagkagalit na siyang may
pinagkaiba sa aspeto ng appraisal na kung tawagin ay ang agency, ito ay ang pag-alam kung sino o ano
ang may pananagutan sa nangyari? Naaayon ditto na ang tao ay nagagalit sa sarili kapag wala na siyang
masising iba.