Date:
Banghay Aralin sa Edukasyong Pantahanan at
Pangkabuhayan V
I. Nilalaman:
Napakahalagang malaman ang mga halamang gulay
na maaaring itanim sa pamamagitan ng pagsusurvey
o pagtatanong sa mga mamimili upang maging
batayan ng pagpapasya sa halamang gulay na
itatanim.
II. Layunin (LC 1.1)
Nakapagsasagawa ng survey upang malaman ang
mga halamang gulay na maaaring itanim ayon sa
lugar, panahon, pangangailangan at gusto ng mga
mamimili na maaaring pagkakitaan.
III. Paksang Aralin
Paksa:
Pagtatanim ng Halamang Gulay
Sanggunian:
CG- p18- EPP5AG-Oa-2
Kagamitan:
Mga larawan ng gulay na tumutubo sa urban at
rural; tag-ulan at tag-init; madalas mabibili sa
palengke at talatanungan (survey)
IV. Panimulang Pagtatasa
Panuto: Basahin ang sumusunod na katanungan.
Punan ng tsek (/) kung tama ang
pangungusap at ekis (x) kung mali, isulat
ang sagot sa sagutang papel.
____1. Ang ampalaya ay maaaring itanim sa
Metro Manila.
____2. Magtanim ng halamang gulay na madalas
mabili sa palengke o pamilihang bayan.
____3. Mahalaga ang lugar sa pagpapasya kung
anong halamang gulay ang maaaring
itanim.
____4. Maaaring magtanim kahit anong uri ng
halamang gulay sa kahit saang lugar.
____5. Kinakailangan na magtanong o
magsurvey bago magdesisyon ng
halamang gulay na itatanim upang
malaman ang nais ng mga mamimili.
V. Pamamaraan
A. Pagganyak
Magpakita ng video o larawan ng mga
halamang karaniwang nakikita sa palengke,
madalas bilhin, at halimbawa ng halamang
gulay na nakatanim sa ibat-ibang lugar at
panahon.
10:20 – 11:10 Exodus
11:10 – 12:00 Genesis
B. Paglalahad
1. Pagbibigay kahulugan sa mga
sumusunod na salita: survey, halamang
gulay
2. Talakayin ang kahalagahan ng
pagtatanong o pagsusurvey upang
makabuo ng pasya sa itatanim na
halamang gulay. Ipaliwanag sa mga mag-
aaral ang kahalagahan ng lugar na
pagtataniman, panahon at nais ng mga
mamimili sa pagpili ng halamang gulay
na itatanim sa pamamagitan ng
pagsusurvey.
C. Pagpapalalim ng Kaaalaman
Pangkatang Gawain
Gumawa ng talatanungan na maaaring
gamitin upang malaman ang tamang
gulay na itatanim. Bumuo ng 5
katanungan na may kinalaman sa lugar
ng pagtataniman, panahon at madalas
bilhin
D. Pagsasanib
Bakit kailangan magsagawa ng survey bago
pumili ng halamang gulay na itatanim?
E. Paglalahat
Anu-ano ang dapat na isaalang-alang sa
pagdaos ng survey upang malaman ang
halamang gulay na itatanim.
VI. Pagtataya
Pumili ng isa at ipaliwanag kung bakit dapat isaalang-
alang sa pagpili ng itatanim na halamang gulay
1. lugar
2. Panahon
3. Mamimili
4. Madalas bilhin sa palengke
VII. Pagwakas na Pagtatasa.
Panuto: lagyan ng tsek(/) ang mga dapat isaalang-
alang sa paggawa ng survey
____1. Produktong mabili sa palengke
____2. Laki ng mga gulay
____3. Mamimili
____4. Panahon
____5. Lugar o lalagyan
VIII. Pagpapayaman ng Gawain
Gumawa ng isang “survey form” upang malaman
kung ano ang mas mainam na itanim na halamang
gulay. Gumawa ng sampung katanungan at isaalang-
alang ang lugar, mamimili, madalas na bilhin sa
palengke at panahon.