Tinfas Nneɣ: Tasnebbit I Tinfas Tiqburin

Tinfas nneγ – Tasnebbit I Tinfas Tiqburin 2013
Tinfas nneɣ
Tasnebbit i Tinfas Tiqburin
Adrar Infusen
1
2
Tanemmirt i wamdukal d ameɣnas nneɣ di tmurt ifran g wadrar n infusen
Dda Saεid Cnib
Af yal tinfas yebbiten g ussan imzura s ussan nneɣ, tinfas neɣ tsisawin eqqiment
isuggasen ɣer tiwessarin timɣarin n wedrar d acal.
3
AGBUR
Tazrawt
Taddart n At-Ifran
Agemmay n Tmaziɣt
Iḍrisen n Tinfas Tiqburin
i. Tanfust- Lulja
ii. Tanfust- Iɣed n Tinnurt
iii. Tanfust- Jriba
iv. Tanfust- Weṣfeṭ n lεafyet
v. Tanfust- Ijruten
vi. Tanfust- Tmura n Girza
vii. Tanfust- Tafekrunt
viii. Tanfust- Uccen d Tili
ix. Tanfust- Tsisaw n Tamedrart
x. Tanfust- Azel u d yeusuc
xi. Tanfust- Tameddurt d Tamettant
xii. Tanfust- Am Jriba d Weltm-is
xiii. Tanfust- Agnaw d Tayya-nnes
xiv. Tanfust- Estu d Tiglella
4
“Guda s yuden… ettun ismawen nnsen
Lemmi ettun… iles nnsen” Sεid Sifaw
5
Tazrawt: Tasekla d Amezruy-nneɣ
6
Tasekla d Amezruy-nneɣ
Taɣerma nneɣ temmseṭc s tasekla nnes seg awal d tira. Tella tasekla di
tmektit n iwdan, tella di amyag nnsen ula tella di tmeddurt nnsen.
Tasekla taqdimt di adrar n infusen, ɣres amezruy yella di tarrat taqburt

(taqdimt) n tamseɣrit n ibaḍiyen, s ussan imɣaren n infusen, am derjini,
beɣṭuri, neɣ cummaxi. Kul iddjen yuri idlisen af amezruy neɣ tussna n ujjed
di tamseɣrit n ibaḍiyen.
S imegraden af tamseɣrit n ibaḍiyen yigit iddjen mmal-nas Motylinski di

amegrad addu izwel n «Bibliographe du Mzab», a tirmit s Motylinski
bac ad yebbi yal Adlesumuɣ af idlisen d arraten mmiren s iffasen n imɣaren
d imussnawen n ibaḍiyen, s At mmzab d infuean. S tira tiṭent yura
Professor J.Schacht guda n imagraden s tfransist, iddjen s imagrad-is
addu izwel n «Bibliotheque et manuscript abadites». Di yal imegraden
yutlay Motylinski d Professor J.Schacht af guda n iḍrisen s tutlayt n
tmaziɣt am isefra neɣ tamusni n imusnawen.
Nejjem ad nutlay d ɣernaɣ imdyaten am amɣar n ibaḍiyen mmalnes εamer

u cemmaxi, d amusnaw n ujjed s ifran di adrar n infusen, yewwa fellas
amɣar brahim sliman u cemmaxi di assuggass 1884 di adlis-nnes “iɣusar d
ibriden di idraren infusen”.
Di iddjen n usebter n wadlis yennad belli amaɣar ammi εamer u cemmaxi

lemmi yexs ad yessiwel d itetter in yakuc yemmal rebbi cek agellid
amuqran.
Imussnawen imezuwra urren idlisen n ujjed s awal umaziɣ s tira n isekkilen

maɣaribi. Dis imdyaten ad naf-it di imegrad s tutlayt tafransist am:
 Calassanti-Motylinski, G. A. de. 1905b. Le nom berbère de Dieu chez

les Abadhites. Revue africaine 49: 141-8.
 Calassanti-Motylinski, G. A. de. 1897. Dialogue et textes en berbere

de Djerba. Journal Asiatique 9/10: 377-401.
7
 Calassanti-Motylinski, G. A. de. 1885c. Les livres de la secte abadhite.

Algiers.
 Luigi Serra. 1964, “Su alcune costumanze dei Berberi Ibaditi di Zuara
(tripolitania)”, in Atti del Congresso di Studi Arabi e Islamici, Napoli,
pp. 623-632.
 Luigi Serra. 1971, “Gli uomini pii venerati daiBerberi Ibaditi di Zuara
(Tripolitania), in Studi Magrebini ,IV, Napoli, pp. 65-75.
8
Asebter s tarrayt n KITAB ELBARBARIYA – s tmaziɣt
9
Guda s imaziɣen di libya d yal llan di timurawen n tamazɣa nniḍen war

ssnen af ibaḍiyen d ajmuḍ nnsen, d imeqraren n tussna nnsen.
Aktwa adrar n infusen amagus isuggum mant as-yebra igezzam-nnes,

maca imir-a nettat tiremt nneɣ d ani nettat tiremt n tira d asufeɣ idles nneɣ
di timektit, turlli ad yeqqim ɣer nneɣ ukan idles nneɣ d amezruy nneɣ.
aḍris n asefru aqbur s tmaziɣt
Imir-a g ussan nneɣ ad nejjem ad nedwel in usuggass n 70, g tmurt Libya

ikan dis drus manten yura d yutlay af awal, amezruy d tmagit nneɣ tmaziɣt.
Dda Sifaw netta iddjen sisen mammu yuca guda in tasekla n tmaziɣt (dahet
entutlay af tamedyazt tartar).
S isefra nnes dda Sifaw ibedd zzat n acengu, zzat tanebaḍt tarubit, lemmi
sekkren amennuɣ in tmagit nneɣ di Libya, lemmi siwlen s isem tidmi n
tarabt-taneslemt di tamnaḍt tamazɣa.
Ass-a g tmura nneɣ Libya tasekla n tmaziɣt teqqim teffeɣ af asalas n tisekla
tiṭnin, am imdyazen nneɣ I tamseɣrit tartar talɣa nnes “isefra ilelli”.
Mak yewwa dda sifaw g iddjen isefra nnes “idles nnwen “:
Suggmet neɣ eddut

D imal wid innan
Ad-yawi tafsut
D a yekkes amwan
10
Amnay n tanfust
Ajetcca ad-diban
Idles nnwen arut
Idles nnwen kan
***
S fus: Maziɣ Buzaxxar
11
TINFAS, awal anmek-nnes Bunadem
12
TINFAS, awal anmek-nnes Bunadem
Tsisaw tmilaw bazin yeḥlaw dis tgerwaw …
… wusiɣed s isen s ṭiṭ-inu mi eẓẓriɣten
Tawalin timezwura d tawalin tineggura g yal tinfas, ula amsutef in wawal g

amadal n tinfas tasekla tečur af selṭan, tislit d isli, af meddan d tergu d
imudren. Awal aqbur n yudan nneɣ macci ass-a d waṣṣenaṭ, iyyuren, d
isuggasen ula awal aqdim guda lemmi bunadem yella af udem n acal,
yeddu ansi d yiga tafessɣa-nnes azal n tikkli:
S amkan ayed ellan guda s mammu ifat s yah, macci neččin imzura enfat s
yah.1
Ass yemmlu dda Sεid Sifaw2 g iǧet n idlisen di isebtar-nnes af adelsan n

wagdud neɣ iɣerfan. Temktit-nsen tella d yemmengec g awal-nsen. Ula
awal ayed iṭenneṭ am fad n bunadem s amkan in amkan, ansi d alemmi ay
bedd sah yekker d yemmet.
1
Tawlaft addu aḍris yemmaɣwa s adlis –Les Images Rupestres du Sahara- yuritt Alfred Muzzolini 1995.
2
http://www.mondeberbere.com/poesie/sifaw/sifaw.htm
13
Tinfas (ɣen Timucuha) tid wel uriɣ, ula nettat s tira win amaru3, is tinfas
ɣres Ameskar4?5
Manten yemmet d mammu yedder neɣ yeqqim g tira d tsisawt n umezruy.

Sah yutlay bunadem af iman-nnes d temddurt-nnes ula af azal n tilawt6-
nnes.
Guda d medden
ettun ismawen-nsen
Ula id ettun
Awal-nsen.7
***
Yella anmezray anglizi emmal-nnes HUBEL8 yenna: bac texxsed ad

tekksed agdud s amezruy, bedda s ad terrẓed temktit-nsen, d errni ekkes
idlisen-nnes d adelsan-nnes d amezruy-nnes. May wayeḍ ad yariyas adlis d
adelsan iḍen, d ad yexeddmas amezruy iḍen. Sah ad yettu agdud mammu
nettnin ula macci ad ettunet amdal.
U xeldun9 di adlis-nnes af imaziɣen yenna g wawal-is: law nufa i nura kul

tasekla (awal af tinfas) n tmaziɣt sih ad neččur Timkarḍit n yidlisen.
Dis ellan guda s idlisen af tasekla n tmaziɣt di Libya, dis manten yurri fellas,
neɣ yebbi tinfas tiqdimin s. Emmiteɣ adlis ufiɣt di timkarḍit i ammas n
tizrawin d tiɣriwin umezruy, yuritt adlis uǧun aṭelyani emmal-nes
Francesco Beguinot10, yiga adlis af tutlayt n tmaziɣt di idraren n infusen
g tamnaḍt At-fessaṭu d tazrawt-nnes af tanatla-nsen. G adlis ayed
yemmeber kra n tinfas tiqdimin s iles meddan.
3
Amaru(sing. - Tam. Tatrart)= Writer
4
Ameskar(sing. - Tam. Tatrart)= Author
5
Aḍris yemmaxwa s asebter n - http://www.libyanet.com/sifao921.htm
6
Tilawt(sing. - Tam. Tatrart) = reality
7
Asefru n Sεid Sifaw s taεrebt di Tamedyazt-nnes
8
‫" يقول المؤرخ البريطاني هوبل‬
9
Adlis U xeldun af amezruy n imaziɣen di tamazɣa “
10
Beguinot, Francesco. 1931a. Il berbere Nefusi di Fassato. Rome.
14
Yal tizrawin11 talsasnet12 tutlay af tinfas belli tella tasekla n tinfas di tmektit
n yuden, tella di amyag-nsen ula tella di tmeddurt-nsen, ɣres tilawt taqburt
alemmi bunadem yeffeɣ af asayas n dunnit.
Tinfas ad naf g talɣa n Atlay13 d ides talɣa n tasekla. Amezruy n tinfas

yewεar ad nessugur mak abrid-nnes yeffeɣ, ula matta yella ɣernaɣ yeqqim
s talɣa n tasekla. Tammunt i taxudma n tasekla ad yettuc a summel belli
tinfas ellan ag agim n isuggasen14.
11
Tizrawin(plural. - Tam. Tatrart)= Researches
12
Talsasnet(sing. - Tam. Tatrart)= Anthropology
Atlay (sing. - Tam. Tatrart)= Oral
13
14
http://en.wikipedia.org/wiki/Folktales
15
S tizrawin tutlay af tinfas tiqburin (tiqdimin) s adrar-nneɣ Infusen, iǧen d

aṭelyani ɣres amegrad yeffeɣ di Amsudeɣ15 asuggas 1921, s iḍrisen yebbit s
imi n argaz emmal-nes εmar ben xalif s tamnaḍt jemmari. Aṭelyani ayed
isem-nnes Gennaro Buselli16 yiga amegrad-nnes di amsudeɣ n tizrawin
tifriqiyin, s iḍrisen ellan am tanfust tamɣart n tmussnit lalla Aẓil d wayeḍ
tinfas s adrar.
Amsudeɣ(sing. - Tam. Tatrart)= scientific journals

15
16
Gennaro Buselli, "Testi berberi del Gebel Nefusa", Africa italiana 50 (1921),
16
Asebter n Wikipedia17 di amegrad af tinfas d awal timucuha dis aḍris

yutlay af adelsan n atlay di Afriqya:
“Tadelsant tatlayt n tafriqit ɣres d tečur s ansay18 n tinfas. ɣersen agim n

isuggasen meddan s yal leεmar di afriqiya welyuc d sdiwen19 iden Agama, s
Imghi, imudren, d tiskiwin20 n wakal am isafen, idraren, d tawliwin…”
S fus: Maziɣ Buzaxxar
17
http://en.wikipedia.org/wiki/Fable
18
Ansay(sing. - Tam. Tatrart)= heritage
19
Sdiwen(sing. - Tam. Tatrart)= dialogue
20
Tiskiwin(Plural. - Tam. Tatrart)= structure
17
Agemmay n Tmaziɣt
18
Agemmay n Tmaziɣt
Tiɣri ----- Tiɣra
Isekkilen elli sis-sen tselɣen tawalt mmal-nas Tiɣra , g tmaziɣt dis akuz n isekkilen.
Meqqer-
Asekkil Isem-nnes ‫ امازيغي‬-‫العربية‬ Amedya
Meccek
A A Aɣra Aɣra A-a ‫أ‬ Amaziɣ
I I Iɣri Iɣri I-i ‫إ–ئ‬ Idles
U U Uɣru Uɣru U-u ‫ُأ – ؤ‬ ul
Asekkil elli imesli-nnes yefsus ansi ulac lḥess, emmal-nas d Ilem, d mi ɣres am netta g
tεrabt.
E E Ilem Ilem E-e - Ekker
Targalt ----- Tirgalin
Tirgalin mmẓun-ent in (3) taggayin elli netninat :-
Meqqer-
Meccek
B B Yab Yab B-b ‫ب‬ Bugel
C C Yac Yac C-c ‫ش‬ Acal
D D Yad Yad D-d ‫د‬ Udem
F F Yaf Yaf F-f ‫ف‬ Fus
G G Yag Yag G-g ‫گ‬ Agu
19
v  Yav Yaɣ -ɣ ‫غ‬ Aɣrum
H H Yah Yah H-h ‫هـ‬ Ahil
J J Yaj Yaj J-j ‫ج‬ Jujef
K K Yak Yak K-k ‫ك‬ Kamur
L L Yal Yal L-l ‫ل‬ Ilel
M M Yam Yam M-m ‫م‬ Amur
N N Yan Yan N-n ‫ن‬ Anu
Q Q Yaq Yaq Q-q ‫ق‬ Agerdac
R R Yar Yar R-r ‫ر‬ Yur
S S Yas Yas S-s ‫س‬ Asirem
T T Yat Yat T-t ‫ت‬ Tirit
W W Yaw Yaw W-w ‫و‬ Azgen-ɣri
X X Yax Yax X-x ‫خ‬ Ixef
Y Y Yay Yay Y-y ‫ي‬ Azgen-ɣri
Z Z Yaz Yaz Z-z ‫ز‬ Zaw
Asekkil s imesli yeẓẓay mmal-nas uffay, elli netnin :-
Meqqer-
Meccek
ç Ẓ Yaç Yaẓ Ẓ-ẓ ‫ مفخم‬-‫ز‬ Iẓi
Ä Ḍ Yaä Yaḍ Ḍ-ḍ ‫ مفخم‬-‫د‬ ḍar
Ï Ṭ Yaï Yaṭ Ṭ- ṭ ‫ مفخم‬-‫ت‬ ṭiṭ
Ã Ṣ Yaã Yaṣ Ṣ-ṣ ‫ مفخم‬-‫س‬ ṣari
20
Dis isekkilen mi d ineṣliyen g tutlayt n tmaziɣt, maca s tazrirt n tutlayt Tarabt , d mmal-
nasen ankaran, elli netnin:-
Meqqer-
Meccek
o Σ Yao Yaε Σ-ε ‫ع‬ Σudi
P Ḥ yaP Yaḥ Ḥ-ḥ ‫ح‬ Maḥuḍ
S fus: Madɣis Buzaxxar
21
Taddart n At-Ifran
22
O
Iḍrisen n Tinfas Tiqburin
23
Tnafust I: Lulja
24
Lulja (Loulja)
Dis tameṭṭut mi tedder-nas inaεnac dis tawessart ḍebber fellas tewwa-yas ugur eč seg
ijimi n tergu atiged inaεnac, tiga sah tugur ass seg ussan tutef il ijimi n tergu u teqqim
tet sis tused tergu tkerblet w tḥarmlet taf dis jurreṭ txemmem ass u tugur tneṭṭel iman-
nnes g tkatert n ijimi u teǧa tamezdayt-nnes il berra, tused tameṭṭut din yateč ammek
ussan li faten tufa tamezdayt f udem n tamurt ṭebbes fellas yatexwa tekker ides tergu,
tugged tameṭṭut tewwa-yas tergu εlac tetted seg ijimi-inu tewwa-yas tameṭṭut uwwani-
yed eč seg ijimi n tergu amedren iɣciren, tewwa-yas bah lemkenti kan tewwid-ed tbucilt
yatucti-yed ukan d abucil awit čem, tewwa-yas tameṭṭut bahi. Berra berra baεd cuhur
turu tameṭṭut din, yaḥenna tewwid tbucilt u tekkber u teqqim tirar iden inaεnac g uɣlad
tasas-ed tawessart tmerrej dis g tameǧit-nnes u temmalas emnas il yaǧ-nnem tewwa-
yem tameṭṭut tawalt elli jara-neɣ ɣen tettud cwayya.
Ass seg ussan yaǧ-nnes tedras g tiguṭayeṭ-nnes tufa tameǧit-nnes temmri tazuggaɣt
tewwa-yas seg matta tameǧit-nnem i lulja, tewwa-yas il yaǧ-nnes dis tawessart tasi-yed
g uɣlad u teṭṭef g di seg tameǧit-inu u temmali-yed emmlas il yaǧ-nnem tawalt elli
jaraneɣ, d neč tettuɣ. Yaǧ n lulja tukez d matta w elli nettat tergu cwayya tewwa-yas
yaǧ-nnes lemmi amtas tawessart ugur ides, u tugur lulja tirar g uɣlad tusased tawessart
din tesseqed ides d yaǧ-nnes teqqim tneffek may tewweṭ tergu ɣasru-nnes tḥuṭ lulja g
tiqsebt bac maεač atyaweṭ ḥad u teqqim tergu tserraḥ tawid il tbucilt g weysum n leɣzal
w tawid il iman-nnes aysum n bnadem, may atrewwaḥ tergu tsawal f tbucilt temmalas
(a lulja aẓliyeḍ tiguṭayeṭ-nnem bac amaliɣ) teẓlas zaw-nnes maɣer d azegrar iṭugu g
tamurt tecbubuṭ dis u taliyas tucas il tbucilt aysum n izerzar d nettat tet aysum n
bnadem.
Berra berra lulja ɣres emmis n εammis yekber yeqqim yemmalasen il yudan-nnes mani
ellis aεammi, cwayya uwwanas mak iṣar yiga sah ass yuli f tagmart-nnes u yugur
yessugur f ellis aεammis yugur yugur len tukezt ellis aεammis tessiwal fellas yukezt
25
yugur iteqqa tagmart-nnes g usuf u teẓlas lulja tiguṭayeṭ-nnes ikerrec dis u yuli u
tselɣest addu tẓiwa, tused tergu teẓlas zaw-nnes tuli ides tewwa-yas manten yusamed
eqqim aysum n bnadem itayzag g taydurt u yemmal (bek bek aṭu n bnadem addu tẓiwa
itetbaεbek) itera fellas aysum n izerzar u yemmalas susem, temmalas tergu matta
emmalen temmalas lulja sin mi malen cra, cwayya tergu tekker turas tizeqwin-nnes u
tesseknas-tent maɣer tiga tsa f tbucilt u mak yatig mak yatig lulja bac aṭeffeɣ tergu
tewwa-yas neč fudeɣ exseɣ aman u tucas lkeskas il tergu yattawi dis aman u tugur
tergu d lulja tused il tiɣawsiwin n taddart teḥnaten tidni-lεalet-uzeṭṭa-ajelwal-tasirt tettu
ṣaṭer n tasirt mi teḥnat, u tewwi seg tiɣawsiwin n tergu u tiga sah ehwan seg tiqsebt
nettat d emmis aεammis, wulen f tagmart-nsen u rulen, cwayya ṣaṭer din iraḥ d agzin
yeqqim yemmalas il tergu čem li yattawid aman g lkeskas arahu tbucilt li ɣrem terwel,
tukezt tergu matta yemmal tugur tazzal g jurreṭ-nsen.
Nettat tazzal d netnin tazzalen s tagmart-nsen u teqqim lulja tluwaḥ g cra zat tergu
iteqqima d uzzu tetxebbel dis tergu, berra berra wetluwaḥ fellas cra iṭen itwella tala
waman tergu telleɣ d wegzin itelleɣ len asiyeq tugur tegniyas tadist-nnes s tifra n tizin
u tugur tergu may tbeṭermas, lulja tewwa-yas ucid zin-nnem wax cin-inu u tewwa-yas
atafed ilefsiwen tnuɣun emma-tentḥuzed atafed sen ijṭiṭen tnuɣun emma-tentḥuzed,
tazzalen tazzalen ufen sen ijṭiṭen d imeqraren ehwan atḥuzun disen cwayya iǧen sisen
ineggez f ubucil yeẓmeṭ, netnin εuddi zat taddart-nsen, uren taddart uf-ent g imi, mi
ukzent maɣer tewwi cin n tergu ɣell-ent timettert u wanas amnig atferfeced il iyaẓiṭen w
tserḥed iɣyal tewwa-yas bahi u teqqim din ɣersen yeqqim ajṭiṭ din li yeẓmeṭ emmis n
εammis itasased g ḍegiṭ iṭefṭa idis-nnes u yemmalas (matta ḥalnnem a lulja) temmalas
aktwa (tferfecaɣ il iyaẓiṭen userḥaɣ g iɣyal utessuɣ g ibḍaren utadneɣ g tbardiwin,
asefa) dis taya din ass seg ussan teslit tugur tewwa-yas il bab n taddart, yugur il tbucilt
tewwa-yas li yella, cwayya iṭ seg iṭan yewwid tẓiwa n tamamt wiḥuṭiṭ may itased ajṭiṭ, u
yeteqqa din len yused ajṭiṭ wifṭa g tẓiwa din yeeṣel g tamamt yeṭṭefṭ yefṣeṭ, yuras
tadist-nnes yefɣeḍ memmis u yulayes il lulja zin-nnes u senjefenten… wusiɣed sisen s
ṭiṭ-inu mi eẓẓriɣten.
26
Tnafust II: Iɣed n Tinnurt
27
Iɣed n Tinnurt (Ash of Hearth)
Dis tlata n tibucilin, yaǧ-n-sent temmut d bab-n-sent yugur yuɣa tameṭṭut iṭen. Sent sis-
net tidusay-n-sent timeqqrarin, welli at-ḥuṭ tameṭṭut n bab-n-sent xugga-net, d aysum
d waɣi tini, mi teǧa-net cra d nettat mi texsit-ent cwayya tameṭṭut n bab-n-sent, teffid
sis-ent, mammek yattig. Tewwa-yas il uterras-nnes (bab-n-sent) neč ɣen yess-ik g
taddart ayed. Yewwa-yas mak ayed d yessi, u mant ɣer-s-ent kan neč u tinaεnec.
Tewwa-yas neč uwwi-ɣak neč ɣen netentin g taddart u ček waza.
U teqqim ass ukkul nettat tnegrez fella-s u tusa-sed tewwayas neč ad debraɣ fella-k,
barra awit-ent i dek u serraḥ-t-ent g ṣuṭ u teǧi-t-ent u trewled fella-s-ent. U may teqqim
sah tenugu fella-s, yiga sah ass seg ussan yewwa-yas-ent il yess-is ad uguru-net idi d
anesraḥ u d ad nawi isɣaren u may usned d aguren tbucilt taneεnuct tukez belli bab-n-
sent yexs ya-tent yesraḥ tugur tečur akemus n iɣed seg ufirnu u teḥrezt g uceklul-nnes
wegen sah saqdent netentin d bab-n-sent, u may eṭfen abrid teqqim tserser g iɣed seg
ukemus din g webrid weqqimen eggurun eggurun len uḥl-ent tibucilin u may uṭen g ṣuṭ
yiga iman-nnes bab-n-sent itebbi g isɣaren wetfalleq. Netentin eqqim-ent len idaras-ent
iṭeṣ u yugur bab-n-sent yestutel u yerwel u yeǧit-ent din u may yewweṭ taddart-nnes
yewwa-yas il tameṭṭut-nnes mak yegg-a g yess-is, tiga sah teẓger u tuwwa-yas ɣersa-
naɣ aserduk, u iɣers-as aserduk.
Tibucilin may ekkrent mi uf-ent ukz-ent belli bab-n-sent yerwel fella-sent u maεadc
yexsi-tent weqqim-ent tnefk-ent tewwa-yas-ent weltmat-sent tanaεnuct at-gedmeč
nejjem anaweṭ taddart-nneɣ neč serseraɣ iɣed g webrid li nu-sed sis wig-ent sah
seqdent in webrid din uẓerr-ent g jurret n iɣed len uṭenṭ taddart. Utf-ent il jaj mi
ẓrentent d ass–nnes bab-n-sent iɣerres aserduk wegen sis amekli wetṭaba g taydurt u
wint sis taysumt (ṭarf ṭarf) u may tu-sed tameṭṭut n bab-n-sent yateẓer taydurt tufa
aysum mi yella, tugur il uterras-nnes tiga dis ass u tigas derglet tewwa-yas ček
teskerku-sed fella yessi-k ellant u mi tserreḥt-ent yewwa-yas čem matta temmaled neč
28
ǧiɣ-tent g ṣuṭ, tagura neǧ-ewwus u mi d ad nejjm-ent ad rawḥan ted u may yekker

yufi-tent ellant. Berra berra teqqim tameṭṭut-nnes ass ukkul tnegrez fella-s u tewwa-yas
madunc at-en-tawed at-en-tserḥed, yiga sah ass seg ussan yewwa-yas-ent il yess-is d
anugur il islan u jerut-inu wirṭemeṭ ilalen nekmet. U yewwi yess-is u yeugur weqqimen
egguren len ussned il wanu ṣaḍem u yugur yessuṭa dis taceltut tazuggaɣt g allaɣ n
wanu u yu-sed il yess-is yewwayas-ent mant ili seg d kemt texs bab-nes at-ehwa il
wanu at-itenzeɣ lkembusinu yuṭa din. Tehwa tameqrart u tewwa-yas a baba mi ufiɣt
lkembus-nnek. Welli at-tas d tahwa itekkes tlaba-nnes, u yewwa-yas čem mi tessned at-
sugred, u yewwa-yas yellis tawesṭiṭ.
U may tewweṭ allaɣ n wanu tesseggur mi tufa lkembus yewwa-yas čem am weltmam mi
tessned at-sugred u yewwa-yas-ent yelli tacetwit tessen at-taf lkembus, u yu-sed d at-
isahwa tiga sah tetmaṭa tilabiwen n setma-s tbaleṭneṭ g wanu u tewwa-yas a baba
essen-ɣak maεatec texseda-neɣ u tex-sed at-eftuk-ed seg d neɣ, u tiga sah tewwa
weqqim-ent din d netta irewwaḥ il taddart, weqqim-ent rebc-ent g wallaɣ n wanu, u
tett-ent g teɣuri u sess-ent g waman, berra berra sah len ass seg ussan tbucilt
tanaεnuct trebbec din len tufa xuǧin, tufa dis aran, teqqim tejjel g waran u teẓẓel il
setma-s, maɣer dis tergu tella din g walaɣ n anu, teẓẓaṭ g tasirt u may tergu teẓẓaṭ taf
aran li ateẓẓaṭ mi tafit, tewwa mak may yugur aran, tukez dis cra itet dis, mak yatig
tessezɣul amjar u may tessitef tbucilt fus-nnes yataxwa aran teqtet tergu ufus-nnes u
tewwa-yas (jens ɣen wens) tewwa-yas tbucilt (wens xer n bab-nem d yaǧ-nem) u
tewwa-yas tergu atfed amigaɣ d yelli, u tutef tbucilt id uxuǧin il tergu u teqqim ides u
teẓẓel il setma-s g uču seg uxuǧin mak mi teẓrit tergu weqqim-ent tett-ent u sess-ent.
Tergu tefraḥ sis u tessikn-as tizeqwin-nnes čurr-ent s lfujreṭ, tigergac, temẓin d waren
tiɣawsiwin guda uču d iraṭ u tewwa-yas i tbucilt čem igiɣam d yelli wayed li teẓẓrid g
tizeqwin i čem. Berra berra tbucilt ass seg ussan txemmem tewwa neč εlac mi neqɣet
tergu id al lemmi d aqqimaɣ ides sah-yayet u teqqim txemmem len tukez eḍbareṭ u
tewwa-yas il tergu neč xessaɣ aɣrum ufirnu u tergu teqqim texs tbucilt din guda u tugur
tečur firnu s isɣaren u tserɣit u yeqqim itbuwec u tugi ariti u teqqim tbaεbec tusa-sed
29
tbucilt s il deffer weteddufit g ammaṣ ufirnu tentleq dis lεafiyet temmut tergu d nettat
tugur il tizeqwin n tergu turit-ent u texwa tagermit n tigergac u terbac i dis n tinnurt g
wawal u tentleṭ din u tiga fella-s tatɣeɣṭ f imi-nnes maɣer tessen setma-s ṭebiεtn-sent
tameεfunt tidusay-n-sent timeqrarin u teffeɣ il setma-s u tsefɣas-ent ides uču diraṭ weč-
ent wessw-ent u sah weqqim-ent tegejm-ent fella-s wetgerj-ent dis u ṭeṣ-ent wewwa-
nat mak d at-ensema weltma-tneɣ wewwa-nat d at-ensema iɣed n tinnurt teqqim
tneffek u tewwa-yas-ent ḥinnaɣ gid-kemt u tucɣa-kemt tett-emt w tsess-emt d
kemmitin mi tigimt g di tasbiḥt.
Wugur-ent u want-as maεatc aqqimed i dis-ennaɣ čem qim g wawal, u teqqim din
tneffek i dis n tinnurt wettar g tegerrimt n tigergac, tett sis w teṭṭeṣ din d netentin tett-
ent u sess-ent wetgejm-ent fella-s. Berra berra ass seg ussan dis islan i dis n taddart id
n tirgu, sah setma-s timeqrarin ur-ent tizeqwin n tergu wirṭ-enṭ lfujreṭ d iraṭ mahnac u s
sekkr-ent iman-n-sent weseqd-ent il islan d weltma-sent tacetwit eǧǧ-ent-it mi eǧǧ-ent-
as atugur id-sent teqqim tεayeṭ u want-as kan tex-sed atugured čar taḥedduqt id s
imeṭṭawen u tasded. Mak yatig teǧǧit-ent seqd-ent u tiga sah tutef il tizeqwin n tergu
tireṭ iheḍrac d emḥililin d lfujreṭ u tufa trellik tireṭ wetsessekker iman-nnes u tesseqqed.
Tuṭ-enṭ il islan may tewweṭ teqqim tet-kettaḥ f yudan g idrimen wet-kettaḥ f setma-s g
iɣed, ig-ent sah tayaq-ent ufɣ-ent seg islan w mi ukz-ent weltma-tsent u may teẓriṭ-enṭ
effɣ-ent tiga sah teffeɣ deffer-sent seg webrid iṭen tazzal bac at-entzar il taddart, d
nettat g webrid tufa tanut n eṣṣulṭan afra-nnes d ameqqar yečur s waman tkahab
yatessu sis yeẓẓelfaṭ ṭar-nnes yuṭa trellik-nnes g wafra w mi tnejjem atenzeɣ u tugged
setma-s zar-ent f taddart, tugur tazzal u teǧǧa trellik-nnes din tazzal tazzal len tewweṭ
taddart n tergu u tufa setma-s welyuc mi uṭ-enṭ tekkes iraṭ din d lfujreṭ din u tu-sed
teqqim i dis n tinnurt g wawal u tiga iman-nnes teṭṭes u senta-sed sekr-ent-et w want-
as ass-a neẓra islan mahi d islan tewwa-yas-ent maɣer fellakmet teggemt g di sah d neč
d weltma-twen tanaεnuct w sečiɣa-kmet wenɣiɣ tergu f lxaṭer nekmet, u want-as qim
dah matta islanat li yasentugured weqqiment ṭeṣenṭ fella-s weggent dis guda.
30
Ass seg ussan yu-sed emmis n ṣulṭan d yesseswa tagmart-nnes g tanut li teǧa dis
trellik-nnes, cway tagmart teqqim tetεayaf mi tuba atesswa, yehwa il wafra din yufa g
amaṣ n waman trellik, yexwat u yewwa neč lal n trellik id lama at-aɣeɣ ayed li d ad
nejfaɣ sis.
Yugur il uɣasru-nnes u yiga aberraḥ yucas trellik din u yewwa-yas enneṭ g tmura u
sefɣiyed lal n trellik id, u yiga sah aberraḥ din yeqqim itenneṭ seg taddart il taddart u
yeṣṣaraṭ g trellik il tbucilt li atyaf welli astessireṭ mi ita-sed f uṭar-nnes len yessemda
innaṭ f tmura, cwayya dis iǧen yewwa-yas dis tibucilin lant g taddart n tergu, yugura-
sent aberraḥ efɣ-ent-as sent tibucilin timeqrarin d weltma-tsent tanaεnuct mi eǧnast
ateffeɣ, yessirṭaṣenṭ trellik mi yu-sed f iṭaren-n-sent, yu-sed mak d yesseqqed yessla
tbucilt tkuḥ yewwa-yas-ent ender mant id kemmet il jaj u want-as s tkerkas mi ɣernaɣ
iǧen il jaj d nettat mi teslit-ent tefɣa-sed tbucilt tanaεnuct u tewwa-yas ayed trellik-inu
u yessirṭaṣ trellik yu-sed f uṭar-nnes weqqim-net setma-s čat-ent u merj-ent dis yiga
sah yugur i tazzal d lemlahed il emmis n ṣulṭan u yewwa-yas ufiɣ lal n trellik yiga sah
yiga jeḥfet d lbaṣur d igmaren u yugur il tbucilt din li emmalen-tas setma-s iɣed n
tinnurt u tiga sah tseffeɣ li g tizeqwin din n tergu texwat mi tiǧa dis-ent cra il setma-s u
tugur id n emmis n ṣulṭan, d setma-s din eẓẓrent wemmunt s ulawen-n-sent w mi
nejjm-ent ad ig-ent cra d nettat yigas islan mahi d islan u yenjef sis u tedder ides g
uɣasru din, d setma-s din eqqim-net din tiẓawalin yenɣit-ent laẓ.
Ass seg ussan u want eǧǧa anugur il weltma-tneɣ din at-eneẓẓer balek at-iga g d neɣ
taṣbiḥt. Uf-ent-et trecci g uču s uɣenja teqqim trecci w tucas-ent li d ayeqqim f uɣenja u
temmalas-net tettumt li tigimt g di weqqim-ent tnefk-ent din ides-nnes w wantas
nečentin niga g dem guda samḥanaɣ wayed ukkul w etsameḥten… wusiɣed sisen s ṭiṭ-
inu mi eẓẓriɣten.
31
Tnafust III: Jriba
32
Jriba (Jriba)
Dis tbucilt emmal-nas jriba weltmas ugurent serḥ-ent d ad aw-ent isɣaren cwayya
netentin g iǧet seg tilaten iṭebeṣ anẓar ičata, tewwa-yas weltmas ased jriba arwaḥ, jriba
mi tuba atrewwaḥ ged ma tiga dis weltmas mi tuba cwayya tewwa-yas weltmas
amdwaiɣ uccen tiga iman-nnes mi tugged tugur weltmas tsawal f uccen tewwa-yas a
yuccen ased il jriba bac jriba atrewwaḥ yewwa-yas uccen mi xseɣ. Mak yatig tugur il
uɣerzul aslugi tewwa-yas ay aɣerzul aslugi ased eč uccen bac uccen ayeč jriba d jriba
atrewwaḥ, yewwa-yas aɣerzul mi xseɣ.
Mak yatig tugur il unejjar tewwa-yas ay anejjar uwet aɣerzul bac ayeč uccen d uccen
ayeč jriba d jriba atrewwaḥ, yewwa-yas anejjar mi xseɣ. Mak yatig tugur il lεafyet
tewwa-yas ay alεafyet qed cnabat anejjar bac anejjar ayuwet aɣerzul aslugi d aslugi
ayeč uccen d uccen ayebhez f jriba d jriba atrewwaḥ, tewwa-yas lεafyet mi xseɣ. Mak
yatig tugur il waman tewwa-yas ay aman ased sens lεafyet bac lεafyet ateqed cnabat
unejjar d unejjar ayuwet aɣerzul aslugi d aslugi ayedεes g jurreṭ uccen d uccen ayedεes
f jriba d jriba atrewwaḥ, uwwanas aman mi xseɣ. Mak yatig tugur il welɣam tewwa-yas
ay alɣam ased essu aman bac aman ad sensen timsi timsi ateqed cnabat unejjar d
unejjar ayuwet aɣerzul d aɣerzul aslugi ayedεes g jurreṭ uccen d uccen ayedεes f jriba d
jriba atrewwaḥ, yewwa-yas alɣam mi xseɣ.
Mak yatig tugur il tḥawit welɣam tewwa-yas a tḥawit ehwa f welɣam bac alɣam ayessu
aman d waman ad sensen timsi timsi ateqed cnabat unejjar d unejjar ayuwet aɣerzul d
aɣerzul aslugi ayedεes g jurreṭ uccen d uccen ayedεes f jriba d jriba atrewwaḥ, tewwa-
yas tḥawit mi xseɣ. Mak yatig tugur il ikteb tewwa-yas ikteb ehwa f tḥawit bac tḥawit
atehwa f welɣam bac welɣam ayessu aman d waman ad sensen timsi timsi ateqed
cnabat unejjar d unejjar ayuwet aɣerzul d aɣerzul aslugi ayedεes g jurreṭ uccen d uccen
ayedεes f jriba d jriba atrewwaḥ, yewwa-yas ikteb mi xseɣ.
33
Mak yatig tugur il tiɣrar tewwayas-ent a tiɣrar ehwamet f ikteb bac ikteb ayehwa f
tḥawit d tḥawit atehwa f welɣam d welɣam ayessu aman d waman ad sensen timsi timsi
ateqed cnabat unejjar d unejjar ayuwet aɣerzul d uɣerzul aslugi ayedεes g jurreṭ uccen
d uccen ayedεes f jriba d jriba atrewwaḥ, uwwantas tiɣrar mi nexes.
Mak yatig tugur il ugerdi tewwa-yas ay agerdi eč tiɣrar bac tiɣrar ad ahwant f ikteb d
ikteb ayehwa f tḥawit d tḥawit atehwa f welɣam d welɣam ayessu aman d waman ad
sensen timsi timsi ateqed cnabat unejjar d unejjar ayuwet aɣerzul d uɣerzul aslugi
ayedεes g jurreṭ uccen d uccen ayedεes f jriba d jriba atrewwaḥ, yewwa-yas agerdi mi
xseɣ. Mak yatig tugur il wemnic tewwa-yas ay amnic eč agerdi bac agerdi ayeč tiɣrar
tiɣrar ad ahwant f ikteb d ikteb ayehwa f tḥawit d tḥawit atehwa f welɣam d welɣam
ayessu aman d waman ad sensen timsi timsi ateqed cnabat unejjar d unejjar ayuwet
aɣerzul d uɣerzul aslugi ayedεes g jurreṭ uccen d uccen ayedεes f jriba d jriba
atrewwaḥ, yewwa-yas amnic mani yella agerdi w yekker amnic itazzal g jurreṭ ugerdi d
ugerdi yugur itazzal d ayeč tiɣrar tiɣrar ehwant f ikteb d ikteb yehwa f tḥawit tḥawit
tehwa f welɣam d welɣam yugur d ayessu aman d aman jelben f timsi timsi tugur
yateqed cnabat unejjar d unejjar iqqem itazzal d ayewwet aɣerzul d uɣerzul yedεes d
ayeč uccen d uccen yugur il jriba d jriba tugged trewwaḥ id n weltmas… u sah temda
tanfust.
34
Tnafust IV: Weṣfeṭ n lεafyet
35
Weṣfeṭ n lεafyet (Flame of fire)
Dis sabεa n tibucilin baben-sent d yaǧen-sent mi ellan weǧen-tent g taddart-nsen w

wana-sent attaremc il iǧen len ad nas, weǧna-sent uču tisi nsent d isγaren d weṣfeṭ n
lεafyet ireq weǧen id-sent tamnict d wegzin, uguren u seqd-ent weqsent taddart deffer-
sen, berra berra tibucilin din ellant g taddart u tett-ent u sess-ent u tirar-ent len ass seg
ussan tabbicilt taneεnuct tacetwit n setmas tirar g ammaṣ n taddart g ijdi, ender
mammek trebbec g ijdi tufa tawent tewwa mak d jaducaγ sis azgen il tamnict-nneγ.
Teqqim tsawal f tamnict becbec becbec ased ax azgen n tawent u ged ma tsiwel fellas
mi tuba atas teqqim tṣermeḍ din tiga sah tbucilt tewwa ayed tamnict mi texs, tugur
tbucilt teč tawent din u may tečit tusased tamnict tewwa-yas may tawent tewwa-yas
tbucilt čiγet tewwa-yas ḍebriḍ g tawent γen ad beẓṭeγ f weṣfeṭ wadenγeγ timsi tewwa-
yas tbucilt tawent čiγet u ged ma siwlaγ fellam mi tubid attased u mak yatenγed aṣfeṭ-
nneγ ireq u yaγenteǧed bla timsi w ayed enṭayeb fellas g uču-nneγ w f matta d
anrekkeb u d aγenyenγ laẓ u ged ma tiga g tamnict mi tuba u tugur il tinnurt u tebẓeṭ
weṣfeṭ u tsens timsi u tiǧiten sin.
Berra berra luẓenṭ tibucilin tewwa-yasent weltmatsent taneεnuct neč d aguraγ ad terraγ
lεafyet u tiga sah teffeγ u teqqim tugur tugur d wegzin tamnict uguren g jurreṭ-nnes len
tufa tawessart trekkeb g umekli-nnes, tugur ass tbed fellas u tewwa-yas a nanna ucid
aṣfeṭ n lεafyet Tewwa-yas tawessart amucaγ timsi laken d atyetuced iǧen seg iṭuṭan-
nnem tewwa-yas tbucilt bahi u tugur tentqas il tabbicilt ṭaṭ-nnes u tucas aṣfeṭ n lεafyet
w trawweḥ u teqqim ṭaṭ-nnes din abrid-nnes ukkul netta itsetta g idamen d wegzin-
nnes itelleγ disen maγer yukez tawessart din tergu tamnict tugur wetbeẓẓeṭ g webrid
texs tergu atakez abrid netnin egguren tergu din deffersen.
Teggur len tewwṭ tbucilt taddart-nsen tergu may tukez taddart trewwaḥ u tusasented g
ḍegeṭ weṭebbeṣ treẓ g imi n taddart n tibucilin len turit u tutef leγsent teqqim tsufuγ
36
dissent s iǧet wettet disent len tečitent teqqim tbucilt taneεnuct ender mak txawet
tergu u teffeγ terwel u tutef elγabet u teqqim tazzal tazzal u temmal (a taziri n baba d
dadda tewṭeḍ γen welyuc) u tugur sin tazzal len tufa γasru d ameqrar yemmir tutef
telγes dis u teḥrez iman-nnes, tefγeḍ taddart n eεli n elγul may yekker seg iṭeṣ icum aṭu
n emmis n adem g taddart-nnes din yewwa-yas effγed d mant ček fellak aman ellah g u
mezwar tugged mi tuba asteffeγ u baεdin tefγased yufit tbucilt yigit d yellis yeqqim
iserraḥ wettawiyased g weysum n tisekrin d yurẓaẓ d izerzar, wettucas tett u yesseknas
tizeqwin uγasru din kan tazeqqa iǧet yewwa-yas err elbal-nnem astugured γen atared.
Berra berra ass seg ussan tewwa tazeqqa ayed madunc d attareγ u d adeẓreγ matta
dis, ass seg ussan teǧit yeffeγ d yesraḥ u tugur tura tazeqqa li temmeqs tufa dis allun
tag sis maγer allun ayed itar f ijimi n ṣulṭan u tufa izmer din g ijimi yewwa-yas (aεica a
yellis n eεli elγul baba-nnem yessečay g dem wetquwa g dem u d ayenneṭ fellam u d
amyeč) u seg ass-nnes yeqqim may atyeẓẓer izmer din yemmalas g wawal ayed tiga
sah tugged atyeč u tenqet uču u tezqem u tensum u teqqim baba-nnes yeẓriṭ tecyan
yewwa-yas mak sah neč tawiγamed g weysum n tisekrin d yurẓaẓ d izerzar u mi eǧiγ
cra li mi u wiγamted čem tecyaned emmliyed mak sah matta yusamed bac atecyaned
tewwa-yas matta d akemlaγ uriγ imi n tazeqqa li tewwidiyed atareč u may kehbaγ seg
wallun ufiγ izmer ilberra g ijimi yeqqim yemmaliyed (aεica a yellis n eεli elγul baba-
nnem yessečay g dem wetquwa g dem u d ayenneṭ fellam u d amyeč) yewwa-yas
baba-nnes emnas (baba yad yesseč u yad iquwa u yad yuc il emmis n ṣulṭan ček izmer
d adečaγ aysum-nnek u d adessuγ aglim-nnek d ixef-nnek d atigaγ tisit u d adaγeγ
emmis n ṣulṭan) seg awal ayed n tbucilt li yeqqim isel dis izmer sis yeqqim izmer itecyan
yeẓriṭ emmis n ṣulṭan yewwa mak izmer ayed yella g ammaṣ n tiga u tucγas itet u mi
iteffeγ fellas yewwa muc sin ayed u yiga sah yeḥrez iman-nnes g ijimi len tused εica
yellis n eεli elγul tura allun wetkehab sis u yessla matta yemmalas izmer u matta
temmal nettat il izmer u may yeẓriṭ emmis n ṣulṭan tutef ul-nnes u yeqqim yexsit u
yewwit yenjef sis u sah tuγa emmis n ṣulṭan u tedder g uγasru-nnes ides…wusiɣed
sisen s ṭiṭ-inu mi eẓẓriɣten
37
Tnafust V: Ijruten
38
Ijruten (Companions)
Dis sen ijruten g tmura seg tmurawin, ass seg ussan uwwan d anugur d ansafer maγer
d atajren u may yuweṭ ass elli d aguren dis kul iǧen sis-sen yuwi idrimen-nnes u igen
sah seqden guren guren ussan id ubrid may usned g uzgen n webrid iǧen sis-sen tadist-
nnes tameqrart u yexs d ayenγ ajrut-nnes bac ayaker idrimen elli ides. Ass seg ussan
thaderzen yewwa-yas kan akenγeγ duggid g ṣuṭ id mant yessen fellaneγ γen d
aγenyeẓer, yerra fellas ajrut-nnes yewwa-yas dis rebbi iẓer g id-naγ d netta iγlit itgenter
fellas mi iγel d atineγ u yemmal g wawal id seg ul-nnes ass seg ussan ender mak ixawet
iwet yenγit u yexwa sis idrimen din elli γres u yeḥuṭiṭ g terẓi u yeǧit din u yesseqed
yessemda abrid-nnes u may yewwaṭ tmura elli d ayeqḍa sis u yuγa tiγawsiwin guda
yečur mahi tirkeft u may yessemda yesseqed d ayrewwaḥ id ubrid elli yused sis.
Yugur yugur len yused il may yenγa ajrut-nnes yessbed tirkeft din maγer yufa tasent
mahi tasent tefγeḍ seg terẓi din elli ilewwaḥ dis ajrut-nnes u yufit tečur s iεenqad n
tẓurin mi yeẓra am netnin d imeqraren guda ixemmem jar-as d iman-nnes u yewwa d
jaddaweγ aεenqud id ameqrar-nsen attucaγ il sulṭan n tmura. Id d cra d turfeṭ u d
asiẓer d cra d ameqrar u yiga sah yenqet wiḥuṭit g taklut u yesseqed yugur yugur ussan
len yewwaṭ il tmura-nnes yessbed tirkeft n ileγman zat taddart-nnes u yexwa taklut li
dis aεenqud din n tẓurin u yugur itazzal il uγasru n sulṭan bac d asetyucu.
May yutef yewwa-yas il sulṭan uwiγaked cra d aktucaγ mi teẓriḍ am netta g tmeddurt-
nek u yeẓlas taklut din mani ikehhab fellas sulṭan yufa dis ixef uterras yukez sulṭan bab
n ixef id u yessenten netta ides uguren d atajren yewwa-yas sulṭan id d ixef ujrut-nek
yewwa-yas yaweddi ayed d aεenqud n tẓurin u wiγakted may ikehhab ḥatta netta yufit
d ixef ujrut din-nnes li yenγit g ubrid, yigast rebbi aεenqud din d ixef ujrut-nnes yewwa-
yas sulṭan id d ixef ujrut-nek elli tugurem ček ides ček tenγit yega sah sulṭan iwet f iri-
nnes yenneqtas ixef-nnes am mak yiga il ujrut-nnes u sah elli yigit yufit. wusiɣed sisen s
ṭiṭ-inu mi eẓẓriɣten.
39
Tnafust VI: Tmura n Girza
40
Tmura n Girza (City of Girza)
Dis timura dis sulṭan emmal-nas girza, cwayya ass seg ussan itḍahwer yused il tanut d
aysesswa tagmart-nnes cwayya teqqim tettεayef u mi tuba atessu yesstuhel mak mi
tuba atessu d nettat yessent teffud yendah f wečiw seg ičiwen-nnes yewwa-yas ẓer afra
waman matta dis tagmart mi tuba atessu may yessitef ačiw-nnes fus-nnes g wamaṣ n
waman yufa disen tzawgit taẓeṭṭaft u tazegrart yenzeγted u yesseknast il bab-nnes
sulṭan may yeẓriṭ sulṭan tzawgit din tutef ul-nnes, lal-nnes u yewwa jar-as d iman-nnes
ayed lal n tzawgit id tezεam guda u yewwa-yasen uguret s ugertiyed g tmura f lal n
tzawgit id wayed nettat li d attaγeγ (d ad nejfeγ sis) d mant nettat aṭfeγ.
Wigen sah ičiwen din uguren qimen tenṭen g tmura din s taddart segguren f lal n
tzawgit id id tameṭṭut γen tbucilt elli atafen ẓerrent-nnes γen beda u may enṭen timura
din s taddart mi ufent lal n tzawgit teqqim kan yellis netta may usned ḥuṭen tzawgit f
uzaw-nnes tefγeḍ-nnes uguren tazzalen il sulṭan uwwanas ayed tzawgit n yelli-k, u
yuden γellen d aybeṭṭel may tefγeḍ n yellis, cwayya yeqqes ixef-nnes u yewwa-yasen
cay nettat d attaγeγ ged ma igen dis u jed-hent yuden-nnes d elli enṭen fellas.
Tameṭṭut-nnes yaǧ n tbucilt tewwa-yas mak yelli d ateqqim takna-inu ayed mi yexsit
rebbi γen bnadem, mi yuba aywella timdeffert u yewwa-yasen iget island d ameqrar
yexs d ayenjef s yellis wiṭebbeṣ island u ṭebbeṣen trekben d idar din f timsi, teṭṭaban,
tameṭṭut din-nnes treγγa sunfek u teqqim tzaza teggur wettased f yellis temmalas mak
ayelli d ateqqimed takna-inu n yaǧ-nnem, d yellis terra fellas temmalas qim ayemma
atwagdedc ayemma rebbi id-neγ u yella tameṭṭut din tḥaḥa u temmalas il yellis
mammek sah d yellis terra fellas atwagdedc ayemma rebbi id-neγ u yella u tewwa-yas
ayemma mi d ayṭab aysum len rebbi ayerḥam nettat tessemda tawalt-nnes d rebbi
yesxeṭ timura din s yudan elli dis wemmalen llan msaxṭen yudan g tmura emmalnas
girza elli ikerrez d elli imejjer weqqimen din sah al wass-a.
41
Tnafust VII: Tafekrunt
42
Tafekrunt (Tortoise)
Dis tafekrunt d guda n lḥiwanat iṭ-a baεd elli yewwet anẓar tlaqan ass seg ussan u
tlayamen wewwan d anugur d anekrez g jfareṭ g tajmut wigen sah wettan temẓin d
yirden wesseqden il tajmut egguren egguren len uṭen may usned din ṭebṣen kerzen
kerzen len temda sisen zerriεet u bedden igen sah qimen tutlayen jara-sen wemmalen
mant d ayugur d aγendyawi temẓin seg tmura n tennin sah tekker tafekrunt tutlay u
tewwa-yasen neč d agureγ awendawiγ temẓin uwwanas balek mi tatnejmed tewwa-
yasen d ad nejmaγ u tiga sah.
Barra barra qimen netnin seggumen dis aktwa yattas aktwa yattas wuguren ussan d
yaren d netnin seggumen len ifat elweqt n tirza u tutef fellasen tajrest netnin din u
teffeγ tajrest u yutef rabiε u εuddi d ayeffeγ wayṭab imendi elli kerz-ent netnin din
seggumen g taferkunt d asentawi temẓin seg tmura u may ẓren imendi-nsen iṭab tebṣen
mejjren dis. Ass seg ussan d netnin mejjren len tusasned tafekrunt tewwid temẓin.
43
Tnafust VIII: Uccen d Tili
44
Uccen d Tili (Wolf & Sheep)
Tsisaw tmilaw bazin yeḥlaw dis tgerwaw dis tili ɣres yelli teffeɣ tserraḥ sis in mani n
usef, I tebbint I tettunt di tiga u tali yusased uccen yemlas (a tili ifkiyed yelli-m at ičeɣ)
tekker tili temlas (aha yelli tuh meckunit d u tɣic acek-tecbaε akettu ɣri yelli tayeṭ
meqqaryet di segres kan teɣsett I kmas I čitet nit u tɣic a teffeɣ) yekker yekmu uccen
di segres tsekker ɣfes tili d taḥdeft di usef.
45
Tnafust IX: Tsisaw n Tamedrart
46
Tsisaw n Tamedrart
Dis tawessart ɣres idrimen yerxa d ɣres ṭarwa uğun u tali tebbit d tuɣased tameṭṭut,
tawessart ih tɣs ṭarwa-nnes ansi xlaṣ d wel ɣrec kanc nit, bucil ih tameṭṭut-nnes
teffɣased uğut tamcumt d u tɣic imi-nnes, d dima d nit temmalas I may idrim ukkul in
imi-nnek?, I may u teqqimunc ɣrek?, may cek mec aterras neɣ may?, d nit teqsa di bucil
af imi-nnes d tkerreht dis, bucil ih yugur yesslu tawalt tameṭṭut-nnes d yemmlas in imi-
nnes as tefked idrim ukkul, mu tameṭṭut-nnes atεayer dis, u tali tefkas imi-nnes idrim
ukkul d wel ihannac ɣfes ṭarwa-nnes, d ussan d teḥkem dis tameṭṭut-nnes d temmlas
kan mec teffkas imi-nnes gaji-nnes s atraweḥ in taddart n yun-nnes d as ntemmel
mammek imi-nnes etteg ɣfes mammek tɣes. Yugur in imi-nnes d yemmlas effeɣ s gaji
neɣsit neč d tameṭṭut-inu, u tali tesstɣayeṭ tawessart yerxa d tufu ṭarwa-nnes maεac
yettsugur dis d ul yessalec xlaf di tawalt n tameṭṭut-nnes, elli as-temmel ɣfes at-tig.
D teffeɣ tawessart s gaji d teffka-sent d tṣar teṭṭes di lemmas n taddart, d ussan d nit
teṭṭes di lemmas ih ḍeyṭ tesstaqat, tekker tugur in tasaɣet n εla at-essu d si tewwla d
tekkmu in taddart tetta illi gaji-nnes ekksunast mu teɣu ɣfes u tali tugur in twalla n gaji-
nnes d si tuṭa mani in Tsinan tesslu ṭarwa-nnes yemmlas in tameṭṭut-nnes (neči xlaṣ
dahceɣ sis in imi yuha, lemmi at-temmet d aɣen tfuk w eccer-nnes) d tameṭṭut-nnes
teskerkes ɣfes d temmals d awal wel yezεamec af imi-nnes d nit yettṣedeq, u tali
tesslasen mammek tfahamen elli at-sefɣen d idsen ad serḥen d at ğun d amkan maqtuε
wel dic ḥad anda at-temmet s laẓ d fad. U tali texlaε tawessart d tmerjit tussah-nnes af
ṭarwa-nnes mammek iṣar sah d mammek isel awal af imi-nnes d yuked ɣfes, teffeɣ
tawessart ih s taddart d temmak teggur teggur d ettali di taḥfufay ansi tettbaεed af
tmura d tekmu agar sen letryc meqqurt di taḥfaft d teεgel nit tesstɣayeṭ ansi temmet
dus, d si temmet iɣsan-nnes ṣarun d tamedrart d si ass ih d tamedrart telbed agar
tɣuɣaṭ di taḥfaft.
47
Tnafust X: Azel u d yeusuc
48
Azel u d yeusuc
Dis bucil yexdem si talji anda at uded tufut, d ayrewweḥ yeddahec in taddart kul lemmi
ayrewweḥ ayaf imi-nnes tgeεmez deffer ẓeṭṭa tẓeṭṭ, as yemmel:
Ami d ehcaɣ d elẓaɣ igiyed may ačeɣ.
D imi-nnes temmalas:
Azel u d yeusuc may ačed si tiru?
Kul ass saha ad yas d yemmel ɣesseɣ ačeɣ d as temmel imi-nnes “Azel u d yeusuc”.
Ansi ass qbel n ayrewweḥ temmlu imi-nnes eǧ ad ekkreɣ as igaɣ uču, neεla lemmi
yused ayaf may ayeč, d nit dima yettased yelleẓ.
Tigas uču-nnes d tḥuṭit di inwal, d si yused bucil d nit yeddahec. Tikkelt wuh mec am
ussan yidi, u syemluc am dima “ami d ehcaɣ d elẓaɣ igiyed may ačeɣ. teḥar dis imi-nnes
d tseggumt ayenced may ayeč, wel yencedec u tali tuɣasted d temmlas:
Ax kan ačed neɣ wel telẓedec?
Yekker yemmlas:
Efk in azel ayeč mec kul lemmi necdeɣ af uču ad itemmled azel u d yeusuc. Ekker malla
suggum azel d ifkas ayeč.
49
Tnafust XI: Tameddurt d Tamettant
50
Tameddurt d Tamettant
Wesser d tawessart ɣersen ṭarwa uğun, ṭarwa yih wel yegguc di yun-nnes elxir ikan wel
yezεamec d idsen uguren ussan emmten bab-nnes d imi-nnes d niten estɣayṭen ɣfes.
Bucil yih yefqer yerxa ansi iṣar yetsasa. Yugur di ibriden d nit yeẓẓel ufes-nnes. Yeẓẓrit
aterras yexwa tabeεbict n weɣrum d igu dis ellirat d yefkett in bucil. Aterras yerru
amerwas n ajerrut-nnes in ṭarwa-nnes.
Yugur bucil yefraḥ s tabeεbict yewwitet in uǧun uday yemmlas igiyed dis may ačeɣ.
Uday yuru aɣrum yufu dis ellirat yexwat-ent d wel yemmluc ɣef-sent in bucil elli wel
yessen. D s yeh ass widi yugur bucil yetsasa, yusased ajerrut n bab-nnes d yemmlas
(mammek sah ateffɣed ettsasid baqi neči iḍennaṭ effkiɣ-ak di aɣrum ellirat acekksed
ewwint isuggasen.
Yekker bucil yemmlas aɣrum effkiɣet in uday ad yig dis may ačeɣ d si yeffkit wel dic
may. U tali yugur bucil nit d ajerrut n bab-nnes in qaḍi s ad ecckan di uday. D si bucil
ihugga s iderriwen yuṭa d yexwa tuqerbiεt muqaryet af tamurt tneṭṭren idamen-nnes af
elḥiṭ d urin “neči ṣelẓeɣet cek tessečet … neči enɣiɣet d unek s eddert”
51
Tnafust XII: Am Jriba d Weltm-is
52
Am Jriba d weltm-is
Dis snet n tsettmu, mant d mammu?

Jriba d weltm-is, eḍḍeṭ imi-nnes-ent temmlu:
Ječa at tekkrem s talji at tahwamt in xuccet tt tebbimt isɣaren n umekkli i yudan elli
hadasun. Ekkrent Jriba d weltm-is talji d ahwanet in xuccet d etṭebes telli hada isɣaren
tebbi. Ebbinet s isɣaren guda, ekkrent ẓunanet guda yih af sen d gunt zegni amezwar di
taḥzemt d zegni widi di taḥzemt d axwantent uǧet uğet.
Telli hada texwa guntent af iɣfawen-nnesent d s ad rewwḥent in taddarin-nnesent d di

abrid yuṭa qecquc s taḥzemt n Jriba. Tekker tṭebbes-as weltmas s at texwa tenṣerrm-as
taḥzemt-nnes d s iɣf-nnes tuṭa tṭebbes tehhwa at tlayem taḥzemt d at texwa, tṭebbes
Jriba s at teqqen d ides u tali tenṣerrm taḥzemt-nnes nit d tuṭa. Teqqim Jriba ettlayem
di taḥzemt-nnes si tuṭa. D si item tṭebbes weltm-is at tεawen tekker tenṣerrm taḥzemt-
nnes d tuṭa.
D teqqimunet sah si talji in tuqzin d nitent uǧet at texwa tidi at tenṣerrm sis d at tuṭa d
at texwa tidi tenṣerrm s tamezwart d at tuṭa ansi rewwḥent s taḥzemt uǧet baεd
nerrewḥen yudan bella mekkli d tufut tuṭa.
53
Tnafust XIII: Agnaw d Tayya-nnes
54
Agnaw d Tayya-nnes
Tsisaw tmilaw bazin yeḥlaw dis tgerwaw. Dis agnaw yuɣu tayya, d agnaw yih elxesslet-
nnes iteṣṣṭada di tyerrẓaẓ di talat. Kul ass ayeffeɣ at teqqim tayya-nnes temmalas
awiyed d idek acek cebbḥaɣ mammek teṣṣṭaded di tyerrẓaẓ, d nit wel iɣec at yawi d
ides dima d nit iruggel sis lemmi hayeffeɣ.
Ansi ass d nit hayeffeɣ tkerrec dis ettkerrict telli nit. U s teǧuc ayeffeɣ temmlas ella ma
ad ettseffɣiyed d idek ɣesseɣ acek cebbḥaɣ mammek teṣṣṭaded.
U tali yemmlas: ad eǧaɣ tyerrẓaẓt anda at tekkem addu tluget d at teɣfel beεtali ad
aεseɣ ɣfes s taɣrit at tutaɣ.
Tekker temmlas: ella ad uguraɣ d idek may εinek at temmled ɣesseɣ ad cebbḥeɣ s
tiṭṭawin-inu. Yeddhec dis u tali yemmlas: ayyac.
Di abrid ufun tugliẓt, yekker yemmlas sah ya am tugliẓt aseǧaɣ teggur d at tutaɣ, d
yefcextet temmet. U tali temmlas tayya-nnes: ya messεud ya gettal hmayem sud.
Yekker yemmlas: ayyac, ikem cem addu tluget d eṭṭes anda ad asɣed neči acem
maxtleɣ d ameffkeɣ af iɣef-nnem s taɣrit. U tali tekkmu teṭṭes addu tluget, yused
agnaw-nnes yewwet s taɣrit af iɣef-nnes. Temmlu: ya messεud ya gettal hmayem sud
55
Tnafust XIV: Estu d Tiglella
56
Estu d Tiglella
Tsisaw tmilaw bazin yeḥlaw dis tgerwaw. Dis aterras yettsenz di tekrkubin tin ustu,
yugur agar teddarin d yettberaḥ yemmal:
“estu af tiglella ass n fella yella”
Effɣ-ent tisednan ṭebbs-ent telli hada tessaɣ di ustu twetten ẓeṭṭa-nnes sɣunet sis istu
ferḥ-ent s isen. U talli ass in fella usented ad fellunet ẓeṭṭa enzɣnet tekrkubin tin ustu
elli sɣunet id telli hada tessiwel in ledyal-nnes d alwali-nnes gunet twiza d sih. Ad
qennet ustu af inuran di ẓeṭṭa. kul telli teflu amaṭut tefɣased teglellut si gaj yemsenneṭ
ɣfes ustu temmaden sis. U tali gunet ukul tisednan tessuneṭ d emmlulent in baεṭuhmet:
Mammek iḍes ɣeffneɣ sah lazem at neṭṭef id as-nemmel I may tzelbḥidaneɣ, ass-u
lazem as-nseken eddin-nnes. U tali uguruntas in aterras ih d emmluntas:
Mammek sah aɣen tzelbḥid d aɣen teffked d teglellut temmaden s ustu.
Yemmlasent: neči u skerksaɣc d mliɣakemt “estu af tiglella ass n fella yella” D cekkmet
tessɣumet.
Susment d kul uǧet teεzem in taddart-nnes d tenzeɣ iqercalen-nnes teṭṭebes tqercel d

tessesti waḥdes.
57
Tinfas d Asenfalaɣ
58
i. Tsisaw n Bu Kecac
ii. Tsisaw n Tanεuct
59
Tsisaw n Bu-kecac (I)
Dis nilti ɣres tiɣaṭen erxant d dima ɣres leḥlib yemkeddes d yesbaεzek dis dima d wel
yefkic in yuwdan, nilti yeh ikan ačiw yugur yemlu iğ ad εawmaɣ di leḥlib neεla id ṣaraɣ
mellel neči ɣri leḥlib yerxa, yugur yečar tbala s leḥlib d yekmu dis s yεawem, in nilti yeh
rebbi yesxeṭt d yeget di bu-kecac.
60
Tsisaw n Bu-kecac (II)
Wuh emlun dis ateras dima nit iεagel deffer leḥyuṭ yessal may imalun yuwdan, af iṭu-
nnes d nit ireqqeb di yudan d itebi d ilwayes-nnsen, u tali rebbi yigit d bu-kecac d
yeqqim dima di leḥyuṭ ireqqeb d isel d yudan.
61
Tsisaw n Tanεuct (I)
Dis tameṭṭut tugur in islan d tewwi d ides ṭarwa-nnes, ṭarwa-nnes yeqqim yetturar d
yetqebbeḥ am nit am imckanen, u tali telmas tameṭṭut in imi-nnes eṭṭef ṭarwa-nnem
may si mammek nit yused d nit yetqebbeḥ, u tali tekker imi-nnes tecxer dis d temlas a
yerkaḥ, bucil ameckan wel yeslac tawalt d tekker imi-nnes teṭṭeft d teqqim tuggat dis d
tugat d tugat.
D in tisednan yih wel bantec ad ḥezzunt d in bucil ih, yetεayeṭ eqqimunt eḍḍasunt ɣfes
mammek tuggat di ṭarwa-nnes, teṭṭar-as nit d terrni tewwet ṭarwa-nnes s elɣiṭ, ansi
ṭarwa-nnes yemmet agar ifassen-nnes, d tisednan wellucunt eḍḍasunt d čemtent dis,
tekker tameṭṭut tεayeṭ d tenzeɣ tamelfa-nnes d tkeber in tamelfa yih d tudentet ukkul-
nnes d tṣar d acicew ẓeṭṭef d qbel nettfar temlasent elli may awennenɣ ara nekmet d
ackem teddjaɣ tettεayṭmet d neči eḍḍaseɣ am mammek cekmet tiru, d tewwla teffar d
si ass yih mani attaf ameckan yeṭṭes ḍiyeṭ d afuj neɣ in berra attas at feṭfeṭ ɣfes d
ayaṭen ussan d ayemmet.
62
Tsisaw n Tanεuct (II)
Dis sent n tinuṭin salma d slima eddrent di taddart uğut ɣersent ara meckunet u tali
ṭarwa n salma yetqebbeḥ d yetturar d yettetkulef, tekker temlas slima may wuh acbih
ṭarwa-nnem sah ameklub eṭṭef ṭarwa-nnem I may neɣ ul tessned-c at rebbid?tekker
salma testɣayeṭ yerxa d teṭṭef ṭarwa-nnes d temmek tefkas tefkas d nit yetεayeṭ d slima
yiha ula bet at-ḥuz d teğas tugat di ṭarwa-nnes ansi yemmt, u tali tṣar salma yiha d
acicew zeṭṭaf (tanεuct) d teqqim tennaɣ di imeckanen illi eṭṭsen berra s ilɣiṭ-nnes.
63
64

Tinfas Nneɣ: Tasnebbit I Tinfas Tiqburin

Uploaded by

Document Information

Original Title

Copyright

Available Formats

Share this document

Share or Embed Document

Sharing Options

Did you find this document useful?

Is this content inappropriate?

Copyright:

Available Formats

Tinfas Nneɣ: Tasnebbit I Tinfas Tiqburin

Uploaded by

Copyright:

Available Formats

Tinfas nneγ – Tasnebbit I Tinfas Tiqburin 2013

Tasnebbit i Tinfas Tiqburin

Tanemmirt i wamdukal d ameɣnas nneɣ di tmurt ifran g wadrar n infusen

Dda Saεid Cnib

“Guda s yuden… ettun ismawen nnsen

Lemmi ettun… iles nnsen” Sεid Sifaw

Tazrawt: Tasekla d Amezruy-nneɣ

Tasekla taqdimt di adrar n infusen, ɣres amezruy yella di tarrat taqburt

S imegraden af tamseɣrit n ibaḍiyen yigit iddjen mmal-nas Motylinski di

Nejjem ad nutlay d ɣernaɣ imdyaten am amɣar n ibaḍiyen mmalnes εamer

Di iddjen n usebter n wadlis yennad belli amaɣar ammi εamer u cemmaxi

Imussnawen imezuwra urren idlisen n ujjed s awal umaziɣ s tira n isekkilen

 Calassanti-Motylinski, G. A. de. 1905b. Le nom berbère de Dieu chez

 Calassanti-Motylinski, G. A. de. 1897. Dialogue et textes en berbere

 Calassanti-Motylinski, G. A. de. 1885c. Les livres de la secte abadhite.

Asebter s tarrayt n KITAB ELBARBARIYA – s tmaziɣt

Guda s imaziɣen di libya d yal llan di timurawen n tamazɣa nniḍen war

Aktwa adrar n infusen amagus isuggum mant as-yebra igezzam-nnes,

aḍris n asefru aqbur s tmaziɣt

Imir-a g ussan nneɣ ad nejjem ad nedwel in usuggass n 70, g tmurt Libya

Mak yewwa dda sifaw g iddjen isefra nnes “idles nnwen “:

Suggmet neɣ eddut

S fus: Maziɣ Buzaxxar

TINFAS, awal anmek-nnes Bunadem

TINFAS, awal anmek-nnes Bunadem

Tsisaw tmilaw bazin yeḥlaw dis tgerwaw …

… wusiɣed s isen s ṭiṭ-inu mi eẓẓriɣten

Tawalin timezwura d tawalin tineggura g yal tinfas, ula amsutef in wawal g

Ass yemmlu dda Sεid Sifaw2 g iǧet n idlisen di isebtar-nnes af adelsan n

Manten yemmet d mammu yedder neɣ yeqqim g tira d tsisawt n umezruy.

Yella anmezray anglizi emmal-nnes HUBEL8 yenna: bac texxsed ad

U xeldun9 di adlis-nnes af imaziɣen yenna g wawal-is: law nufa i nura kul

Tinfas ad naf g talɣa n Atlay13 d ides talɣa n tasekla. Amezruy n tinfas

S tizrawin tutlay af tinfas tiqburin (tiqdimin) s adrar-nneɣ Infusen, iǧen d

Amsudeɣ(sing. - Tam. Tatrart)= scientific journals

Asebter n Wikipedia17 di amegrad af tinfas d awal timucuha dis aḍris

“Tadelsant tatlayt n tafriqit ɣres d tečur s ansay18 n tinfas. ɣersen agim n

S fus: Maziɣ Buzaxxar

Tiɣri ----- Tiɣra

A A Aɣra Aɣra A-a ‫أ‬ Amaziɣ

I I Iɣri Iɣri I-i ‫إ–ئ‬ Idles

U U Uɣru Uɣru U-u ‫ُأ – ؤ‬ ul

E E Ilem Ilem E-e - Ekker

Targalt ----- Tirgalin

Tirgalin mmẓun-ent in (3) taggayin elli netninat :-

B B Yab Yab B-b ‫ب‬ Bugel

C C Yac Yac C-c ‫ش‬ Acal

D D Yad Yad D-d ‫د‬ Udem

F F Yaf Yaf F-f ‫ف‬ Fus

G G Yag Yag G-g ‫گ‬ Agu

v  Yav Yaɣ -ɣ ‫غ‬ Aɣrum

H H Yah Yah H-h ‫هـ‬ Ahil

J J Yaj Yaj J-j ‫ج‬ Jujef

K K Yak Yak K-k ‫ك‬ Kamur

L L Yal Yal L-l ‫ل‬ Ilel

M M Yam Yam M-m ‫م‬ Amur

N N Yan Yan N-n ‫ن‬ Anu

Q Q Yaq Yaq Q-q ‫ق‬ Agerdac

R R Yar Yar R-r ‫ر‬ Yur

S S Yas Yas S-s ‫س‬ Asirem

T T Yat Yat T-t ‫ت‬ Tirit

W W Yaw Yaw W-w ‫و‬ Azgen-ɣri

X X Yax Yax X-x ‫خ‬ Ixef