Sa pangunguna ni Senador Grace Poe, itinalakay ng Senate Committee on Public
Information and Mass Media ang patungkol sa mga kumakalat na maling balita o fake news. Sa ngayon, hindi pa ito na suslosyunan. Sa ating mundong kinagagalawan ngayon ay napakabilis at napakadali na lamang kumalap o magkalat ng mga ipormasyon. Balita? Mga napapanahong isyu? Mga impormasyon? Hindi na lamang sa dyaryo o tabloid makakakuha ang mga ito dahil madali nalang itong makikita sa internet o mga social media sites. Ang pagkakaroon ng koneksyon sa mundong makabago o sa mga social media sites ay hindi lang nagbibigay aliw at saya kundi mas pinadadali nito ang pagsagap natin ng mga impormasyon. Sa kabilang banda, hindi sa lahat nang pagkakataon ay dapat nating paniwalaan o pagkatiwalaan ng ating mga nababasasa mula sa internet dahil may mga pagkakataong mali o kulang ang mga impormasyong nakikita online. Hindi lamang mga normal na mamamayan ang nakakaranas ng suliraning ito kundi pati ang mga gobyerno at maging ang mga artista ay nakakaranas rin nito. Sa ngayon, marami rami na ang umaalma dahil nabibiktima ng fake news. Pero Paano ba ito masusolusyunan? Ano nga ba ang dapat gawin? Dapat bang pagkatiwalaan ang mga balitang kumakalat online? Upang masulosyunan ang problemang kinakaharap nating ito dapat lang na iwasan ang pagbabasa at pagkakalat ng mga impormasyong mula sa mga websites na walang sapat na ebidensya o patunay. Maging responsableng mamamayan, maling balita ay iwasan.