KABANATA I

Ang Suliranin at Kaligiran Nito

1.1 PANIMULA

Ang kultura ay tumutukoy sa kaparaanan ng pamumuhay ng isang tao. Ito ay

binubuo ng nagpasalin-salin na mga kaugalian, paniniwala, tradisyon, sining, kagamitan,
atbp. Mahahati ang kultura sa dalawang uri: materyal at di-materyal. Ang material na
kultura ay ang mga bagay na nahahawakan kagaya ng kasangkapan, kasuotan at tirahan
samantalang ang di-materyal na kultura naman ay tumutukoy sa mga bagay na hindi
nahahawakan kagaya ng paniniwala, kaugalian, relihiyon, edukasyon, atbp.

Kilala ang bansang Pilipinas dahil sa makukulay na kultura nito at isa na dito ay
ang kultura ng paggalang kagaya ng paggamit ng “po” at “opo” na isang natatanging uri
ng paggalang ng mga Pilipino at ang pagmamano na pagpapakita ng respeto sa mga
nakakatanda ngunit sa paglipas ng panahon ay unti-unti nang naglalaho sa isipan ng mga
mamamayang Pilipino lalo na ang mga kabataan ang iba’t- ibang konsepto ng paggalang.
Dahil na rin ito sa pag-usbong ng mga makabagong teknolihya at ng mga banyagang
kultura na syang kumikintal sa isipan ng mga mamayan.

Napagpasiyahan ng mga mananaliksik sa isagawa ang pag-aaral na pinamagatang

“Konsepto ng Paggalang Bilang Bahagi ng Kulturang Pilipino ng mga Piling Mag-aaral ng
Baitang 11 sa BINHS” upang malaman kung ano ang iba’t- ibang konsepto ng paggalang
ng mga kabataan sa panahon ngayon.
1.2 KALIGIRAN NG PAG- AARAL

Ang paggalang ay ang pagpapakita ng respeto at mabuting hangarin o intension sa

sarili at sa ibang tao. Sa paggalang ay kinakailangan ng lalim ng integridad, tiwala,
kaugaliang wagas at kasanayan. Sa bansang Pilipinas ay mayroong iba’t -ibang uri ng
paggalang kagaya ng paggamit ng “po” at “opo”, pagmamano, pagyuko sa pagitan ng
dalawang nag-uusap, atbp.