Taya-tayaan

Dito nagsimula

Sa bakuran, ng tadhana

MAIBA TAYA

Bumaliktad ang mga palad

At ako ang naiba

Kayat mabilis na nagtakabuhan

Ang aking mga kalaro papalayo

Si pagibig ay kumaripas nang takbo

Si ligaya, si tagumpay

Naghahabulan kami nang walang humpay

Sabay sabay itataas ang kamay

BIBA

May bago na namang taya

Tuloy tuloy ang habulan

Sa bakuran ng tadhana

Noon pa man, taya tayaan na

ang paboritong laro

Takbo rito, takbo roon

Ang aming mga tsinelas ay walang kasing dungis

Ang hugis nang aming mukha unti unting

Ay Nagiging kawangis ng kay ligaya

Si ligaya ang paborito kong habulin noon

Dahil Madalas ako ang taya

Madulas man ako o kaya madapa

Hahabulin ko Si ligaya

Dahil sa tuwing dumadampi sa kanyang balikat

Nakakalimhtan kong kasali ako sa laro

Si lumbay

Si lumbay ang isa sa mga

Pinaka ayaw kong kalaro

Una

Dahil kj siya

Pangalawa

Dahil alam kong mas mabilis siyang tumakbo

At higit sa lahat

Ayaw na ayaw kong siyang kalaro

Dahil alam kong feeling niya

May gusto ako sakanya

Aaminin ko, crush ko dati si lumbay

Noong panahong naghahanap pa ako

Nang kung ano anong kadramahan sa buhay

Pero crush lang yon

Alam ko namang hindi siya yung

THE ONE
Dahil iniibig lamang nang gamugamo ang lampara

Kasi akala niya ito ay isang buwan

Natutunan ko yan kay pagibig

Isa sa mga pinaka magiliw

Ngunit pinaka mailap kong laro

Minsan sinubukan ko siya kunchabahin

Sabi ko?

Kapag ako ang taya okay lang ba

Na magpahabol ka saken

Pero hindi mapandaya

Si pag ibig

Di tulad ni Ligaya

Na minsan depende sa silakbo

Para ganahan akong tumakbo

May mga hapon kasing nakakatamad ang init

Mga gabibg masyadong madilim

Para makipaghabulan

At kung naranasan mo nang madapa sa karimlan

Alam mong hindi ito masaya

Buti nalang

Parating kasali sa laro

Si pag asa

Dahil kapag nasa bakuran

At nagsimula na ang takbuhan

Di maiiwasan na sa pagkatalo'y
Magalusan ang puso

Si pag aasa ang nagyayaya

Sa aking mag laro araw araw

Siyang tumulong sakin

Kalimutan ang pagsuko

Siya ang sugo na naguudyok saking patuloy na lumalaban kahit minsa'y napapasubo

Mahirap man tangggapin

Pero hindi narin kasi ako

Kasing tulin tulad nang aking kabataan

Kalunan si oras na ang pinakaayaw

Kong habulim tuwing nagtataya tayaan

Alam naman natin na

Sa bakuran ng tadhana

Si oras ang pinakamabilis

Tumakbo sa lahat

Siya ang parating unang dumarating

Habang huli naman lagi si tagumpay

Pero salamat sa kanilang dalawa

Natutunan kong maghintay

At araw araw naghintay ako

Hanggang isang araw

Nagulat nalang ako

Buglang parang bumagal

Ang takbo ni oras

Biglang may sumaling bagong kalaro

Sabi ni pag ibig

BAGONG SALI TAYA

Pero bigla ring nag bago ang mga laro

Sumara ang bulaklak

Bumuka ang bulaklak

Pumasok ka sa eksena

Biglang ang saya saya

Umuwi ako nang hapong iyon

Ng mga kislap sa mga mata

At nang pusong punong puno

Ng awit nang pagsinta

Mami, dadi

Kailangan kopo nang patnubay

Ate, kuya

Bagay ba kami?

Siya na at ang gusto ko ang susuyuin ko

Sana di ako nag kamali

Sa Pipiliin ko

Dahil balang araw

I wanna be a tutubi

Na merong dalang dyamanteng bato

Luluhod sa lupa

May handa na tanong

Na maghahatid samin

Sa pagitan nang dagat at bundok

Pero sa ngayon, hahayaan ko munang turuan

Ako nang aking mga kalaro

Kung paano mag handa at maghintay

Sasanayin ko muna ang sarili

Sa mga simpleng apir

Hanggang mag dis appear

Ang lahat nang hadlang

Hanggang sa mapuno ang bawat patlang

Ng mga salitang ang nais

Ay hindj na paglalaro lamang

Kaya't heto ako ngayon

Bulag sa iyong rikit

Nakapatong ang palad

Sa mga matang nakapikit

Nag aabang na balang araw

Sa iying pagpitik

Ay manunumbalik

Ang aking paningin

At ang una konv makikita

Ay ang mga daliring parehas nakaharap

Sa mga taong pinili nila

Ang akin

Nakaturo sa iyo

At ang iyo

Nakaturo sa akin