Pangalan: _______________________________________ Iskor: _____________

Baitang at Seksyon: __________________________

I. Panuto: Piliin at bilugan ang titik ng tamang sagot. (2puntos bawat numero)

1. Alin kaya sa mga ito ang kabuuang depinisyon ng tunay na pag-ibig?

a. Ang tunay na pag-ibig ay kayang magpatumba ng kalaban.
b. Ang tunay na pag-ibig ay kayang hadlangan ang mga kasamaan.
c. Ang tunay na pag-ibig ay kayang manaig sa anumang pagsubok o hadlang.
d. Ang tunay na pag-ibig ay tunay na makapangyarihan.
2. Bakit kaya umibig si Pygmalion sa isang bagay na nilikha lamang ng kanyang mga kamay?
a. Dahil pangit ang mga babae sa kanyang paligid at mas maganda pa ito kaysa sa kanila.
b. Dahil nakita niya ang kanyang ideal na babae sa kanyang nilikha.
c. Dahil bawat pukpok at liha ay may pagmamahal sa kanyang ginagawa.
d. Dahil may sayad siya sa utak.
3. Bakit kaya tinulungan ni diyosang Aphrodite si Pygmalion at binuhay nito ang nilikhang si
Galatea?
a. Dahil natakot siyang ma “loko de amor” si Pygmalion kay Galatea.
b. Dahil alam niya sa pakiramdam ang “one-sided love”.
c. Dahil nakita niya ang ninanais ng puso nitong magkaroon ng kasintahang katulad ng
babaeng kanyang nililok.
d. Dahil inalayan siya ni Pygmalion ng isang baka at napilitan siyang ibigay ang kahilingan nito.
4. Bakit tuluyan ng hindi nakapasok ang mga dalagang hangal?
a. Dahil bumili pa sila ng karagdagang langis sa tindahan.
b. Dahil pagdating nila’y isinara na ang pinto.
c. Dahil hindi sila pinapasok.
d. Dahil wala pa rin silang dalang langis.
5. Ang hindi paghahanda lalo na sa panahon ng eksaminasyon ay:
a. Magagalit si mama at papa
b. Magagalit ang guro
c. Hindi ka makakapasa
d. Ika’y mapapahiya

II. Panuto: Tukuyin ang uri, aspekto, at pokus ng mga pandiwang nakasalungguhit sa pangungusap.
Isulat ang pandiwa at ang mga detalye ukol dito sa angkop na kahon sa talahanayan. (4 na puntos
bawat numero)

1. Ang mga estudyante ay nag-aaral para sa kanilang eksam.

Pandiwa Uri Aspekto Pokus

2. Ikinagalak ng mga estudyante ang pagkakapasa nila sa eksam.

Pandiwa Uri Aspekto Pokus

3. Ipinagluto ng ina ng paboritong ulam sina Jane at Kim.

 Pandiwa Uri Aspekto Pokus

4. Ipinangkuha ni Jherome ang kahoy sa pag-abot niya sa nahulog na bracelet.

Pandiwa Uri Aspekto Pokus

5. Binuksan niya ang aparador.

Pandiwa Uri Aspekto Pokus

III. Panuto: Sagutin ang mga katanungan na hindi bababa sa 5 pangungusap. (10 puntos bawat
numero)

1. Binigyang kahulugan ang pag-ibig sa 1 Corinto 13:6 na nagsasabing “Hindi ikinatutuwa ang
gawaing masama, ngunit ikinagagalak ang katotohanan.” Paano mo maipapaliwanag ang tungkol
sa mga taong gumagawa ng masama sa kapwa? Masasabi mo bang may pag-ibig pa rin sa kabila
ng paggawa nang kasamaan ? Ipaliwanag ang iyong sagot.

2. Kapag nakaharap mo na ang Panginoon, alin-alin kaya sa mga bagay na nagawa mo ang
makapagpapatunay na nakapaghanda ka para makasama ka sa Kanyang piling?