ქართული ემიგრანტული ლიტერატურა

დაბრუნება

მრავალტომეული

გურამ შარაძის საერთო რედაქციით

თბილისი 1991
ექვთიმე თაყაიშვილი

ემიგრანტული
ნაშრომები

გამომცემლობა ” მეცნიერება”
თბილისი 1991
 მრავალტომეულში იბეჭდება ქართული ემიგრაციის თვალსაჩინო
წარმომადგენლების მიერ უცხოეთში ქართულ ენაზე შექმნილი ნაწარმოებები.
პირველ ტომში მკითხველი გაეცნობა ექვთიმე თაყაიშვილის ემიგრანტულ
ნაშრომებს. აქვე ქვეყნდება სამშობლოში დაბრუნებული მხცოვანი მეცნიერის მიერ
ნაკარნახევი მოგონებები ქართველ მწერლებზე.

შემდგენელი: გურამ შარაძე

რედაქტორი: ლევან სანიკიძე

მხატვარი: დავით ბერძენიშვილი

 დამსახურებული პროფესორის პეტრე მელიქიშვილის
გარდაცვალების გამო

ქართული უნივერსიტეტის დაარსებამდის აწ გარდაცვალებულს პროფესორს

პეტრე მელიქიშვილს ქართული ფართო საზოგადოება ნაკლებად იცნობდა. ამისი
მიზეზი იყო ორი გარემოება, სრულიად გასაგები. ერთი ის, რომ პეტრე მელიქიშვილი
საქართველოში არ ცხოვრობდა და ქართულ საზოგადო საქმეებში პირად
მონაწილეობას ვერ იღებდა; მეორე ის, რომ პეტრე იყო მეცნიერი ისეთი დარგისა,
რომლის მიღწევების გაგება და დაფასება შეუძლიათ მხოლოდ სპეციალისტებს და
არა ფართო საზოგადოებას.
ჩვენი საზოგადოება კარგად იცნობდა ჩვენს პოეტებს, ლიტერატორებს,
ისტორიკოსებს და საზოგადოდ, ქართული საქმიანობის მოღვაწეებს, რომელნიც
სათავეში უდგნენ და ხელს უწყობდნენ ეროვნულ აღორძინებას. საკმაოდ ცნობილნი
იყვნენ აგრეთვე ჰუმანიტარული დარგის პროფესორებიც, ვინაიდან მათი შრომანი
უფრო გასაგები და ხელმისაწვდენი იყო ფართო საზოგადოებისათვის;
საბუნებისმეტყველო დარგის პროფესორები კი ნაკლებად ცნობილნი იყვნენ. ასეთები
ჩვენ მეცხრამეტე საუკუნის დამლევამდის ცოტანი გვყავდა – სულ სამი კაცი:
ფიზიოლოგი – თარხნიშვილი და ქიმიკოსები – ვასილ პეტრიაშვილი და აწ
განსვენებული პეტრე მელიქიშვილი.
თარხნიშვილი სამკურნალო სამხედრო აკადემიის პროფესორი იყო
პეტერბურგში, დიდი ნიჭის პატრონი, საუცხოო ლექტორი და ჩინებული
პოპულიზატორი. ჩემს უნივერსიტეტში ყოფნის დროს მის საჯარო ლექციებს
"სალიანოი გარადოკში" პეტერბურგში აუარებელი საზოგადოება ესწრებოდა და
დიდის ინტერესით უსმენდა. შემდეგ ის უნივერსიტეტშიც მიიწვიეს და იქაც
უდიდესი აუდიტორია ვერ იტევდა თურმე მის მსმენელებს. მას კარგი ადამიანის
სახელიც ჰქონდა. მე მას პირადად არ ვიცნობდი და არც რაიმე შემიძლია ვთქვა მისი
ქართული სულისკვეთების, მისი სამშობლოს სიყვარულის შესახებ. ერთი კი აშკარაა,
ქართულ საზოგადო საქმეში ის ნაკლებად სჩანს. ჩემი დროის პეტერბურგელმა
ქართველმა სტუდენტობამ ამაოდ სცადა მასთან დაახლოვება და მისი გამოყენება.
ამის მიზეზი შეიძლება თვით სტუდენტობა იყო. ჩვენ მაინც დიდად მოგვქონდა
თავი, რომ ასეთი ნიჭიერი პროფესორი გვყავდა. სულ სხვა იყო ვასილ პეტრიაშვილი
და მისი განუყრელი ამხანაგი და მეგობარი პეტრე მელიქიშვილი. ესენი
პროფესორობდნენ ოდესაში, ნოვოროსიის უნივერსიტეტში, მჭიდრო კავშირი
ჰქონდათ ქართველ სტუდენტობასთან და მათ ხელმძღვანელობდნენ. ნამეტნავად
ვასილ პეტრიაშვილი და მისი მეუღლე, პატივცემული თავდგირიძის ასული დიდ
მზრუნველობას იჩენდნენ ოდესელი ქართველი სტუდენტობის მიმართ. ამათი ოჯახი
თვითეული სტუდენტისათვის თითქოს საკუთარი ოჯახი იყო. აქ ჰპოებდნენ ისინი
მშობლიურ ალერსს და სითბოს. ვასილ პეტრიაშვილი მე გავიცანი, როდესაც ის
ჩამოვიდა ტფილისში, როგორც ხელმძღვანელი ოდესელი სტუდენტების
ექსკურსიისა. მთელი ექსკურსია ჩვენთან მოვათავსეთ სათავადაზნაურო გიმნაზიაში.
მისი მეუღლე წინეთ მყავდა გაცნობილი. ამ ექსკურსიაში ბევრი ქართველი
სტუდენტობა იყო და მათგან ვიცი, თუ რა იყო მათთვის პეტრიაშვილის ოჯახი.
ნამეტნავად მათ ამბავს მიამბობდა სტუდენტი ხარლამპრი ღლონტი – დიდი
პატრიოტი და ნიჭიერი ახალგაზრდა, რომელიც შემდეგ ჩემთან იყო მასწავლებლად
სათავადაზნაურო გიმნაზიაში. შემდეგ 1905 წ. რევოლუციისა, რომელშიაც დიდი
მონაწილეობა მიიღო, ღლონტი რუსეთში მოექცა და ჩვენ აღარ შეგვხვედრია. წრფელი
პატრიოტი, მშვიდი, წყნარი და დაუღალავი მუშაკი-მეცნიერი ვასილ პეტრიაშვილი
თავისი პირადობით ახდენდა ყველაზე დიდ შთაბეჭდილებას. პეტრე მელიქიშვილი
გვერდში უდგა ამ ოჯახს სტუდენტთა ხელმძღვანელობაში და მფარველობაში.
თვითონ პეტრე უცოლშვილო იყო. ვასილ პეტრიაშვილს ტფილისის სასულიერო
სემინარია ჰქონდა გათავებული და მან ქართული უკეთ იცოდა, ვიდრე პ.
მელიქიშვილმა. ვასილ პეტრიაშვილმა მოგვცა პირველად ორი დიდი
ღირსშესანიშნავი სამეცნიერო გამოკვლევა ქართულს ენაზედ საბუნებისმეტყველო
დარგიდან. ეს არის მისი შრომები მეღვინეობის და მერძევეობის შესახებ.
ყველა ჩვენი პროფესორის გულითადი მისწრაფება იყო როგორმე თფილისში,
სამშობლოს ცენტრში, გადმოეტანათ თავიანთი მეცნიერული მოღვაწეობა, აქ
მოეწყოთ შესაფერი ლაბორატორიები და სამეცნიერო დაწესებულებანი. ვასილ
პეტრიაშვილს ეს, საუბედუროდ, აღარ დასცალდა. ამ მხრით უფრო ბედნიერი იყო
პეტრე მელიქიშვილი, რომელსაც წილად ხვდა გამხდარიყო პირველი რექტორი
სამშობლოს ქართული უნივერსიტეტისა.
მელიქიშვილის გვარი ორი იყო საქართველოში. ერთი საქართველოს სომხეთის
ხელისუფალის მელიქისაგან იყო წარმომდგარი. ამ გვარის წევრნი თავადები იყვნენ.
მეორე სამცხიდან იყო, ქართველი კათოლიკების გვარი იყო. პეტრეს მამა გრიგორი
ახალციხიდან იყო მოსული ტფილისში. წინეთ ქართველი კათოლიკეები
მაინცდამაინც არ ქართველობდნენ, ზოგნი უფრო სომხებს ეკედლებოდნენ, ზოგნი
ამბობდნენ, ჩვენ ქართველები არა ვართ, ფრანგები ვართო. მაგრამ სიტყვა „ფრანგი“
ნიშნავდა ჩვენში კათოლიკეთა სარწმუნოებას და არა ფრანგს, საფრანგეთის მკვიდრს.
პეტრეს მამის ოჯახი იმთავითვე ქართველობდა. ამ ოჯახში საზოგადო მოღვაწეობა
ტრადიციული იყო. პეტრეს მამა გრიგორი და მისი ძმა სტეფანე იმ ქართველ
პატრიოტთა პატარა ჯგუფს ეკუთვნოდნენ, რომელთაც დააარსეს პირველი კერძო
სტამბა ქართული ჟურნალ-გაზეთების გამოსაცემად. ეს მაშინ დიდი პატრიოტული
საქმე იყო. ამ ჯგუფს ეკუთვნოდნენ, გარდა მამა-შვილი მელიქიშვილებისა,
ისტორიკოს-არქეოლოგი დიმიტრი ბაქრაძე, ცნობილი საზოგადო მოღვაწე ნიკო
ღოღობერიძე და ვახტანგ თულაშვილი. სტეფანე ვენაში იყო გაგზავნილი სტამბის
მაშინების და მოწყობილების შესაძენად და ქართული ასოების ჩამოსასხმელად. ჩვენი
ჟურნალ-გაზეთობა სულ ამ შრიფტით იბეჭდებოდა, რომელსაც ვენის შრიფტი
დაერქვა. ეს შრიფტი განირჩევა აკადემიური შრიფტისაგან. სტამბა გაიხსნა 1864 წ.
"დროებამ" დაიწყო გამოსვლა 1866 წელს. გამომცემელი იყო სტეფანე მელიქიშვილი,
რედაქტორი გიორგი წერეთელი. შემდეგ ამ გაზეთის რედაქტორი იყო კარგად
ცნობილი საზოგადო მოღვაწე სერგი მესხი, რომელსაც ცოლად ჰყავდა პეტრეს დაი,
ეხლაც კარგად მყოფი საზოგადო მოღვაწე მანდილოსანი ეკ. მესხი. მელიქიშვილის
სტამბა ჩემს დროსაც არსებობდა და პეტრეს უმცროსი ძმა იოსებ (სოსიკო)
მელიქიშვილი განაგებდა. მე ჩემი პირველი შრომის "სამი ისტორიული ხრონიკის"
ბეჭდვა ამ სტამბაში დავიწყე, მაგრამ სანამ გავათავებდი, ეს სტამბა სამჯერ გაიყიდა,
სამი სხვადასხვა პატრონის ხელთ გადავიდა, რამაც ცუდი გავლენა იქონია
გამოცემაზე. პეტრე მელიქიშვილის ბიოგრაფია მოკლედ ასეთია: ის ნიჭიერი
მოსწავლეა ტფილისის პირველი გიმნაზიისა. წარმატებით ათავებს გიმნაზიას,
შემდეგ ოდესის უნივერსიტეტს, მიდის საზღვარგარეთ, 1876 წელს ხდება ლაბორანტი
ოდესის უნივერსიტეტში, 1881 წ. იცავს სამაგისტრო დისერტაციას, 1882 წ.
ხელმეორედ მიემგზავრება საზღვარს გარეთ, პარიზში უსმენს ლექციებს ბ ე რ თ ე ლ
ო ს, მიუნხენში მუშაობს ბ ა ი ე რ თ ა ნ. 1884 წლიდან დოცენტია ოდესის
უნივერსიტეტის, 1885 წელს იცავს დოქტორობის დისერტაციას და ხდება ჯერ
ექსტრაორდინარული პროფესორი, შემდეგ ორდინარული და ბოლოს,
დამსახურებული.
პეტრე მელიქიშვილს ქართული საზოგადო მოღვაწეობა წილად ხვდა, როგორც
მოგახსენეთ, ქართული უნივერსიტეტის დაარსებიდან. მანამდე ის იყო წმინდა
წყლის მეცნიერი, ფრიად ნიჭიერი და ნაყოფიერი მუშაკი, კარგად ცნობილი არა თუ
რუსების სპეციალისტთა შორის, არამედ საზღვარს გარეთაც. მას ეკუთვნის 81-ზე
მეტი სხვადასხვა გამოკვლევა დაბეჭდილი რუსულ, გერმანულ, ფრანგულ და
ქართულს ენაზედ. თუ რამდენად ძვირფასი და მნიშვნელოვანი იყო პეტრეს
სამეცნიერო შრომა, იქიდანაც სჩანს, რომ მისი ერთ-ერთი გამოკვლევა
დაჯილდოვებული იყო ლომონოსოვის დიდის პრემიით. ბოლო დროს ის რუსული
სამეცნიერო აკადემიის კორესპონდენტ-წევრადაც იყო არჩეული.
პეტრე მელიქიშვილი მე გავიცანი სულ რამოდენიმე თვის წინათ
უნივერსიტეტის დაარსებისა. გამაცნო პატივცემულმა ანასტასია თუმანიშვილი-
წერეთლისამ, რომლიდგანაც წერილი მივიღე: ამ საღამოს ჩემთან პეტრე
მელიქიშვილი იქნება და გთხოვთ მეწვიოთ. მეც ვეახელი. გარდა დიასახლისისა, იქ
იყვნენ კიდევ პეტრეს დაი ეკ. მესხი და ქალბატონი ალექსანდრა ფაღავასი. პირველი
გაცნობიდანვე პეტრემ ჩემზე კარგი შთაბეჭდილება დასტოვა თავისი კეთილი
გამომეტყველებით, სანდომიერი სახით და ტკბილი საუბარით. ბაასი ჯერ
პოლიტიკაზე იყო, შემდეგ პროფესორ ჰუგო შუხარდზე და აკადემიკოს კანდაკოვზე.
გამოჩნდა, რომ ერთიც და მეორეც დიდად დაახლოვებული მეგობრები ყოფილიყვნენ
პეტრესი. ჰუგო შუხარდი ცნობილი ლინგვისტია გრაცში. ის კარგი ხანია ქართულს
ენას იკვლევს, ბასკურ ენას უფარდებს ქართულს და სხვა კავკასიურ ენებს. მას
ეკუთვნის, სხვათა შორის, სტატია ქართული ენის ტერიტორიალური გავრცელების
შესახებ მშვენიერის რუქითურთ, რომელიც რუსულადაც არის გამოცემული. პეტრემ
მითხრა, ჩემს გრაცში ყოფნის დროს შუხარდმა შემარცხვინა, რომ ჩვენ ასეთ
მნიშვნელოვანს საინტერესო ჩვენს სამშობლო ენას არ ვიკვლევთო. აბა მე რა
ქართულის მცოდნე ვარ, მაგრამ მან მაიძულა დამეწყო მასთა მეცადინეობა და
მოვხმარებოდი ქართულის ენის შესწავლაში და ცნობების მიწოდებაშიო. ზოგი რამ
მოვიგონე, ზოგი წავიკითხე, წიგნები ვიშოვე და ასე ვცოდვილობდითო. სულ ამას
მეუბნებოდა, რა თქვენი საქმეა ქიმია, ქიმიაში კვლევა-ძიებას ევროპელებიც კარგად
შესძლებენო. თქვენ ასეთი მდიდარი ენა გაქვთ და მისი კილოკავები, ეს შეისწავლეთ
და ამის გამოკვლევაში დაგვეხმარეთო, უთქვენოდ ამას ჩვენ თავს ვერ გავართმევთო.
როგორც რაიმე გადანაცემიდან მოეწონებოდა, მაშინვე დაუმატებდა, ხან ხუმრობით,
ხან ისე, მე რომ შენი ვიყო, ქიმიას თავს დავანებებდი და ქართული ენის კვლევას
დავიწყებდიო; მე გატყობ, ამაში უფრო წარმატებას გამოიჩენო. ერთს გამოკვლევას
ქართული ენის შესახებ, რომელიც შუხარდმა გამოსცა 1895 წელს, ზედ აწერია თურმე,
როგორც პროფესორი აკაკი შანიძე გადმოგვცემს: "ნიშნად მადლობისა ვუძღვნი ჩემს
საყვარელ მეგობარს პროფესორს პ. მელიქიშვილს. გ. შუხარდი". ჰუგო შუხარდს
მიწერ-მოწერა ჰქონდა ახლად განსვენებულ ქართველების მეგობართან არტურ
ლეისტთან და სულ იმას სთხოვდა, ვინმე ქართველი მოსწავლე გამოგზავნეთ გრაცში
უმაღლესი სწავლის მისაღებად, რომ ქართული ენის კვლევის დროს გამომადგესო.
მართლაცდა ლეისტმა და მე კიდეც გავგზავნეთ ერთი ჩემი ყოფილი მოწაფე, კარგი
და ნიჭიერი ყმაწვილი ბეშკენაძე. მისთვის სტიპენდიის მიწოდება პატივცემულმა
მარიამ ვახტანგის ასულმა ჯამბაკურ-ორბელიანისამ იკისრა. ბეშკენაძე ეხმარებოდა
შუხარდს, მაგრამ შუხარდი არ იყო მანდამაინც კმაყოფილი ამ ახალგაზრდათი.
ბეშკენაძე იყო გატაცებული ლიტერატურის და ფილოსოფიის შესწავლით, შუხარდს
კი უნდოდა, ის ლინგვისტი გაეხადა. შუხარდი ლეისტს სწერდა: ბეშკენაძე საუცხოო
ყმაწვილია, მაგრამ ჩემი ცდა, რომ მას ენათა მეცნიერება შევაყვარო, ამაოდ რჩებაო. მე
რომ ლინგვისტიკაზე ველაპარაკები, ის ფილოსოფიაზე და ლიტერატურაზე მიწყებს
ბაასსო. ძალად სულიერი მიმართულების შეცვლა, რასაკვირველია, ძნელია.
კანდაკოვის შესახებ ბაასი პეტრეს და მე უფრო გაგვიგრძელდა. კანდაკოვის და
მელიქიშვილის მეგობრობას უფრო მჭიდრო კავშირი ჰქონდა. კანდაკოვმაც თავისი
სამეცნიერო მოღვაწეობა ოდესაში დაიწყო. აქ დასწერა მან თავისი გამოკვლევა
ქართული ხუროთმოძღვრების შესახებ. არც ერთს რუსის პროფესორს იმდენი
ღვაწლი არ მიუძღვის საქართველოს შესწავლაში, როგორც კანდაკოვს. მან ჩაუყარა
საფუძველი ქართული ხელოვნების შესწავლას. რასაკვირველია, პეტრე ასეთი კაცის
მეგობარი იქნებოდა. მან მიამბო, თუ რა დიდი სახელი აქვს კანდაკოვს ევროპის
მეცნიერთა შორის, როგორი დაუღალავი მუშაკია და სხვა. შემდეგაც ჩვენი
თავისუფლების დროს პეტრე სულ იმას მეუბნებოდა, კანდაკოვი როგორმე
მოვიყვანოთ საქართველოშიო. უკანასკნელი შეხვედრის დროს მან მითხრა:
საქართველოთი დავიწყე ჩემი მეცნიერული მუშაობა და მინდა საქართველოთი
დავამთავროო. მე ვუთხარი პეტრეს, ნეტავი როგორმე მოვიდოდეს, თორემ ვინ იქნება
წინააღმდეგი ის უნივერსიტეტში მოვაწყოთ და ყოველი დახმარება აღმოვუჩინოთ
მეთქი. ამ დროს არა ერთი გადმოხვეწილი ცნობილი რუსი პროფესორი გვყავდა
მოწვეული უნივერსიტეტში და კანდაკოვი ჩვენთვის ყველაზე უფრო სასურველი
იყო. მაგრამ კანდაკოვმა ბოლშევიზმის დამყარების შემდეგ დასტოვა რუსეთი და ჩვენ
არც ვიცოდით, სად იმყოფებოდა. ბევრს ვეცადეთ, მაგრამ ვერავითარი ცნობა ვერ
მივაწოდეთ. სამი დღის წინათ ჩვენი ტფილისიდან გამოსვლისა, როდესაც მე
ფილტვების ანთებით ავადმყოფი, მაგრამ უკვე მოკეთებული, პეტრე მელიქიშვილი
მიხეილის სამკურნალოში ვინახულე, მან მაშინაც მომაგონა კანდაკოვის შესახებ.
მაშინ ჩვენ არ ვიცოდით, თუ ჩვენც თვითონ მოგვიხდებოდა სამშობლოს დატოვება.
შემდეგ გამოირკვა, რომ კანდაკოვი პრაღის უნივერსიტეტში მოთავსებულიყო და იქ
განაგრძობდა სიკვდილამდის თავის მეცნიერულ მუშაობას. ხოლო ჩვენმა
უნივერსიტეტმა ის, როგორც ვიცით, თავის საპატიო წევრად აირჩია.
პირველი გაცნობის შემდეგ მე პეტრეს შევხვდი კრებაზე, რომელიც იყო
მოწვეული უნივერსიტეტის დაარსების საკითხის გადასაწყვეტად. ამ დღიდან სამი
წლის განმავლობაში პეტრეს ვხვდებოდი ორ-სამჯერ მაინც კვირაში ხან
უნივერსიტეტში, ხან სამუზეუმო საბჭოში და სხვა დაწესებულებებში, სადაც პეტრე
მონაწილეობას იღებდა. ჩვენ გულწრფელი მეგობრული განწყობილება გვქონდა და
სხვაფერ არც შეიძლებოდა, ვინც ამ ღირსეულ ადამიანს კარგად იცნობდა.
 ვინაიდან ჩემი მოგონება პეტრეს შესახებ ამ უნივერსიტეტის გახსნაზეა
დამყარებული, ნება მიბოძეთ ამას ცოტა ვრცლად შევეხო.
ცარიზმის დროს ქართულ უნივერსიტეტზე ოცნებაც კი არ შეიძლებოდა. არათუ
ქართული უნივერსიტეტი, რუსული უნივერსიტეტიც არ აღირსეს კავკასიას.
არაერთხელ ყოფილა აღძრული შუამდგომლობა თავადაზნაურობის, ქალაქთა
მმართველობის და სხვა საზოგადოებათა მიერ, მაგრამ ყოველთვის ამაოდ. მთავრობა
მეცნიერებაზე და კავკასიის ერთა ჯეროვან განათლებაზე კი არ ზრუნავდა, არამედ
მათ გარუსებაზე. ამას გარდა მას ეშინოდა, რომ უნივერსიტეტი გახდებოდა ცენტრი
პოლიტიკური მოძრაობისა. პასუხად რუსის ჩინოვნიკობას ამის შესახებ ასეთი ფრაზა
ჰქონდა: კავკასია ჯერ არ მომწიფებულა უნივერსიტეტისათვისო. ჩვენ ხომ ვიცით,
ჩვენი მხარე არათუ მომწიფებული, გადამწიფებულიც იყო უნივერსიტეტისათვის,
რაც ცხადად დაამტკიცა ქართული უნივერსიტეტის გახსნამ.
შეგნებული ქართული საზოგადოება, როგორც ვიცით, ებრძოდა გამარუსებელ
პოლიტიკას. ამის წინააღმდეგ იყო მიმართული პოეზია, ლიტერატურა, ჟურნალ-
გაზეთები, სააზნაურო სკოლები, ქართველთა შორის წერა-კითხვის გამავრცელებელი
საზოგადოება, დრამატიული საზოგადოება, საადგილმამულო ბანკები და სხვა
დაწესებულებანი, რომელთაც საერთოდ და კერძოდ თვითეულს ეროვნულ-
პატრიოტული მიმართულება ჰქონდა. სასტიკმა გარუსების პოლიტიკამ
მაღალწოდებათა ზედა ფენები მართალია შეარყია, მაგრამ ფართო შეგნებულ
საზოგადოებაში წინააღმდეგ შედეგებს მიაღწია, დასთესა სიძულვილი და გამოიწვია
მტრობა რუსეთის ხელისუფლებისადმი, გამრავლდა ქართული საკულტურო
საზოგადოებანიც, როდესაც სახელმწიფო დუმაში გატარებულმა კანონმა შეძლება
მოგვცა კერძო საზოგადოებათა გახსნისა. წინათ ეს შეუძლებელი იყო. მართალია,
ქართველთა შორის წერა-კითხვის გამავრცელებელი საზოგადოება წინეთ იყო
დაარსებული, მაგრამ შუამდგომლობა ამის შესახებ მაშინ იყო აღძრული, როდესაც
რუსეთს ოსმალეთთან ჰქონდა ომი და ჩვენი გულის მოგებისათვის უარი
უხერხულად ჩათვალეს. მაშინ თავს გვიქონავდნენ. პირველი საზოგადოება ახალის
კანონით დაარსებული იყო "საქართველოს საისტორიო და საეთნოგრაფიო
საზოგადოება". ამ საზოგადოებას ჩვენ განგებ ვრცელი პროგრამმა დავუსახეთ:
მუზეუმის გახსნა, ბიბლიოთეკის დაარსება, ლექციების და რეფერატების კითხვა,
გამომცემლობა, მოგზაურობანი, საეთნოგრაფიო მასალის შეკრება და სხვა. ეს
საზოგადოება თანდათან მოღონიერდა, მიიზიდა ფართო საზოგადოების ყურადღება,
გაიჩინა თავისი მუზეუმი, წიგნთსაცავი, მოაწყო ლექციები, რეფერატები,
მოგზაურობანი, გამოსცა საისტორიო და საეთნოგრაფიო მასალანი და შეუდგა
მზადებას საკუთარი მუზეუმის შენობის აგებისათვის. ჩვენი ნიჭიერი ისტორიკოსი
და პროფესორი ივანე ჯავახიშვილი დიდის ხალისით იღებდა მონაწილეობას ამ
საზოგადოებაში. მიდიოდა კანიკულებზე ტფილისში, კითხულობდა მოხსენებებს
საზოგადოების სხდომებზე, მართავდა ლექციებს საზოგადოების სახელით და სხვა.
რამდენადაც მე ვაკვირდებოდი ივ. ჯავახიშვილის მეცნიერული მოღვაწეობის
განვითარებას, ჩვენთვის აშკარა შეიქმნა, რომ მას გული ნაკლებად ერჩოდა რუსულად
ეწერა თავისი გამოკვლევანი. გარდა პირვანდელი რამოდენიმე შრომისა და
სამაგისტრო დისერტაციისა, ყველა მისი საუკეთესო გამოკვლევანი ქართულად
დაიბეჭდა. მისი მიმართულება ცხადი იყო. მას უნდოდა სამშობლო ენაზედ შეექმნა
მეცნიერული კვლევა-ძიება. ასეთმა ლტოლვილებამ მისთვის ერთგვარი
უხერხულობაც შექმნა. მოუთმენლად მოელოდნენ მის სადოქტორო დისერტაციას,
რაც, რასაკვირველია, რუსულად უნდა დაწერილიყო. თითოეული მისი ქართულად
გამოცემული გამოკვლევა მიანიჭებდა მას ამ ხარისხს, რუსულად რომ დაეწერა.
მაგრამ რაკი გული არ ერჩოდა, თავს ძალა ვერ დაატანა. სადოქტორო შრომა, მგონია
დაწყებულიც, დარჩა წარუდგენელი.
რაკი ჩემთვის ივ. ჯავახიშვილის მიმართულება აშკარა იყო და კარგად მქონდა
შეგნებული აუცილებელი საჭიროება, რომ უკვე გაზრდილს, გაფართოებულს და
მოღონიერებულს საისტორიო და საეთნოგრაფიო საზოგადოებას სათავეში ჰყოლოდა
ისე სპეციალურად მომზადებული, ენერგიული და ნიჭიერი მკვლევარი, როგორიც
იყო ივ. ჯავახიშვილი, მე მივმართე მას წერილობითი წინადადებით, რათა თავისი
მეცნიერული მუშაობა ტფილისში გადმოეტანა და გამხდარიყო თავმჯდომარე და
ხელმძღვანელი ამ საზოგადოებისა. მაშინ ჩვენ ერთი კაცის მატერიალურად
უზრუნველყოფა ასე თუ ისე შეგვეძლო. სხვები, ვინც იქ ვმუშაობდით, უფრო
მოყვარულნი ვიყავით სამეცნიერო შრომისა, ვიდრე სპეციალისტები და ამასთან,
ყელამდის დატვირთულნი ჩვენი საქმეებით. საბჭოს უმეტესად პედაგოგები
შევადგენდით. იდეა, რომ ქართველ საზოგადოებას ტფილისში ერთი კაცი ჰყოლოდა
სპეციალურად საისტორიო გამომცემლობისა და კვლევა-ძიებისათვის, კარგა ხანია
მომწიფებული იყო ჩვენში. მაგრამ ამის განხორციელებისათვის სახსარი არ იყო. მე
მახსოვს, ერთხელ განსვენებულმა ნ. ღოღობერიძემ მიგვიწვია სათათბიროდ: ილია
ჭავჭავაძე, იაკობ გოგებაშვილი, ნ. ცხვედაძე, იაკობ ისარლოვი და მე, ცოტა ფული
მაქვს ანდერძით დასატოვებელი და რა საგნისთვის სჯობს გადავდოო? ილია
ჭავჭავაძემ პირდაპირ განაცხადა, სჯობს ეს ფული ფონდით დაიდვას, რომ მაგის
პროცენტით ერთი კაცის უზრუნველყოფა შეგვეძლოს, რომელსაც საისტორიო
მასალათა შეკრება და დამუშავება ჰქონდეს მარტო საზრუნველადო. მაგრამ სხვებმა
და თვით ღოღობერიძემ ამჯობინეს, წერა-კითხვის საზოგადოებისათვის
დაეტოვებინათ მის სოფელში სკოლის გასახსნელად და სტიპენდიისათვის. ბოლო
დროს ნ. ღოღობერიძემ ჩემის წინადადებით თავისი ანდერძი ცოტა შეცვალა და
ნაწილი თავისი წვლილისა საისტორიო და საეთნოგრაფიო საზოგადოებასაც
დაუტოვა.
ივანე ჯავახიშვილს ჩემი წინადადება საბოლოოდ ვერ გადაეწყვიტა, რაც
პირადად მოლაპარაკების დროს გამოირკვა ტფილისში. ის ყოყმანში იყო. კიდევაც
გულით სურდა ტფილისში გადმოსვლა, მაგრამ ბევრ უხერხულობასაც
ითვალისწინებდა. კიდევ მოვიფიქრებო, უკანასკნელად გამიცხადა, თან
დაბრკოლებას იმაში ხედავდა, რომ მას არ ექნებოდა საშუალება სისტემატიური
ლექციების მოწყობისა, არ ეყოლებოდა აუდიტორია, როგორიც პეტერბურგში ჰყავდა.
ის მაშინ ხელმძღვანელობდა არა მარტო აღმოსავლეთის ფაკულტეტის სტუდენტებს,
არამედ პეტროგრადის ყველა ფაკულტეტის ქართველ სტუდენტებს, რომელნიც
ქართველოგიის შესწავლაში ჩააბა; კიდევ ის, რომ ტფილისში ვერ იშოვიდა საჭირო
წიგნებს და სხვა. მანამ ამ საკითხს ივ. ჯავახიშვილი საბოლოოდ გადასწყვეტდა,
მოგვისწრო თებერვლის რევოლუციამ. დაინგრა ცარიზმის ტახტი, დაარსდა
დროებითი მთავრობა და მისი კომისარიატი ტფილისში, მოედო ქვეყანას პირველი
აღფრთოვანება უკეთესი მომავლის იმედისა, გამოცხადდა დემოკრატიული
რესპუბლიკა და ივ. ჯავახიშვილი უკვე შემუშავებული კერძო ქართული
უნივერსიტეტის დაარსების გეგმით ჩამოვიდა ტფილისში.
 ივანე ჯავახიშვილმა გამაცნო გეგმა კერძო უნივერსიტეტის დაარსებისა. გეგმა
მარტივი იყო: უნდა შეგვედგინა საზოგადოება, რომელიც იზრუნებდა სახსარის
აღმოსაჩენად, თანხის შესაკრებად. თვით უნივერსიტეტი სწავლა-მეცნიერების და
გამგეობის საქმეში სრულიად ავტონომიური იყო. მას განაგებდა პროფესორთა საბჭო.
უნდა დაგვეწყო სიბრძნისმეტყველების ფაკულტეტით (ეხლა პედაგოგიური
ფაკულტეტია), რომლისათვის ნიადაგი კარგი ხანია იყო მომზადებული. აუარებელი
მასალა იყო შეგროვილი ჩვენს მუზეუმებში. ამ დარგში წინათ საჯარო ლექციები და
მოხსენებანიც იმართებოდა. კადრი პროფესორებისა და ლექტორებისა, რომელნიც
ცნობილნი იყვნენ უკვე თავისი სამეცნიერო შრომებით, საკმაო იყო. სამეცნიერო
ცენზი პროფესორთათვის ერთხარისხოვანი იყო. სიბრძნის ფაკულტეტს
შეძლებისამებრ უნდა მოჰყოლოდა სხვა ფაკულტეტების გახსნაც. უნივერსიტეტს
თანდათან უნდა შემოეკრიბა რუსეთში მყოფი ქართველი პროფესორები,
პრივატდოცენტები და საპროფესოროდ დატოვებული ახალგაზრდობა. თუ სახსარი
ნებას არ მოგვცემდა, პირველ ხანად პროფესორები გასამრჯელოს არ აიღებდნენ.
მოვიწვიეთ პირველი საორგანიზაციო კრება უნივერსიტეტის საზოგადოებისა.
ამ კრების თავმჯდომარეობა მე მხვდა წილად, ვინაიდან ივ. ჯავახიშვილი
მომხსენებელი იყო და თავმჯდომარეობა არ ინება. კრებას დაესწრო პ.
მელიქიშვილიც, მაშინ ტფილისში ჩამოსული იყო. პეტრე ავირჩიეთ საპატიო
თავმჯდომარედ კრებისა. კრება აღტაცებით შეხვდა აზრს ქართული უნივერსიტეტის
დაარსებისა. წარმოდგენილი გეგმა მოიწონა, აირჩია გამგეობა საუნივერსიტეტო
საზოგადოებისა. თავმჯდომარედ არჩეულ იქმნა კოტე აბზახი, ყოფილი
თავადაზნაურობის წინამძღოლი. მაშინ თავადაზნაურობის წოდება უკვე
გაუქმებული იყო და საკითხი იყო აღძრული, თუ ვისთვის უნდა გადაეცათ ქონება
თავადაზნაურობისა.
მოგეხსენებათ, რომ ჩვენს თავადაზნაურობას შედარებით დიდი ქონება ჰქონდა.
მას ეკუთვნოდა განაწილება საადგილმამულო ბანკის მოგებისა. მას ჰქონდა მრავალი
უძრავი ქონება: ქარვასლა თავისი ბაღით, თეატრით და შენობებითურთ, თვით ის
შენობა, სადაც სათავადაზნაურო გიმნაზია იყო, რომელშიაც ეხლა უნივერსიტეტი და
მუზეუმებია მოთავსებული, და სხვა მამულები. სწორედ მოგახსენოთ, მე დიდი
იმედი არ მქონდა, რომ ჩვენი ღარიბი საზოგადოება საკმარის სახსარს მოუპოვებდა
უნივერსიტეტს თავის თავზე ხარჯის გაწერით, როგორც განზრახული იყო ქალაქების
და სხვა დაწესებულებების ერთხელ გადაჭრილი წლიურის გადასახადით და სხვა.
ასეთი ენთუზიაზმის გამო დაპირებული გადასახადის იმედით დიდი არაფერი
გამოდიოდა სხვა დროსაც და სხვა საპატიო მიზნებისთვის. ამიტომ ჩემი პირადი
აზრი იყო, რომ თავადაზნაურობას გადაეცა მთელი თავისი ქონება
უნივერსიტეტისათვის და ეს იქნებოდა მისი საუკეთესო ფონდი. მაგრამ ეს აზრი არ
შეიწყნარა ყოფილმა თავადაზნაურთ დეპუტატთა საკრებულომ, რომელსაც უნდა
მოეხდინა ლიკვიდაცია ქონებისა. მან ამჯობინა ქონების გადაცემა ქართული
ნაციონალური კრებისადმი. სხვათა შორის, ამ გადაცემის საკითხი დაედო საბაბად
ნაციონალური კრების მოწვევისა. როგორც ვიცით, ნაციონალური კრება მოწვეულ
იქნა და ქონება გადაცემული, ხოლო ერთი დიდი ადგილი წყნეთის ქუჩაზე ჩვენ
ვიყიდეთ საისტორიო და საეთნოგრაფიო საზოგადოებისათვის მუზეუმის შენობის
ასაგებად იმ ფასში, რა ფასშიაც თვით თავადაზნაურობას ჰქონდა ნაყიდი (ასი ათას
მანეთად).
 მერმენდელი პოლიტიკური ცვლილებანი ჩვენი ერის ბედისა თქვენ
მოგეხსენებათ. ნაციონალურ კრებას მოჰყვა ამიერკავკასიის სეიმი, სეიმს –
საქართველოს თავისუფალ სახელმწიფოდ გამოცხადება. ჩვენი უნივერსიტეტი,
დიდის ამბით და ზეიმით გახსნილი 26 იანვარს 1918 წელს, გამოცხადებულ იქნა
სახელმწიფო უნივერსიტეტად. გაიხსნა საბუნებისმეტყველო და სამათემატიკო,
სამკურნალო, საეკონომიო და სააგრონომიო ფაკულტეტები და სხვა. პირველ საბჭოს
სხდომაზევე 13 იანვარს 1918 წელს პ. მელიქიშვილი არჩეულ იქმნა რექტორად ამ
პირველი ქართული სამეცნიერო ტაძრისა. სამართლით ჩვენ უნდა აგვერჩია
რექტორად ივ. ჯავახიშვილი, როგორც ამ საქმის ინიციატორი, მისი
სულისჩამდგმელი, რომელთანაც სრულის ერთსულობით მხნედ და აღტაცებით დღე
და ღამე დაუღალავად მუშაობდა მცირე ჯგუფი ქართველოლოგიაში უკვე კარგად
ცნობილი, მაგრამ ქართული უნივერსიტეტის დაარსების იდეას ბევრი
მოწინააღმდეგე ჰყავდა. ჯერ ერთი, რომ ახალმა რევოლუციის მიერ წარმოშობილმა
დროებითმა მთავრობამაც ალმაცერად შეხედა ამ საქმეს1. ადგილობრივი რუსის
საზოგადოება და ყოფილი ჩინოვნიკობა მტრულად იყო განწყობილი. რატომ
ქართული უნივერსიტეტი და არა საერთო ამიერკავკასიის უნივერსიტეტი,
რომელშიაც ყველა ერის ახალგაზრდობას შეუძლია მიიღოს უმაღლესი განათლება
რუსულ ენაზე, – ამბობდნენ ისინი, – ქართველებს ხომ არც პროფესორები ჰყავთ, არც
მეცნიერული ტერმინოლოგია აქვთ, არც სამეცნიერო წიგნები მოეპოვებათ, და სხვა
ამგვარი არგუმენტებით ცდილობდნენ ხელის შეშლას. პეტერბურგის მთავრობამ
კიდეც მიიღო პრინციპიალური გადაწყვეტილება ამიერკავკასიის უნივერსიტეტის
დაარსებისა, რომ ამით ხელი შეეშალა ქართული უნივერსიტეტის გახსნისათვის.
ბოლოს, რუსულმა საზოგადოებამ და ყოფილმა ჩინოვნიკობამ უცხოელებზედაც
იქონია გავლენა, როდესაც მათი ჯარი შემოვიდა ამიერკავკასიაში, და ისინიც უფრო
მომხრე იყვნენ რუსული უნივერსიტეტისა, ვიდრე ქართულის. ამიტომ ჩვენთვის
საჭირო იყო უნივერსიტეტის სათავეში მოგვექცია ისეთი კაცი, რომელსაც მტრის
თვალშიაც დიდი ავტორიტეტი ჰქონდა და რომლის წინააღმდეგ აღარაფერის თქმა არ
შეეძლოთ. ასეთი კაცი იყო ერთადერთი პ. მელიქიშვილი, დამსახურებული
პროფესორი უმნიშვნელესი საბუნებისმეტყველო დარგისა, ქიმიისა, კარგად
ცნობილი მთელ რუსეთში, რომელსაც გავლილი ჰქონდა 45 წლის სტაჟი
პროფესორობისა, აგრეთვე გამოცდილება დეკანობისა და რექტორის თანამდებობის
აღმსრულებელიც იყო ერთხანად ოდესის უნივერსიტეტში. თვით ივ. ჯავახიშვილმა
გადაჭრით უარი თქვა რექტორობაზე და აუცილებლად მიიჩნია პეტრე
მელიქიშვილის არჩევა. პეტრე მელიქიშვილი ერთხმად იქმნა არჩეული. აქ
დამაბრკოლებელი ერთი გარემოება იყო მხოლოდ, რაზედაც თვით პეტრე აქცევდა
ჩვენს ყურადღებას, – რომ ის ნაკლებად იცნობდა ჩვენს საზოგადოებას, არ იყო
დახელოვნებული ქართულ ენაში, მაგრამ ამას არ ჰქონდა საიმისო მნიშვნელობა,
ვინაიდან ივ. ჯავახიშვილი, სიბრძნის ფაკულტეტის დეკანად არჩეული, გვერდში
ედგა მელიქიშვილს და ის აკეთებდა, რაც მელიქიშვილისათვის საძნელო იყო.
გადაჭარბებას თუნდ ყოვლად ღირსეული გარდაცვალებულის მოღვაწის დაფასებაში
ადგილი არ უნდა ჰქონდეს, ყველას თავისი უნდა მივუსაჯოთ, ამიტომ მე უნდა
ვთქვა, რომ თუ გნებავთ, ფაქტიური რექტორი ივ. ჯავახიშვილი იყო. ის იღებდა

1 ის ვერც ავტოკეფალიის აღდგენას შეურიგდა.

სტუდენტობას, მსმენელებს, საზოგადოების წევრებს, მოსამსახურეთ,
მასწავლებელთა და პროფესორთა პერსონალს და სხვა. პეტრე მელიქიშვილიც
დატვირთული იყო თავისი შესაფერისი საქმეებით. ის იყო ხელმძღვანელი და
მომწყობი საბუნებისმეტყველო ფაკულტეტისა. მას წილად ხვდა სხვადასხვა
ლაბორატორიების ჩაბარება, მათი ერთი ბინიდან მეორეში გადატანა, მათი მოწყობა
და ამუშავება, მთავრობასთან და უცხოელების წარმომადგენლებთან სიარული
სხვადასხვა უნივერსიტეტის საქმეების გამო და სხვა. საზოგადოდ, უნივერსიტეტის
აღმშენებლობის და მოწყობის ხანაში ფუნქციების განაწილება ფორმალური არც
ყოფილა. ყველა იმას აკეთებდა, ვისაც რა მოხვდებოდა, ვისაც რის გაკეთება შეეძლო,
თუმც ეს ფორმალურად მისი საქმე არ ყოფილიყო. ვის ურმით თუ ფურგუნით ავეჯი
გადმოჰქონდა, ვინ წიგნებს ეზიდებოდა, ვინ აუდიტორიას ამზადებდა, ვინ
ლაბორატორიას და კაბინეტებს აწყობდა და სხვა.
მე შემიძლია ვთქვა, რომ უდროოდ გარდაცვალება ახალგაზრდა მეცნიერის
იოსებ ყიფშიძისა იყო შედეგი დაღლილობისა უნივერსიტეტის საქმეების გამო.
მხცოვანი პეტრე მელიქიშვილი სამშობლოს განთავისუფლებამ და
უნივერსიტეტის დაარსებამ თითქოს გაახალგაზრდავა. ჩვენთვის საოცარი იყო,
როგორ შერჩა მას, უკვე მოხუცებულს, ასეთი ენერგია ფიზიკური და ფსიქიკური,
საქმიანობა და დაუღალაობა. სოლოლაკის ქუჩიდან ფეხით მიდიოდა
უნივერსიტეტში, საქმეები აუარებელი იყო, საბჭოს სხდომები ზოგჯერ ღამის ორს
საათამდის გრძელდებოდა. ამის შემდეგ ის ფეხითვე მიდიოდა სახლში, დილას
თავის დროზე უნივერსიტეტში იყო. საკვირველი და მასთან სასიამოვნო კიდევ ის
იყო ჩვენთვის, რომ კაცი, რომელიც თავისუფლად საუბრობას ძლივს ახერხებდა
ქართულს ენაზედ, იმდენად დახელოვნდა ამ ენაში, რომ რამოდენიმე თვის შემდეგ
ქართულად კითხულობდა ლექციებს. ეს იმის მომასწავებელია, რომ მელიქიშვილი
დიდი ნიჭის პატრონი იყო და რასაც ხელს მოჰკიდებდა, ადვილად ითვისებდა.
ამიერიდან მან ქართულად დაიწყო თავის გამოკვლევათა წერა და მოხსენებების
კითხვა. ქართულს ენაზე პეტრეს აქვს გამოქვეყნებული შემდეგ სტატიები:
ჩვენი სასმელ-საჭმლის ქიმიური შემადგენლობა (ტფილ. უნივ. მოამბე).
ჩვენი ღვინის ქიმიური შემადგენლობა (ტფ. უნივ. მოამბე, I).
ვაზი და ღვინო (იქ. №11).
პასტერი როგორც ქიმიკოსი (საქართველოს სამკურნალოს მოამბე, 1922, №1).
ჩვენებური ყველი (ტფილ. უნივ. მოამბე II.).
ქიმია და ქიმიური მრეწველობა (ჩვენი მეცნიერება, I).
როგორც პროფესორი, მელიქიშვილი სასტიკი იყო. მისი საგნის ზერელედ
შესწავლა და ასე ფონს გასვლა სტუდენტს არ შეეძლო. მას ჯეროვნად, გულმოდგინედ
და სიყვარულით უნდა შეესწავლა საგანი. მხოლოდ ასეთი სტუდენტისთვის ის
ყველაფერი იყო: მამა, მრჩეველი, ძმა და მეგობარი. მას ჰქონდა უნარი გადაეცა
სიყვარული თავისი საგნისადმი თავის მოწაფეებისათვის, რომელთა შორის
ზოგიერთები ცნობილი პროფესორები არიან: ზ ე ლ ი ნ ს კ ი მოსკოვის
უნივესიტეტში, პ ე ტ რ ე ნ კ ო ოდესის უნივერსიტეტში, ბ ე ზ რ ე დ კ ო პასტერის
ინსტიტუტში პარიზში, პ ი ს ა რ ჟ ე ვ ს კ ი ეკატერინოსლავის სამთომადნო
სასწავლებელში.
ერთხელ პეტრემ ნაღვლიანად მითხრა, დღეს გამოცდა მქონდა სტუდენტებისა,
ზოგმა ჯეროვნად გამოიჩინა ცოდნა, ზოგი სრულიად მოუმზადებელი აღმოჩნდა,
ერთმა სულ არაფერი არ იცოდა და კიდევ პრეტენზია გააცხადა, რომ საკმაო ნიშანი
არ დაუსვიო, და ასეთი ლაპარაკი დამიწყო: "ეხლა ისეთი დრო არის, რომ შეღავათით
უნდა მოგვეპყრათო; მე დიდად დავბრკოლდები, რომ სემესტრი არ ჩამეთვალოსო".
მე ვუთხარი: დიახ, ეხლა ისეთი დროა, რომ ყველა კარგად უნდა აღვიჭურვოთ
ცოდნით, თორემ მაგეთი უვიცობით შენ რომ მიდიხარ, სახელმწიფოს ვერ ავაშენებთ-
მეთქი.
მელიქიშვილი იყო მედგარი დამცველი უნივერსიტეტის ინტერესებისა და
სახელისა. მას ღირსეულად ეჭირა თავი როგორც შინაურების, ისე უცხოელების
წინაშე. მან იცოდა, ვისთვის რა პასუხი გაეცა. როდესაც ამერიკის წარმომადგენელმა
მიიწვია პეტრე უნივერსიტეტის საქმეების საინფორმაციოდ და მოისმინა
მდგომარეობა უნივერსიტეტისა, თურმე შენიშნა: "არ ემჯობინებოდა რუსული
უნივერსიტეტი გაგეხსნათ ქართულის მაგიერ, თქვენ ალბათ ქართული ძალების
ნაკლებობას განიცდით, მეცნიერება ხომ ინტერნაციონალურია, სულ ერთია, რომელ
ენაზედაც შეითვისებთ მეცნიერებასო". პეტრემ უპასუხა: დიახ, მეცნიერება
ინტერნაციონალურია და ამიტომაც ყველა ხალხს თავის ენაზე უნდა ჰქონდეს
შეთვისებულიო.
პეტრე იყო სპეტაკი ადამიანი, ყოვლად უანგარო, ლმობიერი და თავმდაბალი,
სასიამოვნო მოსაუბრე და ფხიზელი გონების პატრონი. ის უნივერსიტეტის საქმეში
დიდს მომჭირნეობას იჩენდა. ვინც ოთახს იწუნებდა კაბინეტისათვის და
ლაბორატორიისათვის, ის შენიშნავდა ხოლმე, ეხლა კომფორტის და ფუფუნების
მოთხოვნას თავი უნდა დავანებოთ, ცოტათი უნდა დავკმაყოფილდეთ, თორემ ნორჩი
უნივერსიტეტი ფეხს ვერ აიდგამს, თუ ყველამ დიდი მოთხოვნილება წარუდგინეთო,
და მაგალითი მოჰყავდა, რომ ოდესაში 15 წელიწადი ლაბორატორია პატარა ნესტიან
სარდაფში გვქონდა მოწყობილიო.
ადამიანი უნაკლო არ არის და პეტრესაც თავისი პატარა ნაკლი ჰქონდა,
რომელიც მისი ჩვეულებრივი ცხოვრებით და პროფესიით იყო გამოწვეული. პეტრე
უცოლშვილო კაცი იყო, გატაცებული თავისი სპეციალობით და სამეცნიერო
მუშაობით, უმეტეს დროს ატარებდა ლაბორატორიაში და კაბინეტში. მას ჰქონდა
საქმე მათემატიკურად ჩამოყალიბებულ ფორმულებთან, რომელსაც ვერც ვერაფერს
გამოაკლებ და ვერც ვერაფერს მიუმატებ. ამიტომ ის ჩვენებურ გაუთავებელ
დისკუსიას და შეხლა-შემოხლას ვერ იტანდა, მოწინააღმდეგის აზრს დამშვიდებით
ვერ ისმენდა, მეტადრე თუ ეს აზრი მისი შეხედულებით გულწრფელი არ იყო.
ღელავდა და გული ადვილად მოსდიოდა. როდესაც პეტრე თავისი სერთუკის
ღილების შესკვნას დაიწყებდა, ეს იმის ნიშანი იყო, რომ ის ჯავრობდა, აღელვებული
იყო და მზად იყო კრება დაეტოვებინა. ერთხელ ერთმა პროფესორმა მაცინა: გუშინ
პეტრე გამიჯავრდაო. ფაკულტეტის კრება გვქონდა. კრების ბოლოს ჩვენს
მატერიალურ უმწეობაზე ჩამოვაგდეთ ლაპარაკი, რომ შუამდგომლობა აღვძრათ,
ჯამაგირი მოგვიმატონო. პეტრემ თქვა, არ შეიძლება, მთავრობას სახსარი არა აქვს,
უნდა ყველამ გავიჭირვოთ, მოვითმინოთ და ნაკლულოვანება ავიტანოთო. მე
ხუმრობით ვუპასუხეო: "თქვენ შეგიძლიათ ატანა, რადგან მარტოხელა ხართ და
მერმე კიდევ ხანშესული ბრძანდებით. ხანშესული კაცის კუჭი ნელად მუშაობს, მას
ცოტა საზრდოც ეყოფა, ჩვენი, შუახნის კაცის და ახალგაზრდების კუჭი უფრო
სწრაფად მუშაობს და უფრო მეტს საზრდოს თხოულობს. ეს ფიზიოლოგიური
კანონია, თქვენც კარგად მოგეხსენება-თქო. გამიჯავრდა პეტრეო. გაწყრა, აღელდა. ეს
რომ შევნიშნე, მივედი: პეტრე, ნუ გამიჯავრდები, გეხუმრე, კარგი ახლა, შევრიგდეთ,
ვუთხარიო, მაგრამ შენც არ მომიკვდე, უცებ შეიკრა ღილები, ხმაც არ გამცა და
წავიდაო.
იყო ერთი შემთხვევა, უფრო არასასიამოვნო: ერთხელ მას უნივერსიტეტის
საპროფესორო ოთახში ერთს თუ ორს კოლეგასთან ლაპარაკი მოსვლოდა,
მოთმინებიდან გამოსულიყო და არასაკადრისი სიტყვები ეხმარა. შემდეგ
გულმოსულს განეცხადებინა, რომ ის თავს ანებებს რექტორობასაც და
პროფესორობასაც უნივერსიტეტში, და წასულიყო. რაში იყო საქმე, არც დღეს ვიცი და
არც საინტერესოა, ხოლო როცა ეს ამბავი ივ. ჯავახიშვილმა გადმომცა, მთხოვა
წავსულიყავი პეტრესთან და ეს საქმე როგორმე მომეგვარებინა, – თუ მაინცდამაინც
რექტორობას თავს დაანებებდა, პროფესორობა განეგრძო. მე ერთი-ორი დღე
დავიცადე, რომ პეტრე ცოტა დამშვიდებულიყო. მერე მივედი ბინაზე მასთან. იამა
ჩემი მისვლა. თვითონ მიამბო ყველაფერი ინციდენტის გამო. მე ვუთხარი, მე არ
შევდივარ იმის განხილვაში, რაშია საქმე, ან ვინ არის დამნაშავე ამ სამწუხარო
ინციდენტისა, მე მხოლოდ ისე, როგორც თქვენი პატივისმცემელი და მეგობარი ივ.
ჯავახიშვილი და სხვა ჩვენი ამხანაგები, ვერ შევრიგებივართ იმ გადაწყვეტილებას,
რომელიც თქვენ მიგიღიათ მომხდარი ინციდენტის გამო. ვთქვათ, ისინი
დანაშაულნი არიან, მაგრამ აქ რა შუაშია უნივერსიტეტი, ან ჩვენ დანარჩენი ასიოდე
კაცისაგან შემდგარი უნივერსიტეტის კოლეგია, რომ გვიწყრებით, გვტოვებთ და
მიდიხართ-თქო. აქ საჭირო არ არის განვაგრძო, რა ველაპარაკე. ვიტყვი მხოლოდ,
რომ ჩემმა გულწრფელმა ლაპარაკმა მის ნაზ გულზე იქონია გავლენა, ტირილი
მოუვიდა, გული ამოესკვნა, ასე რომ იძულებული ვიყავი წყალი მიმეწოდებინა.
ძლიერ გულჩვილი ადამიანი აღმოჩნდა. ცხადი იყო, პეტრე თავის თავს უფრო სასტიკ
მოთხოვნილებას უყენებდა, ვიდრე სხვას. გრძნობდა, რომ არ უნდა დაეშვა
არასაკადრისი სიტყვები, რომელთა შემდეგ მას უხერხულად მიაჩნდა
უნივერსიტეტში დარჩენა, კოლეგების რცხვენოდა. ბაასი ჩვენი გაგრძელდა. პეტრე
დამშვიდდა, გადამკოცნა, დამეთანხმა, რომ მისი წასვლა უნივერსიტეტს ავნებდა,
პროფესორად დარჩენაზე თანხმობა გამოუცხადა, ხოლო რექტორობაზე უარი თქვა.
ამის შემდეგაც ისე გულმოდგინედ და მხნედ განაგრძობდა მოღვაწეობას
უნივერსიტეტში, როგორც წინათ. რექტორად ივ. ჯავახიშვილი ამოვირჩიეთ.
ფაქტიური რექტორი მაინც ხომ ის იყო და ამით არაფერი არ შეცვლილა არსებითად.
ამ დროს უნივერსიტეტი უკვე ისე მოღონიერებული იყო, რომ არავითარი
საშიშროება არ მოელოდა.
პეტრე იყო დიდად დაინტერესებული ჩვენი მრეწველობის საკითხით. თქვენ
მოგეხსენებათ, თუ რა დიდი მნიშვნელობა აქვს ქიმიას მრეწველობის განვითარებაში.
გერმანიამ თუ წინ გაუსწრო სხვა ქვეყნებს ომის წინ მრეწველობაში და ტექნიკაში, ეს
იყო შედეგი ქიმიის დარგის განვითარებისა და მისი თეორიული მიღწევების
პრაქტიკულად გამოყენებისა. პეტრე იყო ჩვენში ამ საკითხში პირველი ავტორიტეტი,
მრჩეველი და ხელმძღვანელი ყველასთვის. მას აზრად ჰქონდა სხვადასხვა
სამრეწველო ამხანაგობის დაარსება და ზოგი კიდეც დააარსა მგონი. აქ მას დიდი
საქმეების მოწყობა შეეძლო, რომ დასცლოდა.
ხანშესული ადამიანი, რასაკვირველია, ყოველდღე უნდა ელოდეს აღსასრულს, –
ეს ბუნების კანონია, მაგრამ პეტრეს სიკვდილი მაინც მოულოდნელი იყო. უბრალო
შემთხვევითი ჭრილობა გამიზეზებია, როგორც სწერენ, და ამის შედეგი ყოფილა
სიკვდილი. უამისოდ მის საღ ბუნებას კიდევ კარგ ხანს შეეძლო განეგრძო თავისი
ნაყოფიერი მუშაობა. ისე, შეიძლება ვთქვათ, რომ პეტრე მელიქიშვილი ბედნიერი
კაცი იყო: ბედნიერი იყო იმით, რომ თვალსაჩინო კვალი დასტოვა მეცნიერებაში;
ბედნიერი იყო იმით, რომ სიბერეშიც შეინარჩუნა ძალა, ენერგია და უნარი
მუშაობისა, რაც ასე იშვიათია სხვებისათვის; კიდევ უფრო ბედნიერი იყო იმით, რომ
მას ბოლოს მაინც წილად ხვდა გამოსდგომოდა თავის საყვარელ სამშობლოს და
გამხდარიყო ერთი იმ ბურჯთაგანი, რომელზედაც დაემყარა და გაიფურჩქნა ჩვენი
ნორჩი ქართული უნივერსიტეტი.

სომხით-საორბელოს ძეგლების წარწერები

(ნაწილი პირველი)

ქვემომოყვანილი წარწერები შეკრებილია 1894–1900 წლებში. ესენი უნდა

დაბეჭდილიყო წერილების რიგში, რომელთ საერთო სახელი იყო «არხეოლოგიური
მოგზაურობანი და შენიშვნანი» და რომელნიც იბეჭდებოდნენ ჟურნალ «მოამბეში»,
მაგრამ 1905 წელს «მოამბე» დაიკეტა და მასალის ბეჭდვა შეწყდა. რაც დაიბეჭდა, ის
შემდეგ ცალკე წიგნადაც გამოვიდა (იხ. არხეოლოგიური მოგზაურობანი და
შენიშვნანი, წიგნი პირველი. ტფილისი, 1907). პირველი გვერდის შენიშვნებში ამ
წიგნისა ნაჩვენებია, რა უნდა ყოფილიყო მოთავსებული ამ გამოცემაში და ვინ
შეგვიწყო ხელი და დახმარება აღმოგვიჩინა ჩვენი სხვადასხვა დროს მოგზაურობის
დროის.
შემდეგ ამ მხარეს ჩვენ გავგზავნეთ გეგმების და სურათების გამოსაღებად იმ
ძეგლებისა, რომელნიც ჩვენ ნახული გვქონდა, სამოქალაქო ინჟინერი კალგინი, მისი
თანაშემწე გ. ებრაელიძე და მხატვარი გრინევსკი. ზოგი ამით შესრულებული გეგმები
გამოცემულია ჩვენს არხეოლოგიურ მოგზაურობათა ალბომში, რომელსაც ჩვენმა
უნივერსიტეტმა დაარქვა «ქართული ხუროთმოძღვრების ალბომი», შედგენილი
პროფ. ექ. თაყაიშვილის მიერ, ტფილისის უნივერსიტეტის გამოცემა, 1924. იხილე
აგრეთვე ჩვენი «კატალოგი ძველი ქართული ხუროთმოძღვრების გამოფენისა»,
ტფილისი, 1920 გვ. 17–16.
ფოტოგრაფიული სურათები ძეგლებისა მოიპოვება ერმაკოვის კოლექციაში,
რომელიც ახლა საისტორიო და საეთნოგრაფიო საზოგადოებას და ტფილისის
უნივერსიტეტს ეკუთვნის, ზოგიც, მცირე ნაწილი, როინიშვილის კოლექციაშიც იყო.
ფოტოგრაფი როინიშვილი ჩვენი მოგზაურობის დროს შეგვხვდა ბოლნისში.
1852 წელს ამ მხარეში იმოგზაურა ნუმიზმატმა და არქეოლოგმა, პოლკოვნიკმა
ბარტოლომეიმ, გადმოიღო წარწერები ესტამპაჟით და გაუგზავნა ბროსეს. ბროსემ
გაარჩია და დაბეჭდა Mélanges Asiatiques-ში, t. II, p. 264–344. ბარტოლომეის დიდის
მასპინძლობით შეხვდა და დაატარა ეს ადგილები დიმიტრი ორბელიანმა.
მოსკოვის არქეოლოგიური საზოგადოების გამოცემაში ეგრეთწოდებულს
მატერიალებში კავკასიის არქეოლოგიისა (ტ. VII, გვ. 63–64) ალ. ხახანაშვილს
მოუქცევია სტატია ფიტარეთის მონასტრის შესახებ, მაგრამ აქ არათუ ახალი არაფერი
არ არის, არამედ არსებული ცნობებიც ვერ არის ჯეროვნად გადმოცემული. ახალი
მარტო ისაა, რომ ცნობას დართული აქვს მხოლოდ ერთი პატარა სურათი
მონასტრისა ერმაკოვის მიერ გადმოღებული.
ეხლახანს ვნახეთ საქართველოს მუზეუმის მოამბე, ტომი III, 1927 წელი,
რომელშიაც მოთავსებულია ახალგაზრდა მკვლევარის გ. ჩიტაიას სტატია:
"პითარეთისა და გუდარეხის საფლავის ქვები", გვ. 110–126. აქ მოყვანილია წარწერები
ცხრა სასაფლაოს ქვისა ფიტარეთის მონასტრისა და დართული აქვს ესტამპაჟით
გადმოღებული სურათი ერთი საუკეთესო სასაფლაოს წარწერისა, მე-8 მის სტატიაში
და მე-9 ჩვენსაში. თავი წარწერა ეკლესიისა მას არ მოჰყავს, მაგრამ ამბობს, რომ მისი
წაკითხვა ახალ კონიექტურებს მოითხოვსო (ბროსეს წაკითხვასთან შედარებით) და
სასურველია იგი გამოიცეს ხელმეორედო. წარწერა მას ესტამპაჟით გადმოუღია და
გადაუცია საქართველოს მუზეუმისათვის.
ჩვენთვის ჩიტაიას წერილში ახალია წარწერა მარანისა, 1696 წლისა, რომელშიაც
იხსენიება წინამძღვარი იობი (გვ. 118). ეს წარწერა ჩვენ არ შეგვინიშნავს. ჩვენ ვიყავით
ფიტარეთში 1896 წელს. გავემგზავრეთ ტანძიიდან. ჩვენთან იყვნენ: ჩვენი მასპინძელი
გიორგი ორბელიანი, მისი ვექილი გიგო შანშიაშვილი, ჩემი თანამოსამსახურე არ.
ქუთათელაძე და გ. ორბელიანის მსახური. მანამ მე თავწარწერას ვარჩევდი, ჩემი
თანამგზავრნი შეუდგნენ საფლავის ქვების გამოჩენას, რომელნიც დაფარულნი
იყვნენ ნეხვით და მტვერით. მათ ოთხი საათი მოანდომეს ქვების გაწმენდას. სულ
გამოჩენილ იქმნა 18 სასაფლაო. საფლავის ქვების წარწერები სანახევროდ იყვნენ
დაცულნი. უმეტესი მათგანი დაწერილი ყოფილა მარმარილოს ქვებზე და ისე
ჩაკერებული სასაფლაოს ლოდებში. ასეთი მარმარილოს რვა ქვა ამოუღიათ და
დაუტაციათ; დარჩენილა წარწერები, რომელნიც უბრალო ქვებზე წერებულა. ჩვენ
მოვასწარით გარჩევა 9 წარწერისა, მეათე წამოსვლის ხანს შევამჩნიეთ
საკურთხეველში და გარჩევა და გადმოწერა ვეღარ მოვასწარით, გვაგვიანდებოდა –
ტანძიის გზა დაკიდული მთით იყო, ტყიანი. საკურთხევლის სასაფლაოს წარწერა არც
ჩიტაიას წერილშია. ჩიტაიას წერილის შემდეგ შეგვეძლო სასაფლაოს წარწერები აღარ
აგვეწერა. მაგრამ შედარებისას აღმოჩნდა, რომ ჩვენს შემდეგ ზოგი წარწერა კიდევ
უფრო დაზიანებულა და სრულიად აღარ იკითხებოდა. შეადარე მაგალითად ჩვენი
მე-4 წარწერა, რომელიც მთლად არის აღდგენილი და ჩიტაიას მე-3, სადაც
გამოუცნობი რჩება, თუ ვინ მარხია ლოდს ქვეშ. რაც შენახულა, იმაშიაც აქა-იქ მცირე
განსხვავება არის წაკითხვაში და ამიტომ მოგვყავს მომავალი მკვლევარისათვის
გულდასმით შესამოწმებლად. საჭიროა ამ წარწერების ფოტოგრაფიულად გადაღება.

ფიტარეთის მონასტრის წარწერები2

წარწერების განხილვას ვიწყებთ ფიტარეთის მონასტრიდან, მაგრამ საჭიროდ

ვრაცხთ შევნიშნოთ, რომ ყველა ქვემომოყვანილი წარწერების გარჩევა ბოლნისის
სიონის წარწერების დართვით ჩვენ წაკითხული გვაქვს მოხსენების სახით
2
გეგმა მონასტრისა იხილე ჩვენს ალბომში, სურ. 44. სხვა გეგმები, ფასადები და აკვარელით
გადმოღებული მხატვრობანი გრინევსკისა (იხ. ჩვენი კატალოგი ხუროთ მოძღვრებათა გამოფენისა, გვ.
19, № 158–164) დაცულნი არიან საისტორიო და საეთნოგრაფიო საზოგადოების მუზეუმში და
საჭიროებენ გამოცემას.
საისტორიო და საეთნოგრაფიო საზოგადოების სხდომაზე 1920 წელს (სხდომის ოქმი
ახლა მე არა მაქვს ხელში). ამას გარდა, აღწერილობა ფიტარეთის მონასტრისა,
ტანძიის ეკლესიებისა – თევდორ-წმინდანებისა, ქვეშისა გეგმებით, წარწერებით და
ზოგიერთი ფოტოგრაფიული სურათით სხვა სტატიებთან ერთად გაგზავნილი იყო ნ.
მართან აკადემიის გამოცემაში დასაბეჭდად, სადაც წინათ იბეჭდებოდა ზოგიერთი
ჩვენი სტატიები, მაგრამ დროთა ვითარების გამო არ დაიბეჭდა და ჯერ არც უკან
მიგვიღია. აქ მარტო წარწერების გარჩევა გვაქვს მიზნად დასახული.
თავი წარწერა ფიტარეთისა, რომელიც მოგვითხრობს მონასტრის აშენების
ამბავს, ამოჭრილია ექვს ქვაზედ შიგნით სამხრეთის კარის ბჭისა, აღმოსავლეთის
კედელზედ, თაღის მსგავსი გრეხილიანის ჩუქურთმის ქვეშ. წარწერა იმდენად
დაზიანებული არ არის, რამდენადაც შემურვილია მჭვარტლით მწყემსების ნანთები
ცეცხლისაგან. ასომთავრული ასოები წარწერისა ღრმად არ არიან ამოჭრილი და არც
კლასიკური ხანის სილამაზეს მოგვაგონებს. ბარტოლომეის მიერ გადმოღებული
წარწერა ალბათ არ სცოდნია თ. ჟორდანიას, რომელსაც წარწერა მოჰყავს (ქრონიკები,
II, გვ. 177) იაკიმოვის მიერ გადმოღებული პალეოგრაფიული პირიდან ბევრად უფრო
დამახინჯებულად, უფრო მეტის სიტყვების გამოშვებით და შეცდომებით, ვიდრე
ბროსეს აქვს. ფოტოგრაფიულ სურათს წარწერისა აქ ვერ ვათავსებთ, ვინაიდან
მართან არის გაგზავნილი და მეორე სურათი, რომელიც ხელთა მაქვს, უვარგისია და
გამოცემა არა ღირს ერთი-ორი სიტყვის გარდა, რომელიც ფრჩხილებში მოგვყავს.
წარწერის აღდგენა შეიძლება ასე:

ქ. ს-ხ ლთა მ-მისათა და ძისათა და ს-ლისა წ-ისჲთა: შ-წვნითა და მხ-ბთა ყ-დ წ-სა
ღ- თს შ-ლის[ა] და წ-თჲთ-ა რ-ნის-კნითგ-ნ ს-თნო ეყვნ-ს ქ-ა ღ-სა ჩ-ნსა ღჲრს ვიქმნ მ-
ნდბჲთა. ღსჲთა, მე ქვთრ ქჯფჲსძე ამირეჯიბი თჳთ მპყრობლჲსა ძ-ლრის მფთ მფსა გ-
ისი აღშნ-ბდ ამს მ-ნ სტ-რსა. და სყდრსა დედის ღ-ის არჲვისი ჰრთვს თნ-რ ჩ-მსა
ლაშრისა და ჴრმლითა მოგბ-ლისა ვიყ-დენ ტანძიაჲ და თევდრ წ-ნი ჩმთავე ჴრმლთა
მონგ-ბთა სფ-სჲთა. მათვე ღ-თვ სნ-ტრელთა დიდთა: მ-ფთა [ჩ-თა] სბ-ნდ შ-ვსწრნ მ-ს ყ-
დ წ-სა ღ-თს მშ-ბლსა ფიტ-რთისსა. სმლცვლდ. მფ-ბსა. მ-თსა [და ც-ჲსა] ჩი-სა ს-ლსა.
მშობელთა და ძმ-თა შვლთა და მ-მვლთა ჩ-მთა და თ-ს არა ვისგნ შეიცვლენ არცარ-ი
ვისსა მრთ-ლ აქ-ს ვ-ტყი მწმ-ბითა: ღ-ჲთა და რამნცა გმოაჴნეს ანუ ქცევ-დ იკ-დროს და
ამს მნ-სტრისა დაკლებდ დიდი ჲყოს გინა მცირე კ-რლ იყოს: დაუსბ-მისა ღ-თისა.
პირ¯თა. მკ-დრჲ და ც-ცხლი ა-ნ.

ამ წარწერაში ასო «ჲ» იხმარება ასო «ი»-ს მაგიერ იმ შემთხვევაშიც, როდესაც მის
წინ სხვა ხმოვანი ასო არ იგულისხმება, მაგალითად: ღჲრს (მე-2 სტრ.), მჲნდობიდა
(მე-3 სტრ.), თჳთ მპყრობელჲსა (იქვე), საფასჲთა (მე-6 სტრ, აქ კიდევ შეიძლება
ვიგულისხმოთ სრული ფორმა საფასოჲთა), ცოდვილჲსა (მე-8 სტრ.), ჲყოს (მე-10
სტრ.), მკუდარჲ (მე-11 სტრ.).
არის შემთხვევა, სადაც უნდა ყოფილიყო ჲ და ჩვენ ვხედავთ ასო «ი»-ს,
მაგალითად: «დაუსბ-მის» უნდა ყოფილიყო დაუსბ მჲს და მაშინ იქნებოდა
ჩვეულებრივი ფორმა «დაუსაბამოჲსა», ახლა კი იძულებული ვართ წავიკითხოთ
«დაუსაბამისა».
ასოები ო და უ წარწერაში გამოხატულნი არიან ერთი და იმავე ასოთი, რომელიც
შემდეგი დროის ასომთავრულ «უ»-ს «საბამოჲსა», ეხლა კი იძულებული ვართ
წავიკითხოთ «დაუსაბამისა» (მე-11 სტრ.) და «ჲყოს» (მე-10 გვ.). «ო» და «უ»
ერთმანეთისაგან არ განირჩევიან.
ნათესაობით ბრუნვაში სიტყვები ხშირად შეკვეცილი ფორმით არიან
წარმოდგენილნი, ვიდრე სრულის: «ღ-თს მშობლის» (მე-2 სტრ.), ღ¯თის მშობლისა
მაგიერ, «დედის ღმრთის» (მე-4 სტრ.) დედისა ღმრთისა მაგიერ. «ძლიერის» (მე-4
სტრ.) ძლიერისა მაგიერ. ამავე ბრუნვაში სიტყვის მაგიერ «გიორგისა» გვაქვს მეორე
ფორმა «გიორგისი» (მე-4 სტრ.).
აღსანიშნავია კიდევ ასო «ვ» ხმარება «უ»-ს მაგიერ კლასიკური დროისა სიტყვაში
«ეყვნეს» (მე-2 სტრ.) «ეყუნეს» მაგიერ. ეს მაგალითი გვაფიქრებინებს, რომ შესაძლო
იყო სხვა ამგვარ შემთხვევაშიც «ვ» ყოფილიყო «უ»-ს მაგიერ, რომ სიტყვები
შემოკლებით არ იყოს გადმოცემული. მაგალითად, ფორმები: «მკვდარი» მკუდარი-ს
მაგიერ (მე-11 სტრ.), «აქვს», «აქუს» მაგიერ (მე-9 სტრ.) და სხვა.
შემოკლებული სიტყვა «ქვთრ» ნიშნავს: «ქავთარ»-ს, მაგრამ გადაჭრით ძნელია
თქმა «ქჯფჲსძე» როგორ უნდა წავიკითხოთ: «ქაჯაფაჲსძე» თუ «ქუჯაფაჲს ძე», ყოველ
შემთხვევაში შეუძლებელია ვიგულისხმოთ აქ «ქოტაფას ძე», როგორც თ. ჟორდანია
კითხულობს (ქრნ. II, 177).
«მართალ აქუს» ნახმარია სიტყვების მაგიერ «სიმართლე აქუს».
სიტყვის შემდეგ «რამნცა» (მე-9 სტრ. ) გამოშვებულია ჩვეულებრივი «კაცმან».
შემოკლებაში «თვდრ წ¯ნი» იგულისხმება «თევდორ-წმიდანი», როგორც ქვემოთ
დავინახავთ ასეთი სახელობის ეკლესიის წარწერიდან.
ამ შენიშვნების შემდეგ ჩვენ უქარაგმოდ წარწერას ასე ვკითხულობთ:
«ქ. სახელითა მამისათა და ძისათა და სულისა წმიდისაჲთა,
შეწევნითა და მეოხებითა ყოვლად
წმიდისა ღმრთისა მშობელისა და წმიდათაჲთა, რომელნი
საუკუნითგან სათნო ეყვნეს ქრისტესა ღმერთსა ჩუენსა, ღირს
ვიქმენ მინდობითა ღმრთისჲთა მე ქავთარ ქაჯაფაჲს ძე*)
ამირ-ეჯიბი თჳთმპყრობელისა, ძლიერის მეფეთ მეფისა გიორგისი,
აღშენებად ამის მონასტრისა და საყდრისა დედის
ღმრთისა. არაჲ ვისი ჰრ
თავს თჳნიერ ჩემისა ლაშქრისა და ჴრმლითა მოგებულისა.
ვიყიდენ ტანძიაჲ და თევდორ-წმინდანი ჩემითავე
ჴრმლითა მონაგებითა საფასითა, მათვე ღმრთივ სანატრელთა
დიდთა მეფეთა
[ჩუენთა] საბედნიეროდ. შევსწირენ მას ყოვლად წმიდასა
ღმრთის მშობელსა ფიტარეთისასა სამლოცველოდ
მეფობისა მათისა,
[და ცოდვილისა] ჩემისა სულისა, მშობელთა და ძმათა,
შვილთა და მომავალთა ჩემთათჳს.
არავისგან შეიცვალენ, არცარაჲ ვისსა მართალ აქუს, ვიტყვი
მოწმობითა ღმრთისაჲთა. და რამანცა
გამოაჴუნეს, ანუ ქცევად იკადროს და ამის მონასტრის
დაკლებად, დიდი იყოს,
გინა მცირე, კრულ იყოს დაუსაბამისა3) ღმრთისა პირითა
მკუდარი და ცოცხალი. ამინ.»
მეფე გიორგი ამ წარწერისა, როგორც სწორად აქვს განმარტებული ბროსეს, არის
გიორგი ბრწყინვალე (1318–1346).
ხუთივე შვილი ყაფლანისა მოხსენიებულია ერთ სიგელში 1670 წლისა,
რომელიც ჩვენ გამოვეცით (იხ. «საქართველოს სიძველენი», ტ. II, გვ. 133). ესენი
არიან: პაპუნა, ასლან, ვახტანგ, თამაზ და გიორგი. სიგელში ყაფლანი ჯერ კიდევ
ბარათაშვილის გვარს ატარებს. მისი ქალი როდამ იყო ცოლი ქართლის მეფის
ვახტანგ მეხუთისა, შაჰ-ნავაზისა («ქართლის ცხოვრება» II, გვ. 308). ჩვენ მიერვე
გამოცემულს როსტომ მეფის განაჩენში (1634–1658) ყაფლან ბარათაშვილი სახლის
უხუცესის თანამდებობით არის ცნობილი («საქ. სიძვ.» ტ. II, გვ. 122–124). მას
ეცილებიან მისივე ნათესავები, მეჯინიბეთ უხუცესი პატა და პაპუნა ბარათაშვილები,
რომელნიც ამტკიცებენ, რომ ფიტარეთის თავი მონასტერი მათი საერთო სასაფლაო
არის. ყაფლან აცხადებს, რომ მათ ფიტარეთში ეკუთვნის მარტო ერთი ეკუდერი,
ხოლო თავ ეკლესიასთან მათ ხელი არა აქვთ. ჩვეულებისამებრ, სამსაჯულომ მეფის
თავმჯდომარეობით ყაფლანს ფიცი გადაუწყვიტა და ეტყობა ყაფლანს შეუფიცავს
კიდეც, ვინაიდან ყველა შენახული სასაფლაოები ფიტარეთში ეკუთვნიან ყაფლანის
შთამომავალთ ორბელიანებს და მათ ცოლებს და არა ბარათაშვილებს. ამას გარდა
ჩვენ უკვე გამოვარკვიეთ, რომ პაპუნა ბარათაშვილმა თავის სასაფლაოდ აიშენა ახალი
ეკლესია ამლივში (იხ. ჩვენი რუსულად დაბეჭდილი «არხეოლოგ. ეკსკურსიი», II, 4–
9). განჩინებიდან სჩანს კიდევ, რომ ფიტარეთის მონასტერს ეკუდედერიც ჰქონდა. აქ
ალბათ იგულისხმება ის ოთახის მსგავსი შენობა, რომელიც კარის ბჭის მარჯვნივ
მოჩანს და შემდეგი დროის დანართის შთაბეჭდილებას ახდენს (იხ. გეგმა ჩვენს
ალბომში, ტაბ. 47).

სასაფლაოს ქ ვ ე ბ ი ს წ ა რ წ ე რ ე ბ ი:

1.

ასომთავრულით: უქარაგმოდ:

1 ქ-ე შ-ე ქრისტე შეიწყალე

პ-ტრნი ყ-ფლან
ქ წ-ბთა: და: შ-წვნთა
ღ-თა მე ორბ-ლის შვლმა
5 ყფლან: მეორეთ შვკე:
მ-ნსტრი: ესე: და ბ-რს: და:
მთ-ში: მტრ-სგან:
გაოჴრბლი:
მკ-დრი მამული: ჩ-მი: აღვ
შენე: ს-ფლი: ჲ-ა: და:
პატრონი ყაფლან.
ქ. წყალობითა და შეწევნითა
ღმრთისათა მე ორბელის შვილმა
ყაფლან მეორეთ შევამკე
მონასტერი ესე და ბარს და
მთაში მტრისაგან გაოჴრებული
მკვიდრი მამული ჩემი აღვა-
შენე, სოფელი ჲა (61). და
ამას გარეთ შენი მამება-

3 ანუ ქუჯაფაჲს ძე. **) ანუ დაუსაბამოისა.

 ამ-ს: გ¯რეთ: შენი: მამებ
რა: სფ-ლი: ი-ზ: ესე: ყ-ი:
დაუტევე: ძეთა: ჩ-თა:
ე-: და: დავ-მკვდრე: ამას
შ-ნა: ქ-კს: ტნთ: შენ
15 დობა: ყვთ: ჩთ-ნ გდბი.
ქორონიკონი უდრის 1671 წელს.
რა სოფელი იზ (17). ესე ყოველი
დაუტევე ძეთა ჩემთა
ე (ხუთთა) და დავემკვიდრე ამას
შინა, ქორონიკონსა ტნთ. შენ-
დობა ყავთ ჩვენთვინ, გევედრები.

2.

ასომთავრულით: უქარაგმოდ:

1 მე: დიდის: ორ მე დიდის ორბელიანის

ბელის: შვილის: ბ-ტონი
ს: ყ-ფლნის: უხუცესი: ძე:
სომხეთის: მო-ავი: საორბ
-ს პტრონი: სბრათიანოს: დ
5 ლ
იდი: თ-ვდი: მეფის: გიორგ
ის: დედის: ძმა: ბ-ტონი: პა
პუნა: გ-რდვიცლე: და: ძ
ე: არა: მესვა: არცა: ას
10 ული: ესოდენის: დიდ
ების: პტრონი: ამ: მცირე
ს: სფლ-ვს: დავემკვიდ
რე: შეძრვ-დ: ჴელს: ნ
უ: მყოფთ: შ-ნდობ-ს:
15 მიბრძნებდეთ: გვ-დრ ბი:
ქ¯კ: ტოზ.
შვილის ბატონის
ყაფლანის უხუცესი ძე,
სომხეთის მოურავი, საორბე-
ლოს პატრონი, საბარათიანოს დი-
დიდ თავადი, მეფის გიორგ-
ის დედის ძმა, ბატონი პა-
პუნა, გარდავიცვალე და ძე
არა მესვა, არცა ასუ-
ლი. ესოდენის დიდე-
ბის პატრონი ამ მცირეს
საფლავს დავემკვიდ-
რე. შეძრვად ჴელს ნუ
მყოფთ, შენდობას
მიბრძანებდეთ, გევედრები.
ქორონიკონს ტოზ.

ქორონიკონი უდრის 1689 წელს. ამ წარწერის პაპუნა არის წინა წარწერაში

მოხსენიებული ყაფლანის უფროსი შვილი. ის მართლა მეფის გიორგის დედის ძმა
იყო. მეფე გიორგი მეთერთმეტე ვახტანგ მეხუთის შვილი იყო როდამიდან, პაპუნას
დიდან. როდამი გარდაიცვალა 1891 წელს და დამარხულია მცხეთაში (იხ.
არხეოლოგიური მოგზაურობანი და შენიშვნანი. I, გვ. 123, 108)4). პაპუნა უშვილო იყო
და მან იშვილა თავისი ძმისწული ერასტი, მაგრამ ამან გამოიწვია დიდი უთანხმოება
მის ძმებთა შორის. ამიტომ ყაფლანმა მისცა 1684 წ. 17 იანვარს თავის ძმებს მდივან
ბეგს ვახტანგს და სარდარს თამაზს საგანგებო სიგელი, რომლითაც ის უარს ამბობს
4
გ. ჩიტაია წერს, თითქოს როდამი რუისში იყოს დამარხული და წყაროდ თ. ჟორდანიას
ქრონიკებს უჩვენებს, მაგრამ ეს შეცდომაა. ეპიტაფია როდამისა ა. ნატროშვილსაც აქვს დაბეჭდილი
(იხ. მისი რუსულად დაბეჭ. «სვეტი-ცხოველი», გვ. 319).
თავის მხრით ს ა უ ფ რ ო ს ო ს მიღებაზე მამულიდან და თანახმაა, რომ ძმებმა
მამული თანასწორად გაიყონ (იხ. საქართველოს სიძველენი, II, გვ. 96).

3. 4.

ასომთავრულით: მხედრულით:

1 მე დიდის ორბელის: ბტნ [მე პაპუნა] ორბელ[იშვილის

ის. . . ლნის . . . . . . . . . . . მეუ] 1
........... ........... ღლე ბანგიჯა [სპ ყოფილი]
........... ........... [მ]ონაზონი ბარბარე: და: [ს]
5 ლოს: მ . . . . . . . . . . . . . ქემოსანი ფებრონია:
დიდი . . . . . . . . . ვნ. . . . შენდობას: ჰყოფდეთ: 5
პატრონი ორბელი . ამა სა ჩემ: ცოდვილისათვი
მარხოსა: დამდვეს: ესე არს ს რათა თქვენცა: მოგეტე
განსასვენებელი ჩ-ი ვნეს: ცოდვანი: თქვენნი: ამინ: 8
10 ამ-ს: დავემკვიდ: დაიწერა ქ-კსა: ტპთ: სეკდენბ
რე: რ-: მთნ-ვს: ესე რ[ის] იზ: გარდავიცვალე. 10
მ-თ: წლისა: მვიც
ვალე: ქ-კს ტო: და
14 შენდობა: ყვთ გევედრებით.

შენიშ.: ქორონიკონი უდრის 1701 წელს. პაპუნას მეუღლე ბანგიჯასპი

მოხსენებულია სიგელში 1684 წლისა (საქ. სიძ. II, გვ. 96. შეადარე ბ-ნი ჩიტაიას
ამონაწერს, გვ. 120, სადაც პირველი ნახევარი წარწერისა აღარ იკითხება).

შენ.: ქორონიკონი უდრის 1682 წელს (შეადარე ბ-ნ ჩიტაიას ამონაწერს, გვ. 121,
სადაც წარწერა უფრო შემოკლებით იკითხება, ხოლო ქორონიკონი უდრის 1686 წ.). აქ
უნდა იყოს დამარხული რომელიმე ან ყაფლანის ან ასლანის შვილი. სახელი ორბელი
ვერ მოგვცემს გადამწყვეტ საბუთს, ვინაიდან ის მეტსახელად ერთვის ხშირად. მაგ.,
მდივან ბეგი ვახტანგი ზოგჯერ ცნობილია მარტო ორბელის სახელით. სახელ
ორბელს ატარებენ კიდევ ვახტანგის შვილის შვილი, ერასტის შვილი, და ვახტანგის
ძმის გიორგის შვილის შვილი, მაგრამ მათ ეს საფლავი არ უნდა ეკუთვნოდეს. ისინი
მე-18 საუკ. ცხოვრობდნენ.

5. 6.

მოსხო ასომთავრულით: მხედრულით:

1 ბაგრატოა ქ-კს 1
ნთა ასული ტპიდ
და დიდის ქ მე ავალი
ორბელის: ს ს შვილის
5 ძლი სოჳლხნი ასული და ო 5
ს მეუღლე ბტ რბელისშვილის: პა
ონი დრჯნ ტრონის: პ
ამს დვემკ აპუას მეუ
9 ვიდრე ქკს: ტოა ღლე ბატ
ონი ანნა დავემ 10
მარხე.
 შენიშ.: ქორონიკონი უდრის 1683 წელს. აქ მოხსენიებული დარეჯან არის ჩვენი
გამოჩენილი ლექსიკოგრაფის სულხან ორბელიანის პირველი მეუღლე. აქ ის თავს
იხსენიებს დიდის ორბელის სძლად და ეს იმიტომ, რომ სულხანის მამას მდივანბეგს
ვახტანგს ერქვა კიდევ მეტსახელად ორბელი. სულხანის მეორე მეუღლე იყო
ათაბაგის ქალი თამარ (საქ. სიძ. II., გვ. 332).
შენ.: ქორონიკონი უდრის 1706 წელს. პაპუნა ორბელიშვილი იყო გიორგის
შვილი, ყაფლანის ძისა, რომელიც მოხსენიებულია ჩემს გამოცემულს სიგელში 1670,
1679, 1689 და 1692 წლების ქვეშ (საქ. სიძვ. გვ. 256, 258, 259, 252). ჩვენს გამოცემაში (გვ.
252) უკანასკნელი თარიღის მაგიერ შეცდომით ნაჩვენებია 1620 წელი. დედანში
გრაფიკული შეცდომა არის: ტპ ქორონიკონის მაგიერ ტჰ სწერია, რომელიც ჩვენ მაშინ
ტჱ მაგიერი გვეგონა, ვინაიდან ჰ-ს ხმარება ჱ-ს მაგიერ ხშირია მე-17 და მე-18 საუკ.
საბუთებში. იხ. ქვემოთ ტანძიის ეკლესიის წარწერა. ამ გასწორებას მიაქცია
ყურადღება გ. ჩიტაიამ (საქარ. მუზ. მოამბე, III, გვ. 125).

7.

მხედრულით:

1 ქ. რომელმან მიწის 10 ის ასული და ორ

გან შექმნენ და დაჰ
ბადენ კაცნი და მუ
ნვე მიწად მიქცევა უჩ
5 ინე აწ მეცა
ბრძანებითა
შენითა მივიც
ვალე სოფლისა ამის
9 გან ამირეჯიბ
ბელის შვილის ქა
იხოსროს მეუღ
ლე ლელა ყოფილი: მონაზ
ონი ელისაბედ და
15 ცქემოსანი ეკატე
რინე შენდობას ი
ტყოდეთ ქკ-ს ტჟ ღვი
18 ნობის თვის ცხრასა.

შენიშვნა: ქორონიკონი უდრის 1702 წელს. ქაიხოსრო უნდა იყოს ასლანის ანუ
ასლან-ბეგის შვილი, პაპუნა და ვახტანგ ორბელიანების ძმისწული, შვილის შვილი
ყაფლანისა, მოხსენიებულია მრავალ სიგელებში მე-17 საუკუნის მეორე ნახევრისა
(საქ. სიძ. II, 133, 96, 430 და სხვა). ჩვენი ამონაწერი განირჩევა ბ-ნ ჩიტაიას
ამონაწერისაგან.

8.

მხედრულით:

1 ქ. მოიხსენ მეცხედრე თ
ე უფალო ინათინ ამ
ორბელის სამარხს დე
შვილის მოლა 10 მკვიდრა ვინც
5 რეთ უხუცეს წაიკითხოთ შენ
ქაიხ¯სროს თანა 12 დობა ყავთ.
 შენიშვნა: აქ მოხსენიებული თინათინი უნდა იყოს მეორე ცოლი იმავე
ქაიხოსროსი, ასლანბეგის შვილისა, რომელიც წინა შენიშვნაში მოვიხსენიეთ. სხვა
წყაროებიდან თინათინი ჯერ ცნობილი არ არის.

საუცხოო ასომთავრული უქარაგმოდ

ხვეულით:

ესე: არ-ს: გ-ნსასვენებელი: ესე არს განსასვენებელი

ჩემი: ო-კი: ო-კე: ჩემი უკუნითი უკუნისამდე.
ამ-ს: დავემკვიდრო: ამას დავემკვიდრო,
რ-: მთნავს: ესე. რამეთუ მთნავს ესე.

ამ ეპიტაფიის თავისებურებას ბევრი გარემოება შეადგენს: პირველად თვით

მოწითანო ქვა თავის ღირსებით, სიდიდით, სიმაგრით, ფერით, მოყვანილობით და
სილამაზით მეტობს ყველა სხვა დაცულ სასაფლაოს ქვებს, შემდეგ წარწერა
ამობურცულის ანუ გამოქანდაკებულის ასომთავრულის დაქსელვით (ხვეულით)
შესრულებული ერთობ საუცხოვოა, ბოლოს შინაარსი წარწერისა მარტო ფსალმუნის
ტექსტს შეიცავს, მიცვალებულის ვინაობის აღუნიშნავად, ისე როგორც დავით
აღმაშენებელის საფლავის ქვაზედ წერია. აქ ვინმე დიდად წარჩინებული ორბელიანი
უნდა ემარხოს. ჩვენი მოსაზრებით, ეს უნდა იყოს ყაფლანის შვილი ვახტანგ ორბელი,
რომელიც ცნობილია როგორც მდივანბეგი ქართლისა, ტფილისის ქალაქისა,
საბარათაშვილოსა, სომხეთისა და თათრისა (საქ. სიძ. II, 137–138). ამას ჰყავდა რვა
შვილი, რომელნიც განთქმულნი იყვნენ თავიანთი მოღვაწეობით და მწიგნობრობით.
ესენი არიან: სულხან-საბა, ერასტი, ვახუშტი, ყაფლან, ნიკოლოზ, ზაალ, ზურაბ (საქ.
სიძ. II, 143). თვით წარწერის ნიმუში უნდა ეკუთვნოდეს ან საბა-სულხანს ან მის ძმას
ნიკოლოზ ტფილელს. ესენი იყვნენ განმავითარებელნი უაღრეს ხარისხამდე ასეთი
დაქსელილი წერისა. ნიკოლოზმა დაგვიტოვა ნიმუშებიც და ანდერძიც ამგვარი
ხელოვნებისა (იხ. ჩემი აღწერა ხელნაწერთა, რუსულ ენაზედ, ტ. II, 411).

სოფელ ტანძიის ეკლესიების წარწერები

სოფელი ტანძია, როგორც დავინახეთ, მე-14 საუკ. პირველ ნახევარში უყიდია

ფიტარეთის ამშენებელს და შეუწირავს ამ ეკლესიისათვის. მე-17 საუკუნეში ეს
სოფელი იყო თავი რეზიდენცია ორბელიანთა ახალი შტოისა. ძველი სასახლე მათი
დანგრეული ვნახეთ. გ. ორბელიანმა აიშენა აქ დიდებული სასახლე, რომელიც ჩვენი
იქ ყოფნის დროს დამთავრებული იყო.
სოფელ ტანძიაში რამდენიმე ეკლესია მოიპოვება. ერთი მათგანი ორბელიანთ
კარის ეკლესია არის გიორგი ორბელიანის სახლის გვერდით. ეს პატარა
ოთხკუთხედი უგუმბათო ეკლესია აშენებულია მშვენიერის თლილის ალგეთის
ქვისაგან მოწითალოს ფერისა და ისე კარგად არის დაცული, გეგონებათ, გუშინ
აუშენებიათო. სიგრძე აქვს 11 არშინი და 10 ვერშოკი, განი 7 არშინი და 6 ვერშოკი.
საუცხოო ნახელავი დიდრონი ჯვრები ამკობენ ეკლესიას აღმოსავლეთის და
დასავლეთის მხრით. სამხრეთის კედელზედ მზის საათი არის ამოჭრილი.
აღმოსავლეთის ჯვარს თან ახლავს სიმბოლური ქანდაკებანი ოთხთა მახარობელთა.
შესავალი აქვს დასავლეთით და სამხრეთით; სარკმელი სამია, თითო
აღმოსავლეთით, დასავლეთით და სამხრეთით. კარები და ფანჯრები შემკობილია
ჩუქურთმებით. კარაკინი სამხრეთის კარისა გამშვენებულია ლამაზის ჯვარით, ორის
პატარა ლომის ქანდაკებით და ლამაზის ქანდაკოვანის

ასომთავრულით: უქარაგმოდ:

ქ წ -ო ნკ-ზ წმიდაო ნიკოლოზ,

მეოხ ექმენ მეოხ ექმენ
პტრნს ორბელს პატრონს ორბელს.

ტანძიის ეკლესიის სვინაქსარი

უფრო დაწვრილებით ცნობები და თარიღი ამ ეკლესიის აშენებისა მოიპოვება

ქაღალდზე დაწერილს სვინაქსარში დიდის ტანისა, რომელიც წინათ ეკუთვნოდა გ.
ორბელიანს. გვერდებზე იმეორება მინაწერი:

«დედოფალთ დედოფალსა თამარს შეუნდნენ ღ-ნ».

ეს თამარი არის გიორგი მეთერთმეტის ცოლი.

ერთი მინაწერი მოგვითხრობს:
ქ კს: ტოა: (=1683).

ქ:5) «მე ფრიად ცოდვილმან და ყოველთა ცოდვათაგან შებღალულმან,

საქართველოს მოსამართლემან, ქართლისა და კახეთისა ჴელმწიფეთა და მეფეთა
დედის ძმამან, დიდის ორბელის შვილის ბატონის ყაფლანის ძემან, მდივანბეგმან
ორბელ, აღვაშენე ჩემს სამკვიდროს სასახლესა შინა ტანძიას კარის ეკლესია სახელსა
ზ¯ა წ¯დისა და დიდებულისა, უბრალოთა სიკვდილისაგან დამხსნელისა, წ¯დისა
ნიკოლაოზისა, და შევამკევი ყ-ლითა წესიერებითა საეკლესიოსა რიგითა, წიგნითა და
ხატებითა, შესამოსლითა და მოფენილობითა, და მოვახსენე და შე(ვ)წირე თავად
ბარაკლიტონი ერთი, მარხვანი ერთი, სვინაქსარი ესე ერთი, განთვისული
სამოციქულო ერთი, განუთვისავი ოთხთავი სახარება ერთი, დავითი ერთი, აპრილი
თვე ერთი, ყ-ლდ წ-დის მეტაფრასი ა, ცოდვილის სულის ჩემისა განსასვენებლად და
მეუღლისა ჩემისა არაგვის ერისთავის ზაალის ასულის ბატონის თამარის ცოდვათა
შესანდობელად და რვათა ძეთა და სამთა ასულთა წარსამართებელად და
სადღეგრძელოდ» (შემდეგ წყევა, ვინც გამოახვას)6).
5
ნიშნებად იხმარება ორ-ორი წერტილი, რომელსაც არ ვიცავთ.
6
შეად. თ. ჟორდანიას ქრონიკები, II, გვ. 497.
 ამრიგად, ეს პატარა, მაგრამ ფრიად კეკლუცი ეკლესია აუშენებია 1683 წელს
მდივანბეგს ორბელს, ყაფლანის ძეს, წმიდის ნიკოლოზის სახელზედ.

ჟამ-გულანი ვახტანგ ორბელის ბრძანებით გადაწერილი

ამ ორბელის ბრძანებით არის აგრეთვე აღწერილი ერთი ჟამ-გულანი, პატარა

ტანისა, ნუსხა-ხუცურით ნაწერი, უთავბოლო, დაშლილი, რომელიც ოძისიდან
ჩამოგვიტანეს და საისტორიო და საეთნოგრაფიო საზოგადოების წიგნსაცავს
გადავეცით. ხელნაწერი ათი მინიატურით არის შემკობილი და ბოლოს მხედრულად
აქვს შემდეგი მინაწერი (ნიშნებად იხმარება ორ-ორი წერტილი ყოველი სიტყვის
შემდეგ, რომელსაც არ ვიცავთ):

ქ: მე ფ-დ ცდვილმან პატრონის ყაფლანის

ძემან ორბელმან აღვაწერინე წ-ა ესე ჟამნი
და დავახატვინე და შევამკევ ყოვლის ფრით, რაც
ოდენ ძალ მედვა, სულისა ჩემისა სახსრათ
და ცოდვათა ჩემთა შესანდობლად, შვილთა ჩემ-
თა სადღეგრძელოდ და ტკბილთა და
საყვარელთა და ჩემთვის ტკბილისა და მოწ-
ყალის თვალით მომხედავთა პატრონთა
და მშობელთა ჩემთა: პატრონის ყაფლან-
ისა და მესხის (?) ამილახორის ქალის პატ-
რონის თამარის შესანდობლად. მოწყა-
ლეო და ძვირ უხსენებელო ტკბილო
და კაცთ მოყვარეო, რომელსა მართალნი
გიყუარან და ცოდვილსა სწყალობ, შეიწ-
ყალე სულნი მშობელთა ჩემთანი და
ჩემიცა ამის ცოდვილისა ძისა მათისა ორ-
ბელის სული დაამკუიდრე მართალ მადიდებე-
ლთა შენთანა, ამინ. დაიწერა ქ¯კს ტნი.

ქორონიკონი უდრის 1672 წელს, ვახტანგის მამა ყაფლან 1671 წ. გარდაიცვალა.

ეტყობა, დედამისიც ამილახორის ქალი თამარი ამ წელს უკვე გარდაცვალებული
ყოფილა.
მეორე ეკლესია ტანძიისა უფრო დიდია, მაგრამ უბრალო ქვით ნაშენი, უგუმბათო,
ოთხკუთხედი ჩვეულებრივი რიგისა. ახლა მიყრუებულია. დასავლეთის კარის
კარაკინზე ამას მხედრულად აწერია:

ქ. ნებითა
და შეწევნითა ღ-
თისათა ჩვენ პტრონის
ყფლანის შვილმან ბტონმა პაპუნ-
ამნ და თნამემცხედრემნ ჩვენმა აბაშ-
ის ქალმა ბტონმა ბნგიჯსპიმ აღვაშე-
ნე წმიდა ესე ტძარი კარისა ღ-თის მშობ-
ლისა სხლზედა ჩვენდა შესნდობლ[ად].

აღმოსავლეთის კედელზედ ამა ეკლესიისა წერია:

 ქ:. სამკვიდროთა:. ჩვენთა:. ტაში-
რის:. და:. საორბელოთ:. პატრონი:. და:. მრა-
ვლისა:. დიდებისა:. მქონებელი:.
ხუთთა:. ძმათა:. უფროსი:. უძეო:.
ვიქმენით:. და:. ჴელ:. ვყავ-
ი:. ამს:. ჩვნენთს:. სახსაენ-
ებლად (sic):. შენდობა:. ბრძენთ:.
გბი:. ქკს:. ტნიჰ:. სრ-
ულ:. იქმნა.

ქორონიკონი ამ წარწერისა უნდა იყოს ტნიჱ. უკანასკნელი ასოს მაგიერ მე-17

საუკუნეში ხშირად ხმარობენ ჰ. თარიღი უდრის 1680 წელს და არა 1670 წელს,
როგორც ბროსეს აქვს ნაჩვენები, მის ქორონიკონში ასო ი გამოშვებულია.
ტანძიაში მოიპოვება კიდევ სამი სხვა ეკლესიის ნანგრევები ჩვეულებრივის
რიგისა, უგუმბათონი, უბრალო ქვით ნაშენნი, რომელთ კედლებზე წარწერები არ
შენახულან.

მდებარეობა თევდორ-წმინდანის სოფლისა და წარწერები

მისი ეკლესიისა

მეორე სოფელი, რომელიც ფიტარეთის აღმშენებელს უყიდია და შეუწირავს

თავისი მონასტრისათვის, ყოფილა «თევდორ-წმინდანი». ახლა ასეთი სახელის
სოფელი სომხითში არ არსებობს. ის არ იცის არც სახელოვანმა გეოგრაფმა ვახუშტიმ.
ქართლში არის სოფელი, «თედო წმიდა გორის ზევით, კარალეთის პირის-პირ,
ლიახვის დასავლეთით, რუისის მთის ძირს» (იხ. ვახუშტის გეოგრაფია, ჯანაშვილის
გამოცემა, გვ. 109), მაგრამ, რასაკვირველია, ეს არ იგულისხმება ფიტარეთის
წარწერაში, სახელიც განირჩევა. აქ მოხსენიებულია «თევდორ-წმინდანი» და არა
«თედო-წმიდა». ასეთი სოფელი ყოფილა ბოლნისის ხეობაში. 1894 წელს ზაფხულში
ჩვენ გავემგზავრეთ აღბულახიდან (ბელიკლიუჩიდან) ბოლნისის ეკლესიის
დასათვალიერებლად. მოხუცმა გრიგოლ შანშიაშვილმა, ფარნაოზ მეფის ძესთან
აღზრდილმან, ყოფილმა ცენზორმა, თავისი შვილი ივანე გამოგვაყოლა, რომ მის
სოფელში გაგვეთია ღამე და ჩვენთვის გზის მაჩვენებელი კაცი მოეცა ძეგლების
დასათვალიერებლად ამ ხეობისა. ჩემთან იყო არ. ქუთათელაძე. ბოლნისის სიონის
დათვალიერების შემდეგ მივედით შანშიაშვილის სახლში, ჩატახის ქარხნის
მახლობლად. იქ ღამე გავათიეთ, ვნახეთ გრიგოლ შანშიაშვილის ცოლის მიერ
განახლებული პატარა ლამაზის თლილის ქვის ეკლესია. მეორე დღეს გზის
მაჩვენებლის თანხლებით შევყევით ბოლნისის ხევს. გზა სულ ტყიანი იყო, ჩატახის-
ქარხნის ზემოთ, მარცხნივ გზისა, ტყეში ვნახეთ კარგად დაცული მოდიდო ეკლესია
მოლურჯო ქვებით ნაშენი. გზის მაჩვენებელმა გვითხრა, ამის სახელი ლურჯი-
მონასტერი არისო. ჩემი შენიშვნები ამ ეკლესიის შესახებ ეხლა ხელთ არა მაქვს.
წარწერა არ ჰქონია. შემდეგ გადავლახეთ მთა და ავედით ზემოთ მაღლობ
დავაკებაზე, ვნახეთ ნ ა დ ა რ ბ ა ზ ე ვ ი. აქ იყო გვარიანად შენახული დიდი
ორსართულიანი ქვის შენობა, დარბაზი, და სხვა არაფერი. ამ დარბაზს მაინცადამაინც
დიდი სიძველე არ ეტყობოდა. არ ვიცით, აქ იყო თუ სხვაგან სოფელი დარბაზი,
რომელიც როსტომ მეფემ შესწირა მცხეთის სობოროს 1645 წელს, 25 თებერვალს.
შემდეგ გავყევით მთა მთას და მივედით ნასოფლარ ს ა ხ უ ნ დ ა რ შ ი. აქ ვნახეთ ის
ეკლესია, რომელზედაც ცნობებს გადმოგვცემს ბარტოლომეი და რომელიც სულ
მიწაში იყო დამალული, გარდა დასავლეთის მხრის შესავლისა თავისი მშვენიერის
ვეფხის ქანდაკებით და განზრახ გაფუჭებული ძველი მხედრულის წარწერით.
ეკლესია მწყემსებს ნახირის სადგომად გადაექციათ. ჩემი შენიშვნები ამის შესახებ
ახლა ხელთ არა მაქვს. ეს ეკლესია ღირსია, რომ ექსპედიცია გაიგზავნოს და
სპეციალურად გამოიკვლიონ. ქანდაკება ერთობ ლამაზი და მოხდენილი ნახელავია.
აქედან საღამოს ჟამს მოვაღწიეთ და ჩამოვეშვით ბოლნისის ხეობაში მას შემდეგ, რაც
40 კილომეტრი მაინც გავაკეთეთ იმ დღეს. სწორედ აქ ფერდოებზე ვნახეთ საკმაოდ
კარგად დაცული თლილი მოწითალო ქვით ნაშენი მოზრდილი უგუმბათო ეკლესია
და ნასოფლარი. ამ ეკლესიის წარწერა ბარტოლომეის მიერ გადმოღებული ბროსემ
გამოსცა (Mélanges Asiatiques-ში, t. II). ეკლესია ვანქის სახელით არის მოხსენიებული;
ნამდვილად კი, «თევდორ-წმინდანი» ანუ «თედო-წმინდანი» რქმევია. ეს სახელი ვერ
ამოუკითხავს ბროსეს და კიდევ ბევრი სხვა შეცდომები აქვს გარჩევაში.
შესავლის კარებთან დასავლეთიდან მოიპოვება ასეთი წარწერა ასომთავრულით:

1. ქ.7) სხ-ლითა: ღ-ჲთა: მხ-ბითა: წ-ი ღ-ის მშ-ბითა: წ-სა: თ-ეა: და: ყ-ლთა: წ-ითა: მისთჲთ-ა: ესე და
2. წერილი: ჩ-ნ თე-რ: წ-თა: მღ-დლთა: და მწირთა: მ-ს ჟ-ა ოდეს ამ-ს ეკლსა ვაშნებდით: მოგცა
3. :პ: დუკ-ტი: გ-ბლ: ჩა-ბჲძმ-ნ: გაუკუეთეთ: დ-კნ: ჟმ-სა: თ -: რავდნიცა ხუცესი: იყოს: ჟ-ა წირვ
4. იდენ: და: აღაპი: გრდაიჴდებდეს: ს-ისა: გრდმოყენებსა: მდ-ლი მოიჴსნბდეს: ვ-ნ: ესე
5. შეცვ¯ლს: კრ¯ლცა არს: პირითა: ღ-ჲთა: ა-ნ.

ხატის სოფლის ეკლესიის წარწერები

ხატის სოფელი მდებარეობს ბოლნისის ხეობაში. აქ ქართველების სოფელია

მცირე. ეკლესია პატარაა, მაგრამ ძლიერ ლამაზი მოწითალო თლილი ქვით ნაშენი.
სიგრძე აქვს ეკლესიას 9 არშინი და 5 ვერშოკი, განი 7 ნახ. არშინი. სარკმელი ორი აქვს:
ერთი აღმოსავლეთით, მეორე დასავლეთით კარი აქვს დასავლეთის მხრით და კარს
ზემოთ აწერია მხედრულად:

ქ. ზე ადიდოს ღმერთმან მეფეთ მეფე პატრონი შაჰნავაზ და დე-

დოფალთ დედოფალი პატრონი მარიამ. ჩვენ თურმანიძე თურმან
და მეცხედრე ჩვენი ქეთევან ყიზილბაში8 ვიყვენით. და რო-
დესაც ბედნიერმან ყენმან წყალობა
უყო და მეფე როსტომ ქართლს სამეფოდ გამოგზავნა
ჩვენც წყალობა გვიყო და თან გამოგვტნა და გვიბოძა
ჩვენი მამული სამკჳდრო და ხატის-სოფელი აოხრებული
დაგვიხდა. ბედნიარის ყ
ენისა და როსტომ მეფის წყალობითა ისრევ ავაშენეთ და
ასრე ვა
თარხნეთ: საქართველოს მეფეთა და მეპატრონეთაგან
არა ეთხოე

7 დედანში «წილ-ქანი» არის.

8 ბროსე ასწორებს: ყიზილბაშ-ში.
 ბ რა არ საური. არ კოდის პური არ სბლხე არ
კულხი არა
სახელმწიფო სათხოვარი
არა ეთხოებ რა ე
რთის ლშქრნდირობ
ისგან მეტი: მოვძულდი
ღ-თსა მე ქეთვან და მოწია ჩ
ემზედა განგება რისხვა
ღ¯თისა და ამ სოფლით გარდ
ჴდა პატრონი ჩემი და შჳლი
ჩემი გედალი. დვრჩი
უძეოდ. აქა მიცვლა: ავშე
ნე ყ¯დ წმიდის ტაძრი სულ
სა მისისა საჴსრდ: ეჰა უბ
იწო ბიწ შეუხებლო რ¯ნ
დიტიე დუტევნელი ქ¯ე მე
უფე ღ¯თი ჩვენი შეიწირე
მცირე მოსრთმევლი ესე
და ნცლდ მიუგე
გედლის9 მოწყ
ლება შენი დასმინე
ჴმა ტკბილი სმეუფო:10

შემდეგი ორი წარწერა ხატის სოფლის ეკლესიისა ცნობილი არ არის. ამათში

ერთი მოთავსებულია მარჯვნივ დასავლეთის კარისა და იკითხება ასე:

ნიკოლოზ
უფალო შ¯ე
ქ¯ა ტნიე.

ქორონიკონი წარწერისა უდრის 1677 წელს.

მეორე წარწერა არის სულ დაბლა დასავლეთის კედელზედ:

ქ მოიხსენე უფალო ამისი ოს-

ტატი ღარიბჯანა ამინ.

ვერცხლის ჯამს ამ ეკლესიისა მხედრულად აწერია:

შენ წმინდის ნიკოლოზისა ტაძარას (sic) შემოგწირე მცირე

ესე შემოსაწირავი ფეშხუმი შესაწევნელად და სამეოხოთ
მეუღლისა ძისა და ასულისა ჩემისა მე მჴევალმან შენმან
ციცისშვილის ასულმან თინათინ.

ამ ეკლესიის ზემოთ პატარა წმიდის გიორგის ეკლესია არის ქვისა, რომელიც

ახლა სომხებს უჭირავს. წარწერა არა აქვს.

9ბროსე კითხულობს: მადლის.

10 შეადარეთ ამას ბროსეს წაკითხული Mélanges Asiatiques-ში, t. II, 3, p. 333–334, სადაც იმის გარდა,
რომ შემოკლებანი დედნისა გახსნილია, მრავალი შეცდომაა.
 როდესაც ბოლნის-ხაჩინიდან მივდიოდით ხატის სოფელში, ბოლნის-ხაჩინს და
თათრების სოფელს შუა ჩვენ შეგვხვდა ექვსი ეკლესიის ნანგრევები. ამათში ორი
მოდიდოა და სხვები პატარა. ერთი მათგანის გეგმა გადმოღებულია ინჟ. კალგინის
მიერ. შემკობილია ქანდაკებებით და სამხრეთით და ჩრდილოეთით ეკუდრები აქვს
მიშენებული. ის აწერილი აქვს გ. ჩუბინაშვილს (იხ. ხრისტიანსკიი ვოსტ. V).

წუღრუღაშენის ეკლესიის წარწერები

ბოლნისის ხეობას ორი დიდებული ნაშთი ამშვენებს ხუროთმოძღვრებისა,

ცნობილი ბოლნისის სიონი მეხუთე-მეექვსე საუკუნისა (გეგმები იხ. ჩვენს ალბომში,
ტაბ. 41–44), მეორე კეკლუცი გუმბათიანი წუღრუღაშენის ეკლესია (გეგმები იხ. ჩვენს
ალბომში, ტაბ. 45–46). ესე ერთი მეორის ახლო მდებარეობენ ბოლნისი ბარში წყლის
პირას, წუღრუღაშენი მაღალი მთის კალთაზედ და თავისი მაღალი გუმბათით
დაჰყურებს მთელს ხეობას. წარწერები, ბარტოლომეის მიერ გადაღებული, გაარჩია
და გამოსცა ბროსემ (Mélanges Asiatiques-ში, t. II, p. 309-310). წარწერა არაა ჯეროვნად
წაკითხული და ამიტომ რა ერქვა ძველად იმ ადგილს, სადაც ეხლა ეკლესია არის, არ
ვიცოდით. წარწერები რამდენიმე ყოფილა, მაგრამ ჩვენამდის მოუღწევია ორს. ერთი
უკეთ შენახული მოიპოვება დასავლეთის კარის მარჯვნივ კედლის ქვაზედ (იხ. ტაბ.
I), მეორე დიდად დაზიანებული და ნაკლულოვანი სამხრეთის კარის თავზედ (იხ.
ტაბ. II). ორივე ასომთავრულით არის წარმოდგენილი. პირველი იკითხება:

1ქ სახლითა ღისჲთა და მხბთა წისა

ღის მშბ¯ლისჲთა ძლიერებთა წისა
გის ხ¯თშბთის ჯრისჲთა მ¯ფბსა
შ¯ა დიდისა გ¯ი მფეთა მფისასა
5 მიწამ¯ნ მფბისა მთისამნ არსენის
ძემნ ჰასან დვიწყე შენ
ებჲ ტძ¯არსა გო¯ნბდს მმლ
სა ჩ¯მსა: ოწყებითა და გ¯მოცხადე
ბითა: ამისვე მთ¯ვრ მწამისა
10 მიერ სად-დბლად ღისა.

ამ წარწერაში ო და უ წარმოდგენილია ერთი და იმავე ნიშნით, შემდეგის დროის

ასომთავრულის ო-თი (იხ. ტაბ. I), სტრ. 8: «ოწყებითა» (უწყებითა), გ¯მოცხადებითა
(გამოცხადებითა). ფიტარეთის წარწერაში, როგორც ვნახეთ, ორივე ასო უ-ნით არის
წარმოდგენილი.
ჲ წესისაებრ არის ყოველთვის ნახმარი და არა ი-ს მაგიერ, როგორც
ფიტარეთისაში.
სიტყვა გო¯ნბადს რაკი პატივით არის აღნიშნული, გულისხმობს გოჳნბადს და
უნდა წავიკითხოთ – გუნბადს.
უქარაგმოდ წარწერა იკითხება ასე:

ქ. სახელითა ღმრთისაჲთა და მეოხებითა წმიდისა

ღმრთის მშობლისაჲთა, ძლიერებითა წმიდისა
გიორგის ხუთშაბათის ჯუარისაჲთა, მეფობასა
შინა დიდისა გიორგი მეფეთა მეფისასა,
 მიწამან მეფობისა მათისამან, არსენის
ძემან ჰასან, დავიწყე შენ-
ებაჲ ტაძარისა გუნბადს, მამულ-
სა ჩემსა, უწყებითა და გამოცხადე-
ბითა ამისვე მთავარ მოწამისა
მიერ, სადიდებელად ღმრთისა.

სამხრეთის კარის თავზე არის მეორე წარწერა, რომელიც ძლიერ დაზიანებულია,

აკლია თავში, მარჯვნივ და მარცხნივ, ხუთი სტრიქონიდან, რომელიც ემჩნევა,
უკანასკნელი ორი ისე გაფუჭებულია, რომ ასოების მოხაზულობა ახლა ბუნდოვნად
მოჩანს, მაგრამ ვინაიდან შენახული სტრიქონები წარმოადგენენ განმეორებას
დასავლეთის კედლის წარწერისა, ამიტომ ტექსტის აღდგენა დაახლოებით შეიძლება.
პალეოგრაფიულად ეს წარწერა პირველისაგან განსხვავდება და ეტყობა ამომჭრელი
წარწერისა სხვა ყოფილა და არა ის, რომელსაც პირველი წარწერა ამოუჭრია. ასოები
აქ უფრო მოგრძოა, ა და ი სხვა ასოებში არ არიან მოთავსებული. ამას გარდა, ასოები
იწყებიან და თავდებიან ჩაღრმავებული წერტილებით. ამგვარ სისტემას ივ.
ჯავახიშვილი «კიდურწერტილოვან დამწერლობას» უწოდებს (იხ. მისი, ქართ.
პალეოგრაფია, გვ. 122). ბარტოლომეის დროს ეს წარწერა ცოტა უფრო კარგად
ყოფილა დაცული, დასაწყისი ასოები და უკანასკნელი ორი სტრიქონი მის ტაბულაზე
უფრო კარგად მოჩანან (Mélanges Asiat. II, pl. IV). ამის დახმარებით წარწერის
დაახლოებით აღდგენა შეიძლება:

1 შეწ[ევნითა ღისჲთა და წ¯]ისა [ღთ]ის მშობლისჲთა [ძლრბითა წ-ისა გ-ის ხთშბთის ჯრისჲ
2 თა] მფ[ბსა შ¯ა დიდისა გ¯ი]სა მწმნ მფ¯ბსა მთისმნ არსენის ძემნ ჰ[ასან დავიწყე შენებაჲ] ტძრსა
3 [გო¯ნბდს უწყებითა და გამ]ოცხადებითა მისვე მთავარ მოწმისა მი-
ერ... სა
4 [დიდებლად და სალ]ოცველად ღთივ გჳრგჳნოსნთა მეფეთა მეფისა
[გი¯სა]...
5 . . . სა მდლითა და კცთ მოყრებთა იჳ ქესითა რლისა არს [დ¯დბჲ ო¯კი ო¯კე ა¯ნ]

უქარაგმოდ

1 შეწ(ევნითა ღმრთისაჲთა და წმიდ)ისა (ღმრთ)ის მშობლისაჲთა, (ძლიერებითა წმიდისა

გიორგის ხუთშაბათის ჯუარისაჲთა),
2 მეფო(ბასა შინა დიდისა გიორგი)სა მიწამან მეფობისა მათისამან, არსენის ძემან ჰ(ასან, დავიწყე
შენებაჲ ტაძრისა
3 (გუნბადს, უწყებითა და გამო) ცხადებითა მისვე მთავარ მოწამისა მიერ... სა-
4 (დიდებელად და სალ)ოცველად ღმრთივ გჳრგჳნოსანთა მეფეთა მეფისა (გიორგისა)...
5 ... სა მადლითა და კაცთმოყვარებითა იესუ ქრისტესითა, რომლისაჲ არს (დიდებაჲ უკუნითი
უკუნისამდე. ამინ).

ამ წარწერებიდან ირკვევა, რომ იმ ადგილას, სადაც ეხლა წუღრუღაშენი არის,

რქმევია ძველად გუმბადი. ეს ყოფილა მამული ჰასან არსენისძისა და მას იქ
აუშენებია ხუთშაბათის ჯვარის წმიდის გიორგის სახელზედ ის დიდებული ეკლესია,
რომლის ნანგრევებსაც აღტაცებაში მოჰყავს მნახველი. წუღრუღაშენი ამ ადგილს
შემდეგი დროის მეპატრონის ვიღაც წუღრუღას გამო უნდა დარქმეოდეს. ეტყობა ამ
ადგილებში განთქმული ყოფილა ხუთშაბათის ჯვარის წმიდის გიორგის ხატი,
რომლის სახელზედ ჰასანს აუგია ეს შესანიშნავი ძეგლი. ალბათ, ხატი წინათ პატარა
ეკლესიაში ესვენა.

დმანისის ეკლესიის წარწერები

დმანისი დიდი ციხე-ქალაქი იყო ბუნებით მოზღუდვილი, ბევრად უფრო დიდი

მანძილი ეჭირა, ვიდრე სამშვილდეს. თავი დმანისის ეკლესია სიონური რიგის არის,
უგუმბათო, უბრალო ქვით ნაშენი, მაგრამ დიდი და მაღალი. დანამდვილებით მისი
აშენების დრო ძნელი გამოსარკვევია, მაგრამ ეჭვს გარეშე ძველ ხანას ეკუთვნის. მას
დასავლეთის მხრით ამშვენებს კარის ბჭე გიორგი ბრწყინვალის დროს მიშენებული,
გუმბათიანი და, ჩვეულებისამებრ, ამ დროის შენობათა დიდებულად შემკული
ჩუქურთმებით (გეგმები იხ. ჩვენს ალბომში, ტაბ. 36, 37, 38). თავი ეკლესიის წარწერა
არა სჩანს, ხოლო სამრეკლოს კარზედ ყოფილა ასომთავრული წარწერა დიდის
ასოებით ამოჭრილი, მაგრამ გადარჩენილა მხოლოდ ერთი სტრიქონი, რომლის
სურათს აქვე ვათავსებთ და რომელიც იკითხება:

... სა დ. სმრვლითა ცდვთ ჩნთ

(ესე იგი... სა: და სიმრავლითა ცოდვათა ჩვენთა).

რაც შეეხება გიორგი ბრწყინვალის დროს აშენებულ კარიბჭეს, ამის დასავლეთის

მთელი ფრონტონი უჭირავს ასომთავრულ წარწერას დიდი და ლამაზი ასოებით
შესრულებულს. ასეთი დიდი წარწერა იშვიათია, ის თავისი სიდიდით მოგვაგონებს
კათალიკოზის ეპიფანეს წარწერას, ნ. მარის მიერ ამოთხრილს ანისში და მის მიერვე
გამოცემულს, მაგრამ სამწუხაროდ ზოგი ქვა ფრონტონისა ჩამონგრეულია და იქვე
ყრია, ზოგი ალბათ მიწაშია მოქცეული; რაც დარჩენილია, ხავსით არის მოცული,
ამიტომ გარჩევა და აღდგენა წარწერისა ამ პირობებში შეუძლებელია. ჩვენ სულ ცოტა
ხანი ვიყავით დმანისში და არავითარი საშუალება არ გვქონდა მაღალი კიბეები
გვეშოვნა, დარჩენილი ქვები გაგვეწმინდა, ჩამოცვენულნი მოგვენახა და მიწიდან
ამოგვეთხარა. ამისთვის საჭიროა განსაკუთრებული ექსპედიცია, წინასწარი მუშაობა,
ქვების თავის ადგილზე მოთავსება, გარეცხვა და ფოტოგრაფის საშუალებით
გადმოღება. ყველა ამას, ჩვენ იმედი გვაქვს, შეასრულებს ჩვენი უნივერსიტეტი. ის,
რაც ბარტოლომეის ტაბულაზეა მოთავსებული (Mélanges Asiat., II, 3, p. pl. IV, V) და
ის, რაც ჩვენ ქვემოთ მოგვყავს, სრულიად საკმაო არ არის. აქედან მხოლოდ
საზოგადოდ ირკვევა, რომ კარიბჭე გიორგი ბრწყინვალის დროს არის აშენებული:

ქ: ს-ხლითა: ღ-ჲთა: და მხ-ბთა: წ-სა: ღს მშბლ[თა დამყ]არნ: ღ-ა

მფ-თა: მფ-ბჲ: გ-ისი: რ-ლთა: მ-რ: ღ-რს ვი ქმ ნ: მე: მწჲ: მ-თი... ჭდსი:
მმი: კ
აზ-ნ პტს: ძე: აღშნბდ: კრ-ს ბჭსა: ამის: სდდ ბლ[დ]... [მ]ფბსა: მთ-სა: დ
მ-სჴსნბლად: ც-დვილისა: ს-ლსა: ჩ-სა ბიძჲსა: ჩისა: ანტნს: მშბ-ლთა:
და... სი მთბ...
ღ-სა: ს-ყრლისათს: ლ-ცსა: მოიჴსნნეთ: რ-ა ღ-ნ: თქნცა მოგიჴსნნეს
სსფვლსა მისსა. ვინცა: ესე
 დაწერილი რჲსც: მზეზითა... და შა ლოს კრლცა: არს ღისა: [პირი-
თა] მკვდ-რი: და ცოცხა
ლი: გ-ნოხჴსნლად: და ჩნთმცა ბრლთა: მზღველი არს დღესა: მ ს: გნკთხ-
ვისსა... ო-:
მფ. ძს. ს- ი: თვდსი: მ-მფ.

ქვემოთ ამ წარწერისა მეორე დიდი წარწერა უფრო დაზიანებულია და ნაკლებად

შენახული:

ქ: სახელითა: ღთისათ[ა]: და მეოხებითა ყ

დ წ-ჲსა ღის: მშობელისათა... წისჲ...
ლი: ღჲშნჲ: დ-დ დმნჲსისა: მმ...
ეკლესჲსა: კარის: ბჭე... რსა: შემოსულსა... რმ
სამრთლჲ იქნ-ბოდა: უმეყვსოთ ღთრლოთ... ღიმთ...
ჩნებად არ მოშლებდეს: ვირე: ოქროსა: სრ: აშენებდეს: თლჲთ
ალჲ: სმრთალი: იყო: ეგრე ჩემსა: დმნისისა: მმთვრობში ე...
და ვნცა: შმდგმდ: ჩემსა: აღუს...
წყევსამ[ცა] ქუეშე: არს ვით
ა: ნესტორ
დ ოროგჲ
ნი: ან.

შიგნით კარიბჭისა თაღის პილონზე ამოჭრილია ოთხსტრიქონიანი

ასომთავრული წარწერა, რომელიც უცნობია ლიტერატურაში:

ამისა შ-ნებ-ა: შ-ნა შ-წ-რა

აფარნაზ: დრკი და გ-კთ
აღი დღს ჳს შ-ბჲ ვნც
დკს კრულ.

უ ქ ა რ ა გ მ ო დ:

ამისა შენებასა შინა შემოსწირა

აფარნაზ დრაჰკანი დ (4), გაუკუეთეთ
აღაპი დღეს(ა) უფლის შობასა. ვინც
დააკლოს, კრულ.

დიდი ეკლესიის მახლობლად დმანისში არის პატარა ოთხკუთხედი თლილი

ქვით ნაშენი ეკლესია, სიგრძით 11 არშინი და 5 ვერშოკი, სიგანით 7 არშინი და 7
ვერშოკი. სარკმელი აქვს სამი და შესასვლელი ერთი სამხრეთით. საკურთხეველი
მომაღლო აქვს, ტრაპეზის ქვა კედელზეა მიყრდნობილი. იატაკი აგურის ყოფილა,
მაგრამ აგური აუკრეფიათ. აღმოსავლეთის მხრით ამ ეკლესიის ოთხი ნატეხია
არაბულის კუფიურის წარწერისა. სამხრეთის კარის ზემოთ მხედრულად აწერია (იხ.
ტაბ. I, №2):

ქ: შეწევნითა: ღ-თისათა: მე: ფ-დ ცოდე

ლმან: ბატონის: შვილის: მარიამის: გმდელმან: ისახარ:
კ-დ: განვახლე: დაქცეული: საყდარი: ესე: წ-ის მარინისა: ცოდვ
ათა: ჩ-ნთა: შესანდბლად: და: ბატონთა: ჩ¯ენთა: მოსახსენებლად:
ქ-ს. ტ-ჟ (1702).
 საფლავის ქვების წარწერები დმანისის ეკლესიისა

დმანისის თავი ეკლესია ყოფილა სასაფლაოდ გამოყენებული ბოლო დროის

ორბელიანებისათვის. ჩვენ მხოლოდ თორმეტი სასაფლაო გამოვაჩინეთ მტვერისაგან
დაფარული, მაგრამ ორი მარმარილოს ქვა თავისი წარწერით უკვე აღარ იყო.
წარწერები ნაჩქარევად გადმოვიღეთ, რიგი სტრიქონებისა დაცული არა გვაქვს.
შემდეგი უფრო გულდასმით მუშაობა, იმედი გვაქვს, კიდევ აღმოაჩენს საფლავების
ქვებს და ჩვენ წარწერებსაც შეავსებს. აქ უფრო მე-18 საუკუნის სასაფლაოებია
დაცული. ერთის გარდა (მე-10) ყველას მხედრული წარწერები აქვს.

1.

ქ: მე დიდის ორბელიანთაგან: ძე
ზურაბისა: დიმიტრი: მიმცვალა
ბრძანებამან მეორედ მოქცევისამან
და დავეფალ სამკვიდრებელსა ამას
გევედრები მხილველთა შენდობასა
ყოფდეთ ქ-კს უვ.

ქორონიკონი უდრის 1718 წელს.

ეს ის დიმიტრი უნდა იყოს, რომელიც მოხსენიებულია ნასყიდობის წიგნში 1740
წლის ქვეშ (ს. კაკაბაძე. საისტ. მოამბე, II, 1924, გვ. 177), როგორც მამა უზბაშ
ყაფლანისა, ზაალისა, ბერისა და გიორგისა.

2.

ქ-ქს: ტჟზ. თიბათვეს. კზ

მივიცვალე.
ქ. ჩვენ დიდის ორბელის ძის
ყაფლანის გიორგის ძე პაპუ[ა]
მივიცვალე სამკვიდროსა ამისგან
დბანის.

ქორონიკონი უდრის 1709 წ.

პაპუა, ძე გიორგისა, ძისა ყაფლანისა ცნობილია სიგელებში 1674, 1679, 1689
წლების ქვეშ (საქ. სიძ. II, გვ. 255, 258, 259, 430). ეს უძეო ყოფილა (ibid., გ. 243).

3.

ქ. მე დიდის ორბელიანთაგან
თამაზ სარდრის ძის ბატონის
[მზეჭაბუკი?] ძე ფარსადან
მივიცვალე.
 თამაზ სარდალს ექვსი შვილი ჰყავდა: მამუკა, რამაზ, ფირან, მზეჭაბუკ, ზურაბ
და რევაზ. ძნელი სათქმელია, რომლის შვილია ფარსადანი, რომელიც მოწმედ არის
ნაჩვენები ერთს სიგელში 1725 წლისა (საქ. სიძ. II, გვ. 330).

4.

აღვესრულე აპრილს კა.

ქ. ტომობით ორბელიანი
ძეთაგან ბეგისა ყაფლანის
შვილის [სულ]ხან აღვესრულე
ხსენებასა ჩ-მსა ფიწ მოსი (?)
ყვსისთს (?) ღთის (?)

უქარაგმოდ:

აღვესრულე აპრილის კა.

ქ. ტომობით ორბელიანი,
ძეთაგან ბეგისა, ყაფლანის
შვილის (ა), [სულ]ხან აღვესრულე.
ხსენებასა ჩემსა ფიწმოსი (?) [ყოფდეთ]
[სი]ყვარულისათჳს ღთისა (?)

შეიძლება იყოს ერასტი მდივანბეგის ძე ეშიკაღასბაში.

5.

ორბელიანთაგან დავითის ძე
... მდბრე საფლავსა ამას
აღმომკითხველთა შენდობას
[გევედრები]
ქ-კს უკ.

ქორონიკონი უდრის 1732 წელს.

ეს უნდა იყოს მდივანბეგის ერასტისშვილის დავითის ძე.

6.
................ ..
................ ..
................ ..
................ ..
ქ-კნი ულზ
... გი მიცვალა.

ქორონიკონი უდრის 1749 წელს.

7.

ქ: მე ორბელიანთაგან ძე მზე-
ჭაბუკის რამაზ ვძე ტაგ-
რუცსა ამას
 აღვესრულე ფებერვალსა...
ქ-კს ულ.

ქორონიკონი უდრის 1742 წელს.

ეს უნდა იყოს თამაზის ძის მზეჭაბუკის შვილი.

8.

სოფლისა ამის ღელვათაგან

შეიწრებული და უცალო
ქმნილი მრავალთა ცოდვათა
ჩემთაგან დასჯილი მე ყაფ-
ლანის შვილი ორბელი
მივიცვალე ქ¯ს ულბ.

ქორონიკონი უდრის 1744 წელს.

ეს ორბელი უნდა იყოს მდივანბეგის ერასტის შვილი, ძისა ვახტანგისა,
რომელიც იხსენიება სიგელში 1717, 1736, 1737 წლ. ქვეშ (სიძ. II, 299, 386, 389).

9.

... ლისა ამის მსწრაფლ...

... რულისგან დაკლებულ...
... [ლ]უარსაბის(ა) თამარი შ...
................ ..
ეს უნდა იყოს ასლან-ბეგის ძის ლუარსაბის ასული. სხვა წყაროებში არ
იხსენიება.

10.

დასავლეთის კარიბჭეში არის სასაფლაო ხუცურის წარწერით:

საჭეთა მპყრბ¯ლი
დიდისა ეკლესიისა დმა-
ნისისა. . . . . . . . . . . .
... სამცხე საათაბაგო...
მიიცვალა ცოდვილი...

რომელი დმანისის ეპისკოპოსია აქ დამარხული, არა სჩანს.

 სომხით-საორბელოს ძეგლების წარწერები

ნაწილი მეორე11

I. ქვეში

ქვეში სოფელია მაშავრის ხეობაში, რატევანსა და კაზრეთს შუა, დმანისს ქვემოთ,

კიანეთიდან ორი კილომეტრის მანძილზე, ლენინაკანს მიმავალი შარაგზის მარცხნივ.

1. ქვეშის ციხე

აქ არის დიდი ვაკე, რომლის შუაგულში განმარტოებით აზიდულია მაღალი,

კლდოვან-მწვერვალიანი გორაკი. მისი მწვერვალი მცირედ დავაკებულია და ციხედაა
გადაქცეული. ეს ციხე შორიდან არწივის ბუდესა ჰგავს. მისი თვალწარმტაცი
სილამაზე აღნიშნული აქვს ვ ა ხ უ შ ტ ი ბ ა ტ ო ნ ი შ ვ ი ლ ს ა ც, რომელიც წერს:
«ქვეშის ციხე არს მაღალ კლდესა ზედა მდგომი, ჰავითა და თვალთათვის მშვენი».
ჩვენი დავალებით, წყლის ფერადებით დახატული სურათი ქვეშის ციხისა ინახებოდა
საქ. საისტ.-საეთნოგრ. საზოგადოების მუზეუმში.
ციხეს მისავალი მხოლოდ სამხრეთიდან აქვს.
ციხე XVIII საუკუნის შუახანებში განუახლებიათ და გაუმაგრებიათ
ორბელიანებს. შესავალი კლდეშია გვირაბისებურად გამოხვრეტილი. მის თავზე
მოჩანს მოგრძო-ოთხკუთხოვანი ბუდე, რომელშიც ჩადგმული ყოფილა მარმარილოს
ფიქალი, მხედრულწარწერიანი. იგი გამოუღიათ და დაუმტვრევიათ. ნამტვრევები
ვიპოვეთ, მოვაგროვეთ და შევინახეთ ციხის პატარა ეკლესიაში. ისინი, რაც
შეიძლებოდა, რიგზე დავაწყვეთ და ამოვიკითხეთ გადარჩენილი სიტყვები. წარწერა
შვიდპწკარიანი ყოფილა:

1. დწ . . . . . . . . . . . . . . . . . . . ყებასა ქე¯ს აქათ ჩღმბ

2. ამირ სპასპეტ სარდალ მ(ს)აჯულთ უხუცეს მდივანბეგ [ორბელიანმა ქაიხოსრომ]
3. მოიყიდა ადგილი ესე ქვეშის დუშენი (sic) მოზღუდა ციხე და განკაფა კლდე
4. . . . . . იხსნა ნებითა თვისითა და ბრძანებითა [თ]ვით მფლობელისა
5. მის სარდა . . . . . . . რევაზ და შემდგომად მიცვალ. . . .
6. . . . . . . . . . . . . . . . . . . . . . . . . . . . . ნე სრაპალა
7. . . . . . . . . . . . . . . . . . . . . . . . . . . . . . . . ულთ

ამ წარწერის თარიღი და მასში მოხსენებულ პირთა ხარისხების ჩამოთვლა

საშუალებას გვაძლევს დავადგინოთ, რომ საუბარია ქაიხოსრო ორბელიშვილის
შესახებ, რომელიც ამირსპასპეტ-სარდალიც იყო და მსაჯულთუხუცესი ანუ
11
პირველი ნაწილი გამოქვეყნდა 1929 წელს, პარიზში, მეორე ნაწილი დაიბეჭდა თსუ შრომებში, ტ. 43,
1951
 მდივანბეგიც12. რევაზი იყო მისი შვილი, რომელმაც ერეკლე მეორისაგან მიიღო,
ქაიხოსროს გარდაცვალების შემდეგ, ყველა მისი თანამდებობა. ქაიხოსრო
მიიცვალა გზაზე, სპარსეთიდან საქართველოში მომავალი, 1747 წელს13, ხოლო
რევაზი 1754 წელსაც ჯერ კიდევ ცოცხალი იყო14.

2. ქვეშის ციხის ეკლესია და მისი ნივთები

შიგ ციხეში დგას პატარა ეკლესია, ჩვეულებრივი რიგისა, ოღონდ თლილი ქვით
ნაშენი. ციხეცა და ეკლესიაც ჩვენ შემდეგ უნახავს და აღუწერია განსვ. ლ.
მუსხელიშვილს15. ამიტომ ჩვენ საერთო აღწერილობას აღარ გამოვეკიდებით და
აღვწერთ მხოლოდ ეკლესიაში დაცულ ნივთებს, რომლებიც ჩვენს შემდეგ
დაკარგულა.
ა) წმ. ნ ი კ ო ლ ო ზ ი ს დიდი ხატი, მოოქვრილი ვერცხლით შეჭედილი. ზედა
ნაწილზე ჰქონია ძველი წარწერა, რომელიც ახლა სრულიად ამოფხეკილია. ქვედა
ნაწილზე აქვს მხედრული წარწერა:

«მღვდელთ მთავართა შ-ს კანონი ღ თ ი ვ: სულიერო ნიკოლოზ: მე სახელისა შენისა მოსავი: და

ხატისა ამის შენისა სასწაულად მხილველი გიმკობ ვერცხლითა ხატსა ამას შენსა ქვეშს სასვენებელსა:
ორბელიანი სარდალი სახლთ-უხუცესი დავით: მშობელთა ჩემთა შენ მიერ საოხად და თანამეცხედრის
ჩემისა ყოვლისა საქართველოს მეფის ირაკლის ასულის თამარისა: და ჩემად: და ძეთა და ასულთა
ჩემთა: საკეთილდღეოდ და მრჩობლსა ცხოვრებასა შინა კეთილად დასაცველად თთვესა მაისსა: იგ-ს
ქე-ს აქეთ ჩღოვ ქ-კს უდ. მისხალი რიდ».

ქორონიკონი უდრის 1776 წელს. დავით სარდალი მიიცვალა 1796 წელს, ხოლო
მისი მეუღლე თამარი – 1786 წელს.
ბ) წმ. ნ ი კ ო ლო ზ ი ს ხ ა ტ ი, უბრალო ლითონით შეჭედილი. ქვედა ნაწილზე
ხატს შემდეგი მხედრული წარწერა აქვს:

«ქ. შენ ზღვათა და ხმელთა სასწაულითა აღმავსებელისა ქვეშის წ-ის ნიკოლოზისას შეგიმკობინე
ხატი ეს აღსაზრდელად შვილთა ჩემთა და შესაწევნელად ჩემდა დღესა მას საშინელსა განკითხვისასა
წინაშე შენგან ღვაწლ დადებულისა იესო ქრისტესა მე მონამან შენმან ორბელიანმან ასლანმან ჩყივ
წელსა ქ-კს ფდა».

ქორონიკონი უდრის 1816 წელს.

გ) წმ. ნ ი კ ო ლ ო ზ ი ს ხ ა ტ ი, უბრალო.
ხატს აქვს მხედრული წარწერა:

«შემოგწირე ხატი ესე წმინდის ნიკოლოზისა მოჭედილი სარდლის ივანე ორბელიანის ასულმა
კნ(ეინა) სალომემ ჭავჭავაძის ალექსანდრესამ, მეოხად ჩვენ ყოველთათვის».

12 ქართ. ცხ., II, გვ. 350–397–401.

13 იქვე, გვ. 413.
14 იქვე, გვ. 454. სინანულით უნდა აღვნიშნოთ, რომ ჩვენს მიერ ეკლესიაში შენახული ნატეხები

წარწერიანი მარმარილოს ფიქალისა შემდეგ დაუტაციათ და ლ. მ უ ს ხ ე ლ ი შ ვ ი ლ ს ისინი 1936

წელს უკვე აღარ დახვედრია (იხ. მისი «არქეოლოგიური ექსკურსიები», თბილისი, 1941, გვ. 34–35).
15 ლ. მ უ ს ხ ე ლ ი შ ვ ი ლ ი, არქეოლოგიური ექსკურსიები, თბილისი, 1941, გვ. 34–35. სურ. 13 – ციხის

ხედი სამხრეთიდან და სურ. 14 – შესავალი გვირაბი მეორე სართულში ასასვლელი კიბითურთ.

 დ) მ ი ქ ა ე ლ მ თ ა ვ ა რ ა ნ გ ე ლ ო ზ ი ს ხ ა ტ ი.
ქვემოთ, ხეზე აქვს მხედრული წარწერა:

«შემოგწირე ხატი ესე ივანე დონდარაშვილის მეუღლემ მართამ სვნეთის (სვენეთის? ე. თ.)
საყდარს ესე მთავარ ანგელოზის ხატი საოხად სულისა ჩემისა შვილთა ჩემთა».

ე) ს ა დ ღ ე ს ა ს წ ა უ ლ ო, ეტრატისა.
პალიმფსესტია, ნაწერი ნუსხა-ხუცურით, რომელიც ეკუთვნის ხანას
არაუგვიანეს XIII–XIV საუკუნეებისა. წიგნს ყდა გაფუჭებული აქვს.

ვ) ს ა დ ღ ე ს ა ს წ ა უ ლ ო, ქაღალდზე ნაწერი.
ყდიანია. აქა-იქ გაფუჭებული ადგილები შეკეთებული აქვს. ნაწერია ნუსხა-
ხუცურით. ერთ ადგილას ვკითხულობთ:

დ¯ბა და სრ¯ლსა და სრულ მყოფელსა ყისა კ¯თლისსა გ-ნხლდა წიგნი ესე ბრძანებითა ერისთვის
შვილის ეშიკაღაშბაშის ზურაბისთა. მრავალმცა არნ წელნი ცხ-რბისა მისისნი სკ¯ნმცა არს ჴს¯ნბჲ და კხ-
ვა მისი ან: თვესა აგჳსტოსა: ლ-ა: ქ-კსა: ტჟთ:

ქორონიკონი უდრის 1711 წელს.

II. კაზრეთი

სოფელი კაზრეთი ორბელიანებს ეკუთვნოდა. იგი მდ. მაშავრის პირას ძევს,

დმანისს ქვემოთ და ქვეშს ზემოთ. მის მიდამოებში მრავლადაა ეკლესიის ნანგრევები
და ნასოფლარები.

1. სამების ეკლესია

კაზრეთის ხეობაში ყველაზე დიდი ეკლესიაა სამებისა, რომელიც ეტყობა,

მონასტერი ყოფილა. იგი ოთხკუთხედია, მშვენიერი თლილი ქვით ნაგები, მაღალი
და ლამაზი16. სიგრძე 15,97 მეტრი აქვს, განი – 9,43 მეტრი. თაღი დაცულია მხოლოდ
საკურთხევლის ნაწილში, დანარჩენი ჩამონგრეულია. დანგრეულია აგრეთვე
სამხრეთი კედელი. სხვა ნაწილები საკმაოდ კარგადაა დაცული. შესავალი აქვს
დასავლეთით, სამხრეთით და ჩრდილოეთით. ორმაგი სარკმლებია დასავლეთით,
ჩრდილოეთით და, ვგონებ, სამხრეთითაც (დანგრეულობისა გამო დანამდვილებით
აღარა ჩანს). აღმოსავლეთით კი ერთი დიდი სარკმელია, საკურთხეველში. სამხრეთ
კედელში მომრგვალო ნიშია, ხოლო აღმოსავლეთ სარკმელის ორივე მხარეზე – თითო
ოთხკუთხოვანი ნიში. საკურთხევლის ჩრდილო კედელში არის დიდი უბე,
რომელსაც ჩრდილოეთით აქვს პატარა სარკმელი და სამხრეთ-აღმოსავლეთით
პატარა ნიში. უბე აღმოსავლეთით მომრგვალებულია. საზოგადოდ, ეს დიდი უბე
კედლის სისქეში შეჭრილი სამკვეთლოს როლს თამაშობს. ჩრდილო მხარეზე

16 ამ ეკლესიის გეგმა და განაკვეთი იხ. ჩვენს „ძველი ქართული ხუროთმოძღვრების ალბომში“ (თბილისი, 1924,
გვ. 39–40).
(აღმოსავლეთიდან თითქმის შუა ნაწილამდე) ეკლესიას აქვს ეკვდერი, რომლის
სიგრძე 5,08 მეტრს უდრის, ხოლო განი – 3,64 მეტრს. ამ ეკვდერს დასავლეთით ერთი
შესავალი აქვს, ხოლო ჩრდილოეთით – ორი სარკმელი. მის საკურთხეველში ერთი
სარკმელია და ორი პატარა ნიში.
ეკლესიის კარ-სარკმლები შემკულია ჩუქურთმებით. დასავლეთ სარკმელთა
შორის მშვენიერი ჩუქურთმიანი ჯვარია. სარკმელს მარცხნივ, ქვემოთ
გამოქანდაკებულია იესო ქრისტე (წელს ზემოთ), რომელიც ფრთოსან ანგელოზს
აძლევს ჯვარს. უფრო ქვემოთ არის ჯაჭვით დაბმული ლომი, ხოლო მარჯვნივ –
ხელაპყრობილი კაცი. ამავე დასავლეთ ფასადზე, სულ მაღლა, როგორც მახსოვს, იყო
გრეხილოვანი მხედრული მონოგრამა, რომელშიც, ვგონებ, სახელი „ავთანდილი“
იკითხებოდა (ცალკე ქაღალდზე მქონდა ამოწერილი და ის ქაღალდი ვეღარ ვიპოვე).
ლავგარდანი გრეხილოვანია.
შიგნით ეკლესია სულ მოხატული ყოფილა. ახლა კი ნახატები შენახულია
მხოლოდ საკურთხეველში. თავით ფეხამდე გამოხატულ წმინდანთა ვინაობას
გვამცნობს ასომთავრული წარწერები: «წ¯ჲ დიონისი», «წ¯ჲ კვირიკე», «წ¯ჲ ილია», «წ¯ჲ
გ-ბლი», «წ¯ჲ მიქელ». საკურთხევლის სარკმლის კედლებზე გამოხატულია წმ.
კოზმანი და წმ. დამიანე. წმინდანებს ხელში უჭირავთ გრაგნილები, რომლებზედაც
მათი საგალობლებია წარწერილი ხუცურად.
თავის დროზე შიგნით კედელზე ისტორიული ფრესკული წარწერაც ყოფილა.
ახლა იგი მოშლილია, მაგრამ, საბედნიეროდ, 1846 წელს გადმოუწერია ალექსანდრე
ჯამბაკურ-ორბელიანს და ეს ასლი მის ნაწერებში ვიპოვეთ. მის მიხედვით, ფრესკაზე
შემდეგი წერებულა:

«მოიხსენე უფალო წიაღსა შ-ა ცხოვრებასა ბატონიშვილი ბოვანელი (sic) მთავარეპისკოპოსი

ნიკოლოზ წმინდასა ამას მონასტერსა...17 ჩემის მამის და დედის ბატონის ელენეს შესანდობლად და
ჩემის ცოდვილის თავის მოსახსენებლად. ვინცა ამა მონასტერსა შიგან ჟამსა შეხვიდეთ18, შენდობას
ეტყოდეთ ღ-თის მიმართ – ქკს ტნი»...

სხვა წაშლილიაო, შენიშნავს ალ. ორბელიანი.

ქორონიკონი უდრის 1672 წ. ეტყობა, ამ წელს მოუხატვინებია ეკლესია ბოლნელ
ეპისკოპოსს ნიკოლოზს.
ეკლესიის ჩრდილოეთით მრავალი ნასახლარია. მათ შორის უდიდესია გრძელი,
ოთხკუთხედი, ორსართულიანი ქვის შენობა, რომელიც ჩანს, ბერების საცხოვრებელი
და სასადილო ანუ საოსტიგნე ყოფილა. მისი სიგრძე 20,62 მეტრს უდრის, განი – 7,82
მეტრს. შენობა სანახევროდ დანგრეულია.
ამ დიდი ეკლესია-მონასტრის აშენების თარიღი არსად ჩანს, მაგრამ ჩვენი
აზრით, ის აგებული უნდა იყოს XVII საუკუნის მეორე ნახევარში. შეიძლება, იგი
ააშენა იმავე ნიკოლოზ ბოლნელმა ეპისკოპოსმა, რომელსაც მისი კედლები
მოუხატვინებია და რომელიც კარგადაა ცნობილი ბოლნისის ტაძრის სამრეკლოს
წარწერის მიხედვით19.

17 ამის შემდეგ რამდენიმე სიტყვა აკლია. ეტყობა, ისინი ან დაცული არ ყოფილა, ან ალ. ორბელიანს
ვერ გაურჩევია, თუ გამორჩენია.
18 უნდა იყოს: «ჟამსა წირვიდეთ».

19 იხ. Г. Ч у б и н а ш в и л и, Болниси. Тбилиси, 1940, с. 76.

 2. სათხის ეკლესია

კაზრეთისავე ხეობაში, სოფლის სამხრეთით, მისგან ცოტა მოშორებით, მთის

ძირას, დაბურულ ტყეში დგას მოდიდო, უგუმბათო ეკლესია, ლამაზი თლილი ქვით
ნაშენი. ახლა ამ ეკლესიას „სათხეს“ უწოდებენ. ეს იმიტომაო, ამიხსნა ევგენი
ქობულაშვილის მოურავმა კაზრეთში, რომ იქ ხშირად ჩამოდიან და თავს იფარავენ
გარეული თხებიო (ამგვარივე ახსნა ალ. ორბელიანსაც მოეპოვება). ეკლესიის გარშემო
ნასოფლარია.
ეკლესიას კარები აქვს დასავლეთით, სამხრეთით და ჩრდილოეთით. ყოველ
კარებს შევყავართ დაბალ ეკვდრებში, ისე რომ ჩრდილოეთით და სამხრეთით მთელ
სიგრძეზე ეკვდერია. ეკვდრებია აგრეთვე დასავლეთით, მთელი ეკლესიისა და
სამხრეთი ეკვდრის სიგანეზე მიშენებული. ყველა თაღი – როგორც მთავარი
ეკლესიისა, ისე ეკვდრებისა – ჩამონგრეულია. თაღი შერჩენილია მხოლოდ
საკურთხეველში. დასავლეთი ეკვდერი ქვის კედლით, უკაროდ გაყოფილია ორ
ნაწილად. ასევე გაყოფილია ჩრდილო ეკვდერიც. მის დასავლეთ ნაწილს კარი
დასავლეთითა აქვს, სარკმელი – ჩრდილოეთით. მთავარ ეკლესიას ოთხი სარკმელი
აქვს: თითო აღმოსავლეთით და დასავლეთით, და ორიც – სამხრეთით. ეკვდერთა
სახურავი, რასაკვირველია, სარკმლებს ქვემოთ იწყება. ეკლესიისა და ეკვდერთა
სარკმლები შემკულია ლამაზი ჩუქურთმებით. ყველა ეკვდერი თანამედროვეა
მთავარი ეკლესიისა და მხოლოდ ჩრდილო ეკვდერი განუახლებიათ შემდგომ ხანაში.
ეკლესიის საკურთხეველში, მარჯვენა და მარცხენა კედლებში, ღრმა და მაღალი
უბეებია. მათში შესავალი მომაღლოა და მოჩუქურთმებული. ეს უბეები სენებს ანუ
სენაკებს მოგვაგონებს და თითქოს სამკვეთლოსა და სადიაკვნეს მაგივრობას ეწევა.
ჩრდილო ეკვდრის კედელში დატანებულია ჩუქურთმიანი ქვა, რომელზედაც
გამოხატულია ჩუქურთმოვან რგოლში მოქცეული ჯვარი. ვაზის მტევნებისა და სხვა
სახეებით დამშვენებული ქვები სხვა კედლებშიც მოიპოვება.
ეკლესია მოხატული ყოფილა კარგი ნახელავი ფრესკებით, რომელთა ნაშთები,
ასომთავრული წარწერებითურთ, დარჩენილია საკურთხეველში. აქ წარმოდგენილი
არიან: «წ-ჲ პ-ე», «წ-ჲ მ-თე», «წ¯ჲ მარკოზ», «წ-ჲ ი-ე». ამათ ქვემოთ არიან: «წ-ჲ ნკ-ზ», «წ-ჲ
ათანასე», «წ-ჲ ეგნატე». დასავლეთი ეკვდრის სამხრეთ ნაწილში, კედელზე ძლივს-ღა
გაირჩევა ორი სურათი, – მამაკაცისა და დედაკაცისა. ესენი მაშენებელნი უნდა იყვნენ.
სათხის ეკლესიის გეგმა ჩვენს დროს არ იყო გამოხაზული. თუმცა იგი შეტანილი
გვქონდა იმ ძეგლთა სიაში, რომელთა გეგმები უნდა გადმოეღოთ საამისოდ
სომხეთში ჩვენს მიერ მივლინებულთ, ინჟ. ა. კ ა ლ გ ი ნ ს და მის თანაშემწეებს. ამ
უკანასკნელთ მისთვის ვერ მიუგნიათ, როგორც მათვე გადმომცეს.
სათხის ეკლესიის წარწერები პირველად გადმოიღო ცნობილმა ნუმიზმატმა
ბარტოლომეიმ და აკად. ბროსეს მიაწოდა. ბ რ ო ს ე მ გაარჩია წარწერები და გამოსცა
ისინი 1864 წელს Mélanges Asiatiques-ში20. გამოცემაში ბევრი შეცდომაა.

20
T. II. Livraison 3, pp. 326, 327; pl. V.
 სათხის ეკლესიის წარწერები

სათხის ეკლესიის ყველა წარწერა ასომთავრულითაა ამოჭრილი, გარდა ერთი

არასრული წარწერის – ჩრდილო ეკვდრის აღმოსავლეთ მხარეს, – რომელიც
მოგვითხრობს XVII საუკუნეში ამ ეკვდრის განახლებას.

I. აღმოსავლეთ სარკმელს ზემოთ აწერია:

«ქ- ე შ-ე მ- ქლ ც-ი ბწტი, ან».
«ქრისტე, შეიწყალე მიქელ ცოდვილი ბაწატი21, ამინ».

II. დასავლეთ კარს ზემოთ:

«ქ- ე შ-ე მ-ნჲ შ-ნი თვძძ ე შვლნი მსნი ა-ნ»22.
«ქრისტე, შეიწყალე მონაჲ შენი თავძაძე ე (=ხუთნი) შვილნი მისნი, ამინ».

III. ამ წარწერის ქვემოთ არის ერთი წარწერა, რომელსაც ბ რ ო ს ე ასე

კითხულობს: – Chtaché Mrtara (sic! ე. თ.).

IV. სამხრეთ სარკმელს ზემოთ:

«ქ- ე შ-ე ივ- ნე ნიკ- ოზ ი-ე და შ-ნი მ-ნი ა-ნ»23.
«ქრისტე, შეიწყალე იოვანე, ნიკოლოზ, იესე24 და შვილნი მისნი, ამინ».

V. ამ წარწერის აღმოსავლეთით:
«ქ- ე შ-ე ი-ე გ-ი».
«ქრისტე, შეიწყალე იესე (ან იოვანე), გიორგი».

VI. სამხრეთ-აღმოსავლეთი კუთხისაკენ, მაღლა:

«ქ- ე შ-ე კ-ე გალატოზი, ა-ნ«25.
»ქრისტე, შეიწყალე კვირიკე (ან კონსტანტინე) გალატოზი, ამინ«.

VII. დასავლეთ კარს ზემოთაც ყოფილა წარწერა, მაგრამ წაბღალულა და

გადარჩენილა მხოლოდ სამი ასო «ვ თ- ვ».
ყველა ეს წარწერა ეკლესიის აშენების თანამედროვეა, მაგრამ მათში არაა
აღნიშნული არც ერთი ისტორიულად ცნობილი პირი და უნდა ვიფიქროთ, როგორც
მართებულად შენიშნავს ბ რ ო ს ე ც (გვ. 328), რომ წარწერები იხსენიებს მუშებს (ჩვენ
ვიტყოდით, გალატოზებს ანუ კალატოზებს), რომელთაც უშენებიათ ეკლესია. მათში,
ქართველებს გარდა, სომხებიც ყოფილან.

21 ახმოვანება ამ სიტყვისა, ისევე როგორც სხვა ამგვარადვე შემოკლებული სიტყვებისა, რომელნიც არ

შეიცავენ, ჩვეულებრივ, საკუთარ სახელებს, სავარაუდოა. ბ რ ო ს ე კითხულობს: «ბწჭი» ან «ბწცი»-ო.
22 ბ რ ო ს ე კითხულობს: «ქ- ე შ-ე მ-ნჲ თვ ძმა ე შვლნ მსნი ა-ნ».

23 ბ რ ო ს ე ს გამოცემაში ეს წარწერა სრულიად არ არის.

24 «ი¯ე» ქართულ ეპიგრაფიკაში «იოვანე»-საც ნიშნავს, მაგრამ ვინაიდან ეს სახელი იმავე პწკარში წერია

«ივ-ნე», აქ «იესე» უნდა ვიგულისხმოთ.

25 ბ რ ო ს ე კითხულობს: «ქ- ე შ-ე გალატოდია ანა»15.
 VIII. ჩრდილო ეკვდრის აღმოსავლეთ კედელზე, როგორც ზემოთაც აღვნიშნეთ,
არის ნაკლოვანი მხედრული წარწერა, რომელიც ბ რ ო ს ე ს სრულიად არ მოჰყავს.
მასში იკითხება:

«ქ. ჩვენ: ზურაბის შვილმან

ძემან პტრონი . . . . . . . . . . . შ . . . . . შესმა:
პტრონმა: ზურაბ: მეორედ:
აღვშენე სა . . . . . .
(ამას იქით ორი წარწერიანი ქვა აკლია. ე. თ.)
. . . . იკითხოთ: შენდობა ბძნეთ.
დაიწერა აპრილის ა ქ-კს ტნ».

ქორონიკონი უდრის 1662 წელს. მაგრამ აქ შეიძლება შეცდომა იყოს, ვინაიდან

ზურაბიშვილები შთამომავლები იყვნენ ყაფლან ბარათაშვილ-ორბელიანისა,
რომელსაც სამი შვილიშვილი ჰყავდა, ზურაბად წოდებული: თამაზ სარდლის
შვილი, გიორგის შვილი და ვახტანგის შვილი. ეს უკანასკნელნი კი XVII საუკუნის
დასასრულისა და XVIII საუკუნის დასაწყისის თაობას შეადგენენ.

სათხის ეკლესიის კანკელი და მისი წარწერა

სათხის ეკლესიის კარ-სარკმლები ლამაზი ქანდაკოვანი ჩუქურთმებითაა

შემკული, მაგრამ მის მთავარ სამკაულს წარმოადგენს ძველებური, ხატოვანი
კანკელი.
სათხეში პირველად ვიყავით 1896 წელს, როდესაც შევამოწმეთ და გადმოვიღეთ
წარწერები. მაშინ ისეთი დიდი შთაბეჭდილება მოახდინა ჩვენზე კანკელის
ნანგრევებმა, რომ გადავწყვიტეთ, გადარჩენილი ნაწილები თბილისში ჩამოგვეზიდა.
ეს შევიძელით მხოლოდ 1900 წელს, როდესაც გავემგზავრეთ კაზრეთში და თან
საამისოდ დამხმარე წავიყვანეთ – სათავადაზნაურო გიმნაზიის მოსამსახურე
მეტრეველი, მხნე და შეგნებული ადამიანი. პირველ დღეს კაზრეთში მივედით და
ღამე გავათიეთ. მეორე დღეს სათხეში გავემგზავრეთ. ამინდი ცუდი დაგვესწრო,
წვიმდა, მაგრამ მაინც შევუდექით მუშაობას. კანკელს ირგვლივ მიწა სულ
შემოვუთხარეთ მოვაგროვეთ კანკელის ყველა ქვა და მისი წარწერის ცალკეული
ნაკლული ნაშთები. ტყეში საურმე გზა არ იყო და ამიტომ კაზრეთამდე ქვები
მარხილებით მოვათრიეთ, ხოლო შემდეგ თბილისში ურმებით ჩამოვზიდეთ. ურმებს
თვით მეტრეველი გამოჰყვა. ყველაფერი უზადოდ ჩამოვიდა თბილისში და წერა-
კითხვის საზოგადოების მუზეუმს გადაეცა. ჩვენში ეს პირველი შემთხვევა იყო
ამგვარი ძეგლის მუზეუმში ჩამოტანისა. ახლა სათხის კანკელი ქართული
ხელოვნების მუზეუმში, «მეტეხში» ინახება, შეძლებისამებრ აღდგენილი
პირვანდელი სახით.
ეს ხატოვანი კანკელი ფრიად საყურადღებო ძეგლია. იგი ერთადერთი ძველი
რიგის კანკელია, რომელსაც ჩვენამდე ასე თუ ისე მთლიანად მოუღწევია და
რომელიც სრულ წარმოდგენას გვიქმნის იმის შესახებ, თუ რა მოყვანილობა და სახე
ჰქონიათ ამგვარ კანკელებს თავის დროზე. იგი წარმოადგენს ხუთ გაშლილ კამარას,
რომელნიც ექვს ლამაზად მოჩუქურთმებულ სვეტზეა დაყრდნობილი. შუა კამარა
მთლად, თავიდან ბოლომდე გაშლილი და საკურთხეველში აღმოსავალ კარს შეიცავს.
სხვა ასეთი კარი ამგვარ კანკელებს ძველად არ ჰქონიათ. ოთხი დანარჩენი კამარა –
ორი მარცხნივ და ორიც მარჯვნივ – მხოლოდ ორ-ორი მესამედითაა ღია. თითოეულ
მათგანს ქვემოთ უდევს დიდი ოთხკუთხოვანი მოჩუქურთმებული ქვა, რომელზედაც
შუაში ხატოვანი რელიეფია გამოყვანილი. მარჯვენა პირველ ქვაზე, ლამაზად
შემკულ ოთხკუთხედში, წარმოდგენილია ერთობ მოხდენილი ფიგურა წმ. გიორგისა,
რომელიც შუბით გმირავს დიოკლეტიანეს26. სამწუხაროდ, ცხენის უკანა ნაწილი,
ფეხებითურთ, მოტეხილია. მარჯვენა მეორე ქვაზე, ლამაზად ნახელავ
ოთხკუთხედში, გამოხატულია ჩუქურთმოვანი ჯვარი. აღსავალ კარს მარცხნივ,
ჩუქურთმებით დამშვენებულ დიდ ქვაზე, შუაში, შემკულ ოთხკუთხედში
წარმოდგენილია აგრეთვე ცხენოსანი წმ. გიორგი, რომელიც გველს გმირავს შუბით.
ფიგურა ერთობ შნოიანია და უზადოდ არის დაცული. ამის მომდევნო ჩუქურთმიან
ქვაზე, მარცხნივ, შემკულ ოთხკუთხედში წარმოდგენილი გამოსახულება სრულიად
მოშლილია და არა ჩანს, აქაც ჯვარი იყო გამოხატული თუ სხვა რამ. ამ დიდ ქვას
აკლია აგრეთვე ჩუქურთმოვანი სამკაული ქვემოთ მარცხნივ და ზემოთ მარჯვნივ.
კანკელის ჩუქურთმიან ლავგანდარზე ყოფილა ასომთავრული წარწერა.
ლავგარდანის ქვები ბარტოლომეის დროსაც კი დაშლილ-დამტვრეული ყოფილა და
მას მხოლოდ ცხრა ნატეხი უნახავს. ჩვენმა გათხრამ ამას მიუმატა ორი – მეორე და
მეთერთმეტე – ნატეხი, მაგრამ წარწერას მაინც აკლია თავი და ცოტაოდენი
ბოლოშიც. წარწერის თავი აზრითაც ადვილი აღსადგენია. შესაძლოა, მომავალმა
უფრო გულმოდგინე გათხრამ ეს ნატეხებიცა და სხვა წარწერებიც გამოაჩინოს27.
ბროსეს გამოცემული აქვს ბარტოლომეის მიერ გადმოღებული ფაქსიმილე
კანკელის წარწერისა (იხ. დასურათებული გამოცემის V ტაბულა), მაგრამ წარწერიანი
ქვების რიგი არეულია და აზრის მიმდევრობას არ ეგუება. ზოგი ადგილი სწორად არ
გადმოუღია თვით ბარტოლომეის და ამიტომ ბროსეს წაკითხვაც მცდარია.
სამწუხაროდ, ბროსეს არ გამოუცია სათხის სხვა წარწერათა ფაქსიმილეები და ამის
გამო არ ვიცით, ჩვენ მიერ ზემოთ აღნიშნული შეცდომები ბროსესი. მისი ბრალია, თუ
ცუდად გადმოღებული დედნებისა? ორივე კი დასაშვებია...
ამ წერილს ვურთავ 5 ფოტოსურათს მთელი წარწერისას, რომლებზედაც მოჩანს
აგრეთვე ვარდულები და სხვა სამკაულები კანკელის ზედა ნაწილისა. ციფრები
აღნიშნავენ წარწერიანი ქვების რიგს. აზრით მიმატებული სიტყვები და ასოები
კუთხოვან ფრჩხილებშია მოქცეული.
წარწერა ასე იკითხება:

[ს-ხლთა: ღ-ა: მ-მსა: და: ძი]

1. სა: და ს-ილსა28 წ-ჲთა და შ-წვნი
2. თა ყ-დ წ-ისა ღ-ის მშ-ბლისჲთა და

26 ამ რიგის ხატები ბევრია სვანეთში და მათზე გამოხატულ გვირგვინოსან მეფეს, რომელსაც წმ.
გიორგი გმირავს, აწერია: «დეოკლიტიანე, მეფე უსჯულო». იხ. ჩვენი „არქეოლოგიური ექსპედიცია
ლეჩხუმ-სვანეთში“, გვ. 9–37.
27 ამ გარემოებაზე მივაპყრობ ყურადღებას ივ. ჯავახიშვილის სახ. ისტორიის ინსტიტუტის ქვემო

ქართლის ისტორიულ-არქეოლოგიური ექსპედიციისას, რომელიც, ნ. ბ ე რ ძ ე ნ ი შ ვ ი ლ ი ს

ხელმძღვანელობით, მესამე წელია, ნაყოფიერ გეგმაშეწონილ მუშაობას ეწევა. ამავე დანიშნულების
მცირე გათხრას მოითხოვს თითქმის ყოველი მეტ-ნაკლებად მნიშვნელოვანი ძეგლი ქვემო ქართლისა,
რომელთა წარწერებიც კი ნაკლულადაა შემონახული.
28 უნდა ყოფილიყო: «ს¯ლისა».
 ვ. წ-სა კ-სითა
4. მე გლხ-კი: ი-ე: მ: ღირს მყო ღ-ნ და აღვშ-ნნე კ
5. კლნი ესე
6. დაამყრ-ნ ღ-ნ: მ-ფთა: მ-ფისა
7. გ-ისთ-ს და სჴსრ-დ ფ-დ ცვ-ლი
8. სა ს-ისა ჩ-ისა მოი
9. ჴსნე ო-ო
10. [ღ] -ო ს-ლი მ-მ
11. [სა ი-ნესი] . . .

ქარაგმებს ჩვენ ასე ვხსნით:

[სახელითა ღმრთისაჲთა, მამისა და ძი]-

1. სა და სულისა წმიდისაჲთა და შეწევნი-
2. თა ყოვლად წმიდისა ღმრთისმშობლისაჲთა და
3. წმიდისა კვირიკესითა29
4. მე გლახაკი იოანე მოძღვარი (?) ღირს მყო ღმერთმან და აღვაშენნე კან
5. კელნი ესე,
6. დაამყარენ ღმერთმან, მეფეთა მეფისა
7. გიორგისთჳს, და საჴსრად ფრიად ცოდვილი
8. სა სულისა ჩემისა. მოი-
9. ჴსენე უფალო
10. [ღ]მერთო, სული მამ-
11. [ისა იოვანესი, ან, ეგებ «მამისა ჩემისა»]. . .

წარწერა ზოგიერთ განმარტებას საჭიროებს.

უპირველეს ყოვლისა, აღსანიშნავია მე-4 ნატეხის წარწერა: «მე გლხ-კი: ი-ე: მ:

ღირს მყო ღ-ნ...» და სხვ. დედანში აქ ორი სიტყვაა განზრახ გამოყოფილი ორ-ორი
წერტილით, რათა მკითხველმა ისინი ერთ სიტყვად არ მიიჩნიოს. ბარტოლომეის
მიერ ხელით გადმონახატზე ეს სიტყვები ერთიმეორისაგან გამოუყოფელია და
აღნიშნულია ერთ სიტყვად, ასოებით: «ი-ემ-»: (იხ. ბროსეს V ტაბულა, მესამე ქვა).
ამიტომ იყო, რომ ბროსემ ეს „შემოკლებული სიტყვა“ წაიკითხა, როგორც „ივანე“ და
ასე თარგმნა ეს ადგილი: ,,Moi, le pauvre Iwané(?)”. კითხვის ნიშანი მან დასვა, რადგან
მაინც საეჭვოდ მიაჩნდა ასეთი წაკითხვა. ნამდვილად, როგორც ვთქვით, ამ ადგილას
ორი სიტყვაა დაწერილი: პირველი, «ი-ე», თქმა არ უნდა «იოანე»-ს აღნიშნავს, ხოლო
მეორე, მხოლოდ «მ» ასოთი წარმოდგენილი, საცილობელია. იგი უნდა აღნიშნავდეს
კანკელის ამგების, იოანეს თანამდებობას, გვარს ან პატივს. «მ» ასოთი შეიძლება
იწყებოდეს შემდეგი სიტყვები: ,,მოძღვარი“, „მღვდელი“, „მამასახლისი“, „მანგლელი“,
„მაწყვერელი“ და სხვ. ამიტომ გადაჭრით რომელიმე ამათგანზე შეჩერება საძნელოა.
ჩვენ პირობით ვკითხულობთ „მოძღვარს“, ვინაიდან ამ სიტყვის ამგვარი შემოკლება
გვხვდება კაცხისა და ჯრუჭის მონასტრის წარწერებში, რომელნიც ყვირილის
ხეობაში არქეოლოგიური მოგზაურობის დროსა გვაქვს ფოტოთი გადმოღებული.
ამას გარდა, გაურკვეველი რჩება, თუ რა სიტყვებით უნდა თავდებოდეს
წარწერა. შემორჩენილ ბოლო ქვაზე ასოები მკრთალია და, ამას გარდა, ერთი ქვა
29
ან, ეგებ, «კონსტანტინესითა».
კიდევ უნდა აკლდეს. შესაძლოა (და ჩვენ ასეც აღვადგინეთ), რომ აქ ეწერა: «მოიჴსენე,
უფალო ღმერთო, სული მამ(ისა იოვანესი, ან ჩემისა)».
ახლა დაგვრჩა მთავარი საკითხი: რომელი „მეფეთ მეფე გიორგი“ იგულისხმება
ჩვენს წარწერაში? ჩვენთვის უდავოა, რომ ეს იგივე გიორგი მეფეა, რომელიც
იხსენიება ამ მხარის ცნობილ ტაძართა წარწერებში (დმანისის ბაზილიკის
დასავლეთი ეკვდრისა, წუღრუღაშენის გ ა დ ა კ ე თ ე ბ უ ლ ი ეკლესიისა და
ფიტარეთის მონასტრისა). ბროსე ყველა ამ ტაძართა წარწერებს გიორგი ბრწყინვალის
ხანას აკუთვნებდა, მაგრამ დმანისის ბაზილიკის გარშემოთხრა-შესწავლის შემდეგ ივ.
ჯავახიშვილი, ლ. მუსხელიშვილიცა და სხვებიც (მათ შორის ხუროთმოძღვრების
ისტორიკოსები) მათ ლაშა გიორგის აკუთვნებენ. თუ ეს ასეა, – და საფიქრებელი კია,
რომ ასე იყოს, – სათხის ეკლესიაც ლაშა გიორგის დროს უნდა იყოს აშენებული.
ამასვე მოწმობს ნაგებობის, ჩუქურთმებისა და წარწერების ხასიათი.

3. სამტრედოს ეკლესია

კაზრეთისავე ხეობაში, სოფელ სამტრედოს (ძველად ბაბილაშენი) მახლობლად

არის პატარა ოთხკუთხედი ეკლესია, უბრალო ქვით ნაშენი. მისი სიგრძე 9,1 მეტრია,
განი – 5,6 მეტრი. თაღი ჩანგრეული აქვს. კარს ზემოთ მხედრულად აწერია:30

«აქ: ბრძანებითა: ღთისითა: ჩვენ: ზურაბისშვილმან: ბატონმან: რევაზ: და თანამეცხედრემ (sic):

ფალავანდის: შვილის ქალმა ბატონამ (sic) თამარმა აღვაშენეთ წმიდა ესე ეკლესია: ღთაებისა მამისა და
დედისა ჩვენსა სასულიეროთ: და ჩვენდა მოსახსენებლად: და შვილთა: ჩვენთა გასძლიერებათა (sic):
ვინც მობრძანდეთ ჩვენს ცოდვილს: სულს: შენდობა: უბრძანეთ: სრულ იქმნა: და: აღშენდა: თე-სა:
ივლისა: ათსა, ქ-კს: ტპე: ღთებაო: შემწე: მეყავ: აღმშენებელსა: შენსა».
ქორონიკონი უდრის 1697 წელს.

ამ ეკლესიისა და თავისი მოგზაურობის შესახებ ალ. ორბელიანი შემდეგსა წერს:

«კაზრეთის ხეობაში ს. ბაბილაშენში (ახლა სატრედოს უძახიან), სადაც ზურაბიანთ

სასახლე ყოფილა, აქ ამ ადგილს ამოვედით ს. კაზრეთიდგან, 1846-ს წელსა, ივლისის
10-ს დღესა, მე, ჩემი ცოლი ეკატირინე, ჩემი სიდედრი ბარბარე, თა-ა დავით
ბარათოვის ქვრივი. ეს ჩემი სიდედრი ბარბარე მათ ზურაბიანთ ქალი იყო და
მემკვიდრეც. ეს გაოხრებული სოფელი რომ დაინახა ჩემმა სიდედრმა, სადაც ტყეს
მოეკრა ის ზურაბიანთ სასახლე და დიდრონი კაკლებიც იყო ამოსული შიგა, მწარედ
ატირდა და თავიანთ ზურაბიანთ აჰყვავებულს დროსა წარმოიდგენდა: „ასე და ასე
მშვენივრად იქნებოდაო“. როდესაც გული მოიოხა, შევედით იმ გატყეებულს
სოფელში და სასახლეში. იყო დაქცეული, დანგრეული და აღარაფერი, რლ¯მაცა ჩემმა
სიდედრმა ცრემლები გადმოყარა გულმხურვალე; ხელები განიპყრო და დაიძახა: –
„სოფელო, ეს არ არის შენი დასასრული ყოვლის კეთილმდგომარეობისა და

30ეს წარწერა, ბარტოლომეის მიერ შეცდომებით გადმოღებული, დაბეჭდილი აქვს ბროსეს (Mélanges
Asiatiques, t. II, livr. 3, p. 326). წარწერა გადმოუღია ალ. ორბელიანსაც, 1846 წლის 10 ივლისს, სასვენ
ნიშანთა დაუცველად და ზოგიერთი სიტყვის ცოტა შეცვლით.
კეთილისა?“ ჩემი ეკატერინეც თავის დედასთან ერთად სცრემლეოდნენ და მეც
გულშერყეული შევყურებდი იმათ. აქედგან გამოვტრიალდით; იქვე პატარა ეკლესია
იყო, ზურაბიანთ კარის ეკლესია. მივედით, სანთლები დაუნთევით და
გულმობიერად პარაკლისი გადაუხადა ჩემმა სიდედრმა, აბრამ მღვდელის პირით.
ამ პატარა ეკლესიიდგან რომ გამოვედით, ჩემი სიდედრი კარებში დადგა, და
კარებზევით, ქვაზე დაწერილს კითხვა დაუწყო და შ¯დგ მთხოვა, რაც იმ ქვაზედ
ეწერა, გადმეწერა მე. ჩემი სიდედრის პატივისცემისათვის, როგორც იყო, მეც ასე
აღვწერე და იმ კარიპჭესაც ასე დავწერე აქა:

«ბრძანებითა ღ¯თისათა ჩვენ ზურაბის შვილმან, ბატონმან რევაზ და თანამეცხედრემან ჩვენმან

ფალავანდისშვილის ქალმან ბატონმან თამარმა აღვაშენეთ წმიდა ესე ეკლესია ღ¯თაებისა მამისა და
დედისა ჩვენისა სასულიეროდ და ჩვენდა მოსახსენებლად და შვილთა ჩვენთა განსაძლიერებლად.
ვინცა მობრძანდეთ ჩვენს ცოდვით სულს შენდობა უბრძანეთ. სრულ იქმნა და აშენდა თვესა ივლისა
ათსა, ქ-რო ტპე. ღ-თებაო შემწე მეყავ ამშენებელსა შენსა».

იმ კაზრეთის ხეობაშივე, სამხრეთისაკენ, მაღლობ ადგილზე მშვენიერი თლილი

ქვის ეკლესია და აქვე ზურაბიანთ სოფელი ყოფილა (ახლა ეძახიან სათხეს), სადაც
გაღმა-გამოღმა ამ ხეობაში დიდრონი ბორცვებია ამართული კლდისა და ამ
კლდეებში მრავალი გარეული თხები გვარობს. ეს ხეობა სულ გატყეებული არის.
ბაბილაშენიდგან აქ ამოვედით; აქაც ის ამბავი იყო, რაც ბაბილაშენში და შ-დგ ამ
ეკლესიის კარიპჭეზე; ასომთავრულიდან ასე გადმოვწერე მხედრულად:

«გლახაკი იოანე უღირსმან აღვაშენე. დაიფარენ ღმერთმან

«მეფეთა მეფისა გიორგისა სახსრად, ფრიად ცოდვილისა სულისა
«ჩემისა მოიხსენე, უფალო».

აღმოსავლეთით მაღალს კედელზე:

«ქრისტე, შეიწყალე მონა შენი თ¯ვ. ძმა, შვილნი მისნი»

«აპრილის ა. ქ-რო. ტნ.».

შემდგომ ამ მაღლობზე და გაშლილ ადგილზე სადილი ვიგემეთ და ბევრი

შესანდობარი ვსვით იმ ადგილების პატრონებისა. ბოლოს, სადილი რომ გავათავეთ,
მივწექით და თავთავის ამორჩეულს მწვანეს ადგილზე ქეჩები გავაშლევინეთ და ზედ
დავიძინეთ. ძილის შ-დგ, შევსხედით ცხენებზე და კაზრეთისკენ წამოვედით; უკან
მოსამსახურეები სოფლურის სიმღერით მოგვდევდნენ და ამ შექცევით მოვდიოდით,
მაგრამ მინამ კაზრეთს მოვიდოდით, ხევს გაღმით დიდი მონასტრის ეკლესია არის წ.
სამებისა (ასე უწოდებენ ყველანი). იქ, იმ ეკლესიაში გავედით, სადაც სანთლები
დავუნთევით და კ¯დ პარაკლისი ახდევინა ჩემმა სიდედრმა. ისევე იმის მზგავსი
ამბავი იყო, როგორც წარსულებში, ამისთვის რომ ეს მონასტერიც საზურაბიშვილო
არის, და ჩემი სიდედრის მამა-პაპისა. აქ ეკლესიაში გალესილს კედელზე დიახ
მკვიდრის შავის მელნით ასე ეწერა:

«მოიხსენე უფალო წიაღსა შ-ა ცხოვრებასა ბატონიშვილი ბოვანელი მთავარ ეპისკოპოზი

ნიკოლოოზ წმინდასა ამას მონასტერსა ჩემის მამის და დედის ბატონის ელენეს შესანდობლად და
ჩემის ცოდვილის თავის მოსახსენებლად. ვინცა ამ მონასტერსა შიგან ჟამსა შეხვიდეთ, შენდობას
ეტყოდეთ ღ¯თის მიმართ – ქ-კს ტნი». სხვა წაშლილია.

ამის შემდეგ ავსხედით ცხენებზე და საღამოჟამზე ეკატირინეს მზითვის

სოფელში მოვედით კაზრეთს. ეს სოფელიც საზურაბიშვილო არის და მზითევში
მისცეს ჩემს ეკატირინეს; ყოვლის კეთილის ჰაერით სრული და კარგის წყაროებით და
მდინარით შემკობილი, თავის მთით, ბარით და ტყით შემოსილი მთები».

= თ-ა ალექსანდრე ვახტანგის ძე ჯ. ორბელიანი.

ზევით ჩვენი მამაპაპის მთის ძირში სოფელია საკარისი. აქ წყაროზე ქვიტკირის

თაღია და ქვაზე ესრეთ აწერია:

«შეწევნითა მღ¯თისათა მე ორბელის შვილის ბატონის ასლანისა და თანა მემცხედრემან ბატონის

თამარის აზნაურშვილმა ავთანდილისშვილმა იაგანამა საკარისის მოურავმა გავაკეთე სასახლის
საკარისის წყარო ერეკლეს31 მეფის დროსა. ვინცა ნახოთ, ჩემთვის შენდობა ბრძანეთ.» – სხვა
წაშლილია.

სხვა ადგილას, ცალკე ფურცელზე კახეთისა და სომხეთის ზოგიერთი წარწერის

შემდეგ ალ. ორბელიანი შემდეგსა წერს სოფ. ღორისთავისა და მის ახლოს მდებარე
პატარა ეკლესიის შესახებ:

«სომხითში, მაშავრის პირზე, ნასოფლარს ღორისთავს, მაღლა მთაში ეკლესია

არის წმ. დავით გარეჯის სახელზე აშენებული. მის კარიპჭეზე ასე სწერია:

«ჩვენ, დიდმა ორბელიანის ძემან მდივანბეგმან ერასტი და თანა მემცხედრემან ჩემმა

ბატო(ნ)იშვილმა ანახანუმ, ეს მონასტერი წმიდის დავითის ჟამთა ვითარებისაგან განრყვნილ იქმნა და
აწ ჩვენ მეორედ აღვაშენეთ და შევამკეთ ცოდვათა ჩვენთა შესანდობლად და საქმეთა ჩვენთა
წარსამართებლად. ვინცა იხილევდეთ ნაშრომსა ამას, შენდობას გვიბძანებდეთ. სრულ იქმნა ქკ-სა
ტეჟზ. მეფობასა გიორგისასა თვესა აგვისტოსა».

ქორონიკონი უდრის 1709 წელს. ფრჩხილებში ჩასმული ასოები ჩვენ

დავუმატეთ.

შემდეგ ა ლ. ო რ ბ ე ლ ი ა ნ ი განაგრძობს:

«სომხითის ძველის კაცებისაგან გამიგონია, ვითომც დავით გარეჯელი

პირველად აქ მოსულიყოს, შემდეგ ტფილისის მთაწმიდას მისულიყოს და მასკვან
(=მას უკან – ე. თ.) კახეთის მხარეს წასულიყოს, რომელსაც ახლა დავით გარეჯას
უძახიან.

31 პირველის მეფის ერეკლეს დროისა და არა მეორესი (შენიშვნა ეკუთვნის ალ. ორბელიანს).
 აქ, ზევით ღორის თავის ეკლესია რომ ვთქვი, მაღლა მთაში არის დავით
გარეჯისა-მეთქი, ამ ეკლესიის გარეთ ბალახებში საფლავის ქვა ვიპოვე შუაზე
გატეხილი, რომელზედაც ასე ეწერა:

«ქ. მე ტომად ორბელიანმან ძემან ვახტანგისამან ერასტიმ ვიმდებარე საფლავსა ამასა ქ-ს აქეთ
ჩღლა (1731) ოკტომბრის კა (21)».

ამას ალექსანდრე უმატებს:

«ვგონებ კარზე არ იქნებოდა დამარხული ესე ერასტი. გავს ეკლესიიდან

თათრებს გამოუტანიათ მისი საფლავის ქვა და გადაგდების დროს შუაზე
გატეხილიყოს? და მისი საფლავი გაეთხაროთ, ფული ჰგონებიყოთ დამარხული,
რადგანაც ამგვარი მაგალითები ბევრი არის გაოხრებულს სოფლებში? – ის ქვა
შევატანინე და ეკლესიის ძირში დავადებინე ჩრდილოეთის მხრით».

შემდეგ ალექსანდრე განაგრძობს:

«მოახლოვოთ ამ დავით გარეჯელის ეკლესიასთან სხვა პატარა ეკლესია არის.

იტყვიან გამდლის აშენებული არისო, მაგრამ სწორედ კი არ ვიცი. არც ის ვიცი,
რომლის წმინდის სახელზედ არის აშენებული. ამ ეკლესიაში ორი საფლავი არის
ერთად, რომლისაზედაცა მათ საფლავის ქვაზედ ასე სწერია:

პირველი საფლავი

«ქ. გმადლობ შენ ღმერთო მამათა ჩვენთაო რ-ნ მეყსა შ-ა ბრძანე წარტაცება ორთავე ამათ
დაძმათა».

მეორე საფლავი

«ქ. მე ტომად ორბელიანთა ბარძიმ ვიმდებარე ტაძარსა ამას შინათა დათა ჩემთა მიერ ფრდილსა
(sic) დით ჩემით ხვარამზითურთ ქ-ს აქეთ ჩღვთ (1729), აგვისტოს ზ (7)».

აქ ალექსანდრე განმარტავს:

«იქნება ეს დაძმანი ერთს დღეს მოკვდნენ და ერთს დღეს დამარხეს, ამისთვის

რომ ზევით საფლავზე ასე გვარათ სწერია რომ იქნება მართალი იყოს? ეს ორი
დაძმანი ჩვენი სახლის წილობისანი უნდა იყვნენ, რადგანაც ღორისთავი ჩვენს
წილობის სახლს ეკუთვნის ნასყიდობით და ამისი მთაცა. ამისთვის იმ ეკლესიაში
სხვის სახლისას ვერავის ვერ დამარხავდნენ თუ არ ჩვენის სახლის წილობისას».
ღორისთავის წარწერებს ალ. ორბელიანის ქაღალდებში წინ უძღვის შემდეგი
ჩანაწერი: «სომხითის მხარე ჩვენს ნასოფლარ ტანძიას, სადაც ჩვენ მამაპაპას
სასახლეები ჰქონიათ. ჩვენი წილის, მეორე ძმას ეკლესია აუშენებია და გარედგან
კარიპჭეზე ეს აწერია». შემდეგ მოდის ასომთავრული წარწერა. ეს წარწერა ჩვენ
გამოქვეყნებული გვაქვს ამ ნაშრომის პირველ ნაწილში. სქოლიოში ალ. ორბელიანი
შენიშნავს: «ამ ორბელს ვახტანგს უძახდნენ სახელად, და რაჲსათვისაც უძახოდენ
ცალკე დამიწერრია».
ამავე ქაღალდებს ახლავს კიდევ მეოთხედი თაბახი იმავე მელნით დაწერილი,
რომელიც შეიცავს ფიტარეთის ეკლესიის წარწერას. წარწერა მოყვანილია მრავალი
ადგილის გამოშვებით და არც ის არის აღნიშნული, თუ რომელ ეკლესიას ეკუთვნის
იგი. შინაარსი კი გვიჩვენებს, რომ ეს არის ფიტარეთის დამახინჯებულად
გადმოღებული წარწერა, რომელიც გამოცემულია ჩვენს მიერ ამ ნაშრომის პირველ
ნაწილში (პარიზი, 1929, გვ. 86–88).
ღორისთავის შესახებ აქ კიდევ შემდეგი სწერია ფანქრითა და სხვა ხელით:
«1895-სა წელსა, ოკტომბრის 3-სა დღესა ქვეშელ პეტრე ბესელაშვილს მივეცი
იჯარით ორის წლის ვადით ჩემი ღორისთავის მამული თუმან ნახევრად».

შენიშვნები

I. ზემოხსენებული ორი ეკლესია დავით გარესჯელის სახელობისა, რომელნიც

მაშავრის მარჯვენა ნაპირას მდებარეობს, სოფ. კიანეთს სამხრეთ-აღმოსავლეთით,
მისგან დაახლოებით 3 კილომეტრის მანძილზე, 1937 წელს უნახავს განსვ. ლ.
მუსხელიშვილს, მაგრამ სამწუხაროდ მთავარი ეკლესია (საშუალო ზომისა) იმ დროს
უკვე სრულიად დანგრეული ყოფილა. ლ. მუსხელიშვილს არავითარი წარწერა არ
მოჰყავს, და თუმცა ეკლესია მრავალი ბარელიეფითა და ჩუქურთმით შემკული
ყოფილა, მათი ფოტოგრაფიულად გადაღება ვერ მოუსწრია32. კარგი იქნებოდა, რომ
ჩვენი ახალგაზრდა არქეოლოგები გამოიკვლევდნენ ამ ეკლესიის ნანგრევებსაც.
II. 1929 წელს გამოცემულ პირველ ნაკვეთსა და წინამდებარე მეორე ნაკვეთში
მხოლოდ ერთი ნაწილია განხილული სომხით-საორბელოს ძეგლებისა და
წარწერებისა. მასალა ჩვენ მეტი გვქონდა შეგროვილი, მაგრამ ვინაიდან ზოგი ძეგლი
ჩვენს შემდეგ უფრო ვრცლად და მეცნიერულად უფრო გულდადებით იქნა
შესწავლილი და გამოცემული, მათ შესახებ ცნობები ამოვიღეთ ამ გამოცემიდან.
ასეთი იყო, მაგალითად, ბოლნისის სიონი, რომლის წარწერები ჩვენ ჯერ კიდევ 1893
წელს გვქონდა გადმოღებული და ბროსეს გამოცემასთან შედარებული. მას შემდეგ
ჩვენ კიდევ ორგზის ვიყავით ბოლნისში. ახლა ეს ძეგლი სანიმუშო სისრულით და
დაწვრილებით არის აღწერილი და გამოკვლეული საქ. აკად. ნ. წ. გ. ჩუბინაშვილისა
და სრულიად უდროოდ გარდაცვლილი, დიდად ნიჭიერი და ენერგიული
არქეოლოგის, ლ. მ უ ს ხ ე ლ ი შ ვ ი ლ ი ს მიერ33. ამ უკანასკნელის მიერ
ჩატარებულმა გათხრამ ძეგლისა მოგვცა ქართული დამწერლობის უძველესი ნიმუში
და გადაჭრით დაგვადგენინა ტაძრის აგების დრო. გარდა ამისა, იმავე ლ.
მუსხელიშვილს აღწერილი აქვს ბოლნისის რაიონის სხვა ძეგლებიც.34
მაგრამ ყველაფერი ეს სრულიადაც ვერ ამოწურავს ქვემო ქართლის უამრავ
ძეგლს. ამისი მაჩვენებელია თუნდაც 1949 წელს ზაფხულში ჩატარებული აკად. ივ.

32 იხ. ლ. მუსხელიშვილი, არქეოლოგიური ექსკურსიები, 194, გვ. 33–34, შენ. 2.

33 Г. Н. Чубинашвили, Болнисский Сион: ენიმკის მოამბე, IX, 1940; ლ. მუსხელიშვილი, ბოლნისი:
ენიმკის მოამბე, ტ. III, 1938. სამწუხაროდ, ამ ძვირფას მეცნიერულ გამოცემებს ის ნაკლი ახლავთ, რომ
მათში დაბეჭდილი სურათები ვერაა ჯეროვანი ხარისხისა.
34 იხ. ლ. მუსხელიშვილი, არქეოლოგიური ექსკურსიები მაშავრის ხეობაში, თბ. 1941.
ჯავახიშვილის სახელობის ისტორიის ინსტიტუტის დაზვერვითი არქეოლოგიური
ექსპედიცია, რომელმაც აკად. ნ. წ. ნ. ბერძენიშვილის ხელმძღვანელობით მარტო
თეთრი წყაროს რაიონში გამოავლინა ათეულობით უცნობი ძეგლი და მრავალი
მნიშვნელოვანი წარწერა. სრული იმედი შეიძლება ვიქონიოთ, რომ მომავალში ქვემო
ქართლის სხვა რაიონებშიც ასევე ნაყოფიერად წარიმართება ასეთი ექსპედიციის
საქმიანობა და დიდძალი ახალი არქეოლოგიური მასალა დაგროვდება.

სტალინის სახელობის
თბილისის სახელმწიფო უნივერსიტეტი
საქართველოს ისტორიის კათედრა
(შემოვიდა რედაქციაში 1950, II, 15).

ქართული სიძველენი ევროპელ ანტიქვარებთან

რევოლუციამ, ბოლშევიკური რეჟიმის დამყარებამ და აქედან გამოწვეულმა

ემიგრაციამ მოახდინა ერთგვარი მობილიზაცია სიძველენისა. გაღატაკებულმან და
გაჭირვებულმან ემიგრანტებმა გამოიტანეს ბაზარზე გასასყიდად რის წამოღება და
გადარჩენაც მოასწრეს.
რასაკვირველია, ამ დარგში ქართული სიძველენიც უნდა მოჰყოლოდა, მაგრამ
ჩვენ ჯერ ამის რეგისტრაცია არა გვაქვს. ამჟამად მსურს გავაცნო მკითხველს ის
ნივთები, რომელნიც ჩვენ შემთხვევით ვნახეთ ან რომლებზედაც ცნობა გვაქვს.
პარიზის ცნობილ ანტიქვარ ა. ზოლოტნიცკისთან ამ ორიოდე წლის წინათ ჩვენ
ვნახეთ სამი ქართული ნივთი35. შემდეგ მისგან ეს ნივთები მეორე ანტიქვარს ეყიდა
და მასაც გაუყიდია უკვე. მაგრამ ვისზე გაყიდა, არ ამბობს. ეს ნივთები იყო:

1. ხატი ღვთისმშობლისა მილანქრიანი ქართულ-სპარსული

რიგისა ბატონიშვილის ასულის ხვარაზმისა

ამ პატარა ოქროს ხატის სიმაღლე არის 8,2 სანტიმეტრი, განი 7,5 სანტ.
ღვთისმშობელი სასწაულთა რიგის არის წელს ზევით, ძითურთ წიაღთა.
ღვთისმშობლის სახელი ჩვეულებრივის შემოკლებით ბერძნული ასომთავრულით
უწერია. სურათი შესრულებულია ოქროს ფირფიტებზედ ქართულ-სპარსულ
მილანქრით. ფონი სულ მწვანეა, სამოსელი ღვთისმშობლისა მუქი-ლურჯი, ხოლო

35ამ ნივთებზე მე მიმითითა და რაც გაერჩია, წარწერებიც მომაწოდა ინჟინერმა, ბ-მა სიმონ
ციციშვილმა, რისთვისაც დიდ მადლობას ვსწირავ.
ყრმისა ოქროს ფერია. ღვთისმშობლის სახე უფრო კათოლიკური რიგის არის, ვიდრე
ქართულის. ხატი, ეტყობა, სპარსი ოქრომჭედლის მიერ არის გაკეთებული და
გამკეთებელს კათოლიკური ხატიდან გადმოუღია სურათი. აშიები შინაგანი და
გარეგანი უბრალო ხლართულებით არის შემკობილი. მეორე გვერდის ოქროს
ფირფიტზედ მთელს სიგრძეზედ ჯვარია წარმოდგენილი შუბით და ღრუბლით.
ჯვარის ქვემოთ ადამის თავი მოჩანს. ზემოთ ჯვარს ასომთავრულით უწერია: ი ნ მ ჰ,
ესე იგი: «იესო ნაზარეველი, მეუფე ჰურიათა». ჯვარის მარცხნივ და მარჯვნივ, ზემოთ
და ქვემოთ: ი ქ ძ მ, რაც ნიშნავს: «იესო ქრისტე, ძლევა მისი». სისქეზედ ხატისა სამის
მხრით უვლის მხედრული წარწერა ორ-ორ მწკრივად, სევადით შესრულებული შავ
ფონზედ:

1. ჩვენ: ბატონის: შვილმა: ხვარამზემა: მოვაჭედინეთ

2. ხატი: ესე: და შემგწირე თფილისის: სიონთა
3. ღის: მშობლს: ვითარცა: ჩვენი: სასურველი: შვილი: თამარ
4. თქვენ: ტაძარში ემარხა: მისის: სულის: სახსრად: ცოდვა
5. თა: ჩვენთა: შესანდობლად: შეიწირე: შენ: ყო
6. ლად: სანატრელო: ქალწულო: ქ-კს: ტჟჱ:

ანუ

ჩვენ ბატონიშვილმა ხვარამზემა მოვაჭედინეთ

ხატი ესე და შემოგწირეთ თფილისის სიონთა
ღვთისმშობელს, ვითარცა ჩვენი სასურველი შვილი თამარ
თქვენ ტაძარში ემარხა, მისის სულის სახსრად, ცოდვათა ჩვენთა
შესანდობლად შეიწირე შენ, ყოვლად სანატრელო ქალწულო,
ქორონიკონს ტჟჱ.

ქორონიკონი უდრის 1710 წელს. აქ მოხსენებული ხვარამზე არის ბატონიშვილის

ლევანის ასული, ძმისა გიორგი მეთერთმეტისა (ქ. ც. II, გვ. 58). ლევანი იყო ერთ
დროს გამგებლად ქართლისა.

2. სახარება გიორგი მეთერთმეტის მდივნის კვინიხიძისა

სახარება პატარა ტანისაა, ნაწერია მშვენივრად გაეშვულს ქაღალდზე, ერთობ

წვრილის ნუსხა-ხუცურით ორ სვეტად, რამკებში, რომელნიც ოქროთი არიან
შესრულებულნი. თითო სვეტის სიმაღლე არის 5,3 სანტიმეტრი, განი – 1,5
სანტიმეტრი. შემკობილია ხელნაწერი ოთხი მახარობლის სურათით. სურათები
ფერადებით არის დახატული. ყველა სახარებას წინ მიუძღვის სურათი მახარობლისა,
შემდეგ სია სახარების სათაურთა. სახარების ბოლოში მოქცეულია საჩვენებელი
დღიურ საკითხავთა. სათვალავი რვეულებით არის აღნიშნული. რვეულში რვა
ფურცელია, სულ 30 რვეულია. ამას გარდა, დღიური საკითხავების სარჩევს უჭერია
30 ფურცელი. ასე რომ, ხელნაწერი სულ შეიცავს 270 ფურცელს. ტექსტი სრულად
არის დაცული, ხოლო ბოლოში, დღიურ საკითხავთა შემდეგ, აკლია ერთი რვეული,
რომელზედაც ბოლოსიტყვაობა უნდა ყოფილიყო გადამწერისა. საბედნიეროდ,
გადამწერის სახელი მოხსენებულია პირველი სამი მახარობელის სახარების ბოლოში.
მათეს სახარების ბოლოს სწერია:
 წ-ომ-თემ-ხრბ-ლო შ-ნმ-ხ
მექმენ წ-ექს-ა. ცდვილ
სა და ფ-დ საწყლობლს
ა მწერალს პა
პუნასა
ამინ:
ჩ-ფ: –

უქარაგმოდ:

წმიდაო მათე მახარობელო, შენ მეოხ

მექმენ წინაშე ქრისტესა ცოდვილ-
სა და ფრიად საწყალობელ-
ა მწერალს პა-
პუნასა.
ამინ,
ჩ-ფ.

უკანასკნელი სიტყვა იმ საიდუმლო ასოებით არის დაწერილი, რომელსაც

ანჩინური ეწოდების და ნიშნავს ა-ნ, ესე იგი: ამინ (ვინაიდან ჩ უდრის ა-ს და ფ – ნ-ს).

მარკოზის სახარების ბოლოს: უქარაგმოდ:

წ-ომ-რკზ მხ-რებლო წმიდაო მარკოზ მახარებელო

შ-ნ მ-ხ მექმენ ფ¯დ ცდვ შენ მეოხ მექმენ ფრიად ცოდვილსა
ილსა და სწყლბლსა მ და საწყალობელსა მ-
წერალსა პაპუნ-ს წერალსა პაპუნას
შ-ნმ-რ ქად¯გებლსა შენ მიერ ქადაგებულისა
წ-ე დღესა მს დიდსა გ წინაშე დღესა მას დიდსა გ
ანკითხვს-სა-ნჩ-ფ ანკითხვისასა, ამინ ჩ-ფ.
ვინცა ეს ჩ¯ნი სხ¯ლი ვინცა ეს ჩემი სახელი
აღმოჴოცოს: აღიჴ აღმოჴოცოს, აღიჴოცენინ იგი
ოცენინ იგი წიგნისგ¯ნ წიგნისაგან
ცხოველთასა და მართალთ ცხოველთასა და მართალთ
ათ-ა ნუ დაიწერებედ: ა თანა ნუ დაიწერებედ.

მეშვიდე სტრიქონის უკანასკნელი სიტყვა აქაც ანჩინურის სახით არის

დაწერილი და ნიშნავს «ამინ».

ლუკას სახარების თავის ბოლოს: უქარაგმოდ:

წ-ოლკ-ა მხ-რებ-ლო წმიდაო ლუკა მახარებელო,

მ-ხ მეყ-ვწ-ექ-სა ყდ მეოხ მეყავ წინაშე ქრისტესსა ყოვლად
ც-დვლსა ამისსა მწ ცოდვილსა ამისსა მწ-
ერალსა ღჩღმფჩკ ერალსა ღჩღმფჩკ.
 უკანასკნელი სიტყვა ანჩინურის საიდუმლო ანბანით არის დაწერილი, მაგრამ
ერთი შეცდომაა დაშვებული: ღ-ის მაგიერ ყ უნდა იყოს ორივე ადგილას და მაშინ
სიტყვა უდრის პაპუნას36.
შინაგანი ყდა ხელნაწერს აქვს ყავისფერი ტყავისა თხელი, უფიცროდ;
შემკობილია ოქროთი გაკეთებულის ბალახის და ყვავილთა მსგავსი ხლართულებით.
ეხლა ეს შინაგანი ყდა მოსცილებია ხელნაწერს, შემდეგ ხელნაწერი ამა შინაგანი
ყდითურთ მოქცეულია მეორე საყურადღებო ყდაში, ბუდის მსგავსად, რომელიც
იშლება ჩხირების ამოღებით. ეს ყდა ოქროსია, შემკობილი ქართულ-სპარსული
მილანქრით. წინა პირზე ყდისა წარმოდგენილია სურათი ჯვარცმისა ქრისტესი სამი
თანამდგომით. ზემოთ გამოხატულია მზე და მთვარე და ერთგვარის სამკბილიანი
ნამგლის მსგავსი წრით. სურათები შესრულებულია მწვანე და თეთრი მილანქრით
ოქროს ფონზე. აშია ირგვლივ ფურცელ-ყვავილოვანია ოქროს ფერისა მწვანე ფონზე.
ქრისტეს თავი მცირედ მარცხნივ არის მოხრილი, ტანი წელს ზევით და მუხლებს
ქვევით ტიტველია. წელზე მწვანე კვართი და ვარდისფერი სამოსელი ემჩნევა. მეორე
პირზე ყდისა წარმოდგენილია ჯოჯოხეთის წარტყვენა; ქრისტეს გამოჰყავს
მამათმთავარნი ხელებჩაკიდებით მარჯვნივ და მარცხნივ; ქვემოთ თითო ფიგურა
მოჩანს ორივე მხრით. წრის ქვეშ, რომელზედაც ქრისტე დგას, პატარა კაცის ფიგურა
არის, სულ თეთრ ტანისამოსში, ხელებაშვერილი, მაგრამ ფეხმოკეცით დამჯდარი.
სუყველა ფიგურების ტიპი პირწავარდნილი სპარსულია. ასეთ ტიპებს, ჯვარცმისა და
ჯოჯოხეთის წარტყვენის სურათებზე, ჩვენ პირველად ვხვდავთ. აშია აქაც ისეთია,
როგორიც წინაპირზე. ოთხივე გვერდზე ყდისა არის მხედრული წარწერა სევადით
ოქროს ფონზე, ორ-ორ სტრიქონად თითო გვერდზე:

1. ქ. ნებითა: და: შემწევნითა: მღ-თისა: ჩვენ: ფრიად: ცო

2. დვილმან: დიდისა: და ზეშთა: აღ
3. მატებულისა: ქართლისა: მეფეთ: მეფისა: სრულიად: ერ
4. ანისა: სპასალარისა: ყანდარის: და ქირმნ
5. ის: ბეგლარ: ბეგისა გიორგი: ყოფილისა: პატრონისა შაჰნვაზის
6. მონამნ: მდივანმა: კვინიხიძემა
7. გიორგიმ: მვაჭედინეთ: პატიოსანი: სახარება: ეს:
8. სულითა: და: ხორცითა: საოხად: ამინ: ქ-კს: ტჟე

უქარაგმოდ:

ქ. ნებითა და შეწევნით მღვთისათა, ჩვენ ფრიად ცოდვილმან, დიდისა და ზეშთა აღმატებულისა

ქართლისა მეფეთ მეფისა, სრულიად ერანისა სპასალარისა, ყანდაარის და ქირმანის ბეგლარ ბეგისა,
გიორგი ყოფილისა, პატრონისა შაჰნავაზის მონამან, მდივანმა კვინიხიძემა გიორგიმ, მოვაჭედინეთ
პატიოსანი სახარება ეს, სულითა და ხორცითა საოხად, ამინ, ქორონიკონს ტჟე.

ქორონიკონი უდრის 1707 წელს. ეტყობა, მდივანი გიორგი კვინიხიძე

ქუთაისიდან გაყოლია გიორგი მეთერთმეტეს სპარსეთში. სახარების ყდა ეჭვს გარეშე
სპარსეთშია გაკეთებული სპარსი მოხელის მიერ და მით აიხსნება სპარსული ტიპები

36
ამის შესახებ იხ. ჩვენი: პარიზის ნაციონალური ბიბლიოთეკის ხელნაწერები და ოცი საიდუმლო
დამწერლობის ნიშანი. გვ. 5 და 6.
სურათებისა ამ სახარების ყდაზე. გიორგი მეფე, როგორც ვიცით, მოკლულ იქნა
ყანდაარს 1709 წელს.

3. ჯვარი ათონურის რიგისა, მაგრამ ქართული ხელობისა

ეს არის ფრიად გავრცელებული ჩვენში ათონურის რიგის ხის ჯვარი,

რომელზედაც ჩვეულებრივ გამოქანდაკებულია ჯვარცმა, ათთორმეტნი საუფლონი,
მოციქულები და სხვა სურათები. ასეთი ჯვრების დამზადება და გაკეთება
დღემდისაც არ შეწყვეტილა საქართველოში. ჯვარი, რომელზედაც ეხლა გვაქვს
საუბარი, არის ბზის ხიდან გაკეთებული, სიმაღლე აქვს უტაროდ 12,5 სანტიმეტრი,
განი შუა ნაწილში – 6 სანტ. პირველ გვერდზე ჯვარისა ამოჭრილია შემდეგი
სურათები: დაბადება ქრისტესი, ნათლისღება, დედა ღვთისა ჩვილით და თორმეტი
მოციქული; მეორე გვერდზე – ორივე ხარება, ჯვარცმა და ჯვართამაღლება. გვერდები
ჯვარისა შეჭედილია ოქროთი და სპარსულ-კავკასიურ მილანქრით წარმოდგენილია
შემკობილებანი ყვავილის და ფოთლების სახით მე-18 საუკუნისა. ფრთებზე სამი
მხრით ჯვარს უზის ბუდეებითურთ ზურმუხტები დაბალი ხარისხისა. მე ეს ჯვარი
უტაროდ მაჩვენეს, მაგრამ როგორც მერე მიღებული სურათებიდან აღმოჩნდა, ჯვარს
ტარიც ჰქონია ორმუხლედი სამი ნასკვით და ამ ტარზე მხედრული წარწერაც
ყოფილა, მაგრამ ჩემს სურათზე მარტო ერთი პირი არის წარწერისა, რომელზედაც
იკითხება:

ქ: იესო: ყ-დ ძლიერო: და ჯვარო: ცხოვე-

ლს: მყოფელო: შე და: შეუნდევ: ცოდვილი

მეორე გვერდის დანარჩენი ორი სტრიქონის სურათი არა გვაქვს და ამიტომ არ

ვიცით, ვისზეა აქ საუბარი. წარწერის ხასიათი და თვითხელობა ჯვარისა
გულისხმობს, რომ როგორც ჯვარი, ისე წარწერაც ეკუთვნის მეთვრამეტე საუკუნის
დასაწყისს.
დასასრულ, საჭიროდ ვრაცხთ მადლობა გამოვუცხადოთ ა. ზოლოტნიცკის,
რომელმაც ამ ნივთების აღწერის უფლება მოგვცა და ნაცვლად წარწერების გარჩევისა
და გადათარგმნისა, მათი ფოტოგრაფიული სურათებიც მოგვაწოდა.

4. ბრიტანეთის მუზეუმის მიერ შეძენილი

ქართული სანაწილე

ცნობილმა ბიზანტოლოგმა, ლონდონის პროფესორმა ო. მ. დალტონმა იანვარში

1926 წ. მომაწოდა ფოტოგრაფიული სურათი და მოკლე აღწერილობა ერთი ოქროს
ქართული მილანქრიანი სანაწილესი, რომელიც შეეძინა ბრიტანეთის მუზეუმს, და
შემეკითხა წერილით, მაქვს თუ არა მე ცნობა, საიდან წარმოსდგება ეს ნივთი. მე
ვუპასუხე, ეს ნივთი პირადად მე არ მინახავს არსად საქართველოში, მაგრამ ერთი
ცნობა, რომელიც მე გადმომცეს, შეიძლება ამ ნივთს გულისხმობდეს-მეთქი და
ვუამბე: როდესაც მე და ალ. სარაჯიშვილი კახეთში ვმოგზაურობდით
მუზეუმისათვის ნივთების შესაგროვებლად. სხვათა შორის, ვესტუმრე ყვარელში
იური ჭავჭავაძეს და მისგან მივიღეთ მუზეუმისათვის ხელნაწერი ლოცვანი –
დაუჯდომელი პატარა ტანისა, რომელიც ქეთევან დედოფალს ხელში ჰქონებოდა
წამების დროს და რომელზედაც ემჩნეოდა სისხლის წვეთები. იურიმ გვითხრა, რომ
ამ ხელნაწერთან ინახებოდა პატარა გულსაკიდი წმიდა გიორგის ხატი ქეთევან
დედოფლისაო, მაგრამ მე არ ვიცი, ეხლა ვისა აქვს ის ნივთიო. იური ჭავჭავაძეს
ქეთევან დედოფლის ხელნაწერი მისი ბიძის, ნიკო ჭავჭავაძის ქონებიდან ერგო სხვა
ნივთებთან ერთად, რომელნიც მან და მისმა ძმამ გაიყვეს.
მე გამოვთქვი მოსაზრება, შეიძლება ეს ნივთი იგულისხმებოდეს იმ გულსაკიდ
ხატად, რომელზედაც იური ჭავჭავაძემ გადმოგვცა-მეთქი. მართლა ეს პატარა ოქროს
ნივთი ნაწილიანი მედალიონის მსგავს ხატს წარმოადგენს და გულზე სატარებლად
არის დანიშნული. ამისათვის მას ძეწკვის გასაყრელი ყურე აქვს ზემოთ. წინა პირი
მედალიონისა წარმოადგენს წმიდა გიორგის სურათს მრგვალ მედალიონში, ოქროზე
შესრულებულს მშვენიერის ბიზანტიურის რიგის მილანქრით. წმიდა გიორგი
წელზევით არის წარმოდგენილი ამოღებული ხმლით მარჯვენა ხელში და
ბერძნულის წარწერით – სახელისა (ჰო აგიოს გიორგიოს) მილანქრითვე. ირგვლივ
ბიბლიური სტიხია მოყვანილი ბერძნულადვე თეთრის ასოებით. მეორე გვერდზე
მილანქრითვე გამოხატულია პატარა სურათი წმიდა დიმიტრისა, მწოლიარე,
ლამპრის ქვემოთ, ბერძნულისავე წარწერით (ჰო აგიოს დემეტრეს). ეს პატარა
მილანქრიანი ფირფიტა იხსნება და შიგ მოჩანს მეორე პატარა სახე ოქროთი ნაჭედი.
ირგვლივ ერთობლივ მოქცეულია ნაწილები და მათ ზემოთ აშიაზე ირგვლივ
ამოჭრილია მხედრული წარწერა: // ქ:წ¯ნდა ქეთ¯ვნ დ¯ფლის ნაწილი // ძელი ჭ¯ტი:
ესე იგი:

წმინდა ქეთევან დედოფლის ნაწილი, ძელი ჭეშმარიტი.

გვერდზე მედალიონისა, ირგვლივ კიდევ მეორე ბერძნული ბიბლიური სტიხია

მილანქრითვე შესრულებული. მაგრამ უფრო მომსხო ასოებით, ვიდრე პირველი
პირის წარწერა.
ამ ნაწილის აღწერილობა სურათებითურთ ო. მ. დალტონმა უკვე დაბეჭდა ნ.
კონდაკოვის ხსოვნისთვის მიძღვნილ კრებულში – «Seminarium Kondacovianum»,
Prague, 1926, გვ. 275–277.
ჩემს შეკითხვაზედ, თუ საიდან შეიძინა ბრიტანეთის მუზეუმმა ეს ნივთი,
დალტონმა მაცნობა, რომ ეს სანაწილე მათთვის მიუძღვნია ერთს უმთავრესს
ანტიქვარს ლონდონის ანტიქვარებთა შორის, ხოლო მას უნდა ჰქონდეს შეძენილი
ვინმე რუსეთიდან ან საქართველოდან მოსულისაგანაო. მეტი ჯერ ამის შესახებ
არაფერი ვიციო და თუ შევიტყვე რამეს გაცნობებთო.
მე გამოვთქვი მოსაზრება, რომ ეს ნივთი უნდა წარმოადგენდეს გულსაკიდს
ხატს ქეთევან დედოფლისა. წინათ მასში, ალბათ, მოქცეული იყო მარტო ძელი
ჭეშმარიტის ნაწილი და ქეთევანის წამების შემდეგ მას მიუმატეს ქეთევანის ნაწილიც.
თუმცა საჭიროა აღვნიშნოთ, წარწერა ორთავე ნაწილებისა ერთის ხელით არის
შესრულებული, მაგრამ ეს გადაკეთების დროს უნდა იყოს ჩადენილი. ყოველ
შემთხვევაში, თვით წმიდა გიორგის და წმიდა დიმიტრის ბიზანტიური მილანქრის
რიგის მედალიონები ძველია, არა უგვიანეს მეთორმეტე-მეცამეტე საუკუნისა.
 5. ლექსიკონი საბა-სულხან ორბელიანისა

მხედრული ხელნაწერი in folio ყდით, მომდინარეობს მუხრანიანთ ოჯახისაგან.

ეს წიგნი მე საქართველოშიც მქონდა ნახული და აღწერილი, დაბა მუხრანში. ჩემი იქ
ყოფნის დროს პატრონი სახლში არ დამიხვდა. შემდეგ, როდესაც ტფილისში ვნახე,
აღმითქვა შემოწირვა საისტორიო-საეთნოგრაფიო მუზეუმისათვის. «მესტუმრეთ
მუხრანში და მოგართმევთო», მაგრამ მე ვეღარ მოვახერხე გამგზავრება მასთან
სოფელში. ბოლოს, მუხრანის ასულს წიგნი პარიზში მოეტანა, მისგან ხელნაწერი
შეუძენია ინგლისელ ანტიქვარს ალენს. ტექსტი ხელნაწერისა არაფრით არ განირჩევა
ჩვეულებრივი ხელნაწერებისაგან, რომელნიც მრავლობით მოიპოვებიან ტფილისის
წიგნთსაცავებში. ბოლოში ხელნაწერს, გარდა ჩვეულებრივი საბას ბიოგრაფიული
ცნობებისა და ლექსებისა, დართული აქვს შემდეგი ანდერძი გადამწერისა:

აქა ეს დასრულდა, დიდება ღ-ა, ბუნებით ერთსა

დასრულდა ლექსთა კანონი
ღირსმან ჰყო ადრე პოვნანი.

1. აღმაწერინა წიგნი ესე სასურ საწყური სატრფოჲ

2. მსაჯულმან საქართუჱლოჲსამან ბრძენმან ტომ
3. ორბელითმან მზეჭაბუკ. მე უუნდოესსა მონასა
4. სქეს ლარაძესა იოანეს: დაღაცა თუ საზოგადოების არა
5. მოსაწონ არს ნაღუაწ ნაწერი ესე, გარნა შესანდობელ
6. არს ბრალი უსწავლელობისა უკეთუ არა იყოს ნაშვი დაჴსნილობისა:
7. მონა ვარ უჴმარი და რომელი იგი თანმედვა ყოფად ვჰყავ:
ეს არს ლექსთა კანონი
ვინც სრულობით ჰყო პოვნანი.

შემკვეთელი ხელნაწერისა მდივანბეგი მზეჭაბუკ ორბელიანი და გადამწერი

იოანე ლარაძე არიან მოღვაწენი მეთვრამეტე საუკუნის მეორე ნახევრისა. იოანე
ლარაძე შემდეგ მღვდელი იყო და გარდაიცვალა დეკანოზობის ხარისხში ალავერდს
1804 წელს (იხ. ჩემი არქეოლოგიური ექსკურსიები და შენიშვნები, რუსულ ენაზე,
წიგნი IV, გ. 95).
ხოლო მდივანბეგი მზეჭაბუკ ორბელიანი გარდაიცვალა 1794 წელს და
დამარხულია ტფილისის სიონში.
ამრიგად, ხელნაწერი მეთვრამეტე საუკუნის მეორე ნახევარშია გადაწერილი.
მაგრამ ხელნაწერი დიდად საყურადღებოა თავისი მხატვრული ასოებით.
თითოეული ანბანის ტექსტს თავში უზის ფერადებით დახატული დიდი მეთაური
ასო მხედრული. ზოგიერთი ასო შემკობილია სიმბოლური ფიგურებით და ამიტომ
რთული სახე აქვს. მთელი სცენებია წარმოდგენილი. მაგალითად, ასო ჯ-ს თან
ახლავს ჯოჯოხეთის სურათი, ტ-ს უწერია: «სული მართალი უბრალოდ იტანჯების».
დახატულია მუსულმანის ტირანი, რომლის ბრძანებით ჰგვემენ მართალს,
ქრისტიანს. ც არის გამომხატველი ცოდვათა და უწერია: «ვაჲ მწერალთა
უკეთურებისათა». ჰ-ს უწერია: «ჰა უგვარო ჴმის გაცემა» და სხვა. ასოების
შემკობილება ზოგჯერ დამთავრებული არ არის. მაგალითად, ფერადებით არ არის
შესრულებული ასოები: ქ, ყ, შ, წ და ჵ.
 ერთი ნიმუში ამ ლექსიკონის მხატვრული მეთაური ასოის, სახელდობრ ტ,
ალენმა მოათავსა ახლად გამოსულს თავის საანტიქვარო კატალოგში, თუმცა ეს ასო აქ
ფერადებით არ არის წარმოდგენილი, როგორც დედანში, მაგრამ მაინც საუცხოვოდ
არის შესრულებული და კარგს შთაბეჭდილებას ახდენს. დიდ სამსახურს გაგვიწევს
ალენი, რომ ყველა ასოს ამრიგად გადმოსცემდეს ერთს ალბომად.

6. პატარა გულსაკიდი ხატი ღვთისმშობლისა

ნაწილებიანი, ოქროსი, ჩვილედი

მომდინარეობს ივანე მალხაზის ძის ანდრონიკაშვილის ოჯახისაგან.

ღვთისმშობლის სახე ნაჭედი წელს ზევით არის წარმოდგენილი ძითურთ: წარწერა
სახელისა ხუცურია: ყ¯დ წ¯ა, ხოლო მეორე გვერდზე მხედრულად აწერია:

ჵი ძელო ცხოველს მყ
ოფელო: და: წმინდანო მო
წამენო შეგამკე მე იმერ
თა მეფის სოლომონის:
დამ ბატონიშვილმა მა
რიამ რათა მრჩობლსავე შენ
თა ცხოვრებასა მფარველ
მექნა ძითა და ასულთა ამინ.

აქ მოხსენებული მარიამ ბატონიშვილი არის იმერეთის მეფის სოლომონ II და,

რომელიც წინათ წერეთელს ჰყავდა ცოლად და შემდეგ, 1795 წლიდან მალხაზ
ანდრონიკაშვილს. მალხაზის და მარიამის შვილი იყო ივანე «მალხაზიჩად»
წოდებული, ცნობილი ღენერალი, რომელმაც ყირიმის ომის დროს მდინარე ჩოლოქის
პირზედ სასტიკად დაამარცხა ომარ ფაშის ლაშქარი.
ხელობა ხატისა ქართულია, მაგრამ დაცემის ხანისა და ეკუთვნის მეთვრამეტე
საუკუნის დასასრულს. ეს ხატი მე მაჩვენა პირველად იოსებ დადიანმა, პატრონი
ყიდისო, მითხრა. შემდეგ გადაეცათ რევაზ გაბაშვილისათვის გასასყიდად, და მისგან
უყიდია ბ-ნ გამრეკელს, გიორგი ყაზბეგის სიძეს.

7. სახარება კათალიკოზ დომენტი მესამისა

ბ-ნ გამრეკელის სახლობას უნდა ჰქონდეს კიდევ პატარა ტანის ხელნაწერი

სახარება, დომენტი III კათალიკოზისა, რომელიც ყაზბეგიანთ ოჯახიდან
მომდინარეობს. სახარება მინიატურულია, ოქროს ყდით, ორ სვეტად ნაწერი ძლიერ
თხელს გაეშვილს ქაღალდზე ერთობ წვრილის, მაგრამ კარგად გასარჩევის ნუსხა-
ხუცურით. ეს სახარება ოცდათხუთმეტი წლის წინ წერა-კითხვის საზოგადოების
მუზეუმმა შეიძინა აწ განსვენებულის მწერლის ალექსანდრე ყაზბეგისაგან. მაგრამ
ერთი წლის შემდეგ ჩვენმა მოღვაწემ გენერალმა გიორგი ყაზბეგმა განაცხადა, რომ ეს
სახარება საგვარეულოა და ალ. ყაზბეგს არ ჰქონდა უფლება გაეყიდაო და მოითხოვა
დაბრუნება ხელნაწერისა. წერა-კითხვის საზოგადოების გამგეობამ ილია ჭავჭავაძის
თავმჯდომარეობით (მაშინ მეც გამგეობაში ვიყავი) ეს სახარება დაუბრუნა გიორგი
ყაზბეგს. დაბრუნების წინ მე აღვწერე ხელნაწერი. აღწერილობა ეხლა ხელთ არა
მაქვს, მაგრამ კარგად მახსოვს, რომ ვრცელ ბოლოსიტყვაობაში აღნიშნული იყო
ვინაობა გადამწერისა და ქება პატრიარქ-კათალიკოს დომენტი III, რომლის
ბრძანებით და ჯერ ჩინებით გადაეწერათ სახარება მეთვრამეტე საუკუნის
დასაწყისში. თარიღი აღნიშნული იყო კათალიკოს დომენტის ინდიკტიონის
მიხედვით, ესე იგი დასაწყისიდან მისი კათალიკოსობისა, რომელსაც ჰქონდა
ადგილი 1704 თუ 1705 წელში. ამრიგად, ეს პატარა ტანის სახარება ეკუთვნოდა
დომენტი III კათალიკოს-პატრიარქს. ცნობილია, რომ ასეთი წვრილი ხელით წერა და
მთელი სახარების ტექსტის მოქცევა მცირე ტანის ხელნაწერში თავისი განვითარების
უაღრეს წერტილს სწორედ ამ დროს აღწევს, ესე იგი მეთვრამეტე საუკუნის
დასაწყისიდან. დომენტი III სახარება ერთი საუკეთესო რიგის წარმომადგენელი იყო
ასეთი სახარებისა. ყველას კარგად მოეხსენება და ყველას კარგად გვახსოვს, თუ
როგორი გულმოდგინე და გულწრფელი საზოგადო მოღვაწე იყო გიორგი ყაზბეგი.
საკმარისია გავიხსენოთ, რომ ილია ჭავჭავაძის შემდეგ ის მუდმივი თავმჯდომარე
იყო წერა-კითხვის საზოგადოებისა და დიდი მოამაგე ყველა ჩვენი საკულტურო
დაწესებულებათა. ერთხელ, როდესაც მის კაბინეტში თვალი მოვკარი დასახელებულ
სახარებას, ვუთხარი, რატომ არ აძლევ წერა-კითხვის საზოგადოების წიგნთსაცავს-
მეთქი, მან მიპასუხა, სად წავა, ბოლოს ხომ მაინც იქ მივაო. ეხლა კი ვშიშობ იქ
მივიდეს. ჩვეულებრივ ასეა, კაცის სიცოცხლე მოკლეა; რასაც სიცოცხლეში ვერ
მოასწრებს, მისი განზრახვანი სიკვდილის შემდეგ იშვიათად სრულდება. ჩვენ
გიორგი ყაზბეგის თანამედროვენი და მისი მეგობარნი დიდად გულ-ნაკლულნი
დავრჩებით, თუ წერა-კითხვის საზოგადოების თავმჯდომარის სამუზეუმო წიგნი,
მისი განზრახვის წინააღმდეგ, დაეკარგა ქართველ საზოგადოებას. ეს გიორგი
ყაზბეგის ხსოვნას მეტად ავნებს.

პავლე იოსების ძე თუმანიშვილი

პავლე თუმანიშვილის უდროოდ გარდაცვალება მწვავედ მოხვდება ყველა

პატიოსანი ქართველის გულს, ვინც მას იცნობდა, ვისაც მასთან უმოღვაწია ქართულ
საზოგადო საქმეებში და მასთან დამოკიდებულება ჰქონდა. წყნარი, თავმდაბალი,
კეთილი გულის პატრონი და კაცთ-მოყვარე, ის გამსჭვალული იყო ერთად ერთის
იდეით, ერთად ერთის მისწრაფებით, რაც შეიძლება მეტი სამსახური გაეწია თავისი
სამშობლოსათვის, თავისი ქვეყნისათვის და თავის მოძმეთათვის. დაასრულა თუ არა
უნივერსიტეტი, სულ ახალგაზრდა ჩაება ჩვენს საზოგადო საქმეებში და დიდის
ენერგიით და დაუღალავად მუშაობდა. მას ჰყავდა მდიდარი ნათესავები, ცნობილნი
ზუბალაშვილები, რომელთა შორის ყველაზე შეგნებული და პატრიოტი იყო სტეფანე.
მას დიდი პროგრამა ჰქონდა დასახული ქართულ დაწესებულებათა და საქმეთა
დასახმარებლად და გასაუმჯობესებლად, მაგრამ საუბედუროდ ჩვენდა აღარ
დასცალდა, ადრე გარდაიცვალა. სხვა ძმებს სამწუხაროდ არ აღმოაჩნდათ ასეთი
სიყვარული ქართული საქმეებისა და პირველად თუმცა განაგრძეს დაწყებული
ზოგიერთი საქმე, რომელიც სრულად პავლეს ჩააბარეს, მაგრამ მალე ხელი აიღეს
ყოველ ქართულ საქმეზე და საქართველოდან გაიხიზნენ. ეს იყო იმ დროს, როდესაც
იწყებოდა რუსეთში პირველი რევოლუცია 1905 წლისა და სწორედ ამ დროს
გამოდიოდა ჩვენში ზუბალაშვილების ხარჯზე ორი დიდი გაზეთი – რუსულად
«ვოზროჟდენიე» პ. გოთუას რედაქტორობით და მეორე ქართულ ენაზე «ივერია»
ფილიპე გოგიჩაიშვილის რედაქტორობით. ამასთანავე მათივე ხარჯით დაარსდა
კიდევ საბავშვო ჟურნალი «ნაკადული» მარიამ დემურიას ხელმძღვანელობით.
პავლემ ამ გამოცემათა საქმე მატერიალურად მშვენივრად მოაწყო, ხოლო
ხელმძღვანელობა გამოცემათა იდეურის და მიმართულების მხრივ ქართული
ინტელიგენციის კოლეგებს ჩააბარა და რადიკალურს და მოსოციალისტე
მიმართულების «ვოზროჟდენიე»-სა ხელს არ უშლიდა. ამით ზუბალაშვილები
უკმაყოფილო დარჩნენ. ყველა გამოცემაზედ ხელი აიღეს და საზოგადოდ ქართულ
საქმეს ჩამოშორდნენ. პავლეს გამგეობა მათი სამეურნეო ნაწილისა ჩამოართვეს და
ყოველგვარი სუბსიდია საზოგადოებრივი და პირადი მოუსპეს – ჩვენ
რევოლუციონერი ნათესავი არ გვინდაო. ეს რასაკვირველია უბრალო მიზეზი იყო
ქართული საქმეებიდან განდგომისა, თორემ ვინ არ იცის, რომ «ივერია» ზომიერი
ეროვნული მიმართულების გაზეთი იყო, და ნამეტნავად საბავშვო ჟურნალი რა
შუაში იყო, რომ დახმარება მოუსპეს. ადვილად შეეძლოთ «ვოზროჟდენიე»
დაეხურათ, თუ არ მოსწონდათ, და სხვა ქართული საქმეები მოეწყოთ. ამ დროს
შენდებოდა დიდი სახლი სააზნაურო გიმნაზიისა (დღეს იქ უნივერსიტეტია) და
სტეფანე დაპირებული იყო საჭირო თანხის გამოღებას. მემკვიდრეებმა კაპიკი არ
გაიღეს ამ საქმისთვის. სხვას ასეთი მოქცევა ნათესავებისა მიმართულებას
შეაცვლევინებდა, გულს გაუტეხდა და პირადი ინტერესების ლტოლვას
დააწყებინებდა. პავლეს კი ამ რისხვამ ნათესავებისა საზოგადოებრივი და
პატრიოტული მიმართულება ვერ შეუცვალა, პირიქით, გაორკეცებული ენერგიით
შეუდგა ქართული მიმართულებისა და საზოგადო ინტერესების დაცვას. ყოველ
ჩვენს დაწესებულებაში მონაწილეობას იღებდა და თავისი ხარჯით უძღვებოდა
საქმეებს. დედას ცოტა რამ შეძლება ჰქონდა მამისაგან ნაანდერძევი და პავლეს არ
უშლიდა საზოგადო საქმეებზე შეძლებისამებრ ხარჯი გაეწია. საბავშვო ჟურნალი არ
მოსპო და თავისი პირადის საშუალებით ისტუმრებდა ხარჯებს. შემდეგ ტფილისის
მაზრის თავად-აზნაურთა წინამძღოლი გახდა, ხშირად გუბერნიის მარშლის
თანამდებობას ასრულებდა. იმ დროს თავადაზნაურობის საკრებულოს ხელში
აუარებელი საზოგადოებრივი საქმეები იყო: სათავადაზნაურო გიმნაზია, მისი
შენობის საქმე, კახეთის რკინის გზა, გლეხებისადმი მიწების გადაცემა შეღავათიანი
პირობებით, ერობის შემოღების საქმე და სხვა. ყველა ეს დიდ შრომას და ენერგიას
მოითხოვდა. პავლე დილიდან საღამომდე ამ საზოგადო საქმეებს დასდევდა და
ყველაფერს გულწრფელად და სინდისიერად ასრულებდა. მაგრამ ეს საქმეები ჩემზე
უკეთ სხვებმა იციან და ისინი უფრო დააფასებენ ამ დარგებში მის ღვაწლს. მე
მოვალედ ვხდი ჩემს თავს მოკლედ აღვნიშნო აქ მისი სამაგალითო დახმარება და
ამაგი, რომელიც მან გაუწია «საქართველოს საისტორიო და საეთნოგრაფიო
საზოგადოებას». როდესაც 1907 წელს ეს საზოგადოება დავაარსეთ, იმთავითვე
შევუდექით ზრუნვას მუზეუმისათვის ბინის აშენებისა. ერთადერთი შეძლებული
კაცი, რომელსაც ამისი განხორციელება შეეძლო, საქართველოში იმ დროს დავით
სარაჯიშვილი იყო და მას ჩავსჩიჩინებდით ეს საქმე ეკისრა. ამ საქმეში დიდად
გვეხმარებოდნენ და ბანს გვაძლევდნენ მისი დიდი მეგობარი, პროფესორი ალ.
ცაგარელი, ალ. ივანეს ძე სარაჯიშვილი, ახლობელი ნათესავი დ. სარაჯიშვილისა
მიშო მაჩაბელი და სხვები, მაგრამ დ. სარაჯიშვილი დიდ უარზე იდგა. არათუ
მუზეუმის აშენება, მზრუნველ წევრობაზეც უარი გვითხრა. პ. თუმანიშვილი კი
დაარსებიდან მხურვალე მონაწილეობას იღებდა ჩვენს საზოგადოებაში, საზოგადო
კრებებს ესწრებოდა და აღტაცებული იყო, რომ კრებები მშვიდად, წყნარად და
წესიერად მიდიოდა. აქ რომ მოვდივარ, ვისვენებო, ამბობდა. სხვა ქართულ კრებებზე
ჩხუბი, ლანძღვა და ყვირილი არისო, რატომ არ შეიძლება ასე მოვაწყოთ სხვა
კრებებიცო.
როდესაც მასთან მუზეუმის საქმეზედ მქონდა ლაპარაკი, მითხრა: მე ბევრი
არაფერი შემიძლია პირადად, მაგრამ ორი ნაჭერი მიწა მაქვს – ერთი, ელისაბედის
ქუჩაზე კუკიაში, მეორე, სააზნაურო გიმნაზიასთან ვერაზე – რომელიც
გამოგადგებათ, მოგართმევთო. წავიდეთ ეხლა, ვნახოთო. ჩავსხედით ეტლში და
წავედით. ჯერ ელისაბედის ქუჩაზე რომ ადგილი იყო, ის ვნახეთ, შემდეგ
სათავადაზნაურო გიმნაზიასთან ვერაზე. ამ ადგილს მე წინათაც ვიცნობდი,
ჯმუხაძეებისაგან ჰქონდა ნაყიდი, სივრცით ერთი დესიატინა 24.700 მანეთად. მე ეს
უკანასკნელი ვამჯობინე და თანაც დავაყოლე, თუ ამაზე უკეთესი ადგილი ვიშოვეთ,
მაშინ ამას გავყიდით და უკეთესს ვიყიდით-მეთქი. რასაკვირველია, ასე ემჯობინება,
თქვენ უკეთ იცით და ეს თქვენი საქმეაო. ეს ამბავი ალექსანდრე სარაჯიშვილს
ვუამბე. გაუხარდა, რასაკვირველია, თანაც გაოცდა, რომ ქართველებში ასეთი
ადამიანი აღმოჩნდა. მეორე დღე კვირა იყო, წავედით დავით სარაჯიშვილთან და ეს
ამბავი ვუთხარით. მან სიცილი დაგვაყარა, რა აქვს პავლუშას ამდენი, რომ ასეთი
მსხვერპლი გაიღოსო, მაგას მაშინ დაგიჯერებთ, როდესაც «კუპჩას» მაჩვენებთო. მე
ვუთხარი, რომ «კუპჩა» მოგიტანოთ, მუზეუმს აგვიშენებთ თუ არა-მეთქი? მაგაზე
მერე ვილაპარაკოთო. ერთი კვირის შემდეგ ნასყიდობის ქაღალდი ხელთ გვქონდა,
ხარჯიც პავლუშამ იკისრა. მივუტანეთ დავით სარაჯიშვილს. ის სახტად დარჩა,
თანაც პირმა გაუღიმა, იქნებ ჭკუაზედ შეიშალაო! მე ხუმრობით ვუთხარი, ღმერთმა
შენც ისე შეგშალოს, მუზეუმი აგვიშენო-მეთქი! სიცილი დაიწყო, მაგრამ იმ დღეს
მაინც ვერ ვათქმევინეთ, ავაშენებო! შემდეგ პავლემ მითხრა, შემხვდა დავითი და
გამარჯობის უმალ ასე მითხრა რუსულად: თავადო, შეუძლებელია თავისი პერანგის
გახდა და სხვისთვის ჩუქებაო. რაღა ბევრი გავაგრძელო, ამის შემდეგ დავით
სარაჯიშვილი სირცხვილეული დარჩა და აღგვითქვა მუზეუმის აშენება, ხოლო ის
ადგილი შორს არის, სხვა ადგილი მომეცითო. დავითს სიცოცხლეში აღარ დასცალდა
მუზეუმის აშენება, თუმცა გეგმა გერმანიაში შეადგენინა ნაცნობ ხუროთმოძღვარს და
ანდერძით მიანდო თავის მეუღლეს ეს საქმე. არც მის მეუღლეს დასცალდა
სისრულეში მოეყვანა დავითის განზრახვა, ხოლო მანც ანდერძი დატოვა მუზეუმის
შესახებ, რომელიც არ განხორციელდა სხვადასხვა მიზეზების გამო. ამ ძვირფასი
მიწის შემოწირვით არ ამოწურულა პავლეს ყურადღება ჩვენი საზოგადოებისადმი.
მან შეადგენინა საუცხოო ბიბლიოთეკა კავკასიისმცოდნეობისა და ერთიანად
შემოსწირა საზოგადოებას. ამას გარდა, შეიძინა ბევრი საარქეოლოგიო ნივთები და
ისიც გადმოგვცა, შემდეგ ნება მოგვცა, შეგვეკვეთა საჭირო შკაფები და ვიტრინები
მუზეუმისათვის და ხარჯი სრულიად მან გაიღო. ამას გარდა, მოგვცა საშუალება
მოგვეწყო დიდი არქეოლოგიური ექსპედიცია ლეჩხუმ-სვანეთში ზაფხულში 1909
წლისა. ექსპედიციაში ჩემს გარდა შედიოდნენ: ცნობილი ფოტოგრაფი ერმაკოვი,
ხუროთმოძღვარი ს. კლდიაშვილი და ტფილისის პირველი გიმნაზიის
მასწავლებელი ივ. ნიჟარაძე. პავლეს განზრახვა ჰქონდა, თვით მიეღო მონაწილეობა
ექსპედიციაში და ხუმრობით მითხრა, ვიცი, თქვენთვის მე მეტი ბარგი ვიქნები,
მაგრამ სიტყას გაძლევთ, ჩემი თანხლება თქვენ მუშაობაში ხელს არ შეგიშლისო. მე
ეხლა ვერ წამოვალ თქვენთან, მაგრამ ცაგერში დაგეწევით, რომ სვანეთში ერთად
წავიდეთო. ის მაშინ გუბერნიის მარშლის მოადგილე იყო და საქმეებმა ნება არ მისცეს
თავისი სურვილი განეხორციელებინა. ცაგერში ტელეგრამით გვაცნობა, ვეღარ
მოვდივარ და ნუ მიცდითო. ამ ექსპედიციის შედეგი იყო დეტალური აღნუსხვა და
ფოტოგრაფიულად გადმოღება ყველა საეკლესიო ნივთებისა ძეგლთა და სიძველეთა
ამ რაიონებისა. შრომა უსახსრობის გამო ჯერ გამოუცემელია. მხოლოდ ერთადერთი
ადიშის უძველესი თარიღიანი სახარება არის სრულად ფოტოტიპიის საშუალებით
გამოცემული მოსკოვის არქეოლოგიური საზოგადოების მიერ ჩემის
წინასიტყვაობით. ეს ექსპედიცია მას ძვირად დაუჯდა. პირადად სამგზავროდ მე
ვიმყოფინე 900 მანეთი, მაგრამ ფოტოგრაფმა ერმაკოვმა პლასტინკების ხარჯად,
თავის გასამრჯელოდ და სურათების დასაბეჭდად დიდი თანხა გამოართვა, არა
ნაკლები ექვსი ათას ი მანეთისა.
ასეთია მისი ღვაწლი საქართველოს საისტორიო და საეთნოგრაფიო
საზოგადოებისადმი. ის იყო მზრუნველი წევრი და ნამდვილი მეცენატი ამ
საზოგადოებისა დღიდან მისი დაარსებისა. მისი პოლიტიკური მიმართულება
ნაციონალ-დემოკრატიული იყო და მისი მონაწილეობით და ილია ჭავჭავაძის
თავმჯდომარეობით გამომუშავდა პირველი საჯარო ოფიციალური პროგრამა ამ
პარტიისა, რომელიც მან თავისი ხარჯით დაბეჭდა. ეს მიმართულება, რა თქმა უნდა,
მას ხელს არ უშლიდა პატივისცემით მოპყრობოდა ყველა სხვა პარტიების მოღვაწეთ,
რომელნიც ასე თუ ისე საქართველოს კეთილდღეობისათვის ზრუნავდნენ და
მუშაობდნენ. ის ყოველთვის და ყოველგან იყო იდეოლოგი საერთო ფრონტისა. ის
იყო საზოგადოდ დიდი ოპტიმისტი. ვერავითარი მარცხი, ვერავითარი დაბრკოლება
და უნუგეშო მდგომარეობა მას ვერ უცვლიდა რწმენას საქართველოს აღდგენისა,
თავისუფლებისა და ბედნიერებისა. ეს ენთუზიაზმი მას შერჩა ემიგრაციაშიც და ჩაყვა
საფლავში. უაღრესად გაჭირვებულმა მატერიალურმა მდგომარეობამ ვერ გადრიკა
მისი სტოიკური ბუნება. მას ვერავისზე საყვედურს ვერ ათქმევინებდი, არავითარ
ფიზიკურ მუშაობას არ თაკილობდა, რომ როგორმე დახმარებოდა თავის ცოლ-
შვილს, მაგრამ ბოლოს და ბოლოს სხეულმა ვეღარ აიტანა ასეთი მდგომარეობა და
უდროოდ გამოგვეცალა. საუკუნოდ დარჩება მისი ღვაწლი და ამაგი ჩვენს გულში და
აგრეთვე ყოველი შეგნებული ქართველის გულში.

ელენე თარხან-მოურავისეული
«ვეფხის-ტყაოსანის» სურათებიანი ხელნაწერი

ამ ხელნაწერს თავისი ისტორია აქვს. მუზეუმებში ხელნაწერთა შეგროვების

დროს ჩვენ განსაკუთრებულ ყურადღებას ვაქცევდით «ვეფხის-ტყაოსნის» საუკეთესო
ხელნაწერთა მოპოვებას და შეძენას. მართლაც, ბევრი საყურადღებო ხელნაწერები
შევიძინეთ, როგორიც არის, მაგალითად, ჯერჯერობით უძველესი თარიღიანი და
სურათებიანი ხელნაწერი 1646 წლისა. წერეთლისეული სურათებიანი ხელნაწერი
XVII საუკუნის მეორე ნახევრისა საუცხოო 87 მინიატურით, პაპუა
ბებურიშვილისეული ხელნაწერი 1688 წლისა, მეფე გიორგი XI-სეული ხელნაწერი
1680 წლისა, შესანიშნავი ოქროს ვარაყიანი აშიებით (ბორდურებით) და სხვა
მრავალნი, რომელნიც აღწერილნი არიან ჩემს «წერა-კითხვის საზოგადოების
ხელნაწერთა აღწერაში» რუსულ ენაზე, ტომი II, №№ აღწერისა 314–355, 339–343, გვ.
554–582; 603–606. ამ აღწერის შემდეგაც რამდენიმე ხელნაწერი იყო კიდევ ჩვენს მიერ
შეძენილი. ჩვენ ვეძებდით და ვიმედოვნებდით მოპოვებას უძველესი ხელნაწერისას.
ეს იმედი სამწუხაროდ არ გაგვიმართლდა, – ჯერჯერობით არ მოიპოვება ხელნაწერი,
რომელიც მე-16 საუკუნის დასასრულის მიჯნას სცილდებოდეს. ყოველ შემთხვევაში,
ჩვენი ცნობების შეკრება, თუ სად და ვის მოეპოვებოდა კიდევ ხელნაწერი «ვეფხის-
ტყაოსანი», არ დაგვიგდია.
სხვათა შორის, მღვდელ პოლიევკტ კარბელაშვილისაგან გვქონდა გაგონილი,
რომ ელენე თარხან-მოურავის მეუღლეს ჰქონდა შეძენილი ერთი სურათებიანი
«ვეფხის-ტყაოსანის» ხელნაწერი თვით პოლ. კარბელაშვილის დახმარებით.
ქალბატონი ელენე იმჟამად ტფილისში არ ცხოვრობდა, არამედ იალტის მახლობლად
კუჩუკ-ლამბატში, თავისი მამიდის გაგარინის ცოლყოფილის მამულში. ამიტომ ჯერ
წერილით მივმართე მაშინდელ იალტის გრადონაჩალნიკს ივანე დუმბაძეს, რომ
ეშუამდგომლა ელენე თარხნიშვილისას, ის ხელნაწერი შემოეწირა საქართველოს
საისტორიო და საეთნოგრაფიო მუზეუმისათვის. ამ წერილით არაფერი გამოვიდა.
ამიტომ მე თვითონ გავემგზავრე ელენესთან ზაფხულში 1912 წ. ვიცოდი, რომ მას
სხვა სურათები და სამუზეუმო ნივთებიც ჰქონდა. როგორც შეეფერებოდა
საქართველოს ბანოვანს, ელენემ დიდად თავაზიანად და გულწრფელად მიგვიღო,
პატივი გვცა; რაც სახლში ჰქონდა და მუზეუმისთვის ვარგოდა, სიამოვნებით
გადმოგვცა, მაგრამ გამოჩნდა, რომ მას მთელი თავისი ვერცხლეულობა და სხვა
ძვირფასი ხატები და ნივთები და მასთან ერთად ეს ხელნაწერი «ვეფხის-ტყაოსანი»
შიშიანობის გამო პირველი რევოლუციის დროს სევასტოპოლის ხაზინაში
მიებარებინა შესანახად. პატიოსანი სიტყვა მომცა, რომ ის თავის ვერცხლეულობას,
ხატებს, სურათებს, წიგნებს და იარაღს ჩვენს მუზეუმს დაუტოვებდა ანდერძით,
ხოლო «ვეფხის-ტყაოსანს» მალე გამოიტანდა ხაზინიდან და გამომიგზავნიდა. ივანე
დუმბაძემ მოსვენება არ მომცა მაგ ხელნაწერისათვის, რომ თქვენთვის გამოეგზავნაო,
მაგრამ ჯერჯერობით გამოტანა ვერ მოვახერხეთო. ერთადერთი ნივთი, რომელიც მე
მოვიწონე მუზეუმისათვის და იმ დროს სახლში ჰქონდა, მაგრამ იმჟამად ვერ
გაიმეტა, ეს იყო მისი ბებიის, იმერეთის მეფის სოლომონ I ასულის მარიამ
ბატონიშვილის წამლით დახატული მშვენიერი სურათი ქართული ტანისამოსით.
მარიამი იყო ელიზბარ ერისთავის ცოლი. მათიშვილის კონა ერისთავის ასული იყო
ელენე თარხნიშვილისა. ელენემ მითხრა: აქ ხშირად სასეირნოდ მოდის ნიკოლოზ II,
როცა იალტაშია და გადმომცეს, აპირებს ჩემთან შემოსვლას, და რომ მოვიდეს, რა
უნდა ვაჩვენო, თუ არა მეფის ასულის ძველი სურათიო. ისე სიტყვა მომცა, ეს
სურათიც თქვენ დაგრჩებათო.
შემდეგ ელენე თარხნიშვილისას «ვეფხის-ტყაოსნის» ხელნაწერი მართლა
გამოეტანა სევასტოპოლის ხაზინიდან, და როცა მასთან მისი სიძე, ჩემი ამხანაგი
იოსებ დადიანი მისულიყო, მისთვის ეძლია ხელნაწერი ჩემთვის გადმოსაცემად. ეს
თვით იოსებ დადიანმა გადმომცა და დასძინა, სამწუხაროდ ვერ წამოვიღეო.
ამრიგად, ხელნაწერი კუჩუკ-ლამბატში დარჩენილიყო. შემდეგ ელენე
თარხნიშვილისა იქ გარდაცვლილა და მეორე რევოლუციის შემდეგ მათი სასახლე
აუკლიათ.
ეს ხელნაწერი ერთს ქართველს სტამბოლში მოეტანა, იოსებ დადიანისათვის
ეჩვენებინა და ეთქვა, თითქოს ეს ხელნაწერი მას ეყიდოს სევასტოპოლის ბაზარში.
ბევრი ვაჭრობის შემდეგ იოსებ დადიანს ხელნაწერი უყიდია იმ ქართველისაგან და
ეხლა მის კუთვნილებას შეადგენს. იოსებ დადიანმა თვალსაჩინო დახმარება გაუწია
ჩვენს საისტორიო და საეთნოგრაფიო საზოგადოებას. სხვათა შორის, მან შეიძინა მისი
ნათესავი პუპი აბაშიძისაგან ძვირფასი მილანქრიანი ჯვარცმის ხატი და შემოსწირა
მუზეუმს, მაგრამ ეხლა ხელმოკლეობის გამო უფასოდ ამ ხელნაწერს აღარ ელევა და
ვინც მეტს მისცემს, მასზე გაყიდვას აპირებს. შეიძლება ხელნაწერმა
საქართველომდის აღარ მოაღწიოს და ამიტომ საჭიროდ ვრაცხ მოკლე ცნობები
მოვიყვანო მის შესახებ.
ამასთან უნდა შევნიშნო, როცა ს. კაკაბაძე «ვეფხის-ტყაოსნის» მეორე დიდ
გამოცემას აპირებდა, ამ ხელნაწერის აღწერილობა მას მივაწოდე. ეს წიგნი მრავლის
სურათებით შემკობილი გამოვიდა 1927 წ. წინასიტყვაობაში (გვ. VII, შენ. 2)
ნათქვამია, ექვთიმე თაყაიშვილის აღწერილობა თავსდება დამატებაშიო, მაგრამ
დამატებაში აღწერილობა არა ჩანს. ალბათ დავიწყებია, ხოლო სამიოდე
ფოტოგრაფიული სურათი ამ ხელნაწერიდან მისი ძმის მხატვარ დავით კაკაბაძის
გადაღებული დართული აქვს გამოცემას. იხ. გვერდებს შუა 24–25, 168–169, 182–183.
ხელნაწერი ყდაშია, მაგრამ ყდა ძველი არ არის, თუმცა მოყვითალო ტყავი აქვს
გადაკრული და ზედ ოქროსფერი ასოებით აწერია «ვეფხის-ტყაოსანი». ზომა ყდისა
25X18 სანტ. ამ ყდაში მოქცეულია ნაკლული და ალაგ-ალაგ დაზიანებული
ხელნაწერი «ვეფხის-ტყაოსნისა». ტექსტი ნაწერია ლამაზი სტამბურის ხელით და
მოქცეულია ოთხკუთხედ რამკაში, შედგენილს ოთხი ზოლისაგან, ორი წითელის და
ორის მწვანის; ზომა ტექსტისა 20,5X13 სანტ. ქაღალდი კარგია, გაეშვული, მაგრამ
ფილიგრანი არა აქვს, ყოველ შემთხვევაში ჩვენ ვერ შევნიშნეთ. თითოეულ გვერდზე
დატეულია ხუთი ტაეპი, მელანი შავია, სათაურები და პირველი ორი სიტყვა ტაეპი
ნაწერია წითლურით. ნიშნებად იხმარება ყოველი სიტყვის შემდეგ ხან თითო, ხან
ორ-ორი, ხან სამ-სამი წერტილი.
შეიცავს სულ მერმენდელის სათვალავით 176 ფურცელს, მაგრამ აკლია 82-ე და
140-ე ფურცლები. ზოგიერთი ფურცელი მერმეთ მიმატებულია და ზედ ტექსტი მე-18
საუკ. ხელნაწერითაა დაწერილი. ასეთებია 79, 90–92, 133–135 ფურცლები. ამ
დამატებული ფურცლების ფილიგრანი სამი ნახევარი მთვარეა. ყველა ფურცელი
ყდის გაკეთების დროს შეკეთებული და შემაგრებულია ქაღალდის დაწებებით
აშიებზე. სურათებს უკავია 18 განცალკევებული ფურცელი. ამას გარდა, სამი სურათი
შიგ ტექსტშია მოქცეული. სურათები ჩვეულებრივად სპარსული ყაიდის არის და
შესრულებულია ფერადებით. ადგილ-ადგილ დაზარალებულია. დაცული სურათები
შემდეგის რიგით არის მოთავსებული ხელნაწერში:
1. აქა ავთანდილისაგან ტარიელის ამბვის ცოდნა (ფურც. 8).
2. ავთანდილის ხეზე ასვლა და ტარიელის და ასმათის ნახვა (ფ. 10. ეს სურათი
თავუკუღმა არის მოქცეული).
3. ავთანდილის და ასმათის საუბარი ქვაბში (ფ. 14. სურათი პატარაა, ტექსტის
ბოლოს მოქცეული. შინაარსის წარწერა მოჭრილი აქვს).
4. აქა ტარიელისა და ავთანდილის ნახვა და შეხვე[დრა] (ფ. 15).
 5. ტარიელისაგან თავის ამბის მბობა ავთანდილის წინაშე (ფ. 21. ეს სურათი
ტექსტშია მოქცეული).
6. აქ ტარიელისაგან ნესტან-დარეჯანის ნახვა (ფ. 26. სურათი ორად არის
გაყოფილი. ქვემო ნაწილში ავადმყოფი ტარიელი წევს და ორი კაცი თავს ადგია).
7. წიგნი ნესტან-დარეჯანის თავის საყვარელთან მიწერილი (ფ. 29 verso. სურათი
ტექსტშია მოქცეული. ასმათი აწოდებს წერილს ტარიელს).
8. აქა ტარიელისაგან ინდოეთს მისვლა და რამაზის შეპყრობა (ფ. 39. წარწერა
მოშლილია).
9. აქა შველა ტარიელისაგან ფრიდონის ჴელმწიფისზედან (ფ. 55 verso).
10. აქა ავთანდილისაგან ტარიელის ამბვის მბობა (როსტევან) მეფის წინ (ფ. 62.
სურათი ორად არის გაყოფილი, ზემოთ ავთანდილი მუხლმოყრილი ნოხზე მეფეს
უამბობს, ქვემოთ მეჩანგენი ართობენ თინათინს).
11. ...ანდერძი ავთანდილისაგან. თავის ყმის შერმანდინის ჯანიშინად დაგდება
(ფ. 77 verso).
12. აქა ტარიელის ლომვეფხთ მოკულა და დაბნედა, ავთანდილის ტირილი (ფ.
88).
13. აქა ავთანდილისაგან ფრიდონის ნახვა და შეყრა (ფ. 97).
14. აქა ავთანდილისაგან ზღუაში ომი და გამარჯვება (ფ. 104 verso. ამ სურათის
ცარიელ ზურგზე სამ სტრიქონიანი სომხური წარწერაა გვიანის ხელით).
15. აქა ფატმანის მონისაგან ქაჯეთს ნესტან-დარეჯანის ნახვა და წიგნის
მირთმევა (ფ. 129).
16. აქა ავთანდილისაგან ამბვის მიტანა და ტარიელის დაბნედა (ფ. 137 verso).
17. აქა ტარიელის, ავთანდილისა და ფრიდონისა ომი ქაჯეთს (ფ. 145).
18. აქა ქორწილი ტარიელისა და ნესტან-დარეჯანისა (ფ. 151).
19. აქა ქორწილი ავთანდილისა და მზე თინათინისა (ფ. 161. სურათი სამ
ნაწილად არის გაყოფილი. ზემოთ ავთანდილ და თინათინ სხედან ერთად, შემდეგ
როსტევან და ფრიდონ, შუა ნაწილზე ტარიელ და ნესტან-დარეჯან სხედან ერთად.
ამით პირდაპირ სამი ფიგურაა. ქვემო ნაწილში მუტრიბნი და მუსიკოსნი).
20. ტარიელისაგან რამადან მეფის სიკუდილი (ფ. 168).
21. აქა ინდოეთს ავთანდილისა და ნესტან-დარეჯანის ქორწილი (ფ. 172).
უკანასკნელი ორი სურათის სიუჟეტი «ვეფხის-ტყაოსნის» გაგრძელებიდანაა.
კომპოზიცია ზოგიერთი სურათებისა თვალსაჩინოდ განირჩევა არსებული სხვა
ცნობილი ხელნაწერების კომპოზიციებისაგან.
საზოგადოდ ამ ხელნაწერის სურათები უფრო ემსგავსებიან 1646 წლის
ხელნაწერის სურათებს (№599 საისტორიო და საეთნოგრაფიო საზოგადოებისა),
ვიდრე №5006 წერა-კითხვის საზოგადოებისა.
თავში და ბოლოში ხელნაწერს აკლია. მე ვადარებ ტექსტს ს. კაკაბაძის მიერ
პირველ გამოცემას 1913 წლისა, ვინაიდან ეს ერთადერთი გამოცემაა ჯერჯერობით,
სადაც ჩამატებანი და გაგრძელებანია დართული. ამის მიხედვით ჩვენს ტექსტს
აკლია 127-ე ტაეპი და ეხლა ტექსტი იწყება 128-ე ტაეპის მესამე სტრიქონით: «ყოველი
პირი მიწისა თქვენ ჴრმლითა დაგიმონია», მაგრამ ეს და ქვემოთ კიდევ ხუთი
სტრიქონი დაწერილია მერმინდელის ხელით ლურჯ ქაღალდზე, რომლითაც თავი ამ
პირველი დაცული ფურცლისა შეკეთებულია.
 ბოლო თვით «ვეფხის-ტყაოსნისა» ისე თავდება, როგორც ს. კაკაბაძის
გამოცემაშია, ესე იგი 1527-ე ტაეპით, და შემდეგ იწყება გაგრძელებანი «ვეფხის-
ტყაოსნისა». ტარიელისაგან ინდოთ მეფის სიკუდილის ცნობა. შემდეგ:
ტარიელისაგან ინდოეთს მისვლა და ხატაელთ დამორჩილება. შემდეგ: ქორწილი
ტარიელისა და ნესტან-დარეჯანისა. შემდეგ: ხვარაზმთ მეფისაგან ტარიელის
ავადმყოფობის ცნობა, შიგ ჩამოდგომა. ამას ს. კაკაბაძის გამოცემაში ასეთი სათაური
აქვს: აქა ტარიელის დასნეულება და ხვარაზმშა მეფისაგან სისხლის ძებნად მოსვლა
ინდოეთს. მაგრამ ეს თავი დამთავრებული არაა ჩვენს ხელნაწერში და ტექსტი
თავდება 1624-ე ტაეპით. სხვა აკლია. მოკლედ რომ ვთქვათ: ჩვენს ხელნაწერში
მოთავსებულია ტექსტი, რომელიც კაკაბაძის გამოცემაში შეიცავს 128–1624 ტაეპებს.
ამათ შორის 152-ე, 231-ე და 715-ე ტაეპები არ არის ჩვენს ხელნაწერში. ამას გარდა,
ხელნაწერს შუაში აკლია ფურცლები: 82-ე და 140-ე და მათზე მოქცეული ტაეპები
797–813 და 1315–1325. სამაგიეროდ, ხელნაწერში მოქცეულია კიდევ ის შიგა და შიგ
ჩამატებული ტაეპები, რომელნიც კაკაბაძის გამოცემაში ნაჩვენებია შემდეგის
რიცხვებით:
137-137), 145-1, 147-1, 159-1, 164-1, 168-1, 177-3, 189-1, 197-1, 214-1, 214-2, 231-5,
236-1, 253-1, 274-1, 274-2, 276-1, 276-2, 277-1, 277-2, 291-1, 292-1, 293-1, 302-1, 308-1,
308-2, 341-1, 344-1, 347-1, 381-1, 402-1, 452-1, 467-2, 512-1, 512-2, 545-1, 549-1, 605-1,
620-1, 631-1, 647-1, 672-1, 678-1, 684-1, 727-1, 727-2, 731-1, 736-1, 737-1, 763-1, 763-2,
768-1, 782-, 794-1, 914-1, 927-1, 970-1, 998-1, 1002-1, 1095-1, 1231-1, 1253-1, 1261-1, 1341-
1, 1408-1, 1452-1, 1477-1, 1561-1, 1561-2, 1561-3, 1561-4, 1561-5.
ეს შეადგენს 72 ტაეპს. საზოგადოდ ამ ხელნაწერში ჩვენ გვხვდება მიმატებული
ტაეპები, რომელნიც მოიპოვებიან ჩვენს მიერ აღწერილ ხელნაწერებში წერა-კითხვის
საზოგადოებისა №№ 2829, 4429, 5006, 4732 და საისტორიო და საეთნ. საზოგადოებისა
№№ 54, 461, 757.
ერთი მიმატებული ტაეპი, რომელიც ჩვენს ხელნაწერშია, არ არის კაკაბაძის
გამოცემაში. ეს იქნება რიგით 1608-2:

ფრიდონცა არის თავისას მორჭმული შვებით, ხარებით.

მტერთა საშიში, ერთგულთა მოსაჴმრად დაუზარებით,
მათ ძმათა ამბის საკითხი არ გაწყდის კაცი კარებით
და გასცემდის ოქროს გუარსა, ლარს ნურვინ დაეკარებით.

ტექსტს ჩვენს ხელნაწერში უფრო ბევრი სათაური აქვს, ვიდრე სხვებში და

ზოგჯერ შეცვლილიც. რიგი ტაეპებისა ხელნაწერში ზოგჯერ სხვაა, ვიდრე კაკაბაძის
გამოცემაში. მაგალითად, კაკაბაძის გამოცემის ტაეპების რიგი ჩვენს ხელნაწერში ასე
მისდევს ერთმანეთს: 1001, 1006, 1002-2, 1008, 1009, 1003, 1005, 1007, 1010; 1285-1289
ტაეპები 1294-ე ტაეპის შემდეგ არის მოქცეული და სხვა.
როდის და ვის მიერ არის გადაწერილი ჩვენი ხელნაწერი, შიგ ტექსტში არსად არ
ჩანს, მაგრამ ხელის, ქაღალდისა და სურათების სტილის მიხედვით ხელნაწერი
ჩვენის აზრით ეკუთვნის XVII საუკუნის მეორე ნახევარს. როგორც ეტყობა,

37 ხაზს შემდეგ ის ციფრებია, რომელნიც კაკაბაძის გამოცემაში ზევით უწერია ხოლმე.

ხელნაწერში წინათ ყოფილა, მაგრამ არ შენახულა ყველა ის დამატებანი და
გაგრძელებანი, რომელნიც ახასიათებენ ზოგიერთ მე-17 საუკუნის მეორე ნახევრის
ხელნაწერებს და რომელნიც ეკუთვნიან სარგის თმოგველს, ნანუჩა ციციშვილს და
როგორც ეხლა გამოირკვა, კიდევ იოსებ ტფილელს38) და სხვებს.
სურათების მეორე ცარიელ გვერდებზე მერმინდელი მინაწერებია, უმეტეს
შემთხვევაში ულაზათო ლექსები. ორი ლექსი პირველი სურათისა ეკუთვნის
ლუარსაბს, თარხნის ზაზას ძეს და დაწერილია 13 მაისს, 1812 წელს. თარიღი ასე
აწერია: მაისის 13 ქ-კს უჟ თარხნის ზაზას ძე ლუარსაბ (ჩართულით). ტექსტი
ხელნაწერისა ჩვენ დაწვრილებით შევადარეთ ს. კაკაბაძის გამოცემას და ყველა
ვარიანტები აღვნიშნეთ მელნით აშიებზე. ვარიანტები ერთობ ბევრია და ზოგჯერ
ფრიად საყურადღებო. ამიტომ საჭიროა მისი გამოყენება «ვეფხის-ტყაოსნის»
ნამდვილი ტექსტის დასადგენად39). თუ ამასთან მივიღებთ მხედველობაში, რომ
სურათებიანი «ვეფხის-ტყაოსნის» ხელნაწერები ცოტა მოგვეპოვება და ამ ხელნაწერის
სურათები არ არის გამეორება რომელიმე არსებული ხელნაწერისა, არამედ სულ
თავისებურია, ამით ამ ხელნაწერს მეტი ღირსება ემატება. სურათები თანამედროვეა
ხელნაწერისა, რაც მტკიცდება იმით, რომ სამი მათგანი შიგ ტექსტშია მოქცეული.
სტილი მათი და განცალკევებული სურათებისა ერთგვარია.

აკადემიკოსი ნიკო იაკობის ძე მარი

(სამეცნიერო მუშაობა და ღვაწლი)

ვისაც თუნდ ზერელედ თვალი უდევნებია კავკასიისმცოდნეობის

განვითარებისათვის ამ 45 წლის განმავლობაში, მხოლოდ მას შეუძლია მწვავედ
იგრძნოს ის აუნაზღაურებელი დანაკლისი, რომელსაც ნიკო მარის გარდაცვალება
სტოვებს. მის შრომათა და ღვაწლის დაფასება საზოგადოდ მეცნიერებისათვის და
კერძოდ, საქართველოს და მთელი კავკასიის მცოდნეობისათვის, რასაკვირველია,
საგაზეთო წერილით ოდნავადაც არ ამოიწურება, – ამისთვის მთელი ტომის დაწერაც
არ იკმარებს. ჩვენ მხოლოდ მოგონების სახით სულ მცირედ შევეხებით მის
მომზადებას სამეცნიერო შრომისათვის და სულ მოკლედ მოვიხსენიებთ ზოგიერთ
დარგებს მისი სამეცნიერო შრომისა.
ნიკო იყო შვილი ინგლისის ქვეშევრდომის, შოტლანდიელი აგრონომის იაკობ
მარისა და მისი მეორე მეუღლის, გურული ქალის აღათი შარაშიძისა, რომელიც
იაკობს ღრმა მოხუცებულობაში შეურთავს. ნიკოს მამამ გააშენა ქუთაისის ცნობილი
ბაღი, ფერმად წოდებული. შემდეგ ასეთივე ბაღის გაშენება დაეწყო მას ქალაქ

38იხ. გ ი ო რ გ ი ლ ე ო ნ ი ძ ე, «ვეფხის-ტყაოსნის» ახალი ხელნაწერი, ლიტერატურული

მემკვიდრეობა», წიგნი I, ტფილისი, 1935 წ., გვ. 23.
39 სამეცნიერო გამოცემა «ვეფხის-ტყაოსნის» ტექსტისა ყველა არსებული ხელნაწერის მიხედვით და

ყველა ვარიანტის აღნიშვნით ჩვენ კარგა ხანია გათვალისწინებული გვქონდა, და ჩვენმა საისტორიო
და საეთნოგრაფიო საზოგადოებამ ეს მიანდო პ. ინგოროყვას. პირველი ფორმა კიდეც აწყობილი იყო,
მაგრამ ომის დაწყებამ 1914 წელს მოგვისპო საშუალება და შეაჩერა ყველა ჩვენი დაწყებული
გამოცემანი.
ოზურგეთშიც, მაგრამ ეს ბაღი შემდეგ მოსპეს და დღეს იმის კვალიც აღარა ჩანს. ის
იყო, სხვათა შორის, პირველი პიონერი, რომელმაც ჩაის ბუჩქების მოშენება შემოიღო
გურიაში. მე რომ ბავშვობაში მახსოვს, იაკობ მარი თავისი ოჯახით გრიგოლ
გურიელთან ცხოვრობდა და გრიგოლი ინახავდა მთელს ოჯახს. გრიგოლი კეთილი
ადამიანი იყო, კარგი ქართველი, პატრიოტი, მიმართულებით ფიზიოკრატი და
ერთობ ზომიერი ცხოვრების მიმდევარი. ამით ის თვალსაჩინოდ განირჩეოდა სხვა
გურიელებისაგან.
ის დიდ მზრუნველობას უწევდა პატარა ნიკოს როგორც მამის სიცოცხლეში, ისე
ნამეტნავად შემდეგ. სხვათა შორის, მან შეიყვანა ნიკო ოზურგეთის უეზდის
სასწავლებელში, მაგრამ ამით არ დაკმაყოფილდა და კერძოდ კიდევ ის მიაბარა იოსებ
თაყაიშვილს, რომ სკოლის გარეთაც ესწავლებინა. ამას დიდი მნიშვნელობა ჰქონდა,
ვინაიდან იმ დროს ოზურგეთის სასწავლებელი დახავსებულ სკოლას წარმოადგენდა.
ერთადერთი ცხოველი სიტყვა ჩვენ იოსებ თაყაიშვილისაგან გავიგონეთ. ის ახალი
ჩამოსული იყო მოსკოვის უნივერსიტეტის იურიდიული ფაკულტეტის მეოთხე
კურსიდან. ფრიად ნიჭიერი, სიცოცხლით სავსე, განათლებული, პატრიოტი და
სიმპატიური ადამიანი ხელმოკლეობის გამო ვეღარ დაბრუნდა უკან და ოზურგეთის
სასწავლებელში განწესდა მასწავლებლად. ის ჩვენთვის ავტორიტეტი იყო და დიდი
საბედნიერო გავლენა ჰქონდა ყველა მის შეგირდზე. იოსები პირველი იყო გურიიდან,
რომელმაც უნივერსიტეტის კარი იხილა, და როდესაც ჩამოვიდა, მთელი გურიის
მრჩეველი და ხელმძღვანელი გახდა ყოველ საქმეში, მეტადრე გახრწნილ რუსის
პოლიციასთან ბრძოლაში. რასაკვირველია, მან პატარა ნიკოზეც იქონია დიდი
გავლენა, – სწავლა შეიყვარა. ამას ნიკოც იგონებდა, როდესაც იოსებ თაყაიშვილი
გარდაიცვალა. მაგრამ ნიკო ოზურგეთის სასწავლებელში სულ მცირე ხანი იყო, – მამა
მოუკვდა, და გრიგოლ გურიელის დახმარებით ქუთაისის გიმნაზიის პანსიონში
მიიღეს სახელმწიფო ხარჯზე. მე ვხედავდი ნიკოს, როდესაც ოზურგეთის
სასწავლებელში იყო და კიდევ ჩვენს სოფელ ლეხოურში, სადაც ის უქმ დღეებში
იოსებ თაყაიშვილთან მოდიოდა ოზურგეთიდან ფეხით სამეცადინოდ. მამამისი
ერთ-ორხელ დავინახე გრიგოლ გურიელის ეზოში, სადაც მე და ნიკო ვთამაშობდით,
და ჩემზე დიდი მოხუცის შთაბეჭდილება დასტოვა, – ასე რომ, იმაზე მოხუცი მე ვერ
წარმომედგინა. დედას არ შევხვედრივარ, ყოველ შემთხვევაში, სრულიად არ მახსოვს.
როცა გიმნაზიაში წაიყვანეს ნიკო, მერე აღარ მინახავს რამოდენიმე წელიწადს.
ბოლოს ქუთაისის გიმნაზიის მეხუთე კლასში შევხვდით ერთმანეთს, სადაც მე
პროგიმნაზიის დამთავრების შემდეგ შევედი. სწორედ იმ წელს ქუთაისის გიმნაზიის
დირექტორად მოვიდა ალექსანდრე სტოიანოვი პეტიგორსკიდან. ის წინეთ
ინსპექტორადაც ყოფილიყო ქუთაისში. ალ. სტოიანოვი დიდი და მრავალმხრივ
განათლებული კაცი იყო, – კარგი ისტორიკოსი, ეთნოგრაფი. მის სვანეთში
მოგზაურობას დღესაც არ დაუკარგავს მეცნიერული მნიშვნელობა; მუსიკოსი
(ფლეიტაზედ უკრავდა), დიდი მონადირე, – ამბობდნენ, თოფს გაფრენილ ჩიტსაც არ
დააცილებსო. მიმართულება მაშინ ლიბერალური ჰქონდა და მზრუნველთან ერთობ
თავისუფლად და გაბედულად ეჭირა თავი. სწორედ იმავე 1880 წელს, როდესაც ის
დირექტორად დაინიშნა, მან მზრუნველს წარუდგინა მოხსენება ქართული ენის
სწავლების შესახებ, რომელშიაც მედგრად იცავდა დებულებას, რომ
პირველდაწყებითი სწავლა სამშობლო ენაზე უნდა წარმოებდეს, შემდეგი
განათლებაც სამშობლო ენის საშუალებით უნდა მიმდინარეობდეს; მოსამზადებელ
კლასში უნდა იყოს კვირაში ოთხი გაკვეთილი ქართული ენისა, პროგიმნაზიულში –
თითო და უმაღლეს კლასებში ქართული ლიტერატურაც უნდა ვასწავლოთო. რუსის
შეგირდები ქუთაისის გიმნაზიაში ვალდებული უნდა იყვნენ ქართული ენა
შეისწავლონო და სხვა (იხ. გრიგოლ გიორგაძე, საზოგადოებრივი ურთიერთობა
საქართველოში 1864–1865, გვ. 238–239). თვით სტოიანოვი ჩვენ ისტორიას
გვასწავლიდა. მას ისტორიის სახელმძღვანელო ილოვაისკისა არ სწამდა. თვითონ
ზეპირად მოგვითხრობდა ისტორიას და შემდეგ კონსპექტს გვიწერდა დაფაზედ.
ნიკო თვით ამბობს თავის ბიოგრაფიაში, რომ ეთნოგრაფ სტოიანოვს მის
მიმართულებაზე დიდი გავლენა ჰქონდა. შეგირდებისათვის ერთობ კარგი
დირექტორი იყო. მან მოგვცა ნება ქართული ხელნაწერი გაზეთი გამოგვეცა და
მატერიალური დახმარებაც აღგვითქვა, ცენზორად ცნობილი განათლებული
მასწავლებელი სიმონ ღოღობერიძე დაგვინიშნა. ნ. მარი თავის მოკლე
ავტობიოგრაფიაში ამბობს, რომ გიმნაზიაში ცელქი იყო, მაგრამ ეს ალბათ მეხუთე
კლასამდე იყო. ჩემს დროს ის დინჯი და კარგი შეგირდი იყო. როგორც ფრიად
ნიჭიერ შეგირდს, გაკვეთილების მომზადება სრულიად მცირე დროს ართმევდა,
მაგრამ ის სხვებსავით ამით არ კმაყოფილდებოდა – ბევრს კითხულობდა, და
ნამეტნავად შეუდგა ენების შესწავლას და დაუხმარებლად, თავის თავად მშვენივრად
შეისწავლა გერმანული, ინგლისური, ფრანგული, და ამ ენებზედ შეეძლო
თავისუფლად კითხვა: ბერძნულს და ლათინურს ხომ გიმნაზიაშიც გვასწავლიდნენ.
ყველა საგნებში ის დიდ ნიჭს იჩენდა, ხოლო განსაკუთრებით ენების ცოდნაში.
ნიკო რედაქტორი იყო ერთხანს ქართული საკლასო გაზეთისა, სწერდა
პატრიოტულ ლექსებს, სტატიებს და ახსნა-განმარტებას ზოგიერთი ქართული
გეოგრაფიული სახელებისა, როგორიც არის პალიასტომი, ბათუმი და სხვა.
მიმართულება მაშინ ქართულ საზოგადოებაში დემოკრატიულ-პატრიოტული იყო.
ყოველ კვირაში იბეჭდებოდა აკაკის და სხვების ლექსები და ეს გვიტაცებდა. ლექსთა
მანია ხომ ქართველების ზედ დაყოლილი თვისებაა, და მაშინ ვერ წარმოგვედგინა
გამოჩენილი საზოგადო მოღაწე, თუ არ ლექსთა მწერალი, ვინაიდან იმ დროს ჩვენი
მოღვაწენი და ქართული საზოგადოების ხელმძღვანელნი – ილია ჭავჭავაძე, აკაკი
წერეთელი, რაფიელ ერისთავი, გ. წერეთელი და სხვები სულ ლექსებს სწერდნენ.
ჩვენც ამ მიმართულებით ვიყავით შეპყრობილი, მაგრამ ჩვენდა სანუგეშოდ მერვე
კლასში ეს უკუვაგდეთ; შევიგნეთ, რომ პოეტებად არ ვარგივართ; ხოლო მარის
შესახებ უნდა მოგახსენოთ, რომ ის საკმაოდ კარგ ლექსებს სწერდა და რომ განეგრძო,
გვარიანი პოეტი გამოვიდოდა. მიმართულებით ის პატრიოტიზმის რადიკალი იყო,
და როცა ალექსანდრე II მოკვლის შემდეგ აკაკის ცნობილი ლექსი დაიბეჭდა – „დღეს
მერცხალი შემოფრინდა“ და სხვა, მარმა უპასუხა: „მერცხლის ჭიკჭიკით კი არა,
მედგარი ბრძოლით და იარაღით უნდა მოქმედებაო“. რასაკვირველია, იმ
ლექსებიდან აღარაფერი შენახულა, მხოლოდ განსვენებულ გიორგი ლასხიშვილს
მოჰყავს თავის მოგონებაში ერთი ოთხ-სტრიქონიანი მარის ლექსი და ამბობს, რომ მე
ამ ლექსს ყოველთვის ვიმღერდიო. ნიკოს მუსიკალური ნიჭიც ჰქონდა – კლარნეტზე
უკრავდა და მონაწილეობას იღებდა სტოიანოვთან ერთად გიმნაზიის ორკესტრში.
ზოგჯერ ეს ორკესტრი საჯაროდაც გამოდიოდა საღამოებზე თეატრში. ერთხელ მარმა
თავისი რაღაც მელოდია შეთხზა და ასწავლა ორკესტრს და მუსიკით შეხვდა
სტოიანოვს, როცა ის გიმნაზიაში მოვიდა აღდგომის მოსალოცად.
 ვიწრო წრეში, როცა მეშვიდე კლასში ვიყავით, ხშირად გვქონდა საუბარი, რა
ჯობს, რა ეჭირვება დაბეჩავებულ საქართველოს, რომ უკეთ გამოვადგეთ, ხალხს
ვუშველოთ, და სხვა საზოგადო ახალგაზრდობის ოცნება. ჩვენ იმ დასკვნაზე
მივდიოდით, რომ უმეტესად საჭიროა პედაგოგები, კარგი ლიტერატორები,
საქართველოს ლიტერატურის და ისტორიის შესწავლა, ენის გამოკვლევა,
აგრანომები, დოხტურები, ინჟინრები და სხვა. ვინაწილებდით დარგებს, ხოლო მარს
ყოველთვის ვაკუთვნებდით ქართული ენის შესწავლას, ვინაიდან ენების ცოდნაში
ფრიად დიდ ნიჭს იჩენდა. ისიც ამ აზრს ადგა და ეს ჰქონდა გადაწყვეტილი, მაგრამ
იმავე ზაფხულში ის რეპეტიტორად მიიწვია ტიტიკო ერისთავმა სოფელში, თავის
ოჯახში, მისი ძმისთვის. ტიტიკო სამკურნალო ფაკულტეტის სტუდენტი იყო იმ
დროს, მოთხრობებსაც სწერდა, მაგრამ მკურნალობით დიდად გატაცებული იყო.
მისმა საუბარმა ისე იმოქმედა მარზე, რომ როდესაც დაბრუნდა გიმნაზიაში, ჩვენ
გამოგვიცხადა, მე სამკურნალო ფაკულტეტზე უნდა შევიდეო, ყველაზე უფრო ჩვენს
ხალხს ეს ესაჭიროებაო. ჩვენ ვერ დავაჯერეთ, რომ ეს მისი საქმე არ არის, ამისთვის
სხვებიც გამოდგებიან და მისი ნიჭი ყველაზე უფრო ქართული ენის შესწავლაში
მოიტანს შედეგებს. მე და ის თითქმის წავიჩხუბეთ. ბოლოს მაინც ხელი აიღო ამ
განზრახვაზე, მაგრამ ეხლა სხვა აზრებმა, სხვა იდეებმა გაიტაცა. იმ დროს ზაქარია
ჭიჭინაძე ხშირად ბეჭდავდა ქართულ ბროშურებს და ავრცელებდა ხალხში. მართლა
დიდ ენერგიას იჩენდა წიგნების გავრცელებაში. მარს, რასაკვირველია, ეს მოსწონდა
და ერთ დღეს დასტოვა პანსიონი და გაიპარა ტფილისში, რომ ზაქარიას მიეშველოს
წიგნების შედგენაში და გამოცემაში. ჩვენთვის არაფერი არ უთქვამს, ხოლო მისი
პანსიონის ახლობელ ამხანაგს ნ. გოგიტიძეს გაანდო. ცოტა ხანს ზაქარიასთან იყო, მას
ეხმარებოდა წიგნების ბეჭდვაში, კორექტურაში40, მაგრამ სახსარი ცხოვრებისა არც
ზაქარიას ჰქონდა და არც მარს. მერმე შეეცადა ბოტანიკურ ბაღში მოწყობილიყო
სამსახურში, მაგრამ არ მოხერხდა. მერმე უნდოდა ბიბლიოთეკარი გამხდარიყო,
მოსწერა ნ. გოგიტიძეს და სტოიანოვმა გაუგზავნა რეკომენდაციის წერილი, მაგრამ
ვერც ამით გახდა რასმეს. მშიერ-მწყურვალმა გადასწყვიტა უკან დაბრუნება.
შეეკითხა ნ. გოგიტიძეს, მიმიღებენ უკან რომ დავბრუნდე თუ არაო. უნდა
მოგახსენოთ, სტოიანოვს დიდად ეწყინა მარის ასეთი საქციელი და დაავალა თავის
ინსპექტორს სტარიცკის, ცნობები და ამბები გაუგოს გაქცეული შეგირდის შესახებ და
მისთვის მოეხსენებინა. ნ. გოგიტიძემ ჯერ არაფერი გაუმხილა სტარიცკის, მაგრამ
როცა დაინახა, რომ სტოიანოვი ფრიად კეთილი განწყობილებით არის აღჭურვილი
მარისადმი, ყველაფერი გააგებინა და მისწერა მარს, რომ დაუბრკოლებლად
მიგიღებენ უკან, თუ მალე დაბრუნდებიო. ნიკო დაბრუნდა გამხდარი,
გაყვითლებული, მოწყენილი და ჩაღლეტილი. სტოიანოვმა განკარგულება გასცა,
არავის არაფერი საყვედური არ ეთქვა მარისათვის და არც რაიმე ამბავი ეკითხა, სად
იყო, რას აკეთებდა ან რატომ გაიპარა, ისე მიეღოთ, თითქოს ის პანსიონიდან არცკი
წასულიყოს. მარი მერმე დაწყნარდა და თავისებურად ენერგიულად შეუდგა
მეცადინეობას. ყველაფერი ნორმალურად მიდიოდა, მაგრამ როგორც მაშინ
ვამბობდით მის შესახებ, ერთხელ კიდევ „შეუპრინტა“. როდესაც სიმწიფის

40როცა მარი პროფესორად გახდა და პირველ ხანში სომხური კულტურის გავლენას ქართულზე
გადაჭარბებულად სახავდა, ზაქარია ჭიჭინაძემ თავმომწონედ მითხრა: მარი როგორ ბედავს ამას, ის
ჩემი შეგირდია, მე იმას ვაყურებინებ სეირსო!
ატესტატის და გამოცდების დრო მოვიდა, ნიკომ გამოგვიცხადა, ეგზამენებზე არ
წავსდგებიო, ერთი წელიწადი კიდევ უნდა დავრჩე გიმნაზიაში, რომ ძველი ენები
უკეთ შევისწავლო, თორემ უნივერსიტეტში ამისთვის დრო არ მექნებაო. ძველი
ენები, ისე როგორც სხვა საგნები, ყველაზე ჩვენზე უკეთ იცოდა, კანდიდატად
ირიცხებოდა ოქროს მედლის მისაღებად და რასაკვირველია, მიიღებდა, რომ
ეგზამენები დაეჭირა, მაგრამ არ მოისურვა. ეს რომ სტოიანოვმა გაიგო, დამიბარა (მე
სტოიანოვს კარგად მივაჩნდი) და მითხრა, დააჯერეთ როგორმე მარი, ნუ იქმს ამ
სისულელესო. მე ნება არა მაქვს მეორე წელიწადს დავსტოვო პანსიონში, ადგილი
სხვას უნდა დაუთმოს, კანდიდატები ბევრიაო, და შემდეგ კიდევ ვის გაუგონია,
შეგირდს გიმნაზიის გათავება შეეძლოს, იგიც ოქროს მედლით და განგებ არ
ათავებდესო. ბევრი ველაპარაკეთ, მაგრამ თავის გადაწყვეტილებაზე უარი ვერ
ვათქმევინეთ. მიატოვა გიმნაზია და წავიდა გურიაში. სტოიანოვმა აქაც თავისი კაი
კაცობა გამოიჩინა. მანვე იშუამდგომლა მზრუნველთან და დასტოვეს კიდევ
პანსიონში ერთ წელიწადს. ასეთი იყო ალ. სტოიანოვი შეგირდებისათვის. ამას არც
ერთი სხვა დირექტორი არ იზამდა. თუ შეამჩნევდა, რომ შეგირდი ნიჭიერია და
საიმედო მოქალაქე გამოვა, ყველაფერს აპატიებდა, მეტადრე თუ ჩანადენს ცუდი
ზნეობრივი ხასიათი არ ჰქონდა.
გაათავა თუ არა მეორე წელს გიმნაზია ოქროს მედლით, სტიპენდია მიიღო,
ნივთიერად კიდევ გრიგოლ გურიელი დაეხმარა, მოვიდა პეტერბურგში და შევიდა
აღმოსავლეთის ფაკულტეტზე. ქუთაისში მეორე წელს დარჩენის დროს, გარდა ძველი
ენების საფუძვლიანად შესწავლისა, თათრული ენაც შეესწავლა. აღმოსავლეთის
ფაკულტეტი იმ დროს სამი განყოფილებისაგან შესდგებოდა: ქართულ-სომხურის,
არაბულ-სპარსულ-თურქულის და სემიურისა, რომელშიც ქალდეური ენა-
კილოკავებიც შედიოდა. მარი სამივე განყოფილებაზე სწავლობდ ყველა ენებს და
საგნებს, რომელთაც აქ ასწავლიდნენ. მარი არათუ თვითონ ბეჯითად მეცადინეობდა,
თვით პროფესორებიდან მოითხოვდა, სემინარულად მუშაობის მაგიერ ლექციები
ეკითხათ. ქართულ-სომხურ განყოფილებაზე, მაგალითად, აიღებდნენ ტექსტებს,
დაბადებისა თუ სხვას, იმას თარგმნიდნენ და თარგმნის დროს გრამატიკულ ფორმებს
უხსნიდნენ. ჩვენ ალ. ცაგარელი ვაიძულეთ, ქართული ლიტერატურის ლექციები
ეკითხა. პატკანოვს მარმა უთხრა, დაბადების ტექსტს ჩვენ უთქვენოდაც მოვერევით.
საქმე ის არის, სომხური ისტორიის ლექციები წაგვიკითხოთო. თავის
გასამართლებლად პატკანოვმა უთხრა, რა ისტორია უნდა წაგიკითხოთ, სომხებს
ისტორია არა აქვთ, სომხებს ნაწყვეტები აქვთ ზოგიერთ ხანაზე, ეს რა ისტორია
არისო! ამას, რასაკვირველია, თავის გასამართლებლად ამბობდა, თორემ ისე სომხის
ისტორიკები თავის გამოცემებში ცამდე აჰყავდა.
ყველაზე უფრო მარს არაბისტი როზენი მოსწონდა, ვინაიდან ის დიდის
ყურადღებით კითხულობდა ლექციებს, ბევრს ამუშავებდა სტუდენტებს და სასტიკი
მომთხოვნელი იყო მეცადინეობისა, მარისთვისაც ეს იყო სასურველი. საზოგადოდ,
როზენს მარზე დიდი გავლენა ჰქონდა.
მეორე წელს აღმოსავლეთის ფაკულტეტზე ყოფნისა, როცა არაბული ენა
შეისწავლა და მისი ნორმები ქართულს შეუდარა, მარი იმ დასკვნაზე მივიდა, რომ
ქართული ენა სემიურ ენათა ჯგუფს ეკუთვნის. ამ პრობლემამ ერთობ გაიტაცა,
როზენს გააცნო თავისი დებულებები, მაგრამ როზენი პირველად დიდის უარყოფით
შეხვდა, ცაგარელი კიდევ უფრო მეტად. მარი ამბობს, რომ შემდეგ, როცა ქართული
ზმნების ძირითადი ტაბულები დაამზადა და მას დაურთო წინასწარი ცნობანი
ქართული ენის ნათესაობისა სემიურ ენებთან და ეს სტატია სამი დღის წინ
გარდაცვალებისა როზენს წაუკითხა, ის დამეთანხმაო. როდესაც თავისი
დებულებები ჩვენ, ქართველ სტუდენტებს გაგვაცნო, ჩვენ წასახალისებლად
მოვუწონეთ, რომ ჩაბმულიყო ამგვარ კვლევა-ძიებაში, მაგრამ მართალი უნდა
ვთქვათ, არაფრად მოგვიწონებია, რომ ურიებს დაგვანათესავა. ჩვენ არიელობა
გვინდოდა. საქმე ის არის, რომ არიულობა მაშინ დიდ მოდაში იყო. კაცობრიობაში
ცივილიზაციის შემქმნელებად არიელები გამოჰყავდათ: ეს რჩეული,
არისტოკრატიული, ნიჭიერი, მხნე და მამაცი რასა იყო მაშინდელის შეხედულებით,
სხვები კი მეორე ხარისხოვნად მიაჩნდათ, ისე როგორც ეხლა ჰიტლერი აღიარებს.
სომხური ენა არიულად იყო ცნობილი და ამით სომხებს დიდად მოჰქონდათ თავი.
სულ ხუმრობით არ იყო ნათქვამი ის, რაც ერთხელ ჩემთან ნიკო მარს უთხრა „მშაკის“
რედაქტორმა კალანთარმა. მოგეხსენებათ, რომ შემდეგ კვლევა-ძიებაში ნიკომ სულ
შეიცვალა აზრი: ქართული ენა თუმცა მონათესავეა სემიტური ენისა, მაგრამ სემიტურ
ჯგუფს არ ეკუთვნის, არამედ ცალკე ჯგუფს შეადგენს, ისე როგორც ქამიტური, და ამ
ჯგუფს იაფეტური ჯგუფი უწოდა. სომხებსაც სანახევროდ ჩამოართა არიელობა.
წინანდელი მისი თეორიით, როდესაც არიელი სომხები მოვიდნენ სომხეთში, მათ იქ
იაფეტელები დახვდათ, მათ შეერიენ, და ეხლანდელი სომხები ნარევი ტომი არის,
ისე როგორც მათი ენა შერეულ ენას წარმოადგენს, იაფეტურს და არიულს, ხოლო
იაფეტური სჭარბობსო. ეს, რასაკვირველია, სომხებს მაინცდამაინც არ მოსწონდათ.
საუბარი რაღაც გახრწნილობაზე და ავაზაკობაზე იყო რომელიღაც სომხის კუთხიდან
მოწერილის ცნობების გამო. მარმა თქვა, ეს საკვირველი ამბავიაო. კალანთარმა
უთხრა: იცით, ნიკო იაკობის ძევ, ჩვენ სომხებს არა გვიშავდა რა, წინათ უკეთესი
ზნეობისა ვიყავით, მაგრამ ეგ იაფეტელები რომ შემოგვირიე, იმან გაგვაფუჭაო. თავის
პირველ აღმოჩენას, მაშინდელის მისი შეხედულებით, ნიკომ პატარა წერილი უძღვნა
გაზეთ „ივერიაში“ (1888 წ. № 86) სათაურით: „ბუნება და თვისებები ქართული ენისა“.
აქედან იწყება მისი მეცნიერული მუშაობა.
მე ერთის წლით ადრე წამოვედი პეტერბურგიდან ტფილისში. წამოსვლის ხანს
თათბირზე მან გამოაცხადა, მისი პეტერბურგში დარჩენა უნივერსიტეტის გათავების
შემდეგ შეუძლებელია, ვინაიდან ქართულ განყოფილებაზე ადგილი არ არის და
რომც იყოს, ა. ცაგარელი მას არ დატოვებს, სხვაზე ის არ დარჩება. ყოველ
შემთხვევაში, მას ურჩევნია ტფილისში ჩამოვიდეს და იქ მოჰკიდოს ხელი ან გაზეთის
გამოცემას, ან სხვა რამეს, რაც შესაძლებელი იქნება. ამიტომ მე დამავალა შემეტყო
ადგილობრივი გარემოება და მისთვის დაწვრილებით მეცნობებინა. როდესაც მე,
ცოტად თუ ბევრად, გავეცანი ჩვენს ქართულ საზოგადოებრივ გარემოებებს და ჩვენს
დაწესებულებებს, სრულის შეგნებით არ ვურჩევდი მას ტფილისში ჩამოსვლას. აქ,
რასაკვირველია, სახეში მქონდა მისი ხასიათი და თანაც რწმენა, რომ მისი საქმე, მისი
მოწოდება უნივერსიტეტი და მეცნიერება იყო, მით უმეტეს, რომ უკვე ასეთი მუშაობა
დაწყებული ჰქონდა და მაშინ კიდევ ის ამზადებდა სამედალოდ გამოკვლევას ძველი
ქართული რომანების შესახებ – „ამირანდარეჯანიანისა“ და „ვისრამიანისა“. ჩემი
წამოსვლის შემდეგ მისი კონფლიქტი პროფ. ა. ცაგარელთან უფრო გამწვავებულიყო.
საკონკურსო თხზულებისათვის მან მარს მხოლოდ ვერცხლის მედალი მიუსაჯა.
უნივერსიტეტში დატოვებისათვის შუამდგომლობა არ აღირსა, ვერც
იშუამდგომლებდა, ვინაიდან ქართულ განყოფილებაზე ადგილი არ იყო. თვით
ცაგარელი, თუმცა დოქტორი იყო მეცნიერების, მაგრამ ექსტრაორდინარულ
პროფესორად ითვლებოდა, ორდინარული პროფესორი კ. პატკანოვი იყო. როცა ის
გაათავებდა სამსახურს, ცაგარელი მაშინ მიიღებდა ორდინარულ პროფესორობას და
თავისუფალი იქნებოდა სომხური ენისა და ლიტერატურის დოცენტობა. ამიტომ მარს
კ. პატკანოვმა მისცა წინადადება, რომ მომზადებულიყო სომხურ ენასა და
ლიტერატურაში. მარი უარზე იდგა. მე მომწერა, შენ ხომ იციო, ჩემი მიზანი
ქართული ენის გამოკვლეა არის და მე სომხურ ენას მაძლევენო. მე ვურჩევდი,
უსათუოდ მიეღო წინადადება და ვამტკიცებდი, რომ ამით ქართულ ენას არავითარი
ზარალი არ მოუვა, მით უმეტეს, რომ როდესაც პროფესორობას მიიღებს, შემდეგ
თავისუფალია – რა დარგშიც უნდა, იმ დარგში იმუშავებს. მაგალითებიც მოვუყვანე.
მარი კიდევ უარზე იყო. გარემოებაც ხელს უშლიდა: როცა პეტერბურგის სომხის
კოლონიამ გაიგო, რომ კ. პატკანოვი ქართველს ტოვებს სომხური ენის პროფესორად,
ერთი აურზაური შეიქმნა, ეს სომხური საქმის ღალატად დასახა და უნივერსიტეტის
მთავრობასთან და განათლების მინისტრთან დელეგაცია გაგზავნა, რომ სომხური
კათედრა სომხისთვის შეენახათ და არამც და არამც ქართველისათვის არ მიეცათ. მათ
უთხრეს, მარი ქართველი არ არისო, მაგრამ სომხებმა უპასუხეს, გვარით არაა
ქართველი, თორემ აღზრდით და მიმართულებით პირწავარდნილი ქართველი
არისო. მარმა გადაწყვეტილება მაშინ მიიღო სომხურ განყოფილებაზე დარჩენისა,
როდესაც ტფილისში ჩამოვიდა, მოსინჯა მდგომარეობა, მზრუნველთანაც იყო,
ყველაფერი აწონ-დაწონა და დამეთანხმა. მე ვეუბნებოდი, არათუ სომხური, ჩინურიც
რომ მოგცენ, მაინც იქ დარჩენას გირჩევ-მეთქი. წინათ ეჭვი ჰქონდა, რომ მე განგებ
ვუხატავდი უნუგეშო მდგომარეობას, რომ ამით მეიძულებინა უნივერსიტეტში
დარჩენილიყო. ეხლა თვით დარწმუნდა, რომ უნივერსიტეტში დარჩენა სჯობია.
მიიღო რა სომხური განყოფილება, მარი მედგრად შეუდგა სომხური ენის შესწავლას
და ერთი-ორი წლის შემდეგ არათუ მწიგნობრულად იცოდა ზედმიწევნით ძველი
სომხური ენა და ლიტერატურა, არამედ თავისუფლადაც ლაპარაკობდა ახალ
სომხურზე.
ერთი სიტყვით, ნ. მარი მრავალი მერყეობის შემდეგ მოეწყო უნივერსიტეტში,
ჩადგა თავის კალაპოტში, და ამით ყველა მისი ამხანაგი მოხარული და
დამშვიდებული ვიყავით. ეხლა მარტო ცოლის შერთვა აკლდა, რომ ოჯახურადაც
კარგად მოწყობილიყო, რასაც უპირველესი მნიშვნელობა აქვს ყველა ადამიანისათვის
და ნამეტნავად მეცნიერისათვის.
აქ საჭირო არ არის ამ დელიკატურ საგანზე გავაგრძელო სიტყვა. ვიტყვი
მხოლოდ, რომ პირველმა ახალგაზრდა ქალიშვილმა, რომელიც მას მოსწონებოდა და
რომელსაც მისთვის სიტყვა მიეცა, უღალატა, ბოლოს უარი მოსწერა და ერთ
ცნობილს პროფესორს გაჰყვა, თუმცა შემდეგ მასაც გაეყარა. ამან ერთხანს ცუდად
იმოქმედა მარზე, უნუგეშო წერილებს მწერდა ამის შესახებ და ასახელებდა ერთ
ახალგაზრდა მანდილოსანს, რომელსაც თითქოს ეს საქმე ჩაეშალოს. მაგრამ მარს
ყველაზე უფრო მეცნიერება უყვარდა და ამან ეს პირველი რომანიც ადვილად
გადაატანინა. შემდეგ მომწერა, პროფესორ ჟუკოვსკის დას ვირთავო და შემიძლია
დაგარწმუნო, რომ ის ჩემი დიდი მომვლელი იქნებაო. მართლაცდა, მარრისათვის
უკეთესი მეუღლე წარმოუდგენელი იყო: განათლებული, ენერგიული და საუცხოო
დიასახლისი, დიდი პრაქტიკოსი ოჯახურ საქმეებში. ეს მანდილოსანი მუდამ იმის
ცდაში იყო, რომ თავისი ქმრისათვის ხელი შეეწყო მეცნიერულ მუშაობაში. მარრი
ყოვლად უპრაქტიკო კაცი იყო, პანსიონში ყველაფერი მზად ჰქონდა და არაფერი
საოჯახო საზრუნავი არ ჰქონდა. როდესაც სახლში დედასთან იყო გურიაში, დედა
თავს ევლებოდა. სტუდენტობაში დავით ქუთათელაძესთან ცხოვრობდა ერთ ოთახში
და ის ეხმარებოდა. თვითონ თავისთვის არც საჭმელი ახსოვდა, არც სასმელი, არც
ჩაცმა-დახურვა. ხონში მასზე მთელი ანეკდოტები დადიოდა. ერთი მოგზაურობიდან
გამოევლო ხონში და მისულიყო სწორედ დავით ქუთათელაძის მამასთან, ცნობილ
ვასილ მღვდელთან, სულ ისე ჩაღლეტილი, რომ ყველას გაკვირვებოდა: იმერლები
ხომ ყველა წვრილმანს შენიშნავენ და ხონელები ნამეტნავად. ასე ეთქვათ, ეს რა
პროფესორია, შენი ჭირიმე, წინ მარტი უჩანს და უკან აპრილიო. მისმა მეუღლემ
მიამბო, როდესაც ჯვარი დავიწერეთ და სახლში წავედით „ვანკით“ (ერთცხენიანი
ეტლით), მას ჯიბეში ექვსი შაური არ აღმოაჩნდა, რომ ეტლი გაესტუმრებინაო. აი,
ამისთანა უპრაქტიკო მეცნიერს შეხვდა ასეთი პრაქტიკული მანდილოსანი,
რომელმაც იმრიგად მოუწყო ცხოვრება, რომ მას საზრუნავი თავისი მეცნიერების
მეტი არაფერი ჰქონია. მატერიალური მდგომარეობა ნ. მარრისა პირველ ხანებში
ერთობ შევიწროებული იყო. სტუდენტობაში მას მარტო სტიპენდია 25 მანეთი
ჰქონდა, სხვა არაფერი და ამით ცხოვრობდა, რასაკვირველია, ღარიბად.
უნივერსიტეტში რომ დატოვეს, 50 მანეთი ჰქონდა და როცა პრივატ-დოცენტი გახდა
– 100 მანეთი. ამით უნდა ეცხოვრა მთელი 15 წელიწადი ცოლ-შვილით. შვილი ორი
ჰყავდა – ერთი მოუკვდა რევოლუციის დროს, მეორე – ნიჭიერი იური ეხლა
სპარსული ენის მეცნიერია ტფილისში საარქეოლოგიო ინსტიტუტში. მისმა მეუღლემ
შეისწავლა ქართული და სომხური და ენერგიულ დახმარებას უწევდა გადაწერაში,
კორექტურის გასწორებაში, ბეჭდვაში და სხვა. თუ ამას დავუმატებთ, რომ თავის
უპრაქტიკო ქმარს ის ყოველგან, ყველა მოგზაურობაში თან დაჰყვებოდა – ანისში41,
სვანეთში, აფხაზეთში, სამეგრელოში, სომხეთში, ევროპაში – გერმანიაში,
საფრანგეთში, ისპანიაში, აფრიკაში, მცირე აზიაში, ალჟირში და სხვა და ყოველგან
ისე მოაწყობდა მარრს, რომ არავითარი ნაკლი არ ეგრძნო. ადვილად წარმოიდგენთ,
თუ რა დიდი სამსახური გაუწია მადლიანმა მეუღლემ თავის ნიკოს.
საბედნიეროდ, ასე კარგად მოეწყო ნ. მარრი მეცნიერებაში სამუშაოდ. მაგრამ ეს
არ უშველიდა, რომ სხვა შესაფერი თვისებები არ ჰქონოდა. ის დიდად
დაჯილდოებული იყო ბუნებისაგან, დიდი ნიჭის პატრონი იყო, დიდი მეხსიერების
და ინტუიციის მქონე, კვლვა-ძიების უნარი ერთობ დიდი ჰქონდა. ესაა თავი და
თავი, მაგრამ ეს დიდი ტალანტი იმ დიდ ნაყოფს ვერ მოიტანდა, რომელიც მან
მოგვცა, რომ მას თანდაყოლილი არ ჰქონოდა გამოუთქმელი შრომის უნარი,
წარმოუდგენელი ენერგია და გატაცება თავისი საგნისადმი. მარრი დაუღალავი
მუშაკი იყო, დასვენება არ იცოდა. ერთხელ მომწერა, დღე და ღამეში 24 საათია,
მაგრამ მე არ მყოფნისო, ვერ ვასწრებ, რაც მოსასწრებია, არ ვიცი, სად მიდის ეს
საათებიო. ის რა თემასაც დაისახავდა გამოსაკვლევად, ეს თემა, მისი იდეა, მას

41ანისი, ერთხელ ცნობილი სატახტო ქალაქი სომხეთის პატარა სამფლობელოსი და დიდი სავაჭრო
ცენტრი, დღეს ნამდვილ უდაბნოს წარმოადგენს თავისი ნანგრევებით. ეს არის ეხლა სამფლობელო
გველთა და მორიელთა, ზაფხულში სასტიკად ცხელა, ზამთარში ცივა. უნებლიეთ მაგონდება
სიტყვები ერთი ცნობილი ადვოკატისა, რომელსაც ანისი ენახა: რუსები სულელებია, დამნაშავე
სომხებს ციმბირში გზავნიანო; მე მათ ადგილზე ანისში გავგზავნიდი, მათ სატახტო ქალაქშიო. ნ.
მარისთვის, სადაც სამეცნიერო სამუშაო იყო, იქ სამოთხე იყო.
პოეტურად შეიპყრობდა, გაიტაცებდა, ექსტაზში მოიყვანდა და ის მთელი ბუნებით
ამ საგნის განხილვაში იყო ჩაფლული. ეს უადვილებდა საქმეს, აჩქარებდა მუშაობას
და აღრმავებდა მის გამოკვლევას. მას გაუტაცებლად და ასე ვთქვათ, უგულოდ
თავის დღეში არაფერი დაუწერია. ასეთივე გავლენა ჰქონდა მასზე ყველა ახალ
ადგილებს, ახალ კუთხეებს და ქვეყნებს, სადაც ის არქეოლოგიური და ლინგვისტური
მიზნით გამოსაკვლევად მიდიოდა. მას ახალი ადგილი უაღრესად შეუყვარდებოდა.
თუ გნებავთ, ამაში იყო მისი კვლევის სიძლიერეც და სისუსტეც. ეს აზრი მას გაკვრით
გამოთქმული აქვს თავის სვანეთის მოგზაურობაში, მაგრამ უფრო ნათლად ჩემთან
პირადად უამბია. ჩემისთანა კაცი გინახავსო, მითხრა ერთხელ, როცა მე ანისში ვარ,
უკეთესი ადგილი თუა დედამიწაზე არ მგონია; ჰაერიც მომწონს, მდებარეობაც, იქ
მუშაობაც, არ მინდა იქიდან წამოვიდეო. როცა სვანეთში ვარ, მის ბუნებას
აღტაცებაში მოვყავარ, ხალხიც მომწონს, მიყვარს და ასე მგონია, ძველ ქრისტეს წინ
მცხოვრებ ქალდეველებში ვარო, მათ ზნე-ჩვეულებას, მათ წარმართულ
სარწმუნოებას სულ ნათლად ვხედავ, მინდა სამუდამოდ იქ დავრჩეო. ამ თვისების
გამო სულ ხუმრობით არ იყო ნათქვამი, როცა ნიკომ განაცხადა: ჩრდილო აფრიკაში,
ალჟირში მივდივარო. პროფესორმა ადონცმა, ყოფილმა მისმა მოწაფემ უთხრა: აბა,
ეხლა ქვეყნის ჭიპად ალჟირი იქნება გამოცხადებულიო. პოეტური გრძნობის განცდის
შედეგია მისი სიტყვები, როდესაც ის თავისი მოგზაურობის დროს კლარჯეთში
„გრიგოლ ხანძთელის ცხოვრებაში“ აღწერილ შატბერდის მონასტერს ეძებდა და
ეხლანდელ პორტად წოდებული ეკლესიის ნანგრევები ძველ შატბერდად მიიჩნია.
მას დაავიწყდა ამიერი სოფელი და თვალცრემლიანმა იგრძნო სიახლოვე ძველი
ქართული კულტურული კუთხისა, სალიტერატურო ცენტრისა, თითქოს შეუერთდა
ძველ მუშაკებს, თითქოს გრიგოლ ხანძთელიც მზად იყო მოსულიყო და მიეცა
მაძიებლისთვის პასუხი, თუ სად არის შატბერდი.
როგორც თვითონ იყო ენთუზიასტი და გატაცებული მეცნიერული მუშაობით
მარრი, ისე თავის მსმენელთა და თანამშრომელთაგან მოითხოვდა ასეთ გატაცებას და
გადაუჩვეველ შრომას. ერთმა ამბავმა, რომელიც მან მიამბო, ბევრი მაცინა: 1912 წელს
მისი თანამშრომელი, ეხლანდელი პროფესორი იოსებ ორბელი ვანში გაგზავნა
ლურსმული წარწერების შესაკრებად და გამოსაკვლევად. ზაფხულის ბოლოს
ორბელმა გამოგზავნა მოხსენება, თუ რა გააკეთა, როგორ იმუშავა და სხვა. ბოლოს
თავისი წერილით მორიდებით და მორცხვად ასე ამცნო თავისი ცოლის შერთვა: а
кстати я женился «совсем не кстати». მე მივწერეო: მე სამეცნიერო მიზნით გაგგზავნე
და შენ ცოლის შერთვის საქმეში ჩაბმულხარ, ეს ხომ ხელს შეგიშლიდაო.
ჩვენ დავინახეთ, გიმნაზიის უფროსი კლასებიდან დაწყებული, ნ. მარრს ერთი
მიზანი აქვს დასახული, რომ საქართველოს უკეთ გამოადგეს. მერყეობს რა საგნის
არჩევაში სპეციალისტობისა, სტოვებს რა პანსიონს და მირბის ზაქარია ჭიჭინაძესთან,
რჩება რა მეორე წელიწადს მერვე კლასში, სულ იმ მიზნით, რომ საქართველოს უკეთ
გამოადგეს, სამშობლოს ემსახუროს იმ სტუდენტობაშიც. უნივერსიტეტში რადიკალი
პატრიოტია, თუმცა ჩვენს კრებებზე არ დადის – ამისთვის მას არ სცალია, ეს დროს
დაკარგვაა; მაგრამ მისივე სიტყვით, ის და ერთი მისი ამხანაგი42 ფიცს სდებენ, არ
დააგდონ იარაღი, მანამ საქართველოს არ გაანთავისუფლებენ. შემდეგ, მისივე
42
აქ სახეში ჰყავს პატივცემული ჩვენი ამხანაგი იასონ ლორთქიფანიძე.
სიტყვით, ის ამხანაგი ბანკის დირექტორი ხდება, თვითონ კი აკადემიკოსი. ირჩევს რა
საბოლოოდ მეცნიერულ მოღვაწეობას, მას მიზნად აქვს დასახული ქართული ენის
გამოკვლევა, მაგრამ პირდაპირ ქართულ კათედრაზე არ ხერხდება დარჩენა. ის
იძულებულია სომხური კათედრა აიღოს და იქ პირნათლად, სინდისიერად
ასრულებს მოვალეობას, ხდება დიდი სპეციალისტი სომხური ენისა, გამოსცემს
მრავალ ტექსტს, სომხური ენის გრამატიკას, სომხური ენისა და მწერლობის
ქრესტომათიას, მრავალი სომხური წარწერის, სიტყვის განმარტებას და სხვა, და
ამზადებს სამაგისტრო დისერტაციისათვის (1894–1899) ვეებერთელა ორტომიან
შრომას, ვარდანის იგავ-არაკების კრებულის გამოცემას, მის რუსულ თარგმანს და
მეცნიერულ გარჩევას. ამ დარგში მის წინ თითქმის არაფერი არ ყოფილა
გაკეთებული. ამ შრომებითა და სხვა მრავლით მან თითქოს მოიხადა ვალი სომხური
ლიტერატურის და ენის შესახებ და მოიხვეჭა სახელი დიდი სპეციალისტისა სომხურ
დარგში. აქაც პირველ ხანში ჩვეულებრივი გატაცება გამოიჩინა: სომხურ გავლენას
ქართულ კულტურაზე მეტი როლი მიანიჭა და მე მომწერა, შენ შეგხვდება ასეთი
ფაქტები და არ დამალოო. მერმე ბევრი ის, რაც ნასესხებად მიაჩნდა სომხურიდან,
საერთო იაფეტურად აღიარა. შემდეგ მისი შრომები უფრო მეტად ქართულია და
საერთოდ ეხება იმ მთავარ მიზანს, რომელიც გიმნაზიიდან აქვს დასახული, ესე იგი
ქართული ენის გამოკვლევას. მაგრამ ქართული ენის გამოკვლევისათვის საჭიროა
ქართული მწერლობითი ძეგლების გამოცემა, ცოცხალი მონათესავე ენების და
კილოკავების შესწავლა, და ამ საგნებისკენ არის მიმართული მისი მუშაობა. მან
დააარსა მთელ რიგ გამოცემათა მრავალი სერია, რომლებშიც იბეჭდებოდა მისი და
მის შეგირდთა და თანამშრომელთა გამოკვლევანი, მასალები და შრომანი. ასეთებია:

1) Тексты и разыскания по Армяно-Грузинской филологии, 12 წიგნი, რომელთა შორის

9 მას ეკუთვნის; 2) Bibliotheca Armeno-Georgica; 3) Monumenta hagiographica Georgica;
4) Материалы по Яфетическому языкознанию; 5) Христианский восток, გამოსულია 18
წიგნი ექვს ტომად; 6) Анийская серия, გამოვიდა 12 წიგნი; 7) Тексты и разыскания по
Кавказской фолологии; 8) Яфетический сборник, გამოვიდა 7 წიგნი; 9) Труды
комиссии по изучению племенного состава населения России; 10) Труды Яфетической
семинарии და სხვა მრავალი. ამას გარდა, სტატიებს ბეჭდავდა განათლების
სამინისტროს ჟურნალში, სამეცნიერო აკადემიის გამოცემებში, საარქეოლოგიო
საზოგადოების აზიური განყოფილების „ზაპისკებში“ და სხვა.
1891 წელს ის გახდა პრივატ-დოცენტი.
1909 წელს – ადიუნკტი სამეცნიერო აკადემიისა.
1913 წელს – ნამდვილი წევრი აკადემიისა.
სამეცნიერო მოღვაწეობა ნიკო მარისა იწყება 1888 წლიდან43, როდესაც მან
მოათავსა გაზეთ „ივერიაში“ (№86) სტატია: „ბუნება და თვისება ქართული ენისა“.
შემდეგ ის დიდხანს ამუშავებს სამაგისტრო დისერტაციას, ხოლო სამაგისტრო
დისერტაციის დაცვის შემდეგ მისი სამეცნიერო კარიერა უზრუნველყოფილია. 1891
წლიდან ის არის პრივატ-დოცენტი. მერმე გახდა ორდინარული პროფესორი, 1909

43პირველი ნაწილი ამ მოგონებათა (ნიკო მარი ახალგაზრდობაში) დაიბეჭდა გაზეთ «საქართველო»-ში

(აპრილი და მაისი, 1935 წ., №7), ვინაიდან შემდეგი «საქართველო»-ს ნომრის გამოსვლა დაგვიანდა. ეს
მეორე ნაწილი იბეჭდება «დამ. საქართველოში».
წელს აირჩიეს სამეცნიერო აკადემიის ადიუნკტად, ხოლო 1912 წლიდან – ნამდვილ
წევრად აკადემიისა. ამას დიდი მნიშვნელობა ჰქონდა, ვინაიდან ბროსეს შემდეგ
ქართულ-სომხურის სპეციალისტი აკადემიაში არ ყოფილა. ეხლა მას გახსნილი
ჰქონდა ასპარეზი აუარებელი გამოცემა მოეწყო და სამეცნიერო მიზნით მივლინებანი

აეღო. ყველა ამ საშუალებით მან ფართოდ ისარგებლა და მისი ტიტანური მუშაობა

გაჩაღდა.
ეხლა უფრო მარის მუშაობა მიმართულია ქართული ლიტერატურისა და
ენისადმი და ეხება იმ მთავარ მიზანს, რომელიც გიმნაზიიდან აქვს დასახული, ესე
იგი ქართული ენის გამოკვლევას. მაგრამ ქართული ენის გამოკვლევისათვის საჭიროა
ქართული მწერლობითი ძეგლების გამოცემა, ცოცხალი მონათესავე ენების და
კილოკავების შესწავლა და ამ საგნებისკენ არის მიმართული მისი აბობოქრებული
მუშაობა. მან დააარსა მთელი რიგი გამოცემათა, მრავალი სერიები, რომლებშიც
იბეჭდებოდა მისი და მის თანამშრომელთა გამოკვლევანი, მასალები და შრომანი.
ასეთებია, მაგალითად: 1) ტექსტები და გამოკვლევანი სომხურ-ქართული
ფილოლოგიის შესახებ 12 წიგნი, რომელთა შორის 9 მას ეკუთვნის; 2) Bibliotheca
Armeno-Georgica; 3) Monumenta Agiographica Georgica; 4) მასალანი იაფეტურ ენათა
მეცნიერებისა; 5) საქრისტიანო აღმოსავლეთი (ხრისტიანსკი ვასტოკ), გამოცემულია
18 წიგნი 6 ტომად; 6) ანისის სერია, გამოცემულია 12 წიგნი; 7) ტექსტები და
გამოკვლევანი კავკასიის ფილოლოგიის შესახებ; 8) იაფეტური კრებული, გამოსულია
1933 წლამდე 7 წიგნი; 9) შრომანი კომისიისა კავკასიის ტომთა შესასწავლად; 10)
შრომანი იაფეტური სემინარიისა, და სხვა მრავალი სერია, განსაკუთრებით ბოლო
დროს სხვადასხვა სამეცნიერო აკადემიათა, ინსტიტუტთა, მუზეუმთა,
საზოგადოებათა «მოამბეები»-ს სახით თუ «შრომებით». ამას გარდა ის სტატიებს
ბეჭდავდა სამეცნიერო აკადემიის გამოცემებში, საარქეოლოგიო საზოგადოების
აზიური განყოფილების «ზაპისკებში», განათლების სამინისტროს ჟურნალში და სხვა.
მისი გამოცემანი და სტატიები ხუთას ნომერს აღემატება, მარტო იაფეტური თეორიის
სტატიების ჩამოთვლას მთელი წიგნაკი უჭირავს.
ნ. მარის გამოცემული ტექსტები სამაგალითოდ ჩაითვლება ჩვენს
ლიტერატურაში თავისი სისწორით, კრიტიკული გარჩევით და ყოველგვარი
სამეცნიერო აპარატით, განმარტებით და შენიშვნებით. მაგალითისათვის საკმაოა
დავასახელთო «აბდულ მესიანი» და «თამარიანი», ქართველთ მეხოტბეთა
თხზულებანი, გამოცემა 1902 წ., რომლებშიც შეძლებისამებრ აღდგენილია ტექსტები
და ლექსები დაწყობილია გასაგებად. წინათ ხომ ეს ლექსები არეული და გაუგებარი
იყო უმეტეს შემთხვევაში. მანვე პირველმა გააშუქა, რომ აბდულ მესიანი
წარმოადგენს დავით აღმაშენებლის ქებას და არა თამარ მეფისა, და მით საერთო
პოეზიის წარმოშობის ეპოქა საქართველოში უკან დასწია თითქმის ერთი საუკუნით,
ვიდრე მიღებული იყო. მანვე დაამტკიცა, რომ «თამარიანი» შედგება 12
განცალკევებული ოდისაგან (ქებისაგან), რომელნიც სხვადასხვა დროს და სხვადასხვა
ამბების მიხედვით არის დაწერილი. კიდევ უფრო შესანიშნავი და მნიშვნელოვანია
მისი «გრიგოლ ხანძთელის ცხოვრების» გამოცემა (1911 წ.), რომელიც მან მოიპოვა
ქართული ჯვრის მონასტრის წიგნთსაცავში, იერუსალიმის მახლობლად. გარდა
კრიტიკულად გამოცემული და გარჩეული ტექსტისა და მისი რუსული თარგმანისა,
ამ გამოცემას დართული აქვს დღიური მისი მოგზაურობისა შავშეთ-კლარჯეთში,
რომელშიც დაწვრილებით აღწერილია ყველა ის ეკლესია-მონასტერი, რომელნიც
მოხსენებულნი არიან «ცხოვრებაში» და აგრეთვე სხვანიც, რომელნიც მოიპოვებიან
შავშეთ-კლარჯეთში, ფოტოგრაფიული სურათებით, წარწერათა გარჩევით და
ახსნით. ამას გარდა, აქ შეკრებილია მდიდარი ეთნოგრაფიული მასალა, ლექსები,
თქმულებანი, სიმღერები, იგავ-არაკები, აგრეთვე ლექსიკური მასალა და სხვა. მეტი
რომ არაფერი დაეწერა და გამოეცა მარს, მარტო ეს შრომა ჩაეთვლებოდა დიდ
ღვაწლად და დამსახურებად.
ასეთივე დიდი ღირსების არის მისი გამოცემა «სახის მეტყველისა» – ქართულ-
სომხური ტექსტი რუსული თარგმანით, ლექსიკონით და კრიტიკული აპარატით
(1904 წ.).
ასეთივე არის «იპოლიტეს თარგმანი ქებათა ქებისა», «იერუსალიმის წარტყვენა
სპარსთა მიერ 614 წელს ანტიოქოს სტრატეგოსისა» (1907–1909), «თქმულება პირველი
ეკლესიის აშენებისა ლუდდის ქალაქში» (1901 წ.).
კიდევ უფრო ღირსშესანიშნავია მისი გამოკვლევა რუსთაველის «ვეფხის
ტყაოსნის» შესავლისა და ბოლოსიტყვაობისა (1910 წ.); სხვების ჩამოთვლა შორს
წაგვიყვანს.
მარი გრიგალია თავის მუშაობაში. ის მუდამ ღელავს, ემზადება თუ
ლექციისათვის ან მოხსენებისათვის, ან გამოდის ოპონენტად დისერტაციის დაცვის
დროს. ის ყოველთვის უაღრესად მომზადებულია და ამიტომ დიდი რიხით იცავს
თავის პოზიციას. მადლობა ღმერთსო, რომ ხალატიანცის დისერტაციას მოვრჩითო,
ერთხელ მითხრა მისმა მეუღლემ; ნიკო ისე ღელავდა, რომ 15 დღე არ უძინიაო.
როგორ არ უნდა ავღელებულიყავიო, – განაგრძო ცოლის სიტყვები მარმა, – ძნელ
მდგომარეობაში ჩავვარდი: არ მიმეცა ხარისხი, არ შეიძლებოდა, ნამუშევარი ჰქონდა,
მაგრამ მასთან ცხადი იყო ჩემთვის, რომ შრომა ერთობ სუსტობდა. ასე აბუჩად აგდება
მოსე ქორონელისა ყოვლად დაუშვებელიაო (პროფესორი ხალატიანცი გაიტაცა
კარიერის კრიტიკამ მოსე ქორონელისა და უარყოფით კრიტიკაში კარიერს
გადააჭარბა); ისე ხომ ვერ მოვიქცეოდი, როგორც პროფესორი კორში მოიქცაო. ის ჩემს
მერე გამოვიდა და ასე დაიწყო თავისი ქათინაურები: მე დღეს უაღრესად ბედნიერი
ვარ, რომ ჩემმა შეგირდმა ასეთი შესანიშნავი და ფასდაუდებელი შრომა
წარმოგვიდგინაო და სხვა. მერმე ჩემთან სადილად იყო და ვკითხეო, მართლა ასე
მოგწონთ ხალატიანცის შრომაო? მიკვირს თქვენი საქმე, ნიკო იაკობის ძევ, მითხრაო,
თქვენ სომხიდან ელით მეცნიერულ შრომასო, სომეხს არშინი უნდა მისცეთ ხელშიო.,
და თუ ვინმე მათგანი შეეცდება მეცნიერებაში იმუშაოს, უნდა მოუწონოთ, თორემ
გაიქცევა და დუქანს გახსნისო. ამის შემდეგ მარი კორშის სახელს მკაცრი ეპითეტით
იგონებდა ხოლმე.
მეტადრე ღელავდა მარი, როდესაც თავისი შეგირდების შრომებს არჩევდა. აქაც
პარიზში, როდესაც ლექცია წაგვიკითხა – «ქართველი ერის კულტურული შუბლი» –
მისმა მეუღლემ მითხრა, სამ დღეს არ უძინიაო. ასე ყურადღებით ექცეოდა ნიკო მარი
ყველა თავის ლექციას და მოხსენებას. ყოველთვის ატოკებული და აწეული იყო ნიკო
მარის ბუნება, როდესაც ის მოხსენებას აკეთებდა თუ ლექციებს კითხულობდა.
მაგრამ «წინასწარ საეკლესიო კრებაზედ», სადაც საქართველოს ავტოკეფალიის
საკითხი ირჩეოდა, ის ხომ ცეცხლს და მეხს აყრიდა თავზე უვიცი რუსების
ამხედრებულ საეკლესიო წარმომადგენლებს, რომელნიც ლამობდნენ, განექიქებინათ
ისტორიული როლი ქართული ეკლესიისა, მისი ავტოკეფალობა და მნიშვნელობა
საქრისტიანო მსოფლიოში. კრებას დაესწრნენ ჩვენი ეპისკოპოსები – ლეონიდი და
კირიონი, მაგრამ ამათ ნაკლებად იცოდნენ ისტორია ჩვენი ეკლესიისა. მე თვითონ
ლეონიდ ეპისკოპოსისგან გავიგონე: „ჩვენ ორი ეპისკოპოსი ნ. მარმა შეგვიჯდინა
მხარზე და ისე გამოგვიყვანა განსაცდელისაგან და რუსების თავდასხმისაგანო“.
დიდი მნიშვნელობა ჰქონდა, რასაკვირველია, პროფ. ა. ცაგარელის დასწრებასაც. მას
ბევრი ნაშრომი ჰქონდა ჩვენი ეკლესიის ავტოკეფალობის საკითხში; მისი წიგნი ამის
შესახებ საუკეთესო შრომაა, მაგრამ ტრიუმფი ქართულ ეკლესიას ამ კრებაზე ნ. მარმა
შეუქმნა თავისი რიხიანი გამოსვლებით, ღრმა ცოდნით და უამრავი ფაქტების
მოყვანით ჩვენი ეკლესიის თვითმმართველობისა და მისი მამების უაღრესად
განათლებული მოღვაწეობის აღნუსხვით.
ერთმა ცნობილმა და ყველაზე სინდისიერმა პროფესორმა, ლიტურგისტმა
(გვარი აღარ მახსოვს, კრების წიგნი ხელთ არ მაქვს) შენიშნა მარის დიდებული
მოხსენების გამო: ვმადლობ ღმერთს, რომ ეს კრება მოხდა – უამისოდ ასეთ
დიდებულ და შესანიშნავ მოხსენებებს ხომ ვერ მოვისმენდითო! ასეთივე შესანიშნავი
არის მარრის წიგნაკი ვასტორგოვის წინააღმდეგ, რომელშიც მიწასთან
გასწორებულია უვიცობა უტყუარი ფაქტებით რუსის თავხედი დეკანოზისა.
როდესაც ტფილისში კაზაკებმა ერთხელ რუსის ეგზარქოსის განკარგულებით
მათრახებით გარეკეს საეკლესიო საქმეებზე შეკრებილი ქართველი მღვდლები
სემინარიის დარბაზიდან, ნ. მარი იმ დროს იქვე მახლობლად, სასტუმრო „სევერნი
ნომრებში“ იყო. როცა ეს გაიგო, გიჟივით გამოვარდა გარეთ და ყვირილით გაეშურა
კაზაკებისაკენ – როგორ ბედავენ ეგ ბარბაროსები უძველესი ეკლესიის ქრისტიანი
მამების შეურაცხყოფას! და სხვა. ძლივს დააკავეს და სასტუმროში დააბრუნეს.
მარმა მოსწრებული პასუხი იცოდა თავისი ოპონენტებისადმი. როდესაც მან
იაფეტელების მოსახლეობა მთელ ხმელთაშუა ზღვის ნაპირებს მოსდო, ერთ კრებაზე
ჰკითხეს: სად იწყება და სად თავდება ეს თქვენი იაფეტელებიო? მარმა უპასუხა: ჯერ
მითხარით, სად იწყება და სად თავდება სიმრგვლეო?!
იშვიათია მეცნიერი, რომელსაც იმდენი ემოგზაუროს, როგორც მარს. ამ
მოგზაურობაში ჰკრებს ის მასალას თავისი იაფეტური თეორიისათვის და სწავლობს
სხვადასხვა ხალხთა ენებს, ეცნობა მატერიალური და სულიერი კულტურის
წყაროებს და ნაშთებს. მისი ნიჭი ამ შემთხვევაში საოცარია. ის ადვილად ერკვევა ენის
სტრუქტურაში. რამდენიმე კვირის შემდეგ მას შეთვისებული აქვს ამ ენის გრამატიკა,
ჩაწერილი აქვს ტექსტები და უშუალოდ ელაპარაკება მცხოვრებთ. ამ მოგზაურობათა
წიაღში, ცოცხალ ხალხებთან კავშირში აქვს მას შექმნილი, როგორც თვითონ ამბობს,
თავისი თეზისები, თავისი იაფეტური თეორია, და არა კაბინეტში ჯდომით.
ნ. მარი არ არის განცალკევებული მეცნიერი, – ის შემქმნელია კავკასიის
შესწავლის პეტროგრადის სკოლისა, რომელსაც მიზნად აქვს დასახული კავკასიის
გამოკვლევა ყოველმხრივ – ლინგვისტურად, ისტორიულად და კულტურულად;
დიდი შრომა აქვს გაწეული მას ამ სკოლის შექმნაში და ხელმძღვანელობაში, მაგრამ
მიღწევებიც დიდია, აუარებელი ტექსტები და მასალებია გამოცემული, აუარებელი
საკითხები და პრობლემები გაშუქებულია, ბევრი ახალი წამოყენებულია და რიგშია
დასმული. საკმარისია დავასახელოთ, რა არის გაკეთებული ქართული ენის და მისი
მონათესავე ენების და კილოკავების შესწავლაში. მან მოგვცა ჯერ ძირითადი
ტაბულები ქართული ზმნებისა, გრამატიკა ძველი ქართული ენისა რუსულ ენაზე
დაწერილი, ასეთივე გრამატიკა ახლად გადამუშავებული ფრანგულ ენაზე ბრიერის
მონაწილეობით, ქრესტომათიით და ლექსიკონით. ეს კაპიტალური შრომა
სამუდამოდ დარჩება ქვაკუთხედად ქართული ენის შესწავლისა ევროპელთა მიერ და
უსათუოდ ბევრ მეცნიერს შესძენს ამიერიდან ქართულ ენას. ასეთივე დიდი
ღირსების არის მისი გრამატიკა და ქრესტომათია ლაზური ენისა (1910 წ.), მეგრული
ენის გრამატიკა და ქრესტომათია ალ. ყიფშიძისა მისი ხელმძღვანელობით
გამოცემულია; მასვე აქვს შედგენილი გრამატიკა და ქრესტომათია სვანური ენისა,
როგორც თვითონ ამბობს თავის მოხსენებაში, და თუმცა მათი გამოცემა დაგვიანდა44,
მაგრამ მას ბევრი სტატია აქვს სვანური ენის შესახებ დაბეჭდილი და მისი
თაოსნობით გამოცემულია ბევრი მასალა ამ ენის შესასწავლად. ასეთივე ნაყოფიერია
მისი შრომანი და სტატიები აფხაზური ენის შესწავლის საქმეში, რომელსაც მან
უძღვნა ათზე მეტი სტატია, გამოსცა ლექსიკონი, ანბანი და სხვა. მისივე თაოსნობით
არის დაწყებული კავკასიის მთიულების კილოკავების შესწავლა პროფ. შანიძის მიერ.
მარრი სამჯერ მიემგზავრება დაღესტანში დაღესტნის ენების შესასწავლად, სამჯერ
იყო სვანეთშიც, რამდენიმეჯერ აფხაზეთში, სამეგრელოში, ლაზისტანში, სომხეთში
და სხვა ადგილებში.
მარრმა გააშუქა ზოგიერთი საკითხი ძველი ქართული ტექსტების კითხვისა.
მაგალითად, ასო ჱ-ს სიტყვის ბოლოში ჩვენ წინათ ე-ნად ვკითხულობდით. მან
დაამტკიცა, რომ ჱ დიფთონგია და უდრის ეჲ-ს. მაგალითად, სიტყვა ქრისტჱ უნდა
წავიკითხოთ, როგორც ქრისტეჲ, ხჱ, როგორც ხეჲ და სხვა. აგრეთვე შემოკლებულ
სიტყვას რ-ა ჩვენ ვკითხულობდით, როგორც რათა, ხოლო მარრმა გვიჩვენა, რომ
ძველად ეს იკითხებოდა, როგორც რაჲთა, და ასეთი ცხოველი მაგალითი ჩვენ გვაქვს
არათუ უძველესი დროისთვის, არამედ XVII საუკუნის ზოგიერთ ეპიგრაფიულ
წარწერებში.
დიდი ღვაწლი მიუძღვის ნ. მარრს კავკასიის არქეოლოგიაშიც. პირველად მან
თხრა დაიწყო ბორჩალოს მაზრაში, იქ, სადაც წინათ ფრანგი დე მორგანი მუშაობდა,
და სადაც მოიპოვება აუარებელი სასაფლაო ძველი ბრინჯაოს ხანისა. შემდეგ მარრი
იწყებს არქეოლოგიურ გათხრას ძველი ანისის ქალაქის ნანგრევებისა 1892 წელს და
შემდეგ განაგრძობს ყოველ ზაფხულს 1904 წლიდან 1917 წლამდე. აქ აღმოჩენილ
მრავალრიცხოვან ძეგლებს უძღვნის ანისის სერიას, რომელიც შეიცავს 12 წიგნს.
სხვათა შორის, აქ იყო აღმოჩენილი უდიდესი ქართული წარწერა ეპიფანე
კათალიკოსისა 1218 წლისა, რომელსაც ეჭირა მთელი კედელი ტაძრისა და ეს კედელი
გადატანილი იყო ანისის მუზეუმში. მეორე ეკლესიის ქართულ წარწერას პროფ. ივანე
ჯავახიშვილი ამზადებდა გამოსაცემად, მაგრამ ვგონებ, ჯერ არ გამოუცია. მესამე,
ერთი საუკეთესო ქართული ტაძრის წარწერა ტიგრანჰონენცისა წინათაც ცნობილი
იყო. სამწუხაროდ, აუარებელი მასალა ანისის ქალაქის გათხრისა. შედეგი 15 წლის
მუშაობისა, როგორიც იყო დღიურები გათხრისა, ფოტოგრაფიის ნეგატივები
ძეგლებისა და წარწერებისა, ნახატები და ნახაზები და სხვა გამოგზავნილი
პეტროგრადიდან ტფილისის არქეოლოგიურ ინსტიტუტში, რევოლუციის დროს
სულ ერთიანად დაიღუპა გზაში. ზოგიერთი ნივთი და ბიბლიოთეკა ანისის

44ბ-ნ ი. მეგრელიძის სტატიიდან ვტყობილობთ («მნათობი», 1933 წ., § 8–9, გვ. 264), რომ დაწყებული
ყოფილა ბეჭდვა რუსულ-ქართული ლექსიკონისა და სვანური ენის ქრესტომათიისა
ლექსიკონითურთ.
მუზეუმისა გამოიტანეს ჩემს მიერ გაგზავნილმა არქეოლოგიური ინსტიტუტის
წევრმა დ. გარდეევმა და ბ-მა ლორის-კალანთარმა, მანამ თათრები დაიკავებდნენ ამ
მხარეს. გარდა ანისის ძეგლებისა, მარრმა შეისწავლა და გამოსცა აღწერილობა ბევრი
სომხური ძველი ეკლესიებისა.
ქართულ არქეოლოგიაში უდიდესი მნიშვნელობა აქვს მის მოგზაურობას
შავშეთ-კლარჯეთში. დღიური ამ მოგზაურობისა, როგორც მოვიხსენიეთ, დართული
აქვს მის გრიგოლ ხანძთელის გამოცემას, რომელშიც აღწერილია დაწვრილებით ამ
მხარის მრავალრიცხოვანი ძეგლები და შემკობილია ფოტოგრაფიული სურათებით.
დიდი ღვაწლი მიუძღვის ნ. მარს აგრეთვე ქალდეური წარწერების აღმოჩენაში,
შეგროვებაში და შესწავლაში, რამაც გააშუქა ძველისძველი ისტორია წინა აზიისა.
განსაკუთრებით საყურადღებოა მისი და ი. ორბელის ექსპედიცია ვანში 1916 წელს,
რომლის დროს აღმოჩენილ იქნა ყველა ცნობილ ქალდეურ წარწერათა უდიდესი
წარწერა ქალდელთ მეფის – სარდურ მეორისა, მერვე საუკუნისა ქრისტეს წინ,
რომელშიც აღწერილია მისი ომები აღმოსავლეთით, დასავლეთით და ჩრდილოეთით
ვანის სამეფოისა.
უდიდესი მნიშვნელობა აქვს ჩვენი ძველი მწიგნობრული ლიტერატურის
შესასწავლად მარის მოგზაურობას სინას მთაზე. იერუსალიმში და ათონზე 1902 წ.
სინას მთაზე მასთან ერთად იყო ჩვენი სახელოვანი პროფ. ივ. ჯავახიშვილი. ამ
მოგზაურობის დროს შეკრებილი და გადმოწერილი ძეგლები ჯერ
გამოუქვეყნებელია, ხოლო სულ მცირე ნაწილია გამოცემული, და ეს მით უფრო
სამწუხაროა, რომ როგორც ჩანს წინასწარი მოხსენებიდან, ეს მასალა
პირველხარისხოვანია ჩვენი ძველი ლიტერატურის შესასწავლად. ამ მასალის
გამოცემა პირველ რიგში უნდა დაისახონ მარის მოწაფეებმა და პატივცემულმა ივ.
ჯავახიშვილმა45). ამ მოგზაურობის ნაყოფი იყო გრიგოლ ხანძთელის ცხოვრების
გამოცემა, ჯვარის მამის აღაპებისა და გრიგოლ სომეხთა განმანათლებლის არაბული
ვერსიის გამოცემაც.
ნ. მარი იყო ენციკლოპედისტი. მრავალი დარგი მეცნიერებისა შეადგენდა საგანს
მისი შესწავლისა და ყოველ დარგში იჩენდა ტალანტს და ნიჭს, მაგრამ უაღრესად
პირველ ყოვლისა ის იყო ლინგვისტი, ენათა მეცნიერი. გიმნაზიაშივე მან მიზნად
დაისახა ქართული ენის შესწავლა და გამოკვლევა და ამას შესწირა მთელი მისი
სიცოცხლე. შეიძლება ითქვას, რომ ყველა სხვა დარგში მისი მუშაობა მასალა იყო
თავი პრობლემისა – ლინგვისტური მუშაობისა, ანუ უკეთ ვთქვათ, მისი იაფეტური
თეორიისა. როცა ნ. მარი წინააღმდეგ თავისი პირვანდელი აზრისა, რომ ქართული
ენა სემიურ ენათა ჯგუფს ეკუთვნის, დარწმუნდა, რომ ქართულ ენას თუმცა
ნათესაობა აქვს სემიურ ენებთან, მაგრამ ის თავისი მახლობელი მონათესავე ენებით
და კილოკავებით განცალკევებულ ენათა ჯგუფს ეკუთვნის. ამ ენათა ჯგუფს დაარქვა
იაფეტურ ენათა ჯგუფი. ეს ტერმინი პირობითია, რაკი ორ სხვა ჯგუფს – სემიურს და
ქამიტურს – ნოეს შვილების სახელები ჰქვია; ამასაც მესამე ნოეს შვილის – იაფეტის
სახელი დაარქვა. შემდეგ სხვა კავკასიური ენების შესწავლამ მარი მიიყვანა იმ
დასკვნამდე, რომ ყველა კავკასიური ენა, მცირე გამოკლებით (ოსური და

45იმავე ი. მეგრელიძის სტატიიდან, რომელიც ზემოთ ვუჩვენეთ, ვტყობილობთ, რომ ტექსტი «სინაის
კრებულისა» უკვე დაბეჭდილი ყოფილა, მაგრამ გამოვიდა თუ არა, არ ვიცით.
** Revue de deux mondes. 1935 წ., 1 დეკემბერი
თურქულისა), იაფეტური ენების ჯგუფს ეკუთვნის. სომხური ენა, რომელსაც ინდო-
ევროპულ ანუ არიულ ენათა ჯგუფს აკუთვნებდნენ, მარის გამოკვლევით, შერეული
ენა აღმოჩნდა – სანახევროდ იაფეტური, სანახევროდ არიული. როდესაც სომხები,
არმენები მოვიდნენ კავკასიაში, მათ აქ დახვდათ იაფეტელები, მათ შეერივნენ
არიელი სომხები, და გამომუშავდა შერეული ენა. ამით აიხსნება ნ. მარის აზრით, რომ
ძველი მწერლობითი სომხური ენა, გრაბარი, უფრო ნაკლებად ჰგავს ახალს, ხალხურ
სომხურს, ვიდრე პოლონური ენა რუსულს. შემდეგ იაფეტურ ენათა ჯგუფს
მიაკუთვნა უძველესი წინა აზიის მკვდარი ენები – სუმერული, მიტანური, ხეთური,
ქალდეური, სკვითური, ახალ-ელამური და ასურული. შემდეგ ამავე იაფეტური
ჯგუფის ენად სცნო უძველესი ხმელთაშუა ზღვის ნაპირების ხალხთა ენები:
ეტრუსკთა ენა, ისპანიის იბერთა ენა, ბასკური და შემდეგ ბალკანეთის ალბანთა ენაც.
პირველად მარი იმ აზრის იყო, რომ იაფეტელთა სამკვიდრო კავკასია იყო და აქედან
გადასახლდნენ და მოედვნენ სხვა ადგილებს; ხოლო შემდეგ შეიცვალა აზრი: არა
კავკასია მარტოდ, არამედ მთელი ხმელთაშუა ზღვის ნაპირები უძველესი დროიდან
სულ იაფეტელებით იყო დასახლებული და ესენი შეადგენენ მესამე ელემენტს
ხმელთაშუა ზღვის ცივლიზაციის შექმნაში. იაფეტელები აღმოჩნდნენ შუა აზიაშიც:
პამირზე მოსახლე ვერშიტელების ენა იაფეტური არის მარის გამოკვლევით. წინათ
მარი იაფეტურ ენას უპირისპირებდა ინდოევროპულს ანუ არიულს და სემიურს.
ბოლოს უარყო არსებობა ასეთი ჯგუფებისა, ასეთი დაყოფა ენებისა. ყველა ენა, მარის
აზრით, წარმომდგარია შემოქმედებითი შრომით კაცობრიობისა, ერთი
შემოქმედებითი პროცესის ნაყოფია. ამგვარად, იაფეტური თეორია ახლა იპყრობს
თავის შორის ყველა დედამიწის ენას. ის, რითაც ერთი ჯგუფი განირჩევა მეორისაგან,
ინდოევროპული თუ სემიური იაფეტურისაგან, არის შედეგი სხვადასხვა დროის
განვითარების საფეხურისა. ინდოევროპული ენები ტრანსფორმაცია არის, ესე იგი
გადაქმნილია იაფეტური ენებისაგან. ეს ენები კი არ არის ენები რომელიმე
განცალკევებული რასისა ანუ ხალხისა. მოკლედ რომ ვთქვათ, იაფეტური ენა
ისტორიის წინადროის ენაა, ინდოევროპული ისტორიული დროისა. ბასკური ენა,
რომელიც ასე მჭიდროდ ენათესავება კავკასიურ ენებს, ნამეტნავად აფხაზურს,
მესხურს და სომხურს, ერთადერთი ისტორიული წინადროის ენაა მთელს ევროპაში.
ენის ევოლუცია მარის თეორიით ასეთი იყო: ჯერ «ხელის ენა» იყო, ესე იგი,
ხელის ქნევით, ხელით გამოსახული ნიშნებით, ჟესტებით აგებინებდნენ
ერთიმეორეს, რაც უნდოდათ, როგორც ეხლაც ზოგიერთი ტყიური ხალხი სჩადის, და
შემდეგ შრომის პროცესში შეიქმნა თანდათანობით ბგერათა ენა. მარის აზრით, არ
არსებობს დედამიწაზე ენა, რომელიც შერეული არ იყოს. ეს შერევა ავითარებს ენას.
ამრიგად, ქართული ენისა და მისი მონათესავე ენების შესწავლამ მარს
წამოაყენებინა იაფეტური თეორია, რომელიც მის ხელში და კვლევა-ძიებაში
თანდათან განვითარდა, გაფართოვდა, მთელი დედამიწის ენებს მოედო და მიიღო
უნივერსალური ხასიათი. ამ თეორიამ მარს სახელი მოუხვეჭა, მაგრამ მტერიც ბევრი
შესძინა. ევროპის მეცნიერები იცნობდნენ ნ. მარს, მხოლოდ როგორც იაფეტური
თეორიის ავტორს, და უმეტესი ნაწილი მათგანი სრულიად არ იზიარებს ამ თეორიას,
მის მეთოდს და მიდგომას საგნისადმი. სხვა აუარებელ შრომებს მარისას, რაც
ჩვენთვის პირველხარისხოვანია, სრულიად არ იცნობენ. ერთადერთი მეცნიერი
ევროპაში, რომელიც მარის ყველა შრომას კარგად იცნობს და ზოგიერთი მათგანი
ლათინურადაც გადათარგმნა, არის ბოლანდისტი პოლ პეტერსი, ჯეროვნად მცოდნე
ქართული ენისა. სანამ იაფეტური თეორია მარტო კავკასიურ ენებს ეხებოდა, მარის
მოწაფენი იზიარებდნენ ამ თეორიას. როდესაც ეს თეორია გადავიდა სხვა ხალხებზე
და გაფართოვდა, უმეტესი მათგანი არ გაჰყვა ასე შორს მარს. მათი აზრით, მარმა
უფსკრულში შეტოპა, საიდანაც გზის გამოგნება შეუძლებელია. ეს მათ, რა თქმა უნდა,
არ უშლის, რომ მარს დიდი პატივით ეპყრობოდნენ, მის ტალანტს, მის კოლოსალურ
დამსახურებას და დიდ მეცნიერებას არ სცნობდნენ, ან უმადური იყვნენ. მაგრამ მარი
ვერ ურიგდება ამას, და ეს გასაგებიც არის. ევროპა არ სცნობს მას და შინაურებიც არ
ეთანხმებიან ამ საკითხში. ამას დაერთო რევოლუცია – რუსეთი აიშალა, რღვევა
დაიწყო. მისმა ქართველმა და სომეხმა შეგირდებმა და თანამშრომლებმა მიატოვეს
პეტროგრადი, ჩამოვიდნენ კავკასიაში. ქართველებმა ტფილისში გახსნეს
უნივერსიტეტი, სომხებმა – ერევანში. მარი მარტოდ დარჩა. პეტერბურგის სკოლა
კავკასიისმცოდნეობისა თითქმის დაიშალა. მარი პირველად წინააღმდეგია ახალი
უნივერსიტეტის გახსნისა; მაგრამ შემდეგ, როდესაც ტფილისის ქართული
უნივერსიტეტი განმტკიცდა და ბოლშევიკებმა სცნეს თავისუფალი საქართველო,
მარი გრძნობიერ წერილს სწერს ტფილისის უნივერსიტეტის რექტორს, მის ყოფილ
შეგირდს ივ. ჯავახიშვილს და მზადაა გადმოვიდეს ტფილისის უნივერსიტეტში.
მარს ერთხმად ვირჩევთ პროფესორად. ის იწერება: ეხლა საზღვარგარეთ მივდივარ
და იქიდან პირდაპირ ტფილისში დავბრუნდებიო. მაგრამ ამ დროს ხდება
ბოლშევიკების მიერ საქართველოს დაპყრობა და მარი ბრუნდება პეტროგრადში.
რევოლუციის დროს ის იცავს პეტროგრადის აკადემიას და სამეცნიერო
დაწესებულებებს განადგურებისაგან. განიცდის, როგორც სხვები, შიმშილს46,
ყოველგვარ შეურაცხყოფას. ღამ-ღამე ხშირად ესხმიან თავს და ჩხრეკენ
კონტრრევოლუციონური დოკუმენტების აღმოსაჩენად. რა თქმა უნდა, ის უაღრესად
ნერვიულობს, შფოთავს, ვერ მუშაობს დამშვიდებით. ერთხელ ჩხრეკის დროს
აღელვებული გავარდება გარეთ, დარბის გიჟივით ეზოში. როცა ჩხრეკა გათავდა,
მიიწვიეს შესულიყო ბინაში. ის აღარ შედის, შფოთავს. ძლივს აშოშმინებენ. შეღავათს
პოულობს საზღვარგარეთ მივლინებაში სამეცნიერო მიზნით. პარიზში ხსნის
ქართული ენის კურსებს, ამზადებს ფრანგ მღვდელს ბრიერს, რომელიც ამ კურსებს
განაგრძობს მის შემდეგ. ლენინგრადში დაბრუნებისას სულ უნუგეშო მდგომარეობა
დახვდა. დამზადებული შრომები იაფეტური თეორიისა, რომელნიც უნდა
დაბეჭდილიყო წლის განმავლობაში, დაუბეჭდავი იყო და თანაც გამოუცხადეს, რომ
ისინი რიგში დარჩებიან სხვა დასაბეჭდ წიგნებთან ერთად და როცა რიგი მოუწევთ,
მაშინ დაიწყებენ ბეჭდვას.
ამას გარდა, ქართული ხელნაწერები, რომელნიც ქვაკუთხედს შეადგენდნენ
იაფეტოლოგიისათვის, ტფილისში დაუბრუნებია ხელისუფლებას. ყველა ეს ამბავი
სასოწარკვეთილებაში აგდებს მარს და ის პირდაპირ ამბობს: ეს არის ნიშანი ჩემი
დასასრულისა, გაქარწყლება მთელი ჩემი მუშაობისაო47. ხუთი წლის განმავლობაში
მარი არც ეჩხუბება აშკარად და არც ემხრობა ახალ ხელისუფლებას, მაგრამ შემდეგ,
1923 წლიდან თანდათან ეგუება ბოლშევიკურ რეჟიმს. როდესაც ის პირველ სრულ
საკავშირო კრებაზე აირჩიეს ცენტრალური საბჭოს მეცნიერების მუშაკთა
თავმჯდომარედ, ხელმეორედ არჩეულ იქნა მეორე და მესამე კრებაზეც, და ბოლოს,

46 ისე გავხდი, როგორც ფარგაო, – მწერდა ერთ წერილში.

47
პო ეტაპამ რაზვიტია იაფეტიჩესკოი ტეორიი. – მოსკვა-ლენინგრად, 1926, გვ.186
1930 წელს ეწერება კომუნისტურ პარტიაში და აშკარად ემხრობა დიალექტურ-
მატერიალისტურ მეთოდს მარქს-ენგელსისას. ეს მარქსისტულ-დიალექტიკური
ლინგვისტიკა, ეხლა მის ხელში, სულ პოლემიკურია ეგრეთწოდებული ევროპელი
«ბურჟუაზიული» ლინგვისტების მიმართ და აგრეთვე ყველა საბჭოს ლინგვისტების
წინააღმდეგ, რომელნიც იაფეტურ თეორიას არ იზიარებენ. იაფეტური თეორია
გამოცხადებულია სავალდებულოდ საბჭოთა კავშირში. მარს ეხლა საშუალება
ეძლევა ფართოდ გაშალოს მოქმედება იაფეტური თეორიის მიხედვით კვლევა-
ძიებისა და ყველა საბჭოში შემავალ ერთა ენების გამოკვლევისა. მას ეხლა მეტი
მიმდევარი ჰყავს. ის აარსებს ინსტიტუტებს, სკოლებს, კურსებს, წრეებს და
სხვადასხვა დაწესებულებებს იაფეტური ენების შესასწავლად, მოგზაურობს
სხვადასხვა მხარეებში საბჭოს კავშირისა ლინგვისტური მიზნით, აუარებელი
წიგნები და სტატიები გამოდის სულ მისი მონაწილეობით და ხელმძღვანელობით.
ენერგია მისი არათუ შესუსტდა, არამედ გაორკეცდა, მაგრამ ბოლოს სხეული აღარ
უძლებს და ის ხდება მსხვერპლი მეცნიერებისა, მსხვერპლი ტიტანური შრომისა.
პირველი დამბლა მას მოსდის რეფერატის კითხვის დროს მატერიალური კულტურის
ისტორიის აკადემიაში, რომლის თავმჯდომარე თვითონ იყო. შემდეგ მოიკეთებს და
კვლავ იწყებს მუშაობას, მაგრამ ჯანი აღარ აქვს. დამბლა მეორდება, და როდესაც
ატყობს, რომ აღარ შეუძლია ჩვეულებრივ გრიგალივით მუშაობა, აღარ უნდა
სიცოცხლე, უარს ამბობს საზრდოს მიღებაზე და წუთისოფელს ეცლება.
სულ სხვა საკითხია, რამდენად შეგნებულად მიემხრო მარი ბოლშევიკურ
იდეოლოგიას – ბოლოს და ბოლოს, ეს მისი რწმენა იყო თუ ფარისევლობდა, მიიღო
ის პირადი ინტერესებით, რაც არ სწამდა თუ მართლა ირწმუნა, და რაკი ირწმუნა,
თავისებურად გატაცებით მიემხრო? ვინც მარს სიყრმიდან არ იცნობს, ის პირველ
დასკვნას მიიღებს და ამის საბუთს თვით მარი თავისი მოქმედებით და ნაწერებით
მრავალს აძლევს; მაგრამ ვინც მას ახლოს იცნობს, მისი მერყეობა მიმართულების და
საგნის არჩევანში არაერთხელ უნახავს და მისი ექსცენტრული ხასიათი განუცდია, ის
მას ფარისევლობას ვერ შესწამებს. ის ზოგჯერ ცდება, მაგრამ ცდება შეგნებულად,
გატაცებით და არ ფარისევლობს. აღსანიშნავია კიდევ ერთი ფაქტი: ყველა მენშევიკის
მოწმობით, მარი პირველი რევოლუციის დროს 1905 წელს თავის წერილებში
ბოლშევიკებისკენ იხრებოდა.
მარი დიდი მეცნიერია, მაგრამ მრავალი შეცდომაც აქვს და ამ შეცდომებს უფრო
ხშირად თვითონ აღიარებს. იშვიათად თუ მოიპოვება სხვა მეცნიერი, რომელსაც ასე
ხშირად უარეყოს მის მიერ წარმოთქმული აზრები. ლინგვისტიკაში ეს მოვლენა
ადვილი ასახსნელია, ლინგვისტიკა ზღვა არის. დღევანდელი მდგომარეობა მასალისა
და კვლევა-ძიებისა ერთ დასკვნას იძლევა, ხოლო ხვალინდელი ახალი აღმოჩენანი
სრულიად უარჰყოფენ ამ დასკვნას. მაგალითად, მარრი ამბობს: ვინც ახლად იწყებს
იაფეტური თეორიის შესწავლას, მას არ ვურჩევ ჩაიხედოს ჩემს ამ საგნის შესახებ
ნაწერებში, რომელნიც დამიწერია სტატიის გამოსვლამდე: «მესამე ეთნიური
ელემენტი ხმელთაშუა ზღვის კულტურის შექმნაში» – და ეს უკანასკნელი სტატიაც
იმ განსხვავებით უნდა მიიღოს, რაც მისი გერმანული თარგმნის წინასიტყვაობაში
სწერიაო.48 სტატია რუსულად დაიბეჭდა 1920 წელს, ხოლო გერმანულად – 1923 წელს.

48 იხ. კლასიფიკაციონნი პერეჩენ პეჩატნიხ რაბოტ პო იაფეტოლოგიი. ლენინგრად. 1926 წ., გვ. 6–7.
მანამდე აუარებელი სტატია ჰქონდა მარრს იაფეტური თეორიის გამო. ამ
ცვალებადობის შესახებ მარრი ამბობს: რომაელები ამბობდნენ: დღე დღის
მასწავლებელია (dies diem docet), იაფეტურ თეორიაში კი საათი საათის
მასწავლებელიაო (hora horam docet). ზოგჯერ მარრის გამოცემებში წინასიტყვაობაში
განცხადებულია: ის, რაც წიგნში სწერია, მანამ იბეჭდებოდა, დაძველდაო. ასე
ცვალებადობით მიდიოდა იაფეტური თეორიის განვითარება უკანასკნელ დრომდე.
მარს აქვს ერთი საყურადღებო სტატია: «წარმართი საქართველოს ღმერთები»,
რომელიც ყველა მკვლევარმა მოიწონა და მიიღო, მაგრამ მან ბოლოს უარყო – იქ
გატარებული აზრი, ირანულიდან სესხება ამ ღმერთებისა მართალი არ არისო,
სახელები ღმერთებისა იაფეტურიაო. გეოგრაფიულ სახელს «სომხეთი» – ეხლანდელი
ბორჩალოს მაზრა – მარი ხსნიდა წინათ, როგორც «სონ-მესხი», ესე იგი, სვან-მესხები,
და ამტკიცებდა – სვანები და მესხები წინათ აქ ერთად ცხოვრობდნენ და შემდეგ
გაიყარნენო. მერე უარყო ეს აზრი და სულ სხვა განმარტება წამოაყენა. უფრო
საკვირველი იყო კიდევ, რომ მან მიიღო ერთ დროს ს. კაკაბაძის მიერ ნაჩქარევად
გამოთქმული აზრი, რომ რუსთაველი მაჰმადიანი იყოო, და ეს მას შემდეგ, რაც მან
მოგვცა ისეთი საყურადღებო წიგნი, როგორიც არის ვეფხისტყაოსნის შესავალი და
ბოლოსიტყვაობის განმარტება. რასაკვირველია, ბოლოს მან ეს აზრი უარყო.
მარი ერთობ ლინგვისტი იყო და ლინგვისტურ თავისებურ განმარტებას
ზოგჯერ სწირავდა ისტორიულ ფაქტებს. ასეთია, მაგალითად, მისი მტკიცება, რომ
«იბერია» დასავლეთ საქართველო იყო და შემდეგ ეს სახელი აღმოსავლეთ
საქართველოზე გადაიტანესო, მაშინ როდესაც ყველა კლასიკური მწერალი და
განსაკუთრებით სტრაბონი «იბერიად» აღმოსავლეთ საქართველოს გულისხმობს,
ხოლო დასავლეთ საქართველოს წინათ «კოლხიდა» ერქვა, შემდეგ «ლაზიკა», მეშვიდე
საუკუნიდან მეათემდე – «აფხაზეთი» და ბოლოს – «იმერეთი». უკანასკნელ სახელებს
«იბერიასთან» კავშირი არა აქვს, ვინაიდან წარმოდგება სიტყვიდან «იმერ», «იმიერ».
მიუღებელი იყო აგრეთვე მოსაზრება, ვითომც «სახარება» პირველად სვანურ ენაზე
ყოფილიყო ნათარგმნი და შემდეგ ქართულზე. ასეთი ლაფსუსები აქვს მარს, მაგრამ
ეს არ უშლის მის დიდ მეცნიერებას და დიდ დამსახურებას, ვინაიდან აუარებელი
განმარტებანი სიტყვებისა თუ საგნებისა და კვლევა-ძიებანი ფასდაუდებელი აქვს.
მისი ზოგიერთი სიტყვის განმარტება აღტაცებას იწვევდა დიდ სპეციალისტებში.
რამდენიმე სიტყვის განმარტების შესახებ, სხვათა შორის, სომხური «სეპუხ» და
ქართული «სეფეწული»-ს უნიჭიერესი მკვლევარი ბოლოტოვი წერდა ჯერ კიდევ
დასაწყისში მარის მეცნიერული მუშაობისა: ამ უკანასკნელი წლების განმავლობაში
ამის ფასი ლინგვისტიკაში არაფერი დაწერილაო. ბოლოტოვს რომ მეტი ეცოცხლა,
რამდენ ასეთ მარგალიტებს იპოვნიდა მარის სხვა სიტყვების ახსნა-განმარტებაში?
მარი იყო დიდი მოციქული, დიდი მომხრე მთელი კავკასიის ერების ერთობის
და სოლიდარობისა: თუ ერთ მათგანს თავს ესხმოდნენ, ის მის დამცველად
გამოდიოდა. მარის აზრით, თუმცა მწიგნობრობა და მწიგნობრული ლიტერატურა
მარტო ქართველებს და სომხებს ჰქონდათ, მაგრამ კავკასიის კულტურის შექმნაში
კავკასიის ყველა ერს ჰქონდა მიღებული მონაწილეობა, რომ კავკასია ერთ მთლიან
გეოგრაფიულ და ეკონომიურ მხარეს შეიცავს, მისი კულტურაც საერთოა და ყველა
მის მკვიდრთა ენები იაფეტურია, და რომ «ქართლის ცხოვრებაში» შენახული
დებულება მათ მამათმთავართა ძმობისა უძველესი მწერლობითი ცნობაა მათი
ნათესაობისა, რაც ენების გამოკვლევით მტკიცდება. არც ერთ კავკასიის ერს, მარის
აზრით, არ შეუძლია განცალკევებით ფეხზე დადგეს და განავითაროს თავისი
სახალხო კულტურა, თუ არა მთელი კავკასიის სფეროში. საფუძველი კავკასიის
კულტურისა ერთია – ეს იაფეტური კულტურაა. ვინც ამ მთლიანობას გამოეყოფა, ეს
გამოყოფა დასაწყისია მისი დასასრულისა49.
რაკი კავკასია და მისი ერები ერთია და ყოველთვის გაერთიანებული უნდა
იყოს, ამისთვის საჭიროა მათ ჰქონდეთ ერთი იაფეტური ანბანი, და ასეთი ანბანი მან
კიდეც შეადგინა და ამ ანბანით დაწერა ქართული ტექსტი სტატიისა: «რით
ცხოვრობს იაფეტური ენათმეცნიერება». მთლიან კავკასიას, გარდა ერთი ანბანისა,
უნდა ჰქონდეს ერთი კავკასიის საერთაშორისო ენაც. მარი იკვლევს ყველა კავკასიის
ენის თვისებას და იმ დასკვნამდე მიდის, რომ ასეთ ენად უნდა იყოს ქართული ენა. აქ
სისტემატურად და მჭევრმეტყველურად ნაჩვენებია უპირატესობა ქართული ენისა.
ქართული ნაციონალური ენა, მარის სიტყვით, არის ფრიად მდიდარი, კულტურული,
უნივერსალური შეთვისების მხრივ და სანახევროდ ეხლაც კავკასიის საერთაშორისო
ენაა, ვინაიდან ამ ენაზე ლაპარაკობენ ქართლელები, კახელები, მეგრელები, სვანები,
აფხაზები, ოსები, მთიელები და საქართველოს სომხებიც. ამასთან, ეს ენა არის
უაღრესად დემოკრატიული, მისაწვდენი უმდაბლესი ხალხის ნაწილისათვის50.
ამრიგად, კოლოსალურია და ფასდაუდებელი ღვაწლი ნიკო მარისა ქართული
ენის და კულტურის შესწავლაში, ასეთივეა მისი ღვაწლი სომხურის და საერთოდ,
კავკასიის კულტურის შესწავლაშიც. რაც შეეხება იაფეტურ თეორიას, რომელიც
ქართული ენის წიაღიდან წამოაყენა მარმა და რომელმაც უნივერსალური ხასიათი
მიიღო, ეს ისეთი დიდი პრობლემა არის, რომ ამის გადაწყვეტას მთელი საუკუნე და
მთელი რიგი მარის მსგავსად მომზადებული ლინგვისტების მუშაობა დასჭირდება.
შესწავლილი უნდა იქნას დედამიწაზე არსებული ყველა ენა და გამორკვეული მათი
დამოკიდებულება იაფეტურ ენებთან, ესე იგი, კავკასიის ენებთან პირველ რიგში.
აგრეთვე პრობლემა ენის წარმოშობისა ერთობ რთულია და ეს მარტო ლინგვისტიკის
საქმე არ არის. ჩვენთვის უაღრესად მნიშვნელოვანია ის ფაქტი, რომ გზადაგზა
იაფეტურ თეორიაზე მუშაობაში აუარებელი ქართული და კავკასიური სიტყვები და
ფორმები ჯეროვნად განმარტებული და ახსნილია. მიმდევრები იაფეტური
თეორიისა თანდათან ჩნდებიან ევროპაშიც და იქნება უფრო მალე გამართლდეს
მარის სიტყვები, რომელმაც მომწერა: «ჩემს თეზისებს და თეორიას ჩემის სიკვდილის
40 წლის შემდეგ მიიღებენ». მიიღებენ თუ არ მიიღებენ საერთოდ იაფეტურ თეორიას,
ეს კი ეჭვს გარეშეა, რომ ნ. მარი სამუდამოდ დარჩება მსოფლიო ლინგვისტთა
პირველ რიგში, ბურჯად საქართველოს და მთელი კავკასიისმცოდნეობისა და
მოციქულად კავკასიის ტომთა ერთობისა და სოლიდარობისა.
აღარა გვყავს ნიკო მარი, ბუმბერაზი მეცნიერებისა, მაგრამ ჩვენდა სანუგეშოდ
მას დარჩა მრავალრიცხოვანი შეგირდი საქართველოში, სომხეთში, რუსეთში,
ევროპაში და ამერიკაში, რომელთაც მან გადასცა უნარი დაუღალავი მუშაობისა,
თავდადება და სიყვარული მეცნიერებისა, კრიტიკული მეთოდი კვლევა-ძიებისა, და
რომელნიც ღირსეულად და ფრიად ნაყოფიერად ჩვენს თვალწინ განაგრძობენ თავისი
მოძღვრის მეცნიერულ მუშაობას. საუკუნოდ დარჩება ღვაწლი და დამსახურება ნიკო

49 ბატუმ, არდაგან, კარს. პეტროგრად, 1922 წ. გვ., 56–57.

50 კ იზუჩენიუ სოვრემენნოგო გრუზინსკოგო იაზიკა. პეტროგრად, 1922 წ.
მარისა საზოგადოდ მეცნიერებაში და კერძოდ, კავკასიისმცოდნეობაში და საუკუნოდ
იქნება ხსენებაც მისი.

იური ნიკოლოზის ძე მარი

(ნეკროლოგი)*

ფრიად სამწუხარო ამბავი მივიღეთ ტფილისიდან. ჯერ ერთი წელი ძლივს

შესრულდა, რაც დავკარგეთ ბუმბერაზი მეცნიერი ნიკო იაკობის ძე მარი და ეხლა მას
თან მიჰყოლია ერთადერთი მისი შვილი იური მარი, რომელიც ხუთ დეკემბერს
დაუკრძალავთ თბილისში, ახალი ვერის სასაფლაოზე.
იური მარი პატარაობიდან არაჩვეულებრივი ბავშვი იყო: მკვირცხლი,
სიმპათიური, ნიჭიერი, კაცთმოყვარე, მასთან, თავისებური, უშიშარი და გაბედული.
მამისაგან მას გამოჰყვა ნიჭი ენების ადვილად შესწავლისა და თანაც მერყეობა
ახალგაზრდობაში მიმართულებისა და პროფესიის არჩევანში. ჯერ კიდევ გიმნაზიაში
ადვილად შეითვისა ყველა ევროპული ენა. ასე რომ, ერთმა მისმა ნათესავმა
პროფესორმა თარჯიმნად ის წაიყვანა ევროპაში და ამერიკაში მოგზაურობის დროს.
გიმნაზია რომ გაათავა, ის გაიტაცა სურვილმა, მოეარა რუსეთი და გასცნობოდა
ხალხს. ბოსიაკის სახით გაიჭრა სახლიდან და დაიწყო მოგზაურობა. მამამისი ნიკო
მარი მწერდა – შვილი ჩემსავით მოხეტიალე გამომივიდა და მანდ თუ მოვიდეს,
ყურადღება მიაქციეო. კარგა ხნის შემდეგ მართლა გამოჩნდა ტფილისში. ცოტა ხანი
ჩემთან დაჰყო და შემდეგ გურიაში წავიდა. მე სიტყვა მომცა, რომ მალე
დაბრუნდებოდა მამასთან პეტერბურგში, და მართლაც დაბრუნდა. ამავე დროს, სულ
ახალგაზრდამ ცოლი შეირთო და უნივერსიტეტში განაგრძო სწავლა აღმოსავლეთის
ენების ფაკულტეტზე და დიდი წარმატება გამოიჩინა ამ ენების შესწავლაში. ხოლო
როდესაც ომი დაიწყო, ომმა გაიტაცა და ქართულ ცხენოსანთა ესკადრიონში ჩაეწერა,
რომელიც სპარსეთში იყო გაგზავნილი სამოქმედოდ. როგორ შეეთვისა სამხედრო
სამსახურს, არ ვიცი, ხოლო ეს კი ვიცი, რომ ყველა ამხანაგში დიდი სიყვარული
დაიმსახურა. ამ დროს ის განსაკუთრებით ცხენების სიყვარულმა გაიტაცა. საოცრად
უვლიდა და აპატივებდა ცხენებს მისას და სხვისას, სულ ერთი იყო მისთვის.
ერთხელ მითხრა, ცხენებს მე ველაპარაკები, ჩემი ლაპარაკი ესმითო. მე რომ
საჯინიბოში შევდივარ, ყველა ცხენი ალერსს ფეხის ბაკუნით მიცხადებსო.
რევოლუციის დროს ესკადრონი ტფილისში დაბრუნდა და დაიშალა. იური გურიაში
წავიდა, თავისი მამის სოფელში და ერთხანად იქ მასწავლებლობდა. შემდეგ მოვიდა
ჩემთან ტფილისში და მოინდომა პეტერბურგში დაბრუნება მშობლებთან და ცოლ-
შვილთან. ცოლი და ერთი შვილი, ვაჟი, იქ ჰყავდა დატოვებული. გაემგზავრა, მაგრამ
ჩრდილო კავკასიაში და ნამეტნავად როსტოვის ხაზზე ხან ბოლშევიკების რაზმებს
გადაეღობა, ხან თეთრგვარდიელების რაზმებს; ხან ერთ რაზმში იღებდა
მონაწილეობას მეორის წინააღმდეგ, ხან მეორეში პირველის წინააღმდეგ. ერთიც და
მეორეც დახვრეტას უპირებდნენ, მაგრამ თავისი სიმკვირცხლით დააღწია თავი და
როგორც იყო მოვიდა ჩვენთან, ტფილისში. ჩვენ მაშინ ქართული უნივერსიტეტი
გახსნილი გვქონდა და მისი სურვილისამებრ მოვათავსეთ უნივერსიტეტში, როგორც
საპროფესოროდ მოსამზადებელი ასპირანტი. ამ დღიდან მისი მერყეობა
მიმართულების და პროფესიის ძებნაში მოისპო და ის მუყაითად და გატაცებით
შეუდგა სპარსული ენის და ლიტერატურის შესწავლას. იმავე დროს ფუტურისტულ
ლექსებსაც ათავსებდა ხანდახან ტფილისის გაზეთებში, მაგრამ ეს მას ხელს არ
უშლიდა და სამეცნიერო ასპარეზი სამუდამოდ გახდა საგანი მისი ცხოვრებისა.
მოკლე დროში თავისი დიდი ნიჭის გამო ის შეიქმნა კარგად მომზადებული
ირანისტი. მუშაობდა ჩემი წამოსვლის შემდეგ კავკასიის ისტორიულ-არქეოლოგიურ
ინსტიტუტში. აქედან ის უგზავნიდა ხშირად სტატიებს სპარსული პოეზიის
დარგიდან აკადემიკოს ბარტოლდს და ბარტოლდი ათავსებდა მოხსენებათა სახით
აკადემიის გამოცემაში. შემდეგ ის გადავიდა «სამეცნიერო გამოკვლევათა
ინსტიტუტში კავკასიისმცოდნეობისა», რომელიც მამამისმა, ნიკო მარმა დააარსა
ტფილისში და მას ჰქონდა ჩაბარებული ხელმძღვანელობა მახლობელი
აღმოსავლეთის სექტორისა. უკანასკნელ დროს საბჭოთა აკადემიამ მას მიანიჭა
ხარისხი ისტორიის ლიტერატურის დოქტორობისა.
როდესაც ფირდოუსის ათასი წლის იუბილეს იხდიდნენ, იური მივლინებულ
იქნა სპარსეთში საქართველოდან. მისმა მოხსენებამ ფირდოუსის ნაწარმოების
შესახებ აღტაცებაში მოიყვანა სპარსეთის მეცნიერები და ლიტერატორთა წრეები,
გაოცებული დარჩნენ განსაკუთრებით მისი ერუდიციით სპარსულ ლიტერატურაში.
სპარსეთის მთავრობამ ის დააჯილდოვა პირველხარისხოვანი ორდენით
«დამსახურებისათვის კულტურულ ფრონტზე». მისი მთავარი კვლევის საგანს
შეადგენდა ქართულ-სპარსული პოეზიის და ლიტერატურის დამოკიდებულება და
კავშირი, პარალელები და მიმართულებანი და აგრეთვე მათი გადახლართვა საერთო
კულტურულ მოვლენათა თანა. სწორედ ის, რაც ჩვენთის ასე პირველხარისხოვანია.
და აი, ამ დროს, როცა ის საუცხოოდ მოემზადა და მისი ნიჭი და ტალანტი ფართოდ
უნდა გაშლილიყო, ამ დროს მოუწია სასტიკმა სენმა, ჭლექმა და იმსხვერპლა
ახალგაზრდა მეცნიერი და უებრო სიმპათიური ადამიანი, 42 წლის ასაკის მქონე
მხოლოდ. მას აღარ დასცალდა, მამამისსავით კაპიტალური ნაწარმოებნი და
გამოკვლევანი დაეტოვებინა ჩვენთვის. ისე პატარ-პატარა სტატიები ბევრი აქვს,
წერენ, 80 სტატია აქვს დაწერილიო, მაგრამ ჩემამდე მეათედს არ მოუღწევია. ეხლა
საბჭოთა აკადემიაში იბეჭდება დიდი მისი კრებული სტატიებისა «ნიზამ-ხაკან-
რუსთაველი». სხვათა შორის, მას საბჭოთა ენციკლოპედიაში მოუთავსებია ირანის
ისტორია სეფეიდების დინასტიიდან დაწყებული, მაგრამ ჩვენ ეს სტატია არ
ჩაგვარდნია ხელში. «ვეფხისტყაოსნის» ზოგიერთი ადგილის შესახებ მან რამდენიმე
საყურადღებო წერილი და შენიშვნები დატოვა. აკადემიკოს ნიკო მარის ხსენებასთან
ერთად საუკუნოდ დარჩება მისი ნიჭიერი შვილის – იური მარის ხსენებაც ჩვენში.

*გაზ. «დამოუკიდებელი საქართველო», პარიზი, 1935 წლის დეკემბერი, №120, გვ. 11–12.
 ეროვნული განძეულობის თაობაზე

ამ უკანასკნელ დროს ემიგრაციაში სხვადასხვანაირი, ყოველგვარ საფუძველს

მოკლებული ჭორი ვრცელდება – საქართველოდან ევაკუაციის დროს უცხოეთში
გამოტანილი სამუზეუმო, საეკლესიო და ისტორიული მნიშვნელობის ნივთების
შესახებ. ამიტომ საჭიროდ მიგვაჩნია განვაცხადოთ შემდეგი:
1) არც ერთი ნივთი სამუზეუმო, საეკლესიო ან რაიმე ისტორიული
ღირებულების, საქართველოდან ევაკუაციის დროს უცხოეთში გამოტანილი არ
ყოფილა გაყიდული და არასდროს დაგირავებული;
2) ისინი საფრანგეთში ჩამოტანისთანავე, საფრანგეთის მთავრობის დახმარებით,
გემიდან პირდაპირ საფრანგეთის სახელმწიფო ბანკის (Banque de France)
განყოფილებაში იქმნა გადატანილი (ქ. მარსელში) და საქართველოს მთავრობის
სახელზე იქმნა შესანახად მიბარებული (იხ. მიწერ-მოწერა ელჩის – აკ. ჩხენკელისა
საგარეო საქმეთა სამინისტროსთან და აღნიშნულ ბანკთან);
3) საქართველოს მთავრობა ამ ნივთებს ყოველთვის უყურებდა, როგორც
შესანახად მიბარებულ კუთვნილებას საქართველოს ეროვნულ დაწესებულებათა,
რომელთა წარმომადგენელი იყო აქ, უცხოეთში, ბ-ნი ექვთიმე თაყაიშვილი. იგი
საქართველოდან გამოჰყვა ნივთებს, როგორც რწმუნებული მუზეუმების,
საქართველოს სამღვდელოების და დამფუძნებელი კრების მიერაც ამ საგნებისთვის
ყურისმგდებლად იყო გამოგზავნილი უცხოეთში;
4) ჩამოტანილი ნივთებიდან 13 ყუთი, ტფილისიდან წამოღებული, არ ყოფილა
სრულიად გახსნილი, რადგან ისინი სათანადო მუზეუმების მიერ დაბეჭდილი იყო
და ბეჭდის აუხდელად მათვე უნდა დაბრუნებოდა; დანარჩენი ნივთები
თითოეულად იყო აღწერილი და მოთავსებული 26 ყუთში და დაბეჭდილი. ყველა ამ
საგნის მიღებას, აღწერას და სახელმწიფო ბანკში მიბარებას აწარმოებდნენ: ბ-ები –
ექვთიმე თაყაიშვილი, ზურაბ ავალიშვილი, იოსებ ელიგულაშვილი და ანდრია
დეკანოზიშვილი. ამ პირთა მიერ შედგენილი სიები, მათ მიერ ხელმოწერილი და
დაბეჭდილი ხელუხლებლივ შენახულია;
5) დღიდან ამ საგნების ბანკისთვის მიბარებისა არავის, არც პირადად, არც
წერილობით, ბანკისთვის არ მიუმართავს არამცთუ რაიმე ნივთის გამოსატანად ან
დასაგირავებლად, არამედ უბრალოდ დასათვალიერებლადაც (ამის შემოწმება ხომ
სულ ადვილია ბანკში);
6) თუმცა ამ საგნების დაცვის საკითხი არაერთხელ დასმულა «ეროვნულ
ცენტრში», მაგრამ არც ეროვნულ ცენტრს და არც მუზეუმების წარმომადგენელს ბ-ნ ე.
თაყაიშვილს არ მიაჩნდათ შესაძლებლად ამ ქონების უკეთესად დაცვა, თუ არა
არსებული წესით და იმ ქვეყანაში, რომელიც უკანასკნელ დრომდე ცნობდა ჩვენს
ეროვნულ უფლებებს და თავიდანვე დახმარება გაგვიწია ამ საგნების დაცვისთვის.
საგნების შესანახი ქირა ეროვნულ მთავრობას შეტანილი ჰქონდა იმ დრომდე,
სანამდისაც ბანკი ამას მოითხოვდა;
7) საფრანგეთის მთავრობა და ბანკი სთვლიდა საქართველოს ელჩს – აკ.
ჩხენკელს ფორმალურად ამ ნივთების განმკარგულებლად. ამიტომ საელჩოს
დახურვის წინ ელჩმა განცხადებით მიმართა საფრანგეთის მთავრობას, რომელშიც
იგი მოაგონებდა რა ამ ნივთების მნიშვნელობას, სთხოვდა მთავრობას, რათა ისინი
ისევე ხელუხლებლად შენახოდა ქართველ ერს, როგორც აქამდე ინახებოდა (იხ.
ელჩის – აკ. ჩხენკელის მიმართვა საგარეო საქმეთა მინისტრისადმი 28 ივნისს 1933 წ.);
8) საელჩოს დახურვის შემდეგ ქ-ნმა ობოლენსკისამ (თავ. მინგრელსკის ქალმა)
საჩივარი აღძრა – იმ ნივთებში ჩემი საგვარეულო ქონებაც იმყოფებაო (1920 წ.
დეკემბერში დამფ. კრების დეკრეტით თავ. მინგრელსკის ქონება სახელმწიფოს
საკუთრებად იყო გამოცახდებული) და ითხოვდა ამ ნივთების დაჭერას.
სასამართლომ მას უარი უთხრა საჩივარზე, ხოლო იმავე დროს დაადგინა (8 მაისს
1934 წ.), რადგან საქართველოს ეროვნული მთავრობა «გაჰქრა» (que ce Gouvernement
est disparu), ნივთები რომ არ დაიკარგოს, გადაეცეს დასაცავად ბ-ნ ჟუდონს
(რომელსაც აბარია აგრეთვე საფრანგეთში დარჩენილი რუსეთის ქონება);
9) თანახმად ასეთი დადგენილებისა, ნივთები გადმოტანილ იქმნა ბანკის მიერ
მარსელის განყოფილებიდან ამავე სახელმწიფო ბანკის მთავარ დაწესებულებაში
პარიზში. ეს მოხდა საქართველოს ელჩის (ახლა მას აღარ ცნობდნენ ელჩად) და ბ-ნ ე.
თაყაიშვილის დაუკითხავად და დაუსწრებლად, ხოლო თანდასწრებით, როგორც
ბანკში განაცხადეს, საფრანგეთის სხვადასხვა უწყებების წარმომადგენლებისა.
ამნაირად, საფრანგეთის მთავრობის წარმომადგენელს და სახელმწიფო ბანკს დააწვა
ამ მომენტიდან პასუხისმგებლობა ნივთების დაცვისა;
10) ასეთი მდგომარეობის წინაშე ბ-მა ექვთიმე თაყაიშვილმა, როგორც
საქართველოს მუზეუმების წარმომადგენელმა, მიმართა თხოვნით საფრანგეთის
მთავრობის თავმჯდომარეს (5 მაისს, 1935 წ.), სადაც იგი დაწვრილებით აუწყებდა
მას, რომ ეს ნივთები წარმოადგენენ არა საქართველოს მთავრობის, არამედ კერძო
მუზეუმების კუთვნილებას, რომ საქართ. ეროვნულ მთავრობას იგი მიბარებული
ჰქონდა შესანახად და ხელუხლებლად. იგი იმას ინახავდა, სანამ მას ამის საშუალება
წაერთმეოდა და სხვ. და სთხოვდა, ნივთები აღნიშნულ მუზეუმებს
კუთვნილებისამებრ დაბრუნებოდა.
ნივთები დღემდე ინახება საფრანგეთის სახელმ. ბანკში, პარიზში, საფრანგეთის
მთავრობის წარმომადგენლის – ბ-ნ ჟუდონის მეთვალყურეობით. როგორც ზევით
დავინახეთ, ისინი სავსებით დაცული და ხელშეუხებელი იყვნენ, სანამ საფრანგეთის
მთავრობა სცნობდა საქართველოს ეროვნულ მთავრობას და მის საელჩოს და სანამ ამ
უკანასკნელთ ფორმალური უფლება ამ საქმეში ჩარევისა არ წაერთვათ. ჩვენ
ვიმედოვნებთ, რომ საფრანგეთის მთავრობა აღნიშნულ ნივთებს კუთვნილებისამებრ
ჩვენს მუზეუმებს გადასცემს.

ყოფილი ელჩი აკ. ჩხენკელი

მუზეუმების წარმომადგენელი და სამუზეუმო

განძეულობის მეთვალყურე

ექ. თაყაიშვილი.
 მიმართვა ქართველი ემიგრაციისადმი

იყო დრო და ეს არც ისე დიდი ხანია, როცა ჩვენი ინტელიგენცია ერთობ
გულგრილად უცქეროდა ქართულ საკულტურო ნაშთებს და თავს არ იწუხებდა მათი
შეგროვებისა და გამოცემისათვის. ამ გულგრილობამ დიდძალი პირველი
ხარისხოვანი ძეგლები დაგვიკარგა: რაც მამებს თავიანთ ძველ ოჯახებში დაგროვილი
ჰქონდათ, შვილებმა დაკარგეს.
ამჟამად, ჩვენდა საბედნიეროდ, იშვიათია ისეთი განათლებული ქართველი,
რომელსაც არ შეეგნოს და რომელიც არ ცდილობდეს ქართული ისტორიის და
ლიტერატურის გაცნობას. ეროვნული მიმართულება თანდათან ღვივდება და ეს
თავისთავად იწვევს ქართული კულტურის შესწავლას.
ქართული სულიერი, გონებრივი და მატერიალური კულტურა რთულია,
მრავალმხრივია და ბევრ რამეში მეტად თავისებურია. იშვიათია პატარა ერი,
რომელსაც ასეთი მდიდარი ძველი კულტურა ჰქონოდეს. ამ კულტურამ გადაარჩინა
ქართველი ერი მოსპობას ჟამთა ვითარების აბობოქრებული ქარტეხილისაგან, მისცა
უნარი სიმტკიცისა, გამძლეობისა და ყოველი ჭირის გადატანისა.
ვინც ამ კულტურას ასე თუ ისე არ იცნობს, ის არასოდეს არ იქნება ნამდვილი
ქართველი, ჭეშმარიტი ქართული სულის მატარებელი, მას გადაგვარება მოელის, თუ
უკვე გადაგვარებული არ არის. ამიტომ ყველა მოვალე ვართ, ხელი შევუწყოთ ჩვენი
კულტურის საფუძვლიანად შესწავლას, რაც პირველ რიგში უნდა გამოიხატოს
საკულტურო მასალების შეკრებაში და უკვე შეკრებილის გამოქვეყნებაში, უამისოდ
ჩვენ ვერ აღვადგენთ ჩვენი კულტურის ნამდვილ სახეს და ვერ შევიგნებთ მის
ცხოველმყოფელ ძალას, რომელიც იხატებოდა პირველ ყოვლისა მდიდარი ქართული
ენის განვითარებაში, სასულიერო და საერო ლიტერატურაში, პოეზიაში,
ფილოსოფიაში, ხუროთმოძღვრებაში და სხვა ყველა ხელოვნების დარგში, რჯულის
და ზნეობის სიმტკიცეში, სოციალურ წყობილებაში, მეურნეობაში, ეკონომიკაში და
სხვა.
ქართველთა მიერ ქართული ძეგლების შეკრება იწყება მხოლოდ წერა-კითხვის
საზოგადოების დაარსებიდან. ამას ხელი შეუწყო კიდევ საეკლესიო მუზეუმის
დაარსებამ და განსაკუთრებით განაცხოველა საისტორიო და საეთნოგრაფიო
საზოგადოების დაარსებამ. ეხლა მას აგვირგვინეს ჩვენს დროს დაარსებული
ქართული უნივერსიტეტი და ხელს უწყობენ ჩვენი მუზეუმები.
კვეხნაში ნუვინ ჩამომართმევს, თუ ვიტყვი, რომ მე წილად მხვდა სხვებთან
ერთად ჩემი სუსტი ღონე და მცირე თავისუფალი დრო, სპეციალური საპედაგოგო
მოღვაწეობიდან გადარჩენილი, მთლად შემეწირა ქართული საისტორიო და
საკულტურო საგნების და მასალების შეგროვებისათვის, ცნობაში მოყვანისათვის,
აღწერისა და გამოცემისათვის. ამ მიზნით ხშირად მიხდებოდა მოგზაურობა და
ექსპედიციების მოწყობა საქართველოს სხვადასხვა კუთხეებში. შეგროვილი
დიდძალი მასალა დაცულია ჩვენს მუზეუმებში, მცირე ნაწილი გამოცემულია, და
ვინც ჩვენს ლიტერატურას თვალს ადევნებდა, დაინახავდა, თუ როგორც შეუწყვეს
ხელი ამ გამოცემებმა ჩვენი ისტორიის, ლიტერატურის და ხელოვნების შესწავლას.
ხოლო ერთი ნაწილი მასალებისა თანა მაქვს და გამოუცემელი რჩება, საქმე კი
საშურია: დრო მიდის, მე მივიწურე აღსასრულისაკენ «ადამის ტომთა წესითა», და
ჩემს შემდეგ ამ მასალას თავს ვერავინ გაართმევს. თანა მაქვს, სხვათა შორის,
შესანიშნავი სახუროთმოძღვრო ძეგლების გეგმები სამუსულმანო საქართველოსი და
მრავალი ფოტოგრაფიული სურათი, მათ შორის, ისეთი პირველხარისხოვანი
ძეგლების სურათებიც, რომელნიც დღეს სამუდამოდ მოსპობილია და მხოლოდ ჩემი
აღწერილობა და გადმოღებული სურათებია დარჩენილი. ამათ გამოცემას
მპირდებოდნენ ექვს დიდ ალბომად, მაგრამ ეს იმედი ახლა გაქრა, ამაზედ ოცნებაც
მეტია, ვინაიდან ამას, სულ ცოტა რომ ვთქვათ, სჭირდება ნახევარ მილიონ ფრანკზე
მეტი. ისიც დიდი საქმე იქნება, თუ აღწერილობათა ტექსტები გამოვეცით. ეს
შეადგენს დაახლოებით 2000 გვერდს შუა ფორმატის წიგნისას. რასაკვირველია, ეს
რამდენიმე წიგნად უნდა გამოვიდეს.
ამიტომ გავკადნიერდები, ვინაიდან ეს საზოგადო ქართული საკულტურო
საქმეა, და მივმართავ ყველა საზღვარს გარეთ მყოფ ქართველ ორგანიზაციას და
თვითეულ საზღვარ გარეთ მყოფ ქართველს განურჩევლად პარტიისა, კეთილ ინებონ
და ვისაც რა შეუძლია, რამდენიც შეუძლია, დაგვეხმარონ ამ საქმეში. ვისაც ეხერხება,
ერთდროული თანხა მოგვაწოდოს; ვისაც ეს არ ეხერხება, თვიურად ერთი წლის
განმავლობაში ათ-ათი ფრანკი შემოიტანოს. უფრო ხელმოკლეთ შეუძლიათ
თვიურად ხუთ-ხუთი ფრანკი გადადონ. რასაკვირველია, ვინც უმუშევარია, მათ ეს
მიმართვა არ ეხება. კერძოდ, იმ ორგანიზაციებისათვის, რომელნიც გაზეთებს სცემენ,
ჩემი წინადადება არის, ერთი-ორი ნომრის გამოცემა შეაჩერონ და მათი ფასი ამ
საქმისთვის გადადონ. ამით მე მგონია, დიდი არაფერი დაშავდება.
მე მოწამე ვარ იმ საოცარი ევოლუციისა, რომელიც ჩვენში მოხდა ამ საკითხში.
თუ პირველ ხანებში ამ დარგში მუშაობის დროს მე სასაცილოდ მიგდებდნენ, თავს
მესხმოდნენ, განსაქიქებელ წერილებს მიძღვნიდნენ, – საისტორიო და საეთნოგრაფიო
საზოგადოების დაარსების შემდეგ მტრული განწყობილება სიმპათიად შეიცვალა.
ყველამ დიდი პატივი დამდო. ძვირად თუ ვისმეს გავუწბილებივარ საყურადღებო
ხელნაწერების და ნივთების შემოწირვაში. რაშიც ფულს ვაძლევდით, იმასაც სულ
იაფად გვითმობდნენ. ათი წლის განმავლობაში დიდი მუზეუმი შევქმენით და
მილიონი მანეთის უძრავი მამულები შევიძინეთ. ის ანდერძები, რომელნიც
დაგვიტოვეს აკაკი წერეთელმა, დავით სარაჯიშვილმა, ნესტორ პეტრიაშვილმა,
ღუდუშაურებმა და ბევრმა სხვებმა (ხოლო ჩვენ რევოლუციის და ფულის დაცემის
გამო ნაკლებად ვისარგებლეთ), მოწმობენ ძირითად გარდატეხას და მტკიცე შეგნებას
ჩვენი ძველი კულტურის შესწავლის აუცილებელი საჭიროებისა. ერთი სიტყვით,
მთელმა საქართველომ დიდი პატივი დაგვდო და ხელი შეგვიწყო. თუ ასეთი
სიმპათია გამოჰყვა ემიგრაციასაც, მაშინ ეს ჩემი წინადადება, დარწმუნებული ვარ,
პატივით იქნება მიღებული. სამწუხაროდ, ჩვენი ემიგრაცია დაქსაქსულია
პოლიტიკური მიმართულების თვალსაზრისით. ამ საქმეში მაინც შევვერთდეთ. იქნებ
ამ შეერთებამ სხვა დიდ საქმეშიც შეერთება გამოიწვიოს. ღმერთმა ქნას!
ახლო ხანში 50 წელი შესრულდება, რაც მე საპედაგოგო დარგში და ამ დარგში
დავიწყე მუშაობა. ამის გამო ზოგმა ჩემმა ყოფილმა შეგირდმა მომმართა
წინადადებით იუბილის მოწყობისა, რაზედაც, რა თქმა უნდა, უარი განვაცხადე:
პირველად – იმიტომ, რომ საიუბილეო არაფერი გამიკეთებია, – მე მხოლოდ ჩემს
ქართულ მოვალეობას ვასრულებდი; მეორედ – იმიტომ, რომ კიდევაც ღირსი ვიყო
იუბილესი, ჩვენს პირობებში, ემიგრაციაში, იუბილე ვის გაუგონია! არ ეგების!
იუბილეზე მეტად ჩავთვლი და უფრო სასარგებლოც იქნება, თუ ამ გამოცემათა
საშუალებას მომიხერხებენ.
ნუვინ დამწამებს, თითქოს მე ჩვენი ემიგრაციის სიღარიბე არ ვიცოდე. არა,
ძლიერ კარგად ვიცი, მაგრამ ისიც კარგად ვიცი, ჩვენში საზოგადო საქმე, თუ რამე
გაკეთებულა, ისევ ღარიბი ქართველის ჯიბით და მისი ინტელიგენციის წყალობით.
მდიდრები ცოტა გვყვანდნენ და ვინც გვყვანდა, ბევრი საიმისო არაფერი
გაუკეთებიათ. თუ გული გულობს და ყველანი შევერთდებით, საერთო წვლილითაც
ამ საქმეს ეშველება. ეს არის პირველი და უკანასკნელი ჩემი თხოვნა ქართველი
ემიგრაციისადმი. ვინც პატივს დაგვდებს და დაგვეხმარება ამ საქმეში, მათ ვთხოვ
წინდაწინვე მიიღონ ჩემი უღრმესი მადლობა და თანაგრძნობა.

პატივისცემით ექვთიმე თაყაიშვილი

25 ნოემბერი, 1936 წ.

P. S. ვთხოვ სხვა ქართულ გამოცემას, გადაბეჭდონ ეს ჩემი მიმართვა.

წერილი რედაქციის მიმართ

ბატონო რედაქტორო!
უმორჩილესად გთხოვთ თქვენი გაზეთის მორიგ ნომერში ადგილი დაუთმოთ ამ
ანგარიშს და მცირე შენიშვნას.
ჩემი «მიმართვა ქართველი ემიგრაციისადმი» 25 ნოემბრიდან 1936 წლისა დიდ
თანაგრძნობას იწვევს ჩვენს საზღვარს გარეთ მყოფ მოძმეთა შორის. ბევრი წერილი
მომდის თანაგრძნობისა და სიმპათიისა, რასაც ზნეობრივად ჩემთვის დიდი ფასი
აქვს. ზოგმა უკვე მომაწოდა და უფრო მეტი მპირდება ერთდროულად თუ თვიურად
თავისი წვლილის მოწოდებას. მე მოკლებული ვარ საშუალებას, ყველას ცალკე
წერილით მადლობა გადავუხადო და პასუხი გავცე. ამიტომ ვსარგებლობ თქვენი
გაზეთით და უღრმეს მადლობას ვუცხადებ ყველას, ვინც თავისი წვლილი
მოგვაწოდა და ვინც დაგვპირდა მოწოდებას თვიურად თუ ერთდროულად. ზოგი
მთხოვს განვმარტო, რამდენი დაჯდება მთელი გამოცემა, რა მასალები იქნება შიგ
მოქცეული, რამდენი თანხა უკვე შემოვიდა, რამდენს არიან თვიურად დაპირებულნი
და სხვა. სიამოვნებით ვასრულებ მათ სამართლიან სურვილს.
როგორც ჩემს მიმართვაში იყო უკვე მოხსენებული, ქართული ტექსტი
მასალებისა, უსურათებოდ იქნება 2.000 გვერდამდე შუა ფორმატის წიგნისა. ეს
შეადგენს 125 ფორმას; ფორმაში იქნება 16 გვერდი. მცოდნე პირთა დახმარებით ჩვენ
შევკრიბეთ ყველა ცნობა. გამოირკვა, ეხლანდელი ფასების მიხედვით თითო ფორმა
ეღირება 450-500 ფრანკამდე. აქ მიღებულია მხედველობაში სიძვირე მასალებისა,
რომელიც დღითიდღე მატულობს. მაშასადამე, მთელი გამოცემა დაჯდება 62.500
ფრანკი, ყოველგვარი ეკონომიის გაწევით – არანაკლებ 60.000 ფრანკისა. მასალები
გამოვა ექვს წიგნად. შევუდგებით ბეჭდვას, როცა პირველი წიგნის – 20 ფორმის ფასის
თანხა შესდგება, ესე იგი 320-გვერდიანი წიგნისა, რაც დაჯდება 10.000 ფრანკი.
წიგნებში მოთავსებული იქნება მასალები, შეკრებილი ჩვენს მიერ მოწყობილი
ექსპედიციებისა: ყოფილ ოლთისის ოკრუგში ყარსის ოლქისა, 1907 წელს (ეს ოკრუგი
შეადგენდა ძველი ტაოს ნაწილს), სამუსულმანო საქართველოში «ტაო ისპირში» 1917
წელს; ლეჩხუმ-სვანეთში – 1910 წელს; იმერეთში, რაჭაში და გურიაში სხვა და სხვა
დროს. ხასიათი და მნიშვნელობა მასალებისა იქნება ისეთი, როგორიც არის ჩვენს
მიერ გამოცემულ წიგნებში ქართულად და რუსულად (იხ. «არქეოლოგიური
მოგზაურობანი და შენიშვნანი», წიგნი I და II); ასეთივე ხუთი წიგნი რუსულ ენაზე
და «მატერიალი პო არხეოლოგიი კავკაზა», წიგნი მე-12, მოსკოვში გამოცემული;
სტატიები პეტერბურგში «ხრისტიანსკი ვასტოკ»-ში, ტომი 4, 5, 6); კავკასიის
ისტორიულ-არქეოლოგიური ინსტიტუტის გამოცემაში, ტ. II; ტფილისის
უნივერსიტეტის მოამბეში, ტ. I და ამ ბოლო დროს ლონდონში გამოცემული
«Georgica»-ში, ტომი I, წიგნი 2 და 3.

ფულის ანგარიში
დღემდე მიღებულია ერთდროულად:

ფრანკი
1. უცნობი პირისაგან, რომლის ვინაობა ბოლოს
იქნება გამოცხადებული 1.000
2. ნოე ცინცაძე 500
3. ელენე და ნიკო აბხაზი 100
4. ვარშავის ქართველთა ასოციაცია 250
5. გრიშა უჩაძე 100
6. ანტონ ჟორჟოლიანი 50
7. ნიკო სიდამონ-ერისთავი 50
8. ვალიკო ფიჩხაია (პრაღა) 105
9. ინჟ. პავლე ჟორჟოლიანი (პრაღა) 35
10. ირაკლი ოთხმეზური (ბრიუსელი) 70
11. პარიზის «ქართული კერა« (ქ-ნ სონა კედიას
მიერ წარმოგზავნილი 100
12. ქ-ნი სონა კედია თავისი ოჯახის სახელით ამჟამად 25
13. მარკოზ ტუღუში (ბელგია) ბელგ. ფრანკი 250
14. ინჟ. დ. ბერეკაშვილი ” ” 140
15. გ. გაბუნია ” ” 10
16. ირაკლი ჯაფარიძე ” ” 20
17. დ. ბრეგვაძე ” ” 15
18. ნიუ-იორკის ქართველთა საზოგადოებისაგან ჯერხანად 50 დოლარი
(დაპირებული არიან სულ 400 დოლარს).
 თვიურად შემოტანა აღგვითქვეს
ერთი წლის ვადით:

1) სოშოში მყოფმა ქართველმა მუშებმა (40 კაცამდეა) ათ-ათი ფრანკი თვიურად

და ამას გარდა ერთდროულად 1.000 ფრანკი.
2) ივანე ზურაბიშვილის ოჯახმა შვილებითურთ ორმოცდაათი ფრანკი
თვიურად (სამი თვის 150 ფრ. უკვე შემოტანილი აქვთ).
3) ექიმმა კალისტრატე კახიანმა, რომელიც პოდკარპატის რუსში ცხოვრობს,
ჩეხოსლოვაკიაში ბ-ნ შალვა აბდუშელიშვილის საშუალებით მაცნობა, რომ ის
შემოიტანს 300 ფრანკს – ამას თვიურად; აპრილიდან დაწყებული ექვსი თვის
განმავლობაში გაანაღდებს თვით ბ-ნი შ. აბდუშელიშვილი (აპრილისთვის 50
ფრანკი უკვე შემოიტანა).
4) ექიმმა ვახტანგ ღამბაშიძემ სიძეებითურთ თვიურად ოცდაათი ფრანკი (ერთი
თვის უკვე შემოტანილი აქვს).
5) სერგო იმნაძემ ერთდროულად დაგვპირდა 50 ფრანკი, ხოლო თვიურად ათ-
ათი ფრანკი.
6) გიორგი ჟურულის ოჯახმა შვილებითურთ თვიურად ათ-ათი ფრანკი.
7) ათ-ათი ფრანკის შემოტანა იკისრეს და ორი თვის უკვე შემოიტანეს პარიზში
მყოფმა შემდეგმა პირებმა: ს. მდივანმა, ა. ჩხენკელმა, ნ. ჟორდანიამ, ი.
სალაყაიამ, ი. ნუცუბიძემ, ე. გეგეჭკორმა, კ. კანდელაკმა, კ. ქავთარაძემ, სოს.
ასათიანმა, ს. გოგოლაშვილმა.
8) ბელგიაში მყოფმა ქართველებმა აღგვითქვეს თვიურად ოც-ოცი ბელგიური
ფრანკი: ლაზრიშვილმა ივანემ (უკვე შემოიტანა ოთხი თვის სარგო),
ოთხმეზურმა ირაკლიმ (შემოტანილი აქვს ორი თვის სარგო), ყიფიანმა
რუსუდანმა (შემოტანილი აქვს ორი თვის სარგო), ჯოხაძე არჩილმა
(შემოტანილი აქვს ერთი თვის), ყავლიშვილმა გიორგიმ (შემოტანილი აქვს
ერთი თვის), ქიქოძე მაქსიმემ (შემოტანილი აქვს ორი თვის 30 ფრანკი). ათ-
ათი ბელგიური ფრანკი აღგვითქვეს: ტატიშვილმა იაკობმა (ორი თვის უკვე
შემოტანილი აქვს) და უცნობმა პირმა (ორი თვის შემოტანილი აქვს 15
ფრანკი).
ამას გარდა, დაპირება თავისი ხვედრის მოწოდებისა სხვებისგანაც
გვაქვს წერილობით, მაგრამ ვინაიდან რაოდენობა თანხისა არ აღუნიშნავთ,
ამიტომ მათ ვინაობას ჯერ საჭიროდ არა ვპოებ გამოვაცხადო.
სულ დღემდე, 23 აპრილამდე, შემოსულია ფრანგული ფრანკით რომ
ვიანგარიშოთ, 4.365 ფრანკი.
თქმა არ უნდა, მთელი თანხა, რაც შემოვა, მოხმარდება მხოლოდ და
მხოლოდ გამოცემებს და პირადად ჩემთვის ერთი ფრანკი არ იქნება
დახარჯული.
ამ მიზნით ფული, რაც შემოვიდა 22 აპრილამდე, გადაეცა და რაც შემოვა
შემდეგ, კვლავ გადაეცემა ქართველთ Office-ში ბატონ კ. კანდელაკს. ჩემი
თხოვნით ის მიიღებს შრომას, გაიღოს ყოველი ხარჯი გამოცემისა. საბოლოო
გამოცემას დართული ექნება სრული ანგარიში და სია შემომწირველთა, ხოლო
ასეთივე ანგარიში დროგამოშვებით მოთავსებული იქნება ამავე გაზეთში.
 ანგარიში

ქართული საარქეოლოგიო და საკულტურო

მასალების გამოცემის ფონდისა

როგორც «დამ. საქართველოს» ამა წლის აპრილის გამოცემაში იყო

მოხსენებული (№134, გვერდი 14–15), 23 აპრილისათვის ფონდის შემოსავალი
იყო 4.365 ფრანგული ფრანკი. მას შემდეგ შემოვიდა:

1. ლიდა და მიხეილ უბირიასაგან (პრაღა) – 100 ფრ.

2. სერგო იმნაძისაგან – 50 ფრ.
3. პარიზის ქართველთ ახალგაზრდა წრისაგან (ლ. ზურაბიშვილის და ბ.
რამიშვილის მიერ წარმოგზავნილი) – 300 ფრ.
4. კალისტრატე კახიანისაგან (შ. აბდუშელიშვილის მიერ შემოტანილი) – 50
ფრ.
5. პოლონეთში მყოფ ქართველთ ოფიცრებისაგან (ბ. ბაგრატიონის მიერ
წარმოგზავნილი. სახელები შემომწირველთა ბოლოს იქნება
გამოცხადებული) – 423 ფრ.
6. ივანე ზურაბიშვილის ოჯახისაგან – 150 ფრ.
7. სოშოს ქართველი მუშებისაგან (სახელები შემომწირველთა წლის ბოლოს
იქნება გამოცხადებული) – 560 ფრ.
8. ვალიკო ფიჩხიასაგან (ჩეხოსლოვაკია, ლომთათიძისაგან წარმოგზავნილი.
ბ-ნი ვალიკო მეორედ გზავნის ასეთ თანხას) – 105 ფრ.
9. პარიზის ცენტრის წევრებისაგან – 300 ფრ.
10. პარიზში ქალთა კომიტეტის მიერ შეგროვილი (რომელშიც 200 ფრანკი
შეგროვილია ლიდა და გიორგი ნოზაძისაგან; 300 ფრ. – პარიზის
დრამატული დასის «დამხრჩვალი ჩხიკვი»-საგან; 200 ფრ. – პარიზის
«შავარდენის კარვედის გუნდი»-საგან; 100 ფრ. – ბ-ნ ლ. რუხაძის მიერ
შეგროვილი; 50 ფრ. – M-e Brummaultdes Houlieres-რისგან; 50 ფრ. - ბ-ნ ლ.
ჭურღულაშვილისგან) 800 ფრანკი.
11. კ. ქავთარაძისაგან წინათ შემოტანილი (ის შედის პარიზის ცენტრის
წევრებშიც) – 10 ფრ.
12. ბრიუსელში მყოფი ქართველებისაგან (რუსუდან ყიფიანი, ვ.
ლაზარიშვილი და ი. ოთხმეზურისაგან) – 120 ბელგ. ფრანკი.
13. ჟურნალ «სამშობლოს» რედაქციისაგან – 100 ფრ.
სულ დღემდე, 13 ივლისამდე, შემოსულია ფრანგული ფრანკით რომ
ვიანგარიშოთ, 7.428 ფრ.
გულითადი მადლობა ყველა ზემოაღნიშნულ შემომწირველთ.
 ანგარიში

ქართული საარქეოლოგიო და საკულტურო

მასალების გამოცემის ფონდისა

როგორც «დამ. საქართველოს» ამა წლის ივლისის გამოცემაში იყო მოხსენებული

(№137, გვ. 16), 23 ივლისს ფონდის შემოსავალი იყო 7.428 ფრანკი.
მას შემდეგ შემოვიდა:

ნიუ-იორკის ქართველებისაგან კერძოდ შეკრებილი სპეციალური კომისიის

მიერ და ირაკლი ორბელიანის მიერ წარმოგზავნილი (სია შემომწირველთა ჯერ არ
მიგვიღია) – 46 დოლარი.
ირ. ოთხმეზურისაგან და ივ. ლაზრიშვილისაგან (ბრიუსელი) – 151 ფრ.
პარიზის ცენტრის წევრებისაგან – 300 ფრ.
ჟურნალ «სამშობლო»-ს რედაქციისაგან (ალ. ასათიანის მიერ გადმოცემული) –
300 ფრ.
ივანე ზურაბიშვილის ოჯახისაგან – 150 ფრ.
კოლია ქვარიანისაგან – 100 ფრ.
ინჟინერ ნიკო დოლიძისა და მისი მეუღლის ვარდოთისაგან (პრაღა, ემელ.
ლომთათიძისაგან მოწოდებული) – 300 ფრ.
ევთიმი მსხეთელისაგან (სოშო) – 50 ფრ.
გიორგი ჟღენტისაგან (ლევილი) – 30 ფრ.
სულ დღემდე, 23 ოქტომბრამდე შემოსულია – 8.809 ფრანკი და 46 დოლარი.
გულითადი მადლობა ყველა ზემოაღნიშნულ შემომწირველთ.

შ ე ნ ი შ ვ ნ ა. შეცდომის გასწორება. გასული 23 ივლისის ანგარიშში («დამ. საქ.»

№137) შეცდომით წერია: 200 ფრანკი შეგროვილია ლიდა და გიორგი
ნოზაძეებისაგან». უნდა იყოს: «200 ფრ. შემოწირულია ლიდა და გიორგი
ნოზაძეებისაგან».
 წინასიტყვაობა თამარ პაპავას წიგნზე:
«დიდი სახეები პატარა ჩარჩოებში»

პარიზი, 1937

ქალის განსაკუთრებული როლი ქართულ ისტორიაში ცნობილია. ქალი იყო

ქართული ოჯახის ბურჯი, სიმტკიცე და საფუძველი სახელმწიფოსი. ქართველი
ქალის ხელთ იყო არა მარტო სამეურნეო ნაწილი ოჯახისა, არამედ უმთავრესად
შვილების აღზრდა, წერა-კითხვის სწავლება, ქართულ ზნეთა და რწმენათა ჩანერგვა.
ქართველი ქალი უზრდიდა საქართველოს ღირსეულ შვილებს. არანაკლები იყო
ქართველი ქალის როლი პოლიტიკაშიც, სახელმწიფოს მართვა-გამგეობაში.
საკმარისია გავიხსენოთ ის ფაქტი, რომ საქართველოს აყვავების ხანა, – მისი
პოლიტიკური და კულტურული ზენიტი ქალის მეფობას ხვდა, – ბრძენმა თამარ
მეფემ დააგვირგვინა.
ყურადღების ღირსია აგრეთვე ფაქტიც, რომ 1832 წ. შეთქმულებაში, რომლის
მიზანი საქართველოს სუვერენობის აღდგენა იყო. შეთქმულთა მოთავე, მათი
სულისჩამდგმელი და განმკარგულებელი ქალი იყო – ბატონიშვილი თამარი, ასული
იულონ ბატონიშვილისა. ის ხომ წინდაწინვე მეფედ იყო დასახული.
ქართველი საზოგადოების გამაერთიანებელი ყოველთვის ქალი იყო. არავის
შეეძლო ერთობა დაემყარებინა სხვადასხვა ჯგუფში, როგორც ქართველ წარჩინებულ
ქალს, რომლის ირგვლივ იკრიბებოდნენ საუკეთესო მამულიშვილები. ეს როლი
ქართველმა ქალმა შეინარჩუნა მე-19 საუკუნის პირველ ნახევრამდე. მისი
უკანასკნელი წარმომადგენელი მანანა ორბელიანისა იყო. ხოლო შემდეგ, რუსულ
ინსტიტუტებში აღზრდილ ქალებს, უმეტეს შემთხვევაში, ქართული ზნე და უნარი
აღარ ეტყობოდათ. მოწინავე საზოგადოების ქალებმა შეითვისეს გარეგანი, უფრო
უარყოფითი მხარეები ევროპული განათლებისა და გადაგვარებისაკენ მიიხარენ.
ჩვენს დროს აღარ იყო წარჩინებული, ქართულ ტრადიციაზე აღზრდილი
ბანოვანი, რომელსაც შეძლებოდა მოწინავე საზოგადოებისა და ინტელიგენციის
გაერთიანება. გაისმა უკმაყოფილება ქართველი ახალი თაობის ქალისადმი, მათი
ფუქსავატობისა, ნაციონალური მიმართულების ღალატისა და სხვა. რასაკვირველია,
ეს მიმართულება საერთო იყო როგორც ვაჟების, ისე ქალებისთვისაც; მაგრამ ქალებს
ეს უფრო დაეტყოთ, ვიდრე ვაჟებს.
თქმა არ უნდა, ჩვენს დროსაც გვყვანდნენ საზოგადო ასპარეზზე მომუშავე
ქალები, რომლებმაც თავი იჩინეს მწერლობაში, ქველმოქმედებაში, ხელოვნებაში,
განსაკუთრებით არტისტულ მოღვაწეობაში, აღმზრდელობაში და სხვა დარგებში,
მაგრამ ეს ყველაფერი ვერ შეედრება იმ თვალსაჩინო როლს და უნარს, რომელსაც
წინანდელი ბანოვანები იჩენდნენ.
ამ მხრივ მართლაც გამონაკლისს შეადგენს ქალბატონი თამარ გოგოლაშვილის
ასული პაპავასი, რომლის წინამდებარე ისტორიული ნარკვევები – «დიდი სახეები
პატარა ჩარჩოებში» – ფრიად სასიამოვნო მოვლენას წარმოადგენს ჩვენს
ლიტერატურაში. ამ დარგში ქართველ ქალს ჯერ არ უმუშავნია. ეს პირველი ცდა
არის ცდა ღირსეული და თვალსაჩინო.
ავტორს საკმაოდ შეუკრებია გამოქვეყნებული მასალები და ეს არც ისე ადვილია
ევროპაში. ჩვენ ვამბობთ ევროპაში, თორემ საქართველოში, რა თქმა უნდა, მეტი
მასალის მოპოვება შეიძლებოდა, მეტადრე ხელნაწერებში.
ყველაზე უფრო სასიამოვნო აღსანიშნავია, რომ ავტორი საუცხოოდ ერკვევა ამ
მასალებში და საერთოდ შესაფერად ახასიათებს თითოეულ მოღვაწეს.
მთელი წიგნი ექვსი ნარკვევისაგან შედგება და თვითეულ ნარკვევს
მონოგრაფიული ხასიათი აქვს... თუმცა ავტორს მთავარ მიზნად დაუსახავს
გვაჩვენოს ქართველი ქალის როლი, ღვაწლი და განცდები იმ გმირულ ბრძოლებში,
რომლებსაც აწარმოებდნენ თავისუფლების შესარჩენად საქართველოს ყოფილი
სამეფოები, სამთავროები თუ განსაკუთრებული კუთხეები, მაგრამ აქ საკმაოდ
ვრცლად წარმოდგენილია მთელი ისტორია ამ უთანასწორო ბრძოლებისა და
დახასიათებულია ყველა მებრძოლი, როგორც მამაკაცები, ისე დედაკაცები.

პირველ ნარკვევში – «მეფე ერეკლეს ქალები» – რელიეფურად გამოსჭვივიან

სახეები დედოფლის დარეჯანისა და ირაკლის ასულთა, სახელდობრ, ქეთევანისა,
მარიამისა და თეკლასი. ესენი იყვნენ პოეტები და მათ საუცხოო ელეგიებში
აღბეჭდილია მათი მწვავე განცდები ქართლ-კახეთის სამეფოს გაუქმების გამო. ესენი
იყვნენ თვალსაჩინო წევრნი 1832 წლის შეთქმულებისა და სხვებთან ერთად იგემეს
რუსთა სასჯელი. ამათში პოეტური ნიჭით უფრო მძლავრია მარიამი – ცოლი ქალაქის
მოურავის დავით ციციშვილისა, ხოლო თეკლა ბატონიშვილი ხომ განთქმული იყო
თავისი სილამაზით, მამაკაცური მხნეობით, ჭკუით და გავლენით; ეს იყო დედა
პოეტის ვახტანგ ორბელიანისა და მწერალი პატრიოტის ალექსანდრე ორბელიანისა51.

მეორე ნარკვევში – «ქართველი ქალი და 1832 წლის შეთქმულება» –

მოთხრობილია ისტორია ამ შეთქმულებისა და ის როლი, რომელი წილად ხვდა
თამარ ბატონიშვილს, ფრეილინას, ბატონიშვილის იულონის ასულს და მასთან
მთელ გუნდს ქართველი ქალებისა.

მესამე ნარკვევი – «ალექსანდრე ბატონიშვილი და მისი ოჯახის ბედი» –

მოგვითხრობს ისტორიას ალექსანდრე ბატონიშვილის დაუღალავი ბრძოლებისა და
მის დაქორწინებას მელიქ სააქის ასულზე მარიამზე, რომელიც თავრიზის აღების
შემდეგ ხელში ჩაუვარდა რუსებს თავისი პატარა შვილით, ირაკლითურთ.

51ალექსანდრე ორბელიანის ნაწერები, ორბელიანთ სიგელ-გუჯრებთან ერთად, მე გამოვითხოვე

პატივცემულ მარიამ ვახტანგის ასულ ორბელიანისაგან და ჩავაბარე წერა-კითხვის საზოგადოებას;
აღვნიშნე მათი ნუსხა საზოგადოების წიგნთსაცავის კატალოგში, ხოლო შემდეგ მათი მოკლე
აღწერილობა მოვათავსე ჩემს რუსულად გამოცემულ კატალოგშიც. ვისაც ეს მასალები გადაუკითხავს,
დაინახავდა, თუ რა მოკრძალებითა და ნაზი სიყვარულით ეპყრობა ყველაფერში დედას ალექსანდრე:
თეკლა მისთვის ღმერთია; მის დაუკითხავად და რჩევის გარეშე ალექსანდრე არაფერს აკეთებს; ის
დედასთან ყველაფერში გულახდილია, ისეთ საქმეშიც, რომელსაც მამაკაცი დედაკაცს, თუნდაც
დედას, იშვიათად გაუმჟღავნებს. ამას მოწმობს ალექსანდრეს მიერ დაწერილი თავისი გულუბრყვილო
ავტობიოგრაფია.
მოთხრობილია თავგანწირული ბრძოლა ამ ჭკვიანი ქალისა, რომ რუსეთში არ
წაეყვანათ მისი შვილი, რომელიც, რასაკვირველია, ბოლოს და ბოლოს ძლეულ იქმნა.

მეოთხე ნარკვევში – «იმერეთის ქალების ეპიზოდები დასავლეთ საქართველოს

ბრძოლათა ისტორიიდან» – ვრცლადაა მოთხრობილი ჯერ სოლომონ მეფისა და
შემდეგ იმერეთის დიდებულების გმირული ბრძოლები და თავგანწირვა
თავისუფლების შერჩენისათვის, და ქალების განსაცვიფრებელი ბრძოლანი და
ხერხიანი მოქმედებანი მამაკაცებთან ერთად, თუ ცალკე, მაგალითად, აბაშიძის
ასულის, ეკატერინე წერეთლის მიერ «მოდი ნახე» ციხის დაცვა და სხვა.

მეხუთე ნარკვევში – «სამეგრელოს დედოფალი ნინო» (იყო ასული მეფის გიორგი

მეთორმეტისა) – მოთხრობილია საკმაოდ ვრცლად მთელი ისტორია სამეგრელოს
სამთავროსი დღიდან რუსეთის პროტეკტორატის დამყარებისა და ენერგიული ცდები
ნინოს მიერ სამეგრელოს ავტონომიის შერჩენისა და მისი გავლენის განმტკიცებისა
აბხაზეთზე.

მეექვსე ნარკვევი – «ბატონიშვილი დარეჯანი» (იყო იმერეთის მეფის სოლომონ

პირველის ასული, მეუღლე ქაიხოსრო აბაშიძისა) – მოგვითხრობს ამ ქალის
ლეგენდარულ მოქმედებას, შეუპოვრობასა და ბრძოლის უნარს, რომელიც ვერ
დაატოვებინა ვერც ქმრის ბრძოლის ველზე სიკვდილმა, ვერც შვილების ბრძოლაში
დახოცვამ და სხვა ათასმა უბედურებამ.

ნარკვევებში დახასიათებულია საქართველოს მთავარმართებელნი და მათი

ხელქვეითნი, იმერეთის გამგებელნი – სიმონოვიჩი, მაგილესკი, გორჩაკოვი,
პუზირევსკი – ეს ყოვლად საზიზღარი ჯალათი, რომელსაც მამაცმა გურიელმა
მოუსპო სიცოცხლე შემოქმედის მონასტერთან 52, და სხვები.

ზურაბ წერეთელი გაკვრით არის მოხსენებული, თუმცა ის იმ დროს იმერეთში

პირველი კაცი იყო, ჭკვიანი და მოხერხებული, მაგრამ მასთან ცბიერი და ეგოისტი.
პირველად მისი მისწრაფება იყო რუსების შემწეობით თვით გამეფებულიყო
იმერეთში და ამაში რუსის მთავრობაც აგულიანებდა.

განსვენებულმა ალექსანდრე ჭყონიამ, ნესტორ წერეთლის სიკვდილის შემდეგ,

ერთი დოკუმენტი გადმოსცა წერა-კითხვის საზოგადოების ბიბლიოთეკას,
რომელშიც „ნამიოკებით“, მაგრამ აშკარად გამოსჭვივის წინადადება – თუ სოლომონ
მეფეს წუთისოფელს გამოაცილებთ, იმერეთის მეფობა თქვენ დაგრჩებათო. ხოლო
ზურაბი მალე დარწმუნდა, რომ რუსები მას ატყუებდნენ და ამიტომ ორჭოფული
პოზიცია დაიკავა – არც სულ სოლომონს უჭერდა მხარს, არც რუსებს; აშკარა

52მართალია ის ვერსია, რომელიც პუზირევსკის მოკვლას მიაწერს გურიელის ძიძიშვილს ბოლქვაძეს

და არა თვით გურიელს. ამ თარიღიდან გურულები წელს ითვლიდნენ, – „კუზირინსკი“ რომ მოკლეს,
მას აქეთ ამდენი წელიაო, გამიგონია. როდესაც პუზირევსკიმ იკითხა, სად არის ის მამაძაღლი
ქაიხოსრო გურიელიო, ბოლქვაძემ წამოიძახა: „ჰუიმე, ღმერთო მომკალი, ქაიხოსრო გურიელი და
მამაძაღლიო!“ მყისვე იშიშვლა მახვილი და ორად გააპო იგი. ასე მსმენია მოხუცი გურულებისაგან.
ბრძოლაში არც სოლომონის მხარეს გამოსულა, არც რუსების; ერთსაც ატყუებდა და
მეორესაც. ერთიც და მეორეც ამას აშკარად ხედავდა, ხოლო ვერც ერთი უმისოდ
მაინც ვერ ახერხებდა საქმის მოვლას; მაგრამ ეს არ შეადგენდა ნარკვევების ავტორის
მიზანს.
ავტორს აღებული აქვს დრო, როდესაც საქართველოს სუვერენობის მოსპობის
შემდეგ ყველას გაუცრუვდა იმედი, მაგრამ ყველა მაინც გულწრფელად და
გმირულად იბრძვის თავისუფლების აღდგენისათვის.
ყველაფერი ეს მოთხრობილია მშვენიერი ქართული ენით, ზოგჯერ
მხატვრულად და ერთობ კარგ შთაბეჭდილებას სტოვებს. ამიტომ ჩვენ ვურჩევთ
ყველას, წაიკითხოს ეს წიგნი; ვისაც სურს, გაეცნოს იმ უმაგალითო, თავგამოდებულ
და გმირულ ბრძოლებს, რომელნიც აწარმოეს საუკეთესო მამულიშვილებმა,
მამაკაცებმა და დედაკაცებმა რუსების წინააღმდეგ და უთანასწორო ბრძოლებში
მსხვერპლად შეეწირნენ თავიანთი ქვეყნის თავისუფლებას, ხოლო პატივცემულ
ავტორს ვუსურვებთ, გაეგრძელებინოს ასეთი შრომები.

ჯვრის მონასტრისეული «თთვენი» ანუ

«საგალობელნი» მეთერთმეტე საუკუნისა53

ტყავის ხელნაწერი, 23,8X16 სანტიმეტრი, ყდა ჰქონია, მაგრამ მოუძარცავთ,

აკინძული რვეულები ეხლა უმეტესად დაშლილია, ეტრატი კარგია, არც მანდამაინც
სქელი, მოყვითანო ფერისა, ნაწერია ლამაზი ნუსხურით XI საუკუნისა, ერთ სვეტად.
ტექსტის სიგრძე 17,1, განი 10,5 სანტ. თვითეულ გვერდზე 30 სტრიქონია, ნიშნებად
ნახმარია თითო, ორ-ორი და სამ-სამი წერტილები. სათაურები, მეთაური ასოები
უმეტესად ნაწერია სინგურით, სხვა ტექსტი შავის მელნით. პაგინაცია აღნიშნულია
რვეულებზე თავში და ბოლოში ასომთავრულით, შემდეგ სხვა ხელით და მელნით
აღნიშნულია კიდევ სომხური ასოებითაც. ხელნაწერში სულ 48 რვეულია, რვეულში
რვა ფურცელია, მაშასადამე, სულ უნდა იყოს ხელნაწერში 384 ფურცელი (48-ჯერ 8
=384), მაგრამ ეხლა არის 382 ფურცელი, აკლია თავში ერთი ფურცელი, ერთიც
მეშვიდე რვეულში. ამას გარდა, ბოლოში ერთი ფურცელი დაუწერელია. სულ ამ
ბოლო დროს ვიღაცას ფანქრით აღუნიშნავს სათვალავი დაწერილი ფურცლებისა. ის
პირველ ფურცელსაც ათვლის, რომელსაც ჩვენამდის არ მოუღწევია. ეს იქიდან ჩანს,
რომ ეხლანდელ პირველ ფურცელს უზის სათვალავი 2. აღმნუსხველი უჩვენებს სულ
377 დაწერილ ფურცელს, მაგრამ ამ აღნუსხვაში შეცდომაა. მას აღუნიშნავი დარჩენია
თითო ფურცელი, შემდეგ 58, 102 და 280 ფურცლებისა. ამას გარდა, 236 და 334
53
ეს ხელნაწერი ჰქონია ერთ ლონდონელ ანტიკვარს და ბ-ნ ანდრია გუგუშვილის თაოსნობით მივიღე
ლონდონიდან განსახილველად, რომლისათვის ბ-ნ ანდრიას დიდ მადლობას მოვახსენებ. არც ა.
ცაგარელის და არც რ. ბლეიკის ჯვრის მონასტრის ხელნაწერთა აღწერილობაში ეს ხელნაწერი არ არის
აღნიშნული და სულ უცნობია ლიტერატურაში.
სათვალავით ორ-ორი ფურცელია ნაჩვენები. აღმნიშვნელს რომ სწორად აღენიშნა
ფურცლები, უნდა გამოსულიყო 382 დაწერილი ფურცელი, ვინაიდან ის პირველ,
ჩვენამდის არმოღწეულ ფურცელსაც ანგარიშობს და ბოლოს დაუწერელ ფურცელს
სათვალავში არ იღებს. ნამდვილად დღეს ხელნაწერში სულ 381 დაწერილი
ფურცელია, აკლია ერთი თავში და ერთიც მეშვიდე რვეულში. ამრიგად, ხელნაწერი
სულ მცირე ნაკლით არის ჩვენამდის მოღწეული. ტექსტიც კარგად არის შენახული,
ხოლო ორ-სამ ადგილს ნახვრეტებია პერგამენტის ფურცლებში. სამ ადგილას ცოტა
შემკობილობაც არის. 297-ე ფურცელზე verso ლამაზი ფერადებით შესრულებული,
მოგრძო თავსართი მხატვრობაა (ზასტავკა), აქვე ფერებით შემკობილია მეთაური
ასოები ქ და თ, აგრეთვე 183-ე ფ, ი და ნ შემკობილი, ხოლო 184-ე ფურცელზე verso
ასო ნ არის შემკობილი.
შინაარსით ხელნაწერი შეიცავს საგალობლებს დეკემბრის, იანვრის და
თებერვლის თვეებისას. პირველი დეკემბრის წმიდა ანანიას საგალობელს თავი აკლია
და ტექსტი მეორე ფურცელზე ეხლა იწყება სიტყვებით:

გ-ნათოდა გონებაჲ შენი საღმრთოთა მით

ბრწყინვალებითა ღირსებით: და სული
წ-ჲ მკჳდრ იყო სიყრმითგა-ნ შენთანა ანა-
ნია. და გამოგაჩინა მოწამედ თჳსა:.

თავდება ხელნაწერის ტექსტი 28 თებერვლის საგალობლით წმიდისა პროხერი

ალექსანდრიელ პატრიარქისა, რომელიც დაბოლოვებულია შემდეგი სიტყვებით:

აღიწიე სიმაღლედ. ზეცისა შენ მღვდელ

მოწამეო. და მიხუედ წ-ე ღ-თისა შემკო-
ბილი. გჳრგჳნითა მით მოღუაწე მის-ჲთა.
ევედრე ჩუენთჳს რ-ა მოგუცეს შენდობაჲ
შეცოდებათაჲ. მადიდებელთა შენთა:.
გ-ხნ ვენაჴო მაღლისაო ნაყოფიერო:.

შემდეგ მიმატებულია:

სხუაჲ ყ-ი წ-დისა პროხერისი ჰპოო თ-ა

სეკტენბერსა სამსა. ო-ო ღ-ღდყვ აქ-ბდით
ჴ-ჲ-ა . ეჰა დ-ბლნი და. ქ-ე კაცთ მ-ყრჱ თანა.
და გ-ლბნი ჴ-ჲ დ-: ფარაოჲს ეტლები მ-თზ-ა.
შემინდვეთ პრ-ვლ მუნ დეიწერენ. დედასა
აქა მით არღარა დავწერენ:.

ეგრე ეწერა. ამის შემდეგ გადამწერის ანდერძია ასეთი:

სახელითა ღ-ჲთა: განსროჳლდა: ესეცა:

წიგნი: სამი თთუჱ დეკენბერი იანვარი და ფებე-
რვალი: ბრძანებითა: და მოღუაწებითა: ღ¯თშე-
მოსილისა: მამისა: და მოძღურისა: გ-ი: პროხორე-
სითა: ქ-ნ ამათ: ყ-ლთა წ-თა მისთა თანა: დ-ბლ ყავნ:
სული მათი: სასუფეველსა ცათასა: ა-ნ:
ლ-ცვსა მომიჴ-ნთ ც-დვლი უცბ-დ. მჩხრეკალი (sic)
 იოვანე.
დვალი. წ-ნო მ-მნო. და რ-ი დამეკლოს შემინდვეთ
ღ-ნ გარწმ-ნოს:
____

ვინ ესე წიგნი რ-აცა მიზეზითა მონასტე54

რსა ჯ-რისასა გამოაჴუას. შემცა ჩუენე
ბულ არს ვ-ა ყ-ნი მწვალებელნი და სული-
მცა მისი დაშჯილ არს ყვ-ლთანა ღ-ისა გ-ნმარისხე-
ბელთა:.
შეიმოსა ჴელითა კრთლისა ძმისა ნისთერე-
ონისითა. ღ-ნ აღუჴოცენ ყ-ნი ბ-რლნი მისნი ლ-ც ყვთ.
მისთჳს წ-ნო ძმ-ნო:.

შეუმოკლებლად ეს სტრიქონები იკითხება:

სახელითა ღმრთისაჲთა განსრულდა ესეცა წიგნი სამი თთუჱ, დეკემბერი, იანვარი და

თებერვალი, ბრძანებითა და მოღუაწებითა ღმერთშემოსილისა მამისა და მოძღუარისა გიორგი-

პროხორესითა, ქრისტემან ამათ ყოველთა წმიდათა მისთა თანა დიდებულ ყავნ სული მათი
სასუფეველსა ცათასა, ამინ.
ლოცვასა მომიჴსენეთ ცოდვილი უცბად მჩხრეკალი (sic) იოვანე დვალი, წმიდაო მამანო, და
რომელი დამეკლოს, შემინდვეთ, ღმერთმან გარწმუნოს.
ვინ ესე წიგნი რაჲსაცა მიზეზითა მონასტერსა ჯუარისასა გამოაჴუას, შემცა ჩუენებულ არს,
ვითარცა ყოველნი მწვალებელნი, და სულიმცა მისი დაშჯილ არს ყოველთანა ღმრთისა
განმარისხებელთა.
შეიმოსა ჴელითა კურთხეულისა ძმისა ნისთერეონისითა. ღმერთმან აღუჴოცენ ყოველნი ბრალნი
მისნი, ლოცვა ყავთ მისთჳს. წმიდანო ძმანო!

თარიღი გადაწერისა არ არის. მაგრამ ჩვენ ვიცით, გიორგი-პროხორე

აღმაშენებელია განთქმული ჯვარის მონასტრისა იერუსალიმისა მახლობლად.
გიორგი მისი ერობის სახელია, პროხორე – ბერობისა. მისი თაოსნობით და
ბრძანებით არაერთი წიგნი გადაწერილა ჯვარის მონასტრისათვის თვით ჯვარის
მონასტერში და სხვაგანაც. გადამწერი ჩვენი ხელნაწერისა ბერი იოვანე დვალი
ცნობილია სხვა ხელნაწერებიდანაც. სხვათა შორის, მას გადაუწერია ამავე ჯვარის
მონასტერში 1055 წელს ხელნაწერი: «ცხოვრებაჲ და შესხმაჲ დიდისა ბასილისი,
თქმული გრიგოლ ღვთისმეტყველისაჲ» (იხ. ცაგარელის კატალოგი №105 და რობერტ
ბლეიკისა №14). სიტყვები «განსრულდა ესეცა წიგნი» ცხადყოფს, რომ გადამწერს სხვა
თთუების საგალობლებიც გადაუწერია და მასთან ესეცა. ეტყობა, მთელი წლის
საგალობლები ოთხ წიგნად ყოფილა გაყოფილი – სამ-სამი თვის საგალობელი თითო
წიგნში. ამ ხელნაწერს არც ცაგარელი იხსენიებს თავის კატალოგში, არც რ. ბლეიკი.
მაშასადამე, ის წინეთ ყოფილა გამოტანილი ჯვარის მონასტრიდან, ვიდრე ა.
ცაგარელი იმოგზაურებდა იერუსალიმში. გიორგი მთაწმინდელის ბიოგრაფიიდან
ვიცით, რომ პროხორე აშენებდა ან ამთავრებდა შენობას ჯვარის მონასტრისა
თეოდორა დედოფლის დროს საბერძნეთში (1054–1057); მეორე მხრით, პროხორე 1066
54
ეს სტრიქონი ასომთავრულით არის ნაწერი.
წლის შემდგომ აღარ ყოფილა ცოცხალი55. დანამდვილებით თარიღი მისი
გარდაცვალებისა არ ვიცით. ჩვენი ხელნაწერი უნდა იყოს გადაწერილი 1056–1066
წლებს შუა. ამ ხელნაწერში შენახულია ორ ქართველთა წმიდათა საგალობელი –
წმიდისა აბოსი ფურც. 189 verso – 195 და წმიდისა ნინო მოციქულისაჲ, ფურცელი 221
verso – 224 verso.
აბოს საგალობელი, რომელიც უშუალოდ მოსდევს 7 იანვრის, წყალთა
კურთხევის საგალობელს, ჩვენს ხელნაწერში იწყება ასე:

განძლიერდა ძალითა ქ-ესითა. ღუაწლით შემოსილი

აბო. წინააღმდგომად მტერთა. და სირცხვილეულყვნა
იგინი მადლითა ს-ლისა წმიდისაჲთა:.
მოსწრაფედ წინა აღუდგა აბო. ძალითა ჯ-რისაჲთა
სიმძლავრესა. მას უშჯულოთასა. და დაამდაბლა
ს-ქდლი მ-თი შეწევნითა ქ-სითა:.
დღეს დათხეულითა სისხლითა უბიწოთაჲთა. ახოვან-
მ-ნ მწმმ- . მოიგო ქ-ესგ-ნ ზ-ცს გჳრგჳნი ბრწყინვალე
და მეოხ არს ჩ-ნ მგალობელთა მისთათ¯ს:.

ბოლო:

უძლეველო მოწამეო. სრბაჲ კეთილად აღასრულჱ.

და აწ მკჳდრხარ ნათელსა მას, გამოუთქმელსა. ევედრჱ
ქ-სა. და დაამდაბლნეს მტერნი ჩ¯ნნი აბო. და მოსცეს
ძლევაჲ. მეფესა ჩ-ნსა:. არაჲთუ:.

ნაწილი ამ საგალობელისა შეადგენს ვარიანტს პ. ინგოროყვას მიერ გამოცემული

«აბოს საგალობელისა», დაწყებული ო პ ბ გვერდიდან რ პ ზ გვერდამდე, სტრიქონები
24–17456. არ არის ჩვენს ხელნაწერში ტექსტი, რომელიც შეიცავს ინგოროყვას
გამოცემაში პირველ ათ გვერდს (ა–ი), შემდეგ როზ–რპბ გვერდს, სტრიქონები 1–23;
კიდევ რპზ–რპჱ გვერდებს, სტრიქონები 175–200. სამაგიეროდ, ჩვენს ხელნაწერში
ხუთი გვერდი უკავია ტექსტს, რომელიც ინგოროყვას გამოცემაში არ არის.

წ-ა ნინოს საგალობელი იწყება ასე:

იანვარსა: იდ: წ-დისა: ნინო: მოცქ¯ლისჲ:

ო-ო ღღ-დყსა: ჴ-ჲ: დ გ-ი:.
ჵ სს- წლთა ზ-ა სსწ-ლი სკჳრო¯ლთაჲ. რ¯სუეტი იგი
ცხორებისა მომცემელი. დედაკაცისა მიერ მყის აღემართების.
და დბ-ის მეტყუელებს ქართველთა ენაჲ და
ილტვიან არმაზ ზადენთა ძალნი. ჵ. რავდენნი მადლნი
მოგუცენ ქ¯ე ნინოჲს მიერ. რ-ლითაც. აცხოვნენ სულნი
ჩ-ნნი ვ-ა მოწყალე ხარ:.
მადლისა ზიარსა მას ნინოს. მოვედით მორწმუნენო. და
ერთობით პატივ ვსცემდეთ. რ-ესე არს მსგავსი მცქ¯ლთაჲ.

55
იხილე დავით ყიფშიძის გამოცემული «ცხოვრება პროხორესი», კავკასიის ისტორიულ-
არქეოლოგიური ინსტიტუტის მოამბეში («იზვესტია»), ტ. II, გვ. 37, შენ. 2.
56 ძველი ქართული სასულიერო პოეზია, ტფილისი, 1913.
 რ-ი მოივლინა ჩრდილოჲსა ქ-ყნად. და მადლითა საღმრთოჲთა
გამომიჴსნნა. ჵ. შურომან (sic) შენნი სნტრ-ლო
მოც-ქლო: ღ-თისა მიერ. რ-ნი იღვწენ ჩ-ნდა მომ-რთ
მეოხ გუყ-ვ ჩ-ნ:.

ბოლო:

ოხ-თჲ: ნინოჲსი: ჴ-ჲ ა-გხ-ნთა ზ-ა:

გ-ხნ რ-ი ჰბრწყინავ. მოღუაწეო მც-ქლთა თანა
ნინო: რ-სწორად მათისა იღუაწჱ და სწორი
გჳირგჳნი. მათნათა მოიგე. ვ-ა მოსჱ. პ-რელ. მთასა
მას. ზ-ა სინასა შჯული მოიღო, ეგრეთვე შენ. მთასა
ზ-ა ლოცვითა მოიხუენ. ათნი მცნებანი, და
ბრძანებით მიივლინე: ქ-ლქდ სამეუფოდ მცხეთად.
რ-ა უქადაგო შენ, ქ-ე ღ-ი ჯ-რცმლი. რ-ი იშვა ქ-ლ-
წლისაგან. და აწ. მას ევედრჱ: მონიჭებად სულთა
ჩ-ნთა დიდი წყალობაჲ:.

ეს საგალობელი სულ სხვაა, ვიდრე საბინინის მიერ გამოცემული ს ა ქ ა რ თ ვ ე

ლ ოს ს ა მ ო თ ხ ე შ ი (გ. 156–167), მაგრამ ახლოა ჩემს მიერ გამოცემულ
ჭელიძისეულ საგალობელთან (იხ. აღწერა წერა-კითხვის ხელნაწერთა, ტომი II, გვ.
806–812), თუმცა განსხვავებაც თვალსაჩინოა – ჭელიძისეული ტექსტი უფრო
ვრცელია.
უკანასკნელ გვერდზე ჩვენი ხელნაწერისა სხვა ნუსხურით და უფრო მქრალის
მელნით, მაგრამ მე-11, მე-12 სს. ხელით მოყვანილია «დასდებელნი წმიდისა
გრიგოლი ღვთისმეტყველისანი. გიხილეს რაჲ ქ¯ე ამას ზ¯ა ჴ¯ჲ ბ:.» ამის ბოლოს
უწერია:

«მაკარი გლახა ლოცვასა მომიჴსენეთ ამათთა თარგმანი:.»

ამგვარივე ხელით და მელნით აქა-იქ აშიებზე ხელნაწერში გვხვდება

მინაწერები, დამატებანი საგალობელთა ან ცნობები, თუ რომელ თვეში არის კიდევ
ხსენება ამა თუ იმ წმიდანისა.
ხშირად საგალობლები აკროსტიხებით არის წარმოდგენილი და ამ შემთხვევაში
აღნიშნულია წითლურით: «აკროსტიხონნი». მეთაური ასოები აკროსტიხებისა
ნაწერია ყოველთვის სინგურით და ეს ასოები შეადგენენ ფრაზებს. მაგალითად:

1. მოძღუარსა შევამკობდეთ ერნო.

2. მამასა მამათასა ღუვაწლით განშუენებულსა საბას უგალობდეთ.
3. მაცხოვარისა შობასა უგალობდეთ.
4. მაცხოვარისა მოსვლასა და ბეთლემს შობასა წმიდისაგან ქალწულისა დასთა
ზეცისა განწყობილთათანა უგალობდეთ.
5. ქრისტეს შობასა ყოველნი შევამკობდეთ.
6. სილიბისტროსს რომთა ვასკულავსა ვაქებდეთ ერნო.
მამათმთავართა კრებული დღეს ჩუენთანა იხარებს სულიერად.
7. აჰა ესერა მოიწევის ქრისტე ნათლის ღებად.
8. დიდებულს მაქსიმეს უგალობდეთ.
 9. ტიმოთეს მთიებსა ეფესოჲსასა უგალობდეთ.
10. მეოხ მეყავენით ყოელნო წმიდანო წინაშე მეუფისა დღესა მას განკითხვისასა.
11. გრიგოლის ღმრთის მეტყველსა ვაქებდეთ.
12. იოვანეს და არკადის ქებით შევასხამთ დღეს.
13. იგნატის ნაწილთა აღმოყვანებაჲ რომით ანტიოქიას.
14. გალობით შევასხმიდეთ მოწამესა ელიას.
15. ნიკიფორე მოწამესა უგალობდეთ ერნო ქებით.
16. ბლასისის მღვდელთ მოძღუარსა შევამკობდეთ.
17. გიხაროდენ ქრისტეს მოწამეო პამფილი.
მერმენდელი ხელით მინაწერები ხელნაწერში სულ ცოტაა და უმნიშვნელო.
ეხლანდელ აღნიშნულ მეორე გვერდზე მხედრული ასოებით მე-15 საუკ. ხელით
სწერია:
ზენგიას შეუნდნეს ღმერთმან.
აღწერილი ხელნაწერიდან ჩვენ გვაქვს სამი დიდი და ერთი პატარა
ფოტოგრაფიული სურათი, რომელნიც შეიცავენ ეხლანდელ პირველ გვერდს
ხელნაწერისა, უკანასკნელ ფურცელს და ბოლოსიტყვაობას საგალობელისას.

ჩუმი მოღვაწის იოსებ დადიანის ხსოვნას

(მოგონების სახით)

უკვე ერთი წელიწადი გავიდა, რაც ულმობელმა სიკვდილმა გამოგვაცალა

უებრო ადამიანი და სამშობლოსათვის მოჭირნახულე იოსებ დადიანი. გასული წლის
30 მარტს გარდაიცვალა და 1 აპრილს პარიზში მიწას მიაბარეს ეს ყველას მიერ
პატივცემული და მეტად სიმპატიური მოღვაწე. სიამოვნებით უნდა აღვნიშნოთ,
მისდამი მიძღვნილ სამგლოვიარო წერილებში ყველამ სინამდვილით და სისწორით
დაახასიათა მისი ადამიანობა, ხასიათი და საზოგადო მოღვაწეობა. მე დამრჩენია
მხოლოდ მოგონების სახით დავუმატო ცოტა რამ, ვინაიდან ის ჩემი სიყრმის ამხანაგი
და მეგობარი იყო.
მე და იოსები ერთად მოვხვდით ქუთაისის პროგიმნაზიის მესამე კლასში. იმ
დღიდან ერთად ვსწავლობდით როგორც პროგიმნაზიაში, ისე გიმნაზიაში და ბოლოს
პეტერბურგის უნივერსიტეტში. ქუთაისის პროგიმნაზიას ჩვენს დროს კარგი სახელი
ჰქონდა. მისი ინსპექტორი იუდინი ცნობილი პედაგოგი იყო და პროგიმნაზია კარგად
ჰქონდა დაყენებული როგორც სწავლის, ისე დისციპლინის მხრით. როცა მე
პროგიმნაზიის მეორე კლასში შევედი, იქ 32 მოწაფე ვიყავით. ამათში პროგიმნაზიის
კურსი მხოლოდ ექვსმა გავათავეთ. იუდინი სასტიკი იყო სწავლის მოთხოვნაში და
პედანტი კანონის ყოველი წვრილმანის აღსრულებაში, მაგრამ მასთან სამართლიანი
და კეთილი გულის პატრონი. იოსები ღარიბი ოჯახის შვილი იყო, მე კიდევ ბევრად
უფრო ღარიბი. იუდინი შევიდა ჩემს მდგომარეობაში. გაგვანთავისუფლა სწავლის
ფულისაგან და ამას გარდა რვა-რვა მანეთი სტიპენდია მოგვიხერხა თვეში, და ეს
სტიპენდია გიმნაზიის დამთავრებამდისაც გვეძლეოდა.
 პროგიმნაზიაში, გიმნაზიაში და უნივერსიტეტში იოსებ დადიანი ყველასათვის
საყვარელი ამხანაგი იყო, მშვიდი, წყნარი, თავმდაბალი, კაცთმოყვარე, და მასთან
მეტად მორცხვი. მე არ მახსოვს, მას რომელიმე ამხანაგთან ცუდი განწყობილება
ჰქონოდეს, ვინმეს წაჩხუბებოდეს, ან უზრდელად მოპყრობოდეს. ნიჭიერი იყო,
მაგრამ ბეჯითობას სწავლაში მაინცდამაინც არ იჩენდა, სწავლულობდა იმდენად,
რამდენადაც ეს საჭირო იყო, რომ ხელმეორედ ერთ და იმავე კლასში არ
დარჩენილიყო, როგორც ეს მას მესამე კლასში მოუვიდა. შემდეგ, გიმნაზიის უფროს
კლასებში გამოიჩინა მათემატიკაში დიდი ნიჭი. გიმნაზიაში ჩვენ პატარა
პატრიოტული წრე გვქონდა, რომელიც საქართველოს მომავალი
კეთილდღეობისათვის და მისი სამსახურისათვის ოცნებობდა. ამ წრეში იოსებიც
იყო, რასაკვირველია. გიმნაზიის გათავების დროს თათბირი გვქონდა, ვის რა დარგი
ამოგვერჩია სწავლის გასაგრძელებლად უნივერსიტეტში, რა უფრო გამოადგებოდა
საქართველოს. იოსებ დადიანმა საინჟინრო ნაწილი აირჩია. ეს მაინცდამაინც ჩვენ არ
მოგვეწონა, ანგარების და გამდიდრების სურვილი შევსწამეთ. გამდიდრებისათვის
მიდრეკილება ჩვენთვის იმ დროს საძრახავი იყო. ერთხმად უთხრეს, შენ გამდიდრება
დაგისახავს მიზნათო. – გამდიდრების არა ვიციო, – გვიპასუხა. – მე თქვენისთანა
უნარი არა მაქვს, სხვა რამეში გამოვდგე; თუ გავმდიდრდები, თქვენთან ერთად
საზოგადო საქმეს მოვახმარო. უნდა ვთქვათ, იოსებ დადიანს თავის თავზე არასოდეს
ჰქონია დიდი წარმოდგენა, თუმცა ნიჭით და საქმის გაგებით არავის
ჩამოუვარდებოდა, თუ არ მეტობდა. პეტერბურგში იოსები ჩვენს პატრიოტულ წრეში
იყო ყოველთვის. მას ზოგიერთ "კნიაზებსავით" იქ ზნე არ უცვლია; ისევ წყნარი, ისევ
მშვიდი, ისევ თავმდაბალი და უაღრესად დემოკრატი, ის არავითარ ცუდ
მიმართულებას არ გაუტაცებია. პირიქით, ეხლა ის ჯეროვანი ცოდნის მიღებამ
გაიტაცა. ბევრს მუშაობდა, სულ მეცადინეობდა და კარგადაც გაათავა ინსტიტუტი.
ფიზიკურად ის ყოველთვის ჯანსაღი იყო, მასთან, ღონიერი და უშიშარი. ერთს
ზაფხულს ჩვენ პავლოვსკში ვცხოვრობდით, ორი ოთახი გვეჭირა ერთი "დაჩის"
მეზონინში. შემოსავალი დაუხურავი კიბით იყო ეზოდან. პირველ ოთახში ის
წვებოდა, მეორეში მე. ერთს ღამეს შეამჩნია, კიბეზე ვიღაც ამოდიოდა; შეატყო, რომ
ქურდია, მაგრამ იმის მაგიერ, რომ შეეძახა და გაექცია და ამით ხათაბალას
მორჩენოდა, მან აცალა შემოსვლა კარიდორში, მერმე ეცა და დაიჭირა. კარგი
ჩასკვნილი რუსი იყო, მაგრამ იოსებს ვერ დაუსხლტდა ხელიდან. მერე დაგვიწყო
ხვეწნა, "ბარინ, ბოლშე ნე ბუდუ", გამიშვითო. პოლიციელის ძებნის თავი არა
გვქონდა, ცოტა გავაჩერეთ და გავუშვით. მეორეხელ სამი მთვრალი მუჟიკი დაგვესხა
თავს ვასილიევის კუნძულზე, – თქვენ "ჟიდები" ხართ, უნდა გცემოთო. ჩვენ
ვუთხარით, – არა, ქრისტიანები ვართ-თქო. აბა, "ბოჟე, ცარია ხრანი" იმღერეთო
(ხელმწიფის დღეობა იყო). არ მოგვეშვნენ, მანამ იოსებმა არ გაიღო ხელი და ძალით
არ მირეკ-მორეკა. ამასობაში პოლიციელიც მოვიდა. პეტერბურგში მე უნივერსიტეტი
ოთხი წლის განმავლობაში გავათავე, იოსები უნივერსიტეტის მესამე კურსიდან
სამთო ინსტიტუტში შევიდა და ორი-სამი წელი მეტი დარჩა იქ. ინსტიტუტის
გათავების შემდეგ ბაქოში მოეწყო ნავთის წარმოებაში. ლამაზი ახალგაზრდა,
ინჟინერი, დიდი თავადის გვარის მატარებელი, კარგი ხასიათის პატრონი, იოსები ამ
დროს ჩვენი არისტოკრატიისათვის სასურველი სასიძო იყო. ერთიმეორეს
ეცილებოდნენ პატიჟობაში, როდესაც ტფილისში მოდიოდა. ის მორცხვად თავს
აღწევდა, სადაც არ ეპრიანებოდა დაახლოვება. ბოლოს მან აირჩია ყოველი მხრივ
ღირსეული საცოლე და დაქორწილდა თამარ თარხნიშვილის ასულზე. თამარის
დედა ელენე ძმისწული იყო კნეინა გაგარინისა და გაგარინის დიდი ქონება მას დარჩა
და, სხვათა შორის, თვალსაჩინო ნავთის ადგილები. ეს ყველაფერი იოსებს ჩაბარდა
საწარმოოდ. მოსალოდნელი იყო იოსები დიდი კაპიტალისტი გახდებოდა, მაგრამ ეს
ასე არ მოხდა, მისი ხასიათის მქონე ვერც გახდებოდა კაპიტალისტი.
დაქორწინებამდის იოსები ჩემთან ხშირად შემოდიოდა, როდესაც ტფილისში იყო.
მაგრამ შემდეგ ერთხელაც არ შემოსულა. ასე განვლო ათმა, თორმეტმა წელმა; არც
მიწერ-მოწერა გვქონებია ერთმანეთში. ამრიგად, ჩვენ დავშორდით ერთმანეთს და
მისი ცხოვრების საუკეთესო ხანა და მოღვაწეობა, შედარებით მატერიალურად კარგს
პირობებში, ჩემის თვალ-მხედველობიდან შორს იყო. მე სწორედ გითხრათ,
ვფიქრობდი, იოსები შესცვალა ახალმა ცხოვრებამ, სიმდიდრეში შევიდა,
არისტოკრატიულ წრეში მოექცა, აეშალა თავადური ინსტინქტი, დაავიწყდა სიყრმის
ზრახვანი და დაპირებანი-მეთქი, მაგრამ ეჭვები, ჩემდა სასიამოვნოდ, არ გამართლდა.
ამაში მე დავრწმუნდი ორჯერ ბაქოში ყოფნის დროს. ჩემთვის ცხადი შეიქნა, ბაქოში,
ამ მთელი კავკასიის დიდ საწარმოო ცენტრში, იოსები ღირსეული წარმომადგენელი
იყო ქართველობისა. პატივმოყვარეობა მას არასოდეს არა ჰქონია, მაგრამ ყველა
საქმეში, ყველა დაწესებულებაში მას მეთაურად ირჩევდნენ ერთხმად. ის იყო,
კალონიის თავმჯდომარე, მოთავე ქართული სკოლის და წიგნთსაცავის მოწყობისა,
ხელმძღვანელი ყოველი ჩვენი საქმისა. ცნობილი ქართული საღამოების მოწყობა მის
ოჯახზე იყო დაკისრებული. მას და მის ოჯახს დიდი სახელი და პატივისცემა ჰქონდა
მოხვეჭილი არათუ ქართველობაში, უფრო მეტად კიდევ თათრებში, სომხებში,
რუსებში და უცხოელებში. ყველა ამათთვის მას ანგარიში უნდა გაეწია. Noblesse
oblige-ო, ამბობენ ფრანგები, და ყველაფერი ეს ძვირად უჯდებოდა. უაღრესი
დემოკრატი მოექცა არისტოკრატიულ წრეში. ამ წრემ მისი ბუნება ვერ
გააარისტოკრატა, მაგრამ ვერც მისმა რბილმა ხასიათმა ეს წრე ვერ გაადემოკრატა.
პირველად, როცა მე ბაქოში ვიყავი, იოსებთან განზრახ არ შევსულვარ, თუმცა
გიმნაზისტმა ნ. ღოღობერიძემ გადმომცა, იოსები სახლიდან ფეხს არ იცვლის, ელის,
რომ მასთან მიხვალთო. მე ოთხი დღე დავრჩი ბაქოში. რაკი მე მასთან არ შევედი, ის
თვითონ მოვიდა ჩემთან წამოსვლის დღეს ვაგზალზე. უნდა გენახათ, როგორი
დარცხვენილი სახე ჰქონდა. სიტყვა არ დაუძრავს საყვედურის, თუ რად არ შევედი
მასთან. მე, რასაკვირველია, მოვეალერსე, გამოვკითხე ამბავი. "ჯანზე კარგად ვარ,
მაგრამ საქმეები ვერ მაქვს კარგად, ვალები მაწუხებსო", და მომიყვა გულწრფელად,
დაწვრილებით მიზეზებს. შემდეგ მიამბო იქაური ქართული საქმეების მდგომარეობა.
ბოლოს მთხოვა, მასთან ჩამომხტარვიყავი, როცა მეორეხელ ვიქნეოდი ბაქოში. რაღა
ბევრი გავაგრძელო, ჩემს წინ ისევ ის თავმდაბალი, მორცხვი ამხანაგი იოსები იყო,
როგორც სტუდენტობის დროს. ის სრულიად არ გამოცვლილა. მეც დავპირდი ნახვას,
როცა ვიქნებოდი ბაქოში. ამის შემდეგ დიდი ხანი არ გასულა, საქმემ მოითხოვა და მე
ბაქოში გავემგზავრე. ეს იყო მაშინ, როცა დ. ერმაკოვის ფოტოგრაფიული
პლასტინკების კოლლექციის სყიდვა განვიზრახე "საქართველოს საისტორიო და
საეთნოგრაფიო საზოგადოებისათვის". კოლლექციის სყიდვას გრაფინია უვაროვისა
აპირებდა. ტფილისიდან ამ კოლექციის წაღება ჩვენთვის დიდი ზარალი იქნებოდა.
ამიტომ წინდაწინ მოურიგდი ერმაკოვის მემკვიდრე ქალს ფასში, – სულ
ორმოცდაათი ათასი მანეთი უნდა მიმეცა. წერა-კითხვის საზოგადოებას ჰქონდა
სხვადასხვა თანხები და ამ საზოგადოების გამგეობისაგან დასტური მივიღე თანხის
სესხებისა, თუ მას გარანტია ექნებოდა დაბრუნებისა. ჩემი გეგმა იყო, თანხა
გაენაღდებინათ ბაქოს ქართველთა მრეწველებს, რომელნიც ქართულ
საქველმოქმედო საზოგადოებებს უხვად ეწეოდნენ ხოლმე. მე პირდაპირ იოსებთან
მივედი, თუმცა მასთან არ დავბინავებულვარ. გავაცანი ჩემი გეგმა და
კატეგორიულად განვუცხადე, როგორც არ იყოს და რა საშუალებითაც არ იყოს, ეს
თანხა უნდა მოგვიხერხოთ-მეთქი. იოსებმა მითხრა, ეს ყველაფერი კარგი, მაგრამ მე
ფული ეხლა ხელში არა მაქვს და როგორ მოვიქცეო. მე ასეთი წინადადება მივეცი: შენ
მხოლოდ განაცხადე, რომ შენ ამ საქმისთვის სდებ ათიათას მანეთს, დანარჩენს
იმედია, სხვები გაინაწილებენ, ფულს ან ბანკიდან ისესხებთ, ან წერა-კითხვის
საზოგადოებისაგან, და ვალს მერე გადაიხდით-მეთქი. ეს აზრი მოეწონა, მოიწვია
ბაქოს ქართული კალონიის კრება, თავმჯდომარე ის იყო. მე მოხსენება გავაკეთე,
ავუხსენი დაწვრილებით მნიშვნელობა კოლექციის შეძენისა. ყურადღებით
მომისმინეს. პრინციპულად ხელის გაწყობაზე უარი არავის არ უთქვამს, ხოლო
ზოგიერთებს თანხა ცოტა არ იყოს ედიდა. ბოლოს ერთხმად მიიღეს აზრი, რომ წერა-
კითხვის საზოგადოებისაგან აგვეღო თანხა მათის გარანტიით. აქვე დაასკვნეს და
განაცხადეს, ვინ რა წილის შემოტანას კისრულობდა. მე, რასაკვირველია, დიდად
კმაყოფილი დავბრუნდი უკან. მაგრამ ტფილისში ჩემს ჩასვლამდის მდგომარეობა
შეცვლილიყო: ეს ამბავი შეეტყო კავკასიის მუზეუმის დირექტორს, რომელსაც ჩვენი
საისტორიო და საეთნოგრაფიო საზოგადოება თვალში ეჩხირებოდა, როგორც
ენერგიული კონკურენტი; წასულიყო ნამესტნიკთან, გამოეთხოვა ნებართვა
ერმაკოვის კოლლექციის შეძენისა, ხუთი ათასი მანეთი მოემატებინათ, შეეკრათ
პირობა და მთელი კოლექცია დაებეჭდათ, რომ აღარავინ ახლოს ხელი, მანამ ფულს
ჩააბარებენ და კოლლექციას გადაზიდავდნენ მუზეუმში. მე ეს ამბავი მაინცდამაინც
დიდად არ მწყენია, ვინაიდან, თუ კოლექცია კავკასიის მუზეუმში დარჩებოდა,
მოვლილი იქნებოდა, ფასით მაინც შეგვეძლო სარგებლობა საჭიროების დროს. ხოლო
ჩვენი გეგმა ამით ჩაიშალა. წერა-კითხვის საზოგადოებას ეხლა ვეღარ გამოვართვით
თანხა, ბაქოელები თავისუფალი გახდნენ მოვალეობისაგან იურიდიულად, მაგრამ
ზოგიერთებმა მაინც გაანაღდეს თავისი დანაპირები, ზოგმა მთლად, ზოგმა
ნაწილობრივ. მათ შორის მთლად შემოიტანა თავისი ხვედრი სულ ცოტა ხანში აკაკი
ხოშტარიამ; იოსებმა ჩემის წინადადებით გვიყიდა მისი ნათესავის პუპი აბაშიძისაგან
ბიზანტიური მილანქრის ჯვარცმის ხატი ორმოცი ათას მანეთად და სხვაც ბევრი
დახმარება გაგვიწია კავკასიის ბანკის საშუალებით ნივთების შესაძენად.
ბოლოს, კავკასიის დირექტორის განზრახული საქმეც ჩაიშალა. ფინანსთა
სამინისტრომ არ შეიწყნარა ნამესტნიკის წინადადება და უარი უთხრა
კოლლექციისათვის ფულის გაღებაზე. ამ დროს რევოლუციამაც მოაწია, ფული
დაეცა, ერმაკოვის კოლლექცია მაინც ჩვენ შევიძინეთ, ხოლო ეხლა, რასაკვირველია,
მეტი მივეცით, ოთხმოცდათხუთმეტი ათასი მანეთი. ეს ფული გავიღეთ დავით
სარაჯიშვილის მეუღლის ანდერძის გამო შემოსული ფულიდან და შემდეგ
სანახევროდ კოლლექცია ჩვენს ტფილისის ქართულ უნივერსიტეტს გავუზიარეთ.
პოლიტიკური რწმენით იოსები ყოველთვის ნაციონალ-დემოკრატი, პატრიოტი
იყო. ის იყო თავმჯდომარე ჩვენი პარტიის კომიტეტისა ბაქოში და სტამბოლში. როცა
ჩვენი თავისუფლება გამოცხადდა და ნაციონალური საბჭო შესდგა, ბაქოელმა
ქართველებმა თავის წარმომადგენლად იოსები აირჩიეს და, რა თქმა უნდა, ჩვენც
სიამოვნებით მივიღეთ. მატერიალურ დახმარებას უმეტესად ბაქოს ქართველებიდან
მოველოდით; გვეხმარებოდნენ კიდევაც. შემდეგ, როდესაც დამფუძნებელი კრების
არჩევნები მოვიდა, ჩვენს ნაციონალურ-დემოკრატიულ სიაში იოსები პირველ რიგში
შევიტანეთ, რომ ბაქოელებს უსათუოდ ჰყოლოდათ თავისი წარმომადგენელი
დამფუძნებელ კრებაში. მაგრამ რაღაც მანქანებით, სიის ჩამოყალიბების და
წარდგენის დროს, ჩვენდა დაუკითხავად, ის პირველი რიგიდან ამოეშალათ და შორს
გადაეტანათ. ამიტომ დამფუძნებელ კრებაში ის აღარ მოხვდა. ეს ამბავი მას არც კი
აცნობეს. თვითონ დარწმუნებული, რომ არჩეულია, პირდაპირ მოვიდა ერთ კრებაზე,
შემოვიდა ზალაში და იქ გაიგო ქვესტორიდან, რომ ის არჩეული არ არის. სხვა ასეთ
მოპყრობას დიდ შეურაცხყოფად მიიღებდა, პარტიას დატოვებდა ან ოფიციალურად
პროტესტს გამოაცხადებდა. არც ერთი და არც მეორე. ეს არ იყო მის ბუნებაში. ამის
გამო კავშირი პარტიასთან მას არ შეუწყვეტია. ჩვენი თავისუფლების დროს, როცა მან,
როგორც სხვებმა, ბაქოში ყველაფერი დაკარგა, ის შევიწროებული ცხოვრობდა
ტფილისში, მაგრამ მაინც ახერხებდა ქართული იდეის პროპაგანდას უცხოელთა
შორის, რომელნიც ხშირი სტუმარნი იყვნენ მისი ოჯახისა.
ემიგრაციაში, პარიზში, ის და მთელი მისი დიდი ოჯახი ყოველ მატერიალურ
ღონისძიებას იყო მოკლებული. ექვს ქალში მარტო ერთი იყო გათხოვილი, სხვებს
ჯერ სწავლაც არ დაემთავრებინათ. ფუფუნებას ჩვეულმა მისი ოჯახის
მანდილოსნებმა აქ, როგორც სხვა ქართველმა ქალებმა, დიდი მხნეობა გამოიჩინეს,
შრომის ხალხად გადაიქცნენ და თავიანთი პატიოსანი შრომით ირჩენდნენ და
დღესაც ირჩენენ თავს. ერთხელ იოსებმა მომწერა, ჩემი ქალები დღე და ღამე კერავენ,
მე კიდევ ცეცხლს ვუნთებ და საჭმელს ვუკეთებო. იოსები აქაც არც ერთ ქართულ
საზოგადო საქმეს არ უშვებდა, რომ მხურვალე მონაწილეობა არ მიეღო. ის იყო
თავმჯდომარე ქართული სამრევლო საბჭოსი, კავკასიის სამეცნიერო წრის, საინჟინრო
საზოგადოების წევრი და სხვა. ის არ იშლიდა კრებების დასწრებას მაშინაც, როდესაც
საშიშარი გულის ავადმყოფობა გამოაჩნდა, გრძნობდა აღსასრულის სიახლოვეს,
მაგრამ ეს მას არ აშინებდა. შეკითხვაზე, როგორ ხარო, ის დამშვიდებით ამბობდა,
საიქიოდან ბილეთი მომივიდა, მიბარებენო. უკანასკნელად ის დაესწრო გიორგი
წერეთლის მოსაგონარ საღამოს. ცუდად იყო, დარიც ცუდი იყო, მაგრამ მაინც
მოვიდა. ამას შემდეგ დიდი ხანი არ გასულა, რომ მისგან გამოსათხოვარი წერილი
მივიღე 23 მარტის თარიღით. მწერდა: ..."მე მომიარა ჩემმა ავათმყოფობამ, ძალიან
სუსტად ვარ. ლოგინზე წამოწოლილი ვჯღაბნი ამ წერილს და იქნებ ვერც გაარჩიო.
წუხელის ღამე ისეთი ძნელი სუნთქვა მქონდა, რომ მეგონა, აღარ გამითენდებოდა. ეხ,
რაც იქნება იქნება! თუ გადავრჩი, კიდევ გნახავ, თუ არა და მშვიდობით, ძმაო,
იცოცხლე და შენს ამაგს ნუ მოაკლებ შენს სამშობლოს".
ჭეშმარიტ პატრიოტს სიკვდილის წინაც სამშობლოს ინტერესები ედგა თვალწინ
და მისდამი ამაგს გვავალებდა. თვითონ კი მთელს თავის სიცოცხლეში ზრუნვა და
ამაგი არ დაუკლია სამშობლოსათვის. არ იყო არც ერთი ქართული საზოგადოებრივი
საქმე და დაწესებულება, რომელშიაც მას თავისი წვლილი არ შეეტანა. ეს
კეთილშობილი ადამიანი მუდამ სამშობლოს კეთილდღეობისათვის ზრუნავდა.
სამშობლოს კეთილდღეობა იყო მისი უმთავრესი ცხოვრების მიზანი. ის იყო ჩუმი
მუშაკი, უპრეტენზიო და უანგარო. მან პირნათლად შეასრულა თავისი მოვალეობა,
რამდენადაც ეს იმ რთულ პროცესში, რომელსაც მოვესწარით, შესაძლებელი იყო.
მისდამი პატივისცემა და ხსოვნა სამუდამოდ დარჩება ჩვენს შორის.
 ანგარიში

ქართული საარქეოლოგიო და საკულტურო

მასალების გამოცების ფონდისა

როგორც "დამ. საქართველოს" №139-ში იყო გამოცხადებული, 23 ოქტომბერს

1937 წლისა, ფონდის შემოსავალი იყო 8.809 ფრანკი და 46 დოლარი.
მას შემდეგ შემოსწირეს:
1. ჩრდილო ამერიკის შეერთებული შტატების ახლად დაარსებულის "ქართული
საზოგადოების" წევრებმა: პავლე კვარაცხელიამ, კირილე გურგენიძემ, დიმიტრი
ალავიძემ, მიშა ლორიამ და ვასო დუმბაძემ საერთოდ 1000 ფრ. (ფული გადმოგვცა
საზოგადოების თავმჯდომარემ ვასო დუმბაძემ).
2. ლევან მამულაიშვილმა – 100 ფრანკი.
3. ირ. ოთხმეზურმა და ბ-ნ ლაზრიშვილმა (ბრიუსელიდან) – 80 ფრანკი.
4. ექიმ იოსებ ცინცაძემ (საფრანგეთის სუდანის ნიორო ქალაქიდან) – 500 ფრანკი.
5. რუბენ ყიფიანმა (სოშოდან) – 100 ფრანკი.
6. პარიზის ცენტრის წევრებმა – 500 ფრანკი.
7. ივანე ზურაბიშვილის ოჯახმა – 150 ფრანკი.
8. ჟურ. "სამშობლოს" რედაქციამ (ალ. ასათიანის წარმოდგენილი) – 200 ფრანკი.
9. პოლონეთში მყოფ ქართველ ოფიცრებმა (ბ-ნ ალექსანდრე ბაგრატიონის მიერ
წარმოგზავნილი) – 570 ფრ. და 85 სანტ. (სია შემომწირ. არ მომსვლია).
10. ექიმ ვ. ალშიბაიამ (ვარშავიდან) – 5 დოლარი.
11. ვალიკო ახვლედიანმა (ლევილიდან) – 100 ფრ.
12. ელისე პატარიძემ – 50 ფრანკი.
13. ისიდორე ქარსელაძემ – 25 ფრანკი.
14. სოშოს ქართველ კოლონიის წევრებმა – 570 ფრანკი.
წინეთ როგორც მოხსენებული იყო უკანასკნელ ანგარიშში, ამათ შემოიტანეს 560
ფრანკი (საერთოდ იქნება 1130 ფრ.). ამის შემომტანი არიან: შავდია იასონ – 120 ფრ.,
ბარამიძე მირიან – 120 ფრ., წულაძე ზაქრო – 80 ფრ., კვერღველიძე დიომიდე – 20 ფრ.,
ჩარკვიანი ლევან 40 ფრ., ნადაშვილი მიხეილ – 85 ფრ., ბაქრაძე ლადო – 20 ფრ.,
თავბერიძე ბარნაბ – 50 ფრ., ჩიკვილაძე სიმონ – 20 ფრ., გაჩეჩილაძე ვალიკო – 10 ფრ.,
სალუქვაძე ილია – 40 ფრ., მურმანიძე სერგო – 100 ფრ., ორაგველიძე კოლია – 120 ფრ.,
ალანია ანტონ – 20 ფრ., ჭინჭარაძე მამედ – 40 ფრ., ახვლედიანი დუდული – 120 ფრ.,
ჭირაქაძე სევერიან – 65 ფრ., ბერძენიშვილი გიორგი – 60 ფრანკი.
უგულითადეს მადლობას ვუძღვნი ყველა ზემო აღნიშნულთ შემომწირველთ.
სულ დღემდის შემოვიდა თავის დროზე დახურდავებულის დოლარების
ჩათვლით 14.386 ფრ. და 85 ს.
უკვე დაიბეჭდა ერთი მოზრდილი წიგნი "არქეოლოგიური ექსპედიცია ლეჩხუმ-
სვანეთში 1910 წელს", რომელიც შეიცავს 440 გვერდს. გამოცემა დაჯდა 15.125 ფრანკი.
ამათგან ჯერხანად მიეცა ბ-ნ ვ. ნოზაძეს, – რომელმაც ააწყო წიგნი და
ხელმძღვანელობდა გამოცემას, – 13 910 ფრანკი. მიცემულია კლიშეების დამზადებაში
ვაჩეძორის მონასტრის საბუთებისა (ოლთისის ოკრუგისა) 256 ფრ. და 80 სანტ. მიეცა
ი. ზდანევიჩს ოთხთა ეკლესიის ერთი შენობის გეგმის დამზადებაში 100 ფრანკი.
დაიხარჯა მიმართვის დაბეჭდვაში, მისვლა-მოსვლაში, მარკებში, ფოსტის და სხვა
წვრილმან ხარჯებში 120 ფრ. და 5 სან. სულ გაცემული ხარჯი შეადგენს 14.385 ფრ. და
85 ს., ესე იგი იმ თანხას, რაც დღემდის შემოვიდა.
დარჩა მისაცემი ბ-ნ ვ. ნოზაძისათვის 1.215 ფრ. ეს ხარჯი უნდა დაიფაროს
მოსალოდნელი შემოწირულობით.
მეორე წიგნში, თუ ეღირსა გამოცემა, მოთავსებული იქნება აღწერილობა
ძეგლებისა სამუსულმანო საქართველოსი, კოლა-ტაო-ისპირისა, როგორც შედეგი
ჩვენი არქეოლოგიური ექსპედიციებისა 1907 და 1917 წლებში. ამას აუცილებლად
დასჭირდება სურათები და მეტს ხარჯს მოითხოვს. ბეჭდვას შევუდგებით, თუ
ქართველი ემიგრაცია კვლავ დაგვდებს პატივს და თავისი ღარიბი ჯიბიდან გაიღებს
საჭირო თანხას.

კოლია თაყაიშვილი

ნეკროლოგი

ულმობელმა სიკვდილმა კიდევ გამოგვაცალა ერთი ღირსეული ახალგაზრდა

მამულიშვილი, კოლია თაყაიშვილი, რომელიც 11 ივლისს გარდაიცვალა ჭლექით
სოშოში და 14 ივლისს დაასაფლავეს ქალაქ მობელიარის სასაფლაოზე, სადაც
დაახლოებით 10 სხვა ქართველი განისვენებს. კოლია იყო უმცროსი შვილი კოწია
ზაალის ძე თაყაიშვილისა. უკანასკნელი დიდი პიროვნება იყო, განთქმული მთელს
გურიაში თავისი პატიოსნებით, პატრიოტიზმით და ლიბერალური მიმართულებით.
გურიაში ის პირველი იყო, რომელმაც დაიწყო პროპაგანდა რუსთა უხეში
მმართველობის წინააღმდეგ. ის უაღრესად მჭევრმეტყველი იყო, ენერგიულად
ავრცელებდა ქართულ ნაციონალურ იდეებს და დიდი გავლენა ჰქონდა
საზოგადოებაზე. ასეთი მამის შვილი, რა თქმა უნდა, კარგი მამულიშვილი უნდა
ყოფილიყო. განსვენებული სულ პატარაობის შემდეგ მე აღარ მინახავს. მას
გაეთავებინა საშუალო სასწავლებელი და მასწავლებლად ყოფილიყო ჯავახეთში.
აჯანყების დროს მან მიიღო აქტიური მონაწილეობა ბრძოლაში. მოძრაობის
დამარცხების შემდეგ ის იძულებული გახდა საზღვარგარეთ გადმოხვეწილიყო. ერთს
ხანს პარიზში ცხოვრობდა, შემდეგ სოშოში წავიდა და იქ მუშაობდა. ნიჭიერი,
პატიოსანი, ზრდილი, წარმოსადეგი, უებრო მომღერალი და კარგი დეკლამატორი
თავისი და სხვების ლექსებისა, ის ყველასათვის საყვარელი ახალგაზრდა იყო. მას
ბუნებით სუსტი ფილტვები ჰქონდა და საჭირო იყო კარგი თავის მოვლა,
რეგულარული ცხოვრება. სამწუხაროდ, ეს მან ვერ შეძლო, როგორც მრავალი ჩვენი
ახალგაზრდობა, ის გაიტაცა ქაღალდის თამაშმა. ღამეებს ათენებდა თურმე
ქაღალდის თამაშობაში. მისმა სუსტმა ბუნებამ ეს ვერ აიტანა, დაჭლექდა და
ლოგინად ჩავარდა. მისმა მეუღლემ და სოშოს ქართველობამ ყოველი ღონე მიიღეს
მის გადასარჩენად. ჯერ გაგზავნეს სტრასბურგის საუკეთესო კლინიკაში და შემდეგ
ბეზანსონში, მაგრამ სიკვდილს ვერ გამოგლიჯეს ხელიდან. გვიანღა იყო. თვით
ატყობდა აღსასრულს. კარგად შეგნებული ჰქონდა, რომ თვით იყო მიზეზი
მდგომარეობისა. რამდენიმე დღის წინ სიკვდილისა მან უთხრა ილ. სალუქვაძეს:
"ძალიან მინდა სიცოცხლე, მაგრამ ეხლა გვიანღა არის. ეხლა აღარ იყიდება ის, რაც
დავკარგე, ხოლო გადაეცი ახალგაზრდებს, რომელნიც განაგრძობენ ჩემს ხელობას,
რომ თავს ძალა დაატანონ და დაანებონ თავი (ქაღალდის თამაშობაში ღამეების
ტარებას), თორემ ჩემებრ რომ ლოგინზე დაწვებიან, შემდეგ გვიან იქნებაო".
ჭეშმარიტი ანდერძია! მაგრამ გაუგონებს ჩვენი ახალგაზრდობა? გამოიჩენს იმდენს
ნებისყოფას, რომ ეს სენი თავიდან მოიცილოს? დიდი ბედნიერება იქნება, თუ ეს
მოხდება! ვინ არ იცის, რომ ზოგი ახალგაზრდა მთელს დღეს ქარხანაში მედგრად
მუშაობს, ხოლო საღამოს თავის ნაშრომს ქაღალდში აგებს, ჯანს იფუჭებს და
სიცოცხლეს იმოკლებს. კოლია თაყაიშვილი პირველი მაგალითი არ არის ასეთი
მოვლენისა. იმავე სოშოში ერთმა ყველასაგან კარგად მიჩნეულმა და პატივცემულმა
პირმა თავი მოიკლა, როდესაც თავის ფულის ქაღალდში წაგებას აღარ დასჯერდა და
საზოგადოების ფულიც წააგო. ჩვენმა საზოგადოებამ უნდა იზრუნოს ასეთი სენის
მოსასპობად, უნდა იქონიოს ზნეობრივი გავლენა ახალგაზრდობაზე, თორემ არაერთ
მამულიშვილს იმსხვერპლებს ეს სენი.
ვისურვოთ, რომ ბუნებიდან უხვად დაჯილდოვებული და ყველა
ამხანაგებისთვის საყვარელი კოლია თაყაიშვილი უკანასკნელი მსხვერპლი
ყოფილიყოს ასეთი მოვლენისა და მისი ანდერძი ყურად ეღოს ჩვენს
ახალგაზრდობას.

ანგარიში

ქართული საარქეოლოგიო და საკულტურო

მასალების გამოცების ფონდისა

როგორც "დამ. საქართველოს" №147-ში იყო გაცხადებული, 24 ივნისს 1938 წელს

მეორე წიგნის გამოსაცემი ფონდი იყო 1.432 ფრანკი და 75 სანტიმი.
მას შემდეგ შემოსწირეს:

ინჟინერმა ვ. გაბელაშვილმა 100 ფ.

ვალიკო ინწკირველმა 50 ფ.
ექიმმა კალისტრატე კახიანმა (შალვა
აბდუშელიშვილის გადმოცემული) 200 ფ.
მიშა ჩუბინიძემ 100 ფ.
დარისპან მდივანმა 100 ფ.
ირაკლი გორდელაძემ (ოსლოდან) 152 ფ. 75 ს.
ორესტი გორდელაძემ (ოსლოდან)57 76 ფ. 35 ს.
სოშოს ქართველთა ასოციაციამ 500 ფ.
57
ძმები ირაკლი და ორესტი გორდელაძენი სულ ახალგაზრდა მოსწავლენი არიან. მათ ცოტა სამუშაო
იშოვეს და პირველი მათი მონაგები ჩვენს ფონდს შემოსწირეს. მათი შემოწირულობა განსაკუთრებით
სასიამოვნოდ მოხვდა ჩვენს გულს. ვუსურვებთ მათ გაზრდას და ყოველგვარ წარჩინებას. თქმა არ
უნდა, ისინი ღირსეული მამულიშვილები გამოვლენ.
 გრიშა უჩაძემ 140 ფ.
ლიონის ქართველთ კოლონიამ (შალვა
ანთაძის წარმოდგენილი) 145 ფ.
ჩრდილო ამერ. შეერთებული შტატებიდან
პავლე კვარაცხელიასაგან 339 ფ. 30 ს.
სულ ახლად შემოწირული შეადგენს 1903 ფ. 40 ს.

უგულითადეს მადლობას ვუძღვნი ყველა ზემოაღნიშნულთ შემომწირველთ.

პირველი წიგნის გაყიდვიდან შემოვიდა 530 ფრ.
სულ მეორე წიგნის გამოსაცემი ფონდი შედგა 3.866 ფრანკი და 15 სანტიმი.
ამ თანხით დიდი წიგნის გამოცემა, მსგავსად პირველი წიგნისა, შეუძლებელი
იყო. ამიტომ ჩვენ დავბეჭდეთ ნაწილი ეხლანდელი სამუსულმანო საქართველოს
ძეგლების აღწერილობისა სათაურით: "არქეოლოგიური ექსპედიცია კოლა-ოლთისში
და სოფელ ჩანგიში 1907 წელს". წიგნი შეიცავს 88 გვერდს კარგს ქაღალდზე
დაბეჭდილს და დართული აქვს ხუთი ფაქსიმილე ტაოში ნაპოვნი სიგელებისა. ეს
მით უფრო მიზანშეწონილად მივიჩნიეთ, რომ გეგმები და ნახაზები ამ წიგნში
აღწერილი ძეგლებისა უკვე გამოცემულია (იხ. ქართული ხუროთმოძღვრების
ალბომი, შედგენილი პროფ. ექ. თაყაიშვილის მიერ. ტფილისის უნივერსიტეტის
გამოცემა. ტფილისი, 1924, ტაბ. 12–35), ხოლო მათი ფოტოგრაფიული სურათები,
სამწუხაროდ, ჯერჯერობით გამოუცემელი რჩება.
ამ მეორე წიგნის გამოცემა დაჯდა სულ 3.873 ფრანკი და 10 სანტიმი. ამათგან
ქაღალდის ფასში და აწყობა-დაბეჭდვაში მიეცა ბ-ნ ვ. ნოზაძეს 3.025 ფრანკი.
კლიშეების დამზადება და დაბეჭდვა დაჯდა 848 ფრანკი და 10 სანტიმი. პირველი
წიგნის დაგზავნის ხარჯი და სხვა წერილების და ფოსტის ხარჯი – 180 ფრანკი და 50
სანტიმი. სულ მთელი ხარჯი შეადგენს 4.053 ფრანკს და 60 სანტიმს. გასავალს რომ
შემოსავალი გამოვაკლოთ, დარჩება "დეფიციტი" 187 ფრანკი და 45 სანტიმი.
მორიგი გამოცემის მესამე წიგნში უნდა მოთავსდეს "არქეოლოგიური
ექსპედიცია სამუსულმანო საქართველოში, ტაო-თორთუმ-ისპირში 1917 წელს",
რომელშიც აღწერილი იქნება პირველხარისხოვანი ქართული ხუროთმოძღვრების
ძეგლები – იშხანი, ოშკი, ხახული, ოთხთა ეკლესია, პარხალი და სხვა. ამას წინ
წაუძღვება მოკლე გეოგრაფიული და ისტორიული მიმოხილვა სამუსულმანო
საქართველოსი, რომელიც წაკითხული იყო საჯარო კრებაზე 4 დეკემბერს 1937 წელს.
გამოცემას მიუცილებლად დასჭირდება მრავალი სურათი გეგმებისა და
ფოტოგრაფიებისა; ხოლო განხორციელება მისი დამოკიდებულია იმაზე, თუ
ქართველი ემიგრაცია კვლავ დაგვდებს პატივს და შეძლებს საჭირო თანხის გაღებას.
ჩვენ დიდად დავალებული ვართ ქართველი ემიგრაციისაგან და საჭიროდ
ვთვლით ერთხელ კიდევ უგულითადესი მადლობა გამოვუცხადოთ ყველა იმათ,
ვინც თავისი წვლილი მოგვაწოდა და ამით საშუალება მოგვცა ამ ორი წიგნის
გამოცემისა.
 მეფეთა და კათალიკოზთა სულთა მატიანე
ნიკორწმინდის ხელნაწერში

ჩვენი არქეოლოგიური ექსპედიციის დროს რაჭაში, 1919 წ. სექტემბერში,

ნიკორწმინდის არეულს ქაღალდის ნაფლეთებში ჩვენ ვიპოვნეთ ერთი თაბახი,
რომელზედაც, სხვათა შორის, მოთავსებული იყო "სულთა მატიანე", ანუ მოხსენებანი
ზოგიერთ საქართველოს მეფეთა და კათალიკოზთა. მაშინვე შევუდეგით
გამოკვლევას, დაცულია თუ არა იქ ხელნაწერი, რომელსაც ეს თაბახი ეკუთვნოდა.
საბედნიეროდ გამოირკვა, ხელნაწერი დაცული ყოფილა და წარმოადგენს კრებულს
სხვადასხვა ნაწარმოებთა58. კრებული დიდი ფორმატის არის, in folio, ყდაში.
დაწერილია ბომბიცინაზე ნუსხა-ხუცურით, ორ სვეტად, მრავლის წითლური
ასომთავრულებით. შინაარსით და ხელის მიხედვით სამ ნაწილად იყოფა:
1. დავითნი, სულ შვიდი რვეული. გადაწერილია ზოსიმე კარგარეთელის მიერ
იმერეთის მეფის გიორგი მეორის დროს, 1585 წელს, 15 მარტს. ეს ჩანს შემდეგი ბოლო
მინაწერიდან:
ო-ო ი¯ჳ ქ¯ე ღ¯ო აცოცხლე ადღეგრძელე ჴელმწიფე მეფეთ მეფე გ¯ი ორთავე
ცხოვრებასა შ¯ა ა¯ნ:
ამისა მწერალსა იკიმს ჭნბრისძესა (იოაკიმს ჭუმბურის ძესა) შ-ნს ღ-ნ. დაიწერა წ-
ნი და ს-ლთა განმანათლებელი დავითნი ესე ქკ-ნსაჲ (sic):. სნიგ: ნებითა ღ-თა თუჱსა მ-
რტსა ი-ე. გათავდა (sic):
ზოსიმეს კ-რგარეთელსა შ-ნს ღ-ნ ვინცა ჩ-ნ მოგჳჴსენოთ თქ¯ნცა შ¯ნს ღ¯ნ ა¯ნ:.
2. მეორე ნაწილი ხელნაწერისა დაწერილია სხვა ხელით და სხვა ქაღალდზე,
მაგრამ იმავე იმერეთის მეფის გიორგი მეორის დროს. იწყება «მომიჴსენენით»
თითოეული კვირის დღისა, შემდეგ მოყვანილია კვინკლოსი, რომელსაც სამი
ისტორიული მინაწერი აქვს:
ქ-კნს: რმე – 1457. აქა ჴოსტანტიპოლი დაიჭირეს ხუანთქრიანთაჲ (sic).
ეს ქორონიკონი მცდარია, ვინაიდან კონსტანტინეპოლი დაიჭირეს ოსმალებმა
1453 წ. 22 მაისს.
ქ-ნსა: ს – 1512. აქა მოვიდენ თათარნი, ქუთაისი და გელათი დაწუეს.
ამავე წელს უჩვენებს ვახუშტიც, აგრეთვე შემოქმედის გულანის კვინკლოსის
მინაწერიც.
ქ-კნსა: სჟბ–1604. აქა გარდაიცვალა ყ¯თა მეფეთა უპატიოსნესი ყოვლით
ზნეობით შემკული და აღსავსე ყოვლითა საღთოთა სწავლულებითაჲ მრავალჯერ
გამარჯუჱბული მძლეთა მძლე მეფეთ მეფე როსტომ ძე კონსტანტინესი და ელენესი
ვინცა შენდობით მოიხსენოთ ღ¯ნ თ¯ქნც მოგიხსენოს მეფობდა ა(თ)ცამეტ წელ.
ეს მინაწერი არა ტექსტის ხუცურით არის დაწერილი. იმერეთის მეფე როსტომი
მართლა კონსტანტინეს შვილი იყო, მაგრამ კონსტანტინეს მეუღლე ელენე ბროსსეს

58ნიკორწმინდის ხელნაწერები აღწერილი აქვს განსვენებულს არისტო ქუთათელაძეს (იხ. ჟურნალი

«მოამბე», 1894 წ. №7) და სხვათა შორის, ეს კრებულიც აქვს აღნიშნული, მაგრამ მეფეთა და
კათალიკოზთა მატიანეზე არაფერი აქვს ნათქვამი. ალბათ, ეს თაბახი მაშინაც არ იყო თავის ადგილზე
და ამიტომ შეუმჩნეველი დარჩა.
გენეალოგიურ ნუსხაში ცნობილი არ არის. ეს ახალი ცნობაა. როსტომის
გარდაცვალება აღნიშნულია 1605 წლით (H.G. II, p. 642). ესევეა აღნიშნული კახეთის
ქრონიკაშიც (ჟორდანიას ქრონიკები II, გვ. 434).
კვინკლოსის ბოლოს ტექსტის ხელით სწერია:
ქ-ე ღ-ო ადიდე ს-ლით და ჴ-რცით ორთავე შინა ცხორებათა ღ-თივ გჳრგჳნოსანი
მეფეთ მეფე გიორგი ა-ნ:-.
3. მესამე ნაწილი ხელნაწერისა დაწერილია აგრეთვე ბომბიცინაზე სხვა ხელით,
მაგრამ გადაწერილია, ჩვენის აზრით, იმავე იმერეთის მეფის გიორგი მეორის დროს
(1548–1585). შეიცავს საგალობლებს. დასაწყისი: იბაკონი წ-ისა ღ-თის მშობლისანი და
სადიდებელნი. ერთ ადგილას, შუა ტექსტში, ტექსტისავე ხელით უწერია:
ჩხეტიძესა მანოელსა მაწყუჱრელსა შ-ნს.
მეორე ადგილს ასეა განმეორებული:
მანოელსა (მ-ნო-ლსა):. მწყუჱრელსა დღეგრძელობით ცოდვანი მათნი შეუნდნეს
ღ-ნ.
მანოელ ჩხეტიძე 1529 წელს იმერეთის მეფეს ბაგრატ მესამეს დაუნიშნავს ხონელ
ეპისკოპოსად, ხოლო 1534 წელს იმავე მეფეს იგივე დაუდგენია ნიკორწმინდლად (იხ.
ჟორდანიას ქრონიკები, II, გვ. 373, 379) და როგორც ჩვენი წარწერიდან ჩანს,
მეთექვსმეტე საუკუნის მეორე ნახევარში ის გამხდარა მაწყვერელად. არა ვგონებ, აქ
სხვა მანოელ ჩხეტიძეზე იყოს საუბარი.
მერმენდელის ხელით ამ ნაწილში ხელნაწერისა სწერია:
ღმერთო შეიწყალე:. იოვანე:. პატარაძე:. და მეუღლე:. მისი:. თანანა:.
თაბახი ხელნაწერისა, რომელზედაც მეფეთა და კათალიკოზთა მოხსენებანია
მოთავსებული, ეკუთვნის მეორე ნაწილს ხელნაწერისა. ესეც დაწერილია ორ სვეტად
ნუსხა-ხუცურით, ხოლო პარაგრაფების ანუ მუხლების შემცველი სტრიქონების
ტექსტი იწყება ჩვეულებრივად წითლურით დაწერილის ასომთავრულით, მაგრამ
წითლური ასომთავრული ერთ დროს კი არ არის სხვა ტექსტთან დაწერილი, არამედ
შემდეგ, შეიძლება სხვა გადამწერისაგანაც. ტექნიკურად ეს გასაგებია. დროს
მოსაგებად გადამწერი სტოვებდა ადგილს წითლური ასომთავრულისათვის და
სწერდა მარტო ნუსხური ასოებით ტექსტს შავის მელნით, ხოლო შემდეგ იგივე
გადამწერი ანუ სხვა, დახელოვნებული ასომთავრულის წერაში, მიუმატებდა,
მიუწერდა ნაკლულ სიტყვებს, ასომთავრულებს წითელის მელნით ანუ კინოვარით.
რომ ეს ასეა, ეს სჩანს იმ შეცდომებით, რომელნიც ამ ასოების მიმატების დროს არის
დაშვებული. პირველ ყოვლისა ზოგიერთ სიტყვებს სულ არ უზის ასომთავრული,
არც წითლური, არც შავი მელნით დაწერილი. ესენი გამორჩენია ასომთავრულების
მიმატების დროს მწერალს. მაგალითად, სიტყვის მაგიერ «დ¯თისი» (დავითის) სწერია
«თისი». სიტყვის მაგიერ «შვილისა» სწერია «-ვილისა» და სხვა. ამას გარდა,
ასომთავრულების მიმატების დროს, ეტყობა, გადამწერს ტექსტი ფრაზისა არ
წაუკითხავს და ამიტომ ჯეროვანი ასომთავრულის მაგიერ სულ სხვა ასო დაუწერია,
რომელიც სრულიად უაზროდ ხდის ფრაზას. მაგალითად, დედანში წერებულა
«თის», მიუწერიათ ასომთავრული ღანი, გამოდის «ღ-თის» (ღვთის), უნდა მიეწერათ
დ «დ¯თის» (დავითის), ვინაიდან მთელი ფრაზა ასე იგულისხმება: «დავითის
მართლმადიდებელისა მეფისა საუკუნოს იყავნ (ხსენება)». მეორე ადგილას დედანში
წერებულა «...ისა», მიუწერიათ წ «წ-ისა», მაგრამ კონტექსტით უნდა მიეწერათ ძ,
ვინაიდან იგულისხმება «ძისა მათისა პატრონისა ერეკლესი» და სხვა.
 კიდევ მაგალითი. დედანში წერებულა ...ართლისა, მიუმატებიათ მ, გამოდის
«მართლისა», მაშინ როდესაც კონტექსტით უნდა მიემატებინათ ქ, «ქართლისა
პატრიარქნი», და სხვა. ყველა ასეთი მაგალითები ჩვენ ქვემოთ თავთავის ადგილზე
აღნიშნული გვაქვს.
თუმცა ხელნაწერი, როგორც მოვიხსენიეთ, გადაწერილია იმერეთში, მეფის
გიორგი მეორის დროს (1548–1585), მაგრამ მეფეთა და კათალიკოზთა მოხსენებაში
არც ერთი იმერეთის მეფე და აფხაზეთის კათალიკოზი არ არის მოხსენებული,
არამედ საერთო საქართველოს მეფენი და საქართველოს კათალიკოზ-პატრიარქნი. ეს
იმის მაჩვენებელია, რომ გადამწერს დედნად ასეთი ნუსხა ჰქონია ხელში და მას
თვითონ არაფერი მიუმატებია. დედანი ამ ნუსხისა მაინცდამაინც ძველი არ ყოფილა.
ეს იქიდან სჩანს, რომ მეფეთა ნუსხაში ბოლოს ცოცხლად მოხსენებულნი არიან
ბაგრატ მუხრანის პატრონი (1512–1539), მისი მეუღლე ელენე და შვილები. ამასვე
ამტკიცებს კათალიკოზ მელქიზედეკ მეორის მოხსენება, თუმცა ეს არა თავის
ადგილზეა მიმატებული. კათალიკოზი მელქისედეკ მეორე, ძე მეფისა (1524–1529),
იყო მკვიდრი ძმა ბაგრატ მუხრანის ბატონისა, მეფის კონსტანტინე მესამის შვილი (H.
G. II, 1, p. 626). თავში მეფეთა მოხსენების სიას აკლია. წინა ფურცელი ხელნაწერისა
არ შენახულა, სხვა იკითხება ასე2:
1. ... ი და კურთხევა მათი:.
2. მ-რთლ მადიდ-ბელთა მეფეთა, დაჩისი, ფარსმ-ნისი და ფ¯რსმანისი,
ადარნასესი, ბაკურისი, არჩილისი და ადერნესესი სკნ-ს იყ-ვნ ჴსნაჲ:.
მოხსენებანი მეფეთა დედანში, ალბათ, იწყებოდა პირველი ქრისტიანი მეფე
მირიანით, მაგრამ არ შენახულა, გარდა უკანასკნელი სიტყვებისა, პირველ მუხლში
აღნიშნულისა.
მეორე მუხლში მოხსენებულნი უნდა იყვნენ: დაჩი (502–514), ვახტანგ
გორგასალის შვილი, ფარსმან მეხუთე (528–542), ფარსმან მეექვსე (542–557), ადარნასე
პირველი (619–639), ბაკურ მესამე (557–570), არჩილ პირველი (410–434), ადარნასე
მეორე (+779), ნერსეს შვილი. როგორც ვხედავთ, აქ ქრონოლოგიური რიგი არ არის
დაცული და არც ყველა მეფე და მთავარი არის მოხსენებული.
3. არჩილ მეფისა და მოწამისა ს¯კნოს:.
აქ არის მოხსენებული არჩილ მეორე წამებული (668–718).
4. მ¯რთლ მდიდბ¯ლთა მ¯ფთა ბაგრატისი, გ¯ისი ს¯კნს ჴ¯ს:.
აქ არიან მოხსენებულნი ბაგრატ მესამე (980–1014) და მისი შვილი გიორგი
პირველი (1014–1027).
5. ბაგრატისი, გ¯ისი, [დ]-თისი მეფეთა შ¯ს წ¯რჩინებ¯ლისა. რ¯ნ ბრწყინვ¯ლე ჰყო
სჯ¯ლი ქართვ¯ლთა. და ადიდნა ეკლესიანი ღ¯თისნი ს¯კნს იყ¯ვნ ჴსნაჲ:.
დედანში, ამ მუხლში ორი შეცდომაა დაშვებული გადამწერის მიერ. პირველად
ის, რომ სიტყვა დ-თისი-ს მაგიერ სწერია «თ ისი». წითლური ასო დონის დაწერა
თავში დავიწყებიათ, და მეორედ ის, რომ ეს სიტყვა «ბაგრატისი»-ს წინ სწერია. ეს,
გარდა იმისა, რომ არღვევს ქრონოლოგიურ წესს, დავით აღმაშენებელს აცლის
განმარტებას, რომელიც შემდეგ ფრაზებშია მოქცეული და უეჭველად დავით
აღმაშენებელს ეკუთვნის. ცხადია, ამ მუხლში იხსენიებიან ბაგრატ მეოთხე (1027–
1072), მისი შვილი გიორგი მეორე (1072–1089) და ამ უკანასკნელის შვილი დავით
აღმაშენებელი (1089–1125).
 6. დიმიტრი მ-რთლ მ-დიდ¯ბლისა მ-ფისა. რ-ნ მონაზონებისა ღ-წლთა შ-ა სრ-ლ
ყო საწუთო ესე სკ-ნს იყ:-
ამ მუხლში იგულისხმება მეფე დიმიტრი პირველი (1125–1154), დავით
აღმაშენებლის შვილი, რომელიც ბოლოს მართლაც ბერად შედგა დანიელის
სახელით.
7. [დ]-თის მართლ მ-დიდებ-ლისა მ-ფისა ს-კნს ი ყ:-
ამ მუხლშიც გადამწერს შეცდომა დაუშვია. პირველი სიტყვისთვის წითლური
დონის მაგიერ წითლური ღანი მიუწერია და გამოდის ღ¯თისა (ღვთისა); ხოლო აქ კი
საუბარია დიმიტრი მესამის შვილზე დავით მესამეზე (+1155).
8. თამარ თომაჲ დასა (sic) დედ¯ფლისა დამ-ფისა მონაზონებისა ზეშთა გ-
ნბრწყინვებ¯ლისა საუკნ¯ს იყვ¯ნ:.
აქ საუბარია დავით აღმაშენებლის ასულზე თამარზე, ცოლყოფილზე აღსართან
შირვან შაჰისა, რომელიც ბოლოს მონოზონად შედგა და თიღვის ეკლესია აღაშენა
(+1150). ეს იყო დაჲ მეფე დიმიტრი პირველისა და მეორე ასულის დავით
აღმაშენებლისა კატა-სი, რომელიც მისთხოვდა ბიზანტიის იმპერატორის შვილს
ბრიენს. ამის გამო არის ის აქ მოხსენებული «დად დედოფლისა და მეფისა». ხოლო
თამარ-თომაჲ მისი მონოზნობის სახელი უნდა იყოს, რაც ცნობილი არ იყო აქამდის.
9. გ-ის მ-რთლ მდიდბ-ლისა მეფისა პანგრატოვანისა (sic) ს¯კნს:.
აქ იგულისხმება გიორგი მესამე (1154–1184), თამარ მეფის მამა.
10. [შ]ვილისა მ-თისა თამ-რ მ-ფისა დ-ფლისა და თჳთ მპყრობ¯ლისა ყ-ლისა
აღმოსვლეთისა და საქართველოსაჲ ს-კნს:-
ამ მუხლშიაც გადამწერს დავიწყებია წითლურის ასომთავრულის შინის დაწერა.
რაღა თქმა უნდა, რომ აქ გიორგის ასულზე თამარ მეფეზეა საუბარი (1184–1212).
11. ღ-თივ გჳრგჳნოსნისა მ-ფთ მ-ფისა ალექსანდრე ყოფილისა აბრ¯ჰმისი სკნს
იყ¯ნ:.
საუბარია ალექსანდრე დიდზე მცხეთის განმაახლებელზე (1413–1442).
ცნობილია, რომ ის ბერად შედგა ბოლო ხანს, ხოლო მისი ბერობის სახელი «ქართლის
ცხოვრების» შევსებულ-გადაკეთებულ გაგრძელებაში ათანასე-დ არის მოხსენებული
(იხ. ჩვენი მარიამ დედოფლის ვარიანტი, გვ. 889). სხვა წყაროებში ეს სახელი არ
შენახულა. ცხადია, მისი ბერობის სახელი აბრაჰამი ყოფილა და არა ათანასე.
12. ღ-თივ გჳრგჳნოსნისა მ¯ფთ მ¯ფისა კოსტ¯ნტინე ყ¯ფილისა კჳრილესი. ს¯კნს
იყვ¯ნ:-
აქ იგულისხმება მეფე კონსტანტინე მესამე (+1505), მაგრამ მისი ბერად შედგომა
კჳრილეს სახელით სულ ახალი ამბავია ჩვენთვის. სხვა წყაროებიდან არა ვუწყით.
13. თანამეცხედრისა მ¯თისა დ¯ფლთ დ¯ფლისა თამ¯რ ყ¯ფილისა თეკლასი. სკ¯ნს
იყ¯ვნ:.
კონსტანტინე მესამის თანამეცხედრეს მართლა ერქვა თამარი, მაგრამ მისი
მონაზონობა თეკლას სახელით ახალი ამბავია, სხვა წყაროებიდან უცნობი.
14. ღ-თივ გჳრგჳნოსნისა მ-ფთ მ-ფისა დ-თ ყ-ფლისი დამიანესი ს-კნო იყ-ვნ ჴს-
ნბჲ:.
აქ იხსენიება მეფე დავით მერვე, რომელიც მართლა შედგა ბერად დამიანეს
სახელით 1522 წელს.
15. გ-ი ყოფილისა გერასიმესი სკ-ნ იყ-ვნ ჴს:.
 საუბარია მეფე გიორგი მეცხრეზე, რომელიც მართლა ეკურთხა ბერად გერასიმეს
სახელით 1535 წელს.
16. თჳთ მპყრობ-ლისა (sic) ღ-თივ გჳრგჳნოსნისაჲ მ-ფთ მ-ფისა:. სახ-ლი მრვ-ლცა
არ-ნ წელნი სუფევისა მისისანი:.
აქ საზოგადო ფორმულაა მოცემული ცოცხალი მეფის მოხსენებისა.
17. ბატონისა ბაგრატისა მრ-ვლმცა არ-ნ წელნი მ-თნი:.
18. თ-ნა მეცხედრისა მ-თისა დ-ფლის ელენესი მრ-ვლმცა არ-ნ წელნი მ-თნი:-
19. ძ-ისა მ-თისა პ-ტრონისა ერეკლესი და არჩილისი მრვ-ლმცა არ-ნ წელნი მ-
თნი:-
ამ მუხლშიაც შეცდომაა გადამწერისა. პირველ სიტყვას მიწერილი აქვს
წითლურით ასომთავრული წილი ასო ძილის მაგიერ. გამოდის წ-ისა.

20. ბატრონისა (sic) ალექსანდრესი და თ-ნა მეცხედრისა მ-თისა ბატრონისა (sic)

ელენესი და ძეთა მ-თთა მრ-ლმცა არ-ნ წელნი მ-თნი:. ზეცათა მ-ფო ქ-ყნისა
მ¯ფნი დაიცვენ:.

მე-17-20 მუხლებში ცოცხალნი პირნი იხსენიებიან. ეს იმის მაჩვენებალია, რომ

დედანი, საიდანაც ეს მოხსენებანია ამოღებული გადაწერილი ყოფილა აქ
მოხსენებულთა პირთა სიცოცხლეში. ხოლო ეს პირნი არიან: ბაგრატ მუხრანის
მფლობელი (1512–1539), მისი მეუღლე ელენე, ამათი შვილები ერეკლე და არჩილი.
ბაგრატი ბერად შევიდა 1539 წელს ბარნაბას სახელით (იხ. ბროსე H. G. II, 1, p. 626. და
ჩემი არხეოლოგიჩესკია ეკსკურსიი, ...III, გვ. 12–13). ხოლო ძნელია თქმა
დანამდვილებით, ვინ არის ბატონი ალექსანდრე და მისი თანამეცხედრე ელენე.
შეიძლება ეს ალექსანდრე იყოს იმავე ბაგრატ მუხრანბატონის შვილი, რომელიც
ბროსეს ცნობით, ცოცხალი იყო 1604 წ. სხვა მის შესახებ არაფერი არ ვიცით (იხ.
ბროსსე, იქვე გვ. 626). ან შეიძლება ეს ალექსანდრე იყოს, იმერეთის მეფის ბაგრატ
მესამის და მისი მეუღლის ელენეს შვილი, ძმა მეფის გიორგი მეორისა, რომლის
დროსაც 1585 წელს გადაწერილია ჩვენი ხელნაწერი (H. G. II, 1, p 642). მაგრამ ჩვენ
პირველი მოსაზრება უფრო სამართლიანად მიგვაჩნია, ვინაიდან საზოგადოდ
იმერეთის მეფენი და მთავარნი არ იხსენიებიან ჩვენს ნუსხაში.
ამას შემდეგ მოყვანილია მოხსენებანი საქართველოს კათალიკოზთა, რომელსაც
კიდევ მეტი მნიშვნელობა აქვს ჩვენთვის, ვინაიდან აქ გვხვდება სახელები,
რომელნიც ცნობილნი არ არიან ჩვენს ლიტერატურაში სხვა წყაროებიდან.
მოხსენებანი ასეა წარმოდგენილი:
ქართლისა59 პ-ტრიაქნი: – იოანესი (ი-ესი), სამოელისი, შიუსი (sic), ევლალიასი,
პეტრესი (პე-სი), სამოელისი, მელქიზედეკისი, ოქროპირისა, გიორგისა (გი-სა), გ-
ბრიელისა, პეტრესი (პე-სი), ევსტ-ტისა, გიორგისი (გი-სი), დიმიტრისი, ბასილისი,
იოანესი (ი-ესი), სჳმონისი... ძე მეფ-თა (sic):. ქ-ზ:. მელქიზედეგისი სკ-ნ:.
[დ]ა ყ-ისა აღმოს-ვლეთისა. პატრიაქთაჲ:. სკ-ნსმცა არს სჴსნ-ბელი და კ-ხჲ მ-თი:
წი¯სა და ღ¯თ შემოსილისა საბ¯ჲ:. ქკ¯ზისა. და ყ¯ლისა საქართველოსა პატრიაქისა
სკ¯ნს:-
წი-სა გ-ლაბერიძისა არსენისი: მიქელ მირიანის ძისა:. ქკ¯ზისა ს¯კნო:-
59
დედანში წერია «მართლისა». აქაც შეცდომით მიწერილია ასომთავრული მანი ქანის მაგიერ.
 წი¯სა მ¯მთ მთ¯ვრისა და ღ¯თშემოსილისა აღმოსავლეთისა და ყ-ლისა
საქართველოსა მ-მთ მთ-ვრისაჲ სჯ¯ლთა თჳთმპყრობ-ლისა. და პატრიარქისა მრ-ვლმც
არ-ან წელნი მ-თნი:-
რ-ნ დაიცვ-ს წ-ჲ მეფე მ-თი: წ-ნ სამებამან ესენი ადიდნა:
სამწუხაროდ, უნდა აღვნიშნოთ, რომ ჩვენ არ მოგვეპოვება ისტორია
საქართველოს კათალიკოზ პატრიარქთა. არსებობს რამოდენიმე ნუსხა. უძველესი
მათგანი ეკუთვნის ქართლის მოქცევის მატიანეს შატბერდის ხელნაწერისა და
შეიცავს სამ სიას. პირველი შეტანილია ქართლის მოქცევის ტექსტში ჩვენებით, თუ
რომელი კათალიკოზი რომელ მეფის ან ერისთავის დროს ცხოვრობდა. აქ
აღნიშნულია 20 კათალიკოზი, შემდეგ ცალკე სიით წარმოდგენილია 9 ცოლოსანი
კათალიკოზი და ამის შემდეგ სიითავე მოყვანილია სახელები 19 კათალიკოზისა.
ჭელიძის ვარიანტში უკანასკნელი სია არ მოიპოვება და პირველი ორი ერთ სიად
არის წარმოდგენილი60. ეხლა გამორკვეულია, რომ ქართლის მოქცევის სიები სრული
არ არის. გამოტოვებულია რამოდენიმე კათალიკოზი, რომელნიც სხვა წყაროებიდან
ცნობილნი არიან. ქართლის მოქცევის ნუსხის გაგრძელებად მიჩნეულია ერთი, 1270
წლის შიომღვიმის ხელნაწერის სია 61, მაგრამ ეს სია პირდაპირ, უშუალო გაგრძელებას
არ წარმოადგენს შატბერდისეული ნუსხისა. შიომღვიმის ნუსხას რამდენადმე
ეთანხმება ზემომოყვანილი ნიკორწმინდის ნუსხა, მაგრამ თვალსაჩინო
განსხვავებასაც წარმოადგენს. ჩვენი აზრით, ეს ორი ნუსხა ერთიმეორეს ავსებს და
ამიტომ მოვიყვანეთ აქ პარალელურად.

ნიკორწმინდის ნუსხა: შიომღვიმის ნუსხა:

1. იოანე 1. ოქროპირი
2. სამოველ 2. სვიმეონ
3. შიო 3. მელქისედეკ
4. ევლალი 4. იოვანე
5. პეტრე 5. დიმიტრი
6. სამოველ 6. ბასილი
7. მელქიზედეკ 7. იოანე
8. ოქროპირი 8. სვიმეონ
9. გიორგი 9. საბაჲ
10. გაბრიელ 10. ნიკოლაოზ
11. პეტრე 11. მიქაელ
12. ევსტატი 12. თეოდორე
13. გიორგი 13. ბასილი
14. დიმიტრი 14. იოანე
15. ბასილი 15. ეპიფანე
16. იოანე 16. არსენი
17. სჳმეონ 17. გიორგი

60
იხ. ჩვენი აღწერა წერა-კითხვის საზოგადოების ხელნაწერთა რუსულ ენაზე, ტ. II, გვ. 722–727.
61თუმცა შიომღიმის ხელნაწერი 1270 წელს ეკუთვნის, მაგრამ ის გადმოწერილია 1172 წლის
დედნიდან (თ. ჟორდანია, ქრონიკები 1, გვ. 79–81).
 18. მელქიზედეკ, ძე მეფისა
19. საბა
20. არსენი გულაბერიძე
21. მიქელ მირიანის ძე

ორთავე ზემომოყვანილ სიაში აღნუსხული სახელების შემცველი

კათალიკოზები რომ არსებობდნენ საქართველოში, უდავოა, მაგრამ რიგი მათი არც
ერთში სწორი არ არის. ქრონოლოგიურად დასაყრდნენი ორთავე სიისა არის
მოხსენება მელქიზედეკ კათალიკოზისა, რომელიც ეჭვს გარეშე არის მელქიზედეკ
პირველი, სვეტიცხოვლის მეორედ აღმაშენებელ-განმაახლებელი, რომელიც
კათალიკოზად იჯდა ბაგრატ მესამის, გიორგი პირველის და ბაგრატ მეოთხის დროს,
დაახლოებით 1010–1033 წლებში62. ნიკორწმინდის სიაში ამის წინ მოხსენებული
სახელები გვხვდება ქართლის მოქცევის კათალიკოზთა ნუსხებში სხვადასხვა დროს.
მაგალითად, იოანე – ორჯერ, სამოველ – ცხრაჯერ, შიო – არცერთჯერ, ევლალი ანუ
ევლალე – ორჯერ, პეტრე – სამჯერ. აშკარაა, მელქიზედეკის წინ მოხსენებული
კათალიკოზნი ერთიერთმანეთის მომდევნონი არ არიან, არამედ სხვადასხვა დროს
ეკუთვნიან, ხოლო შიომღვიმის სიაში მელქიზედეკის წინ მოხსენებული სვიმეონი
სწორია, ვინაიდან ვიცით, რომ მელქიზედეკი სვიმონის მომდევნო იყო («ქართლის
ცხოვრება», I, გვ. 212). სვიმეონის წინ მოხსენებული ოქროპირი უცნობია – ეს სახელი
არ გვხვდება ქართლის მოქცევის სიებში, სამაგიეროდ ნიკორწმინდის სიაში
მელქიზედეკის შემდეგ მოხსენებული სამი კათალიკოზი – ოქროპირი, გიორგი და
გაბრიელი – რიგრიგობით მისდევენ ერთმანეთს და ცნობილნი არიან «ქართლის
ცხოვრებითაც». ესენი არიან: იოანე-ოქროპირი (შიომღვიმის სიაში მარტო იოანეს
სახელით ნაჩვენები, ნიკორწმინდისაში – მარტო ოქროპირად), გიორგი ტაოელი და
გაბრიელ საფარელი (ქართ. ცხ. I, გვ. 222, 223). აღნიშნული მოხსენებანი ცნობილ
კათალიკოზთა მელქიზედეკის წინ და შემდეგ მოწმობენ, რომ მელქიზედეკი ორთავე
ნუსხის მეთერთმეტე საუკუნის მელქიზედეკია, ავტორი ცნობილის «მცხეთის
გუჯრისა». ამიტომ მიუღებელია ს. კაკაბაძის აზრი, ვითომც შიომღვიმის სიის
მელქიზედეკი სხვა იყო, მისი ანგარიშით დაახლოებით 1093–1102 წლებში მცხოვრები
(საისტორიო მოამბე, I, გვ. 102). შემდეგი სამი კათალიკოზი ნიკორწმინდისა სიისა –
პეტრე, ევსტატი და გიორგი – უცნობია (გიორგი შიომღვიმის სიაში უკანასკნელად
არის აღნიშნული). პეტრე ოთხჯერ არის მოხსენებული ქართლის მოქცევის სიებში,
მხოლო ევსტატი არც ერთ ცნობილ სიაში არა ჩანს. დიმიტრი, ბასილი, იოანე,
სვიმიონ და საბაჲ ორთავე სიაში არიან მოხსენებულნი და ესენი ერთი ერთმანეთს
მისდევენ რიგით, თუმცა ნიკორწმინდის სიაში სვიმეონ და საბას შორის ნახსენებია
მელქიზედეკ, ძე მეფისა, მაგრამ ეს უადგილო ადგილს არის ეჭვგარეშე
მოთავსებული. ეს მელქიზედეკ მეორე იყო, როგორც მოვიხსენიეთ, ძმა ბაგრატ
მუხრანბატონისა, ძე კონსტანტინე მესამისა. კათალიკოზობდა 1518–1529 წლებში,

62იხ. ქართლის ცხოვრება, ბროსეს გამოცემა, I გვ. 212 მოსაზრება ს. კაკაბაძისა (საისტორიო კრებული,
წიგ. I, გფილის, 1928, გვ. 35-107), რომ მცხეთის განმაახლებელი მელქიზედეკი სხვა არის და
მეთერთმეტე საუკუნის გუჯარში მოხსენებული სხვა და ვითომც პირველი მათგანი ცხოვრობდა
დაახლოებით 925-945 წლებში, სამართლიანად უარყოფილია ნ. ბერძენიშვილის მიერ (იხ. მცხეთის
საბუთი მეთერთმეტე საუკუნისა, საქართველოს მუზეუმის მოამბე, ტომი VI, გვ. 229–296).
გარდაიცვალა 1549 წელს. ეს რომ სიის ბოლოს იყოს მოხსენებული,
ქრონოლოგიურად მაშინაც არ შეესაბამება მოხსენებულ კათალიკოზებს. საბას შემდეგ
შიომღვიმის სია იხსენიებს 8 კათალიკოზს, ნიკორწმინდის – მხოლოდ ორს: არსენი
გულაბერიძეს და მიქელ მირიანის ძეს. მიქელ და არსენი მოხსენებულნი არიან
შიომღვიმის სიაშიც. შიომღვიმის სია საბაჲს შემდეგ სწორია: ნიკოლაოზ კათალიკოზი
გულაბრის ძე კათალიკოზად იჯდა გიორგი მესამის დროს. მან სიმდაბლით დატოვა
კათალიკოზობა და წარვიდა იერუსალიმს, ხოლო იქიდან გამოიწვია თამარ მეფემ
საეკლესიო კრებისათვის (ქართ. ცხ. I, გვ. 280). შემდეგი კათალიკოზი იყო მიქაელი
ანუ მიქელ მირიანის ძე, რომელიც ნიკორწმინდის სიის ბოლოს არის მოხსენებული.
ის ჩანს გიორგი მესამის გარდაცვალების დროს, 1184 წელს და თამარის მეფობის
პირველ წლებში. ეს იყო შფოთიანი და ამღრევი საეკლესიოთა წესთა და ამიტომ,
როცა გარდაიცვალა, «არვინ შეწუხდა მისთვის, რამეთუ ყოველნი სძულობდეს მას»
(ქართ. ცხ. გვ. 276, 280, 293). თეოდორე კათალიკოზი მიქელის შემდეგ კარგად
ცნობილია თამარის მეფობაში (მარიამ დედოფლის ვარიანტი, გ. 501). შემდეგი
კათალიკოზი ბასილი «ქართლის ცხოვრებით» ცნობილი არ არის, ხოლო იოანე
მოხსენებულია თამარისავე მეფობაში და მისი მეფობის ბოლო დროს უნდა
ეკუთვნოდეს (ქართ. ცხ. I, გვ. 312–317). ამის შემდეგ კათალიკოზი ეპიფანე ცნობილია
ნ. მარის გამოცემული ანისის ქართული ეკლესიის წარწერით 1218 წლისა. ამის
მომდევნო კათალიკოზი არსენი, ბულმაისის ძედ წოდებული, ცნობილი მწერალია.
იგი ჩანს 1224 და 1233 წლებში. შემდეგ მან კათალიკოზობას თავი დაანება და
უბრალო მწირად ცხოვრობდა შიომღვიმეში და ცოცხალი იყო 1249 წელსაც63. შემდეგი
გიორგი კათალიკოზი სხვა წყაროებით ცნობილი არ არის. აქ საჭიროდ მიგვაჩნია
შევნიშნოთ: შიომღვიმის ხელნაწერში, სადაც თავდება სია კათალიკოზთა, არშიაზე
დედნისავე ხელით მიწერილი ყოფილა: «არსენისა ყოვლად განთქმულისა
საღმრთოთა წიგნთა თარგმანისა და საქართველოთა ეკლესიათა მნათობისაჲ
საუკუნო იყავნ ჴსენება». ს. კაკაბაძე აქ გულისხმობს კათალიკოზ არსენის და ჰგონია,
შიომღვიმის სია ამ არსენით თავდება, ხოლო სია მეფეების მოხსენებისა ხელნაწერში
მოყვანილი ყოფილა რუსუდანამდის და ხუთასეული ცხრილი 1224 წლამდის. ამისდა
მიხედვით, დაასკვნის ავტორი, ხელნაწერიც გადაწერილი ყოფილა 1224 წელს და ამ
წელს მჯდარა ზემო მინაწერში მოხსენებული კათალიკოზი არსენი, რომელიც მას
მიაჩნია არსენ მესამედ. რაკი 1218 წელს კათალიკოზად ეპიფანეა და 1224 წელს არსენ
მესამე, ამრიგად, არსენ და გიორგის კათალიკოზობა მოდის 1218–1224 წლებზე.
მეორე მხრივ, 1224 წლიდან იწყება კათალიკოზობა არსენ მეოთხის ბულმაისის ძისა,
რომელიც 1233 წელსაც კათალიკოზად ყოფილაო64. ჩვენ ეს მსჯელობა მიუღებლად
მიგვაჩნია. ჯერ ერთი, ეს არსენი მინაწერში კათალიკოზად სრულებით არ არის
მოხსენებული; მეორედ, ეს რომ მართლა კათალიკოზი ყოფილიყო, კათალიკოზთა
63
იხ. თ. ჟორდანიას ქრონიკები, I, გვ. 81; II, გვ. 103–110 და ს. კაკაბაძე, მეცამეტე საუკუნის პირველი
ნახევრის საქართველოს კათალიკოზები, ტფილისი, 1913 წ., გვ. 4 და 8. კ. კეკელიძე, ქართული
ლიტერატურის ისტორია, I, გვ. 287–301. ნ. ბერძენიშვილი ამ არსენ ბულმაისის ძეს (sic) აფხაზეთის
კათალიკოზად ცნობს და ჯერ გამოუქვეყნებელ მის სტატიაზე გვითითებს «ქართული სავაზიროს
გენეზისის საკითხები» (საქარ. მუზ. მოამბე, VI, გვ. 260). ეხლა შეიძლება სტატია დაბეჭდილი იყოს,
მაგრამ ჩვენ არ გვინახავს.
64 იხ. ხსენებული ბროშურა, გვ. 3–4.
ნუსხაში იქნებოდა აღნიშნული და არა ცალკე შენიშვნის სახით არშიაზე. ის არც
ტექსტის გამომცემელ თ. ჟორდანიას მიუღია კათალიკოზად და მისთვის ახსნა-
განმარტება არ გაუკეთებია (ქრონიკები. I, გვ. 80–81). ჩვენი აზრით, ეს მოხსენება
არსენ იყალთოელს გულისხმობს. ს. კაკაბაძის ცნობით, არსენ მეოთხის ბულმაისის
ძის შემდეგ კათალიკოზად ზის არსენ მეხუთე65. ამის შემდეგ მიქაელ, რომელიც ჩანს
1249 წ., ხოლო 1250 წლიდან კათალიკოზად უნდა ყოფილიყო ნიკოლოზ66. ჩვენ იმედი
გვაქვს, როცა ჩვენი უამრავი ხელნაწერი და წარწერები შესწავლილი იქნება სავსებით,
სხვადასხვა ნუსხებში მოხსენებული უცნობი კათალიკოზების მოღვაწეობის დრო
ბევრ შემთხვევაში გამორკვეული იქნება.
8 იხ. ხსენებული ბროშურა, გვ. 3–4.
9 შესაძლოა, ეს არსენი იყოს ნიკორწმინდის სიის არსენი გულაბერიძე. მაშინ ეს არსენი მეოთხე
იქნება, ვინაიდან არსენ მესამე კაკაბაძისა არ არსებობდა. მაგრამ აქ კიდევ შესაძლოა კითხვის დასმა.
ბულმაისის ძე გულაბერიძედ ხომ არ შეიცვალა გრაფიკულ ნიადაგზე?
10 მეცამეტე საუკუნის პირველი ნახევრის საქარ. კათალიკოზები. ტფილისი, 1913, გვ. 8.

ანგარიში

ქართული საარქეოლოგიო და საკულტურო

მასალების გამოცემის ფონდისა

როგორც მოხსენებული იყო «დამ. საქართველოს» №152-ში 24 დეკემბერს 1938

წელს, მეორე წიგნის გამოცემის შემდეგ (არქეოლოგიური ექსპედიცია კოლა-
ოლთისში და ჩანგლში 1907 წელს), დარჩა დეფიციტი 187 ფრანკი და 45 სანტიმი. მას
შემდეგ შემოვიდა:
ლევან მამულაიშვილისაგან 100 ფ.
ილია ნუცუბიძისაგან 50 ფ.
თეირანის ქართველებისაგან ბ-ნ ი. გეგენავას წარმოგზავნილი ათას რვაას
ოთხმოცდაათი სპარსული რიალი ანუ თერთმეტი გირვანქა სტერლინგი. ამის
შემომწირველნი არიან:
ექიმი ვ. თოფურია 250 რიალი
ქორქია მიხეილ 250
გიუნაშვილი შალვა 250
გიუნაშვილი ევსევი 250
გეგენავა იოსებ 250
ბებიაშვილი დავითი 150
თვალაძე რაფიელ 100
წულაზე ბორისი 90

65 შესაძლოა, ეს არსენი იყოს ნიკორწმინდის სიის არსენი გულაბერიძე. მაშინ ეს არსენი მეოთხე იქნება,
ვინაიდან არსენ მესამე კაკაბაძისა არ არსებობდა. მაგრამ აქ კიდევ შესაძლოა კითხვის დასმა.
ბულმაისის ძე გულაბერიძედ ხომ არ შეიცვალა გრაფიკულ ნიადაგზე?
66 მეცამეტე საუკუნის პირველი ნახევრის საქარ. კათალიკოზები. ტფილისი, 1913, გვ. 8.
 სხირტლაძე ალექსანდრე 80
რობიტაშვილი ივანე 50
პაპავა ედუარდი 50
ღუდუშაური იასონი 50
მაყაშვილი მარგო 50
მიქელაძე გიორგი 20=1890 რ.

უგულითადეს მადლობას ვუძღვნით ყველა ზემოაღნიშნულთ შემომწირველთ.

ამას გარდა, წიგნების გაყიდვიდან შემოვიდა 240 ფრანკი. სულ შემოსავალი
ფრანგულის ფულის ანგარიშით უდრის 2.326 ფრანკს. ამ თანხიდან გასტუმრებულია
დეფიციტი წინა გამოცემისა 187 ფრანკი და 45 სანტიმი. წიგნების ფოსტით
გაგზავნაში დახარჯულია 180 ფრანკი და 55 სანტიმი. სულ გასავალი უდრის 368
ფრანკს. შემოსავალს რომ გასვალი გამოვაკლოთ, დარჩება 24 ივლისისთვის ამა 1939
წლისა 1.958 ფრანკი.

სამუსულმანო საქართველო

სამუსულმანო საქართველოს ეხლა, დიდი ომის შემდეგ, შეადგენს თითქმის

მთელი ბასეინი ჭოროხის მდინარისა, პატარა პროვინციის გამოკლებით
აჭარისტანისა ქალაქ ბათუმითურთ, ზემო წელი მდინარე მტკვრისა, ყოფილი
არდაგანის «ოკრუგი» ყარსის ოლქისა, და ფოცხოვის «უჩასტოკი» მტკვრის
შემდინარის ფოცხოვის წყლის ბასეინში, რომელიც წინეთ არდაგანისავე «ოკრუგ»-ში
შედიოდა. უკანასკნელ მსოფლიო ომამდის ოსმალეთის ხელთ იყო მხოლოდ ზემო და
შუა წელი ჭოროხის მდინარისა თორთუმის ხეობითურთ. სამხრეთ-აღმოსავლეთის
ნაწილი ბასეინისა, სახელდობრ, ჭოროხის მარჯვენა შემდინარის ოლთისის წყლის
ბასეინი და ქვემო წელი ჭოროხისა ეკუთვნოდა რუსეთს. უკანასკნელი
ადმინისტრატიულად წარმოადგენდა ბათუმის ოლქს, ხოლო პირველი, ოლთისის
წყლის ბასეინი – ოლთისის «ოკრუგს» ყარსის ოლქისა.
ძველად მთელი ჭოროხის ბასეინი შეადგენდა სამ დიდ პროვინციას –
კლარჯეთს, ტაოს და ისპირს. საზღვრები ამ პროვინციებისა ზოგჯერ იცვლებოდა,
მაგრამ საზოგადოდ კლარჯეთი შეადგენდა, ფართო მნიშვნელობით ამ სახელისა,
ქვემო წელს ჭოროხის ბასეინისა და დაახლოებით უდრიდა ყოფილი ბათუმის ოლქს
სოფელ მელომმდის.
კლარჯეთში შედიოდა თვით კლარჯეთი, ვიწრო მნიშვნელობით ამ სახელისა,
შავშეთი, იმერხევი, ნიგალისხევი და, უნდა ვიფიქროთ, აჭარაც.
ნიგალისხევი განცალკევებული ხევი კი არ იყო, არამედ ეს სახელი ეწოდებოდა
თვით ჭოროხის ბასეინის ნაწილს, თვით ჭოროხის ხეობას, რომელიც დაახლოებით
უდრიდა ართვინის «ოკრუგის» ტერიტორიას და შეიცავდა ორივე ნაპირს ჭოროხის
მდინარისა: ამასვე ამოწმებს ჩვენი სახელოვანი ბატონიშვილი ვახუშტი, რომელიც
წერს: ...«ჭოროხის მდინარის აღმოსავლეთის კიდეზედ არს ართვანი, ქალაქი მცირე,
მოსახლენი არიან ვაჭარნი, და ამ ართვანის სანახებითურთ, ვიდრე ერგეს
სამზღვრამდე, ჭოროხის ხეობის იმიერ და ამიერი იწოდების ლიგანის ხეობად».67
იგივე იგულისხმება, როდესაც ვახუშტი ანჩის ეპისკოპოსის სამწყსოს განმარტავს:
«ჯდა (ანჩას) ეპისკოპოზი მწყემსი ლიგანის ჴევისა გაღმა-გამოღმართის: გონიამდე,
ფორჩხის ხეობისა და აჭარისა»68. სახელი ლიგანისხევი ოსმალებმა ლივანე-დ ანუ
ლივანა-დ შეცვალეს. გ. ყაზბეგის ცნობით, ლივანა იწყებოდა მდინარე ჩაირსუ-დან,
რომელიც ერთვის ჭოროხს ბორჩხასთან (ვახუშტის ფორჩხა)69. ინგლისის კონსულის
ვ. ჯიფფორდ პალგრევის სიტყვით, ლივანე ერთი საუკეთესო, მდიდარი და
ნაყოფიერი პროვინცია იყო ტრაპიზონის ვილაეტისა, ჭოროხის ორივე ნაპირზე
(უფრო მარცხენაზე) მდებარე, სიგრძით 80 მილი და განით 35 მილი. მისი სავაჭრო და
ადმინისტრატიული ცენტრი იყო ლივანე ანუ ართვინი70. ერთი ვაჭრის ცნობით,
რომელსაც დ. ბაქრაძე გადმოგვცემს, ლივანში პარხალიც შედიოდა71.
ლივანა ლიბანა-ს სახით ეხლაც დაცულია. ეს არის ერთი სოფლის სახელი, ანუ
უკეთ ვთქვათ, სოფელ ჩიხორის უბნის (მეჰლე-ს) სახელი (მარრის დღიური, გვ. 79).
კლარჯეთში შედიოდა კიდევ ეგრი, რომელსაც იხსენიებს უსახელო სომხური
გეოგრაფია. ეს სახელი, ჩვენის აზრით, უდრის ეხლანდელ სოფელ ერგი-ს ანუ ერგე-ს,
ჭოროხის პირზე, ათი კილომეტრის სიშორით ზღვიდან. ამ ადგილას ჭოროხი
გამოდის ვიწრო ხეობიდან, ქმნის ფართო კალაპოტს და მიმდინარეობს კახაბერის
დაბლობში. აქ თავდებოდა ნიგალის ხევი და იწყებოდა ეგრი, რომელიც შეიცავდა
ალბათ მთელი კახაბერის დაბლობს ზღვამდის. ცხადია, იმ დროს, როდესაც სომხური
გეოგრაფია არის შედგენილი (ზოგის აზრით, მეხუთე საუკუნეში, ზოგის – მეშვიდე
საუკუნეში), აქ მეგრელები ცხოვრობდნენ და ეს მხარე საეგროს შეადგენდა,
სამეგრელოს ნაწილი იყო. «ქართლის ცხოვრება»-ც კლარჯეთის საზღვრებს უჩვენებს
არსიანის ქედიდან ზღვამდე72. კლარჯეთი ეხლა ცალკე სოფელსაც ჰქვია, არტანუჯის
რაიონში, სოფელ ტანზოტის მახლობლად. ამ სოფლის დასავლეთით მშვენიერი
ციხეც არსებობს ორი კოშკით და მახლობლად ეკლესიის ნანგრევებია დაცული
(მარრის დღიური, გვ. 107).
ისპირს შეადგენდა ზემო და შუა წელი ჭოროხისა, ხოლო ტაოს მთელი
დანარჩენი ნაწილი, ესე იგი სამხრეთის და სამხრეთ-აღმოსავლეთის ნაწილი
ბასეინისა, ყოფილა ოლთისის ოკრუგი, თორთუმი, იშხანი და სხვა. მაგრამ ვინაიდან
ისპირი ხშირად ტაოში შედიოდა, მთელი ჭოროხის ბასეინი ჩვენს ისტორიაში
ცნობილი იყო ტაო-კლარჯეთად.

მდინარე ჭოროხი

მდინარე ჭოროხი, რომელიც თავისი შემდინარეებითურთ არის სიცოცხლის

მიმცემი მთელი ტაო-კლარჯეთისა, იწყება სომხეთის მაღალ პლატოზე ანუ, უკეთ
ვთქვათ, ამ პლატოს მთების კვანძში, ერზერუმისა და ბაიბურთის შუა. აქვე აქვთ
სათავე მდინარეებს – ევფრატს და არეზსაც, მაგრამ ესენი სხვადასხვა მხრით

67 ვახუშტის გეოგრაფია, ბროსსეს გამოცემა, გვ. 114.

68 იქვე გვ. 110.
69 გ. ყაზბეგი. ტრი მესიაცა ვ ტურეცკოი გრუზიი. ზაპისკი კავკ. ოდელ. გეოგრაფ. ობშჩესტვა. X, გვ. 97.

70 იზვესტია კავკ. ოტდ. რუსკ. გეოგრ. ობშჩ. VII, გვ. 57–62.

71
დ. ბაქრაძე. არქ. მოგზ. გურია-აჭარაში, გვ. 39.
72
ქართლის ცხოვრება, მარიამის ვარიანტი, გვ. 156–7...
მიიმართებიან. ევფრატი ეკუთვნის სპარსეთის ზღვის ყურეს. არეზი უერთდება
მტკვარს მის ბოლოწელში და მტკვართან ერთად ეკუთვნის კასპიის ზღვის ბასეინს,
ხოლო ჭოროხი – შავი ზღვის ბასეინს.
მიმდინარეობა ჭოროხისა ერთობ უსწორმასწოროა. თავიდან ის მიემართება
დასავლეთისაკენ, მაგრამ ქალაქ ბაიბურთიდან ჯერ იწყებს დენას ჩრდილოეთით,
შემდეგ ჩრდილო-აღმოსავლეთით. ოლთისის წყლის შერთვის შემდეგ მიიქცევს პირს
ჩრდილოეთით, ხოლო აჭარისწყლის შერთვის შემდეგ მიემართება ჩრდილო-
დასავლეთისაკენ, გამოდის კახაბერის დაბლობზე და შეერთვის შავ ზღვას რვა
კილომეტრის სიშორით ქალაქ ბათუმიდან. შესართავთან ის ქმნის რამოდენიმე
ჭალაკს, დელტას.
ჭოროხი მთის მდინარეა. განი მისი კალაპოტისა არსად არ აღემატება 200 საჟენს
და საზოგადოდ შეიცავს ასიდან ორმოცდაათ საჟენამდე. ზოგჯერ ჭოროხი იკვლევს
გზას სულ ვიწრო კლდის ნაპრალებში და მაშინ მისი განი სულ მცირეა. მაგალითად,
ართვინის ხიდთან განი მდინარისა უდრის 12 საჟენს, სიღრმე წყლისა სხვადასხვაა,
მაგრამ საზოგადოდ სამს მეტრს არ აღემატება. ართვინიდან ჭოროხზე ნაოსნობა
იწყება, მაგრამ ნავები ბრტყელძირიანებია, კაიუკები, და ბათუმამდის სულ 5-6
საათში ჩამოდიან, ხოლო უკანვე მათ ზემოთ ატანას რამოდენიმე დღე უნდება და
ისიც საჭეების საშვალებით.
ჭოროხის შემდინარე წყლები ერთობ მრავალია. მარცხენა შემდინარენი იწყებიან
პონტოს ქედიდან. ამათი სიგრძე არ აღემატება 30-40 კილომეტრს, კლდოვან ვიწრო
კალაპოტებში მომდინარეობენ დიდის სისწრაფით, კიდეები ტყიანი აქვთ. ასეთებია:
პარხალის-წყალი და მისი შემდინარენი – არმენხევი და კობაკი, შემდეგ ბეღლევანი,
იჩხალა, მურღული და ხატილა. უკანასკნელი ოთხი ბათუმის ოლქს ეკუთვნოდა
წინათ.
მარჯვენა შემდინარენი ჭოროხისა ბევრად უფრო გრძელნი და დიდრონი არიან:
მათ შორის აღსანიშნავია აჭარისწყალი, 70 ვერსი სიგრძით, ერთვის ჭოროხს 15
ვერსის სიშორით მისი ზღვაში შესართავიდან. აჭარის-წყლის აუზი შესდგება თვით
თავი აჭარის ხევიდან და შვიდი გვერდის ხეობათაგან. შემდეგი შემდინარე არის
მაჭახელის-წყალი, 35 ვერსი სიგრძით, ერთვის ჭოროხს ოთხი ვერსის ზემო
აჭარისწყლის შესართავიდან. ეს ჰქმნის მკაცრ ხეობას (ამ ხეობას წინეთ მიჭიხიანი
ეწოდებოდა), განთქმული იყო საუცხოო იარაღების (თოფების, დამბაჩების) კეთებით
(აქაურ თოფს გურიაში მაჭახელა ერქვა). შემდეგი დიდი შემდინარე არის იმერხევი,
70 ვერსი სიგრძით. ამის ზემოწელი ცნობილია შავშეთის წყლად, რომელიც ძველად
იმერხევის სახელსაც ჰფარავდა. იგი ერთვის ჭოროხს ათი ვერსის ზემოთ ართვინისა.
იმერხევს მარჯვნივ ერთვიან: ბაძგირეთი, ჩიხორი, ახალთა და ბერთა, რომელნიც
კარჩხალის ქედიდან გამოდიან და სიგრძით თვითეული არ აღემატება 20 ვერსს.
მარცხენა შემდინარეთა შორის იმერხევისა აღსანიშნავია სათლელის წყალი, 35
ვერსის სიგრძით, ერთვის იმერხევს სოფელ დოლისყანის ზემოთ. მარცხნივ
არტანუჯის წყალს ერთვის ქალაქ არტანუჯთან ტანზოთი. საზოგადოდ იმერხევის
დიდი აუზი შეადგენს დიდს რაიონს შავშეთ-იმერხევისა, რომელიც შემოზღუდულია
ქედებით – არსიანის, კარჩხალისა და იალნუსჩალისა და იყოფა ორ ნაწილად –
მთიანისა და უფრო სწორისა. პირველს შეადგენს ზემოწელი იმერხევისა, მეორეს –
ქვემო ნაწილი. ყველაზე უფრო დიდი შემდინარე ჭოროხისა მარჯვნით არის
ოლთისის წყალი, 145 ვერსი სიგრძით, გამოდის სევრიდაგის მთიდან და თავისი
მრავალრიცხოვანი შემდინარეებით ჰქმნის დიდს ბასეინს. მარჯვნივ მას ერთვის
ბანას წყალი, 52 ვერსი სიგრძით. ბანას წყლის შემდინარედ ითვლება ბარდუსის
წყალი, 66 ვერსი სიგრძით. შემდეგ ოლთის წყალს ერთვის ყანლის წყალი, 48 ვერსი
სიგრძით და სალაჩურის წყალი, 28 ვერსი სიგრძით. მარცხენა შემდინარეთა შორის
საყურადღებოა სევრის წყალი და თორთუმის წყალი. თორთუმის წყალი ჰქმნის
თორთუმის ტბას, რომლიდანაც გადმოჰქუხს ლამაზის წყალვარდნით; შუა ნაწილი
ოლთისის წყლის აუზისა, ასი ვერსის სიგრძით, მსოფლიო ომამდის ეკუთვნოდა
რუსეთს და შეადგენდა ოლთისის ოკრუგს ყარსის ოლქისა.

თვისებანი ჭოროხის ბასეინისა

ჭოროხის ბასეინი წარმოადგენს განსაკუთრებით სასტიკი მთიანეთის მხარეს. ის

შემოზღუდულია თითქმის ყოველი მხრიდან წყალგამყოფი მაღალი ქედებით და
მხოლოდ პატარა ნაწილი ეკვრის შავ ზღვას ციხისძირიდან კომპუშის კონცხამდე.
აღმოსავლეთის მხრიდან მას საზღვრავს მაღალი ქედები არსიანისა და
სოღანლუღისა, რომელნიც ამ მხარეს გამოყოფენ კასპიის ზღვის ბასეინიდან.
სამხრეთით მთელი რიგი მაღალი ქედებისა სხვადასხვა სახელით მიიმართებიან
აღმოსავლეთიდან დასავლეთისაკენ, არზრუმის და ბაიბურთის მიმართულებით, და
გამოჰყოფენ ჭოროხის ბასეინს არეზის ბასეინიდან. დასავლეთით მას ზღუდავს
ბაიბურთის ანუ ისპირის მთები, რომელნიც ბოლოს ქმნიან ცნობილს ზეკარს, გურჯი-
ბოღაზად, ესე იგი, საქართველოს კარად წოდებულს. ჩრდილოეთის მხრით
ამართულია მაღალი პონტოს ქედი, სიგრძით 675 ვერსამდის, რომელიც ყოფს
ჭოროხის ბასეინს შავი ზღვისაგან. ეს ქედი იწყება მდინარე იეშილ-ირმაკის
ქვემოწელიდან (ძველი ირისი), მახლობლად სამსუნისა და ნიკსერისა. თავში ის
ჰყოფს შავ ზღვას იეშილ-ირმაკის და კიზილ-ირმაკის (ძველი ჰალისი)
შემდინარეებისაგან და შემდეგ ჭოროხისაგან. პონტოს ქედის გაგრძელებად უნდა
ჩაითვალოს კარჩხალის ქედი, რომელიც გამოყოფილია პონტოს ქედიდან ვიწრო
ჭოროხის ნაპრალით. კარჩხალის ქედიც მიიმართება სამხრეთ-დასავლეთიდან
ჩრდილო-აღმოსავლეთად, 40 ვერსის მანძილზე და უერთდება შავშეთის ქედს.
ამიტომ ზოგიერთები კარჩხალის ქედს გულისხმობენ, როგორც გაგრძელებას
შავშეთის ქედისა. ამას გარდა, ჩრდილოეთის საზღვარს ჭოროხის ბასეინისა შეადგენს
კიდევ აჭარის ქედი, რომელიც თავდება ციხისძირთან. ციხისძირიდან პონტოს ქედის
შტოის კომპუშის კონცხამდე, საიდანაც მსოფლიო ომის წინათ იწყებოდა რუს-
ოსმალთა საზღვარი, ჭოროხის ბასეინი ეკვრის შავ ზღვას 40 ვერსის მანძილზე.
ყველა ჩამოთვლილი წყალ-გამყოფი ქედები გამოყოფს აუარებელ მკლავებს და
ქედ-ქედებს, ზოგჯერ ფრიად დიდებს, რომელნიც ეხლებიან ერთიმეორეს,
იკვანძებიან ერთიმეორეში და ჰქმნიან დიდ-რიცხოვან ღრმა ხევებს, ღელეებს.
ხრამებს და ნაპრალებს. სწორი ადგილი ცოტაა, საძოვრები უამრავი, ზოგ ადგილას
სჭარბობს ტყეები: მაგალითად, ყოფილ ბათუმის ოლქში ორი მესამედი სივრცისა
უჭირავს ტყეს. ჰავა სხვადასხვაა და დამოკიდებულია ადგილის სიმაღლეზე. ღრმა
ხევებში, რომელნიც სულ მოცულია ბაღებით, ისე თბილა, რომ ზოგჯერ თოვლი სულ
არ არის, მაგრამ მთებზე საკმაოდ დიდხანს სძლებს და ადრეც მოდის. 73

მოკლე ისტორია ჭოროხის ბასეინისა

ისტორია ჭოროხის ბასეინისა ერთობ რთულია. აქ ხვდებოდნენ ერთმანეთს

სხვადასხვა ხალხები: ქართველები, სომხები, ბიზანტიელები, სპარსელები, არაბები,
თათრები-სელჯუკები, თათრები-ოსმალები და სხვა. იცვლებოდა უფლება ერთი
ხალხისა მეორეზე, იცვლებოდა სარწმუნოება, ენა და განათლება. სპარსელებს,
არაბებს და სელჯუკიანთ არავითარი თვალსაჩინო კვალი არ დაუტოვებიათ ამ
მხარეში. დიდია გავლენა ბერძნებისა, ესე იგი ბიზანტიისა, და კიდევ უფრო მეტი
სომხებისა.
თავდაპირველი მკვიდრნი ჭოროხის ბასეინისა, ნ. მარრის ტერმინოლოგიით,
იყო თუბალ-კაინის მოდგმისა, ესე იგი შესდგებოდა ჭან-ლაზ-მეგრელთა
ხალხებისაგან74, მაგრამ ესენი იყვნენ მარტო ერთი ნაწილის – კლარჯეთ-ისპირის
მცხოვრებნი, ხოლო ტაო-თორთუმი მეორე ქართველთა ტომით, მესხებით იყო
დასახლებული. ქსენოფონტე, რომელმაც ბერძენთა 10.000 მხედრით IV საუკუნეში
ქრისტეს წინ ამ მხარეში გამოიარა, მცხოვრებთ ტაოხებს (ტაოხოი) უწოდებს, ესე იგი,
ტაოს მცხოვრებთ.
ჭან-ლაზთა ტომს ეჭირა ზემო და შუაწელი ჭოროხისა და ორივე მხარე პონტოს
ქედისა, შავი ზღვიდან ჭოროხის მდინარემდე. შემდეგ მათი მოსახლეობა
გავრცელებული იყო ისპირიდან ტრაპიზონამდე და მის არემარემდე, და ეს
დასავლეთის ადგილი იწოდებოდა ქალდეად და მცხოვრებნი ქალდელებად ანუ
ხალიბებად; ზოგჯერ ეს მხარე ცნობილი იყო ჭანეთად (ბერძნულად ცანიკად) და
მცხოვრებნი ჭანებად (ბერძნულად ცანებად), ხოლო ჭოროხის ქვემო-წყლის
მოსახლეობას შეადგენდა ლაზ-მეგრელთა ტომი.
ამგვარად, ძველად მთელი ჭოროხის ბასეინი დასახლებული იყო ქართველთა
ტომებით, მაგრამ შემდეგ მდგომარეობა შეიცვალა. მეორე საუკუნის დასაწყისში
ქრისტეს წინ, ანტიოხ დიდის დამარცხების შემდეგ, მისმა სარდლებმა არტაქსიმ და
ზარიადრმა, სტრაბონის ცნობით, სომხეთი დაიპყრეს და ამათ გააფართოვეს
სომხეთის საზღვრები მეზობელი ერების – ხალიბების, მოსსინიკების და სხვების
მიწების შემოერთებით; შემდეგ ტაოც შევიდა სომეხთა ამ სამფლობელოში, ტაიკის
სახელით. აქედან იწყება სომხური ენის გაძლიერება ამ ადგილებში. ქალდეაში,
პლინიუს სეკუნდუსის თქმით, ჩნდება შერეული ტომი სომეხთ-ქალიბებისა (გენს
არმენო-ხალიბეს). ასეთი შერეული მოსახლეობა სომხებ-მესხებისა უნდა
ვიგულისხმოთ შემდეგ დროში ტაოშიც.
რაც შეეხება კლარჯეთს, ის ზოგჯერ გადადიოდა სომხების ხელში, მაგრამ არა
ხანგრძლივად; ქართველები მას იბრუნებდნენ უკან.
ჩვენ გვაქვს ცნობა: მეფე მირდატმა, ბაკურის ძემან, მეოთხე საუკუნეში აღაშენა
ეკლესია თუხარისის ციხეში, „რამეთუ ჴესა კლარჯეთისასა“, უმატებს «ქართლის

73 გეოგრაფიული და სტატისტიკური ცნობები უფრო დაწვრილებით იხ. ია. პროსკურიაკოვ, ზამეტკი ო

ტურციი. ზაპისკი კავკ. ოტდ. რუსკ. გეოგრ. ობშჩ. ტიფლის, 1905; კნიგა XXV; ვ. ლისოვსკი, ჩოროხსკი
კრაი, ტიფლის, 1887; პ. ხელმიცკი, კარსკაია ობლასტ, ჩასტ I. ტიფლის, 1892.
74 ნ. მ ა რ რ ი. გრიგოლ ხანძთელის ცხოვრება, გვ. 11.
ცხოვრება», „არა იყო ეკლესია“. მეხუთე საუკუნეში ვახტანგ გორგასალმა აღაშენა ციხე
არტანუჯში. თვით უსახელო სომხური გეოგრაფია, რომელსაც ზოგნი მიაწერენ
მეხუთე საუკუნეს, ზოგნი მეშვიდეს, მოგვითხრობს, რომ კლარჯეთი, შავშეთი,
ნიგალი (ნიგალის-ხევი), ეგერი (ეგრი) და აჭარა ქართველების პროვინციებს
შეადგენდაო75. მაგრამ ძველ სომეხთა მოსახლეობის გავლენა კლარჯეთშიაც ცხადად
მოჩანს მრავალს გეოგრაფიულს სახელებში.
საერთოდ, არაბების შემოსევამდის, უმეტესი ნაწილი ჭოროხის ბასეინისა
სომხეთის მხარეს შეადგენდა. აქ იყო გავრცელებული სომხური ქრისტიანული
კულტურა. ხოლო არაბების შემოსევამ უცვალა ფერი ამ მხარეს, მეტადრე
მურვანყრუს გალაშქრებამ 730 თუ 731 წელს ძირიანად მოსპო ყველაფერი: სოფლები
განადგურდა, ეკლესიები, მონასტრები და ციხეები ნანგრევებად იქცა. ამას დაერთო
კიდევ ხოლერა, რომელმაც ბოლო მოუღო ისედაც განადგურებულ მოსახლეობას.
ხალხი ამოწყდა; რაც დარჩა, ტყეში გაიხიზნა. ამ მდგომარეობაში იყო ქვეყანა,
როდესაც აქ მოვიდა თავისი სეფეწულით და დიდის ამალით, არაბების მიერ
დევნილი, ქართლის ერისთავი აშოტ დიდი და აქ, კლარჯეთში დაემკვიდრა. ეს იყო
ქართველთა პირველი ბაგრატიონი.
აშოტის მამა, ადარნასე, როგორც საფიქრებელია, იძულებით გადმოხვეწილი
თავისი საპატრონო ტაო-კლარჯეთიდან, არჩილ მეფის დროს მოვიდა საქართველოში
და გახდა მისი ქვეშევრდომი, მისი ვასალი, მიიღო სამფლობელოდ არტანი და
შულავერი; მისი ასული ლატავრა შეირთო ცოლად არჩილის შვილმა ჯუანშერმა,
შვილი მისი აშოტი გახდა ქართლის ერისთავი. ადარნასემ, როგორც ეტყობა,
საქართველოში მოიცა ძალა და ჯუანშერისავე სიცოცხლეში დაიბრუნა თავისი
კუთვნილება ტაო-კლარჯეთში, ანუ, როგორც «ქართლის ცხოვრება» მოგვითხრობს,
„იცვალა ნასამალი კლარჯეთისა, შავშეთისა და აჭარისა, ნიგალისა, ასისფორისა,
არტანისა და ქვემოსა ტაოსა და აწ ციხეთაგან, რომელი ჰქონდეს შვილის-შვილთა
ვახტანგ მეფისათა, და შემდგომად მისა წარვიდა ადარნასე კლარჯეთად და მუნ
მოკუდა.“76
მაშასადამე, აშოტი დაემკვიდრა თავისი მამის მამულში, ტაო-კლარჯეთში,
მოშორებით თბილისის არაბთა საემიროსგან. ამ ქვეყნის გადარჩენილმა ხალხმა ის
მიიღო აღტაცებით და აღუთქვა სამსახური. აშოტმა გამოიჩინა დიდი ენერგია და
უნარი თავისი სამფლობელოს მოწყობისა. განაახლა არტანუჯის ციხე, რომელიც
აშენებული იყო ვახტანგ გორგასლის მიერ, აღმართა შიგ ეკლესია პეტრესი და
პავლესი და გააშენა ქალაქი ციხის ქვემოთ; აღადგინა გავერანებული სოფლები,
შეიძინა და გააშენა ახლები. არტანუჯი გახდა რეზიდენციად პირველი
ბაგრატიონისა. მაგრამ მთავარი კიდევ ის იყო, რომ მან დაიჭირა მჭიდრო კავშირი
ბიზანტიასთან, მიიღო ხარისხი კურაპალატობისა და ამ სახით გახელმწიფდა ტაო-
კლარჯეთში (780–829). აქედან იწყება გაქართველება წინეთ გასომხებული
ქართველობისა. ეს პროცესი ისეთი სწრაფი ნაბიჯით მიდიოდა წინ, რომ უკვე მეცხრე
საუკუნის ბოლოს ეს ქვეყანა ენითაც და განათლებითაც სულ ქართული იყო, და ის
გახდა სავანედ ქართული კულტურისა. ამას ხელი შეუწყო პირველად იმ გარემოებამ,
75
იხ. პატკანოვის თარგმანი.
76
მარიამ დედოფლის ვარიანტი, გვ. 218–219.
რომ მოსახლეობა აქ შერეული იყო, ქართულ-სომხური, და ქართველობა აქ არასოდეს
არ აღმოფხვრილა, მეტადრე კლარჯეთში; მეორედ, ამას ხელი შეუწყო სარწმუნოებამ.
დიდძალი სომხობა ამ ქვეყნისა მართლმადიდებელი ხალკიდონიტი დარჩა და
გრიგორიანობა არ მიიღო, მჭიდრო მეგობრული კავშირი ჰქონდა ყოველ საქმეში
ქართველობასთან და წირვა-ლოცვა მათი ქართულს ენაზე წარმოებდა. როგორც
ბოლო დროს ჩვენში კათოლიკე ქართველებს თავისთავი ფრანგებად მიაჩნდათ, ისე
მართლმადიდებელი სომხები ქართველობდნენ. სარწმუნოებას ყოველთვის დიდი
გავლენა ჰქონდა დენაციონალიზაციის პროცესში; მესამედ, და ეს მთავარია, ამ
პროცესს, უმეტესად ყოვლისა, ხელი შეუწყო ქართულმა საერო და სამონასტრო
კოლონიზაციამ, რომელიც იმთავითვე ტალღასავით მოედვა მთელ ტაო-კლარჯეთს.
ქართლიდან დევნილნი და არაბთაგან შევიწროებული მოსახლეობა მიილტვოდა
ტაო-კლარჯეთში, სადაც სიმშვიდე იყო. აქ მათ ბაგრატიონთა მფარველობის ქვეშ
თავისუფლად შეეძლოთ გაეშალათ თავისი მოქმედება სამეურნეო და სავაჭრო
დარგში. ქართლიდანვე დაიძრა სამონასტრო კოლონიზაციაც. ამის მოთავე იყო
განთქმული და დაუღალავი ბერი გრიგოლ ხანძთელი (759–861), რომელიც მოვიდა
ქართლიდან კლარჯეთში აშოტ დიდის დროს. გრიგოლს კლარჯეთში დახვდა მარტო
ერთი ქართული მონასტერი ოპიზა, ხოლო ბოლო დროს ის გახდა არქიმანდრიტი
კლარჯეთის თორმეტი მონასტრისა, რომელთა შორის ხუთი მის მიერვე იყო
აშენებული, სხვები – მისი მოწაფეების მიერ. ცხოვრება ამ შესანიშნავი მოღვაწისა
ეკუთვნის დიდად ნიჭიერ მწერალს გიორგი მერჩულეს და წარმოადგენს შედევრს არა
მარტო ქართველ მამათა ცხოვრებისა, არამედ საზოგადოდ მთელი ქრისტიანული
აგიოგრაფიისა.77
გიორგი მერჩულეს თხზულება გვიხატავს იმ დროის ცხოვრების სურათს არა
მარტო სასულიერო-საეკლესიო ცხოვრებისა, არამედ საეროსაც. აშოტ დიდის და მისი
მრავალრიცხოვანი შთამომავლების დროს ტაო-კლარჯეთი აღივსო ეკლესია-
მონასტრებით, რომელნიც იმავე დროს შეადგენდნენ კერას ქართული განათლებისა.
ყოველ მონასტერში იყო სკოლა, სემინარია, სადაც ასწავლიდნენ წერა-კითხვას,
საღმთო სჯულს, ფილოსოფიას, ბერძნულს და სხვა ენებს, გალობას, კალიგრაფიას,
მხატვრობას, ოქრომჭედლობას და სხვა. აქედან გამოდიოდნენ მღვდელ-მოძღვარნი,
მთარგმნელები და გადამწერნი წიგნებისა, მინიატურისტები და ოქრომჭედელნი.
ზოგიერთი მონასტრის ნანგრევებთან დღემდის საკმაოდ კარგად დაცულია ასეთი
სემინარიების ფრიად დიდრონი შენობანი, რომელნიც «საოსტიგნედ» ანუ სასადილო
შენობებად არიან აღიარებულნი, მაგრამ ეჭვგარეშე, უფრო სემინარიების შენობებს
წარმოადგენენ, ვიდრე სასადილოებს. ყოველ შემთხვევაში, ორივე მიზნისათვის უნდა

77გამოცემულია დიდებულად ნ. მარრის მიერ ვრცელის წინასიტყვაობით, რუსულის თარგმანით,

სიტყვათა და ფრაზათა განმარტებით და სხვა სამეცნიერო აპარატით. გამოცემას დართული აქვს
დღიური მოგზაურობისა შავშეთ-კლარჯეთში, რომელშიაც აღწერილია ნაშთები ყველა «ცხოვრებაში»
მოხსენებულის ძეგლებისა და კლარჯეთის სხვა ეკლესია-მონასტრებისა. ამას გარდა, შეკრებილია
დიდძალი ეთნოგრაფიული მასალა ეხლანდელი ამ მხარის მკვიდრთა, რომელთაც არ დავიწყებიათ
ქართული ენა და ქართული ტრადიციები; მოყვანილია მრავალი მათი სახალხო პოეზიის ნიმუშები.
«ცხოვრება» ეხლა გამოცემულია ლათინურ ენაზედაც ცნობილის მეცნიერის ბოლანდისტის პოლ-
პეტერსის მიერ, რომლის დაუღალავი ღვაწლით ევროპა ეხლა საკმაოდ იცნობს ქართულ სასულიერო
ლიტერატურას. იხილეთ Annalecta Bollandina, t. XXXVI-XXXVII – Histoires Monastiques Georgiennes.
Bruxelles, 1923, pp. 207–309.
ყოფილიყვნენ განკუთვნილნი. ამ შენობათა გეგმა სამნავიანი ბაზილიკაა, თავისი
სვეტებით და ღია კამარებით, მაგრამ მათ ახლავთ კიდევ, ერთი მხრივ, დიდი ზალა,
დარბაზი ტრომპებიანი გუმბათით, გვირგვინით, რომლის ქვეშ წარმოებდა გადაწერა
ხელნაწერებისა, ხოლო თვით დარბაზი შეიცავდა ბიბლიოთეკას (იხ. გეგმა და
სურათები ასეთი შენობისა ოშკის მონასტერთან).
თუ რა დიდი მნიშვნელობა ჰქონდა ტაო-კლარჯეთს ქართული
კულტურისათვის, საკმარისია აღვნიშნოთ უძველესი ტყავის ხელნაწერები –
რომელთაც ჩვენამდე მოუღწევიათ და რომელნიც გადაწერილი არიან საქართველოს
ყოფილ საზღვრებში და არა უცხოეთში (სინას მთაზე, პალესტინაში, ათონზე და სხვა)
– ყველა ეკუთვნის ტაო-კლარჯეთის მონასტრებს პირველი პერიოდიდან ქართული
მწიგნობრობისა, ესე იგი, მცხეთა-თბილისის პერიოდიდან, რომელიც გაგრძელდა
ქრისტიანობის მიღებიდან. მეოთხე საუკუნის ნახევარში, არაბების დამკვიდრებამდე
საქართველოში, მეშვიდე საუკუნის ნახევარში, ჩვენამდე ერთ ხელნაწერ ტყავის წიგნს
არ მოუღწევია; თუმცა საფიქრებელია, ის პალიმპსესტის ხანმეტნი ტექსტები,
რომელნიც ამ ბოლო დროს გამოქვეყნდა, უნდა ეკუთვნოდნენ ამ პირველ პერიოდს;
მაგრამ ესენი ფრაგმენტებს წარმოადგენენ და არსად დაცული არ არის არც დრო და
არც ადგილი გადაწერისა. უძველესი ქართული მწერლობის ძეგლები ტაო-
კლარჯეთმა შეგვინახა.
ამრიგად, მეორე პერიოდში ქართული ისტორიისა, რომელიც გრძელდებოდა
მერვე საუკუნის ნახევრიდან მეათე საუკუნის დასასრულამდე, ტაო-კლარჯეთი
ხდება სავანე ქართული კულტურისა, ქართული განათლებისა. ამ პერიოდში
საქართველო დაკავშირებულია პოლიტიკურად და კულტურულად ბიზანტიასთან.
აქედან იწყება ინტენსიური ელინოფილური პერიოდი. ბაგრატიონთა სახლის
წევრები იღებენ ბიზანტიურ საკარისკაცო ხარისხებს მაგისტროსისა, პატრიკისა,
კუროპალატისა. ეს ხარისხი შთამომავლობით გადადიოდა უფროს ბაგრატიონთა
სახლის წევრებზე. ხოლო როდესაც მეფობა განმტკიცდა და საქართველო
გაერთიანდა, მეფენი იღებენ უფრო უმაღლეს და უწარჩინებულეს ხარისხებს
ნობილლისიმოსსისა, სევასტოსისა და ბოლოს, კესსაროსისაც.
დიდად ვრცელდება ვაჭრობა. არტანუჯი გადაიქცა ცენტრად აღებ-მიცემობისა
ბიზანტიასა და აღმოსავლეთს შორის, და ეს დამოწმებულია იმპერატორ
კონსტანტინე პორფიროგენეტის მიერ მის წიგნში De administrando imperio. მთელი
ქვეყანა მოცულია კარგად გაკეთებულის გზებით; მოსარწყავი სისტემა არხებისა
უაღრესად განვითარებულია; მათი ნაშთები დღემდე დაცულია და
განსაცვიფრებელია. ფერდობები და ხევები მთებისა საუცხოოდ დამუშავებულია და
წარმოადგენენ წალკოტებს. მატერიალურ კეთილდღეობას და სიმდიდრეს ამ
ქვეყნისა, სხვათა შორის, ამტკიცებს უამრავი სახუროთმოძღვრო ძეგლები,
რომლებითაც მოცულია მთელი ეს მხარე და რომელთა ნანგრევებსაც განცვიფრებაში
მოჰყავთ მნახველნი თავისი კოლოსალური სიდიდითა და სილამაზით. ბოლოს, თავი
მნიშვნელობა ტაო-კლარჯეთისა არის ის ფაქტი, რომ აქედან დაიწყო და გაერთიანდა
მთელი საქართველო ბაგრატიონთა დინასტიის მეთაურობით. ეს იყო ხანგრძლივი
პროცესი.
საქმე ის არის, რომ არაბთა საემიროს დამკვიდრების გამო თბილისში, ქართლის
ცენტრში, ტაო-კლარჯეთი არ იყო მარტო ერთი განცალკევებული სამფლობელო,
რომელიც შორეულ საქართველოს საზღვარზე დაარსდა. ამავე დროს გაჩნდა
საქართველოს აღმოსავლეთის მიჯნაზე კახეთის სამფლობელო, რომლის პატრონნი
ქორიკოზებად არიან წოდებულნი. პირველი ცნობილი ქორიკოზი იყო გრიგოლი (+
827). ბოლო ხანს კახეთის მოსაზღვრედ, ერეთში (ძველი ალბანია) დაარსდა კიდევ
ერეთის სამფლობელო. ამათზე უფრო ადრე დასავლეთ საქართველოში გაჩნდა
აბხაზეთის სახელმწიფო. ამის დამაარსებელი იყო ლეონ ერისთავი, რომელიც წინეთ
ბიზანტიის ერისთავად ითვლებოდა აბხაზეთში, მაგრამ როცა ბიზანტია დასუსტდა
ხატთა ბრძოლის გამო, იმარჯვა დრო და ხაზართა დახმარებით თავისი თავი
გამოაცხადა დამოუკიდებლად და გახდა მეფე აბხაზთა (746–791). ამან დაიპყრო
ეგრისი და მთელი დასავლეთ საქართველო ლიხის მთებამდე. მათი სატახტო ქალაქი
იყო ქუთაისი, მაშინ ქუთათისად წოდებული.
პირველად დასავლეთ საქართველოში უფლება ეჭირათ კოლხებს, მეგრელებს,
და სახელმწიფო კოლხეთად ანუ კოლხიდად იყო ცნობილი. შემდეგ ძალაუფლება
გადავიდა ლაზების ხელში და ამ მხარეს ლაზიკა დაერქვა; ხოლო ბოლოს აბხაზთა
მიერ მოექცა სათავეში და დაარსდა აბხაზთა სახელმწიფო.
საქართველოს სამხრეთით, სომხეთში, გაჩნდა რამდენიმე სამთავრო, ხოლო
მეცხრე საუკუნეში ერთი მთავარი, არარატის პროვინციის მფლობელი, ბაგრატიდი
აშოტ I (885–890) ბაღდადის ხალიფისა და ბიზანტიის იმპერატორის თანხმობით
გახდა მეფე სომეხთა.
თბილისში ამ დროს იჯდა არაბთა ემირი, მაგრამ თბილისის ემირებიც
მოწადინენი იყვნენ თავი გაენთავისუფლებინათ ბაღდადის ხალიფისაგან და
დაეარსებინათ დამოუკიდებელი საემირო. ეს მათ კიდეც განახორციელეს, როდესაც
შესუსტდა ძალა ბაღდადის ხალიფატისა.
საქართველოს ყველა ამ განაპირა ადგილებში დაარსებული სახელმწიფოებისა
და სამთავროების მფლობელნი ცდილობდნენ გაეფართოებინათ თავიანთი
სამფლობელო და შემოეკრიბათ თავისი ბატონობის ქვეშ საქართველოს ყველა
ნაწილი. დაიწყო ბრძოლა საქართველოს გაერთიანებისათვის, რომელიც გაგრძელდა
ორი საუკუნე. აქ უნდა გადაწყვეტილიყო საკითხი, რომელ მთავარს, რომელ
დინასტიას უნდა შემოეკრიბა საქართველოს ყველა ნაწილი და გამხდარიყო
თვითმპყრობელი მთელი საქართველოსი.
იყო დრო, როდესაც ძალით ჭარბობდა კახეთის ქორიკოზი. შემდეგ დიდი
ძალაუფლება მოიცვეს აბხაზთა მეფეებმა. ამათ გადალახეს ლიხის მთა და დაიჭირეს
აღმოსავლეთ საქართველოს მრავალი ადგილი. აქ მათ ჰყავდათ თავიანთი
ერისთავები. თუ სადამდის მიდიოდა მათი ძალაუფლება, იქიდან ჩანს, რომ
კონსტანტინე აბხაზთა მეფემ (873–912) დაიწყო შენება საუკეთესო ტაძრისა
სამშვილდეში მეოცე წელს თავის მეფობისა, ესე იგი 893 წელს; ხოლო დამთავრდა
შენობა მესამე წელს აბხაზთა მეფის ლეონ მეორის მეფობისა, ესე იგი 960 წელს.
ლეონი 957–967 წლებში მეფობდა. ეს ლეონი თავისი მამის გიორგი მეორის
სიცოცხლეში (912–957) ერისთავად იყო ქართლისა, ხოლო მამის სიკვდილის შემდეგ
გახდა აბხაზთა მეფედ და 964 წელს ახალქალაქის მახლობლად აღაშენა განთქმული
კუმურდოს ეკლესია78. მაგრამ ვერც კახეთის მფლობელებმა და ვერც აბხაზეთის

78იხ. ჩვენი «არხეოლოგიჩესკია ეკსკურსიი ი ზამეტკი», II, გვ. 42–43 და «ძველი საქართველო», ტომი II,
გვ. 21–30. კუმურდოს ეკლესიის შესახებ იხ. ჩვენი «მატერიალი პო არხეოლოგიი კავკაზა», მოსკოვის
გამოცემა, ტ. XII, გვ. 35–44.
მეფეებმა ვერ შეძლეს საქართველოს გაერთიანება. ეს ბედი ერგოთ ტაო-კლარჯეთის
ბაგრატიონებს. ამის მიზეზი იყო, ერთის მხრივ, მათი უნარი, ენერგია და
შორსმხედველობა; მეორეს მხრივ, და ეს თავი და თავია, უაღრესი კულტურა,
რომელსაც მიაღწია ტაო-კლარჯეთმა მეცხრე და მეათე საუკუნეებში.
ტაო-კლარჯეთი იყო მემკვიდრე და გამაგრძელებელი მცხეთა-თბილისის
კულტურისა. აბხაზებს – შორეულ მონათესავეებს ქართველებისას ენით – მწერლობა
არა ჰქონიათ თავის ენაზე. მათი სახელმწიფო და საეკლესიო ენა ქართული იყო და
საზოგადოდ ღრმად განიცადეს ქართული კულტურის გავლენა. აბხაზეთი, როგორც
კახეთი, ქართველთა ტომების სახელმწიფო იყო. აბხაზთა სახელმწიფოში, როგორც
მოვიხსენიეთ, შედიოდნენ ეხლანდელი მეგრელები, სვანები, იმერლები და
დიდძალი ქართლელები; ასე რომ, მცხოვრებთა უმეტესობა არა-აბხაზები იყო.
აბხაზებს მხოლოდ სახელმწიფო ძალაუფლება ჰქონდათ ხელში. მათი დინასტია ედგა
სათავეში რამდენიმე ქართველთა ტომს, ისე როგორც წინა დროში ასეთი უფლება
ეკუთვნოდათ ჯერ კოლხებს (მეგრელებს) და შემდეგ ლაზებს. ამიტომ ამ ხალხების
გაერთიანება მთავარ ქართველ ტომებთან – ქართლელებთან და მესხებთან,
რომელთაც დიდად განვითარებული კულტურა და ლიტერატურა ჰქონდათ –
სრულიად ბუნებრივი იყო. ასეც მოხდა.
ტაო-კლარჯეთის ბაგრატიონთა უფლების ქვეშ ჯერ გაერთიანდა აბხაზეთი,
ქართლი და ტაო-კლარჯეთი ბაგრატ III დროს (978–1014) და ქუთაისი გახდა
სატახტო ქალაქად ამ გაერთიანებული სახელმწიფოსი. შემდეგ ამ დინასტიამ
შემოიერთა კახეთი და ჰერეთი, და ბოლოს, დავით აღმაშენებლის დროს, 1122 წელს –
თბილისიც. მოისპო თბილისის არაბთა საემირო და თბილისი კვლავ გახდა
საქართველოს სატახტო ქალაქად. აქედან იწყება ოქროს ხანა გაერთიანებული
საქართველოსი.
ამ დროს საქართველომ გამოგლიჯა მაჰმადიანებს სომხეთის სამთავროები
სამხრეთით, გააფართოვა თავისი მფლობელობა აღმოსავლეთით. შირვანის სამეფო
გახდა ვასალი საქართველოსი. ძალაუფლება საქართველოსი გავრცელდა შავის
ზღვიდან კასპიის ზღვამდის. საქართველომ მიიღო ხასიათი კავკასიის იმპერიისა. მან
სახელი განითქვა ბიზანტიაში და დასავლეთ ევროპაშიც. უმაღლეს ხარისხს თავისი
პოლიტიკური და კულტურული განათლებისა მან მიაღწია თამარ მეფის დროს (1184–
1212). მაგრამ ეს ოქროს ხანა გაგრძელდა მხოლოდ მეცამეტე საუკუნის ნახევრამდის,
ესე იგი მონღოლთა შემოსევამდის.
მონღოლებმა დაიპყრეს საქართველო და გაჰყვეს ქვეყანა ორ სამეფოდ –
აღმოსავლეთისად და დასავლეთისად. შემდეგ ამასაც არ დასჯერდნენ და ხელი
შეუწყეს შექმნას მესამე დამოუკიდებელი სამთავროისა – სამცხე-საათაბეგოისა,
რომლის მფლობელად გახდნენ სამცხის ათაბაგები ჯაყელთა სახლიდან. ათაბაგებმა
დიდი დახმარება აღმოუჩინეს მონღოლებს წინააზიის ომებში. ამით მოიგეს მათი
გული, გააფართოვეს თავისი სამფლობელო და გახდნენ დამოუკიდებელნი ქართლის
მეფეებისაგან. მათმა ლოიალურმა პოლიტიკამ მონღოლთადმი მისცა მშვიდობიანობა
სამცხე-საათაბაგოს; და ეს მხარე დიდ წარმატებას განიცდიდა ქართლისა და
იმერეთის სამეფოებთან შედარებით.
ამ სამფლობელოს მაშინ შეადგენდა: სამცხე (ახალციხის მაზრა ფოცხოვითურთ),
ჯავახეთი (ახალქალაქის მაზრა), ყოფილი არდაგანის ოკრუგი (ჩილდირი, ფოსო,
არტაანი, ერუშეთი და კოლა), ესე იგი მთელი ზემოწელი მტკვრის ბასეინისა, შემდეგ
მთელი ჭოროხის ბასეინი (ტაო-კლარჯეთი, ისპინი, ოლთისი), ბოლოს ლაზისტანი
და არზრუმი (ერზერუმი).
პირველი დამოუკიდებელი ათაბაგი იყო სარგის I. ამან დიდი დახმარება გაუწია
გულაგუ-ხანს ბრძოლაში ბერკა-ხანთან და მიიღო სამფლობელოდ არზრუმი თავისი
პროვინციითურთ. ამით უკმაყოფილო დარჩა ქართლის მეფე დავით V. შეიპყრო
სარგისი, მაგრამ იძულებული გახდა გაენთავისუფლებინა იგი ხაკანის მოთხოვნით.
მაშინ სარგისი სულ ჩამოშორდა ქართლის მეფეს და დამოუკიდებლად გამოაცხადა
სამცხე-საათაბაგო 1269 წელს.
მისმა შვილმა ბექა I (1285–1306) კიდევ გააფართოვა თავისი სამფლობელო და
შეუერთა მას ლაზისტანი. აქ ლაზისტანი პირველად შემოდის საქართველოს
საზღვრებში და ის რჩება ამ საზღვრებში ოსმალთა მიერ ამ ქვეყნის დამპყრობამდის.
აზრი, ვითომც ლაზისტანი საქართველოს პოლიტიკურ სფეროში და საზღვრებში
არასოდეს ყოფილიყოს, არ არის მართალი.
პირველ ხანაში დამოუკიდებლობა სამცხე-საათაბაგოსი გაგრძელდა
ორმოცდაათი წელი. ამ დროს შესუსტდა მონღოლთა განმანადგურებელი ძლიერება.
მონღოლეთი დაიყო რამოდენიმე სახელმწიფოდ, რომელთაც სასტიკი ბრძოლა
ჰქონდათ ერთმანეთს შორის. ამჟამად, საბედნიეროდ, საქართველოს ტახტზე აღვიდა
გიორგი VI, ბრწყინვალედ წოდებული, რომელიც შემდეგ დავით აღმაშენებელისა
უნდა ჩაითვალოს მეორე აღმაშენებელად საქართველოისა (1318–1346). ამან პირველმა
ალაგმა და განდევნა ოსები, რომელთაც მონღოლთა ხელის შეწყობით დაჭერილი
ჰქონდათ მთელი ლიახვის ხეობა ქალაქ გორითურთ და ქართლის სხვა ადგილებიც.
გიორგი მეექვსემ შემოიერთა იმერეთი და მისი გამდგარი მთავრები: დადიანი,
გურიელი, შარვაშიძე აბხაზეთისა და სვანთა ერისთავი; აღადგინა წინანდელი
დამოკიდებულება შირვანთან, სძლია და უკუაქცია აზერბაიჯანის ნოინი, რომელსაც
უნდოდა კვლავ დაედგა მონღოლთა უღელი გიორგისათვის. ამანვე კვლავ
შემოიერთა სამცხე-საათაბაგო და ბექა I-ის შვილს სარგის II-ს უბოძა სამცხის
სპასალარობა; მაგრამ სარგის II ამასთანავე იყო მხატვართ-უხუცესიც. მის სურათს
ზარზმის ეკლესიაში აწერია: «სამცხის სპასალარი და მხატვართ-უხუცესი სარგის».
ბექა პირველს სარგის II-ის გარდა ჰყავდა კიდევ ორი შვილი: ყვარყვარე I და
შალვა. ყვარყვარე ატარებდა სამცხის ამირსპასალარის თანამდებობას. ამ პირველი
ათაბაგების დროს სამცხე-საათაბაგო დიდ წარმატებას განიცდიდა. აქ მშვიდობა
სუფევდა, მონღოლები მას არ აწუხებდნენ, მცხოვრებნი გამრავლდნენ; ხვნა-თესვა,
წარმოება მაღალ დონეზე იყო.
სულ სხვა მდგომარეობაში იყო ქართლის სამეფო. გაუთავებელმა ომებმა
მონღოლებთან, აუტანელმა დაბეგვრამ მონღოლთა ხარკისათვის, სამეფოს
გადასახადისათვის, ეკლესია-მონასტერთა, ერისთავთა და მებატონეთა
შენახვისათვის მწარმოებელი დაბალი ხალხი აუტანელ მდგომარეობაში ჩააგდო.
ხვნა-თესვა და მეურნეობა შეწყდა; ამას მოჰყვა შიმშილობა და ჭირი; პური დიდი
ფასითაც არ იშოვებოდა; ხალხი ამოწყდა. ათაბაგ ბექას ქვეყანა ამ დროს სამოთხედ
ჩნდა და იქ მიაწყდა შიდა ქართლის ხალხი, იქ მაინც პური სასყიდლად იშოვებოდა.
ამ დროს სამცხე-საათაბაგომ დიდი სამსახური გაუწია ქართველ ერს. დიდძალი
ხალხი გადაარჩინა გადაშენებას.
ათაბაგი ბექა პოლიტიკურადაც დაეხმარა ქართლის სამეფოს. როგორც
მოვიხსენიეთ, ოსებმა ისარგებლეს ქართლის სამეფოს დასუსტებით, ლიახვის ხეობის
დაპყრობასაც არ დასჯერდნენ, ძამის ციხეც დაიჭირეს და ლამობდენ ძამის ხეობის
ხელში ჩაგდებასაც, მაგრამ ბექა ათაბაგმა გაილაშქრა მათ წინააღმდეგ და ალაგმა
ოსები.
პირველი ათაბაგები მსჯულმდებელნი და მაშენებელნიც იყვნენ. პირველი
მსჯულმდებელი, ესე იგი კანონმდებელი იყო ბექა I (1285–1306), მეორე – მისი
შვილიშვილი აღბუღა (ნამდვილად არ ვიცით, ყვარყვარე I შვილი იყო თუ შალვასი).
ბექას კანონები, გამოცემული XIII საუკუნეში, შეავსო აღბუღამ მე-14 საუკუნეში. ბექას
კანონები შეიცავდა 65 მუხლს. აღბუღამ ანუ, უკეთ ვთქვათ, მისგან შედგენილმა
საკანონმდებლო კომისიამ მიუმატა მას 35 მუხლი79.
ათაბაგების ღვაწლი აღმაშენებლობაში ბევრ ადგილას მოიპოვება სამცხე-
საათაბაგოში, მაგრამ უმთავრესად ეს ღვაწლი სამცხეს ემჩნევა. აქ მათ მიერ
აშენებულია მშვენიერი საფარის და ჭულების მონასტრები. ღვაწლი მათი ჩანს
ზარზმის მონასტერშიც. სამივე მონასტერში დაცულია სურათები-ფრესკები სარგის I-
ის, მისი შვილი ბექა I-ის და შვილიშვილების – სარგის II, ყვარყვარე I და შალვასი.
უკანასკნელის სურათი მოიპოვება მხოლოდ ჭულებში.
სამი შვილის გარდა ბექა I-ს ჰყავდა კიდევ ორი ქალი. ერთი მისთხოვდა
ტრაპიზონის იმპერატორს მიხეილ კომნენს, ალექსი II-ის შვილს; მეორე – ნათელა
იყო ცოლი ქართლის მეფის დიმიტრი III-ის (გარდაიცვ. 1289 წ.). დიმიტრის
ნათელადან ჰყავდა შვილი გიორგი ბრწყინვალე, რომელმაც საათაბაგო კვლავ
მოიყვანა ქართლის მეფის ხელქვეშ. ამ დროიდან სამცხე-საათაბაგო 145 წელს
ითვლებოდა საქართველოს ნაწილად, მაგრამ ბრძოლა ჩამოშორებისათვის არ
შეწყვეტილა. როდესაც 1470 წლის ახლო ხანში საქართველო გაიყო სამ სამეფოდ და
ხუთ სამთავროდ, ათაბაგებიც გამოვიდნენ ქართლის მეფის წინანდელ, ასე ვთქვათ,
ნახევარმორჩილებისაგან და გახდნენ სრულნი უფალნი სამცხე-საათაბაგოსი; თუმცა
ბრძოლა ქართლის მეფეთა და მათ შორის მაინც გრძელდებოდა. აქედან იწყება
დაკნინება მთელი საქართველოს ნაწილებისა და მათ შორის სამცხე-საათაბაგოსი.
ათაბაგები პოლიტიკურ ჩამოშორებასთან ერთად ცდილობდნენ ეკლესიურადაც
ჩამოშორებოდნენ საქართველოს, რომ ამ მხარის ეპისკოპოსები მცხეთაში არ
გაეგზავნათ საკურთხად საქართველოს კათალიკოს-პატრიარქის მიერ, არამედ ეს
უფლება მიენიჭებინათ აწყურის მთავარეპისკოპოსისათვის. ამას ანტიოქიის
პატრიარქის ცბიერის დახმარებით ცოტა ხანს კიდევაც მიაღწიეს. ათაბაგები
განაგებდნენ დამოუკიდებლად თავის სამფლობელოს, მანამ ოსმალებმა არ დაიწყეს
მხედრობა სამცხე-საათაბაგოში.
ანატოლიისა და კონსტანტინოპოლის დაპყრობის შემდეგ ოსმალებმა სულეიმან
დიდის სულთანის დროს (1552–1566) დაიკავეს არზრუმი, ვანი და ყარსი, და
დააარსეს ამ ქალაქების საბეგლარბეგოები. შემდეგ, ათაბაგ ქაიხოსრო მეორის დროს
(1545–1573) დაიპყრეს მთელი ჭოროხის ბასეინი, სახელდობრ, 1550 წელს – ტაო, 1552
წელს – არტანუჯი და არდაგანი. ამასთანავე, ბაიბურთი, ხახული, ოლთისი და ბანა
(პენიაკი) ადმინისტრატიულად სანჯაყებად გამოაცხადეს, შემდეგ განაახლეს ციხეები
ყარსისა და არდაგანისა. არდაგანის ციხის კედელზე დღემდე დაცულია წარწერა

79 ს. კაკაბაძე, «სჯულმდებელ ბექას და აღბუღას ვინაობა», ტფილისი, 1912; ივანე ჯავახიშვილი,

«ქართული სამართლის ისტორია», I, ტფილისი, 1926, გვ. 107–108, 111.
სულეიმან დიდისა 1555 წლის თარიღით. შემდეგ ლალა-ფაშის დიდი ლაშქრობის
დროს, 1578 წელს დაპყრობილ იქნა ჩილდირი, ხერთვისი, ახალქალაქი, ახალციხე და
აწყური, და ამრიგად, მთელი სამცხე-საათაბაგო მთლად მოექცა ოსმალთა
მფლობელობაში. ქაიხოსრო II-ის შვილები – ყვარყვარე V (1573–1582), მანუჩარ II
(1558–1614), ამისი შვილი მანუჩარ მესამე (1614–1625) იძულებულნი იყვნენ
დამორჩილებოდნენ ოსმალებს და მათის სახელით დარჩენილიყვნენ მმართველად
ამა თუ იმ საათაბაგოს ნაწილებისა, მაგრამ ჯერ კიდევ ქრისტიანობა შეინარჩუნეს;
ხოლო ბექა III-ის შვილმა ყვარყვარე V-მ მოწამლა თავისი ძმისწული, კანონიერი
ათაბაგი მანუჩარ III, წავიდა სტამბოლს, მიიღო იქ მუსულმანობა საფარ-ფაშის
წოდებითა და გახდა ახალციხის ფაშა.
ახალციხის საფაშალიკოში შედიოდა არა მთელი სამცხე-საათაბაგო, არამედ
მხოლოდ სამცხე და ჯავახეთი. საფარ-ფაშა და მისი შთამომავალნი, ახალციხის
ფაშები, ადმინისტრატიულად ემორჩილებოდნენ არზრუმის ფაშას. აქედან იწყება
ტრაღედია სამცხე-საათაბაგოსი, საქართველოს ამ საუკეთესო კულტურული
ნაწილის.
ვისაც არ სურდა მაჰმადიანობის მიღება, მისთვის ყოველი სახსარი ცხოვრებისა
მოსპობილი იყო. ამიტომ თავადაზნაურობა, რომელმაც არ უღალატა მამაპაპურ
სარწმუნოებას, იძულებული შეიქნა გადასახლებულიყო ქართლში, კახეთში,
იმერეთში, გურიაში და სხვა ადგილებში. ამათ რიცხვში უფრო წარჩინებული გვარები
არიან: შალიკაშვილი, ციციშვილი, ავალიშვილი, ჯაყელი, დიასამიძე, გოგორიშვილი,
თავდგირიძე, ხიმშიაშვილი, კავკასიძე, დოლენჯიშვილი, ხერხეულიძე,
თაქთაქიშვილი, ქობულაშვილი (ქობულისძე), სუმბათაშვილი, ზედგენიძე,
თუხარელი, გუგუნავა და სხვა.
ვინც გამაჰმადიანდა და ასეთები უმრავლესობა იყო, მიიღეს თათრული ხარისხი
და თანამდებობანი. უბრალო ხალხი მტკიცედ იდგა სარწმუნოებაზე, მაგრამ უამრავი
გადასახადებით და ყოველგვარი შევიწროებით იძულებული იყო ცხოვრების
შერჩენისათვის თანდათან მაჰმადიანი გამხდარიყო. ეკლესიები და მონასტრები
ზედიზედ იკეტებოდა. განძეულობა ეკლესია-მონასტრებისა, უმეტესი ნაწილი
განადგურდა; ზოგი გადმოტანილ იქნა საქართველოს სხვადასხვა ნაწილებში, უფრო
გურიაში და სვანეთში. ყოველგან შემოიღეს თათრული წესი და თათრული
მიწათმფლობელობა. მაინც ეკლესია-მონასტრების საბოლოო ლიკვიდაცია მოხდა
მხოლოდ მეჩვიდმეტე საუკუნის დამლევს; მანამდის, ასე თუ ისე, გაჭირვებით ზოგი
მონასტერი კიდევ არსებობდა და მათ წინამძღვრებს სულტანი ამტკიცებდა
ფირმანით.
საფარ-ფაშის შვილიშვილის, როსტომ ფაშის დროს (1647–1695) სამცხე-
საათაბაგო გარეგნულად მაინც გახდა სამუსულმანო ქვეყნად; ხოლო ქობულებში,
აჭარაში და იმერხევში მაჰმადიანობამ ფეხი ვერ მოიდგა მეცხრამეტე საუკუნის
დასაწყისამდე. არც ოსმალთა პოლიტიკური უფლება ყოფილა აქ განმტკიცებული.
ზოგ სხვა ადგილებში დიდხანს დარჩნენ ქრისტიანები ხან ფარულად, ხან აშკარად.
მაგალითად, გიორგი ყაზბეგმა 1874 წელს პარხალის მიდამოებში იპოვა ხუთი კომლი
აშკარად ამღიარებელი ქრისტიანობისა და მათი მღვდელი, გვარად მღებრიძე, ხოლო
80 კომლი ფარული ქრისტიანები იყვნენ80. ესენი იყვნენ სოფელ ხევეკისა და
არმენხევის მცხოვრებნი.
უკანასკნელი მსოფლიო ომის დროს, როდესაც რუსის ჯარმა დაიკავა ჭოროხის
ბასეინი, მთელმა ამ სოფლის მოსახლეობამ აშკარად აღიარა თავისი ქრისტიანული
რწმენა და დიდ სიხარულს განიცდიდნენ. ჩვენმა 1917 წლის არქეოლოგიური
ექსპედიციის წევრებმა დ. შევარდნაძემ და ი. ზდანევიჩმა ინახულეს იგინი და
ჰქონდათ მათთან საუბარი მრევლის მოწყობის შესახებ. ჩვენს საკათალიკოზო საბჭოს
უნდა გაეგზავნა მათთვის მღვდელი, რომ ფრონტი არ მოშლილიყო და რუსის ჯარს
არ მიეტოვებინა ეს მხარე. რასაკვირველია, დატრიალდნენ ბერძნის მღვდლებიც და
უნდოდათ ჩაეგდოთ ხელში სოფელი და დაემყარებინათ იქ ბერძნული წირვა-ლოცვა,
თუმცა იქ მთელი სოფელი ქართულად ლაპარაკობს. ამ მიზნით ერთ ბერძენ
მღვდელს ცბიერებით გამოერთმია მათთვის ძველი ქართული საეკლესიო წიგნები,
რომელნიც მალულად შერჩენილი ჰქონებოდათ. ზოგ ადგილას გამუსულმანებული
ქართველები ასრულებენ ზოგიერთ ქრისტიანულ წესებს და ჩვეულებას. მაგალითად,
ყურბან-ბაირამობის დროს (მუსულმანთა აღდგომას) ამზადებენ შეღებილ კვერცხებს
და მიაქვთ ეკლესიის ნანგრევებში. ამას აღნიშნავს ე. ვეიდენბაუმიც ბანის ტაძრის
შესახებ, რომელიც მან ინახულა 1879 წელს81. ხახულში, მონასტრის კარის ბჭეში,
აღმოსავლეთის კედელში, ღვთისმშობლის სურათია გამოქანდაკებული, რომელსაც
მკვიდრნი მარიამს უწოდებენ. თუმცა მუსულმანთა ქალები მეჩეთში არ დადიან,
მაგრამ ამ ქანდაკებასთან მოდიან თამამად, აღიპყრობენ ხელებს და სთხოვენ
შვილიერებას: ვისაც რძე აკლია – რძის მომატებას, ვისაც ავადმყოფი ჰყავს – მის
მორჩენას და სხვას, ვისაც რა აწუხებს. მარიამი დიდად სწამთ არათუ დედაკაცებს,
არამედ მამაკაცებსაც. მათი რწმენით, მარიამი არავის შეარჩენს ტაძრის
გაუპატიურებას და ხელის ხლებას. როდესაც რუსის ჯარმა უკანასკნელი ომის დროს
ეს მხარე დაიკავა, ხახულის კომენდანტად დანიშნული იყო პორუჩიკი ნ. მ.
შუგუროვი და ის გვამცნობს ზოგიერთ თქმულებას ხახულის შესახებ თავის
ბროშურაში82.

80გ. ყაზბეგი: „ტრი მესიაცა ვ ტურეცკოი გრუზიი“, კავკ. გეოგრ. საზ. „ზაპისკები“, X, გვ. 124.
81 იხ. „მატერიალი პო არხეოლოგიი კავკაზა“, ტ. XII, გვ. 92.
82 პორუჩიკი ნ. მ. შუგუროვი მეტად პატიოსანი, სათნო და ღვთისნიერი ადამიანია. როდესაც მან

პირველად ხახულის ეკლესია ნახა, გაოცებული დარჩა მისი ლამაზი სტილით, მშვენიერი დაცვით და
მკვიდრთა ამ ძეგლისადმი კარგის განწყობილებით. მე და სხვებსაც მოგვწერა არაერთი აღტაცებული
წერილი და გვთხოვდა მოგვეწყო ექსპედიცია ძეგლის შესასწავლად. მეც დავპირდი. შემდეგ ის
თვითონ ჩამოვიდა თბილისში და 6 ივნისს 1917 წელს თბილისის თავადაზნაურთა საკრებულოში
წაიკითხა მოხსენება ხახულის ტაძრის შესახებ. მეც ვიყავი მიწვეული, მაგრამ მოხსენებას ვერ
დავესწარი სხვა საჭირო საქმეების გამო; ხოლო 1918 წელს ეს მოხსენება დაბეჭდა ბათუმში კ. დ.
მაჭავარიანმა რუსულად (ს. მ. შუგუროვი, «ხახულის მონასტერი. მცირე მიმოხილვა», ბათუმი, 1918, in
16, გვ. 21). მოხსენებაში აღნიშნულია მოკლე ცნობები ხახულის მონასტრის შესახებ არსებული
ლიტერატურის მიხედვით და მოთხრობილია, თუ რა გააკეთა მან ხახულში. შუგუროვს გაუწმენდია
ტაძარი, გაუკეთებია ხის კანკელი, ტრაპეზი, მაგიდა, სამკვეთლო, კარადა სანთლისათვის, სატრაპეზო
ჯვარი და ზედ ქართულად დაუწერია: «აღსდეგ უფალო განსასვენებლად შენდა კიდობანი სიწმიდისა
შენისა» (ფსალმუნი 131, 8). ხატები გამოეგზავნა ოდესიდან დედამისს მ. თ. შუგუროვისას. ერთი
სიტყვით, შეეკრიბა ყველაფერი, რაც საჭიროა წირვისათვის. გარდა ამისა, გაუკეთებია ორი დიდი
ჯვარი ბჟოლის ხისა: ერთი დაუდგამს კარის ბჭეზე, მეორის დადგმა გუმბათის თავზე უკისრია
ქართველ ჯარისკაცს რახრაძეს, რომელიც სასწაულებრივი სიმარჯვით ასულა გუმბათზე, აუტანია და
დაუმაგრებია ეს დიდი ჯვარი მთელი გაკვირვებულის სოფლის თანდასწრებით. სოფლელებს
სხვათა შორის, მას უამბეს: ერთს ჩვენს მოხერხებულს და მხნე ახალგაზრდას
გაგონილი ჰქონდა, რომ ჯვარის ქვეშ გუმბათისა ხაზინაა დაკრძალულიო, და მან
განიზრახა ასულიყო გუმბათზე ხაზინის მოსაპოვებლად. ასვლა მოუწყობლად
ასასვლელისა ძნელია, მაგრამ ასვლით მაინც ავიდა, ხოლო ვერაფერი ვერ იპოვნა.
ჩამოვიდა ძირს, დაბრუნდა სახლში, დაჯდა იატაკზე და მაშინათვე მოკვდაო.
მარიამმა დასაჯა ის კადნიერებისათვისო, დასძინა მთქმელმა მაჰმადიანმაო. ზოგ
სხვას ადგილებშიაც დიდი მოკრძალება აქვთ ეკლესიისადმი. მაგალითად, ოთხთა
ეკლესიის გვერდით თუმცა მშვენიერი ბაღნარია, მაგრამ ხალხი იქ არ ცხოვრობს. იქ
არ შეიძლება ცხოვრებაო, ამბობენ, ვინც არ დასახლდა, ყველანი ამოწყდაო. ერთხელ
ერთმა მწყემსმა ეკლესიაში ფარა შერეკაო, მაგრამ ეს ფარა შემდეგ მოვარდნილმა
წყალმა იმსხვერპლაო. იშხანში მხატვრობა მოშლილი დამხვდა და ეტყობოდა
ზოგიერთი ფრესკის მოშლა ახალი საქმე იყო. მე ვკითხე მუხტარს, რატომ შლით
სურათებს-მეთქი? მან მიპასუხა: ჩვენ მაგის გვეშინია და არასოდეს ხელი არ გვიხლია;
ესენი სულ რუსი სალდათებმა ხიშტის წვერებით მოშალესო. მართლაც და თვით
ხახულის ყოფილი კომენდანტი შუგუროვი გვიმოწმებს თავის ზემოხსენებულს
წიგნაკში (გვ. 6) რუსის სალდათების და პრაპორშჩიკების ბარბაროსობას, რომელთაც
მიაწერს ხახულის ღვთისმშობლის ქანდაკების სახის გაფუჭებას და დასძენს: განა
ესენი არ იყვნენ, იშხანის ტაძარში მიზანში სროლა რომ ასტეხესო?! ზოგიერთი
სალდათის ფსიქოლოგიის მიხედვით, ამბობს ნ. შუგუროვი, ყველა ეკლესია
სათათრეთში, ქართულია ის თუ სომხური, „თათრული ეკლესია“ არის და არავითარი
პატივისცემის ღირსი არ არისო (გვ. 10).
სოფელ დასაბომა-ში, ნ. მარრის თქმით, არის მოზრდილი ეკლესიის ნანგრევები
ჩვეულებრივი რიგისა. ამ ნანგრევების დიდი შიში აქვთ სომხებს და ქართველ
მუსულმანებს. აქ მოდიან სალოცავად შორეული კუთხეებიდანაც, განსაკუთრებით
აღდგომას, ისე სხვა დროსაც. აქედან არაფრის წაღება არ შეიძლება. ამბობენ, ერთმა
ბებერმა სცადა აქ ბოსტნის გაშენება, მაგრამ მაშინვე მოკვდაო (დღიური, გვ. 35–36).
სამუსულმანო საქართველოში ჩვეულებადაა ზიარეთში წასვლა. ეს უდრის
ჩვენებურ ხატობას. ზიარეთი სამლოცველო ადგილს ჰქვია და ისეთი ადგილებია,
სადაც ძველი ეკლესიის ნანგრევებია ან ყოფილი საჯვარეა. აქ მოდიან სხვადასხვა
ადგილებიდან, ნამეტნავად ქალები. მოაქვთ ჩამოქნილი თაფლის სანთლები,
აანთებენ სანთლებს და ლოცულობენ. აქ რჩებიან ერთ-ორ ღამეს. თუ შორიდან
მოსული არიან, უფრო მეტსაც. და ამათ უნდა დაესიზმროთ ღამით, თუ რა ცხოველი
დაკლან სამსხვერპლოდ: ცხვარი, თხა, ხბო, ძროხა თუ ხარი; და რაც დაესიზმრებათ,
იმას დაკლავენ ხოლმე. ასეთ ჩვეულებას ასრულებენ პორტას (ძველი შატბერდის)
მონასტრის ნანგრევებში და ბევრ სხვა ადგილას. მოლები უშლიან, რასაკვირველია,

უთქვამთ: მარიამი შეეწია, თორემ ეს შეუძლებელი იყოო. როდესაც რახრაძეს გაუჩხრეკია ბუდე,
რომლითაც ძველი ჯვარი ყოფილა დამაგრებული გუმბათზე, იქიდან ამოუღია ძელის ნაჭერი,
სრულიად კარგად შენახული. ამ ნაჭრიდან შუგუროვს გაეკეთებინა სატრაპეზო ჯვარი, რომელსაც თან
ატარებდა, და მეც მაჩვენა. ხე, რომლიდანაც ჯვარია გაკეთებული, თათრულად ტურგენ-ი ყოფილა,
ჩვენებურად ძელქვა უნდა იყოს. ამის შემდეგ ნ. შუგუროვს 24 ივნისს 1916 წელს ზეიმით უკურთხებია
ტაძარი: წირვა გადაუხდია მამა ნიკოლსკის, გალობა ყოფილა რუსულად და ქართულად. წამოსვლის
ხანს ნ. შუგუროვს გასაღები ტაძრისა ჩაუბარებია ადგილობრივი ხოჯისათვის, რომელმაც ჩვენი
ექსპედიციის დროს ჩვენ გადმოგვცა, და წამოსვლის ხანს მასვე ჩავაბარეთ.
ასეთ ქცევას ხალხს, მაგრამ ვერაფერს ხდებიან (ნ. მარრის დღიური, გვ. 80). ასეთი
ზიარეთი აქვთ ხახულის მცხოვრებთაც მათი ხევის სათავეში, მთაზე, სადაც
ეკლესიის ნანგრევებია დაცული. ქრისტიანობის ნაშთი ისახება ხოლმე ზოგიერთ
თქმულებაშიც. მაგალითად, ამბობენ, იმერხევში თავკვეთილობას (იოანე
ნათლისმცემლის თავის კვეთას) თოვლი მოვაო (ნ. მარრის დღიური, გვ. 8).
რაც ლეგენდებს შეეხება, ქართველ მეფეთა შორის ლეგენდები ზოგ ადგილას
მარტო თამარ დედოფალზეა შენახული. იშხანში, ხახულში, ოთხთა ეკლესიაში,
პარხალში მცხოვრებნი მათი ეკლესიების აშენებას ძლევამოსილს, მდიდარს და
შესანიშნავ დედოფალს მიაწერენ. მაგრამ სახელი მისი იციან კობაკში და ბინათში,
სხვაგან დავიწყებული აქვთ. ოთხთა ეკლესიის მცხოვრებნი ამბობენ: იმ მეფის ასულს,
რომელმაც ოთხთა ეკლესია აღაშენა, ფული არ ეყო და თავისი თმის სამკაული
გაჰყიდაო; ხოლო კობაკის მცხოვრებლებმა იციან სახელი დედოფლისა, რომელმაც
აღაშენა იშხანი, ოშკი, ხახული, ოთხთა ეკლესია და პარხალი. ეს იყო თამარ, ანუ
შირვანის ასული. მამამ ყველა შვილი გაამაჰმადიანა, ხოლო თამარს დიდი
დამსახურების გამო ნება დართო ქრისტიანი დარჩენილიყო. თამარს ჰყავდა თეთრი
რაში ისეთი, რომ ერთს დღეს შეეძლო მოევლო ოშკი, იშხანი, ოთხთა ეკლესია და
პარხალი. კობაკის მახლობლად უჩვენებენ კლდეს ხელისგულის გამოსახულებით და
ამბობენ, ეს თამარ მეფის ხელის ნაშთიაო. როცა მან გაიარა ამ კლდესთან თავისი
ჯარით, ცხენიდან ჩამოვარდა და ხელი კლდეს მიაბჯინა, რომელზედაც დარჩა ნასახი
მისი ხელისაო.
პარხალის ზემო სოფლებში დღემდის დარჩენილია ძველი გრძელი არხი,
რომელიც იწყება სოფელ უთავიდან – კობაკის მახლობლად, გაჭრილია კლდეში
რამოდენიმე ვერსის სიგრძეზე და მიდის სოფელ ზავრიეთში. ამას მიაწერენ თამარ
მეფეს და ამბობენ, ყველაზე დიდი ღვაწლი, რომელიც მან დასდო ამ მხარეს, ეს
არისო. კიდევ უფრო კარგად იციან თამარის სახელი ბინათის მცხოვრებლებმა.
ბინათი მდებარეობს მელოს მახლობლად, სოფელ ორჯოხის ზემოთ, ჭოროხის პირზე.
ამ სოფელში 219 სული ცხოვრობს, ყველა ქართულად ლაპარაკობს. მათი
თქმულებით, ამ სოფლის სახელი ასე წარმოიშვა: ერთხელ მეფე თამარმა აქ გამოიარა.
ცუდი ტაროსის გამო გზა ვეღარ განაგრძო და ინება ღამის გათევა ამ სოფელში. მას
მიუჩინეს საუკეთესო ბინა და მას შემდეგ სოფელს დაერქვა სახელი ბინათი, რომ
ამით აღენიშნათ თამარის ღამის გათევა ამ სოფლის ბინაში.83

83ეს ლეგენდა ბ-მა ალექსანდრე სტეფანეს ძე მატიასევიჩმა გადმოგვცა. ეს იყო ომის დროს „ნაჩალნიკი“
მელოს „უჩასტკისა“, დაიარა ყველა სოფელი ჭოროხის შუაწელისა და შეკრიბა სტატისტიკური
ცნობები მოსახლეობისა და სია გადმოგვცა ჩვენ ჩვენებით, თუ რომელ სოფელში ლაპარაკობენ
ქართულად. აგრეთვე მან გადმოგვცა ფოტოგრაფიული სურათები ზოგიერთი სოფლებისა, ძეგლებისა
და მკვიდრთა გუნდებისა, რომელთათვის უგულითადეს მადლობას ვუცხადებთ. ა. მატიასევიჩი
მხატვარიც არის. მის მიერ გადმოღებული აქვარელის სურათი იშხანის ტაძრისა ჩვენ შევიძინეთ საქ.
საისტ. და საეთნოგრაფიო მუზეუმისათვის. საჭიროდ ვრაცხთ შევნიშნოთ, რომ ცნობები ქართული
ენის ცოდნის შესახებ ზოგიერთი სოფლებისათვის სრულად არ ჩაითვლება. მის სიაში მოხსენებული
არ არის, რომ სოფ. ოთხთა ეკლესიაში (დორთ-კილისაში) ქართულად ლაპარაკობენ, მაშინ როდესაც იქ
ყველა ქართულად მოლაპარაკეა. მცხოვრებნი ყოველთვის არ ამხელენ, რომ ქართულად ლაპარაკობენ.
ამას გარდა მამაკაცები, მეტადრე რუსის მოხელენი, დედაკაცებს ვერ ნახულობენ, ოჯახებში ვერ
ჩაიხედავენ, სადაც უფრო არის დაცული ქართული ენა. ზოგჯერ არც ეკლესიის შესახებ აწვდიან
ცნობებს. მაგალითად, მატიასევიჩმა გადმოგვცა სურათი ოთხთა ეკლესიის ციხისა და როდესაც
ვკითხე, ეკლესიის სურათი არ გადმოიღე-მეთქი, მიპასუხა, იქ ეკლესია არ არისო. შესანიშნავი ოთხთა
 რაც შეეხება ენას, ქართული ენა თანდათან დავიწყებას მიეცა და დაუთმო
ადგილი თათრულ ენას. ამას ხელი შეუწყო პირველად სიადვილემ თათრული ენისა,
გადმოსახლებამ თათრებისა ქართველ მკვიდრთა შორის, სკოლებმა, სადაც მხოლოდ
«ყურანს» ასწავლიდნენ თათრულ ენაზე და სხვა. მაგრამ მიუხედავად ამისა, ბევრ
ადგილას ჯერეც შერჩენილია ქართული ენა, ნამეტნავად მთის მივარდნილს და
ძნელად მისავალ სოფლებში. მამაკაცებმა ყველამ იცის თათრული, მაგრამ
თათრულად ელაპარაკებიან მხოლოდ უცხოელებს და ოსმალთა თანამდებობის
პირებს. თავიანთ შორის, ოჯახში მარტო ქართულად ლაპარაკობენ, ნამეტნავად
ქალები და ბავშვები. არდაგანის და ოლთისის „ოკრუგებში“ ნაკლებად არის დაცული
ქართული ენა, ვინაიდან აქედან ბევრი ქართველობა გადასახლდა ოსმალეთში რუს-
თათართა ომის შემდეგ 1877–1878 წლებისა და მათ ადგილას სხვები გადმოასახლეს:
თათრები, თარაქამები, ქურთები, ბერძნები და სომხები. არდაგანის ოკრუგში ჩემი
ექსპედიციის დროს 1902 წელს ქართულად ლაპარაკობდნენ მხოლოდ სოფელ
ველში84, ხოლო ერუშეთში მარტო მოხუცებულებს ესმოდათ ქართული. ოლთისის
ოკრუგში, ფანასკერტში, ანზავში, მიაკომში ქართული ესმოდათ მხოლოდ
მოხუცებულებს და უფრო ქალებს, ვიდრე მამაკაცებს. ბევრად უფრო კარგად არის
დაცული ქართული ენა ყოფილი ბათუმის ოლქში. ცნობილია, რომ აქ
ქობულეთელებსა და აჭარლებს ყველაზე კარგად აქვთ შენახული ქართული ენა. ამას
გარდა, ქართული ენა დაცულია კლარჯეთში და იმერხევში, სადაც დღემდის დიდად
გავრცელებულია სახალხო პოეზიის ნაწარმოებნი, ლექსები, მეტად ფირალებზე.
ნიმუშები მათი შეკრებილი აქვს ნ. მარრს (იხ. მისი «გრიგოლ ხანძთელის ცხოვრება»,
დღიური, გვ. 46–74).
ლაზები ამ ოლქისა ლაპარაკობენ თავიანთ ლაზურ ენაზე. კიდევ უკეთ არის
შენახული ქართული ენა ზოგიერთ ძნელად მისავალ სოფლებში შუა ჭოროხის
ბასეინისა. ჯერ კიდევ გ. ყაზბეგმა აღნიშნა, რომ პარხალის მახლობელ სოფლებში
არმენხევში და კობაკში ყველა ქართულად ლაპარაკობსო, ხოლო პარხალში ყველამ არ
იცის ქართულიო (იხ. მისი ზემოთ ნაჩვენები წერილი, გვ. 119).
ჩვენი 1917 წლის ექსპედიციის მიერ შეკრებილის ცნობებით და ნამეტნავად იმ
ცნობებით, რომელნიც გადმოგვცა ალ. სტ.-ძე მატიასევიჩმა, სოფლები, რომლებშიაც
ყველა ქართულად ლაპარაკობს, არიან შემდეგნი: კობაკი, არმენხევი, ხევეკი,
გუდახევი, ხუმხალი, ბალხი, ხოდ-სუფლია, უტავი, ვანისხევი, კირვანსი, ოთხთა
ეკლესია (დორთ-კილისა) და ბინათი. ამ მხარეში არის კიდევ ერთი დიდი სოფელი
მაღალ ზეკარზე (უღელტეხილზე), იშხანის მახლობლად (სოფელი იშხანის
სამუხტაროში შემოდის). სოფელში 208 სული მცხოვრებია და ყველა ქართულად
ლაპარაკობს. ამ სოფლის სახელი რუკაზე არის ჩილჩიმი, მაგრამ ნამდვილად მისი
სახელია ჭიმჭიმი და მცხოვრებნიც ასე გამოსთქვამენ მის სახელს. ამ სოფლის სახელი
გვამცნევს, თუ საითგან წარმოსდგა სახელწოდება ცნობილის ქართველი მეცნიერის
და ფილოსოფოსის იოანე ჭიმჭიმელისა, რომელიც ამდენ დავას და უჯერო
განმარტებას იწვევდა მკვლევართა შორის. ეხლა ცხადია, იოანე ყოფილა სოფელ

ეკლესიის ბაზილიკა მას უნახავი დარჩა. თვითონ შემთხვევით ვერ წააწყდა (ეკლესია ხუთი
კილომეტრით მოშორებულია სოფელს) და მცხოვრებლებმა არაფერი უთხრეს მის შესახებ.
84 ეს დამოწმებული აქვს დ. ბაქრაძესაც, რომელმაც იმოგზაურა ამ მხარეში 1881 წელს. იხილეთ

ვახუშტის ისტორია, გვ. 131, შენიშვნა.

ჭიმჭიმიდან და აქედან წარმოსდგა ჭიმჭიმელი, როგორც რუსთავიდან რუსთაველი,
ხონიდან ხონელი და სხვა85.
მუსულმანი ქართველები ყოველგან თვალსაჩინოდ განირჩევიან სხვა
სამუსულმანო საქართველოს მცხოვრებთაგან: თურქებისაგან, ქურთებისაგან,
თარაქამებისაგან და სხვებისაგან; განირჩევიან სახით, ჩაცმა-დახურვით, ზნე-
ჩვეულებით, დარბაისლობით (პირველ თქმულია ძველთაგან სიდარბაისლე მესხისა),
სიდინჯით და პატიოსნებით. ტანისამოსი მამაკაცისა ისეთია როგორც გურულებისა,
აჭარლებისა და ლაზებისა, ეს იგი ჩაქურა; ხოლო აჭარლები ქობულეთელებისაგან
განირჩევიან ხასიათით. მათ შორის სისხლის აღება არ არსებობს, მრავალცოლიანობა
იშვიათია, ხალხი მშვიდია, პატიოსანი, ქურდობა მათ შორის შეუძლებელია.
ხახულის მუხთარს ვკითხე, ქურდობა თუ არსებობს თქვენს შორის-მეთქი? დიდად
გაიკვირა: ქურდობა ჩვენში არავის გაუგონიაო. ქურდი ქურთია, ჩვენში
შეუძლებელიაო. რუსის მოხელენიც, რომლებმაც ისტორია ამ მხარისა არ იცოდნენ,
ანუ ნაკლებად იცოდნენ, ისინიც ამჩნევდნენ ამ ტიპიურ განსხვავებას და
გამოსთქვამდნენ აზრს, რომ ისინი გამაჰმადიანებული ქართველებიაო. მაგალითად,
ია. პროსკურიაკოვი, ვ. ლისოვსკი, პ. ხელმნიცკი და პორუჩიკი ნ. შუგუროვი,
რომელთა წიგნები ზემოთ ვუჩვენეთ. სხვათა შორის, ნ. შუგუროვი წერს თავის
წიგნაკში:
„სამი წლის განმავლობაში ჩემი ფრონტზე ყოფნისა მე კარგად დავუკვირდი
ნამდვილ თურქებს. მაგრამ ხახულის თურქების სახეებში, ნამეტნავად
ახალგაზრდებისა, აშკარად შევნიშნე ნამდვილი ქართული სახეები. მეტად
თავისებურია დიდრონი შავი თვალები და ანაგება ტუჩისა... განსაკუთრებით

85 ეს აღარ იწვევდა ეჭვს მას შემდეგ, რაც ჩვენ «მცირე უწყებაჲ ქართველთა მწერალთათჳს»
გამოვაქვეყნეთ (იხ. «ძველი საქართველო», ტ. I, განყ. 3, გვ. 1–60). მაგრამ იქ აღნიშნული იყო მისი
წარმოშობა სამცხის სოფლიდან და მდებარეობა ამ სოფლისა არ ვიცოდით. ამ სოფლის მცხოვრებთა
გუნდის ფოტოგრაფიაც გვაქვს.
ჭიმჭიმში ძველად ერისთავიც მჯდარა. ჩემს საბუთებში ინახება სამი წარწერა, რომელნიც მე
გარჩეული მაქვს, მაგრამ მათი ფაქსიმილე ეხლა ხელთ არ მაქვს და არ მახსოვს, ვინ გადმომცა, ან
რომელ ძეგლს ეკუთვნიან. ერთი მათგანი, რომელშიაც ჭიმჭიმის ერისთავია მოხსენებული, იკითხება
ასე:
ქ-ე შ-ე ს-ლი ფ
რ-ნ: ეესჲ ჲვს
ძ-სჲ ჭ-მჭ-მსჲ
ქრისტე. შეიწყალე სული ფირან (თუ ფრიდონ ან ფარსადან) ერისთავთ ერისთავისაჲ, იოვანეს
ძისაჲ, ჭიმჭიმელისაჲ.
მეორე წარწერა:
ქ-ე ჲ-სო... დდე ბგრტ და
მმ დდფ
ქრისტე იესო... [ა]დიდე ბაგრატ და მარიამ დედოფალი
აქ მოხსენებული ბაგრატ უნდა იყოს ბაგრატ მეოთხე (1027–1072), ხოლო მარიამ დედოფალი არის
დედა ბაგრატისი. ესენი ერთად ხშირად იხსენიებიან ქართულს წარწერებში.
მესამე წარწერა:
ქ-ე შ-ე ს-ლი ნშსჲ ესე კ-თხე მ-სია
ქრისტე შეიწყალე სული ნუშირვანისაჲ (თუ ნუგეშისაჲ?). ესე კუთხე მისია.
ამგვარი წარწერები პარხალის მონასტრის ზემო, მეორე სართულის კამარებზეა და შეიძლება მას
ეკუთვნოდეს. იგულისხმება, ვის მიერ არის კამარა შეკაზმული.
ხახულის „თურქთა“ (ესე იგი გამაჰმადიანებული ქართველების) შესახებ უნდა ვთქვა:
ეს ხალხი რაინდულად პატიოსანია, სიმართლით გამსჭვალულია და ფრიად
სტუმართმოყვარე. მიუხედავად იმისა, რომ ადგილობრივი მცხოვრებნი ომით
გაუბედურებული იყვნენ, მრავალჯერ შეურაცხყოფილი სალდათთა მიერ, მათ მაინც
კეთილი განწყობილება დაიცვეს ჩვენდა მომართ, ნამეტნავად ოფიცერთა მომართ. მე
არ ვიცი შემთხვევა, რომ მათ ბოროტისათვის ბოროტით მოეზღოთ. პირიქით, სულ
მცირე კეთილისათვის გვიზღვნიდნენ ნათელი გულის მადლობით. ერთხელ
პროტოერეი C-სთან საუბრის დროს მე მას გავუზიარე ჩემი დაკვირვება ხახულის
მცხოვრებთა შესახებ და ვთქვი: „აი ხალხი, რომელთაც განახორციელეს თავიანთ
შორის ქრისტიანული იდეალები! პროტოერეი დამეთანხმა“ (გვ. 15–16).
სამუსულმანო საქართველოს დაბრუნება ყოველთვის შეადგენდა ქართველი
მეფეების მისწრაფებას და ზრუნვას, მაგრამ პირობები ამას ხელს არ უწყობდა. რუს-
თათართა ომის დროს 1768–1774 წლებში თითქო ამის განხორცილება შესაძლებლად
ჩნდა და ამიტომ მიიღეს ასეთი გულწრფელი და ენერგიული მონაწილეობა ომში
ირაკლი მეორემ და სოლომონ პირველმა რუსეთის მხრით. მაგრამ ცნობილის
კრიმინალის გრაფ ტოტლებენის მოღალატეობამ სულ აწეწა საქმე და ქართლ-კახეთის
და იმერეთის სამეფოები უფრო დიდ განსაცდელში ჩააგდო, ვიდრე წინათ იყო. თუ
მაშინ ეს ორი სახელმწიფო სულ არ დაიღუპა, ამის მიზეზი ამ ორი მეფის საარაკო
გმირობა და ომის წარმოების იდეალური უნარი და ხერხები იყო. ზრუნვა
სამუსულმანო საქართველოს დაბრუნების შესახებ შემდეგაც არ შეწყვეტილა.
1783 წლის ტრაქტატში, რომელიც დადებული იყო მეფე ერეკლე მეორესა და
ეკატერინე მეორეს შორის, ნათქვამი იყო სეპარატიული კონვენციის სახით, რომ
ხელსაყრელ შემთხვევაში რუსეთი დაეხმარებოდა საქართველოს დაკარგული
ტერიტორიის აღდგენისათვის. რა თქმა უნდა, აქ სახეში იყო მიღებული სამცხე-
საათაბაგოს დაბრუნება. შემდეგ, როცა რუსეთმა შეშალა პირობა და საქართველოს
ანექსია მოახდინა, შეუდგა იგი თავისი იმპერიალისტური მიზნებით,
რასაკვირველია, ამ საქმის განხორციელებას. 1828–1829 წლების ომის შემდეგ
ოსმალებთან რუსეთმა მიიღო (ადრიანოპოლის ზავის დადგენილებით, 2 სექტემბერს
1829 წელს) ახალციხის და ახალქალაქის მაზრები, ხოლო 1877–1878 წლების ომის
შემდეგ (ბერლინის ტრაქტატის ძალით) რუსეთს დარჩა ყარსის და ბათუმის ოლქები.
ამით სამი მეოთხედი სამცხე-საათაბაგოსი კვლავ მოედვა საქართველოს
ტერიტორიას.
როდესაც საქართველო განთავისუფლდა რუსეთიდან და შექმნა
დემოკრატიული რესპუბლიკა, ის ადგილები, რომელნიც შეადგენდნენ სამცხე-
საათაბაგოს ნაწილებს, ითვლებოდა საქართველოს რესპუბლიკის საზღვრებში. ეს
საზღვრები დაადასტურა თვით ბოლშევიკურმა რუსეთმა, როდესაც საგანგებო
ხელშეკრულებით 7 მაისს 1920 წელს აღიარა საქართველოს რესპუბლიკის
სუვერენობა მის საზღვრებში. ხოლო მეორე წელს ბოლშევიკური რუსეთი
მოულოდნელად თავს დაესხა საქართველოს რესპუბლიკას, და როდესაც
საქართველო ამ უთანასწორო ომში სისხლში იწურებოდა, ოსმალეთმა განაახლა
აგრესიული მოძრაობა საქართველოს მიმართ, დაწყებული ბრესტ-ლიტოვსკის ზავის
შემდეგ და შეჩერებული ანტანტის სახელმწიფოების გამარჯვების გამო. მან
ულტიმატუმით მომართა საქართველოს მთავრობას, დაიჭირა არტან-ოლთისის
მხარე, ბათუმის ოლქი და უპირებდა ანექსიას ბათუმსაც, მაგრამ 17 მარტს 1921 წელს
ქართველ ჯართა უკანასკნელის გმირული მოქმედებით გაძევებულ იქნა ბათუმიდან.
შემდეგ, 13 ოქტომბერს 1921 წელს ყარსში დადებული ხელშეკრულებით ოსმალეთმა
მიიღო ბოლშევიკებისაგან, რაც დაკარგა ბერლინის ტრაქტატის ძალით, ესე იგი
ყარსის და ბათუმის ოლქები და მათ შორის სამცხე-საათაბაგოს ტერიტორია,
სახელდობრ, არდაგანის ოკრუგი, მისი „უჩასტკებით“, ფოცხოვისა, ჩილდირისა,
არტანისა და გელისა, და ოლთისის „ოკრუგი“, რომელიც შეიცავდა „უჩასტკებს“:
ოლთისისა და ტაოსკარისა; ხოლო ბათუმის ოლქიდან მიიღო „უჩასტკები“:
ართვინისა, არტანუჯისა, შავშეთ-იმერხევისა და გონიისა. საქართველოს საზღვრებში
დარჩა ბათუმის ოლქიდან მხოლოდ კინტრიშის, ზემო და ქვემო აჭარის „უჩასტკები“
ბათუმითურთ. ბოლშევიკური ხელისუფლების მიერ ეხლა ეს გაყოფილია: ხულოს,
ქედის, ჭოროხის და ქობულეთის მაზრებად.
სივრცით არდაგანის „ოკრუგი“ უდრის 5.644,74 კვადრატულ კილომეტრს;
ოლთისისა – 2.958,38 კვ. კილომეტრს და ის, რაც ბათუმის ოლქიდან დარჩა
ოსმალებს, შეადგენს 4.442,61 კვ. კილომეტრს, ხოლო რაც საქართველოს საზღვრებში
ითვლება – 2.500 კვ. კილომეტრს. საერთოდ, ოსმალეთს დაეთმო 13.046 კვადრატული
კილომეტრი საქართველოს ტერიტორიისა86. მცხოვრებთა რიცხვი დანამდვილებით
არ ვიცით, მაგრამ 1917 წლისათვის აღემატებოდა 250.000 სულს.
აი, სულ მოკლედ, კონსპექტის სახით, ისტორია სამუსულმანო საქართველოსი
და კერძოდ, ჭოროხის ბასეინისა.
რაც შეეხება ასე თუ ისე გადარჩენილს შესანიშნავ სახუროთმოძღვრო ძეგლებს
სამუსულმანო საქართველოისა, ეს საჭიროებს ცალკე მიმოხილვას და აქ ვეღარ
ვეხებით.

86 სტატისტიკური ცნობები ამოღებულია 1900 წლის კავკასიის კალენდრისაგან, სადაც სივრცე

ოლქებისა ნაჩვენებია კვადრატული კილომეტრითაც და კვადრატული ვერსითაც, ხოლო 1917 წლის
კალენდარში (ეს უკანასკნელი გამოცემაა) სივრცე ნაჩვენებია მარტო კვადრატული ვერსით და ეს
ცნობები ცოტა განსხვავდება 1900 წლის კალენდრის ცნობებისაგან. თუ 1917 წლის ცნობების
კვადრატულ ვერსებს გადავიტანთ კვადრატულ კილომეტრებზე, მაშინ არდაგანის ოკრუგში იქნება
5.604,50 კვ. კილომეტრი; ოლთისისაში – 2.985,61 კვ. კ., ხოლო ის, რაც ოსმალებს დარჩათ ბათუმის
ოლქიდან, იქნება 4.481,35 კვადრატული კილომეტრი. საერთოდ, ოსმალეთის მფლობელობაში
გადასული ტერიტორია იქნება 13.071 კვადრატული კილომეტრი. ცნობა, რომ ბათუმის ოლქიდან
საქართველოს საზღვრებში დარჩა 2.500 კვ. კილომეტრი, ამოღებულია ი. რუხაძის „საქართველოს
გეოგრაფიიდან“, გვ. 63, თბილისი, 1927.
 გიორგი მეფის ერთი ფულის შესახებ

მიუხედავად ბროსეს, ბარათაშვილის (ბარათაევის), ბართოლომეის, ლანგლუას

და პახომოვის ფრიად თვალსაჩინო და დაუღალავი შრომისა, ქართულ
ნუმიზმატიკაში ბევრი რამ გვაკლია. ზოგიერთ მეფეთა ფულები ჯერ არ არის
აღმოჩენილი; აღმოჩენილთა შორის ზოგი ცუდად არის შენახული და მათი
ლეგენდების (წარწერების) და სურათების აღდგენა საძნელოა. ამიტომ ყოველ ახალ
წვრილმანს ამ დარგში თავისი მნიშვნელობა აქვს. ამ მხრივ ინტერესს მოკლებული არ
არის ერთი პატარა ვერცხლის ფული, რომლის სურათები აქ მოგვყავს და რომელიც
ჩვენ ვიპოვეთ კაცხის მონასტერში, იმერეთში. ეს ფული გახვრეტილია, მაგრამ
საბედნიეროდ ნახვრეტი არც წარწერას აზიანებს და არც თვით მეფის სახეს.
ამ ფულის პირველ პირზე (avers) წარმოდგენილია თავი მეფისა en face
გვირგვინით და წვერ-ულვაშით. ეს მხარე ამას გარდა შემკობილია ზემოთ
წერტილების წრეებით და ქვემოთ, გვერდებზე ყვავილოვანი წრეებით. მეორე პირზე
(revers) ასომთავრულით აწერია გარკვეულად: მეფე გი, ესე იგი: მეფე გიორგი (იხ.
სურათები ნამდვილი სიდიდით და გადიდებული).
დღემდე ცნობილია სხვადასხვა სახის სამი ვერცხლის ფული, რომელნიც
რამდენიმედ წააგავან ჩვენს ფულს და რომელთაც ჩვენი ნუმიზმატები – ბროსე,
ბარათაშვილი და ლანგლუა მიაწერენ გიორგი მეცხრეს (ვახუშტისა და მათი
სათვალავით, მერვეს). ეს გიორგი მეფობდა 1446–1476 წლებში. სამივე ფული ცუდად
არის მოღწეული ჩვენამდე. მათი სურათები მოთავსებულია ლანგლუას შრომაში.
პირველი მათგანის პირველ პირზე №3 მეფის თავია წარმოდგენილი, მარცხნივ
მიმართული პროფილით და წვერ-ულვაშით; მეორე პირზე მარცხნივ მიმავალი
ლომია. წარწერიდან მეფის თავის მარცხნივ მოსჩანს მხოლოდ ასოები: «ფე» და «ი»,
რასაც ლანგლუა კითხულობს: «მეფე გიორგი». მეორე ფულზე №4 იგივე სურათებია,
მაგრამ წარწერა სრულიად არ მოიპოვება. მესამე, №5 პირველ პირზე, თავი არის
მეფისა en face წვერ-ულვაშით და გვირგვინით, ხოლო მეორე პირზე ჩიტის თავის
მსგავსი ფიგურაა და მარტო ასო «ე» მოსჩანს. აქაც ლანგლუა კითხულობს: «მეფე
გიორგი». ეს ფული, შედარებით ჩვენს ფულთან, თითქმის ნახევარს უდრის, ხოლო
პირველი ფული №3 სიდიდით ჩვენსას უდგება.
ჩვენი ცალი ამ ფულისა, თავისი სრულად დაცული წარწერით და კარგად
შენახული მეფის თავის სურათით, უნიკუმად უნდა ჩაითვალოს.
აქ უნდა შევნიშნოთ, რომ ჩვენ არა გვაქვს ცნობა, გამოვიდა თუ არა მეორე
ნაწილი ე. პახომოვის წიგნისა „მონეტი გრუზიი“, და თუ გამოვიდა, მოთავსებულია
თუ არა შიგ აღწერილობა უკეთესად შენახული გიორგი მეცხრის ფულისა,
შედარებით იმ ფულებთან, რომელნიც ლანგლუას დროს იყო ცნობილი. პირველი
ნაწილი პახომოვის წიგნისა, რომელიც შეიცავს ქართული ფულების აღწერილობას
მონღოლთა დრომდის, დაბეჭდილია პეტერბურგში 1910 წელს. მეორე ნაწილში
მოთავსებული უნდა ყოფილიყო ქართული ფულების განხილვა მეთვრამეტე
საუკუნის დამლევამდე.
 ოსებისადმი ბოძებული ექვსი სიგელი

საქართველოს მეფენი ყოველთვის დიდ ყურადღებას აქცევდნენ დარიალის

ხეობის და საზოგადოდ, ეგრეთწოდებული საქართველოს სამხედრო გზის დაცვას. ამ
მიზნით ისინი ცდილობდნენ კეთილგანწყობილება ჰქონოდათ ოსებთან, ქისტებთან
და ყველა მთიელ ტომთან. ზოგი მათგანი, უფრო წარჩინებული და გავლენიანი
პირი, მეფის სამსახურში ირიცხებოდა და სიგელით განსაზღვრულ ჯამაგირს იღებდა
მეფის ხაზინიდან. დიდ დახმარებას უწევდნენ კავკასიის მთიელნი ალექსანდრე
ბატონიშვილს და მის ძმებს რუსებთან ხანგრძლივ თავგანწირულ ბრძოლაში.
ბატონიშვილებს, რასაკვირველია, ჯამაგირის გაღება არ შეეძლოთ: სამაგიეროდ,
სიგელებს აძლევდნენ და ჰპირდებოდნენ სამსახურის ანაზღაურებას, ძმობას და
მეგობრობას, როდესაც რუსებს გარეკავდნენ კავკასიიდან და ბაგრატიონთა ტახტს
აღადგენდნენ. პატრონები დღემდისაც კრძალვით ინახავენ სიგელებს, დედნებს არ
ელევიან. მათ სწამთ – ბაგრატიონები კვლავ აღადგენენ საქართველოს და მათი
სიგელებიც განაღდდება. ზოგი ამგვარი სიგელი ჩვენ გამოვეცით კრებულში –
«საქართველოს სიძველენი», ზოგი გამოუცემელი დაგვრჩა თბილისში. ქვემოთ
მოყვანილი ექვსი სიგელი შემთხვევით აღმოჩნდა ჩემს ქაღალდებში. ესენი
გადმოსწერა და მომაწოდა ბ-მა ტიტე კახიძემ, რომელიც ჩვენს დროს მასწავლებლად
იყო ვლადიკავკავის გიმნაზიაში. ამათში სამი წარმოადგენს ჯამაგირის წიგნს.
პირველი მიცემულია მეფე ერეკლე მეორის, მეორე და მესამე – მისი შვილის, მეფე
გიორგი მეცამეტის, ხოლო მეოთხე სიგელი – ბატონიშვილ ფარნავაზის მიერ,
რომელიც პირველად თავის ძმას ალექსანდრეს უდგა მხარში რუსებთან ბრძოლის
დროს; მეხუთე და მეექვსე ეკუთვნის ალექსანდრე ბატონიშვილს. სამი უკანასკნელი
წერილი მეტად საინტერესოა. მათში აშკარად გამოსჭვივის ბატონიშვილთა სრული
რწმენა რუსებზე გამარჯვებისა. ამისთვის საჭირო იყო, პირველ ყოვლისა, მთიელთა
ძალების გაერთიანება და საერთო ბრძოლა; მაგრამ მთიელებს მტრული
განწყობილება ჰქონდათ ურთიერთშორის, ერთმანეთს ვერ ენდობოდნენ უმძევლოდ
და ამიტომ ალექსანდრე ბატონიშვილი დაბეჯითებით მოითხოვს ოსებისაგან
მძევლების მიცემას ქისტებისა და სხვებისათვისაც; მას მის მიერ აყვანილი მძევლები
კიდევაც გადაუცია.

დანაშაულის87 კორნაკისადმი 1766 წელს, სექტემბრის 19.

ქ. ესე ჯამაგირის წიგნი გიბოძეთ შენ ჩვენსა ერთგულსა და ნამსახურს შანაშვილს

კორნაკს ასე რომ ნიადაგ წელიწადს ჩვენის სალაროდამ ათის მარჩილის88 ფარჩა
მოგეცემოდეს. (გ)ქონდეს და გიბედნიეროს (ღმერთმა) ჩვენს ერთგულობასა და
სამსახურსა შინა. აღიწერა სეკტემბრის ით, ქორონიკონს უნდ.

87 აზნაური შანაშვილები – ოსურად შანატე, ცხოვრობდნენ ლარსის მახლობლად სოფელ ჩმისში

(ოსურად ცმი).
88 მარჩილი ირაკლის დროს სამ აბაზს ანუ თორმეტ შაურს უდრიდა.
 ბეჭედი
მეფე ირაკლისა

ამ წიგნს უმტკიცებს პატრონს მეფე გიორგი მეცამეტეც მკათათვის 2, 1800 წელს

შემდეგი მინაწერით იმავე გვერდზე:
ქ. ჩვენ მეფე ყოვლისა საქართველოისა მეათსამეტე გიორგი ვამტკიცებ ამ
კურთხეულის ბატონის მამის ჩვენისაგან განწესებულს ჯამაგირს და არც ჩვენგნით
მოგეშლება. კათათვის ბ, ქორონიკონს უპჱ.

ბეჭედი
მეფე გიორგისა

II

ჯამაგირის წიგნი, მიცემული მეფე გიორგი მეცამეტის

მიერ შანაშვილის ბეასლანისადმი 1800 წელს, თიბათვის 26.

ქ. ჩვენ მეფე ყოვლისა საქართველოისა, ქართლისა, კახეთისა და სხვათა მეორე

ირაკლის ძემან მეათსამეტემან გიორგიმ [ეს ჯამაგირის წიგნი გიბოძეთ89] შენ
შანაშვილს ბეასლანს. კურთხეულის ბატონის მამის ჩვენისაგან ჯამაგირი გქონდა
გაჩენილი და ეს ჯამაგირის წიგნი ერევნის ომში დაქკარგოდა (sic) და ახლა ჩვენ
გაგიჩინეთ წელიწადში ორმოცი მარჩილის ფარჩა. როცა შენ ჩვენთან ჩამოხვალ ეს
ჩვენგნით განწესებული ჯამაგირი ჩვენის კარის მოხელენი ჩვენის სალაროდამ
უკლებლივ მოგცემდნენ და შენც უნდა ჩვენის სამსახურის მცდელი და ერთგული
იქნებოდე და არც შენ დაგაკლდება ყოველს წელიწადს ეს ჩვენი მოცემული ჯამაგირი.
თიბათვის კვ, ქორონიკონს უპჱ.

მეფე სრულიად ქართლისა და

კახეთისა და სხვათა გიორგი

მეორე გვერდზე აწერია:

ქორონიკონის უპჱ. ამ წლის ჯამაგირი მიეცა უკლებლივ შაქარაშვილი გასპარას
ოთახში კვეზერელ დავითას ხელით.

89
ეს ფრაზა გამოშვებულია ჩვენს პირში, შეიძლება შეცდომით გადმომწერის მიერ.
 III

ჯამაგირის წიგნი, მიცემული მეფე გიორგი მეცამეტის მიერ

ქურთული90 ბიქოასშვილის გააცასადმი თიბათვის 28, 1800 წელს.

ქ. ჩვენ მეფე ყოვლისა ქართლოისა, ქართლისა, კახეთისა და სხვათა მეორე

ირაკლისა ძემან მეათსამეტემან გიორგიმ შენ ქურთული ბიქოასშვილის გააცას
გაგიჩინეთ ჯამაგირად წელიწადში ათის მარჩილის ფარჩა. როცა შენ ჩვენთან
ჩამოხვალ, ეს ჩვენგნით განწესებული ჯამაგირი ჩვენის კარის მოხელენნი ჩვენის
სალაროდამ უკლებლივ მოგცემენ და შენც უნდა ჩვენს სამსახურზედ ბეჯითად და
ერთგულობით მოიქცეოდე და არც შენ დაგაკლდება ჩვენგნით განწესებული
ჯამაგირი. თიბათვის (sic) კჱ, ქორონიკონს უპჱ.

ბეჭედი
მეფე გიორგის

მეორე გვერდზე მინაწერი:

ქორონიკონს უპჱ ამ წლის ჯამაგირი მიეცა მელიქიშვილი გასპარას ოთახში
კვეზერელ დავითადამ.

IV

გიორგი მეფის ძის ფარნავაზის წერილი ქურთაულებისადმი,

მიწერილი 1800 წელს, სეკტემბერის 18.

ქ. საქართველოს მეფის ძის ფარნავაზის მიერ ძმური სიყვარულით სახსოვარნო

ერთობით ქურთაულელნო. მერმეთ თქვენც კარგად იცით, რომ ძველთაგან ჩვენი
მამაპაპანი და თქვენი ერთმანეთისანი ყოფილან და ძმურის სიყვარულით და
მამაშვილების სახით ჰყვარებიათ. ახლა კიდევ ისე ჩვენ ერთმანეთისანი ვართ და
ჩვენი ოჯახი თქვენი იქნება და რომელსაც ჯამაგირის წიგნი გაქვსთ ჩვენი მამაპაპისა
იმასაც ერთი ორათ დაგიმტკიცებთ და ვისაც არა გაქვსთ, წყალობა ყეენისა მეტი
იქნება და ჩვენ საუკუნოდ საკუთარნი ვიქნებით. ახლა თქვენ იცით, როგორც ჯარად
გამოხვალთ და თაგაურთ91 შემწენი იქნებით და მაგ გზებს შეჰკრავთ, რომ რუსთ
ვეღარ გაიარონ და ვერც შემოვიდნენ და ჩვენგან როგორც გინდოდეთ იმ წყალობით
გული შეისრულეთ. ღვთის წყალობით ჩვენ აქ სტეფანწმინდას მოვედით და ქალაქს
ვაპირებთ წასვლას, რომ იქიდამ ჩვენი ძმა ალექსანდრე მოვა ყიზილბაშის ჯარით და
ახლა თქვენ იცით, როგორც ამ საქმეს არ უსუსტებთ და მხნედ მოიქცევით და თქვენ
90
ქურთა – ხევის სახელია საქართველოს სამხედრო გზის დასავლეთით.
91
თაგაურები იყვნენ დარღავსის ხევის მცხოვრებნი, განთქმული მეომარნი.
ამბავსაც ჩვენ გვაცოდინებთ. სეკტემბერს იჱ, ქორონიკონს უჟბ. საფარი ქალაქსა
გვაქვს და ღვთის მოწყალებით იქაურს საქმეს რომ მოვრჩებით აქავ მოვალთ. კახეთის
თავადებიც ჩვენთან მოვიდნენ, საქართველოს ხალხი ყველა უკუდგა, ღვთით საქმე
კარგად არის და ახლა თქვენ იცით.

ფარნაოზის
ბეჭედი

წერილი მეფის ძის ალექსანდრესი მირზაბეგ თულათისშვილთან92

და დუდავ მასურისშვილთან, მიწერილი 30 მარტს, 1813 წელს.

ქ. მეფის ძე ალექსანდრე ძმურის სიყვარულით მოგიკითხავთ თულათისშვილო

მირზაბეგ და მასურისშვილო დუდავ. მერმეთ ვიცით ჩვენს ვითარებას იკითხავთ.
ღვთის მოწყალებით მშვიდობით ვიმყოფებით. ახლა თქვენც კარგად იცით, რომ
რუსთ ჩვენი ოჯახი როგორ დაამხეს, და თუ ჩვენ ასე გვიყვეს ჩვენზედ დაბალს ოჯახს
რას უზმენ? თქვენ ჭკვიანი კაცნი ბრძანდებით, კარგად უნდა იფიქროთ მაგათის ამ
ქვეყანაში დათესლებას ბოლო რა მოსდევს ან თქვენთვის და ან ჩვენთვის. ხოლო
ახლა ჩვენც ღვთის მოწყალებით საქმესა და თადარიგებაში ვართ და თქვენც ჩვენი
ოჯახისათვის და ჩვენის გულისათვის თავი უნდა დასდვა(თ) და ოჯახიცა. თქვენ
ჩიმითელთა ქურთაულელთ მზევალი უნდა მისცეთ და ერთმანეთში დაზავდეთ.
ჩვენ ვაძლევთ თქვენს მზევალს იმათ და თქვენცა ჩვენის ოჯახისა და ჩვენის
გულისათვის უნდა გამოიმეტოთ. არც უარის თქმა იქნება და მერმე როგორც
გინდოდესთ ისე მიძმევით და ჩვენი ოჯახიც გაისაკუთრეთ საუკუნოდ. თქვენ და
ეგენი ერთი უნდა შეიქმნათ და სადაც ან ჩვენი ოჯახის მტერი არის და ან თქვენი
იმაზედ მიხვიდეთ ღვთით და ღვთით ამ ჩვენს მტერს რომ მოვრჩებით მერე
მშვიდობასა და განსვენებაში ვიქნებით თქვენცა და ჩვენცა და ჩვენი ოჯახი თქვენი
საკუთარი სახლი იქნება და ჩვენი კარი ყოველთვის თქვენთვის ღია იქნება ახლა
თქვენ იცით, როგორც ამ საქმეს შეჰფერობოდეს ისე მოიქცევი(თ). მარტს ლ,
ქორონიკონს ფა.

ბეჭედი
ალექსანდრესი

ქ. სხვას ჩვენს სიტყვას ყაზიბეგისშვილი ჩაღი და იპოლიტე გიამბობ(თ).

ბეჭედი
ალექსანდრესი

92თულათისშვილები აზნაურები იყვნენ დაარღავსის ხევში, სოფ. ყობანში. ამათ მტრობა ჰქონიათ
ჩიმითისა და ქურთათის ხევის მცხოვრებთან, და ალექსანდრე ბატონიშვილის რჩევით, მათ უნდა
მიეცათ მძევლები. უამისოდ მათი გაერთიანება არ შეიძლებოდა.
 VI

წერილი მეფის ძის ალექსანდრესი, მიწერილი მასურისშვილის93

ქელესხანისა და დუდარისადმი 1813 წელს, აპრილის 1.

ქ. მეფის ძე ალექსანდრე ძმურის სიყვარულით მოგიკითხავ მასურისშვილო

ქელესხან და დუდარ. მერმეთ ამას წინათაც მოგწერეთ მზევლების საქმეზე წიგნი და
ახლაც ეს არის რომ ჩვენის გულისათვის თქვენ ქურთაულებსაც და ქისტებსაც
მზევლები უნდა მისცეთ. თქვენ ამ საქმეზე ბეჯით იყავით ღვთის მოწყალებით. მერმე
ჩვენი ოჯახი თქვენი იქნება. რასაც ამ ჟამად თქვენ ჩვენთვის გაირჯებით, ის საქმე
თქვენთვის საშვილიშვილო პური იქნება. ახლა როგორც თქვენი იმედი გვაქვს, ისე
ერთგულად და ბეჯითად მოიქეცით, რომ ერთმანეთს ზავი გქონდესთ და მისვლა-
მოსვლა და ღვთით ჩვენი საქმეცა და თქვენიც კარგად მოვა. სხვას ჩვენს სიტყვას
თქვენი ძმა და ბიძაშვილი უცი გიამბობსთ. აპრილის ა. ქორონიკონს ფა.

ბეჭედი
ალექსანდრესი

93
მასურისშვილები ბალტის ხევის მცხოვრებნი უნდა იყვნენ და ბატონიშვილი თხოულობს მათს
გაერთიანებას ქისტებთან და ქურთაულებთან.
 პარიზის ნაციონალური ბიბლიოთეკის ქართული
ხელნაწერები და ოცი ქართული საიდუმლო
დამწერლობის ნიშანი

წინასიტყვაობის მაგიერ

წინამდებარი წიგნაკი შედგენილი იყო 1922 წელს. პირველი 16 გვერდი დაიბეჭდა 1929 წელს,
მაგრამ შემდეგ იძულებული ვიყავით შეგვეჩერებინა გამოცემა. ეხლა იბეჭდება უფრო
შემოკლებულად, ვიდრე განზრახული იყო. ყველა ის მინაწერი მსგავსი ხელნაწერებისა, რომელნიც
მოიპოვებიან ჩემს მიერ შედგენილს «ქართველთა შორის წერა-კითხვის გამავრცელებელი
საზოგადოების ბიბლიოთეკის ხელნაწერთა აღწერაში», გამოვუშვით. გამოვუშვით აგრეთვე აღაპები
და მრავალი მინაწერი თისელის მონასტრის სვინაქსარისა (№ 4) და ცალკე სტატიები სამდივნო
წიგნისა (№ 26).
გარდა ამისა, ჩემს მოვალეობად ვხადი უღრმესი მადლობა გამოვუცხადო ჩემს ყოფილ მოწაფეს,
ბ-ნ არჩილ მეტრეველს, რომელმაც ამ გამოცემის ხარჯი იკისრა და რომელსაც სავსებით შეგნებული
აქვს აუცილებელი საჭიროება ამგვარი ძეგლების გამოცემისა და მზად არის განახორციელოს კიდევ
უფრო დიდმნიშვნელოვანი გამოცემანი.

ე ქ. თ ა ყ ა ი შ ვ ი ლ ი
10 თებერვალი, 1933 წ.

* * *

პარიზის ნაციონალურ ბიბლიოთეკაში მოიპოვება სულ 26 ქართული

ხელნაწერი. ეს რიცხვი იყო ასი წლის წინათ, ბროსეს დროსაც. შემდეგ ამ დარგში
ბიბლიოთეკას არაფერი შეუძენია. პარიზის ქართულ ხელნაწერებს დიდი
მნიშვნელობა ჰქონდა და აქვს დღესაც ჩვენთვის. აქ დაცულია რამოდენიმე იშვიათი
ხელნაწერი, რომელთა ცალი ან სულ არ არის ან ცოტა მოგვეპოვება ცნობილ
წიგნთსაცავებში. პარიზის ხელნაწერებმა დიდი სამსახური გაუწიეს მ. ბროსეს. მათი
საშუალებით მ. ბროსემ მიჰყო ხელი ქართული ენის, ლიტერატურის და ისტორიის
შესწავლას. თითქმის თითოეული ხელნაწერი გახდა საგნად ბროსეს შესწავლისა.
ცნობები მათ შესახებ გაბნეულია ბროსეს შრომებში, განსაკუთრებით იმ სტატიებში,
რომელნიც «სააზიო ჟურნალის» წიგნებში იბეჭდებოდა 1927–1937 წლებში. შემდეგ ეს
ხელნაწერები აღწერა ალ. ხახანაშვილმა ორჯერ – ერთხელ «ივერიაში» მოკლედ და
შემდეგ უფრო ვრცლად ჟურნალ «მოამბეში» (1898 წ., XXIV)1.
უკანასკნელ შრომაში ალ. ხახანაშვილი იხსენებს რა, რომ ბროსეს პატარ-პატარა
სტატიებში განურჩევია პარიზში ჩვენი სიტყვიერების ნაშთნი, განაგრძობს: «თვით
პარიზის ხელნაწერები კი დაახლოებით არავის შეუსწავლია. ამ რამდენიმე წლის

1 ამ «მოამბის» ნომერი აქ პარიზში ვერ ვიშოვე და ბატონმა რობერტ ბლეიკმა მომაწოდა ალ.
ხახანაშვილის სტატია ფოტოგრაფიულად გადაღებული, რისთვისაც დიდ მადლობას ვსწირავ.
წინათ მე დავბეჭდე «ივერია»-ში მოკლე განხილვა პარიზის ხელნაწერებისა. ახლა,
რადგანაც უფრო დაბეჯითებით გადავათვალიერე ისინი, შემიძლია მკითხველს
ვრცელი ცნობა მივაწოდო». (გვ. 3).
1908 წ. პარიზში დაიბეჭდა ფრანგულად «აღწერა ნაციონალური ბიბლიოთეკის
სომხური და ქართული ხელნაწერებისა», შედგენილი ფ რ ე დ ე რ ი კ მა კ ლ ე რ ი ს
ა და გამოცემული ერნესტ ლერუს მიერ. მაკლერი ცნობილი არმენისტია. ქართული
ხელნაწერების აღწერის დროს ის უჩვენებს ბროსეს შრომებს და აგრეთვე ემყარება
ალ. ხახანაშვილის ცნობებს ჟურნალ «მოამბეში» დაბეჭდილს.
ყველა ზემოთქმულის შემდეგ მე აღარ მეგონა, თუ დამჭირდებოდა ამ
ხელნაწერების ხელახლა განხილვა, მაგრამ როგორც ქვემოთ მკითხველი დაინახავს,
ეს საჭირო აღმოჩნდა. გარეგანი აღწერა ხელნაწერებისა ფ. მაკლერის მიერ შედგენილ
კატალოგში სრული და ჯეროვანია, ამიტომ მას არ შევეხებით. შინაარსის აღნუსხვა
ძლიერ სუსტობს, ხოლო უთარიღო ხელნაწერების დროს განმარტება, იშვიათი
გამონაკლისის გარდა, სულ შემცდარია, თარიღიანი ხელნაწერებიც ზოგჯერ
შეცდომით არის აღნიშნული. ხშირად ალ. ხახანაშვილი ბროსეს მიერ სწორად
წაკითხულს ამახინჯებს და მაკლერი მას იმეორებს. ამ შეცდომების შესწორება აქვს
მიზნად ამ შრომას.
მაგრამ ერთი დიდი მნიშვნელობა პარიზის ხელნაწერებისა იმაშიც
მდგომარეობს, რომ ესენი გვაძლევენ გასაღებს ოცი ქართული კრიპტოგრაფისა ანუ
საიდუმლო დამწერლობისა, რომელსაც ბროსემაც მიაქცია დიდი ყურადღება, მაგრამ
ჩვენი მეცნიერების მიერ შეუმჩნეველი დარჩა. ალ. ხახანაშვილი ამ ნიმუშებს
სრულიად არ იხსენიებს.
პატივცემული პროფესორი ივ. ჯავახიშვილი თავის ახალ შრომაში «ქართულ
დამწერლობათა მცოდნეობა ანუ პალეოგრაფია» (ტფილისი, 1926 წ.) აღნუსხავს, თუ
რა არის გაკეთებული ქართულს საიდუმლო დამწერლობაში (გვ. 129–133) და
აცხადებს, რომ აკად. მ. ბროსეს ნათქვამი აქვსო, რომ ბევრი სხვადასხვა საიდუმლო
ანბანის ნიმუში ჰქონია ხელთაო, მაგრამ არც ერთს მაგალითს ბროსეს მიერ
გამორკვეული კრიპტოგრაფისა არ უჩვენებს. აგრეთვე პროფ. აკაკი შანიძე უშუალოდ
არკვევს ერთ კრიპტოგრაფს (იხ. ქართული კრიპტოგრაფიის ახალი ნიმუშები.
საქართველოს მუზეუმის მოამბე, I, ტფილისი, 1922, გვ. 63–68), რომლის
სახელწოდებას განმარტავს მხოლოდ მას შემდეგ, რაც ივ. ჯავახიშვილმა ფარსადან
გორგიჯანიძის მიერ შემოღებული ანჯანური კრიპტოგრაფი დაბეჭდა თავის
პალეოგრაფიაში. აკაკი ამბობს, ერთ-ერთ სისტემას, რომელიც ჩემს მიერაა
ამოშიფრული (საქ. მუზ. მოამბეში) შეიძლება ანჩინურის სახელი დაერქვას
ფარსადან გორგიჯანიძის ანჯანურის ანალოგიითო (აკაკი შანიძე,
კრიპტოგრაფიული მასალები. – მიმომხილველი. საქართველოს საისტორიო და
საეთნოგრაფიო საზოგადოების ორგანო. I, ტფილისი, 1926, გვ. 237). აქვე აკაკი
შანიძეს მოჰყავს ნიმუშები რამდენიმე სხვა მისგან გარჩეულის კრიპტოგრაფებისა
(გვ. 238–243). ბროსეს შრომა ამ კრიპტოგრაფების შესახებ, რომელიც მოთავსებულია
Journal Asiatique-ში (1834, Septembre, t. 14, p. 244–248), შეუმჩნეველი რჩება
პატივცემულ მეცნიერთათვის (ეტყობა ეს წიგნი არ მოიპოვება ტფილისის
წიგნთსაცავებში), შეუმჩნეველი რჩება, რომ ბროსეს დროთაგან ცნობილია არათუ
ანჩინური და ანჯანური, არამედ ანჰოეური და ანრეურიც. თუ ეს ოთხი
კრიპტოგრაფი გამორკვეული იყო ბროსეს მიერ და მათი გამოყენება შეეძლო
მკვლევარს, სამაგიეროდ შეუძლებელი იყო გამოყენება დანარჩენი 16
კრიპტოგრაფისა, რომელნიც შეიცავენ ამდენივე განცალკევებულ ანბანს, ვინაიდან,
თუმცა მათ არსებობას ბროსე აღნიშნავს, მაგრამ პალეოგრაფიულად მოყვანილი არა
აქვს და უამისოდ მათი გამოყენება შეუძლებელი რჩებოდა. ბროსე თვით ამბობს:
«Tous ces alphabets, excepté les quatre derniers (ანჩინური, ანჯანური, ანჰოეური,
ანრეული), me paraissent difficiles à tracer, et par là peu commodes pour le but que l’on se
propose». (p. 248-249).
ჩვენი მიზანია ეს ნაკლი შევავსოთ და მკვლევართ მივცეთ საშუალება
გამოიყენონ ისინი. ამიტომ ვათავსებთ ყველა კრიპტოგრაფს ხუთ ტაბულაზე იმ
ზომით და სახით, როგორც დედანშია (იხ. ტაბ. I, II, III, IV და V).
გასაღები ანჩინურისა წარმოდგენილია №15 (ძველი ფონდი II) ხელნაწერში
ნაციონალური ბიბლიოთეკისა, რომელიც შეიცავს შინაარსით გალექსილს ბარამიანს.
აქ ბოლოს სხვადასხვა ლექსებს შორის ასეთი მინაწერია:
«ა მ ა ს ა ნ ჩ ი ნ უ რ ი ე წ ო დ ე ბ ი ს:
აჩ. ბც. გძ. დწ. ეჭ. ვხ. ზჴ. ჱთ.
ირ. კს. ლტ. მუ. ნფ. ქჯ.
ღო. ყპ. შჟ.
ესენი ერთმანეთის ნაცვლად დაისმის».
როგორც მკითხველი ხედავს, აქ კრიფტოგრაფად ნახმარია ჩვეულებრივი
ანბანი, მხოლოდ ასოთა მნიშვნელობა შეცვლილია. ვინაიდან ქართულში ეს
კრიპტოგრაფი იწყება ა ჩ, ესე იგი ა და ჩ ერთიმეორის მაგიერ იხმარება, ამიტომ ამას
ა ნ ჩ ი ნ უ რ ი დარქმევია. რასაკვირველია, თუ სხვა ამგვარი სისტემა იქნებოდა
შემოღებული, იმასაც ამის ანალოგიით უნდა დარქმეოდა იმ ასოების შეერთებული
სახელი, რომლებითაც ეს სისტემა იწყებოდა. და მართლაც, ყოფილა ჩვენში სხვა
ამგვარი სისტემები. ნაციონალური ბიბლიოთეკის მეორე ხელნაწერი №1 გვაძლევს
ჩვენ, გარდა ანჩინურისა, კიდევ სამს ასეთ სისტემას: ანჯანურს, ანჰოეურს და
ანრეურს. მართალია, ამ სისტემებს სახელები არ უწერია ჩვენს ხელნაწერში, მაგრამ
თვით სისტემები განცალკევებულად არის წარმოდგენილი ტაბულაზე (იხ. ტაბ. I)
შემდეგი სახით:

ანჩინური ანჯანური ანჰოეური ანრეური

აჩ აჯ აჵ არ
ბც ბჴ ბჰ ბს
გძ გხ გჯ გტ
დწ დჭ დჴ დუ
ეჭ ეწ ეხ ეფ
ვხ ვძ ვჭ ვქ
ზჴ ზც ზწ ზღ
ჱთ ჱჩ ჱძ ჱყ
ირ თშ თც თშ
კს იყ იჩ იჩ
ლტ კღ კშ კც
მუ ლქ ლყ ლძ
ნფ მფ მღ მწ
ოღ ნუ ნქ ნჭ
პყ ოტ ოფ ოხ
ჟშ პს პუ პჴ
 ქჯ ჟრ ჟტ ჟჯ
რს

საერთოდ უნდა შევნიშნოთ, ასოები ჲ და ჳ არც ერთს ამ ოთხ კრიპტოგრაფში

ნახმარი არ არის, ჰ და ჵ იხმარებიან მხოლოდ ა ნ ჰ ო ე უ რ შ ი და სხვებში არა.
ა ნ რ ე უ რ ს აქვს მიწერილი დედანში წითლურით: ანტონი კ-ზისა (იხ. ტაბ. I),
და უნდა ვიფიქროთ, რომ ეს ეკუთვნის ანტონ I კათალიკოზს.

1. პირველი კრიპტოგრაფი ა ნ ჩ ი ნ უ რ ი. ეს კრიპტოგრაფი ყველაზე ძველი

უნდა იყოს, ვინაიდან ის გვხვდება უკვე მეათე საუკუნის ხელნაწერებში (იხ. აკაკი
შანიძე, «კრიპტოგრაფიული მასალები», მიმომხილველი, I, 238; კ. კეკელიძე,
«ქართული ლიტერატურის ისტორია», I, 158), აგრეთვე მე-16, მე-17 და მე-18 სს.
ხელნაწერებში (საქ. მუზეუმის მოამბე, I, 65–68). ანჩინურის კრიპტოგრაფით
შესრულებული მინაწერები მოიპოვება კიდევ ერთს მე-18 საუკუნის დასაწყისის
მინიატურულ სახარებაში, რომელიც ჩვენ ვიპოვნეთ პარიზში ერთს ანტიკვართან
სხვა რამდენიმე ქართულ ნივთთან ერთად. ამ ხელნაწერში სიტყვა ა-ნ (ამინ)
მოყვანილია ორ სხვადასხვა ადგილად ამ სახით: ჩ-ფ, რაც ანჩინურად ნიშნავს ა-ნ
(ამინ) და კიდევ ერთს ადგილს ასეთი მინაწერია (ქარაგმებს ვხსნით):

წმიდაო ლუკა მახარებელო

მეოხ მეყავ წინაშე ქრისტესა ყოვლად
ცოდვილსა ამისსა მწ-
ერალსა ღჩღმფჩკ

უკანასკნელი სიტყვა ანჩინურად არის მოყვანილი, მაგრამ დაშვებულია

შეცდომა: ღ-ს მაგიერ უნდა იყოს ორივე ადგილას ყ, და მაშინ გამოვა: პაპუნას.

2. მეორე კრიპტოგრაფი ა ნ ჯ ა ნ უ რ ი, შემოღებულია ისტორიკოს ფარსადან

გორგიჯანიძის მიერ, რასაც მოწმობს თვით ფ. გორგიჯანიძის მინაწერი:
ქ. ვისაც სამალავათ ერთმანეთთან წიგნის მიწერა გინდოდეს, ამას ქვეით, რომ
ანჯანის ანბანი დაიწერების, ან ზეპირათ ისწავლეთ და დაიმახსოვრეთ და ან
ანჯანის ანბანი თან იქონიეთ ხოლმე. იმით მისწერდეთ და ან მოგწერდენ
წაიკითხვის. ფარსადან გორგიჯანიძეს შეუწყვია. რაც ასო თქმასა და გაგონებას
მოუწდების, ყველა არის. ანჯანის ანბანი ეს არის:
ქ. აჯ. ბხ. გჴ. დჭ. ეწ. ვძ. ზც. ჰჩ. თშ. იყ. კღ. ლქ. მფ. ნუ. ოტ. პს. რჟ. (იხ. მოსე
ჯანაშვილი: ფარსადან გორგიჯანიძე და მისი შრომანი, ტფილისი 1896, გვ. 72).
მიუღებლად მიგვაჩნია მოსაზრება პატივცემული პროფესორის ივანე
ჯავახიშვილისა, თითქოს «ფარსადან გორგიჯანიძე არ უნდა იყოს მომგონებელი
ანჯანისა, არამედ ან განმაახლებელი ძველის და მივიწყებულის სისტემის ან სხვა
ქვეყნის მაგალითის მიმბაძველი». მიმბაძველობა სხვა ქვეყნის მაგალითებისა ყველა
კრიპტოგრაფზე შეიძლება ითქვას, მაგრამ შემოღება და შეწყობა ანჯანურისა კი
ფარსადან გორგიჯანიძის საქმეა და არა გვაქვს არავითარი საბუთი არ დავუჯეროთ,
როდესაც ავტორი წერს «ფარსადან გორგიჯანიძეს შეუწყვიაო». ანჯანური
შემოღებულია ანჩინურის ანალოგიით. მიუღებლად უნდა ჩაითვალოს აგრეთვე
აზრი, ვითომც მე-17 საუკუნეში საზოგადოდ საიდუმლო ანბანი ანჯანის სახელით
ყოფილიყოს ცნობილი. ანჯანის ანბანი ანუ ანჯანური, როგორც სამართლიანად
შენიშნავს აკაკი შანიძე (მიმოხილვანი, 1, 237), მხოლოდ ერთი სახეა საიდუმლო
დამწერლობისა, ისე როგორც ანჩინური, ანჰოეური და ანრეური. მეორეს მხრივ
მიუღებელია თვით აკაკი შანიძის აზრიც, ვითომც ფარსადან გორგიჯანიძის დროს
ქართულ მხედრულ ანბანში უკანასკნელ ასოდ ჯ იჯდა და არა ჰ, რომელიც მერვე
ადგილზე იყო გადმონაცვლებული (მიმომხილველი I, გვ. 237, შენ. 4). ანჩინურის და
ანრეურის არსებობა საბუთს გვაძლევს, რომ ასეთი სისტემისათვის სავალდებულო
არ ყოფილა უსათუოდ უკანასკნელი ასო აეღოთ. ამას გარდა, უკანასკნელი ასო
ქართული ანბანისა ჵ არის და არა ჰ. ჩვენს ტაბულაზე, ანჯანურში სწორად არის
წარმოდგენილი ჱჩ და არა ჰჩ, აგრეთვე ბჴ და გხ, ბხ-ის და გჴ-ის მაგიერ მ.
ჯანაშვილის გამოცემისა. არევა ერთმანეთში ჱ და ჰ, ჴ და ხ-ისა ხშირია ბოლო
საუკუნეების ხელნაწერებში და აიხსნება მით, რომ ჱ დაკარგა თავისი ძველი
ხასიათი დიფტონგისა და ჴ ბგერით აღარ განირჩეოდა ხ-ისაგან. ჰ ხმარება ჱ-ს
მაგიერ ხშირია ხელნაწერებში და სიგელ-გუჯრებში, ნამეტნავად ქორონიკონის
რიცხვებში.

3. მესამე კრიპტოგრაფი, ა ნ ჰ ო ე უ რ ი, უნდა იყოს შემოღებული ანჯანურის

შემდეგ, მაშასადამე მე-17, მე-18 საუკუნეებში, მაგრამ ვისგან, არა სჩანს.

4. მეოთხე კრიპტოგრაფი, ა ნ რ ე უ რ ი, როგორც მოხსენებული იყო, უნდა

ეკუთვნოდეს ანტონ I კათალიკოსს და ეს რიცხვით უკანასკნელი კრიპტოგრაფი
უნდა იყოს ქართულში მთელი იმ სისტემისა, რომელსაც ატბაშური (atbache)
ეწოდება და რომელიც ასოთა მნიშვნელობით უკუღმა მობრუნებულს ანბანს
წარმოადგენს (იხ. ივ. ჯავახიშვილი, «ქართული პალეოგრაფია», გვ. 13). მაშასადამე,
ატბაშურს სისტემას ქართულში ეკუთვნიან: ანჩინური, ანჯანური, ანჰოეური და
ანრეური. მართალია, ანჩინურში ასოთა ფონეტიკური მნიშვნელობის შეცვლის
გარდა ასოთა რიცხვითი მნიშვნელობაც არის თითქოს მიღებული მხედველობაში,
ესე იგი, ის ასოები, რომელთა რიცხვითი მნიშვნელობაც ერთეულებს წარმოადგენს,
ნახმარია იმ ასოების ნაცვლად, რომელნიც შესაბამისად (აკაკი შანიძე, საქარ.
მუზეუმის მოამბე I, 64–65), მაგრამ ეს არ უშლის, რომ ანჩინურიც ატბაშურ სისტემას
მივაკუთვნოთ. აქ უნდა შევნიშნოთ კიდევ, რომ ის არევა ერთმანეთში ჱ და ჰ-სი,
რომელიც აკაკი შანიძის (გვ. 65) და ივ. ჯავახიშვილის (გვ. 131) ნიმუშებშია
წარმოდგენილი, ჩვენსაში არ არსებობს. საზოგადოდ, ანჩინურიც და ანჯანურიც
ჩვენს ტაბულაზე უფრო სწორად და სისტემატურად არის წარმოდგენილი, ვიდრე
სხვა დღემდის ცნობილებში.
ამ ოთხი ატბაშური სისტემის ნიმუშების გარდა, ჩვენს ხელნაწერში
წარმოდგენილია კიდევ 16 სხვა კრიპტოგრაფი. ესენი ეკუთვნიან მეორე სისტემას
კრიპტოგრაფისა, რომელიც აღინიშნება განცალკევებულის ანბანით. აქ 16
კრიპტოგრაფი ამავე რიცხვით განცალკევებულის საიდუმლო ანბანით არის
წარმოდგენილი. ზოგს მათგანს შესატყვისი ნიშანი მხედრულის ანბანით
თითოეულის ასოს ზემოთ უწერია (ასეთებია მე-5, მე-18, მე-19 და მე-20. იხ. ტაბ. I და
V) და მისი გასაღები ცხადია. სხვებს შესატყვისი მნიშვნელობა არ უწერია, მაგრამ
ეტყობა, ყველა ანბანის რიგზეა დალაგებული და შესატყვისის ჩვენება არც ისე
ძნელია, ნამეტნავად, როდესაც ანბანი სრულად არის წარმოდგენილი ან ცოტა
ნიშნები აკლია. უმეტეს შემთხვევაში, პირველ რიგში აკლია ჲ და ჳ, შემდეგ ჴ, ჰ და ჵ.
უფრო ძნელია გამოცნობა, როდესაც ბევრი ნიშანი აკლია. ასოები ამ ანბანებისა
ამოღებულია სხვადასხვა უცხო ანბანისაგან – ზოგი გადაკეთებულია, ზოგში
შერეულია ქართული ანბანი – მხედრული და ხუცური. ასოები ხან თავისივე
მნიშვნელობით არის წარმოდგენილი, ხან შეცვლილი მნიშვნელობით. ზოგ მათგანს
გვერდზე წითლურით უწერია, თუ ვის ეკუთვნის ესა თუ ის სამალავი ანბანი.
მაგალითად, მეექვსეს უწერია «არჩილისა» (ტაბ. II) და უნდა ვიფიქროთ, რომ ეს
ცნობილს არჩილ მეფეს ეკუთვნის მე-17 საუკუნისა. მეშვიდე კრიპტოგრაფს უწერია:
«კაჭფხაური»; მერვეს: «თაქალთიანთა»; მეცხრეს: «სულხანისა». ეს უნდა
ეკუთვნოდეს საბა-სულხან ორბელიანს; მეათე: «ჩხეიძისა» – უნდა იგულისხმებოდეს
ისტორიკოსი სეხნია ჩხეიძე; მეთერთმეტეს: «მუხრანელთა» – უნდა ეკუთვნოდეს
მუხრან ბატონებს. ეტყობა, წარწერა ჰქონია კიდევ მეთორმეტეს და მეცამეტეს,
მაგრამ ეხლა სრულიად გადასულია. დანარჩენებს წარწერები არ ჰქონია.

განვიხილოთ რიგობით ხსენებული კრიპტოგრაფები.

5. მეხუთე კრიპტოგრაფის ანბანი (იხ. ტაბ. I) შეიცავს სულ 37 ასოს.

მნიშვნელობა ნაჩვენებია მხედრულის ასოებით ყველა ნიშნების ზემოთ,
გამოტოვებულია მხოლოდ ს. მხედრული ანბანითგან თავის ადგილზე
დატოვებულია ჱ, ჲ, ჭ (ამას ქვემოთ ი უზის ორი ხაზით). ხუცურის
ასომთავრულებისაგან თავიანთ ადგილებზე დატოვებულია ბ, კ, ტ, ძ
(გადმობრუნებული). ასომთავრული გ ნახმარიარ ღ-ად, ე შებრუნებული) რ-ედ, ყ-
შინად, ღ-ჩინად, ნუსხა-ხუცურის ო ნიშნავს პ, ამნაირივე, მაგრამ უფრო მაღალი ასო
– ყ-ს, არაბული ციფრი 8 ნიშნავს ფ, ხოლო 7 – წილს. ბერძნული ანბანიდან გვხვდება
ა, ე, ი, მ, ნ და ო თავიანთი მნიშვნელობით და სხვა.

6. მეექვსე კრიპტოგრაფი, ა რ ჩ ი ლ ი ს ა (ტაბ. II) შეიცავს 36 ასოს. მნიშვნელობა

ასოებს არ უწერია, მაგრამ ანბანი რიგზე უნდა იყოს დაწყობილი, აკლია ერთი ასო.
ესეც სხვადასხვა ანბანიდან და ნიშნებიდან შესდგება. მხედრული ასოებიდან აქ
დაცულია ჯ (ანის მნიშვნელობით), წ (განის მნიშვნელობით), ვ, თ, რ, ს და ჱ
(მნიშვნელობა ყველას შეცვლილი უნდა ჰქონდეს). ხუცური ასოებიდან გვხვდება ხ,
ო, უ, ჟ (ყველა შეცვლილის მნიშვნელობით). ლათინურიდან არის ამოღებული ა, ი,
ო, ფ, X და სხვა შეცვლილის მნიშვნელობით.

7. მეშვიდე კრიპტოგრაფი, კ ა ჭ ფ ხ ა უ რ ი (ტაბ. II) შეიცავს სულ 33 ასოს.

იწყება ქ-ით, მაგრამ ეს ანის შემცვლელი არ უნდა იყოს, არამედ ჩვეულებრივი
დასაწყისი ქრისტეს სახელისა. უნდა აკლდეს ჲ, ჳ, ჰ და ჵ. შიგ ურევია მხედრული თ,
ბ, ნ, ქ, ო, ძ, უ, ც, ყ, ს. ხუცურიდან შეცვლილის მნიშვნელობით ბ, ი, კ და სხვა.

8. მერვე კრიპტოგრაფი, თ ა ქ ა ლ თ ი ა ნ თ ა (ტაბ. II) შეიცავს 37 ანბანს. აკლია

ერთი, შესდგება სხვადასხვა ნიშნებიდან, რომელთა შორის არიან მხედრული ნ, ხ, ჲ,
ო, ც, ღ; ხუცური ფ (თავუკუღმა გამოხატული), ზ, ი, პ, ჯ და სხვა.

9. მეცხრე კრიპტოგრაფი, ს უ ლ ხ ა ნ ი ს ა (ტაბ. II) შეიცავს 36 ნიშანს. უნდა

აკლდეს ჲ და ჳ. მხედრულ ასოთაგან აქ სჩანან: ვ, ო, ფ, ნ, ყ, რ, მ, კ, ა, ძ, ც;
ციფრებიდან – 4, 9, 8 და 0.
 10. მეათე კრიპტოგრაფი ჩ ხ ე ი ძ ი ს ა (ტაბ. III) შეიცავს 34 ანბანს. იწყება ქ-ით,
მაგრამ ეს ასო აქაც სიტყვის «ქრისტეს» დასაწყისია. მხედრულ ანბანთაგან იხმარება:
ხ, ჩ, ო, ბ, ჲ, პ; ასომთავრულიდან: კ, ჩ, ქ, წ, ი და სხვა.

11. მეთერთმეტე კრიპტოგრაფი, მ უ ხ რ ა ნ ე ლ თ ა (ტაბ. III) შეიცავს 31 ასოს.

იწყება ქ-ით. მხედრულ ასოთა შორის მოსჩანან: ვ, ყ, წ, ჩ, ა, ც, უ, ჩ, ჲ და სხვა.
12. მეთორმეტე კრიპტოგრაფი (ტომ. III) შეიცავს 32 ასოს. უნდა აკლდეს ჱ, ჲ, ჳ,
ჴ, ჰ და ჵ. ზოგიერთი ასო მოგვაგონებს მხედრულ ჩ, ჯ, ი, თ, ნ და სხვა.

13. მეცამეტე კრიპტოგრაფი (ტაბ. III და IV) შეიცავს 33 ასოს. უნდა აკლდეს ჱ, ჲ,
ჳ, ჴ და კიდევ ერთი. მხედრული ასოებიდან დაცულია თ, ბ, ჩ, ო, ჭ და წ. მესამე
სტრიქონი გადმოტანილია შემდეგ გვერდზე (ტაბ. IV) და აქ გვხვდება
ასომთავრული ვ, ზ, მ და ციფრი 8.

14. მეთოთხმეტე კრიპტოგრაფი (ტაბ. IV) ყველაზე უფრო ნაკლულოვანია,

შეიცავს 20 ასოს. პირველი ასო წარმოადგენს მონოგრამმას ასომთავრული ფდ-ისა,
მეორე ჰგავს მხედრულ კ, მესამე – z, მეოთხე ჰგავს მხედრულ ჱ, მეხუთე – 9, მერვე –
უ, მეცხრე ხუცური – ვ, მეთერთმეტე – ყ, მეთხუთმეტე – ო და სხვა.

15. მეთხუთმეტე კრიპტოგრაფი (ტაბ. IV) შეიცავს 34 ასოს. მხედრული

ასოებიდან განირჩევა: თ, პ, ჯ, ი, ვ, კნ, მჱ. მეოთხე ასო არის ციფრი 8.

16. მეთექვსმეტე კრიპტოგრაფი (ტაბ. IV) შეიცავს 22 ასოს. მეხუთე ასო

მოგვაგონებს ციფრს 8, მეხუთე – ჲ, მოჩანს კიდევ ლათინური A, მხედრული ნ და
სხვა. უკანასკნელი ორი უნდა იყოს ჰ და ჵ.

17. მეჩვიდმეტე კრიპტოგრაფი (ტაბ. IV) სხვებზე უფრო თავისებურია. იწყება

ასომთავრულით – წ, რომელიც ანის მნიშვნელობით არ არის ნახმარი, არამედ
ჩვეულებრივი დასაწყისია სიტყვა «წმიდისა», ანუ «წილქანის» მაგიერია. ზოგიერთი
ნიშნები ჯგუფებად დაწერილია ხან სამჯერ და ხან ორჯერ. ასოები – ა, ბ, დ და ე
იმავე სახის არიან, როგორც ნ. მარის მიერ ამოშიფრულს კრიპტოგრაფში (XB, III,
207), მაგრამ აქ ა სამჯერ არის გამეორებული, ბ – ორჯერ და მესამედ უწერია
შესატყვისი ძველი მხედრულის მსგავსი ბ. მეოთხე რიგში თავიდან ოთხი ასოა
წარმოდგენილი. ორი უკანასკნელი დ სრულიად ისეთი სახისაა, როგორც მარის
გარჩეულში, ხოლო მათ წინ წარმოდგენილია ასმოთავრული ი და გ. შესაძლოა აქ ი
ნიშნავდეს გ და ასომთავრული გ იყოს წარმოდგენილი იმის შესატყვისად, როგორც
მსგავსად წარმოდგენილია წინა რიგში ბ. მხოლოდ აქ ერთი დაბრკოლებაა ასეთი
დასკვნისათვის. ეს ის, რომ ეს ორი ასო არ არის გამოყოფილი ორს უკანასკნელიდან
წერტილებით. ენი აქაც, როგორც მარის გარჩეულში, სიმრგვლით არის
წარმოდგენილი, მაგრამ განმეორებულია და თავზე წერტილი უზის, რაც მარის
გარჩეულში არ არის, და ამას გარდა, ეს გამოყოფილი არ არის წერტილებით სამი
შემდეგი ნიშნისაგან, რომელთა უკანასკნელი მხედრული ვ ჰგავს და ეს იმის
შესატყვისი უნდა იყოს, რომ წინა ასო ვინია, მაგრამ ეს ვ მარის გარჩეულს თითქოს
ჩამოჰგავს, ხოლო სულ იდენტური არ არის. შემდეგი ჯგუფი ორი ასოსაგან
შესდგება. პირველი მხედრულს ძ ჰგავს და ისეთივეა, როგორც მარის გარჩეულში თ-
ის შესატყვისია; მეორე ასო ხუცურ თ-ს მოგვაგონებს და იმის აღმნიშვნელი უნდა
იყოს, რომ წინა ასო თანია. სხვა ასოებთა შორის მარის გარჩეულს მოგვაგონებს
მეორე ჯგუფი ბოლოდან მეორე სტრიქონისა. აქ პირველი ასო იგივეა, რაც მარისაში
ნიშნავს რ-ს. მესამე სტრიქონის პირველი ჯგუფის (თავიდან) მეორე ასო იგივეა, რაც
მარისაში ნიშნავს შ-ს. ასომთავრული ფ მარისაში ნიშნავს ძ-ს. აქ არის ასეთივე ასო
მეორე სტრიქონში, მაგრამ რიგით ძ-ს არ უნდა ნიშნავდეს. აგრეთვე ასომთავრული ქ
მარისაში ნიშნავს ღ-ს. აქ ასეთი ასო ორჯერ არის წარმოდგენილი მესამე სტრიქონში,
მაგრამ ღ-ს ნიშნავს თუ არა, ძნელი სათქმელია. ამით თავდება ახლობელი და
შორეული მსგავსება ამ ანბანისა მარის გარჩეულთან. ასე რომ, ეს ანბანი და მარის
გარჩეული ერთი და იგივე არ არის, უმეტესი ასოების მსგავსებას არ წარმოადგენენ.
ამას გარდა, მარის გარჩეულში ცნობილია მხოლოდ 26 ასო. დანამდვილებით
იგივეობა მარის გარჩეულში და ჩვენსაში, შეიძლება ითქვას, მხოლოდ ა, ბ, დ-ზე თუ
ჩვენ წერტილებით გამოყოფილს ჯგუფებს მივიღებთ მხედველობაში, ასეთი
ჯგუფების რიცხვი ამ კრიპტოგრაფში დასაწყისი ასოს გამოშვებით იქნება 36, და თუ
ჩვენ თავიდან მესამე და მეოთხე ჯგუფში ორ-ორ ასოს ვიგულისხმებთ, მაშინ ანბანი
სრულად იქნება წარმოდგენილი. მხედრულ ასოთა შორის, გარდა აღნიშნულისა, აქ
გვხვდება ჱ, ბ, კ, თ (გადმობრუნებული) და ო.

18. მეთვრამეტე კრიპტოგრაფი (ტაბ. V) შეიცავს სულ 37 ასოს, აკლია მხოლოდ

ჳ. შესატყვისი ანბანი უწერია თითოეულ ასოს ზემოთ. მხედრულ ასოებთა შორის
თავიანთ ადგილებზე დატოვებულნი არიან: ჱ, ჲ, ქ, ძ, ჵ. თ იხმარება ა-ს
მნიშვნელობით. ზოგიერთ ასოს აქვს სახე ძველი მხედრულისა.

19. მეცხრამეტე კრიპტოგრაფი (ტაბ. V) შეიცავს 24 ასოს, მნიშვნელობა ყველას

ზემოთ უწერია. ცხრა ასო გამოშვებულია, მაგრამ მათთვის ადგილები
დატოვებულია ორ-ორი წერტილებით შემოზღუდული. ესენი არიან: ზ, ჰ, ჟ, ფ, ღ, ყ,
ჴ, ჯ. გამოშვებულია და მათთვის ადგილი არ არის დატოვებული: ჲ, ჳ, ჭ. ჰ და ჵ.
ნიშნებთა შორის არის მხედრული ასოები შეცვლილის მნიშვნელობით: ძ, უ, ტ, ჲ, ო
(პირუკუღმა), ქ ლათინური q, ბერძნული დ და სხვა.

20. მეოცე კრიპტოგრაფი (ტაბ. V. ტაბულა უნდა შეაბრუნოთ წაკითხვის დროს).

ეს ყველაზე უფრო თავისებურია როგორც ნიშნების მხრივ, ისე მნიშვნელობით.
ნიშნები უფრო აღმოსავლურ ანბანს წააგავენ და დაწერილნი არიან წითლურით. მათ
უზის შესატყვისი მხედრული ასოები, განიყოფება ხაზით ორ ნაწილად. ხაზს ზემოთ
წარმოდგენილია ნიშნები, რომელნიც გამოხატავენ: ა, ბ, გ, დ, ე, ვ, ზ, თ, ი, კ, ლ, მ, ო,
პ, ჟ, რ (აკლია ჱ და ჲ), ხაზს ქვემოთ იგივე მოხაზულობა და ფორმა ნიშნებისა
გამოხატავენ გაგრძელებას ჩვენი ანბანისა: ს, ტ, უ, ფ, ქ, ღ, ყ, შ, ჩ, ც, ძ, ჭ, ხ, ჴ, ჯ, ჰ
(აკლია ჳ და ჵ). ნიშნები შესდგება წერტილებისაგან, პატარა სიმრგვლეებისაგან და
მოღუნული ხაზებისაგან.
კრიპტოგრაფები, რომელნიც შესდგებიან განცალკევებული ანბანისაგან, ბევრი
ყოფილა ქართულში. ერთი ამგვარი კრიპტოგრაფი, ამოღებული გელათის
ხელნაწერიდან, კ. კეკელიძემ მიაწოდა ნ. მარს და მან გაარჩია, როგორც ზემოთ
აღვნიშნეთ (XB, III, 205–207). ოთხიოდე ნიშნებს ამ სისტემის კრიპტოგრაფისა
უჩვენებს აკაკი შანიძე (იხ. მიმომხილველი I, გვ. 238–241).
ქართულში არსებობდა კიდევ მესამე სისტემა კრიპტოგრაფი, სათვალავით
კრიპტოგრაფი. ასეთ კრიპტოგრაფში სიტყვის მაგიერ სიტყვის ასოთა რიცხვითი
მნიშვნელობა არის დასახელებული. ერთი ასეთი კრიპტოგრაფი პ. ინგოროყვამ
გამოაქვეყნა მიქელ მოდრეკილის მეათე საუკუნის ხელნაწერიდან, სადაც სიტყვა
«მიქაელ»-ის მაგიერ სწერია: ორმოცი ათი ექუსასი ერთი ხუთი ოცდაათი (მ–40, ი–10,
ქ–600, ა–1, ე–5, ლ–30). რიცხვების მაგიერ თუ მათ გამომხატავ ასოებს დავსვამთ,
გამოვა «მიქაელ» (პ. ინგოროყვა, «ძველი ქართული სასულიერო პოეზია», ტფილისი,
1913 გვ. XII). ამავე სისტემას ეკუთვნის აკ. შანიძის მიერ გამოქვეყნებული
ალექსანდრე ბატონიშვილის მინაწერი 1798 წლისა მის მიერ ფრანგულიდან
გადმოთარგმნილი სამხედრო სახელმძღვანელოს ხელნაწერში, სადაც სიტყვების
მაგიერ ციფრებია მოყვანილი (მიმომხილველი I, 241).
ამრიგად, ეს ხელნაწერი გვაძლევს ძვირფას ნიმუშებს ოცი კრიპტოგრაფისა,
რომელთა შორის ჩვენს მკვლევართათვის ჯერხანად ცნობილია მხოლოდ ორი –
ანჩინური და ანჯანური; სხვა უცნობია
ეხლა უნდა მოინახოს ჩვენს მრავალ ხელნაწერებში მინაწერები, შესრულებული
ჩვენს ტაბულებზე წარმოდგენილის ნიშნებით. მაშინ საბოლოოდ გამოირკვევა, თუ
რომელი ასოები აკლია იმ საიდუმლო ანბანებს, რომელნიც ამ ტაბულებზე სრულად
არ არიან წარმოდგენილნი და შესატყვისი ასოები ზემოთ არ უწერიათ.

ხელნაწერები

გადავდივართ ეხლა ხელნაწერების მოკლე აღნუსხვაზე იმრიგად, როგორც ეს

არის წარმოდგენილი დაბეჭდილ კატალოგში.

№ 1 (ძველი ფონდითაც 1)

კ რ ე ბ უ ლ ი სხვადასხვა სასულიერო, საკალენდარო, საასტრონომიო და

სხვათა სტატიებისა და ცნობებისა, სხვადასხვა ხელით და სხვადასხვა დროს
გადაწერილი, პატარა ტანის ხელნაწერი in 32 ქაღალდზე და არა პერგამენტზე,
როგორც ალ. ხახანაშვილი აღნიშნავს, შეიცავს 171 ფურცელს. ბოლოში აკლია,
ნაწერია სანახევროდ წვრილის ნუსხურით, სანახევროდ წვრილის მხედრულით.
წიგნი შემკობილია მრავალის ფერადებიანის ფიგურებით, ასომთავრული ასოებით,
მხედრულის და ასომთავრულის წითლურის ხვეულებით, ბალახ-ბულახებით,
ყვავილებით, გეომეტრიული ფიგურებით და სხვა. მხატვრობანი წარმოდგენილია
როგორც ტექსტში, ისე აშიებზე. ხოლო მეორე ნაწილში ხელნაწერისა
განცალკევებულ ფურცლებზედაც.
ქაღალდი ხელნაწერისა ერთგვარი არ არის, უმეტეს შემთხვევაში, ერთობ
თხელია. ასე რომ, მეორე გვერდის ასოები ხშირად პირველ გვერდზე გამოსჭვივიან.
ზოგჯერ ქაღალდი საკმაოდ სქელია. მაგალითად, ნუსხა ჭრელისა (ფ. 54–84) ნაწერია
უფრო სქელ ქაღალდზე, ხოლო ქაღალდი განცალკევებულის სურათებისა სულ
სქელია (ფფ. 40; 85-90; 94-95; 103-104; 108-113; 113-156; 156, 160), გადაწერილია და
შემკობილი ვინმე ალექსის მიერ 1725 წელს და არა 1795 წელს, როგორც აღნიშნულია
დაბეჭდილ კატალოგში. ხოლო ერთი სტატია «ქირომანსი» (ფ. 150–153) სხვა უფრო
ლამაზი ხელითაა დაწერილი და ალექსის არ უნდა ეკუთვნოდეს. როგორც ეტყობა,
არც თვით ალექსის ერთ დროს კი არ გადაუწერია და დაუხატავს მთელი ხელნაწერი,
არამედ სხვადასხვა დროს და განცალკევებულად, სხვადასხვა ქაღალდზე და შემდეგ
მოუქცევია ერთ ყდაში. ხელნაწერი ქართველ კათოლიკეთა წრიდან უნდა
გამომდინარეობდეს, რაც ცხადად ჩანს როგორც სტატიების შერჩევით, ისე
ნამეტნავად მხატვრობით, ფიგურებით და მხატვრობის რიგის ხასიათით. ბროსე
ამბობს, მხატვრობა ისეთია, როგორც სომხურ ხელნაწერებშიო, მაგრამ ეს იმდენად
მართალია, რამდენადაც ეს ემჩნევა მეხიტარისტების მიერ კათოლიკურ
მხატვრობათა შეთვისებას. კათოლიკური გავლენა აქ ეჭვ გარეშეა. სამების
მხატვრობას ლათინური წარწერები აქვს.
გადამწერი ალექსი რამდენიმე ადგილს იხსენიებს თავის თავს და თავის დედას
თამარს, მაგრამ უფრო გარკვეულად 90-ე ფურცელზე verso, ხელთის ნახატვის
ქვემოთ, გადაბმული ასომთავრულით (ქარაგმებს ვხსნით):
«ღმერთო: შეიწყალე: ამა ჴელთის: და: იბაკოაის: დამხატავიცა: და: დამწერიცა:
მონა ღვთისა: ცოდვილი ალექსი: ქ-კს: უიგ (1725)».
ალ. ხახანაშვილი შეცდომებით ასე კითხულობს ამ მინაწერს:
«ღმერთო შეიწყალე ამისა მომხვეჭელისა და დამწერისა მონა ღვთის გიორგი.
ქკს უიგ, ესე იგი 1795 წ. (?)» (მოამბე, 1898, XX IV, გვ. 3).
ბროსე შეცდომით კითხულობს ალექსის მაგიერ «გრიგოლ»-ს და ჰგონია
გადამწერი ხელნაწერისა არის ალექსი და დამხატავი გრიგოლ, მამა ალექსისი.
მაგრამ ზემომოყვანილი მინაწერი ცხადყოფს, რომ დამწერიც და დამხატავიც
არის ალექსი. გრიგოლ არსად არ იკითხება ხელნაწერში.
ბროსე თავის დაწვრილებით აღწერაში შინაარსს ამ ხელნაწერისა 26 სტატიად
ჰყოფს (Nouveau journ. Asiat. 1834, t. XIV, p. 143–164), მაგრამ ის თვითეულ ლოცვას
ცალკე იხსენიებს. საზოგადოდ შინაარსი ასეთია:

1. იბაკონი წ¯ისა ღვთის მშობლისანი და ძილის პირნი (2-13), სათაურები

წითლურის ასომთავრულის ხვეულებით. პირველ ფურცელზე verso
წარმოდგენილია მხატვრობა, სიმრგვლე ფერადებიან ყვავილებში, ხოლო აშიები
პირველი შვიდი ფურცლისა შემკობილია 24 ფერადებიანი მხედრულის ასოებით.
ანიდან ინამდის თითო ასოა, შემდეგ გადაბმულია: ია, იბ, იგ, იდ, იე, ივ, იზ, ით, კ
(მარტო) და ბოლოს კა, კბ, კგ, კდ. ასოების თავები წარმოადგენენ გამოხატულებას
ცხოველებისა, ფრინველებისა და ქვემძრომთა.

2. წესი და განგება წ¯ისა ზიარების ლოცვისა (15–19).

3. ლოცვანი წმიდისა ზიარებისა და შემდგომად ზიარებისა თქმულნი სხვა და

სხვა მამათა მიერ, დიდისა ბასილისა, იოანე ოქროპირისა, სჳიმონ მეტაფრასისა,
იოანე დამასკელისა, სჳმეონ ახლისა ღვთისმეტყველისა და სხვათა მამათა (20–33). აქ
თავში არის დასაწყისი ფერადებიანი მხატვრობა. ბოლოს უწერია: «გასრულდა ყ-დ
სულის საოხი ლოცვანი ესე ზიარებისანი:.»

4. გალობანი წ¯ისა ღვთის მშობლისანი (34–40). ამის ბოლოს დახატულია

მინიატურული ღვთისმშობლის სურათი ჩჩვილეთი, წელს ზევით, ხოლო მეორე
გვერდზე სურათი ღვთისა ერთარსებისა, მაგრამ სამსახოვანისა, ლათინურის
წარწერებით: Pater, Filius, Spiritus Sanctus. ეს არაჩვეულებრივი მხატვრობა
წარმოადგენს მხცოვანი კაცის სახეს მღვდელმთავრის სამოსელით, – ერთის თავით,
სამის პირით, სამის ცხვირით და ექვსი თვალით. სამს გამყოფელ ხაზებში უწერია:
non est, შემაერთებელ ხაზში est Deus.
 5. სხვადასხვა ლოცვები, სადიდებელნი, ძილისპირნი და სახარების საკითხავნი
(41–46). სათაურად ამაებს ყვავილოვან თავსართში ასომთავრულის ხლართულით
უწერია:
ვ-ცა შ-ნ დიდებ-ო.

45-ე ფურც. აშიაზე სწერია ხუცურით:

ბრძნბსა (ბრძანებასა) უსჯულოსა მის მოძღვ¯რისსა არა დაემორჩილნეს.

6. გალობანი ყოველთა წმიდათანი (48–50 г.) ნაწერია ნუსხა-ხუცურით, რომლის

აშიებზე ფერადებით წარმოდგენილია ყვავილებში ათორმეტთა ზოდიაკთა
სიმბოლონი: სასწორი, ღრიანკალი, მშვილდოსანი, თხის რქა, წყლის საქანელი და
სხვა.

7. ხუთი გვერდი წვრილის, უშნო მხედრულის და მქრალის მელნით ნაწერი (50

v – 52 v). ბროსე და შემდეგ ა. ხახანაშვილი ვერ არჩევენ ტექსტს და გვამცნობენ, რომ
ეს ტექსტი ნაწერია საიდუმლო ასოებით. მაგრამ ეს ასე არ არის. ეს ნაწილი შეიცავს
საგალობლებს და ნაჩვენებია სიტყვების გაგრძელებით, წერტილებით, ხაზებით და
ასოებით, თუ როგორ უნდა იგალობონ, სად გააგრძელონ ანუ ასწიონ ხმა და სხვა. აქ
ერთნაირი ნოტების შემცვლელი ნიშნებია და ხერხი გალობისა. ხოლო თუ რა და რა
გალობას ანუ საგალობელს შეიცავს ესა თუ ის ტექსტი, ეს ნაჩვენებია, გარდა თვით
ნიშნებით აღნიშნული ტექსტისა, კიდევ ცალკე აშიებზედ. მელანი აქაც ერთობ
მქრქალია, მაგრამ საერთოდ მაინც საკმაოდ განირჩევა. ამ საგალობლების სახელებია:
უ პ ა ტ ი ო ს ნ ე ს ი; და ა ღ მ ა ტ ე ბი თ ი; უ ზ ე შ თ ა ე ს ი... ს ი ტ ყ ვ ი ს ა მ ხ ო ლ
ო ს ა გ ა ნ უ ხ რ წ ნ ე ლ ო; ხ ო ლ ო გა ლ ო ბ ი თ; დ ღ ე ს ტ ა ძ ა რ ი, კ რ ე ტ ს ა ბ ა
მი ს ა მ ხ ი ლ ე ბ ე ლა დ გ ა ნ ი პ ო, უ შ ჯ უ ლ ო თ ა მ ა თ დ ა ი ფ ა რ ა; რ ა მ ე თ
უ უ ფ ა ლ ს ა გ ხ ე დ ვ ი დ ე ჯ ვ ა რ ც მ უ ლ ს ა; შ ე უ ძ ვ რ ე ლ ო ბ ე ჭ ე დ ო , უ
ნ ე ბ ე ლ ო ძ ე ო , ს ი ბ რ ძ ნ ე ო, ს ი ტ ყ ვ ა ო , მ კ ლ ა ო მ ა რ ჯ ვ ე ნ ა ო გ ნ ა ტ
რ ი.
ჩვენი სტამბის ნიშნების საშვალებით ამ გალობის გადმოცემა შეუძლებელია. ეს
ფოტოგრაფიის საშვალებით უნდა გამოიცეს. დასაწყისი დაახლოებით ასეა
წარმოდგენილი:
«ქ. უპატიჲი: – იი: ჲი: ოჵსნეს უუ საჰაია: ვიჲიახაა: უუ: უუპა: ტიოიო: ჵსნჱ ევუჲე ექეს (?)
ესუუსაჰააია: ოინი: ქერაბინთა ააა დაიალ უმაჰავიიჲია: აიაჰატეჱეე: ახაიავია და იაჰაღუუჰუმაია: ჰია:
ავიააა: ახაი ააა: – - წინათქმა: ს-დ: და ესე უცხო: ავიჲიჲი ჲვ ახაიაა».
ბოლოში თითოეული საგალობელისა შენიშვნებია, თუ როგორ გათავდება
საგალობელი და სხვა, მაგალითად: «დღეს ტაძარი»-ს ასეთი შენიშვნა აქვს: მაღალზე
გათავდება. ქ: დულეიე: საიაია: ტაიაჰა: იაია: აჰაძე. რისავია. – ააიაა.
«კრეტსაბამი»-ს შენიშვნა აქვს: დიდება მაღლის შესხმის კილოს ს¯დ: o შესხმის
კილო დღეს ტაძარზე გათავდება.
«განიპო უსჯულოთა მათ»-ს უწერია: უცხო ოინი და მოკლე დღეს ტაძრისა
ბოლოზე გათავდება განიპო: ქ: უ.
სჯულოთა მათ: თავი უკ-ე: ცოტა წინ თქვევ და ქ-ე მჱვეზე გათავდება.
«რამეთუ უფალსა გხედვიდე ჯვარცმულსა»-ს აქვს შენიშვნა: o მეთუ უფალსა
გხედვიდე ჯვარცმულსა თავს გახდა სული დიდება მაღალი.
«არსების ხატი»-ს შენიშვნა: არსების ხატი თავს უსჯულოსა ცოტა უცხო და წინ
თქმა ს¯დ.
 ასეთია დაახლოებით შინაარსი ამ მნიშვნელოვანი საგალობელის
სახელმძღვანელოსი, რომელიც საიდუმლო ასოებით დაწერილ ტექსტად იყო
აღიარებული.
ამ სტატიაში 51 v–52 г. გვერდებზე ფერადებით შესრულებული მხედრული
ასოებით ლამაზი ხლართულებია, რომელიც ქარაგმების გახსნით იკითხება ასე:

მოიხსენე მამაო დღესა

მას დიდისა განკითხვი-
სასა სული ფრიად
ცოდვილისა ალექსისა.

უკანასკნელი სიტყვის ხვეული ხელის მსგავსია ჯვარით.

8. ნუსხა ჭრელისა სრული და მართალი (54–84) ნაწერია ნუსხა-ხუცურით,

აშიები შემკობილია ფერადებით შესრულებულის ყვავილებით, ბალახ-ბულახებით
და ფრინველების და ნადირთა სახეებით. ერთ ადგილას გვირგვინოსანი მეფის სახეც
არის ყვავილებში. ბოლოს უწერია (მოგვყავს ქარაგმების გახსნით):
«ღმერთო შეიწყალე მწერალი ალექსი განმასრულებელი ნუსხისა ამის,
შეცოდებანი რანიცა იხილოთ ნუ განქირდულ ჰყოფთ, სხვაჲცა ბევრი კარგი იქნების
და ჩემ უცებად მცოდნესათვის ესეც ნამეტნავი არს ყოველადვე.

9. შემდეგ ფურცლებზე (85–97) უმეტესწილად სურათებია ფერადებით. თავში

ყვავილებისა რამკებით, სიმრგვალეებით თუ ნახევარის სიმრგვალეებით,
რომლებშიაც ხუცურის ასოებით მოყვანილია სათვალავის რიცხვები. ეს კჳნკლოსის
მაჩვენებელი ნიშნები უნდა იყოს, ვინაიდან ერთს სურათზედ დათვის ფეხია
დახატული და ზედ აწერია: დათჳს ფეჴთა და მისნი კიკლოსნი: ფეხის თითებზე
მხედრული წითლური ასოებია: ა ე ო უ (89 V). ერთს სურათზე შვიდი საიდუმლოა
წარმოდგენილი (90), მეორე გვერდზე – სიმრგვალე ცისა, შუაში – მელია და ქვემოთ,
ხელთა წარწერით, რომელიც ზემოთ მოვიყვანეთ.
მზის მოქცევა ანუ კჳნკლოსი (91–95): აშიები შემკობილია მხატვრობით და
ერთზე ქალის სახეა. 93-ე ფურცელზე V. წითლური ასომთავრული ხელჩართულია.
93-ე გვ. V. შვიდი სიტყვა ასომთავრული ჩართულით ანუ ხლართულით და
შემდეგ ასომთავრული წითლურით სწერია:

აღგიარებენ: ქ¯ეანენი:

შემდეგ ფერადებიან ლამაზ ჩარჩოში მხედრულად წითლურით წერია:

ეგოდენი: ივახშე: ოც
და ათი: თვით: უძღვენ: ნა
ხევარი: განქარვე: შენეულ-
ისა: ზოგი: დაშთა: ღ-თო: შ-ე: ალე[ქსი].

94-ე ფურცელზე ფერადებიან სიმრგვალეს ცისაა აწერია მხედრულად ირგვლივ:

«ადეგ ბეჟან შავი ცხენი ქიტას მიეც».
და ქვემოთ უწერია კიდევ: კ¯ნჭი: კ¯დ: კაცი: გ¯.
97-ე ფურცელზე – ასტრონომიური ნიშნები განმარტებით;
ზოდიაკთა და თვეთა სახელები და მათი ემბლემების ახსნა.
 10. სახარების საკითხავთა მაჩვენებელი სათაურით: ჴ¯ჲ:
სხრ¯ბჲ: ზატკთა: აღდგომიდამ ყ¯თ წ ¯თ კ¯კე: (98).

11. სლვა მთავრისა სამარადისო (99–100).

შემდეგ 101-ე ფურ. ყვავილები.

12. შვიდი მომაკვდინებელი ცოდვა და შვიდი მადლი ფერადებში

წარმოდგენილი (102).
102-ე ფ. V. ქვეყნის გლობუსია წარმოდგენილი მაგიდაზე, რომლის ქვემოთ
მოჩანს საზომი იარაღები და გაშლილი სახარება ხუცურის ტექსტით: პირველითგან
იყო სიტყვა და სხვა...
103-ე ფ. r. ყვავილოსანი შტოებია ფერადებით შესრულებული.

13. ხელთა ახსნითურთ აღდგომის საპოვნელად, თუ რომელ თვეში და რომელ

რიცხვს იქნების (103–104).

14. სურათები და ნახატები საასტრონომიო, მზის და მთვარის დაბნელების

გამოსაცნობად (105–107). აქ ბოლოს ასომთავრულით ხვეულად არის მინაწერი:
უფალო შენდობით მიანიჭე დედასა ჩემსა თამარს.
106-ე ფ. r. ყვავილებში მოქცეულია ოთხი ლოცვა-ვედრება
ღვთისმშობლისადმი. მეორე ლოცვა ასეთია ქარაგმების გახსნით:
«უხრწნელო ღვთის მშობელო, დაიცევ ქალაქი შენი, რ¯ნი ესე შენ მიერ მეფობს სამღვთოდ და
შენ მიერ მოაქვს ძალი და შენ მიერვე სძლევს მტერთა, ზეშთა ექნების განსაცდელთა, მტერთა გარე
მიაქცევს და ჰმართებს განსაგებელსა ღვთისასა».
ეს უნდა იყოს კათოლიკეთა ლოცვა რომის ქალაქის დაცვისათვის.
შემდეგ კიდევ ასტრონომიული სურათები, ხელით დახატული, ყვავილები
(ერთ ფურცელზე 110-ე ფრინველით), ათთორმეტი დღესასწაულის ნუსხა
ყვავილებში (114), ხელჩართული წითლური ხვეული (111 v.) და სხვა ხელჩართული
მხედრულია. შემდეგ ფურცელშემოსილი ჯვარი, რომელიც მე-115 ფ. r ბოლოშია
წარმოდგენილი. აქ საჭიროდ ვრაცხთ შევნიშნოთ, რომ საზოგადოდ
ასტრონომიული, ასტროლოგიური და სხვა სურათები და სტატიები, რომელიც 85–
115 ფურცლებზეა მოქცეული, თხოულობს ცალკე გამოცემას ფერადებიანის
სურათებით და ცალკე განხილვას და შესწავლას. უამისოდ საზოგადო აღწერაში
ამათზე ცნობა ყოველთვის ცალმხრივი იქნება. სურათებს თან ახლავს, უმეტეს
შემთხვევაში, ასომთავრულის ასოების რიგ-რიგად აღნიშვნანი, პარალელურად შავი
და წითელი მელნით.

15. საქრისტიანო მოძღვრება საბა-სულხან ორბელიანისა (116–149) თავში

ნაწერია ნუსხა-ხუცურით, შემდეგ მხედრულით.

16. ხირომანტია (ხირომანსი), ანუ ნიშნები ხელის გულის შენობისა და მათი

მნიშვნელობანი ადამიანისთვის არისტოტელეს აზრების ჩვენებით, ასტროლოგიური
ხასიათის სტატია (150–153), მხედრულად კარგის ხელით ნაწერი. დასაწყისი: «ქ. აწ ესე
უნდა ვიცოდეთ, რომ ხუთის თითის ქვემოთ ხუთის ეტლის მთანი არიან და ხელის გული არეას
მინდორი არის»...
 17. სხვადასხვა სურათები (155–164) პირველზე გამოხატულია ოთხი სიმრგლით
ჯოჯოხეთი, შემდეგ ცოდვები და მადლნი, აყუანა სულისა წმიდისა (156), ათნი
მცნება (158), ცოდვანი და მადლნი სურათებით კიდევ (159) და შენიშვნით: ცოდვანი,
რომელნიცა აღადგინებენ კაცთა ღვთისა მიმართ.
აქვე ზემოთ წარწერა:

«ღმერთო შეიწყალე ცოდვილი ალექსი».

ქორწინება (160), ნუსხა მფრინველთა წარწერით: მფრინველთა ცნობა. ნუსხა
ხილთა წარწერით: ხილის ცნობა (162 v.), ნადირის ცნობა (163 v.), ფრინველის ცნობა
(164) მცენარეთა სურათბში (160–164).

18. ოცი კრიპტოგრაფის ნიშნები, რომელნიც ზემოთ მოვიყვანეთ (165–167).

19. ნუსხა მსოფლიო წმიდანებისა სიმრგვალეში წარმოდგენილი წითლურით

(168).

20. კვინკლოსი (168 v. – 171 r.).

უკანასკნელი ფურცლის მეორე გვერდზე დარიგებანია ღვინის მიღების, ძილის

და სახლის რიგის შესახებ მღვდელ-მონაზონთათვის. პირველი გვერდის წინ
დატანებულ ფურცელზე ასეთი რეცეპტია:

კალის გალესვა ეს არის.

დ¯. მისხალი კალა უნდა დაადნო.
ა¯. მისხალი სინდიყი უნდა ურიო:.

პირველ გვერდზე ხელნაწერს აწერია:

«წიგნი ესე ეკუთვნის ვიკტორ ლეტელიეს».

ლეტელიეს გარდაცვალებას ბროსე, მაკლერი და ხახანაშვილი უჩვენებენ 1718

წელს. აქ დიდი ანახრონიზმი გამოდის. როგორ შეიძლება წიგნი გადაწერილი 1725
წელს ჰკუთვნებოდა კაცს, რომელიც გარდაცვლილა 1718 წელს? მარტო ჩვენს
ხელნაწერში რომ იყოს ასეთი მოვლენა, კიდევ შეიძლებოდა ასე თუ ისე ამის ახსნა.
შეიძლებოდა გვეფიქრა, პირველი ნაწილი ამ ხელნაწერისა (გვ. 1–40), რომელზედაც
ეს მინაწერია, შესაძლოა გადაწერილი იყო უკვე 1718 წლამდის და შემდეგ
მოათავსეს ერთ ყდაში 1725 წელს გადაწერილს და კიდევ სხვა დროის
ხელნაწერებთან. მაგრამ ასეთი მინაწერი სხვა ხელნაწერებზედაც მოიპოვება.
მაგალითად, №13, ომაინიანის ხელნაწერისა, რომელიც გადაწერილია დავით
რექტორის მიერ 1782 წელს. მოსაზრება ალ. ხახანაშვილისა, რომ შეიძლება
ხელნაწერების თარიღებში იყოს შეცდომა, სრულიად მიუღებელია, ვინაიდან
თარიღები არავითარ ეჭვს არ იწვევენ და დედნისავე ხელით არიან ყოველგან
ნაწერნი. ორში ერთი – ან ეს ლეტელიე ის არ არის, რომელიც 1718 წელს
გარდაიცვალა (იმის სახელი ყოფილა კამილი, მაგრამ უფრო ცნობილი ყოფილა
აბბატ ლუვიეს სახელით), ანდა ეს მინაწერები სხვისი ხელითაა დაწერილი
მეთვრამეტე საუკუნის დასასრულს ან მეცხრამეტის დასაწყისში ჩვენგან უცნობის
მიზნით. მინაწერის ხელიც ამ დროს უფრო მოგვაგონებს.
 № 2 (ძველი ფონდით 25).

კ ა ტ ე ხ ი ზ მ ო (და არა საითიკო ღვთის მეტყველება, როგორც ალ.

ხახანაშვილი აღნიშნავს) ანუ აღსარება მართლისა სარწმუნოებისა წი¯სა კათოლიკე
და სამოციქულოსა ეკლესიისა მართლმადიდებელთა აღმოსავლისათა. კითხვა
მიგების სახით. დასაწყისი წითლურით:
«წყალობითა ღ¯სათა პატრიარხი ნეკტარიოს წი¯სა ქალაქისა იერუსალიმისა და
ყ ისა პალესტინისა ყ¯თა მართლ მადიდებელთა მამათა და საყუარელთა შჳლთა
¯

გი¯ხნ, ხ¯უ¯ისა მიერ მადლი, მშვიდობა და წყალობა იყავნ თქუ¯ნნ ყ¯თა თანა».
მხედრული ხელნაწერი ქაღალდზე და არა ტყავზედ, როგორც ალ. ხახანაშვილი
უჩვენებს, შეიცავს სულ 213 გვ. და კიდევ 26 გვ. დამატებას2. გადაწერილია
მეთვრამეტე საუკუნის მეორე ნახევარში, რაც უეჭველი ხდება ხელის და
მართლწერის მიხედვით. მაგალითად, იხმარება უ-ბრჯგუ. წიგნი გაყოფილია სამ
ნაწილად: 1. სარწმუნეობა (1–122), 2. სასოება (123–162), 3. სიყვარული (163–213).
ბოლოს, დართული აქვს ცალკე სათვალავით: მღუდელმთავრისა ლიტურღიისა
განმარტებაჲ სახის-მეტყველებით. ვ¯დ ყ¯სავე მღუდელ-მოქმედებასა მისსა
საიდუმლოებითი ძალი უპყრიეს (1–26). სათაურები შესრულებულია მშვენიერის
ასომთავრულის ხვეულებით სინგურით. ტექსტი კითხვა-მიგების ყაიდაზეა
მოყვანილი.

№ 3 (ძველი ფონდით 2)

კ ა ნ ონ ი წ ე ლ ი წ ა დ ი ს ა ჲ წ ე ს ი ს ა ე ბ რ წ მ ი დ ი ს ა ქ ა ლ ა ქ ი ს ა ი ჱ რ
უ ს ა ლ ი მ ი ს ა, in folio, ნაწერია კარგს ეტრატზედ, ლამაზის ნუსხა-ხუცურით ორს
სვეტად, სათაურები წითლურით თავსა და ბოლოში აკლია; დაცულია 387
ფურცელი. ძველი პაგინაცია ნაჩვენებია რვეულებზე ასომთავრულით. რვეულში 8
ფურცელია. უკანასკნელ რვეულს უზის სათვალავი ნხ (57). ამ რვეულში ეხლა მარტო
ოთხი ფურცელია. ტექსტი იწყება მეხუთე რვეულით, ხოლო 56-ე რვეულს მიჰყვება
ჯერ მეოთხე რვეული, შემდეგ მესამე. ასე რომ, ეს სამი რვეული – 2, 3, 4 – მოქცეულია
56-ე და 57-ე რვეულებს შორის. მარტო 57-ე რვეული რომ ვიანგარიშოთ, ხელნაწერში
უნდა იყოს 57X8=456 ფურცელი, დაცულია 387. მაშასადამე, აკლია 692. ტექსტის
საკითხავები იწყება დეკემბრის თვიდან. მრავალს ადგილას ეტრატის აშიები
ბოლოში მოჭრილნი არიან. ადგილ-ადგილ შემდეგი დროის მინაწერებში
აღნიშნულია რაოდენობა ფურცლებისა: ერთი მე-16 საუკუნის მხედრულის ხელით
მინაწერი (ფ. 341 v.) გვამცნობს:
«ქ. ოთხას ორმოცდა ოთხი ფურცელი არის და ვინც დააკლოს ღმერთმან
ჰკითხოს დღესა მას საშინელსა განკითხვისასა. 272-ე ფურც: ოთხას თორმეტი
ფურცელია.
370-ე ფ. მე-17-18 სს. მხედრულის ხელით: სამას ოთხმოცდა თორმეტი
ფურცელი არი(ს) და სამოცი დაჭრილია. კრულმცა ორსავე ყოფასა თავად ამა ყოლსა

2 66-ე და 99-ე გვერდების აღნიშვნა გამოშვებულია პაგინაციაში.

(ყოვლისა) დამჭრელი და აწ თორავინ (sic) დააკლოს ანო3 ფურცლად და ანო
დაჭრილ იოდას თანამცა ნაწილი მისი.
ასეთივე წარწერა გამეორებულია 386-ე ფურცელზეც.
386-ე ფურცელზე მინაწერში ნაჩვენებია მე-18 ს. მხედრულით: სამას ოთხმოცდა
თორმეტი ფურცელი.
იტალიური მინაწერი თავში გვამცნობს, რომ ეს ხელნაწერი გამოუგზავნია
ევროპაში საქართველოდან კაპუჩინთა მისიონერების წინამძღვარს 1731 წელს.
ეს ერთი საუკეთესო ხელნაწერი ნაციონალური ბიბლიოთეკისა შეიცავს იმავე
ტიპის იერუსალიმის კანონს, რომელიც პროფ. კორ. კეკელიძემ გამოსცა ტფილისში
1912 წ. მაგრამ ამაში ბევრი თვალსაჩინო და საყურადღებო განსხვავებანიც
მოიპოვება და ჩვენდა სასიამოვნოდ ეს ხელნაწერი ფოტოგრაფიულად გადაუღია და
საყურადღებო გამოკვლევა უძღვნია ბონის უნივერსიტეტის პროფესორს, აწ უკვე
გარდაცვლილს დოკტორს Heinr. Goussen-ს: ÜBer georgische Drucke und
Handschroften. Die Festordnung und den Heiligenkalender des altchristlichen Jerusalems
betreffend, B. Kühlen, München-Cladbach, 1923, SS, 424.

ალ. ხახანაშვილი ხელნაწერის გადაწერის საუკუნეს არ უჩვენებს.

დაბეჭდილი მაკლერის კატალოგი ხელნაწერს აკუთვნებს მე-13 და მე-15 ს.,
ხოლო დოქტორი გუსსენი მეთერთმეტე–მეთორმეტე საუკუნეებს, მაგრამ წერის
ხასიათის მიხედვით, ხელნაწერი უნდა ეკუთვნოდეს მეათე საუკუნის დასასრულს
ან მეთერთმეტის დამდეგს.
მე-300 ფ. ტექსტში არის მოყვანილი სხვათა შორის (ქარაგმებს ვხსნით):

«თუესა დეკენბერსა კა ჴსენებაჲ წმიდისა გრიგოლ პართენისაჲ. ფსალმუნი: ჴმაჲ

ბ...
თუესა დეკენბერსა კბ ჴსენებაჲ რიფსიმესი და გაიანესი და მათთანა მოწამეთაჲ:
ყოველი წმიდათაჲ.
თუესა დეკენბერსა კგ ჴსენებაჲ სამეუფოსა ქალაქისა კონსტანტინეპოლეს.
სატფური წმიდისა ეკლესიისა სოფიისაჲ. რომელი აღაშჱნა ღმრთის მოყუარემან
ისტჳნიანე მეფემან...

ამის შემდეგ ანდერძი გადამწერისა:

დიდებაჲ შენდა ქრისტე:

დაესრულა კანონი
წელიწადისაჲ. განწე-
სებული რიცხუსა
5 თუეთასა რომელი განა-
წესეს ნეტართა და
ღმრთივ შემოსილთა წმიდათა
მოძღუართა ჩუენთა წე-

3 საინტერესოა ამ დროისთვის ასო «ო»-ს ხმარება «უ»-ს მაგიერ მხედრულ წარწერაში.

4ამ წიგნის რეცენზია კორ. კეკელიძისა იხ. საქართ. საისტორიო და საეთნ. საზოგადოების ორგანოში –
«მიმომხილველში», I, ტფილისი, 1926.
 სისაებრ წმიდისა ქა-
10 ლაქისა ი¯ჱმისა. რომელ-
სა ზედა ჩუენ მიერცა შეეძი-
(ნა)5.
რაოდენნიმე კრება-
ნი და საჴმარნი გ-
15 ულს მოდგინებისაებრ
ღმრთისა მოყვარეთაჲსა:
რომელნი აღასრულებთ
კანონსა კეთილად მ-
სახურნი მღდელნი და
20 მოძღუარნი. ყოველივე
საჴმარი თითოეუ-
ლისა ჟამისაჲ. და
რიცხჳ საკითხავთაჲ
მოგცეს შემდგომმან
25 ამან თავად თავად
განკარგებულმან: ვითარცა
ესე განგჳწესებიეს:
მე გ: ზატიკსა: დღესა
შაბათსა წმიდისა ნინო-
30 ჲსი 1): იანვრისა: ჱ: 1) ეხლა 14 იანვარს.
წმიდისა არჩილისი 2): 2) ეხლა 21 ივნისს.
ივნისა: კვ: რაჟდე-
ნისა 3: (ივლისა: ვ: 3) ეხლა 3 აგვისტოს.

ამიბოს ეპისკოპ-
35 ოსისაჲ 4): აგვჳსტოსა: ივ: 4) ეხლა 29 ნოემბერს.
მებკამბესი: აგჳსტო-
სა: კა: სარმეანისი:
ოკდონბერსა: იზ: შუშა-
ნიკისი 5): ნოემბერსა: დ: 5) ეხლა 28 აგვისტოს.
40 იოვანე სტეფანე. და ეს-
აია. მართალთა. სა-
ფლავისაჲ. დეკენბე-
რსა: კ: ესტატი მცხ-
ეთელისაჲ 6): 6) ეხლა 29 ივლისს.
45 საუკუნითგან ტკ-
ბილო ო¯ო. ორსავე ცხ-
ორებასა უმეტეს ა-
დიდე მამაჲ სტეფანჱ
და მეოხმცა არიან
50 წინაშე შენსა. ყოველნი რომელნი შთა-

5 აქ აშია მოჭრილია და ეს ორი ასო აკლია.

 წერილ არიან წმიდასა
ამას კანონსა შინა ა ნ.
ცოდვილი მწერალი
ამის წმიდისა წიგნისაჲ
55 ლოცვასა მომიჴსენ-
ეთ ღმერთმან დაგაჯეროს ა¯ნ.

ზემოთ მოყვანილ ტექსტში გადამწერი თავის სახელს არ უჩვენებს, მაგრამ მისი

სახელი და აგრეთვე მამა სტეფანეც მოხსენებულია შუა ტექსტში 237-ე ფ. v. ამრიგად
(ქარაგმებს არ ვიცავთ):
«დიდებაჲ ღმერთსა ჩუენსა: დაესრულა კანონნი: ზატიკთაჲ: ქრისტე შეიწყალე:
და ადიდე: ნათლი ჩემი: მამაჲ: სტეფანე: დღეგრძელობით: მწერალი მონაზონაი (sic):
ლოცვასა: მოიჴსენეთ: ღმრთისა: თჳს».
ეტყობა მამაჲ სტეფანე ფრიად გამოჩენილი პიროვნებაა და ამიტომ მწერალი
მონაზონაი მას იხსენიებს მოწიწებით «ნათელი ჩემი»-ო. ვინ უნდა იყოს ეს სტეფანე?
ჩვენის აზრით, ის არის სტეფანე სანანოჲს ძე ჭყონდიდელი – მეათე საუკუნის მეორე
ნახევრის ცნობილი მოღვაწე (იხ. კეკელიძე, ძველი ქართული ლიტ., I, გვ. 177-179).
განსაკუთრებით საყურადღებოა ჩვენთვის ზემოთ წარმოდგენილი კალენდარი
ქართველთა წმიდანებისა, რომელთა შორის ზოგიერთი სხვა წყაროებში არ
იხსენიება. მაგალითად, მებკამბე, სარმეანი (თუ ეს სარმეან კათალიკოზი არ არის).
ეს კალენდარი თვალსაჩინოდ განირჩევა სხვა ამგვარი კალენდრებისგან და
მისი ქართული ტექსტის გამოცემა საჭიროა. გუსსენს, როგორც ეტყობა, შეცდომები
შეჰპარვია ფრაზების ამოკითხვაში. თვით დასაწყისი ჩვენს მიერ ზემოთ მოყვანილ
ქართველ წმიდათა ნუსხისა, რომელიც იწყება წმ. ნინოს ხსენებით, მართლად არ
არის ამოკითხული, ვინაიდან მის ხსენებას გუსსენი უჩვენებს აღდგომის მეორე
სამშაბათს, ნამდვილად კი აღდგომის მესამე შაბათია. დღეები ქართველ წმიდათა
ხსენებისა ეხლანდელს არ უდგება – წინათ სხვა ყოფილა. მეორე თვალსაჩინო
კალენდარი, რომელშიაც შეტანილია ქართველ წმიდათა ხსენება, დაცულია ერთ
სინას მთის კრებულში 956 წლისა და შედგენილია იოანე-ზოსიმეს მიერ. აქ არის
ხსენებანი: აბო ტფილელისა (7 იანვარს), მეფე არჩილ ქართველისა (15 იანვ.),
კათოლიკოზი მამაჲსი (3 მაისს); მანგლისის ჯვარისა (20 მაისს); შუშანიკ
დედოფლისა (17 ოკტომბერს); «ყოველნი წმიდანი მოწამენი ქართლს შინა» (11
დეკემბერს); მცხეთის ჯვარი (ზატიკის მესამე კვირიაკეს და მარტვილის შემდეგ
ოთხშაბათს)6.
ხელნაწერში ბევრია მერმენდილი მინაწერები ძველი მხედრულის ხელით,
მაგრამ არა დიდმნიშვნელოვანი ცნობებისა. მინაწერებში შენდობას თხოულობენ:

გიორგი ირემაისაძე (ფ. 97 v. ხელი მე-11-12 სს.), მამა ქადაგა, ნავროზა, ცხადა,
კახა და არსენალა (ფ. 67, მე-13-14 სს.), კახა და იოვანე (ფ. 244): ხოცეთა (sic) გიორგისა
შეონდვენ (sic) ღმერთმან (ფ. 81, მე-13-14 სს.).
97-ე ფ. v. მე-13 საუკ. მხედრულით: ქრისტე გაუმარჯვე გ¯უ ირულისა.

6იხ. მარრის წინასწარ მოხსენება მოგზაურობისა სინას მთაზედ, გვ. 41–42. კეკელიძე, ძველი ქარ.
ლიტ., I, გვ. 163.
 113-ე ფ. ver. მე-12-13 საუკ. მხედრულით:
ქ. კაცი: ოჩინო (sic) იქნება: და ნაწერი საჩინო არს:
107-ე ფ. მე-15-16 საუკ. მხედრულით:
«ქ. ესე წიგნი მოგეც მე დემეტრე. თქვენ ივნს: ამა ორს: კირას: თო კეჭროლს არა
წამოვიდე: ანდრიას წ¯ე: და შენ: საქმე არა გა(ვ)მართოთ მერმე ჴარის მომჴ..ნბლი: ვარ
ის მოშთა (?): ამის მოწმე დავით არის. მე გადამწერად მყო.
ესე წიგნი მო... ოდეს: ბიძა უფლა: ი¯ნეს: დაუწერეთ ყავდა ქალი: ელისაბედ:
არსე (sic) რომე დღე და ღამე პირის სგ... ესე წიგნი მისი არის».
ერთი ოთხსტრიქონიანი მხედრული აბდაუბდა მინაწერი მე-14-15 საუკ.
მხედრულით ორპირობის წერილს წარმოადგენს ორ მეზობელთ სოფელთა შორის,
თუ რამე გაიგონონ (ცუდი) ერთმანეთზე და არ გაამხილონ, პატრონისთვის ასი
თეთრი ზღონ. სოფლების სახელები (საბარათაშვილოს სოფლებია) სხვადასხვა
სახით წერია:
«ქ: ესე წიგნი მოგაჴსენეთ თქნა ხანკელით ბაგეთი ჩენ ლეღოელით ხზანდარმა
და ჩემთ მეზობელთ...
ქ: ესე წიგნი მოვაჴსენე (sic) თქნ ხორაკელით ბაგეთი ჩენ გელოვნებით
არჭულმან და ჩემთ მეზობელთ რაც გაგეგონოს არ გრვიოთ (?) პატრონს თ¯ს ასი
თეთრი ვზღოთ».
მეორე ვულგარული წარწერა XVII საუკ. უშნო მხედრულით მოყვანილია 58-ე –
59-ე ფურცლების აშიებზე და ეკუთვნის მართა მონაზონს. ტექსტი სავსეა ზედმეტი
ანუ პარაზიტული ასოებით, რომელთაც ჩვენ არ ვიცავთ. ეს და სხვა შემდეგი დროის
მინაწერები მოწმობენ, რომ ხელნაწერი საბარათაშვილოში ყოფილა დაცული ბოლო
დროს:
«იყო ცოდვილი მონა მღთის მონაზონი მართა ოჯახსა გოშტაშაბიშვილისას
მონასტერს პატიოსანსა მღთებისას. დაბედა ამიერ სოფელს, ნახა და გასინჯა
სიცრუე მისი და შევიდა სენაკთა უღირსი და საწყალობელი წმიდას პატიოსანს
ორშაბათს მარხვისას, განმანათლებელს სულთა ჴორცთა ჩვენთა. აღდგომასა
მიბრძანეს მოძღვართა მაკურთხეველთა ჩემთა, გამომიყვანეს კვირაცხოვლის
საწრამადი (?) ახლა ვერა მაღათითა. მერმე მისის უბიწოს მშობლის იმედითა
ამიერის უკუნისამდი. ამა საქმეზ(ე) დამამტკიცოს მღთისაგან. რამაც ადამიშვილმა
ამა საქმეზე ჴელი მამიმართოს, იმასაც ყოვლნი უდაოთა მოქალაქენი, მოწამენი და
მღდელთ მოძღვარნი, წინასწარმეტყველნი, მოციქულნი და ყოველნი წმიდანი
მღთისანი ამ სოფელს დღეგრძელობითა, იმ სოფელსა განსვენებითა. მოძღვარს და
სულიერ მამას ნიკოლოზა და პატრონი ჩვენი ბატონი პაპუნა შვილითა და
შვილიშვილითა დალოცე, ამა ყოველთა წმიდათა მადლი შეაწიე ორსავე სოფელსა.
ამინ. უწყის უფალმან ერთგულნი ვიყავით თქვენი, რასაც ჩვენი სული გებრალებათ
უპატრონო, ღმერთი დაგიმადლებსთ, უშვილო უძეო შენდობას მიბრძანებდეთ:
ამ წერილში მოხსენებული პაპუნა არის ბარათაშვილი ანუ გოსტაშაბისშვილი,
კარგად ცნობილი ჩემს მიერ გამოცემულის მრავალის სიგელებით 1636-1703
წლებისა (საქართველოს სიძველენი, ტ. I, გამოცემა 1, გვ. 118, 132, 139, 354-368). ამის
მიერ აშენებულია ამლივის ეკლესია საბარათაშვილოში.

№ 4 (ძველი ფონდით 3)
 ს ვ ი ნ ა ქ ს ა რ ი თისლისა მონასტრისა7, in folio, ეტრატზედ, ერთ სვეტად,
მომსხო ნუსხა-ხუცურით, ხელნაწერის მცირედი ნაწილია დაცული. შეიცავს
მხოლოდ 87 ფურცელს. ძველი პაგინაცია რვაფურცლიან რვეულებზეა აღნიშნული:
თავში აკლია 4 რვეული და მეხუთე რვეულს აკლია კიდევ ერთი ფურცელი.
უკანასკნელი რვეული ეხლა მეთხუთმეტეა. ეს სვინაქსარი საყურადღებოა ჩვენთვის
განსაკუთრებით მით, რომ მის აშიებზე მრავალი მინაწერია, ეგრეთწოდებული
აღაპები და შეწირულობის სიგელები, რომლებშიც იხსენიება სამცხის გვარეულობის
პირნი. ყველა ეს მინაწერი ლიტოგრაფიის საშუალებით დართულია ბროსეს მიერ
პარიზში 1830 წ. გამოცემულს Chronique Géorgienne-ის ბოლოში, გვ. 113–128. ამავე
ხელნაწერიდან არის ამოღებული დავით და კონსტანტინეს ცხოვრება, რომელიც
ბროსეს აქვს გამოცემული თავის Éléments de la langue géorgienne-ში, გვ. 268–283.
საკვირველია, რომ ალ. ხახანაშვილი არც ბროსეს გამოცემას აღნიშნავს და
მინაწერთაგან მარტო ოთხიოდეს უჩვენებს, იმათაც შეცდომებით და ხელნაწერს
აკუთვნებს მე-16-17 საუკუნეებს. ამასვე იმეორებს დაბეჭდილი ფრანგული
კატალოგიც, მაშინ როდესაც მერმინდელ მინაწერებთა შორის ხელნაწერში ორი
დათარიღებულია. ერთი თარიღი უჩვენებს 1446 წელს, მეორე 1518 წ.8 თუ
მერმინდელი ხელით მიწერილი 1446 წ. ეკუთვნის, როგორ შეიძლება ამაზე წინ
დაწერილი ხელნაწერი მე-16-17 საუკ. ეკუთვნოდეს! ხელნაწერი ეკუთვნის მე-13-14
საუკუნეებს. საჭიროა ამ მინაწერების შესწორებული მეორე გამოცემა.

№ 5 (ძველი ფონდით 17)

მ ა რ ხ ვ ა ნ ი, in folio, დაწერილია ეტრატზედ ნუსხა-ხუცურის ხელით, ერთ

სვეტად. შეიცავს 292 ფურცელს – თავში და ბოლოში აკლია. პაგინაცია რვეულებზეა
აღნიშნული; რვეულში 8 ფურცელია. უკანასკნელი რვეულის სათვალავი ლჱ (38),
რომელშიაც 4 ფურცელია დარჩენილი, სულ აკლია 12 ფურცელი: თავში 8 (ანუ ერთი
რვეული), ბოლოში 4 (თუ ხელნაწერში სულ მხოლოდ 38 რვეული იყო). ამ წიგნში
სამი სხვადასხვა დროს გადაწერილი ხელნაწერია მოქცეული ერთ ყდაში. პაგინაციაც
ფურცლებისა ყდის გაკეთების შემდეგ არის აღნიშნული. სამივე ხელნაწერი შეიცავს
მარხვანს ანუ მის ნაწილს, მაგრამ თარგმნილს არა ერთი ავტორის, არამედ სამი
სხვადასხვა ცნობილი ავტორის მიერ. ეს გარემოება დაბეჭდილს კატალოგში
აღნიშნული არ არის. ალ. ხახანაშვილს ხელნაწერი არ აღუწერია (წიგნთსაცავში ვერ
იპოვნესო, აღნიშნავს). დაბეჭდილი კატალოგი ხელნაწერს საერთოდ აკუთნებს მე-
16-17 სს. ნამდვილად კი, პირველი ნაწილი ეკუთვნის მე-11 სს. ერთი რვეული შუაში
მე-12 და მესამე ნაწილი მე-13 საუკუნისაა.
პირველი ნაწილი ხელნაწერისა (1–216 ფურცელი ანუ პირველი კჱ რვეული)
შეიცავს დიდ-მარხვანს გიორგი მთაწმინდელის მიერ თარგმნილს და ამ დიდ-
მარხვაში მოიპოვება ანდრია კრიტელის დიდი კანონიც. ხელი წერისა ათონურია, მე-

7სოფელი თისელი ძევს აწყურის მახლობლად, სამცხეში. მისი დღემდის დაცული ეკლესიის აღწერა
იხ. ჩემს შრომაში. მოსკოვის არქეოლოგიური საზოგადოების გამოცემა: მატერიალი პო არხ. კავკაზა.
XII, გვ 5–7.

8 იხ. ბროსსეს გამოცემა, გვ. 113, 116.

11 საუკუნისა და ხელნაწერი თვით გიორგის ზედამხედველობით უნდა იყოს
გადაწერილი და ბოლოში ანდერძი ყოველ შემთხვევაში მისი ხელით არის
დაწერილი.
ამ პირველს ნაწილში ადგილ-ადგილ გადასული ტექსტი განახლებულია.
მეორე ფურცელზე ეხლანდელის ნაკლულის ტექსტისა ასეთი სათაურია:
«ჴორციელისა შაბათსა ჴსენება საუკუნითგან შესვენებულთა მამათა და ძმათა
ჩ¯ნთა: ჴ¯ჲ: ა: შ¯ნ მხ¯ყა და:»
აქედან დაწყებული აღდგომის კვირის გათავებამდის მთლად არის
წარმოდგენილი მარხვანი.
127-ე ფ. ასეთი სათაურია ტექსტისა: «მასვე დღესა დიდნი გალობანი
სინანულისანი თქმულნი ანდრეა კრიტელისანი რომელი იყო ი¯ჱლიმით ჴ¯ა: გ: რ¯ნ
წამის ყოფით.
138-ე–139-ე ფ. ტექსტში სინგურით წერია:
სახელითა: ღმრთისაჲთა: ესევე: დიდნი: გალობანი: ანდრეა: კრიტელისა:
თქმულნი: და ჩუენ (ჩ¯ნ): გიორგი: მთაწმინდელისა: მიერ: მეორის: გუერდსა
(გ¯რდსა): აღწერილნი:
154-ე ფ. ver. თავდება გიორგი მთაწმინდელის თარგმნილნი გალობანი ანდრეა
კრიტელისანი და აქ შუა ტექსტში ასომთავრულით იწყება გიორგი მთაწმინდელის
ანდერძი. სასვენი ნიშნები ანდერძისა ორ-ორი წერტილი, ხოლო ზოგჯერ ორ-ორი
წერტილი ხაზით შუაში-:- ნიშნები შესრულებულია სინგურით. ორ-ორი წერტილის
მაგიერ ჩვენ ვტოვებთ თითო წერტილს და სადაც ორ-ორი წერტილია ხაზით შუაში,
იქ ვტოვებთ მარტო ორ წერტილს. ქარაგმებს ვხსნით:
«ესე დიდნი. გალობანი. წმიდასა. მამასა ეფთჳმის: სავედრებელისა. პირსა ზედა.
ეთარგმნნეს: და მეტნი სახის მეტყოჳელებანი. და სახელნი დაეტევნეს. ვითა
გონებისა შემაქცეველნი. და ძნიად. გოჳლის ჴმის საყოფელნი: ვითა ჩუენცა
დაგოჳწერიან. თოჳსა (sic) ადგილსა. მადლითავე მისითა: კეთილად. და შოჳნიერად:
და ბრწყინვალედ:
შემდეგ ფრიად წვრილის ნუსხა-ხუცურით, როგორც ჩვეულება იყო გიორგი
მთაწმინდელისა:
ვინაჲთგან კულა: სახიერებამან ღმრთისამან: ღირს მყო მე გლახაკი გიორგი:
ხუცეს მონაზონი: მარხვათა და ზატიკთა: სრულებით თარგმნად: და წიგნი
შეჰმზადა. განმანათლებელი. კათოლიკე ეკლესიისაჲ: რომელ ჭეშმარიტად: სწორია
მისი: არცა ბერძენთა თანაღა იპოვების: არცა ქართველთა: მაშა (sic) შეუძლებელ იყო
ჩუენგან: ნაკლულევანებისა რაჲსმე დატეობაჲ: რომელი არა შუენოდა; ამის წმიდისა
გჳრგჳნსა შემკობასა: ამისთჳს: იგივე დიდნი გალობანი: კუალად ფრიადითა
შრომითა: მეორის გუერდსა ვთარგმნენ: ვითა ბერძნულად არიან: და ვით წმიდასა
ანდრეას: სახის მეტყველებანი: და სახელნი. ძუელთა: და ახალთა: წერილთაგან.
ეჴსენნეს: ვაჴსენენ: და სრულიად. და შუენიერად: სრულყო: ყოვლად ძლიერმან.
ღმერთმან:-
ხოლო ვინაჲთგან: წმიდასა მამასა ეფთჳმეს: სხუასა პირსა. ზედა აღეწერნეს: და
წმიდა ანდრეას. სხუასა: რავოდენნიმე (sic): დასდებელნი: და მე ვერცა. წმიდისა
მამისა. ეფთჳმესსავით: დავაგდებდი: ვერც წმიდისა ანდრეაჲსსა: ამის პირისათჳს:
უმრავლესი ძალი შემოვიდა: და უმრავლესი დასდებელი: ფსალმუნთა შინა: და
საჭირო იქმნა მუჴლთა: წურილადრე: დაჭრაჲ: გარნა ვესავღა: რომელ. დაღაცათუ:
დასდებელი გამრავლებული: გარნა არა: საწყინო [არ]ს9: არამედ ყოვლად. შუენიერ.
და სამგზის. საწადელი:-
ხოლო შენ ღმერთის მოყუარეო: იგიც გქონან. და ესეცა: რომლითაცა (რ¯ლთაცა)
აშენდებოდი: მასცა გალობდი: და ჩუენთჳს ლოცვა ყავ: რაჲთა (რ¯ა) უფალმან (ო¯ნ)
შემინდვნეს. აურაცხელნი. ცოდვანი ჩემნი: სხუაჲ კულა ყოველი. განგებაჲ. ამათ.
გალობათაჲ: ო¯ო ღ¯ღდყვი. და აქებდითი: და წარდგომაჲ. და ხუედრნი. და
სტიქარონნი: უკუანა თავის თავის. ადგილსა. ჰპოვნე. და მუნით ბრძანენ: ჩუენ თჳთ
იცის უფალმან: რომელ არა ვაგონებდით. თუ სიკუდილმან გუაცალოს. ამის წიგნისა
სრულ ყოფად. და ძალი ფრიადი. და სივრცე. წმიდისა ამის წიგნისა. ერეოდა
უძლურებასა ჩუენსა. ვინაჲთგან კულა სრულ ყო ღმერთმან: ყოველივე განგებაჲ.
მარხვათა და ზატიკთაჲ; მაშინღა ჴელვყავი თამა წმიდათა; და ყოვლად შუენიერთა:
გალობათაცა აღწერაჲ: ხოლო შენ ქრისტეს მოყვარეო: ამას ჩუენსა დაწერილსაცა
დასწერდი: და ჰმადლობდი ღმერთსა. და ადიდებდი: რომელმან უნაყოფოთაგან და
უღირსთა. ესე ვითარ ტკბილი. და სურნელი: ნაყოფი გამოგცა: და უსაზღვროჲ. იგი
ძლიერებაჲ მისი. უძლურებისა ჩუენისა მიერ სრულ ყო. ვითარცა თჳთ. ბრძანა.
პირითა მით უტყუველითა: რომლისა არს დიდებაჲ. თანა მამით და სულით
წმიდითურთ: აწ და მარადის. და უკუნით: უკუნისამდე. ამინ:-»
გიორგი მთაწმინდელის ტექსტს, როგორც ზემოთ აღვნიშნეთ, აკლია ბოლოში.
ეხლა უკანასკნელი სიტყვებია:
«შთაჰჴედ ქუესკნელთა ქუეყანისათა და შემუსრენ მოქლონნი საუკუნენი»...
216-ე ფ. წითლურით წერია ტექსტის ხელით:
იგივე გალობანი:
«ჩუენისა: უნდოჲსა: გულის ჴმის ყოფისაებრ: ორნივე: წ¯ე: დაუსხმანიღა:
რომელნიცა ჯერ გინჩნდენ: გალობდით: უგ¯ა: ჴი: დ:-»
ამ პირველ ნაწილში ხელნაწერისა მოიპოვება ერთი მინაწერი მე-16 საუკუნის
მხედრულით 22-ე ფურცლის აშიაზე verso:
ღმერთო:. ადიდე:. ორთავე:. შინა:. ცხორებასა:. პატრონი:. ორაჟავნდა:.
სიმრავლესა შინა:. ჟამთასა:. ამინ: და კირიალესონ:.
ორაჟავნდა და ორაჟავნდაშვილები სამცხე-საათაბაგოს დიდებულები იყვნენ და
ერთს მათგანს ქაიხოსრო ორაჟავნდაშვილს ათაბეგმა ქაიხოსრო II და მისმა ცოლმა
დედისიმედმა 1578 წელს მიათხოვეს თავიანთი ქალი თამარი, რომელიც შემდეგ,
1583 წელს ვახტანგ გურიელს მისთხოვდა და ბოლოს 1592 წელს მანუჩარ დადიანს
(იხ. რუსული თარგმანი ჩემი სამი ხრონიკისა, გვ. 203. შენ. 2). ალბათ, ამ
ორაჟავნდაზეა აქ საუბარი.
მეორე ნაწილი ხელნაწერისა შეიცავს ერთს რვეულს მეკთ (ფ. 217–222),
დაწერილია სულ სხვა ნუსხა-ხუცურით მე-12 საუკუნისა და წარმოადგენს
გაგრძელებას თუ შევსებას წინა ნაკლულოვანის ტექსტისას საზოგადოდ, თორემ ისე,
სიტყვასიტყვით შეწყვეტილ ტექსტს არ უდგება. ეს არის მიმატებული არსენ ბერის,
დავით აღმაშენებლის მოძღვრის თარგმანიდან, რაც ჩანს ამ რვეულის მეორე
ფურცელზე სინგურის სათაურიდან:
«გ¯ლბნი მეორედ მოსლვისანი: შედარებ¯ლნი თარგმნთნი არს¯ნი: ბ¯: გ¯ი: შემწე
და მჴ დღეს გ¯ნსაკრთომელსა».

9 ამ ასო «ს»-ის წინ ორი თუ სამი ასო ამოფხეკილია. უნდა იყოს: ანუ «არს» ანუ «იყჳს».
 ამ მეორე ნაწილს აქვს სათაური:
«იწყე აქეთგ¯ნ სტრიქონნი მარხვათანი მეზვერისა და ფარისევლისა
კვირიაკითგან: და სრულ იქმნებიან ნათლით შემოსილსა კვირიაკესა: ჴ¯ჲ: ა: ეჰა
დიდებ¯ლი:
ტექსტი რვეულისა იწყება ჴორციელის შაბათიდან და თავდება ყველიერის
ხუთშაბათით. და ჩვენ ვიცით, რომ ჴორციელის შაბათის საგალობელი და
ყველიერის ხუთშაბათისა უთარგმნია არსენ ბერს, დავით აღმაშენებლის მოძღვარს
(კ. კეკელიძე, ძველი ქართ. ლიტერატურა, I, გვ. 321).
რვეულის ბოლოს 222-ე ფურ. verso წერია ტექსტის ხელით:
«მკითხველნო ჩ¯მ ცდვილისათ¯სცა ლც¯ვა ყ¯ვთ»:.
მესამე ნაწილი წიგნისა იწყება 30-ე რვეულით (ფ. 223–292), დაწერილია სხვა
ეტრატზედ მე-13 საუკუნის სულ სხვა წვრილი ნუსხა-ხუცურით. ეტრატი
წარმოადგენს პალიმპსესტს, რომელზედაც წინათ წერებულა ასომთავრული ტექსტი
(ფ. 249–292).
ხელნაწერი შეიცავს არსენ ბერის მიერ თარგმნილს მარხვანს ანდრია კრიტელის
დიდი კანონითურთ, რომელიც მას უთარგმნია დავით აღმაშენებლის ბრძანებით. ეს
ნაწილი წიგნისა გადაწერილი უნდა იყოს ვინმე ოქროპირის მიერ, რომელიც
მოხსენებულია ანდერძის ბოლოს (ფურცელი 248) მინაწერში:
«ქ¯ე ღ¯ო შ¯ე ს¯ლი ოქროპირისაჲ ა¯ნ»:
ერთ ადგილას ტექსტში ეფრემ მცირის თარგმნილი საგალობელიც არის
მოყვანილი, რომელსაც მიუძღვის ასეთი სათაური (ფ. 273) წითლითურთ:
«ახლად თარგმნილი უსაკუთრესითა სიტყვჳთა ეფრემის მიერ ბრძანებითა
ბერისა ანტონი ტბელისაჲთა».
შემდეგ მოყვანილია ეფრემის თარგმნილი საგალობელი10.
მერმინდელი ხელით მინაწერი ამ მეასე ნაწილში ხელნაწერისა იპოვება
მხოლოდ 231-ე ფ. v. ხუცურით:
«ქ. ქ¯ე: ღ¯ო შ¯ე:. ნავროზ:. მეუღლე:. მისი:. გულიგ. მის შვილს:. მიდიჩ: შ¯დს: ღ¯ნ:
ა¯ნ: ა¯ნ კ¯ნ».
ამ ნაწილს ხელნაწერისა თავი აკლია და ტექსტი ეხლა იწყება შემდეგის
სიტყვებით:
«სამთა ყრმათა ც¯ცხლი მძაფრი ს¯ჴმილისჲ დაშრიტეს.
რ¯ლთა იგი თ¯ა ჩ¯ნცა მის მ¯რ გც¯ხვნე ქ¯ე ღ¯ო ვ¯ა
კ¯ ცთ
მ¯ყრე ხ¯რ:.
საზოგადოდ ტექსტი ამ ნაწილში იწყება ყველიერის ხუთშაბათით.
237-ე ფ. v. ტექსტს წითლითურთ ასეთი სათაური აქვს:
«მეხუთისა შჳდეულისა ხუთშაბათსა სტიქარონნი სინანულისანი. მწუხრი.
უწინარეს დიდთა გოლგოთასა. ბერძულსა ანბანსა ზ¯ა ჩავლენ. ვ¯რ ესე
თითოეულისა მხ¯ლისა და თ¯ა დაგჳსუმს ასოჲ თ¯სი»:
248-ე ფ. v. ტექსტის ხელით, მაგრამ უფრო წვრილი ნუსხურით წერია ასეთი
ანდერძი:

10
საუბარია ეფრემ მცირეზე და მის სულისჩამდგმელზე ანტონ ტბელზე (კეკელიძე, ძველი ქართ.
ლიტ., I, გვ. 107, 256, 262, 271-272).
 «ვინაჲთგან წმიდათა მამათა და დიდთა მნათობთა ჩუჱნდა (ჩ ნთა): ეფთიმეს
და გიორგის: მთაწმიდელთა ორგზის ეთარგმნნეს წმიდისა ანდრეა მღვ-
დელ მთავრისა მიერ აღწერილი ესე დიდნი გალობანი და პირველსა მას მეტად
შეემოკლნეს რომლისაჲსა წერილისა სახისმეტყველებანი ყოვლად
დაეტევნეს. და ნაცვლად მათდა. სინანულისა დასდებლები (დს¯ბლბი) შეემატა.
ვითარცა მხოლოდ სულთა სარგებლისა ხოლო. და არცა წიგნთა
ძალი სიტყუა (ს¯ტა) უცთომელობისა მეძიებელისა. ამას თანა (ამ ს თ¯ა).
მისაგანცა თჳსისა (თჳს სა). და ძილის პირთაგან. შეეცვალნეს. ხოლო მეორესა
განერცვნეს რამეთუ წმიდისა თქმული ყოველი სრულობით ეთარგმნა და
მამისა ეფთჳმეს შემატებულნი იგი დასდებელნი არავე დაეტევნა.
ვითარცა თჳთ აღიარებს. დაღათუ ჴ¯ჲ არა შეეცვალა. გარნა თჳსთა ძილის პირთა
ზედა თარგმნაჲ არცა მას გულს ედგინა:
ესრეთ მძიმედ რადმე ტჴრთად ზედა ესხნეს ორნივე იგი ყოვლისა
საქართველოჲსა ეკლესიათა. ამისთჳს მე უ-
ღირსმან მონამან საღმრთოჲსა მონებისა ღირს ქმნულთამან მდაბალმან
მონაზონმან ა რ ს ე ნ ი ვიკადრე მესამედ თარგმნაჲ
ამათ. უცვალებლად თჳსისა ჴმისაგან თჳთ მათვე ძილის პირთა რ¯ა მათთა
რომელთა ზედა წმიდასა ანდრეას ბერძნულად აღეწე -
რნეს. ბრძანებითა და ჯერჩინებითა. კეთილად მსახურისა და ღმრთივ
დაცულისა დავით (დ¯თ) აფხაზთა და ქართველთა და რანთა. და კახთა მეფისაჲთა.
რომელმან მე თარგმანებისა. ხოლო წმიდასა მწყემსთა მწყემსსა. იოანეს (ი¯ნეს).
ქართლისა11: კათალიკოზსა. ვითარცა კეთილად მორთულსა
ორღანოსა ჴელოანთა მთავარსა სულისსა. ჴმისაჲ დადებასა ჴელყოფაჲ გჳბრძანა
ვინაჲთგან უცხო იყუნეს
ენის ჩუჱნისაგან. ძლისპირნი ამათნი რომელი ესე ორივე სრულყო მოხედვამან
საღმრთომან და მეოხებამან ყოვლად უხრწნელისა ღმრთი-
ს მშობლისამან. და უზაკველი და შეურყეველი ჭეშმარიტებაჲ. წინა დაუყო
ყოველთა ტრფიალთა სიტჳსათა. და მოსურნეთა
ჭეშმარიტებისთა. ხოლო კნინ სიტყუათა და ქუჱმეთრვეთა სასწაული სიტყჳს
საცილობელი. რომელსა შინა რაჲთურთით არა რაჲ ჰრთავს
ჩემი. თჳნიერ ცთმოლებისა. ხოლო კეთილი რომელიცა არს. ყოველი
შემდგომად ღმრთისა და საღმრთოთა (ს¯ღთ¯ თა) დიდისა მეფისა და წმიდისა თჳთ
მპყრობელი-
სა ჩუჱნისა და მისისა გულს მოდგინებისაჲ არს. რომლისანი მრავალმცა არიან
წელნი ცხოვრებისა მისისანი. და საუკუნო კურთხევაჲ:.»
263-ე ფ. v. ტექსტის ხელით და სინგურით წერია:
«გალობანი წმიდისა და დიდისა ხუთშაბათისნი რომელთა თავნი იტყჳან
ბერძულებრ:
გრძელსა მეხუთესა გრძელსა გალობასა ვგალობ»:
ასეთია შინაარსი ამ ფრიად ძვირფასი კრებულისა, რომელშიაც მოიპოვება
დიდმარხვანი და ანდრია კრიტელის დიდი კანონი ანუ დიდნი გალობანი,
რომელნიც პირველად უთარგმნია ეფთვიმე მთაწმინდელს, მაგრამ მას გამოუშვია
სახისმეტყველებანი ანუ ალლეგორიული ახსნანი სამღთო წერილისანი და

11 ეს სიტყვა მარტო ასო «ქ»-ით არის წარმოდგენილი.

სამაგიეროდ შეუტანია შიგ, თავის მხრით, რაოდენიმე დასდებულნი ანუ სინანულის
საგალობელნი, ამასთანავე საგალობელის ხმანიც შეუცვლია. გიორგი მთაწმინდელს
სრულად უთარგმნია დიდმარხვანი და ანდრია კრიტელის საგალობელნი, მაგრამ
ეფთვიმეს ავტორიტეტით შეპყრობილს ვერ გაუბედავს ხელი ეხლო შემატებათათვის
და ისინი სრულად დაუტოვებია. ამით ეს წიგნი გაზრდილა, დამძიმებულა, დედანს
დაშორებია და, არსენ ბერის თქმით, მძიმე ტვირთად დასწოლია საქართველოს
ეკლესიას. ამას უნდა დავუმატოთ კიდევ, რომ გიორგი მთაწმინდელს თუმცა ხმანი
არ შეუცვლია, მაგრამ ქართული გალობისათვის ვერ შეუფარდებია. ამიტომ მეფე
დავით აღმაშენებელს უბრძანებია ცნობილი მეცნიერის და მისი მოძღვრის არსენ
ბერისთვის მესამედ შეუცვლელად ეთარგმნა ეს წიგნი, ხოლო ქართული გალობის
უაღრესად მცოდნე ხელოვანის, ქართლის კათალიკოზ იოანესათვის დაუვალებია
ქართულ კილოზე გაეწყო საგალობელნი, ვინაიდან ბერძნული გალობა არ ეწყობოდა
ქართულს. ამ საყურადღებო მოწმობით, როგორც სამართლიანად შენიშნავს ნ.
მარრი, იხსნება თეორია ქართული გალობის ბერძნულიდან წარმოშობისა. ამ
ხელნაწერის შემცველი ცალი, რამდენადაც ვიცით, ტფილისის მუზეუმებში არ
მოიპოვება, მაგრამ დაცული ყოფილა სინას მთაზე № 70 (იხ. ნ. მარრის წინასწარი
მოხსენება სინას მთაზე მოგზაურობისა (გვ. 42) და მისივე ისტორიული მიმოხილვა
ძველი ქართული ეკლესიისა (ცერკოვნია ვედომოსტი, 1907 წ., №3, დამატება, გვ. 141–
142; კეკელიძე, ძველი ქართ. ლიტ., I, გვ. 230–320). მაკლერის კატალოგში ხელნაწერი
სვინაქსარად არის ცნობილი.

№ 6 (ძველი ფონდით 18)

ს ა გ ა ლ ო ბ ე ლ ი მ ა რ ტ ი ს თ ვ ი ს ა თ ვ ი ს დაწერილია ეტრატზედ ნუსხა-

ხუცურით, ერთ სვეტად, პატარა ტანისა in 16 . თავში აკლია ერთი რვეული ანუ 8
ფურცელი, აკლია ბოლოშიც. უკანასკნელი რვეული მეთვრამეტე სრულია. ტექსტი
მოყვანილია 25 მარტამდის, დაცულია 138 ფურცელი. საგალობლები სრულად არის
წარმოდგენილი მარტის ოთხიდან ოცდახუთამდის. ხელი მე-12-13 საუკუნის არის.
ალ. ხახანაშვილი დროს არ უჩვენებს. ფრანგულს კატალოგში ნაჩვენებია მე-17
საუკუნე.
დასაწყისი ტექსტისა:... გ¯ლ¯ბით შევასხმიდეთ. რ¯თა დაწუჱს უღთ¯ბისა ნივთი
ღ¯ის მსხრ¯ბით. და იგი გ¯ნნთლებ¯ნ ყ¯ა ს¯ფლსა. ღ¯თივ შ¯ნრ¯დ. ვ¯ა მნათობნი ყ¯დ
ბრწყინვლენი. ბოლო: რ¯ჩმდა. სახედ აღივსო ცუარითა. საწ¯მისი გედეონისი.
თჳნიერ ჰერთაჲსა. და კ-დ სამნი ყრმანი. სახედ ჩ¯მდა დაიცვნა საჴმლ¯მნ. და აწ.
განწმედილითა. ს¯ლითა...

№ 7 (ძველი ფონდით 20)

ს ა გ ა ლ ო ბ ე ლ ი ი ვ ლ ი ს ი ს თ ვ ი ს ა (და არა ივნისისა, როგორც უჩვენებს

კატალოგი), ეტრატზედ ნუსხა-ხუცურით, ერთ სვეტად, შეიცავს 61 ფურცელს in 4
პატარა ფორმატისა. თავში და ბოლოში აკლია. ტექსტი იწყება 8 ივლისიდან,
თავდება 31 ივლისით. მაგრამ ამ დღის საგალობელნი სრულად არ არიან დაცული.
ეს ხელნაწერი ნაწილია დიდი ხელნაწერისა, რომელსაც თავში აკლია 23
რვაფურცლიანი რვეული. იწყება 24-ე რვეულიდან. ამ რვეულს თავში აკლია ერთი
ფურცელი. უკანასკნელი რვეული ოცდამეთერთმეტეა, რომელსაც აკლია ბოლოში
ორი ფურცელი. ხელი მე-12-13 საუკუნის არის. დაბეჭდილ კატალოგში ნაჩვენებია
მე-7 ს. 47-ე ფურცლის ნახევარია დაცული მერმინდელი ხელით მინაწერი 58-ე
ფურცელზე v. მე-14 ს. მხედრულით:
ამა: ყლთა: წამიდათა მდლითა: იოვანესა: და მშობელთა: მისთა: შეუნდავნ:
ღთმან: ამინ: ამინ:
59-ე ფურცელზე v. მე-13 საუკუნის მხედრულით:
ქ: პირველად: ცხოვრებაი: და: შემდგომად წამებაი: ყ-ლად ქებოლისა: და:
სამგზის: სანატრელისა...

№ 8 (ძველი ფონდით 19)

ს ა გ ა ლ ო ბ ე ლ ნ ი ი ვ ლ ი ს ი ს თ ვ ი ს ა. ეტრატზედ, ერთ სვეტად, ნუსხა-

ხუცურით in 40, შეიცავს 102 ფურცელს. ტექსტი იწყება პირველი ივლისიდან და
თავდება 31 ივლისით, მაგრამ უკანასკნელი დღის ტექსტი დამთავრებული არ არის,
ცოტა აკლია. უკანასკნელ მეცამეტე რვეულს ერთი ფურცელი აკლია. ხელნაწერი მე-
12 საუკუნეს უნდა ეკუთვნოდეს. დაბეჭდილ კატალოგში მე-17 საუკუნეა ნაჩვენები.
96-ე ფურცელზე r. მხედრულად წერია:
ქ:. ადიდე: ღმერთო: ბატონი: კ-ოზი: დიასამიძე: იოვან.
69-ე v.–72 r. მოყვანილია საგალობელნი ბარალამ კავკასიელი-სჲ:
ივლისსავე ოცხა წი¯სა ბარალამ კავკასიელი-სჲ: ა: გ¯ი: გხ¯ნნი საჭურველი პ-
ტიოსნისა. ჯ¯ა შეიჭურე ნტ რო ბარალამ და მადლი, სლი¯საჲ მოიღე და მტერთა
მძლე იქმენ12...
31-ე ფურ. r.–32 v. თ¯ა ივლის¯სა: თ: წ¯სა ბაგრატ მოციქულთა სწორისა
ტავრომანელთა. მღდლთ მძღ¯რისჲ.

№ 9 (ძველი ფონდით 21)

თ ა რ გ მ ა ნ ე ბ ა ჲ მ ა თ ე ს ს ა ხ ა რ ე ბ ი ს ა ჲ ი ო ა ნ ე ო ქ რ ო პ ი რ ი ს ა ჲ,
ნათარგმნია ექვთიმე ათონელის მიერ, in folio, დაწერილია კარგ ეტრატზედ ლამაზის
ნუსხა-ხუცურის ხელით, ერთ სვეტად. თავში და ბოლოში აკლია. დაცულია
განმარტებანი მე-12 თავიდან მე-19 თავამდე. შიგადაშიგ ფურცლები აკლია. ტექსტი
სახარებისა ზოგჯერ სინგურით არის მოყვანილი. ტექსტების შემდეგ, აქა-იქ,
ტექსტისავე ხელით და სინგურით მოხსენებულია ლეონტი მროველი. მაგალითად,
მე-11 ფურ. v.:
ქ¯ე აკურთხე ს¯ლითა. ლეონტი. მრუელ. ებისკოპოსი ა¯ნ:.
34-ე ფურ. r.: ლეონტი ადიდეო ო¯ო ღ¯ო.
65-ე ფურ. r.: ქ¯ე მეუფე ყ¯ლთა ს¯უკნთო. დაიცევ ს¯ლიერად და ჴორ¯ციელად.
ლეონტი მთავარეპისკოპოსი ან:.
116-ე ფურ. v.: ქ-ე ადიდე ლეონტი ა-ნ:
121-ე ფურცელზე ქვემოთ აშიაზე მხედრულად:
უფალო: შეიწყალე: ტფილელ: ყოფილი: ონოფრე: ერისთავი: ძე (sic). ონოფრე
(ხელჩართულად)13.

12ბარალამ კავკასიელის ცხოვრება, იხ. ნ. მარრი, ზაპისკები რუსულ არქეოლ. საზოგ. აღმოსავ. გან. ტ.
13, გვ.109–114.
 ხელნაწერი ეკუთვნის მე-11 საუკუნეს. ამ საუკუნეში ცხოვრობდა ლეონტი
მროველიც14. ალ. ხახანაშვილი დროს არ განმარტავს, არც ერთს მინაწერს არ
უჩვენებს. მაკლერით ხელნაწერი ეკუთვნის მე-16-17 სს.

№ 10 (ძველი ფონდით 7)

ვ ე ფ ხ ი ს ტ ყ ა ო ს ა ნ ი, in folio, დაწერილია ქაღალდზე მხედრულის ხელით

მე-18 საუკუნისა. ყდა აქვს სპარსული რიგისა. შეიცავს 258 ფურცელს. ამათში 249
უჭირავს ვეფხის-ტყაოსანის ტექსტს თავისი გაგრძელებით და გადამწერის
ბოლოსიტყვაობით. შემდეგ სამთვარიო (251–258), სხვადასხვა ლექსები (257–258);
შემდეგ მრავალი დაუწერელი ფურცელია და ბოლოს ცალკე აღნიშნული
სათვალავით 7 ფურცელი შეიცავს რიცხვების გამოხატვას ქართული ანბანით,
ნაჩვენებია, რომელი ანბანი რომელ რიცხვს აღნიშნავს (ფ. 2); სხვადასხვა
ავადმყოფობის წამლისა რეცეპტები (ფ. 3–4), შემდეგ თათრული ლექსები
მხედრული ასოებით დაწერილი (ფ. 5–7).
249-ე ფურცელზე v. გადამწერს შემდეგი ბოლოსიტყვაობა აქვს:
ქ: ესე: ლექსი: აღამა: გარდმოწერა: რომ: არის: ბეჟოას ქალი(ა) ცოდვისგან:
ვიტანჯვი: მიშველეთ: ვინც: ხართ: სომხის: შვილია ადრე: წავიდეთ: სამოთხეს:
შემოვიხვეწოთ: მარიამის: შვილია და: ცოდვისგან: მალ: ნუ: მომკლავს: ვიაჯი თუ.
თვის: დედის შვილია
ვახსენოთ დამბადებელი: ღ¯მერთი: არსისგან: ქებული
წამის: ხანს: შექმნა: ქვეყანა: არვისგან: დაწუნებული
ადამ: და: იევა: დაბადა. კაცთაგან: შედარებული
და: ანგელოზთ: დასი: შეამკო: ეშმაკი: შექმნა: ვნებული
და: ესე: წიგნი: არის: სამასი: რვა: არის: დაიწერა (sic):
შამახის: წიგნი: იანვრის. იე. გასულსა: ქ¯კს ტჟ:.
წინანდელ წაშლილ ამოფხეკილ სიტყვებზედ სწერია ჯვარიანს სამკუთხედში:
ქ:. მე: ცოდვილი: ყაზანთ: ბეჟოას: ქალამა: დამიწერია: ვეფხის: ტყაოსანი:
ვინცა: გამოასწერას: შენდობა: მითხრას: მე:
ქორონიკონი ნათლად დაწერილი ტჟ უდრის 1702 წელს. დაბეჭდილ
კატალოგში ავტორს ასო ჟ ნი ზ-ად მიუღია და ამ შეცდომით აიხსნება, რომ
ხელნაწერს 1619 წელს მიაკუთვნებს. რომ ხელნაწერი მეთვრამეტე საუკუნეს
ეკუთვნის, ეს გარდა წერის ხასიათისა იმითგანაც ჩანს, რომ ქაღალდის ნიშანი,
ფილიგრანი, წარმოადგენს ღერბს ორი ლომით აქეთ-იქით და ქვემოთ უზის
ლათინური ასოები AJ, მეორე ფურცელზეა ID.

13 ონოფრე, იოანე ნათლისმცემლის წინამძღვარი, მოხსენებულია ხელნაწერთა მინაწერებში 1697 და

1705 წლებში. იხ. თ. ჟორდანია, კატალოგი საეკლ. მუზ. I, გვ. 122, 200.
14 ჩვენის აზრით, ეს უნდა იყოს ის ლეონტი მროველი, რომელიც არის ავტორი ქართლის ცხოვრების

დასაწყისის «მეფეთა ცხოვრებისა», ამავე «ქართლის ცხოვრებაში» ჩართულის «წმიდა ნინოს

ცხოვრების ვარიანტისა» და «არჩილ მეფის წამებისა». იხ. მარიამ დედოფლის ქართლის ცხოვრების
ვარიანტი, გვ. 211; ივ. ჯავახიშვილი, «ძველი ქართული საისტორიო მწერლობა», 1, 113, 262; კეკელიძე,
«ძველი ქართული ლიტერატურა», 1, 238–241. ლეონტი მროველი მოხსენებულია კიდევ ერთს
ივერიის მონასტრის ხელნაწერში № 65 (ნ. მარრი, ზაპისკი... ტ. 13, გვ. 84).
 ხელნაწერის პირველ გვერდზეც არის იგივე წელი აღიშნული
ოთხსტრიქონიან წარწერაში, რომელიც შემდეგ წაუშლიათ, მაგრამ ქორონიკონი ტჟ
კარგად ჩანს. ეს წარწერა ტექსტისავე ხელით არის შესრულებული და შეიძლება
საზოგადოდ მისი აღდგენა:

ქ:. დაიბადა: ქალაქსა: ღამით (?) ფახოას: (?) ქალი:.

ელენე:. მარტისა:. ათი:. გასული:. დღე:.
ნავრუზჩი:. შავთიას: (?) დილას:. მთვარეს:
ექვსი:. გასული:. ქ¯კს:. ტჟ):

ხახანაშვილსაც ქორონიკონი წინათ მოხსენებულ ტზ-ანად წაუკითხავს (1619),

ლექსი და მინაწერები არ მოჰყავს.
ტექსტი ვეფხისტყაოსნისა ამ ხელნაწერში ძლიერ გარყვნილია. გადამწერი
სომხის ქალი ვერ ყოფილა დახელოვნებული ქართულში, ხელიც უშნოა. ამიტომ
¯სამართლიანად მიუწერია ვიღაცას პირველ გვერდზე წიგნისა: დიაღ ცუდი
ვეფხისტყაოსანია. არც მეთვრამეტე საუკუნეში ყოფილა მოსაწონი ეს
ვეფხისტყაოსანი: 112-ე ფურცლის აშიაზე v. მერმენდელის ხელით ასეთი მინაწერია:
მე. იოანემ. სარდლის. შვილმა. ვნახე. მინდა. მეყიდა. და. აღარ. ვიყიდე. 1723.
იოანე (ხელჩართულად 113-ე ფურცელზე).
ამრიგად, ეს ვეფხისტყაოსანი გადაწერილია შემახიას უვიცი სომხის ქალის
მიერ 1702 წელს.

№ 11 (ძველი ფონდით 24)

ნაკლული ვ ე ფ ხ ი ს ტ ყ ა ო ს ა ნ ი ვახტანგის მიერ დაბეჭდილი ტფილისში,

1712 წელს. ყველა ნაკლული ტექსტი შევსებულია ხელნაწერით ლიბერ ქაღალდზე,
ნუსხა ლამაზის მხედრულით in folio, ქართული ტყავგადაკრული ყდით. სულ 172
ფურცელი, უმეტესი ნაწილი ხელითაა ნაწერი მე-19 საუკუნის დასაწყისში. ბოლოს
უწრია:
სრულ იქმნა წიგნი ესე ყ¯ის ზნეობებით სავსე, რომელიც ივერიელთა შ¯ს
იპოებიან. დემეტრე (ეს სიტყვა ჩართულად წერია).

№ 12 (ძველი ფონდით 8)

ვ ე ფ ხ ი ს ტ ყ ა ო ს ა ნ ი in 4 , გაკრული ნუსხა მხედრულის ხელით ლიბერ

ქაღალდზე, შეიცავს 120 ფურცელს უბრალო კარტონის ყდაში. გადაწერილია 1811
წელს, რაც ჩანს ბოლო მინაწერიდან: დიდება ღთ¯სა ყ¯ლთა მასრულსა:
სრულ იქმნა ჴელითა იოანე იალღუზის ძისათა: -
აპრილის 21. წელს 1811.
ფრანგული მინაწერი წინა ფურცელზე უჩვენებს, რომ ხელნაწერი შეუწირავს
ბიბლიოთეკისათვის გამბას 17 ნოემბერს 1824 წ. გამბა საფრანგეთის კონსული იყო
ტფილისში.

№ 13 (ძველი ფონდით 9)
 ო მ ა ი ნ ი ა ნ ი ანუ ამბავი პირველი ტარიელის შვილის სარიდანის ძის ომაინ
ჭაბუკისა, რომელიც ამბავი ესე ზედ მოებმის ამბავსა ვეფხის-ტყაოსნისასა, ლექსად
და პროზად.
მხედრული ხელნაწერი in 4 , 20,5X16 სანტ. დაწერილია ქაღალდზე
მომრგვალო მხედრულით, შეიცავს 91 ფურცელს, ყდა კარდონისაა, მიხაკისფერ
ტყავგადაკრული, სრულია, გადაწერილი დავით რექტორის მიერ 4 თებერვალს, 1782
წელს. სათაურები წითლურით არის ნაწერი. ბოლოში შემდეგი ლექსები და
ბოლოსიტყვაობა არის დავით რექტორისა:
ჩემი თქმული შაირი მაჯამად. და თავად კიდურ-წერილობადვე. ჩემივე
სახელი დავით:
დანაკოდარი სევდითა, გული რა დილეგს იგება:
ვიზრახე მუნით აზატმან, წყლულო ჭირს ქვერად იგება:
ისრით ნაკრავსა სჯეროდი, კვლა ლახვარს გულს ნუ იგება:
და თვალთა ნუ იდენ ცვარებსა, იგივე დღე შენდა იგება:
ესეცა მისებრივი არს მაჯამა. და კიდურ-წერილობად.
სახელი ჩემივე დავით.
დასაწყისის მქონე სჭმუნავ, სოფლისთა მომკლეს მანათა:
ვის მისცნა გაუმწარებლად, შვებანი ან ცხრა მანათა:
ისწავენ გაქვსვე დასასრულ, დაგიშთენ ოქრო მანათა:
და თლილთ სპეკალთ დღეს შენ ოხრება. ხვალე მე მომცნა მა-
ნათა:
ამის წიგნისა მხილველთა. და მკითხველთა. ჩემ მცირისა ალექსის ძის
დავითისაგან. ესრეთ მორეგეხსენნესთ:
ამისი კითხვა. ჩემგან ვიცი რომენ. სათანამდებო არაა. არამცა აღწერა. და ეს
გვარსა ბედითსა მსოფლიოთა ჰამბავთა ზედა დაშრომა. მარა სევდიანი საწოლთა
ვსჯე ნუგეშთაგან ყოლე მოკლებული. ურვანი გულთა მიღამებდა და კაეშანთა
განმრავლებანი ტყვე მყოფდეს სოფელსა არა ვემდუროდი. მარა უბრალოდ დასჯასა
ჩემსა ვკვირობდი. და ესეცა სოფლისაგან, რომენ არცა მე მიტევა თვისისა მზაკვრისა
მშვილდისაგან მტერობის ისარ განწონასა მიუცილებელი. მარმენიოსმან ჩემმან
დამსვა საგნად: და ესდენთა ჭირთა განმრავლებამან. საპყრობილეთაგან შემდგომად
გამოსვლამან ესე აღმაწერინა. ცუდად ჯდომას ცუდი შრომა ვირჩიე:
ე გ რ ე თ ვ ე ჭირთაცა შინა ვხადო და მიხსნნეს და მასვე სრულიად უცნაურსა
დ არა სრულიად უცნაურსა ღ¯თსა დიდება:
ს რ უ ლ იქმნა ძალითა ღ¯ისათა: თთვესა. ჶებერუალსა. რიცხუსა 4. წელსა.
სიტყვისა ღ¯ისა: 1782.
დავით (ჩართულად).
მაღალ კეთილ-შობილი. ალექსის ძე რეკტორი დავით:
გამართულია. დასაწყისი:
დიდება შენდა დიდება, ღ¯თო ყოვლისა მპყრობელო
ჩვენ უღირსთაგან უცნობო, ენითა მიუთხრობელო.

ტექსტს წინ უძღვის ცალკე ფურცელზედ ფერადებით დახატული ერთი

ლამაზი სურათი სპარსული ყაიდისა, რომელიც შეიცავს ჩვენის აზრით მისრეთის
ჴელმწიფის ალიექბარ მეფისაგან თავისის ასულის ბურნა მელიქის ჴელმწიფედ
დასმის გამორჩევას. წარმოდგენილნი არიან: ხელმწიფე ტახტზე ფეხმოკეცილი, მის
წინ სავარძელში მისი ასული, აქეთ-იქით ორნი წინამდგომნი ფალავანნი, ქვემოთ
მეჩონგურე და მერიქიბე ტაბაკით ბრეწეულების (?) მიმრთმევი.
ტექსტის დასაწყისში ფერადებიანი «ზასტავკა» არის.
პირველ გვერდზე სურათიანი ფურცლისა წარწერაა მხედრულით:
წიგნი ესე ეკუთვნის ვიკტორ ლეტელიეს.
აღწერა ამ ხელნაწერისა ნახე ბროსსეს N. J. As. t. XIV.

№ 14 (ძველი ფონდით 10)

მ ი რ ი ა ნ ი, მხედრული ხელნაწერი, in 40, დაწერილია ქაღალდზე გაკრული

ნუსხა მხედრულით, შეიცავს 32 ფურცელს, კარდონის ყდით. პირველ გვერდზე
უწერია:
წიგნი ესე ეკუთვნის ვიკტორ ლეტელიეს. ტექსტის დასაწყისს «ზასტავკა»
ყვავილების ფერადებით შესრულებული.
სათაური: ქ: ამბავი პირველი თავი. დასაწყისი. ჩინეთის ჴელმწიფისა. ამა
წიგნსა ეწოდების მირიანი.
სათაურები ნაწერია წითლურით. ფილიგრანი ქაღალდისა: გვირგვინი ვენახის
ტევნით ქვემოთ.
ტექსტის დასასრულს მარცხნივ და მარჯვნივ წითლურით ნახატავი ორი
ვარსკვლავის მსგავსი ყვავილია და ირგვლივ წარწერა აქვს: მარცხნივ: ქ. აღიწერა.
მირისა. და ნომი. ავთამის. წიგნი. სამსა. დღესა. (მარჯვნივ): და ამისთვის. ვერა. რაი.
კაი: ჴელი. იქმნა. თებერვალს (ი¯ ზ). ქ¯კს: უნჱ: (=177015).
პირველ ფურცელზედ ხელნაწერისა ორი ლექსია:
ქ: გიწერს ბრძენი შვენიერად. უმსგავსოსა საქმეს მოვლად.
რას მაშიყობ ვისსა ვისი, მეცნი მბრძნობენ ძველსა პროვლად.
ტრფიალების მდრანჯვნელობით: ყვავი ვარდზედ. ნუხარ მროვლად.
და შენებრ მსგავსთა ელაციცე. მათთა ბაგეთ. იყავ მლოვლად:
ქ: იგი არის საწყინო. გულისა გასაგმირალი:
უჴამსად ქცევა მიდამოდ. ჰყავს საყვარელი მტირალი:
სურან ერთ ოდენ სხუად არად. მუხთალ არს გულ მწირალი.
თვალთა რად ჰფარავს ფიცებით იგი არს მისდა მზირალი.

მეორე გვერდზე პირველი ფურცლისა ექვს ტაეპოვანი ლექსია კიდევ უშნო

მხედრულით შემდეგ მიწერილი, უმნიშვნელო და ულაზათო.
ბროსეს აღწერა ნახე. N. J. As. t. XIV, გვ. 240–241 და t. XVI. აგრეთვე Bul. de
l’Acad. XXIV, გვ. 296–297.

№ 15 (ძველი ფონდით 11)

ბ ა რ ა მ ი ა ნ ი, in 4 , დაწერილია ლექსად გაკრული მხედრულით, 83

ფურცელი. ყდა ხისაა შავტყავგადაკრული, ზედ ჩაღრმავებული სახეებით,
სათაურები წითლურით. ეს ბარამიანი გალექსილია ონანა მდივნის მიერ 1726 წელს

15 ალ. ხახანაშვილს 1760 წელს აქვს ნაჩვენები კატალოგში XIX ს.

ასტრახანს, ხოლო ჩვენი ხელნაწერი გადაწერილია მისი დედნისგან 1769 წელს, 6
ოკტომბერს და გამართულია (შესწორებულია) დავით რექტორის მიერ 1788 წელს.
ყველაფერი ეს ცხადად ჩანს ბოლოსიტყვაობიდან და წიგნის ბოლო მინაწერებიდან.
არ არის მართალი, ვითომც ხელნაწერი გადაწერილი იყოს დავით რექტორის მიერ.
ეს დავით რექტორის ხელი არ არის, ხოლო მისი ხელით არის დაწერილი 82-ე
ფურცლის ბოლოს (recto) შემდეგი ფრაზა:
ქ: ეს ბარამიანი. მე. ალექსის ძემ დავითმან. გავმართე.
ქ¯კს უოვ. თიბათვის: თ:

ონანა მდივნის ავტოგრაფი ბარამიანისა მე აღწერილი მაქვს დაწვრილებით

(იხ. აღწერა წერა-კითხვის ხელნაწერებისა, რუსულ ენაზედ, ტ. I, გვ. 532–540).
ზემოხსენებული ხელნაწერი იმეორებს ყველა ცნობებს და მინაწერებს
ავტოგრაფისას, გარდა მრავალის ანბან-ქებისა, რომელიც ყოველ გვერდზე აქვს
დამატებული დედანს პირველ ნახევარში ხელნაწერისა. აგრეთვე ჩემს შრომაში
სრულად არის წარმოდგენილი ყველა სხვა ხელნაწერის აღწერა ბარამიანისა (გვ. 541–
562). ამიტომ აქ უკვე ცნობილს მინაწერებს აღარ ვიმეორებ. თარიღი აღნიშნულია
ხელნაწერში ხუცურის ასოებით:
სრულ იქმნა ოკტომბრის: ვ: ქ¯კს. უნზ: (=1769).
პირველ გვერდზე ხელნაწერისა სხვადასხვა ხელით სწერია ცნობილი
ლექსები: ყაფლანიშვილის საბასი (საბა ორბელიანის), არჩილ მეფისა, ვახტანგ
მეექვსისა, სხვათა შორის მისი გამოცანა:
ორსა ბროლისა ბურთს შუა შიგან უფასო თვალია,
იაგუნდისა აუზი მაშიგან ვარდის წყალია,
გარშემო ჭალა ავლია, ვერ დასწვავს ნაპერწკალია
და ყველა მაზედან ვარჯიშობს მეფე და ჯართაც ჴმალია.
ამას შემდეგ ანახანუმის ლექსი:
ანისახანუმის ნათქუამი, ვჰგონებ სანატრელს ცხებულს საქართველოს მეფეს
თეიმურასზედ:
ორნო ლომურად შეყრილნო, ტანო წერწეტო და შალო,
ქიშმინი მისად სახუჱვლად ვით ორბი მხარ განაშალო,
ფერად ბედისა ჩემისა პირ ქუფრად მიმონაშალო
და დამცა იშლები ვინც ჩემი და მისი შეყრა დაშალო.
ამას შემდეგ არის ანჩინური სამალავადი ანბანის ახსნა-განმარტება, რომელიც
ზემოთ მოვიყვანეთ (გვ. 4).

№ 16 (ძველი ფონდით 12)

ა ლ ზ ი რ ა ა ნ უ ა მ ე რი კ ე ლ ნ ი, ტრაღედია.
მხედრული ხელნაწერი ლურჯ ქაღალდზედ, in folio, კარდონის ყდით, 35
ფურცელი. ფილიგრანს ქაღალდისა უზის ფიცარი 1819 და სურათი ორთავიანი
არწივისა და ასოები: ჶ, D, R. პირველ გვერდზე მინაწერი:
წიგნი ესე ეკუთვნის ვიკტორ ლეტელიეს.
სრული და უნაკლულ ეგზემპლარია, გადაწერილია XIX საუკუნის 1819–1830
წლებში.

№ 17 (ძველი ფონდით 4)
 ლ ე ქ ს ი კ ო ნი საბა-სულხან-ორბელიანისა, in 4 , მოლურჯო ქაღალდზედ
ნუსხა გაკრული მხედრულით, პირველი ასოები ხუცურად არის ნაწერი
თითოეულის სიტყვისა, 322 ფურცელი, ხის ყდით შავტყავგადაკრული, ზედ
გამოსახული ყვავილებით და ფიგურებით.
ქაღალდის ფილიგრანს სხვათა შორის უზის 1809 წელი. წიგნის ბოლოს
ტექსტის ხელით წერია:
დიდება სულსა ყ¯დ წმიდასა ღ¯თსა სრულ მყოფელსა ყ¯თასა, სრულ იქმნა
ჴელითა იოანე იალღუზის ძისათა. წელსა 1812: ხ- თქ-ნ კეთილ-გულის-ჴმის მკითხნო,
გ-ბით რათა ლოცვით და სიყვარულით არა დაიცონოთ (sic) სულითა მოჴსენებაჲ
ჩემისა უღირსებისა.
ბოლოში ხელნაწერს დართული აქვს ჩვეულებრივი ბიოგრაფიული ცნობები
საბაზე, მისი და სხვების ლექსები; შემდეგ მოჴელენი საქართველოსანი ქართული და
თათრულ-სპარსული სახელებით ნუსხა ავი დღეებისა, ზოდიაკოს ნიშნებისა და
სხვა. ყდას შიგნით აწერია:
წიგნი ესე ეკუთვნის ვიკტორ ლეტელიეს.
ხელნაწერი წინათ ციციშვილების საგვარეულოს კუთვნილება ყოფილა და მათი
ოჯახის წევრების დაბადება და გარდაცვალება არის მრავალ ადგილას აღნიშნული
ხელნაწერის თავსა და ბოლოში:
თავადის დავით ციციანოვის ძე ზაქარია დაიბადა 1803 წელსა სეკტემბრის 8
დღესა.
ამისავე მეორე შვილი იერონიმე დაიბადა 180 (sic) წელსა, დღესა და ამასვე
დღესა გარდაიცვალა.
ამისავე ძე იესე დაიბადა 1807 წელსა მაისის 26 დღესა. გარდაიცვალა 1812
წელსა.
ამისვე ძე იოანე დაიბადა 1810 წელსა თვესა თებერვალსა 13 დღესა და
გარდაიცვალა 1812 წელსა...
ამისივე ქალი დარია დაიბადა 1814 წელსა სეკტემბრისა 4 დღესა.
ამისივე ძე სარდიონ დაიბადა 1816 წელსა ოკტომბრის 13 დღესა პარასკევსა,
დღისა ჟამსა 6 მეექვსესა სოფელს ქარელში.
1809 წელსა აგვისტოს 12 დღესა მაიორის თავადის დავით ციციანოვის
პატ[რე]თი დაიხატა ტფილისს.
1820 წელსა აპრილსა 14 დღესა ოთხშაბათს რომელი თხუთმეტად და
ხუთშაბათად გასთენდებოდა შუაღამისა პატარა მიხაილ დაიბადა თავადის
მაიორისა ციციშვილის დავითის ძე ქალაქსა გორში.
1813 წელსა თებერვლის ი, კვირე დღესა თავადის დავით ციციშვილის პატარა
შვილი გიორგი გარდაიცვლა.
1814 წელსა სეკტემბრის 4... დაიბადა დავით ციციშვილის პატარა ქალი დარია.

№ 18 (ძველი ფონდით 15)

ღ რ ა მ ა ტ ი კ ა დავით ბატონიშვილისა, შედგენილი 1790 წელს ქალაქ

ტფილისს. მხედრული ხელნაწერი, ლიბერ ქაღალდზედ, 81 ფურცელი, მდიდრულ
მაროქენის ყდით, პარიზში გაკეთებულის, in 4 პატარა ფორმატისა, ხელი სტამბური
მხედრული ლამაზია, სათაურები და მეთაური ასოები ასომთავრულია. პირველ
ფურცელზედ ბატონიშვილის თეიმურაზის ხელით შემდეგი წარწერაა:
 ღრამატიკა ესე, ვინაჲდგან არს ქართულსა ენასა შ¯ა ურჩეულესი ამისთჳს.
უძღვნი დიდებულსა პარიჟის ყ¯დ ბრძენსა მეაზიელესა საზოგადოებასა. რათა
წევრნი მისნი ქართულისა ენისა მეცნიერნი სარგებლობდნენ ამით:
უუპატივცემულესად სრულიად ზემოჲსა საქართველოჲსა და სხვათა მეფის
გიორგი მეათცამეტის ძე. თეიმურაზ.
ქვემოთ ამ სიტყვების თარგმანია ფრანგულად ბროსეს ხელით მიწერილი.
ხოლო ზემოთ ფრანგულად წერია:
Ce livre appartient à la Societé Asiatique de Paris.
Ce livre est le premier exemplaire, qui a été composé pour ce raison, je ne l’ai pas
donné à copier.
სათაური წიგნისა: დავითის მიერ დავითიან პანკრატოვანისა ირაკლი მეორისა
პირმშო ძისა გიორგის პირმშოს ძისაგან ჴელ-ხებაჲ: წელსა. ჩღჟ: ხ¯ ქართულსა ზედა
უოჱ; სამეუფოსა ქალაქს ტფილისს.
წინასიტყვაობაში თავის შრომას დავითი უძღვნის ირაკლი მეორეს. ბოლოს
დავითის ხელით რამდენიმე ტერმინია მოყვანილი რუსულად (მაგრამ ქართული
ასოებით) და ქართულის თარგმანით, რომლის ბოლოს თეიმურაზის ხელით წერია:
ეს მეფის ძის დავითის დასახსომებლად ყდაზე მოეწერა ამ ადგილს, თვით
მისის ჴელით. და ამისთვის აღარ წავშალე.
ეს წიგნი ერთი საუკეთესო ეკზემპლარია დავით ბატონიშვილის ღრამატიკისა,
თვით დავითისავე ნაქონი; ქაღალდის ფილინგრანთა შორის 1788 წელი ჩანს.
ხელნაწერი მე-18 საუკუნის დასასრულს ეკუთვნის და თუმცა თვით დავითის
ხელით არ არის გადაწერილი, მაგრამ მისი ზედამხედველობით არის ნაწერი, მისი
ხელის წარწერები აქვს და ავტოგრაფს უდრის.

№ 19 (ძველი ფონდით 7 bis)

ს ა მ ო ს წ ა ვ ლ ო ღ რ მ ა ტ ი კ ა, in 4 , ლურჯ ქაღალდზედ უშნო გაკრული

ნუსხა მხედრულით და ასომთავრული სათაურებით და მეთაური ასოებით,
კარდონის ყდაში, 23 ფურცელი, XIX საუკუნის პირველი ნახევრისა, უმნიშვნელო
ხელნაწერია.

№ 20 (ძველი ფონდით 13)

ქ ა რ თ ულ ი ს ა მ ო ს წ ა ვ ლ ო ღრ ა მ ა ტ ი კ ა; მხედრული ხელნაწერი, in 4 ,
ლურჯ ქაღალდზე, მომრგვალო ხელით, სათაურები და მეთაურები
ასომთავრულით, 52 ფურცელი. ეს ისეთივე ღრამატიკა არის, როგორიც №19, ხოლო
უფრო სრული და კარგი ხელით გადაწერილი, მე-19 საუკ. დასაწყისისა.

№ 21 (ძველი ფონდით 14)

ლ ო ღ ი კ ა ანტონ კათალიკოზისა, ლურჯ ქაღალდზე, მხედრულის ხელით და

ხუცურის სათაურებით, მე-19 საუკ. პირველის მეოთხედისა; ქაღალდის ფილიგრანი
უჩვენებს 1807 წელს, კარტონის ყდით, 75 ფურცელი, წინასიტყვაობაში
ჩამოთვლილია ფილოსოფიის დარგები, და შემდეგი შეიცავს ლოღიკის ტექსტს,
რომელიც შვიდ თავად არის გაყოფილი. ბოლოს უწერია: დასასრული პირველი
ნაწილისა, ეს პირველი ნაწილი ფილოსოფიისა შეიცავს მაშასადამე ლოღიკას. უფრო
დაწვრილებით ამის აღწერა იხ. ალ. ხახანაშვილი. მ ო ა მ ბ ე №24, გვ. 15–16.

№ 22 (ძველი ფონდით 16)

შ ე მ ო კ ლ ე ბ უ ლ ი მ ო თ ხ რ ო ბ ა ქართული ისტორიიდან შედგენილი

მეფის გიორგის მეთორმეტის ძის თეიმურაზ ბატონიშვილის მიერ დეკემბერში 1832
წელს პეტერბურგს, ავტოგრაფი თვით თეიმურაზისა, ლამაზი მხედრული ხელით
დაწერილი, მშვენიერის ოქროს ვარაყიანი ყდით, 180 გვერდი. საქმე ის არის, რომ
მარ. ბროსსეს მიუწერია თეიმურაზისათვის წერილი პარიზის სააზიო
საზოგადოების სახელით და უთხოვია ცნობები: რაოდენნი მეფენი იყვნენ
საქართველოში გიორგის სახელით და რომელს ჟამს და კიდევ ვახტანგ მეფე,
ლეონის ძე, მერამდენე ვახტანგი იყო გთხოვთ გვაუწყოთო. აი ამის საპასუხოდ
თეიმურაზი უძღვნის სააზიო საზოგადოებას ამ შემოკლებულ მოთხრობას შემდეგის
თავაზიანი წერილის წინ წამძღვარებით. მოგვყავს ეს შესავალი:
ფრანციელთა ერთა დიდებულისა სამეუფოსა ქალაქს პარიჟის ყოვლად ბრძნისა
მეაზიელის მიმართ საზოგადოებისა: -
მიიძღვანების შრომილი ესე სახსოვრად საზოგადოებისა მის: და
პატივისცემისათჳს ღირს შესახებულისა სიბრძნისა მოყვარების მათისა: მამულისა
ჩემისა ენასა ზედა აღწერილი, გამოკრებული სხვათა და სხვათა აღწერილთაგან
საქართველოს ისტორიათასა, ორთა ამათთჳს შემეცნებათა ქვემორე ამისსა, მცირესა
ამას შინა წიგნსა აღწერილთა: უღრმესითა პატივის ცემითა უმდაბლესად.
უმწვერვალესის მგრძნობელობით მძღვნობელი. ზემოჲსა ივერიისა (ესე იგი ზემოჲსა
საქართველოჲსა) და სხვათა: მეფის გიორგის ძე თეიმურაზ:-
აღიწერა სამეუფოსა ქალაქსა შინა სანკტპეტრე–ბურგს: -
ბოლოს უწერია: სრულ იქმნა შემოკლებული ესე მოთხრობანი ყოვლითურთ
ნამდვილთაგან საქართველოჲსა ისტორიათა და მოთხრობათაგან სხვათა და სხვათა
აღწრილთაგან გამოკრებული: წელსა ქ სით 1832-სა ქართულსა ქ-კს: მეათოთხმეტისა
მოქცევისასა 520-სა: თვესა დეკემბერსა:-
მოთხრობა ფაქტიურად დამყარებულია ქართლის ცხოვრების და ბატონიშვილ
ვახუშტის ცნობებზე. ამ მოთხრობის ცალი ტფილისშიაც მოიპოვება.

№ 23 (ძველი ფონდით 6)

ეგრეთ წოდებული ქ ა რ თ უ ლი ხ რ ო ნ ი კ ა, Chronique Géorgienne, რომელიც

გამოცემულია პარიზში სააზიო საზოგადოების მიერ, ბროსეს თარგმანით და
შენიშვნებით. ტესტი გამოცემულია ლიტოგრაფიის საშუალებით და
დამზადებულია 1829 წელს, ხოლო თარგმანი და საერთოდ წიგნი გამოვიდა 1830
წელს. სათაურად ამ გამოცემას უწერია: ცხოვრება საქართველოისა. Chronique
Géorgienne, traduite par M. Brosset jeune, მაგრამ ხელნაწერში ტექსტს არავითარი
სათაური არა აქვს და პირდაპირ იწეყება სიტყვებით: «ქორონიკონსა:. ჲ¯ა:. თურქნი
მოვიდნენ მეფე გიორგი მოკლეს»... და სხვა. დაწერილია კარგ ქაღალდზე in 4
ლამაზი სტამბურის მხედრულით მე-18 საუკუნისა, შეიცავს სულ 96 დაწერილ
ფურცელს. თავში ორი ფურცელი დაუწერელია, ბოლოში ექვსი. ადგილ-ადგილ
ტექსტში სიტყვები და სტრიქონები წითლურით არიან ნაწერნი. ზოგჯერ ტექსტში
ცარიელი ადგილებია დატოვებული თითქოს წითლური სიტყვების და
სტრიქონების ჩასაწერად, მაგრამ ადგილები დარჩენილია შეუვსებლად. მაგალითად,
251-ე და 26-ე გვერდებზე verso სათვალავი აღნიშნულია რვეულებზე, რვეულში 8
ფურცელია, სულ 13 რვეულია. ქაღალდის ნიშანი, ფილიგრანი, სხვათა შორის
შეიცავს გვირგვინს. ამ არაჩვეულებრივ ხელნაწერში არც შესავალია, არც
ბოლოსიტყვაობა, არც გადამწერი ჩანს, არც ამ კომპილეატური ტექსტის
შემდგენელი, არც რაიმე შენიშვნა მოიპოვება. ამ ხელნაწერის ცალი მარტო ერთი
მოიპოვება საისტორიო და საეთნოგრაფიო საზოგადოების ბიბლიოთეკაში, მაგრამ
ის გადაწერილია ეჭვს გარეშე ჭროსეს გამოცემიდან და ამიტომ მნიშვნელობას
მოკლებულია. შესწორებული მეორე ფრანგული თარგმანი ბროსესი 1841 წლისა
მოთავსებულია პეტერბურგის აკადემიის მემუარებში, მე-6 სერია,

№ 24 (ძველი ფონდით 5)

კ რ ე ბ უ ლ ი ქ ა რ თ ულ ი ს ა მ ა რ თ ლ ი ს ა ვ ა ხ ტ ა ნ გ მ ე ფ ი ს ა
ქაღალდზე, in folio, ხის შავტყავგადაკრული ყდით, ნუსხა მხედრულით ნაწერი,
სრული, შეიცავს 282 ფურცელს: ბოლოს უწერია: აღვწერე (sic) მოქალაქე მოსესის ძე
ტიტულიარნი სოვეტნიკი ნიკოლოზ ბაღინოვი თებერვლის იე-სა დღესა ჩყკგ-სა
წელსა:- თავში აქვს სარჩევი ანბანის რიგით შედგენილი (1–8 ფურ.), მას მოსდევს
კიდევ მეორე შედარებითი სარჩევი (19–54), რომელიც შედგენილი ყოფილა 1750
წელს მეფე თეიმურაზ II ბრძანებით, შემდგენელი ამ მეორე სარჩევისა თავის სახელს
წინასიტყვაობაში (ფ. 18 verso) არ იხსენიებს. ტექსტის რიგი ასეთია: სამართალი
ბერძნული (65–119); – სომხური (121–211); – კათალიკოსთა (212–214); ძეგლის
დადება მეფეთ მეფის გიორგის მიერ (215–221), სამართალი აღბუღასი (223–241),
სამართალი ბატონიშვილის ვახტანგისა (242–282). ეს ხელნაწერი, 1823 წელს
ნიკოლოზ ბაღინოვის მიერ გადაწერილი, შეუძენია საფრანგეთის კონსულს
ტფილისში გამბას და დაუთმია პარიზის საკოროლო (ახლა ნაციონალური)
ბიბლიოთეკისათვის იანვარში 1825 წელს, რასაც მოგვითხრობს ფრანგული წარწერა.
მთელი ტექსტი ამ ხელნაწერისა მ. ბროსეს გადმოუწერია თავისთვის. წერა დაუწყია
23 დეკემბერს 1828 წ. და დაუმთავრებია 27 თებერვალს 1829 წ. ბროსეს მიერ
გადმონაწერი ეს ხელნაწერი ჩვენ მოგვეპოვება ახლა ტფილისში წერა-კითხვის
მუზეუმში №3682 და აღწერილია ჩემ მიერ (იხ. ჩემი აღწერა წერა-კითხვის
ბიბლიოთეკის ხელნაწერთა, ტომი II, გვ. 617–618) და ამიტომ აქ საჭიროდ არ
მიმაჩნია გავიმეორო წინასიტყვაობა შედარებითი სარჩევის შემადგენლისა16.
აგრეთვე მე აღწერილი მაქვს ყველა კრებული ქართული სამართლისა და თვით
ვახტანგის სამართლის ცალებიც, რომელნიც მოიპოვებიან ტფილისის მუზეუმებში
(იხ. ხსენებული აღწერა, ტ. II, გვ. 614–671). ამათში ერთი ხელნაწერი №3066
გადაწერილია 1809 წელს იმავე ნიკოლოზ მოსესის ძის ბაღინოვის მიერ, რომელსაც
ზემოხსენებული ხელნაწერი გადაუწერია, ხოლო მაშინ გადამწერი ყოფილა
კოლესკის რეღისტრატორი (იქვე, გვ. 616).

№ 25 (ძველი ფონდით 22)

16ხოლო ბროსეს გადმოწერილში უნდა შესწორდეს სიტყვა: მსაჯულ-მომგენი (618 გვ. სტრიქონი 4
ზემოდან), უნდა იყოს: მსაჯულ-გამგენი. ამას გარდა ბაღინოვის გადაწერის თარიღად ბროსე
შეცდომით უჩვენებს 1825 წ. ნაცვლად 1823-სა.
 წერილი იმერეთის მეფის სოლომონ პირველისა პიო მეე
ქ ვ ს ე პ ა პ ი ს ა დ მ ი, მიწერილი 25 აგვისტოს 1779 წელს. წერილს თან ახლავს
იტალიური თარგმანიც; ნაწერია ნუსხა მხედრულით თვით სოლომონ მეფის ხელით.
მოგვყავს სრულიად უცვლელად ტექსტი წერილისა თავისი ნიშნებით, ხოლო
სიტყვების გადასატან ნიშნებს ჩვენ ვუმატებთ17. წერილი ჩადებულია პატარა
კონვერტში, რომელზედაც აწერია:

მათს: უწმინდესობას; უფ-

ალს: ბატონ: პიო: პაპს
მეექვსეს: მიერთვას: ესე
წიგნი.

მათს. უწმინდესობას პიო: პაპს. მეექვსეს: -

უწმინდესსა. და. უნეტარესსა. წმიდათა მოცი-
ქულთა ყოვლისა ქრისტიანობისა. განმა-
ნათლებელთა. პეტრესა. და: პავლესა. დიდისა: ს-
აყდარსა. და. პატიოსანსა: ეკლესიასა. ზედა:
მჯდომარესა. დიდისა. ქალაქისა. რომისა. მპყრო-
ბელ. განმგესა. ყოვლისა. დიდებითა: აღსავსეს.
უფალს ბატონს. ჩვენ. მაგათი. ჟ-
ამ მარად. სამსახურისა. და. კარგად. ბრძანებ-
ის. წადიერი. სრულიად. იმერეთის: მეფეს ს-
ოლომონ. წმინდას. მარჯვენას. ჴელს. მთხვ-
ეუნას. მოვახსენებთ: ვიკითხავთ. მაგათის უწმი-
ნდესობის. მშვიდობის. ამბავს: ვითხოვთ, უფლისა: ჩვე-
ნისა. იესოს. ქრისტესაგან. გვეუწყოს: ამას: მო-
ვახსენებთ: მათს: უწმინდესობას: ჩვენ და: ჩვენი ქვეყა-
ნა: ყოველთვის. ბრძოლით. ურჯულოთაგან: დ-
იაღ. შეიწრებულია. რათა. მოხედოთ. სხვას. ამას:
მოგახსენებთ. ვედრებასა. ვყოფთ. წინაშე მათსა:
ორი: აქიმი: ასრეთი. გვიწყალობოთ. ყოვლის: ს-
ნეულების. ოსტატობის. მკურნალობით: სრუ-
ლი: იყოს: თავისის: წამლებით. და. რიგით. სტომაქი-
ს. სნეულების. თიაქრის. ჩამოსულის: თუ. ჩამოუ-
სვლელს. კარგად. იცოდეს. თქვენეულად. თქვენ:
რომ: გეკადრებათ: ერთი. სათიც. კარგი. გვიბოძ-
ოთ: ბატონო: აღიწერა, თვესა აგვისტოს: კე: ქ¯კს: უჲზ:
ბეჭედი
_______
17
ეს წერილი პირველად ბროსემ დაბეჭდა. ნახ. Mémoires inédits, relatifs à l’Histoire et à la langue
Georgienne... Paris, 1833: ალ. ხახანაშვილსაც მოყვანილი აქვს.

17ეს წერილი პირველად ბროსემ დაბეჭდა. ნახ. Mémoires inédits, relatifs à l’Histoire et à la langue
Georgienne... Paris, 1833: ალ. ხახანაშვილსაც მოყვანილი აქვს.
 № 26 (ძველი ფონდით 23)

ს ა მ დ ი ვ ნ ო წ ი გ ნ ი, in folio დიდი ფორმატისა, დაწერილია ქაღალდზე

თავში სტამბურის მხედრულით, ბოლოში ნუსხურის მხედრულით, შეიცავს სულ 70
ფურცელს. ძველი ყდა უხეოდ ტყავის არის ჩაღრმავებულის სახეებით. შიგნით
სპარსული მატერია აქვს გაკრული. შემდეგ ხელნაწერი მოქცეულია ახალი კარტონის
ყდაში. ხელნაწერი ეკუთვნის მე-18 საუკუნეს. სამდივნო წიგნი არის საზოგადოდ
კრებული ნიმუშისა ანუ მოდელებისა სხვადასხვა დამწერლობისა, ყოველგვარი
წერილებისა და სხვა. ასეთი წიგნები ჩვენთვის დიდად მნიშვნელოვანია, ვინაიდან
ნიმუშები გამოგონილი კი არ არის, არამედ ნამდვილი წერილებიდგან
გადმოღებული პირები. ამ ხელნაწერში მოქცეული წერილები ეკუთვნიან 1638–1730
წლებს. აქ სხვათა შორის არის წერილები იმერეთის მეფის ალექსანდრე მესამისა
როსტომ მეფისადმი, მარიამ დედოფლისა, როსტომის მეუღლისა, ხონთქრის მურად
მეოთხისა სეფე შაჰის მიმართ; წერილები ვახტანგ მეექვსისა და მისი ოჯახისა და
სხვა. წერილებს ბროსეს შენიშვნები აქვს, რომელსაც ეს ხელნაწერი განუხილავს
პეტერბურგში პარიზის ბიბლიოთეკის მინდობილობით, სულ III წერილის ნიმუშია
წარმოდგენილი. საჭიროა ამ წერილების ცალკე გამოცემა. უკანასკნელ ფურცელზე
მოყვანილია საყურადღებო ქართული ფულის ანგარიში:

ე – ერთი ფული
ი – ორი ფული
კ – ერთი ბისტი
ლ – ექვსი ფული
მ – ორი ბისტი
ნ – ერთი შაური
ნი – სამი ბისტი
ო – თოთხმეტი ფული
პ – ოთხი ბისტი
ჟ – თვრამეტი ფული
რ – ორი შაური
ს – ერთი აბაზი
ტ – ექვსი შაური
უ – ორი აბაზი
ფ – ათი შაური
ქ – სამი აბაზი
ღ – თოთხმეტი შაური
ყ – ოთხი აბაზი
შ – თვრამეტი შაური
ჩ – ერთი მინალთუნი
ც – ორი მინალთუნი
ძ – სამი მინალთუნი
წ – ოთხი მინალთუნი
ჭ – ხუთი მინალთუნი
ხ – ექვსი მინალთუნი
ჴ – შვიდი მინალთუნი
 ჯ – რვა მინალთუნი
ჰ – ცხრა მინალთუნი
ჵ – ერთი თუმანი.

მეორე გვერდზე დინარების სათვალავია ქართული ანბანის ციფრების

მიხედვით ა–ერთი დინარი, ბ–ორი დინარი (და სხვა, ღ–შვიდასი დინარი
უკანასკნელია).
ზემოთ მოყვანილი ნუსხა ფულის ანგარიშისა, რომელსაც ადგილი ჰქონდა
საქართველოში მე-17-18 საუკ. სწორია და ეთანხმება ცნობებს საბას ლექსიკონისა,
ვახტანგ მეფის სამართლისა და ევროპიელების მოგზაურებისა, ტურნეფორისა,
გჳლდენშტეტისა და სხვათა. უკნინესი ერთეული იყო ფული და აღინიშნებოდა ასო
ე, შემდეგ ბისტი – (კ) შეიცავდა 4 ფულს, შემდეგ შაური – (ნ) შეიცავდა 10 ფულს ანუ
2 ½ ბისტს; შემდეგ აბაზი – (ს) შეიცავდა ოთხ შაურს; შემდეგ მინალთუნი – (ც)
შეიცავდა 5 აბაზს; შემდეგ თუმანი – (ჵ) შეიცავდა 10 მინალთუნს ანუ 50 აბაზს. ეს
სათვალავი საფუძვლად დაედო ქართულ-რუსულ ფულებს, რომელიც იჭრებოდა
ტფილისში 1804–1833 წლებში. შავი ფულები იყო ერთფულიანი (ე), ორფულიანი
(ი), ოთხფულიანი (კ). თეთრი ფულები იყო ნახევარაბაზიანი (რ), ერთაბაზიანი (ს)
და ორაბაზიანი (უ). რატომ ეწერა ერთს ფულზედ რიცხვი 5? გჳლდენშტეტის
მოწმობით, ერთი ფული იწონიდა 2½ დრახმ სპილენძს; მაშასადამე, 5 იმის
მაჩვენებელი ყოფილა, რომ ფულში 5/2 დრახმა სპილენძი ყოფილა. ამ ცნობაზე
დამყარებით პროფ. ივ. ჯავახიშვილმა მშვენივრად გამოარკვია, რომ ფულის
აღრიცხვის და სისტემის ერთეულად მე-17-18 საუკ. ½ დრახმა სპილენძი ყოფილა
მიღებული და თვით ვერცხლის ფულის ერთეულებისათვისაც საფუძვლად
სპილენძის წონითი რაოდენობა მიუღიათ (იხ. მისი ნუმიზმატიკა-მეტროლოგია, გვ.
27–30, 32–35).

ახლად შეძენილი ორი ხელნაწერი,

№ 27

ქ ა რ თ უ ლ ი ღ რ ა მ ა ტ ი კ ა შეთხზული ტფილისის საკეთილშობილოს

სასწავლებლის მოძღვრის პროტოპოპის იოანე ქართველოვისაგან სახმარად მისივე
სასწავლებლისა, 1809 წელსა, ტფილისს. დაწერილი ყოფილა ლურჯ ქაღალდზე,
ახლა დაცულია ხოლმე განცალკევებული ფურცლები, ზოგჯერ ნაფლეთები,
რომელნიც დაწებებულნი არიან ახალ ქაღალდზე და მოქცეულნი ყდაში, in folio დ.
წიგნს ჰქონია ასეთი წინასიტყვაობა:
წინა უწყება მკითხველთადმი.
თუმცაღა ცნობა კანონთა ღრამატიკისათა კმად აღწერილ არს განსუჱნებულის
საქართველოს კათოლიკოს-პატრიარხისა ანტონისაგან მის მ-რ ქმნილსა ღრამატიკასა
შ-ა, გარნა ვინაჲთგან სივრცისა გამო მისისა არა ადვილ ძალ უშსთ (sic) ჰწავლად იგი
მცირ წლოვანთა ყრმათა, ამისთ-ს და გულს მოდგინებისა ძლითცა თანამდებობისა
ჩემისადმი, ეგრეთვე სასარგებლოდცა ყრმათა თანამემამულეთა ჩემთათა
დავჰ(შ)უჱრ შეთხზუასა შ-ა წინამდებარისა ამის წიგნისასა. ჴელ მყოფმან აღწერად
ამისა ვიგულისმოდგინე მსგავს ყოვლად სისტემაჲ (სისტეპაჲ?) მისი როსსიულისა
ღრამატიკისა თანა, ხ-სხუანი კანონნი ლექსთა წარმოებისა და ლექსთ
თხზულებისანი დავჰზდე ყ-ნივე ესრეთნი, ვ-ა მოითხოვდა თჳსება ქართულისა
ენისა. ამას შ-ა ხმარებულნი წოდებანი რ-ლთამე სიტყჳს ნაწილთ მდევართანი,
ეგრეთვე განყოფილებანი მათნი და სხუანი, თუმცაღა არიან სახელდებულ ახლითა
გუარითა, გარნა არა წინა აღმდეგად სხუათა ღრამატიკათა ქართულსა ენასა ზედა
ქმნულთა, ა-დ მსუბუქ და უსრულეს ცნობისათჳს ხელოვნებისა ამის ყრმათა მ-რ
როსიულისა ენისა მოსწავლეთა. ვჰსასოებ რ-ლ გულსმოდგინებული ამისდამი
შემძლებელ იქმნების მოპოებად სარგებლობისა მცირისა ამის შრომისა ჩემისაგან.
ხოლო უსრულესად მეცნავი ამის ხელოვნებისა. უკეთუ ჰპოებს მას შ-ა
ნაკლულევანებასა რასამე არა გიებულ მყოფს მე მისთ-ს, ა-დ თვით იმეცადინებს
სრულ ყოფად მისსა.
პროტოპოპი იოანე ქართუჱლოვი.
პირველი რვა ფურცელი სულ ქართული ტექსტია, შემდეგ რუსულ-
ქართულია, ქართული თარგმანია რუსული ტექსტისა. ბოლოში ხუთი თაბახი სულ
მარტო რუსული ტექსტია.
სათაურები ასომთავრულით არის ნაწერი.
ალ. ცაგარელი ამბობს. რომ იოანე ბატონიშვილის წიგნების კატალოგში
მოხსენებულია იოანე ქართველოვის ქართული გრამატიკა შედგენილი 1809 წელს,
მაგრამ მას ეს გრამატიკა არ უნახავს (იხ. მისი შრომა რუსულ ენაზედ, ქართული
გრამატიკის ლიტერატურისათვის, გვ. 39).

№ 28

ს ა ხ ა რ ე ბ ა, ო თ ხ თ ა ვ ი, ხუცური ხელნაწერი თეთრ კარგ ეტრატზე, in 40,

ხელი ნუსხა-ხუცურია, გარდა მეთაური ასოებისა, რომელნიც ასომთავრულია. ყდა
ახალი აქვს. თავში ორი ფურცელი ეტრატისა დაუწერელია, ტექსტი იწყება ევსების
ეპისტოლეთი:
ეპისტოლე ევსებისა კარპიანეს მ-რთ:. ამის შემდეგ ორ ფურცელზე ოთხი
ფერადით შესრულებული კამარა არის. ყველა კამარების თავები შემკობილია
ერთგვარი ყვავილებით, ფერადებია მწვანე, ოქროს ფერი და წითელი. ყველა თავს
წინ მიუძღვის სათვალავი სახარებისა. სახარების ტექსტის წინ მახარობელის
სურათია ფერადებით შესრულებული: წ-ჲ მ-თე, წ-ჲ მარკოზ მხრბ-ლი, წ-ჲ ლ-კჲ მახრბ-
ლი, წ-ჲ ი-ნე მხრ-ბელი.
თითოეულს სახარებას მახარობელის სურათის წინ მიუძღვის სათაური
სახარებისა. იოანე მახარობელი თვით არ წერს სახარებას, არამედ პროხორეს
უკარნახებს. ზემოთ კუთხიდან უფლის მაკურთხეველი ხელი მოჩანს, მახარობლები
ყველა ფიქრში არიან და ჯერ წერა არ დაუწყიათ გადაშლილ ფურცლებზე.
სურათები ფერად ჩარჩოშია მოქცეული. ხელი მე-13 საუკუნის არის, ნაწერია ორ
სვეტად, თითო სვეტში 25 სტრიქონია.
მათეს სახარების სარჩევის შემდეგ ორ გვერდზე მე-5 verso და მე-6 recto
მხედრული წარწერა ყოფილა მე-13 საუკ., მაგრამ პირველი გვერდის წარწერა
განზრახ სრულიად ამოფხეკილია და მხოლოდ ქიმიურის რეაქციით შეიძლება მისი
აღდგენა, ისე არ იკითხება. შემდეგი ნაწილი იკითხება ასე:
....დაუსაბამოისა ღ-თისა პირითა. და განმცემელისა იუდასამცა თანა არს
ნაწილი მისი:. ხ- თ-ქნ წ-ნო და ღ-თ შემოსილნო პატიოსანნო მამანო და ძმანო
ჯუარელნო. მიითუალეთ მცირე ესე გ¯ლს მოდგინებაი ჩ-ნი, და რ-ჟს
აღმოიკითხვიდეთ. სამეუფოთა ამათ სიტყუათა, მცნებისათჳს უფლისა
ლოცვაჰყოფდეთ მდაბალთა მონაზონთა. ბასილი და დიმიტრისთჳს:. საცნაურ იყ-ვნ
სიწ-მიდესა თქ-ნსა რ-ი ჟამი აღსასრულისა ჩემისაი მაგას წ-დსა მონასტერსა შინა
გამეგო: გარნა სიღრმემან სიბერისამან. და თჳთ მპყრობელთა ჴელმწიფებამანცა, არ
ღირს მაუფლეს:. ესე წ¯დაი სახარებაი სულიერისა შვილისა ჩემისა სჳმეონ18 ხუცისა
ჴელითა მიითუალეთ.
სრულებით გარეთ ღილოკილოითურთ ზარხოდ ოქროითა და ვეცხლითა
შემოსილი. და წ-აი ლოცვაი თ-ქნი იყავნ მფარველ სულთა ჩ-[ნთა]:-
იოანეს სახარების ბოლოს ტექსტი ხელით, მაგრამ უფრო წვრილი ასოებით
წერია:
ამისი დამწერელი ც-დვილი მაილ დავით -
ის ძე ლ-ცვასა ღირს მყ-ვთ ვინცა
ჰნახოთ:.
ამას შემდეგ იწყება ვრცელი სარჩევი სახარების საკითხავებისა, ფურცელი 225–
246.
231-ე ფუცელზე შუაში წითლურით წერია:
ო-ნო მმ-ნო ეს ვ-ნბისა კ-რკისა სხ-რბნი ბერძნულად არიან:
და ბერძნულისაგან დაგვიწერიან:. ს-ხჲ კულა გ-ნგებჲ არაჲ გჳპვ-ნია:. არცა
დაგჳწერია თ-ქნ კულა ვითაცა აშენდებ-დთ ეგრეცა ქმენით. თუ გინდა სადა გ ნ ღირს
ყ-ფდ სმე-ნდ ჩ-ნდა, და თუ გინდა ქართ-ლითა გ-ნ გებითა წაკითხლჲ.
247-ე ფურცელზე ახალ ეტრატზედ არა ტექსტის ხელით ხუცურად წერია:
დბ-ჲ ღ-ა სრ-ლ მ-ყფელსა ყ-ისა კ-თილისს-სა: და ჯ-ა პტს-ნსა ქ-ეანეთა სიქადულსა
შეიკ-ზმაჲ წ-აჲ ესე ოთხთავი ჴელითა ფ-დ ც-დვილისა ურბნ¯ლ მ-თვარ
ებისკ¯ოპოსისა ევლასესითა სააკაჰს ძისათა: ვლასეს და მისთა მიცვ-ლბ-ლთა ყ-თავე
შ-ნს ღ-ნ. ვინცა ბრძანოთ თქ-ნცა შ-გნს ღ-ნ: ჩ-მს მ-წფეს ივანტბ-ლს შ-ნს ღ-ნ: ჩ-მს ბერ-ს
გბ-რილს შ-ნხ ღ-ნ:.
ურბნისის ეპისკოპოსი ვლასი ანუ ევლასე და მისი თანა მოგზაური ტფილელი
ვარნავა იყვნენ იერუსალიმში, ჯვარის მონასტერში, 1570–1572 წლებში, ამათ ბევრი
წიგნი შეუკაზმავთ ამ მონასტრის ბიბლიოთეკისა (იხ. ა. ცაგარელის წიგნი,
ქართული ძეგლები წმიდა ადგილში და სინას მთაზედ, რუსულ ენაზედ, გვ. 64, 88–
89, 168, 182).
ნუსხა-ხუცურის ხელით წერია:
ამავე ფურცლის მეორე გვერდზე სხვა მერმინდელის ნუსხა-ხუცურის ხელით
წერია:
წ:. მე მონაზონმ¯ნ ანდრია მოვაჭედინე. წ-ჲ ესე სხრ-ბჲ. და შევსწირე პტ-სნსა ც-
ხველს მყ-ფლსა ჯ-ა წ-ა გოლგოთას. სხ-სრად ს-ლისა ჩ-ნისა თ-ს. და მშ-ბლთა ჩ-ნთაჲ. ც-
დვთა შ¯სნდობლ¯დ. მე ანდრიას კ-ნდელ-კსა პტ-სნის:. ჯ-ისსა მესხსა ვაზნიძესა (თუ
ელზნიძესა?). უწყის ღ-ნ ჩ-მის ალნის მოღ-წებითა მოვიგე და გავაკეთე წ-ა ესე სხ-რბჲ
მ-ს ჟ-მსა ოდეს კახეთიდაღმა პ-ლ რუსეთს წ-ველ. და ვინცა მიემთხჳოთ ამა წ-თა
სხრ¯ბჲთა შ¯ნდობჲსა. ბრძანებდეთ თქ-ნის ღ-ის სყრ-ლის გ-ლისათ-ს. და ვინცა რ-
ჲმნცა კ¯ცმ¯ნ ესე გ-მოაჴუას: ჩ-მთამცა ც-დვათა მზღველი არის:. იუდასთანამცა და
ის¯ჯების და შეჩუჱნ¯ბლმცა არის შჳდის კრ¯ბისგ¯ნ:.
ამ მინაწერებიდან ჩანს, რომ სახარება სამჯერ ყოფილა შემოსილი სხვადასხვა
დროს და სამჯერვე მოუცარცვავთ. ეხლანდელი ყდა მეოთხეა, ახალი.

18 ასო ჳ ყოველგან ხუცურია.

 246-ე გვ. verso მინაწერებია ხუცურად სხვადასხვა ხელით, მაგრამ ზოგიერთი
წაბღალულია, ზოგიერთი მქრქალია.
იკითხება შემდეგი:
ქ-ე ღ-ო დაიცვენ და შეუნდვენ ძმათა ჩ-ნთა იაკობს ალ ბერდ:. (აქ სტრიქონს
ზემოთ სწერია: ი¯ბ).
ქ-ე ღ-ო დაიცევ და შეუნდენ ძმაჲ ჩ-ნი სისი (?) და შვილნი: იანე და პეტრე:. და გ-
ი:. და მ¯რმ:. და სადი: და ღანია: სეთლალი. რამონდა:.
ქ. ო¯ღ¯ო დაიცვენ და შეიწყ-ლნ ძმ¯ნი ჩ-ნნი ი-სბ და ი-ე:. გ-ბრლ კელანის მ-
შენებელისა შვილის შვილნი და ღირს ყვენ ჩ ნ ჯრ¯ლთა ძმ¯ბსა და შეპანისასა (?):-
უ-ო ღ-ო შეიწყ-ლნ ძ-მჲ ჩ-ნი სიკილიელი ოტოსკარიონ: პ-ტე და ქ-ეფორე შვილნი
მისნი: და ციცილია: - და ლობერდი: ფირანგოს: ფრაგა.
უ-ო ღ-ო შეწ-ყლე ჩ-ნი ძმაჲ ბაბისკი ვარდის ძე და [შვი]ლნი მისნი...
ქ. [ღ-ო შეიწყალენ და დაიცვენ] ძმანი ჩ-ნნი: კონმოტიე: კოსტანტინე: და ბო...
ამინ იყვნ: მოიჴსენნო ღო ხაზინ ლუსმაჲ და ფერის:.
ამრიგად, ეს სახარება საქართველოშია დაწერილი და შემდეგ წარგზავნილი
იერუსალიმში, ქართველთ ჯვარის მონასტერში. ჯვარის მონასტრიდან ის კარგა
ხანია გაუტანიათ, ვინაიდან ეს სახარება არც ა. ცაგარელის კატალოგშია
მოხსენებული და არც რობერტ ბლეიკის.

არქეოლოგიური ექსპედიცია კოლა-ოლთისში

და
სოფელ ჩანგლში 1907 წელს

წინასიტყვაობა

ადგილები, რომელნიც ერგო რუსეთს ოსმალეთისაგან ბერლინის ტერაქტის

ძალით 1878 წელს, რუსეთის მთავრობამ გაჰყო ორ ადმინისტრატიულ ოლქად:
ყარსისა და ბათუმისა. ყარსის ოლქს შეადგენდა ოკრუგები ყარსისა, ყაღიზმანისა,
არდაგანისა და ოლთისისა. ისტორიულად და ეთნოგრაფიულად ყარსის და
ყაღიზმანის ოკრუგები ეკუთვნოდა სომხეთს, არდაგანის და ოლთისის
საქართველოს. ოლთისის ოკრუგი ხელოვნურად იყო მიწერილი ყარსის ოლქზე,
გეოგრაფიულად ის უნდა შესულიყო ბათუმის ოლქში, ვინაიდან ის მოქცეულია
ჭოროხის შემდინარე ოლთისის წყლის არემარეში, და ჭოროხი ეკუთვნის შავი ზღვის
ბასეინს, ხოლო ყარსის სვა ოკრუგები, რომელიც მდებარეობით წარმოადგენს
ზეგანის პლატოს, გაყოფილი იყო უჩასტკებად: ცილდირისა (რუსულად:
ჩალდირისა), არდაგანისა, გელისა და ფოცხოვისა. პირველი სამი უჩასტკა
მდებარეობს მტკვრის ზემო წელზე, ხოლო ფოცხოვის უჩასტკა ფოცხვერის წყალზე.
ეს უჩასტკაც ხელოვნურად იყო მიწერილი არდაგანის ოკრუგზე, ვინაიდან
გეოგრაფიულად ფოცხოვი სრულიად არ შეადგენს არდაგანის ზეგანის პლატოს
ნაწილს, არამედ ეკუთვნის ახალციხის ტერრასას, შეიცავს ფოცხოვის წყლის
ბასეინის ნაწილს. ამ ბასეინს შეადგენენ, გარდა ფიცხოვის წყლისა, მისი
შემდინარენი, რომელთა შორის უმთავრესი არიან წურწყაბის წყალი, შუა წყალი,
ჯაყის წყალი და ქობლიანის წყალი; სიგრძეზე ფოცხოვის წყლისა არის 70 ვერსი.
ამათგან ყარსის ოლქში შედიოდა 30 ვერსი, ხოლო დანარჩენი ეკუთვნოდა და ახლაც
ეკუთვნის ახალციხის მაზრას. ფოცხოვის წყალი ერთვის მტკვარს 7 ვერსის ქვემოთ
ქალაქ ახალციხისა. ყველა ზემოაღნიშნული ადგილი არდაგანის ოკრუგისა,
ახალციხის მაზრასთან ერთად, რომელიც შეადგენდა ძველ სამცხეს, და
ახალქალაქის მაზრასთან, რომელიც შეადგენდა ვიწრო მნიშვნელობით ჯავახეთს19,
და მთელი ბასეინი ჭოროხის მდინარისა საერთოდ ძველად წარმოადგენდა ზემო
ქართლს ანუ მესხეთს. ხოლო მე-13 საუკუნიდან, როცა აქ დამყარდა უფლება სამცხის
ათაბაგების ჯაყელთა სახლისა, ეს მხარე ცნობილი იყო სამცხე-სათაბაგოდ. კერძოდ,
მთელი არდაგანის ოლქი შიცავდა 5 644 კვადრატულ კილომეტრს, ხოლო მისი
მოსახლეობა ჩვენს დროს უდრიდა 84 257 სულს20; უმრავლესობას შეადგენდნენ
გამაჰმადიანებული ქართველები, მესხები21; დანარჩენს ქურთები, კარაპაპახები,
თურქმენები, სომხები და რუსები.
არდაგანის ოკრუგის ძეგლები, სახელდობრ ჩილდირის და არდაგანის
უჩასტკებისა და ნაწილი ოლთისის ოკრუგისა, ბანა (ეხლა პენიაკი) და მისი არემარე
გამოკვლეული იყო ჩემ მიერ 1902 წლის ექსპედიციის დროს მოსკოვის
არქეოლოგიური საზოგადოების დავალებით. შეკრებილი მასალა უკვე
გამოცემულია ამავე საზოგადოების მიერ (იხ. «მატერიალი პო არხეოლოგიი
კავკაზა», ტ. XII).
მეორე ექსპედიცია ჩემ მიერ მოწყობილი იყო იმავე საზოგადოების
დავალებით 1907 წელს. ამ ექსპედიციის მიზანი იყო გამოგვეკვლია ძეგლები
კოლასი (გელის უჩასტკის არდაგანის ოკრუგისა) და დაგვემთავრებია გამოკვლევა
ოლთისის ოკრუგის ძეგლებისა; აგრეთვე გვენახა და შეგვესწავლა ჩანგლის ეკლესია,
ყაღიზმანის მახლობლად.
ექსპედიციაში მონაწილეობის მისაღებად მოვიწვიეთ სამოქალაქო ინჟინერი
ანატოლი ნიკოლოზის ძე კალგინი და მოხალისე ფოტოგრაფი, თბილისის მეორე
სავაჟო გიმნაზიის ფრანგული ენის მასწავლებელი ედუარდ კარლოს ძე ლიოზენი. ა.
ნ. კალგინმა დაზომა და ე. კ. ლიოზენმა ფოტოგრაფიულად გადმოიღო ყველა ასე თუ
ისე საყურადღებო ნახული ძეგლები.
ჩვენი სვლის გეზი (მარშრუტი) ასეთი იყო: თბილისიდან ყარსი; ყარსიდან
ბუღა-ტაპის ზეკარით ნიაკომი კოლაში (გელის უჩასტკაში); კოლას მოვლის შემდეგ
გადავეშვით აგუნდირის ზეკარით ოლთისის ოკრუგში. პირველად დავდექით
საფოტო სადგურში, კოსორში; აქედან მოვიარეთ მახლობელი ადგილები და ბანას
არემარეც. შემდეგ გავჩერდით ქალაქ ოლთისში; იქიდან გავემგზავრეთ სოფელ
ოლორში; ოლორის უბნის მოვლის შემდეგ დავბრუნდით ოლთისში. აქედან
განზრახვა გვქონდა ჩავსულიყავით ნარიმანში და იქიდან ავყოლოდით ცხენებით
რუს-ოსმალთა საზღვარს სარაყამიშამდის, შემდეგ გვენახა ჩანგლი და
მივსულიყავით ყარსში, მაგრამ ექსპედიციის წევრები კალგინი და ლიოზენი ავად

19 ვამბობთ ვიწრო მნიშვნელობით, ვინაიდან ვრცლად ბატონიშვილი ვახუშტი ჯავახეთს აკუთვნებს

გარდა ახალქალაქის მაზრისა, არტაანს (არდაგანს), კოლას და ერუშეთს.
20 ამათში მაჰმადიანები იყვნენ 54 203.

21 აქ კიდევ უნდა ვიქონიოთ სახეში, რომ რუს-თათართა ომის შემდეგ 1877–1878 წლებისა არდაგანის

ოკრუგიდან სათათრეთში გადასახლდნენ 22 743 სული მცხოვრები.

გახდნენ მალარიით ოლთისში და ცხენებით მგზავრობა აღარ შეეძლოთ. ამიტომ ეს
რაიონი უნახავი დაგვრჩა. იძულებული გავხდით ოლთისიდან ტელეგრამით
დაგვებარებია ყარსიდან ეტლი და დავბრუნებულიყავით ყარსში. ხოლო ყარსიდან
მაინც შევძელით ჩანგლში გამგზავრება და ჩანგლის ეკლესიის გასინჯვის შემდეგ
დავბრუნდით უკან ყარსში და ყარსიდან თბილისში. ჩვენი ექსპედიცია გაგრძელდა
1 ივლისიდან 20 აგვისტომდის.
შეკრებილი მასალა უნდა გამოსულიყო მოსკოვის არქეოლოგიური
საზოგადოების «მატერიალ»-ებში, მსგავსად მე-12 ტომისა, რომელშიაც დაიბეჭდა
ჩვენი პირველი ექსპედიციის შედეგები, მაგრამ ინჟინერმა კალგინმა ვერ მოიცალა
გეგმების დასამზადებლად და მასალა დროზე ვერ მივაწოდეთ საზოგადოებას.
ბოლოს რევოლუციის დროს დამზადდა გეგმები. ამათში ვაჩი-ძორის და
ბობოსგირის ნახაზები დამზადებულია თვით კალგინის მიერ, ტაოსკარის თავი-
ტაძრის ნახაზები ხუროთმოძღვრის კერნის მიერ, ჩანგლის ეკლესიის ნახაზები
ხუროთმოძღვრის რიაბოვის მიერ, ხოლო ყველა დანარჩენი გეგმა და ნახაზი
შესრულებულია ტეხნიკოსი გ. ებრალიძის მიერ ა. კალგინის ხელმძღვანელობით. ამ
მასალას დაემატა შემდეგ ბევრი სხვა გეგმა, ნახაზი და მასალა, რომელიც იყო შედეგი
ჩვენი ექსპედიციებისა საქართველოს სხვადასხვა მხარეებში. შესაძლო გახდა
გამოფენის მოწყობა ძველი ქართული ხუროთმოძღვრებისა; გამოფენა გამართული
იყო საქართველოს საისტორიო და საეთნოგრაფიო საზოგადოების მიერ 1920 წელს
თბილისის სამხატვრო გალერეაში, რამაც დიდი შთაბეჭდილება მოახდინა
საზოგადოებაზე. ქართული კატალოგი გამოფენისა შედგენილი იყო ჩემ მიერ, ხოლო
რუსული დიმიტრი გორდეევის მიერ. კატალოგებში მოყვანილია მოკლე ცნობები
გამოფენილ ძეგლთა შესახებ და დაწვრილებით ნაჩვენებია ავტორები, რომლებმაც
გეგმები და ნახაზები შეასრულეს, რა თქმა უნდა, ა. კალიგინის დაზომვის
მიხედვით. დროთა ვითარების გამო (ომი, რევოლუცია, უსახსრობა, ტეხნიკურ
საშუალებათა უქონლობა) ექსპედიციების დროს დაგროვილი მასალების დასტამბვა
და სურათების ალბომების გამოცემა შეუძლებელი შეიქნა. იმ დროს თბილისში
ერთადერთი ცინკოგრაფია მუშაობდა. იმის საშუალებით განვიზრახეთ პირველ
ხანად მარტო ზოგიერთი გეგმის გამოცემა, რომელთა დამზადება დაკავშირებული
და გამოწვეული იყო ჩვენს არქეოლოგიურ მოგზაურობა-ექსპედიციებთან. გამოცემა
იკისრა ქართული უნივერსიტეტის საბჭომ. სათაური უნდა ყოფილიყო: «ალბომი ე.
თაყაიშვილის არქეოლოგიური ექსპედიციებისა. გეგმები ძეგლებისა». კლიშეები
სულ დამზადებული იყო, როდესაც თებერვლის დამლევს 1921 წ. ჩვენ
საზღვარგარეთ წამოსვლა მოგვიხდა. შემდეგ 1924 წელს ალბომი გამოსცა
უნივერსიტეტმა და ჩვენს ნებადაურთველად სათაური შეუცვალა და წინასიტყვაობა
დაურთო, რომელიც, სამწუხაროდ, ზოგ რამეში არ შეეფერება სინამდვილეს, მაგრამ
ჩვენი უნივერსიტეტისადმი პატივისცემა მავალებს ამჟამად არ შევეხო ამ საკითხს,
მით უმეტეს, რომ შეიძლება ეს ყველაფერი დროთა ვითარების გამო იყოს
გამოწვეული. ალბომში სულ 80 ტაბულაა, ხოლო რიცხვი სურათებისა უდრის 137.
ჩვენი 1907 წლის ექსპედიციის გეგმები და ნახაზები მოქცეულია ალბომში მე-12-35
ტაბულებზე და შეიცავენ 40 სურათს. სამწუხაროდ, არ არის მიღებული
ელემენტარული რიგი ალბომით სარგებლობისა. ტაბულებზე სურათები არც
ციფრების რიგით არის აღნიშნული, არც ანბანის. სათაურში ზოგი ლათინურის
ასოებით არის ნაჩვენები და მკითხველმა თვით უნდა გამოარკვიოს, რომელი ანბანი
რომელ სურათს უდრის. როცა ტაბულაზე რამდენიმე სურათია მოთავსებული, ეს
არც ისე ადვილია. ზოგჯერ გეგმები არეულია; ერთი რაიონის ძეგლის გეგმა
მეორეშია გადატანილი; ერთი სახელი მეორისთვისაა მიკუთვნებული. მაგალითად,
26-ე ტაბულაზე წარმოდგენილია 6 სურათი: a არის კოსორის მღვიმის ეკლესიის
გეგმა და არა ბანას მახლობელი მღვიმის ეკლესია და მღვიმეების გეგმა, როგორც
ნაჩვენებია სარჩევში; b არის გეგმა მღვიმის დარბაზისა ოლთისის ციხეში და არა
ოთხაფსიდიანი ეკლესიის გეგმა ბანას მახლობლად; c არის ოთხაფსიდიანი
ეკლესიის გეგმა ბანას მახლობლად და არა კოსორის მღვიმის ეკლესიის გეგმა; d
არის მღვიმის ეკლესიის და მღვიმეების გეგმა ბანას მახლობლად აღმოსავლეთით და
არა ოლთისის ციხის ექვსაფსიდიანი ეკლესიის გეგმა; e არის ოლთისის ციხის
მღვიმის დარბაზის განაკვეთი და f არის ოლთისის ციხის ექვსაფსიდიანი ეკლესიის
გეგმა და არა ოლთისის ციხის მღვიმის დარბაზის გეგმა, როგორც ნაჩვენებია
სარჩევში. ერთი სიტყვით, ამ ტაბულაზე მარჯვნით არის კოსორის მღვიმის
ეკლესიის გეგმა, მის ქვემოთ მღვიმის ეკლესიის და მღვიმეების გეგმა ბანას
აღმოსავლეთით; მარცხნივ ამ ტაბულაზე არის ოლთისის ციხის მღვიმის დარბაზის
გეგმა; მის ქვემოთ, განაკვეთი ამ დარბაზისა და სულ ბოლოს, გეგმა ოლთისის
ეკლესიისა. 28-ე ტაბულაზე a არის გეგმა ოკამის ეკლესიისა კოლაში და არა
ტაოსკარის პატარა ეკლესიისა, როგორც ნაჩვენებია სარჩევში; b არის ძველი
ეკლესიის გეგმა ოლთისში, ხოლო c არის ტაოსკარის პატარა ეკლესიის გეგმა და არა
ოკამისა, როგორც ნაჩვენებია სარჩევში. 25-ე ტაბულაზე ასო g-ით აღნიშნულია
სარჩევში კოპის ეკლესიის გეგმა, მაგრამ ეს არის გეგმა პერტუსის ეკლესიისა. შემდეგ
ალბომში არ არის სრულიად შეტანილი სამწუხაროდ ტაოსკარის ეკლესიის
აღმოსავლეთის ფასადის სურათი, რომლის კლიშე ჩემს დროს დამზადებული იყო.
ეს ნახაზი აღნიშნულია ხუროთმოძღვრების გამოფენის კატალოგშიც №126-ის ქვეშ.
არ არის შეტანილი ალბომში აგრეთვე გეგმა ეკლესიისა ბოლნის–კაპანაკჩის
მახლობლად, თუმცა ამის კლიშეც მზად იყო. მაგრამ ეს არ არის სავალალო,
ვინაიდან მისი გეგმა და აღწერილობა გამოცემული აქვს დ. ჩუბინაშვილს
«ხრისტიანსკი ვოსტოკში», ტ. V, 217–220. ამ შესწორებებით ჩვენ ვუჩვენებთ
წინამდებარე გამოცემაში ხსენებული ალბომის ნახაზებს. მაგრამ მანამ ცნობების
მოყვანას შევუდგებოდეთ, ჩვენ ზნეობრივ მოვალეობად მიგვაჩნია ჩვენი უღრმესი
მადლობა გამოვუცხადოთ ინჟინერს ანატოლი ნიკოლოზის ძე კალგინს, რომელიც
დიდი ხალისით შეეგება ჩვენს ექსპედიციაში მონაწილეობის მიღებას და დიდი
შრომა გასწია დასახული მიზნების მისაღწევად. აგრეთვე დიდის მადლობით და
პატივისცემით უნდა მოვიხსენიოთ აწ განსვენებული ედუარდ კარლოს ძე
ლიოზენი, რომელიც ყოველ ღონეს ხმარობდა ჯეროვნად გადმოეღო ნახული
ძეგლები. ის ამავე დროს დიდი მოყვარული იყო ქართული ენისა – ქართული
ზმნების პარადიგმებიც გამოსცა ლითოგრაფიის საშუალებით. რიცხვი გადაღებული
ფოტოგრაფიებისა უდრიდა 100. სამწუხაროდ, ახლა ხელთ არა მაქვს ყველა ჩვენი
ექსპედიციის ფოტოგრაფიული სურათი, მაგრამ უმთავრესი ძეგლების სურათები
მომეპოვება. ამას გარდა, დიდ მადლობას ვუცხადებთ ბ-ნ დავით ვასილის ძე
ქუთათელაძეს, რომელიც ერთხმად «პოდატნოი ინსპექტორი» იყო ოლთისში და
გვეპატიჟებოდა მოგვეწყო ექსპედიცია ოლთისის ოკრუგში, ხოლო მის იქ ყოფნის
დროს ეს არ მოხერხდა, მაგრამ მან შეგვიდგინა რუკა ოლთისის ოკრუგისა
აღნიშვნით, თუ სად მოიპოვებოდა ნანგრევები ციხეებისა, დაბებისა და
ეკლესიებისა. ამან დიდად შეგვიწყო ხელი. გარდა ამისა, მანვე თავისი ხარჯით
გამოგვიგზავნა თბილისში ოლთისის ციხის ეკლესიის ნანგრევებისაგან
ოთხკუთხედი გათლილი ქვა სვეტის ნაწილითურთ, რომელზედაც ის ყოფილა
დაშენებული. საყურადღებო წარწერა ამ ქვისა მოყვანილია ქვემოთ ოლთისის ციხის
ეკლესიის აღწერაში.

თავი I

კოლა

კოლა ანუ კოლას ხევი არის სათავე მდინარე მტკვრისა. თათრები ამას
უწოდებენ გელ, ხოლო რუსების დროს ეს შეადგენდა გელის უბანს არდაგანის
ოლქისას. ტერიტორია ამისი უდრის 1898 კვადრატულ კილომეტრს. ეს არის
უზარმაზარი ჩაღრმავება ანუ ქვაბური; სახე აქვს ტოლფერდი სამკუთხედისა,
რომლის განიერი ფუძე ჩრდილოეთისაკენ მდებარეობს, ხოლო მწვერვალი
სამხრეთისაკენ. ზედაპირი მისი წარმოადგენს ვაკეს, რომელიც ამაღლებულია
ზღვაზე 6 500 ფუტით. შუაში პატარა მაღლობი ახლავს, რომელზედაც გაშენებულია
სოფელი ოკამი, ადმინისტრაციული ცენტრი გელის უჩასტკისა. ეს ის ადგილი უნდა
იყოს, რომლის შესახებ ბატონიშვილი ვახუშტი წერს: «ხოლო არტანისა და კოლის
საზღვარს ზეით, მტკვრის კიდის დასავლით, არს მცირე ქალაქი კოლა, და ზის აწ
ფაშა კოლის, და უწოდებენ კოლის ფაშას» (იხ. ვახ. გეოგრ. ბროსსეს გამოცემა, გვ.
106). მთებიდან, რომლებითაც შემოზღუდულია კოლას ქვაბური, აუარებელი წყარო
გამოდის, რომელნიც სხვადასხვა ადგილას ერთდებიან და ბოლოს შეადგენენ
მდინარე მტკვარს. გაზაფხულზე, თოვლის დნობის დროს, ქვაბური იქცევა
უზარმაზარ ჭაობად, რომელიც ტბის სახეს იღებს, და ალბათ ამიტომ დაარქვეს
თათრებმა «გელ», რაც ნიშნავს «ტბას». მართლა, გადმოცემით და გეოლოგიურადაც,
ეს ქვაბური ერთხელ უნდა ყოფილიყო ტბა, რომლის ჩრდილოეთის ნაპირები
გაირღვა და გაიკაფა გზა არდაგანის ველზე მტკვრის საშუალებით. მაისის შუა
რიცხვებში უმეტესი ნაწილი კოლასი შრება და ივლისში იმოსება მშვენიერი
ბალახით, მაგრამ ზოგ ადგილას რჩება ჭაობები, რომელნიც სასტიკ სიცხიან
ზაფხულშიც არ შრება. მომაღლო ადგილებსა და მთის კალთებზე არის სახნავი
მიწები, მაგრამ პური და ქერი ყოველთვის არ მწიფდება. მთელი დანარჩენი ნაწილი
ვაკესი წარმოადგენს მორწყულ მინდვრებს. ამიტომ აქ საუკეთესო საძოვრები და
სათიბებია და მცხოვრებნი უმეტეს შემთხვევში მისდევენ საქონლის მოშენებას,
თუმცა ხვნა-თესვასაც არ აკლებენ ხელს.
ამრიგად, კოლას რაიონი, როგორც მოვიხსენიეთ, არის მტკვრის დასაწყისი,
მაგრამ ვინაიდან ამ დასაწყისს შეადგენს უამრავი წყარო, ძნელია გადაჭრით თქმა,
რომელია მათში სათავე მტკვრისა, მაგრამ სათავედ საზოგადოდ მიჩნეულია ერთი
დიდი წყარო, რომელიც ნაკადულად გამოჰქუხს მთიდან სამხრეთ-დასავლეთის
ნაწილში ქვაბურისა და რომელსაც ეხლა მაჰმადიანები ეძახიან კურიუხ-ბაჩაი,
ხოლო ქრისტიანები აიაზმას უწოდებენ, ესე იგი ნაკურთხს ანუ წმიდა წყალს. ეს
სახელი ძველთაგან უნდა მომდინარეობდეს. ქართველებს ამ სახელით
მოუნათლავთ თავისი საყვარელი მდინარე. ამ წყაროზე აშენებული ყოფილა ძველი
ქვის ეკლესია ჩვეულებრივი რიგისა, რომლის ნანგრევები დღესაც ჩანს. ალბათ, ეს ის
ადგილია, სადაც ჯერ მოინათლნენ წყალში ღამით, ფარულად თავიანთი წარმართი
მშობლებისაგან, და შემდეგ ამისათვის ეწამენ მათგან ამავე ადგილას «ცხრა ყრმა,
სულიერი ძმანი, კოლაელნი», რომელთა ცხოვრება გამოსცა ნ. მარმა (იხ. ტექსტი ი.
როზისკანია, V, 53–64) და რომელსაც დროთი აკუთვნებენ V–VI საუკუნეს22, ხოლო
მათი მარტვილობის დაწერას – მე-8-9 საუკუნეს. შეუძლებელია, ეს ადგილი არ
აღენიშნათ ეკლესიის აშენებით. ეს წყარო, მტკვრის სათავედ მიჩნეული, ერთი
კილომეტრის დინების შემდეგ თანდათან იკარგება მიწაში და მისი დენა
აღნიშნულია მხოლოდ ჭაობებით, რომელნიც მცხუნვარე ზაფხულშიაც არ შრება და
ბოლოს გამოდის მდინარედ სოფელ არპაშენთან და შემდეგ დის სოფელ
ვარგინისამდის, სადაც მას ერთვის კიურდკეი-სუ, ანუ როგორც ადგილობრივი
მცხოვრებნი უწოდებენ პასარდჟიკჩაი. აქედან უკვე მტკვარი თვალსაჩინო მდინარეა
და მისი სიგრძე კასპიის ზღვაში შერთვამდის უდრის 1100 კილომეტრს23.
მოსახლეობა კოლასი, ჩვენი ექსპედიციის დროს, ფრიად აჭრელებული იყო:
ნაწილს შეადგენდნენ გამაჰმადიანებული ქართველები, მესხები, ნაწილს – ქურთები,
ბერძნები და სომხები. ბერძნები და სომხები გადმოსახლებულნი იყვნენ აქ რუს-
ოსმალთა ომის შემდეგ 1877–1878 წლებისა ოსმალეთიდან და დასახლებულნი იმ
ადგილებში, რომელნიც დასტოვა გამაჰმადიანებულმა ქართველობამ და ირჩია
ოსმალეთში გადასახლება. ოფიციალური ცნობებით, არდაგანის ოკრუგიდან სულ
გადასახლდა ოსმალეთში 1407 კომლი ანუ 22 843 სული. ამას უნდა მიემატოს კიდევ
ფოცხოვის უჩასტკიდან გადასახლებულნი 388 კომლი ანუ 3 752 სული. ოლთისის
ოკრუგიდან გადასახლდა 1063 კომლი ანუ 10180 სული.
სიძველეთა ძეგლები, ეტყობა, კოლაში ბევრი ყოფილა. არ არის სოფელი ან
ნასოფლარი, სადაც არ იყოს ნანგრევები ან ნაშთები ეკლესიებისა, კოშკებისა თუ
ციხეებისა, მაგრამ ახლა ყველა ეს უმეტეს შემთხვევაში განადგურებულია. ჩვენამდე
მოღწეული ძეგლები, შედარებით სხვა სამუსულმანო საქართველოს რაიონებთან,
ცოტაა. ეკლესიები უმეტეს შემთხვევაში ჩვეულებრივი რიგის არის, ერთნავიანი
ბაზილიკა, ნაშენი გათლილის პატარა ოთხკუთხედი ქვებით. გუმბათიანი ეკლესია
ბევრი არ ყოფილა. ბერძნებს და სომხებს ძველი ქართული ეკლესიები ზოგი
გადაუკეთებიათ, ზოგი დაუშლიათ და მათ ადგილას იმავე ქვებით ახალი
აუშენებიათ. მაჰმადიანებს კიდევ თავის მხრით დაუშლიათ ეკლესიები და მათი
ქვები გამოუყენებიათ თავიანთი სახლების და ჯამეების ასაშენებლად.

დადაშენი

დადაშენი ცნობილია როგორც კათედრა ეპისკოპოზ დადაშნელისა, რომლის

სამწყსო სამცხე-საათაბაგოს მწყემსთა სიაში ასეა განმარტებული: «სრულიად კოლა
და ხორცევანი (ვარიანტით ხორტევანი) ყარსალზედ მიდგმამდის» (დ. ბაქრაძეს არხ.
მოგზ. გურია-აჭარაში, გვ. 81–86 და ჩემი არხ. მოგზ. I, გვ. 77). ქართლის მეფის
კურთხევის დროს შემდეგ საქართველოს დაყოფისა და დადაშნელს 35-ე ადგილი
ეჭირა (იქვე, გვ. 80, 85). ბატონიშვილი ვახუშტი თავის გეოგრაფიაში (გვ. 106) ამ
ეკლესიის შესახებ ასე წერს: «ამ (მცირე ქალაქის) კოლას ზეით, მტკვრის კიდეზედ,
დადეშს არს ეკლესია, დიდმშვენიერ-გუმბათიან-შენი, და აწ უჴმობენ

22 ივ. ჯავახიშვილი, ძველი ქართული საისტორიო მწერლობა, გვ. 37, გამ.2; კ.კეკელიძე,
ძველიქართული ლიტერატურა, გვ. 561-565.
23 გეოგრაფიულ-სტატისტიკური ცნობები უფრო დაწვრილებით იხ. ხელმიცკი, კარსკაია ობლასტ,

ნაწილი I. თბ. 1892,გვ.56-57, 203-305.

დორთქილისია. იჯდა ეპისკოპოზი, სულიად კოლისა, და აწ უქმი არს». სახელოვანი
გეოგრაფი აქ შემცდარია. დორთ-კილისა სხვა არის და დადაშენი სხვა.

დადაშენის გუმბათიანი ლამაზი ეკლესია გაშენებული ყოფილა მოგრძო

მაღალ გორაკზე, რომელიც ამობურცულია ვაკეზე და წარგრძელებული ცხენის
ზურგსავით აღმოსავლეთიდან დასავლეთისაკენ. გორაკი ვიწროა და მოზღუდული
ქვითკირის კედლებით ერთი საჟენის სისქისა; ხოლო სამხრეთის მხრით ახლა
ზღუდე აღარ მოჩანს. ზღუდეში შესავალი ორი მხრიდან არის, ერთი დასავლეთით
და მეორე ჩრდილო-დასავლეთის მხრით. აქეთ-იქით ორივე შესავლისა აღმართული
ყოფილა მაღალი ოთხკუთხედი კოშკები; დასავლეთის კოშკები გვარიანად არის
შენახული. თვით ეკლესია აშენებული ყოფილა უფრო მომაღლო ნაწილში
აღმოსავლეთით გორაკისა, მაგრამ ეს ეკლესია, მოწითალო თლილის ქვით
შეძერწილი შიგნით და გარეთ, დაუნგრევიათ და მისი ქვები მოუხმარიათ ჯამეს
ასაშენებლად სოფელში, რომელიც გორაკს ქვემოთ, ცოტა მოშორებით არის ახლა
გაშენებული. კედლების ნაშთები აღმოსავლეთით, სამხრეთით და სამხრეთ-
დასავლეთით უკეთ არის შენახული და ამის მიხედვით არის შედგენილი ის გეგმა,
რომელიც ჩვენს ალბომში მოქცეულია 27-ე с. ტაბულაზე. გარედან ეს გეგმა
წარმოადგენს სწორკუთხოვან ოთხკუთხედს, რომლის საკურთხეველი
მომრგვალებით გამოდის გარეთ აღმოსავლეთით. შიგნით კი გეგმა ჯვარის სახით
არის გამოხატული და ეს ჯვარი ჩასახულია ოთხკუთხედში. სამკვეთლოს და
სალაროს ანუ სადიაკვნეს აფსიდები არა აქვთ, სწორკუთხოვან ოთახებს
წარმოადგენენ, ისე როგორც მათი ფარდი ოთახები დასავლეთის კუთხეებში. ამ
ოთხი ოთახის კედლებზე ყოფილა დამყარებული თაღები გუმბათით. როგორ იყო
განაწილებული კარები და ფანჯრები, დარჩენილი კედლების ნაშთებთან არა ჩანს
და ამიტომ არც გეგმაზეა აღნიშნული.

ირგვლივ, როგორც ზღუდეში, ისე ზღუდის გარეთ, მრავალი შენობის ნაშთები

მოჩანს, თლილის ქვებისაგან ნაშენნი. საკმაოდ მოიპოვება აგრეთვე სასაფლაოს
ქვები, რომელნიც უფრო ხშირად წარმოადგენენ ქანდაკებას შეკაზმული ცხენისა, თუ
ცხვარისა და ზოგჯერ ქვაზე ამოჭრილი კაცის სახეებს. გერმანელი მოგზაური
ბოტანიკოსი კოხი თავის მოგზაურობაში 1843 წლისა სხვათა შორის იხსენიებს ამ
დადაშნის ეკლესიასაც24. მის დროსაც ეკლესია დანგრეული ყოფილა და მას მოჰყავს
ხალხის თქმულება, თუ რისთვის იქნა დატოვებული და გაოხრებული ეს ეკლესია.
ამ
თქმულებით, საქართველოს მეფე არტანუჯში ცხოვრობდა. მან უბრძანა ერისთავს
მისთვის დადაშენში აეშენებინა საზაფხულო სასახლე და ეკლესია. ერისთავმა
თავდაპირველად ეკლესია აღაშენა. მობრძანდა მეფე და უსაყვედურა ერისთავს, რომ
მას უმალ სასახლე არ აუშენებია. ერისთავმა უპასუხა: ზეციერი მეფე უფრო მაღლა
დგას, ვიდრე მიწიერიო. განრისხებულმა მეფემ ბრძანა ამ კადნიერებისათვის.
ერისთავის ეკლესიის სვეტზე ჩამოკიდება. ბრძანება აასრულეს და მით ეს ეკლესია
წაბილწეს. მორწმუნე ხალხმა მიატოვა მას შემდეგ ეკლესია, მაგრამ კედლები კიდევ
დგანან, რომ ხსოვნა უცნაურის სისხლის ღვრისა არ ამოიფხვრას ხალხის
მეხსიერებიდან. ამ თქმულებიდან ერთი დასკვნა შეიძლება გამოვიყვანოთ, რომ

24 Reise im pontischien Gebirge und türkishen Armenien, II. Weimar, 1846.

დადაშნის საკათედრო ეკლესია იმ დროს არის აშენებული, როდესაც ბაგრატიონების
რეზიდენცია ჯერ კიდევ არტანუჯი იყო, ესე იგი მე-9-10 საუკუნეში ამ დასკვნას
თვით ეკლესიის გეგმაც არ ეწინააღმდეგება.

დორთ-კილისა

დორთ-კილისა თათრული სიტყვაა და ნიშნავს ოთხ ეკლესიას. დორთ-

კილისად არის აგრეთვე ცნობილი ერთი სოფელი ისპირში. ძველად აქ იყო «ლავრა
ოთხთა ეკლესიათა». ამ შემთხვევაში თათრული მისი სახელი ქართულიდან არის
ნათარგმნი. ასეთივე იყო ძველად კოლას დორთ-კილისის სახელი თუ არა, არ
ვიცით.
ისპირის ოთხთა ეკლესიაში დღემდე კარგად შენახულა სამნაოსნიანი დიდი
ბაზილიკა25.
კოლას დორთ-კილისა ბორცვზეა გაშენებული. ეკლესია მართლა ოთხი
ყოფილა ერთ დროს. პირველი მათგანის ნანგრევები შუა სოფელში მოჩანს, მაგრამ
გარდა საძირკვლის ნაშთებისა და შეკირწყლული მაგარი კედლების ნამტვრევებისა
აღარაფერი არ შენახულა. ეკლესია პატარა ყოფილა. სხვა ეკლესიები არის
გაშენებული ბორცვებზე დასავლეთის მხრით სოფლისა. ერთ ბორცვზე, რომელიც
უფრო ახლოა სოფელზე, დაცულია ნანგრევები კოხტა გუმბათიანი ეკლესიისა.
ეკლესია ქვისგან ნაშენი შეძერწილი ყოფილა შიგნით და გარეთ პატარა
კვადრატული ნათალი ქვებით. გეგმა მისი სამაფსიდიანია, ლამაზი ჯვარის სახისა
(იხ. ტაბ. 23, c). აფსიდები გარეთ სამწახნაგოვნად გამოდიან და მათში თითო
ფანჯარაა დატანებული. დასავლეთის ფრთა წაგრძელებული ოთხკუთხედია,
რომელსაც ახლავს დასავლეთითვე სტოა ოთხკუთხედი, წაგრძელებული
სამხრეთით, სამხრეთის ჯვარის მკლავის გასწვრივ. შესავალი აქვს სტოას
დასავლეთით და ეკლესიაც დასავლეთის კარებით უერთდება მას. გუმბათი და
გუმბათის ყელი ჩანგრეულია და უმეტესი მათი ნაწილები ძევს შუა ეკლესიაში.
გუმბათი ყელითურთ დაბალი ყოფილა; აფრები ჰქონია კონუსისებური; კონუსის
სახე აქვს გუმბათსაც. შიგნით ეკლესია შელესილი ყოფილა და შემკობილი
ფრესკებით, რომელნიც ახლა სულ მოშლილია. ეს ეკლესია რამდენიმედ
მოგვაგონებს ზეგანის სამაფსიდიან ეკლესიას არდაგანის ოკრუგში (იხ. ჩემი მე-12
ტომი, მოსკოვის საზ. „მატ. პო. არხ. კავკაზა“, გვ. 65, სურ. 38, 39). განხილული
ეკლესია უნდა ეკუთვნოდეს მე-9 საუკუნეს.
მეორე ბორცვზე ამ ეკლესიის მახლობლად მოიპოვება ნანგრევები ორი
ეკლესიისა, რომელნიც ერთი მეორეზეა მიდგმული. ორივე ნაშენია ქვით და
შეძერწილი ზერელე ნათალი ქვებით (იხ. ტაბ. 27, с). ერთი მათგანი ჩვეულებრივი
რიგისაა: ერთნეფიანი ბაზილიკა, მოგრძო. კარი ჰქონებია დასავლეთით (გეგმაზე
აღნიშნული არ არის). ფანჯარა – აღმოსავლეთით და დასავლეთით. სამხრეთით ეს
ბაზილიკა უერთდება კარით მეორე ეკლესიას, რომელიც ოვალური, კვერცხის
მსგავსი გეგმისაა. ორის ფანჯრებიანის აფსიდით, აღმოსავლეთით და დასავლეთით,
და კარით სამხრეთის კედრით (გეგმაზე აღნიშნული არ არის). ამ კედრით ყოფილა

25ივ. ჯავახიშვილი შეცდომით ამ ლავრას კოლას აკუთვნებს (იხ. «ქართველი ერის ისტორია», ტ. II, გვ.
325).
კიდევ ერთი ფანჯარა. ეკლესიას გუმბათიც ჰქონია შინაგანი კვადრატის კუთხეებზე
დაყრდნობილ კამარებზე აგებული, მაგრამ ეს ახლა სრულიად მოშლილია.
დასავლეთის მხრით ეკლესიის კედელი ამოყვანილია ერთ მთლიან ქვაზე და ამ ქვის
ქვემოთ მოჩანს შესასვლელი აკლდამაში, მაგრამ ეხლა შესასვლელი დახშულია.
ერთი დიდი მასიური გათლილი ქვა, ერთი საჟენი და 4 ვერშოკი სიმაღლით და 2
არშინი და 14 ვერშოკი განით აყუდებულია სამხრეთის კართან ეკლესიისა და ამ
ქვაზე ამოჭრილია ჯვარი. დანიშნულება მისი ჩვენთვის გამოურკვეველია. შესაძლოა
ვიფიქროთ, ეს სასაფლაოს ძეგლი იყო. ორივე ეკლესია დახურული ყოფილა
ლორფინით. ეკლესია IX–X საუკუნეს უნდა ეკუთვნოდეს.

სოფელი ოკამი

ეს სოფელი ადმინისტრატიული ადგილი იყო გელის უჩასტკისა. მცხოვრებნი

თათრები და ქურთები იყვნენ. შუა სოფელში დარჩენილია ნანგრევები ძველი
ეკლესიისა მოდიდო თლილის ქვით შეძერწილი შიგნით და გარეთ. ეკლესია
ერთაფსიდიანია, მაგრამ ჩრდილოეთის მხრით ეკვტერი აქვს უაფსიდო (გეგმა იხ.
ალბომში, ტაბ. 28 a და არა c, როგორც შეცდომით აღნიშნულია სარჩევში). ამ
ეკლესიის ნანგრევებს ამშვენებდა ჩვენს დროს ყარყატის ბუდე. ირგვლივ ძველი
სასაფლაოა დიდრონის ქვებით მოცული, ზოგჯერ ქვები სახელებით არის
შემკობილი; ერთზე კაცის სახეა ამოჭრილი, მეორე წარმოადგენს ქანდაკებას
შეკაზმული ცხენისას.

ტახტაკრან

ტახტაკრანი ფოსტის სადგური არის არდაგან-ოლთისის გზატკეცილისა. ამ

სოფლის მახლობლად მთის ფერდობზე არის პატარა ეკლესია, ტლანქად ნათალი
ქვით ნაშენი. სიგრძე აქვს 16 არშინი, სიგანე – 2 არშინი და 9 ვერშოკი. ნაწილი
თლილის ქვებისა გარედან მოძარცულია. ჩრდილოეთის მხრით ეკვტერი აქვს,
რომელიც ახლა მთის ფერდობის მიწაშია მოქცეული. კარ-ფანჯრების განაწილება იხ.
ტაბ. 25, e.

ჯიჯორი

ქურთების სოფელია 15 ვერსის მანძილზე ოკამიდან, მტკვირს პირზე.

სოფლის ზემოთ გორაკზე მოჩანს პატარა ძველი ეკლესია, ჩვეულებრივი რიგისა,
საკმაოდ კარგად დაცული, სიგრძით 15 არშ. და 5 ვერშ., განით 8 არშ. და 13½ ვერშ.
ნაშენია ზერელე ნათალი პატარა ქვებით. თაღი ჩამონგრეულია. კედლები კარგად
არის შენახული, სართავი კამარის ქუსლები ძირამდის არ ჩამოდის, დაკიდულია.
გეგმა იხ. ტაბ. 25, a.

თურქაშენი

ეს ბერძნების სოფელია ჯიჯორის ზემოთ, მტკვრის პირზე. აქ არის ნანგრევები

ორი პატარა ეკლესიისა, ორივე ჩვეულებრივი რიგისა, ზერელე ნათალის ქვით
ნაშენნი. ერთი გვარიანად არის დაცული, მეორე უფრო დანგრეულია. გეგმა მათი
ისეთივე არის, როგორც ჯიჯორის ეკლესიისა. აქვე მოიპოვება ნანგრევები ძველი
მრგვალი ქვის კოშკისა, რომელსაც ადგილობრივი მცხოვრებნი კულას უწოდებენ.
სხვა ეკლესიების ნანგრევებზე ჩვენ აღარ შევჩერდებით, ხოლო მოკლედ
ჩამოვთვლით, სად რა ვნახეთ.
სოფელ მუზარეთში, ბერძნების სოფელია, ძველი ეკლესია დაუნგრევიათ და
მის ადგილას იმავე ქვებით ახალი აუშენებიათ. ერთ ქვაზე შერჩენილი იყო
ასომთავრული წარწერიდან: «წ¯ო გ¯ი». აქვე ყოფილა მეორე ძველი ეკლესია. ისიც
დაენგრიათ და ჩემსობას იმ ადგილას აშენებდნენ ახალ ეკლესიას. ასეთივე ბედი
წვევია სოფ. არგინისის ეკლესიას. ქურთების სოფელში მუხთერეკში დაცულია
ეკლესიის ნანგრევების სამი კედელი. სოფ. დემურკამპ-ში არის პატარა ქვის ეკლესია:
ოთხივე კედელი დაცულია. აქ წითელ ქვაზე წარწერა ყოფილა ამოჭრილი, რომელიც
გელის უჩასტკის თანაშემწეს არდაგანში წაუღია. უჩ-კილისაში, როგორც სახელი
უჩვენებს, სამი ეკლესია ყოფილა. ორი ეკლესიის მცირე ნანგრევები დაცულია, მესამე
დაუნგრევიათ და მის ადგილას ახალი აუშენებიათ. განადგურებულია ძველი
ეკლესია სოფ. ხევაში... თურქაშენის ზემოთ, გზატკეცილის პირზე, პატარა ეკლესია
არის კარგად შენახული. ორა-კილისაში ეკლესიები განადგურებულია.
განადგურებულია აგრეთვე სოფ. კალკოსში. სამუთში ორი ეკლესია ყოფილა: ერთის
ნაშთები დაცულია. სოფელ სინოთში ჯამე აუშენებიათ ძველი ეკლესიის ქვებიდან.
ლაგოსტანში შერჩენილია ნანგრევები ძველი ეკლესიისა.

ციხე კალაჯუხი

სახე და გეგმა იხ. ტაბ. 31, a. ეს ციხე მდებარეობს ხუთი ვერსის სიშორით
სამხრეთ-დასავლეთით ჯიჯორისა, მშვენიერად არის დაცული და ფრიად ლამაზია.
ეს უსათუოდ ერთი საუკეთესო ძეგლია კოლას რაიონისა. აქ მტკვარს უერთდება
ჩრდილოეთიდან უზარმაზარი ღრმა ხევი. მტკვრისა და ამ ხევის ნაპირი ქმნის
ცხვირს სამკუთხედად მოყვანილს და ამაზე არის გაშენებული ციხე. ცხვირის
ნაწილი მტკვარსა და ხევსა შორის მოზღუდულია მაღალის ქვითკირის კედლით,
რომელიც ნაშენია ვეებერთელა ქვებისაგან. სისქე კედლისა უდრის ერთ საჟენს და
ზემოთ დაკბილულია. კედლებს ეკვრის ოთხი ნახევრად-მრგვალი და ორი
ოთხკუთხედი მაღალი კოშკი. უკანასკნელს კოშკებს გვერდებიდან აქვს თითო კარი.
ჩრდილოეთ-სამხრეთის შესავალს ზემოდან დახურული ბანი აქვს, რომლის მუხის
მთლიანი სქელი იატაკი დასვრეტილია, რომ აქედან მდუღარის გადარება
შესაძლებელი ყოფილიყო მომხდურთათვის და აგრეთვე წვიმის წყალი არ
გაჩერებულიყო იატაკზე. ამ კოშკების გაგრძელებას შიგნით ციხისა შეადგენენ
დახურული შენობანი, აგრეთვე სიმაგრენი და სხვა სადგომები. ციხიდან საუცხოო
გადასახედია, ვინაიდან მისი არემარე ერთობ ლამაზია. მეორე პირი მტკვრისა აქ
მოცულია ნაძვ-ფიჭვნარით სულ მთის მწვერვალამდის. ეს ტყე იწყება თურქაშენის
დასავლეთით და მთები, რომელნიც აქედან მიიმართებიან არსიანის ქედამდის, სულ
ფიჭვნარით არის მოცული. სხვა ადგილები კოლას რაიონისა უტყეოა. მარჯვენა
მხარეზე მიყოლილი მთები მტკვრისა ადგილ-ადგილ არის ტყიანი. ჩვენი
ფოტოგრაფიული სურათი ციხისა კარგად გამოსულია.
ჩვენის აზრით, კალაჯუხი ის ციხეა, რომელსაც ვახუშტი ქუმურლუხის
სახელით იხსენიებს. ის წერს: «ხოლო მტკვრის სათავეს ზევით, ყალნუ-მთის ძირზე,
არს ციხე შენი ქუმურლუხი, მაგარი და შეუვალი (ვგონებ ბეჭის ციხედ), აწ ცარიელ
არს. ამას ზედა გარდავალს გზა ბანას და ფანასკეტს» (იქვე, გვ. 106). სხვა უკეთესი
ციხე კოლაში არ არის.
სოფელ კონკის ზემოთ მთაზე დიდი ოთხკუთხედი ციხეა. სიგრძე აქვს 12
საჟენი, განი ექვსი საჟენი. შიგნით და გარეთ მისი კედლები დიდრონი ქვებით არის
შეძერწილი, მაგრამ უკიროდ; ხოლო შუა კედელი კი კირითაა ნაშენი; სისქე
კედლებისა ერთი საჟენია. მიმართულება აქვს ჩრდილოეთიდან სამხრეთით;
კუთხეებში მომრგვალო კოშკებია აშენებული. ახლა ციხე სანახევროდ დანგრეულია.
სოფ. ვაღავერის ზემოთ და მახლობლად სოფელ ოხჩისა და მეხკერაკისა არის
პატრა ციხე-კოშკი; ახლა უწოდებენ ქოროღლის ციხეს; პატარა ციხე მოიპოვება
აგრეთვე სოფ. სანამ-ოღლში. აქ თხრის დროს ჯვარი ეპოვათ.
თუმცა კოლას ოლთისის ოკრუგიდან მაღალი წყალთგამყოფი ქედი ჰყოფს,
მაგრამ გადასასვლები კარგია. მათ შორის საუკეთესოდ ითვლება ორი ზეკარი –
პანჯურეთისა და აგუნდირისა. აგუნდირი უკანასკნელი სოფელია კოლასი, სადაც
თავდება ახალქალაქ-არდაგან-კოლას გზატკეცილი და აქედან ეშვება ქალაქ
ოლთისში. ჩვენ ამ გზით ვისარგებლეთ.

თავი II

ოლთისის ოკრუგი (ძველი ტაოს ნაწილი).

ოლთისის ოკრუგი ყარსის ოლქისა მოქცეული იყო მთლად ოლთისის წყლის

ბასეინში: ოლთისის წყალი შემდინარეა ჭოროხისა მარჯვენა მხრით; იწყება
სევრიდაგის მთიდან და სდის 145 ვერსის მანძილზე. ამათგან 25 ვერსი სათავითგან
რუსთა საზღვრების შემოსვლამდის და 20 ვერსი მისი ბოლო ნაწილისა დარჩენილი
იყო ოსმალეთის საზღვრებში; ხოლო დანარჩენი ნაწილი 100 ვერსის სიგრძით
ეკუთვნოდა რუსეთს.
ოლთისის წყალი ხან სულ ვიწრო კალაპოტში მიმდინარეობს და შეკრულია
კლდოვანი მაღალი მთებით, ხან ქმნის ფართო ხეობებს ორი ვერსის სიგანით. ასეთია
მაგალითად, ხეობა ბანადან (პენიაკიდან) დაწყებული ოლთისამდის. ამ ხეობაში
ხშირია თიხის სილიანი გორაკები და ბორცვები, შეხამებული სულ სხვა და სხვა
საუცხოო ფერადებით, წითელით, ყვითელით, თეთრით, მწვანით და მაყვლის
ფერით. ეს გორაკები იშვიათს თვალწარმტაც სურათს წარმოადგენენ. ოლთისის
მხარე შეადგენდა ძველი ქართული პროვინციის ტაოს ნაწილს. ტერიტორია მისი
შეიცავდა 2958 კვადრატ. კილომეტრს. მცხოვრებთა რიცხვი უდრიდა 275 450 სულს.
უმეტესობა შეადგენდა გამაჰმადიანებულს ქართველობას, მესხებს. სხვებთა შორის
იყვნენ ბერძნები, ქურთები და სომხები. უკანასკნელებს იმ დროს შემოიხიზნენ
ზოგნი აბდულ ჰამიდის ჟლეტის ჟამს ოსმალეთიდან გადმოხვეწილი სომხები.
ბეგები ამ მხარისა ეკუთვნოდნენ ხიმშიაშვილის გვარეულობას. ოთხს მათგანს ჩვენ
გავეცანით ჩვენი ექსპედიციის დროს. ერთი უფრო შეძლებული დურსუნ ბეგი
ცხოვრობდა ტაოსკარში, ერთი ფანასკერტის მუხთარი (მამასახლისი) იყო, მეორე
კარნავაზის მუხთარი. ამას კიდევ შერჩენოდა ნაწილი ძველი დიდებული სახლისა,
რომელიც საუკეთესო იყო მთელს ოლთისის ოკრუგში. მესამე სტრაჟნიკი იყო და
ოკრუგის უფროსმა ჩვენ გვაახლა ყოველგან იმ რაიონში მოგზაურობის დროს. ის, რა
თქმა უნდა, ჩვენთვის მარტო საპატიო მხლებელი იყო, რომელიც კარგად იცნობდა
ყველა სოფელს. ჩვენ გავეცანით ოლთისში ამ სამი ძმის დედას. ის ასი წლის მოხუცი
იყო, მაგრამ ერთობ მხნე, მაღალი და წარმოსადეგი. მშვენივრად ლაპარაკობდა
ქართულს; მეხსიერებაც კარგი ჰქონდა. გამოირკვა, ის ყოფილა ბერიძის ასული;
წამოუყვანიათ ბეგის საცოლოდ 16 წლისა გურიიდან, სოფელ ქაქუთიდან. ქაქუთი
ჩოლოქის წყლის ნაპირად მდებარეობს, ყოფილ ოსმალეთის საზღვარზე და შედის
ჩემი სამშობლო ლეხოურის საზოგადოებაში. იგი მომიყვა იმ დროის გურიის ამბებს
და აგრეთვე როგორ დაწინაურებულნი იყვნენ ოსმალეთში მისი ქმარი და სხვა
ქართველი ბეგები. ბოლოს მკითხა, მალაქია გურიელი, დათა გურიელი, ყარამან
თავდგირიძე როგორ ბრძანდებიანო? მალაქია გურიელი დიმიტრი, კოწია და
ქაიხოსრო გურიელების მამა იყო, ხოლო დათა გურიელი იყო ჯაბა, ვახტანგ, მამია,
ტელემაკ და ვარდენ გურიელების მამა. ეს ორი ჩემს დაბადებამდის იყვნენ
გარდაცვლილნი. ყარამან თავდგირიძის სახელი, ნიკო თავდგირიძის მამისა,
ბავშვობაში ხშირად მსმენია, მაგრამ პირადად არ მინახავს. მე ვუთხარი, არც ერთი
აღარ არის ცოცხალი-მეთქი. ჰო, რა ადრე გარდაცვლილანო, მიპასუხა. მაჰმადიან
ქართველებს ქართული ენა საზოგადოდ დავიწყებული ჰქონდათ, მაგრამ ზოგიერთ
სოფელში – ფანასკერტელში, ანზავში და ნიაკომში მოხუცებულებს ზოგჯერ
ესმოდათ ქართული; ხოლო შეგნება, რომ ისინი წინათ ქართველები იყვნენ,
თითქმის ყველას ჰქონდა.
როგორც მოვიხსენიეთ, ოლთისის ოკრუგი მოქცეული იყო ოლთისის წყლის
ბასეინში. ეს მხარე ფრიად დასერილს მთიანეთს წარმოადგენს, ვინაიდან
წყალგამყოფი მაღალი ქედებიდან არდაგანის და ოლთისის ოკრუგების შორის
გამოდიან მრავალი შტოები და ქედები და ავსებენ მთელს მხარეს მთებით,
რომელნიც თავის მხრითაც წყალთ-გამყოფნი არიან ოლთისის წყლის უამრავი
შემდინარეების და ხევებისა. ამ შემდინართა შორის უმთავრესნი არიან: ბანას წყალი
(ეხლა პენიაკ-ჩაი), 52 ვერსი სიგრძით. ამ ბანას წყალს მოერთვის ბარდუსის წყალი,
სიგრძით 66 ვერსი. ასე რომ, უფრო სამართლიანი იყოს შეიძლება ბანას წყალი
მივიღოთ ბარდუსის წყლის შემდინარედ და არა წინაუკმო. მეორე შემდინარე ბანას
წყალისა არის კანლის წყალი (კანლი-სუ), სიგრძით 20 ვერსი. შემდეგ თვალსაჩინო
შემდინარე ოლთისის წყალისა არის სალაჩურის წყალი, სიგრძით 28 ვერსი; მარცხენა
შემდინარეთა შორის უფრო საყურადღებო არის სევრის წყალი (სევრიჩაი), მაგრამ ეს
შემდინარე, რომელიც სევრიდაგიდან გამოდის, უმეტეს ნაწილად მოქცეული იყო
ოსმალეთის საზღვრებში. მის საზღვრებში იყო აგრეთვე თორთუმის წყალი.
ოლთისის წყალი შემოდიოდა რუსეთის საზღვარში ეგრეთ წოდებული
ნარიმანის კარებით. ნარიმანი დიდი ბერძნული სოფელი იყო ალლა-ბალიკ-სუს
ნაპირას, რომელიც ოლთისის წყლის მეორე მარცხენა შემდინარეს წარმოადგენს.
ნარიმანის ჩრდილოეთის მხრით მაღალ კლდეზე ეკლესიის ნანგრევებს უჩვენებენ.
ამის ქვემოთ მეორე ეკლესიის ნანგრევები ყოფილა და აგრეთვე დიდი ციხისა,
რომლის ზღუდეები ზოგ ადგილას კარგად ყოფილა დაცული. სამწუხაროდ, ეს
ადგილები ჩვენ უნახავი დაგვრჩა, როგორც მოვიხსენიეთ, ჩვენი თანამშრომლების
ავადმყოფობის გამო.

ბანას დიდი მრგვალი ტაძარი

შესანიშნავი ბანას ტაძრის ნანგრევები დაცულია ვერსნახევარი სიშორით

სოფელ პენიაკიდან, ჩრდილოეთის მხრით, მარჯვენა ნაპირზე ბანას წყლისა,
რომელიც შემდინარეა ოლთისის წყლისა. ბატონიშვილი ვახუშტი წერს ბანას
შესახებ: «ამ წყალზედ (ბანა-ფანასკერტელის წყალზედ), მთაში, არს ბანა, აწ
უწოდებენ ფანაქს. აქ არს ეკლესია გუნბათიანი, დიდი, შვენიერად ნაგები, კეთილ-
შვენიერ ადგილს, აღაშენა მეფემან ადარნასემ, და დაფლულ არიან მეფენი, იჯდა
ეპისკოპოზი მწეყმსი ფანასკერტისა და სრულიად ტაოსი, ოლთისისა და ნარუმაკისა
(ნარიმანისა) და აწ არს ცალიერი» (იხ. ვახუშტის გეოგრაფია, ბროსეს გამოცემა, გვ.
118).
ბანელის სამწყსო სამცხე-საათაბაგოს მღვდელ-მთავართა სიაში ასეა
მოხსენებული: სულ ბანი, ტაოს-კარი, ფანასკერტი, ჰარიზის ხეობა, სრულად
ოლთისი, ნამურკანი ანუ ნამურაკანი (ეხლანდელი ნარიმანი (იხ. ჩვენი
არხეოლოგიური მოგზაურობანი და შენიშვნანი, I, გვ. 77).
ბანას ეკლესიის აშენების დრო გარკვეულად აქვს აღნიშნული ბაგრატიონთა
ისტორიკოსს სუმბატ დავითის ძეს. იგი წერს: «ადარნასე, ძე დავით კურატპალატისა,
დასუეს ქართველთა მეფედ... და ამან ადარნასე (881–923), ძემან დავით
მოკლულისამან, აღაშენა ბანა ჴელითა კვირიკე ბანელისათა, რომელი იგი იქმნა
პირველ ეპისკოპოს ბანელ» (იხ. ჩვენი სამი ისტორიული ხრონიკა, გვ. 59 და მარიამ
დედოფლის ვარიანტი, გვ. 347–348). აქედან ცხადდება, რომ ბანას აღშენება
ეკუთვნის მეცხრე საუკუნის დასასრულს, ან მეათეს დასაწყისს. კვირიკეს გარდა
ბანელ ეპისკოპოზთა შორის ცნობილია იოანნე, რომელმაც უღალატა ბაგრატ IV და
ტაოელ აზნაურებთან ერთად წავიდა საბერძნეთს 1027 წელს, და ზაქარია, რომლის
ბრძანებით მეთერთმეტე საუკუნეში გადაწერილია დიდი ტყავის კრებული, №1
სეკლესიო მუზეუმისა, რომელიც შეიცავს უმთავრესად შრომებს გრიგოლ
ღვთისმეტყველისა. ბანაში დაიწერა ჯვარი ბაგრატ IV ბიზანტიის იმპერატორის ძმის
რომან არგირის ასულზე ელენეზე. ბანას ეკლესიაში იმარხებოდნენ ზოგიერთი ტაოს
ბაგრატიონები. ბოლო დროს იქ დაიმარხა ვახტანგ IV (1442–1445) და მისი მეუღლე
სითი-ხათუნ, ფანასკერტელის ასული, რომელიც გარდაიცვალა ერთი წლით ადრე
თავისი ქმრისა.

ბანას საეპისკოპოზო შესანიშნავი ტაძრის აღწერილობა, როგორც

მოვიხსენიეთ, გამოცემულია უკვე (იხ. «მატერიალი პო არხეოლოგიი კავკაზა», XII,
გვ. 88–117); იქვეა აღწერილი ბანას არემარის საყურადღებო ეკლესიების ნაშთები
სოლომონისის ანუ სოლომონ-კალის, ჩამხუსის და კიაგმის-ალტის (გვ. 80–84).
ამიტომ აქ მოკლე ცნობებს მოვიყვანთ მათ შესახებ და ვუჩვენებთ ხსენებულს
გამოცემაში მოთავსებულ სურათებს. კერძოდ, ბანას ზოგიერთი სურათი
მოთავსებულია ჩვენი გეგმებისა და ფოტოგრაფიების მიხედვით გ. ჩუბინაშვილის
გამოცემაში: «ქართული ხელოვნების ისტორია», ტ. I, სახელგამი, ტფილისი, გვ. 168–
174. აქ არის სხვათა შორის ხუთი ფოტოგრაფია (იხ. სურათები 122, 123, 124, 125 და
126), რომელნიც მოსკოვის გამოცემაში არ შესულა, თუმცა ჩვენ მიერ წარმოდგენილი
იყო. მიზეზად ისედაც სიუხვე სურათებისა დაასახელეს (მართლაც, ბანას
აღწერილობას დართული აქვს სულ 26 სურათი). ზოგიერთი სურათი
გამეორებულია აგრეთვე რუსულ და ქართულ გამოცემაში გ. ჩუბინაშვილისა და ნ.
სევეროვისა: «ქართული არქიტექტურის გზები», წაკითხული სრულიად
საქართველოს საბჭოთა არქიტექტორების პირველ კრებაზე, 1936 წლის 21
თებერვალს. ტექგამომცემლობა: «ტექნიკა და შრომა», ტფილისი, 1936, გვ. 59–66;
რუსულად: „პუტი გრუზინსკოი არხიტეკტური“, გვ. 58–70, იგივე წელი.

ბანას ტაძარი აშენებულია განგებ ზემოთ დავაკებულს მრგვალ ბორცვზე და

ძველად შემოზღუდული იყო ქვითკირის გალავნით, რომელიც ახლა
განადგურებულია (საზოგადო სახე მისი შორიდან დასავლეთით იხ. ქართ. ხელ.
ისტორ. სურ. ნაშთები ფრესკებისა შევამჩნიეთ საკურთხევლის კონქში და ზემო
სართულის პატრონიკეს ნაწილებშიც, მაგრამ თავდაპირველად ბანას კედლები
ფრესკებისათვის არ ყოფილა განკუთვნილი. ამას მოწმობს სხვადასხვა ფერის ქვებით
საუცხოოდ შეხამებული სამი მეოთხედი სვეტი სამხრეთ-აღმოსავლეთის
საკურთხევლის ნაწილისა და აგრეთვე ის გარემოება, რომ ნაგლესის (შტუკატურის)
ჩამოვარდნის შემდეგ გამოჩნდა ნაშთი ასომთავრული წარწერისა ნათალ შეძერწილ
ქვაზე ამოჭრილი და შემდეგ წითლად შეღებილი:
. . . . წყლე თე
დიდი
ზოგიერთის სიტყვების აზრით, დამატებით, შეიძლება ეს ნიშნავდეს:

«[ქრისტე შეი]წყალე თეოდორე დიდი».

ასეთივე წარწერა უნდა ყოფილიყო კიდევ სხვა ქვებზეც, ვინაიდან ერთ
ჩამოვარდნილს ქვაზე ეტყობა ორსტრიქონიანი წარწერა. პირველი სტრიქონი
მოშლილია, მეორეში იკითხება: «დიდი». ეს წარწერები თანამედროვე უნდა იყოს
ტაძრის აღშენებისა, ხოლო ეს არ ითქმის მესამე წარწერაზე ზემო სართულის
კუთხის ოთახის კედელზე აგრეთვე ასომთავრულით, რომელსაც დ. ბაქრაძეც
აღნიშნავს:
ქ-ე შ-ე გ-ი, ესე იგი: «ქრისტე, შეიწყალე გიორგი».
ეს მერმინდელი წარწერაა და უნდა ეკუთვნოდეს მოსრულ მლოცველს.
განცალკევებულ ქვებზე ზოგჯერ არის ნიშნები ხუცურის ასომთავრულით, უფრო
ხშირად ასომთავრული ხ¯ხ. სხვა წარწერები ახლა არ ჩანს. კოხი ამბობს, წარწერები
იყო, მაგრამ მაჰმადიანებს ისე გაუფუჭებიათ, რომ აღარაფერის გარჩევა არ
შეიძლებოდა დაწვრილებითო. ე. ვეინდებაუმი იყო ბანაში 1879 წელს და ის
შენიშნავს, მამად-ბეგმა გადმომცა, წარწერა იყო შესასვლელის ზემოთ შიგნიდან,
მაგრამ მცხოვრებლებმა წაიღეს შენობისათვისო. მე კიდევ ადგილობრივ გადმომცეს,
რუს-თათართა ომის დროს 1877–1878 წელს რუსის «ოტრიადი» იდგა ეკლესიის
გარშემო და ერთმა ღენერალმა წაიღო წარწერიანი ქვა ეკლესიიდანო. ყველაფერი ეს
მოწმობს, რომ წარწერები ყოფილა, მაგრამ არ შენახულა. ეს მით უფრო სამწუხაროა,
რომ ახლა ეჭვი შეაქვთ, ვითომც როცა ოსმალებს ამ ადგილას თავიანთი ბანაკი
ჰქონდათ მოწყობილი. 1843 წელს, როდესაც ბოტანიკოს კარლ კოხმა ინახულა ეს
ტაძარი, მას არავითარი ზედშენი არა ჰქონია და მთელი შენობა გარედან მას
წარმოუდგა როგორც ერთი უზარმაზარი გუმბათი, რომლის განის დიამეტრი
უდრიდა გუმბათის სიმაღლეს. ესო, ამბობს კოხი, ეჭვს გარეშე, ყველაზე უფრო
ლამაზი და ყველაზე უფრო მშვენიერია მათ შორის, რაც მე ამგვარი რამე მინახავს
მთელს აღმოსავლეთში, კონსტანტინეპოლის გამოკლებითო.26 ჩვენს გამოცემაშიც
აღდგენილი ფასადი დაახლოებით ასეთ შთაბეჭდილებას ახდენს (იხ. ტაბ. XX a).
1881 წელს, როდესაც დ. ბაქრაძემ ნახა ბანას ტაძარი, მას მხოლოდ გუმბათი
ჰქონდა ჩაქცეული. ჩვენი პირველი ნახვის დროს 1902 წელს ტაძარი უკვე ძალზე
დანგრეული იყო. გადარჩენილი იყო მხოლოდ შინაგანი აღმოსავლეთის სახე, მისი
პატრონიკენით, გალერეით და გარედან მიშენებული აღმოსავლეთისა და სამხრეთის
კოშკებით. დაცული იყო აგრეთვე გალერეის კედლები, გარდა ჩრდილოეთის

26 Reise im pontischen Gebirge und türkischen Armenien, II. Weimar, 1846. pp. 243–247.
ნაწილისა. ამ გალერეის შიგნით ჩაქცეული სამი მეოთხედი ტაძრის შინაგანი
კორპუსისა მოგეჩვენებოდათ ქვებით ამოვსებულ უზარმაზარ მორევად ანუ ტბად.
1907 წელს, როდესაც მეორეხელ ვინახულე ბინა, სურათი კიდევ უფრო სამწუხარო
იყო. გალერეის ჩრდილო ნაწილის ნანგრევი ბევრად უფრო გაფართოებული იყო (იხ.
საქ. ხელ. ისტ., სურ. 126). ის შესანიშნავი ორნამენტები აღმოსავლეთის გალერეის
კამარებისა, რომელიც ჩვენ ფოტოგრაფიულად გადმოვიღეთ 1902 წელს (ტაბ. XIX,
35), სულ ჩამონგრეულიყო, უფრო დაზარალებულიყო აგრეთვე აღმოსავლეთის
შინაგანი სახეც (იხ. საქ. ხელ. ისტ., სურ. 121), ძალზე ჩამონგრეული იყო კიდევ
კოშკებიც და სხვა. ეხლა ალბათ არც ის იქნება დაცული, რაც ჩვენ ბოლო დროს
ვნახეთ. ასეთია სამწუხარო ბედი ჩვენი დიდებული კულტურის ნაშთებისა.
შიგნით ბანას ტაძარი ყოფილა შემკობილი ფრესკებით 123); საუცხოოა
აგრეთვე ერთი სვეტის თავი, კაპიტელი, კორინთის რიგისა, გალერეაში (იხ. ტაბ. XX,
38). აფსიდებში სამ-სამი ფანჯარაა. გარეგანი სახე რგოლივით მრგვალი
შემოსასვლელისა ანუ გალერეისა შეიცავს 28 წახნაგს შემკობილს თითო ყალბი
კამარით და მომრგვალებულის ფანჯრით. ფანჯრები არ არის მხოლოდ კარებიან
წახნაგებში, რომელნიც ამ შემთხვევაში უფრო განიერია სხვებზე (იხ. ტაბ. XVII, 31, 32
და XX a). კამარები ეყრდნობა ორმაგ პატარა ნახევარ სვეტებს, ბაზებით და სვეტის
თავებით შემკობილთ (იხ. იგივე ტაბულები). კამარების ზემო სამკუთხედი არების
მორთულობა წარმოადგენს ფოთლოვან შემკულობას, ვაზებს მტევნებით და
ნამეტნავად ბროწეულის შტოებს მსხვილი ბარელიეფური ნაყოფით, ბროწეულებით
(ტაბ. XIX, 35); დასავლეთის კარის კამარის შემკობილობა შეიცავს ლამაზ პალმეტებს
(ტაბ. XX b).
დიამეტრი გალერეისა და მაშასადამე მთელის შენობისა უდრის 18 საჟენს.
გარეთ გალერეა შეძერწილია მოყვითალო ნათალის ქვით, შიგნით კი ტაძარი და
ეკლესია შეძერწილია ნაცრისფერი ნათალი ქვებით. სამივე შესასვლელს, ეტყობა,
ჰქონია პატარა კარიბჭე, პორტიკი, მაგრამ დღემდის არც ერთი არ არის დაცული.
ოთხკუთხედი მინაშენი ყოფილა აღმოსავლეთის მხრითაც, მაგრამ მას ახლა ფარავს
გარედან შემდეგ მიშენებული კოშკი და შიგნიდან აგრეთვე შემდეგ ამოყვანილი
კედელი; გალერეას შიგნით მიშენებული აქვს პილასტრები, რომელნიც
წაგრძელებულნი არიან 0,90 საჟენის მანძილით, და ესენი ქმნიან ოთხკუთხედ
ნიშებს, შეძერწილს ნათალის ქვებით. პილასტრები ზემოთ შეერთებულნი არიან
კამარებით; ამათ შელიგების ზემოთ იწყება ცილინდრული თაღები, და ესენი
აერთებენ გაკერეას კედლებს შინა ტაძრის კედლებთან (იხ. ტაბ. XXa და ქართ. ხელ.
ისტ. სურ. 124). გალერეის ნიშნები ეხლა ამოვსებულია ქვითკირის კედლებით,
მაგრამ ეს მერმინდელი სქემა (იხ. ტაბ. XIX, 36) უფრო მერმინდელია კიდევ ამ
ვეებერთელა შენობის ციხედ გადაქცევა გალერეაზე ზედშენით და ორი მაღალი
კოშკის მიშენებით აღმოსავლეთით და სამხრეთით (იხ. ტაბ. XVII, 31, 32). ეს
მომხდარა, უნდა ვიფიქროთ, ყირიმის ომის დროს. გეგმით ეს არის კოლოსალური
ზომის სამსართულიანი მრგვალი ეკლესია, ფრიად რთული კომპოზიციისა, მაგრამ
ერთობ მხატვრულად შესრულებული (გეგმები თითოეული სართულისა იხ. ჩვენი
მე-12 ტომი "მატერიალებისა", სურ. 68, 69, 70, 70a, 71; განაკვეთი და აღდგენილი
ფასადი, ტაბ. XXa და სურ. 67). ტაძრის კორპუსი შედგება ორი ჰარმონიულად
შეერთებული ნაწილისაგან, თვით ეკლესიისა და რგოლივით მრგვალი
შემოსასვლელისა, გალერიისა. შინაგანი ეკლესია წარმოადგენს სწორმკლავიან
ბერძნულ ჯვარს, ანუ ეგრეთ წოდებულ ტეტრაკონქს, შეხაზულს სიმრგვალეში.
კუთხეებში ჯვარისა ამოყვანილია სამსართულიანი ოთახები, პატრონიკენი,
რომელნიც თავიანთი სქელი კედლებით შეადგენენ ამავე დროს თავბურჯებს ამ
უზარმაზარი შენობისა. ამათ გადაყავთ გუმბათის დაწოლა გარეგანი კედლების
შემოხაზულობაზე. ქვემო სართულის აბსიდები თავსდებიან კოლონადებით,
რომელთა ზემოთ კამარები ნალისებურია (იხ. სურ. 68 და ტაბ. XVIII და XXa).
სვეტები მრგვალია, დამყარებულნი ბაზებზე და შემკობილნი ლამაზი სვეტის
თავებით კლასიკური რიგისა, მაგრამ გადამუშავებულნი. აღმოსავლეთის აბსიდაში,
რომელიც საკურთხეველს წარმოადგენს, სულ ექვსი სვეტია, სიმაღლით ერთი საჟენი
თითო და ეს სვეტები დაყენებულია ორ არშინნახევარის სიმაღლის სპეციალურ
კედელზე. ამით საკურთხეველი თვალსაჩინოდ გამოყოფილია სხვა აბსიდებისაგან
და შეუვალი გალერეიდან. მათი შეუვალობა კიდევ უფრო ხაზგასმულია
გადახერვით საკურთხევლის ნაწილის გალერეისა, რაც შესრულებულია
მერმინდელი ამოყვანილი ქვის კედლებით (იხ. სურ. 62 და 64). სხვა თანასწორ
აფსიდებში ოთხ-ოთხი სვეტია და ეს სვეტები უფრო მასიურია და ორჯერ უფრო
მაღალი, ვიდრე საკურთხევლის აფსიდის სვეტები. ესენი პირდაპირ იატაკიდან
იწყებიან და იმავე დროს მათი კამარები ტაძარში შემოსასვლელებს შეიცავენ
გალერეის მხრიდან. მეორე სართულის პატრონიკები როგორც საყდარში, ისე
საკურთხეველში გამოდიან ორმაგი კამარებით და ლამაზი ჩუქურთმიანი სვეტებით
შუაში (იხ. ტაბ. XVIII, 33 და XX, 37). სხვა სვეტებიც პატრონიკეთა შემკობილია
ლამაზი სვეტის თავებით (ერთი მათგანის სურ. იხ. ქარ. ხელ. ისტ. სურ. 125). ტაძარი
ადარნასე ქართველთა მეფეს კი არ აეშენებინოს მეცხრე–მეათე საუკუნის მიჯნაზე,
არამედ მეშვიდე საუკუნის პირველ ნახევარში აშენებული ტაძარი განეახლებინოს
და კვირიკე ბანელი დაესვას მის ეპისკოპოზად. ამ მოსაზრებას გამოთქვამს
პროფესორი გ. ჩუბინაშვილი (იხ. ქართ. ხელ. ისტ. გვ. 177–178). ჩვენი აზრით, ამაო
ცდა არის ბანას ეკლესიის აშენების დროს მეცხრე–მეათე საუკუნის მიჯნიდან
მეშვიდე საუკუნის ნახევარში გადატანა. ჯერ ერთი, რომ ეს ეწინააღმდეგება ასეთი
სწორი ისტორიკოსის მოწმობას, როგორიც არის სუმბატ დავითის ძე. რამდენად
მეტს ვპოულობთ ტაო-კლარჯეთის ბაგრატიონთა დროის წარწერებს, მით უფრო და
უფრო ვრწმუნდებით სუმბატის მიერ გადმოცემულ ფაქტების უაღრესად სისწორეში,
და ასეთი წარწერები ჩვენ ვიპოვნეთ იშხანის და ოშკის ტაძრებში, რომელნიც 1917
წლის ექსპედიციის მასალების აღწერილობაში იქნება მოხსენებული. სუმბატ არ
ამბობს, ადარნასემ მეორედ აღაშენა ბანაო, არამედ ის კატეგორიულად აცხადებს:
აღაშენა ბანა ჴელითა კვირიკე ბანელისათა, რომელი იგი იქმნა პირველ ეპისკოპოს
ბანელ. თუ ბანა მეშვიდე საუკუნეში იყო აშენებული, იქ ხომ წინათ სხვა
ეპისკოპოსებიც უნდა მჯდარიყვნენ და კვირიკე როგორ იქნებოდა მოხსენებული
პირველ ბანელ ეპისკოპოსად. ამ პირველხარისხოვან ტაძარს არა თუ ტაოს, არამედ,
მთელი კავკასიის უბრალო სამრევლო ეკლესიად ხომ ვერ წარმოვიდგენთ. ჩვენს
გამოკვლევაში აღვნიშნეთ, რომ ბანას ტიპის ეკლესია პირველად აშენებული იყო
იშხანში მეშვიდე საუკუნის პირველ ნახევარში სომხის ეპისკოპოსის ნერსესის მიერ
და ის აფსიდის კოლონადა, რომელიც დაცულია დღემდის იშხანში, უნდა
ეკუთვნოდეს ნერსესის ძველ შენობას. ეს კიდევ უფრო დამტკიცდა ჩვენის 1917 წლის
ექსპედიციით ტაო-ისპირში. ნერსესი წარმოშობით თვით იშხნიდან იყო. ეს იშხნის
ეპისკოპოსი 641 წელს აკურთხეს სომხეთის კათალიკოსად ნერსეს მესამის სახელით;
მან აღაშენა ეჩმიაძინის მახლობლად კარგად ცნობილი სომხურ ლიტერატურაში
მშვენიერი ზავარტნოცის ტაძარი და მიიღო სახელი აღმაშენებელისა. ამ ტაძრის
ნანგრევები გათხარა არქიმანდრიტმა ხაჩიკმა და მისი აღწერილობა პირველად
გამოსცა არქიმანდრიტმა (ეხლა ეპისკოპოსმა) მესროპმა ტერ მოვსესიანმა (იხ.
მეშვიდე წიგნი არხეოლოგიის კომისიის "იზვესტიისა"; პეტერბურგი, 1903 წელი).
ზავარტნოცის ტიპის ეკლესია აღაშენა ანისში 1001 წელს მეფე გაგიკმა. ამის
ნანგრევები ნ. მარრმა გათხარა და ის აღმოჩნდა სრული განმეორება, ასლი
ზავარტნოცის ტაძრისა (იხ. მარრის "ტექსტი ი როზისკანია", წიგნი მეათე)27. ჩვენ
ყველა ამ ტაძრის ნაშთები დაწვრილებით შევადარეთ ბანას ტაძრის ნაშთებს და იმ
დასკვნაზე მივედით, რომ ეს ტაძრები ერთი ტიპის არიან, გეგმებით, მასებით და
ნაწილობრივ ორნამენტებით, მაგრამ ბანა იჩენს ისეთ თავისებურებას, ისეთ
გადამუშავებას შინაგანი კონსტრუქციისა სამსართულიანი პატრონიკეთა
მოწყობით, რომ ის უნდა ჩაითვალოს უაღრეს განვითარებად და გაუმჯობესებად
ძირითადი გეგმისა, ძირითადი ტიპისა. ამან მისცა ბანას ტაძარს სიმტკიცე და
გამძლეობა; მან გაძლო მეათე საუკუნის დამდეგიდან მეცხრამეტე საუკუნის
ნახევრამდის, მაშინ როდესაც ნერსესის იშხანს და ზავარტნოცს ორი საუკუნეც არ
დასცალებიათ, ხოლო გაგიკის ტაძარმა ნახევარი საუკუნეც ვერ გასძლო. მასთან ეს
პატრონიკენი არა თუ არ აუშნოებენ შინაგან სახეს ტაძრისა, არამედ ისე არიან
შეხამებული საერთო კონცეფციასთან, რომ პირიქით ამშვენებენ და ალამაზებენ
საერთო სურათს. ბანას ხუროთმოძღვარი დიდ ხერხს და გენიალურ ნიჭს იჩენს ამ
შემთხვევაში.
ვისაც ტაოს ტაძრების ნაშთები დაუთვალიერებია, ის ადვილად
დარწმუნდება, რომ ძველი დროიდან X საუკუნის დასასრულამდის ამ მხარეს
ნაირნაირის გეგმების ძებნა ახასიათებს; არც ერთ სხვა კუთხეში ამდენ სხვადასხვა
გეგმების ტაძრებს ვერ იპოვნით, როგორც აქ, მაგრამ ამავე დროს ხშირია ერთი და
იგივე გეგმის გამეორება, მაგალითად ოლთისის ციხის ექვსაფსიდიანი ეკლესია
იგივეა, რაც კიაგმის ალტის ეკლესია; ორთული და ბახჩალი კიშლა ერთგვარი
ტრიქონქია, ოშკის ტაძარი საერთოდ გრანდიოზული გამეორებაა იშხანის
ეკლესიისა, პარხალი ტიპიური გამეორებაა ოთხთაეკლესიისა და სხვა; ამიტომ, რა
საკვირველია, რომ ადარნასე მეფეს აერჩიოს საზოგადო ტიპი ძველი იშხნისა ან
ზავარტნოცისა და მის ხუროთმოძღვარს თავისებურად გადაემუშავებინოს ეს ტიპი
და მიეცეს მისთვის ხასიათი დიდი გამძლეობისა და მხატვრულად
დაგვირგვინებისა. თუ ქართული ხელოვნების ავტორს მართლა სწამს, რომ ბანა
მეშვიდე საუკუნის ნახევარშია აშენებული, მაშინ მას ეს ძეგლი ქართული
ხუროთმოძღვრების ისტორიაში აღარ უნდა შეეტანა, ვინაიდან მაშინ ეს სომხური
ხელოვნების ნაშთი იქნებოდა, ე.ი. ნერსეს კათალიკოსის აშენებული. მართალია,
ავტორი მოგვითხრობს, რომ "ტაოში ცხოვრობდა ქართველთა და სომეხთა შერეული
მოსახლეობა, იშხნელ ეპისკოპოსთა კათედრა, როგორც სიები გვიჩვენებს, შედიოდა
იმ დროს საქართველოს საკათალიკოსოს შემადგენლობაში ისე, როგორც მეცხრე
საუკუნეში და უფრო გვიანაც, ამიტომ დაეჭვება, იშხნელთა კათედრა საქართველოს
კათალიკოსს ეკუთვნოდა თუ სომხეთისას, უადგილოა" (იხ. გვ. 175–176). აქედან
თითქოს ის დასკვნა გამოდის, რომ რაკი ტაოში მართლმადიდებელი ქართველობა
ცხოვრობდა, ნერსე ეპისკოპოსიც მართლმადიდებელი იყო, მის მიერ პირველად

27 იხ. აგრეთვე მისივე წიგნი: "ანი. კნიჟნიაია ისტორია გოროდა ი რასკოპკი ნა მესტე გორდიშჩა.
ლენინგრად-მოსკვა, 1934", გვ. 55–66, ტაბ XXIII–XXVIII. გამოკვლევა ზავარტნოცის და გაგიკის
ტაძრების შესახებ იხ. Strzygowski, Die Baukunst der Armenier und Europa, Wien. pp. 108–121. იქვე ბანას
შესახებ, გვ. 121–125.
იშხანში აშენებული ბანას ტიპის ეკლესია ქართული ხუროთმოძღვრების ძეგლია.
ამის გარდა, ავტორის აზრით, ბანას ტაძრის აღმშენებელმა მეშვიდე საუკუნის
ნახევარში ზეშთაგონება იშხანისაგან მიიღო, ესე იგი ქართული რიგის ტაძრისაგან.
მაგრამ ამის დასამტკიცებელი საბუთები არ არსებობს. ჯერ ერთი, ავტორი არ
გვაუწყებს, რა სიებია ეს სიები, რომელნიც გვიჩვენებს, რომ იშხანის კათედრა
მეშვიდე საუკუნის ნახევარში საქართველოს საკათალიკოსოს შემადგენლობაში
შედიოდა? ჩვენ ვიცით მარტო ერთი სია "სამცხე-საათაბაგოს მღვდელმთავართა სია",
რომელშიაც განმარტებულია იშხნელის სამწყსო და რომელიც ჩვენ ზემოთ
ვუჩვენეთ. მაგრამ საიდან ჩანს, რომ სია მეშვიდე საუკუნეს ეკუთვნის, ან უფრო
უწინდელ დროს? ჯერ მარტო სათაური უჩვენებს, რომ სია შედარებით გვიან დროს
ეკუთვნის, არაუადრეს მეცამეტე საუკუნისა, როდესაც ათაბაგების უფლება
განმტკიცდა მესხეთში და ამ მხარეს ეწოდა სამცხე-საათაბაგო. ტაოში, დიახ,
შერეული მოსახლეობა იყო ქართველთა და სომეხთა, შერეული იყო აგრეთვე
სარწმუნოებაც, ქართველები და დიდძალი სომხობა მართლმადიდებელნი იყვნენ. ამ
ორმა გარემოებამ შეუწყო ხელი ტაოს მოკლე ხანში ძირიანად გაქართველებას,
როდესაც მერვე საუკუნის მეორე ნახევრიდან აქ დამყარდა ქართველი
ბაგრატიონების ხელისუფლება; მანამდის ტაო სომხეთის პროვინციას შეადგენდა.
ეგევე არ ითქმის კლარჯეთზე, რომელიც ზოგჯერ გადადიოდა სომხების ხელში,
მაგრამ არა ხანგრძლივად. უკვე სომხური გეოგრაფია, რომელსაც ზოგნი მეხუთე
საუკუნის ძეგლად თვლიან, ზოგნი მეშვიდის, მოგვითხრობს, რომ კლარჯეთი
საქართველოს ნაწილს შეადგენდა. ნერსესი წარმოშობით იშხანიდან იყო, ტომობით
სომეხი, ხოლო რწმენით ხალკედონიტი, მაგრამ ამას იგი პირველად არ ამხელდა,
მანამ სომეხთა კათალიკოსი არ გახდა. მისი ცდა სომეხთა და ბერძენთა
სარწმუნოების გაერთიანებისა უშედეგოდ დარჩა. ნერსესის ხალკედონიტობა ნებას
არ გვაძლევს მის მიერ პირველად იშხანში აშენებული ეკლესია ქართული
ხუროთმოძღვრების ძეგლად ჩავთვალოთ. მაშინ ხომ მის მიერ იშხნის გეგმისად
აშენებული ზავარტნოციც ქართული ხუროთმოძღვრების ძეგლი იქნებოდა! თუ ბანა
მეშვიდე საუკუნეს ეკუთვნის, ის უსათუოდ სომხური ხუროთმოძღვრების ძეგლად
უნდა ჩავთვალოთ, უფრო გარკვეულად, იმავე ნერსესის აშენებულად. სხვას იმ
დროს ტაოში ასეთი ძეგლის აშენება არ შეეძლო. ამავე დროს ეს ფაქტი აღნიშნული
იქნებოდა ან სომხურს, ან ქართულს წყაროებში. ჩვენ კი მეათე საუკუნემდის ბანას
შესახებ არავითარი ცნობა არ გვაქვს. მერმე კიდევ, თუ პირველყოფილი იშხანის
გეგმის ისეთი გენიალური გადამუშავება, როგორიც ბანაში გვაქვს, მეშვიდე
საუკუნის პირველ ნახევარში მოხდა, მაშინ როგორ წარმოვიდგინოთ, რომ ნერსესმა
მეშვიდე საუკუნის მეორე ნახევარში არ ისარგებლა ამ გეგმით და ზავარტნოცი ბანას
გეგმით არ აღაშენა? ეგ შეუძლებელია. არც ის გამოდგება გადამჭრელ საბუთად, რომ
ბანას ერთი ორნამენტი, რელიეფური გამოხატულება ბროწეულისა, გამეორებულია
ბანაში, ისე როგორც ზავარტნოცში. ამას ხაზგასმით აღნიშნავს გ. ჩუბინაშვილი.
მაგრამ რაკი ბანას ხუროთმოძღვარმა ზავარტნოცის მსგავსი ტაძრის გეგმა მიიღო
საფუძვლად თავისი ნაწარმოებისა, რა გასაკვირველია, რომ მან ზოგი მისი
შემკობილობაც იქიდან ისესხა და აღადგინა. ხოლო ორნამენტებში განსხვავებაც
ბევრია. მაგალითად, ზავარტნოცში არ მოიპოვება ისეთი ლამაზი სვეტის თავი
კორინთული რიგისა, როგორიც არის ბანაში. არ გვხვდბა აგრეთვე ზავარტნოცში
ისეთი პალმეტები, რომელნიც არის დასავლეთის კარის ზემოთ და სხვა.
სამაგიეროდ, ბანაში არ ყოფილა სვეტის თავები ფრთაგაშლილი ბიზანტიური
არწივების სახით და კაცის თავის ფიგურებით, რომელნიც მოიპოვება ზავარტნოცში.
ყველა ამის მიხედვით ჩვენის აზრით, ბანა უნდა დარჩეს ქართული
ხუროთმოძღვრების ქმნილებად მეცხრე–მეათე საუკუნის მიჯნისა. მისმა
ხუროთმოძღვარმა მიიღო ძირითადი გეგმა ზავარტნოცის ტიპის ტაძრისა, მაგრამ
გენიალურად გადაამუშავა მისი შინაგანი სახე და გალერეის ფორმა, რომლითაც
მისცა თავის ქმნილებას უაღრესი სიმტკიცე და გამძლეობა და მასთან
დამთავრებული მხატვრული საუცხოო სახე.

ბანას პატარა ეკლესია

ამ ეკლესიის ნანგრევები მოიპოვება დიდი ტაძრის გვერდით, ჩრდილოეთის

მხრით, ზღუდის გადაღმა, გეგმა მისი ერთობ ლამაზია და საინტერესო. ეკლესია
ტეტრაკონქია, ჯვარის სახისა, რომელიც შეხაზულია ექვს წახნაგოვანში; გუმბათი
ჩაქცეულია; კედლები სანახევროდ დაცულია; ნაშენია თლილის ქვით; შესავალი
უნდა ჰქონებოდა დასავლით და აფსიდებში თითო ფანჯარა.

ბანას მღვიმეში დაცული ეკლესია

აღმოსავლეთ-სამხრეთის მხრით ბანას ახლავს მაღალი კლდოვანი მთა,

რომლის ნაპრალებში მღვიმეები მოჩანან. წინა პირი მათი ქვითკირის კედლებით
არის მოცული; კედლებში დატანებულია სარკმლები. მღვიმის ზალები კამარებით
არის შეერთებული და ერთს მათგანში, აღმოსავლეთისაკენ, პატარა ბაზილიკური
რიგის ეკლესია არის ერთის ფანჯრით აღმოსავლეთის აფსიდაში.

კიაგმის ალტი

ბანას არემარე, როგორც საუკეთესო ადგილი ოლთისის ოკრუგისა, სავსეა

ძველი ეკლესიის ნაშთებით. ჩვენ აქ აღვნიშნავთ, რომელნიც უკეთ არიან დაცულნი
და გამოცემულია ჩვენს მიერ მეთორმეტე ტომში «მატერიალებისა» და ვუჩვენებთ ამ
გამოცემის სურათებს. ჩრდილო-აღმოსავლეთით ბანას ტაძრისა ადგილზე,
რომელსაც ჰქვია კიაგმის-ალტი, დაცულია ნანგრევები ფრიად ლამაზი ექვსკონქიანი
ეკლესიისა. კედლები შიგნით და გარეთ შეძერწილია მოწითალო ნათალის ქვით.
აღმოსავლეთის კონქი წაგრძელებულია და შეიცავს საკურთხეველს, სხვები
თანასწორია. გარედან ეკლესია მრავალწახნაგოვნად გამოდის, შემკობილია
არკატურით და სამკუთხოვანი ნიშებით. გუმბათის ყელი მრგვალია. გუმბათი,
რომელიც ახლა ჩამონგრეულია, კონუსის მსგავსი უნდა ყოფილიყო. ტაძარი მეათე
საუკუნეს უნდა ეკუთვნოდეს.

ჩამხუსი

ჩამხუსის მახლობლად, სოლომონ კალის კლდოვანი მთის ძირში, პატარა

ხევის პირზე, მოჩანს ნანგრევები მეორე ფრიად საყურადღებო ეკლესიისა თავისი
გეგმით, მაგრამ სამწუხაროდ, სულ დანგრეულია; ასე რომ ნანგრევებიდან მარტო
გეგმის აღდგენა შეიძლება. ეს გეგმა საუცოოა თავისი სილამაზით. შუა ნაწილი
როტონდოა ოთხი თავი აფსიდით ჯვარის სახედ, მაგრამ ეს უბრალო ტეტრაკონქი
როდია, არამედ ჯვარის კუთხეებში გამართულია ოთახები, რომელნიც როტონდოს
უერთდებიან მომრგვალო ნიშნებით, აფსიდიოლებით. როგორც თავი აფსიდები, ისე
კუთხის ოთახები გარეთ გამოდიან სამწახნაგოვნად. ასე რომ, მთელი შენობა
მრავალწახნაგოვანია. საერთოდ, შენობა მცხეთის ჯვარის და მისგან წარმომდგარის
ატენის სიონისა და მარტვილის გადამუშავებულ ტიპს ეკუთვნის და მათზე უფრო
გვიანი დროის უნდა იყოს, დაახლოებით მერვე–მეცხრე საუკუნისა.

სოლომონისი, ახლა სოლომონ-კალა

ჩრდილოეთით სოფელ პენიაკიდან და რვა ვერსის დაშორებით მისგან მაღალ

კლდოვან მთაზე გაშენებულია სოფელი, რომლის ძველი სახელი ყოფილა
სოლომონისი, ხოლო ახლა უწოდებენ სოლომონ-კალას, ესე იგი სოლომონის ციხეს.
სოფელში ახლა 15 მოსახლე გამუსულმანებული მესხი ცხოვრობს, სხვები რუს-
თათართა ომის შემდეგ 1877–1878 წლებისა გადასახლებულან ოსმალეთში. სოფლის
სამხრეთით კლდოვან სერზე გაშენებულია დიდი მოგრძო ციხე, რომლის მაღალი
კედლები, კოშკები, ცისტერნები და სხვა შენობები საკმაოდ კარგად არიან დაცულნი.
სხვა მრავალ შენობათა შორის ციხეში დაცულია პატარა თლილის ქვისაგან ნაშენი
ლამაზი გუმბათიანი ეკლესია. ცენტრალური გეგმა მისი გუმბათის ქვეშ კვადრატს
წარმოადგენს, რომელსაც აღმოსავლეთით ეკვრის აფსიდა, ხოლო დასავლეთით
«პაპერტი» შეერთებული ტაძართან გაშლილის კამარით. გუმბათის ყელი მრგვალია,
ცილინდრისებურის გუმბათით. ზემოთ აფრები კონუსის მსგავსია. გუმბათის ყელში
ოთხი მრგვალი სარკმელია და ყელი გარედან შემკობილია რვა კამარით, რომელნიც
ემყარებიან ორმაგ ნახევარ სვეტებს თავიანთი ბაზებით და სვეტის თავებით. ზემო
ნაწილი გუმბათისა ჩამონგრეულია. დასავლეთის კედელზე ორ ქვაზე
ასომთავრული წარწერაა, რომელიც შემოკლებულად იკითხება ასე:

«ღმერთო და წმიდაო დიმიტრი, შეიწყალე ცოდვილი დავით მონაზონი, ამინ».

მეორე ქვაზე მარტო დასაწყისია დარჩენილი წარწერისა:
«ქრისტე, შეიწყალე»...

შიგნით ეკლესია სულ მოხატულია. მხატვრობა საკმაოდ კარგად არის

დაცული. ერთი ფრესკის წარწერა შეუმოკლებლად იკითხება ასე:

«შუბიძე მიქელ შეუნდვენ, ქრისტე ღმერთო დიდო (?), ამინ»

ეტყობა ეკლესია წმიდა დიმიტრის სახელზე ყოფილა აშენებული.

საკურთხევლის აფსიდაში დახატულია მაცხოვარი მოციქულებითურთ,
მთელის ტანით. გუმბათის ყელის ქვემო ნაწილში წარმოდგენილნი არიან
მედალიონებში წელსზევითნი ფიგურები წინასწარმეტყველთა და მოციქულთა;
აფრებში – მახარობელნი; გუმბათის ქვეშ სულის წმიდის მოფენაა. ჩრდილოეთის
კამარის ზემოთ წმ. ბასილი, სამხრეთის კამარის ზემოთ წმ. კირილე და შემდეგ იოანე
დამასკელი. ფრესკები, თუმცა დ. ბაქრაძეს მიაჩნია მეთერთმეტე საუკუნის
ნაწარმოებად, ჩვენის აზრით, ისინი მოგვაგონებენ ზარზმის და ჩულეს ფრესკებს და
უნდა ეკუთვნოდეს მეთოთხმეტე საუკუნეს. თვით ტაძარი კი, ჩვენის აზრით,
ეკუთვნის მეცხრე–მეათე საუკუნეს.
 მღვიმის ეკლესია28 სოლომონისისა

ჩრდილოეთის მხრით სოფ. სოლომონისისა დაცულია პატარა მღვიმის

ეკლესია გამოჭრილი კლდეში და ძნელად მისადგომი. ჯერ უნდა ახვიდეთ ციცაბო
კლდეზე და იქიდან ჩახვალთ პატარა კლდოვან ეზოში, რომელიც შემოზღუდულია
პირამიდური კლდოვანი მწვერვალებით და ერთ ასეთ პირამიდურ კლდეში
გამოჭრილია ეკლესია, რომელიც შედგება ორი ნაწილისაგან. ერთი არის თვით
ეკლესია კვადრატული სახისა აფსიდით აღმოსავლეთის ნაწილში და მეორე
სწორკუთხედი ოთახი უაფსიდოდ, შეერთებული ეკლესიასთან ვიწრო
გასასვლელით. ეკლესია სულ მოხატულია ფრესკებით. ფერადები ახლად
გამოიყურება, მუქი ლურჯი ფერებია, ნაგლესი (შტუკატურა) არსად მოცილებია,
მაგრამ ზოგ ადგილას სურათები ცოტა გაფუჭებულია მახვილის წვერით. წარწერები
ასომთავრულია, არა ძველი, მაგრამ თავისებური, ჭარბობს ოთხკუთხედი ასოები.
სამხრეთის კედელზე წმიდა ნიკოლოზის ფიგურაა მთელის ტანით და ეტყობა,
ეკლესია ამ წმიდანის სახელზე ყოფილა ნაკურთხი. მარჯვნივ ამისა წარმოდგენილია
ბერმონაზონი მუქი მწვანე საბერო ტანისამოსით და გრძელის წვერით. ორივე მხარეს
ჩამოგრძელებულია 20 სტრიქონად ასომთავრული წარწერა; შინაარსით აქ ორი
წარწერაა, მაგრამ ერთ დროს და ერთის ხელით შესრულებული. ქვემოთ ორი
სტრიქონი გაფუჭებულია, სხვა შეუმოკლებლად იკითხება ასე:

«რატი ყოფილსა რაფიელს შეუნდეს ღმერთმან».

«სახელითა ღმრთისათა (და) მეოხებითა, პატრონმან ყუარყუა-
რე, სამკუიდროი ესე პირველად წმიდისა ნიკოლოსის (sic) ყოფილი
სიგელი იყო. აწ მეცა გაუთავე და მოვახსენე სოლომონის და და-
ვემკვიდრე აქა ქორანიკონსა რო (=1482). შევსწირე წმიდასა ნიკო-
ლოს მუხრტაფი».

აქედან ჩანს, ეკლესია მოხატულია მეორე ნახევარში მეხუთმეტე საუკუნისა. აქ

მოხსენებული ყვარყვარე უნდა იყოს ათაბაგი ყვარყვარე III (1499). პატრონი რატი
ბერობაში რაფიელი უსათუოდ ათაბაგის გვარიდან უნდა იყოს, მაგრამ ისტორიაში
ცნობილი არ არის.
რატის სურათის პირდაპირ ჩრდილოეთის კედელზე დახატულია ქალი
მონაზონის ტანისამოსით. წაბღალულ წარწერაში ჩვენ ამოვიკითხეთ სიტყვები:
«პატრონი მარეხ... ყუარყუარე»...
მარეხი უნდა იყოს ათაბაგ ყვარყვარე მეხუთის მეუღლე, დადიანი ლევან
პირველის ასული, რომელიც, როგორც ეტყობა, ბოლო დროს მონაზნად შემდგარა.
მისი ფრესკა მერმე უნდა იყოს დახატული, ვინაიდან ყვარყვარე მეხუთე 1582 წელს
გარდაიცვალა (H. G. II, 640).
დასავლეთის შესასვლელის მარჯვნივ კლდეში ამოჭრილია ღრმა უბე,
სასაფლაოს მსგავსი. ეს ალბათ რატის სასაფლაო იყო. ამის თაღში ღვთისმშობელია
წარწერით:
«ყოვლად წმიდა ღვთის მშობელი, ხატი მიძინებისა».

28სტრიგოვსკი აქცევს ყურადღებას ამ ეკლესიას და მოჰყავს ჩვენი წიგნიდან გეგმა, განაკვეთი და

შიგნითი სურათი. Die Baukunst der Armenier und Europa, I. pp. 72–73.
 შემდეგ კედელზე წარმოდგენილია ბერი წარწერით:
«მე ივნე: წ გელთლი»,
ესე იგი: მე ივანე... გელათელი. რას ნიშნავს ასო «წ»-ილი, ჩვენთვის
გამოურკვეველია; შეიძლება ნიშნავდეს «აწ» ანუ «მწირი». გელათელი აქ ქუთისის
მახლობელ გელათელად კი არ უნდა მივიღოთ, რადგან სოფელი გელათი არის
დღემდე ამავე სახელით მახლობლად სოლომონისისა.
არის კიდევ ერთი კაცის სურათი აქვე, რომლის წარწერა აღარ განირჩევა. სხვა
ფრესკებთა შორის აღსანიშნავია თაღზე ეკლესიისა ქრისტე ტახტოსანი ჯვარით და
ბურთით და ქერუბიმებით. მის ქვემოთ ღვთისმშობელი. მარცხნივ ზემოთ
იერუსალიმში შესვლა და ფერისცვალება. ამას ქვემოთ კონსტანტინე და ელენეს
ფიგურებია ჯვარით შუაში, შემდეგ ღვთისმშობელის მიძინება, პილასტრებზე:
წმიდა ირინე, ეკატერინე, თეკლე, ბარბარე და ელისაბედი. შესასვლელის მარცხნივ
წმიდა ფეოდოსი, საკურთხეველში 9 ეკლესიის მამაა. ამ ეკლესიის შუა ნაწილიდან
კარია კლდეში გაჭრილი რამდენიმე საფეხურით, რომელსაც მიყავხართ მეორე
ოთახში. ეს ოთახი არ არის შემკობილი ფრესკებით, მაგრამ ტრაპეზი აქვს
მიშენებული კედელზე აღმოსავლეთით. ეს სასაფლაოდ ყოფილა განკუთვნილი,
ვინაიდან ნათლად ჩანს 3 სასაფლაოს ნაშთი, რომელნიც განძთა მაძიებელთ
გაუთხრიათ და გაუნადგურებიათ. აქ, საფიქრებელია, დამარხულნი იქნებოდნენ
ყვარყვარე და მარეხ, რომელნიც წარწერებში იხსენიებიან.
ირგვლივ ხსენებული ეკლესიისა მოჩანს რამდენიმე სენაკის ნაშთი, ხან
მღვიმეში, ხან უბრალო ქვით ნაშენი, მაგრამ ახლა დანგრეული. აღმოსავლეთ მხრით,
სასტიკი ხრამის გაღმა, ორი მაღალი კონუსის მსგავსი კლდეა მღვიმეებით მათ ქვეშ,
მაგრამ მათ მისავალი ახლა აღარა აქვთ და არ ვიცით, იქ მარტო სენაკებია, თუ
ეკლესიაც მოიპოვება.
დასასრულ, უნდა შევნიშნოთ, რომ ჩვენ მიერ ამ ღვიმის ეკლესიის აღწერა
ეკუთვნის 1902 წელს. 1907 წლის ექსპედიციის წინ ჩემთან იყო თბილისში ოლთისის
ოკრუგის უფროსი და თავმომწონედ მითხრა – რომ მობრძანდებით ჩვენს მხარეში,
ისეთ რამეს გაჩვენებთ, რომელიც არავის არ ენახოსო და ამიწერა მოკლედ ამ
მღვიმის ეკლესიის მდგომარეობა და დასძინა: ადგილი სრულიად მიუვალი იყო. მე
მივიღე ზომა და დავაკიბვიე კლდე და ახლა თქვენც ადვილად ახვალთო. როდესაც
მე ვუთხარი, ეს ადგილი მე უკვე ნახული მაქვს-მეთქი, არ დაიჯერა. მანამ კიბეები არ
გააკეთეს. მე ვერ ავედი იქ და თქვენ როგორ ახვიდოდითო? მაგრამ მე ვაჩვენე გეგმა
და ფრესკის სურათი ამ ეკლესიისა; გაოცდა. მე მაინც დავპირდი მეორეჯერ ნახვას
და დანარჩენი ფრესკების გადაღებას ფოტოგრაფიულად. მართლაც, 1907 წლის
ექსპედიციის დროს ვინახულე მეორეჯერ ეს ეკლესია. გზა, დიახ, გაკეთებული იყო;
დაკბილულ კლდეზე ახლა ადვილი იყო ასვლა, მაგრამ ვაი ამ ნახვას! სწორედ ამ
გზის გაკეთებას ლამის დაეღუპა ეს კოპწია ეკლესია. საქმე ის არის, რომ გზის
გაკეთების შემდეგ დაუწყიათ აქ ხშირად მოსვლა სომხებს და ბერძნებს სალოცავად
და დროს გასატარებლად, როგორც დღეობაში. ენთოთ ცეცხლი ეკლესიაში და
ფრესკები სულ შემურვილი იყო ჭვარტლით. ასე რომ, არავითარი ფრესკის
გადმოღება შესაძლებელი აღარ იყო.

კოსორის მღვიმის ეკლესია

 სოფელ კოსორში, მამად-ბეგის სახლის ეზოში, არის მღვიმის პატარა ეკლესია,
რომელსაც საკურთხეველი მომრგვალებული არ მოეპოვება, არამედ ტრაპეზის ქვა
მიშენებულია კედელზე; კედელში დატანებულია ორი პატარა უბე. ეკლესია ახლა
საკუჭნაოდ არის გადაქცეული.

არსენიაკი

არსენიაკი ორია. ერთი მუსულმანების სოფელია, მეორე ბერძნებისა.

მუსულმანების სოფელში ძველი ეკლესიები სულ განადგურებულია. ბერძნებისაში
ძველი ეკლესიის ადგილას ახალია აშენებული, მაგრამ ძველი ეკლესიის ქვებზე
ეტყობა ნაშთები ხუცური წარწერებისა. ორ ქვაზე ამოჭრილია ჯვარი: ერთი კარის
თავზეა მოქცეული, მეორე სამხრეთის კედელშია დატანებული. ამ სოფლის ზემოთ
კლდოვან ამართულ მთაზე ციხეა მომრგვალებული ფორმისა, ხოლო მთის დავაკება
ადგილზე გაშენებულია ციხე-დარბაზი, სიგრძით 30 ფეხის ნაბიჯი, სიგანით 18.
სიგნით და გარეთ კედლები შეძერწილია თლილის ქვით. ერთ კედელს
დატანებული აქვს მცირე სარკმელი. ციხის ზემო კლდეების ქვეშ ორმოა
ამოთხრილი. ორმოში უზარმაზარი ქვა ძევს ჯვრის სახისა და ზედ დაზიანებული
ასომთავრული წარწერა მოჩანს. ადგილობრივ ჩემ მიერ გადმოწერილი ტექსტი
ხელთ არა მაქვს და ფოტოგრაფიაზე ახლა სრულად წარწერას ვეღარ ვარჩევ.
ზემო ნაწილზე უნდა ეწეროს: წ¯ჲ/ღ¯ს/მშბ...
ქვემო ნაწილზე: ს¯ხ/ლი/ღ¯ის/ათ/ა...
ეს ჯვარი დაზიანებულად არის შენახული: მარჯვენა და მარცხენა ფრთები
მოტეხილი აქვს, თავიც დაზიანებულია. ორივე მხრით გველივით იკლიკანტური
შემკობა აქვს. ჯვარი სასაფლაოს ძეგლს უნდა წარმოადგენდეს.

აკრიაკი

აკრიაკის საზოგადოება ორი სოფლიდან შესდგება: აკრიაკისა და

კალკოსისაგან. აკრიაკში ყოფილა სამი ეკლესია: ერთის ადგილზე სომხებს
აუშენებიათ ახალი ეკლესია ძველი ეკლესიიდან. აქ დარჩენილა მრგვალი
კვარცხლბეკები სვეტებისა და ქვისაგან გამოქანდაკებული ცხვრის თავები. ახლა
ახალი ეკლესიის კედლებში ჩატანებული შესასვლელის თავის ქვაზე ყოფილა
ასომთავრული წარწერა, რომელიც გადაუფხეკიათ. სოფლის ზემოთ მეორე ეკლესია
ყოფილა თლილის ქვისაგან ნაშენი. დარჩენილია ჩრდილო-აღმოსავლეთის ნაწილი
თავის აფსიდით და ერთის ფანჯრით. ირგვლივ ძველი სასაფლაო არის. ამას ზემოთ
კიდევ მესამე ეკლესიის ნაშთებია, რომლებიდანაც ჩანს, რომ ეკლესია სწორკლავიანი
ჯვარის სახის ყოფილა, გუმბათიანი.

კალკოსი

კალკოსში სომხები ცხოვრობენ, მაგრამ სომხურად არ ლაპარაკობენ, არამედ

თათრულად. ძველი ეკლესია ნაცრისფერი და წითელი ქვით ნაშენი სომხებს
გადაუკეთებიათ. ჩვეულებრივი რიგისაა. სიგრძე აქვს 18 არშინი, სიგანე 9 არშინი და
14 ვერშოკი. შესავალი ერთია, დასავლეთით. ამის მარჯვნივ წითელ ქვაზე
ამოჭრილი ხუცური წარწერაა, მაგრამ შემდეგ დროში უნდა იყოს შესრულებული.
პირველი სტრიქონის ნაწილი წაჭრილია, სხვა იკითხება ასე:
. . . . უნი და მისი ასული
ქ. ირინე ფ¯დ ცოდვილი.
ირგვლივ სასაფლაოა. სასაფლაოს ქვები დაყუდებულია. ბევრ მათგანზე
ჯვარია ამოჭრილი. ერთი სასაფლაოს ქვა წარმოადგენს შეკაზმულ ცხენს, ზედ ხმალი
ჰკიდია ქართული და აქეთ-იქით ამოჭრილია ცული და წერაქვი.

კალკოსის სახარება

ეკლესიაში ინახება ძველი ქართული სახარება, რომელსაც დიდ თაყვანს

სცემენ სომხები და ბერძნები. სახარების ძალა მუსულმანებსაც სწამთ და ზოგჯერ
ავადმყოფები მოჰყავთ აქ განსაკურნებლად. მცხოვრებნი ამ სოფლისა ორთულიდან
არიან მოსული და ამბობენ, ჩვენ წინათ ქართველები ვიყავითო, ხოლო შემდეგ
გრიგორიანობა მივიღეთო.
სახარება, 32,5X25 სმ. დაწერილია ბომბიცინაზე ორსვეტად ნუსხა-ხუცურით,
არა უადრეს მე-13 საუკუნისა, სვეტზე 21 სტრიქონია. ყდა ხისა აქვს
შავტყავგადაკრული, მაგრამ ამ ტყავზე დაკრულია მრავალი ვერცხლის ფირფიტა და
ნაჭერი სხვადასხვა გვარისა; წინა პლანზე შვიდი ვერცხლის ჯვარია უბრალო ქვებით
შემკობილი, სამი კაცის ხელის ფორმის ფირფიტაა, თორმეტი ვერცხლის როზეტია
ნაირნაირად შემკობილი, შემდეგ მრავალი ფოლაქი ვერცხლისა, ლურსმნის თავის
მსგავსი, ზოგჯერ ჯვარის სახედ ჩარიგებული, და სხვ. ამას გარდა, სახარებაზე
ჩამოკიდებულია ჩანჩხურები ჯვრებისა, ოთმანური ფულებისა და ერთი ბეჭედი
აყაყის თვალით, რომელზედაც არაბული წარწერა მოჩანს, და სხვა. უკანა პირი
ყდისა, გარდა ორი ვერცხლის როზეტისა და ფოლაქებისა, შუაში შემკობილია
ვერცხლის ფირფიტით, რომელზედაც წარმოდგენილია ნახევარი ტანით
ღვთისმშობელი ჩჩვილედი, ბერძნულის წარწერით სახელისა; ხელობა დაბალია,
დაცემის ხანისა; ადგილ-ადგილ ნაკლულოვანი ტექსტი სახარებისა შემდეგ
შევსებულია თეთრ ქაღალდზე ნაწერით. თავები სახარებათა შემკობილია გრძელი
ოთხკუთხედი ფერადოვანი ზოლებით. ტექსტი გიორგი მთაწმინდელის რედაქციის
არის, მისივე ანდერძით. ერთს ადგილას აშიაზე უწერია: «არცა ძემა» და ამ სიტყვებს,
რომელიც ტექსტში არაა შეტანილი, შენიშვნა აქვს: «სამთა სახარებათა შ¯ა არა ეწერა
ბერძნულთა და არცა მე დავსწრე, მთაწმინდელი იტყვის». გადამწერი და დრო
გადაწერისა არა ჩანს, ხოლო ამკინძავი ზაქარია იხსენიებს თავის თავს ოთხს
ადგილას ხუცურის და მხედრულის ხელით მე-13-14 საუკუნისა; მაგალითად,
მარკოზის სახარების თავში.

ქ სახელითა ღმრთისათა: მამისა: ძისა: და სულისა წმიდისათა:

მე ზაქარიამან აბამა: აბელისშვილმან: ავკინძე: ესე: ოთხთავი
ჩმისა: დღეგრძელობისათჳს: ჩმთა: დედმამათა: ვინცა შენ-
დობა: ბრძანოთ: თქვენცა შეგინდვნეს ღმრთმან.

მეორე ადგილას ნუსხა-ხუცურით ზაქარია ასე წერს:

ო¯ო ღ¯ო. შეგცოდე. შემინდევ:. ცოდვილსა: ზაქარიას ესე:
წიგნი: მე ავკინძე: (სულ(ი)სათვის: ვ(ი)ნცა შენდობა ბრძა-
ნოთ თქუენცა: შეგ(ი)ნდვნეს: ღ¯ნ დღ(ე)სა: მას განკითხვი-
 სასა.
სხვა წარწერებიც ბევრია ნუსხა-ხუცურის ხელით შემდეგი დროისა. მოგვყავს
შემოკლებით ზოგიერთი:
ს¯ლსა აზთჰხთოყ¯ს შეუნდნეს ღ¯ნ ა¯ნ.
. . . ორთლსა (ორთულელსა) გ¯გრგოსსა გლაბს აღდიკომს¯ს წირვა
მოუშლელად ჰქონდეს ვ¯ცა მაუშალოს ღ¯ისა მან გისციეს პასუხი.
ღანიასა შ¯ნ ღ¯ნ. გ მარჩილი ერთხელ მიმიცემია: ო ახ თავსთს გასაკლებია.
ქ. სულსა: აღდგო: მელსა: შუნეს ღმერთმა: და მისა: შვილსა შხლივსა შეუდნე:
ღმერთმა.
მარკოზის სახარების თავის მეორე ფურცელზე დახატულია ფერადებით
ჯვარი და არის წარწერა ნუსხა-ხუცურით:
წ. არის ნიკოლოზი(ს) წიგნები: სახარებაჲ, სამოციქულო, სადღესასწაულო,
მარხვანი, გ¯რდნი (გვერდნი), დავითნი: ჟამნი: კურთხევანი, ჴელ-ტუიბიკონი.
ნიკოლაზს და ჯაგლაგის და ეზეკიელს შ¯ს ღ¯ნ.
ლუკას სახარების თავში მხედრულით:
. . . . სახარების მადლო მიწყალი: სული ბოგმანისა უზუნისა: მისისა
მეუღლისა ბორახოშნისა, ასულთა მათა, ესანობის, ივლიტესი, როდამისი: შამანდაუ.
ანას: შეუნდნეს ღმერთმანა. . .
ლუკას სახარების თავში:
ღ¯ო შ¯ე მომეთა ა¯ნ29
მე-13-14 საუკუნის მხედრულით:
ღმერთო: მიწყალე: მახარი: თანა დარია ყოფილი მარინე:
ღმერთო: შეიწყალე: და: მისი მარინე: ყოფილი: მართა
მახარობელს შ¯ს ღ¯ნ
ღ¯ო: შ¯ე: ბაინდურა: ძე: მისი გულბუდახ: ღ¯ო შ¯ე გიორგის და მის მეუღლეს
ანას შ¯ს ღ¯ნ.
ლუკას სახარების ბოლოს:
ღ¯ო: შ¯ე: სტეფანე ან
ღ¯ო: შ¯ე: ხანსულთან: ან.
ღ¯: შ¯ე: დღეგრძელობით დილან.
იოანეს სახარების ბოლოს:
რ¯ი ეგე ხრ მიზეზი და წყ¯როჲ ყ¯თა კ¯თლთაჲ ქ¯ე ღ¯ო ჩნო შეუნდვენ ცოდვანი
მისნი გ¯ის:
გიორგი მთაწმინდელის ანდერძის შემდეგ დღიური საკითხავების ბოლოს
მიმატებულ ქაღალდზე უწერია: «ქ¯ე შ¯ე ნილ». ამას შემდეგ მოყვანილია ავგარ მეფის
ჩვეულებრივი წერილი, ხოლო შემდეგ საკითხავი დიდის პარასკევისა
ჯვარცმისათჳს და დაფლვისათჳს იესო ქრისტესა თქმული გიორგი ნიკომიდიელ
მთავარეპისკოპოზისა.
წიგნის ბოლოს:
სულსა აზნრისაშვილსა შ¯ნ ღ¯ნ და მისა მეუღლესა ხარშ¯ნსა
შ¯ნ ღ¯ნ და მათსა შვილსა აზრიასტა: შ¯ნ ღ¯თნ.
დელღმისაც შ¯ნ ღ¯ნ.

29 ესევეა განმეორებული სხვა ადგილასაც.

 ამ სახარებიდან უნდა იყოს ამოღებული ერთი მინაწერი მხედრულის ხელით,
რომელიც ახლა აკლია, მაგრამ მისი ფაქსიმილე ხელთა მაქვს (არ მახსოვს, ვინ
გადმომცა) და იკითხება ასე:
უზუნის მღ¯დელი დარჯ¯ან აქრაჲკელი30. ფალავანი მოვიდა:.
დაჯდა ბატონზე. ფალავანი გამომიჩინე შევეჭიდოო და ბატონმა
ვრ იშუა: მღვდელმან მივე პატრონთან დასტური ვთხოვე... (სხვა აკლია).
ამ სახარებიდან ფოტოგრაფიით გადაღებულია: ორივე მხარე ყდისა, ლუკას
სახარების დასაწყისი და ერთი გვერდი შემდეგის დროის წარწერებისა.
_________
11 ესევეა განმეორებული სხვა ადგილასაც.
12 ახლანდელი აკრიაკის სოფლიდან უნდა იყოს.

ორთული

დიდი სოფელია გამუსულმანებული მესხებისა. აქ ორი ეკლესიის

ნანგრევებია. უკეთესი მათგანი, როგორც ეტყობა, აშენებულია უფრო ძველის
ეკლესიის ადგილზე. ეკლესია უბრალო ქვით არის ნაშენი, ხოლო ფანჯრები,
კამარები და ლაგვარდანი კარგის თლილის ქვით. გეგმით ის წარმოადგენს იშვიათ
სამაფსიდიან ეკლესიას, ჯვარის სახისა, თითო ფანჯრით აფსიდაში და ერთი კარით
დასავლეთის ფრთაში; ტაძრის თაღი გოდრულია; საკურთხეველი მომრგვალებით
გამოდის გარეთ, სხვა ფრთები ოთკუთხედად უკეთ დაცულია აღმოსავლეთის
მხარეს; სხვა კედლები და თაღები ჩანგრეულია; ირგვლივ დიდი სასაფლაოა ისე
მოჩხირული დიდრონის სასაფლაოს ქვებით, რომ გავლა არ შეიძლება თავისუფლად.
ზოგი მათგანი წარმოადგენს ცხენთა და ცხვართა ქანდაკებებს, ზოგზე გამოჭრილია
ჯვარი, ზოგზე სამეურნეო იარაღები და სხვა. ყველაზე შესანიშნავია და იშვიათი
ერთი ობელისკის მსგავსი სვეტი ქვისა, სიმაღლით 3 არშინი და 5 ვერშოკი, სიგანე 9
½ ვერშოკი, თავი პირამდის მსგავსი აქვს. ოთხივე წახნაგზე გამოქანდაკებულია
ფიგურები: ერთზე უნდა იყოს ქრისტე და ღვთისმშობელი; აქვე ზემოთ მარჯვნივ
კაცის თავი მოჩანს, სანახევროდ დაცული; მეორეზე ადამის ცდუნება უნდა იყოს,
ვინაიდან კაცის ფიგურასთან დახვეული გველიც მოჩანს. აქვე ზემოთ, მარცხნივ
სანახევროდ დაცული კაცის თავი ჩანს. მესამეზე ორი ფიგურაა: ერთი მათგანი
წარმოადგენს წმ. ქრისტეფორეს ძაღლის თავით. მეოთხეზე, შუაში ერთი ფიგურაა,
ხოლო ქვემოთ ორი პატარა ფიგურაა უშარავანდედოდ. სხვას ყველას
შარავანდედები აქვს. ამას გარდა, ზემოთ ხეები ჩანს სტილიზაციით, ლეღვის ხე
უნდა იყოს; ამასვე ვხედავთ მეორე წახნაგზე. ქვემოთ ყველა წახნაგი თავდება სამი
წაგრძელებული აკანთის ფოთლით. ძეგლი, ჩვენის აზრით, ეკუთვნის მე-8-9
საუკუნეს31.

30 ახლანდელი აკრიაკის სოფლიდან უნდა იყოს.

31ჩვენ გვინდოდა ეს ძეგლი როგორმე გადმოგვეტანა თბილისში, მუზეუმში. ვთხოვეთ ოლთისის

უჩასტკის უფროსს, მოეწყო მისი ჩამოტანა ფოსტის გზამდე, სადგურ კოსორამდის და შემდეგ
ფურგონით ყარსამდე. რა თქმა უნდა, ხარჯის ანაზღაურებას დავპირდით, მაგრამ მან ეს საქმე ვერ
მოგვიხერხა. შემდეგ რევოლუციის დროს ერთმა ქართველმა ოფიცერმა (სამწუხაროდ, მისი გვარი არ
მახსოვს) გადმომცა, რომ მან ნახა ეს ჯვარი ორთულში და ითავა ამ ძეგლის წამოღება, მაგრამ
კოსორამდის მოტანა ადგილობრივმა მუშებმა ვეღარ შეძლეს (ძეგლი ერთობ მძიმე იყო) და ერთს
 მეორე პატარა ეკლესია ორთულისა ჩვეულებრივი რიგისა ეხლა საბზლედ
არის გადაქცეული. სოფლის ზემოთ მაღალ მთაზე მოჩანს ნანგრევები დიდის
ციხისა,
მოგრძოდ ნაშენი ვეებერთელა ქვებისაგან, უკიროდ. ურარტუს სამეფოს დროის
შენობა უნდა იყოს. არემარე ირგვლივ უტყეოა და ისე მაღალი, რომ სოფლის ახლო
მთაზე 11 ივლისს ცოტა კიდევ მოჩანდა თოვლი.
ორთულიდან გავემგზავრეთ დასავლეთის მხრით და გრძელი, სასტიკი
თავჩაღმართით ჩავეშვით საზამთრო ადგილზე, მეზრეზი, მიტენდიერ-ად
წოდებულზე. აქ პატარა ხევის პირად არის ნაშთები ციხისა, კარგად ნაშენი
ქვითკირით, მაგრამ დიდრონი ნათალი ქვები მოძარცული აქვს. შემდეგ გზა მიდის
ხევის პირზე, საზამთრო მეორე მეზრე თემურ-ყიშლამდის. ხევი წოდებულია
თემურ-გაშ-ად.
თემურ-ყიშლის მახლობლად, კლდის ძირში, ლამაზი, კარგად დაცული
ეკლესია არის, ახლა პატარა ვანქად წოდებული.

პატარა ვანქი

ძველი სახელი მისი არ ვიცით. ეს არის ერთნაოსიანი ბაზილიკა მკვიდრად

ნაშენი და შეძერწილი გარედან კარგად ნათალი ქვებით. აღმოსავლეთის ფასადი
ეკვრის კლდეს და სრული არ არის. აღმოსავლეთის ფანჯარა ახლა სანახევროდ
მიწაშია მოქცეული. საკურთხეველში ორივე მხარეს ფანჯრისა ჯერ სულ პატარა
ნიშებია, შემდეგ დიდრონი უბეები, რომელნიც ასრულებენ სამკვეთლოს და
სალაროს მაგივრობას, სიმბოლურად მაინც. ამავე უბეებს თავის მხრით კიდევ
მომრგვალებული პატარა ნიშები აქვს. მეორე ფანჯარა დასავლეთის კედელშია და
მესამე – სამხრეთის. შესასვლელი აქვს მარტო სამხრეთით. თაღები გოდრული
დამყარებულია სამსართავ კამარაზე, რომლის შუალას აქვს რთული კომპოზიციის
მომრგვალებული ქუსლები; თვით ნახევარი სვეტები პილასტრისა მთელის ქვისანი
არიან ერთი საჟენის სიმაღლით. ჩრდილოეთით ამ ეკლესიას მიშენებული აქვს
მეორე პატარა ეკლესია, რომელსაც შესასვლელი აქვს დასავლეთით, ფანჯარა თითო
აღმოსავლეთით, დასავლეთით და ჩრდილოეთით, საკურთხევლის აფსიდაში ორი

სოფელში კოსორის მახლობლად დატოვეს. გ. ჩუბინაშვილის გადმოცემით, «ქართული ხელოვნების

ისტორია», ტომი პირველი, გვერდი 212) იაკობ სმირნოვს წაუკითხავს მოხსენება ამის მსგავსი
სომხური ძეგლების შესახებ რუსეთის არქეოლოგიური საზოგადოების კლასიკური განყოფილების
სხდომაზე ლენინგრადში 11 მაისს 1926 წელს. მომხსენებლის აზრით, მის მიერ განხილული ძეგლები
ჰკუთვნებია მე-6–9 საუკუნეებს (მოხსენება ჯერ დაბეჭდილი არ არის). მოხსენების წაკითხვის წინ ი.
სმირნოვს ცნობა მიუღია, რომ თურქეთში, სოფელ კოსორში, ასეთივე ძეგლი აღმოაჩინესო. თქმა არ
უნდა, რომ ეს ცნობა ჩვენს მიერ აღწრილ ძეგლებს ეხება. სურათები ჩვენი ძეგლისა გამოფენილი იყო
ქართული ხუროთმოძღვრების ძეგლთა გამოფენაზე, თბილისში, 1920 წელს, სხვა მრავალი ძეგლის
ნახაზებთან და სურათებთან ერთად. ამას იხსენიებს გ. ჩუბინაშვილიც (იქვე, გვ. 214, შენ. 1), მაგრამ
რასაკვირველია, მან არ იცის, რომ ეს ის ძეგლია, რომლის შესახებ ი. სმირნოვს მიუღია ცნობა.
ვსარგებლობთ შემთხვევით აღვნიშნოთ, უსანეთის ეკლესიის ამის მაგვარი ძეგლი, რომლის სურათი
№16654 გ. ჩუბინაშვილი უჩვენებს (იქვე, გრ. 212, შენ. 3) ერმაკოვის კოლექციაში, გადაღებულია ჩვენი
არქეოლოგიური მოგზაურობის დროს გორის მაზრაში ივნისში 1910 წლისა. ამავე მოგზაურობის
დროს არის გადაღებული ერმაკოვის მიერ ყველა სურათი იკორთის ტაძრისა და მასში დაცული
ნივთებისა, ბიეთის ეკლესიისა, მეჯვრის ხევისა, უსანეთის ეკლესიისა და შავნაბადისა.
ოთხკუთხედი პატარა უბეა. ეს მიშენებული ეკლესია უფრო დაბალია, ვიდრე თავი
ეკლესია. ორივე ეკლესია დახურულია ლორფინით. მომრგვალებული კარის თავის
დიდ ქვას ჰქონია ასომთავრული წარწერა, რომელიც განგებ მოუთლიათ.
ლაგვარდანი (კარნიზი) უბრალო თლილი ქვით არის. საკურთხევლები ორთავე
ეკლესიაში ამაღლებულია ეკლესიის ქვის იატაკზე ნახევარი არშინით, თავ
ეკლესიაში უფრო მეტით. კანკელი ქვისა ყოფილა, მაგრამ ახლა მოშლილია; მისი და
ეკლესიის იატაკის ქვებით აშენებულია სახლი მეზრეში. დასავლეთის სარკმელს
მთავარი ეკლესიისა აქვს ნახევარფარგლიანი ჭრილი ფანჯრის თავი და მისი
შინაგანი არე დაყოფილია ფერადებით, თეთრით და ყვითელით, მარაოს მსგავსად;
შთაბეჭდილება ისეთი აქვს, თითქოს სხვადასხვა ფერის ნაჭერი ქვისაგან იყოს
შექმნილი. ჩვენს ფოტოგრაფიულ სურათზე ეს და დასავლეთის სახეები ორთავე
ეკლესიისა კარგად მოჩანს. ზეძირკველი ეკლესიისა ორსაფეხურიანია, ხოლო
ჩრდილოეთის ეკლესიისა – სამსაფეხურიანი. ამავე ეკლესიის შესასვლელის თავზე
ჭრილი ქვის ჯვარია. შიგნით თავ ეკლესიაში კედლებზე ბევრია ნაშთი
ასომთავრული წარწერებისა, ერთობ დიდრონი ასომთავრული ასოებით, მაგრამ ეს
წარწერები მერმინდელია, მლოცველთა მიერ ამოჭრილნი კედლებზე. მაგალითად,
საკურთხეველში:
დ¯ფსჲ ქ¯ე შ¯ეწყლ. ქ¯ე შ¯ე ს¯რგ.
ერთს უბეში საკურთხევლისა: ქ¯ე შე; მეორე უბეში: თე¯დრ. ჩრდილოეთის
კედელზე: «ქ¯ინე». სამხრეთის კედელზე: «ქ¯ე შ¯ე ად¯დე»; შემდეგ განცალკევებულ
ქვაზე უფრო დიდი ასოებით: «გ¯გი»; შესავლის მარჯვნივ გარედან ყოფილა კარგი
წარწერა, უფრო ძველი ასომთავრულით, რომელიც განგებ გაფუჭებულია და
დარჩენილი ნაწილიდან მოჩანს ...«რდაკად».
ორი საჟენის მოშორებით ეკლესიისა დასავლეთის მხრით ამართულია
ბუნებრივი კლდე, სრულიად კოშკის მსგავსი, ხოლო ჩრდილო-დასავლეთის მხრით
დაკიდულ კლდეებში, რომელნიც შედგებიან ნალეკი კონგლომერატისაგან, მოჩანს
მრავალი მღვიმე, ზოგი მათგანის წინაპირები ამოშენებულია ქვიტკირის კედლებით,
შიგ დატანებული მომრგვალო ფანჯრებით; ეჭვსგარეშეა, რომ ამ მღვიმეებში
ეკლესიებიც მოიპოვება, მაგრამ ახლა ისინი შეუვალნი არიან, გზები სულ
მოშლილია და თვით ზოგიერთი მღვიმეც ჩამონგრეული. ეკლესიის ცოტა ქვემოთ
წყლის აუზი ყოფილა; მახლობელი სოფლების ქრისტიანები, სომხები და ბერძნები
ამ ეკლესიაში ორჯერ მოდიან წელიწადში და იხდიან დღესასწაულს ღვთისმშობლის
მიძინების დღეს და ერთს დღეს კიდევ აღდგომის შემდეგ.

ათაბაგ მზეჭაბუკის ციხე-დარბაზი და ეკლესიის ნანგრევები

დემურ-კიშლას წყალი ერთვის ბარდუსის წყალს (ახლა ბარდუს-ჩაი),

მარჯვენა ნაპირზე ბარდუსის წყლისა, მაღალი კლდეების ძირში, ვიწრო, მაგრამ
საკმაოდ გრძელი ტერასაა, რომელზედაც მოიპოვება ნანგრევები ციხისა და მთელი
რიგი სასახლის შენობათა, ახლა სულ განადგურებული და ქვები ერთმანეთში
არეული. ამათ შორის უკეთ დაცულია სასახლის ეკლესია, ჩვეულებრივი
ერთნეფიანი ბაზილიკა, მიძერწილი შიგნით და გარეთ თლილის ქვით, თაღი
ჩამონგრეულია, ხოლო კედლები დაცული, მაგრამ ნაწილი ნათალი ქვებისა
დასავლეთით და ჩრდილოეთით გაძარცვულია; შესასვლელი აქვს სამხრეთით,
ფანჯრები აღმოსავლეთით, დასავლეთით და სამხრეთით. კარი ახლა ამოშენებულია
ქვებით, ხოლო ირგვლივ შემკობილია არამდიდრული ჩუქურთმებით და
ნახევარფარგლიანი კამარით, რომლის ქვეშ ქვაზე ღვთისმშობლის ფიგურაა
ჩვილით; ყრმა მაცხოვარს აწერია ხუცურად: ქ¯ე. კარის წრის ორივე მხარეს ქვაზე
თითო როზეტია ამოჭრილი (კარი გადაღებულია ფოტოგრაფიულად). კარის
მარჯვნივ ხუთ დიდ ქვაზე დიდრონი გადაბმული ასომთავრულით ცოტა
ნაკლულოვანი წარწერაა, გაგრძელებული აღმოსავლეთის კედელზე:
...ამ ეკ¯ლს აღმშნბ[ლსა ათაბაგსა პა] ტრონსა მზეჭაბუკს (შემდეგ
აღმოსავლეთის კედელზე): დღგრძბით შ¯ნ ღ¯ნ.
უქარაგმოდ:
...ამ ეკლესიის აღმაშენებე[ლსა ათაბაგსა პა]ტრონსა მზეჭაბუკს
დღეგრძელობით შეუნდვნენ ღმერთმან. 32

წარწერა უნდა ეკუთვნოდეს ათაბაგს მზეჭაბუკ დიდს, ქაიხოსრო I შვილს,

რომელიც გარდაიცვალა 1516 წელს (H.G. II, 1, p. 640). ამ წარწერის ზემოთ ერთ ქვაზე
მრგვალი სარკმელია ამოჭრილი. ეკლესიის ეკვტრის აღმოსავლეთით დიდი
ოთხკუთხედი ზალაა ათაბაგის მზეჭაბუკის სასახლისა და შემდეგ მთელი რიგი
ოთახებისა: მისასვლელი ამ ციხე-დარბაზის ნაშთებთან მარტო აღმოსავლეთის
მხრიდან არის. სასახლიდან იშლება ერთობ ლამაზი პანორამა ბარდუსის ხეობისა.
_______
14ეს წარწერა დ. ბაქრაძესაც აქვს ნახული და ამასთან ერთად ჩამოთვლილი აქვს მოკლედ მის
მიერ ნახული სხვა ეკლესიებიც ოლთისის ოკრუგში (იხ. გეოგრაფიული საზოგადოების კავკასიის
განყოფილების «იზვესტია», VII, გვ. 200–201).

ეკლესიის პირდაპირ მომრგვალებით წაგრძელებული კლდე მოჩანს და მისი

ატმოსფერული წყლებით დასერილი გვერდები გვაძლევს შთაბეჭდილებას, თითქოს
ეს ხელოვნურად ნაშენი ორსართულიანი ციხე იყოს. დასავლეთის მხრით ეკლესიისა
კლდეში მოჩანს მღვიმის ეკლესია, მაგრამ მისასვლელი ახლა მოშლილია.

კოპი

კოპი ბარდუსის წყლის პირზეა და შეადგენს მეზრეს სოფელ პერტუსისა,

რომელიც მაღალ მთაზეა გაშენებული. აქვე არის ხიდი და წისქვილი. მარჯვენა
ნაპირზე ბარდუსის წყლისა კლდეებში მოჩანს მღვიმეები, რომელთა პირი
ამოშენებულია ქვითკირით. ერთი მათგანი მოგვაგონებს მაღალი ციხის კედლებს
დიდრონი კოშკებით, ძაბრის მსგავსად. მისასვლელი ახლა მოშლილია. მარცხენა
ნაპირზე მდინარისა უფრო მაღალ კლდეებში მრავალი დიდრონი მღვიმე მოჩანს.
აქაც მღვიმის პირები ქვითკირით არის აღმოშენებული, შიგ დატანებული
ფანჯრებით. აღმოსავლეთით მღვიმეებისა კლდის ნაპრალზე მცირე ადგილი
დავაკებულია და ზედ აშენებულია თლილის ქვის ეკლესია, ჩუქურთმებით
შემკობილი; ჩრდილოეთის ნაწილი და ნაწილი აღმოსავლეთის კლდისა კლდეზეა
მიშენებული. სხვა ნაწილები დურბინდით კარგად მოჩანს. შესასვლელი ერთი აქვს,

32ეს წარწერა დ. ბაქრაძესაც აქვს ნახული და ამასთან ერთად ჩამოთვლილი აქვს მოკლედ მის მიერ
ნახული სხვა ეკლესიებიც ოლთისის ოკრუგში (იხ. გეოგრაფიული საზოგადოების კავკასიის
განყოფილების «იზვესტია», VII, გვ. 200–201).
სამხრეთით; ფანჯრები თითო, აღმოსავლეთით, დასავლეთით და სამხრეთით;
დახურულია ლორფინით. ახლა ამ მღვიმეებს და ეკლესიას მისასვლელი აღარა აქვს.

პერტუსი

პერტუსში 50 კომლი სომეხია, სათათრეთიდან მოსული. ამ სოფელში ორი

ქართული ეკლესია ყოფილა ჩვეულებრივი რიგისა: ერთი მათგანი, სოფლის ზემოთ,
სულ განადგურებულია; მეორე დაცულია, მაგრამ სომხებს გადაუკეთებიათ თავის
ეკლესიად 1893 წ. და ის ქართული წარწერა, რომელსაც ბაქრაძე იხსენიებს,
მოუსპიათ. მას შესასვლელი აქვს სამხრეთით, ფანჯრები აღმოსავლეთით,
დასავლეთით და სამხრეთით. საკურთხეველში ერთი პატარა უბეა; მიძერწილია
ნათალის ქვით. ირგვლივ სასაფლაო არის. სასაფლაოს ქვების სახეები წარმოადგენენ
ხშირად ცხენის და ცხვრის ფიგურებს.
რვა ვერსზე პერტუსიდან მთაზე მრგვალი დიდი კოშკია, კარგად ნაშენი და ამ
კოშკის ქვემოთ პატარა, ჩვეულებრივი რიგის ეკლესია ყოფილა, ახლა სულ
მოშლილი.

ბობისგერი

პერტუსის ქვემოთ, დაბლობში სოფ. ბობისგერია, აგრეთვე სომხებით

დასახლებული, მაგრამ ზაფხულში აქ არავინ რჩება, ისე ცხელა. ამ სოფელს მინდორი
ახლავს და შუა მინდორში ერთობ ლამაზი გეგმის ეკლესია მოიპოვება. მკვიდრად
ნაშენი ქვისგან და შიგნით და გარეთ მიძერწილი ნათალი ქვებით. ეს ოთხაფსიდიანი
ეკლესია, ჯვარის სახის გეგმაში ჩასახული, გარეთ მრავალ წახნაგოვნად გამოდის.
შუა ნაწილი შიგნით წარმოადგენს კვადრატს, რომელსაც სამი მხრით აფსიდების წინ
ეკვრის სწორკუთხოვანი ოთხკუთხედები, ხოლო აღმოსავლეთის მხრით კვადრატი.
დაბალი, კონუსის სახის გუმბათი თავისი დაბალი, მრგვალი გუმბათის ყელით,
დამყარებულია ოთხ განცალკევებულ მრგვალ სვეტზე, რომელნიც შუა კვადრატის
გარე კუთხეებშია მოთავსებულნი. კამარები მომრგვალებულია. გუმბათის ყელში
ოთხი მრგვალი სარკმელია, ხოლო აფსიდებში, გარდა ჩრდილოეთისა, თითო ზევით
მომრგვალებული ფანჯარაა; შესავალი აქვს დასავლეთით და სამხრეთით. სახურავი
ქვისაა. ლამაზი სვეტები მთელი ქვისაგან დამუშავებული დამყარებულია მომაღლო
კვარცხლბეკებზე; მათი თავები ორმაგია; ქვემო მრგვალია, ზემო – ოთხკუთხედი,
ერთი სვეტი სამხრეთ-დასავლეთის ნაწილში გატეხილია და სომხებს შეუცვლიათ
ხის სვეტით იმავე ზომისა, როგორც სხვებია და მოუთავსებიათ ძველ კვარცხლბეკზე
და სვეტის თავიც ძველი დაუშენებიათ. კანკელი ქვისა ყოფილა, 14½ ვერშოკი
სიმაღლით და ლაგვარდანი (კარნიზი) ღაროვანი ჰქონია; შუაში, საკურთხეველში
შესასვლელად, ორი საფეხურია დატანებული. კუთხეებში კანკელისა
ოთხწახნაგოვანი ქვებია, რომელნიც შუაში ამოღრმავებულია. ამათში ალბათ
ჩასმული იყო კანკელის მრგვალი სვეტები. ამ დაბალი კანკელის ქვები, ეტყობა,
წმიდანთა ფიგურებით ყოფილა შემკობილი; ერთი მათგანი დარჩენილია
საკურთხეველში, ძალზე გაშავებული ჭვარტლით, და ზედ გამოქანდაკებული
ფიგურა, ვგონებ, იოანე ნათლისმცემელს უნდა წარმოადგენდეს, ან წმიდა
ნიკოლოზს; დანამდვილებით ძნელია თქმა. ირგვლივ ძველი ასომთავრული
წარწერა ძალზე დაზიანებულია. წარწერა ასე უნდა იკითხებოდეს:
ქ. ქ¯ე შ¯ე მ¯ქელ ... ცოდვილი
 ქ. ქრისტე, შემიწყალე მიქელ ... ცოდვილი.
ამ ქვას დიდს პატივს სცემენ სომხები და ბერძნები მახლობელი სოფლებისა,
უნთებენ სანთლებს, და ლოცულობენ მის წინაშე. გადმოგვცეს, ვითომც ერთხელ ქვა
ერთს ქურთს წაეღოს ეკლესიიდან, მაგრამ სიზმარი ენახა, თუ ქვა არ დააბრუნე
თავის ადგილზე, ამ დღეებში მოკვდებიო და უკან დაებრუნებიოს.
ერთი მოშლილი და სულ გაფუჭებული ფიგურა მეორე ქვაზეც შევამჩნიეთ.
ტრაპეზის ქვა სიგრძით 1 არშინი და 7½ ვერშოკი, სიგანით 1 არშინი და 1 ვერშოკი,
კედელზეა მიშენებული. ადგილობრივი სომხების თქმულებით, ეკლესია იოანე
ნათლისმცემელის სახელობის არის. შიგნით ეკლესია ერთობ წმიდად ნათალი
ქვებით არის შეძერწილი და თავისი სიმეტრიული, ჰარმონიული გეგმით, ლამაზი
სვეტებით და მოხდენილი გუმბათით თვალწარმტაც შთაბეჭდილებას ახდენს.
ეკლესია, ჩვენის აზრით, მე-9 საუკუნეს უნდა ეკუთვნოდეს და ყოველ შემთხვევაში
მეათე საუკუნეზე უფრო გვიანი არ არის. გარედან ეკლესია ძალზე დაზიანებულია.
გარეგანი სახე ეკლესიისა გადმოღებულია ფოტოგრაფიის საშუალებით; აგრეთვე
კანკელის ქვის ფიგურაც.

კოტისი

კოტისში ქურთები ცხოვრობენ. მოზრდილი, ძველი, ჩვეულებრივი რიგის

ეკლესია, თლილის ქვით შეძერწილი, მცხოვრებთ მიწით გადაუხურავთ. შესავალი
ჰქონია დასავლეთით, ხოლო ფანჯრები აღმოსავლეთით, დასავლეთით და
სამხრეთით.

ქარგლუხი ახლა კარკლუხი

მუსულმანთა სოფელია. აქ ორი ეკლესია ყოფილა: ერთი მოდიდო, ნახევრად

ნათალი, მოწითალო პატარა ქვებით ნაშენი და ამიტომ შორიდან აგურით ნაშენსა
ჰგავს. ჩვეულებრივი ოთხკუთხედი გეგმის არის საკურთხევლის აფსიდით. თაღი
მოშლილია, კედლები დაცული, შესავალი აქვს ჩრდილოეთით და სამხრეთით;
სამხრეთით ახლავს პატარა ეკვტერი, ფანჯრიანი აფსიდით და დასავლეთის კარით;
ეკვტერი მთლად არის დაცული. თავ ეკლესიაში თითო ფანჯარაა ყოველ მხრით.
გოდრული თაღი დამყარებული ჰქონია ერთ სართავ კამარაზე.
მეორე პატარა ეკლესია მაჰმადიანებს ჯამეთ გადაუკეთებიათ და
აღმოსავლეთით აფსიდი აღარ აქვს. ისე შენობა კარგად არის დაცული. შესავალი აქვს
სამხრეთით. ფანჯრები აღმოსავლეთით, დასავლეთით და სამხრეთით, შიგნით
კედლები შელესილია; აქა-იქ მოჩანს კედლებზე გვიანი სომხურად დაჩხაპნილი
წარწერები. ერთი ამ ეკლესიათაგანი უნდა ყოფილიყოს წმიდა გიორგის სახელზე
აშენებული; ერთი ცალკე ფურცელზე მერმინდელი მინაწერი ჯრუჭის სახარებისა
გვამცნევს, რომ „თემსა მას ბანისასა ქარგლუხს” წმიდა ბერს ავქსენტის აუშენებია
წმიდა გიორგის ეკლესია და შიგ დაუდვია მრავალი ნაწილი, მაგრამ იმ ადგილს
მაშინ ყოფილა ურწმუნო სანჯაკი ბაადინ-ბეგი, რომელსაც წმიდა ბერი ციხეში
ჩაუგდია, ხოლო შემდეგ იქიდან გაუნთავისუფლებიათ. ეს უნდა ეხებოდეს
მეთექვსმეტე-მეჩვიდმეტე საუკუნის ამბავს და არა სელჯუკების დროს, როგორც
ბროსე ფიქრობს (Rap. XII, pp. 85–96).
 ლექსორი

ლექსორში დიდი ლავრა ყოფილა გაშენებული ბარდუსის წყლის მაღალ

კლდოვან ნაპირზე. დაბლა წყლის ნაპირზე ვიწრო, მაგრამ ღრმა ხეობაში ბაღებია
გამართული კაკლის ხეებისა, თუთისა, ქლიავისა და სხვა. მცირე თუთუნის
პლანტაციაც მოჩანს. ზემოდ კლდეებზე მონასტრის შენობებია ირგვლივ. ერთი თავი
ეკლესიაა, დიდი, სამი ეკვტრით და ხუთი პატარა ეკლესია. ყოფილა მეექვსეც,
როელიც ეხლა მოშლილია. ყველა ეკლესია ქვითკირით არის ნაშენი და შეძერწილი
ნათელი ქვებით. სამი პატარა ეკლესია ჩრდილო-აღმოსავლეთით თავი ეკლესიისა
ერთგვარი გეგმის არის, ერთი კარით სამხრეთით და ერთი სარკმლით აღმოსავლეთ
აფსიდაში. მეოთხე პატარა ეკლესიას შესავალი აქვს დასავლეთით და სამხრეთით,
ფანჯარა აღმოსავლეთით; მეხუთე პატარა ეკლესიაც ამ რიგის არის. თავი ეკლესია
წარმოადგენს ერთნეფიან მოდიდო ბაზილიკას ორის სართავი კამარით. ამ დიდ
ოთხკუთხედ შენობას ჩრდილოეთის მხრით აქვს გრძელი ეკვტერი, რომელიც
უერთდება ეკლესიას ერთი კარით. ორი ეკვტერი ერთვის ეკლესიას სამხრეთის
მხრით, ორივე უწევს მხოლოდ სამხრეთის კარამდის თავი ეკლესიისა. ყველა
ეკვტერი დაბალია თავ ეკლესიასთან შედარებით და შემდეგ უნდა იყოს
მიშენებული. კედლები თავი ეკლესიისა კარგად არის დაცული. თაღი ჩანგრეული
ყოფილა და შემდეგ მებატონეს მამულისა, მამედ-ბეგს, ეკლესია დაუხურავს მიწით
და გადაუქცევია საცხოვრებელ სახლად, მაგრამ ეხლა ეს მიწური სახურავიც
ჩანგრეულია და იქ არავინ ცხოვრობს. ეს თავი ეკლესია შიგნით მოხატული ყოფილა
ფრესკებით, მაგრამ ეხლა მხატვრობა სულ მოშლილია. ეკლესიათა კედლები აქა-იქ
დაჩხაპნილია მნახველთა თუ მლოცველთა მიერ ქართულის, სომხურის და
ბერძნულის წარწერებით. ერთ ადგილას ხუცურად წერია:
ქ¯ე შ¯ე სეით და კარი უღე ცოდვილთა.

ქალაქი ოლთისი
ოლთისის ციხე და ციხის ეკლესია

ქალაქი ოლთისი გაშენებულია ორივე ნაპირზე ოლთისის წყლისა. მარცხენა

ნაპირზე ახალი სახლები და კაზარმებია, ხოლო ძველი ქალაქი, ციხე, ჯამე და
უმეტესი ნაწილი შენობათა მოთავსებულია მარჯვენა ნაპირზე. ნაპირები
შეერთებულია დიდის ხის ხიდით, რომლის ქვემოთ აუზი მდინარისა ფართოა და
მოცულია ბაღ-ბოსტნებით. მახლობელი მთების კალთები ბუჩქნარით არის
შემოსილი. მდებარეობა ლამაზია. თავ სიძველეს ქალაქისა შეადგენს ოლთისის ციხე,
რომელიც გაშენებულია მაღალ კლდოვან გორაკზე ოთხკუთხედად და
მიმართულება აქვს ჩრდილოეთიდან სამხრეთისაკენ. კლდეების მწვერვალები
გორაკისა წამახვილებულია შუბის წვერის მსგავსად. ამ მწვერვალებზე და მათ
შორის ამოყვანილია მაღალი და მკვეთრი ზღუდეები მომრგვალებული კოშკებით.
ზღუდის თავები, ეტყობა, დაკბილული ყოფილა სათოფურებით. შესასვლელი აქვს
სამხრეთიდან, ვიწრო გვირაბის მსგავსი კორიდორებით, რომელნიც ახლა
ჩამონგრეულია. შუა ციხეში მოედანია სხვადასხვა შენობათა ნაშთებით. ერთი
მათგანი ძველ დარბაზს შეიცავს, თაღებიანი მიწით დახურული დასავლეთის
ნაწილში დარბაზს ჩვეულებრივი დარბაზის გვირგვინი ახლავს, რომლიდანაც
დარბაზში ჩამოდიოდა სინათლე. ამ დარბაზიდან მიწაში მიდის სამალავი გვირაბი,
რომელიც ალბათ ქალაქში გამოდიოდა. სამხრეთის კედრით ამართულია შიდა-ციხე
(ციტადელი), ყველაზე მაღალი, რომელიც ზემოთ ბრტყელი ბანით თავდება და
კუთხეები მომრგვალებული აქვს. მოედნიდან კამარის ქვეშ კიბე მიდის შიდა-ციხის
ზემო ნაწილში ასასვლელი. ჩრდილო-აღმოსავლეთის მხრით მოედნისა
დარჩენილია ნანგრევები ძველი ეკლესიისა, რომელიც შიგნით და გარეთ მოწითალო
ლამაზი თლილის ქვისაა. ნათელი ქვები ახლა მეტნაწილად გაძარცულია. გეგმა
ეკლესიისა ექვსაფსიდიანია, მრავალწახნაგოვანში ჩასახული. ეს ეკლესია ჭეშმარიტი
კოპიო არის ჩვენ მიერ აღწერილი კიაგმის-ალტის ეკლესიისა, ბანას მახლობლად (იხ.
XII ტომი კავკასიის მასალებისა, გვ. 85–89) და ამიტომ მასზე სიტყვას არ
გავაგრძელებთ. ვიტყვით მხოლოდ, რომ ეს ეკლესია უფრო ცუდად არის შენახული,
ვიდრე კიაგმის-ალტისა, მაგრამ შიგნით ეკლესიის კედლებზე მოჩანს ნაშთები
ფრესკებისა და ეტყობა საკურთხეველში უკეთ ყოფილა დაცული. ამას გარდა, კოხის
შენიშვნით, ღვთისმშობლის სურათი ამ კომპოზიციისა მარცხნივ საკმაოდ კარგად
განირჩევა. დ. ბაქრაძე უჩვენებს ამ ეკლესიის შინაგან კედელზე რამდენიმე ბერძნულ
ასოს, ხოლო ჩვენ დროს ეს აღარ იყო. ბოტანიკოს კოხის მოგზაურობის დროს, 1843
წელს, როგორც მისი აღწერილობიდან ჩანს, ამ ეკლესიის ნანგრევები უკეთ ყოფილა
დაცული. ამას გარდა, კოხის შენიშვნით, ყოველგან, როგორც ციხის, ისე ქალაქის
ზღუდის კედლებზეც, მას უნახავს უკვე შებღალული ძველი ქართული წარწერები
და ფიგურები, ამოჭრილი დიდრონ ქვებზე. ნამეტნავად მას თვალში სცემია
ღვთისმშობლის ფიგურა ჩვილით და სამ მეფეთა სურათი. ზოგჯერ მე
მეჩვენებოდაო, დასძენს კოხი, რომ ეს ფიგურიანი ქვები უფრო ძველ შენობებს უნდა
კუთვნებოდაო (იხ. კოხის უკვე ნახსენები თხზულება, II, გვ. 251–252).
ოლთისის ციხის ეკლესიას ეკუთვნის მოწითალო ბრტყელი თლილი ქვა,
სვეტზე დამყრებული, რომელიც, როგორც მოვიხსენიეთ, დათიკო ქუთათელაძემ
გამოგვიგზავნა თბილისში ჩვენს მოგზაურობამდის. ეს ქვა, ვგონებ, ერთ სვეტზე
დამყარებულს ტრაპეზის ქვას წარმოადგენდა. ამ ქვის სისქეზე ოთხივე მხრით
ასომთავრული წარწერა არის. ერთი სტრიქონი სულ მოშლილია. დანარჩენში ჩვენ
ამოვიკითხეთ:
1. ო¯ო ღ¯ო ძ¯ლო
2. ქ¯ე შ¯ე გბ¯რლ რ¯ნ ადიდა წ¯ჲ გ¯ი და ად
3. მართა წ¯ჲ გ¯ის საკურთხეველი.

უქარაგმოდ:
«უფალო ღმერთო ძლიერო, ქრისტე, შეიწყალე გაბრიელ, რომელმან ადიდა
წმიდაჲ გიორგი და აღმართა წმიდაჲ გიორგის საკურთხეველი».
ერთ მხარეს ქვაზე ეწერა კიდევ:
ქ დ¯თმა
შქმნა ჴელთაგან33
ქ¯ე შ¯გბრლ
უქარაგმოდ:
«ქ. დავითმა შექმნა ჴელთაგან. ქრისტე შეიწყალე გაბრიელ».
წარწერა უჩვენებს, სხვათა შორის, რომ ციხის ეკლესია წმიდა გიორგის სახელზე
ყოფილა აშენებული.34

33 აღარ მახსოვს, ეს სიტყვა ამ სტრიქონს ეკუთვნის თუ მეორეს.

 ხსენებული ეკლესიის ქვემოთ, მღვიმეში, მოთავსებულია დარბაზის შენობა.

მეორე ეკლესია ოლთისის ციხისა

დასავლეთის მხრით ოლთისის ციხეს ეკვრის ფრიად ვრცელი ოთხკუთხედი

მოედანი, მოზღუდული მაღალი ქვითკირის კედლებით. ეს არის მეორე დაბლობი
ნაწილი ციხისა. ამ ადგილში ახლა მარტო ერთი შენობა მოჩანს, იგიც ახალი,
ყაზარმის მსგავსი, მიშენებული თვით ციხის კლდეზე, ხოლო სამხრეთ-
აღმოსავლეთის კუთხეში ამ ზღუდისა დაცულია ძველი ქართული ეკლესია
მოზრდილი, ერთნეფიანი ბაზილიკა, მაგრამ თან ახლავს სამკვეთლო და სალარო,
რომელთაც აფსიდები არა აქვთ და რომლებიც საკურთხეველს არ უერთდებიან
კამარებით, არამედ თვით ეკლესიას. თაღები ეხლა დაბალია და უსწორმასწორო; ეს
სომხებს გადაუკეთებიათ, რომელნიც ეკლესიას ფლობენ. წინანდელი თაღები
დამყარებული ყოფილა ორ სართავ კამარაზე. შესავალი აქვს სამრეთით და
ჩრდილოეთით (დასავლეთის კედლის ახლოს). ფანჯრები თითო საკურთხეველში,
სამკვეთლოში და სალაროში, ხოლო სამხრეთის და ჩრდილოეთის კედლებში სამ-
სამი. ეკლესია შეძერწილია სხვადასხვა ფერის ნათალი ქვებით. დასავლეთის მხრით
ეკლესიას პატრონიკე (ხორი) აქვს. კედლებში რამდენიმე ქვა არის ჩატანებული ზედ
ამოჭრილი ჯვრებით. ერთს ქვაზე აკანთის ორნამენტია, ლამაზი. ეკლესიაში ორი
ქვის ნატეხი იპოვება. ერთზე გადასული ასომთავრული წარწერა, ეტყობა; მეორეზე
ოთხი მოსხო ლამაზი ბერძნული ასოა: IIOI. ეკლესიაში ახლა ინახება სომხური
ხელნაწერი სახარება ბომბიცინაზე დაწერილი ორ სვეტად. თავში ორი ფურცელი და
ბოლოს ერთი ფურცელი პერგამენტისა არის. ხელნაწერი გადაწერილია 1605 წელს,
ყდა ხისა აქვს შავტყავგადაკრული და პირველ გვერდზე შემკობილია ჯვრით,
რომელიც შემოუწირავს ვიღაც აბრაამს შესაწყნარებლად მისი დედისა ზანონისა და
მამისა ალექსიანისა. სახარება შემკობილია ფერადოვანი მინიატურებით
მახარობელთა, ათთორმეტ საუფლო დღესასწაულთა და სხვა სახარების სცენებით.
მეთაური ასოებიც ფერადოვანია.

მიზგითა ანუ ჯამე ასლან-ფაშისა

ეს ჯამე საუკეთესოდ ითვლება მთელს ყარსის ოლქში. ლამაზი გუმბათიანი

შენობაა კვადრატული. სამხრეთ-დასავლეთის მხრით თან ახლავს მაღალი და კოხტა
მინარეტი. შესავლის წინ კარიბჭეა სამგუმბათიანი. გუმბათები ერთი მხრით
დამყარებულნი არიან თვით კვადრატის კედელზე და მეორე მხრით ოთხ, მთელი
ქვისაგან გაკეთებულ ერთობ ლამაზ სვეტზე. კარიბჭე 12 ვერშოკით ამაღლებულია
თვით ჯამეს იატაკზე. შენობა სხვადასხვა ფეროვანი ნათელი ქვებით არის ნაშენი.
დახურული ყოფილა წინათ კრამიტით; ახლა ჟესტის სახურავი აქვს, მწვანედ
შეღებილი. დეტალები ამ შენობისა ერთობ საუცხოოა. სვეტები შემკობილია ლამაზი
კვარცხლბეკებით და სვეტის თავებით. კვარცხლბეკებზე დადებულია
სპილენძისაგან ჩამოსხმული მრგვალი ბალიშები და ამას ემყარება სვეტები. ასეთივე

34ეს ტრაპეზის ქვა, როგორც კუთვნილება ჩვენი მუზეუმისა, ჩვენს დროს ინახებოდა უნივერსიტეტის
შენობის პირველი სართულის კორიდორში.
მრგვალი ბალიშებია სვეტის თავსა და სვეტს შორის. შესასვლელის კარის არე
მოცულია ისეთივე ჩუქურთმებით, როგორც ქართული ეკლესიები საუკეთესო
დროისა. კერძოდ, თავი კამარა შუაში შემკობილია ფურცლოვანი ჩუქურთმით,
რომელიც ბანას ეკლესიის შემკობას მოგვაგონებს. კამარები ისრულია, გუმბათი
ტრომპებზეა დამყარებული. ფანჯრები მრგვალი, ოთხკუთხედი და
მომრგვალებული, სულ ქართული ჩუქურთმებით არის შემკობილი. ფანჯრებში
სხვადასხვა ფერადოვანი მინებია ჩასმული. შიგნით კედლები შელესილია და
შეღებილი მომწვანოდ. პატრონიკე ხისა არის დამყარებული ხის სვეტებზე, მაგრამ
სვეტების კვარცხლბეკები სპილენძისა არის, ისეთივე ვალუტებით, როგორც ბანას
ეკლესიის სვეტის თავებს ამშვენებენ. მიმბეთი შიგნით მოცულია ოთხკუთხედი
ქართულად მოჩუქურთმებული ხის ჩარჩოთი. იატაკი ცემენტისა არის. ერთის
სიტყვით, ჯამეს ხუროთმოძღვარს სავსებით და მოხდენილად გამოუყენებია
ქართული შემკობილებანი, რომელნიც ამშვიდებენ ბანას და მისი არემარის
ეკლესიებს. მრავალი თათრული წარწერა კარების ირგვლივ და ეზოში შესავლის
თავზე მოგვითხრობს, რომ ჯამე აშენებულია ასლან ფაშის მიერ მე-17 საუკუნეში. ეს
იყო ტომით ქართველი, ათაბაგის ჩამომავალი. მის ძმას ახმედ ფაშას ჯამე აუშენებია
ბარდუსში, რომელიც ჩვენ არ გვინახავს. აღმოსავლეთის მხრით ოლთისის ჯამეს
ეკვროდა ასლან ფაშის სასახლე, რომელიც სრულიად განადგურებულია ახლა,
ხოლო რამდენიმე ქვის კამარა კიდევ მოჩანს. თვით ასლან ფაშა სიკვდილით
დასჯილ იქნა 1677 თუ 1779 წელს (Hist. de la Géorgie, II, p. 640).

უცნობი ეკლესიის წარწერები

ოფიცერმა კოტე ჯინჭარაძემ გვიამბო, რომ მას ოლთისის მახლობლად უნახავს

ერთი ეკლესია, რომელსაც ჰქონია ასომთავრული წარწერები და გადმოგვცა, რაც მას
ხელით გადმოეღო. ოთხი სიტყვა ამათში ფრესკების წარწერებს შეიცავს:
«წ¯ჲ მინა, ფოკა; კონონ».
შემდეგ იკითხება სიტყვები:
სლცვ (= სალოცავად)... და შჩნებლ ღმთისაგნ დაოჳსბმჲსა:
წ¯თა»... (= და შეჩვენებულ ღმ(რ)თისაგან დაუსაბამოჲსა: წმიდათა).

სიხჩეკი

სიხჩეკი ქართული მაჰმადიანების სოფელია, გაშენებული სიხჩეკის წყლის

ვიწრო ხეობაში. მარჯვენა ნაპირზე ამ წყლისა ამართულია მაღალი კლდე
თავმოკვეთილი კონუსის მსგავსად. ერთი მხარე მისი მიუდგომელი ვერტიკალური
სალი კლდეა, მეორე მხრით კლდე თითქო დაკიდებულია. აქა-იქ ფერდობზე ვიწრო
კალთებია შემაგრებული ქვითკირით, რომ არ ჩამოიქცეს და ერთ ასეთ კალთაზე
სამხრეთ-აღმოსავლეთის მხრით, მწვერვალის მახლობლად, გაშენებულია პატარა
ოთხკუთხედი ქვის ეკლესია, ერთაფსიდიანი, კარგად შენახული. შესასვლელი აქვს
დასავლეთის მხრით და ფანჯარა აღმოსავლეთით; საკურთხეველში ორი პატარა უბე
მოჩანს. ჩრდილოეთის მხრით მიშენებული აქვს ეკვტერი, უფრო კარგის თლილის
ქვით ნაშენი, ვიდრე თვით ეკლესია. ერთი კარით დასავლეთით და ერთი სარკმლით
აფსიდაში. ეკვტერი ეკლესიას კარებით არ უერთდება. როგორც ეკლესია, ისე მისი
ეკვტერი სულ მოხატული ყოფილა ფრესკებით. ნაწილი მოჩანს საკურთხეველში.
ეკლესია ქვით არის დახურული. მეორე კალთაზე ამ კლდისა დიდი ქვითკირის
აუზია და აუზის მახლობლად მრგვალი კოშკი. მთელი კალთა შემოზღუდულია
ქვითკირის კედლებით. სულ მწვერვალზე პატარა სწორ ადგილზე აგრეთვე კოშკია
ამართული, მაგრამ მისავალი ახლა მოშლილია. აქედან საუცხოო პანორამა იშლება
ოლთისის ხეობისა.
სიხჩეკის აღმოსავლეთით სოფელი ლესპექი არის. ამის მახლობლად გიშერის
მადანია. აქვე გამოდის სიამერის ქედი, რომლის ერთი მწვერვალი კორ-კორ-დაგი
შედგება ქვა-მარილისაგან, მაგრამ ამის მარილი უფრო დაბალი ხარისხისაა, ვიდრე
ყაღიზმანისა და კულპისა.

ჩაპარლი-ყიშლა

აქ 15 სახლი სომეხია. ძველი ეკლესია, რომელიც ჩუქურთმებით ყოფილა აქა-იქ

შემკობილი, მოუშლიათ და მის ადგილზე ახალი აუშენებიათ. ძველი ეკლესიის
ქვები აქა-იქ მოჩანს კედლებში.

ბაღჩალი-ყიშლა

ბახჩალი-ყიშლაში მაჰმადიანები ცხოვრობენ, მეზობელ სოფელში ურუკში –

სომხები. ეკლესია ბაღჩალ-ყიშლასი გაშენებულია პატარა მდინარის გეჩუდ-სუს
პირზე, ციხის მარცხნივ. ქვით ნაშენი ეკლესია ჯვარის სახისა არის, სამფასადიანი,
დასავლეთის მკლავი სწორკუთხიანია, წაგრძელებული, თაღი და გუმბათი
ჩანგრეულია, კედლები კარგად არის დაცული და მიძერწილია შიგნით და გარედ
ლამაზად ნათალი მუქი მოწითალო კუბიკური ქვებით. შესასვლელი აქვს
სამხრეთით, ფანჯრები – თითო აღმოსავლეთით, დასავლეთით და სამხრეთით.
ეკლესიის ირგვლივ ძველი სასაფლაო არის. სასაფლაოს დიდრონი ქვები
წარმოგვიდგენენ ქანდაკებებს შეკაზმული ცხენებისა, ცხვრებისა და სხვა ცხოველთა.
პატარა მდინარე, რომლის ნაპირზე ეკლესია არის გაშენებული, გამოდის
კლდეების ნაპრალიდან, რომლის სიგანე 2 საჟენს უდრის. ერთ ნაპირზე ნაპრალისა
მაღალ კლდეზე ციხე-კოშკია გაშენებული, მეორეზე – დიდი ოთხკუთხედი კოშკი,
მიძერწილი მოწითალო ქვებით. ამის შემდეგ მდინარე ფართოვდება, მაგრამ შემდეგ
შედის ასეთივე კლდეების ნაპრალში. სოფელი ბახშალი-ყიშლა ამ ორ ნაპრალ
კლდეებს შუა არის გაშენებული.

ფარნაკი (კარტაზე – პერნიაკი)

ფარნაკი მდებარეობს ოლთისის წყლის ორთავე ნაპირზე, იქ, სადაც ბანის

წყალი ერთვის ოლთისის წყალს. ამის მახლობლად მარილის სამრეწველოა და
სოფელი ავჭალა. აქ ორივე ფრიად მაღალ კლდოვან ნაპირზე ოლთისის წყალისა
თითო ციხეა გაშენებული. პირველი მოთავსებულია მარცხენა ნაპირზე ვიწროდ
წაგრძელებულ კლდოვან გორაკზე, რომელიც ირგვლივ შემოზღუდულია მაღალი
ქვითკირის კედლებით და შეადგენს ერთს მაგარ ციხეს. დასავლეთის ნაწილში
ციხისა აშენებულია საკმაოდ დაცული გუმბათიანი პატარა ეკლესია, რომელიც
შეძერწილია ტლანქად ნათალი წითელი ქვებით. გუმბათი დამყარებულია
აღმოსავლეთით აფსიდის კამარაზე, ხოლო დასავლეთით სართავი კამარის
ქუსლებზე. საკვირველი ესაა, რომ გუმბათს გადამავალი აფრები სრულიად არა აქვს.
გუმბათი ეხლა სანახევროდ ჩამოქცეულია. ეკლესიას შესავალი აქვს დასავლეთით
და სამხრეთით, ფანჯრები – თითო ყოველის მხრით. გუმბათში ოთხი მრგვალი
სარკმელი ყოფილა. გუმბათი ოთხწახნაგოვანია, დაბალი. ეკლესიის დასავლით
პატარა სწორი ეზოა.
ამ პირველი ციხის პირდაპირ, მარჯვენა ნაპირზე ოლთისის წყლისა უფრო
მაღალი კლდოვანი მთა არის გამაგრებული ზღუდეებით, კოშკებით და სხვა
შენობებით. ასე რომ, სიმაგრე რამდენიმე სართულიანია. ნაშთები სახლებისა,
ეკლესიებისა და აბანოებისა იპოვებიან როგორც კლდის ძირში, ისე ზემოთ
სართულებშიც. ამ სიმაგრიდან, როგორც ადგილობრივი მცხოვრებნი ამბობენ, მიდის
გვირაბი ოლთისის წყალთან.
ამავე მარჯვენა ნაპირზე ოლთისის წყლისა არის სოფელი ეგრი-კილისა,
რომლის ძველი ქვის ეკლესიისაგან მხოლოდ აფსიდის ნაწილი მოჩანს და ეტყობა,
ეკლესია მიძერწილი ყოფილა ქვებით.

ნორბერდი

ნორბერდი სომხური სიტყვაა და ნიშნავს ახალ-ციხე-ს. ეს ციხე გაშენებულია

კონუსის მსგავსი მაღალი კლდის მწვერვალზე იქ, სადაც ოლორის წყალი (ოლორ-
სუ) ერთვის ოლთისის წყალს. მწვერვალი შემოზღუდულია მაღალი ქვითკირის
კედლებით, სათოფურებით ზემოთ. შუაში ამართულია მაღალი მრგვალი კოშკი.
აქედან სულ ბაღნარით გზა მიდის ოლორის წყლის ნაპირად ოლორში.

ოლორი

ოლორი გაშენებულია მაღალ პლატოზე, ბაღნარში. აღმართი ოლორის წყლიდან

ოლორამდის ორ ვერს-ნახევარს შეიცავს. აქ ტაოსკარის უჩასტკის მმართველის
სადგურია. ეკლესიის ნანგრევები აღარ მოიპოვება; სულ განადგურებულია, ხოლო
ციხეების და კოშკების ნანგრევები მის არემარეში საკმაოდ არის.

ორთისი

ოლორიდან ორთისამდის ორი საათის გზაა: ერთი საათი აღმართით, მეორე

დაღმართით. სოფელი სულ ვიწრო ხეობაშია გაშენებული ორთისის წყლის პირად
და შესდგება 49 გამუსულმანებული ქართველების სახლისაგან. ირგვლივ სულ
ბაღნარია, შემორტყმული სხვადასხვაფეროვანი სალი კლდეებით. ერთი კლდე შუა
სოფელშია სვეტის მსგავსად ამაღლებული და მის მწვერვალზე ლამაზი კოშკია,
ეხლა სანახევროდ ჩამონგრეული. თვით სვეტიც დასერილია და თანდათან იშლება,
კოშკის შერჩენილი ნაწილიც მოკლე ხანში ჩამოვარდება, ვინაიდან სვეტის ზემო
ნაწილი კოშკითურთ უფრო დიდი და ბრტყელია, ვიდრე დიამეტრი მისი
გამაგრებული ძირისა. ასეთი სხვადასხვა კონგლომერატებისაგან შემდგარი
ბუნებრივი სვეტები ხშირია ტაოში. ამ სვეტის მახლობლად, ჯამეს წინ, წყაროა
ამოშენებული ძველი ნათალი ქვებით წყალსადენად. სახლები მცხოვრებთა ხისაა,
მიწით დახურული. ხისაა აგრეთვე ჯამე, რომლის ხის აივანი შიგნით, პატრონიკეს
წინ, შემკობილია ლამაზი ჩუქურთმებით ქართული რიგისა.
 კალმახის ციხე და დიდი მონასტერი-ლავრა
ვაჩი-ძორი ანუ ვაჩე-ძორი

ორთისის წყალი ერთვის სალაჩურის წყალს, შემდინარეს ოლთისის წყალისა. ამ

წყლების კალაპოტები იმავე დროს გზებია. სხვა გზები აქ არ მოიპოვება. ჩვენ
გავყევით ჯერ ოლთისის წყლის კალაპოტს, შემდეგ სალაჩურისა ნიაკომის წყლის
შესართავამდის, რომელიც მარჯვნივ ერთვის სალაჩურის წყალს (აქედან ავყევით
ნიაკომის წყლის მაღალ ხეობას და მივედით ეხლა დიდ ვანქად წოდებულ დიდი
მონასტრის ნანგრევებთან. აქ ხეობა შედარებით ფართოა, წყლის პირად ბაღებით
მოცული. ორივე მხრით ხეობისა ფრიად მაღალი მთებია, ქვემოთ ტყით და
ბუჩქნარით შემოსილი, ხოლო ზემოდან კლდოვანი. ერთი მაღალი და მიუვალი
კლდის მწვერვალზე სამხრეთის მხარის მონასტრის ნანგრევებისა აშენებულია დიდი
ციხე, ეხლა მუსულმანთა ჩვეულებით კალად წოდებული. ჩვენის აზრით, ეს უნდა
იყოს ძველი კალმახის ციხე. პირდაპირი საბუთი ამისა არა გვაქვს, ხოლო როდესაც
ადგილოებრივ მცხოვრებთ შევეკითხეთ, რას უწოდებთ ამ ციხეს-მეთქი, ყველამ
ერთხმად მიპასუხა: კალასო: კალმახი არ გაგიგონიათ-მეთქი? ერთმა ხანშესულმა
მიპასუხა: როგორ არაო, ბაბუა ჩემი და სხვა ძველი კაცები მაგას კალმახ-კალას
ეძახოდენო, მაგრამ ჩვენ კალას ვეძახითო.
«ქართლის ცხოვრების» თქმით, არჩილ მეფის დროს (688–718), «სარკინოზნი
განძლიერდნენ ქუეყანასა რანისასა და დაეპყრათ გაზირი და სომხითი». ამის გამო
გუგარის ანუ სომხითის მთავარნი, რომელნიც იწოდებოდნენ პიტიახშებად, ესე იგი
საზღვრის მცველებად, მიადგნენ კლარჯეთს, მაგრამ იქ არ შეუშვეს და ნახევარნი
მათგანნი წარვიდნენ ტაოს, შეიპყრეს კლდე ერთი, რომელსა ერქვა კალმახი, და მუნ
აღაშენეს ციხე (ბროსეს გამ. ქართ. ცხ. I. გვ. 181). მარიამ დედოფლის ვარიანტში (გვ.
211) ეს ამბავი ასეა მოთხრობილი: «მასვე ჟამსა (არჩილ მეფის დროს) პიტიახშნი
ვინმე არა შეუშუნეს კლარჯეთს სახვად, და წარვიდეს ნახევარნი მათგანნი და
შეიპყრეს კლდე ერთი ტაოს, რომელსა ერქუა კალმახი, და აღაშენა ციხედ». სომხური
წყაროების ცნობით, კალმახი ანუ კამახი ტაოში (ტაიკში) 771 წლის ახლოს ხანშია
აშენებული სომხის მთავრის აშოტ ქველის მიერ (820. Brosset, Additions, გვ. 159).
ნ. მარრის ახალი ცნობით, კამახი ანუ კალმახი აშენებულია 782 წლის ახლო
ხანში ბაგრატიდის აშოტ მისაკერის მიერ, სიმბატის ძისა (იხ. ანი. ლენინგრადი, 1934
, გვ. 21). ვახუშტი ბატონიშვილმა არ იცის მდებარეობა კალმახისა, როდესაც ამბობს:
«ხოლო კვალად არტანუჯის მდინარის შესართავს ზეით ჭოროხს მოერთვის
თორთომის მთიდან გამომდინარე წყალი, რომელი მოდის აღმოსავლეთად: ამ
ხევზე კალმახისა არს ციხე კალმახისა, რომელი აღაშენეს პიტიახშთა, დიდ-შენი
მაგარი და შეუვალი, იყო საერისთო ტაოსი» (ბროსეს გამოცემა, გვერდი 11835. ჩვენ
მოვლილი გვაქვს თითქმის მთელი ტაო და არსად ისე შეუვალი და მიუდგომელი
ციხე არ გვინახავს, როგორც აქ. მე და კალგინი არ ავსულვართ ამ ციხეზე. ლიოზენმა
შეძლო ასვლა და გადმოიღო ფოტოგრაფიულად. ციხე ძალზე დანგრეულია.

35დ. ბაქრაძე იმეორებს ვახუშტის ცნობას, როდესაც ამბობს, კალმახი მდებარეობს არტანუჯის
ზემოთო (ვახუშტის ისტორია, გვ. 137, შენ.).
წარწერები ლიოზენმა ვერ იპოვა. ქვემოდან, მონასტრის ნანგრევებიდან, სახე ციხისა
სამჯერ არის გადაღებული. ამ ციხის, ასე ვთქვათ, მფარველობის ქვეშ ყოფილა
გაშენებული ნიაკომის ხეობაში დიდი მონასტერი ვაჩი-ძორი, რომელიც სრულიად
უცნობია ჩვენს წყაროებში. ამ მონასტრის არც არსებობა ვიცოდით, არც სახელი, არც
მდებარეობა. მხოლოდ ერთ ხელნაწერს საეკლესიო მუზეუმისა №73 ბომბიცინაზე
დაწერილს, რომელსაც აკუთვნებენ მე-11 საუკუნეს და რომელიც შეიცავს ექვსთა
დღეს ვასილ დიდისა და გრიგორ ნოსელისა, აქვს მინაწერი ტექსტის ხელით: «სრულ
იქმნა... დიდსა ლავრასა შატბერდს... ჴელითა გრიგოლ ვაჩეძორელისათა» (იხ. თ.
ჟორდანიას აღწერილობა, I. გვ. 73). ქვემოთ მოყვანილ მღვიმეში ნაპოვნი
წერილებისაგან ჩვენ დავინახავთ, რომ ამ ხეობის და მონასტრის სახელი ყოფილა
ვაჩი-ძორი, იგივე ვაჩე-ძორი, ხოლო თავი ეკლესია ამისა აშენებული ყოფილა
პირველ მოწამის წმ. სტეფანეს სახელზე.
ეს მონასტერი ერთი საუკეთესო ძეგლთაგანია ოლთისის ოკრუგისა. ეს უფრო
დიდია და უფრო ლამაზი, ვიდრე ლექსორის მონასტერი და თავისი სირთულით
მოგვაგონებს საფარის მონასტერს, ახალციხის მახლობლად, ვინაიდან თავ ტაძარს აქ
ახლავს რვა პატარა ეკლესია და სხვა მრავალი შენობა, მაგრამ, სამწუხაროდ,
ყველაფერი ეს მინგრეულ-მონგრეულია. საქმე ის არის, რომ ნიაკომის მცხოვრებთ ეს
ადგილი გაუხდიათ თავის მეზრედ, საზამთრო სადგურად (თვით სოფელი მთაზეა
გაშენებული) და მონასტრის შენობები გამოუყენებიათ საბოსლედ, სათივედ,
საბძელად და სხვა სადგურებად. ყველაფერი ეს ხელს გვიშლიდა შენობათა
დეტალების გასაცნობად.
ყველა პატარა ეკლესია ჩვეულებრივი რიგისაა. ყველა ნაშენია უბრალო ქვით,
ხოლო კამარები და ჩარჩოები კარ-ფანჯარათა ნათალის ქვით, შიგნით ყველა
შელესილია და მოხატული ყოფილა ფრესკებით, რომელნიც ახლა უმეტეს
შემთხვევაში მოსპობილია. ყველა შენობა ქვითაა დახურული. შუა ადგილს და
ძირითად ფუძეს მონასტრისას შეადგენს მოგრძო ოთხკუთხედი გუმბათიანი
ტაძარი, სამნეფიანი და მრავალეკვტრიანი. ადგილის უსწორმასწორობის გამო
საკურთხეველი სამხრეთ-აღმოსავლეთისკენ არის მიმართული. შენობა შედარებით
საკმაოდ კარგად არის დაცული, თუმცა თაღები აქა-იქ ჩანგრეულია, მაგალითად
საკურთხეველში უმეტესი ნაწილი, მაგრამ გუმბათი და გუმბათის ყელი მაგრად
არის. მრგვალი გუმბათის ყელი, რომლის დიამეტრი უდრის 2,16 საჟენს, სულ
დაბალია. მისი სიმაღლე არ აღემატება 0,84 საჟენს. ის თავისი კამარებით
დამაგრებულია ოთხს მრგვალ სვეტზე. დიამეტრი ქვით ნაშენი სვეტისა უდრის 0,56
საჟენს, ხოლო სიმაღლე 2,12 საჟ. სვეტები შეძერწილია თლილი ნაცრისფერი ქვებით.
გადასვლა კვადრატის კამარებიდან გუმბათის ყელის სიმრგვალეზე კონუსისებური
აფრებით წარმოებს. თვით დაბალი გუმბათიც კონუსის მსგავსია.
ქუსლები, სართავი კამარებისა და იმ კამარებისა, რომელნიც მიმართული არიან
სამხრეთით და ჩრდილოეთით, ერთს სიმაღლეზე დგანან, ხოლო იმ კამარებისა,
რომელნიც მიმართული არიან აღმოსავლეთით, უფრო დადაბლებული არიან.
შინაგანი სიმაღლე ეკლესიისა იატაკიდან გუმბათის თავამდის უდრის 6,05 საჟენს.
გუმბათის ყელში ოთხი ფანჯარაა: აღმოსავლეთის სამს აფსიდაში თითო,
დასავლეთის მხრით ორი ფანჯარა ყოფილა, მაგრამ ეხლა ერთი სულ დახშულია და
მეორე სანახევროდ შემდეგ მიშენებული სტოათი. კარები თითოა სამხრეთით,
დასავლეთით და ჩრდილოეთით. უკანასკნელი დაბალია და ჩრდილოეთის
ეკვტერში გადის. ეს ეკვტერი უაფსიდოა, მაგრამ ტრაპეზის ქვა მიშენებული აქვს
აღმოსავლეთის სწორ კედელზე, ფანჯრის ქვემოთ. ეკვტერი კლდეშია გამოკვეთილი,
ვიწროა, სიგანით 0,60 საჟენი და უფრო გრძელ კორიდორს მოგვაგონებს.
ჩრდილოეთის კედელში სამი უბეა დატანებული. იატაკი მისი ამაღლებულია
ეკლესიის იატაკზე 0,90 საჟენით. დასავლეთის მხრით ამას ახლავს შემდეგ
მიშენებული პატარა ეკლესია, რომელიც შეერთებულია კორიდორთან ვიწრო
გასავალით აფსიდიდან. ჩრდილოეთის ეკვტრის მინაგვარი შენობა სამხრეთის
მხრიდანაც ემჩნევა ეკლესიას, მაგრამ ამისგან ეხლა მარტო ერთი კედლის ნაწილია
დარჩენილი.
დასავლეთის მხრით თავ-ტაძარს თანდათანობით, სხვადასხვა დროს,
რამდენიმე მინაშენი ახლავს. თავდაპირველად ოთხკუთხედი სტოა ერთი კარით
დასავლეთით; მეორე კარი მას აერთებს ჩრდილოეთის კორიდორზე მიშენებულ
ეკლესიასთან, ფანჯარა ერთი აქვს სამხრეთით და ერთიც – კარის ზემოთ,
დასავლეთით. თაღი გოდრულია. შემდეგ ამ სტოას მიშენებული აქვს ღია კამარებზე
დამყარებული კარიბჭე: ამისი თაღი აგურისა არის, ჯვარისებური. ორთავე ამ
მინაშენის განის კედლებს კონტრფორსები ახლავს. სამხრეთ-დასავლეთის მხრით
კარიბჭეს მიშენებული აქვს პატარა ეკლესია, რომელიც შეძერწილი ყოფილა ლამაზი
ნათალის ქვებით და შემკობილი ჩუქურთმებით. ქვები მოუძარცვავთ; ზოგი მათგანი
ჩატანებულია სხვადასხვა საოჯახო უშნო შენობებში ამ საზამთრო სადგურისა.
შესავალი აქვს ეკლესიას ეზოდან ჩრდილოეთით, ფანჯრები თითო აღმოსავლეთით,
დასავლეთით და სამხრეთით. აფსიდაში ორი პატარა უბეა. თაღი ჩაქცეული
ყოფილა, მაგრამ მცხოვრებთ მიწური ჭერით დაუხურავთ და ეკლესიის საბოსლედ
გადაუქცევიათ. ჭერს შეყენებული აქვს შუაში ხის ბოძი ნათალ ქვაზე დამყარებული.
ქვას ასომთავრული წარწერის ნაშთები ემჩნევა:
«... უძლე... / ორყ... / ო: მის /.: ა: ქავთ(არ):»
ეს შეიძლება საფლავის ქვის წარწერა იყოს.
კარის ჩარჩო ამ ეკლესიას ჰქონია შემკობილი ლამაზი ჩუქურთმებით ირგვლივ
და გადაბმული ასომთავრული წარწერებით სამი მხრით. ეს ქვები მოუძარცვავთ და
ჩაუტანებიათ ძირის კედელში ერთ უხეშად შეკოწიწებული საბძელისა
ჩრდილოეთის მხრით ეკლესიისა. ორი წარწერიანი ქვა ჩვენ დიდის გაჭირვებით და
ვაივაგლახით მაგნის საშუალებით ფოტოგრაფიულად გადმოვიღეთ. მესამეს,
ვიწროს, ვერ მივუდექით, მაგრამ ადგილობრივად წავიკითხეთ. წარწერა ზოგ
ადგილას გაფუჭებულია. საერთოდ წარწერა ასე იკითხება:
1. : ქ: ქართველთა: 36 და: აფხაზთა: მეფისა: დიმიტრის
ასული[ისა]... [პატრონი]სა: რჳსუდანისა: დაჳთვ¯თ (?):
ყ...
2. და: მათითა: საფასოჲთა: აღეშენ :
3. ეკოჳტერი: ესე: სახელსა: ზ¯ა: ყ¯დ წ¯სა: ღ¯თის: მშობლისასა: მოძღრბასა: შინა:
უჩ...
4. გ¯დძს: ძისა: ქორონიკონსა: ფკვ: ჴ[ელითა]... ა: ცხო...:
უქარაგმოდ:
1. ქ. ქართველთა და აფხაზთა მეფისა დიმიტრის ასულ(ისა)... (პატრონი)სა
რუსუდანის დაუთავეთ (?) ყ(ოვლითა)
2. და მათითა საფასოჲთა აღეშენა

36 აქ და ბევრ ადგილას სამ-სამი წერტილი უზის, ჩვენ ორ-ორს ვტოვებთ.

 3. ეკუტერი ესე სახელსა ზედა ყოვლად წმიდისა ღმრთის მშობელისასა,
მოძღურობასა შინა უჩ...
4. გოდერძის ძისა, ქრონიკონსა ფკვ, ჴელითა... ა ცხო...
ქორონიკონი უდრის 1306 წელს. აქ მოხსენებული დიმიტრის ასული
რუსუდან არის მეფე დიმიტრი III (Hist. de la Géorgie, II, 1, p. 624). ამრიგად, ეს
ეკლესია-ეკვტერი აშენებულია მე-14 საუკუნის დასაწყისში, მაშასადამე, წინა
შენობანი დასავლეთის სტოა და კარიბჭე იმაზე წინა დროს ეკუთვნიან. ბოლო დროს,
ალბათ იმავე მე-14 საუკუნეში, დასავლეთის მხრით აშენებულია ორსართულიანი
სამრეკლო, ლამაზად ნათალი ქვებით შეძერწილი. ზემო ნაწილი რვაწახნაგოვანია,
ქვემო სართული გაშლილი კამარით 1,28 საჟენის სიგანით, ალაყაფის კარებად არის
გამოყენებული ეზოში შესავალად. ამ სამრეკლოსაც ჩრდილოეთის მხრით
მიშენებული აქვს პატარა ეკლესია ერთის ფანჯრით აფსიდაში და სამით
დასავლეთის მხრით; კარი სამხრეთით აქვს. საკურთხეველში ორი პატარა უბე
მოჩანს. ეკლესია უბრალო ქვითაა ნაშენი. გოდრული თაღი აგურით არის
ამოყვანილი. ეს ეკლესია კარგად არის დაცული და ეხლა სათივედ არის
გამოყენებული.
სამხრეთ-დასავლეთის კუთხეში სამრეკლოს ზემო სართულისა, ფანჯრებს შუა,
კალატოზს გამოუხატავს თავისი თავი ქვაზე. ეს კაცია მოზრდილი წვერით ზის და
ხელი გაუშვერია გასათლელი ქვისაკენ. ქვემოთ ქვისა წერაქვია გამოხატული,
ზემოთ კიდევ მეორე სათლელი იარაღი და მას ლამაზი ასომთავრული წარწერა აქვს:
ქ¯ე შ¯ე გ¯ი (=ქრისტე შეიწყალე გიორგი).
ქვემოთ კიდევ ყოფილა რაღაც წარწერა, რომელიც ეხლა გადაშლილია. შიგნით
თავი ეკლესია სულ მოხატული ყოფილა კარგი სტილის ფრესკებით, რომლითაც
მოცული ყოფილა კედლები, თაღები და სვეტები. ახლა ეს სულ მოშლილია, მაგრამ
ნაშთები ყოველგან ეტყობა. გუმბათის ყელში წარმოდგენილნი ყოფილან
წინასწარმეტყველები თავისი წარწერიანი გრაგნილებით და მიქაელ
მთავარანგელოზი. შერჩენილია წარწერები:
აჰა ჴრ მიქაელ
ესეთა ენეს დიდი
ქ ლწლი გ ნ ცხო მთ
¯ ¯ ძლითა
მიუდ რბდ ვართ შ¯ნთა
გეს და ხა ანგე
შვას ძე. რიშნ. ლ¯ზთაჲ გ¯დთა.

საკურთხეველში მოჩანან წმიდა მამაები, ექვს-ექვსი ფანჯრის ორივე მხრით და

ერთი წელსზევითი სურათი ანგელოზისა. აფრებზე ემჩნევა მახარობლები. სვეტებზე
და კამარებზე ნაშთები სხვადასხვა წმიდათა, მეფეთა და წამებულთა, მაგრამ
მთელად არც ერთი არ შენახულა. საკურთხეველის ორ ღრმა უბეში (გეგმაზე ერთია
აღნიშნული) ემჩნევა ფრესკები, მარჯვენაში დაცულია იოანე ღვთისმეტყველი,
დასავლეთის ფანჯრის ორივე მხარეს თითო ფიგურაა მთელის ტანით, იოაკიმე და
ანა, იოაკიმეს სურათი გადმოღებულია; თვით ფანჯრის თაღში ანგელოზია. ამ
ფანჯრის ქვემოთ მრგვალი სარკმელია.
ირგვლივ ვაჩი-ძორის თავი ეკლესიისა მრავალი შენობის ნანგრევებია. ამათში
ერთი თაღიანი შენობა სამხრეთის მხრით არის სულ ახლოს ეკლესიასთან.
მეორე დიდი ოთხკუთხედი შენობა არის ჩრდილო-აღმოსავლეთის მხრით. ეს
უნდა ყოფილიყო საოსტიგნე (სასადილო სახლი). ამას აქვს შესავალი დასავლეთით
და სამ იარუსად განაწილებული ორ-ორი ფანჯარა სამხრეთით. ქვემოთ ორი
ფანჯარა სარდაფს ეკუთვნის, რომლის შესავალი ეხლა აღარ მოჩანს. ზემო ნაწილი ამ
შენობისა ეხლა გაყოფილია ხის ჭერით ორ სართულად. ზემო ნაწილი გადაქცეულია
სათივედ და დახურულია ხით. თაღი კარგი ხანია ჩაქცეულა.
ამ საოსტიგნეს და ტაძარს შუა მეორე თაღიანი ქვის შენობაა, შეერთებული
ერთთან და მეორესთან. შენობა თაღს ზემოთ დახურულია მიწით და ეს სახურავი
იამვე დროს ბანად არის გამოყენებული. შენობა სალარო უნდა ყოფილიყო ძველ
დროში.
სამხრეთ-აღმოსავლეთის მხრით თავი ეკლესიის რამდენიმე შენობის ნაშთია.
ყველაზე მნიშვნელოვანი არის დიდი ოთხკუთხედი მოგრძო შენობა, ეკლესია
ერთაფსიდიანი, ხოლო თვით ორსართულიანი. ქვემო სართული აკლდამას
წარმოადგენს... შენობას ორივე მხრით სიგრძეზე ერთობ გამოწეული პილასტრები
აქვს მიშენებული და ამ პილასტრებზე კამარებია გადაყვანილი. შუა ნაწილში ერთ
კამარაზე ბალკონია.
შენობას სამხრეთით აქვს შესავალი კარი და სამი ფანჯარა. ამ შენობაზე (ეტყობა
შემდეგ დროში) მიშენებულია საკურთხეველი. ასე რომ, ჩვენი აზრით, შენობა წინეთ
ეკლესია არ ყოფილა, ხოლო შემდეგ დროში გადაუქცევიათ ეკლესიად და
მოუხატავთ ფრესკებით. ფრესკები საკმაოდ კარგად არის შენახული, ფერადებიც
ნათლად მოჩანს, მაგრამ ისე ძველი არ არის, როგორც თავი ეკლესიისა; რიგი მათი
და ფერადებიც სრულიად ისეთია, როგორიც ჩვენ ვიპოვნეთ 1902 წელს სოლომონ
კალის მღვიმის ეკლესიაში და რომელიც ეკუთვნის მე-15 საუკუნეს, ათაბაგების
დროს (იხ. XII ტომი მოსკოვის საზოგ. მატერიალებისა, გვ. 82–84). გარჩევა და
გადმოღება ფრესკებისა შეუძლებელი იყო, ვინაიდან ამ შენობის შუა წელში ხის ჭერი
იყო გაკეთებული ზემოდ დახურული მიწით, ერთი არშინის სიმაღლით. ამრიგად,
ეკლესია ორ სართულად იყო გაყოფილი: ქვემო ნაწილი საბოსლედ იყო
გამოყენებული და ზემოთი – სათივედ. ჩვენ დროს ეს სართული სულ თივით იყო
გაჭედილი და დაცლა მისი შეუძლებელი გახდა, ვინაიდან პატრონი იქ არ იყო,
ხოლო დასავლეთის კედელზე ზემო სართულში მოჩანდა ერთ ადგილას თავები
წმიდათა ასომთავრული წარწერებით: «წ¯ჲ ეფრემ ასოჳრი, წ¯ჲ საბა, სიმეონ მესვეტე»
და სულ ზემოთ, მეფის სურათი გრაგნილით, რომელზედაც ეწერა: «ნეტარ არს კაცი».
ქვემო სართულში დასავლეთის კედელზე ჩვენ შევამჩნიეთ: «წ¯ჲ დ¯ე, წ¯ჲ ევსტათე,
წ¯ჲ პროკლე» (ესენი გადაღებულია ფოტოგრაფიულად). ჩრდილოეთის კედელზე
ზემო სართულისა განირჩეოდა თავები ფიგურებისა წარწერით: «...ალექსანდრიელი,
ხალამპრი».

ვაჩი-ძორის მახლობლად მღვიმეში ნაპოვნი საბუთები

ჩვენს ვაჩი-ძორის მისვლის წინა დღეებში ერთ მონადირეს ამ ნანგრევების

მახლობლად კლდის წვერზე მოეკლა გარეული თხა. თხა ძირს აღარ
ჩამოშვებულიყო, შუა ნაპრალზე კლდისა დასცემოდა ერთი მღვიმის ამოშენებულ
კედელს, ჩაენგრია შერყეული კედელი და ჩავარდნილიყო მღვიმეში. მონადირე
ასულა ზევით თხის ჩამოსატანად და მღვიმეში უპოვნია მთელი შეკვრა საბუთებისა:
ზოგი დამპალი იყო, ზოგი ნაწილობრივ გადარჩენილიყო და ზოგი – მთელად.
მონადირემ საბუთები მიართვა უჩასტკის უფროსს, ფეოდორ ინჟავეტსკის, რომელიც
ჩვენთან იყო. ჩვენ გვინდოდა წამოგვეღო საბუთები. ნაჩალნიკიც მომხრე იყო. მაგრამ
მეორე, ჩვენთან მყოფმან, ყარსის გუბერნატორის საგანგებო მოხელემ, სტეფან
ერმოლაევმა განაცხადა, რომ კანონით ნახული საბუთები ჯერ უნდა გადაეცეს
გუბერნატორს და შემდეგ შეიძლება მათი ამა თუ იმ დაწესებულებაში წარდგენაო.
სულ ექვსი საბუთია: ხუთი ქაღალდზეა დაწერილი, ერთი ტყავზე, ორის მარტო
თავია დარჩენილი, ოთხი სრულად არის დაცული. ყველა დაწერილია მხედრულის
ხელით, ჩვენის აზრით, მე-15 საუკუნის პირველი ნახევრისა.

პირველი საბუთი ფრიად საყურადღებოა. თქმა არ უნდა, ეს ეხება იმ მონასტერს,

რომლის ახლოს ნაპოვნია და ამით ირკვევა, ამ ახლა ვანქად წოდებულის
მონასტრის, ძველი სახელი ვაჩი-ძორი ანუ ვაჩე-ძორი (როგორც დავინახეთ,
შატბერდის ხელნაწერის გადამწერი ვაჩეძორელად არის მოხსენებული). შინაარსით
საბუთი წარმოადგენს დადგენილებას ვაჩი-ძორის მონასტრის მოძღვარ კანდელაკის
და საერთოდ, კრებულისა. ამ დადგენილებიდან ვტყობილობთ: მოძღვარ კანდელაკს
და კრებულს უთხოვიათ ერისთავთერისთავისა და მეჭურჭლეთუხუცესის ზაზა
ფანასკერტელისათვის, რათა მას მონასტერი ვაჩი-ძორი გაენთავისუფლებია
სამონასტრო გადასახადის ალავისაგან. ზაზას თხოვნა შეუწყნარებია და მათთვის
მიუცია გუჯარი «თავსა და ბოლოს ფიცით», რომ ერთი ტეზოლის ალავთა მეტი
ალავი მათ არ ეთხოვებოდეს. კრებულს სანუქფოდ გაუჩენია ექვსი წირვა
დღესასწაულთა დღეს წელიწადში ზაზასათვის. ფრიად საყურადღებოა კიდევ ერთი
გარემოება. კრებული პირობას იძლევა, თუ ერისთავმა შემდეგში რაიმე ახალი
გადასახადი შემოიღო, ისინი ვალდებულნი არიან ეს გადასახადი შეკრიბონ და
ერისთავს დროზე წარუდგინონ და ალავის აღმოფხვრა ამ ახალ გადასახედზე უარის
სათქმელად არ გამოიყენონ. თვით ტერმინი ალავი არსად სხვა საბუთებში ჯერ ჩვენ
არ შეგვხვედრია. ალბათ, ეს სამონასტრო გადასახადი მარტო ტაოში იყო
შემოღებული. ამ ტერმინიდან უნდა იყოს ნაწარმოები ჩვენში დარჩენილი გვარი
ალავიძე. ალავიძენი, სხვათა შორის, ლეჩხუმში ცხოვრობენ. ჩვენი საბუთი პირია იმ
დადგენილებისა, რომელიც მონასტრის კრებულს ზაზასათვის მიურთმევია.
ამ ზაზა ფანასკერტელის ასული უნდა იყოს სითიხათუნ, ვახტანგ IV ცოლი
(1444), დასაფლავებული ბანას. იქვეა დასაფლავებული ვახტანგ IV-ც 1445 წელს.
ჩვენი საბუთი და სხვა ამას ქვემოდ მოყვანილი წერილებიც მე-15 საუკუნის პირველ
ნახევარს უნდა ეკუთვნოდეს. ამას ეთანხმება მხედრული ხელის ხასიათიც წერისა.
XV საუკუნის მეორე ნახევარში, დაახლოებით 1465 წელს, ზაზა უკვე ფანასკერტიდან
გადმოსახლდა ქართლში და გახდა მამამთავარი ციციშვილთა გვარეულობისა
(ქართ. ცხ. II, გვ. 154). ის დახატულია ყინწვისის ეკლესიის დასავლეთის მხრის
ეკვტერში, რომელიც მას მიუშენებია და მოუხატავს. წინეთ ის მთელის ტანით
ყოფილა დახატული, მაგრამ როდესაც მე გავშინჯე, ფრესკის მარტო წელსზევითი
ნაწილი იყო დარჩენილი. მოგვყავს აქ ეს პირველი საბუთი:

ქ: თქუენ: პატრონთა: ნათელსა: და თქუენთა: შვილთა: მეჭურჭლეთა; უხუცეს:

ერისთავთა: ერისთავსა: ფანასკერტელს: ზაზასა: და თქუენსა: ძმასა: ციცის:
კადრეთ: ესე: წიგნი: და პირი: მტკიცე: მიზეზე შემოუღებელი: კადრე: და
 მოგაჴსენეთ: ჩუენ: ვაჩი ძორისა37 მოძღურმან: კანდელაკმან: და ერთსულობით:
კრებულმან:
მოვედით: კართა: ზედა: ვიჩივლეთ: რომე: რაცა: დროსთა ნაცა: სათხოარი:
შემოვიდის: მონასტრისა: შესავალშინა: ალავთა: ამოსა წყუედლად: დაგსხონან:38
მოიკლეთ: რომე: ვერა: ამოვიდოდით: დიდი: მისჭირდის: ალავთაგან: ქუეყანას
მოიკლეთ: და შეგუიწყალეთ: თქუენად: სამლოცველოდ: და ალავისა: მოსღა:
ამოგუიგდეთ: რომე
ერთ: ტეზოლისა: ალავთა მეტი: ალავი: არა: შემოვიდეს: რაცა: ქუეყანასა: უკანა:
სათხოარი: იყოს: რასთანაცა: მისა: წიგნსა გუიბოძებდეთ
ვინცა: მოძღრად: ვიყნეთ: და მონასტერსა: ჩუენ: მოვკრეფდეთ: ჟამიერად
ქუეყანას: უკანა: მოგაჴსენებდეთ: დაუყონებლად: რომე: არა: შეგეცილნეთ: რაც
კართა: ზედა: თქუენითა ნებითა: არა: გუირვთ:39 და გუიბედნეთ: საურავითა:
თქუენითა: საპირნოყედ: სხუა: არად: დაგიყოვნოთ: ჟამიერად: მოგაჴსენოთ:
რასთანაცა: ისი: პირი: სათხოარი: იყოს: არა: მიზეზისხუა: არად: დაგიყოვნოთ:
ჟამიერად: მოგაჴსენოთ: რასთანაცა: ისი: პირი: სათხოარი: იყოს: არა: მიზეზი:
შემოვიღოთ: უ(ა)ლაობითა: დაკლებული: არა ვქნათ: თუ: ესე: პირი: და წიგნი:
არა: გავათავოთ: თქუენ: პირადნი: უბრალონი: იყუნეთ: და ჩუენ: ვიყუნეთ: ამა:
ფიცისა: და პირისა: გამტეხელი: ამისი: სიმტკიცე: თავსა: და ბოლოსა: თქვენ:
უკუ(ე)ფიცით: ექსი: წირვა: დღესასწაულთა: თავად: გარიგონ: ჩუენთა: შემდეგო
მთა: საუკუნოდ: ზაზასათუის:

II

მეორე საბუთი წერილია, როგორც ეტყობა, ერისთავის, ზაზა ფანასკერტელის

კარის კაცისა ანტონისა ვაჩიძორის მონასტრის მოძღვრის აბრაამისადმი მიწერილი.
ის აფრთხილებს აბრაამს, თუ თავისთვის ავი საქმე არ უნდა, ზაზას უნახავადაც
ციცი არ ინახულოს. ზაზას ის ამოურჩევია შუა კაცად მის და მისი ძმის ციცის შორის.
ეტყობა, ძმათა შორის რაღაც დავა ან უსიამოვნება ყოფილა. ცხადია, ვაჩიძორის
მოძღვრის ავტორიტეტი დიდი ყოფილა, რადგან ერისთავი ზაზა მხოლოდ მას
ირჩევს შუაკაცად და სხვა კაცი არ უნდა შუა შემოიყვანოს. ტექსტში ზოგიერთ
სიტყვას უზის სრულიად ზედმეტი შემოკლების ნიშანი:

: ქ: მ¯იწა: წმიდათა: მადლთა: თქუ¯ნთა:

შემთხუვის: მონატრი: ანტონი: გრძლად:
კადრებითა: არ: დაგრჯი: მოძღუარის: აბრა
მის: მადლმან: ჩე¯მგან: არ გეკადრების: მოჴსე
ნება: და სხუად: ეზომს: მოგაჴსენებ: რომე: თ¯უ:
ანუ: პატრონი: ზაზა: არ მოგიმდურვებია: და
ა¯ნუ: შენის: თავის: ჰავი: არ გინა: პატრონი
სა: ზაზას: უნახავად: ციცის: ნუ: ჰნახავთ: აქა:
მოუჴსენებია: და ნუღარას: დაიყოვნი: წამო
დით: შენითა: პირითა: ეპრიანების: პატ
21 ესე იგი: გვიურვოთ.

37 წინათ წერებულა «ვაჩისძორისა», მაგრამ შემდეგ ს წაუშლიათ.

38 დაგვსხნან (?)
39 ესე იგი: გვიურვოთ.
 რონს: ზაზას: ციცის:
საუბარი: და უთქუენს:
კაცს: არ შემოიყვანს: შუა:
და წამოუვალობას: ნუ
იქთ: სხუას: ნუვის: მოუცდი: შენ: წინათ: გა
მოისწრაფე: და დღე: და ღამე: წამოდი: საქმე:
აქეთ: არის: ნუღარ სდგა: წამოდი:

III

მესამე საბუთი წარმოადგენს წერილის პირს, რომელიც მიუწერიათ ალბათ

ვაჩიძორის მოძღვარს დავითს და ჯურელს (ჯვარის მონასტრის ყოფილ ბერს)
ბართლომეს ყოფილის (უნდა ვიფიქროთ) ქრისტეს საფლავის ბერის პატრონის
ნიკოლოზისათვის. ნიკოლოზი, როგორც ეტყობა, ყოფილა ვაჩიძორის მონასტერში,
მაგრამ რაღაც მიზეზის გამო წასულა და ხავაღს (ალბათ აქაც მონასტერი იყო)
დამდგარა. წერილის ავტორებს მასთან გაუგზავნიათ მისი გამზრდელი ბერი და
სთხოვეს უკან დაბრუნდეს და მათთან იღვაწოს ამ წმიდა სტეფანეს (ვაჩიძორის)
მონასტერში. ამავე დროს რაღაც პრეტენზიის დასაკმაყოფილებლად მას უთმობენ
მამულს ნამორეთს. ხავაღი უნდა უდრიდეს ახლანდელ ხუვახს ხუთვერსიანი
რუკისა, სათათრეთში, ყოფილი საზღვრის მახლობლად, მთის დათჭალაბაშის
ძირში, სამხრეთ-დასავლით ანზავისა.
ქ:. პატიოსნისა: ცხოველს:. მყოფელის:. ქრისტეს:. საფლავისა: მადლითა:. შეჭ
ურვილო:. პატრონო:. ნიკოლაოზ:. თქუენნი:. მიწანი: და: აწვე: წი¯ნაშებისა: მო
ნტრენი:. მო¯ძრი: დავით:. ჯურელი:. ბართლომე:. მოგაჴსენებთ:
თქუენმან: მადლ
მან: არ: გეკადრებოდა:. რომელ:. ჩუენი:. უნახავი: წახუე: აწ: და: ვინათგან
ღ¯თი: გუწყალობს:. და:. მანდა:. ხავაღს:. ხარ:. პირველი:. თქუენი:. გა
მზრდელი:. წამოვიდა: თქ¯ნსა:. წ¯ნაშე:. და:. ჩუენ:. ნამორეთი:. მოგუი
ჴსენებია:. თქუენსა: გამზრდელს:. ნუ: გაბედითებთ: ესეთთა:. ჟამთა
შიად:. მერმე: ამა: წ¯მიდასა: სტეფანეს
ნუ: მოეშორები:. ესეცა:. დიდი: ღუ
აწლია:. რომელ: ამა: მონსტერსა
და: ეკლესიასა: იღუწიდე:. საღმრ
თოთა: საქმეთა: მიერი:. კულა:. იგივე
მოგაჴსენოთ:. ჰავნი: ჟამნია: და: ამაზე: ვითარ: ერდგან:. ვიღუაწნეთ(?)
ნებითა: ღ¯თისათა: შევიგნეთ: თუ: რასა: მშვიდობასა: მოგვივლენ
ს: ღ¯თი: და: ესე: წ¯იდა: სტეფანე: ბორჭისა: კიდე: მოეშალა
თქუენი: მიზეზი: ესე თუა: აჰა:
თქუენ მამული:.

IV

მეოთხე საბუთი წერილია საბასი, ვაჩიძორის მოძღვრისა პატრონ ნიკოლოზთან,

ალბათ იმავე პირთან, რომელიც მოხსენებულია წინა წერილში, მაგრამ,
სამწუხაროდ, წერილის მარტო თავია დაცული.
 ქ: ღ¯თო: ჩემო პატრონო: და სულისა: ჩემ
მისა: იმედო: ნიკოლოზ: მიწასა: და
ღირსთა ოდნად: თქუენთა: ლოცვათა: სმენისა:40 მო
ნატრესა: საბასა41: ნეტარძი: თუ აწ
ცა უმიზეზონი: სუფევთ: მე ვითა: თქუენთა: მად
ლთა: ნატრა. მმართებს: აგრე: მომინდო
მია:. და მენატრების: თქუენთა: მადლთა: შემთ
ხუვა: მერმე: გრძლად: მოჴსენებითა: ვე
ღარას: ვიკადრებ: სულამდი: ვეღარა
ს: ვიკადრებ42 რას: ამა: წინასთუისცა: მომიჴსენე
ბია: რთულითა: განაღამცა: წინაშე ვითა
თუ სულნი: გამიძლებენ: მე რომ თქუენსა: ნახვა
სა: ვეღირსო: განაღამცა: მაშინ: ნეტარძი...

მეხუთე საბუთი ეტყობა ნასყიდობის წიგნია, მაგრამ შესავალია დაცული, სხვა

აკლია; წიგნის მიმცემია თევდორაძე ლომინა.

ს¯ხლითა. ღ-თის. მამისა: ძისა: სოლისა. წმდ

სა: მოხებითა. ყლდ: წმინდისა. დედოფლის [ჩუ
ნი]ს: ღ-თის. მშობლის: მარიამისითა: ძლიერებ
[ითა] ცხოველს: მყოფლის. ჯოარის. რომელს
[ზე]და: განპყრნილი: იქმნნ [უჴრწნელნი] მკ
ლავნი: თსნი: ჴსნის. და ცხორებისა [ჩუ
ენი]სა: დყვლთა: წმნდათა: რომელნი
[საუკ]უნითგან: სათნო: ეყვნს: უფ¯ლს ჩ¯ნს
[სა] ქრისტეს: მე: თევდორასაძეს ლომინას: ...

VI

მეექვსე საბუთი არის ნასყიდობის წიგნი ტყავზე დაწერილი მოსხო

მხედრულის ხელით მე-15–16 საუკუნისა. ეს საბუთიც გადმოვიღეთ
ფოტოგრაფიულად, მაგრამ მქრქალად გამოვიდა, ვინაიდან ტყავი გაყვითლებული
იყო, და ამიტომ სურათი არ მოგვყავს აქ. საბუთი საყურადღებოა ორი სოფლის
სახელის გამოსარკვევად ვაჩი-ძორის მახლობლად. ეს არის პარგრძორი, რომელიც
უნდა უდრიდეს ეხლანდელ პარისორს ვაჩი-ძორის სამხრეთით, ხოლო ორისა უნდა
იყოს ეხლანდელი ორი ვაჩი-ძორის ჩრდილო-აღმოსავლეთით. პარგრძორის წყალი,
ღელე ერთვის სალაჩურის წყალს.
ქ. ღთსა: და: ყოველთა: წ-თა: მისთა:
შუამდგომლობითა: და წ-ისა: პირველ:
მოწამის: სტეფანესთა: დაგიწერეთ:
დაწერილი: ესე: მტკიცე და: უქცეველი:
ჩუენ პარგრძორელთა მა... ან:43 ვარ
დაკმან: ონოფრე: და: ბასილმან: და ჩ

40 ნამდვილში: სმენი: სა.

41 ეს სიტყვა ორჯერ ყოფილა დაწერილი, მაგრამ პირველი წაშლილია.
42 ნამდვილში: ვიკადრე:ბ.

43 ამ სიტყვის შუაში ტყავზე ეხლა ნახვრეტია.

 უენთა: შვილთა: და: შვილისა: შვილთა:
და მოგყიდეთ: ჩუენი: ყანა: პარგრძორის
წყლის: აქათი: ორისისაკე: შენ: ანდ
რიკის ძესა: გიორგისა: და შენსა შვილსა:
და ყოველთა: სახლისა: შენისა: მომავალთა:

ავიღეთ: სრული: ფასი: და: შევსჯერ

დით: გისურნეს (?) ღ¯მნ: და წ¯მან:
სტეფანე: მოწმენი: თავად: ღ¯თი: კაცთაგან:
ჭახურალი: აკაკი: და მისი: ძმის წული:
გიორგი: ტუმლელ მაჭჩი: (?) მიხაელ:
მოსე: ჩუენთა: ნებითა: და წ¯მითა:
გულითა: მოგვიცემია: ვინცა: ვინ:
ამ: წერილისა: მშლელად: გამოჩნდეს:
ჰრისხავსმცა: მამა: ღ¯მრთი: სული: წმიდა:
და ყოველნი: წ¯ნი: მისნი:

ტაოსკარი

ძველ ისტორიულ სახელს ამ ქვეყნისასა ტაო-ს, რომელიც ცნობილია

ქსენოფონტეს აღწერილობით მეოთხე საუკუნედან ქრისტეს წინ, ახლა მოგვაგონებს
ხოლმე მარტო ამ დაბის სახელი, ტაოსკარი. ეს სახელი ზედ გამოჭრილია ამ
ადგილისათვის, ვინაიდან ტაოში ვიწრო კლდოვან გამოსავალს მდინარისა თუ ხევის
კარს უწოდებენ. მაგალითდ, ნარიმანის კარი, კისხას კარი (ეხლა კისხა-ტაპუ)
თორთუმის მახლობლად და სხვა. ტაოსკარი გაშენებულია ერთობ ფართო
დაბლობში ანუ ქვაბულში, იქ, სადაც ტაოსკარის წყალი ერთვის სალუჩურის წყალს.
ეს ქვაბური ყოველი მხრით შემოზღუდულია მაღალი კლდოვანი მთებით და აქ
იყრიან თავს, გარდა სალაჩურის და ტაოსკარის ხევებისა, კიდევ სხვა ხუთი პატარა
ხევი. მთელი ეს ჩაღრმავებული ფართო ხევი ტაოსკარისა მოცულია ბაღნარით და
ბაღები გაგრძელებულია მარცხენა ნაპირზე სალაჩურის წყალისა ოთხს ვერსზე.
ბაღების ბოლოში, ასი საჟენის სიშორით წყლის ნაპირისა, ფრიად დიდი მღვიმეა.
აღმოსავლით ტაოსკარისა, ყოფილ ოსმალეთის საზღვარზე, ზეკარია
(უღელტეხილი), რომელსაც ჰქვია ჭიშკარი. ამას ზემოდ მეორე ზეკარია და სახელ
დევს საჩინო. როგორც ვხედავთ, ქართული სახელები აქ ყოველთვის დავიწყებული
არ არის. ოლთისის წყლის შესართავთან სალაჩურის წყალის ნაპირები ფართოვდება
და ხეობა აქ უფრო ვრცლად იშლება, ვიდრე ამას ვხედავთ ქალაქ ოლთისის და ბანას
შორის. მახლობლად სალაჩურის წყლის შესართავისა სოფელ კრანში დიდი ციხეა.
ტაოსკარში ჩემს დროს იყო სადგური, „პოსტი“ საზღვართა დამცველი
გუშაგებისა. მოსახლეობას შეადგენდა უმთავრესად გამაჰმადიანებული
ქართველები, 100 კომლამდის. ადგილობრივი ბეგი ხიმშიაშვილი იყო, დარვიშ-ბეგი.
ხიმშიაშვილების მიერ არის აშენებული ტაოსკარის ჯამე 1072 წელს გიჯრისა. ქვის
ოთხკუთხედი შენობაა ოლთისის ჯამეს გეგმისა, მაგრამ არა ისე ლამაზი და
შემკობილი. ხოლო მისი ხის მიმბეთი და კათედრაც ლამაზად მოხარატებულია. მის
ახლოს ძველი აბანოს შენობა არის, ახლა დაქცეული. ზემო ნაწილში დაბისა, ლამაზ
ბაღნარში, დაცულია ორი ძველი ქართული ეკლესიის ნანგრევი. უმთავრესი მათ
შორის ეკუთვნის მრგვალი რიგის ეკლესიის ტიპს; გეგმა მისი მეტად
ორიგინალურია და მასთან ერთობ ლამაზი. განმეორება ამისა არ მოიპოვება არც
ჭოროხის ბასეინში, არც სხვა ადგილას საქართველოში; ის ფრიად თავისებური
უნიკუმია. კორპუსი ეკლესიისა ეხლა სანახევროდ მიწაშია ჩასმული; შენობა დიდად
დაზარალებულია. შიგნით და გარეთ შეძერწილია ლამაზად ნათალი არა დიდრონი
ქვებით, რომელნიც ეხლა უმეტეს შემთხვევაში მოძარცულია. გუმბათის ყელიდან
აღმოსავლეთის ნაწილია დარჩენილი, ერთი ფანჯრითურთ. ეს და სხვა ნაშთები
იძლევა საშუალებას ტაძრის საზოგადო სახის აღდგენისა, რაც შეასრულა ინჟინერმა
ა. კალგინმა.
შინაგანი გეგმა ტაძრისა რვაბოლოიან ვარსკვლავს მოგვაგონებს; გარედან ის
გამოდის თექვსმეტწახნაგოვნად. რვა მოგრძო ბურჯი, რომლებიც შეადგენენ
კარდინალურ ფუძეს მთელი შენობისა, იწყებიან კედლებიდან და ცენტრისაკენ
თანდათანობით ვიწროვდებიან და თავდებიან სამი-მეოთხედის სვეტებით,
რომლებზედაც დამყარებულია ფართო გუმბათი თავისი გუმბათის ყელით. ამ
ბურჯებთა შორის რვა განიერი ოთხკუთხოვანი სენაკია მოთავსებული, გოდრული
თაღით გადახურული. ესენი მოგვაგონებენ რამდენიმედ გოთურ-რომანულ ტაძრთა
კაპელებს. განი სენაკისა 1,13 საჟენია, სიღრმე – 1,30 საჟ., ხოლო სიმაღლე 3,40 საჟ.
გარედან თითოეული ბურჯის სიღრმეში სამკუთხიანი უბეა, რომლის მხარეები 0,72
საჟენს უდრის; შიგნით ეკლესია გეგმით რვაკუთხედია; დიამეტრი სიმრგვალისა,
რვაკუთხედში შეძერწილისა, უდრის 4,40. საჟენს. შუა ნაწილი ტაძრისა დახურულია
გუმბათოვანი თაღით; შინაგანი რვაკუთხედი გუმბათის ყელზე გადადის ორი
წინგამოწეული, ერთი მეორეზე დადგმული, პატარა კამარების საშუალებით.
შინაგანი სიმაღლე ეკლესიისა, შუა ნაწილისა უდრის 7,30 საჟენს. ყოველ სენაკში
თითო ფანჯარაა, ხოლო გუმბთის ყელში – ოთხი. აღმოსავლეთის სენაკი
საკურთხევლად არის გამოყენებული და მას ორივე მხრით თან ახლავს ბურჯების
სისქეში გამოკვეთილი ღრმა უბეები, განით 0,45 საჟ., რომლებიც აღმოსავლეთის
მხრით გამოდიან გარეთ პატარა მრგვალი ლამაზი სარკმლებით. ეს უბეები
სამკვეთლოს და სალაროს შემცველნი არიან თუ არ რეალურად, სიმბოლურად
მაინც. აღმოსავლეთის ფასადის კლიშე დამზადებული იყო, მაგრამ, სამწუხაროდ,
ალბომში არ შეუტანიათ და ჩვენ მოკლებული ვართ საშუალებას ის აქ ვუჩვენოთ.
შესავალი აქვს ტაძარს დასავლეთით, სამხრეთით და ჩრდილოეთით. ირგვლივ
ტაძარს უვლის ორსაფეხურიანი ზეძირკველი; ამაზეა დამყარებული
თექვსმეტკუთხიანი პრიზმა, რომლის სიგანე უდრის 8,06 საჟენს. ეს პრიზმა
თავმოკვეთილი თექვსმეტწახნაგოვანი პირამიდით გადადის მეორე 4,53 საჟენიან
პრიზმაზე. სიმაღლე პირველი პრიზმის კედლისა უდრის 3,17 საჟენს, მეორესი
გამოურკვეველია, ვინაიდან ლაგვარდანი (კარნიზი) დაცული არ არის. საზოგადო
სახე ამ საუცხოო სახუროთმოძღვრო ნაშთისა მავზოლეუმს მოგვაგონებს. შინაგანი
შემკობილობა ეხლა აღარა ჩანს, მაგრამ დ. ბაქრაძე, რომელმაც ეს ნანგრევები
ინახულა 1881 წელს, ამბობს, რომ გუმბათის ყელის ძირში მოჩანდა ფრესკებიდან
ფეხები წმიდანებისაო (იხ. მისი დღიური წერა-კითხვის საზოგადოების
წიგნთსაცავში). ეტყობა, მის დროს ნანგრევები შედარებით უკეთ ყოფილა დაცული.
ძეგლი აშენებული უნდა იყოს მე-9 საუკუნეში. ყოველ შემთხვევაში, ის მეათე
საუკუნის პირველი ნახევრის უგვიანესი არ არის.
აღმოსავლეთის სახე ეკლესიისა, როგორც აღვნიშნეთ, ალბომში არ შეუტანიათ,
მაგრამ ის ხუროთმოძღვრების გამოფენის კატალოგში არის ნაჩვენები 126-ე ნომრით,
რომელიც თბილისში დაიბეჭდა 1920 წელს. სამხრეთით ამ თავი ეკლესიისა
მოიპოვება ნანგრევები მეორე მოზრდილი ეკლესიისა, რომელიც შეძერწილი
ყოფილა ისეთი თლილის ქვებით, როგორიც თავი ეკლესია, მაგრამ ამ შენობის
მარტო საძირკველი მოჩანს სრულად და ნაწილი კედლებისა. გეგმა მისი
წაგრძელებული ოთხკუთხედია, განიერი დასავლეთის ნახევარში და უფრო ვიწრო
აღმოსავლეთის მხარეს, რომელიც აფსიდით თავდება. აფსიდაში ერთი ფანჯარაა,
მეორე მოჩანს სამხრეთის ნაწილში, დასავლეთის მხარეს.
ტაოსკარის ხეობაში შესავალთან ჩვენს დროს დაცარიელებულ სოფელში
ალბათ მცხოვრებნი საზაფხულოდ მთაში იყვნენ გახიზნულნი, ჩვენ ვნახეთ კიდევ
ერთი ჩვეულებრივი რიგის ეკლესია უბრალო ქვისაგან ნაშენი, მაგრამ კარგად
შენახული. შესავალი აქვს დასავლეთით, ფანჯრები თითო აღმოსავლეთით,
დასავლეთით და ჩრდილოეთით. სამხრეთის მხრით ეკვტერი აქვს მიშენებული,
კარგად დაცული. შიგნით კედლები ფრესკებით ყოფილა მოცული. ნაშთები საკმაოდ
მოჩანს საკურთხეველში, სამხრეთის კედელსა და თაღებზე. აქ კედლებზე მრავალ
ადგილას მხედრული წარწერები მოჩანს, უმეტეს შემთხვევაში გაფუჭებული. ერთ
ადგილას იკითხება მე-14–15 საუკუნის მხედრულით:
ქ. ამისა დამწ[ერელსა] ცოდვილსა დავითს შეუნდნეს. მისა მეუღლესა...
მეორე ადგილას: «მარკოზს შ¯ს ღმერთმა».

ფანასკერტი

ტაოსკარიდან დავბრუნდით ოლორში, გამოვიარეთ სოფელი კიახი, სადაც

ცხოვრობენ 12 კომლი მაჰმადიანი ქართველები. აქ ყოფილა პატარა ჩვეულებრივი
რიგის ეკლესია, ახლა მარტო საძირკველი მოჩანს. მეორე სოფელი გზაზე
ოლორისაკენ არკუნისი იყო. აქ დაკბილულ მაღალ კლდეზე მოჩანს ნანგრევები
ციხისა. მის ქვემოდ ადგილის სახელი კალადიბია. აქედან მივედით ფანასკერტში,
რომელიც შესდგება ორი სოფლისაგან, ზემო და ქვემო ფანასკერტისაგან. ეს იყო
სამყოფი ერისთავთ ფანასკერტელებისა; აქ მოველოდით ნახვას მრავალი
სიძველენისა, მაგრამ იმედი გაგვიცრუვდა. არათუ ეკლესიები, ისტორიაში კარგად
ცნობილი, შესანიშნავი ციხეც სულ განადგურებულია; ქვები ძველი ეკლესიებისა და
ციხისა მცხოვრებთ გამოუყენებიათ ჯამეების და სახლების ასაშენებლად. ერთის
სახლის კედელში ჩატანებულ ლამაზად ნათალ ქვაზედ დიდრონის ასომთავრულით
ნაშთია ოთხსტრიქონიანი გადასული წარწერისა:
... ა ... /ჲ სახბლს/ ... სა სუბატ/: ისათს ესად/ :::
მეორე და მესამე სტრიქონში უნდა იკითხებოდეს: «სუმბათისათჳს ერისთავისა»
(?).
ასოების ხასიათის მიხედვით, წარწერა არა უგვიანეს მე-9, მე-10 საუკუნისაა.
ორი ეკლესიის ნანგრევებიდან მარტო საძირკვლის ქვები მოჩანს აქა-იქ. მესამე
ეკლესიიდან ჩვეულებრივი რიგისა დარჩენილია მხოლოდ დასავლეთის კედელი
კარით და ჩრდილოეთის ერთი ფანჯრით, აგრეთვე მცირე ნაწილი აფსიდისა.
ეკლესია შეძერწილი ყოფილა თლილის ქვით და შიგნით მოხატული.
ახალი ჯამეს შესავალთან ამართულია ორი ქვის სვეტი: ერთი წახნაგოვანია;
მეორეზე, მთელს სიმაღლეზე, გამოქანდაკებულია ჯვარი. ამბობენ, ეს უკანასკნელი
მოტანილია სოფელ ოგდადაბიდანო. ორივე სვეტი სასაფლაოს ძეგლებს უნდა
წარმოადგენდეს.
ამ ჯამეს ქვემოდ ყოფილა კიდევ ეკლესია, რომელიც ახლა თითქმის სულ
მიწასთან გასწორებულია.
უკეთ დაცულია ნაწილები სომხური ეკლესიისა, რომელიც ჯამედ
გადაუკეთებიათ და დასავლეთის მხრით თავლა მიუშენებიათ. ძველი ეკლესიიდან
დარჩენილია მთელი დასავლეთის და ჩრდილოეთის კედლები. როგორც ეტყობა,
ტაძარი სამაფსიდიანი ყოფილა, უბრალო ქვით ნაშენი, მაგრამ კამარები და კარები
სარე თლილი ქვის არის. პატარა ფანჯრები მრგვალი თუ მომრგვალო ერთიან
ქვებშია გამოჭრილი. ჯამეს კუთხეში აღმოსავლეთით ერთ ქვაზე ოთხსტრიქონიანი
სომხური წარწერა იყო, რომელიც ჩვენ ფოტოგრაფიულად გადმოვიღეთ და
განსვენებულ ნ. მარრს გავუგზავნეთ დასავლეთის კედელში მოჩანს ქვაზე სომხური
ჯვარი, ხაჩკარი, წარწერით. ჯამე თავისთავად არაფერს საინტერესოს არ
წარმოადგენს.
ეხლა ფანასკერტი დიდი სოფელია, გაშენებული მომაღლოდ, ორ წყალთა
შორის, ფანასკერტის წყლის და კაპის წყლის (ფანასკერტ-სუ და კაპ-სუ). კაპ-სუს
მეორე სახელია ალაბულახ-სუ, ესე იგი კალმახის წყალი. ციხის ნანგრევების ქვემოდ,
ფანასკერტში რკინის წყალია, უფრო დიდი წყარო რკინის წყალისა არის კიდევ სამი
ვერსის სიშორეზე ფანასკერტიდან. ფანასკერტში მცხოვრებნი ქართველი
მუსულმანებია 150 კომლი.

ხოშევანქი

ხოშევანქში ჩვენ მივედით ნორპეტიდან, რომელიც გაშენებულია ორივე

ნაპირას ოლთისის წყალისა, ბაღებში. ნორპეტის ეკლესია ჩვეულებრივი რიგისა სულ
მიწასთან იყო გასწორებული. ხოშევანქი, სამს ვერსზე ნორპედიტან, პატარა ხეობაშია
გაშენებული. ძველი ეკლესია აქ უკეთ არის დაცული. აღმოსავლეთის ნაწილი,
აფსიდა თაღითურთ და ერთის ფანჯრით მთელად არის შენახული; აგრეთვე
ჩრდილოეთის კედელი და ნაწილი სამხრეთისა, სამხრეთით ეკვტერი ჰქონია, ახლა
დანგრეული, ნაშენია ზერელე ნათალის ქვით.
ნორპეტის ქვემოდ, ოლთისის წყლის მარჯვენა ნაპირზე, დიდი ველია და აქ
ეტყობა ძველი დროის ნაქალაქევი. ერთი ადგილის კლდის ძირში მოჩანს ეკლესიის
ნანგრევები, რომელიც შეძერწილი ყოფილა ნათალის ქვით, მაგრამ ეხლა სულ
განადგურებულია. ადგილის სახელია ახშეერ (თეთრი ქალაქი), ხოლო ეკლესიის
ნანგრევებს ეძახიან ხუდლი-პუნარ (რძის წყარო). აქ მართლა პატარა წყარო გამოდის,
სადაც რძენაკლული ქალები მოდიან, სვამენ და მათი თქმით, ყოველთვის რძე
ემატებათ.

კარნავაზი

კარნავაზი გაშენებულია მაღალ ადგილზე, კარნავაზის წყლის პირად, რომელიც

ერთვის ოლთისის წყალს მარცხნით. შესართავიდან კარნავაზის სოფლამდე მაღალი
ხეობა ოთხ ვერსზე სულ ბაღნარით არის მოცული. კარნავაზში დავაკებულ კლდის
თავზე ყოფილა ციხე-კოშკი, რომელიც ეხლა სულ მინგრეულ-მონგრეულია. ამის
ქვემოდ სასახლეა ბეგის ხიმშიაშვილისა, ეხლა ძალზე შერყეული და ნაწილობრივ
შენახული. სასახლე თათრულ-სპარსულ ყაიდაზეა აშენებული და შემკობილი
ჩუქურთმით და ფერადოვანი მხატვრობით შიგნით. წინათ სულ ყოფილა 27 ოთახი;
ეხლა დარჩენილია მხოლოდ ერთი დიდი ზალა, ხისაგან ნაშენი; ქვემო სართული
ქვისაა. გეგმა ზალისა და დეტალები მორთულობისა. კედლები ნაშენია ხით და
ქვით, ერთმანეთში არეულით; ქვები ჩაწყობილია ხის ჩარჩოებში და შემდეგ შიგნით
და გარედ შეგლესილია. ყოველ მხრით შიგნით კედლებზე ნარებია მიშენებული,
ჭერი ხისა ჭრილია ჩუქურთმით და შემდეგ ოქროს ფერად შემკობილი; მხატვრობა
კედლებისა უმეტეს შემთხვევაში წარმოგვიდგენს ვაზებს ყვავილებით და
თაიგულებს, მცენარეთა ბუჩქებს და სხვადასხვა ხილთა ნაყოფს. მხატვრობა ფრიად
ფერადოვანია. კარები და ფანჯრები ჭრილია ჩუქურთმით ისეთივე ყაიდისა,
როგორც ჯამეებში. დახურულია კრამიტით. სახლი აშენებულია 1249 წელს გიჯრისა
ყორ-უსეინ-ბეგ ხიმშიაშვილის მიერ.
როგორც ჩვენმა მასპინძელმა ხიმშიაშვილმა გადმოგვცა, მათი შთამომავლობა
ასეთი ყოფილა: აბდულ-ბეგი, ამისი შვილი, სელიმ-ფაშა ახალციხელი, რომელსაც
ოთხი შვილი ჰყოლია: ამ სახლის მაშენებელი უსეინ-ბეგი ანზაველი, ახმედ-ფაშა
აჭარელ (მამა შერიბეგისა), აბდი-ბეგი შავშეთელი, დურსუნ-ბეგი ტაოსკარელი (მამა
დევრიშ-ბეგისა, რომელიც ჩვენ ვნახეთ ტაოსკარში). ამ სასახლის მახლობლად ჯამეა
უბრალო, ინტერესს მოკლებული. მინარეთი ხისა აქვს, ზემოთ თეთრი „ჟესტით“
კონუსისებურად გადახურული.

უკიამი

კარნავაზიდან ჩავეშვით ოლთისის წყლის პირზე, გავიარეთ სოფელი სევქარი,

სადაც ცხოვრობენ ქურთები და მათ გვერდით 12 მოსახლე ციგანი, რომელნიც აქ
მებაღეობას მისდევენ. აქედან მივედით უკიამში, რომელიც გაშენებულია ოლთისის
წყლის ორივე ნაპირზე. აქ რამდენიმე ეკლესია ყოფილა. მათ შორის უკეთ დაცულია
ორი. ერთი უფრო მოდიდო არის მთის ფერდობზე, სოფლის თავში, მარცხენა
ნაპირზე ოლთისის წყლისა, ჩვეულებრივი ბაზილიკური რიგისა, ნაშენია უბრალო
ქვით, თაღი ჩამონგრეულია, კედლები ყველა დაცულია. შესავალი აქვს სამხრეთით,
ფანჯრები – აღმოსავლეთით და დასავლეთით. აფსიდაში ორი პატარა უბეა.
ჩრდილოეთის მხრით ჰქონია ეკვტერი, რომელიც ეხლა მოშლილია. მეორე ამავე
რიგისა, მაგრამ უფრო პატარა ეკლესია გაშენებულია სოფლის მომაღლოდ კლდეზე.
თაღები აქაც ჩანგრეულია, შესასვლელი აქვს სამხრეთით, ფანჯრები თითო
აღმოსავლეთით და დასავლეთით. საკურთხეველში ორი პატარა მომრგვალებული
უბეა.
ერთი ვერსის მოშორებით უკიამიდან-ოლთისის წყლის მარცხენა ნაპირზე,
მაღლობზე დაცულია ნანაგრევები ნახევრად ნათალი ქვით შეძერწილი ეკლესიისა.
ეს ეკლესია გუმბათიანი ყოფილა, სრულიად ისეთი რიგისა, როგორც პერნიაკის
ეკლესია არის, ხოლო ძალზე დანგრეულია. უკეთ დაცულია ჩრდილოეთის კედელი
და ნაწილი საკურთხეველისა, რომელშიც უბეც მოჩანს. ერთი კარის ნაშთი ემჩნევა
კიდევ ჩრდილოეთით; ირგვლივ სასაფლაოა დიდრონი სასაფლაოს ქვებით.

ხოსორი

ხოსორში საზღვრის გუშაგთა პოსტი იყო. გზაზე ამ პოსტის მახლობლად,

ოლთისის წყლის ნაპირას, ნასოფლარია. აქ მარცხენა ნაპირზე მდინარისა ორი
ეკლესიის ნანგრევია. ერთის ჩვეულებრივი რიგის ეკლესიის სიგრძე 10 არშინია,
სიგანე – 5, ნაშენია ნახევრად ნათალის ქვით, თაღები ჩამონგრეულია, კედლები –
დაცული, გარდა დასავლეთის კედლისა, რომელიც სანახევროდ არის დარჩენილი.
შესავალი აქვს დასავლეთით, ფანჯრები თითო ყოველის მხრით, გარდა
ჩრდილოეთისა. მეორე ეკლესია ამავე ზომისა და გეგმისაა. აქაც მარტო კედლებია
დარჩენილი.
ხოსორი, რომლის პოსტზე ჩვენ ღამის გათევა მოგვიხდა, ერთობ ჭაობიანი
ადგილია. მთელს ოლთისი ოკრუგში ასეთი დაბალი ადგილი სხვა არ მოიპოვება.
ჩალამ-კალამი ჭაობებში ტყესავით იზრდება, ჰაერს აბნელებდა კოღოთა გუნდი,
გუშაგები აქ ექვს თვეზე მეტს ვერ სძლებდნენ. ჩემმა თანამგზავრებმა აქ მალარია
შეიძინეს, რომელიც მათ ოლთისში დაბრუნების დროს გამოაჩნდათ. მე გადავრჩი,
ვინაიდან მივიღე ზომა და კოღოებს არ ვაკბენინე. აქედან ჩვენ გავემგზავრეთ
ანზავის წყლის ხეობით კინეპოსისაკენ.

კინეპოსი

კინეპოსი პატარა სოფელია, კინეპოსის წყლის ვიწრო ხეობის კლდოვან

ფერდობზე გაშენებული. ეტყობა აქ მონასტერი, ლავრა ყოფილა, ვინაიდან მრავალი
პატარა ეკლესიების ნანგრევებია. შვიდი საკურთხეველი დღესაც მოჩანს. ყველა
ქვით არის ნაშენი, ზოგჯერ შეძერწილი სანახევროდ ნათალი ქვებით. რიცხვი პატარა
ეკლესიათა წინეთ მეტი ყოფილა, მაგრამ ზოგი მათგანი დღეს მიწასთან არის
გასწორებული. მთელს ამ ეკლესიათა კომპლექსში საუკეთესო და ფრიად ლამაზი
არის შიგნით და გარეთაც ერთი ჯვარის გეგმის ოთხაფსიდიანი გუმბათიანი
ეკლესია სამი ზედ მიშენებული ეკლესიით ანუ ეკვტრებით ჩრდილოეთის მხრით
საკურთხევლის აფსიდა წაგრძელებულია და გარეთ გამოდის ხუთწახნაგოვნად.
ამავე აფსიდას ახლავს ოთკუთხედი რიგის სამკვეთლო და სადიაკვნე, თითო
ფანჯრით, რომელნიც უერთდებიან კარებით ეკლესიას და არა საკურთხეველს. სხვა
მკლავები გარეთ სწორკუთხოვნად გამოდიან. ყოველ აფსიდას თითო ფანჯარა აქვს,
საკურთხეველი სამი საფეხურით ამაღლებულია შუა ეკლესიაზე; გუმბათის ყელი
დაბალია, შიგნით მრგვალი, გარეთ რვაწახნაგოვანი; გუმბათში რვა ფანჯარაა, 4
მრგვალი, 4 მოგრძო. მომრგვალო კამარები, დამყარებულნი ნახევარ სვეტებზე
კვადრატის კუთხეებში, გადადიან გუმბათის ყელზე კონუსური აფრებით. ეკლესია
შიგნით მოხატული ყოფილა, მაგრამ მხატვრობა ეხლა სულ მოშლილია; ცოტა ნაშთი
ჩანს საკურთხეველში და ჩრდილოეთის კედელზე ასომთავრულის წარწერებით.
ჩრდილოეთის მხარეს თავ ეკლესიაზე მიშენებულია სამი ეკვტერი. ერთი
ოთხკუთხედი, უაფსიდო, მაგრამ ტრაპეზი მიშენებული აქვს აღმოსავლეთის
კედელზე; შესავალი აქვს დასავლეთით, სამხრეთით ის კარით უერთდება
სამკვეთლოს. ფანჯარა ერთი აქვს აღმოსავლეთით; მეორე ეკვტერი გრძელი,
აფსიდიანი, წინა ეკვტერს ეკვრის ჩრდილო-აღმსავლეთის მხრით და უფრო
განცალკევებულს ეკლესიას წარმოადგენს; დასავლეთის კედელი მოშლილი აქვს.
ამას ჩრდილოეთის მხრით ეკვრის მესამე მოკლე აფსიდიანი ეკვტერი; ზემოდ კიდევ
სხვა მინაშენის ერთი კედელი ემჩნევა. თავი ეკლესია უნდა ეკუთვნოდეს მე-9
საუკუნეს, ყოველ შემთხვევაში, ის მე-10 საუკუნეზე უგვიანესი არ არის.
ხუთი საჟენის სიშორეზე სამხრეთით თავი ეკლესიისა არის პატარა ბაზილიკა,
შეძერწილი ნათალის ქვით, რომელიც ახლა სანახევროდ მოძარცულია; შესავალი
აქვს ჩრდილოეთით; ფანჯარა ერთი აღმოსავლეთის აფსიდაში, მეორე დასავლეთის
მხარეს. თაღი ჩამონგრეულია, ნაწილი შერჩენილია აფსიდაში. დასავლეთით თავი
ეკლესიისა არის ერთი მოგრძო ბაზილიკა, აგრეთვე ნათალის ქვებით შეძერწილი;
თაღი სულ ჩამონგრეულია, კედლები სანახევროდ არის დაცული. უკეთ შენახულია
მესამე პატარა ბაზილიკა აღმოსავლეთის მხრით თავი ეკლესიისა, რომელსაც
შესავალი აქვს სამხრეთით. თაღი შერჩენილია მხოლოდ აფსიდაში, კედლები
დაცულია; თავი ეკლესიის და სამხრეთის ბაზილიკის შუა მოჩანს ნაშთები
ოთხკუთხედი შენობისა, ასეთივე ქვებით ნაშენი, როგორც სხვა ეკლესიები. ეტყობა,
აქ სამრეკლო ყოფილა. ყველა შენობა დახურული ყოფილა ძველი კრამიტით.
ირგვლივ სხვა სახლების ნანგრევებია. კინეპოსში მაჰმადიანნი ქართველები
ცხოვრობენ. სახლები მათი ეკლესიებიდან მოძარცული ქვებით არის ნაშენი. ჩვენ
რომ სოფელში მივედით, თავ ეკლესიის კედელზე კიბე მიედგათ და ნათალ ქვებს
აძრობდნენ. რომ დაგვინახეს, ხელი აიღეს ნგრევაზე, სიტყვაც მოგვცეს, აწ ხელს აღარ
ვახლებთო, მაგრამ არ არის იმედი, რომ ეს შესრულებული იქნება.

ანზავი

კინეპოსის წყალი ერთვის ანზავის წყალს მარჯვნივ. ჩვენ ჩავეშვით ანზავის

წყლის პირად და შევუდექით ანზავის ხეობას სათავისაკენ. ხეობა ვიწროა კლდოვან
მთებში მოქცეული, მაგრამ სოფელ ანზავთან ფართოვდება. ჩრდილო-დასავლეთის
მხრით სოფელს ახლავს მაღალი კლდე, ზემოდ დავაკებული და მოცული ციხე-
სიმაგრეებით. კლდეს უვლის მაღალი ზღუდეები სამი ოთხკუთხედი კოშკით,
ჩრდილოეთის მხრით მიუვალი ნაპრალია და ამ მხრით კედლები არ ახლავს;
კოშკები ეხლა ჩამონგრეულია. ციხეზე ასავალი გზა ყოფილა დაბლიდან
მიშენებულის კოშკის საშუალებით, რომელიც ეხლა მოშლილია. ამიტომ ჩვენთვის
ეს ციხე შეუვალი შეიქნა, თუმცა ჩემი თანამოგზაურნი დიდად ეცადნენ ასვლას. ეს
მით უფრო სამწუხაროდ დარჩა, რომ დაბლიდან, შუა ადგილას სიმაგრისა, მოჩანს
კარგად დაცული პატარა ეკლესია, ჩვეულებრივი რიგისა, ნათალის ქვით
შეძერწილი, ერთი კარით სამხრეთიდან და თითო ფანჯრით აღმოსავლეთის და
დასავლეთის მხრით. ადგილობრივი მცხოვრებლებიდან ზოგნი თხასავით დადიან
კლდეებზე. ერთი მათგანი ავგზავნეთ ზევით და იმან გადმოგვცა, ეკლესიის თაღი
მხოლოდ ერთ ადგილას არის ჩამონგრეულიო და ეკლესიის კედლები სულ
მოხატული არისო. სიგრძე ანზავის ხეობისა შეადგენს ოთხს კილომეტრს და სულ
ბაღნარით არის მოცული. ამის მახლობლად არის მწვერვალი ზივინი; გზა აქედან
სოფელ ხუვახზე მიდის.
ანზავიდან გავემგზავრეთ სოფელ ერუკანზავში, რომელიც ანზავის წყლის
შემდინარე ერუკის წყალზე მდებარეობს, სოფელში მისვლამდის გზაზე საზღვრის
მცველთა პოსტია. აქ ვნახეთ პოსტის უფროსი და მისი ცოლი. კარგად მიგვიღეს.
საშუალება მოგვეცა ნალები გამოგვეცვალა ცხენებისათვის. შემდეგ გავემართეთ
ციხე ქორ-ოღლისაკენ. ძველი სახელი ამ ციხისა უცნობია. ციხე გაშენებულია
მაღალი კლდის მწვერვალზე და შორიდან დიდი ერთიანი ქვის სვეტის
შთაბეჭდილებას ახდენს. ნამდვილად შენობა მოგრძოა და საკმაოდ კარგად
დაცული. გადავიღეთ ფოტოგრაფიულად. მთის კალთები აქ შემოსილია ნაძვნარით
და სურათი ადგილისა ერთობ ლამაზია. მახლობლად სადარაჯო პოსტი იყო, კარგ
შენობაში მოთავსებული. მათი უფროსი იმ დროს იქ არ იყო და ჯარისკაცებმა
ზრდილობიანად ვერ მიგვიღეს. ამიტომ იქ აღარ გავჩერდით და გავემგზავრეთ
სიხსურში. სიხსურში ორი ეკლესია ყოფილა ქვისა, ჩვეულებრივი რიგისა. ერთი
მიწასთან გასწორებულია, მეორის მარტო საძირკველი და ნაწილი კედლებისა
მოჩანს. სამაგიეროდ, აქ კარგად დაცული დიდი სასაფლაოა. სასაფლაოს დიდრონი
ქვები წარმოადგენენ ლამაზ ნახელავს ცხენების და ცხვრების ქანდაკებას.
5 აგვისტოს დასვენება გვქონდა ოლთისში. აქ გავიგეთ, რომ ერთ სომეხს, ნათან
ეგოიანცს, ქვის ჯვარი, ხაჩქარი, ჰქონდა მანასკერტის სიმაგრიდან წამოღებული,
ანისის მახლობლად. ჯვარი ლამაზი ნახელავი აღმოჩნდა.
 ტამრუტი

6 აგვისტოს ოლთისიდან გავემგზავრეთ სოფელ ტამრუტში. ტამრუტის ზემოდ,

ტამრუტ-სუს მაღალ კიდეზე, ადგილზე, რომელსაც ეწოდება ჯეუს-დერი (ნიგვზის
ხეობა), დაცულია ნანგრევები სამაფსიდიანი ეკლესიისა. აფსიდებში თაღებიც
მოჩანს, მაგრამ სხვა ნაწილები მიწასთან გასწორებულია. ეკლესია მიძერწილი
ყოფილა ტლანქად ნათალი მოწითალო ქვებით. ირგვლივ სასაფლაოა ცხენის და
ცხვრების ქანდაკებათა სასაფლაოს ქვებით, მაგრამ ქვები უმეტეს შემთხვევაში
დამტვრეულია.
ტამრუტის ზემოდ 1½ ვერსის სიშორით, მაღალ კლდეზე მოზრდილი ციხეა
ოთხკუთხედად ნაშენი უბრალო ქვით, კედლის სისქე 2½ არშინია. კუთხეებში
ოთხკუთხედი კოშკები აქვს დატანებული; შესავალი აქვს სამხრეთით; ციხის ქვემოდ
ჩვეულებრივი რიგის პატარა ეკლესია არის; კედლები დაცულია 1½ არშინის
სიმაღლეზე.

ჯუჯურუსი

სოფელი ჯუჯურუსი გაშენებულია ჯუჯურუსის წყალზე, რომელიც ერთვის

ოლთისის წყალს მარჯვნივ, მახლობლად ოლთისისა; მცხოვრებნი სომხებია.
სოფლის ზემოდ მოდიდო ჩვეულებრივი რიგის ეკლესია არის, უბრალო ქვით
ნაშენი; თაღი შერჩენილია მხოლოდ აფსიდაში, სხვა ჩანგრეულია. კედლები ყველა
დაცულია. შესავალი აქვს სამხრეთით, მეორე კარი ჩრდილოეთის კედლისა
აერთებდა მას ჩრდილოეთის ეკვტერთან, რომელიც ეხლა სულ მოშლილია;
სამაგიეროდ, კარგად დაცულია მეორე ეკვტერი სამხრეთით, შესავლით
დასავლეთიდან და ფანჯრით აფსიდაში. თვით ეკლესიას თითო ფანჯარა აქვს
აღმოსავლეთით და დასავლეთით. თაღი გოდრული დამყარებულია ერთ სართავ
კამარაზე. საკურთხეველში პატარა უბეა. ირგვლივ დიდი ძველი სასაფლაოა.
სასაფლაოს ქვები წარმოადგენენ შეკაზმულის ცხენების, ცხვრების და სხვა
ცხოველების ქანდაკებებს.

ზარდანესი

ჯუჯურუსის სამხრეთით, სოფელ ზარდანესის მახლობლად არის მოზრდილი

ეკლესიის ნანგრევები ტეზონსად წოდებულს გორაკზე აშენებული, შეძერწილია
უბრალო ქვებით შიგნით და გარეთ; კარი ყოფილა სამხრეთით და დასავლეთით.
ამის ზემოდ, თათრის საზღვარში, სევრი-ჩაის ნაპირზე, კალა-ბოღაზად წოდებული
სოფელია და ამის თავზე კონუსის მსგავს კლდეზე ძველი ციხეა.
ოლთისიდან, როგორც მოვიხსენიეთ, ჩვენ დავბრუნდით ყარსში და ყარსიდან
გავემგზავრეთ სოფელ ჩანგლში, ქალაქ ყაღიზმანის მახლობლად.
 თავი III

ჩანგლი44

ცნობილია, რომ სომხეთში, ალაშკერტში, არსებობდა ქართული საეპისკოპოზო

კათედრა. სამცხე-სათაბაგოს სამწყსოს გუჯარში რაიონი ალაშკერტის ეპისკოპოზისა
ასეა განსაზღვრული: «ყაღზევან ზეითი, ვალაშკერტს აქეთ ხინუსი და დევაბოინს
აქეთი» (დ. ბაქრაძე, არქეოლოგ. მოგზ. გურია-აჭარაში, გვ. 81–86; და ჩემი
არქეოლოგიური მოგზაურობანი, I., გვ. 77).
როდესაც მეფე გიორგი I 1022 წელს ომს აწარმოებდა ბიზანტიის კეისართან
ბასილთან, ზავზე მოსალაპარაკებლად «ქართლის ცხოვრების» თქმით (ბროსსეს
გამოცემა, I, გვ. 215), «ვიდოდა კეისარსა და გიორგის შორის დესპანი». სომხის
ისტორიკოსის არისტარხი ლასდივერის ცნობით, ეს დესპანი ალაშკერტის
ქართველი ეპისკოპოზი ზაქარია იყო.45
დ. ბაქრაძის აზრით, ალაშკერტის კათედრა უნდა ყოფილიყო აქამდე
დარჩენილი ყაღიზმანის მახლობლად, სოფელ ჩანგლში, ეკლესია, რომელსაც 1030
წლის ქართული წარწერა მოიხსენიებს მონასტრად (ვახუშტის ისტორია, გვ. 150,
შენ.).
ქართული წარწერა ჩანგლის ეკლესიისა გადმოღებულია ნერსე სარგისიანის
მიერ და გამოცემული ბროსეს მიერ (იხ. მემუარები პეტერბურგის აკადემიისა, ტომი

44 დაწვრილებითი აღწერილობა ჩანგლის ეკლესიისა სხვა სტატიებთან ერთად (1. ფიტარეთის

მონასტერი და მისი წარწერანი, 2. ორი ეკლესია ტანძიის სოფლისა, 3. თევდორე წმინდანის
მონასტრის და სოფლის მდებარეობა, 4. ყველის ციხე, მისი ეკლესია და წარწერები. 5. ვერცხლის
დოქი მეფე გიორგი მესამისა, 6. ერთი ფრაგმენტი-პალიმფსეტის ქართული ხელნაწერისა, აწ
განსვენებულს ნ. მარს გავუგზავნე ლენინგრადში მისივე თხოვნით, პარიზში ყოფნის დროს 1922
წელს; სტატიების მიღება აკადემიამ წერილობით მაცნობა: უნდა დაბეჭდილიყო ლენინგრადის
”მატერიალნი კულტურის აკადემიის გამოცემაში”. სტატიას თან დართული ჰქონდა, გარდა ხუთი
ნახაზი სურათისა კიდევ 13 მშვენიერი ფოტოგრაფიული სურათი ლიოზენის მიერ გადაღებული და
თ. კიუნეს იერ გადიდებული, სახელდობრ სახეები: 1)აღმოსავლეთისა, 2) დასავლეთისა, 3)
სამხრეთისა, 4) ჩრდილოეთისა, 5) ნაწილი სამხრეთის სახისა, მისი ლაგვარდანის (კარნიზის)
წარწერით, 6) ჩრდილოეთ-აღმოსავლეთის სვეტი შიგნით, სვეტის თავითურთ და გუმბათის ყელის
ქვემო ნაწილითურთ, 7) შიგნით სახე გუმბათის ყელისა, აფრებით და საკურთხევლის კამარით, 8)
ოთხი რელიეფური ფიგურა ქვის სანთლოის კვარცხლბეკზე, 9) კარის თავის ჩუქურთმიანი
შემკობილება დასავლეთის ფასადის წარწერითურთ, 10) გაგრძელება მარჯვნივ ამ წარწერისა.
სტატიების ბედი მე ვეღარ გავიგე. ბოლოს მოვთხოვე განსვენებულს მათი უკან დაბრუნება. მან
მომწერა შენი სტატიები თბილისის საარქეოლოგო ინსტიტუტში უნდა იყოს გაგზავნილიო,
მოვიკითხავს და თუ დაბეჭდილი არაა, დაგიბრუნებო. შემდეგ ივანე ქრისტეფორეს ძე ზავრიევმა
მაცნობა: ნ. მარრიდან წერილი მივიღე და მთხოვს გადმოგცეთო: დ. გარდეევს (ინსტიტუტის წევრი
იყო) მივწერე შენი სტატიების შესახებ და მან დაადასტურა. სტატიები მიღებული იყო ინსტიტუტის
მიერ, მაგრამ ვიღაცამ წაიღო და აღარ დააბრუნაო. მე ვიმედოვნებ, პატივცემული თავმჯდომარე და
ინსტიტუტის წევრები მონახავენ და უკან დამიბრუნებენ სურათებითურთ სტატიებს.
45 Prud’hom, Hist. d’Armenie, pp. 34.35. ზაქარია ვალაშკერტელს უნდა ეკუთვნოდეს შესანიშნავი

სურათებით შემკობილი სადღესასწაულო ხელნაწერი საეკლესიო მუზეუმისა (იხ. კ ო ნ დ ა კ ო ვ ი და

ბ ა ქ რ ა ძ ე, ოპის და სხ. გვ. 166-170)
VIII, №10, გვ. 22–24, ტაბ. IV, №26, 27), მაგრამ, როგორც ქვემოთ დავინახეთ, წარწერა
1030 წელს კი არ უჩვენებს, არამედ 1362 წელს.
ჩანგლი დიდი სოფელია სომხებისა. დასავლეთით სოფელს პატარა, მაგრამ
ერთობ ღრმა და მოგრძო ტბა ახლავს, სავსე თევზებით, ნამეტნავად კობრებით.
ტბიდან პატარა წყარო გამოდის, კაპოიტად წოდებული. ეკლესია აგებულია შუა
სოფელში, მცირე მაღლობზე. შორიდან ის ჩვენ კოშკად მოგვეჩვენა. ეს საკმაოდ
დიდი ეკლესია არის; სიგრძე მისი გარედან უდრის 7,4 საჟ., განი 4,3 საჟ., სიმაღლე –
12,5 საჟ. ეკლესია მკვიდრად ნაშენია ქვისაგან და შეძერწილია შიგნით და გარედ
მელანსავით შავი, დიდრონი ვულკანური ნათელი ქვებით; გეგმა მისი ჯვარის სახეს
წარმოადგენს შიგნით და გარეთაც, მაგრამ დასავლეთის ფრთა ჯვარისა უფრო
მოგრძოა აღმოსავლეთისაზე და ამ მხრით აქვს ტაძარს სამი შესავალი: დასავლეთით,
ჩრდილოეთით და სამხრეთით. პირველი ორი ეხლა დახშულია და დატოვებულია
მხოლოდ სამხრეთის კარი. ეკლესია სამაფსიდიანია, მაგრამ სამსხვერპლო და
სადიაკვნო დაბალია. ესენი მიშენებულია საკურთხეველზე თითო ფენის
სახურავით. ასეთ მოვლენას ვხედავთ ჩვენ ხახულის ტაძარშიც: სამსხვერპლო და
სადიაკვნო ეხლა არ უერთდებიან საკურთხეველს კარებით, არამედ მხოლოდ
მარჯვენა და მარცხენა ფრთებს ეკლესიისას. მაგრამ დაკვირვებიდან აღმოჩნდა, რომ
წინეთ საკურთხეველს ქონია სამკვეთლოში შესავალი კარი, რომელიც შემდეგ
დაუღშვიათ. ამას გარდა, საკურთხეველის აღმოსავლეთის კედელი უფრო წინ არის
წაწეული, ვიდრე სამსხვერპლოსი და სადიაკვნოსა და შემკობილია სამი კამარით,
რომელნიც ეყრდნობიან ოთხ ჯგუფად გაწყობილს რთულ სახის ნახევარ სვეტებს.
სხვა მხრიდან ასეთი შემკობილობა ტაძარს არა აქვს. ხოლო ვინაიდან სამკვეთლოს
და სადიაკვნის კედლები არ უწევენ აღმოსავლეთის კედლებს, ამ ასიმეტრიული
შთაბეჭდილების შესამსუბუქებლად აღმოსავლეთის კედლის კუთხეებიდან მათ
კედლებამდის გადმოყვანილია ნახევარ-ნახევარი კამარები ისეთივე რიგისა,
როგორც აღმოსავლეთისანი. ფანჯრები აღმოსავლეთით (საკურთხეველში) და
დასავლეთით თითოა, ხოლო ჩრდილოეთით და სამხრეთით სამ-სამი. ესენი
გარედან ვიწრონი არიან, მაგრამ შიგნით გაფართოებულნი, თითო წვრილი ფანჯარა
არის აგრეთვე სამკვეთლოში და სადიაკვნოში. ესენი გეგმაზე აღნიშნულნი არ არიან.
ყველაზე დიდი ფანჯარა დასავლეთისა არის. ოთხკუთხედი, ჩუქურთმიანი
ორნამენტით შემკობილი. ჩუქურთმიანი ორნამენტით შემკობილია, აგრეთვე,
დასავლეთის შესავლის თავი. სხვა კედლები სადაა. სამხრეთის ფრთაში შიგნიდან
დასავლეთის კედელთან მომრგვალებული საჯდომია წინამძღვრისა თუ
ეპისკოპოზისა, ამ საჯდომის ისრული კამარა შემკობილია მთლიანი ქვის სვეტებით,
თავიანთ კვარცხლბეკებით და სვეტის თავებით. თაღები მარჯვენა, მარცხენა და
დასავლეთის ფრთებისა გოდრულია; აფრები გუმბათის ყელისა კონუსისებურია.
ორი მათგანი სამხრეთისანი დასერილია შიგნით, ორი სადაა; ყველა აფრებს ახლავს
ზემოდ განმტვირთავი კამარეტები. შუა ნაწილი ტაძრისა გეგმით წარმოადგენს
კვადრატს, რომელსაც ეკვრის ოთხი ფრთა და ეს ჰქმნის ჯვარის სახეს შენობისას.
კუთხეებში კვადრატს მიშენებული აქვს სამი მეოთხედი სვეტები რთული
კომპოზიციისა, რომლებზედაც დამაგრებულნი არიან მაღალნი ისრულნი კამარები
გუმბათის ყელისა. კონსტრუქცია გუმბათის ყელისა ორიგინალურია. ეს უბრალო
როტონდო კი არ არის, არამედ რვა მომრგვალებული უბე აქვს თითო სარკმლით.
უბის ქვემო გვერდები მოჭრილია ფანჯრის ძირამდის და შემაგრებული დაბალის
სვეტებით უკვარცხლბეკოდ და კუბიკურის თავებით. გარედან ამათ პირდაპირ
სამკუთხედი უბეებია შეჭრილნი. ამრიგად, გუმბათის ყელს შიგნით გალერეა
უვლის, ისე როგორც ეს უნდა ყოფილიყო ბანას ეკლესიაში (იხ. ჩვენი „მატერიალი“,
XII, გვ. 105 სურათი 71), რომლის მიბაძვით შესაძლოა იყოს გაკეთებული ჩანგლის
ეკლესიის გუმბათის ყელიც. გარედან გუმბათის ყელი 16 კამარით არის შემკობილი,
რომელნიც ორმაგ პატარა სვეტებს ეყრდნობიან, შემკობილთ კვარცხლბეკებით და
სვეტის თავებით. რვა კამარაში თითო ფანჯარაა, რვაში თითო უბე. გუმბათის ყელი
შედარებით მაღალია; სიმაღლე უდრის 3,6 საჟენს. თვით გუმბათი შიგნით
სფერულია, ხოლო გარედ კონუსის სახე აქვს. სიმაღლე მისი უდრის 3,3 საჟენს.
ტაძარი დახურულია ლორფინით. ირგვლივ ეკლესიას უვლის სამსაფეხურიანი
საძირკველი (ცოკოლი). აქა-იქ შიგნით ეკლესიაში ჩუქურთმიანი და პლასტიკური
შემკობილებაც მოიპოვება. მაგალითად, ერთი სართავი კამარის დაკიდული ქუსლი
ჩრდილოეთის ფრთაში შემკობილია ფიგურით, რომელიც წარმოგვიდგენს გველს,
შემოხვეულს გვერდის მხრით ერთ ყურძნის მტევანზე, ხოლო წინათ მხრით იმავე
გველს პირში უკავია მეორე მტევანი. ზოგიერთი პილასტრის თავები, როგორც
ეკლესიისა, ისე გუმბათის ყელისა შიგნით შემკობილია ფოთლოვანი ჩუქურთმებით.
სადიაკვნეში შესავალ კარებს ქვემოდ აქეთ-იქით უძევს ძირში თითო ქვა, ორ-ორი
წახნაგით, ზედ გამოქანდაკებული ბარელიეფით. ერთ წახნაგზე ოსტატი წერაქვით
თლის ფანჯარაა, რვაში თითო უბე. გუმბათის ყელი შედაღით ადამიანის სახე.
მეორე ქვაზე გამოსახულია კაცის ფიგურა წელსზევით, რომელსაც უკავია ქვა, ზედ
გამოსახული სოლომონის ბეჭდით და კაცის გულით შუაში. ამათ ზემოდ სხვა ქვაზე
გამოსახულია კიდევ ორი კაცის ტლანქი ფიგურა. ჩრდილოეთის კედელზე შიგნით
ეხლა მიშენებულია ხის ფანჩატური, კარადის მსგავსი და შიგ მოთავსებულია ქვის
სანათლო. ეს სანათლო სულ ახალია, მაგრამ მისი კვარცხლბეკი კი ძველია,
სამწახნაგოვანი და ამ წახნაგზე ამოჭრილია ტლანქი ბარელიეფები. წინა მოგრძო
პირზე გამოსახულია მთელი ტანით ფიგურა კაცისა, რომელიც ბუსკა (საყვირსა)
სცემს (იწვევს ხალხს), მის უკან სამი კაცის ფიგურას მოჰყავს ხალხი მის წინაშე
(მოჩანან მხოლოდ კაცის თავები). მთელი ეს სურათი ეხება, როგორც ჩანს, იოანე
ნათლისმცემელს. დასავლეთის წახნაგზე წარმოდგენილია ღვთისმშობელი ნიშოვანი
და მის უკან კაცის სახე მთელი ტანით, ყავარჯენით ხელში, ალბათ ქმარი
ღვთისმშობლისა. მესამე წახნაგზე გამოსახულია ფიგურა ნაციონალური
ტანისამოსით, რომელსაც ხელი უდევს ახალგაზრდა კაცის ანუ ყმაწვილის თავზე;
ალბათ ნათლის მამაა ყმაწვილისა. სხვა ფიგურებიც ყოფილა აქ, მაგრამ ეხლა
გაფუჭებულია46.

წარწერები ჩანგლის ეკლესიისა

ნერსეს სარგისიანის და ბროსსეს ანგარიშით, ჩანგლის ეკლესიის კედლებზე

ოთხი ქართული წარწერაა; ნამდვილად კი ორია. პირველი წარწერა ასომთავრული
დასავლეთის კარის თავზეა ამოჭრილი და გაგრძელებულია მარჯვნივ კარის თავისა.
ამ გაგრძელებას სარგისიანი ცალკე წარწერად გულისხმობს. მეორე წარწერა არის
ორსტრიქონიანი სამხრეთის ფასადის ლაგვარდანზე. პირველი წარწერა იკითხება
ასე:
ქ-კს ნ ს-ხლითა ღ-ჲთა მე
გლხ-კმნ ეგნ-ტჲ ავიღე თ-ესგ-ნ

46 ყველა ფიგურა გადაღებულია ფოტოგრაფიის საშუალებით.

 დ-კნი უნ და გაოჳკჳეთე მისდა
სალოცავად ტრაპეზჳსაგ-ნ ორ
თა კცთა პური უკდავად უცხო
თათჳს ვ-ცა ლენამორისა
(მარჯვნივ კარის თავისა):
პატრონი იყოს და წინამძღჳარ რ-სა სხჳნი ძმნი
გაიღჳბდენ დეკანოზისა და შემწ-ისა ჴელითა მიე
ცემოდის ვ-ნ ესე ნაქმრი შეცვ-ლს კრ-ლა პრითა
ღ-ჲთა ექსთა კრბ-თა მდ-ლთა და ხთთა პტრაქ
თა ჯ-ითა და თორმტთა მც-ქლთა მ-დლ-თა
ვინ და
მმტკი
ცოს ჯ-ი
აქს და კ-ხვ -ჲ

ასო ჲ მეორე სტრიქონის სიტყვაში „ეგნ-ტჲ“ და მე-8–9 სტრიქონების სიტყვაში

„მიეცემოდჲს“ იხმარება ასო „ი“-ს მაგიერ, მაგრამ პირველ შემთხვევაში შეიძლება
ვიგულისხმოთ შემოკლებულ გადმოცემად „ეგნატოჲ“-ს მაგიერ. ასო „უ“ მარტო ერთ
შემთხვევაში ძველი „ოჳ“-ის ფორმით არის გადმოცემული სიტყვაში „გაოჳკჳთე“
(სტრიქონი მე-3), მაგრამ ამავე სიტყვაში ასო „კ“-ს შემდეგ მარტო „ჳ“ არის
წარმოდგენილი, იგულისხმება „ო“-ს გამოტოვება. ეგრევეა მე-7 სტრიქონში,
სიტყვაში „სხჳანი“, ხოლო სიტყვაში „გაიღჳბდენ“ სრულიდ უადგილოა „ჳ“-ს ხმარება
„ე“-ს მაგიერ. სხვა ადგილებში ყოველგან „უ“ ერთი ასოთია წარმოდგენილი და
მოხაზულობა მისი და ასო „ო“ სრულიად ერთგვარია და უფრო წააგავს შემდეგი
დროის „უ“-ს, ვიდრე „ო“-ს, ხოლო ორ შემთხვევაში „ო“ უფრო ნათლად არის
გამოყვანილი სიტყვებში: „პატრონისა“ (სტრიქონი 6–7) და „დაამტკიცოს“ (სტრ. 13–
14).
ამის მიხედვით ძნელია თქმა, „ლენამორისა“ უნდა წავიკითხოთ, თუ
„ლენამურისა“ (სტრიქონი მე-6). საზოგადოდ, შუა ნაწილი ამ სიტყვისა ნათლად არ
მოჩანს ნამდვილზე და მე პირველად ამოვიკითხე «ლენაღშორისა», თითქო
სარგისიანის მიერ გადაღებული ტექსტი უფრო ასე იკითხება.
მართლწერა ტექსტისა, საზოგადოდ დიდად წააგავს ფიტარეთის წარწერას
გიორგი ბრწყინვალისა, აგრეთვე მე-14 საუკუნისას47.
უქარაგმოდ წარწერას ჩვენ ასე ვკითხულობთ:
«ქორონიკონს48 ნ. სახელითა ღმრთისაჲთა მე
გლახაკმან ეგნატი (ანუ ეგნატოჲ) ავიღე თეოდორესაგან49
დრაჰკანი50 უნ და გაუკუეთე მისდა
სალოცავად ტრაპეზისაგან51 ორ-
თა კაცთა პური უკდავად უცხო-
თათჳს. ვინცა ლენამორისა (თუ ლენაღშორისა?)

47 იხილე ჩვენი სომხით-საორბელოს ძეგლების წარწერები, «კავკასიონი», პარიზის გამოცემა, გვ. 87–88,
№ 1–2.
48 კლასიკური ფორმა იყო: ქრონიკონსა.

49 ეს სრული ფორმაა; შემოკლებული იქნება: თეოდორესგან.

50 დედანში შემოკლებით არის ეს სიტყვა მოყვანილი და ამიტომ ასო „ჰ“ არ არის ნახმარი.

51 დედანში: ტრაპეზჳსაგან.
 პატრონი იყოს და წინამძღუარი, რომელსა (ანუ რასა) სხუანი ძმანი
გაიღებდენ, დეკანოზისა და შემწირველისა ჴელითა მიეცემოდის52. ვინ ესე
ნაქმარი შეცვალოს, კრულია პირითა.
ნერსეს სარგისიანის მიერ გადმოღებული წარწერა არ არის მრავალ შემთხვევაში
სწორი და ამით აიხსნება ზოგიერთი შეცდომა ბროსსესი, მაგრამ ქორონიკონი
ნერსესის ტაბულაზეც ცხადია და ყოვლად მიუღებელია ბროსსეს წაკითხვა:
«ქორონიკონს სნ». ასო «ს» ერთხელ არის ნახმარი ნამდვილში და ეს ასო დაბოლოებაა
სიტყვისა «ქორონიკონს» (სრული ფორმა იქნებოდა: «ქორონიკონსა») და არა
ქორონიკონის რიცხვია «ნ»-თან შეერთებით. ხოლო ქორონიკონი «ნ» (50)
მეთოთხმეტე მოქცევისა უდრის 1362 წელს. პალეოგრაფიული ხასიათი წარწერისა,
თვით სტილი და მართლწერაც სწორედ XIV საუკუნეს უჩვენებს. ამიტომ
ქორონიკონს «ნ»-ს ჩვენ ვერ მივაკუთვნებთ მე-13 მოქცევას; მაშინ თარიღი იქნებოდა
830 წელი, რაც ყოვლად მიუღებელია. თვით ბროსსეც შენიშნავს უსწორ-მასწორობას
წარწერის ტექსტისას, რომელიც არ უდრის სხვა X–XI საუკუნეთა წარწერებს,
მაგალითად კუმურდოსა, იშხნისა და სხვა. თვით ასოები წარწერისა არ არის ღრმად
ამოჭრილი ქვებზე და ქვებიც არ ყოფილა თავდაპირველად განკუთვნილნი
წარწერისათვის. რაც არ დატეულა კარის თავის ქვაზე, გადატანილია მარჯვნივ და
განაწილებულია პატარა ქვებზე.
მეორე ასომთავრული წარწერა მოიპოვება სამხრეთის ლაგვარდანზე. ჩვენს
ფოტოგრაფიულ სურათზე, რომელიც ნ. მარრს გავუგზავნეთ, ეს წარწერა კარგად
ჩანს. წარწერა შეიცავს სულ ორ მოკლე სტრიქონს ასომთავრულით დაწერილს,
ხოლო ერთი ასო მეორე სტრიქონში ძველი მხედრული «გ» უნდა იყოს, და თუ ეს ასო
ასომთავრულია და შემთხვევითი მსგავსება აქვს მხედრულ გ-ანთან, მაშინ ის ასო
«ჲ»დ უნდა მივიღოთ, როგორც ბროსსესაც მიუღია. სამწუხაროდ, სიტყვები ამ
წარწერისა წერტილებით არ არის გამოყოფილი და ამიტომ მეორე სტრიქონის
წაკითხვა ძნელია. წარწერა ჩვენი წაკითხვით ასეა წარმოდგენილი:
ქე შეწყლე მალაქო
ზი-აგრნ-კლი (ანუ ზი-აჲრნ-კლი).
ბროსსე კითხულობს:

52 თავიდან აქამდის ბროსსე ასე კითხულობს:

«ქორონიკონს სნ, სახელითა ღთისაჲთა მე
გლახაკმან ეგნატო ავიღე თეოდორესგან (?) [კითხვითი ნიშანი ბროსსესია].

... (დრა) კანი. ლოცვა უკუჱთე მისდა

სალოცავად. ტრაპეზობისაგან ორ-
თა სერობათ პური უკუდავად უცხო-
თათჳს. ვინც მონასტრისა
პატრონი იყოს და წინამძღვარი, რომელსა სხვანი ძმანი
გაიღებდენ დღესასწაული, ზედაშე მნისა ჴელითა მიე-
ცემოდეს» (დანარჩენი სწორად არის წაკითხული).
ღმრთისაჲთა, ექუსთა კრებათა მადლითა და ხუთთა პტრიარქ-
თა ჯუარითა და თორმეტთა მოციქულთა მადლითა,
ვინ და-
ამტკი-
ცოს, ჯუარი
აქუს და კურხევაჲ».
 ქრისტე შეიწყალე მალაქო-
ზიაჲ, რომელმან ეკლე...
პირველი სტრიქონის წაკითხვა სწორია, მეორესი საცილობელია. ეს მეორე
სტრიქონის აზრი ჩვენთვის გამოურკვეველია, ხოლო მოსაზრებით შეიძლება მთელი
წარწერა ასე იკითხებოდეს:
«ქრისტე შეიწყალე მალაქოზი აგარან(ის) კათალიკოზი».
აგარანის პროვინციას ვახუშტი აღნიშნავს მტკვარს, შულავერს და ბოლნისს
შუა; ეს წინანდელი გარდაბანია. აგარანი ციხესაც ერქვა, რომელიც აიღო დავით
აღმაშენებელმა (Hist. de la Géorgie, I, p. 361, n. 1. იხ. აგრეთვე ბროსსეს Addition, p. 259,
n.53
სარგისიანი იქვე აღნიშნავს კიდევ ორ სიტყვას სხვა წარწერისა: «ქრისტე
შეიწყალე», რომელიც ჩვენ ვერ ვიპოვეთ.
თავი მნიშვნელობა აქვს პირველ წარწერას. ეჭვს გარეშეა, რომ წარწერა
შესრულებულია 1362 წელს. ეს არის მთავარი.
ძველი სახელი ჩანგლისა ყოფილა ლენამორი ანუ ლენაღშორი, ყოველ
შემთხვევაში, არა ჩანგლი. ეს არის მეორე დასკვნა, რომელიც გამომდინარეობს
წარწერიდან.
მესამე დასკვნა გულისხმობს ფაქტს, რომ ჩანგლის ეკლესია წინათ ყოფილა
მონასტერი.
გეგმა, სტილი და ზოგიერთი შემკობილება ჩანგლისა მოგვაგონებს მე-11–13
საუკუნეთა ეკლესიებს. და უნდა ვიფიქროთ, მათი მიბაძვით არის აშენებული,
ხოლო შედარებით მაღალი გუმბათის ყელი უფრო ეგუება მე-14 საუკუნეს. ამასვე
უჩვენებს წარწერაც. ამ წარწერის შინაარსის მიხედვით უნდა ვიფიქროთ, ეგნატის
დაუწყია შენება მონასტრისა, მას სახსარი შემოლევია და ვიღაც თეოდორესაგან
მიუღია 450 დრაჰკანი, თვალსაჩინო თანხა იმ დროისათვის, და მონასტერი
დაუმთავრებია35. სანუქფოდ მაშენებელს განუწესებია თეოდორეს სალოცავად
მონასტრის ტრაპეზისაგან პური ორი უცხო (ესე იგი კრებულის გარეშე მყოფ)
კაცისათვის. ამასთან ყურადღების ღირსია, რომ ეგნატი კანონს აწესებს
მონასტრისათვის, რომლის ძალით განსაზღვრა, წინამძღვრის სარგოსი
დამოკიდებულია მონასტრის ძმათა გადაწყვეტილებაზე, ხოლო რასაც ესენი
გადასწყვეტენ, წინამძღვარი მიიღებს დეკანოზისა და შემომწირველის ხელით.
ვის შეეძლო ამგვარი კანონის დაწესება, თუ არ მაშენებელს ანუ დამფუძნებელს
მონასტრისა? ამიტომ საფიქრებელი არის, რომ ეგნატი არის აღმაშენებელი
მონასტრისა და წარწერა თანამედროვეა აშენებისა. ამ მოსაზრებას მხარს უჭერს,
როგორც მოვიხსენიეთ, შედარებით მაღალი ყელი გუმბათისა და ის გარემოებაც,
რომ ეკლესია საზოგადოდ საკმაოდ კარგად არის შენახული.
აქ ყოფილა მართლმადიდებელი სომხების, ანუ ხალკედონიტთა სომხების
მონასტერი და ამით აიხსნება ქართული წარწერები ამ და სხვა ამგვარი ეკლესია-
მონასტრებისა სომხეთში. მართლმადიდებელ სომხებს წირვა-ლოცვა ქართულ ენაზე

53მე-14 საუკუნეში გიორგი ბრწყინვალის დროს 1 დრაჰკანი ანუ ოქროს დინარი 6 თეთრს ანუ დრამას
უდრიდა, ხოლო ერთი თეთრი იმავე დროს მერმინდელ აბაზს უდრიდა. ამიტომ 450 დრაჰკანი
შეადგენდა 2700 აბაზს ანუ 540 ოქროს მანეთს (იხ. ჯავახიშვილის «ნუმიზმატიკა ანუ მეტროლოგია»,
გვ. 54).
ჰქონდათ და მათი მწყემსთმთავარნი ქართველი ეპისკოპოზები იყვნენ.
რასაკვირველია, ყარსში, ანისში, ალაშკერტში ქართული კოლონიებიც უნდა
ყოფილიყვნენ, საქართველოს ძლიერების დროს, ყოველ შემთხვევაში, მაგრამ
არსებობა ქართული წარწერებისა და ქართული ეკლესიებისა ყოველთვის ქართული
კოლონიის არსებობას ყოველგან არ გულისხმობს, როგორც დ. ბაქრაძე ფიქრობს,
არამედ მაჩვენებელია იმისა, რომ ამ ადგილებში მართლმადიდებელნი სომხები
ყოფილან. ასეთ მოვლენას უნდა ჰქონოდეს ადგილი ჩანგლშიც. მეორე მხრით, უნდა
აღვნიშნოთ, მართლმადიდებელმა სომხებმა ქართულ ენაზე წირვა-ლოცვა და
წარწერების მოთავსება თავიანთ ეკლესიებზე შემოიღეს უფრო გაბედულად მას
შემდეგ, რაც მათი პროვინციები შემოვიდა საქართველოს საზღვრებში და მათი
მფარველნი შეიქნენ საქართველოს მეფენი. ეხლა მათ აღარ ეშინოდათ გრიგორიანთა
სამღვდელოების ძალმომრეობისა. ამიტომ ქართული წარწერები სომხეთში
მაჩვენებელია საქართველოს ექსპანსიის, მისი პოლიტიკური ძალაუფლების
გავრცელებისა ამ პროვინციებში.
სამხრეთ-აღმოსავლეთის მხრით ეკლესიისა, მაღლობზე, ძველი სასაფლაოა.
ერთს ქვაზე ჯვარის სახე იყო გამოქანდაკებული, მეორეზე – სომხური ვულგარული
წარწერა. სხვა სასაფლაოს ქვები უბრალო იყო. ჩრდილო-აღმოსავლეთის მხრით
ტაძრისა, პირდაპირ მთის ძირიდან გამოდის მშვენიერი წყარო. ამ წყაროს პირზე იყო
დაწყობილი დიდი ქვები და მათ შორის სასაფლაოს ქვებიც. ერთზე
ექვსსტრიქონიანი სომხური წარწერა იყო, რომელიც ჩვენ ფოტოგრაფიის
საშუალებით გადავიღეთ და განსვენებულს ნ. მარრს გავუგზავნეთ. ეხლა გვაქვს
ცნობა, ეს და სხვა ჩვენ მიერ გაგზავნილი სომხური წარწერები სპეციალისტის –
პროფ. ი. ორბელის ხელშია და ალბათ მალე გამოაქვეყნებს.

მოგონებანი ქართველ მწერლებზე

ილია ჭავჭავაძე54

ილია ჭავჭავაძე პირველად ვნახე ჩემი სტუდენტობის დროს, ვგონებ, როდესაც

III კურსზე ვიყავი გადასული. კარგად კი არ მახსოვს, ასე 1885 წელს უნდა
ყოფილიყო. ილია ქართული სათავადაზნაურო ბანკის საქმეზე ჩამოვიდა
პეტერბურგში და ბინად ჩამოხტა ვასო მაჩაბელთან... ილია და ის ვასო მაშინ დიდი
მეგობრები იყვნენ, ილია შვილებს უნათლავდა. ვასო ნაფიცი ვექილი იყო, ადვოკატი
თავად მინგრელსკისა, რომელიც მაშინ პეტერბურგში ცხოვრობდა. ვასო ქართველ
სტუდენტებს ეხმარებოდა ხოლმე ხელმოკლეთათვის ფულის შესაკრებად

54ჩაწერილია კარნახით გ. ლომთათიძის მიერ 1950 წლის 26/I, 27/I, 9/II, 10/II, 13/II, 17/II, 20/II, 21/II,
4/V. შიგა და შიგ ჩართულია ზოგი ნაწყვეტ-ნაწყვეტი მოგონება თუ შენიშვნა, მისგან ჩაწერილი
ავტორთან ერთად მისი ნაშრომების გამოსაცემად მომზადებაზე მუშაობისას (1948–1952 წწ.).
აქაც და ქვემოთაც სქოლიოები, თუკი სხვა ინიციალები არა აქვს ქვეშ მიწერილი, ეკუთვნის გ.
ლომთათიძეს.
საღამოების მოწყობაში. ერთი ასეთი საღამოს შემოსავალი, სამი ათასი მანეთი
სტუდენტებს ვასილის თანხმობით გადაედოთ, როგორც ხელუხლებელი თანხა და
ხუმრობით „დარდუბლის კიდობანი“ დაერქმიათ მისთვის. ის ფული თვით ვასილ
მაჩაბელს ჰქონდა მიბარებული. იმ წელიწადს ვასილმა გადაწყვიტა საქართველოში
დაბრუნება, თავისი სახლის ლიკვიდაციას აპირებდა (მგონი, ნევის პროსპექტზე
ცხოვრობდა) და წინადადება მოგვცა სტუდენტებს, იმ თანხასაც თან წავიღებ და
შესანახად გადავცემო ქართელთა შორის წერა-კითხვის გამავრცელებელ
საზოგადოებას, რომლის თავმჯდომარეც ილია ჭავჭავაძე არისო. სტუდენტებმა არ
მიიღეს ეს წინადადება და მოითხოვეს, ფული პეტერბურგში დაეტოვებინა. მაშინ
მაჩაბელმა უთხრა – წარმომადგენელი გამოგზავნეთ და ილია ჭავჭავაძის
თანდასწრებით გადავწყვიტოთ ეგ საქმეო. სტუდენტობამ აგვირჩია და გაგვაგზავნა
სამი კაცი: მიხაკო ღვდლიევი [მღვდლიაშვილი. გ. ლ.] (შემდეგ ჩვენი სენატორი რომ
იყო), ალექსანდრე ლორთქიფანიძე (მერაბის ძე, იასონისა და [მწერალ] ნიკოს
უფროსი ძმა, იურისტი, მერე ქუთაისში ბანკირად იყო) და მე. მივედით ვასო
მაჩაბელთან და ილიაც გამოვიდა და გაგვეცნო. ილიას პირველად მაშინ შევხვდი და
მისი დანახვისთანავე გამახსენდა, ძალაუნებურად, ჩემი ნათესავის კოწია
თაყაიშვილის ნათქვამი ილიას გარეგნობის შესახებ. ეს თაყაიშვილი მეფის „კონვოი“-
ში მსახურობდა უწინ, ალექსანდრე მეორის დროს; ახლო კავშირი ჰქონდა ქართველ
სტუდენტობასთან, დიდი ლიბერალი და თან პატრიოტი კაცი იყო; კარგად იცნობდა
ახალ ქართულ ლიტერატურას და თაყვანს სცემდა ილიას, როგორც მწერალსა და
საზოგადო მოღვაწეს; ძალიან კარგად გვიკითხავდა ხოლმე მის «კაცია-ადამიანს»,
«გლახის ნაამბობსა» და სხვა ნაწარმოებებს. ილია დიდხანს არ ენახა პირადად,
მხოლოდ ერთხელ მოეკრა თვალი ქუთაისის ბულვარში, სხვებთან ერთად, და
დასდევნებოდა, რომ კარგად დაეთვალიერებინა. მერე გვითხრა: „მრგვალი ტანითა
და სისრულით მის მიერ აღწერილ თათქარიძეს ჩამოგავს, მაგრამ თვალები კი
შესანიშნავი აქვსო“.
შეგვექმნა მსჯელობა „დარდუბლის კიდობნის“ გამო. ილია დიდხანს გვესაუბრა
წერა-კითხვის საზოგადოების მიზნებისა და მათი განხორციელების გზების შესახებ
და ბოლოს გვირჩია, თანხა იმ საზოგადოებისათვის გადაგვეცა – თუ შეწირულობად
არა, შესანახავად მაინც. „აქ ეგ ფული უსათუოდ შემოგეხარჯებათ, ან არა და,
ქართველების ჩვეულებისამებრ, აიშლებით, დაიშლებით და დაგეკარგებათო!“
აზრთა ხანგრძლივი გაცვლა-გამოცვლის შემდეგ შევთანხმდით, რომ ფული
შესანახავად გადაეცემოდა წერა-კითხვის საზოგადოებას. ვასილ მაჩაბელმა
პირადად წამოიღო თანხა, თბილისში რომ წამოვიდა, და დანიშნულებისამებრ
ჩააბარა კიდეც. ოღონდ, ეტყობა, არ მოუთხოვია იმ თანხის ხელშეუხებლობა და
საზოგადოებას ფული თავისი მიზნებისამებრ მოეხმარა. ყოველ შემთხვევაში, ჩემ
დროს საზოგადოებას აღარ გააჩნდა ასეთი, ხელუხლებელი თანხა.
უნივერსიტეტი რომ გავათავე, თბილისში ჩამოვედი და ლათინური ენის
მასწავლებლად დავდექი სათავადაზნაურო სასწავლებელში, რომელსაც მაშინ
ალექსი ბესარიონის ძე ჭიჭინაძე განაგებდა (ქუთაისშივე, გიმნაზისტობისას ჩემი
კარგად მცნობი). ჩემი ჩამოსვლის შემდეგ ერთი თვეც არ გასულიყო, რომ ამბავი
მოვიდა, სტავროპოლში დიმიტრი ყიფიანი მოკლესო. ეს იყო 1887 წლის 24
ოქტომბერს. ამან, რა თქმა უნდა, თავზარი დაგვცა ყველას და მთელი ქართველობა
ააღელვა. გადაწყვიტეს, ჩამოესვენებინათ ცხედარი და საკადრისი პატივით
დაემარხათ მთაწმინდაზე. ამის მოსაწყობად შედგა კომისია, რომელშიც, რა თქმა
უნდა, ილია ჭავჭავაძეც დიდ მონაწილეობას იღებდა.
 მთავრობის მიერ დაყრილი ხმა, ვითომც დიმიტრი ყიფიანი გაძარცვის მიზნით
მოეკლათ, არავის არა სჯეროდა: ყველა დარწმუნებული იყო, რომ იგი რუსული
ხელისუფლების აგენტების მიერ იყო მოკლული.
კომისიაში ამირჩიეს მეც. ვინ დამასახელა, აღარ მახსოვს. მაგრამ საერთოდ
მაშინ უკვე ყველა ასეთ კომისიებში მასახელებდნენ ხოლმე, იმიტომ რომ ცოტა იყო
ასარჩევი ადამიანები. კომისიაში სულ თხუთმეტი კაცი იქნებოდა, მაგრამ ამასთანავე
დამხმარეც აუარებელი გვყავდა. შევიმუშავეთ დაკრძალვის გეგმა. ჭირისუფლობა
იკისრა განსვენებულის ნათესავმა დავით ყიფიანმა – ცნობილმა მოღვაწემ და კარგმა
კაცმა, თბილისში დიდად მიღებულმა ნოტარიუსმა, ილია ჭავჭავაძის, ივ.
პოლტარაცკის, ალ. ჯაბადარისა და სხვათა მეგობარმა. ოფიციალური მიმოწერა,
ნებართვის მიღება და სხვა ასეთი რამეები სულ მას დაეკისრა. მართალია, დიმიტრის
დარჩა ვაჟი – კოტე, მაგრამ ის ვერ გაართმევდა თავს იმდენ საქმეს და თან
პრესტიჟისთვისაც სჯობდა დავითისათვის დავალება იმეებისა.
რასაკვირველია, საქართველოს ყველა კუთხიდან ჩამოვიდნენ დეპუტატები და
სხვადასხვა დაწესებულებათა წარმომადგენლები, ყველანი სამგლოვიარო
ლენტებით შემოსილნი (მკლავებზე გაგვიკეთეს). დავხვდით ცხედარს ვერაზე,
ჯვართან55. იქიდან დაიწყო პროცესია. კომისიის გეგმით, ცხედარი უნდა
გამოგვეტარებინა გოლოვინის პროსპექტით56 ერევნის მოედნამდე57, მერე უნდა
აგვეხვია სოლოლაკის ქუჩაზე58, მერე პეტრე დიდის ქუჩაზე59 და ისე უნდა
ავსულიყავით მთაწმინდაზე. პოლიცია, რასაკვირველია, გამრავლებული იყო და
ფეხზე იდგა.
დაიძრა პროცესია დავით ყიფიანის მეთაურობით. როგორც კი მივუახლოვდით
გრიბოედოვის ქუჩის ასავალს, პოლიცია გადაგვეღობა და გამოგვიცხადა, რომ
პროცესია გრიბოედოვის ქუჩით უნდა წავიდეს. შეიქნა ერთი ჩოჩქოლი, ხალხი წინ
მიმავალთ მიაწვა. ამასობაში ნიკო დიასამიძემ, რომელიც წაბლისფერ ტაიჭზე იჯდა
ქართულად ჩოხაში გამოწყობილი, ცხენდაცხენ გაარღვია პოლიციის რაზმი და
გასწია წინ. დავით ყიფიანიც მას გაჰყვა. პოლიცია წინ გადაუდგა სამღვდელოებას,
რომელსაც მიუძღოდა ცნობილი ქართველი პატრიოტი, ბერი, ეპისკოპოზი
ალექსანდრე ოქროპირიძე. ის საერთოდ თითქოს არ იყო გამბედავი კაცი, მაგრამ აქ
კი ნამდვილად გამოიჩინა გამბედაობა. პოლიციის რაზმის მეთაურმა უთხრა: „Ваше
преосвященство, приказано по Грибоедовской улице направить процессию!“
ალექსანდრე არ შედრკა და მიუგო: „Меня пригласили родные покойного; куда они
последуют, и я за ними!“-ო და განაგრძო გზა. შემოსილი მღვდელმთავრის შეჩერება
პოლიციამ ვეღარ გაბედა, თან ხალხიც მიაწვა, გაარღვია პოლიციელთა წყება და
მედგრად გასწია წინ. მთელ პროსპექტზე გაიმართა უზარმაზარი პროცესი. სასახლეს
რომ მივუახლოვდით, განგებ შეაჩერეს ცხედარი და მიცვალებულის ლოცვა

55 იგულისხმება ის ჯვარი, რომელიც აღმართული იყო მდ. ვერის პირას, დაღმართზე, სადაც 1837
წელს ეტლი გადაბრუნებოდა იმპერატორ ნიკოლოზ პირველს, საქართველოს სამხედრო გზით
მომავალს. ჯვარი დადგეს მისი მშვიდობით გადარჩენის აღსანიშნავად. ახლანდელი აბრეშუმის
ფაბრიკის წინ იყო.
56 ახლა რუსთაველის გამზირი.

57 ახლა ლენინის მოედანი.

58 ახლა კიროვის ქუჩა.

59 ახლა ძერჟინსკის ქუჩა.

გადაიხადეს, დემონსტრატიულად. სასახლიდან არავის გამოუხედავს. მაშინ
მთავარმართებლად იყო დონდუკოვ-კორსაკოვი. ამბობენ, რომ იმ დღეს ის არ იყო
სასახლეში, თავისი ცოლის პანაშვიდზე წავიდაო ზემოთ, წმ. ნინოს სახელობის
ქალთა გიმნაზიის ეკლესიაში.
სასახლიდან დაძრული პროცესია მოედანზე გავლით ავიდა სოლოლაკის
ქუჩაზე, მერე შემოუხვია პეტრე დიდის ქუჩაზე, ხოლო იქიდან ერმოლოვის60 ქუჩით
ავიდა მთაწმინდაზე.
ცხედარს, დავით ყიფიანთან ერთად, მიჰყვებოდნენ: ილია ჭავჭავაძე, აკაკი
წერეთელი, სხვა პოეტები და მწერლები, მიჰყვებოდა, რა თქმა უნდა, განსვენებულის
მთელი ოჯახიც.
საფლავზე პირველი სიტყვა წარმოთქვა აკაკი წერეთელმა, რომელმაც დიმიტრი
ყიფიანი გამოაცხადა საქართველოს მეორე დიმიტრი თავდადებულად და, რა თქმა
უნდა, დიდი შთაბეჭდილებაც მოახდინა. ის ცნობილი მშვენიერი ლექსი რომა აქვს,
„ცა-ფირუზ, ხმელეთ-ზურმუხტოო“, მაშინ არ უთქვამს, მერმე დაწერა. დიმიტრი
ყიფიანს კი გულისხმობდა შიგ!
მოელოდნენ ილიას სიტყვასაც, მაგრამ მას არაფერი უთქვამს. ისე კი გვითხრა
რამდენიმე კაცს: „რა ამბავსაც დღეს აქ ვუყურებთ, ამას არავითარი სიტყვა არ
სჯობიაო!“ მართლაც, უამრავი ხალხი იყო დაკრძალვაზე მოსული, ნამდვილად
მთელი საქართველო! ილიას მიერ სიტყვით არ გამოსვლა ზოგმა მის სიფრთხილეს
მიაწერა. ისიც კი გაიხსენეს, რომ ერთ დროს მას ყიფიანთან პოლემიკა ჰქონდა.
მაგრამ ერთიცა და მეორეც, რა თქმა უნდა, ცილისწამება იყო...
ამრიგად, ეს გრანდიოზული პროცესია დიდი და გაბედული დემონსტრაცია
იყო ქართველი ერისა ცარიზმის რეჟიმის წინააღმდეგ. მან ძლიერი შთაბეჭდილება
მოახდინა ქართველობაზე და ერთგვარ საგონებელშიც ჩააგდო ხელისუფალნი.
მეორე დღეს მთავარმართებელმა მოიწვია საბჭოს სხდომა და თათბირობდნენ, თუ
რით ეპასუხათ ამ გამოუთქმელ დემონსტრაციაზე. აზრთა დიდი გაცვლა-
გამოცვლის შემდეგ დაასკვნეს, რომ რეპრესია დემონსტრაციის მომწყობთა მიმართ
კიდევ მეტ გართულებას გამოიწვევს. რაც მოხდა, პოლიციის განცხადების მიმართ
უბრალო წინააღმდეგობად ჩათვალეს, ჭირისუფალი დავით ყიფიანი 6 მანეთით
დააჯარიმეს და ამით გათავდა საქმე.
ილია ჭავჭავაძე ჩემ დროს იყო თბილისის სათავადაზნაურო ბანკის
თავმჯდომარე, ქართველთა შორის წერა-კითხვის გამავრცელებელი საზოგადოების
თავმჯდომარე და გაზეთ „ივერია“-ს რედაქტორი. ეს სამი დაწესებულება
წარმოადგენდა უმთავრეს ქართულ საზოგადოებრივ ორგანიზაციებს. მართალია,
არსებობდა კიდევ ქართული დრამატიული საზოგადოება, მაგრამ ის სულს
ღაფავდა. ხან აკაკი წერეთელი იყო მისი თავმჯდომარე, ხან – ვინ და ხან – ვინ;
მალიმალ იცვლებოდნენ.
საზოგადო მოღვაწენი ცოტანი იყვნენ. მართალია, გიმნაზიაში და მთავრობის
სხვა დაწესებულებებში კი მსახურობდა თითო-ოროლა ქართველი, რომლებსაც
შეეძლოთ საზოგადო საქმიანობა, მაგრამ ისინი თავს არიდებდნენ ამას, რადგან
დარწმუნებული იყვნენ, რომ თუ ჩაებმებოდნენ, სამსახურს დაკარგავდნენ.
ილია თუმცა ითვლებოდა წერა-კითხვის საზოგადოების თავმჯდომარედ,
მაგრამ სრულიად ვერ ესწრებოდა მის სხდომებს. ჩემ დროს იქ მის მოადგილედ

60 ახლა შიო ჩიტაძის ქუჩა.

ითვლებოდა ვანო მაჩაბელი, რომელიც საადგილმამულო ბანკის დირექტორიც იყო.
საზოგადოდ, მე რომ ჩამოვედი, პირველ ხანებში ილიასა და ვანო მაჩაბელს შორის
არავითარი უსიამოვნება არ ყოფილა, ისინი თანხმობით მუშაობდნენ. ვანო
მაჩაბელიც დიდი პატრიოტი იყო, ნიჭიერი, განათლებული, კარგი მუშაკი და თან
სიმპათიური ადამიანი. ჩვენ საზოგადოებაშიც გავრცელებული იყო აზრი, რომ
ილიას მემკვიდრე საზოგადო საქმეებში ვანო მაჩაბელი იქნებოდა: ის ბევრად
უმცროსი იყო ილიაზე. ილიასა და ვანოს შეხმატკბილებული მუშაობა ხომ, სხვათა
შორის, იმაშიც გამოიხატა, რომ ერთად თარგმნეს „მეფე ლირი“.
იმხანად ილიას უკვე ბევრი ემდუროდა, მუშაობას მოუკლო და დიდ დროს
ანდომებს ქაღალდის თამაშსო. ზოგიერთი პირშიც ამხელდა, როცა ის წერა-კითხვის
საზოგადოების სხდომას თავმჯდომარეობდა ხოლმე. მახსოვს ექიმ ხუდადოვის
გამოსვლა ამ საზოგადოების წლიურ კრებაზე. ეს ის ხუდადოვი იყო (გორელი
სომეხი, ქართველობდა), რომელმაც ტყე გააშენა კუკიის სასაფლაოს ზემოთ.
სოციალისტური მიმართულების კაცი იყო, საზოგადო საქმიანობის მონაწილე. ადგა
ეს ხუდადოვი და რიხიანად უსაყვედურა ილიას: „ილიავ, სულ ძილი და ძილი არ
შეიძლება! აღარაფერს აკეთებ და ჩვენი საერთო საქმეც ვერ მიდის კარგადაო!“ ილიამ
უპასუხა: „მე რომ მძინავს და მძინავს, ეს ყველასაგან ცნობილია, მაგრამ შენ ხომ
გღვიძავს და ალბათ ბევრ რამეს აკეთებ; ჰოდა, ერთი გვაჩვენე, რა გაგიკეთებიაო?!“...
მერე მოხდა რაღაც კონფლიქტი ილიასა და ვანო მაჩაბელს შორის. როგორ
დაიწყო იგი, რა იყო მისი მთავარი მიზეზი, არ ვიცი, მაგრამ ის კი ცხადად ჩანდა,
რომ სათავადაზნაურო ბანკის საქმე უკან-უკან მიდიოდა. ვანო მაჩაბელმა განაცხადა,
ილიამ დროზე არ იზრუნა ბანკის ბილეთების კონვერსიაზე და ამიტომ მსესხებელნი
დავკარგეთო. ეს ნაწილობრივ მაინც იყო მართალი, მაგრამ იმას კი არ
ითვალისწინებდნენ, რომ როცა ადამიანი წლოვანებაში შედის და დამძიმებას
იწყებს, მას ვეღარ მოვთხოვთ პირვანდელ ენერგიასა და შრომას; ეს ბუნების წესია.
იმის მაგიერ, რომ ილიასათვის პენსია დაენიშნათ და ისე, პატივისცემითა და
მათლობით აღენიშნათ მისი დამსახურება, და ამრიგად გამოეცვალათ
თავმჯდომარე, მათ საზოგადო კენჭისყრით გაშვება მოუნდომეს და აშკარა
წინააღმდეგნი გახდნენ მისი.
ასე დაიწყო ე.წ. „ბანკოვიადა“. წლიური ანგარიშის განხილვა და შემდგომი
ბიუჯეტის მიღება-დამტკიცება, რაც წინათ ორ-სამ სხდომაზე მოთავდებოდა ხოლმე,
ახლა სამ თვეს გაგრძელდა. იმ კრებას „Долгий парламент“ დაარქვეს – ინგლისში
რომ იყო, იმის მსგავსად. ბჭობის დროს მრავლად აღმოჩნდნენ ისეთები, ვისაც
თავისი ორატორული ნიჭის გამოჩენა მოუნდა, და უფრო ხშირად ისეთ საკითხებზე
ჰქონდათ მსჯელობა, რომელთაც არაფერი ჰქონდათ საერთო ბანკის საქმეებთან.
ბოლოს ზოგი იქამდეც კი მივიდა, რომ თავის შეთხზულ ლექსებსაც ამბობდა
კრებაზე. ერთი მათგანი, მგონი, ბაგრატიონის ქალი იყო; სხვებიც იყვნენ, მაგრამ
გვარები აღარ მახსოვს. ზოგი ორატორი კი ხშირად გადაუხვევდა და ძირითად
საგანს გვერდს აუვლიდა ხოლმე. მაგალითად, მ. მ. ერთხელ ისე შევიდა სიტყვის
თქმის ექსტაზში, რომ დაწვრილებით მოგვითხრო, თუ როგორ აჰყვა ერთ საღამოს
ძაღლების ყეფას და გადავიდა ხევსურეთში. ეს დაიხვიეს ხელზე და ხშირად
ქირდავდნენ მას ფელეტონებში. ერთხელ ილიამაც დაუწერა: „მეც მეტი აღარ
დამრჩენია-რა, მ-ვით უნდა ავყვე ძაღლების ყეფასო“. ილია საერთოდ ხშირად
კენწლავდა ხოლმე მას: „აი, თავადმა მ-მა რომ მოგვახსენაო“, იტყოდა განზრახ. „არ
არის თავადიო“, შესძახებდნენ აქეთ-იქიდან. „არ არისო? ჰოოო, იყოს მერე, რა
გვენაღვლებაო!“
 შეგნებული ქართველობა დარწმუნებული იყო, რომ ბანკისათვის ორივე
ძალიან საჭიროა, ილიაცა და ვანო მაჩაბელიც, და ამიტომ აუცილებლად
მიიჩნევდნენ, რომ ისინი როგორმე თანხმობით მოთავსებულიყვნენ თავ-თავიანთ
ადგილებზე. საკითხისადმი ასეთი შეგნებული დამოკიდებულება არა ერთხელ
დადასტურდა კენჭისყრითაც: ორივეს ირჩევდნენ ხმის უმეტესობით და ვერც ერთმა
მეორე ვერ „გააშავა“. მაგრამ ბოლოს ძალზე არანორმალური მდგომარეობა შეიქმნა:
გაძნელდა ერთად მოთავსება ორი ადამიანისა, რომელნიც ერთიმეორეს ხმას არა
სცემდნენ, თუმცა კი ერთისა და იმავე გამგეობის წევრები იყვნენ.
თითოელი „პარტია“ ცდილობდა, თავისი დამხმარე წევრი გაეყვანა მესამე
დირექტორად. იმ დროს მაჩაბლის „პარტიაში“, სხვათა შორის, იყო გენერალი
გიორგი თარხნიშვილი, ხოლო ბანკის მესამე დირექტორად ირიცხებოდა სანდრო
ჩოლოყაშვილი. ეს უკანასკნელი საკმაოდ ინტელიგენტი კაცი იყო, მაგრამ
ქართველობა სრულიად არ ეტყობოდა: ქართული არ იცოდა, უფრო გერმანული
ემარჯვებოდა, ფილოსოფიასა და ფსიქოლოგიას ეტანებოდა...
საერთოდ ილიაც, ისევე როგორც ყველა, ხშირად ურევდა ხოლმე საუბარში
რუსულს; კერძოდ, ბანკშიც ხშირად გამოდიოდა რუსულად და მშვენივრადაც
ლაპარაკობდა. თუმცა არა ერთხელ თითონვე შემოუღია წესად, – როდესაც მასთან
ვიკრიბებოდით, ხუთშაბათობით, რედაქციის წევრები და სხვები (იმ დღეს
რედაქციის სხდომა იყო ხოლმე მის ბინაზე) – ვინც ქართულ საუბარში უცხოურს
გამოურევს, ერთი შაური უნდა გადაიხადოსო. ილია თვითონ მიაძახებდა ხოლმე,
ვისაც წამოსცდებოდა: „შაური, შაური ამოყაჭეო!“ ასე იცოდა!... ისე სხდომა-საღამო
არ გათავდებოდა, რომ ორი თუ სამი მანეთი არ შეგროვებულიყო. რასაკვირველია,
თვითონაც ხშირად იხდიდა იმ შაურებს.
მაჩაბლის „პარტიამ“ მოინდომა ჩოლოყაშვილის მაგიერ გიორგი თარხნიშვილის
გაყვანა და კიდევაც მოახერხა ეს: თარხნიშვილი გახდა ბანკის მესამე დირექტორი.
მაგრამ რაკი ფეხი მოიკიდა ბანკში, მაჩაბელს გადაუდგა, ილიას მიემხრო და ყველა
საქმეში უჭერდა მას მხარს.
მაჩაბლის მეორე დიდი მომხრე იყო დიმიტრი მუსხელიშვილი, ფრიად
წარჩინებული, არტილერიის გენერალი. მას მუდამ ქებით იხსენიებდნენ, კარგი
სახელი ჰქონდა სამხედრო უწყებაში. თან კარგი პატრიოტი ქართველიც იყო,
დედაენა კარგად იცოდა და დიდად განირჩეოდა ძმებისაგან. ამ უკანასკნელთაგანაც
ორი სამხედრო პირი იყო. ერთ მათგანს, ალექსანდრეს, ცოლად ჰყავდა ნიკო
ღოღობერიძის და ანეტა. ალექსანდრე დაკოდილი [დაჭრილი] იყო რუსეთ-
ოსმალეთის ომის დროს, ხუცუბნის ბრძოლაში. მე გავიცანი უკვე სამსახურიდან
გადამდგარი პოლკოვნიკი. მისი მეუღლე – შესანიშნავი, ჭკვიანი, პატიოსანი და
დიდი ქველმოქმედი მანდილოსანი, ჩემი გიმნაზიელობის დროს
თავმჯდომარეობდა კომიტეტს, რომელიც განაგებდა ქუთაისის სათავადაზნაურო
სკოლას. მეორე ძმას, გიორგის, აგრეთვე სამხედრო პირს, ბეჟან წერეთლის და ჰყავდა
ცოლად. მესამე ძმა, სახელად მგონი ნიკო, არ ვიცი, წინათ რა მოხელე იყო, მაგრამ ჩემ
დროს ყველა ამ ძმების მამულს განაგებდა. მათ საერთოდ დიდი მამული ჰქონდათ
ახალქალაქის მაზრაში. მუსხელიშვილებს იმიტომ ვიცნობდი კარგად, რომ ერთ
წელიწადს რეპეტიტორად ვყავდი მიწვეული ალექსანდრეს, რომელიც უშვილო იყო
და თავისი უფროსი ძმის, ნიკოს შვილსა ზრდიდა, ხოლო მისი მეუღლე ანეტა –
თავისი ძმის სიმონ ღოღობერიძის ქალს. იმ ქალ-ვაჟს ვამეცადინებდი მე.
დიმიტრი მუსხელიშვილი ხშირად გამოდიოდა ბანკის სხდომაზე ილიას
წინააღმდეგ და იტყოდა ხოლმე: „Илья производит давление на собрание“-ო. ილია
ხომ დიდი ოსტატი იყო პასუხების გაცემაში და ერთხელ წარმოსთქვა: „Я не
понимаю, о каком давлении тут говорят? Физического давления никто не
предпринимает, а если говорят о давлении ума, то против него бессильна вся
артиллерия!“ ასე გადაჰკრა არტილერიის გენერალს თავისებური მწვავე მათრახი!
ილიას საზოგადოდ საოცრად მაგარი ნერვები ჰქონდა, ხოლო ვანო მაჩაბელი,
პირიქით, ერთობ ფიცხი ადამიანი იყო. ილიამ თავის სიტყვებში მოწინააღმდეგის
დანდობა და განკითხვა არ იცოდა. მაჩაბელსაც არ ზოგავდა და ისე გამოჰყავდა მისი
ნათქვამი, თითქოს ყველაფერი აბსურდი ყოფილიყოს. ერთხელ ისე აიგდო, რომ
რუსულ სათამაშო, „Ванька–встань-ка“-საც კი შეადარა.
საერთოდ კი ამ ბრძოლამ ილია, ბოლოს და ბოლოს, გამოაცოცხლა. თუ ერთ
დროს ის მართლაც მიძინებულ ლომს წარმოადგენდა, ახლა ლომმა გაიღვიძა,
გაშალა ბრჭყალები და მიფანტ-მოფანტა წინააღმდეგნი. ნერვიულმა ვანო მაჩაბელმა
კი ეს ბრძოლა ფიზიკურად ვერ გადაიტანა. თუმცა კენჭისყრით არ გაშავებულა,
თავისი ნებით განაცხადა, რომ შორდება ბანკს და მოშორდა კიდევაც,
დემონსტრატიულად დასტოვა კრება. ილიამ განაცხადა: „მე მასავით არ გავიქცევი;
მანამ თქვენი ნდობა მაქვს, აქა ვარ და აქ ვიქნებიო!“
შემდგომი ისტორია ცნობილია: ვანო მაჩაბელმა თავისი ცოლისძმის, თბილისის
გუბერნიის თავად-აზნაურთა წინამძღოლის, ბაგრატიონის დახმარებით შეადგინა
ქართლის თავად-აზნაურობის სინდიკატი (ისინი ქართლელი ბაგრატიონები იყვნენ,
მგონი მუხრანის შტოისა, მაგრამ უფრო შორებულნი, და ამიტომ არც ეწოდებოდათ
მუხრანელები)61. სინდიკატის წევრებს მასში შეჰქონდათ თავიანთი შემოსავალი.
ვანო მაჩაბელი მისი დირექტორი იყო, მაგრამ ჯამაგირი, რასაკვირველია,
შედარებით მცირე ჰქონდა. მერე დაავადმყოფდა, რაღაც ბრონქიტი დაემართა, და
ბოლოს – ისე მოულოდნელად და საარაკოდ გაქრა, დაიკარგა: ერთ დღეს,
დილაადრიან შინიდან გამოსული, აღარ დაბრუნებულა. ძებნის ყოველი ცდა
უშედეგოდ დარჩა. ათასგვარი ჭორი გავრცელდა და ეს საკითხი დღემდის
გამოურკვეველია.
აკაკი წერეთელი, რა თქმა უნდა, დიდი მომხრე იყო ვანო მაჩაბლისა და ბოლო
დროს მასთანაც ედო ბინა. მაგრამ მას ბანკის საქმეებში არავითარი დახმარების
გაწევა არ შეეძლო ვანოსათვის. საერთოდ, აკაკის ყოველთვის სჩვეოდა ენამწარეობა,
ისე რომ ზოგჯერ თავის მოყვარეთა ძვირსაც ამბობდა ხოლმე. ამის გამო აფორიზმი
იყო გავრცელებული და ერთხელ ვალერიან გუნიას გაზეთშიც კი გამოქვეყნდა:
„ღმერთმა გვაშოროს ილიას მტრობა და აკაკის მოყვრობაო!...“ ილიამ იცოდა,
გურიაში რომ იტყვიან, „მეზერში ჩასდევდა“, მაგრამ – მტერს, ხოლო აკაკი თავის
მახლობელსა და მოკეთესაც კი არ დაზოგავდა ხოლმე... მაჩაბლის ბედის შესახებ
აკაკისაგან ბევრს მოელოდა ხალხი, მაგას ეცოდინებაო, მაგრამ ვერაფერს გაიგებდი:
ხან რას იტყოდა – წყალშიაო, ხან რასა და ხან რას!...

* *
*

61 ბაგრატიონ-დავითიშვილები იყვნენ, ზემო ქართლელები.

 უნივერსიტეტი რომ დავამთავრე და თბილისში ჩამოვედი, პირველ ორ
წელიწადს ილიას იშვიათად ვხედავდი ხოლმე, მარტოოდენ კრებებზე. სხვაგან მას
ვერსად ვხვდებოდი და არც მის რედაქციაში დავდიოდი. მხოლოდ ერთხელ ვნახე,
მახსოვს, სხვებთან ერთად, შემთხვევით, რედაქციაში, რომელიც ფრეილინის
ქუჩაზე62 იმყოფებოდა. იმ საღამოს სულ იმაზე იყო საუბარი, თუ რა დიდად ავნო
ნიკო ნიკოლაძის სტატიამ, გაზეთ „Обзор“-ში დაბეჭდილმა, გიორგი
ქართველიშვილსა და ზეზემანს. სტატიაში აღწერილი იყო წარმოუდგენელი
ნიაღვარი ატენის ხეობაში, სადაც აღნიშნული პირები ერისთავისაგან იჯარით
აღებულ ტყეს ამუშავებდნენ: ნიაღვარმა აუარებელი დამუშავებული ხე-ტყე
იმსხვერპლა, მოიტაცა და ადიდებულ მტკვარს შერთოო. ამან დიდი ზარალი მიაყენა
ქართველიშვილსა და ზეზემანს და მათი წარმოებაც შეწყდა. ნიკოლაძეს დიდად
კიცხავდნენ, რაკი თავის სტატიაში საჯაროდ განაცხადა მათი ზარალი და ამით
მოიჯარადრეებს კომერციული ნდობა დაუკარგა. მაშინ ხომ კომერციულ
საქმიანობაში ნდობას ძალიან დიდი მნიშვნელობა ენიჭებოდა! მათ ალბათ ბანკიდან
სესხი ექნებოდათ აღებული და გაზეთი თუ გაუმჟღავნებდა ზარალს, შემდგომ სესხს
ვეღარ მიიღებდნენ. ილია ამბობდა, ნიკოლაძეს ეს არ უნდა ჩაედინაო...
„ივერიის“ რედაქცია შემდეგ გადავიდა ავჭალის ქუჩის63 დასაწყისში, სულ ახალ
სახლში, რომელიც აშენებული იყო ილიას თაოსნობით და მისი დის ელისაბედის,
საგინაშვილის ქვრივის საფასით. ილიამ ამ თავისი დის ხარჯითა და მის
სახელობაზე ორი სახლი ააშენა. ეს იმ ადგილასაა, რომელსაც ვორონცოვის ხიდი64
პირდაპირ უცქერის. ერთი სახლი ავჭალის ქუჩაზე გამოდიოდა, მეორე – უკანა
ქუჩაზე. მაშინ თბილისში შენობის აგება იაფი იყო. არსებობდა სახლთა
მაშენებლების რამდენიმე არტელი, რომლებიც ყველა სამუშაოს თითონ
კისრულობდნენ და მზა-მზარეულს აბარებდნენ პატრონს. შემდეგ პატრონები ამ
სახლებს ბანკში აგირავებდნენ და მეტწილად ამით იხდიდნენ აშენების ფასს.
გირაოს საფასურის შეტანა კი 20–30 წლობით გრძელდებოდა, ასე რომ, არ
უძნელდებოდათ. მახსოვს, ილიამ გვიამბო, თუ რა შესანიშნავად, ღირსეულად
აუშენა ქართველთა არტელმა ის ორი სახლი – სრულიად ყოველისფრით
დამთავრებული – და ბინათა გასაღებები ჩააბარა მას.
პირველ სახლში მოთავსდა ილიას სახლობა, ე.ი. თვით ილია, მისი მეუღლე
ოლგა თადეოზის ასული და ილიას და ელისაბედი. შვილი არც ერთს არა ჰყავდა.
სახლი ორსართულიანი იყო, მაგრამ სარდაფიცა ჰქონდა, ხოლო შიგნით, ეზოში,
მარცხნივ – ორსართულიანი წაგრძელებული დერეფანი, ფლიგელივით. სარდაფსა
და დერეფნის ქვედა სართულში გაზეთ „ივერიის“ სტამბა იყო. პირველი შენობის
ზედა სართული საგანგებოდ აშენდა ილიას ოჯახისათვის. მისი კაბინეტის
კედლები, შესავალს მარცხნივ, დამშვენებული იყო ისტორიული სურათებით: შოთა
რუსთაველის, თამარ მეფის, დავით აღმაშენებლის პორტრეტებით და სხვ.
დანარჩენი სამი ბინა – ზედა სართულის მარჯვენა მხარე, პირველი სართული და
აგრეთვე ილიას ბინის ქვემოთ მდებარე ბინა – გაქირავებული ჰქონდათ. ზედა
მარჯვენა ბინაში, მახსოვს ვექილი ალექსანდრე ჭყონია იდგა. სხვა მდგმურები ვინ

62 ახლა სულხან-საბას ქუჩა.

63 ახლა საბჭოს ქუჩაა, ერთხანს ჩერქეზიშვილის (ჩერქეზოვის) ქუჩაც ერქვა (რედაქციის ყოფილ
შენობაზე მემორიალური დაფაა).
64 ახლა კარლ მარქსის ხიდი.
იყვნენ, არ მაგონდება. ილიას ბინა ფართო ოთახებისაგან შედგებოდა. ეზოს მხრით
მას შუშაბანდიანი აივანიც ჰქონდა, ზაფხულობით შუშაბანდს ჩამოიღებდნენ და
ზამთრობით ისევ ჩადგამდნენ ხოლმე. დიდი მისაღები დარბაზი ორად იყო
გაყოფილი: პირველი ნაწილი მამაკაცებისათვის იყო, მეორე კი ქალების მისაღებს
წარმოადგენდა. ამ მისაღებ დარბაზს გასწვრივ, შუშაბანდისაკენ, დიდი სასადილო
ოთახი იყო. მასში ხუთშაბათობით იმართებოდა ხოლმე საღამო რედაქციის
წევრებისა და თანამშრომლებისათვის, რომელსაც ესწრებოდნენ ილიას სხვა (ბანკისა
და ა.შ.) თანამშრომლები თუ მეგობრებიც. იმ საღამოებზე ხშირად კითხულობდნენ
პოეტებისა და ლიტერატორთა ახალ ნაწარმოებებს, სტატიებს; იყო მსჯელობა
იმდროული ქართული საკითხების შესახებ. ყოველი საღამო თავდებოდა უბრალო
ვახშმით, რომლისთვისაც ღვინო ილიას მუდამ საგურამოს მამულიდან ჰქონდა
(ახლა რომ მწერალთა სახლი ყოფილა).
ილიას იმ ხუთშაბათ-საღამოებს მე ვესწრებოდი 1890 წლიდან, მას შემდეგ, რაც
„ივერია“-ში თანამშრომლობა დავიწყე და ჩემი „სამი ისტორიული ხრონიკა“
გამოვიდა.
ვახშამზე თამადად ყოველთვის ანტონ ფურცელაძე იყო ხოლმე... თუმცა
ძალიან მჭევრმეტყველი არ ეთქმოდა... იგი ილიას ძალიან პატივს სცემდა.
„ბანკოვიადა“ რომ შეიქნა მაჩაბელსა და ილიას შორის (განსაკუთრებით 1893–1894
წლებში), ანტონმა მაგრად დაუჭირა მხარი ილიას და ამით დაუახლოვდა მას. წინათ
ის დამფასებლად იყო საადგილმამულო ბანკში, მაგრამ მერმე დირექტორადაც
გავიდა, ხოლო ილიას შემდეგ – რამდენადაც მახსოვს – ბანკის თავმჯდომარედაც
კი... რაც შეეხება მის შემოქმედებას, ანტონი პისარევის მიმდევარი მწერალი იყო,
ნიღილისტური მიმართულებისა...
ილიას „ხუთშაბათობა“ დემოკრატიული საღამოები იყო, მაგრამ მას სხვა, უფრო
არისტოკრატიული საღამოებიც ჰქონდა ხოლმე. იგი დიდად მიღებული იყო იმ
წრეში, რომელშიც შედიოდნენ ქართველი დიდრონი თავადები: თბილისის
გუბერნატორი შარვაშიძე, გენერალი ნინიკა (ნიკა) ამილახვარი, გენერალი ზაქარია
ჭავჭავაძე (დიდი გენერალი იყო, კორპუსის ყოფილი მეთაური; მის ვაჟიშვილს მაქსი
ერქვა სახელად, ქალიშვილი ერთ რუმინელს ჰყავდა ცოლად) და სხვები. ისინი
ჩვეულებრივ აწყობდნენ ე. წ. „ჟურ-ფიქსებს“ და ილიას იწვევდნენ ხოლმე. მასაც,
რასაკვირველია, სამაგიერო უნდა გადაეხადა და იხდიდა კიდევაც. მაგრამ ასეთ
წვეულებაში ქართველი დემოკრატების გარევა მათთვისვე იქნებოდა უხერხული და
ილია არც ურევდა.
საზოგადოდ, მთავრობის უმაღლესი წრეები გარკვეულ ანგარიშს უწევდნენ
ილიას, ყურს უგდებდნენ მის აზრსა და შუამდგომლობას. მაგრამ ილია მაინც
წინდახედული იყო, და თუ რომელიმე უმაღლესი ხელისუფალი უხეშად იქცეოდა,
მასთან არავითარ ურთიერთობას არ იქონიებდა, არც ეჩვენებოდა და არც
საქმისათვის მივიდოდა. მაგალითად, მთავარმართებელი გოლიცინი ცნობილი იყო,
როგორც ნამდვილი „სოლდაფონი“: ვინც არ უნდა ხლებოდა, ყველას უყვიროდა და
უკმეხად ელაპარაკებოდა. ისე წავიდა ის გოლიცინი თბილისიდან, რომ ილიას არც
გაუცნია იგი და არც რაიმე საქმეზე მისულა, თუმცა თვით გოლიცინს ეწადა მისი
გაცნობა და არა ერთხელ უთქვამს თავისი ადიუტანტის, საშიკო ორბელიანისათვის,
„გამაცანით ილიაო!“ ვორონცოვ-დაშკოვთან და მის წინამორბედ შერემეტიევთან კი
ილია დაახლოებული იყო და ხშირად ქაღალდსაც კი ეთამაშებოდა ხოლმე. ერთხელ
თეატრში ყოფილიყო გოლიცინი და თანმხლებ საშიკო ორბელიანს დაენახვებინა
შორიდან, მათ პირდაპირ ლოჟაში მჯდარი ილია. გოლიცინს დურბინდით შეეხედა
ილიასათვის და ეთქვა: „რა შესანიშნავი თვალები აქვსო!“ ერთადერთი ქართველი
არისტოკრატი, რომელიც გოლიცინთან დაიარებოდა, კონსტანტინე (კოწია)
მუხრანსკი იყო. გოლიცინიც დადიოდა მის ოჯახში და ძალიან უნდოდა, რომ კოწია
გამხდარიყო თბილისის გუბერნიის თავად-აზნაურთა წინამძღოლი.
ადრე წინამძღოლად იყო დავით მელიქიშვილი, რომელიც მანამდე
ადიუტანტად ჰყავდა მეფისნაცვალსა თუ მთავარმართებელს (ძნელი
გასახსენებელია, ხან ერთი ერქვა იმ თანამდებობას და ხან მეორე!). გოლიცინი მასაც
უხეშად მოექცა, უყვიროდა ხოლმე და მელიქიშვილმა გათავისუფლება ითხოვა,
სამსახურს თავი დაანება. ეს მით უფრო აღსანიშნავია, რომ მელიქიშვილი ძმისწული
იყო ყოფილი მთავარმართებლის მოადგილისა და თან დიდი მომხრე იმისა, რომ
ქართველობას რუსეთის მთავრობასთან ლოიალური დამოკიდებულება ჰქონოდა.
ხშირად ამბობდა – ლოიალური ქცევით ბევრ რასმე გამოვიტანთ რუსებისაგან,
ხოლო ოპოზიციური ქცევით ყველაფერს დავკარგავთო. იგი დიდი მეგობარი იყო
შინაგან საქმეთა მინისტრის ვიტესი (რომელიც თბილისელი იყო) და იმას
ეუბნებოდა ხოლმე, – ეს ვინ გამოგვიგზავნეთ მთავარმართებლად, ნორმალური
კაცი არ არის, გადარეულიაო.
ერთადერთი ქართველი, შედარებით დაბალი წრის წარმომადგენელი,
რომელიც დადიოდა გოლიცინთან, იყო დავით სარაჯიშვილი – ჩვენებური
ბურჟუაზიის მეთაური. გოლიცინის ძმა დიდი მეურნე იყო, ღვინისა და შამპანურის
საქმეს განაგებდა ყირიმში და ძალიან მეგობრობდა სარაჯიშვილს. როდესაც ეს
უკანასკნელი გარდაიცვალა, აღმოჩნდა, რომ მას გოლიცინის ძმისათვის 70.000
მანეთი ესესხებინა და ის ფული სრულიად დაიკარგა. მემკვიდრეებმა ვერაფერი
მიიღეს... თუმცა ასეთი კარგი ურთიერთობა ჰქონდა გოლიცინთან და მის ძმასთან
სარაჯიშვილს, მაგრამ ერთხელ ისიც ჩავარდა, რომ იტყვიან „ხათაბალაში“. საქმე ასე
იყო: როგორც ცნობილია, სომხის ეკლესიას ძველი დროიდანვე უამრავი უძრავი
ქონება-მამულები ჰქონდა და დიდ შემოსავალსაც იღებდა იქიდან. მათ განაგებდა
სომეხთა პატრიარქი და შემოსავალს მეტწილად სკოლებს ახმარდა: მთელი მათი
მხარე მოფენილი იყო სასულიერო სასწავლებლებით. გოლიცინის წინადადებით,
მთავრობამ ჩამოართვა სომხის ეკლესიას ეს უძრავი ქონება და გადარიცხა
სახელმწიფო ფონდში (ჩვენს მართლმადიდებელ ეკლესიას ასეთი ქონება დიდი ხნის
ჩამორთმეული ჰქონდა). სომხები ბევრს ეხვეწნენ და ემუდარნენ, დაგვიბრუნეთო,
მაგრამ არაფერმა გასჭრა. მაშინ მათ გადაწყვიტეს გოლიცინის მოკვლა – როგორც
ამბობდნენ, ნაქირავები, ოსმალეთიდან ჩამოსული დაშნაკების ხელით. თავს
დაესხნენ იქ, სადაც კოჯრის გზა იწყება და თავდება გოლიცინის მიერ გაყვანილი
ძალიან კარგი ასასვლელით, რომელიც მანამდე ნამეტანი აღმართიანი იყო (ამის
მეტი კარგი საქმე ჩვენში გოლიცინს არ გაუკეთებია). იმ გზით უყვარდა ხოლმე
თითონ ეტლით გასეირნება კოჯრისაკენ. გოლიცინი ვერ მოკლეს, მაგრამ სასტიკად
კი დაჩეხეს სატევრებით, სულ თავ-პირში ურტყეს. თავდამსხმელები კაზაკებმა
დახოცეს. დაჭრილი და თავ-ყბაშეხვეული გოლიცინი კი სასახლეში იწვა. მთელმა
ჩინოვნიკობამ და მეგობრებმა, რა თქმა უნდა, თანაგრძნობა გამოუცხადეს. დავით
სარაჯიშვილიც, როგორც ოჯახის მეგობარი (მის ცოლთანაც კარგად იყო), ეახლა
თანაგრძნობის გამოსაცხადებლად და ნუგეშიხ საცემად. სხვათა შორის, ასეთი რამეც
უთხრა: „Ваше сиятельство (გოლიცინი თავადი იყო), нужно быть очень осторожным,
мало ли сумасшедших на свете?“ ამის გაგონებაზე გოლიცინმა თურმე უყვირა: „Ах, вы
сумасшедшими называете людей, которых армяне подкупили и направили для моего
убийства?!“ ცოლიც შეწუხდა, დავითს ენა ჩაუვარდა და აღარ იცოდა, რა ექნა. ცოლს
უთხრა, მე ნუგეშისცემა მინდოდა, სხვა არაფერი, მომეხმარე, რამენაირად
დაამშვიდეო!... ძალიან დამახასიათებელი ამბავია! ვერაფერი ნუგეში გამოუვიდა!
თავდასხმის ამბავი მიაფუჩეჩეს, რაკი თავდამსხმელები დახოცილი იყვნენ.
ცოტა ხანს მერე გოლიცინიც გადაიყვანეს კავკასიიდან: უხერხულად მიიჩნიეს მისი
აქ დატოვება. საერთოდ, მართლაც არ უყვრდა სომხები, წინააღმდეგ ვორონცოვ-
დაშკოვისა, რომელიც ძალიან სწყალობდა მათ და თავისი ცოლის გავლენით (რუსის
ქალი კი იყო, მაგრამ მეტისმეტად დაახლოებული ჰყავდა სომხის ეპისკოპოსები და
ბერები, რომლებიც ყოველმხრივ სარგებლობდნენ ამით და ბევრ საქმეს
აკეთებინებდნენ მეფისნაცვალს სომხებისათვის).
დავით სარაჯიშვილის ანდერძის მიხედვით, ჩვენს საისტორიო-საეთნოგრაფიო
საზოგადოებას უნდა მიეღო, სხვა თანხის გარდა, აგრეთვე მეოთხედი იმ 70.000
მანეთისა (ე.ი. 17.500 მანეთი), თუკი გოლიცინისაგან მივიღებდით უკან სესხს.
მაგრამ, რა თქმა უნდა, გოლიცინს ვალი არ გადაუხდია, მერე რევოლუციამაც
მოუსწრო და, როგორც ვთქვი, ის ფული დაიკარგა. ეს მით უფრო საკვირველი იყო,
რომ საერთოდ დავით სარაჯიშვილი ფულს არავის ასესხებდა ხოლმე. მაგრამ
ეტყობა, რუსის დიდ მოხელეს უარი ვერ უთხრა...
ახლა დავუბრუნდეთ ილიას.
ჩვეულებრივ, როდესაც ქართველებს და მათ შორის საზოგადო მოღვაწეებს
რაიმე საქმე ჰქონდათ რუსეთის მთავრობასთან და მოხელეებთან, ილია უნდა
წაემძღვარებინათ ხოლმე: უმისოდ მთავრობის წარმომადგენელნი ქართველებს ან
არ მიიღებდნენ, ან, თუ მიიღებდენენ, მათ სათხოვარს ყურადღებას არ მიაქცევდნენ.
ილიას, ბუნებრივია, დიდად ეზარებოდა ამ როლის შესრულება და ხშირადაც
ყოყმანობდა წაყოლაზე, მით უმეტეს, რომ ზოგჯერ აგზავნიდნენ ისეთი საკითხის
გამო, რომელსაც იგი ნაკლებ იცნობდა. მაგრამ რაკი სხვა შესაფერისი ადამიანი არა
გვყავდა, მაინც ყოველთვის მას აკისრებდნენ ყველა საქმეს.
მოვიყვან ერთ მაგალითს. როდესაც ქართული ეკლესიის ავტოკეფალიის, ე.ი.
თვითმმართველობის დამოუკიდებლობის საკითხი დაისვა, ეს საკითხი დიდხანს
იყო მსჯელობის საგანი, ბევრი წიგნი და წერილი დაიბეჭდა ქართულსა თუ რუსულ
ჟურნალ-გაზეთებში. წარმოიდგინეთ, ამ საქმეში მედგრად გვეხმარებოდნენ რუსის
სლავიანოფილებიც! ისინი არ სცნობდნენ სინოდს, რაკი ძველად რუსეთში
პატრიარქის მართველობა იყო, და მოითხოვდნენ პატრიარქობის აღდგენას როგორც
რუსეთში, ისე საქართველოში! მათი მეთაური (გვარი არ მახსენდება, დიდად
მიღებული და გავლენიანი პირი კი იყო!) სულ ერთთავად იმის პროპაგანდას
ეწეოდა, რომ სინოდი უხეშად იქცევა და რომ რუსეთშიცა და საქართველოშიც კვლავ
თავ-თავისი საპატრიარქოები უნდა აღდგესო. „საქართველო უძველესი
ქრისტიანული სახელმწიფო იყო. მან ქრისტიანობა მაშინ მიიღო, როდესაც რუსეთის
სახელმწიფო ჯერ არ არსებობდა და რუსები არც იყვნენ ქრისტიანებიო; მათი
ეპისკოპოზი, ყოვლად სამღვდელო კირიონი, რომელიც საქართველოში პატრიარქად
უნდა იყოს, ჩვენ მთავრობას სამშობლოდან გამოდევნილი ჰყავს და ემიგრანტობაში
იტანჯებაო“. პირდაპირ ასე აცხადებდა ის სლავიანოფილების თავი კაცი (კირიონი
ერთხანს შიდა რუსეთში იყო მღვდელმთავრად, მერე იალტაში ვნახე, ხოლო
რევოლუციის შემდეგ მართლაც გახდა საქართველოს განახლებული
ავტოკეფალური ეკლესიის პირველი კათალიკოსი, თუმცა კი ძალიან მალე
გარდაიცვალა...). სლავიანოფილების ასეთმა პროპაგანდამ და ჩვენმა მოთხოვნამ
იმდენად იმოქმედა ნიკოლოზ მეორეზე, რომ მან დანიშნა სპეციალური კომისია, ე.წ.
„превсоборная комиссия“, რომელსაც უნდა განეხილა საქართველოს ავტოკეფალიის
საკითხი, ვინაიდან რუსის ჩინოვნიკური სამღვდელოება სინოდისა ამტკიცებდა,
რომ საქართველოს ეკლესიას არასოდეს ავტოკეფალია არა ჰქონია, რომ იგი მუდამ
ანტიოქიისა და სხვა საპატრიარქოებს ეკუთვნოდა და ექვემდებარებოდა და სხვა.
ამ კომისიის სხდომა, როგორც ცნობილია («Церковный Вестник»-ში წერია ეს
ამბები), შედგა რუსეთის ერთ-ერთ ქვემო ქალაქში. საქართველოდან მას დაესწრნენ
ეპისკოპოსები: ლეონიდე და კირიონი; პროფესორები: ალექსანდრე ცაგარელი და
ნიკო მარი... ამ საკითხს შეიძლება სხვა დროსაც დავუბრუნდეთ, ახლა კი ისევ ილიას
შესახებ ვიტყვი.
ჩვენ გვინდოდა, რომ საქართველოსათვის ამ საკითხში მხარი დაეჭირა
მეფისნაცვალს ვორონცოვ-დაშკოვსაც. ვაწყობდით კრებებს, ილიას თანდასწრებით,
ვაგროვებდით ცნობებს და ილიას ვაკისრებდით, პირადად მოლაპარაკებოდა ამ
საკითხზე ვორონცოვ-დაშკოვს. ილია უარზე იდგა და გვეუბნებოდა, მაგ თქვენი
„კეფალიისა“ (ასე უწოდებდა ირონიულად ავტოკეფალიას) არა გამეგება რა და ვინმე
სხვა მიგზავნეთო. მაგრამ ჩვენ, რასაკვირველია, არ მოვეშვით და ბოლოს ვაიძულეთ
ილია დათანხმებულიყო. თან, რაც შეგვეძლო, ვუხსნიდით და ვუმარტავდით საქმის
არსს. ბოლოს ილია წავიდა მეფისნაცვალთან. დიდხანს ესაუბრნა მასთან.
ვორონცოვ-დაშკოვს ეთქვა, დამარწმუნეთ, რომ ეგ ავტოკეფალია სასარგებლო იქნება
საქართველოსთვისაც და რუსეთისთვისაც და მაშინ დაგიჭერთ მხარსო. ილიას
ეპასუხნა, მე კი დამარწმუნეს, რომ საჭიროც არის და სასარგებლოცაო. მერმე
შექნოდათ მსჯელობა. ბოლოს ილიამ მოგვიტანა ამბავი: „ამ ვორონცოვმა ყველა
გარემოება ჩვენზე უკეთ იცის და პირში ბურთი ჩაგვჩარაო; მითხრა, ეკლესია
ღმერთს ეხვეწება ყველა ქრისტიანული ეკლესიის შეერთებას და თქვენ კი არსებული
ერთობის დაშლა გსურთო; განა გაგონილა, ერთ მართლმადიდებელ სახელმწიფოში
ორი სხვადასხვა საკათალიკოსო არსებობდესო?“ ეს რომ მოვისმინე, შევეკითხე:
„ბატონო ილია, განა არ უთხარით, რომ ბიზანტია ერთი სამართლმადიდებლო
სახელმწიფო იყო, მაგრამ მასში ოთხი ავტოკეფალური საპატრიარქო არსებობდა:
კონსტანტინეპოლისა, იერუსალიმისა, ანტიოქიისა და ალექსანდრიის- მეთქი?“
ამაზე ილია ცოტა შეჩერდა, შემომხედა თვალებში და მიპასუხა: „აკი გითხარით, მაგ
თქვენი კეფალიისა არაფერი მესმის და ნუ გამგზავნით-მეთქი?!“ საერთოდ არ
ეხალისებოდა აღიარება, თუ რამეში შეცდებოდა ხოლმე, მაგრამ ამ შემთხვევაში კი
გამოტყდა. რა თქმა უნდა, ილიამ იცოდა ეს ყოველივე, მაგრამ მეფისნაცვალთან
საუბრისას აღარ მოაგონდა. ყველაფერი ხომ არ გაგახსენდება კაცს?! – მით უმეტეს,
ასეთი ოფიციალური მიღების დროს!..
ბოლოს და ბოლოს, გადავწყვიტეთ დიდი დემონსტრაცია მოგვეწყო და
ავტოკეფალია მოგვეთხოვა. თან უნდა წაგვეღო ბაირაღები და პლაკატები
წარწერებით: „აღგვიდგინეთ ავტოკეფალია“ და სხვ. წამოიჭრა საკითხი: ვინ უნდა
გასძღოლოდა წინ ამ არაჩვეულებრივ დემონსტრაციას? ილიამ გვითხრა: „თუ
საჭიროა, მე წაგიძღვებითო!“
ამ მსჯელობაში მონაწილეობდნენ: ქართველი სამღვდელოების
წარმომადგენლები, ქართველი მასწავლებლები, მრევლთა წარმომადგენლები,
ცალკეული მორწმუნენი. ილიას ბინაზე ვიკრიბებოდით ხოლმე. გვესწრებოდა ექიმი
ვახტანგ ღამბაშიძეც (დეკანოზ დავით ღამბაშიძის ჟურნალ „მწყემსი“-ს რედაქტორის
შვილი), რომელიც კარგად ერკვეოდა საეკლესიო საკითხებში და უხსნიდა ილიას,
ჩრდილოეთის საპატრიარქოს ჩვენი, ბევრად უფრო ძველი ეკლესიის გამგებლობის
უფლება არა აქვსო. იაკობ გოგებაშვილიც ესწრებოდა ხოლმე სხდომებს და
მონაწილეობდა მსჯელობაში და ბევრი სხვაც. ერთი სიტყვით, ფართო საზოგადოება
იყო ამ საქმეში ჩაბმული.
მაგრამ განზრახული დემონსტრაციის მოწყობა აღარ დაგვჭირდა, ვინაიდან
ჯერ იყო და 1905 წლის რევოლუციამ სასტიკი ხასიათი მიიღო და ბოლოს კი, 1917
წელს, საქართველოს ეკლესია, ასე ვთქვათ, რევოლუციურად ჩამოშორდა
რუსეთისას.
ილიას განცხადებამ, „მე წაგიძღვებითო“, ყველა გააკვირვა იმიტომ, რომ ის
უფრო თავდაჭერილ კაცად მიაჩნდათ.
წ./კ. საზ-ბის გამგეობის კრებაზე ილიას დასწრება იმდენად საჭირო არ იყო,
რამდენადაც მისი წასვლა ადმინისტრაციულ პირებთან, რომელნიც ხშირად
ერეოდნენ საზოგადოების საქმეში და ხელს გვიშლიდნენ. ასეთები იყვნენ სახალხო
ინსპექტორები, მზრუნველი, მისი თანაშემწენი, ექზარქოსი და სხვები. ილია
საქმეებით მეტად დატვირთული იყო და ხშირად ვერ ახერხებდა ყველა ამ პირთან
სიარულს.
ერთხელ ი. გოგებაშვილმა მიმიწვია კრებაზე, რომელსაც დაესწრო
დაახლოებით 30 კაცი. ამ კრებაზე მან განაცხადა: „ჩვენი საქმეები ძალიან ცუდად
მიდის, კაცი არა გვყავს, რომ სხვადასხვა დაწესებულების წარმომადგენლებთან
განუწყვეტლივ იაროს ან ჩვენ წაგვყვეს, რომ მათ ჩვენი ჭირ-ვარამი ავუხსნათ და
უსამართლობაზე ხელი ავაღებინოთო. ილია საქმეებით არის დატვირთული და მას
ასე ხშირად ვერ ვაწუხებთ და თუ კაცი ვერ ვიშოვეთ, რომელსაც მთავრობა ასე თუ
ისე ანგარიშს გაუწევს, ვერაფერს ვერ გავხდებითო“.
ვანო მაჩაბელმა თქვა: „ასეთი კაცი ჩვენ გვყავს. ეს არის თბილისის მაზრის
თავადაზნაურთა წინამძღოლი შაქრო მაღალაშვილი. თუ მას ამოირჩევთ წერა-
კითხვის საზოგადოების თავმჯდომარედ, დიდად გამოგვადგებაო“.
გადაწყვიტეს, ის აერჩიათ თავმჯდომარედ. ვ. მაჩაბელს წინასწარ ამის ნება არ
უთხოვია მაღალაშვილისაგან, რომელიც კარგ განწყობილებაში იყო ილიასთან და
ამიტომ შეიძლება თავმჯდომარეობაზე არ დათანხმებულიყო, მაგრამ ვანო
დარწმუნებული იყო, რომ მაღალაშვილი უარს არ იტყოდა, თუკი მას ამოირჩევდნენ.
დადგა არჩევნების დღე. ილია თავმჯდომარეობდა. სხვა საქმეები რომ გათავდა,
ჯერი მიდგა თავმჯდომარის არჩევაზე. მაშინ კანდიდატების წინდაწინ დასახელება
არ იყო მიღებული, დამსწრეთ ბარათებით უნდა დაესახელებინათ, ვინ უნდოდათ
თავმჯდომარედ. ჩატარდა არჩევნები და შეკრიბეს ბარათები. ილიამ დაიწყო
ბარათების კითხვა. მდივანი წერდა ხმათა ანგარიშს. საბოლოოდ აღმოჩნდა, რომ
ილიამ მეტი ხმა მიიღო, ვიდრე მაღალაშვილმა და ამგვარად, ისევ ილია დარჩა
თავმჯდომარედ.
ეს პირველი კრება იყო, რომელზედაც საზოგადოების თავმჯდომარედ სხვა
კანდიდატი იყო დასახელებული მის წინააღმდეგ და ამან ილიაზე ცუდი
შთაბეჭდილება მოახდინა.
მართლაც, დიდი უხერხულობა იყო იმაში, რომ ახალი თავმჯდომარე
დასახელებული იყო ილიასთან წინასწარ შეუთანხმებლად, რომელსაც ასეთი
განსაკუთრებული, განუზომლად დიდი ღვაწლი მიუძღოდა საზოგადოების წინაშე.
როდესაც ილია აირჩიეს უმაღლესი საბჭოს სათათბიროს წევრად, წერა-კითხვის
საზოგადოების თავმჯდომარეობიდან გადადგა, მის მაგიერ კი გიორგი ყაზბეგი იქნა
არჩეული.
ბოლო ხანებში მეფის რუსეთის მთავრობა უკვე დიდი ეჭვით უცქერდა ილიას
და თვალყურს ადევნებდა მის მოქმედებას.
 მაგონდება ილიას მონაწილეობა გაბრიელ ეპისკოპოსის (ერისკაცობაში
გერასიმე ქიქოძის) დაკრძალვაში და ცოტა რამე ამის შესახებაც უნდა ვთქვა.
გაბრიელ ეპისკოპოსზე ილია დიდი აზრისა იყო. ერთ ხუთშაბათ საღამოს რომ
ვიყავით ილიასთან შეკრებილი, წამოიჭრა საკითხი: მთავრობა უწევს რაიმე ანგარიშს
ქართველ მოღვაწეთა ნათქვამს თუ არაო? ილიამ სთქვა: „კაცმა იცისო! მაგალითად,
რასაც გაბრიელ ეპისკოპოსი იტყვის, იმას დიდ ანგარიშს უწევენო. ეკლესიის
საკითხებში ანგარიშს უწევენ ნიკო ამილახვარსაცო“. ის ნიკო ამილახვარი დიდი
მორწმუნე კაცი იყო და პირდაპირ ეგზარქოსსა და ეკლესიის სხვა მეთაურებს
მიმართავდა ხოლმე, საქმე საქმეზე რომ მიდგებოდა. ერთხანს ხომ აკრძალეს
ლოცვანისა და სხვა საეკლესიო წიგნების ქართულად ბეჭდვა! ჰოდა, ნიკო
ამილახვარმაც უთხრა ეგზარქოსს: „Я перестал молитьсия, потому, что мой
грузинский напечатанный молитвенник истрепался, Ваш русский молитвенник я не
понимаю, а Вы приостановили издание молитвенников на грузинском языке!“
ეგზარქოსი ამ სიტყვებზე შემკრთალიყო და ეთქვა: „Никогда не запрещал издание
грузинского молитвенника, это недоразумение!“ მაშინვე გაეცა ლოცვანის დაბეჭდვის
ბრძანება.
გაბრიელ ეპისკოპოსი რომ გარდაიცვალა (1896 წ.), ქუთაისის ინტელიგენციამ
ერთობ დააყოვნა მისი დამარხვა, რათა საუკეთესოდ მოემზადებინა ქართველი
ხალხი მიცვალებულის პატივსაცემად: სასტიკი, გაჭიანურებული ზამთარი იდგა და
უგზოობის გამო ხალხი ვერ ჩადიოდა. დამარხვა იმა წლის მაისში მოხდა მხოლოდ,
გელათის მონასტერში. ბოლოს, როდესაც როგორც იქნა, დანიშნეს დაკრძალვის დღე,
თბილისის ყველა დაწესებულებიდან წავედით დეპუტატები და ჩვენ შორის, რა
თქმა უნდა, ილიაც. მას გამზადებული ჰქონდა სიტყვა, რომელიც საფლავზე უნდა
ეთქვა, მიცვალებულის ცხედარი ძვალ-ტყავად ჩანდა, არც შექანებულიყო, ისე,
ცივად იყო შენახული. მართალია, მღვდელმთავარს არ შეშვენოდა ასეთი
გაუთავებელი გლოვა, მაგრამ ქართველების – მეტადრე დასავლელების – ამბავი ხომ
მოგეხსენებათ ამ საკითხში, იმხანად?!
მატარებელში ერთად შევიყარენით: მე, ილია ჭავჭავაძე, ლევან ჯანდიერი, ვანო
რატიშვილი, ანდრია ღულაძე და სხვები აღარ მახსოვს. ლევან ჯანდიერი თბილისის
მაზრის უფროსი იყო, ილიას დიდი მეგობარი და ერთგული მომხრე; უაღრესად
კარგი, ჭკვიანი და საზრიანი ქართველი, ნამდვილი საქმის კაცი, უკეთესი არ
შეიძლებოდა. მისი თაოსნობა იყო, მთიულები რომ გადმოასახლა მანგლისის
მხარეში და კავთისხევში. ივანე რატიშვილი, მასწავლებელი, მე დავნიშნე
სათავადაზნაურო სკოლის დეპუტატად გაბრიელის დაკრძალვაზე. ძალიან კარგი,
რაღაც ღვთიური კაცი იყო და ასეთ სიტყვებს ხომ შესანიშნავად ამბობდა ხოლმე!
სულ სხვანაირი იყო ანდრია ღულაძე – ნაკლებ განათლებული, მაგრამ დიდი
ფართი-ფურთისა და პრეტენზიის კაცი. ხან რას აკეთებდა, ხან რას: ერთ დროს
საბავშვო ჟურნალს სცემდა65, მერე ცენზორი იყო, იმხანად კი რომელიღაც უცხო
გაზეთების თუ სხვა რაღაცის კორესპონდენტად მუშაობდა და ასე... სრულიად არ
ჰგავდა იგი თავის ძმას – იაკობს, პედაგოგს, გიმნაზიის ინსპექტორს, დიდად
განათლებულ კაცს... სწორედ გელათს ჩვენი გამგზავრების წინ გაეგზავნა ანდრიას
დეპეშა საზღვარგარეთული გაზეთებისათვის, ერთ-ერთი უცხოელი

65 ჟურნ. «ნობათი».
კორესპონდენტის შესახებ: „თბილისიდან ინდოეთში გაემგზავრა და ამას დიდი
პოლიტიკური მნიშვნელობა აქვს სამხრეთი აზიისთვისო“. ეს შენიშვნა უკვე თავის
მხრივ დაურთო, ვითომდა საქმეში ჩახედულობის გამოსამჟღავნებლად. ილიას
უყვარდა ასეთი პრეტენზიების მქონე „ინტელიგენტების“ გაქირდვა და გზაში სულ
ეკითხებოდა: „როგორ იყო, ანდრია, დიდ პოლიტიკურ ფაქტად რომ გამოაცხადე იმ
კორესპონდენტის ინდოეთში წასვლაო?“ ისიც იცინოდა, აბა რას იტყოდა? აკაკიმაც
იცოდა ხოლმე ანდრია ღულაძეზე ოხუნჯობა... ანდრიას დიდ პატრიოტად
მოჰქონდა თავი. სხვათა შორის, ძალიან უყვარდა სამგლოვიარო პროცესების
მოწყობის გამგეობა და სხვა ასეთი საქმეები და ჩვენც მართლა პატრიოტი გვეგონა...
ჩვენს ხანში შესულ ქალებსაც მოსწონდათ. ერთმა ასეთმა ქალმა, რომელიც
პოეტობდა, შეიყვარა კიდევაც...
მატარებელში ვიღაცა ჩვენგანს ცხიკვება აუვარდა. ცივი დარი იყო. ილიამ
სთქვა, მაგისი არაფერი ვიციო, ე.ი. ჩემს დღეში ცხვირს არ მაცემინებსო. მაგრამ
გელათში რომ ავედით, მეორე დღეს, იქ ილიამაც დააცემინა ცხვირს – სინოტივე იყო
და ალბათ იმის გამო. მაშინ თქვა, „გუშინ ტყუილად დავიკვეხეო!“
ჩვენთან ერთად მოდიოდა კიდევ ნიკო ღოღობერიძე და მან გვიმასპინძლა
ქუთაისში. თბილისიდან საღამოს გასულნი ქუთაისში დილას ჩავედით და მაშინვე
გავემგზავრეთ ეტლებით გელათისაკენ. ცოტა თოვლი ჯერ კიდევ იდო გზაზე.
იმ დროს ქუთაისის პოლიცმეისტერად იყო, თუ არ ვცდები, ვინმე
სიმონიშვილი, რომელსაც ქართველებს შორის ძალიან ცუდი სახელი ჰქონდა
გავარდნილი, დამსახურებისათვის ყველაფერს ჩაიდენსო. ლევან ჯანდიერს შეეტყო
და ჩვენც გვაცნობა, რომ იმ სიმონიშვილს თბილისიდან ზედიზედ მისდიოდა
დეპეშები: „Следить за Ильей Чавчавадзе и записать каждое слово, что он скажет“ .
გაბრიელ ეპისკოპოსის ცხედარი, რა თქმა უნდა, გელათის ეკლესიაში იყო
დასვენებული, საკურთხევლის წინ. ხალხი მოდიოდა, მჭიდროდ ერტყმოდა კუბოს
გარშემო და იყო გაუთავებელი სიტყვები. ზედიზედ გამოდიოდნენ იმერელი
ახალგაზრდები თუ სხვები და უზომოდ ენამზეობდნენ, რომ საუკეთესო
ორატორებად ეჩვენებინათ თავი. როგორც აღვნიშნე, ეს, რა თქმა უნდა, სრულიად არ
შეეფერებოდა ეპისკოპოსს და მეტადრე ასკეტური სულისკვეთებით გამსჭვალულ
გაბრიელს, რომელიც სიცოცხლეში სწორედ რომ არ თანაუგრძნობდა ხოლმე ასეთ
საქციელს.
ამ მდგომარეობაში ვიყავით, რომ საღამო შემოგვესწრო და ილიამ გვითხრა:
„ჩემი სიტყვის თქმა აღარ ღირს, მაგრამ ცოტა ხანს კიდევ დავიცადოთ და მერე კი
წავიდეთო“. ბოლოს მანვე გვითხრა, „მივიდეთ ახლა და გამოვეთხოვოთ
მიცვალებულსაო“. მე წინდაწინ მივედი კუბოს ირგვლივ შემორტყმულ ხალხთან,
რამდენადმე გავთიშე იგი და ხმამაღლა დავიძახე: „ბატონებო, ცოტა ჩამოდექით და
გზა მოგვეცით, ბატონს ილია ჭავჭავაძეს აქვს სიტყვა-მეთქი“. ერთი სიტყვით,
„პროვოკაცია“ მოვუწყე ილიას! ხალხი მაშინვე გაიშალა, ილიაც წამოდგა და
წარმოსთქვა სიტყვა. მას დიდი პატივისცემითა და აღტაცებით მოუსმინა დიდძალმა
ხალხმა, როელსაც გაეჭედა ეკლესია. ლევან ჯანდიერს ეს ძალიან იამა და მადლობა
მითხრა, რომ ვაიძულე ილია და ვათქმევინე სიტყვა. ეს უკანასკნელი მართლაც
შესანიშნავი იყო, კარგად ჰქონდა ილიას მომზადებული და წინასწარვე გაგვაცნო;
მერე დაიბეჭდა კიდევაც. თითონ ილიაც კმაყოფილი დარჩა, რომ სთქვა.
გელათში მცირეოდენი გვასაუზმეს, მაგრამ არ გვეყო და ქუთაისში
მოშივებულნი ჩამოვედით. ნიკო ღოღობერიძემ სადილის საჭმელად შეგვიყვანა
ხიდის მახლობლად მდებარე სასტუმროში. შევედით დარბაზში, რომელიც იმავე
დროს სასადილოც იყო და დავინახეთ, რომ სუფრას მრავლად შემოსხდომოდნენ
მოქეიფენი პოეტ გიორგი შარვაშიძის მეთაურობით. მათ შორის იყო ლეჩხუმის
მაზრის თავად-აზნაურთა წინამძღოლი იასონ გელოვანიც. უკვე ყველანი
შემთვრალიყვნენ და მალიმალ გალობდნენ საეკლესიო ჰანგს: „განუსვენე, უფალო,
სულსა მიცვალებულისა მონისა შენისასაო“. რომ დაგვინახეს, ყველანი წამოდგნენ
და შარვაშიძემ წამოიძახა: „ო-ო-ო, ილია გრიგორიჩ! რა სასიამოვნო სტუმარია! აბა,
ახალი სუფრაო!“ მივუჯექით მაგიდას. მთვრალმა მასპინძლებმა დაადგინეს, რომ
ჯერ დაგველია იმათი სადღეგრძელო, ვინც იქ ჩვენ შესვლამდე ისხდნენ და მერე
განეგრძოთ სადღეგრძელოები. მაგრამ ილიას სადღეგრძელო მაინც პირველად
შესვეს. კაი გვარიანი ჭიქები იყო; ხუთ-ხუთი დაგვიდგეს თეფშზე და შემოგვთავაზეს
დალევა, მაგრამ ნიკო ღოღობერიძემ სთხოვა, მშივრები ვართ, ცოტა გვაცალეთ,
საჭმელი ვჭამოთ და მერე ყველას გიახლებითო. დაგვეთანხმდნენ. ილია
ჩვეულებრივ მადიანად შეუდგა ჭამას და თან ღვინოსაც უანგარიშოდ სვამდა. იმ
ლაპარაკსა და სმაში ჩემ გვერდით მჯდომმა ნიკო ღოღობერიძემ გადაუჩურჩულა
ლაქიას, ილიას ააცილეთ ის ხუთი ჭიქაო: ეშინოდათ, არ აწყინოსო. ლაქიამ მართლაც
მოახერხა ილიასათვის იმ ხუთი ჭიქის აცილება და სხვებმაც, ჩვენთან მოსულებმა,
ვისაც არ შეეძლო სმა, უარი თქვეს – მათ შორის, რა თქმა უნდა, ნიკო
ღოღობერიძემაც, რომელსაც გული სუსტი ჰქონდა და ღვინო სწყენდა. უარი სთქვა
მისმა ძმამაც, სიმონ ღოღობერიძემ, რომელიც წინათ ისტორიას ასწავლიდა
ქუთაისის გიმნაზიაში. იმ დროს უკვე გადამდგარიყო სახელმწიფო სამსახურიდან
და კერძო სათავადაზნაურო სკოლის გამგედ იყო დანიშნული. თამადას, გიორგი
შერვაშიძეს ღვინო მოკიდებული ჰქონდა და მკვახედ მიმართა სიმონ ღოღობერიძეს:
„ასე, თქვენ არასოდეს არ გვიჭერთ მხარს საზოგადო საქმეებშიო“ და ამისთანები...
მერე მოყვნენ ჩვენ სადღეგრძელოებს და როდესაც ილიას ერთი ჩვენგანის
სადღეგრძელო-ღა დარჩა დაულეველი, უთხრეს, მიირთვიო. ილიამ უპასუხა: „დიდი
სიამოვნებით გიახლებით, მაგრამ გულს მაკლია, რომ პირველად დასალევი ხუთი
ჭიქა არ შემისვამსო“. – „ა-ტა-ტა-ტა, ეგ როგორ მოხდა, ახლავე მოართვით ილიას ის
ხუთი ჭიქაო!“ – დაიძახა თამადამ, ნიკო ღოღობერიძემ, ხელი წამკრა და მითხრა:
„საკვირველი კაცია ეს ილიაო!“ მოართვეს „აცილებული“ ხუთი ჭიქა, ილიამაც ნელ-
ნელა, გემრიელად შესვა და ბოლოს იმ ჩვენი ამხანაგის სადღეგრძელოც დალია...
მართლაც საოცარი კაცი იყო! „გულს მაკლიაო“, დინჯად, სერიოზულად უთხრა: არ
უნდოდა, რომ ვისმე ჩამორჩენოდა იქა!
ილია სიმონ ღოღობერიძის ბინაზე მოათავსეს. მე მეორე დღეს, ადრევე
გამოვბრუნდი თბილისს, ილია კი იქ დარჩა, არ მახსოვს, რამდენ დღეს. მისთვის
ეჩვენებინათ ქუთაისის სათავადაზნაურო სკოლა და სხვა მეგობრები...
გაბრიელ ეპისკოპოსის შესახებ ორიოდე სიტყვა კიდევ უნდა ვთქვა: პირველად
იგი ახლო ვნახე საღმრთო რჯულის გამოცდის დროს, როდესაც ოთხკლასიან
პროგიმნაზიას ვათავებდი ქუთაისში. ის გამოცდაზე დასასწრებად სკოლის
ინსპექტორმა იუდინმა და საღმრთო სჯულის მასწავლებელმა მოიწვიეს.
მართლმადიდებელი შეგირდები სულ ხუთი ვიყავით: მე, იოსებ დადიანი, შარუხია,
გორგასლიძე და ერთი რუსი (გვარი არ მახსოვს). ყველანი ერთად დაგვაყენეს
გაბრიელის წინ (ისე მოისურვა მან). გაბრიელთან იჯდა ინსპექტორი, მაჭავარიანი კი
თავზე გვედგა. ჯერ გვარები წაიკითხა, ჩემი გვარის შესახებ თქვა: „ეს გურულიაო“.
დაგვიწყეს გამოცდა: გვათქმევინეს ლოცვები, გვაამბობინეს სამღვთო ისტორიის
მოთხრობები; მერე გაბრიელმა გვკითხა, თუ რა სასწაულები მოახდინა იესო
ქრისტემ. ჩვენც დაწვრილებით ჩამოვუთვალეთ, რაც ვიცოდით. მან გვითხრა: „Такие
чудеса и другие святые совершали, – და დასძინა: а какое такое чудо совершил, какого
никто, кроме него, не совершил?“
ამ კითხვაზე ჩვენ მხოლოდ განვიმეორეთ ის, რაც წინეთ გვქონდა ნათქვამი:
„Слепых прозревал, бесноватых исцелял, Лазаря воскресил“... და სხვა. – „Нет, нет! Это
и другие делали“.
ჩვენ გაკვირვებით შევხედეთ ჩვენს მასწავლებელს მაჭავარიანს, რომლისგანაც
ასეთი კითხვა არ გვსმენოდა, და, რა თქმა უნდა, არც მისი პასუხი. მასაც გაკვირვება
ეტყობოდა და ცხადი იყო, არც მან იცოდა, რა პასუხი უნდა მიგვეცა. რაკი ჩვენ ვერას
გავხდით, გაბრიელმა თვით მოგვცა პასუხი:
„Себя воскресил! Себя воскресил!“
მე ვერ წარმომედგინა, რომ მკვდარი კაცი თავის თავს გააცოცხლებდა, ის სხვას
უნდა გაეცოცხლებინა, მაგრამ პირდაპირ ამისი ხმამაღლა განცხადება ვერ გავბედე
და თავჩაღუნულმა ჩავილაპარაკე:
– „Ведь у Христа был отец, Бог отец! Он его воскресил“. გაბრიელმა განმარტა:
„Бог отец, Бог Сын и Дух Святой одно единое Божество. Бог Сын явился на земле в
образе человека, чтобы своим страданием искупить род человеческий; после распятия
в нем умерла человеческая природа и не божественная, и эта божественная природа
снова воскресила себя в образе человека, чтобы показаться своим ученикам и убедить
их и весь мир, что Бог не умирает и не глазах учеников в образе человека вознесся на
небо и в образе человека явится в мир во время второго пришествия“... და სხვა.
შემდეგ გაბრიელი მე აღარ მინახავს, მაგრამ სხვებისაგან გამიგონია, რომ მან
ასეთი კითხვების წამოყენება სხვა გამოცდების დროსაც იცოდა.
გაბრიელი სპეტაკი ზნეობის მღვდელმთავარი იყო და ვერ ურიგდებოდა მისი
დროის იმ მღვდელმთავრებს, რომელთაც ასეთი ზნეობა აკლდათ. მის დროს
სამეგრელოს მღვდელმთავრად იყო გრიგოლ დადიანი, რომელსაც ბევრ უზნეობას
სწამებდნენ. გაბრიელს ჩამოეგდო ამის შესახებ მასთან ლაპარაკი. დადიანს ეს
შეურაცხყოფად მიეღო და ეთქვა: „მეც ისეთივე მღვდელმთავარი ვარ, როგორც
თქვენ, და ასეთი ამბავი ჩვენს შორის არ ეგებისო“. გაბრიელს უპასუხია: „მართალია,
მღვდელმთავარი კი ხართ, მაგრამ პავლე მოციქული ამბობს, ვამხილოთ
ერთმანეთიო“.
ახლა ზოგი რამ ილიას ოჯახური ცხოვრების შესახებ.
როგორც უკვე აღვნიშნე, ჩემ დროს ილია თბილისში ცხოვრობდა თავის მიერ
აშენებულ, მაგრამ დის კუთვნილ სახლში. არ ვიცი, უწინაც მასთან ერთად იდგა მისი
და თუ არა, მაგრამ ის კი ვიცი, რომ იმ ახალ ბინაში ოჯახს მაინცდამაინც
შეხმატკბილებული ცხოვრება არ ჰქონია. მათი შინაური ამბები ვიცი ელენე გიორგის
ასული ჯაბადარისაგან. იგი რუსის ქალი იყო, სპირიდონ ჯაბადარის მეუღლე.
სათავადაზნაურო სკოლის გამგეს, ჩემს წინამორბედს ალექსი ჭიჭინაძეს მიეწვია
ილიას რეკომენდაციით სკოლის პანსიონის ეკონომად და ჩემ დროსაც სულ
ბოლომდე იყო ის ქალი იმ თანამდებობაზე. სპირიდონ ჯაბადარი დიდი მეგობარი
ყოფილიყო ილიასი და ერთი იმ, მასთან დაახლოებულ მოღვაწეთაგანი, რომელნიც
ილიასთან ერთად ზრუნავდნენ საქართველოს საქმეებზე. ესენი იყვნენ: გიორგი
ყაზბეგი, ივანე პოლტარაცკი66, ნიკო ღოღობერიძე, დავით ყიფიანი, აკაკი წერეთელი,

66ივანე პოლტარაცკის, ე. თაყაიშვილის სიმამრს, თავის დროზე დაუწყია მოგონებათა წერა,

რომელშიც, სხვათა შორის, ასეთი ადგილიც ყოფილა: ჩვენი საუკეთესო მეგობრის, სპირიდონ
პეტრე ნაკაშიძე (ილია ნაკაშიძის მამა, ილია ჭავჭავაძის დიდი მეგობარი), ილია
წინამძღვრიშვილი, სერგეი მესხი და სხვები. მაგრამ ჯაბადარი ოჯახურადაც ახლოს
იყო დაკავშირებული ილიასთან: მათი ცოლები მეგობრები იყვნენ: ელენე ჯაბადარი
ჯეროვნად განათლებული ქალი იყო, კარგად იცოდა ფრანგული ენა, კარგად ესმოდა
და მეტად უყვარდა მუსიკა, გასაოცარი ენერგიის პატრონი იყო, დიდად პატიოსანი,
შეგნებული და კაცთმოყვარე. პანსიონერ ბავშვებს ნამდვილ დედობას უწევდა.
ილიასთან და მის ცოლთან სიახლოვე სიკვდილამდე არ შეუნელებია და ქმრის
სიკვდილის შემდეგ კიდევ უფრო განამტკიცა. ყოველ კვირა დღეს (როდესაც იგი
სამსახურისაგან თავისუფალი იყო) სადილად ეწვეოდა ხოლმე მათ. ილიას მეუღლე
ოლღაც ორ დღეში ერთხელ უსათუოდ მივიდოდა ელენესთან, მას შესჩიოდა თავის
დარდებს. რაც რამე ვიცი ილიას ოჯახური ცხოვრების შესახებ, ყველაფერი იმ
ელენესაგან მაქვს გაგონილი...
როგორ იხმარდა ილიას და ელისაბედი თავის შემოსავალს, ან რა ხარჯს ეწეოდა
ილიასთან ერთად ცხოვრებისას, არ ვიცი. ერთი კი ცხადია, რომ ილია მის სახლში
იდგა და ბინის ქირას არ იხდიდა. სანოვაგე კი – პური, ღვინო, ხილი, ქათამი,
ინდოური, გოჭი და სხვა – ილიას სულ ოლღას მამულიდან, საგურამოდან
ჩამოსდიოდა ხოლმე.
ილიას გაგიჟებით უყვარდა საგურამოს მამული და დიდი მეურნეობაც ჰქონდა
მოწყობილი იქ. მან, პირველ ყოვლისა, მშვენიერი სასახლე აიშენა. მამულიც მართლა
შესანიშნავი იყო – ლამაზი მდებარეობით, ჰავითა და მოსავლით. მაგრამ ილია მთელ
იმ რთულ მეურნეობას მოურავების ხელით აწარმოებდა და ისინი, რა თქმა უნდა,
ხეირს არ აყრიდნენ საქმეს.
ილია გატაცების კაცი იყო მეურნეობაში: როგორც კი ამოიკითხავდა გაზეთში
ახალი სასოფლო-სამეურნეო იარაღების შემოღების შესახებ, უსათუოდ გამოიწერდა
და გაუგზავნიდა ხოლმე მოურავს. მოურავებს მათი გამოყენებისა არაფერი
გაეგებოდათ და იარაღებიც სულ მალე ფუჭდებოდა – ხან ერთი ხრახნი
დაეკარგებოდათ, ხან მეორე და შემკეთებელიც არავინ იყო. რასაკვირველია, ყველა
იარაღის მოხმარებას თავისი სპეციალისტი სჭირდება და ეს სპეციალისტები კი

ჯაბადარის გვამს ვუდგავართ გარშემო (ჩამოთვლილია ზემოთ ხსენებული გვარები), ყველა 50 წელს
გადაცილებულნი ვართ და ძალაუნებურად ვფიქრობთ, აბა, ვინ წავა შემდეგიო. ვგრძნობ, რომ
ვალდებული ვარ, ბევრი რამ გავიხსენო და დავწეროო. მოგონებებს თურმე გიმნაზიის წლებიდან
იწყებდა: თვეში 3 მანეთი გვეძლეოდა, ოღონდ გვემეცადინაო. ქართველ თავად-აზნაურთა
შვილებთან ერთად უსწავლია. მის ამხანაგებს მშობლები ურმებით უზგავნიდნენ თურმე სანოვაგეს
პანსიონში და ა. შ.
გარდა ამ მოგონებებისა, ივ. პოლტარაცკის ვაჟს, ალექსანდრეს (ე. თაყაიშვილის ცოლისძმას)
ჰქონია მამამისის მიერ რუსულად ნათარგმნი «გლახის ნაამბობი», «კაცია-ადამიანი?!» და «ოთარაანთ
ქვრივი». ჰქონია აგრეთვე შავი დედანი თუ პირი მისი წერილისა ჟურნალ «Вестник Европы»-ს
რედაქტორისადმი, რომელშიც თურმე „ძალიან გულთბილად და გულისამაჩუყებლად“ სწერდა
საქართველოს შესახებ და სთხოვდა, დაებეჭდა ჟურნალში მისი ზემოთ ჩამოთვლილი თარგმანები.
თარგმანის ხელნაწერთა აშიებზე ილიას შენიშვნა-შესწორებანი ყოფილა. თარგმანები საქართველოს
ლიტერატურულ მუზეუმს შეუძენია ა. პოლტარაცკისაგან, ხოლო მოგონებანი და წერილი 1937 წელს,
ილიას სამზადისის დროს, გ. ლეონიძის მეშვეობით კრებულ «ლიტერატურული მემკვიდრეობის»
რედაქტორის – ლ. აღნიაშვილისათვის გადაუციათ და მისი დაღუპვის შემდეგ დაკარგულა [ი.
პოლტარაცკის რძლისა და ე. თაყაიშვილის შვილობილის ლიდია თაყაიშვილის სიტყვიერი ცნობა].
ჩვენში არსად იყვნენ. მახსენდება ერთი ამბავი: ილიასა და მის მეგობარს ივანე
პოლტარაცკის გაზეთში წაეკითხათ, რომ შეიძლება წიწილების უკრუხოდ გამოჩეკა
და თანაც ერთბაშად 500-სა და მეტისა და არა 20-სა, როგორც კრუხით იჩეკება
ხოლმე. გამოიწერეს ორივემ ინკუბატორები და გაგზავნეს თავ-თავიანთ მამულებში:
ილიამ საგურამოში, ხოლო ივანემ – ოქროყანას. წიწილები კი მართლა დააჩეკინეს
მანქანებს, მაგრამ იმ წიწილებს სხვანაირი მოვლა სჭირდებოდათ, და რაკი ამის
მცოდნე არავინ მოიპოვებოდა, ნელ-ნელა ყველა გაუწყდა. ამრიგად, ინკუბატორსაც
თავი დაანებეს.
ასე მიდიოდა მეურნეობის საქმე საგურამოში. ილიას სახლიც ძვირად დაუჯდა
– თავისივე სიტყვით, 40.000 მანეთად. მახსოვს, ერთ ილიაობა დღეს ვეწვიე
საგურამოში (ეს იყო ჩემი ერთადერთი ასვლა იქ ილიას სიცოცხლეში). თავის
დღესასწაულს იგი, როგორც ცნობილია, ყოველთვის დიდი მარაგით იხდიდა:
მთელს კარგა დიდ სოფელსა და მეზობლებს პატიჟობდა, დიდძალი მეგობრები და
ნაცნობებიც ესწრებოდნენ და ძალიან დიდ ნადიმს მართავდა ხოლმე... საღამოს,
ხალხი რომ დაიშალა, აივანზე ვისხედით და ვსაუბრობდით. ილიამ ლაპარაკში
გამოურია, სხვათა შორის: „მე ვითომ ჭკვიან კაცს მეძახიან, მაგრამ რომ
დავფიქრდები, ჭკუა არა მქონიაო: ეს სახლი 40.000 მანეთი დამიჯდა. ამ ფულით
თბილისში ორ დიდ სახლს ავიშენებდი და მათი შემოსავალი მარჩენდა, ახლა კი
ვალებში ვარ ჩავარდნილიო“.
ილიას არ უჯერებდნენ, როდესაც ამბობდა, ვალები მაქვს და გაზეთ „ივერიის“
გამოცემა შემოსავალს კი არ მაძლევს, ჩემს ფულს მადებინეს ზედაო. მაგრამ შემდეგ
გამოირკვა, რომ ილია მართალს ამბობდა. როგორც ცნობილია, ილიამ ბოლოს
გამომცემლობა გადასცა ერთ მცირე წრეს, რომელსაც მეთაურობდა ალექსანდრე
ივანეს ძე სარაჯიშვილი, ძალიან კარგი კაცი. ეს ის იყო, „ვეფხისტყაოსნის“ ყალბი
ადგილები რომ გარჩია ჟურნალ „მოამბე“-ში. მერე ჩემთან მუშაობდა საქართველოს
საისტორიო და საეთნოგრაფიო საზოგადოებაში: ხაზინადრადაც, მუზეუმ-
ბიბლიოთეკის გამგედაც და დიდად ენერგიულ დახმარებას მიწევდა. ჰოდა,
ალექსანდრე სარაჯიშვილი და მისი ამხანაგები რამდენიმე თვის შემდეგ უკვე
დარწმუნდნენ, რომ გამომცემლობა მართლაც ზარალს იძლეოდა და, რა თქმა უნდა,
მიატოვეს ის საქმე.
ამას გარდა, როდესაც ილია მოჰკლეს და კომისიამ მისი ქონება აღწერა,
აღმოჩნდა, რომ ბევრი არაფერი დარჩენოდა. თავისი საგვარეულო მამული და
ნივთიერი ქონება რომ მცირე უნდა ჰქონოდა, ამას მოწმობდა მისი სულ უბრალო
სახლი და პატარა მამული ყვარელში. ჩემ დროს ილია ცხოვროდა ცოლის მზითევის
–საგურამოს მოზრდილი მამულის შემოსავლით და აგრეთვე, როგორც უკვე
აღვნიშნე, დის დახმარებით. სხვა რა ჰქონდა. ფულად თუ ნივთიერად ელისაბედ
საგინაშვილისას არ ვიცი, მაგრამ ერთი რამ კი აშკარაა: თბილისში ილია მის
სახლებში ცხოვრობდა და თვითვე განაგებდა იმ სახლებს, თუმცა იმავე დროს...
ელისაბედს ჰყავდა მოურავიც, ილიას სტუდენტობის ნაამხანაგარი მიხაკო ჩიკვაიძე.
ასე გაგრძელდა თითქმის მანამდე, სანამ ილიას აირჩევდნენ სახელმწიფო
საბჭოს წევრად 1906 წელს. ფაქტია, რომ ცოტა უფრო ადრე ილიამ მიატოვა ბინა
ელისაბედის სახლში და იქირავა პატარა სახლი ანდრიას ქუჩაზე67. შემდეგ ის სახლი

67 ახლა ორჯონიკიძის ქუჩა. 1957 წლის ოქტომბერში იმ სახლში (№22) გაიხსნა ილიას სახლ-მუზეუმი.
იყიდა და ოთახების მიშენებასაც აპირებდა. რა იყო მიზეზი ილიას ამ, ჩვენთვის
უეცარი, გადასახლებისა თავისი დის სახლიდან, რომელიც მისი აშენებული იყო და
სადაც მას თავის გემოზე ჰქონდა მოწყობილი და მოკაზმული კაბინეტი? ეტყობა,
დიდი შეტაკება უნდა მოსვლოდათ ილიასა და მის დას. მიზეზი არ ვიცი, ვინაიდან
იმ დროისათვის ელენე ჯაბადარმა, მოხუცებისა გამო, დაანება გიმნაზიაში
სამსახურს თავი, გადასახლდა თავის პატარა მამულში, საგარეჯოს, და იქ
ცხოვრობდა თავის სიძესთან, სავიჩთან ერთად, რომელიც წინათ ჩრდილო კავკასიის
რომელიღაც გიმნაზიაში იყო მასწავლებლად და რომელსაც ელენეს ქალთან ქალ-
ვაჟი ჰყავდა. მას შემდეგ ელენე ერთხელაც აღარ ჩამოსულა თბილისში და აღარც მე
მინახავს და აღარც ილიას ოჯახს. ეგებ არც მან იცოდა მიზეზი ილიასი და მისი დის
გაყრისა, თუმცა არა მგონია, რომ ოლღას წერილით მაინც არ ეცნობებინოს მისთვის
ეს ამბავი.
ილიასთან იმ ახალ ბინაზე არა ვყოფილვარ, რადგან მაშინ უკვე აღარ მქონდა
ხოლმე მასთან საქმე და ის კი იქ წვეულებას აღარ მართავდა. ვერც ისე ვხვდებოდი
ილიას, რადგან იგი ხშირად და დიდიხნობით იყო ხოლმე პეტერბურგში. აღარც
ელისაბედი მინახავს მათი გაყრის შემდეგ. მხოლოდ დიდი ხნის მერმე, უკვე
რევოლუციის შემდეგ, მომწერა ერთხელ წერილი, რომელშიც მთხოვდა,
მივსულიყავი. მეც ვინახულე და შემომჩივლა, შიმშილით ვკვდები და
მიშუამდგომლე, მენშევიკებმა რამე თანხა დამინიშნონ სარჩოდაო... მე ვუთხარი, არა
მაქვს იმედი, რომ ამ მთავრობამ ილიას დას რამე დაუნიშნოს; ხომ იცი, რა ცუდი
ურთიერთობა და გაუთავებელი პოლემიკა ჰქონდა ნოე ჟორდანიას ილიასთან-
მეთქი? მით უმეტეს, რომ სახლები გაქვთ და რატომ თქვენ ნათესავს კოტე აფხაზს
(ილიას მეორე დისშვილს, თავად-აზნაურობის წინამძღოლად ნამყოფს) არ
მოელაპარაკებით ამის შესახებ-მეთქი? მან მიპასუხა: სწორედ კოტე აფხაზი მირჩევს,
სახლები გავყიდო და იმით ვიცხოვრო, მაგრამ აბა, ილიას კაბინეტი როგორ
გავყიდოო?...
მას აქეთ ელისაბედი აღარ მინახავს და აღარც მისი ამბავი გამიგია. ეს
ეპიზოდი... მოწმობს, თუ რამდენად ხელმოჭერილი ქალი იყო: სახლი არ ემეტებოდა
გასაყიდად და მენშევიკებს კი სთხოვდა სარჩოს!...
ასე იყო თუ ისე, ცხადია, რომ ილიას არა ჰყოფნიდა არც საგურამოს მამულის
შემოსავალი, არც ბანკიდან აღებული ჯამაგირი და არც თავისი დის,
ელისაბედისაგან მიღებული დახმარება. და იგი სულაც არ აზვიადებდა, როცა
ამბობდა, ვალები მაქვსო. ერთხელ, „ბანკოვიადის“ დროს, ილიამ თავის სიტყვაში,
სხვათა შორის, როგორც ზემოთ უკვე ვთქვით, ასეთი ფრაზა გამოურია: „მანამ
თქვენი ნდობა მაქვს, ჩემით აქედან არ გავიქცევი, და რომ გავიქცე, შიმშილით უნდა
მოვკვდეო“. როგორც ითქვა, იგი გულისხმობდა ვანო მაჩაბელს, რომელმაც თავისი
სურვილით მიატოვა ბანკის დირექტორობა, თუმცა ის კენჭისყრის დროს არც
ერთხელ არ გაუშავებიათ. ბანკის წევრები იმ ორ მოქიშპეს ყოველთვის ერთად
ირჩევდნენ: ილიას – გამგეობის თავმჯდომარედ და ვანოს კი დირექტორად... ამ
სიტყვებს ბევრი არ უწონებდა ილიას და მეტადრე კი აკაკი წერეთელი.
მართლაც და ილია, უნივერსიტეტის გათავების შემდეგ, სხვა ნასწავლ ქართველ
ინტელიგენტთა მსგავსად, სახელმწიფო სამსახურში შევიდა, რომ ჯამაგირით ერჩინა
თავი. როგორც ცნობილია, იგი ერთხანს მომრიგებელ მოსამართლედ იყო დუშეთის
მაზრაში და ის ადგილი მას ივანე პოლტარაცკიმ და ნიკო ნიკოლაძემ მიატოვებინეს,
როდესაც პირველი ქართული ჟურნალის, «საქართველოს მოამბის» გამოცემა
გადაწყვიტეს და ილია ჩამოიყვანეს თბილისში. რედაქცია მოაწყვეს „მუხრანსკის
ნომრებში“ (ბარიატინსკის ქუჩა68 რომ ამოდის, სწორედ იმ სახლს უყურებდა; მერე ის
სახლი დაიწვა69 და მის ადგილას რაღაც უმსგავსო შენობა დაუდგამთ70) და
რედაქტორობა დაავალეს ილიას. იმავე დროს სომხებმა თავიანთი გაზეთის გამოცემა
დაავალეს თავიანთ ცნობილ მოღვაწეს, არწრუნის.
ბანკში წინათ მაინცდამაინც დიდი ჯამაგირები არ ჰქონიათ მოსამსახურეებს,
მაგრამ როცა „ბანკოვიადა“ მოთავდა და აქციების კონვერსია მოახდინეს, ბანკის
შემოსავალმა ერთობ იმატა, ისე რომ ყველა ხარჯის გამოკლებით ნახევარი მილიონი
მანეთი რჩებოდა საქველმოქმედო საქმეებისათვის და მოსამსახურეებსაც ჯამაგირი
მოემატათ. მაგალითად, ილია, როგორც თავმჯდომარე, წელიწადში უკვე ხუთი
ათასს იღებდა წინანდელი სამი ათასის მაგიერ. ამას გარდა, ბანკის მოგების
გარკვეული პროცენტი მოსამსახურეებს ეძლეოდათ ზედმეტად და ეს პროცენტი მათ
თვიურ ჯამაგირს აღემატებოდა.
ილია მეტად გულჩათხრობილი ადამიანი იყო. მე არ მგონია, მას ისეთი
მეგობარი ჰყოლოდეს, რომლისთვისაც თავისი ინტიმური დარდები და გულისთქმა
გაენდოს. როდესაც ის საზღვარგარეთ წასასვლელად ემზადებოდა, მე და ნიკო
ცხვედაძე მივედით მასთან. ცოტა მოწყენილი დაგვხვდა, მაგრამ დიდხანს ვიბაასეთ.
სხვათა შორის გვითხრა: „მე დარდიანი ადამიანი ვარ, მაგრამ ჩვეულებად არა მაქვს,
რომ ჩემი დარდები სხვას გავუზიარო, მევე ვიკლავ გულშიო“. ვიმეორებ: გულითადი
მეგობრები არა ჰყოლია მას, მაგრამ დაახლოვებული პირები ბევრი ჰყავდა და ისინი
ითვლებოდნენ ილიას მეგობრებად. მე რომ თბილისში ჩამოვედი, მისი მეგობრები –
ნიკოლოზ ჯაბადარი, დიმიტრი ყაზბეგი, ბესარიონ ღოღობერიძე ცოცხლები აღარ
იყვნენ. ასე რომ, მათ შესახებ ვერაფერს გეტყვით. აქ რამდენიმე შენიშვნა ილიას
ზოგიერთ დაახლოვებულ პირთა შესახებ.
ი ვ ა ნ ე ე გ ნ ა ტ ე ს-ძე პ ო ლ ტ ა რ ა ც კ ი (თბილისის ნოტარიუსი) ილიას
ამხანაგი იყო გიმნაზიიდან. ქართული კარგად იცოდა. დაბადებულია ქუთაისში.
დედა ქართველი ჰყავდა, ზედგინიძის ასული. პირველი ცოლიდან მას შეეძინა ერთი
შვილი, რომელიც ილიას ნათლული იყო და მის სახელს ატარებდა.
ილია პოლტარაცკი (ილიას ნათლული) თბილისის რეალური გიმნაზიის
გათავების შემდეგ პარიზში გაემგზავრა უმაღლესი სწავლის მისაღებად და იქ დარჩა,
ბანკში მსახურობდა და 1944 წელს გარდაიცვალა.

ივანე პოლტარაცკის მეორე მეუღლე ნადო გაბაშვილის ქალი იყო. ივანეს

იმისაგან ექვსი შვილი ჰყავდა: ხუთი ქალი და ერთი ვაჟი.
პოლტარაცკიმ ილიას თხზულებები თარგმნა რუსულ ენაზე. მანვე თარგმნა
რუსულად „ვეფხისტყაოსანი“. ხშირად დადიოდა ილიასთან, აჩვენებდა მას
„ვეფხისტყაოსნის“ ძნელი ადგილების თარგმანს. ერთხელ მან მითხრა: „ილია
წაიკითხავდა ხოლმე ჩემს თარგმანს და ზოგჯერ მეუბნებოდა, ეს ადგილი არ
ვარგაო. რომ ვკითხავდი, აბა როგორ უნდა იყოს? – იმას კი აღარ ამბობდაო“.
პოლტარაცკი გარდაიცვალა 1892 წლის აგვისტოს დამლევს. მე მაშინ თბილისში
არ ვიყავი. ილია დასწრებოდა მის დამარხვას. ეკატერინე გაბაშვილმა და სხვებმა

68 ახლა ჯორჯიაშვილის ქუჩა.

69 ეს მოხდა 1921 წელს.
70 იგულისხმება კავშირგაბმულობის სახლი, მისი ფასადის რეკონსტრუქციამდე.
მითხრეს: „ილიას თვალებიდან კურცხალ-კურცხალი ცრემლები სდიოდაო“. ისინი
გაკვირვებულნი იყვნენ: „ერთხელ ძლივს დავინახეთ მის თვალზე ცრემლიო“.

ი ლ ი ა წ ი ნ ა მ ძ ღ ვ რ ი შ ვ ი ლ ი დიდად დაახლოებული იყო ილიასთან და

ნამეტნავად მის მეუღლე ოლღასთან. ის იყო აგრეთვე ნათესავი ივანე პოლტარაცკისა
და მისი მეორე ცოლის – ნადო გაბაშვილისა.
სპეტაკი ადამიანი იყო. დამაარსებელი და ხელმძღვანელი წინამძღვრიანთ
კარის კერძო სამეურნეო სკოლისა, რომელსაც შესწირა მთელი თავისი სიცოცხლე და
ქონება. მე კარგად ვიცნობდი მას. შეიძლება ითქვას, რომ ის იყო უაღრესი
ფიზიოკრატი, დარწმუნებული, რომ საქართველოს მარტო მეურნეობის გაჩაღება და
განათლება უშველის. ამიტომ, მისი აზრით, ყველა შეძლებულ ქართველს ან უნდა
სამეურნეო სკოლა გაეხსნა, ან არა სკოლისათვის თავისი ქონება შეეწირა. ილიას
მამულზე ამბობდა: „რა ოხრად უნდა ილიას საგურამოს მამული? შვილი არა ყავს და
ძირი, სჯობს ჩვენს სკოლას შემოუერთოს და ამით გავაფართოოთ საქმეო“.
წერილებსა ბეჭდავდა ქართულო ჟურნალ-გაზეთებში. გამოსცა დიდი წიგნი
სათაურით: „ვაზის მოვლა“.
ი. წინამძღვრიშვილი პირველ ხანებში თბილისის მაზრის მომრიგებელ
მსაჯულად მსახურობდა (1868–1901), მერე – თბილისის ქალაქის ნოტარიუსად.
უმაღლესი განათლება არ ჰქონდა, მაგრამ ენერგია, მოხერხება და საქმისათვის
თავდადება – გამოუთქმელი. პირველად ილია წინამძღვრიშვილი სკოლას თავისი
ხარჯით ინახავდა, მერე სათავადაზნაურო ბანკმა დაუნიშნა შემწეობა, მაგრამ მაინც
მთელ თავის ჯამაგირსა და მამულის შემოსავალს ზედ ადებდა. ყოველ შაბათს
ეტლით მიდიოდა თავის სკოლაში და ორშაბათს უკან ბრუნდებოდა. ზოგჯერ
სარევიზიოდ თან მიჰყავდა პედაგოგები, ან შენობის სარემონტოდ – ხელოსნები და
სხვანი. თვით საპედაგოგო საქმის არასპეციალისტი იყო, ამიტომ სკოლის გამგეს და
მასწავლებლებს ისეთ რამეებს ავალებდა, რის შესრულებაც შეუძლებელი იყო.
მიუხედავად ამისა, სკოლას მაინც დიდი მნიშვნელობა ჰქონდა.
კურსდამთავრებულნი სოფლებში კარგად მუშაობდნენ. ნიჭიერ შეგირდებს ის
ნოვიცკის სამეურნეო სასწავლებელში აგზავნიდა, შემწეობას აძლევდა, მათთან
მიწერ-მოწერა ჰქონდა. ყველა მისი შეგირდი მას თავის მამად სახავდა.
ზომიერი ცხოვრების და ჰიგიენის მიმდევარმა ილია წინამძღვრიშვილმა
დიდხანს იცოცხლა, მაგრამ უკანასკნელ სამ წელიწადს ლოგინად ჩავარდა. ნიკო
ცხვედაძის ყოფილი ცოლი უვლიდა. არც ნათესავებსა და არც მეგობრებს მასთან არ
უშვებდა. ეს მანდილოსანი სომხის ქალი იყო. ნიკოდან მას შესძენოდა ერთი ქალი...,
რომელიც შემდეგ ფილიპე გოგიჩაიშვილმა შეირთო ცოლად, სამი ქალიშვილი
შეეძინათ... ერთხანს ნიკოს ნაცოლარი პარიზში ცხოვრობდა... მერე კი დაბრუნდა
საქართველოში. ილია წინამძღვრიშვილის მძიმე ავადმყოფობა რომ შეიტყო,
უყოყმანოდ მიეშველა და თავგამოდებით დაუწყო მოვლა, არაფერს აკლებდა და
უმსუბუქებდა მდგომარეობას.
ილია წინამძღვრიშვილის დასაფლავებას ბევრი ხალხი დაესწრო, წესი სიონის
ტაძარში აუგეს, შემდეგ წინამძღვრიანთკარში წაასვენეს და იქ დამარხეს ეს
შესანიშნავი და უებრო ქართველი მოღვაწე.

ლ ე ვ ა ნ ჯ ა ნ დ ი ე რ ი (1848–1918) ჩემის აზრით ყველაზე უფრო

დაახლოებული პირი იყო ილიასთან. თბილისის მაზრის უფროსი, ჭკვიანი,
პატიოსანი, ენერგიული და დიდად შეგნებული, კახეთში ერთ-ერთ მოწინავე კაცად
ითვლებოდა, ნივთიერადაც შეძლებული იყო. სადაც კი წავიდოდა ილია, ისიც თან
დასდევდა და მოგზაურობის მარშრუტი მის ხელში იყო.
მის დროს მაზრაში სრული სიწყნარე და წესრიგი სუფევდა; ავაზაკობა და
თავზე დაცემა არ ყოფილა, მაგრამ ერთხელ მან გოლიცინის წყრომა მაინც
დაიმსახურა.
ბორჩალოს მაზრაში ავაზაკობა, კაცის კვლა და ხოცვა-ჟლეტა გახშირდა.
გოლიცინისათვის მოეხსენებინათ და ის აღშფოთებული იყო. დაებარებინა ლევან
ჯანდიერი და უკითხავად დაეწყო მისთვის ყვრილი: „Вы не на месте. Вы не умеете
водворить порядок!“ და ჩამოეთვალა ყველა ის უწესობანი, რაც ბორჩალოს მაზრაში
მომხდარიყო. ამის პასუხად ჯანდიერს ეთქვა: „Ваше сиятельство, я Тифлисский
уездный начальник, всё, что Вы перечислили, это имело место в Борчалинском уезде,
у меня ничего подобного не было и не может быть!“
ამაზე გოლიცინს წარბშეუშლელად უპასუხნია: „Это всё равно, вы все
одинаковы, Борчалинский или Тифлисский.“
ასეთ ხეპრე ადმინისტრატორთან ჰქონდა საქმე ჯანდიერს. თუ რამდენად
შეგნებული ჰქონდა ლ. ჯანდიერს ჩვენი გლეხობის საჭიროებანი, ამაში მე
დავრწმუნდი თბილისის და ბორჩალოს მაზრაში არქეოლოგიური მოგზაურობის
დროს.
ქვემო ქართლი (ბორჩალოს მაზრა, და თბილისის მაზრის სამხრეთ-დასავლეთი
სანაპირო), ეს შესანიშნავი მხარე და მოწინავე სადროშო საქართველოსი
დაცარიელდა აუარებელი მტრების შემოსევით, მეტადრე ლეკების გაუთავებელი
თარეშის დროს. იმის მაგიერ, რომ ეს ადგილები ქართველი ხალხის უმიწო
გლეხებით დაესახლებინათ, მთავრობამ XIX საუკუნის ოცდაათიან წლებში
ოსმალეთიდან გადმოასახლა სომხები და ბერძნები; შემდეგ აქ დასახლდნენ
გერმანელებიცю თბილისის და ბორჩალოს მაზრების დასავლეთ საზღვრებთან
ძველიდან დარჩენილი ქართული სოფელი სულ სამი იყო: ერთი დიდი სოფელი
გომარეთი, მეორე – ვარდისუბანი, პატარა სოფელი, 15 კომლიანი, და მესამე – რეხა,
სადაც სანახევროდ ბერძნებიც ცხოვრობდნენ. რეხას და ვარდისუბანს მცირედი
მიწები ჰქონდათ, გომარეთს უფრო ნაკლები. ამიტომ მე მეტად გამიკვირდა და მეამა,
როდესაც მანგლისის მახლობლად, გოხნარად წოდებული ნასოფლარის ქვემოთ,
ვნახე მთიულებით დასახლებული სოფელი 50 კომლისაგან შემდგარი და რიგიანად
მოწყობილი. ვკითხე: „საიდან გაჩნდით აქ თქვენ?“ მათ მიპასუხეს: „ჩვენ მთიულები
ვართ, მიწა ნაკლები გვქონდა. უშველოს ღმერთმა ლევან ჯანდიერს, მან მოგვხედა
და აქ გადმოგვასახლა, საყოფი მიწა მოგვიხერხა და მისი წყალობით მოვითქვით
სულიო. აქ ორი ნასოფლარია თავისი ეკლესიებით, მაგრამ რაკი მათი სახელები არ
ვიცით, ჩვენს სოფელს ახალსოფელი დავარქვითო“. მე ვუთხარი: „ამ ნასოფლარების
სახელები მე ეკლესიათა წარწერების მიხედვით გამოვარკვიე, თქვენს ქვემოთ რომ
ნასოფლარია, ამისი სახელი აზიკვე ყოფილა, აქ ადამიანთა ქანდაკებებიც არის, ერთს
„შოთაი“ აწერია, შეიძლება შოთა რუსთაველი იყოს, ხოლო თქვენს სოფელს ბზა
ჰრქმევია“.
ამას გარდა ვთხოვე ეკლესიებისათვის ყური ეგდოთ. დიდად გაუხარდათ,
დამპირდნენ მოვლას.
[რაკი სიტყვამ მოიტანა, აქვე უნდა დავძინო, რომ მე ჩემი ათეული წლობით
წარმოებული არქეოლოგიური მოგზაურობის დიდი ნაწილი მოვანდომე
ისტორიული საქართველოს სამხრეთ მხარეებს, რომლებიც მტრებისაგან სხვებზე
უფრო იყვნენ განადგურებული, ხოლო იქაური ძეგლები უპატრონოდ და უმწეოდ
დარჩენილიყვნენ. რაკი ძველი მოსახლეობა თითქმის გამქრალი იყო, ისეთი
შთაბეჭდილება მექმნებოდა (და ეს ჩემს ანგარიშებშიც მაქვს ასახული), რომ ის
განაპირა, ომიანობისას მეწინავე კუთხეები კულტურულადაც ძალიან
დაწინაურებული ყოფილან თავის დროზე. სხვანაირად ძნელი ასახსნელი იქნებოდა
საეკლესიო და სხვა (ხშირად მშვენიერი და რთულად ნაგების) შენობების ესოდენი
სიმრავლე, რაც ძალაუნებურად იწვევს დიდ პატივისცემას მათი
შემქმნელებისადმი... ახლა ძალიან მარჯვედ მოუკიდნიათ იმ ძეგლების
შესწავლისათვის ხელი ჩვენს ისტორიკოსებს, არქეოლოგებს და
ხელოვნებათმცოდნეებს, რაც გასახარელია. იმ რაიონების ჯეროვანი კვლევა (მე ხომ
მხოლოდ წინასწარულად მოვსინჯე იქაურობა) ძალიან შეგვივსებს წარმოდგენას
ქართული კულტურის ისტორიისა და მრავალფეროვნების შესახებ]...
ჩემს დროს დაიწყო ქართველმა საზოგადოებამ ჩვენი მწერლების, პოეტებისა და
მოღვაწეების იუბილეთა გადახდა. პირველი ასეთი იუბილე მოუწყეს რაფიელ
ერისთავს, რომლის ლექსებსაც, – მეტადრე ბოლოდროინდელთ, როცა მან ხალხური
ლექსების სტილით დაიწყო წერა, – დიდი სახელი ჰქონდათ მოხვეჭილი
ქართველობაში. ის ლექსები მართლაც შედევრებია ქართული პოეზიისა, თან
რაფიელ ერისთავი ძველი ლიტერატურისა და ქართველთა ზნე-ჩვეულებების კარგი
მცოდნე იყო.
მის იუბილეში მთელმა საქართველომ მიიღო მონაწილეობა. ყველა ქართულმა
დაწესებულებამ გამოგზავნა დეპუტატები და საჩუქარიც ბევრი შეუგროვეს.
ჩვეულებრივ იუბილე ასე მიმდინარეობდა ხოლმე: ცნობილი პოეტები ან საზოგადო
მოღვაწეები გამოიყვანდნენ იუბილარს სცენაზე, მოუსხდებოდნენ აქეთ-იქით და
იწყებოდა მილოცვა-სიტყვები საზოგადოებათა წარმომადგენლების მხრივ.
რაფიელის იუბილე გადაიხადეს ბანკის ქარვასლის თეატრში, სასახლის
ქუჩაზე71. იუბილარი გამოიყვანეს ილია ჭავჭავაძემ და აკაკი წერეთელმა. სიტყვებმა
და მილოცვებმა შუადღიდან საღამოს ექვს საათამდე გასტანეს, მერე ვახშამი
გადაუხადეს და ამით გათავდა იუბილეც.
შემდეგ რიგი მიდგა თვით ილიაზედაც, მაგრამ იგი, თავისი ჩვეულებისამებრ,
თავმდაბლობდა; უარზე იყო და თან ამბობდა, „ეს იუბილე ერთგვარი ყეენობა
არისო“. მაგრამ კი ეტყობოდა, რომ ბოლოს და ბოლოს დათანხმდებოდა. ასე იცოდა
ხოლმე ბანკის არჩევნების დროსაც: ჯერ იტყოდა, აღარ შემიძლია, ვეღარ
გავუძღვებიო, მაგრამ როცა აირჩევდნენ, უკვე აღარაფერს ამბობდა... საჩუქრების
შეგროვებაც კი დაიწყეს და ზოგ საჩუქარს წინასწარ გზავნიდნენ ილიას გაზეთის
რედაქციაში. კომისიაც იყო შემდგარი, მაგრამ მთავრობამ ნება არ დართო მას ამ
იუბილის მოწყობისა. არ ვიცი, ოფიციალურად მოსწერეს უარი თუ წინასწარ,
მოლაპარაკებისას გააფრთხილეს საიუბილეო კომისია (ვინ ხელმძღვანელობდა,
აღარ მახსოვს), მაგრამ უთხრეს კი, სჯობს, ნუ ითხოვთ, რადგან უსათუოდ უარს
მიიღებთო.
იმხანად მე სათავადაზნაურო სკოლას განვაგებდი და იქ წესად მქონდა
შემოღებული გამართვა სალიტერატურო საღამოებისა, რომელზედაც სკოლის
შეგირდები ჩვენი პოეტების ლექსებსა თუ პროზას კითხულობდნენ და თან
სხვადასხვა საკრავებს – ვიოლინოს, ვიოლონჩელოს და სხვ. – უკრავდნენ (შემდეგ
მინდა ზოგი რამ მოვიგონო იქაური მუსიკის მასწავლებლების, ზაქარია

71 ახლა რუსთაველის გამზირის დასაწყისი, ლენინის მოედნიდან საქართველოს მუზეუმამდე.

ფალიაშვილისა და ჩეხი ვიოლონჩელისტის პოლივკას შესახებაც). ჩვენ საღამოებს
ესწრებოდა თბილისის თითქმის მთელი ქართველობა და ისინი ყოველმხრივ დიდ
მოწონებაში იყვნენ. ასეთი საღამოების მოწყობა მარტო პედაგოგიური საბჭოს
თაოსნობით იყო და ამაში სრულიად არ ერეოდნენ (არც რასმე ვეკითხებოდით)
სასკოლო კომიტეტის წევრები: მათ მხოლოდ ბარათებს ვუგზავნიდით და
სტუმრებად ვიწვევდით.
განვიზრახე, ერთი ასეთი საღამო საგანგებოდ მოგვეწყო ილია ჭავჭავაძის
პატივსაცემად და პროგრამაში შეგვეტანა უმთავრესად მისი ლექსები და სხვა
ნაწარმოებნი. მაგრამ განზრახვა საიდუმლოდ შევინახეთ: არც კომიტეტის
წევრებისათვის გვიცნობებია და არც თვით ილიასათვის, რომ საღამო მისდამი
იქნებოდა მიძღვნილი. საქმე ის იყო, რომ ვისიმე პატივსაცემი სალიტერატურო
საღამოს მოწყობის ოფიციალური ნებართვა არა გვქონდა, – იგი კავკასიის სასწავლო
ოლქის მზრუნველისათვის უნდა გვეთხოვა. ილიასათვის რომ გაგვემხილა
ნამდვილი მიზანი, შეიძლება არც დასწრებოდა საღამოს და არც დაერთო ნება ასეთი
საღამოს მოწყობისა სიფრთხილის გამო. კომიტეტისათვის რომ გაგვეზიარებინა
ჩვენი განზრახვა, მაშინ იგი საიდუმლოდ ვეღარ შეინახებოდა, – ყოველ შემთხვევაში,
ნიკო ცხვედაძე მაინც გაუმჟღავნებდა ილიას. ისე კი, რა თქმა უნდა, კომიტეტის
ყველა წევრი მოვიწვიეთ სტუმრად. კომიტეტის თავმჯდომარის ამხანაგი იყო მარიამ
ვახტანგის (პოეტის, ჯამბაკურ-ორბელიანის) ასული, საშიკო ორბელიანის მეუღლე
(ამ ორმა ორბელიანმა შეუღლებით თავ-თავიანთ მამულები შეაერთეს)... რა თქმა
უნდა, მარიამსაც გავუგზავნეთ მოსაწვევი წერილი, მაგრამ მან მომწერა, სამწუხაროდ
ვერ დავესწრები, რადგან შეუძლოდა ვარო. მერე კი, როცა შეიტყო, რომ ილია
დაგვესწრო და საერთოდ ის საღამო ილიას პატივსაცემად იყო მოწყობილი და
საუცხოვოდაც ჩატარდა, მომწერა, ძალიან ვწუხვარ, რომ არ შემატყობინე, თუ ილიას
პატივსაცემი საღამო იყო, თორემ უსათუოდ მოვიდოდიო. ამით აშკარა გახდა, რომ
მისი „შეუძლებლობა“ დიპლომატიური მიზეზი ყოფილიყო.
საღამომ მეტად კარგად ჩაიარა. ბავშვები შესანიშნავად იყვნენ მომზადებული:
მშვენიერი დეკლამაციით, ნამდვილი არტისტული ხელოვნებით კითხულობდნენ
ილიას ლექსებს და ადგილებს მისი პოემებიდან – მაგ., „განდეგილიდან“, „კაცია-
ადამიანიდან“, „გლახის ნაამბობიდან“, „ოთარაანთ ქვრივიდან“ და სხვა
თხზულებებიდან. ამასთანავე, რა თქმა უნდა, სხვა მწერალთა ნაწარმოებებიც
საკმაოდ იყო შეტანილი პროგრამაში.
ილია მეტისმეტად მხიარული და კმაყოფილი იყო. არა ერთხელ გამოთქვა
აზრი: „მხოლოდ დღეს ვიგრძენი, რომ რაღაც დამიწერიაო; მაგრამ ჩემს დღეში ვერ
წარმოვიდგენდი, თუ ამ ახალგაზრდებს შეეძლებოდათ ასე საოცრად შეეგნოთ და
შეეთვისებინათ ის, რაც მე მითქვამსო“.
საღამო რომ გათავდა, ილია, მისი მეგობრები და ზოგი სხვა ჩვენი
ინტელიგენტი მივიწვიე მცირე სერობაზე, გიმნაზიის შენობაშივე, დიდ საკონცერტო
დარბაზში. სერობაც ძალიან მხიარულად ჩატარდა.
უნდა ითქვას, რომ ილიას ვერ ჰქონდა მაინცდამაინც კარგი აზრი
სათავადაზნაურო სკოლის პერსონალის შესახებ – მეტადრე ჩემი წინამოადგილის
ალექსი ჭიჭინაძის გამგეობის დროს. მას ჩააგონეს... რომ ყველა იქაური
მასწავლებლები „მაჩაბელისტები“ და ილიას მოწინააღმდეგენი არიან (საერთოდ
ზოგიერთს... ახასიათებდა ნეპოტიზმი და ამასთანავე უკიდურესი უნდობლობა
იმერლობისადმი). ნამდვილად კი ყველა მასწავლებელს, ერთის გარდა,
ნეიტრალური პოზიცია ეჭირა: არც ილიას წინააღმდეგნი იყვნენ და არც მაჩაბლისა.
ის ერთი კი, მოსამზადებელი კლასის პირველი განყოფილების მასწავლებელი
ალექსანდრე ნათაძე მართლაც თვალსაჩინო მომხრე იყო მაჩაბლისა და არც მალავდა
ამას, სოფლებში პროპაგანდას ეწეოდა მაჩაბლის სასარგებლოდ. მაჩაბლის
წინააღმდეგ მიმართულ ერთ თავის სიტყვაში ილიამ ეს მოვლენა, ერთი კაცის
მოქმედება სკოლის მთელ მასწავლებლობას მოახვია ორატორულად თავს და
განაცხადა, „პროპაგანდაში ჩვენი სკოლის ოსტატებიც ჩაებნენო“. ბანკის იმ კრებაზე
მასწავლებელთაგან მხოლოდ ჯაჯანაშვილი იყო. წამოდგა და ჰკითხა ორატორს:
„მეც ამ სკოლის მასწავლებელი ვარ და მაშ, თქვენი აზრით, მეც ვეწევი თქვენ
წინააღმდეგ პროპაგანდასაო?“ ილიამ უპასუხა, „არა, თქვენ არაო!“ რა თქმა უნდა,
სკოლის ადმინისტრაცია ვერ აუკრძალავდა რომელიმე მასწავლებელს, ესა თუ ის
აზრი ჰქონოდა საზოგადო საქმეთა მიმართ... ასეთი ეჭვი და უნდობლობა ილიას,
ეტყობა, დიდხანს შერჩა. თუმცა, 1904 წელს რომ ამირჩიეს სათავადაზნაურო
სკოლის გამგედ, ილიას „ივერია“-ში დავით მიქელაძემ („მეველემ“) მეთაური
წერილი მიძღვნა, ქება შემასხა და, სხვათა შორის, ისიც მოიხსენია, რომ
„ბანკოვიადის“ დროს ნეიტრალიტეტს ვიცავდი.
რაკი ილიამ არ იცოდა, რომ ის სალიტერატურო საღამო ჩვენი პედაგოგიური
საბჭოს მიერ მის პატივსაცემად იყო გამართული, იფიქრა, რომ ეს მისი მეგობრის
ნიკო ცხვედაძის თაოსნობა იქნებოდა და სერობისას მას შეასხა ქება თავის სიტყვაში.
ნიკოს კი არ უთქვამს... საღამოს გამართვაში არავითარი მონაწილეობა არ
მიმიღიაო...
მაგრამ იმ საღამოს მოწყობის ნამდვილი გარემოება ელენე ჯაბადარმა, რა თქმა
უნდა, აუწყა ილიას. ასე ეთქვა: „Однако Вы впросак попали! Всё было устроено по
инициативе и за счёт учительского совета гимназии и её директора, а Вы об’явили
благодарность Цхведадзе!“ ილიას, ცხადია, დიდად სწყენოდა ეს ამბავი და
საყვედური ეთქვა ელენე ჯაბადარისათვის: „შენ რაღად დამიმალე ნამდვილი
გარემოება და ასეთ უხერხულ მდგომარეობაში რად ჩამაგდეო?“ შემდეგ, პირადად
რომ შევხვდი, ილიამ დიდად მომიბოდიშა და თან დასძინა: „დამიჯერებ თუ არა, არ
ვიცი, მაგრამ მე რომ იმ საღამოს სიამოვნება განვიცადე, ჩემ დღეში არ განმიცდია და
ვერც წარმომედგინა, თუ ისე კარგად შეიძლებდა ახალგაზრდობა ჩემ ნაწარმოებთა
გაგებასაო. მინდოდა წერილობით შემომეთვალა თქვენთვის მადლობა ამ
პატივისცემისათვის, რომელიც მე არასოდეს დამავიწყდება, მაგრამ მოვერიდე, რომ
არ გამჟღავნებულიყო და რაიმე უსიამოვნება არ შეგმთხვეოდათო!“
ილია ჭავჭავაძე დიდი მოყვარული იყო საქართველოს ისტორიისა და
არქეოლოგიისა. საუკეთესო შეხედულება ჰქონდა ჩვენს არქეოლოგსა და
ისტორიკოსზე, დიმიტრი ბაქრაძეზე: ძალიან პატივსა სცემდა და აფასებდა მას.
პირველ ხანებში მე დიმიტრი ბაქრაძესთან დავიწყე მუშაობა და დავიწყე იმით, რომ
მან გაცნობისთანავე გადმომცა ახალდაარსებული საეკლესიო მუზეუმის წესდება,
თავის მიერ რუსულად შედგენილი და სათანადო მთავრობის მიერ დამტკიცებული,
ქართულ ენაზე სათარგმნად. მეც ვთარგმნე, დავბეჭდე და შევადგინე საეკლესიო
მუზეუმის კომიტეტი (ამის შესახებ იხ. ქვემოთ).
ილიამ აქტიური თაოსნობა გამოიჩინა მცხეთაში, ბაგინეთზე მცირე საცდელი
თხრის ჩატარებაში, რაც დ. ბაქრაძეს დაავალა (ამის შესახებაც იხ. ქვემოთ).
ილია სულ ამბობდა, „ერთი კაცი უნდა გავიჩინოთ ისეთი, რომ ჩვენს
ისტორიაზე და არქეოლოგიაზე მუშაობდეს და სხვა არაფერი საქმე არ ჰქონდეს.
ჩვენი სირცხვილია, ამისთანა რომ არავინ გვყავსო. ერთხელ ნიკო ღოღობერიძემ
მიგვიწვია რამდენიმე კაცი – პირველ ყოვლისა, რასაკვირველია, ილია, აგრეთვე
ნიკო ცხვედაძე, იაკობ ისარლიშვილი (ისარლოვი), მე და სხვები (ის იაკობი
კათოლიკე იყო, ილიას დროს პეტერბურგის უნივერსიტეტში ნამყოფი, სახლებს
აგებდა, კომერციას ეწეოდა. ინჟინერი არ ყოფილა, მაგრამ მშენებლობის საქმე
კარგად ესმოდა. სათავადაზნაურო სკოლა თავდაპირველად „დუმის" შენობის72 უკან
გვქონდა და მის გადაკეთებაში ძალიან მოგვეხმარა, თან ფულიც დაგვიზოგა;
ღოღობერიძის, ილიას და სხვების უნივერსიტეტის ამხანაგი იყო; არეულობის
დროს გამორიცხეს იქიდან). დაგვიბარა ნიკომ და გამოგვიცხადა, განზრახული მაქვს
ქართული საქველმოქმედო საქმისათვის 50.000 მანეთი დავტოვოო. ნიკოც ილიას
უნივერსიტეტის ამხანაგი იყო, ფრიად თვალსაჩინო მოღვაწე და ძალიან ჭკვიანი
კაცი. ქუთაისში რომ სათავადაზნაურო ბანკი გაიხსნა, იმის პირველი თავმჯდომარე
იყო ბესარიონ ღოღობერიძე (აი ის, ილიამ რომ სხვებთან ერთად გააკრიტიკა თავის
გამოცანა-ლექსებში, „ქვეყნის საქმე მასაც ფეხებზე ჰკიდიაო“, და მერე კი ბოდიში
მოუხადა, უცოდინარობით მომივიდაო), დიდად პატიოსანი კაცი, პედაგოგი,
მათემატიკოსი; ერთხანს საქალებო ინსტიტუტს განაგებდა. ნიკო ნიკოლაძე მისი
წინააღმდეგი იყო და მის ნაცვლად ბანკის დირექტორობის კანდიდატად წამოაყენა
ვინმე ბაქრაძე, მეტსახელად „ბილო“. ბესარიონი რომ გარდაიცვალა, ქუთაისში
შეიქმნა „ბანკოვიადა“ და ბოლოს აირჩიეს ნიკო ღოღობერიძე, რომელიც წინათ
ქუთაისის გუბერნიის ნოტარიუსი იყო. მერმე ნიკომ თავისი ნებით მიატოვა ბანკის
თავმჯდომარეობა, ჭიათურაში შავი ქვის მადნები ჰქონდა შეძენილი და იქ დაიწყო
მრეწველობა. გვარიან თანხას მოუყარა თავი, მაგრამ ნერვიული კაცი იყო, გული
დაუსუსტდა; ამიტომ აღარც იქ გაჩერდა, მიანება თავი და დაგროვილი ფულით
პარიზში ცხოვრობდა, ოღონდ ზაფხულობით თბილისში ჩამოდიოდა ხოლმე...
დავუბრუნდეთ ახლა მის ანდერძს. ნიკომ დაგვიყენა საკითხი: „რა მიზნისათვის და
რომელ საზოგადოებას დავუტოვო ის თანხაო?“ ილიამ ასეთი წინადადება მისცა: „ეგ
თანხა გადაეცეს წერა-კითხვის საზოგადოებას, რომელიც მაგის ყოველწლიური
პროცენტით ერთ კაცს აიჩენს, არჩენს და ის კაცი ჩვენი ისტორიისა და არქეოლოგიის
მკვლევარი იქნებაო“. იმ თანხის ყოველწლიური პროცენტი შეიძლებოდა 2.500
მანეთი ყოფილიყო და ეს კი საკმაოდ დიდი ფული იქნებოდა: მაგალითად, ვიცე-
გუბერნატორს წელიწადში 3.000 მანეთი ჰქონდა ჯამაგირი. ნიკომ უპასუხა: „მე კი
უფრო განათლებისათვის მინდა, რომ ღარიბი ახალგაზრდობის სწავლას მოხმარდეს
და ამიტომ მირჩევნია სტიპენდიებისათვის დავტოვოო“. ილიამ რომ ეს გაიგონა,
აღარაფერი უთქვამს.
საოცარი კია, ისეთი შეხედულების კაცი იყო ილია, ისე ღრმად ესმოდა
ყველაფერი, იმოდენა გავლენა ჰქონდა, ბანკიც მის ხელში იყო და წერა-კითხვის
საზოგადოებაც. მაგრამ ერთხელაც არ მოსვლია აზრად, რომ იმ დაწესებულებათა
ხარჯზე მოეწყო ის საქმე, რომელსაც ნიკო ღოღობერიძეს სთავაზობდა და რომლის
მოუწყობლობასაც ქართველობისათვის სამარცხვინოდ მიიჩნევდა. ასეთი
შეუსაბამობა ყოველთვის მიკვირდა; გულში კი მქონდა, მაგრამ რას გავუბედავდი
თქმას? არა ჰქონდა ამის თაოსნობა! ბანკის შემოსავალი სულ აგრარული
საქმეებისათვის უნდოდა და მუდამ იქითკენ მიილტვოდა; სათავადაზნაურო
სკოლის ტიპის შესახებ რომ იყო მსჯელობა, მაშინაც სულ აგრარულ განხრაზე
ლაპარაკობდა... ასეთ რამეებს კი ვერ მოიფიქრებდა! აი, მაგალითად, მანგლისის
მიდამოებში და სხვაგანაც მთიულების ჩასახლება, როგორც უკვე ვთქვი, თბილისის

72 ახლა თბილისის ქალაქის საბჭო, ლენინის მოედანზე.

მაზრის უფროსის ლევან ჯანდიერის დამსახურებაა. დიდხანს ეკავა ის
თანამდებობა, ძალიან შეგნებული მამულიშვილი იყო; ისარგებლა თავისი
ხელისუფლებით და პრაქტიკულად განახორციელა ეს ნამდვილად პატრიოტული
საქმე 1880–90-იან წლებში. სხვა ჩვენი მოღვაწეები კი არ ფიქრობდნენ ამისთანეებზე,
სულ ლიტერატურასა და მსგავს საკითხებს იყვნენ გადაყოლილი. არავინ
დამოგზაურობდა და არც იცოდნენ, თუ რა ვითარება იყო საქართველოს სამხრეთ
მხარეებში, ნაოხარზე რომ ათასი ჯურის გადამთიელი სახლდებოდა. თორემ განა არ
შეიძლებოდა, ჯანდიერის გამოცდილებას მივყოლოდით და მთლად
დაგვესახლებინა ის კუთხეები?.. აი, ხომ რა დიდი კაცი იყო ილია და იმასაც კი არ
ჰქონდა ამის გაგება. სამეგრელოში იგი მხოლოდ ერთმა შემთხვევამ წაიყვანა, თორემ
ალბათ ისიც უნახავი დარჩებოდა: თავ. ნიკო დავითის ძე მინგრელსკიმ ძვირფას
ხელნაწერთა ბიბლიოთეკა შემოსწირა წერა-კითხვის საზოგადოებას – გორდის
სასახლეში ინახებოდა, იტაცებდნენ. საზოგადოებამ სთხოვა, გადავარჩინოთო, და
უსასყიდლოდ გადმოსცა. შემონაწირის ჩამოსატანად კომისია გაიგზავნა და მასში
ილიაც შედიოდა. შესანიშნავად დახვდნენ, უმასპინძლეს. მაშინ იყო, რომ თქვა,
„სამეგრელოში ჩამოვედი და საქართველო დამხვდაო!“ გოგებაშვილი ხომ რა
პატრიოტი იყო და სამშობლოს ისტორია-გეოგრაფიის საუკეთესო
სახელმძღვანელოს შემქმნელი , და ისე გარდაიცვალა, რომ კახეთში ფეხი არ
73

ჩაუდგამს, ზეპირად წერდა მის შესახებ. ისინი რომ ასეთები იყვნენ, დანარჩენი
ინტელიგენცია რაღა უნდა ყოფილიყო? რომ გეკითხათ, ყველა გეტყოდათ, დიდი
პატრიოტები ვართო, მაგრამ გოლოვინის პროსპექტსა74 და ქუთაისის ბულვარს
იქით ფეხს არ გადადგამდნენ. ხალხს კი მოვლა უნდოდა ამისთანებში სომხები
გვჯობნიდნენ, პატრიოტიზმი მათ ყოველთვის პრაქტიკულ საქმიანობაში ჰქონდათ
გამოხატული და ბევრ რამესაც მიაღწიეს.
ილიას ერთი საუკეთესო თვისება ის იყო, რომ მას თავისი მოვალეობის ძალიან
დიდი შეგნება ჰქონდა. ამიტომ იგი დიდი სიფრთხილით, დაკვირვებითა და
საზრიანობით ეკიდებოდა თავის ყოველგვარ ნაწერსა თუ ნასაქმს. არ არის არც ერთი
მისი თხზულება, რომელიც რამდენჯერმე არ გადაეკეთებინოს და არ
შეესწორებინოს. იგი ასე ექცეოდა არა მარტო თვალსაჩინო ნაწარმოებს, არამედ სულ
უბრალო ბარათებსაც კი. მახსოვს გიორგი ჟურულის ნაამბობი (ახალგაზრდა იყო,
ილიამ დაიახლოვა და ძალიან მფარველობდა; თან წაიყვანა პეტერბურგში,
სახელმწიფო საბჭოს წევრად რომ აირჩიეს; მერე ბანკის დირექტორად უნდოდა,
მაგრამ ვერ გაიყვანა; მერე ბათუმში იყო, ქალაქის გამგეობაში მუშაობდა, ხოლო
რევოლუციის დროს თბილისში გადმოიყვანეს): „ერთხელ ილიასთან ვიყავი, იაკობ
გოგებაშვილის წერილი მოუვიდა და მაშინვე უნდა გაეცა პასუხი, რაღაცას
ეკითხებოდაო. დაჯდა ილია, დაწერა ერთი პატარა წერილი და დახია, დაწერა
მეორე და ისიც დახია. მე ვუთხარი, რა ამბავია მაგ ერთი ბეწო წერილისათვის
ამდენი წვალება-მეთქი? მიპასუხა: „კაცო, პატარაა თუ დიდია, მაინც დოკუმენტია
და ზერელედ არ შეიძლებაო...“ დამახასიათებელია! აშკარაა, რომ ილია გრძნობდა
თავის ავტორიტეტს და იცოდა, თუ რა დიდი პასუხისმგებლობით უნდა
მოჰკიდებოდა ყოველ საქმეს, თავის სახელს... საერთოდ დიდი ოსტატი კაცი იყო!

73 იგულისხმება „ბუნების კარის“ სათანადო ნაწილი.

74 რუსთაველის გამზირი...
 ტყუილად კი არ ამბობდნენ ხოლმე მისი თანამშრომლები, ილია მეტწილად
ღამ-ღამობით წერს და დილისათვის მისი ნაწერების ნახევით რამდენიმე კალათი
არის ყოველთვის გავსებულიო. ამით აიხსნება, რომ ილია საჩქაროდ წერილზე
არავის პასუხს არ აძლევდა, მანამ კარგად არ მოიფიქრებდა და კმაყოფილი არ
იქნებოდა თავისი წერილით. აგრეთვე მისი საჯარო სიტყვები ყოველთვის წინასწარ
მოფიქრებული და ზოგჯერ დაწერილიც იყო.
როგორც მახსოვს, ერთხელ ვლადიმერ მიქელაძემ გამოაქვეყნა ერთი წერილი,
სადაც ამბობდა: ილია სადილად დავპატიჟე, მაგრამ მან მომწერა: დღეს არ შემიძლია
მოსვლა, რადგან ევგენი მარკოვის პატივსაცემ საღამოს უნდა დავესწრო და სიტყვა
ვთქვა; მე ჩვეულებად არა მაქვს მოუმზადებლად წავეჩხიროო.
ერთხელ გ. ჟურულის შეკითხვაზე – „ილია, სიტყვებს წერთ, თუ ზეპირად
გაქვთ მოფიქრებულიო? – ილიამ უპასუხა: „ზოგჯერ ვწერ, ზოგჯერ ზეპირად მაქვს
მოფიქრებული, მაგრამ როგორ უნდა დავიწყო და მოვათავო სიტყვა, ეს ყოველთვის
კარგად ვიციო“.
თავის რომელიმე თხზულებას რომ მოათავებდა, ილია შეყრიდა
ლიტერატორებს, მწიგნობრებსა და მეგობრებს, წაუკითხავდა და აზრს
შეეკითხებოდა ხოლმე.
ერთ ასეთ სხდომაზე მეც მიმიწვია. ეს მაშინ იყო, როდესაც დაწერა „ქვათა
ღაღადი“ – შესანიშნავი, ოსტატური პოლემიკური ნაწარმოები, მწვავე სატირითა და
იუმორით აღსავსე. როგორც ცნობილია, ეს თხზულება მიმართულია უმთავრესად
პატკანოვისა და აგრეთვე ზოგი სხვა ავტორების წინააღმდეგ, რომელნიც უწესური
ხერხებით ლამობდნენ ჩვენი ისტორიისა და კულტურის დამცირებას. მოსასმენად,
ჩემს გარდა, მიწვეულნი იყვნენ: ნიკო ცხვედაძე, ნიკო ხიზანიშვილ-ურბნელი,
ვლადიმერ (პროკოფი) მიქელაძე, ბანკის დირექტორი გრუზინსკი (სახელად, მგონი,
მიშა) და სხვები. ილიამ რომ კითხვა დაასრულა, ყველამ ერთხმად მოუწონა, ერთი
უბრალო შენიშვნაც კი არავის განუცხადებია. ამან მე დიდად გამაკვირვა: სხვებს თუ
არა, ნიკო ხიზანიშვილსა და ვლადიმერ მიქელაძეს, როგორც უფრო ნიჭიერთა და
საქმეში ჩახედულთ, მაინც უნდა შეემჩნიათ, რომ ილია ზოგ რამეში ცდებოდა. მეტი
გზა აღარ იყო და შევეკითხე, – თავადო ილია, თუ გაქვთ-მეთქი წაკითხული
პატკანოვის წერილი? მიპასუხა, არ წამიკითხავს, მაგრამ ხელთა მაქვს დიმიტრი
ბაქრაძის პასუხი იმ წერილზე და იქიდან ამოვკრიბე ყველაფერიო. მერე ვუთხარი:
„რასაკვირველია, თქვენი თხზულება ნამდვილად შესანიშნავია იმ მრავალი ფაქტის
გაშუქებით, რომლებიც მოწმობენ გარკვეულ პიროვნებათა უწესურობას, ჩვენ
წინააღმდეგ მომართულს, კუტულის მოგზაურობიდან დღემდე. ასეთი
მჭევრმეტყველებით მათი არაკეთილსინდისიერი მოქმედება სხვას არავის
გამოუმჟღავნებია; შესანიშნავია თქვენი სტილიცა და იუმორიც, მაგრამ ფაქტების
აღნუსხვაში უთუოდ უნდა შეიტანოთ ცვლილება, თორემ ადვილად გამოგედავებიან
მოწინააღმდეგენი, რადგან ზოგან მათ იმას მიაწერთ, რაც ნამდვილად არ უთქვამთ-
მეთქი. ილიამ მომიგო: „Ведь я же ссылаюсь и пользуюсь ответом Бакрадзе, а я его
знаю и уверен, что он никогда неправды не скажет!" მე ვუთხარი: „Бакрадзе, конечно,
неправды не говорит, но то, что он говорит вообще о несправедливой критике
„Картлис Цховреба“, Вы приписываете Патканову. И эти мелочи необходимо
исправить. У меня есть оттиск статьи Патканова, я Вам предоставлю его и когда Вы с
ним ознакомитесь, сами убедитесь, что есть кое-какие недаразумения фактического
характера в Вашем, в других отношениях замечательном произведении". ძალიან
ეწყინა, მაგრამ რას იზამდა? მივეცი პატკანოვის წერილი! რასაკვირველია, მადლობა
გადამიხადა და გამოიყენა, გაასწორა, მაგრამ მაინც მითხრა, „მე ქართველებისათვისა
ვწერ და არა მეცნიერთათვისაო“. აბა, ილია რომ ამას იტყოდა, სხვებისაგან რაღა იყო
მოსალოდნელი? ასე იყო თუ ისე, როდესაც „ქვათა ღაღადი“ დაიბეჭდა, აღარავითარი
ლაფსუსი აღარ დაჰყოლია თან.
პატკანოვი ხომ ნამდვილად ძალიან მჩატედ და არაკეთილსინდისიერად
ექცეოდა „ქართლის ცხოვრებას“, უცხოელის შედგენილიაო... თუ არადა, რატომ
სწერია შიგ, ქართველები თავდაპირველად სხვა ენაზე ლაპარაკობდნენო?! გაგონილა
ასეთი ამბავი?
უცნაური იყო ილიას დანარჩენი მსმენელების საქციელი, რაც საერთოდ
ჩვეულებად ჰქონდათ ჩვენებს: არ ეწყინოსო და არავითარი შენიშვნა არ მისცეს. ვერ
მოვითმინე და ურბნელს ვუსაყვედურე, როგორ შეიძლებოდა ეგრე გაჩუმება-მეთქი?
მიპასუხა, არ ვიცოდი, პატკანოვი არც მე წამეკითხაო და შენ, რასაკვირველია, კარგი
ქენი, რომ უთხარი ილიასო. იმას მაინც ესმოდა ასეთები!..
ილია ხშირად მთხოვდა წიგნებსა თუ სტატიებს საქართველოს ისტორიის
საკითხებზე და მეც ვუგზავნიდი ხოლმე. რაც შეეხება მის წერილებს, „აი ისტორია“
რომ უწოდა, იმათ გამზადებაში არავითარი მონაწილეობა არ მიმიღია. უნდა
გამოვტყდე, რომ არ მომწონდა მათი გაჭიანურება. ჯერ კიდევ „ქვათა ღაღადამდე“
ჰქონდა, მგონი, დაწყებული და ვერ კი დაამთავრა. საქართველოს მთელი ისტორიის
დაკავშირება მოინდომა ჯაბადარის კრიტიკასთან! მაგრამ რა მწვავე სატირა და
იუმორი იცოდა პოლემიკაში საერთოდ?! თუნდაც ის რადა ღირს, მარზედ რომ
დასწერა პატკანოვის გამოქომაგების გამო: „კარგია, როცა შეგირდი ოსტატს
ესარჩლება, მაგრამ ცემა გმართებს გამზრდელისა, რა ყმა ნახო ავად ზრდილიო!“...
„ქვათა ღაღადი“ ძალიან პოპულარული გახდა ჩვენში. ერთი კაცი იყო, გვარი
აღარ მახსოვს (რევოლუციის შემდეგ დიპლომატად მუშაობდა), იმან სულ ზეპირად
იცოდა ის წიგნი, სახარებასავით. პირდაპირ შეყვარებული იყო მასზე... „ქვათა
ღაღადი“ რუსულად თარგმნა ნიკოლოზ ალექსი-მესხიშვილმა75 და თვით ილიამ
შეასწორა. შესანიშნავი თარგმანია, რუსულად დაწერილსა გავს!
ილიას იმიტომაც უხდებოდა ისტორიის საკითხებზე წერა, რომ იმხანად
ნამდვილი ისტორიკოსი აღარ გვყავდა ბაქრაძის შემდეგ, სანამ ივანე ჯავახიშვილი
გამოვიდოდა ასპარეზზე... ბაქრაძემდე კი ბროსეს შემდეგ პლატონ იოსელიანი
სჯობდა ყველას, ხოლო თუ სცდებოდა, პატიოსნად სცდებოდა; ოღონდ წარწერების
კითხვა ნამდვილად არ ეხერხებოდა!..
ი ლ ი ა ს გ ა რ ე გ ნ ო ბ ა76. შეიძლება ითქვას, რომ ილია საშუალოზე უფრო
დაბალი ტანის კაცი იყო, ჩასკვნილი და ჩასუქებული, მაგრამ უშნოდ კი არა, ზომაზე.
პირველად რომ დავინახე, მაშინვე გამახსენდა გრიგოლ ორბელიანის სიტყვები
მის შესახებ: „ის ლიბერალი, ბურთივით მრგვალიაო!“ ზედგამოჭრილი ნათქვამი
იყო! თვალები ილიას ძალიან ეშხიანი ჰქონდა და სახე – სანდომიანი. მე რომ
გავიცანი, მაშინ თმაში ჭაღარა არ უჩანდა. გვიან გამოერია. თმა-წვერის ფერი კარგად

75 ნიკოლოზ იაკინთეს ძე ალექსი-მესხიშვილი – ილიას სტუდენტობის ამხანაგი, იურისტი,

პატრიოტი მოხელე, ისტორია-არქეოლოგიის მოყვარული და ლიტერატორი.
76 ეს პარაგრაფი ე. თაყაიშვილის მიერ ნაკარნახევია საგანგებოდ ერთი იმ შეკითხვათაგანის პასუხად,

რომლებიც მას გამოუგზავნა აწ განსვენებულმა მწერალმა ლევან ასათიანმა ილია ჭავჭავაძის

ცხოვრების ამსახველი კინოსურათის სცენაზე მუშაობის დროს.
არ მახსოვს, მაგრამ, მგონია, უფრო შავი ეთქმოდა. საზოგადოდ ილია მძლავრი
აგებულების, ბუნებით ერთობ ჯანმრთელი ადამიანი იყო. ზემოთაც გავიხსენე ერთი
მისი ნათქვამი, ცხვირის ცემინება და გაცივება არ ვიცი, რა არისო. ავადმყოფობა
მხოლოდ მაშინ დაიწყო, ხანში რომ შევიდა: გული აწუხებდა და, როგორც
ცნობილია, გერმანიაში წავიდა სამკურნალოდ, პროფესორ ლეიდენის
საავადმყოფოში. ლეიდენმა, პირველ ყოვლისა, თურმე საზრდოობის რეჟიმი
დაუწესა და ყოველდღე ლობიო გაუჩინა საჭმელად. ამაზე ილია ამბობდა, ჩვენ არა
გვცოდნია და თურმე რა სასარგებლო საჭმელი ყოფილა ლობიოო!... მერე
ლეიდენისათვის უთქვამს, მე ლობიოთი ვარ გაზრდილი, ყოველთვის ვჭამდი,
მაგრამ, როგორც ხედავთ, ვერ მიშველაო. მართლაც, კოლა ერისთავისაგან
(„ცუნცულაძისაგან“) გამიგონია, ლობიო ისე უყვარს ილიას, რომ ჩვენთან როცა
სადილობს, ჩემი ცოლი ახალ-ახალის დასხმას ვეღარ აუდისო.
ილიამ შესანიშნავი, სასიამოვნო საუბარი იცოდა და მის მოსმენას არაფერი
სჯობდა – მეტადრე, თუ კარგ გუნებაზე იყო. ხმაც ძალიან საამური ტემბრისა
ჰქონდა, არც ძალიან მაღალი და არც ძალიან დაბალი, ბოხი. არც ყვირილი იცოდა და
არც აჩქარებული ლაპარაკი. ოღონდ ისიც უნდა შევნიშნო, რომ გულმოსული
თითქმის არასოდეს მინახავს, და ეგებ მაშინ კი უწევდა ხმას და უფრო ჩქარაც
ლაპარაკობდა?
თუმცა ერთხელ კი შევესწარი მის განრისხებას, როდესაც დავით
სარაჯიშვილთან ვიყავით სტუმრად. დავითი, მართალია, კარგი ქართველი იყო და
დიდი პატრიოტიც, მაგრამ ჩვეულებად ჰქონდა ქართველების საზოგადოდ
დაწუნება, მათი ნაკლის გაზვიადება და, პირიქით, სამაგალითოდ ჩვენს მეზობლებს
ასხამდა ხოლმე ქებას. ქართველების მიმართ ძალიან გულგატეხილად მოჰქონდა
თავი და თვითონ იტყოდა ხოლმე, ბატონო, პესიმისტი ვარო! ნიკო ღოღობერიძე მას
დაცინვით „великий пессимист“-ს ეძახდა. რა საგანზედაც არ უნდა ყოფილიყო
საუბარი, დავითი მაშინვე მეზობლებს დააყენებდა მაღლა, იტყოდა, რომ ჭკვიანი
ცხოვრება იციან, ბედოვლათები და მთხოველები არ არიან, მუშა და გამრჯელი
ხალხია, ყველა საქმეში გვჯობნიან და მომავალიც მათია. ერთხელ, ნამეტანი რომ
გადააჭარბა ასეთ ლაპარაკში, ილიას გული მოუვიდა და წამოიძახა: „ამისთანა
გაგონილა?! ამ ოჯახში ქართველების ძაგების მეტს ვერაფერს გაიგონებ! თუ ერთი-
ორი ვიღაც აწუხებს და ფულსა სთხოვს, ეს მთელ ხალხზე გადააქვსო!“ აი, მაშინ კი
აუწია ხმას ილიამ, მაგრამ – მაინც ცოტა!
დავით სარაჯიშვილს კარგი დამოკიდებულება ჰქონდა სომხის
ბურჟუაზიასთან, მაგრამ ეს არ უშლიდა მას, რომ დიდი მეგობარი ყოფილიყო
იმჟამად გაზეთ „Кавказ“-ის რედაქტორის ველიჩკოსი, რომელიც სულ სომხების
ძაგებაში იყო და პამფლეტებსა და რომანებს ბეჭდავდა მათ საწინააღმდეგოდ.
დათიკო მელიქიშვილის გადმოცემით, ველიჩკოს ასეთი ამხედრება სომხების
წინააღმდეგ იმით აიხსნებოდა, რომ სომხის სოვდაგრებმა მას თამასუქებით ფულის
მიღების საშუალება მოუსპეს: „სანამ აძლევდნენ, მოსწონდა და როცა შეუწყვიტეს,
აღარ მოსწონსო!“ მართლაც ასე უნდა ყოფილიყო საქმე!... პროგრესულად
განწყობილი ქართველები არ იწონებდნენ ველიჩკოს ასეთ ანტი-სომხურ
მიმართულებას. ველიჩკო ზოგჯერ მიგვიპატიჟებდა ხოლმე შინ. ერთხელ, მახსოვს,
მასთან ვიყავით სადილად. ილია და ნიკო ცხვედაძეც იქ იყვნენ. ილიამ სუფრაზე
დასხდომამდე ცალკე გამიხმო და მითხრა: „ჩვენი უბედურება ისაა, რომ არ ვიცით
ხოლმე შეკრება და მოლაპარაკება, თუ როგორ მოვიქცეთ ამა თუ იმ საკითხის გამო,
ერთი პირი არა გვაქვს. აი, თუნდა ისიც არა გვაქვს გამორკვეული, თუ როგორ უნდა
მოვექცეთ ამ კაცს, ველიჩკოს, სომხებს რომ არა სწყალობს და აძაგებსო? ზოგიერთი
ჩვენგანი ლანძღავს ამისათვის ველიჩკოს, მაგრამ როდესაც სომხებს ჩვენზე იერიში
მოაქვთ და მიწასთან გასწორებას გვიპირებენ, მათ წინააღმდეგ კი ერთ სიტყვასაც არ
დასძრავენო!“
ერთხელ ილიამ მკითხა, „რამდენად მართალია, რომ ამბობენ, გურულები
ურიებიაო?“ თან ღიმილით დაატანა, „რა ვიცი, ეს პეტრე ნაკაშიძე მართლაც კი არის
პირწავარდნილი ურიაო!“ ასეთი ახირებული აზრები („გურია-ურია“, ისევე როგორც
„ხევსური-ხევის ურია“) მართლაც გაისმოდა ხოლმე აქა-იქ, მაგრამ სერიოზულ
მეცნიერულ ლიტერატურაში, რა თქმა უნდა – არასოდეს. მეც ვუთხარი ილიას, ეგ
ტყუილია, გურულები ჭან-ლაზ-მეგრელებისა და მესხების ნარევია და გურული
კილოკავი უფრო მესხურს ჩამოჰგავსო; ამას გარდა, გურიაში არც ერთი ებრაელი არ
მოიპოვება-მეთქი. მართლაც, თუ ჩამოვიდოდნენ ხოლმე ნაგომარზე, იარმუკობას,
ივაჭრებდნენ და ისევ წავიდოდნენ უკან.
თავის დროზე ერთი გაზეთის კორესპონდენტმა დაბეჭდა... ცნობა, თითქოს
იონა მეუნარგიას ქუთაისში შეურაცხყოფით მოეხსენებინოს ილია ჭავჭავაძე და
ამით გარკვეული ჩრდილი მიაყენა იონას. ამ ამბის სრული განმარტება მოცემულია
თვით ი. მეუნარგიას ამას წინათ გამოსულ წიგნაკში ილია ჭავჭავაძის შესახებ77...
ილია ჭავჭავაძეს ერთხელ უჩივლა თედო სახოკიამ, მაშინ სულ ახალგაზრდა
კაცმა და სასამართლომ გაარჩია მათი საქმე. ყველანი ძალზე გაკვირვებული და
დაინტერესებული ვიყავით ამ საჩივრით. საქმე ასეთი იყო: თედომ გამოსცა პატარა
წიგნაკი – „აკაკის ნაკვესები“. როგორც ცნობილია, აკაკის ბევრი ჰქონდა უწმაწური
ოხუნჯობაც და თედოს ისინი ყველა შეეტანა წიგნაკში. ილიას გაზეთმა „ივერიამ“
დაბეჭდა რეცენზია „აკაკის ნაკვესებზე“ და განაცხადა, რომ ეს წიგნაკი სახელს
უტეხს აკაკისაც და ქართულ მწერლობასაც და მისი გამოცემა სამარცხვინოა. თედომ
ეს შეურაცხმყოფელად მიიჩნია და უჩივლა გაზეთის რედაქტორს. უმაღლეს
სასამართლოში იყო საქმე. თედომ დამცველად აიყვანა ადვოკატი გიორგი გვაზავა,
რომელიც თან პოეტობდა კიდევაც, მისი პოემა თავის დროზე ჟურნალმა „მოამბემ“
გააკრიტიკა სასტიკად. სასამართლოს ბევრი ხალხი ესწრებოდა. ილიას ჰკითხეს,
ვექილი გეყოლებათო? მან მიუგო, „Я сам буду защищаться“-ო. მისცეს სიტყვა, ისიც
წამოდგა და თავისებურად დინჯად დაიწყო ლაპარაკი. უჭირავს ხელში ის
„ნაკვესები“ და სათითაოდ უთარგმნის რუსულად სასამართლოს წევრებს – ისე, რომ
იცოდა ხოლმე, საფუძვლიანად, არც ერთი სიტყვა არ გამოუტოვებია.
მოსამართლეები დაიხოცნენ სიცილით, ეუბნებიან: „Князь, достаточно, всё ясно!“ ის
კი მაინც თავისას არ იშლის, ეუბნება: – „Нет, ещё, ещё, вот ещё несколько очень
характерных примеров!“ ასე, საყოველთაო სიცილ-ხარხარში თითქმის სულ ჩაიკითხა
და თარგმნა ის წიგნაკი. ბოლოს განაცხადა, ეს იმდენად სამარცხვინო ანეკდოტებია,
რომ აკაკიმ თვითონ უარყო მათი ავტორობა და სწორედ ამიტომ დაიწუნა ჩვენმა
გაზეთმა ამ წიგნაკის გამოცემაო... მოიგო, რა თქმა უნდა, საქმე! თედოსაც საქმის
წაგება გულში არ ჩაუხვევია; კარგი პატრიოტი და ინტელიგენტი ქართველი იყო, არ
დამდურებია ილიას. პირიქით, მერე შესანიშნავი წერილი მიუძღვნა მას.

77ჩვენს ხელთ არის თვით კორესპონდენტის, აწ დამსახურებული პედაგოგის, მეთოდე კაკაბაძის

ვრცელი ახსნა-განმარტება, რომელიც ცხადყოფს, რომ მემუარების ავტორს მთლად სწორად ვეღარ
გახსენებია აღნიშნული ამბავი და ამიტომ აქაც ვამჯობინეთ კუპიურის გაკეთება.
 ჩემი მუშაობის დაწყებისას ერთი მასწავლებლისაგან შევიძინე ორი ხელნაწერი.
ერთ მათგანზე, ტყავის სვინაქსარზე, ბოცო-ბასილისა და მისი შვილების მინაწერები
იყო. მერე წარვუდგინე ის ხელნაწერები წერა-კითხვის საზოგადოებას, რომლის
თავმჯდომარეც მაშინ ილია ჭავჭავაძე იყო, ავუხსენი, თუ რატომ მიმაჩნდა
სასურველად იმ ხელნაწერთა ყიდვა საზოგადოებისათვის. როგორც კი გავათავე
ახსნა-განმარტება, ილიამ მაშინვე გაუსვა კალამი, „მიეცესო“, და ამინაზღაურეს
გაწეული ხარჯი. მერე გოგებაშვილმა შენიშნა: „კაცო, ჩვენ აღარ გვკითხე, იქნებ არა
ვყიდულობდითო?“ ილიამ უთხრა: „მაგას რაღა კითხვა უნდოდა, კაცი გვეუბნება,
ათაბაგის რამდენიმე ხელმოწერაა შიგაო. ერთისაც რომ ყოფილიყო, ისიც
კმაროდაო!“
თბილისში რომ არქეოლოგიური კრება მოეწყო78, იმას არ დავსწრებივარ, მაშინ
ქუთაისის გიმნაზიაში ვსწავლობდი, მაგრამ ანეტა ღოღობერიძე-მუსხელიშვილისამ
მიამბო იქ მომხდარი ერთი ინციდენტი. ხვოლსონს, ცნობილ ებრაისტს, წამოეძახა
თავის სიტყვაში, „Я счастлив, что нахожусь в Тифлисе, столице Армении“-ო.
სხდომის შემდეგ ილია მისულიყო ხვოლსონთან და ეთქვა, რომ მასზე ცუდი
შთაბეჭდილებამოახდინა ორატორის ნათქვამმა. საქციელწამხდარ ხვოლსონს
ბოდიშების ხდა დაეწყო, მაგრამ რაღა დროსი იყო?!
პროფესორმა ცაგარელმა რომ თავისი „Мингрельские этюды“ გამოაქვეყნა, ჩვენი
საზოგადოება, ილია ჭავჭავაძიდან მოკიდებული, ერთხმად აუმხედრდა და კინაღამ
შეჭამეს: მოღალატეა, უნდა მეგრელები ჩამოაშოროს საქართველოსაო. ძალიან
ნიჭიერი კაცი იყო, ლინგვისტიკაში უკეთესი არ შეიძლებოდა. ის ნაშრომიც ძალიან
კარგი ჰქონდა, მაგრამ, სამწუხაროდ, ააღებინეს ხელი ენათმეცნიერულ მუშაობაზე
და მის მერე შეუდგა სიგელების გამოცემას, რასაც ბევრი სხვაც გააკეთებდა
უიმისოდ.
ერთხელ ილია ჭავჭავაძე, ნიკო ღოღობერიძე და მე ვბრუნდებოდით საიდანღაც
ერთად და ვუთხარი: „ეგ რა გამოდის. გინდათ, რომ მეცნიერმა მეცნიერულად არ
იმუშაოს? მეცნიერებაში პოლიტიკა როგორ უნდა გაურიოთ-მეთქი?“ „მეო, –
მიპასუხა ილიამ, – მაგაში არ ვერევიო; ცაგარელის ნაშრომი მეცნიერულად
როგორია, არ ვკითხულობ, მაგრამ ძალიან კი გვავნო, იანოვსკიმ და სხვებმა
დაიხვიეს ხელზე და მოთხრა დაგვიპირესო!“
[ვ ა რ ი ა ნ ტ ი (1949 წ. 23/XI ჩანაწერში): „მახსოვს ერთი საუბარი ილია
ჭავჭავაძესთან, პეტერბურგიდან ჩამოსვლის კარგა ხნის შემდეგ. სადილად ვიყავით
ილია, ნიკო ღოღობერიძე და მე დავით სარაჯიშვილთან. ჩამოვარდა ლაპარაკი
ცაგარელზე. ღოღობერიძემ დასვა საკითხი: „რა უნდა ქნას ასეთ შემთხვევაში
მეცნიერმა, – რასაც მეცნიერული თვალით ხედავს, იგი აღიაროს, თუ დამალოსო?“ მე
ვთქვი: „თუკი მეცნიერება რასმე უჩვენებს, როგორ უნდა მოიტყუოს და პოლიტიკა
გამოურიოს-მეთქი? ახლა მარსაც ასე აუხირდენ, ცილს წამებენ და ეს კი არაა სწორი
მეთქი“. ილიამ თქვა: „მე არ ვიცი, მეცნიერულად როგორია ცაგარელის მოსაზრება,
მაგრამ ის კი ვიცი, რომ მაგან ძალიან გვავნო, თითქმის ერთიანად ჩამოგვაშორა
სამეგრელოო. კარგია, რომ თითონ იქაურმა ხალხმა არ მიიღო: სამღვთო წერილი

78 რუსეთის არქეოლოგთა V ყრილობა შედგა თბილისში, 1881 წელს.

რომ გადაუთარგმნეს, ადგნენ და გამოვიდნენ ეკლესიიდან, როცა მეგრულად
დაიწყეს წირვაო“].
საერთოდ კი ილია იმითაც სჯობდა თავის ირგვლივ მყოფთ, რომ ფხიზლად
ადევნებდა თვალს მეცნიერულ ლიტერატურას, მუდამ საქმის კურსში იყო,
კითხულობდა, უკვირდებოდა და მარჯვედაც იყენებდა თავის პუბლიცისტიკაში.
ილიას დასახასიათებლად აქ მოკლედ უნდა გავიხსენოთ მისი
დამოკიდებულება იმ ხანგრძლივი და მწვავე კონფლიქტისადმი, რომელიც თედო
ჟორდანიასა და ჩემს შორის ატყდა, როგორც კი გამოვედი სამეცნიერო ასპარეზზე,
ე.ი. ჩემი „სამი ისტორიული ხრონიკა“ რომ დავბეჭდე. თ. ჟორდანიამ „ივერიაში“
განაცხადა, რომ „მოქცევაჲ ქართლისაჲ“ მან გადმოწერა პირველად; რომ ათხოვა
გადმონაწერი ილია ჭავჭავაძეს, როდესაც იგი „ქვათა ღაღადსა“ წერდა, და რომ მერე
ის რვეული მე წავიღე. ამ წერილმა სასტიკი შეურაცხყოფა მომაყენა. ჯერ
სამედიატორო სამართალში გამოვიწვიე თ. ჟორდანია, და რომ არ გამომყვა, მერე –
დუელში, მაგრამ მან ამასაც თავი აარიდა. ილიამ რომ ეს ამბავი გაიგო, ძალიან
შეწუხდა, „ასეთი რამ არ უნდა დაბეჭდილიყო ჩვენს გაზეთშიო“. გაზეთის
რედაქციის გამგის, გ. ყიფშიძის პირით დამიბარა, მნახეო. მეც მივედი მასთან,
ბინაზე. 4 საათი იყო, დააგვიანდა ბანკიდან დაბრუნება. ბოლოს ისა და ივანე
პოლტარაცკი მოვიდნენ ერთად და დასხდნენ სადილად. მე უკვე ნასადილევი
ვიყავი და ისე, ტყუილად მივუჯექი სუფრას. სადილი რომ გაათავეს, ილიამ შემიხმო
კაბინეტში და ძალიან გულისხმიერად მომიბოდიშა, დიდად ვწუხვარ, რომ ჩემ
გაზეთში ასეთი წერილი გამოქვეყნდა, მაგრამ ხომ იცი, დრო არა მაქვს, მე თვითონ
ვერ ვკითხულობ გაზეთს, თორემ როგორ გავუშვებდი, ეს სულ რედაქციის
ბრალიაო! ახლა ძალიან გთხოვთ, როგორმე მშვიდობით გაათავეთ საქმე, სულ
ორიოდე კაცი მუშაობთ ჩვენს ისტორიაზე და ახლა თქვენი დუელი როგორ
შეიძლებაო? (სხვათა შორის, თავის დროზე თითონ ილიასაც ჰქონდა სადუელო საქმე
ნ. ნიკოლაძესთან). მე ვუთხარი, მუშაობა ახლა დავიწყე და უკვე ასეთი ლაფი
გადამასხეს თავს, როგორ შემიძლია ეს შეურაცხყოფა გადავიტანო, მშვიდობით კი
საქმე არ ეწყობა-მეთქი?! ილიამ ამაზე მითხრა, სამედიატორო სასამართლოში
გამოიწვიეთო. მე ვუთხარი, არც მაგ სასამართლოში გამოდის და არც დუელში-
მეთქი. ეგ ყოვლად შეუძლებელიაო! – მიპასუხა ილიამ, – როგორ არ გამოგყვებათ, ეგ
ხომ იმის ნიშანი იქნება, რომ ცილისმწამებელიაო?! მე ვუთხარი, კარგი,
სასამართლოს დავჯერდები-მეთქი. შევთანხმდით. ილიასავე რჩევით დავასახელე
მედიატორები და კიდევაც გაირჩა ჩვენი დავა. თ. ჟორდანიას ილიას მხარდაჭერის
იმედი ჰქონდა. ჩემს ერთ-ერთ მედიატორს ივ. პოლტარაცკის გავუზიარე ჩემი ეჭვი:
«ივერიის» რედაქციის წევრები ყველანი ჩემი წინააღმდეგნი არიან და ხომ არაა
მოსალოდნელი, ილიაც მათ მხარეზე დადგეს-მეთქი? ივანემ მითხრა, ეგ არასგზით
არ მოხდებაო; ილიას აქვს ცოტაოდენი ნაკლი, ერთხელ კიდევაც წავეჩხუბე და მთელ
წელიწადს ხმას არა ვცემდი, მაგრამ ის კი ყოვლად შეუძლებელი და
წარმოუდგენელია, რომ მან საზოგადო საქმეში ჭეშმარიტებას უღალატოს, ან ოდნავ
მაინც გადიხაროს იმისაკენ, ვინც მართალი არ არისო; ამაში დარწმუნებული
იყავითო! და მართლაც, ილიამ მედიატორებს ვერაფერი უთხრა ჟორდანიას
სასარგებლოდ. თქვა, თაყაიშვილი „სამი ისტორიული ხრონიკის“ გამოცემამდე
ჩემთან არ დადიოდა და, მაშასადამე, ვერც ამ რვეულს წაიღებდა ჩემგანო (თან ის
რვეული ეჭირა ხელში და ათვალიერებდა); როგორც ვრწმუნდები, მე ეს რვეული არა
მქონია, ის სხვა იყო, უფრო მცირე ტანისა და დაშლილიო; თუნდაც ეს ყოფილიყო,
შეუძლებელია, თაყაიშვილს წაეღოს, რაკი არ უვლია ჩემთანო! ილიას ჩვენების
შემდეგ კიდევ ერთი სხდომა ჰქონდა მედიატორებს, მაგრამ იმ სასამართლოს ამბავს
შემდეგ გავიხსენებ უფრო დაწვრილებით, რადგან ძალიან არსებით და,
სამწუხაროდ, დამახასიათებელ მოვლენად მიმაჩნია როგორც ჩემი მეცნიერული
მუშაობის ისტორიის, ისე ჩვენი საზოგადოების ისტორიისათვის.
ახლა კი მინდა გავიხსენო ილიასა და ნიკო ხიზანიშვილ-ურბნელის
ურთიერთობა და, ამასთან დაკავშირებით, ილიას ხასიათის კიდევ ერთი თვისება.
ილიას ჭამა ძალიან უყვარდა და ყოველთვის ისე გულმოდგინედ და
გემრიელად შეექცეოდა ხოლმე, რომ რაც არ უნდა დაკარგული გქონოდათ მადა,
ისევ მოგგვრიდათ. მისი დროდადრო მცირე ავადობის ერთადერთი მიზეზი ეს
ზედმეტი ნაყროვანება იყო ხოლმე. მაგალითად, ორშაბათობით იგი ხშირად
ხდებოდა შეუძლოდ, რადგან კვირაობით სადილად დადიოდა დავით
სარაჯიშვილთან, რომელიც დიდი მომასპინძლე კაცი იყო და რომელსაც შესანიშნავი
მზარეულები ჰყავდა: თამამად შეიძლება ითქვას, რომ იმ დროს თბილისის ვერც
ერთ ქართულ ოჯახში ვერ სჭამდით ისეთ გემრიელს სადილს, როგორსაც დავით
სარაჯიშვილთან. ერთხელ მე და ილია ვიყავით იმასთან სადილად. მასპინძელმა
რაღაცა შესთავაზა, კიდევ მიირთვიო, და ილიამ უარი უთხრა, შენი სადილის
შემდეგ ხშირად ავად ვხდებიო. მაშ, ნუ სჭამ ბევრსაო, – უთხრა სარაჯიშვილმა. –
როგორ არა ვჭამო, ისეთი გემრიელი საჭმელები მოგაქვს, რომ თავის შეკავება არ
შემიძლიაო! – მიუგო ილიამ.
დიახ, ილიას მადა-ჭამა განთქმული იყო, მაგრამ მისი ახლო მეგობრის, ნიკო
ხიზანიშვილის მადა-ჭამასთან ილიასი მოსაგონიც არ იყო. ნიკომ გაძღომა არ იცოდა,
თუ ვერ გრძნობდა გაძღომას, არ ვიცი. იგი ილიას ძალიან უყვარდა და
ერთიმეორესთან შეხუმრებული იყვნენ ყოველთვის. ნიკო „ფეოდალს“ ეძახდა
ილიას, ილია კი – „გაუმაძღარ პლებსს“ (ნიკო ფსევდონიმად „Plebs“-ს აწერდა თავის
სტატიებს ჟურნალ-გაზეთებში).
ერთხელ სიტყვამ მოიტანა და ილიამ გვითხრა: „მართალია, მეც კარგი ჭამა
ვიცი, მაგრამ ნიკო ხიზანიშვილს ხომ ვერ შევედრებიო!“ მერე გვიამბო: „ერთხელ
საგურამოში უნდა წავსულიყავით ერთად და, რაკი მისი ამბავი ვიცოდი, წინდაწინ
მეუღლეს მივწერე, ხვალ მოვდივარ საგურამოში და ნიკო ხიზანიშვილი მომყავს;
ხომ იცი, რანაირი სვავია და შესაფერისი სადილი მოგვიმზადე, საუზმეულს კი მე
ამოვიტან აქედან-მეთქი. მეორე დღეს კარგი დარი იყო და ჩვენც ნამგზავრნი მადაზე
კარგად ვიყავით. სადილის ჭამას პირველ საათზე შევუდექით. ჯერ, რასაკვირველია,
საუზმეულს შევექეცით და ლაზათიანად გიახელით ხიზილალას, დოშს,
„სარდინკებს“, გადაზელილსა და სხვა ამგვარებს. მერე არტალა და თევზის მწვადები
დავაყოლეთ. მერე შემოვიდა მზარეული და მკითხა, შემწვარი ინდოური და გოჭი
მაქვს, რომელს ინებებთო? მე ვუთხარი, ინდოური მოგვიტანე და გოჭი ვახშმად
შეგვინახე-მეთქი. ინდოურიც კარგად გიახელით და მერე ორგვარ-სამგვარი
ტკბილეულიც დავაყოლეთ; თან, რასაკვირველია, ყოველივე ამ საჭმელის შესაფერის
ღვინოსაც შევექცეოდით. ამან თითქმის ხუთ საათამდე გასტანა. მერე კი ადგა ნიკო
და გარეთ გავიდა, „ახლა ჰაერზე უნდა გავიარო, რომ ცოტა მოვინელო და სული
მოვითქვაო“. ჩვენ აივანზე დავრჩით და ნიკო კარგა ხანს აღარ ამობრუნებულა.
ბოლოს, რომ მოსაღამოვდა, მზარეული ამოვიდა და მკითხა, ვახშმად რა გაგიკეთოთ,
რას ინებებთო? მე ვუთხარი, გოჭი აკი გაქვს და სხვა რაღა გვინდა-მეთქი?! მან
გაიცინა, გოჭი სადღა გახლავთ, თქვენი სტუმარი ჩამობრძანდა სამზარეულოში,
გადმოიღო თაროდან ის გოჭი და სულ ერთიანად მიირთვა, თავის ძვლის მეტი არა
დაუტოვებია რა, თითქოს მანამდე არაფერი ეჭამოსო!“
 ილია ამ ამბავს თვით ნიკოს თანდასწრებით მოგვიყვა. მერე ნიკო მომიბრუნდა
და მითხრა: „ისე შიშხინებდა ახალშემწვარი გოჭი, რომ აბა, როგორ შემეძლო არ
შემეჭამა?! ნეტავი ახლაც მომცა იმისთანაო!"
ხიზანიშვილის ასეთი უზომო ჭამის ამბავი თბილისში ყველამ იცოდა და
ერთხელ აკაკიმაც დაუწერა კუპლეტებში:
„...ბექა და აღბუღა
არტალას არ ჩააყოლოო!“
ეს იმიტომ, რომ სწორედ იმ ხანებში გამოაქვეყნა ნიკომ, ნ. ურბნელის
ფსევდონიმით, ბექა და აღბუღა ათაბაგების კანონები.
ნიკოს ხშირად უთქვამს: რაცა ვარ, სულ ილიას წყალობითა ვარ, სამსახურშიც
მაგან გადმომიყვანა აქა; ილიასნაირად ქვეყანაზე არავინ მიყვარსო. ის, მისი ცოლი –
მსახიობი ელისაბედ ჩერქეზიშვილი – და მათი ბავშვები ძალიან ხშირად ეწვეოდნენ
ხოლმე სადილად ილიას. ელისაბედს თან გარმონიკა მოჰქონდა. ნასადილევს
უკრავდა და ბავშვებს აცეკვებდა. მის მიერ გარმონიკის დაკვრაზე ელენე ჯაბადარს,
მუსიკის კარგ მცოდნეს, გულს შემოეყრებოდა ხოლმე.
ნიკო ხიზანიშვილი გამომძიებლად იყო და მოსამართლის თანაშემწედ
მსახურობდა თბილისის ერთ-ერთ უბანში. უეჭველად ნიჭიერი კაცი იყო, კარგი
მკვლევარი და პუბლიცისტი, ენამახვილი; კარგი ქართულით წერდა... მაგრამ ცოტა
უხეშობა კი მოსდგამდა. ბოლოს, როგორც ცნობილია, ის მოკლეს, მაგრამ არ ვიცი და
არცაა, მგონი, დღემდე გამორკვეული, თუ ვინ მოკლა და რატომ? ორი შვილი დარჩა,
ქალ-ვაჟი.
ვაჟა-ფშაველა განსაკუთრებით მას შემდეგ შეიქნა ჩვენი საზოგადოებისათვის
ცნობილი, როდესაც დაბეჭდა პოემა, რომელშიც ერეკლე მეფეს არწივს ადარებს79.
ილიამ ძალიან გაუთქვა და გაუკეთა სახელი. ამბობდა, რუსთაველის შემდეგ
მაგისთანა პოეტი არ გვყოლიაო80. პირდაპირ გაგიჟებული იყო ვაჟაზე, მაგრამ სხვები
არ ეთანხმებოდნენ. ილიასთან გამართულ ხუთშაბათ-საღამოებზე ძალიან ხშირად
კითხულობდა ვაჟას ლექსებს „ივერიის“ რედაქციის გამგე გიგა ყიფშიძე, რომელმაც
კარგი კითხვა იცოდა სერთოდ...
შენიშვნა:
თვით ე. თაყაიშვილის ხელით მინაწერი ზემოთ გადმოცემულ მოგონებათა
რვეულის პირველ ორ, ცარიელ გვერდზე [ჩანს, გადაკითხვის შემდეგ მონდომებია
ასეთი რამეების ჩამატება]:
„ილია ჭავჭავაძე მოკლეს 12 სექტემბერს 1907 წელს“.
„დიმიტრი ყაზბეგი, გიორგი ყაზბეგის უფროსი ძმა, ილიას ჩამოუყვანია
ყაზბეგიდან ჟურნალ «კრებულში» თანამშრომლად. ის ყოფილა დიდად
განსწავლული, ფილოსოფოსი, მაგრამ უცნაური ხასიათის, საზოგადოებას
გაურბოდაო. მისი მოთხრობა „მავნე სული“ ჟურ. «კრებულში» იყო დაბეჭდილი.
მისი ოსი გოგოს შერთვა და სხვა (იხ. ეკატერინე გაბაშვილის მოგონება,
«ლიტერატურული მატიანე», წიგნ. 1–2, 1940, გვ. 113).

79„მოხუცის ნათქვამი“.
80ილია იტყოდა ხოლმე: „რაც ვაჟა გამოჩნდა პოეზიაში, ახლა ყველამ განზე უნდა გადავდოთ
კალამიო“ (ვლ. ფ ო ფ ხ ა ძ ი ს მოგონებებიდან. გ. ლ.).
 „ოლღა თადეოსის ასული გურამიშვილი და მისი და ეკატერინე [ცხოვრობდნენ]
თავის ბებიასთან [,] სავარსამიძის ცოლთან [დედა იყო სავარსამიძე, გ. შ.], მას
შემდეგ, რაც მათმა მამამ თადეოზმა [შეირთო] მეორე ცოლი [,] დავით დიასამიძის
ქალი მარიამი“.
„ილიას და ელისაბე[ი], ალექსანდრე საგინაშვილის მეუღლე [,] პირველად
ორბელიანზე ყოფილა გათხოვილი (გვ. 145)“.
„ვანკა-ვსტანკა“ [.]
„ნიკო ერისთავი, ყოფილა პრისტავი, კარგი დეკლამატორი ლექსებისა, ჩემი
დიდათ დამფასებელი“.
1896 წ., «ივერია», №63 [.]
„ილიას სამსახურში დუშეთში, იხ. მისი წერილები [.] 1949, გვ. 23“.

აკაკი წერეთელი

აკაკის შორიდან ვხედავდი ხშირად ქუთაისში, როდესაც პროგიმნაზიასა და

გიმნაზიაში ვსწავლობდი, მაგრამ პირადად მხოლოდ მაშინ გავიცანი, როდესაც
გიმნაზიის მეშვიდე კლასში გადავედი. იმ დროს ვცხოვრობდი პოლკოვნიკ
ალექსანდრე მუსხელიშვილთან, რომელსაც ცოლად ჰყავდა ნიკო ღოღობერიძის და
ანეტა, ცნობილი საზოგადო მოღვაწე და ერთობ ჭკვიანი და კარგი ადამიანი. მე
ვიყავი რეპეტიტორი ალექსანდრეს ძმისწულისა, რომელიც გიმნაზიის მეოთხე
კლასში სწავლობდა, და აგრეთვე ანეტას ძმისწულის, სიმონ ღოღობერიძის ქალის
ნინოსი, რომელიც შემდეგ ვაჩნაძეზე იყო გათხოვილი და რომელიც ეხლაც
კეთილად სუფევს. იგი მაშინ ქალების სასწავლებელში ქუთაისში სწავლობდა.
აკაკი ზოგჯერ ანეტასთან დადიოდა და იქ ვხვდებოდი მას. შემდეგ მას
ქუთაისის თეატრში მოღვაწეობის დროს ხშირად ვხედავდი სცენაზე. იგი რეჟისორი
იყო თეატრის კერძო დასისა და გასტროლებში მონაწილეობას იღებდა, სცენაზე
თავის ლექსებს კითხულობდა. მაშინ თბილისიდანაც ხშირად მოდიოდნენ
აკაკისთან ქართველი არტისტები – ვასო აბაშიძე და ვლადიმერ მესხიშვილი,
რომელნიც ჩვენთვის დიდად საყვარელნი იყვნენ, მათ წარმოდგენებს დიდის
ხალისით ესწრებოდა ქუთაისის საზოგადოება. მეტადრე ჩემზე დიდ
შთაბეჭდილებას ახდენდა ვასო აბაშიძის სახუმარო კუპლეტები, რომლითაც ის
გადაჰკრავდა ზოგიერთ ჩვენს მოღვაწეებს.
აკაკის ზოგჯერ ვხედავდი ქუთაისის ინტელიგენტთა საღამოებზე, რომლებიც
კერძო ოჯახებში იმართებოდა, უფრო ხშირად ეფემია კლდიაშვილის ოჯახში (ჩვენი
არქიტექტორის, სიმონ კლდიაშვილის დედა იყო). იქ ვისმენდით ხოლმე აკაკის
ჩვეულებრივ ხუმრობას, ზოგჯერ ჩვენის თხოვნით თავის ლექსებს გვიკითხავდა.
როდესაც უნივერსიტეტი გავათავე და თბილისში ჩამოვედი, მაშინ კი ხშირად
ვხვდებოდი აკაკის კერძო ოჯახებში და ნამეტნავად წერა-კითხვის გამავრცელებელი
საზოგადოების ბიბლიოთეკა-მუზეუმში, რომელიც იმხანად ერთ მოზრდილ ოთახს
წარმოადგენდა, წიგნების მაღაზიის უკან საადგილმამულო ბანკის ქარვასლაში,
სასახლის ქუჩაზე. აქ იკრიბებოდნენ ქართული ინტელიგენტები და ამ კრებაზე აკაკი
ხშირად მოდიოდა და თავისი მოთხრობებითა და ამბებით გვართობდა.
 როგორც ქუთაისში, ისე აქაც აკაკი ცოლ-შვილით არა ყოფილა, არც მუდმივი
ბინა ჰქონდა: ხან ერთ სასტუმროში ცხოვრობდა, ხან მეორეში. სამსახური თავის
დღეში არა ჰქონია, მაშასადამე, მისთვის არც ჯამაგირი არსებობდა. ცოტა
შემოსავალს იღებდა თავისი მამულიდან და ყოველთვის უფულოდ იყო. მაგრამ
როგორც დამსახურებული და უებრო პოეტი, ის ყოველთვის საყვარელი კაცი იყო და
შეძლებისამებრ ყველა ეხმარებოდა. ხშირად მას სასტუმროს მეპატრონენი,
ნამეტნავად იმერლები და გურულები, არც ბინაში, არც საჭმელ-სასმელში ფულს არა
თხოვდნენ, თვის ბოლოს მხოლოდ ანგარიშს წარუდგენდნენ თავიანთი
ხელმოწერით, რომ ფული მიღებულიაო.
აკაკი კერძო ოჯახებშიც ცხოვრობდა, ნამეტნავად პირველ ხანებში ნიკო
დიასამიძისას (თბილისში), სადაც მას მასპინძლის ცოლი და შვილები დიდის
სიყვარულით თავს დასტრიალებდნენ. ხშირად იყო აგრეთვე დეკანოზ დავით
ღამბაშიძის ოჯახში, ყვირილაში, სადაც დავით ღამბაშიძე სასულიერო გაზეთ
„მწყემსს“ სცემდა.
ერთ ადგილს დიდხანს გაჩერება არ უყვარდა: ხან თბილისში იყო, ხან
ქუთაისში. ქუთაისში მას ბინა ნიკო ნიკოლაძის დებთან – კატოსთან და ანიკოსთან
ჰქონდა. ესენი ცნობილი ინტელიგენტი ქალები იყვნენ, ქუთაისში
მასწავლებლობდნენ და ისე ირჩენდნენ თავს. დებს თავიანთი ძმა ნიკო ნიკოლაძე
ისე უყვარდათ, რომ ერთ სამდურავს ძმის შესახებ ვერ ათქმევინებდით. კატო (1854–
1931) და ანიჩკა (1846–1931) თამამი ლიბერალური მიმართულების ქალები იყვნენ,
უქმროები. აკაკი იქ როგორც თავის ოჯახში, ისე სცნობდა თავს. ნამეტნავად
საინტერესო იყო მათი შინაური დამოკიდებულება. აკაკიმ პოეტურად შეთხზული
ბაასი იცოდა. კატო მაშინვე სიცილით შენიშნავდა: „ტყუილი, ტყუილი“-ო, მაგრამ
აკაკი ამაში არც თავის შეურაცხყოფას ხედავდა და არც ეჩხუბებოდა, სუყველაფერი
სიცილით თავდებოდა.
საზოგადოდ აკაკი სააპეკო კაცი იყო: ვინმე პატრონი უნდა ჰყოლოდა,
ვინაიდან ცოლ-შვილთან იმ დროს არა ცხოვრობდა. გაგონილი მქონდა, რომ მისი
ცოლი, ბაზილევსკის ასული, მდიდარი ყოფილა, როდესაც აკაკის შეურთავს.
ამბობდნენ, ქონება რომ დახარჯვიათ, აკაკიც გასცილებიაო, მაგრამ მის ცოლს კვლავ
ორჯერ დიდი ქონება მიუღია გარდაცვალებული ნათესავებისაგან. აკაკი ისევ
ცოლთან წასულა მოსკოვში და, როცა ეს ქონებაც შეუჭამიათ, აკაკი ისევ
საქართველოში დაბრუნებულაო.
ნატალია ბაზილევსკაია მე უკვე მოხუცებულობაში ვნახე, როდესაც აკაკი
ავად იყო, და ეტყობოდა, რომ ახალგაზრდობაში სანდომიანი ქალი უნდა
ყოფილიყო. შვილი ლამაზი ყავდა.
როდესაც აკაკი ავად გახდა, თბილისში მისი ცოლი ჩამოვიდა და დაადგა
თავზე, თავისებურად უნდოდა კარგად მოევლო. ავადმყოფ აკაკის სხვა ქალებიც
უვლიდნენ (მაგ., ტასო მაჩაბელი და სხვები). ერთხელ მივედით აკაკის სანახავად,
ნუგეში ვეცით:
– „არაფერი საშიში ავადმყოფობა არ გაქვს, მალე მორჩები“-მეთქი. მან მითხრა:
„რა მომარჩენს, ეს თუ არ მომაცილეთო“, და მიუთითა ცოლზე. ეს აკაკის
ჩვეულებრივი ოხუნჯობა იყო; ისე, რაც შეეძლო, პატივსა ცემდა ცოლს.
აკაკის შვილი ალექსი ერთობ სიმპატიური ადამიანი იყო, ზრდილი,
კაცთმოყვარე, ლამაზი და კეთილი გულის პატრონი; მამა ძალიან უყვარდა და
თუმცა ქართული ნაკლებად იცოდა, მაგრამ მამის თხზულებათა შინაარსი
ზედმიწევნით ჰქონდა შეთვისებული. მან ოპერის მოყვარულთა დასი შეადგინა და
ერთხელ გასტროლებისათვის ჩამოვიდა საქართველოში. აკაკი შვილს დიდად
ეხმარებოდა, მაგრამ მოგება ვერ ნახეს და ვალებში ჩაცვივდნენ. თანდათანობით ეს
საოპერო დასი ალექსიმ შემდეგ გააუმჯობესა, პარიზში ჩავიდა თავისი დასით და
დიდი წარმატებით მიყავდა საქმე. კარგი შემოსავალი ჰქონდა და დიდი
შთაბეჭდილებაც მოახდინა ამ დასმა ფრანგებზე. მერე ფრანგებმა არენდით აიღეს ეს
დასი და მისი მონაწილენი, გარდა საფრანგეთის ქალაქებისა, ბრიუსელში და
ბელგიის სხვა ქალაქებშიც მართავდნენ საღამო-კონცერტებს, რომელთაც აუარებელი
ხალხი ესწრებოდა. დასს მართალია შემოსავალი დიდი ჰქონდა, მაგრამ ალექსი
იმდენად პირდაპირ იდეალური და უანგარო კაცი იყო, რომ შემოსავლის ანგარიშში
თითონ არც კი ერეოდა, – რასაც დასი მისცემდა, იმით კმაყოფილდებოდა. დასის
წევრები ალექსის აღმერთებდნენ და ოდნავი უსიამოვნებაც კი არა ჰქონიათ მასთან.
დედამისი ნატალია იმ დროს დასნეულებული იყო, ორ წელიწადს ლოგინში იწვა,
შვილი თავს დასტრიალებდა და არაფერს არ აკლებდა, მაგრამ ბოლოს მაინც
სნეულებას გადაჰყვა. დედის სიკვდილის გამო გამოუთქმელ მწუხარებაში ჩავარდა
ალექსი. ერთი თუ ორი წლის შემდეგ თითონ ალექსიც გახდა ავად და იქ, პარიზშივე
მიიცვალა. დიდძალი საოპერო დეკორაციები, ტანისამოსი და ბიბლიოთეკა დარჩა,
რაც მილიონნახევრად იყო შეფასებული. ეს ყველაფერი ქართულ საზოგადოებას
დაუტოვა ანდერძით, მაგრამ ოპერის დასის წევრებმა საჩივარი აღძრეს, რომ ჩვენ
გვეკუთვნის მთელი საოპერო ქონებაო, და ეს ქონებაც მათ დარჩათ.
აკაკი ჩემი დიდი პატივისმცემელი იყო და ეს საქმითაც დაამტკიცა. მე ცოტა
არ იყოს, სირცხვილეული დავრჩი. ერთხელ შემოვიდა იგი ჩემთან სახლში (მაშინ
წყნეთის ქუჩის დასაწყისში ვცხოვრობდი, ხოლო აკაკი ჩემს პირდაპირ ყოფილ
ოლღას ქუჩაზე) და მითხრა:
– „ყველაფერზე გული ამივარდა, არცერთი ჩვენი დაწესებულება არ
მაკმაყოფილებს შენი საისტორიო და საეთნოგრაფიო საზოგადოების მეტი და ჩემი
ქონება თქვენ უნდა დაგიტოვოთ ანდერძითო“.
მე გავიცინე და ღიმილით ვუთხარი: „აკაკი! შენი ჭირიმე, ჩვენი დაღუპვა თუ
არ გინდა, მაგას ნუ იქმ-მეთქი“.
– „რატომაო?“ – მკითხა.
– „იმიტომ რომ, მეშინია, შენს ვალებში არ გაგვიყიდონ ის ხელნაწერები და
სხვა ნივთები, რომელნიც თქვენ უნდა დაგვიტოვოთ ანდერძით“.
მან მიპასუხა: „ვინ გითხრა ეს? ვალი ერთი კაპეიკიც კი არ მაქვს, ან ვალი
საიდან მექნება, როდესაც ფულს არავინ მასესხებს? ქე ნახავ მაშინ, როდესაც ჩემს
მემკვიდრეობას მიიღებთ და მოსარჩლე არავინ გამოგიჩნდებათო“.
ამით გავათავეთ ლაპარაკი და სხვაზე გადავედით. სხვა დროს მას ამ
საკითხზე ლაპარაკი აღარა ჰქონია. წარმოიდგინეთ: წასულა აკაკი ქუთაისში და
ამავე კვირაში ნოტარიალური წესით დაუმტკიცებია ანდერძი, რომ მთელ თავის
მამულს და მთელ თავის ნაწარმოებებს, გამოცემულს თუ გამოუცემელს, უტოვებს
საქართველოს საისტორიო და საეთნოგრაფიო საზოგადოებას.
ეს მე მხოლოდ მაშინ გავიგე, როდესაც აკაკი გარდაიცვალა. ძლიერ
გამიკვირდა, რად მოიქცა იგი ასე, რადგანაც 100 დესეტინა მიწა, დიდი ეზო და
სახლი საჩხერეში, რომელშიც აკაკი ცხოვრობდა, მამაპაპეული იყო და კანონით
მასში წილი უნდა ჰქონოდა მის დასაც, რომელიც მაშინ ლოგინად იყო ჩავარდნილი.
მეორე მხრით, ეს ამბავი საკვირველი იყო იმ მხრივაც, რომ აკაკის შვილსა და ცოლს
არავითარი პრეტენზია არ გამოუცხადებიათ ამის შესახებ. რა თქმა უნდა, ჩვენ დიდი
პატივი ვეცით აკაკის ოჯახობას, სანამ ის თბილისში იყო. არამდიდრული, მაგრამ
სამყოფი სარჩო გავუჩინეთ.
ანდერძის თანახმად აკაკის სახლი, მამული, ეზო და მისი ხელთნაწერები
მალე ჩავიბარეთ, მის სახლში გავხსენით მუზეუმი და მისივე ყოფილ მოურავს კოტე
აბდუშელიშვილს ჩავაბარეთ. ის ენერგიული კაცი იყო და დიდად ხელს გვიწყობდა;
რასაკვირველია, თავის ანგარიშსაც არ ივიწყებდა.
თბილისში აკაკის მოურაობას ასრულებდა სოსიკო მერკვილაძე, ბუკინისტი,
დიდი ფართი-ფურთის კაცი. აკაკი მასთან ხშირად დადიოდა. სიკვდილის შემდეგ
აღმოჩნდა, რომ მას აკაკისაგან ნოტარიუსის წესით შეუძენია უფლება აკაკის
რამოდენიმე საუკეთესო თხზულების გამოცემისა. ჩვენ რომ ეს გავიკვირვეთ, მან
გვითხრა: „ამ თხზულებებს მე მხოლოდ ერთხელ გამოვცემ და მერე ყველა თქვენს
უფლებაში გადმოვაო“.
როგორც აკაკის წინადადებას ანდერძის შესახებ შევხვდი სიცილით, აგრეთვე
სიცილით შევხვდი მეორე მის წინადადებასაც. ერთხელ აკაკი მოვიდა ჩემთან და
მითხრა: „რამდენადაც ვიცნობ ხალხურ პოეზიას, უნდა გამოგიტყდე, რომ
ჩვენისთანა ხალხური პოეზია სხვა ხალხს, იშვიათად თუ აქვს. ამიტომ შენ დიდი
სამსახური მიგიძღვის, რომ ასე ბევრი მასალა გამოაქვეყნე თქვენს საისტორიო და
საეთნოგრაფიო ორგანოში – „ძველ საქართველოში“, მაგრამ ხალხში გაბნეული
მასალა აუარებელია, ამოუწურავი და მათი შეგროვება-გამოცემა გაასკეცებულ
მუშაობას თხოულობს. მინდა ამ საქმეში დაგეხმაროთ. მოწმობა მომეცით, რომ მე
თქვენი საზოგადოება მაგზავნის კახეთში სახალხო პოეზიის შესაკრებად“.
მე, როგორც მოგახსენეთ, სიცილით შევხვდი ამ წინადადებას: „თუ ღმერთი
გწამს, აკაკი, მაგას მე ნუ დამავალებ, თორემ უხერხულ მდგომარეობაში ჩავვარდები.
შენ მთელი საქართველო გიცნობს და მის უგვირგვინო მეფეს გეძახიან, ექვთიმე
თაყაიშვილმა უნდა მოგცეს შუამდგომლობის მოწმობა და გაგიკეთოს
რეკომენდაცია? მე ხომ სასაცილოდ ამიგდებენ და იტყვიან: ეს როგორ
გაკადნიერებულა და ჩვენ გვასწავლის, ვინ არის აკაკი და როგორი პატივით უნდა
მივიღოთ-მეთქი?“
– „აი, ასე იცი შენ, – მითხრა მან, – შენ რა გენაღვლება, მე ასეთი მოწმობა
გამომადგება. ჩემს ხალხს არაფერი არ სჯერა, აკაკიმ ლექსის წერის მეტი არაფერი
იცისო, შენ სერიოზული კაცი ხარ და მე შენს მოწმობას გამოვიყენებო“.
მე ვუთხარი: „დიდის სიამოვნებით, მაგრამ სიცილს მაინც დამაყრიან.
საამისოდ დიდი ფული ჩვენ არა გვაქვს, მხოლოდ 100 მანეთს მოგართმევთ, თუ
გეყოფათ ეს წასასვლელად, მიიღეთ და წაბრძანდით“.
– „თავსაყარად მეყოფა, მეტი არ მინდაო“.
დავწერე ჩვეულებრივი მოწმობა და მივეცი 100 მანეთი. ამას გარდა მივწერე
ჩემს მეგობრებს თელავში, განსაკუთრებით ვასილ კახიძეს, რაფიელ ერისთავის
სიძეს, რომ ჩვენმა დიდმა მგოსანმა განიზრახა ფოლკლორული მასალების
შეგროვება და გთხოვთ დიდის პატივით შეხვდეთ, წაიყვან-წამოიყვანოთ სხვადასხვა
სოფლებში და კმაყოფილი დააბრუნოთ უკანო.
მართლაც კახელები დიდის ამბით შეხვდნენ აკაკის და შესაფერი პატივი არ
დაუკლიათ მისთვის. დაბრუნების შემდეგ აკაკის ჩვენთვის არაფერი არ მოუტანია
და არც ჩვენ გვიკითხავს რამე ამ საქმის შესახებ.
ყველამ იცის, რომ აკაკის ილიასავით უყვარდა კარტის თამაში. ხშირად
ღამესაც ათენებდა. მანამ ჯიბეს არ ამოიცალიერებდა, თამაშობას არ მიატოვებდა.
თუ ილია უმეტეს შემთხვევაში კარტში ფულს იგებდა, აკაკი თითქმის ყოველთვის
აგებდა. მე ვეკითხებოდი კარტის მოთამაშეებს: „რა მიზეზია, რომ ილია იგებს, აკაკი
სულ აგებს?“ ისინი მეუბნებოდნენ: „შეუძლებელია აკაკიმ მოიგოს, რადგან მან
„ფასი“ არ იცის. ქაღალდი მოუვა თუ არა, მისთვის სულერთია, მაინც თამაშობსო.
მის პარტნიორებს „ბურდუჩნი“ კლუბში დავა ჰქონდათ ერთმანეთში, აკაკის რომ
დაინახავდნენ: დღეს მე ვეთამაშები და არა შენ. შენ გეყო, რაც წინათ მოუგე, ეხლა
მოგება მე უნდა მხვდესო“. ასე წინდაწინ იცოდნენ, რომ აკაკისთან თამაში მათთვის
ყოველთვის მოსაგები იყო.
აკაკი, როგორც მოვიხსენიე, სააპეკო კაცი იყო. ერთხელ მას ქუთაისის
სათავადაზნაურო ბანკმა პენსია დაუნიშნა და თანხა წერა-კითხვის საზოგადოებას
გადასცა, რომ თვიურ-თვიურად ეძლიათ განსაზღვრული რაოდენობით. ამან
უხერხულ მდგომარეობაში ჩააყენა საზოგადოება და მისი ხაზინადარი. აკაკი
თხულობდა ბევრ ფულს, ისინი არ აძლევდნენ განსაზღვრული თანხის მეტს. იყო
ერთი მითქმა-მოთქმა. აკაკი ამბობდა: „მე არაფერს არ მაძლევენ, ჩემს მაგიერ სხვები
აწერენ ხელს და მათ მიაქვთო“. ამას, რასაკვირველია, არავინ არ იჯერებდა,
ვინაიდან დავით კარიჭაშვილი, რომელიც მაშინ განაგებდა წერა-კითხვის
საზოგადოების საქმეებს, უაღრესად პატიოსანი კაცი იყო, და თუ ვინმე ეტყოდა
დავითს, რომ აკაკი ამბობს, არაფერს მაძლევენო, ისიც მთქმელს ხელწერილებს
უჩვენებდა და აკაკის კი საყვედურს სრულიადაც არ ეუბნებოდა. მაგრამ როდესაც
გიორგი ყაზბეგი გახდა საზოგადოების თავმჯდომარე, იმან შეურაცხყოფად მიიღო
ასეთი მითქმა-მოთქმა და წერა-კითხვის საზოგადოებამ უარი სთქვა აკაკისათვის
გასანაწილებელი ფულის მიღებაზე. შემდეგ ბანკმა სხვა დაუნიშნა აპეკუნად, მაგრამ
იმანაც უარი თქვა. ბოლოს იაკობ გოგებაშვილს სთხოვეს, რომ მას მიეღო თავის
თავზე ამ ფულების გამოზოგვა აკაკისათვის. გოგებაშვილი დიდ უარზე იყო, მაგრამ
მერე სთქვა: „ვინმემ ხომ უნდა იკისროს ეს არასასიამოვნო საქმე? ისე აკაკი ვერაფერს
ვერ მიიღებს. მე დავთანხმდები, თუ ექვთიმე თაყაიშვილიც შემომიერთდებაო“. მე
ვუთხარი იაკობს: –„როგორც შენ, ისე მე დიდ პატივს ვცემ აკაკის, მაგრამ ესეც ხომ
იცი, აკაკი არავის არ დაინდობს და ჩვენც კარიჭაშვილის ამბავი მოგველის-მეთქი“. –
„რა ვქნათ, უნდა გადავიტანოთო“, – მითხრა და ორივე დავთანხმდით. ერთხანს
ვუძღვებოდით ამ საქმეს. ჩვენ მაინც და მაინც არ შევუწუხებივართ აკაკის, ისე კი
პირსუკან რას ამბობდა, არ ვიცი.
როგორც რაფიელ ერისთავის იუბილე დიდი ზეიმით გადაიხადა ქართველმა
საზოგადოებამ, ისე კიდევ უფრო მეტის ზეიმით, თანაგრძნობითა და სიყვარულით
გადავიხადეთ აკაკის იუბილე თბილისში 1908 წელს. მაგრამ მისი იუბილე
თბილისით არ დამთავრებულა. შედგა ჯგუფი, რომელმაც აკაკი დაატარა
საქართველოს ყველა კუთხეში: ქართლში, კახეთში, იმერეთში, რაჭა-ლეჩხუმში.
ყველა კუთხე დიდის ზეიმითა და თანაგრძნობით შეხვდა პოეტს და აგრძნობინა
თავისი სიყვარული და პატივისცემა. სხვათა შორის, აკაკი ესტუმრა ილიას სოფელ
ყვარელს. აქ იური ჭავჭავაძემ (გენერალ ნიკო ჭავჭავაძის ძმისწულმა) ისეთი საზეიმო
შეხვედრა მოუწყო აკაკის, რომ ხარჯების დასაფარავად, როგორც გადმოგვცეს, მას
მოუხდა ათიოდე დესეტინა მამულის გაყიდვა.
აკაკის ქართველი ხალხის პატივისცემა და სიყვარული არ დაკლებია.
ინტელიგენცია დიდად აფასებდა მის პოეტურ მემკვიდრეობას. სასტუმროებისა და
რესტორნების პატრონები მას სთავაზობდნენ კარგ ბინას, მოწყობილობასა და
საჭმელ-სასმელს, ფულს არა სთხოვდნენ. ნიკო დიასამიძის, ვანო მაჩაბლისა და
სხვათა ოჯახების კარებები ყოველთვის ღია იყო. ზაფხულში საჩხერეში მიდიოდა
ხშირად და იქ თავის სახლში სხვიტორში ცხოვრობდა; აქ დიდ ყურადღებას
აქცევდნენ თავისი მოგვარეები, მეტადრე ელისაბედ და ბეჟან წერეთლები.
იუბილეს შემდეგ აკაკი თანდათან დასუსტდა, დაავადმყოფდა და 1915 წლის
იანვარში გარდაიცვალა თავის სოფელ სხვიტორში. უკვდავი პოეტი დიდი ამბით
ჩამოასვენეს თბილისში და დაკრძალეს ქართველ მწერალთა პანთეონში, სადაც
განისვენებენ დიმიტრი ყიფიანი და ილია ჭავჭავაძე.

გიორგი წერეთელი

ჩვენ დიდ მოღვაწეთა შორის ყველაზე უმალ გავიცანი გიორგი წერეთელი.

როდესაც ქუთაისში მეორე კლასის პროგიმნაზიაში შევედი, გიორგი წერეთელი
მაშინ ამიერკავკასიის რკინიგზაზედ მუშაობდა. ის იყო დიდი მეგობარი იოსებ
თაყაიშვილისა, რომელიც თვალსაჩინო პიროვნება იყო მთელ გურიაში.
ერთხელ, კვირა დღეს, იოსებმა სადილად დამიძახა: „ჩემთან გიორგი
წერეთელი იქნება და მოდიო“. მეც მივედი. იქ იყო გიორგის გარდა ერთი ჩვენი
სოფლის, ლიხაურის მკვიდრი კაკაბაი ლომჯარია, რომელიც მოსწრებული ენის
პატრონი იყო, თამამი, უშიშარი და გლეხების მექომაგე.
სადილზე მხიარულობა გვქონდა. ტოლუმბაშად თვით იოსებ თაყაიშვილი
იყო. მან სხვების სადღეგრძელო რომ მოათავა, ჩემი სადღეგრძელო დალია და ასეთი
სურვილი გამოთქვა: „მე მინდა, საქართველოს თავისუფლებას მოესწრო და ისეთი
კაცი გამოხვიდე, რომ საქართველოს რესპუბლიკის პრეზიდენტი გახდეო“. კაკაბაი
ლომჯარია შეედავა იოსებს: „მე მაგის თანახმა არა ვარ“. ყველამ გაკვირვებით
შეხედეს და ჰკითხეს: – „რატომ?“ – „რატომ და კოჭლი კაცი რომ პრეზიდენტად
აირჩიონ, არ გვეტყვიან, ფეხმართალი კაცი ვერ იშოვნეთო?“ – „ეჰ, ეგ როგორ იქნებაო,
– დაუწყეს ლაპარაკი კაკაბაის, – პრეზიდენტს თავი უნდა ჰქონდეს კარგი და არა
ფეხიო“. კაკაბაიმ სიცილით მითხრა: – „არ გეწყინოს, ხუმრობით ვთქვიო“. მე
ვუთხარი: „როგორ მეწყინება, რაკი კარგად ვიცი, რომ საქართველო ასე ადვილად
ვერ განთავისუფლდება და მისი პრეზიდენტიც ვერაოდეს ვერ გავხდები, რადგან
ასეთი დიდი წარმოდგენა არა მაქვს ჩემს თავზე-მეთქი“. მომვარდა გიორგი
წერეთელი: „ყმაწვილო! ეგ რა თქვი, ყველა მოსწავლე უნდა განდიდებას მოელოდეს
და თავს ამზადებდეს მომავალი საქართველოს თავისუფლებისათვის!“ – მერე
ხმამაღლა თქვა: „მე მოვესწრები საქართველოს განთავისუფლებას და შენ
ახალგაზრდა – მით უმეტეს“-ო.
ამის შემდეგ გ. წერეთელი რამოდენიმეჯერ შემხვდა კიდევ ქუთაისში იოსებ
თაყაიშვილთან. შემდეგ ვნახე სურამში, როცა მესამე კურსზე ვიყავი პეტერბურგის
უნივერსიტეტში. ზაფხულში საქართველოში ვისვენებდი და ერთ-ორ დღეს მე და
მიხაკო მღვდელიევი კატო და ანიჩკა ნიკოლაძეებს ვესტუმრეთ სურამში (მაშინ
ნიკოლაძის ქალები გიორგი წერეთლის შვილებს უვლიდნენ და იქ სააგარაკოდ
იყვნენ). გიორგი იქ ამოვიდა შვილებთან. მისი პირველი ცოლი, ნიკო ნიკოლაძის და,
ოლიმპიადა უკვე გარდაცვლილი იყო.
უნივერსიტეტი რომ დავამთავრე და თბილისში ჩამოვედი, მაშინ გიორგი არა
მსახურობდა და დიდ გაჭირვებას განიცდიდა. გვინდოდა რაიმე საქმეში მოგვეწყო,
მაგრამ გიორგის საქმე ყველაზე უფრო მწერლობა იყო. ამიტომ ვანო მაჩაბელმა,
ალექსი ჭიჭინაძემ და მე განვიზრახეთ გაზეთის ან ჟურნალის დაარსება. ეს უფრო
იმით იყო გამოწვეული, რომ მაშინ, გარდა ილიას „ივერიისა“, სხვა გაზეთი არ
არსებობდა. ყოველდღიური გაზეთი დიდ ფულს მოითხოვდა და ჩვენ ვერ
შევძლებდით ამ ფულის შოვნას, ამიტომ გადავწყვიტეთ, საკვირაო გაზეთი
დაგვეარსებინა. აღვძარით შუამდგომლობა ჟურნალ „კვალის“ გამოცემის შესახებ და
კიდევაც მივიღეთ უფლება. რედაქტორობა და გამომცემლობა გიორგი წერეთელს
დავუმტკიცეთ, რასაც გ. წერეთელი დიდი სიხარულით შეხვდა. მაგრამ მან მალე
იცვალა მიმართულება და გაზეთი მესამე დასელების ორგანოდ გახდა. ეს ეწყინათ
ვანო მაჩაბელს და ალექსი ჭიჭინაძეს. მთხოვეს: – „წადი, ჩვენს მაგიერ მოელაპარაკე
გიორგის; ეს რა ამბავია, რომ ჩვენი დაარსებული გაზეთი სხვებს გადასცაო“. მე
ვუთხარი: „მე გიორგის რა უნდა ველაპარაკო?! ის დიდი ცნობილი მოღვაწეა და მე არ
შემეფერება მისი ჭკუის სწავლება. ისე ჩამოვუგდებ ლაპარაკს და რასაც მეტყვის,
მოგახსენებთ-მეთქი“. წავედი გიორგისთან და დავიწყე ლაპარაკი „კვალის“ შესახებ.
მან მითხრა: „ეხლა ისეთი დრო დადგა, რომ ძველი მიმართულება უნდა
უკუვაგდოთ. იქიდან მარტო ნაციონალური თავისუფლების მისწრაფება
დავიტოვოთ და სხვა სოციალურ-ეკონომიურ საკითხებში მარქსისა და ენგელსის
მიმართულება უნდა მივიღოთ. მარქსი ეკონომიურ საკითხში და სოციოლოგიაში
ისეთი ავტორიტეტია, როგორც დარვინი ბიოლოგიაში. მარქსისტები ენერგიული
ხალხია და გაზეთის საქმეს უზრუნველგახდიან. მაჩაბელს და ჭიჭინაძეს არაფერი
შეუძლიათო“.
გიორგი წერეთელი სხვა ჩვენი მოღვაწეებისგან იმით განირჩეოდა, რომ ჩვენი
ძველი მწერლობა იცოდა, ხუცურ ხელთნაწერებს კარგად კითხულობდა, ახალი
ქართული ჩინებულად იცოდა. ქართველი მწერლები მის შესახებ სხვადასხვა აზრისა
იყვნენ. მაგ., აკაკი ამბობდა: გიორგი წერეთელს ორი თავი აქვს: ერთი ჭკვიანი და
მეორე სულელიო; ხან ერთს ხმარობს და ხან მეორესო“. ნიკო ნიკოლაძე ამბობდა:
„ყველაფერი საქმე გამოუვა ხელიდან: კარგიცა და ავიცაო“.
იგი არქეოლოგი იყო. მისი რეფერატი მეხუთე საარქეოლოგიო კრებაზე
თბილისში ყველა სხვა ქართულ რეფერატს სჯობდა. მოსკოვის არქეოლოგიური
საზოგადოების წევრი იყო. არქეოლოგიურ მოგზაურობას აწარმოებდა საქართველოს
სხვადასხვა კუთხეებში და სტატიებს ბეჭდავდა в „Материалах по археологии
Кавказа“.
ილია ჭავჭავაძესთან ხშირად ჰქონდა პოლემიკა, მაგრამ პირადად შეხვედრის
დროს მათ ცუდი განწყობილება არა ჰქონიათ და ხშირად იგონებდნენ თავიანთი
ძველი მოღვაწეობის დროს, თუ მაშინ რა დევნას და რაოდენ უსიამოვნებას
განიცდიდნენ.

ვაჟა-ფშაველა

ვაჟა-ფშაველა მე პირველად გავიცანი პეტერბურგში, როდესაც

უნივერსიტეტში შევედი. ის მოვიდა თავისუფალ მსმენელად უნივერსიტეტში და
ესწრებოდა ქართველი სტუდენტების სხდომას სათვისტომო საკითხების შესახებ.
ფშავ-ხევსურეთის სახალხო პოეზიიდან აუარებელი ლექსები იცოდა ზეპირად.
არავითარი რვეული ან წერილობითი საბუთები ხელში არა ჰქონია და ყველანი
განცვიფრებულნი ვიყავით, როგორ შეეძლო ამდენი ლექსების ზეპირად
დამახსოვრება. ლექსები, რასაკვირველია, დიდ შთაბეჭდილებას ახდენდა ჩვენზე.
 ის ცხოვრობდა ერთ ჩემ ამხანაგ გოცირიძესთან, მაგრამ დიდხანს ვერ
შეეწყვნენ ერთმანეთს და გასცილდნენ.
თბილისში რომ ჩამოვედი, მას ვერა ვხედავდი, მაგრამ ერთი მისი საქმე
წამოიჭრა წერა-კითხვის გამავრცელებელი საზოგადოების კომიტეტში და მაშინ
შევიტყვე, რომ მანგლისის მახლობლად თონეთში ყოფილიყო მასწავლებლად.
თონეთელებიდან ასეთი საჩივარი მოვიდა: ცუდად იქცევა, მუშტი-კვრით
გვიმასპინძლდება და ხანჯლითაც გვემუქრებაო. იქ გაგზავნეს გამოძიებისათვის
წერა-კითხვის საზოგადოების საქმის მწარმოებელი იაკობ მანსვეტაშვილი და იმან
მოიტანა ამბავი, რომ ვაჟას ჩხუბი მოსვლია ერთ რუსის ოფიცერთან, ისინი
ერთმანეთს შეხებიან ხელით. ბოლოს და ბოლოს საქმე იმით გათავდა, რომ ვაჟა-
ფშაველამ მიატოვა იქ სამსახური.
შემდეგ მას ვხვდებოდი იშვიათად წერა-კითხვის საზოგადოების
კანცელარიაში და ვეცნობოდი მის ლექსებს და მოთხრობებს, რომელნიც „ივერია“-ში
იბეჭდებოდა. მაშინ მას უკვე სახელი ჰქონდა მოხვეჭილი, როგორც დიდსა და
ორიგინალურ პოეტს. ყველაზე უფრო მისი ნიჭის დამფასებელი იყო ილია ჭავჭავაძე,
რომელიც ამბობდა: „რუსთაველის შემდეგ ჩვენ ასეთი ნიჭიერი პოეტი არა
გვყოლიაო“. „ხუთშაბათობის სხდომებზე“, რომელნიც ილიას ბინაზე ეწყობოდა
ხოლმე და რომელთაც ესწრებოდნენ რედაქციის ყველა წევრი, მწერლები და ილიას
მეგობრები, ხშირად კითხულობდნენ ვაჟა-ფშაველას ამა თუ იმ თხზულებას.
შემდეგ, როდესაც მე დავაარსე საისტორიო და საეთნოგრაფიო საზოგადოება,
ჩვენ შევუდექით აგრეთვე სახალხო პოეზიის ნიმუშების შეკრებასა და
გამოქვეყნებას. გვინდოდა შეგვეკრიბა დაწვრილებითი ეთნოგრაფიული მასალები
საზოგადოდ მთიელთა და განსაკუთრებით ფშავ-ხევსურების ცხოვრების შესახებ. მე
ვთხოვე ვაჟა-ფშაველას: „ამას შენზე უკეთესად ვერავინ ვერ შეგვიდგენს.
გასამრჯელოს მოგართმევთ, შეგვიკრიბე ასეთი მასალა. ჩვენ გვაინტერესებს,
ვიცოდეთ ფშავ-ხევსურების ცხოვრების პირობები, მათი ზნე-ჩვეულებანი,
მისწრაფებანი და ხასიათები“. ვაჟა-ფშაველა დამპირდა და რამოდენიმე ხნის შემდეგ
მოგვიტანა შესანიშნავი მოთხრობა – „ფშაველი და მისი წუთისოფელი“, რომელიც
დაბეჭდილია „ძველი საქართველოს“ მე-2 ტომში. ეს ნაწარმოები ნამდვილი
პოეტური მოთხრობაა, რომელსაც თან ახლავს ფშავური ლექსები და ანდაზები.
ხევსურების შესახებ ასეთი მოთხრობის დაწერა საუბედუროდ მას აღარ დასცალდა.
შვილების აღზრდაში დახმარებას მთხოვდა და 1902 წელს მისი შვილი
ლევანი პანსიონში მივაღებინე კომიტეტის საზოგადოების ხარჯზე. გარდაცვალების
შემდეგაც მის ორივე შვილს სტიპენდიები დავუნიშნეთ და სასწავლებლად
გავგზავნეთ.
როდესაც იგი დასნეულდა, მოვათავსეთ სათავადაზნაურო გიმნაზიის
საავადმყოფოში, შენობაში, სადაც ახლა ჩვენი უნივერსიტეტია. აქ მე მასთან ხშირად
დავდიოდი და რაც შემეძლო, ყველაფერში ვეხმარებოდი, მაგრამ სამწუხაროდ,
უდროოდ გამოეცალა წუთისოფელს.

ეგნატე ნინოშვილი (ინგოროყვა)

ეგნატე ნინოშვილს პირადად არსად არ შევხვედრივარ და არც გამიცვნია.

მხოლოდ ერთხელ მომწერა წერილი და მთხოვა, მასალები მიმეთითებინა გურიის
აჯანყების შესახებ. მე სიამოვნებით ავუსრულე ეს თხოვნა. ჯერ დავუსახელე
ოფიციალური ცნობები, რომელიც სამხედრო შტაბში ინახებოდა (მაშინ სამხედრო
შტაბში მუშაობდა ჩემი ძმა – ვარლამ თაყაიშვილი; იმისგან შევიტყე ნომერი საქმისა).
ამას გარდა, ვურჩიე პირადად ენახა ბიძაჩემი ედიშელ თაყაიშვილი, რომელიც ამ
ჯანყში ერია და დაჭრილი იყო მუხლის თავში, და მივსწერე დაწვრილებით, თუ
როგორ ჩაბმულიყო ის ამ აჯანყებაში, ვის გადაერჩინა დაკოდილი და სხვა.
ბიძაჩემიდან მე ასე მქონდა გაგონილი: მოთავენი აჯანყებისა ყოფილიყვნენ
დავით გუგუნავა და დავით გურიელი. გუგუნავა მოსულიყო ჩვენს სოფელში,
ლეხოურში ჯარის შესაკრებად. ბიძაჩემი ედიშელი მაშინ 16 წლისა ყოფილიყო.
ბებიაჩემს ის დაემალა სახლში, რომ გუგუნავას არ ენახა და არ მოეთხოვა მისი
წაყვანა. „მე კი, – მითხრა ბიძაჩემმა, – დიდად მინდოდა მასთან წასვლაო“. ამიტომ
დაუწყია ღრიალი. ეს გაუგონია დავით გუგუნავას და უკითხია ბებიაჩემისათვის:
ვინ არის, რომ ღრიალებსო? რომ გაუგია, რაში ყოფილა საქმე, გუგუნავას
გამოუყვანია სამალავიდან და წაუყვანია ეს გახარებული 16 წლის ახალგაზრდა,
მაშინ უკვე თოფის სროლაში გაწვრთნილი.
ბიძაჩემს უამბნია, რომ აჯანყებისათვის მზადებას ორი კვირით ადრე
შეუდგნენო ლეხოურში, და რომ ჯარის შეკრებას მეთაურობდაო ხოსო81
გოგორიშვილი. მამაჩემი მაშინ კარდონის ნაჩალნიკი ყოფილიყო, ე. ი. მდინარე
ჩოლოქის კარდონის მცველი (ჩოლოქის წყალი შეადგენდა საზღვარს რუსეთის და
ოსმალეთისას, მის მცველს კარდონის ნაჩალნიკი ერქვა).
მეორე ჩვენი გვარის კაცი, ქაიხოსრო თაყაიშვილი, რუსის მთავრობის მოხელე
იყო. მამაჩემი და ქაიხოსრო თაყაიშვილი შეგნებული წინააღმდეგნი ყოფილან
აჯანყებისა და ამბობდნენ, ესენი ვერას გახდებიან და დიდი ზარალი მოუვა
გურიასო; მაგრამ მათ არ უჯერებდნენ. ბიძაჩემმა მითხრა: მზადება ჩვენს სოფელში
იმითაც გამოიხატებოდა, რომ ჯვარს ზემოთ (ჯვარი ერქვა იმ ადგილს, სადაც
ეკლესია იყო) აჭის წყლის სათავეში მიმავალი გზა შეკრეს, რამოდენიმე ხე აქა-იქ
მოსჭრეს და მით გადახირეს გზაო. მამაჩემს უკითხავს: „რად ჩადიხართ ამ საქმეს?“
იმათ უპასუხიათ: „ამაზე რუსები ვერ გადავლენ“-ო; მამაჩემს კი უპასუხია (ბიძაჩემმა
მითხრა): „რუსებმა კავკასიის მთები გადმოლახეს და თხმელას ხეები დააკავებს
მათო?!“
ოზურგეთში გურიელების დროიდან დარჩენილი მაღალი ციხე იყო. ამ
ციხეში ბინადრობდა რუსის ჯარი და იქვე ჯართან ყოფილან როგორც რუსის
მოხელენი, ქაიხოსრო თაყაიშვილი და მამაჩემი – სიმონ თაყაიშვილი.
ბიძაჩემის თქმით, აჯანყებულთა შეტევის გეგმა ასეთი ყოფილა: დავით
გუგუნავას რაზმი უნდა მოსულიყო ნაგომრიდან, ხოლო დავით გურიელის –
ლანჩხუთიდან. ეს იქნებოდა მემარჯვენე და მემარცხენე ფრთები შეტევისა.
ლეხოურლები და მაკვანელები აქედან უნდა ჩასულიყვნენ მდინარე ჟუჟის პირზე,
გოგორიშვილის თაოსნობით. გოგორიშვილის რაზმი იქნებოდა მებრძოლთა
ცენტრი.
აჯანყების დაწყების დროს დავით გუგუნავას და გოგორიშვილის რაზმები
დროულად მოსულან თავ-თავიანთ ადგილზე, მაგრამ დავით გურიელის რაზმს
რაღაცა მიზეზის გამო დაგვიანებოდა. მის მოსვლამდე შეტევა უკვე დაწყებული იყო,

81 ვგონებ, ხოსო ერქვა; მისი სახელი ნამდვილად არ მახსოვს (ექ. თაყაიშვილის შენიშვნა).
გოგორიშვილის რაზმს გადაელახა ჟუჟი და დაეკავებინა მაღლობი, რომელიც
ოზურგეთის ციხის პირდაპირ იყო, ბაზრის წყლის მარცხენა ნაწილზე.
გოგორიშვილს მაღლობის წვერიდან ბიძაჩემი ერდიშელი გაეგზავნა ბაზრის
წყალთან ჩასასვლელად, სადაც იდგა ერთი ნაწილი მეამბოხეთა და მათ უნდა
მოხმარებოდა. ეს ფერდობი ბაზრის წყლამდე საკმაოდ გრძელია. ბიძაჩემს
ჩაურბენია ფერდობის შუა ნაწილამდის, მაგრამ იქ მოხვედრია კარტეჩი მუხლში და
წაქცეულა, ფორთხვით ჩასულა ცოტა ქვემოთ, საცა ადგილი ცოტა ჩაღრმავებული
იყო, და იქ ჩაწოლილა.
ბრძოლა გაგრძელებულა სამხრობის დრომდე (გურულად – ზარმელის
დრომდე). მამაჩემს და ქაიხოსრო თაყაიშვილს ციხიდან დაუნახავთ, როგორ
ჩამოეშვა ერდიშელ თაყაიშვილი მაღლობის წვერიდან და როგორ დაეცა მიწაზე.
როდესაც სროლა გათავებულა, თურმე მათ გადასძახეს ციხიდან გოგორიშვილს:
„ერდიშელი როგორ არისო?“ იმას პასუხი მიუცია: „ჯერ არ ვიცით, მკვდარია თუ
ცოცხალიო“. ეს რომ გაუგონია, ბიძაჩემს დაუწყია ყვირილი: „ცოცხალი ვარ,
ცოცხალი, არიქა მიშველეთო“. წასულა ქორივით გოგორიშვილი, შეუგდია მხარზე
ბიძაჩემი და აღმართზე ამოურბენია. გოგორიშვილი დაუნახავთ რუსებს ციხიდან და
აუტეხიათ სროლა, მაგრამ ვერ მოუხვედრებიათ ტყვია და ასე ამრიგად ამ გმირ
გოგორიშვილს გადაურჩენია ბიძაჩემი. იგი წამოუყვანიათ მაშინვე სახლში, იქ
დოსტაქრებს კარტეჩი ამოუღიათ მუხლის თავიდან და მოურჩენიათ. მაგრამ
მუხლის თავზე ნატყვიარისაგან ჩაღრმავებული ადგილი ბიძაჩემს კარგად აჩნდა.
შემდეგ გოგორიშვილი დაუჭერიათ რუსებს, ერთხანს სატუსაღოში
გაუჩერებიათ, მერე დახვრეტა მიუსაჯეს თურმე. ბიძაჩემმა მითხრა: „მე არაფერი
ამბავი არ ვიცოდი და ერთ დღეს ოზურგეთში წავედი. ჟუჟზე რომ გავედი, დავინახე
რუსის მთელ როტას მიჰყავდათ დასახვრეტად გოგორიშვილი. აუარებელი ხალხი
მისდევდა ჯარს. შევუერთდი მათ. პატიმარი ყვიროდა და აგინებდა მეფის
მთავრობას. რომ დავინახე ჩემი გადამრჩენი, დავიწყე ტირილი და მივდევდი
შორიახლო. მან შემომხედა და მითხრა: „რა გატირეს, ბიჭო, არავის არ შერჩება ჩვენი
სისხლი, დრო მოვა, გადაუხდიანო. მე ვაივაგლახით დავბრუნდი და მთელ კვირას
ჭკუაზე არ მოვსულვარ, ისე მაწუხებდა მისი სიკვდილი“-ო.
ეგნატე ნინოშვილმა მადლობის წერილი მომწერა: ვნახავ უსათუოდ ერდიშელ
თაყაიშვილსო, მაგრამ რაღაც მიზეზით არ უნახავს ბიძაჩემი.
ე. ნინოშვილის წერილი მომყავს აქვე. წერილს თარიღი არა აქვს, მაგრამ იგი
დაწერილია უსათუოდ 1892 წლის ზაფხულში, ვინაიდან ჩემთან მომართვა
მასალების საჩვენებლად გურიის ჯანყის შესახებ ურჩევია თედორე კიკვაძეს
ზესტაფონში, სადაც იგი ეგნატე ნინოშვილთან ერთად მსახურობდა ნ.
ღოღობერიძის კანტორაში. ე. ნინოშვილს „ჯანყი გურიაში“ დაუწერია 1888–1889
წლებში. ეს მოთხრობა ავტორს დაუმთავრებლად მიაჩნდა და ამიტომაც არ
გამოუცია თავის სიცოცხლეში. სამწუხაროდ ჩემი ნაჩვენები მასალების შესწავლა მას
ვეღარ მოუსწრია, ვიდრე გარდაიცვლებოდა. მისმა უდროოდ გარდაცვალებამ მით
უფრო დამწვა გული.
აი მისი წერილი:
„პატივცემულო ბ. ე ქ ვ თ ი მ ე!
თქვენი წერილი მივიღე. დიდად მადლობელი ვარ პასუხისათვის,
მადლობელი ვარ აგრეთვე, რომ დამისახელეთ 1841 წ. გურიის აჯანყების შესახებ
მასალები, რადგანაც კი გავიგე იმ წიგნების, ანუ ჟურნალების სათაურები და № №.
ვფიქრობ, აწი აღარ გამიძნელდება იმათი მოპოვება.
 როცა თბილისში გიახლებით, თქვენც უნდა შეგაწყინოთ თავი, გთხოვოთ
იმის მოთხრობა, რაც ბიძა თქვენიდან გაგიგონიათ იმ აჯანყების შესახებ. ჩემთვისაც
უამბნიათ ბევრჯერ მოხუცებს იმ აჯანყების ამბავი, მაგრამ ერთის ნაამბობი მეორეს
არ ეთანხმებოდა. თქვენ, იჭვი არ არის, უფრო ნამდვილი წყაროდან გექნებათ
გაგებული იმის ვითარება. განსაკუთრებით საჭიროა გავიგო ნამდვილი მიზეზი
(მოტივი) იმ აჯანყებისა.

თქვენი პატივისმცემელი
ეგნატე ინგოროყვა“.

P. S. ილია ჭავჭავაძეს ჰქონდა მჭიდრო კავშირი ქართული კულტურისა და

საზოგადოების ბევრ მოღვაწესთან – გოგებაშვილთან, ცხვედაძესთან, მარიამ
ვახტანგის ასულ ორბელიანთან და სხვებთან, რომლებთანაც მისი ურთიერთობის
გაშუქება მეტად საჭირო რამ არის. შემდეგში ყოველ მხრივ ვეცდები შთამომავლობას
კვლავ აღვუდგინო წარსული საუკუნის ამ ბუმბერაზი ადამიანის ცხოვრებასა და
საქმიანობასთან დაკავშირებული ძვირფასი მომენტები.
ამჟამად მკითხველის ყურადღება მსურს შევაჩერო ერთ უცნობ დოკუმენტზე,
რომელსაც ეწოდება „ოქმი ილია ჭავჭავაძის განსვენებაზე მოსული დელეგატების
კრებისა“.
როდესაც ილიას ტრაღიკული დაღუპვის ამბავი გავრცელდა, საქართველოს
სხვადასხვა კუთხეებიდან შეიკრიბენ დელეგატები, რომელთაც გამოიმუშავეს
წესრიგი დამარხვისა და მისი სახელის უკვდავყოფისათვის.
შეკრებილ დელეგატთა კრებამ სტამბურად დაბეჭდა ოქმი, რომელიც ხალხში
გაავრცელა. ეს ნაბეჭდი ოქმი შემთხვევით ვიპოვნე ჩემს ქაღალდებში და ქვემოთ
ვურთავ მოგონებებს82.
პირი

ოქმი

ილია ჭავჭავაძის განსვენებაზე მოსული დელეგატების კრებისა

1907 წ. სექტემბრის 9-ს საღამოს 7 საათზე ტფილისის თ.-აზნაურთა

დეპუტატების საკრებულოში მოხდა კრება ილია ჭავჭავაძის დასაფლავებისათვის
საქართველოს სხვა და სხვა კუთხიდან ჩამოსული დელეგატებისა, რომელსაც
დაესწრნენ ტფილისის ქართულ დაწესებულებათა წარმომადგენელნიც. კრება
მოწვეულ იყო ახალგაზრდობის ერთი ჯგუფის მიერ ილია ჭავჭავაძის ხსოვნის

82პატივცემულმა აკადემიკოსმა ექვთიმე თაყაიშვილმა აღნიშნული ოქმი შემოსწირა საქართველოს

სახელმწიფო ლიტერატურულ მუზეუმს ილია ჭავჭავაძის ფონდში დასაცავად.
„ლიტ. მატიანის“ რედაქციის შენიშვნა.
აღსანიშნავად და პატივსაცემად. კრების ინიციატორებმა წინადადება მისცეს
დამსწრეთ, რომ დაედგას განსვენებულს ძეგლი ტფილისში ერევნის მოედანზე,
შედგეს ეროვნული თანხა და მიღებულ იქმნას სხვა და სხვა ზომები ილიას სახელის
განსამტკიცებლად ხალხში.
კრებამ დიდის კამათისა და საგნის ყოველმხრივი განხილვის შემდეგ
დაადგინა:
1) შესდგეს ეროვნული თანხა ილია ჭავჭავაძის სახელობაზე ქართული
ლიტერატურისა და სწავლა-განათლების გავრცელებისათვის; 2) მიენდოს ამ საქმის
მოწყობა წერა-კითხვის საზოგადოებას, და 3) დაევალოს უკანასკნელს, მიმართოს
ქართულ დაწესებულებათ – შავი ქვის მწარმოებელთა კრების საბჭოს, ქალაქის
თვით-მმართველობათ, თ.-აზნაურთა კრებებს, ბანკებს და კერძო პირებს, რომ
ყოველ წლიურად ან ერთდროულად გამოიღონ თავისი წვლილი ილია ჭავჭავაძის
თანხის შესადგენად.

ქართული სამუზეუმო ქონების ისტორიისათვის

1. [განძეულის საფრანგეთში ჩატანა]

 [I ვარიანტი, სქემატური ჩანაწერებითურთ.
დაწერილია საფრანგეთში]

ტფილისის დატოვებაზე ორი დღით ადრე მენშევიკური მთავრობის

თავმჯდომარემ საღამოს გამომიცხადა, ხვალ დილით ჩვენ ხაზინის ქონებას
ევაკუაციას ვუშვრებით და ქუთაისში ვგზავნითო; საჭიროა მუზეუმების
უძვირფასესი ნივთებიც გავხიზნოთო...
შევატყობინე ეს ამბავი ყველა მუზეუმთა გამგეებს. მთელი ღამე
დაუცხრომლად იმუშავეს და დილას ყუთები მზად იყო. გამოვითხოვეთ
„გრუზავიკი“, ჩამოვუარეთ ყველა მუზეუმსა და ყუთები გაიგზავნა ქუთაისში.
სამუზეუმო ნივთების მეთვალყურემ ნ. ყ ი ფ ი ა ნ მ ა, საქართველოს (ყოფ. კავკასიის)
მუზეუმის გამგემ გააყოლა ჩვენგან კარგად ცნობილი ი ო ნ ა თ ა მ ა შ ვ ი ლ ი,
რომელმაც მოგვიტანა წერილობითი დამოწმება, რომ ქუთაისის ხაზინამ უკლებლად
მიიღო გაგზავნილი სამუზეუმო ნივთები. ის დამოწმება ყიფიანმა მე მაჩვენა.
როდესაც შემდეგ ჩვენ, დამფუძლებელი კრების ყველა წევრი ჩავედით
ქუთაისში, ფინანსთა მინისტრმა კ. კ ა ნ დ ე ლ ა კ მ ა მთხოვა გადამერჩია იქაურ
ხაზინაში აგრეთვე შენახული გელათის მონასტრის ნივთები და გამომეყო, თუ რა
იყო მათში სამუზეუმო და რა – არა. ამის მუშაობას რამდენიმე დღე მოუნდა. ბოლოს,
როდესაც წითელი არმია ქუთაისს მოუახლოვდა, მთავრობისა და პარტიათა
წარმომადგენლების დადგენილებით გადაწყდა ქონება ჩატანილიყო ბათუმში, იქ
მოთავსებულიყო საფრანგეთის კრეისერზე, ხოლო შემდეგ, თუ აუცილებელი
გახდებოდა, საზღვარგარეთ ყოფილიყო წაღებული. დამფუძნებელი კრების მიერ
მეთვალყურედ დავინიშნე მე, ხოლო მთავრობის მიერ – ფინანსთა მინისტრის
თანაშემწე იოსებ ელიგულაშვილი. ქუთაისის ხაზინაში დიდძალი ქონება იყო
დაგროვილი წასაღები: ხაზინისა, მუზეუმებისა და ეკლესიებისა. მუზეუმთა
ნივთები ქუთაისის ხაზინამ უკვე ჩალაგებული და გამზადებული მიიღო, ხოლო
საეკლესიო ნივთები, კ. კანდელაკის თხოვნითა და ეკლესიისა და ხაზინის
წარმომადგენელთა თანდასწრებით, გადავარჩიე: რაც სამუზეუმო იყო – ჩავაწყე, რაც
არა – მიტროპოლიტ ნაზარის მიერ დანიშნულ წარმომადგენელს ეკლესიისას
ჩავაბარე სიით და ხელიც მოვაწერინე, რომ მიიღო.
კ. კანდელაკმა, მე, იოსებ ელიგულაშვილმა და ტფილისის ხაზინის გამგემ ბ ე
კ მ ა მთელი ღამე გავატარეთ ქუთაისის ხაზინაში, რომ ნივთები ჩაგველაგებინა,
დაგვებეჭდა და ვაგზალზე გასაგზავნად გაგვემზადებინა. გადაწყვეტილი იყო, რომ
ის მატარებელი, რომლითაც ნივთები იგზავნებოდა, ქუთაისიდან ბათუმის
მიმართულებით უნდა გამოსულიყო ღამე, გათენებამდის... ამიტომ დიდი მუშაობა
დაგვჭირდა, რომ მოგვესწრო. ყუთებს ხაზინის საერთო ნუმერაცია გაუკეთეს, რომ
უფრო სწორი ანგარიში გვქონოდა. შემდეგ ყუთები დავთვალეთ და საერთო რიცხვი
დავიჭირეთ. მერე დავიწყეთ ყუთების გზავნა სადგურში „გრუზავიკით“, როდესაც
ყველაფერი გავამზადეთ. ბეკი და ელიგულაშვილი სადგურზე იყვნენ, მათთან
მიჰქონდათ ყუთები და ბარათები, თუ რამდენი იყო გაგზავნილი... ისინი ყუთებს
იღებდნენ, ვაგონებში ათავსებდნენ და თან გვიგზავნიდნენ ბარათებს, თუ რამდენი
ყუთი მიიღეს. ამ ოპერაციამ თითქმის გათენებამდის გასტანა. როცა მხოლოდ ორი
რიგი დარჩა გასაგზავნი, მე და კ. კანდელაკმა დარჩენილი ყუთები დავთვალეთ და
მივუმატეთ იმ რიცხვს, რომელიც ბარათების მიხედვით გაგზავნილად ჩანდა.
დააკლდა ერთი ყუთი. ამის ანგარიში მოვთხოვეთ ხაზინის იქ დამსწრე მოხელეებს.
შეიქნა მიძებნ-მოძებნა და ლაპარაკი, მაგრამ ყუთი არ აღმოჩნდა. შემდეგ
მოხელეებმა გვაჩვენეს სხვა ანგარიში, საიდანაც თითქოს ჩანდა, რომ მეტი იყო
გაგზავნილი. ამის მერე ყუთების ერთი პარტიაც გაიგზავნა და გასაგზავნი დარჩა
კიდევ მხოლოდ ერთი პარტია. მაშინ კ. კანდელაკმა მთხოვა, საჩქაროდ წავსულიყავი
სადგურზე და როდესაც უკანასკნელი პარტიაც მოვიდოდა, დაუყოვნებლივ
დავძრულიყავით. მეც ასე მოვიქეცი, გავეშურე ბინაზე, სადაც ჩემი მეუღლე უკვე
მზად იყო და მიცდიდა, და წავედით სადგურში. იქ უკანასკნელი პარტიაც
მისულიყო და ალაგებდნენ ვაგონში, მაგრამ ბეკმა და ელიგულაშვილმა
გამომიცხადეს, უკანასკნელის წინ რომ პარტია მოვიდა, იმის ბარათში 31 ყუთი
წერია, მაგრამ ნამდვილად კი 30 იყო; ასე რომ, ერთი ყუთი არ მიგვიღიაო. ამ ამბავმა
შემაშფოთა. დავიწყეთ მისი ძებნა და თვალიერება, თუ რომელი ნომერი აკლდა.
მეგულებოდა ერთი განცალკევებული ყუთი, რომელშიც ყველაზე უფრო ძვირფასი
საეკლესიო ნივთები იყო და რომლის დატოვებასაც მთხოვდა სამღვდელოება.
დავიწყეთ მისი ძებნა და არსად არ აღმოჩნდა. ამას ნახევარი საათი მოვუნდით. მზე
ამოვიდა, ორთქლმავალიც მზად იყო, მაგრამ ვერ მივდიოდით. თავზარდაცემული
დავრჩი: რაც საუკეთესო იყო, დაკარგული მეგონა. ზოგი სად გავგზავნე, ზოგი – სად,
რომ კ. კანდელაკი მოენახათ. გადავწყვიტე, აღარ გამოვსულიყავი ქუთაისიდან, მანამ
იმ ყუთს არ იპოვიდნენ. მომზიდველნი იქვე იყვნენ და როცა განვუცხადეთ, რომ მათ
ერთი ყუთი არ მოუტანიათ, აურზაური ასტეხეს: ჩვენ წელში გავწყდით, მთელი
ღამე ვიმუშავეთ და მადლობის მაგიერ ქურდობას გვწამებთო? რაც მოგვცეს, ის
მოვიტანეთ, გზაში დაკარგვა შეუძლებელიაო. ჩვენ მაინც გავგზავნეთ კაცები, რომ ის
მანძილი, რომელიც „გრუზავიკმა“ გამოიარა, დაეთვალიერებინათ, მაგრამ არაფერი
აღმოჩნდა. წავედი კ. კანდელაკთან, გავაღვიძე, ვუთხარი ეს სამწუხარო ამბავი და
თან განვუცხადე, რომ მე არ შემიძლია, ვეღარ წამოვალ-მეთქი. კოწიამ მთხოვა,
უსათუოდ წამოვსულიყავი, თორემ მთელი ქონება დაგვეკარგება, მერე შეიძლება
აღარ გაგვიშვანო. დამპირდა, მე აქ კიდევ მოვნახავ, გამოვიძიებ საქმეს და თუ
ვნახეთ, მოგაწევო. სხვა ღონე აღარ მქონდა, დავბრუნდი სადგურზე. ხალხი
შეყრილიყო და ჩოჩქოლობდა...
როგორც იყო, გამოვედით ქუთაისიდან. მცველებად გამოგვატანეს ექვსი კაცი
„განსაკუთრებული რაზმიდან“. ისინი გზაში უკმაყოფილებას აცხადებდნენ.
პირადად ჩემთან არაფერი უთქვამთ, მაგრამ ჩემდა გასაგონად და, ყოველ
შემთხვევაში, გადმოსაცემად კი ელაპარაკებოდნენ სხვებს: „ამათ მიაქვთ ჩვენი
საცხოვრებელი და ჩვენ კი მშიერთ გვტოვებენ. არა, ამას ვერ მოვითმენთ, ვერ
გავუშვებთო“ და სხვ.
ბათუმში მთელი ოთხი დღე ვიყავით ვაგონში და ვცლიდით ჩვენ ნივთებს,
მანამ – მეხუთე დღეს – არ მოგვეცა საშუალება, რომ გადაგვეტანა კრეისერზე ჩვენი
და აგრეთვე ის ყუთები, რომელნიც იმ დროს მოიტანეს ბორჯომიდან [ბიბლიოთეკა
დიდი მთავრობის სახლისა]. გადაზიდვის დროს ვნახე ის ყუთი, რომელიც
დაკარგული მეგონა და ჩემ სიხარულს საზღვარი აღარა ჰქონდა. იგი მოქცეულიყო
მეორე ყუთს ქვეშ და მიტომ ვერ შეგვემჩნია ქუთაისში. მაგრამ ერთი მაინც აკლდა,
ოღონდ რაკი ერთ ყუთს ორი ნომერი ეკრა, გვეგონა, რომ ამან გამოიწვია
გაუგებრობა. ამით დავკმაყოფილდით, მით უმეტეს, რომ ქუთაისში ძიებამ
დაკარგული ყუთისა ვერავითარი შედეგი ვერ მოგვცა. ყუთები თვლით ჩავაბარეთ
კრეისერს და შემდეგ იმავე რიცხვით მივიღეთ სტამბოლში და გადავაბარგეთ Bien
Hoa-ზე. ასეთივე სათვალავით მივიღეთ მარსელში გემიდან მუზეუმის ყუთები,
რიცხვით ცამეტი, და კი არ მახსოვდა, თუ ცამეტი კი არა, სულ თოთხმეტი იყო. საქმე
ისაა, რომ ყუთები მართლა ცამეტი იყო და მეც ეს რიცხვი ჩამრჩა თავში,
მეთოთხმეტე კი ორ ჯოხზე გაკეთებული სურათები იყო სამხატვრო გალერეიდან,
და იგი გადამავიწყდა.
ასე რომ, აქაც სრულიად გულდამშვიდებული დავრჩი, რომ არაფერი
დაგვიკარგავს. ახლა კი, როდესაც ჩვენი შედგენილი ნუსხის ნომრები შევუდარე
ყუთების ძველ ნომრებს, რომელნიც ჩამოწერილი და ხელმოწერილი აქვს ქუთაისის
ხაზინის გამგეს, აღმოჩნდა, რომ ერთი ყუთი – №102 [სურათების შემცველი] – ჩვენ
მარსელში არ ჩამოგვიტანია, დაგვკარგვია. უსათუოდ საქმე გვაქვს
ბოროტმოქმედებასთან, რომელიც ქუთაისშია ჩადენილი, ხოლო გამოურკვეველია,
ვინ იყო მისი ჩამდენი: ხაზინის მოსამსახურენი, რომელნიც ყუთებს აძლევდნენ
სადგურზე წასაღებად მილიციონერებს, თუ მილიციონერები, რომელნიც ამ ნივთებს
ეზიდებოდნენ სადგურზე?...

ჩვენი მარშუტი

თებერვალი
18–19 პანიკა თბილისში
20–21 სამუზეუმო ნივთების ქუთაისში გამოგზავნა
24 (?) თბილისიდან გამოვედით

მარტი
1–2 ქუთაისიდან წამოვედით
3 ბათუმში მივედით
5 დავტვირთეთ გემი ჩვენი ინვენტარით
6 მატარებლიდან გადავედით სასტუმროში
11 გამოვედით ბათუმიდან
14 მოვედით კონსტანტინოპოლში
20 გამოვედით კონსტანტინოპოლიდან
23 მერსინში მოვედით
25 ალექსანდრეტაში მოვედით
27 ბეირუთში მოვედით
31 ბიზერტაში მოვედით
აპრილი
5 ბიზერტაში მოვედით
8 ბიზერტა დავტოვეთ
10 საღამოს მოვედით მარსელში
11 დილას ჩამოვედით გემიდან და გადმოვალაგეთ
ნივთები საფრანგეთის ბანკის მარსელის განყოფილებაში.
მოვთავსდით სასტუმრო „რეჟინა“-ში. იქ დაგვხვდნენ ზ. ავალიშვილი
და ანდ. დეკანოზიშვილი.
საფრანგეთის სამხედრო-სატრანსპორტი გემი Bien Hoa.
კონსტანტინოპოლში მოვიტანეთ სულ, ბორჯომის ნივთებიანად, 236 ყუთი,
ერთი დიდი კალათი და 12 ტომარა. მერმე გადავაწყვეთ ტომრის ნივთები ყუთებში
და მარსელში მოვიტანეთ 248 ყუთი და ერთი კალათა, სულ 249. ამათში ქუთაისიდან
წამოღებული იყო 175 ყუთი და 12 ტომარა, ბორჯომიდან ბათუმში ჩამოიტანეს 61
ყუთი, ხოლო ხობის მონასტრის ნივთები – ერთი პატარა ყუთი – იქვე ჩამოიტანეს
ახალსენაკიდან.
 ყუთები დაბეჭდილ იქნა პარიზში საქართველოს წარმომადგენლობის
წარწერით.

*
* *

1) 1921 წლის თებერვალში გამოვედით ტფილისიდან.

2) ვუკოლ ბერიძეს გავუგზავნე წერილი 1935 წლის 5 აპრილს.
3) პასუხი მივიღე 1935 წლის 10 მაისს.
4) გაზ. «კომუნისტ»-ში, 1931 წლის №45-ში, 22 თებერვალს დაიბეჭდა სია
ტფილისიდან წამოღებული სამუზეუმო ნივთებისა.
5) მეორე ჩემი წერილი ვუკოლისადმი – 1935 წლის 26 მაისს.
6) მარსელის ბანკი ნივთების (39 ყუთის) შენახვაში იღებდა წელიწადში 2500
ფრანკს. გადახდილია მხოლოდ ერთი წლისა.
7) სამინისტროს ჩავაბარე ჩემი რაპორტი 1935 წლის 15 მაისს.
8) წიგნები, 27 ყუთი ჩავაბარე 1935 წლის 1 ივლისს [თბილისის
უნივერსიტეტში წასაღებად].

ჩემი გამგზავრება თბილისიდან საფრანგეთში

1921 წლის
24 თებერვალს თბილისიდან გამოვედით და მოვედით ქუთაისში.
2 მარტს ქუთაისიდან გამოვედით.
3 მარტს ბათუმში მოვედით.
5 მარტს დავტვირთეთ განძეულობა კრეისერ «ერნესტ რენან»-ზე.
6 მარტს გადავედით ვაგონებიდან სასტუმროში.
11 მარტს გამოვედით ბათუმიდან.
14 მარტს მოვედით კონსტანტინეპოლში.
20 მარტს გამოვედით კონსტანტინეპოლიდან გემით «Bien Hoa» .
23 მარტს მოვედით მერსინაში.
25 მარტს მოვედით ალექსანდრეტაში.
27 მარტს მოვედით ბეირუთში.
31 მარტს გამოვედით ბეირუთიდან.
5 აპრილს მოვედით ბიზერტში.
8 აპრილს წამოვედით ბიზერტიდან.
10 აპრილს მოვედით მარსელში.
11 მაისს მარსელის ბანკში დატოვებულ იქნა 167 ყუთი.
26 მაისს მარსელის ბანკში დატოვებულ იქნა შესანახად
სამუზეუმო განძეულობა, 39 ყუთი. სხვა ყუთები
ზურაბ ავალიშვილმა მიაბარა პარიზის „გარდ-მებლ“-ში
და იქ მან და იოსებ ელიგულაშვილმა
მთავრობის ვერცხლეულობა გადაადნეს და 1. 200. 000 მანეთად
გაყიდეს.
ბანკში მიბარებული ყუთების №№ 91, 92, 93, 94, 95, 96, 97, 98, 99 და 100, 101,
102, 103, 104.
 1934 წლის 8 მაისს სასამართლომ გამოიტანა დადგენილება, რომ ჩვენი
განძეულობა შესანახად გადასცემოდა დოჟონს, ვინაიდან მას პატრონი აღარ ჰყავდა.
იმავე მოხელეს ებარა მეფის რუსეთის მთავრობის მიერ დატოვებული ქონებაც.
1935 წლის 5 მაისს ჟორდანიას „მთავრობისადმი“... [წარდგენილი
განცხადების პასუხად]... მეცნობა მთავრობის დადგენილება, რომ უფლება მაქვს
მივიღო ის ზომები, რომელსაც საჭიროდ დავინახავ.

ქრონოლოგიური ცნობები

1) ჩემი რაპორტი ჩავაბარე საფრანგეთის მთავრობას 1935 წლის 8 მაისს.

2) 1921 წლის 11 მაისს საფრანგეთის ბანკის ლიონის განყოფილებას ჩავაბარეთ
167 ყუთი, ხოლო 21 მაისს ზურაბ ავალიშვილმა და იოსებ ელიგულაშვილმა
ბანკიდან გამოიტანეს 128 ყუთი. ბანკში დარჩა 39, მუზეუმის ნივთების შემცველი
ყუთი. მათში ერია ერთი თუჯის ყუთი – ყოფ. «კავკასიის მუზეუმისა», რომელსაც
შემდეგ «საქართველოს სახელმწიფო მუზეუმი» დაერქვა, და აგრეთვე ერთი კალათი
(რომელშიც ის ვერცხლის გვირგვინები ელაგა, თავის დროზე დავით სარაჯიშვილის
კუბოს რომ ამკობდა) და ერთი შეკვრა სურათები. მუზეუმების 13 ყუთი არ
გაგვიხსნია. ზუგდიდის ყუთები იყო №№ 5, 18, 22, 24, 26, 27, 36.
3) 1936 წლის 2 ივლისს ჩავაბარე საბჭოთა კავშირის წარმომადგენლის
(პოტიომკინის) მდივანს 27 ყუთი ბორჯომის ყოფ. სასახლის ბიბლიოთეკისა,
წიგნები ჩვენი უნივერსიტეტისათვის გამოსაგზავნად. მათში ბევრი იყო აგრეთვე
ჩემი შეწერილი წიგნები, სამეცნიერო საზოგადოების „Societé Asiatique“-ის
გამოცემანი.
სამხედრო გემი – „Ernest Renan“?
სატრანსპორტო გემი – „Bien-Hoa“ („ბიენ-ოა“).
არასამუზეუმო ნივთები ყუთებით შესანახად მივაბარეთ Societé Nationale de
Déménagement-ს, 1921 წლის 7 მაისს.
4) დამფუძნებელი კრების დეკრეტი, რომ სამეგრელოს მთავრობის ქონება
გადაირიცხოს საქართველოს რესპუბლიკის ქონებაში, გამოვიდა 1920 წლის 21
დეკემბერს.
მარსელში ჩვენ მიერ ჩამოტანილი ნივთები შეიცავდა: 236 ყუთს და 12
ტომარას. ეს ტომრებიც მოვათავსეთ ყუთებში და სულ გამოვიდა 249 ყუთი. ამ
აღნიშნული ნომრებიდან 175 ყუთი და 12 ტომარა წამოღებული იყო ქუთაისის
ხაზინიდან, 61 ყუთი ბორჯომიდან იყო ბათუმში ჩამოტანილი, ერთი პატარა ყუთი –
ხობის მონასტრის ნივთები – ახალსენაკიდან. მარსელში კომისია მუშაობას შეუდგა
1921 წლის 25 აპრილს და დაამთავრა 11 მაისს. ხაზინის 112 ყუთი (ქარხნების
ვერცხლი) და მუზეუმების 13 ყუთი არ გაგვიხსნია.

*
* *

სასამართლომ 1934 წლის 8 მაისს გამოიტანა დადგენილება, რომ ნივთები

დოჟონს გადასცემოდა. დოჟონმა ჩაიბარა ისინი 1934 წლის 30 ნოემბერს (?). დოჟონის
სია შედგენილია 1934 წლის სექტემბერ-ოქტომბერში.
1) Monsieur A b e l C h e v a l l e y Ministe Plénipotentiaire, Haute Comissaire de
France au Caucase.
 2) Cruisseur Français «Ernest Renan».
შემდეგ: Vapeur «Bien-Hoa».
3) A. T c h e n k el i – Envoué Extraordinaire et Ministre Plénipotentiare de Géorgie
en France.
4) ჩვენი ადვოკატი: Mr. C h. P o m a r e t, Deputé.
5) Madame S a l o m é M i n g r e l i e, veuve du Prince A l e x a n d r e O b o l e n
s k i.

მუზეუმის ნივთების შესახებ

1921 წლის 11 მაისს საფრანგეთის ბანკის ლიონის განყოფილებას ჩავაბარეთ

167 ყუთი, ხოლო 21 მაისს ზურაბ ავალიშვილმა და იოსებ ელიგულაშვილმა
გამოიტანეს 128 ყუთი და ბანკში დარჩა მუზეუმის ნივთების შემცველი 39 ყუთი
(ამათში ერთი თუჯის ყუთი კავკასიის, შემდეგ საქ. სახელმწ. მუზეუმისა; ერთი
კალათი დ. სარაჯიშვილის ვერცხლის გვირგვინებისა და ერთიც სურათების შეკვრა).
არ გაგვიხსნია. ზუგდიდის ყუთები იყო შვიდი: №№ 5, 8, 22, 24, 26, 27, 36.
ჩემი მოხსენება საფრანგეთის მთავრობისადმი 1935 წლის 8 მაისს ჩავაბარე
მთავრობის კანცელარიას.
1935 წლის 1 ივლისს ჩავაბარე ტფილისში გასაგზავნად ბორჯომის
ბიბლიოთეკის 27 ყუთი და ჩემი წიგნებიც.
კონსტანტინეპოლში ჩვენ მიერ მოტანილი ნივთები შეიცავდა 236 ყუთს და 12
ტომარას, სულ საერთოდ 249 ნომერს. იქ ტომრების ნივთები ყუთებში მოვათავსეთ
და სულ მარსელში მოვიტანეთ 249 ყუთი.
ამ აღნიშნული ნომრებიდან 175 ყუთი და 12 ტომარა წამოღებული იყო ქ.
ქუთაისის ხაზინიდან, 61 ყუთი ჩამოტანილ იქნა ბორჯომიდან ბათუმში და ერთი
პატარა ყუთი (ხობის მონასტრის ნივთები) – ახალსენაკიდან.
მარსელში კომისია მუშაობას შეუდგა 1921 წლის 25 აპრილს, დაამთავრა – 11
მაისს.
ხაზინის 112 ყუთი (ქარხნების ვერცხლი) და მუზეუმების 13 ყუთი არ
გაგვიხსნია.
არა მუზეუმის ნივთები მივაბარეთ შესანახად Societé Nationale de
Déménagement-ს 7 მაისს.
დეკრეტი სამეგრელოს მთავრის ქონების საქ. რესპუბლიკის ქონებაში
გადარიცხვის შესახებ მიღებულია 1920 წლის 21 დეკემბერს.

2. განძეულის გატანის, საფრანგეთში შენახვისა და

დაბრუნების ისტორია

[II ვარიანტი, საქართველოში ჩამობრუნების შემდეგ დაწერილი]

1921 წელს, მენშევიკური მთავრობის ემიგრაციის წინ, განძეულობა ჩატანილ

იქნა ბათუმში. ძალიან იმედი გვქონდა, რომ არ გახდებოდა საჭირო მისი წაღება
საზღვარგარეთ, მაგრამ, სამწუხაროდ, ასე არ მოხდა და ყოფილმა მთავრობამ
გადაწყვიტა, თან გაეყოლებინა განძეული. დამფუძნებელმა კრებამ, რომელიც მაშინ
იკრიბებოდა ბათუმში, მე დამნიშნა განძეულის მეთვალყურედ და მთავრობამ კი
თავის მხრით გამაყოლა მათი ფინანსთა მინისტრის ამხანაგი ი ო ს ე ბ ე ლ ი გ უ ლ ა
შ ვ ი ლ ი. იმ დროს საფრანგეთში მთავრობის მიერ ამიერკავკასიაში
სრულუფლებიან მინისტრად დანიშნული იყო ა ბ ე ლ შ ე ვ ა ლ ი ე. მისი
განკარგულებით ის განძეულობაცა და მთავრობის ქონებაც მოთავსებულ იქნა
სამხედრო გემზე, რომელსაც სახელად ერქვა «ერნესტ რენანი». მე და
ელიგულაშვილი კი არ აგვიშვეს იმ გემზე, ვინაიდან, მათი თქმით, გემი მოქმედებდა
შავ ზღვაზე და ამიტომ მასზე არასამხედრო პირთა ყოფნა არ შეიძლებოდა. შევალიემ
სიტყვა მოგვცა, რომ როდესაც გემი კონსტანტინეპოლში გაემგზავრებოდა, ჩვენ
უსათუოდ მოგვათავსებდა ზედ. მაგრამ მან დაპირება არ შეასრულა. დანიშნულ
დღეს ჩვენ ერთი საათით ადრე მივედით ნავთსადგურში, საიდანაც გემი უნდა
დაძრულიყო და დავინახეთ, რომ კრეისერი უკვე საკმაოდ იყო ნავთსადგურს
მოშორებული. ცდა, რომ კატერით დავწეოდით, ამაო შეიქნა. მეტი ღონე არ იყო,
პატარა კერძო გემით უნდა წავსულიყავით კონსტანტინეპოლისაკენ.
დარი ცუდი შეგვხვდა. იმდენად შეარყია ღელვამ გემი, რომ კაპიტანს ხსნის
იმედი დაეკარგა და ყველას გამოგვიცხადა, გადასარჩენი ფრთები წამოგვესხა.
საბედნიეროდ, ორი საათის შემდეგ ამინდი შეიცვალა. ამრიგად, საშუალება მოგვეცა
მიგვეღწია კონსტანტინეპოლისათვის. იქ დაგვხვდა ის კრეისერი «ერნესტ რენანიც».
გვეგონა, რომ ჩვენცა და ჩვენი ნივთებიც იმ კრეისერით მივიდოდით მარსელში,
მაგრამ ეს ასე არ მოხდა: გამოსცეს განკარგულება, ნივთები გადაეტანათ დიდსა და
დაძველებულ სატრანსპორტო გემზე, რომელსაც «ბიენჰოა» («Bien Hoa») ეწოდებოდა.
მისი დანიშნულება იყო მოევლო მცირე აზიის, ეგვიპტისა და ჩრდილო აფრიკის
ყველა ნავთსადგური, რათა საფრანგეთში წაეყვანა იქ მყოფი დაჭრილები და
ავადმყოფები. ეს ამბავი არ გვესიამოვნა, მაგრამ სხვა რა გზა იყო, უნდა
[შევრიგებოდით].
პირადად ჩვენ პატივით მიგვიღეს და კაპიტანს განკარგულება მისცეს, მასთან
ერთად მიგვეღო საზრდო მე და ჩემს მეუღლეს. ეს მოულოდნელი იყო ჩვენთვის,
ვინაიდან კაპიტანთან უცხოთა მიერ საზრდოს მიღება წესსა და დისციპლინას
არღვევდა. საბედნიეროდ, კაპიტანი დიდად პატიოსანი და თავაზიანი კაცი
აღმოჩნდა [გვარად ვანდიერი იყო]. ყველა ნავთსადგურში, სადაც კი
მოვისურვებდით, კატერით გადაგვსვამდა ხოლმე ქალაქის დასათვალიერებლად.
ამინდიც კარგი შეგვხვდა. ტუნისში რომ მივედით, კაპიტანმა ჰაეროვანი
ტელეგრაფით მიიღო ბრძანება, რომ წასულიყო კორსიკის კუნძულზე ერთი გემის
გადასარჩენად. ამ ამბავმა ჩვენი კაპიტანი დიდად შეაწუხა და მან გვითხრა,
სახიფათო იქნება, რადგან კორსიკასთან ბევრი წყალქვეშა კლდეაო, მაგრამ მეტი გზა
არა ჰქონდა, გაემგზავრა. საბედნიეროდ, ნახევარი საათის შემდეგ მოუვიდა მეორე
ტელეგრამა: იმ გემს, რომელიც იღუპებოდა, უკვე უშველესო.
ამრიგად, ტუნისიდან გასულნი პირდაპირ მარსელში გავემგზავრეთ და
მშვიდობით ჩავედით.
ჩვენი გემის შესახებ თვით კაპიტანი ცუდი აზრისა იყო და ამბობდა,
მეტისმეტად დაძველებულია, ერთი-ორი რეისის შემდეგ ხმარებიდან გამოვაო.
როგორც შემდეგ გაზეთში წავიკითხე, მართლაც ასე მომხდარიყო.
მე ტელეგრამით ვთხოვე ა. ჩ ხ ე ნ კ ე ლ ს, მენშევიკების მთავრობის
წარმომადგენელს პარიზში გამოეგზავნათ მარსელში კომისია, რომელიც გამოყოფდა
სამუზეუმო ქონებას „მთავრობის“ ქონებისაგან (ამ უკანასკნელში საკმაოდ იყო
სახაზინო ნივთები და ვერცხლეულობა). ა. ჩხენკელმა გამოგზავნა საქართველოდან
გაქცეული „მთავრობის“ საქმეთა მმართველად დანიშნული ერთი დიპლომატი და
აგრეთვე ა ნ დ რ ი ა დ ე კ ა ნ ო ზ ი შ ვ ი ლ ი. ამრიგად კომისიაში შევედით ოთხი
კაცი: მე, იოსებ ელიგულაშვილი და ის ორი პარიზიდან გამოგზავნილი.
მანამ მარსელში მივიდოდით, კაპიტანმა გაუგზავნა ჰაეროვანი ტელეგრამა
მარსელის მთავრობას, რომ დაეხვედრებინათ სამხედრო მცველები განძეულობის
მარსელის ბანკში გადასატანად. მთავრობამ ამ საქმეში დიდი სიფრთხილე გამოიჩინა
და გამოიწერა სენეგალის პოლკი, რომელიც საფრანგეთის ხელისუფლების მიერ
მიჩნეული იყო ყველაზე უპატიოსნეს სამხედრო ერთეულად. ისე რომ, ისინი
თავიანთი ქონების სადმე გადატანისას მხოლოდ იმ პოლკს ენდობოდნენ. ჩვენი
ნივთებიც სენეგალის პოლკმა ალყაშემორტყმით გადაიტანა გემიდან მარსელის
ბანკში.
ამის შემდეგ დაიწყო კომისიამ მუშაობა, რამაც ერთ თვეს გასტანა. სამუზეუმო
ნივთები მოვათავსეთ 39 ყუთში და ხელწერილით მივაბარეთ მარსელის ბანკს.
ამას რომ მოვრჩით, მე და დეკანოზიშვილი პარიზს გავემგზავრეთ, დანარჩენი
ორი კაცი კი მარსელში დარჩა: მათ "მთავრობის" დავალებით ლიკვიდაცია უნდა
ექნათ სახაზინო ნივთებისა და ვერცხლეულისათვის, და კიდევაც უქნეს.
სამუზეუმო ქონების შენახვის სასყიდლად მარსელის ბანკმა წელიწადში 2.500
ფრანკი მოითხოვა. მას მერმე ის ნივთები ხელუხლებლად ინახებოდა იმ ბანკში,
სანამ საფრანგეთის მთავრობამ არ გააუქმა მენშევიკების ლეგაცია.
ჩვენს განძეულობას საფრანგეთში ბევრი მტერ-მოყვარე და ცილისმწამებელი
აღმოუჩნდა. მოყვრებად მოჰქონდათ თავი მყიდველებს, რომელთაც უნდოდათ
ცალკეული იშვიათი ნივთების შეძენა.
პირველ ყოვლისა, მოვიდა ნიუ-იორკის ხელოვნების მუზეუმის დირექტორი
და დაუწყო მოლაპარაკება მენშევიკებს, რომ მიეყიდათ მათთვის მინანქრიანი
ხატები და მედალიონები. ჩვნებურ მინანქართა ერთი დიდი კოლექცია იმ მუზეუმს
ადრე ჰქონდა შეძენილი ზვენიგოროდსკისაგან, რომელიც ალექსანდრე მესამის
დიდი მოხელე იყო. ერთ დროს ვინმე საბინგუსმა ეგზარქოსის ნებართვით მოიპოვა
უფლება განეახლებინა ძველი შემკულობა საქართველოს ეკლესიათა ხატებზე. მან
ბოროტად გამოიყენა ეს უფლება, მოსპო ბევრი ძველი ხატი და მათი მინანქრიანი
მედალიონები კი მიჰყიდა კოლექციონერ ზვენიგოროდსკის. როგორც ცნობილია,
მინანქრის ხელოვნება დიდად იყო საქართველოში გავრცელებული და ჩვენებურ
ხატებზე ხშირად ეკრა მედალიონები – ბიზანტიურიცა და ქართულიც. თუმცა იციან
მინანქრიანი ხატებისა და სხვა საეკლესიო ნივთების დამზადების რეცეპტი, მაინც
ვერავინ ახერხებს ამ ხელობის აღდგენას. ზვენიგოროდსკიმ ჩვენს მინანქრებში ნიუ-
იორკის „მეტროპოლიტენ მუზეუმისაგან“ მიიღო 200.000 მანეთი, რაც იმ
დროისათვის ერთობ დიდი ფული იყო. ახლა კი მუზეუმმა და მისმა დირექტორმა
მოინდომეს ქართული მინანქრების კოლექციის უფრო მეტად შევსება.
დირექტორმა ჯერ ჰკითხა ყოფ. მთავრობის თავმჯდომარეს, რით
ცხოვრობთო? თავმჯდომარემ უპასუხა, გვყავს მოყვრები, მაგრამ, რასაკვირველია, ეს
არა კმარა და ხელმოკლედა ვართო. მაშინ დირექტორმა უთხრა, მაგ მდგომარეობას
შეგიმსუბუქებთ, თუ მინანქრების განძეულს მოგვყიდითო. ეს რომ ჩემ ყურამდე
მოვიდა, განვუცხადე თავმჯდომარესაც და ნიუ-იორკის მუზეუმის დირექტორსაც,
რომ გაყიდვაზე საუბარი ყოვლად შეუძლებელია. ბევრი წუწუნისა და ლაპარაკის
შემდეგ მუზეუმის დირექტორმა ასეთი წინადადება მისცა ემიგრაციის
ხელმძღვანელობას: მოგვეცით პირობა, რომ ამ ნივთებს არ გაჰყიდით და თუ
დააპირებთ, ისევ ჩვენ მოგვყიდით, რა თქმა უნდა, შესაფერ ფასად, ხოლო ამ
პირობის ძალით კარგა დიდ თანხას გასესხებთო. იმათ თითქოს მოეწონათ ეს
წინადადება და მზად იყვნენ პირობის მისაცემად. მე, რასაკვირველია, უარი ვთქვი:
რა პირობა უნდა მოგცეთ? ნუთუ ის, რომ ჩვენ კრიმინალურ საქციელს არ ჩავიდენთ
და სხვის მიერ დასაცავად მობარებულ ნივთებს არ გავყიდით-მეთქი? ყველა
პატიოსან კაცს მოეთხოვება ელემენტარული სინდისიერება, რომ მობარებული
ნივთი ხელუხლებლად შეინახოს-მეთქი! ვალის აღება ადვილია და გადახდა კი
ძნელი-მეთქი! ვინც მაგისთანა პირობასა გთხოვთ, მან კარგად იცის, რომ თქვენ
ვალის გადახდა არ შეგეძლებათ და, ბოლოს და ბოლოს, იმ ვალს არ შეგარჩენენ-
მეთქი!
რაკი მე ხელი არ მოვუწერე იმ პირობაზე, ეს კომბინაცია, რა თქმა უნდა,
ჩაიშალა.
შემდეგ ბრიტანეთის მუზეუმმა დაუწყო მოლაპარაკება ყოფილ მთავრობას,
რომ ქსნის [ახალგორის] იმ განძიდან, რომელიც ჩემ მიერ იყო შეკრებილი და
მუზეუმისათვის შეძენილი, ერთი რომელიმე საუკეთესო ნივთი დაეთმოთ მისთვის.
სამაგიეროდ პირდებოდნენ მთელი ჩვენი განძეულობა უსასყიდლოდ შეენახათ
თავიანთთან და მისი ალბომები გამოეცათ. საამისოდ [ინგლისელი ისტორიკოსი
ქართველთმცოდნე] ალენი მოუგზავნეს და შუაკაცად ერთი ემიგრანტი პროფესორი
აირჩიეს. უკანასკნელი, რა თქმა უნდა, ამ წინადადებით პირველად ჩემთან მოვიდა
და ყველაფერი გამომიცხადა. ის თითქოს თანახმა იყო იმ კომბინაციისა, მაგრამ მე
უარი ვუთხარი, ნივთები მუზეუმთან კუთვნილებად ითვლება მეთქი. ამრიგად,
კვლავ მოისპო ნივთების გაყიდვისა თუ დათმობის საკითხი.
როგორც ვხედავთ, არ შეეფერებოდა სიმართლეს აქაურ პრესაში ერთ ხანს
გამოსული ხმა, თითქოს მენშევიკებმა აიძულეს ე. თაყაიშვილი, განძეულის ყუთები
გაეხსნა და ნივთები გაყიდესო. ეს ვერც მათ და ვერც სხვამ ვერ მოახერხეს.
ჩვენს განძეულობას საფრანგეთშიც აღმოუჩნდა მტერი. იმ დროს იქ
ცხოვრობდა გრაფ ობოლენსკის ქვრივი, სამეგრელოს უკანასკნელი მთავრის ნიკო
დადიანის ასული [სალომე]. მან მოგვთხოვა დაგვებრუნებინა მისთვის სამეგრელოს
მთავრის ოჯახიდან წამოღებული ნივთები. უნდა მოგახსენოთ, რომ მენშევიკურმა
მთავრობამ გამოსცა დეკრეტი, რომლის ძალითაც სამეგრელოს მთავრის მთელი
ქონება სახელმწიფოს კუთვნილებად გამოაცხადა. ჩვენც, რა თქმა უნდა, უარით
ვუპასუხეთ ობოლენსკის ქვრივს. მან სასამართლოს მიმართა და დაიწყო პროცესი,
რომელიც 7 წელიწადს გაგრძელდა.
ობოლენსკისას ბევრი დამხმარე აღმოუჩნდა იქაურ არისტოკრატიაში. მის
საჩივარს ირგვლივ მაგარი სპეკულაცია გაჩაღდა. მომჩივანმა გაბერა დადიანების
სასახლიდან წამოღებული ნივთების სია და ისე გამოდიოდა, თითქოს აქედან
საფრანგეთში გატანილი განძეულის ნახევარი სამეგრელოს მთავრის ქონება
ყოფილიყოს. საჩივრის საფუძველი ის იყო, რომ საქართველოს მენშევიკურ
მთავრობას უფლება არ ჰქონდა დეკრეტის ძალით ჩამოერთვა ის ქონება, ვინაიდან
სამეგრელოს მთავარი რუსეთის ქვეშევრდომი იყო და არა საქართველოსი. რა თქმა
უნდა, სასამართლომ ეს მოტივი არ მიიღო, ვინაიდან საქართველო თავისუფალ
სახელმწიფოდ იყო ცნობილი თვით საფრანგეთის მთავრობის მიერ.
კომბინატორებმა დიდი ფული დახარჯეს ობოლენსკის ქვრივის დასახმარებლად –
იმ იმედით, რომ პროცესს მოიგებდნენ და ერთი ათად მეტ თანხას მიიღებდნენ.
ერთი მათგანი სიკვდილითაც კი მემუქრებოდა. პროცესი რომ საბოლოოდ წააგო,
ობოლენსკის ქვრივმა გერმანიას მიაშურა და მისი დამქაში კომბინატორები
ხელცარიელი დარჩენ.
 ეს პროცესი მაშინ გათავდა, როდესაც მენშევიკების მთავრობა საფრანგეთის
ხელისუფლების მიერ უკვე უარყოფილი იყო. ამიტომ სასამართლომ ობოლენსკის
ქვრივს კი უთხრა უარი, მაგრამ თან დაადგინა: მენშევიკების მთავრობა რაკი აღარ
არსებობს, საქართველოს განძეულობა უპატრონოდ გამოცხადდეს და შესანახად
გადაეცეს მოსიე დოჟონსო. იმ დოჟონს უკვე ებარა მეფის რუსეთის მიერ
საფრანგეთში დატოვებული ქონება.
რაკი მენშევიკური მთავრობა გაუქმებულად გამოცხადდა და მას განძეულის
პატრონობაც ჩამოერთვა, – განვუცხადე მის ყოფილ ხელმძღვანელებს, – ამიერიდან
მე გამოვდივარ-მეთქი საფრანგეთის მთავრობის წინაშე, როგორც განძეულის
მცველი და შენახვის მეთვალყურე. ეს განცხადება მოეწონათ, ვინაიდან თავიდან
ეხსნებოდათ განძეულზე პასუხისმგებლობა: ისინი თითქმის დარწმუნებული
იყვნენ, რომ მისი დაბრუნების იმედი დაკარგულია და გადმომცეს ამონაწერი ამ
საქმის შესახებ გამოტანილი დადგენილებიდან. მაცნობებდნენ, რომ
დამფუძნებელმა კრებამ და მუზეუმთა გამგეობამ დამნიშნეს განძეულის
მომვლელად და მეთვალყურედ; რომ უფლება მაქვს ისე მოვიქცე, როგორც საჭიროდ
მივიჩნევ, და რომ მე ვიქნები პასუხისმგებელი როგორც მუზეუმების, ისე
საქართველოს წინაშე.
ამის შემდეგ შევადგინე მოხსენება საფარანგეთის მთავრობისადმი, რომელშიც
ვწერდი: ის სამუზეუმო განძეული, რომელიც სასამართლომ დოჟონს ჩააბარა, არ
ეკუთვნოდა არც საქართველოს მთავრობას და არც, მით უმეტეს, რუსეთის ყოფილ
მთავრობას. იგი შეადგენს ისეთ კერძო დაწესებულებათა კუთვნილებას, როგორიც
იყო „ქართველთა შორის წერა-კითხვის გამავრცელებელი საზოგადოება“,
„საქართველოს საისტორიო და საეთნოგრაფიო საზოგადოება“, საქართველოს
სამღვდელოების „საეკლესიო მუზეუმი“ და კერძოდ დაარსებულ მხატვართა
საზოგადოება. ამ საზოგადოებებმა თავიანთი ქონება შესანახად და მოსავლელად
მიაბარეს მთავრობას და ამიტომ იგი ამ უკანასკნელის სახელზე იყო შეტანილი
მარსელის ბანკში, რადგან ეს მთავრობა ცნობილი იყო საფრანგეთის მთავრობის
მიერ, როგორც დამოუკიდებელი ანუ თვითმპყრობელი სახელმწიფოს მთავრობა.
ახლა რაკი იმ მთავრობას აღარ სცნობდნენ, განძეულიც უნდა დაუბრუნდეს თავიანთ
მუზეუმებს.
საფრანგეთის მთავრობამ ამ ჩემ განცხადებაზე პასუხი არ მომცა. ჩვენი
დამცველი შ. პ ო მ ა რ ე საფრანგეთის პარლამენტის ქვედა პალატის დეპუტატი
იყო. ის მარწმუნებდა, მთავრობა ვერ შეიძლებს მაგ განძეულის მითვისებას, თუკი
დავუმტკიცებთ, რომ ყოველივე ეკუთვნოდა კერძო საზოგადოებებსაო.
ჩემი მოხსენების პირი გამოვუგზავნე საქართველოში ვ უ კ ო ლ ბ ე რ ი ძ ე ს
[იმჟამად მეცნიერების მთავარი სამმართველოს უფროსს], რათა გადაეცა
რესპუბლიკის მთავრობისათვის, ხოლო ამ უკანასკნელს მოევლინებინა პარიზში
სათანადო დეპუტაცია და საბუთები, რომლებშიც აღნიშნული იქნებოდა, თუ რა
დაწესებულებას რა ნივთები ეკუთვნოდა, აგრეთვე იმ დაწესებულებათა წესდებანი
და კატალოგები. დეპუტაციას უნდა მოეთხოვა საფრანგეთის მთავრობისათვის
განძეულის დაბრუნება. იგი უნდა შემდგარიყო ჩვენი უნივერსიტეტის
პროფესორთაგან. მაგრამ საქართველოდან ასეთი დეპუტაციის მაგიერ
გამოგვიგზავნეს [დიპლომატი] ვ ი ქ ტ ო რ კ ვ ი ტ ა ი შ ვ ი ლ ი – კარგი კაცი,
ოღონდ განძეულის საქმეში ნაკლებ ჩახედული. ამ უკანასკნელზე ზრუნვა მიანდეს
საბჭოთა კავშირის წარმომადგენელს საფრანგეთში პ ო ტ ი ო მ კ ი ნ ს ა და იმავე
კვიტაიშვილს. პოტიომკინმა გამომიგზავნა თავისი მდივანი და მთხოვა გამეცნო
მათთვის და კვიტაიშვილისათვის საქმის ვითარება.
მეც ჩავეედი ლევილიდან პარიზში და შევუდექით მუშაობას. გადავეცი ჩემი
რაპორტები ანუ მოხსენებანი საფრანგეთის მთავრობისადმი და სხვა მასალები. ჩვენი
მუშაობა გაგრძელდა თითქმის ერთ თვეს, მაგრამ ამაოდ კი ჩაიარა: პოტიომკინმა
მაცნობა, სამწუხაროდ, ჯერ არაფერი გამოდისო.
ამის შემდეგ ვაპირებდი საჩივრის აღძვრას სასამართლოში, მაგრამ ამასობაში
საფრანგეთის მთავრობის თავმჯდომარე გახდა სოციალისტი ლ ე ო ნ ბ ლ ი უ მ ი,
რომელიც დიდად დაახლოებული იყო მენშევიკების მთავრობასთან – შეხვედრისას
ერთიმეორეს კოცნიდნენ ხოლმე. ამიტომ იმედი მომეცა, ეგებ მან მაინც
დაგვიბრუნოს განძეული მეთქი. მასაც გავუგზავნე ჩემი რაპორტი და პირადად
მოსალაპარაკებლად ვაახლე სიმონ მდივანი, რომელიც მენშევიკების მიერ
თურქეთში იყო ელჩად გაგზავნილი. ბლიუმმა თქმით კი უთხრა, განვიხილავთ მაგ
საქმესო, მაგრამ არც არა განუხილავს რა და არც პასუხი გაუცია ჩემთვის.
მერე დაიწყო [მეორე] მსოფლიო ომი და ფაშისტურმა გერმანიამ საფრანგეთი
დაიპყრო. პირველად რომ მოვიდნენ პარიზში გერმანელები, მე დავებეზღებინეთ
მათთან, როგორც გერმანიის მოწინააღმდეგე. ამიტომ თავს დამადგნენ გასაჩხრეკად.
სამი კაცი იყო: ერთი სამხედრო პირი – პოლკოვნიკი, მეორე – საერო პირი,
გამომძიებელი და მესამეც – მათი დამხმარე. ჩემს ბინაში მედგა დიდი ყუთები,
რომლებშიც საეკლესიო და სხვა არქეოლოგიური ნივთები ეწყო. პირველად
მომთხოვეს გახსნა ერთი ყუთისა, რომელშიც სწორედ საეკლესიო საგნები აღმოჩნდა.
პოლკოვნიკმა ერთი-ორი ნივთის გასინჯვის შემდეგ ხელი დამიქნია, დახურეთო. იმ
დროს გამომძიებელი ათვალიერებდა ქაღალდებს, რომელშიც იყო მენშევიკების
მიმოწერა II ინტერნაციონალთან. ამან იგი დააინტერესა და დაარწმუნა, თითქოს იმ
სახლში მცხოვრებნი ყველანი [მენშევიკები] ვიყავით. მან უთხრა პოლკოვნიკს,
მეორე ყუთიც გასინჯეთო. გავუხსენი ის ყუთი დ ვაჩვენე, რაც პირველი მომხვდა
ხელში – ნაპოლეონ პირველის პატარა ქანდაკება. პოლკოვნიკმა ისევ გააქნია ხელი
და თვითონვე დახურა ყუთი. მე ვუთხარი, მეორე ინტერნაციონალთან მიწერ-
მოწერას ჩვენი ყოფ. მთავრობა აწარმოებს, მე კი მათ პარტიას არც ვეკუთვნი და
მხოლოდ არქეოლოგიას ვემსახურები მეთქი. მათ სხვა ვერაფერი ნახეს და ისე
წავიდნენ, აღარ შევუწუხებივართ.
მაგრამ ნაცისტებს ბერლინში ზოგიერთი ქართველი მიმხრობოდა და
ჰიტლერის თაყვნისმცემელი გამხდარიყო. ისინი დაუფიქრებლად დარწმუნებული
იყვნენ, ჰიტლერი საქართველოს თავისუფლებას მიანიჭებსო... მათ დააჯერეს და
გერმანიაში წაიყვანეს პროფ. ზ. ავალიშვილი, რომელიც იქ უდროოდ დაიღუპა
კიდევაც (ქალაქის დაბომბვისას) და მასთან ერთად დაგვეკარგა აუარებელი
ისტორიული მასალა, საქართველოს შესახებ, რომელიც ავალიშვილს ჰქონდა
შეგროვილი.
ჰიტლერისადმი ბრმად მიმხრობილი ქართველი ემიგრანტები აღარ
ითვალისწინებდნენ, რომ ის კაციჭამია რუსეთის დამარცხების შემთხვევაში არც
საქართველოს დააყრიდა კარგ დღეს. რატომღაც ეგონათ, მცირე ავტონომიას
მოგვცემსო. მენშევიკების დროს ჩვენში გერმანიის ელჩად ნამყოფი დიპლომატიც
ვითომ ცდილობდა ამის შთაგონებას "ფიურერისათვის", ქართველები ძველი
კულტურის ერია და ავტონომიის ღირსნი არიანო, მაგრმ ჰიტლერი ამას აინუნშიც არ
აგდებდა. და აი, გასაოცარი ამბავი კი იყო, მაგრამ ბერლინელი ქართველები ზოგნი
მაინც დაუფიქრებლად მისდევდნენ ჰიტლერს.
 გერმანიაში გადასვლაზე გადაჭრილი უარი ვუთხარი: მე აქ ქართულ
მუზეუმთა განძეულობის მეთვალყურედა ვარ გამოგზავნილი და აქვე უნდა დავრჩე,
სანამ მას არ მივიღებ მეთქი. ამან მეორე საშიშროება წარმოშვა: ბოლოს და ბოლოს,
გერმანელებმა მოინდომეს განძეულობის მოთხოვნა საფრანგეთის მთავრობისაგან
და ბერლინში გადატანა და კიდევაც დაიწყეს მოლაპარაკება. ამ გასაჭირში
დავიხმარე ერთი დიდი საქმოსანი, ქართველი გ. ბ., რომელსაც... დიდი გავლენა
ჰქონდა. მან მე დამიჭირა მხარი და არ დაეთანხმა ზოგიერთ ემიგრანტს, რომლებიც
განძეულობის გერმანიაში წაღებას საჭიროდ მიიჩნევდნენ. მევე მომემხრო
ზემოხსენებული პროფესორი, რომელიც არწმუნებდა გერმანელებს, ეს განძეული
მარტო საქართველოსთვის არის ღირებული, როგორც ისტორიული საბუთები,
თორემ სხვებისთვის არაფერი სახარბიელოაო. ჩვენი ქონების მცველად ფრანგების
მიერ გამოყოფილმა დოჟონმა მითხრა შემდეგ, გ. ბ. რომ დათანხმებოდათ,
გერმანელები უთუოდ გვაიძულებდნენ, მოგვეცა თქვენი განძეულობაო.
ამრიგად, როგორც იქნა, ეს განსაცდელიც ავაშორე თავიდან განძეულობას.
მისი საქართველოში დაბრუნების საკითხი გადაწყვიტა საბჭოთა კავშირის
უმაგალითო გამარჯვებამ მეორე მსოფლიო ომში, რის შედეგადაც გერმანელებმა
მიატოვეს პარიზი და ფრანგებმაც სული მოითქვეს. ამ გამარჯვებამ დიდი სახელი
გაუთქვა საბჭოთა სახელმწიფოს... საფრანგეთში, ფრანგები მასზე
„ლოცულობდნენ“...
იმ დროს პარიზში ჩამოვიდა სსრკ ელჩი ბ ო გ ო მ ო ლ ო ვ ი. მე მაშინ ვაცნობე,
რომ მისი ნახვა მინდა და ვთხოვე დაენიშნა ჩემთვის შეყრის დრო. მან თავისი
მანქანა გამომიგზავნა, რაც პირველად მეუხერხულა კიდევაც. ჩემ წასაყვანად იმ
მანქანით მოვიდა პოლკოვნიკი ვ. [ქართველი ემიგრანტი]. მას პირადად არ
ვიცნობდი, მაგრამ გაგონილი მქონდა, რომ ისა და მისი მეუღლე მოხერხებული
საქმოსნები იყვნენ. გზაში მითხრა, ბოგომოლოვს მე დავპირდი, რომ ევგენი
გეგეჭკორსაც მივუყვანდი, მაგრამ გეგეჭკორისათვის ეს არც გამიმხელია, ვინაიდან
კარგად ვიცი, ის საბჭოთა ელჩს ჯერ ვერ ინახულებსო. ამ განცხადებამ კიდევ უფრო
დამარწმუნა, რომ პოლკოვნიკი სიყალბეს არ ერიდებოდა. მივედით
ბოგომოლოვთან. მან დიდად თავაზიანად მიმიღო. განვუცხდე, რომ განძეულობის
საქართველოში დაბრუნების თაობაზე ვიყავი მისული. მან მითხრა, ჯერ ვისაუზმოთ
და საქმეზე კი, გინდათ საუზმის დროს ვისაუბროთო, გინდათ – შემდეგაო. მე
საუზმობისას მოვახსენე ყველაფერი. მან მითხრა, მაგ საქმეში ჩახედული არა ვარ და
რასაც მეტყვით, ყველაფერს აგისრულებთო. პოლკოვნიკი ვ. საუზმეზე გვერდით
უჯდა ბოგომოლოვს. საუზმის ბოლოს ამოიღო უბიდან რაღაც დაწერილი წერილი
და წაუკითხა. კარგად არ მესმოდა, რაში იყო საქმე, მაგრამ ერთს კი მივხვდი: ის
თხოულობდა 50.000 ფრანკს, რომელიც ვითომცდა დახარჯვოდა განძეულობის
საქმეზე. ელჩმა ის დაწერილი გამოართვა და უბეში ჩაიდო. აშკარა იყო, ვ. რაღაცა
მანქანებით დაახლოვებოდა ბოგომოლოვს, რომელიც მას სიმპათით ეპყრობოდა
ბოგომოლოვს, გარდა სიტყვიერი განცხადებისა, წერილობითიც წარვუდგინე:
ვთხოვდი, აღეძრა განძეულობის დაბრუნების საკითხი. იმ დროს საფრანგეთის
მთავრობის სათავეში ახალი ჩამდგარი იყო გენერალი დე-გოლი და ის საკითხიც, რა
თქმა უნდა, მას უნდა გადაეწყვიტა. ბოგომოლოვმა მითხრა, პირადად მე ვერ
ავუხსნი დე-გოლს საქმის ვითარებას და ამიტომ კარგი იქნება, თუ მომცემთ
ჯეროვან მოხსენებას, რომელშიც ყველაფერი განმარტებული იქნებაო. რა თქმა
უნდა, დავწერე და გადავეცი ვრცელი მოხსენება დე-გოლის სახელზე.
ბოგომოლოვმა იგი მაშინვე წარუდგინა, როდესაც ორივენი უნდა
გამოფრენილიყვნენ მოსკოვს, საბჭოთა მთავრობის მეთაურთან. ომი ჯერაც
გრძელდებოდა და საფრანგეთის საბოლოო ხსნა და შველა დიდად იყო
დამოკიდებული საბჭოთა კავშირზე. რასაკვირველია, დე-გოლს უარის თქმა არ
შეეძლო და მანაც გასცა განკარგულება, რომ დაუყოვნებლივ დაგვბრუნებოდა
განძეულობა. ამ საქმეზე ზრუნვა ბოგომოლოვმა მოგვანდო მე, კონსულს
გუზოვსკისა და საელჩოს საქმის მწარმოებელს.
მეორე დღეს გუზოვსკი მივიდა დოჟონთან, რომელსაც ებარა ჩვენი ნივთები
და მოსთხოვა დაბრუნება. დოჟონი ამ მოთხოვნამ შეაშფოთა და მან განაცხადა, დე-
გოლს ასეთი განკარგულების უფლება არა ჰქონდა, ეს საკითხი შინაგან საქმეთა
მინისტრს უნდა გადაეწყვიტაო. გუზოვსკიმ უპასუხა, რა ნება აქვს მინისტრს,
თავმჯდომარის წინააღმდეგ წავიდეს, ის ხომ მას ექვემდებარებაო? თუ ხვალ
გადაჭრილი პასუხი არ გაგიციათ ამის შესახებ, ტელეგრამას გავუგზავნი დე-გოლს,
რომ თქვენ მის ბრძანებას არ ასრულებთო. ამის შემდეგ კი დოჟონმა, რაღა თქმა
უნდა, ჩაგვაბარა მთელი განძეულობა მე და გუზოვსკის,... მელაძისა და კ. ნიჟარაძის
თანდასწრებით. გუზოვსკიმ დიდი ენერგიითა და მუყაითობით იმუშავა ამ საქმეში.
უპირველეს ყოვლისა, თავიდან მოვიშორეთ საქმოსანი ვ. გამოირკვა, რომ იგი
დიდ სიყალბეს სჩადიოდა: დაერწმუნებინა ბოგომოლოვი, რომ განძეულობის
დაცვის საქმეს დაახარჯა, ადვოკატს მისცა 50.000 ფრანკი. ბოგომოლოვს ეგონა, რომ
იგი ჩვენ საქმეს იცავდა ობოლენსკის ქვრივის წინააღმდეგ, ნამდვილად კი ის
ადვოკატი ქვრივს ესარჩლებოდა. ვუთხარი ვ-ს, ეგ დამცველი ჩვენ წინააღმდეგ
გიქირავებია, საქმე წააგეთ, ამიტომ სასამართლოს ხარჯის ანაზღაურება დაგეკისრათ
და ახლა გინდათ საამისოდ მიიღოთ 50. 000 ფრანკი-მეთქი?! ეს რომ გუზოვსკიმ
გაიგო, მეტად გაუკვირდა და მაშინვე ჩამოიცილა ვ..., აღარაფერი პასუხი არ გაუცია.
მთელი ჩვენი ქონება კარგად დაცული და მთლიანი აღმოჩნდა, ერთი ნემსიც
არ დაგვკლებია. შევუდექით ნივთების ჩალაგებას ყუთებში, საქართველოში
წამოსაღებად. 25 ყუთი გავამზადე, მაგრამ შემდეგ ავად გავხდი და ნივთების
ჩალაგება შეწყდა. ამასობაში პარიზს ჩამოვიდნენ საქართველოდან გამოგზავნილი,
მათ შორის პროფ. შ. ამირანაშვილი. იგი თბილისის უნივერსიტეტში ჩემი
პროფესორობის დროს სტუდენტი იყო და, რასაკვირველია, კარგად მიცნობდა. მან
მოათავა ჩემი დაწყებული საქმე – განძეულობის ჩალაგება ყუთებში. შემდეგ
მოსკოვიდან მოვიდა ორი ამერიკული თვითმფრინავი, რომლებზედაც მოთავსდა
მთელი ჩვენი განძეულობა. ჩვენი ავიამარშრუტი ასეთი იყო: პარიზიდან მარსელში,
მარსელიდან – რომში, რომიდან – ბენგაზიში (ჩრდილო აფრიკა), ბენგაზიდან –
ქაიროში (ეგვიპტე), ქაიროდან – თეირანში (ირანი), იქიდან კი – თბილისში.
პარიზიდან გამოვფრინდით 5 აპრილს და თბილისში ჩამოვფრინდით 11 აპრილს
1945 წლისა.
თბილისში განძეულობის აღწერა დაეკისრა აკად. ს. ჯ ა ნ ა შ ი ა ს, თვით
ნივთები კი მოთავსდა საქართველოს მუზეუმში და სამხატვრო გალერეაში.
განძეულობის... [წერილი დაუმთავრებელია]
 ფრაგმენტი
მოგონებიდან განძეულობის გატანის შესახებ
...თბილისის დატოვებაზე რომ შეიქნა ლაპარაკი, ნ. ჟორდანიამ თქვა, „განძეულობა სულ
ქუთაისში გადავიტანოთ და სულ ბოლოს ჩვენც წავალთ, რითაც მოგვიხერხდებაო“. ერთ საღამოს
გამომიცხადა, „ხვალ დილის 9 საათზე მატარებლით ქუთაისში ვგზავნით, რაც რამე მოგვეპოვება
ხაზინაში, და მუზეუმის ქონებაც იმ დროისათვის უნდა მოიტანოთ სადგურშიო“. მაშინვე შევკრიბე
მუზეუმთა გამგეები – კარიჭაშვილი, ჯანაშვილი, ვინც მრჩევლებივით იყვნენ, ისინიც, კავკასიის
მუზეუმისა და მხატვართა მუზეუმის წარმომადგენლებიც და ვუთხარი, მთავრობის თავმჯდომარემ
ასე გამომიცხადა-მეთქი. გადაწყდა, გაგვეგზავნა ძვირფასეულობა ქუთაისში და მერე იმის მიხედვით
მოვქცეულიყავით, თუ როგორ წარიმართებოდა საქმე. საზღვარგარეთ გაგზავნაზე არც გვიფიქრია და
არც სიტყვა დაუძრავს ვისმე. მთელ ღამეს იმუშავეს და დილის 9 საათზე მართლაც გაიტანეს
სადგურში. მეც გავედი და ვნახე, რომ ბევრი რამ ისეთიც ჩაელაგებინათ, რაც არ იყო წასაღები, მაგრამ
რაღას ვიზამდით, უკვე დაბეჭდილი იყო ყუთები! ერთი კარგი, სანდო ახალგაზრდა კაცი
[იონათამიშვილი] გავაყოლეთ მცველად და გავგზავნეთ ქუთაისში. ქუთაისის ხაზინაში მოიყარა
ყველაფერმა თავი. მანამდე იქვე ჩაეტანათ გელათის მონასტრის ნივთებიც, რაც, რა თქმა უნდა, დიდი
უტაქტობა იყო. ნ. ჟორდანიასიცა და მაშინდელი კათალიკოზის ლეონიდესიც...
მერე კი, როგორც ცნობილია, მთელი ის სამუზეუმო ძვირფასეულობა ემიგრაციაში წასულ
მენშევიკურ მთავრობასთან ერთად საფრანგეთისაკენ წავიდა და მეც ძალაუნებურად მომიხდა
ემიგრანტობა, რათა არ მოვშორებოდი ჩვენი ერის სასიქადულო კულტურულ საგანძურს, დამეცვა
იგი ყოველგვარი საფრთხისაგან... ამ საქმეს ვემსახურებოდი თითქმის სრული მეოთხედი საუკუნის
განმავლობაში და, მიუხედავად მრავალგვარი გასაჭირისა და იმოდენა ხნის უსიხარულო
ემიგრანტული ცხოვრების სიმძიმილისა, შემიძლია ვთქვა, რომ პირნათლად შევასრულე ეს ჩემი
მოვალეობა მშობელი ერის წინაშე. საბჭოთა ხალხის ძლევამოსილებამ ფაშიზმის წინააღმდეგ
სამკვდრო-სასიცოცხლო ომში შესაძლებელი გახადა ჩემი დიდი ხნის განზრახვის – სამუზეუმო
განძეულობის საბჭოთა საქართველოში, მისი ნამდვილი პატრონისათვის, ხალხისათვის დაბრუნების
განხორციელება, რასაც მე ჯერ კიდევ ომამდე ბევრად ადრე ვცდილობდი და სათანადო მიმოწერაც
მქონდა აქაურ მთავრობასთან, მაგრამ არ ხერხდებოდა.
ევროპაში კი არაერთხელ დამდგარა ჩვენი სამუზეუმო განძეულობა ამა თუ იმ საფრთხის
წინაშე. გავიხსენებ რამდენსამე ასეთ მომენტს.
„ახალგორის განძის“, რომელიც თავის დროზე მე გადავარჩინე დაღუპვას და კავკასიის
მუზეუმს გადაეცა, მსოფლიოში უნიკალურ კოლექციად ითვლება, ნამდვილი თვალი იყო და არის
ჩვენი სამუზეუმო ქონებისა, მიუხედავად იმისა, რომ ამდენი შესანიშნავი ნივთია გათხრით
მოპოვებული მცხეთაში, თრიალეთში და სხვაგან, საქართველოში საბჭოთა ხელისუფლების
დამყარების შემდეგ ახალგორული ოქრო-ვერცხლის მეცნიერული ღირებულება ყველა
სპეციალისტმა კარგად იცოდა და ბრიტანეთის მუზეუმმა, მეორე მსოფლიო ომის წინა ხანებში,
შუამავლად მოგვიგზავნა ინგლისელი ისტორიკოსი ალენი (რომელმაც ინგლისურად გამოსცა
ქართველი ერის ისტორია, საკმაოდ დიდი და სერიოზული ნაშრომი). გვთხოვდნენ, „ერთადერთი
რომელიმე ახალგორული ნივთი დაგვითმეთ ნიმუშად, თქვენივე ამორჩევით, და სამაგიეროდ მთელ
განძეულსაც უსასყიდლოდ შეგინახავთ და თან რაც გამოსაცემი გაქვთ, ყველაფერს გამოგიცემთო“.
პირდაპირ გადარეული იყვნენ, ისე მოსწონდათ ის კოლექცია. ეს, რა თქმა უნდა, ძალიან შორს
დავიჭირე: ვუთხარი, მე მხოლოდ მცველად ვითვლები ამ სახალხო ქონებისა და საერთოდ არც ერთი
ნივთის არავისთვის დათმობაზე ლაპარაკიც არ შეიძლება-მეთქი.
არანაკლებ ინტერესს იჩენდა ჩვენი კოლექციებისადმი ნიუ-იორკის მუზეუმიც. არ კი ენახათ,
მაგრამ გაეგონათ, რომ კარგი მინანქრიანი ნივთები გვქონდა, ხოლო იმ მუზეუმს ადრე უკვე შეეძინა
საქართველოდან ჯერ კიდევ რევოლუციამდე გატანილ-გატაცებული სათანადო ნივთები, ისე რომ
ჩვენებური მინანქრის ფასი კარგად ესმოდათ. მუზეუმის დირექტორი თითონ ჩამოვიდა პარიზში –
გვარი აღარ მახსენდება, ნიაგარის ჩანჩქერზე ხიდის ამშენებელი ინჟინერი იყო. დიდძალი ფული
შემოგვაძლია ჩვენს მინანქრებში, მაგრამ, რასაკვირველია, ეს მოლაპარაკებებიც ჩაიშალა. პირდაპირ
ამბობდა, „ფასზე ლაპარაკიც ზედმეტია, რასაც მოითხოვთ, მოგცემთო“. მენშევიკთა მეთაურების ერთ
წყებას ჭკუაში დაუჯდა ეს წინადადება და უჩემოდ აწარმოებდნენ მოლაპარაკებას, მაგრამ ძალიან
შევუტიე: „რა უფლებით აძლევთ ხალხის მიბარებულ ქონებას-მეთქი?!“ მუზეუმის დირექტორმა რომ
შეიტყო ემიგრაციის გაჭირვებული მდგომარეობა, უთხრა, „იმის პირობა მაინც მომეცით, რომ სხვას
არავის მიჰყიდით; თუ გადასწყვეტთ, ისევ ჩვენ მოგვყიდითო და სამაგიეროდ დიდ სესხს მოგცემთო!“
მენშევიკებს ეს მოეწონათ და მითხრეს, „მივცეთ ასეთი ხელწერილიო!“ მე ვუთხარი: „რაო? იმაზე
მოვუწერო ხელი, რომ უპატიოსნობას არა ვიქ და სხვის ქონებას არ გავყიდი? მაგაზე, თუ გინდათ,
თქვენ მოუწერეთ ხელი-მეთქი!“ ამის შემდეგ კი დამანებეს თავი.
ერთ რუს ემიგრანტს, არისტოკრატ ობოლენსკის ცოლად გაჰყვა დადიანის ქალი. ამ
უკანასკნელს [დაქვრივებულს] რომ გაუჭირდა, გამოგვედავა ზუგდიდის სასახლიდან წამოღებულ
ქონებაზე (ვერცხლეულზე და სხვ.), სახელმწიფოს რა ხელი აქვს, ჩემი ოჯახის კერძო საკუთრებაა და
მემკვიდრეობით ჩვენ გვერგებაო, და გვიჩივლა საფრანგეთის სასამართლოში. დიდი ორომტრიალი
ატყდა და მაგარი ბრძოლის გადახდა დამჭირდა იმ ნივთების დასანარჩუნებლად; სასამართლოს
ოქმებისა და სხვა საბუთების კარგა დიდი დასტა წამომყვა თან.
დასასრულ, ჩვენს განძეულობას ძალიან საშიშრად შემოუტია ლუვრის მუზეუმმა. პირდაპირ
უცნაური ამბავი მოხდა: გერმანული არმიის მიერ საფრანგეთის ოკუპაციის დროს ფაშისტებს
გადავანარჩუნეთ ის ჩვენი ქონება და გერმანიის დამარცხების შემდეგ კი „დემოკრატიულმა“
საფრანგეთმა კინაღამ გამოგვგლიჯა ხელიდან, აქაო და ემიგრანტები დიდი ხანია ნამდვილ
მთავრობას აღარ წარმოადგენენ, საქართველოს თავისი საბჭოთა მთავრობა ჰყავსო და მაშასადამე,
ემიგრანტების მიერ მიბარებული ქონება ამდენი ხნის გასვლის გამო ლუვრის საკუთრებად უნდა
იქცესო. შეიძლება, თავისიც კი გაეტანათ, რომ კიდევ ერთხელ არ მომეწერა საბჭოთა კავშირის
მთავრობისათვის და ეს უკანასკნელიც ამჯერად უკვე ენერგიულად არ ჩარეულიყო საქმეში...
საფრანგეთის მთავრობის მაშინდელი მეთაური დე-გოლი როგორც კი დაბრუნდა მოსკოვიდან, სადაც
ი. სტალინს შეხვედროდა და ამ უკანასკნელს ეთქვა, სხვათა შორის, ჩვენი განძეულობის შესახებ,
მაშინვე გასცა სათანადო განკარგულება, და ახლა კი უკვე ულაპარაკოდ გადმოგვცეს ჩვენი ქონება,
რომლის წამოსაღებად პარიზში ჩამოფრინდა საგანგებო კომისია, პროფ. შ. ამირანაშვილის
მონაწილეობით. ჩვენი კოლექციები ომის დროს შენახული იყო ყუმბარსაფარი სარდაფის მე-4
სართულში. სათბობი ჯერ კიდევ ძალზე ჭირდა და სარდაფი გაყინული იყო. ყოველდღე იქ
მუშაობაში და მინაბარი კოლექციების ისევ ჩაბარებაში გავცივდი და ფილტვების კრუპოზული
ანთება დამემართა. იმ გაჭირვებაში და ყველაფრის ნაკლულობაში მარტოხელა მოხუცის
ავადმყოფობა მეტად საძნელო რამ იყო და დროზე რომ არ ჩამოესწრო საბჭოთა კომისიას, ალბათ
ვეღარც წამოვდგებოდი ცოცხალი. სასწრაფოდ მიღებული ყოველგვარი ზომების (კერძოდ,
პენიცილინის შეშხაპუნების) წყალობით გამოვკეთდი, გულდაგულ ჩავალაგეთ სამუზეუმო ქონებაც,
ჩემი პირადი ბიბლიოთეკა-არქივიცა და გამოვემგზავრეთ: ჩვენა და განძეულობა ჰაერით, დანარჩენი
ბარგი კი – მატარებლით.
პარიზიდან 1945 წლის 5 აპრილს გამოვფრინდით, ომი ჯერ კიდევ არ იყო გათავებული. ღამე
რომში გავათიეთ. რომიდან შუაღამისას განვაგრძეთ საჰაერო გზა და 8 საათის შემდეგ დავეშვით
ბიზერტაში. ბიზერტიდან ქაიროში გადმოვფრინდით და იქ კი 2–3 დღეს გავჩერდით უამინდობისა
გამო, იქიდან – თეირანში და იქაც 3 დღეს გაგვაჩერა უამინდობამ, მაღალ მთებს უნდა
გადმოვვლებოდით თავს. 11 აპრილს გამოვფრინდით თეირანიდან და 7–8 საათის შემდეგ უკვე
თბილისის აეროდრომზე დავეშვით. თვითმფრინავიდან რომ გადმოვდგი ფეხი, აკაკის ლექსი
მომადგა ენაზე: „ცა-ფირუზ, ხმელეთ-ზურმუხტო, ჩემო სამშობლო მხარეო!.. დედა-შვილობას, ბევრს
არ გთხოვ, შენს მიწას მიმაბარეო!“ 82 წლის მოხუცს ამიხდა დიდი ხნის ნატვრა, დავუბრუნდი
სამშობლოს და დავუბრუნე მას მისი კუთვნილი განძეული. საშუალება მომეცა, ჩემს უნივერსიტეტში
და ახალშობილ აკადემიაში დამეწყო მუშაობა. ოღონდ ძალზე მიკლავს გულს ის გარემოება, რომ ჩემი
საცოდავი მეუღლე, ჩემი ხანგრძლივი სიცოცხლის ერთგული თანამგზავრი, საფრანგეთის მიწაში
დამრჩა დამარხული“...
 ექვთიმე თაყაიშვილის ემიგრანტული ნაშრომები

დიდი ქართველი მეცნიერი ექვთიმე თაყაიშვილი ემიგრაციაში ყოფნის წლებში (1921–1945)

არ წყვეტდა ნაყოფიერ კვლევა-ძიებას. მიუხედავად ცხოვრებისა და მუშაობის მძიმე პირობებისა, ის
მაინც ახერხებდა როგორც საჟურნალგაზეთო, ისე სქელტანიანი წიგნების დაწერასა და გამოქვეყნებას.
მისი წერილები და გამოკვლევები გამოქვეყნებულია საზღვარგარეთ გამომავალ ჟურნალ-გაზეთებში
(„დამოუკიდებელი საქართველო“, „საქართველო“, „ქართლოსი“, „ჟურნალ აზიატიკ“, „პრომეთე“,
„ბიზანტიონი“, „გეორგიკა“) როგორც ქართულ, ისე უცხო (ფრანგულ, ინგლისურ) ენებზე. ამას გარდა,
წიგნების სახით (მათ შორის, ერთი 400 გვერდს აჭარბებს) პარიზში დაბეჭდილია ექ. თაყაიშვილის
ოთხი მონოგრაფია ქართულ ენაზე. ამ შრომებს ჩვენი ფართო მკითხველი საზოგადოებრიობა არ
იცნობს. ამის ერთი მიზეზი ისიც გახლავთ, რომ თვით ექ. თაყაიშვილის ჩამოტანილ პირად არქივშიც
კი არ მოიპოვება ყველა მათგანი (ჩვენს წიგნსაცავებზე ლაპარაკი ხომ ზედმეტია!), ხოლო მეცნიერის
მიერ შედგენილ თავის შრომათა ბიბლიოგრაფიებში ზოგჯერ ამ ნაშრომთა პუბლიკაციის ზუსტი
მონაცემებიც არ არის მითითებული (შდრ. აკადემიკოს ექვთიმე თაყაიშვილის შრომათა
ბიბლიოგრაფია, თბ., 1963; აკადემიკოს ექვთიმე თაყაიშვილის არქივი, თბ., 1972). ესეც ადვილი
ასახსნელია, რადგან ყველას კარგად გვახსოვს, რომ იმ დროს და მერეც, კარგა ხნის მანძილზე,
ემიგრანტული ქართული პრესის მითითება და იქ გამოქვეყნებული მასალებით სარგებლობა
მაინცდამაინც დიდი მოწონებით არ სარგებლობდა. ამიტომ იყო, რომ ეს გადაუდებელი საქმე ამდენ
ხანს გაჭიანურდა. ჩვენ შეძლებისდაგვარად თავი მოვუყარეთ ექ. თაყაიშვილის უცხოეთში
გამოქვეყნებულ ყველა ნაშრომს როგორც ქართულ, ისე უცხო ენებზე და შევადგინეთ მათი
დაზუსტებული ბიბლიოგრაფია, რომელიც ასე გამოიყურება:

ექვთიმე თაყაიშვილის ემიგრანტული ნაშრომები

I. წერილები ქართულ ენაზე:

1. დამსახურებული პროფესორის პეტრე მელიქიშვილის გარდაცვალების გამო, გაზ.

„დამოუკიდებელი საქართველო“, პარიზი, 1927, № 18, გვ. 2–3; № 19, გვ. 2–3.
2. სომხით-საორბელოს ძეგლების წარწერები (ნაწილი პირველი), ჟურნ. „კავკასიონი“, პარიზი,
1929, № 1–2, იანვარ-თებერვალი, გვ. 85–106.
3. ქართული სიძველენი ევროპიელ ანტიქვარებთან, გაზ. „საქართველო“, პარიზი, 1929 № 1–2,
ივნის-ივლისი.
4. პავლე იოსების ძე თუმანიშვილი, გაზ. „დამოუკიდებელი საქართველო“, პარიზი, 1935,
№109.
5. ელენე თარხან-მოურავისეული ვეფხის-ტყაოსანის სურათებიანი ხელნაწერი, გაზ.
„დამოუკიდებელი საქართველო“, პარიზი, 1935, № 118.
6. აკადემიკოსი ნიკო მარრი (დასაწყისი), გაზ. „საქართველო“, პარიზი, 1935, № 7;
(გაგრძელება), გაზ. „დამოუკიდებელი საქართველო“, პარიზი, 1936, № 123; (დასასრული), გაზ.
„დამოუკიდებელი საქართველო“, პარიზი, 1936, № 124.
7. იური ნიკოლოზის ძე მარრი, გაზ. „დამოუკიდებელი საქართველო“, პარიზი, 1935, № 120.
8. ეროვნული განძეულობის თაობაზე (აკ. ჩხენკელის თანაავტორობით), გაზ.
„დამოუკიდებელი საქართველო“, პარიზი, 1936, № 126.
9. მიმართვა ქართველი ემიგრაციისადმი, გაზ. „დამოუკიდებელი საქართველო“, პარიზი,
1936, № 129; ჟურნ. „ქართლოსი“, პარიზი, 1937, № 1.
10. წერილი რედაქციის მიმართ, გაზ. „დამოუკიდებელი საქართველო“, პარიზი, 1937, № 134.
11. ანგარიში ქართული საარქეოლოგიო და საკულტურო მასალების გამოცემის ფონდისა,
გაზ. „დამოუკიდებელი საქართველო“, პარიზი, 1937, № 137, 139.
12. წინასიტყვაობა წიგნისთვის: თამარ პაპავა, დიდი სახეები პატარა ჩარჩოებში, პარიზი,
1937, გვ. 9–14.
 13. ჯვარის მონასტრისეული „თთვენი“ ანუ „საგალობელნი“ მეთერთმეტე საუკუნისა, გაზ.
„დამოუკიდებელი საქართველო“, პარიზი, 1938, № 144.
14. ჩუმი მოღვაწის იოსებ დადიანის ხსოვნას, გაზ. „დამოუკიდებელი საქართველო“, პარიზი,
1938, № 145.
15. ანგარიში ქართული საარქეოლოგიო და საკულტურო მასალების გამოცემის ფონდისა,
გაზ. „დამოუკიდებელი საქართველო“, პარიზი, № 146.
16. კოლია თაყაიშვილი (ნეკროლოგი), გაზ. „დამოუკიდებელი საქართველო“, პარიზი, 1938,
№ 149.
17. ანგარიში ქართული საარქეოლოგიო და საკულტურო მასალების გამოცემის ფონდისა,
გაზ. „დამოუკიდებელი საქართველო“, პარიზი, 1938, № 152.
18. მეფეთა და კათალიკოსთა სულთა მატიანე ნიკორწმინდის ხელნაწერში, გაზ.
„დამოუკიდებელი საქართველო“, პარიზი, 1939, № 159.
19. ანგარიში ქართული საარქეოლოგიო და საკულტურო მასალების გამოცემის ფონდისა,
გაზ. „დამოუკიდებელი საქართველო“, პარიზი, 1939, № 159.
20. სამუსულმანო საქართველო, ჟურნ. „ქართლოსი“, პარიზი, 1939, № 19–23.
21. გიორგი მეფის ერთი ფულის შესახებ, ჟურნ. „საქართველო“, ბერლინი, 1944, № 1, გვ. 32–33.
22. ოსებისადმი ბოძებული ექვსი სიგელი, ჟურნ. „საქართველო“, ბერლინი, 1944, № 1, გვ. 45–
49.

II. წერილები უცხო ენებზე:

1. წყაროები იერუსალიმის პატრიარქის დოსითეოსისა აფხაზთა მეფის შესახებ (აღწერილობა

ქართველთა და აფხაზთა მეფისა და მისი სამეფოსი), „ჟურნალ აზიატიკ“, ტ. CCX, პარიზი, 1927, გვ.
357–368 (ფრანგულ ენაზე).
2. მოკლე ისტორიული მიმოხილვა ინტელექტუალური ცხოვრებისა საქართველოში,
„პრომეთე“, პარიზი, 1928, № 17, გვ. 22–27 (ფრანგულ ენაზე).
3. ქართული სიძველენი: I. ვანის სახარება, „ბიზანტიონი“, ტ. X, ბრიუსელი, 1935, გვ. 655–663
(ფრანგულ ენაზე).
4. ქართული ქრონოლოგია და ბაგრატიდების მმართველობის დასაწყისი საქართველოში,
„გეორგიკა“, ტ. I, № 1, ლონდონი, 1935, გვ. 9–27 (ინგლისურ ენაზე).
5. ქრისტეს ჯვარცმის ხატი სამეგრელოში, წალენჯიხის ეკლესიაში, „გეორგიკა“, ტ. I, № 2–3,
ლონდონი, 1936, გვ. 12–14 (ინგლისურ ენაზე).
6. ოთხი ეკლესია, აგებული ბაზილიკურ სტილში, მდ. ყვირილას დაბლობზე, „გეორგიკა“, ტ.
I, № 2–3, ლონდონი, 1936, გვ. 154–173 (ინგლისურ ენაზე).
7. ქართული სიძველენი: II. სვანთა ერისთავ იოანე ვარდანიძის მე-12 საუკუნის ორი წარწერა;
III. ხვამლის ეკლესიის წარწერის შესახებ, „ბიზანტიონი“, ტ. 12, ბრიუსელი, 1937, გვ. 197–206
(ფრანგულ ენაზე).
8. საქართველოს სიძველენი: 1. საქართველოს კათალიკოს ეპიფანეს სახარება; 2. უძველეს
ქართულ ეკლესიათა კანკელების ზოგიერთი ნიმუში, „გეორგიკა“, ტ. 2, № 4–5, ლონდონი, 1937, გვ. 96–
116 (ინგლისურ ენაზე).
9. იერუსალიმის ჯვარის მონასტრის დაფარნა და ენქერი და მათი წარწერების გარჩევა,
ჩართულია გრ. ფერაძის სტატიაში: „ქართველი ბერები და მონასტრები“, „გეორგიკა“, ტ. 2, № 4–5,
ლონდონი, 1937, გვ. 242–245 (ინგლისურ ენაზე).
10. საქართველოს კათალიკოს ეპიფანეს წარწერა. „რევიუ დე ლ’ორიენ შრეტიენ“
(ქრისტიანული აღმოსავლეთის ჟურნალი), გამომავალი რ. გრაფენის ხელმძღვანელობით, მესამე
სერია, ტ. X (XXX), პარიზი, 1935–36, № 1–2, გვ. 216–224 (ფრანგულ ენაზე).

III. წიგნები:

1. პარიზის ნაციონალური ბიბლიოთეკის ქართული ხელნაწერები და ოცი ქართული

საიდუმლო დამწერლობის ნიშანი, პარიზი, 1933, 64 გვ.;
2. არქეოლოგიური ექსპედიცია ლეჩხუმ-სვანეთში 1910 წელს, პარიზი, 1937, 440 გვ.
3. არქეოლოგიური ექსპედიცია კოლა-ოლთისში და ჩანგლში 1907 წელს, პარიზი, 1938, 87 გვ.
 4. მეფეთა და კათალიკოსთა სულთა მატიანე ნინოწმინდის ხელნაწერში, პარიზი, 1939, 16 გვ.
(პირველად გამოქვეყნდა გაზ. „დამოუკიდებელ საქართველოში“, პარიზი, № 159).
პირველ ტომში გაერთიანდა ექ. თაყაიშვილის ყველა ემიგრანტული ნაწერი, გარდა ნაშრომისა
„არქეოლოგიური ექსპედიცია ლეჩხუმ-სვანეთში 1910 წელს“ (პარიზი, 1937, 440 გვ.), რომელიც ცალკე
წიგნად შევიდა მეორე ტომში.

* *
*

დანართის სახით კრებულში წარმოდგენილია ექვთიმე თაყაიშვილის „მოგონებანი ქართველ

მწერლებზე“ და „ქართული სამუზეუმო ქონების ისტორიისათვის (განძეულის საფრანგეთში
გატანისა და დაბრუნების ისტორია)“.
80 წელს გადაცილებული ექვთიმე თაყაიშვილი 1945 წლის 11 აპრილს ემიგრაციიდან
საქართველოში დაბრუნდა და კვლავ მხნედ განაგრძო მეცნიერული საქმიანობა. კიდევ 8 წელი
იცოცხლა ღვაწლმოსილმა მამულიშვილმა ამდენი ხნის მონატრებულ სამშობლოში (გარდაიცვალა
1953 წლის 21 თებერვალს), მოასწრო თითქმის ორ ათეულამდე შრომის გამოქვეყნება, ამას გარდა,
ფრიად საინტერესო მოგონებების კარნახით ჩაწერა...
ამათგან „მოგონებანი ქართველ მწერლებზე“ გამოქვეყნდა 1952 წელს „ლიტერატურის
მატიანეში“ (წიგნი 6, ნაკვეთი პირველი, რედაქტორი აკად. გ. ლეონიძე). მასში ექ. თაყაიშვილი
იგონებს ილია ჭავჭავაძეს, აკაკი წერეთელს, გიორგი წერეთელს, ვაჟა-ფშაველას და ეგნატე
ნინოშვილს. ეს „მოგონებანი“ ლიტერატურული მუზეუმის დირექტორის, პოეტ-აკადემიკოს გიორგი
ლეონიძისა და პროფ. ი. მეგრელიძის თხოვნით მხცოვანი მეცნიერისგან ჩაუწერია ლიტერატურული
მუზეუმის მაშინდელ სწავლულ მდივანს, პროფ. ი. ლოლაშვილს (ეხმარებოდა ნ. ხომერიკი) (შდრ. ი.
ლოლაშვილი, ოცი წელი გიორგი ლეონიძესთან. თბ., 1980, გვ. 85–91). რაც შეეხება ექ. თაყაიშვილის
მოგონებას ილია ჭავჭავაძეზე, იგი რამდენადმე განსხვავებული რედაქციით და ახალი ცნობების
დამატებით ჩაუწერია ცნობილ ისტორიკოს-არქეოლოგს გ. ლომთათიძეს, რომელმაც ნ.
ღოღობერიძესთან ერთად განსაკუთრებული ამაგი დასდო ემიგრაციიდან დაბრუნებულ ხანდაზმულ
მეცნიერს უზარმაზარი პირადი არქივის მოწესრიგებაში, ახალი შრომების გამოსაქვეყნებლად
მომზადებასა და გასაოცარი მეხსიერების წყალობით შემორჩენილი ბევრი საინტერესო ფაქტისა და
მოგონების ჩაწერაში.
წინამდებარე კრებულში ილია ჭავჭავაძეზე ექ. თაყაიშვილის მოგონების ძირითადი ტექსტი
მოგვყავს გ. ლომთათიძის გამოცემის მიხედვით (იხ. ექ. თაყაიშვილი, რჩეული ნაშრომები, ტ. I. თბ.,
1968, გვ. 240–281). მოგონებანი აკაკიზე, გიორგი წერეთელზე, ვაჟა-ფშაველასა და ეგნატე ნინოშვილზე
კი „ლიტერატურული მატიანის“ (იქვე, გვ. 51–62) მიხედვით იბეჭდება.
ექ. თაყაიშვილის მოგონება „ქართული სამუზეუმო ქონების ისტორიისათვის“ ამოღებულია გ.
ლომთათიძის ზემოთ დასახელებული გამოცემიდან (გვ. 400–413). აქვე ამავე საკითხზე ექ.
თაყაიშვილის „მოგონებანის“ ერთი ფრაგმენტიც, ჩაწერილი 1949 წელს იმავე გ. ლომთათიძის მიერ.

გურამ შარაძე
 სარჩევი

დამსახურებული პროფესორის პეტრე მელიქიშვილის გარდაცვალების გამო

სომხით-საორბელოს ძეგლების წარწერები (ნაწილი პირველი)
სომხით-საორბელოს ძეგლების წარწერები (ნაწილი მეორე)
ქართული სიძველენი ევროპელ ანტიქვარებთან
პავლე იოსების ძე თაყაიშვილი
ელენე თარხან-მოურავისეული ვეფხის-ტყაოსნის სურათებიანი ხელნაწერი
აკადემიკოსი ნიკო იაკობის ძე მარრი
იური ნიკოლოზის ძე მარრი
ეროვნული განძეულობის თაობაზე
მიმართვა ქართველ ემიგრაციისადმი
ანგარიში
ანგარიში
წინასიტყვაობა თამარ პაპავას წიგნზე „დიდი სახეები პატარა ჩარჩოებში“
ჯვარის მონასტრისეული „თთვენი“ ანუ „საგალობელნი“ მეთერთმეტე
საუკუნისა
ჩუმი მოღვაწის იოსებ დადიანის ხსოვნას
ანგარიში
კოლია თაყაიშვილი
ანგარიში
მეფეთა და კათალიკოზთა სულთა მატიანე ნიკორწმინდის ხელნაწერში
ანგარიში
სამუსულმანო საქართველო
გიორგი მეფის ერთი ფულის შესახებ
ოსებისადმი ბოძებული ექვსი სიგელი
პარიზის ნაციონალური ბიბლიოთეკის ქართული ხელნაწერები და ოცი
ქართული საიდუმლო დამწერლობის ნიშანი
არქეოლოგიური ექსპედიცია კოლა-ოლთისში და სოფელ ჩანგლში 1907 წელს.

მოგონებანი ქართველ მწერლებზე

ილია ჭავჭავაძე
აკაკი წერეთელი
გიორგი წერეთელი
ვაჟა ფშაველა
ეგნატე ნინოშვილი (ინგოროყვა)

***

ქართული სამუზეუმო ქონების ისტორიისათვის

ფრაგმენტი მოგონებიდან განძეულობის გატანის შესახებ
გ. შარაძე, ექვთიმე თაყაიშვილის ემიგრანტული ნაშრომები.
ქართული ემიგრანტული ლიტერატურა

დაბრუნება

მრავალტომეული

გურამ შარაძის საერთო რედაქციით

თბილისი 1991
ექვთიმე თაყაიშვილი

ემიგრანტული
ნაშრომები

გამომცემლობა ” მეცნიერება”
თბილისი 1991
 წინასიტყვაობა

ზაფხულში, 1910 წელს ჩვენ მოვაწყვეთ არქეოლოგიური ექპედიცია ლეჩხუმ-

სვანეთში. საშუალება მოგვცა აწ განსვენებულმა ჩვენმა მეგობარმა პავლე იოსების ძე
თუმანიშვილმა, რომელიც დღიდან დაარსებისა „საქართველოს საისტორიო და
საეთნოგრაფიო საზოგადოებისა“ გახდა გულწრფელი მოჭირნახულე და მეცენატი ამ
საზოგადოებისა. მთელი ხარჯი ექსპედიციისა მან მიიღო თავის თავზედ.
ექსპედიციაში მოვიწვიეთ: მთელს კავკასიაში კარგად ცნობილი აწ განსვენებული
ფოტოგრაფი დიმიტრი ივანეს ძე ერმაკოვი, აგრეთვე აწ განსვენებული ხუროთ
მოძღვარი სიმონ გიორგის ძე კლდიაშვილი და ტფილისის პირველი გიმნაზიის
მასწავლებელი ივანე თეოდორეს ძე ნიჟარაძე, ყოფილი ჩემი მოწაფე,
შთამომავლობით სვანი, მზრუნველი და მოამაგე სვანებისა და ყველა სვანთაგან
დიდათ მიჩნეული და პატივცემული.
პავლე თუმანიშვილი ფიქრობდა მასაც მიეღო მონაწილეობა ექსპედიციაში და
გვთხოვა მისთვის დაგვეცადა ცაგერში, რომ სვანეთში ერთად გამგზავრებულიყავით,
მაგრამ ეს განზრახვა მან ვეღარ განახორციელა: ის მაშინ ასრულებდა ტფილისის
გუბერნიის თავადაზნაურთა მარშლის თანამდებობას და ვერ მოიცალა.
ექსპედიციის მიზანი იყო: გვენახა ზოგიერთი ეკლესიები ლეჩხუმისა, მანამ პ.
თუმანიშვილი შემოგვიერთდებოდა, შემდეგ შეძლებისდაგვარად დაგვევლო ყველა
სვანეთის ეკლესიები; ცნობაში მოგვეყვანა და ფოტოგრაფიულად გადმოგვეღო მათში
დაცული სიძველენი, შეგვეკრიბა არქეოლოგიური, ისტორიული და ეთნოგრაფიული
ნივთები და მასალები „საქართველოს საისტორიო და საეთნოგრაფიო
მუზეუმებისათვის“.
დასახელებული მიზანი საერთოდ საკმაოდ შესრულებულ იქმნა: ჩვენ
დავიარეთ უმეტესი ნაწილი ლეჩხუმის ეკლესიებისა; ვნახეთ თითქმის ყველა
ეკლესია როგორც ცხენისწყლის, ისე ენგურის სვანეთისა. არ ვყოფილვართ მხოლოდ
ლახამულაში (იქ მაშინ ხოლერა გაჩნდა), ჩუბის-ხევში და ადიშში (იმ დროს იქ
თოვლი მოვიდა), მაგრამ ცნობილი ადიშის სახარება იქიდან მოვატანინეთ და
მესტიაში გადავიღეთ ფოტოგრაფიულად; საკმაოდ ბევრი და ძვირფასი სამუზეუმო
ნივთები შევაგროვეთ; ზოგი მათგანი შემოწირულობის სახით მივიღეთ, ზოგი ფასით
შევიძინეთ. ჩვენი მუზეუმი გამდიდრდა საყურადღებო ტყავის ხელნაწერებით და
საარქეოლოგიო-საეთნოგრაფიო ნივთებით; ხოლო სამწუხაროდ უნდა აღვნიშნოთ, ს.
კლდიაშვილს დაეკარგა დღიურ-რვეული მის მიერ გაზომილი სვანეთის ეკლესიებისა
და ციხე-კოშკებისა, ამიტომ ამ ეკლესიათა გეგმების დამუშავება შეუძლებელი
შეიქმნა. დარჩა მხოლოდ გეგმები ლეჩხუმის ეკლესიებისა და ხუთიოდე
თავისუფალი სვანეთისა.
ცნობილია, როგორც ლეჩხუმში, ისე სვანეთში მხოლოდ სიონური ანუ
ბაზილიკური ეკლესიებია, უგუმბათო. გამონაკლისს შეადგენს ერთი, მცხეთის
გუმბათიანი ეკლესია ლეჩხუმში, მაგრამ მაინდამაინც ძველი არც ის არის. ყველა
საყურადღებო სიძველენი ჩვენ მიერ ნახულ ეკლესიებისა გადმოღებულია
ფოტოგრაფიულად. გამონაკლისს შეადგენს მცირე ნაწილი, რომელიც არ გამოვიდა
ჯეროვნად. სულ გადაღებული იყო ათას ხუთასზე მეტი სურათი; ამათში შედის,
რასაკვირველია, პეიზაჟებიც საუკეთესო ადგილებისა, სოფლებისა და ციხე-
კოშკებისა. ფრესკების გადმოღება არ მოხერხდა. განსვენებული ერმაკოვი
გაფრთხილებული იყო, რომ სვანეთში პატარა ეკლესიებია და მათში სამუშაოდ
განსაკუთრებული აპარატია საჭირო და პტყელ-კუთხედი ობიექტივი. – ვიცი, ვიციო,
– იძახოდა ტფილისში, მაგრამ მას ასეთი აპარატი აღარ აღმოაჩნდა სვანეთში. ამას
გარდა ჩვენ გაგვაკვირვა კიდევ მეორე გარემოებამ, – უმეტესი ნაწილი
„პლასტინკებისა“, რომელიც მას წამოეღო, წამოღებულ ჩარჩოებში არ ეტეოდა. უფრო
დიდრონი იყო, და ის იძულებული გახდა ჩამოეჭრა ნაწილი თითოეული
„პლასტინკისა“ და ისე მოეთავსებინა ჩარჩოში. ეს სიძნელე მან დიდის შრომით და
დაუღალავი მუშაობით გადალახა. ფრესკების გადასაღებად სვანეთში არა ერთი,
არამედ რამოდენიმე მხატვართა ექსპედიცია არის საჭირო. საჭიროა არა მარტო
ფოტოგრაფიის საშუალებით გადმოღებული ფრესკებისა, არამედ მათი გადმოხატვა
ფერადებით ტილოზედ. ზოგი მათგანი განსაკუთრებით საყურადღებოა არა მარტო
სიძველით, რიგით, სტილით, არამედ შინაარსითაც. საკმარისია აღვნიშნოთ, რომ
ერთს ეკლესიაში წარმოდგენილია დიმიტრი მეფის კურთხევა, ზოგიერთებში კიდევ
ზღაპრული ამირანი და მასზე თქმულებანი და სხვა. ბევრ ეკლესიაში ყოფილა
აგრეთვე მაშენებელთა ანუ კტიტორთა სურათებიც, მაგრამ უმეტეს შემთხვევაში
ფრესკები და სურათები მოშლილია; რაც გადარჩენილა გასვრილია მტვრით და
უფრო ხშირად ჭვარტლით. ყველა ეს უნდა გაიწმინდოს, გაირეცხოს ფრთხილად და
შემდეგ საკმაოდ გამოჩნდება სურათებიც და წარწერებიც და მათი გარჩევა
შესაძლებელი იქნება. ჩვენ ამისათვის დრო არ გვქონდა. აღვნიშნეთ მხოლოდ, რაც ასე
თუ ისე საკმაოდ მოჩანდა; მაგრამ ამითაც ბევრი უცნობი მასალა მოგვემატა. მთელი
შეგროვილი მასალა ექსპედიციისა ჩვენ დამზადებული გვქონდა გამოსაცემად უკვე
1911 წელს და გვპირდებოდენ მის გამოცემას, სურათებით, პეტერბურგში და
მოსკოვშიც, მაგრამ ომიანობის გამო ეს განზრახვა ჩაიფუშა. მხოლოდ მოსკოვის
არქეოლოგიურმა საზოგადოებამ მოასწრო ერთად ერთის ადიშის საყურადღებო
სახარების გამოცემა ფოტოტიპიის საშვალებით და ჩემის წინასიტყვაობით (იხ.
„მატერიალი პო არხეოლოგიი კავკაზა“, წიგნი 14) აქაც, საზღვარ გარეთ ზოგიერთები
გვპირდებოდენ მთელი სვანეთის მასალის გამოცემას სურათების ალბომებითურთ,
მაგრამ ეს დაპირებაც მარტო დაპირებად დარჩა. ეხლანდელი კრიზისი ჩვენ იმედს
აღარ გვაძლევს არც ამ ექსპედიციის ალბომების გამოცემისა, არც სხვა ჩვენი
ექსპედიციების მასალებისა, როგორიც არის მაგალითად, ექსპედიცია ოლთისის
მხარეში 1907 წელს, ექსპედიცია თორთუმ-ისპირში 1917 წელს, რაჭა-იმერეთში 1918-
1920 წლებისა და სხვა. გამოუცემელი რჩება აგრეთვე სამეგრელოს ეკლესიათა
სიძველეთა ალბომები, დამზადებული უკვე 1913 წელს. გამოვეცით მხოლოდ მათი
მოკლე აღწერილობა და წარწერები (იხ. ჩვენი „არხეოლოგიური მოგზაურობანი და
შენიშვნანი“, წიგნი მეორე, ტფილისი, 1914 წ.), სურათებით მათი გამოცემა დავიწყეთ
პეტერბურგში „ხრისტიანსკი ვოსტოკ“-ში, სადაც ოთხიოდე ეკლესიათა სიძველეთა
მოთავსება მოესწრო; შემდეგ „ხრისტიანსკი ვოსტოკი“ დაიხურა.
ჩვენ ამ გამოცემაში ვათავსებთ მოკლე აღწერილობას ჩვენ მიერ ლეჩხუმ-
სვანეთში ნახულ სიძველეთა და წარწერათა.
ვინც მოისურვებს ალბომების გამოცემას ან თავისთვის შედგენას ალბომისა
ჩვენი ექსპედიციის მიერ გადაღებული სურათებით, მისთვის ამ გამოცემის შემდეგ
ადვილი იქნება ამის შესრულება, ვინაიდან ჩვენ ვუჩვენებთ ტექსტში ნომერს ყველა
სურათის ერმაკოვის კოლექციიდან, რომლის ნეგატივები და ალბომები მოიპოვება
ჩვენს უნივერსიტეტში და საისტორიო და საეთნოგრაფიო საზოგადოებაში. ეს მით
უფრო საჭიროა, რომ ფოტოგრაფიის რუსული წარწერები ყველა სწორი როდია,
ერმაკოვს არეული აქვს ზოგჯერ სოფელთა და ეკლესიათა სახელები, რომელთაც ესა
თუ ის ნივთი ეკუთვნის.
აქ უნდა შევნიშნოთ: ერმაკოვის სურათები ორგვარის ნომრების სათვალავით
არის აღნიშნული. ერთი მარცხნივ უფრო რთულით, მეორე მარჯვნივ უფრო
მარტივით; ჩვენ ვუჩვენებთ საზოგადოთ მხოლოდ რთულს, რომელიც მარცხნით
არის აღნიშნული, მაგრამ როდესაც ეს ნომერი არა სჩანს ან ჩვენს ცალზე არ არის
აღნიშნული, მაშინ ვუჩვენებთ მარტივ სათვალავს და წინ ვუსვამთ ასეთ ნიშანს: №-.
სამწუხაროდ ზოგიერთი სურათი აღუნიშნავი რჩება. ამის მიზეზია შემდეგი:
როდესაც ჩვენ სურათები მივიღეთ ერმაკოვისაგან, ზოგიერთ სურათზე ჯერ კიდევ არ
იყო ნომერი აღნიშნული; ამას გარდა ზოგიერთი ფოტოგრაფია, რომელზედაც
რამოდენიმე ხატიჯვარი თუ სხვა ნივთი იყო გადმოღებული, ჩვენ დავსჭერით და
ცალ-ცალკე სურათად ვაქციეთ, ხოლო ნომრები აღარ აღგვინიშნავს იმ თავით და
ეხლა მოკლებული ვართ საშვალებას ეს აღვნიშნოთ. მაგრამ საბედნიეროდ ასეთი
სურათები, რომელთა ნომრები არა მაქვს ნაჩვენები, ცოტაა და მათი მიგნება
ერმაკოვის კოლექციაში ადვილია ჩვენი აღწერილობის საშვალებით და თემების და
ეკლესიების ჩვენებით თვით სურათებზე.
ამრიგად ეს გამოცემა მრავალ მხრივ ნაკლოვანია. ნაკლულოვანია
თავდაპირველად მით, რომ უსურათებოდ გამოდის. სურათი აუცილებლად საჭიროა
არქეოლოგიური საგნის და ხელოვნების ძეგლის შესასწავლად; კარგი სურათის ერთი
თვალის გადავლება უფრო მეტს წარმოდგენას გვაძელევს საგანზე, ვიდრე მისი
დეტალური აღწერა. ნაკლულოვანია ეს გამოცემა მითაც, რომ ჩვენ არა გვაქვს ხუცური
შრიფტი, რომლითაც უნდა აწყობილიყო წარწერათა ტექსტები; არა გვაქვს აგრეთვე
სხვა და სხვა ზომის მხედრული შრიფტიც. მიუხედავად ამისა ჩვენ მაინც
სასარგებლოდ მიგვაჩნია ეს შეკვეცილი გამოცემა: ნათქვამია – სულ არარაობას ცალი
უღელი ხარი სჯობსო.
სვანეთში მოგზაურობის სიძნელეზე, უგზოობის გამო, მეტია ლაპარაკი; ეს
იმას შეუძლია წარმოიდგინოს, ვისაც ეს გზები ანუ, უკეთ ვთქვათ, უგზოობა
გამოუცდია, მაგრამ ამ შემთხვევაში ჩვენ მაინც უკეთეს პირობებში მოვხვდით: იმავე
ზაფხულს კავკასიის „ნამესტნიკის“ თანამშემწე ვატაცი მიემგზავრებოდა სვანეთში,
რომ ეს მხარე დაეთვალიერებინა და მკვიდრთა საჭიროებას ადგილობრივ
გაცნობოდა. ეს არა-ჩვეულებრივი მოვლენა იყო: რუსეთის მმართველობის
დამყარებიდან არც ერთს დიდ ადმინისტრატორს ფეხი არ დაუდგამს სვანეთში. ეს
მხარე ერთ „პრისტავის“ ამარად იყო მიგდებული; იშვიათად თუ მაზრის უფროსი
გამოჩნდებოდა იქ ლეჩხუმიდან (სვანეთი ლეჩხუმის მაზრაზე იყო მიწერილი).
დაიწყეს სიჩქარით გზის შეკეთება ვატაცისათვის ლათფარის ზეკარით
(უღელტეხილით), და ჩვენ ამ შეკეთებული გზით ვისარგებლეთ, ვინაიდან
გავემგზავრეთ ორი კვირით წინ ვატაცისა.
სვანეთში ორი გზა მიდის: ერთი ლეჩხუმიდან, ქალაქ ცაგერიდან, ჯერ ქვემო
სვანეთში, ცხენის წყლის ანუ სადადიანო სვანეთში, შემდეგ ლათფარის ზეკარით ანუ
უღელტეხილით ზემო სვანეთში ანუ ენგურის სვანეთში. ამ გზით სარგებლობა
შეიძლება მხოლოდ ზაფხულში; სხვა დროს გზა შეკრულია დიდი თოვლის გამო.
მეორე გზა მიდის სამეგრელოდან, სოფელ ჯვარიდან, მდინარე ენგურის ნაპირით,
სადადეშკელიანო სვანეთში, და შემდეგ თავისუფალ სვანეთში. ეს გზა საუკეთესოდ
ითვლება და დიდის გაჭირვებით მისვლა-მოსვლა აქედან ზამთარშიც წარმოებს.
სწორედ აქედან იყო არა ერთხელ ცდა გზის გაყვანისა, მაგრამ რუსის ხელისუფლებამ
ეს ვერ შესძლო ასი წლის განმავლობაში. მათი გაკეთებული გზა პირველ
წყალდიდობამდის სძლებდა, მერმე ისპობოდა ნიაღვარისაგან. ასე მოხდა 1910
წელსაც. ვატაცი დარწმუნებული იყო, რომ იმავე წლის სექტემბრისათვის საფოსტო
გზა მზად იქნებოდა სოფელ ჯვარიდან სვანეთში. ეს მე მან თავმომწონედ გამიცხდა
წასვლის წინ სოფ. ოქრო-ყანაში, სადაც ის სააგარაკოდ იყო. როდესაც მე ეჭვი
გამოვთქვი, ცოტა არ იყოს, იწყინა. ხოლო შემდეგ, როდესაც თავის თვალით ნახა, რომ
იქ არავითარი ახალი გზა არ იყო, არამედ ძველი ზერელედ შეკეთებული, მის
აღშფოთებას საზღვარი არ ჰქონდა; ინჟინრის სამართალში მიცემამ საქმეს ვერ
უშველა. აუარებელი ფული დახარჯული იყო და სვანეთი კვლავინდებურად უგზოდ
დარჩა.
ჩვენ ქუთაისში მოვიმარაგეთ ყველაფერი, რაც საჭირო იყო მგზავრობისათვის,
და ჩვეულებრივად ალპანამდის „ლინეიკით“ გავემგზავრეთ. ქუთაისში ჩვენ
შემოგვიერთდა ჩვენი მეგობარი გიგო დიასამიძე, რომელიც თავის ქალით მიდიოდა
ლეჩხუმში სააგარაკოდ. ბატონმა გიგომ ერთი კარგი სამსახური გაგვიწია; მან
გვასწავლა გზა ლაბეჭინაში მისავალი: მას ის წინა წელში ენახა. ლაბეჭინა ფრიად
საინტერესო აღმოჩნდა თავის სიძველეებით.
ეხლანდელი ალპანა (ვახუშტის გეოგრაფიით, არპანი) ლაბეჭინის სახარების
მინაწერში არპანა-დ არის ცნობილი; იმავე წერილიდან ვტყობილობთ, რომ აქ
ძველად გაბრიელ ლაბეჭინელს აუგია ქვის ეკლესია, შიგან მოუხატავს და
მოუკაზმავს, შეუმკვია ხატებით და წიგნებით, აუშენებია ქვითკირის სახლები,
ბეღელნი, მარანი და სხვა. მაგრამ ამ შენობებიდან ეხლა აღარაფერი არ შენახულა.
ძველი ეკლესიის საფუძველზე ეხლა პატარა, ახალი, ქვის ეკლესია არის აშენებული,
ხის გუმბათით, წმიდა გიორგის სახელობაზე; ეკლესიაში მოიპოვება ხატი წ¯ა
გიორგისა, წამლით დახატული, ვერცხლის აშიით შეჭედილი და ასომთავრულის
წარწერით: წ -ა გ -ი. წმიდა გიორგი წარმოდგენილია ცხენით, ვეშაპს გმირავს შუბით.
ხელობა ახალია, მე-19 საუკუნისა; ახალია აგრეთვე მეორე ღვთის მშობლის ხატი,
წელს-ზევითი, წამლით დახატული. უფრო საყურადღებოა დაფარნა ოქრომკერდით
ნაკერი, რომელზედაც წარმოდგენილია ქრისტე, ბერძნულის წარწერით სახელისა.
ალპანაში ღამე გავათიეთ ცნობილ ალპანის დუქანში, რომელიც გაშენებულია
რიონის ნაპირზე იქ, სადაც მდ. ლაჯანურა (მეორე სახელით აჭარის წყალი) შეერთვის
რიონს. აქ ყოველთვის იშოვება განთქმული ყიფიანის ღვინო და ხშირად ცოცხალი
თევზიც. მეორე დღეს გავემგზავრეთ ლაბეჭინაში; გზად გავიარეთ საირმეში და
აქედან დაიწყო ჩვენი მუშაობა.
ვინემ ამ მუშაობაზე დავიწყებდეთ საუბარს, ვალად ვთვლით ჩვენს თავს
გულითადის მადლობით მოვიხსენიოთ ყველა ის პირნი, რომელთაც ჩვენ პატივი
დაგვდვეს, ხელი შეგვიწყვეს და დაგვეხმარენ ჩვენი მუშაობისა და მოგზაურობის
დროს.
ლეჩხუმში დიდი სამსახური გაგვიწია ლეჩხუმის „ბლაღოჩინმა“ მარგიანმა. მან
მიგვიღო თავის სახლში, ცაგერში და იქიდან თავისი თანხლებით მოგვარონია
უმეტესი ნაწილი ლეჩხუმის ეკლესიებისა. თავისუფალ სვანეთში ჩასვლისას
შემოგვეგება აწ განსვენებული სვანეთის „ბლაღოჩინი“ ბესარიონ ნიჟარაძე, რომელიც
კარგად ცნობილია ჩვენს ლიტერატურაში თავისი საყურადღებო ეთნოგრაფიული
წერილებით. ის სწერდა ფსევდონიმით: „თავისუფალი სვანი“. ბესარიონი მოვიდა
ჩვენთან სოფელ კალაში და გვირჩია მასთან წავსულიყავით პირველად სოფ.
მესტიაში, რომელიც შუა ადგილია ენგურის სვანეთისა, იქ დავბინავებულიყავით და
იქიდან დაგვეწყო ექსკურსიები სხვა და სხვა სოფლებში. ჩვენც აგრე მოვიქეცით.
ცოტა ხნით, როდესაც ვატაცი მოვიდა სვანეთში, ის მას ეახლა და როდესაც
გაისტუმრა, მერმე თავის მკვირცხლის და სიმპატიურის შვილით, კუკურით, (მაშინ
გიმნაზიის მოსწავლე იყო) ჩვენ არ მოგვცილებია, ყოველგან დაგვყვებოდა,
ცდილობდა ყველაფერი ეჩვენებინა. არაფერი არ დაგვრჩენოდა უნახავი. მისი
დახმარებით და შუამდგომლობით შევიძინეთ ჩვენ ბევრი ხელნაწერი და ნივთი.
დიდი პატივი გვცა აგრეთვე, როდესაც სოფელ ეწერში მივედით, ოთარ
დადეშკელიანმა და მისმა მეუღლემ, აწ განსვენებულმა; ოთარი დიდათ
დაინტერესებული იყო ჩვენის მუშაობით, გადმოგვცა რამოდენიმე ხელნაწერი,
გვაახლო თავის კაცები და საშვალება მოგვცა კარგად მოგვეარა ეწერის არე-მარე. მისი
ძმა თათარხანი, ცნობილი პატრიოტი, რომელიც ჩვენს საისტორიო და საეთნოგრაფიო
საზოგადოებაში იღებდა მხურვალე მონაწილეობას, მაშინ უკვე ცოცხალი აღარ იყო.
მისი ისტორიული წერილები და მასალები ოთარმა გადმოსცა ჩვენს საისტორიო და
საეთნოგრაფიო საზოგადოებას. აგრეთვე დიდი პატივი გვცეს და ხელი შეგვიწყეს
განსვენებულმა ლევან დადეშკელიანმა და მისმა ძმამ ჯანსუყიმ. ლევანი, როგორც
მოგეხსენებათ, წინამძღოლი და მოთავე იყო რევოლუციის მოძრაობისა სვანეთში
1905 წელს, ხოლო მეორე რევოლუციას, 1917 წ. ის მსხვერპლად შეეწირა. ნეტარ იყოს
ხსენება განსვენებულთა, რომელთაც ჩვენს ექსპედიციაში მონაწილეობა მიიღეს ანუ
ხელი შეგვიწყვეს და დახმარება გაგვიწიეს; დღეგრძელობა და მადლობა მათ,
რომელნიც დღეს კეთილად ცხოვრობენ. განსაკუთრებით ჩვენთვის სამწუხარო და
სავალალოა დიდებული ქართველის, გულწრფელი პატრიოტის და დიდათ
სათნოიანი ადამიანის პავლე იოსების ძის თუმანიშვილის უდროოდ გარდაცვალება.
ის გარდაიცვალა ემიგრაციაში, პოლონეთში, შევიწროებული ნივთიერად. საუკუნოდ
დარჩება ხსნება ამ წარჩინებული მოღვაწისა და ადამიანისა ჩვენში1.

1 მისი საზოგადო მოღვაწეობა და განსაკუთრებით მისი ამაგი „საქართველოს საისტორიო და

საეთნოგრაფიო საზოგადოებისადმი“ ჩვენ უკვე აღვნიშნეთ (იხ. „დამოუკიდებელი საქართველო“,
იანვარი, 1936 წელი, № 109, გვ. 12-13) და აქ აღარ ვიმეორებთ.
 ნაწილი I

ლეჩხუმი
სოფელი ლაბეჭინა.

ალპანიდან ჩვენ გავემგზავრეთ ლაბეჭინაში, რომელიც რვა კილომეტრით

შორავს ალპანას. გზად გავიარეთ საირმეს სოფელში და გავშინჯეთ მისი ახალი
ეკლესია. გზა ალპანიდან საირმემდე სულ აღმართ-აღმართ მიდის; საირმედან
ლაბეჭინამდის აღმართი ისე ძლიერი აღარ არის.
ეკლესია ლაბეჭინისა, ცაგერის შემდეგ, საუკეთესოდ უნდა ჩაითვალოს მთელს
ლეჩხუმში. აქ წინად მონასტერი ყოფილა, ეხლა სამრევლო ეკლესია არის, მაგრამ
სოფელი ახლოს არ ახლავს. ტაძარი აშენებულია მთის მაღალ სერზე, რომელიც
მიჰყვება რიონის მარჯვენა ნაპირს. აქედან თქვენს თვალს წინ იშლება საუცხოვო
პანარამა მწვანით შემოსილი რიონის ხეობისა. (ფოტ. №17385).
ეხლა ამ ეკლესიის სახელია ლაბიჭინა, მაგრამ ვინაიდან ძველ წყაროებში
ლაბეჭინა სწერია, ჩვენც ამ სახელწოდებას ვხმარობთ.
ლაბეჭინა მოხსენებულია ორს ხელნაწერში, მაწიეთის ეკლესიის მარხვანში
1566 წლისა და საეკლესიო მუზემის ტყავის ხელნაწერში მეთორმეტე-მეცამეტე
საუკუნისა, №388, რომელიც შეიცავს თეოდორე აღმსარებელის სიტყვებს. პირველ
ხელნაწერს აქვს შემდეგი მინაწერი მერმინდელის ხელით:
„ჩვენ ყ¯ დ სამღვდელო ცაგერელ მიტროპოლიტმან იოანე შემოგწირეთ ს ¯ლთა
განმანათლებელი მარხვანი ესე ლაბეჭინის მთავარ-ანგელოზის ეკლესიას სულისა
ჩვენისა საოხად“.
ეს მინაწერი ეკუთვნის მეთვრამეტე საუკუნის მეორე ნახევარს. იმ დროს
ცხოვრობდა ცაგერელი იოანე, დადიანი კაცია მეორის ძე, რომელიც პირველად
ცაგერელი იყო და შემდეგ 1792 ჭყონდიდელი. მოჰყავს რა ეს ცნობა დ. ბაქრაძეს, ის
შენიშნავს: „ლაბეჭინის ეკლესია მთავარ-ანგელოზთა ჩემთვის უცნობია, მაგრამ ის
უნდა მდებარეობდეს სადმე სამეგრელოს სამფლობელოში“ (იხ. დ. ბაქრაძის
„მოგზაურობა გურია-აჭარაში“, გვ. 215). მეორე ხელნაწერის მინაწერიდან მეჩვიდმეტე
საუკუნისა ვტყობილობთ, რომ ხელნაწერი ეკუთვნოდა ლეჩხუმის მონასტერს
ლაბეჭინას და წაეღო რუსეთში ბერს ევდემონს, კირილეს მონასტერში, სადაც ის
დატყვევებული ყოფილა და ეს წიგნი დარჩენილა მასთან და მორჩილ ლაზარესთან
1667 წლიდან 1671 წლამდის (იხ. თ. ჟორდანიას „აღწერა საეკლესიო მუზეუმის
ხელნაწერთა“, წიგნი პირველი, გვ. 381). ამ ცნობების გარდა ლაბეჭინის შესახებ სხვა
არაფერი არ ვიცოდით, არც მისი მდებარეობა, არც მისი სიძველენი.
ლაბეჭინა საკმაოდ დიდი ეკლესია არის, მოგრძო, ოთხკუთხედი, სიონურის
რიგისა, უგუმბათო, ერთ-ნაოსიანი; ნაშენია თლილის ქვით და ეტყობა მრავალჯერ
შეკეთებულია. უკანასკნელი შეკეთება განუცდია ოცი წლის წინეთ, ვიდრე ჩვენ
ვნახავდით, და მაშინ მოუშლიათ ძველი ქვის კანკელი, რომლის სვეტები და ქვები
ეხლა ჰყრია ეკლესიის ეზოში, და მის მაგიერ გაუკეთებიათ ახალი ხის კანკელი.
ეკლესია დახურულია ეხლა ყავრით, მაგრამ წინეთ, ეტყობა, ქვის ლორფინით
ყოფილა დახურული. თავი მასსა ეხლანდელი ეკლესიისა უნდა ეკუთვნოდეს მე-13-
14 საუკუნეს, როდესაც გაბრიელ ლაბეჭინელს ხელმეორედ აუგია აქ ეკლესია ძველი
ეკლესიის სრულიად განადგურების შემდეგ უსასტიკესი მიწისძვრის გამო. წინეთ
ეკელსიას ჰქონია ეკვტერები სამხრეთით, დასავლეთით და ჩრდილოეთით, მაგრამ
ეხლა ყველა ესენი განადგურებულია და თითქმის აღმოფხვრილი; დარჩენილია
მხოლოდ მეოთხე ეკვტერი სამხრეთ-დასავლეთის მხრით, ყველაზე გვიანი; ხოლო
დღეს ისიც დიდათ დაზარალებულია: სახურავი და თაღი ჩამონგრეულია და
ნანგრევებს დაუფარავს საფლავი ეკვტერის მაშენებლისა. ჩვენს დროს ეკვტერი არ
იყო ჯერ კიდევ ნანგრევისაგან გაწმენდილი.
აღმოსავლეთის ფასადი ეკლესიისა გამშვენებულია ორის მაღალის უბით,
მომრგვალებული თავებით, ხოლო შუაში ფანჯარაა აგრეთვე მომრგვალებული
თავით. როგორც უბეები, ისე ფანჯარა შემკობილია ორმაგი მოჩუქურთმებული
ნახევარ სვეტებით; ყველა სვეტებს ჩუქურთმიანი სვეტის თავები აქვთ და ქვემოდან
ოთხკუთხედი კვარცხლბეკები სხვა და სხვა რიგად და ლამაზად
მოჩუქურთმებულნი. ფანჯრის შუა ნაწილიდან ქვემოდ ეშვება სამმაგი ჩუქურთმიანი
ზოლი ნახევარი სვეტებისაგან შემდგარი, რომელიც თავდება ოთხკუთხედი
კვარცხლბეკით. კვარცხლბეკზე ჩუქურთმიანი ლამაზი ჯვარია გამოსახული. ფანჯარა
შეკეთების დროს გაუფართოებიათ, მაგრამ ფანჯრის თავის ლამაზი ჩუქურთმა
დაცულია. თვით კონცხში აღმოსავლეთისა ყოფილა ჩუქურთმიანი ჯვარი, რომელიც
ეხლა გაფუჭებულია; დაზიანებულია აგრეთვე ასეთივე ჯვარი, რომელიც, ეტყობა
მარცხენა უბეში. მარცხენა მხრით აღმოსავლეთის ფასადისა, კუთხეში ემჩნევა
ნიშნები ასომთავრული წარწერისა: ნ ი / ვ ნ/ ვ.
აღმოსავლეთის ფასადი იხ. ფოტო №17382.
დასავლეთის ფასადი შემკობილია ჩუქურთმებით ირგვლივ დასავლეთის
კარისა და მომრგვალებული ფანჯრისა ორმაგი ნახევარ-სვეტებით (ფოტ. №17384),
ხოლო კონცხში დაცულია ჩუქურთმიანი ჯვარი.
სამხრეთის ფასადის ოთხკუთხედი კარი მორთულია ირგვლივ ჩუქურთმებით
და ნახევარ-სვეტებით (ფოტ. 17380): ზემოდ მოჩანს ქანდაკება მამაკაცისა და
დედაკაცისა, რომელნიც ხელებს უშვერენ ერთმანეთს; ქანდაკება ვერ არის
ლაზათიანი; ქვემოდ გამოქანდაკებულია სტილიზაციით მხეცი, მოგრძო
ფრჩხილებით ფეხებზე და წამოტარახინებული კუდით (ფოტოგ. №16764). ამის
ქვემოდ კიდევ გამოქანდაკებულია ქვაზე მარაო.
შიგნით, სამხრეთისა და ჩრდილოეთის კედლები დაყოფილნი არიან სამ-სამ
თაღად; საკურთხეველში ორი უბე მოჩანს. ტრაპეზი შუაშია აგებული; კედლები
ტაძრისა მოხატული ყოფილა ფრესკებით, მაგრამ ეხლა თითქმის აღარაფერი
დარჩენილა.
სამხრეთ-დასავლეთის ეკვტერს შესავალი დასავლეთიდან აქვს და აქედან
მეორე კარს მიჰყავხართ დასავლეთის ეკვტერში. ამ კარს ზემოდ ქვაზე
გამოქანდაკებული ჯვარი ამშვენებს და სანახევროდ გადასული ასომთავრული
წარწერა (ფ. №17381). სიტყვები და ასოები, რომელნიც აღარ მოსჩანან და ჩვენი აზრით
ვუმატებთ, ჩასმულნი არიან ფრჩხილებში.
წ. (1) : ნებითა : ღმრისათა
 აღვაგეთ :. ეკუდრი ესე
ჩუენ:. ინასარიძემან:. [გიორგიმ]
და თანა :. მეცხედრემან ჩემმან ჩხეტიძ
ის :. ქალმა :. ანა[მ]
მ-ჴსნელად ცოდვილისა [სულისა]
ჩვუნისათუის აწ [ვინცა და რომანცა]

ძემან : კაცისამან ან [დიდმან]

ანუ :. მცირაე :. მან :. ჩუ ...

_________
1) დედანში ასო „წილ-ქანი“ უზის, მგრამ ვინაიდან ასეთი ასო არა გვაქვს, ამიტომ ჩვენ აქაც და
სხვა ასეთ შემთხვევებში მარტო წ-ს ვტოვებთ.

დანარჩენი ნაწილი წაბღალულია და თუმცა ზოგიერთი სიტყები და ასოები

განირჩევიან, მაგრამ ვინაიდან სრულის აზრის აღდგენა ძნელია, ამიტომ აღარ
მოგვყავს, მით უმეტეს, რომ ტექსტი ჩვეულებრივი წყევლის დასასრულია.
ეკვტერი სასაფლაო ყოფილა გიორგი ინასარიძისა, მაგრამ საფლავი დაფარული
იყო ჩამოწოლილი თაღის ნანგრევებით და ადგილობრივმა მღვდელმა
ბოჭორიშვილმა საფლავის წარწერა, ხელით გამოღებული, მომაწოდა უკვე ტფილისში
დაბრუნების შემდეგ, რისთვისაც დიდ მადლობას ვუცხადებთ. მოწოდებული
წარწერა გადაბმული ასომთავრულით არის შესრულები და იკითხება ასე:
ღო. შეიწლე ფდ: ცდვლი: ინსრიძე: ესე არს: გნსს-ნბლი:
ჩი: უკი: უკ-ე: ამს დვემკუდრო:
რ: მთნვს: ესე ნტრრს: გზა: ესე რსა: წრსმრთებ-ლ
ხ-რ: შნ: გბი: გი: უ: დბჲ: შ-ნდა,
უქარაგმოდ:
ღმერთო, შემიწყალე ფრიად ცოდვილი ინასარიძე, ესე არს განსასვენებელი
ჩემი უკუნითი უკუნისამდე, ამას დავემკვიდრო, რამეთუ მთნავს ესე. ნეტარ არს გზა
ესე, რომელსა წარმართებულ ხარ. შენ გევედრები გიორგი, უფალო, დიდებაჲ შენდა.
ჩრდილოეთის კედელზე მოჩანს აქა-იქ ასომთავრული წარწერები. სულ
ქვემოდ:
ქ-ე შ-ე კ-ე ჩოპე ქრისტე, შეიწყალე კონსტანტინე (ანუ
რი და ნთლ კვირიკე) ჩოპერი და ნათელ
დეფ¯ლი დედოფალი (ანუ დეოფალი).
ნათელ დედოფალი ჩვენ ერთი ვიცით, მეფის დიმიტრი მესამის მეუღლე
(1289), გიორგი ბრწყინვალის დედა; მაგრამ არა ვგონებთ, აქ იმაზე იყოს საუბარი.
უფრო საგულისხმოა „დეოფალის“ წაკითხვა. ამ ხარისხს ერისთავის ცოლები
ატარებდენ. აქ ჩოპერის ცოლი უნდა იგულისხმებოდეს.
ამის ზემოდ:
ქ-ე შსყ-ლენ ივნე და
გბრლ გალოტზ
ნი
 ამის ზემოდ:
ქრისტე, შეიწყალენ ივანე და
გაბრიელ გალატოზ-ნი
ქ-ე შ-ე ად. . .
სამხრეთის კედელზე, რამოდენიმე ადგილას, მოჩანს ნაშთები წარწერებისა,
გადასული თუ კირით შეთხუპნული. ზოგი მათგანი დამალული ყოფილა წინეთაც
შემდეგ დროის მიშენებულის ეკვტერებისაგან. ამათში ერთი მოიპოება მარჯვნით.
სამხრეთ-დასავლეთის ეკვტერისა: . . . ჲრდა ქ-ი / . . .ერს მთავ/ . . . მა დვ-
ილიე/.:: ბლდ ნა ამ-სი.
მეორე წარწერა ამის ქვემოდ არის:
ამის [ეკლ]ესისა შენე. . . /გითხ[ვთ] მ-ქლ ფ-ლთა/გლტ-ზთა . . . ან.
წარწერების ნარჩენები ეტყობა დასავლეთ კედელზეც. ერთი წარწერიანი ქვა
თავუკუღმაა ჩატანებული კედელში:
ქ-ე შ-ეჲ ლ/მგ.
მეორე ადგილას ოთხი სტრიქონის უკანასკნელი ნაწყვეტი მოსჩანს:
. . .ომთა/. . არანე/ ბერა/ აფქსძე (აფაქისძე)
ფანჯრის ქვემოდ:
. . . შეიწყალე/ . . . რეანუშ (?).
ჩვენ დრო არა გვქონდა წარწერები გაგვერეცხა, კირი მოგვეცილებინა, თორემ
მეტის ამოკითხვა შეიძლებოდა. ეს შემდეგ მკვლევართათვის მიგვინდვია.
ფოტოგრაფიები: აღმოსავლეთის ფასადის №17382, სამხრეთის კედელი და კარი –
17380, ეკვტრის კარი, წარწერით – 18381, დასავლეთის კედელი და ფანჯარა – 17384.
ეკლესიის გეგმაც გვაქვს ხელში.

ნივთები ლაბეჭინის ტაძრისა.

1. სახარება ოთხთავი. ეხლა ლაბეჭინაში მარტო ერთი ხელნაწერი ტყავის

სახარებაა დარჩენილი; წინეთ ბევრი ხელნაწერი ყოფილა, ზოგი დამპალა, ზოგი
ფურცლებ-დაშლილი ყოფილა. 25 წლის წინეთ, ჩემს იქ მისვლამდის, მნათეს ეს
ხელნაწერები რომელიღაც კუნჭულში დაუმარხავს მიწაში, თვით ეკლესიაში. მნათე
გადაცვლილა და აღარავინ იცის, თუ რა ადგილას არის დამარხული ხელნაწერები.
ლაბეჭინის სახარება, in quarto, 24X18,5 სანტ., დაწერილია ეტრატზე ნუსხა
ხუცურის ხელით, ჩვენის აზრით, მეცამეტე საუკუნისა, ორ სვეტად. სვეტზე 22
სტრიქონია. სათაურები და მეთაური ასოები ნაწერია წითლურით, სხვა შავის
მელნით. ყდა ხისა აქვს, მიხაკისფერ ტყავ-გადაკრული, რომელზედაც ჩაჭრით
გამოხატულია სახარების სცენები. წინა პირი შემკობილია კიდევ ვერცხლის ლურსმის
თავების სახით ჯვარედინად. ხელნაწერი შემკობილია ოთხ მახარობელთა
ფერადიანი სურათებით, რომელნიც ცოტა დაზიანებულნი არიან (იხ. ფოტ. №№
16800, 16802, 16997). იოანეს სახარების ბოლოს ტექსტში მოყვანილია გიორგი
მთაწმინდელის ანდერძი, რომელიც იწყება ასე:
„ესე საცნაურ იყავნ ყოველთა, რამეთუ ესე წმიდაჲ ოთხთავი ჩვენ ახლად
გვითარგმნია“. . .
ამის შემდეგ ტექსტისავე ხელით არის ბოლოსიტყვაობა (№ 16806):
 დბ- ჲ და მდ-ლი ღ-ა ყ-თა
კთ- ლთა მიზეზსა : -
სრ-ლ იქმნა წ-ჲ ესე
ოთხთ-ვი. თრგმნილ
ნი. გ-ი მთაწ-დლის-ნი : -
მე ს-ლთა სწყლბლ
მ ¯ნ. . . . . . . . . . . (1) :.
უჴისძემ- ნ : მო
ვიგენ წ -ნი ესე ოთ
ხთ- ვნი. სალცვე
ლად სლისა ჩ -ისა
და მშბ- ლთა ჩ- მთა
და [ძ]მ¯ თა ჩ¯მთა . . . . . . . . . (1)
. . . . . . . . . . . . . . . . . . . . . (1)
მშობელსა შეუნდვნეს
ღ ¯ნ ა¯ნ : -
დაიწერნეს ჴ- ლითა
_________
1) ეს ნაწილი ამოფხეკილია

დვალ გ- ისითა შეუნ

დვნეს ღ¯ნ. მწირსა
და ც- დვილსა :.
ამ- თ ოთხთ- ვთა ეტრა
ტისა შემქ- ნელსა, სუფსა
შ- უნდვნეს :. - ღ- ნ.
მთელი ეს ბოლოსიტყვაობა და გიორგი მთაწმინდელის ანდერძის დასასრული
გადმოღებულია (იხ. ფოტ. 16806).
შემდეგ არის მშვენიერად შედგენილი საძიებელი დღიურ-საკითხავებისა
შემდეგი სათაურით:
გ- ნგებ- ჲ: სხრბ- თა : სძიებ- ლისა : წელიწდისა : დღსს-
წ- ლთა : ვითა ძ- ვლს : სჳნაქს¯რი : წესსა ზ- ა : ბერძულსა :
სრ- ლებით :
პირველ გვერდზე ხელნაწერისა არა ტექსტის ხელით კვინკლოსია მოყვანილი,
შემდეგ ერთი ფურცელი აკლია და მერმე ტექსტის ხელით მათეს სახარების თავების
ნუსხაა და ამის ბოლოს სწერია:
ქ- ე : ღ- თისა : ძ- ლო : შემეწიე : უძლორსა : გიორგის : მწირსა :
შემდეგ სხვა ხელით მოყვანილია: „კალანდაჲ თქმული ეზრაისი?“, რომელიც
იწყება ასე:
ოჳკ- თუ დადგეს იანვარი დღესა კჳირიაკესა : ზამთარი იყოს ნოტია ზაფხული
და არე ქარით და ჴმელ იყოს ნყ¯ფი კეთილ სთუჱლი მცირედ თაფლი ფ- დ ცხოვრთა
შუჱბა : –
 მათეს სახარების ბოლოს სხვა ხელით მოყვანილია „ზედნადებნი
ქრონიკონისნი“. აქ არის წინასწარმეტყველება ზედნადების რიცხვის მიხედვით.
დასაწყისი:
უკ- თუ იყოს ზ¯ანდები ია: მ- ს წელიწადსა იყოს ზამთარი
თოვლიანი ყინელი მავნე : ფბრვლისა კიდეგ-ნ კარგი იყოს:
და მოჴმელე გაზაფხული წჳმიან : ზაფხული ჴმელი :
სთუჱლი ნოტია : თ- ვა ძჳრად : მთანი : სჯობდენ
ბარნი ზოგად ჩრდილოჲ კ- თლ : ზამთრის ყინელმ- ნ ვე-
ნაჴსა ავნოს : თაფლი და ნაშრომი მცირედ : ფბრვ- ლსა :
ბ : დაბნელდეს მზე : და ივნისსა კზ :
ეს სტატია გაგრძელებულია კიდევ მარკოზის სახარების ბოლოს. შემდეგ
მოყვანილია წინასწარმეტყველება ძვრისა და ქუხილის გამო. დასაწყისი:
იანვარსა თუ იქუხნეს იფქლისა და ღჳნისა სავსებაჲ იყოს
თუ იძრას ერთობით ყ- ლსა ქ- ყნსა სიკ- დილი იყოს :.
იოანეს სახარების თავების ნუსხის შემდეგ მოყვანილია წესი მონაზონთა
კურთხევისა.
სულ ბოლოს სახარებისა არის ფრიად საყურადღებო ვრცელი წერილი
გაბრიელ ლაბეჭინელისა, თუ როგორ აუშენებია მას ლაბეჭინის ეკლესია სასტიკი
მიწის ძვრისაგან განადგურების შემდეგ. ეს რასაკვირველია სხვა ხელით არის
დაწერილი ერთ სვეტად ნუსხა ხუცურით, არა უგვიანეს მე-13-14 საუკუნისა. ამ
წერილს თავში აქვს შესავალი წითლითურთ დაწერილი, რომლისაგან ცხადდება,
რომ ყოფილა დაწერილი ისტორია ლაბეჭინელთა წინამძღვრების მოქმედებისა,
რომელსაც ჩვენამდის არ მოუღწევია. სამწუხაროდ, უკანასკნელი ფურცლები
წერილისა დაკარგულა და ამას გარდა ბოლოში 12 სტრიქონი სულ გაფუჭებულია და
აქა-იქ ცალკე სიტყების მეტი აღარაფერი იკითხება. მოგვყავს ეს შესანიშნავი წერილი,
რომელიც, სხვათა შორის, საყურადღებოა სააღმშენებლო და სამხატვრო
ტერმინოლოგიისათვისაც:

ესე რ- ჲცა მ- თ ს- ლკხ- ლთა : ლ- ბეჭინელთა მოძღრთგ -ნ.

მოჭირვებული და შენებ- ლი :. ყოფილა : მ- თ ყ- ლთგ -ნ
თითოეულ- დ აქა დაწერილა. ამას ადგილსა ზ- ა:.

ეს არის შესავალი წითლითურთ ნაწერი. შემდეგი ტექსტი მოგვყავს ქარაგმების

გახსნით და ჩვეულებრივის ნიშნებით. დასაწყისი და შემდეგი ნიმუში ტექსტისა იხ.
ფოტო №№16807, 16808.
მათად შემდგომად მე გაბრიელ ლაბეჭინელი დავრჩი.
ვიდრემდის ჩემი გამზდელი ცოცხალი იყო, რაჲცა შემეძლო,
ეკლესიისა სამსახურსა და პატრონთა სამსახურსა
და სხუასა ყუელასა მეცა ვიქმოდე, რაჲ ცოდვათა ჩემთაგან
იგი მიიცვალა, მაშინცა მევე მიბრძანეს ამის ადგილისა
პატრონთა ყუელათა წ- თა მთავარ ანგელოზთა
სამსახური და თჳთ მათ(ი) სამსახური ; რაჲცა ჩემსა ძალსა და
ღონესა დაეტეოდა, ყოვლითა მოწყობილობითა მოვაწყე,
ჰასრე რომელ არათა თანაჲ არაჲ არ აკლდა. ამას
შინა მრავალნი ჟამნი და წელიწადნი გარდაჴდეს და
ცოდვათა ჩუენთა ღმერთმან მოაგო და მოიწია დიდი და
საშინელი ძრვაჲ. მათ პირველთა ლაბეჭინელთა1 მო-
ჭირვებული და შენებული და თჳთ ჩემი ყუელაჲ ერთ-
სა დღესა საფუძველითურთ დაირღუა. შიგან ეკლესია-
სა, რაჲცა ხატნი იყვნეს და მოწყობილებაჲ, დაილეწნეს
და იავარ იქნეს. გარეთ ნაშენებიცა ყუელაჲ. ამას
ყუელასა ზედა შეგუჱქნა შეჭირვებაჲ და წუხილი, რაჲმ-ცა
ვქმენით, არაჲ ვიცოდეთ, და არავინ ეჭუდა რგებასა ამის ადგილისასა, და არცა
ვის ეგონა, თუ ლაბეჭინის ქვაი
ქვასა ზედა გაღაედებისო. და არცა თჳთ მე
დადგომაჲ გამეგო. მერმე მოვეგე გონებასა, მეშინოდა
და მრცხუჱნოდა ღვთისაგან და წ- თა მთავარ ანგელოზ-
თაგან და ყოველთა კაცთაგან. ვევედრე და შევეხუეწე
ღმერთსა და ამათ წ- თა მთავარ ანგელოზთა: „უკეთუ ჯერ
გიჩნდეს ჩემგან შენებაჲ თანადგომითა და შეწევნითა
თქუენითა, მიბოძეთ გამარჯუჱბაჲ, რათა წ- თა მთავარ
ანგელოზთა საყდარი აღვაშენო“. ყვეს წყალობაჲ და
თანადგომაჲ ჩემზედა, ჴელვყავ შენებად და მოვასხენ
გალატოზნი თორმეტნი ერთსა ზაფხულსა და ვშრომე,
რაჲცა ძალმედვა და გავეც ფასად, რაჲცა ღმერთსა ებოძა
ჩემთჳს მაშინ. მეორესა ზაფხულსა მოვასხენ ცემეტნი
გალატოზნი და ეკლესიაჲ ზედა შევკარ მას ზაფხულსა.
შეუნდვნეს ღ- ნ დედოფალთ დედოფალსა, ვახტანგის
_______
1) თავიდან აქამდე ტექსტი გადაღებულია (იხ. ფოტო. №16807).

(ვნის1) დედასა რუსუდანს: მის ჟამისა შენებისათჳს

გალატოზთა ზედა ფასი მან გასცა, ცოთაჲ მეცა
შევეწიე მაშინ. მოვასხენ კულავცა გალატოზნი მესამესა
ზაფხულსა, და მოვარეთ საცურე. გავეც მე ფასი, რაჲცაღა
მქონდა. და სრულ იქმნა ეკლესიაჲ და მოვგლისე
შიგან, და დავდგენ კანკელნი ქვისანი, და გავეც ფასი
მისთჳს. მოვიყვანე მხატვარი. და რაჲცა ხატი დალეწილ
იყვნეს, ყუელაჲ ახლად დავაწერინე. მოვიყვანე ოქრო-
მჭედელი, რაჲცა ხატნი2 დალეწილ იყვნეს, ყუელაჲ
ახლად მოვაჭედინე, რაჲცა შეიკაზმოდა, შევაკაზმვინე.
ორნი მთავარანგელოზთა ხატნი დიდნი, ერთი ყოვლად
წ- ისაჲ ვედრებისაჲ, ერთი ზე-კანკელითა ყოვლად წ¯სა
ვედრებისაჲ, და პეტრე-პავლეთ ხატნი. ესენი ახლად
მოიჭედნეს, სახენი შეეჰკაზმენ, ჯუმლათ თერთმეტნი ხატ-
ნი ახლად მო(ვ)აჭედინე, კანკელთა კარითურთ ოცი ხა-
ტი წამლითა დავაწერინე. ამისსა შემდგომად მოვიყვანე
მხატვარი და მოვახატვიე სრულად ეკლესიაჲ, და გავეც,
 რაჲცა მართებდა ფასი ჩემი. ჯუარსა ცხოვრებისასა აკ-
ლია ჯერ(ე)თ შეკაზმვაჲ, და თუ ცოცხალ ვიყო, მისსაცა
შეკაზმვასა ვლამი. მოვახსენ მწერალნი და დავაწერიე
ერთი დიდი ნეტაფრასი, და ერთი სჳნქსარი, მოთხრობია-
ნი ე, ერთი მარხვანი, ერთი საწინასწარმეტყუჱლოჲ,
ერთი პირველი ჴმაჲ პარაკლიტონი, ცხრაჲ თუჱ, ერთი
სტოდიელი, ერთი ნიკოლოზის ცხოვრებაჲ, და დიმიტ-
რის წამებაჲ და შესხმაჲ, და კონდაკი – სამსგეფსოჲ :.
ამის ყოვლისა ფასი ჩემი გამიცემია. ესე ყოველი წიგნი
შემოსილ არიან, მათთჳსცა ფასი მე გამიცემია. კანკელ-
თა ზედაჲთ რომელ ჯუარცმისა ხატი არს, მისი ფასი რუ-
სუდანვე გასცა. ეკლესისა კარის ბჭენი და [კიდევ] ამას
ქედსა ზედა თუ სახლნი არიან, ანუ ზღუდენი არიან, და
თუ ჭურმანი არს, რაჲცა ჭურჭელი [ჴელსადგი] და
რაჲცა ბეღელნი არიან, რაჲცა შეშის ვოდა, შევკაზმი, და
სხუაჲ ახლად აღვაგე. მრავალნი ქუაბ-საქვაბენი და სხუა-
ნი მრავალნი წურილმალნი ჭურჭელნი, რომელი თითო-
ეულად არ დაიწერებოდა. სამჭედლოჲ ჭურჭელი უკლე-
ბი, ველ-ვენაჴნი და ყანაჲ ურიცხჳ, რომელი მიშენებია,
მომიგია და მიყიდია, აქა ზემოსა აგარასა და კჳრიკე წმი-
დასა რაჲცა მიშენებია და მიმატებია, ორგანვე თჳთ ჩანს,
ქუჱმოსა აგარასა საპირუტყუჱ სახლნი დავდგენ. უწყის
ღ¯ნ, ვიდრე შემეძლო, ამას ქედსა ზედა შენებაჲ არაჲს
თანაჲ მიკლია, ძალი და ღონე არსაჲთ რაჲ მომწევდა,
________
1 ამ სიტყვას ქვემოთ აშიაზე შენიშვნა აქვს არა ტექსტის ხელით: „მგ-ნივ : ვახტანგის : დედასა :
იტყვის“ (იხ. ფოტ. №16808).
2) სიტყვებიდან: „ყვეს წყალობაჲ და თანადგომაჲ ჩემზედა“, აქამდის ტექსტი გადაღებულია
(იხ. ფოტო. №16808)

რასაცათჳს არ ვიჭირვოდე ჩემობასა. ექუსნი გლეხნი მო-

მიგიან ზოგიშს, ოთხნი ტეგიანისეულნი, ერთი ნიკოლო-
ზის ინასარიძისეული ბენმუქის ძე, ერთი საგლეხოჲ
კიდევ ჰამარის ძემან შემოსწირა და მე ზედა კაცი და-
ვასახლე: ჟოშხას ჟოშქოფაჲს ძე და გოგელაური პარ-
ტახტი. ესე ორნი ივანე ქობულისძემან მოაჴსენა ეკლე-
სიასა. საირმეს თურქანაჲსძესა არავინ ემართლების ეკ-
ლესიასა წაღებასა: ამით რომელ გაბისულაჲს ძისა სახ-
ლისა მკუდართა, აქა დამარხულთა, ანდერძი არს, ნა-
სისხლად აღებულია კერძოთაგან, მას საუკუნესა ბრა-
ლია, თუ ვინ წაუღებს. არპანას რომელ მიშენებია და მო-
მიგია, ესე არს: ეკლესია ავაგე. შიგან მოვხატე, და მოვ-
კაზმე, და ხატნი დავასუჱნენ. და სხუაჲ წიგნი და რაჲ-
ცა უნდოდა, დავსხენ, ბეღელნი ახლად გამოვცვალენ,
სამნი ახალნია და ორი ძუჱლი; ჩემითა ფასითა მიყიდია;
 ჭურმარანი შევჰკაზმენ, ოთხი კარგნი საწნეხელნი დავ-
დგენ, [კარგ]ნი რეკუნი. და ზედა აქუს ქჳთკირისა სახლი
საკაცე და საპირუტყუჱ. სხუაჲ ჭურჭელი, ქუაბ საქუაბე და
სამჭედური და სხუაჲ, რაიცა ჭურჭელი სახლსა შიგან
ჴამს, ყუჱლაჲ უკლებად დამიდგამს, გარეშემო რაჲ-
ცა ზღუდენი არიან და ზღუდეთა შიგნით რომელ ვენაჴ-
ნი და ნაშენებნი არიან, იგიცა მე მიშენებია და მიქნია.
მანდა ზეგანთა ციხისა კერძოთა კაცთაგან ვენაჴნი იყვნ-
ნეს, იგი აქა მკუდართათჳს ეკლესიასა მოაჴსენეს და არს
იგი. სხუაჲ ზოგი მიშენებია და ზოგთათჳს ფასი გამიცე-
მია, უნებლით არავისთჳს ეკელსიასა მოაჴსენეს და არს
იგი. სხუაჲ ზოგი მიშენებია და ზოგთათჳს ფასი გამიცე-
მია, უნებლით არავისჳს წამიღია, ღმერთია მოწამე. ბა-
ღუმელაძის სახლი და მამული ნახევარი შუშანასა სა-
ლოცველად და სააღაპოდ შემოწირულია, ნახევარისათჳს
ე[ქუსასი ბოტინატი ფა]სი პატრონთათჳს მოგჳჴსენებია
და აწ ეკლესიასა აქუს.
შემდეგ 12 სტრიქონი მოთხუპნულია და ცალკე სიტყვები და ასოები განირჩევა:
. . . ის ძისა მ. . . ად . . . ა . . . ვინცა . . . და . . . აქს ეკლესიასა . .
. . . ხლასად. . . ბოტინატი . . ანუ ფა. . . ესე . . . ნებისათჳს და
საყდრისათჳის გამიცემია. . . გარეთ მოსაღებათა მისნია. . .
კულა რაჲმე . . . მეტი არაჲ შემერთო. . .
გაბრიელის წერილი იხსენიებს დედოფალთ დედოფალს რუსუდანს. ვინ არის ეს
დედოფალი რუსუდანი, სინამვდილით თქმა ძნელია. თუ მართლა ის ვახტანგის
დედაა, როგორც აშიაზე შენიშვნა უჩვენებს (ფ. №16808 და 16807), მაშინ
შესაძლებელია რუსუდანი იყოს მეუღლე მეფის დავით მეოთხე ნარინისა, რომელიც
იყო ქალი მიხეილ პალეოლოგისა. მისი სახელი ისტორიას არ შეუნახავს. ვიცით
მხოლოდ, რომ ამ ქალიდან დიმიტრის ჰყავდა შვილი ვახტანგ, რომელიც
გარდაიცვალა 1292 წელს.

2. ხატი წმიდა გიორგისა (ფოტ. №16768), ვერცხლისა, ოქროთ დაფერილი,

ნაჭედი, 62X48 სანტ. წმ. გიორგი წარმოდგენილია სრულის ტანით, ფეხზე მდგომარე,
რომაული სამხედრო ტანისამოსით; მარჯვენა ხელში ლახვარი უჭერია; მარცხენა
დადებული აქვს ფარზე, რომელიც ლამაზად შემკობილია. ეზო ხატისა
გამშვენიერებულია ვენახის შტოს მსგავსი ხლართულებით. აშია ლურსმული
მერმინდელია. ეტყობა ეს ხატი დიდათ დაზიანებულა მიწის ძვრის დროს, ძლიერ
დაჭყლეტილა და შემდეგ შეუკეთებიათ, აშია გამოუცვლიათ, მაგრამ ამის შემდეგაც
კიდევ დაზიანებულა. დაზიანებულია ნამეტნავად ქვემო ნაწილი; ქვემო აშია აკლია.
ორივე მხარეს თავისა უწერია ლამაზი და დიდი ასომთავრულით: „წ-ჲ გ-ჲ“. მეორე
დიდი წარწერა ასომთავრულით ჩამოგძელებულია ზევიდან ქვემოდ, მარცხნივ
სურათისა, 24 სტრიქონად, მაგრამ წარწერა დაზიანებულია. ქვემო მარჯვენა მხარეს
ადგილები ამოგლეჯილია, ასოები აკლია; ამას გარდა სიტყვები შემოკლებით არის
წარმოდგენილი. აზრით მიმატებულს ასოებს ჩვენ ფრჩხილებში ვათავსებთ:
 1. ქ : მე : იე მე იოანე
: ვნს : ძენ ვარდენის-ძემან,
: სთ : ენ : მჭთ სუანთ(ა) ერისთავმან, მეჭურჭლეთ(ა)
: ჳნ : და : პრო : სტონ: უხუცესმან და პროტოსტრატორმან,
მჳვჭედე : ხტი : მოვჭედე ხატი
ესე : წისა გის : ესე წმიდისა გიორგის(ა)
მთვრ : მწამის მთავარ მოწამის-
ა : და : დავსნე ა, და დავასუენე
სყდრსა : შს ოჩმ საყდარსა შენს(ა) ოჩამი
10. სსა: სჴსნბლ სასა (?) საჴსენებელა-
დ : სლისა : ჩმსა და სულისა ჩემისა,
მშბლთა : ჩმთა მშობელთა ჩემთა
და : შვილთა. და შვილთა
ჩმთთს [რა] ჩემთათჳს, [რაჲთა]
15. : ამით : ხტ [ითა] ამით ხატ[ით]ა
: მიგჳნდ [ო მს დღ] მიგჳნდ[ო მას დღ] –
ეს : მე : [და] ეს(ა) მე [და]
: შვლნ[ი ჩ] შვილნი ჩე-
მნი : და [მ] მნი და [მ]-
20. ოგჳც[ე] თვს : მდ ოგუც[ე] თავსმდ-
ებად . . . ლითა : ებად . . . ლითა
გლი . . . რბისა გლი . . . რბისა (?)
და ჩნ ისთს : შნ და ჩუენისათჳს შენ
24. ქჳლნ : და : მჴნემნ ქუელმან და მჴნემან.

ეს ფრიად საყურადღებო წარწერა მრავალ მხრივ არის მნიშვნელოვანი. სიტყვები აქ

ერთობ შემოკლებულია და იგიც უმეტეს შემთხვევაში უქარაგმოდ არის
წარმოდგენილი. ასო უ-ნის მაგიერი იხმარება ჳ (სტრ. 4,24). ეს აიხსნება შემოკლებით,
ვინაიდან ასომთავრულში უ გამოიხატება ოჳ, ამიტომ აქ ო გამოტოვებულად უნდა
ვიგულისხმოთ. მეორე შემთხვევაში ჳ ნახმარია ო-ნის მაგიერ (სტრ. 5), მაგრამ აქაც
გამოტოვებულად ო-ნი უნდა ვიგულისხმოთ (ოჳ) და სიტყვა „სვანურის“ გავლენით
უნდა წავიკითხოთ „მუვჭედე“, მოვჭედეს მაგიერ. ძნელია თქმა, რომელი
გეოგრაფიული სახელი იგულისხმება შემოკლებით გადმოცემულ ჯგუფში „ოჩმსსა“
(სტრ. 11-12). შეიძლება აქ იგულისხმებოდეს „ოჩამჩირისასა“, მარამ ამაში
დარწმუნებული არა ვართ და ამიტომ ჯერჯერობით ვტოვებთ „ოჩამისასა“, თუმცა
ასეთი ადგილის სახელი ჩვენთვის უცნობია.
სვანთა ერისთავი იოანე აქ ორი თანამდებობის ანუ ხელისუფლების ტერმინით
არის მოხსენებული. ერთი ქართული ტერმინი – მეჭურჭლეთ – უხუცესი –
ცნობილია, ხოლო მეორე ტერმინი, რომელიც ჩვენს ტექსტში გამოხატულია
სიტყვებით „პრო : სტონ“, სრულიად უცნობია. ეს პირველად გვხვდება ქართულ
წარწერაში და საზოგადოდ ქართულს ლიტერატურაში. ეჭვს გარეშეა, ეს ტერმინი
ბიზანტიურია, აქ შემოკლებით გადმოცემულია და ეტყობა, ცოტა შეცვლილი, თუ არ
დამახინჯებული, მაგრამ რომელ ბიზანტიურ ტერმინს უნდა უდრიდეს ის? ერთად
ერთი შესაძლებლობაა, ის უდრიდეს ბიზანტიურს პროტოსტრატორ-ს, რომელზეც
ნიჭიერად მიგვითითა პატივცემულმა ცნობილმა მეცნიერმა პოლ პეტერსმა.
წარწერაში მოხსენებულია სვანთა ერისთავი იოანე ვარდანისძე. ცნობილია,
ძველ დროს სვანთა ერისთავები ვარდანიძის გვარისა იყვნენ, ხოლო წარწერებში
დღემდის ეს უფრო დადასტურებული იყო გურიის წარწერებით (იხ. დ. ბაქრაძის
„მოგზაურობა გურია-აჭარაში“, გვ. 109, 111-112, 261, 268, 269); სვანეთის და მის
ახლობელ ადგილების წარწერებიდან ეს ნაკლებად იყო ცნობილი. საბედნიეროდ,
გარდა ამ წარწერებისა, ჩვენ თვით სვანეთშიაც ვიპოვეთ სწორედ ამავე ივანე
ვარდანის ძის წარწერა. ეს აღმოჩნდა ერთ-ერთ მესტიის ეკლესიის უცნობ ხატზე და
საჭიროდ ვხდით ამ ხატზე აქ ვიქონიოთ საუბარი.

2 ბის. მესტიის ხატი იოანე ვარდანისძის წარწერით. ეს ყოფილა ხატი აგრეთვე

წმიდის გიორგისა, ოქროსი, ნაჭედი 70X40 ს. მშვენიერი ხელობისა, მაგრამ
სანახევროდაც არ არის შენახული; ტანი წმიდანისა სრულებით აღარ არის;
დარჩენილია მხოლოდ მშვენიერი დიდი ასომთავრული წარწერა სახელისა „წ-ჲ გ-ი“.
ეზო ხატისა ისეთივე ლამაზად არის შემკობილი ვაზის ყლორტების მსგავსი
ორნამენტებით, როგორც ლაბეჭინას ხატი; აშია აქაც რომბ-ლურსმულია და დაცულია
ნაწილობრვ მარჯვნით და მარცხნით: ორივე მხარეს რკინის რგოლებია დარჩენილი,
ჯაჭვის გასაყრელი, რომლითაც ხატის მტვირთველი ხატს ატარებდა ჯარის წინ, თუ
სხვა შემთხვევაში. სვანეთში კიდევ ჯაჭვებით ხატებს მიაბამდენ კედელზე, ძლიერია,
არ გაიქცეს, ჩვენი ეკლესია არ მიატოვოსო. წარწერა, ქვემო ნაწილზე, მარცხნივ,
თერთმეტ სტრიქონად, დაზიანებულია, მაგრამ საერთოდ უფრო კარგად შენახული,
ვიდრე წინა ხატზე, აზრით მიმატებული ასოები ფრჩხილებშია:
: ქ : მე : ინე : ქ : მე იოანე
ვარდა[ნის] ვარდა[ნის]
ძემნ : ს[ნთ] ძემან, ს[უანთა]
ერსთმ [ნ და] ერთისთავმა [ნ და]
მეჭუჭლ მეჭურჭლე-
ეთა : უხცსნ თა უხუცესმან,
მოვჭედე : ხტი : ესე მოვჭედე ხატი ესე
: გისი : და დავასუნე [ეკსა...] გიორგისი და დავასუენე [ეკლესიასა. . .]
და : მივანდვე : თე[ს რ-ა] და მივანდვე თე[ოდორეს, რ აჲთა]
10. ამით : ხატითა : ღ[სა ევდრს] ამით ხატიღა ღ[მერთსა ევედროს]
დიდისა : სუანეთი [სა თ ს]- დიდისა სუანეთისათჳს.

პალეოგრაფიული ხასიათი ამ წარწერისა იგივეა, რაც ხატისა, მხოლოდ აქ

სიტყვები არ არის ისე შემკობილი, როგორც პირველზე; აქ ეპიტეტი „პრო-სტონ“ არ
არის, მაგრამ სიტყვები „რაჲთა ამით ხატითა“ აქაც გამეორებულია და აგრეთვე
ხარისხი მეჭურჭლეთ უხუცესობისა. ორივე ხატი ერთი და იმავე ოქრომჭედლის
ნახელავი უნდა იყოს.
რაც შეეხება ივანე ვარდანის ძეს, ეს ის ივანე ვარდანიძე უნდა იყოს, რომელიც
ცხოვრობდა გიორგი მესამის დროს (1154 -1184) და მიიღო მონაწილეობა დემნას ანუ
დიმიტრის გამოსვლაში გიორგის წინააღმდეგ 1177 წელს (მარიამ დედოფლის
ვარიანტი, გვ. 388); მაგრამ აქ პირველად ვტყობილობთ, რომ ეს მეჭურჭლეთ
უხუცესიც იყო. თამარის დროიდან კი ეს ხელობა მემკვიდრეობით გადადიოდა ამ
გვარში. თამარმა ხომ ეს თანამდებობა უბოძა კახაბერ ვარდანისძეს. ამავე დროს
სვანეთის ერისთავობა მისცა ვარამ ვარდანისძეს. უნდა ვიფიქროთ, გიორგი მესამემ
ივანე ვარდანის ძე, დემნას გამოსვლის შემდეგ, სვანეთში აღარ დააყენა და გაგში
გადაიყვანა.
ჩვენ ვიცით, თამარ მეფის დროს, ივანე ვარდანისძე, პატრონი გაგისა, მიემხრო
გიორგი რუსს, თამარის წინააღმდეგ (მარიამის ვარ. 438). როცა გიორგი რუსი
დამარცხდა, თამარმა გაგი ზაქარია ვარდანისძეს უბოცა. ამის შემდეგ ივანე
ვარდანისძე აღარ სჩანს (მარ. ვარ. 442). ის ალბათ ან მოკლულ იქმნა ომში, ან
დამარცხების შემდეგ გიორგი რუსთან ერთად გადაიხვეწა ბიზანტიაში.
განხილული ხატები უნდა იყოს გაკეთებული 1177 წლამდის. დემნას
მოძრაობამდის. ამგვარად, ეს ორი საყურადღებო წარწერა ჩვენ გვაძლევს ცნობას
ერთს უძველეს ვარდანისძეზე, სვანეთის ერისთავზე. ვარდან, სვანთა ერისთავი,
პირველად იხსენიება გიორგი მეორის დროს (1072-1089). აქედან უნდა
მომდინარეობდენ ვარდანისძენი.
იმერეთის მეფის ბაგრატ მეხუთეს დროს (1360-1395). სვანეთის ერისთავი
ვარდანისძე მეფის წინააღმდეგ გამოსვლის გამო გადაყვანილ იყო გურიის
ერთისთავად. გურიის ხატების წარწერებში პირველ ხანად გურიელები იცავენ თავის
გვარსაც და სვანთა ერისთავის წოდებასაც (იხ. დ. ბაქრაძის „მოგზ“. გ. 109, 111, 261,
269), მაგრამ ჩვენთვის ესეც ცხადია, რომ ზოგიერთი ხატი სვანთა ერისთავის
ვარდანიძის წარწერით სვანეთიდან არის გადმოტანილი გურიაში და არა იქ
გაკეთებული. ზოგიერთი მათგანი ხელობის თვალსაზრისით, მე-12-13 საუკუნოებს
ეკუთვნიან, როცა ვარდანის ძენი გურიაში არ ყოფილან.
რაც შეეხება ბიზანტიურ ტიტულს „პროტოსტრატორ“-ს თუ მართლა ეს ჩვენს
შემოკლებულს და შეცვლილ ტერმინს „პროტონ“-ს უდრის, უნდა ვიფიქროთ, ეს
ტიტული ივანე ვარდანის ძეს ძველის ტრადიციით მიუთვისებია. ეს იმ დროდან,
როდესაც სვანეთი მჭიდროდ იყო ბიზანტიის გავლენის ქვეშ, როდესაც ის შედიოდა
ჯერ ლაზების სამფლობელოში ავტონომიურად და შემდეგ აფხაზთა სამეფოში.
ეტყობა, სვანეთის ერისთავები, ანუ ხელქვეითნი მეფენი, იღებდნენ ბიზანტიიდან
საიმპერიო კარის-კაცთა პატივს და ტიტულებს, ისე როგორც ტაო-კლარჯეთის
ბაგრატიონები და აბხაზთა მეფენი (მაგალითად, აფხაზეთის მეფეს გურგენს ანუ
გიორგი მეორეს (912-957) მაგისტროსის ხარისხი ჰქონდა მინიჭებული კონსტანტინე
მეშვიდის პორფიროგენის თანა-მეფის რომან პირველის ლეკაპენისაგან). მაგრამ
როდესაც საქართველო გაერთიანდა და საქართველოს მეფე თვითმპყრობელი გახდა
დავით აღმაშენებლიდან დაწყებული, მას შემდე დამოკიდებულება ბიზანტიასთან,
წინათაც მარტო ზნეობრივი და ნომინალური, სულ მოისპო. ამ დროს საქართველოს
ერისთავი პატივს მიიღებდა მხოლოდ საქართველოს მეფის კარიდან და არა
ბიზანტიიდან. მეტადრე ეს შეუძლებელი იყო გიორგი მესამის და მისი ასულის
თამარ მეფის დროს.
„პროტოსტრატორ“-ის ხარისხი ქართულმა „კარის გარიგებამ“ არ იცის. ის
უდრის პირველ ყოვლისა ქართულს „მეჯინიბეთ-უხუცესს“, თუმცა ბიზანტიაში მას
სხვა ფუნქციებიც ჰქონდა, სამხედრო და საერო და ის ყოველთვის წარჩინებულ
კარისკაცთა პირველ რიგში იყო (იხ. Du Cange, Glossarium. . . II, pp. 1463 -4).
 ტრადიციით ტიტულის და ხარისხის მითვისება ხშირია ჩვენს ისტორიაში.
საქართველოს რამოდენიმე სახელმწიფოდ და სამთავროდ გაყოფის შემდეგ
ქართლის, კახეთის და იმერეთის მეფენი ძველებურად ატარებენ „მეფეთა მეფის“
ტიტულს. მთავრებიც მისდევენ ხშირად ამ ტრადიციას. მაგალითად, შამან-დავლე
პირველი დადიანი ერთს ლაფსხალის ეკლესიის ხატის წარწერაში, რომელიც თავის
ადგილზე იქნება მოყვანილი, თავის თავს აცხადებს დადიან-გურიელად, სვანთა
ერისთავთა ერისთავად და მანდატურთ-უხუცესადაც, მაგრამ შამან-დავლე პირველი
მარტო დადიანი იყო (1470-1474) და სხვა საპატრონო და სხვა ხარისხი მას არავითარი
არა ჰქონია.
აგრეთვე, ჩვენის აზრით, „პროტოჲ-უპერტიმოსი“-ს ტიტული, რომლითაც, სხვა
ტიტულთა შორის, მოხსენებულია ჭყონდიდელი მეცამეტე საუკუნის დასაწყისის
ნათარგმნ „სააქიმო წიგნ“-ში (იხ. ჩვენი აღწერა წერაკითხვის საზოგადოების
ხელნაწერთა, ტ. 1. გვ. 641), ტრადიციით მომდინარეობს იმ დროდან, როდესაც
ჭყონდიდი შედიოდა აფხაზთა სამეფოში და პირველ ხანად კონსტანტინეპოლის
საპატრიარხოს ექვემდებარებოდა.
რომ „პროტოსტრატორ“-ის ტიტულს ზემო გარჩეულს პირველ წარწერაში
ნამდვილი, იმ დროისათვის რეალური მნიშვნელობა არა ჰქონდა, ეს იქიდანაც სჩანს,
რომ მეორე მესტიის ხატის წარწერაში ეს ტიტული განმეორებული არ არის.
შენიშვნა: ამ ორი ხატის აღწერილობა გამოცემულია ჩვენს მიერ Byzantion-ში, t.
XII, fascicule I, pp 197-204. სურათები, ჩვენ მიერ წარდგენილნი, რედაქციამ დაჰკარგა.

3. ხატი ღვთის მშობლისა, ჩჩვილედი, (№16766), მოოქრული ვერცხლისა, ნაჭედი

68X53 ს. ღვთის მშობელი გამობერვით გამოქანდაკებულია, ტახტზე მჯდომარე,
თავის წრე შემკობილია ძვირფასი ქვებით; წარწერა სახელისა ლამაზი, მსხვილი
ასომთავრულით: დ-დჲ ღ-ჲ. აშია შემკობილი ყოფილა ბროწეულის ყვავილების
მსგავსი ორნამენტით, მაგრამ დარჩენილია მარცხენა კუთხე თავში და მარჯვენა
კუთხე ბოლოში; მარცხენა კუთხეში, ზემოდ, იოანე ნათლის მცემელია, წელზევითი;
მარჯვნივ აშიაზე, შუაში, შემოსილი დიაკონსავით, მთავარ ანგელოზია, ხოლო თავი
აღარ შერჩენია; ქვემო აშიაზე წარმოდგენილნი არიან წელს-ზევითნი, ოთხ-კუთხედ
მედალიონებში: წ-ჲ თ¯ე (მარცხნივ კუთხეში) წ-ჲ გ-ი (შუაში) და წ-ჲ დ-ი (მარჯვნივ
კუთხეში). მარცხნივ და მარჯვნივ წმ. გიორგისა, შუაში, ასომთავრული წარწერა არის,
ორ სტრიქონად გამოქანდაკებული, მაგრამ მარცხენა ნაწილი ნაკლულია, თუმცა
ადგილი ცარიელი არ არის, აშიის ჩუქურთმიანი ნაწილით არის შემდეგ ამოვსებული;
მარჯვენა ნაწილი სრულად არის წარმოდგენილი, მაგრამ არაჩვეულებრივი მოვლენა
ემჩნევა; წარწერაში ყველა ასოები ხუცური ასომთავრულისა მარტივად და
მშვენიერად არიან წარმოდგენილნი: ხოლო ორივე სტრიქონის ბოლოში თავდება
მხედრული ე-ნით და ეს ე-ნი ისე არის გამოხატული, როგორც მეთვრამეტე
საუკუნეში გვხვდება ჩამოყალიბებული. თუ თავში ნაკლულ ასოებს მიუმატებთ,
წარწერას შემდეგი სახე ექნება:

[ღ]ბ-ლო შ-ე ე- ჯნ-ჯხე

[ღბ]ე-ლო შ-ე ე- ვნდნე
უქარაგმოდ გამოვა:
ღმრთის მშობელო, შეიწყალე ერისთავი ჯინჯიხე.
 ღმრთის მშობელო, შეიწყალე ერისთავი ვანდანე.

სახელი ჯინჯიხ ჩვენ შეგვხვდა ერთს მესტიის ეკლესიის წარწერაში. ასე ე-ნის
მაგიერ რომ იქ ი ყოფილიყო, კიდევ გასაგები იქნებოდა. საუცხოო კიდევ ის არის, რომ
ასომთავრულლი ე-ნი ნაწერში ხუთს ადგილას მშვენიერად თავის სახით არის
წარმოდგენილი, ამიტომ შეუძლებელია, ეს ბოლო მხედრული ე-ნის მსგავს ასო რომ
ანგარიშში მივიღოთ, დარჩება ჯინჯიხ და ვანდან; უკანასკნელი, შესაძლოა, ვარდანის
მაგიერ იყოს დაწერილი, თუმცა ასო ნ აქ ეჭვს არ იწვევს. ჩვენის აზრით, ეს ხატი
მეთოთხმეტე საუკუნეს ეკუთვნის. (ფოტ. N16766).

4. ხატი კარედი ღვთის მშობლისა, მოოქრული ვერცხლისა, 55X39 ს. დაკეცილი

პირი ხატისა კამარიანია, შეძერწილი ვერცხლის განცალკევებული ფირფიტებით,
როგორც კარებზე, ისე კამარის ზემოდანაც (№16770). ამ ფირფიტებზე
წარმოდგენილნი არიან სხვა და სხვა წმიდანები, თუ სახარების სცენები. ჩვენ აქ
ვხედავთ გარდამოხსნას, მაცხოვარს ტახტზე მჯდომარეს, ვედრებას, წმიდა გიორგის,
წმიდა დიმიტრის, ღმერთს საბაოთს, ეკლესიის მამებს და სხვა. თექვსმეტ
ოთხკუთხედ ფირფიტაზე გამოსახულია ღვთის მშობელი ჩჩვილედი, წელს ზევით.
გახსნილ კარედში შუაში არის წამლით დახატული ღვთის მშობელი ჩჩვილედი და
კარებზე წამლითვე ნახატავნი მთავარ ანგელოზები (ფ.№16769). ხელობა მდარეა და
მასთან ცუდათ შენახულია. წრეები ღვთის მშობლისა და მთავარ ანგელოზთა
შემკობილი ყოფილა ექვსი ძვირფასი ქვით, ეხლა დარჩენილია სამი. ქვემოდ უშნო
ასომთავრულით სწერია:

წ : ყოლა წმიდაო : ღმრთის : მშობელო : შეიწყალე : სუ-

ლი : აბს- ლ ამისა : ინსრძისა :. და :. მეუღლისა :. მის :.
ანასი : ამინ:.
ხატი უნდა ეკუთვნოდეს მეჩვიდმეტე-მეთვრამეტე საუკუნეს.
შენიშვნა: ზემოთ ჩვენ აღვნიშნეთ ვედრება. ვედრება, ანუ ფრანგულად déisis –
„დეიზის“, რუსულად „დეისუს“, არის სიმბოლო უკანასკნელი განსჯისა. ეს არის
კომპოზიცია, სადაც ქრისტე, უზენაესი მსაჯული, წარმოდგენილია ღვთის მშობლის
და იოანე ნათლის მცემლის შუა. ორთავენი, ღვთის მშობელი და იოანე, ევედრებიან
მაცხოვარს ცოდვილთა შეწყნარებისათვის.

5. ხატი მაცხოვრისა, ვერცხლისა, მოოქრული, 16,5X14,3 ს. მაცხოვარი

წარმოდგენილია ტახტზე მჯდომარედ, მარჯვენა ხელით აკურთხებს, მარცხენაში
სახარება უჭირავს, წარწერა სახელისა ასომთავრულით წარყვნილია. აშია
შემკობილია ვაზოვანი ორნამენტით; ქვემოდ ასომთავრული წარწერა აქვს:

ოფლუ :. იესუ ქრისტე ღმეთუ შეიწყალე სოლ

ი ინასარიძის გიურგს და თანა მეცხედრის
ა მათისა ჩხეტიძ- ს ქალისა ანასი ამინ.

საკვირველია, რომ წარწერაში გამოხატულობით ო და უ კარგად განირჩევა, მაგრამ

უ ნახმარია ო-ნის მაგიერ პირველ, მეორე და მეოთხე სიტყვის ბოლოს პირველი
სტრიქონისა და მეორე სიტყვაში მეორე სტრიქონისა, ხოლო ო ნახმარია უ-ნის მაგიერ
პირველი სიტყვის დასაწყისში და უკანასკნელ სიტყვაში პირველი სტრიქონისა (ფ.№
16771). ხატი მეჩვიდმეტე საუკუნეს უნდა ეკუთვნოდეს.
ინასარიძე გიორგი და მისი მეუღლე ანა, ჩხეტიძის ქალი, როგორც ზემოდ
დავინახეთ, აღმაშენებელნი არიან სამხრეთ-დასავლეთის ეკვტერისა ლაბეჭინის
ტაძრისა.

6. ხატი წმიდის გიორგისა, ვერცხლისა, მოოქრული, ნაჭედი, 33X28 სანტ. წმ.

გიორგი წარმოდგენილია ცხენით, შუბით გმირავს მეფე დიოკლეტიანეს, თავის წრის
ორივე მხარეს ბერძნულად აწერია: „ჰო აგიოს გეორგოს“, ხოლო ზემო კუთხეებში
ასომთავრულით სწერია: წ- ჲ გ- ჲ; აშია არ შენახულა; ხატი კარგი ნახელავია და უნდა
ეკუთვნოდეს მეთოთხმეტე საუკუნეს (ფ.№16767).

7. ხატი მიქელ მთავარ ანგელოზისა, ვერცხლისა, ნაჭედი, 63X46,5 სანტ. (ფ.№

16765). მთავარ ანგელოზი წარმოდგენილია ფეხზე მდგომარედ, სრულის ტანით და
გამობერვით; მარჯვენა ხელში აქვს ლაბარუმი, მარცხენაში უჭირავს ბურთი; აშია
ვაზოვანი ორნამენტისა არის, მაგრამ უმეტესი ნაწილი მოძარცულია. უზის ერთი
ძვირფასი ქვა, მეორე დაკარგულია; ხელობა მდარეა, მე-17-18 საუკუნისა.

8. ხატი პატარა მთავარ ანგელოზთა მიქელ და გაბრიელისა, წამლით დახატული;

ზემო მედალიონში მაცხოვარია: წარწერები ასომთავრულით: ი- ჳ ქ- ე, გაბრიელ,
მიქელ. აშია ვერცხლისა აქვს; ხატი შემკობილია 52 ძვირფასი ქვით; ეკუთვნის
მეცხრამეტე საუკუნის დასაწყისს (ფ.№16764).

9. ხატი პატარა ღვთის მშობლისა, წამლით ნახატი, 14,3X11,2 სანტ. ეკუთვნის

მეცხრამეტე საუკ. შემკობილია ქვებით. (№16764).

10. ჯვარი დიდი, საკურთხევლის წინ დასადგმელი, ერთს საჟენზე მეტი

სიმაღლით; შეძერწილია ვერცხლის თხელი ფირფიტებით, რომლებზედაც
წარმოდგენილნი არიან, გამობერვით, წმიდანები; ქუდი ჯვარისა პირამიდალური
სახისა არის; მასზე მოჩანს ზემოდ წმიდა გიორგი ფეხზე მდგომარე; ქვემოდ ღვთის
მშობელი ჩჩვილედი. სხვა ფირფიტებზე განმეორებულია სხვა და სხვა ფიგურები;
სიგრძეზე ჯვარისა სამ-სამი ღვთისმშობელია ნიშოვანი. ექვსზე კიდევ წმ. გიორგი
ცხენოსანი, რომელთა შორის უკანასკნელი, ქვევით, უფრო დიდია და უფრო ლამაზი
ნახელავი, ასომთავრული წარწერით წ- ჲ გ- ი. ხოლო ორ ფირფიტაზე მთავარ
ანგელოზებია. ჯვარის სიგანეზე, შუაში, „უმბო“ მთავარ ანგელოზებით მარჯვნივ და
მარცხნივ; შემდეგ ორივე მხარეს წყვილი სურათი ღვთის მშობელისა, ნიშანი, მთავარ
ანგელოზებითურთ აქეთ-იქით; ეს ის ჯვარი უნდა იყოს, რომელზედაც გაბრიელ
ლაბეჭინელი ამბობს: მოუჭედელი დამრჩაო. ეხლანდელი მოცულობით ჯვარი არ
შეიძლება იყოს უადროესი მეთექვსემეტე-მეჩვიდმეტე საუკუნისა (ფ.№16764).
შენიშვნა: უამბო (umbo) ნიშნავს ჯვარის შუა ნაწილს, სადაც ჯვარცმულის მაგიერ
ორნამენტებია წარმოდგენილი, ზოგჯერ გამობერვით.
 11. თასი ვერცხლისა, მხედრულის წარწერით:
ქ. ერისთავის ასული თ- ედორა.

12. საცეცხლური, ძველი ვერცხლისა, ხლართულებით შემკობილი.

13. ვერცხლის ბალთები სარტყლისა, ოქროთი დაფერილი.

14. ფილონი ძველი ფარჩისა, მდიდრულად ნაკერი, ხელაპყრობილი ქრისტეს

სურათით.

სოფელი საირმე

სოფელ საირმესთან წინეთ საირმის მონასტერი იყო. მონასტრის აშენება იქ

დაიწყო ოტია დადიანმა და მისმა მეუღლემ გულქანმა და დაამთავრა მისმა შვილმა
კაცია მეორემ 1766 წელს (იხ. დასავლეთ საქართ. საეკლესიო საბუთები, ს. კაკაბაძისა,
1. გვ. 30-33). მონასტერი ღვთის მშობლის მიძინების სახელზე იყო აგებული და
არსებობდა ჩვენს დრომდის, მაგრამ ბოლოს დროს მონასტრის მახლობლად, მიწის
ძვრის გამო, მიწა გასკდა, ნაპრალი გამოჩნდა, საიდანაც ზოგჯერ ამოდის ორთქლი და
გაზი. ამიტომ მონასტერი გააუქმეს და ნივთები გადაიტანეს ჭყონდიდის
მონასტერში. რომელზედაც საირმეს მონასტერი მიწერილი იყო. ძველი მონასტრის
შენობა ჩვენ არ დაგვითვალიერებია. თვით სოფელ საირმეში ეხლა ახალი ეკლესია
არის ქვისა, სიონური რიგისა, წმიდის გიორგის სახელზე. ეკლესიაში არის
რამოდენიმე ხატი და ჯვარი ქართული ადგილობრივი ხელობისა, მაგრამ მე-19
საუკუნისა.

1. თავ ხატად ეკლესიისა მიჩნეულია დიდი ვერცხლის ჯვარი 33 სანტ. სიმაღლით,

რომელშიაც ხალხის გადმოცემით თითქო ინახებოდეს კბილი წმიდა გიორგისა.
ჯვარი დამყარებულია დიდ ვერცხლის ბურთზე და შემკობილია 17 ძვირფასი ქვით;
ამათში 4 ლალია და 4 ზურმუხტი: ოთხივე ფრთაზე ჯვარისა წარმოდგენილია წმიდა
გიორგი ფეხზე მდგომარე, მარცხენა ხელის აპყრობით და ჯვარიანის და გრძელ
ტარიანის ლახვარით მარჯვენა ხელში. ქვემო სურათის ორივე მხარეს გვირგვინია
გამოსახული და თარიღი ჩყლც - 1838 წ. ქვემოდ გამკეთებლის მონოგრამა „სმა“. ესევე
გვირგვინები, იარაღი და მონოგრამა განმეორებულია მეორე გვერდზე ჯვარისა.
ჯვარი ამართულია დიდ ხის კიდობანზე, წმიდის გიორგის გამოქანდაკებული
სახეებით, მდარე ხელობისა. ჯვარი გადმოღებული გვაქვს ფოტოგრაფიულად
(№16763).
2. ჯვარი ათონური რიგისა 14X6 სანტ. ჯვარცმულის სახით შუაში და
მახარობლებით ფრთებზე. მეორე გვერდზე, შუაში, წარმოდგენილია ნათლის ღება,
ხოლო ფრთებზე მახარობლები და ანგელოზები.

3. ხატი ღვთის მშობლისა, 16,5X16,1 სანტ. ტლანქი ხელობისა მე-19 საუკ. შესდგება
ოქროთ დაფერილი ვერცხლის ფირფიტებისაგან, რომელნიც მიჭედილნი არიან
დაფაზე. ამ ფირფიტებზე ჩჩვილედი ღვთის მშობლის გარდა, წარწერით „დ¯ა ღ¯ სა“
წარმოდგენილნი არიან კიდევ მაცხოვარი, ანგელოზები და ჯვარცმა.

4. ხატი მაცხოვრისა, წამლით დახატული, მე-19 საუკ. წარწერით: ქ- ე.

5. დიდი ხატი მაცხოვრისა, წამლით დახატული, წარწერით: ი- ჳ ქ- ე. მე-19 საუკ.

6. ხატი წმიდა გიორგისა, წამლით დახატული, ბერძნული წარწერებით. წმ.

გიორგი წარმოდგენილია თეთრი ცხენით და შუბით გმირავს ვეშაპს; მე-19 საუკ.

7. ხატი ღვთის მშობლისა, ჩჩვილედი, წამლით დახატული, 68X47 სანტ. წარწერით

„დედა ღ- სა ი- ჳ ქ- ე“, მე-19 საუკუნისა; ჩასვენებულია კიდობანში, რომელსაც აწერია:
„1895 წ. აპრ. 28. პეტრე ნიკოლოზის . ძემ . ალავიძემ შესწირა „კიოტი“. ეს ალავიძე
მოხუცებული მნათე არის ამ ეკლესიისა. აშია და თავის წრე (ნიმბი) ღვთის მშობლისა
შემკობილია 12 ძვირფასი ქვით, ლალებით, ფირუზებით, ქარვებით და
ამეთვისტოებით.

8. კანკელი ახალია, მე-19 საუკ. წმიდანები ტილოზეა დახატული, ხუცურის

წარწერებით; ქვემოდ ზოგიერთებს მხედრულად უწერია: „შეიწყალე შემომწირველი
როსტომ ალავიძე“.

სოფელი ლაჯანა.

საირმედან ჩვენ დავბრუნდით ალპანაში და მეორე დღეს გავემგზავრეთ ორბელში.

გზა ლაჯანურას მარცხენა ნაპირით მიდის. ალპანის მახლობლად ლაჯანურაზე ქვის
ხიდია და აქედან იწყება ძლიერ ვიწრო, მაგრამ თვალწარმტაცი თავის სილამაზით და
სინაზით ხევი ლაჯანურისა, რომელიც გრძელდება შვიდი კილომეტრის მანძილზე.
ხოლო შემდეგ ორბელის ხიდამდის ხეობა ერთობ ფართოდ იშლება და ესეც ფრიად
ლამაზია. ამ ფართო ხეობის ორივე ნაპირს, ფერდოებზე და სერებზე, გაშენებულია
უმთავრესი სოფლები. აღნიშნული ვიწრო ხეობა ლაჯანურასი მოგვაგონებს თავის
საზოგადო სახით დარიალის ხეობას, მაგრამ, რა თქმა უნდა, მინიატურულად.
დარიალის ხეობა თავის მაღალი კლდოვანი მთებით სასტიკია, ეს თავის მწვანე
მცენარეობის შემოსილობით ნაზია და კეკლუცი. ამ ხეობის სახეების და პეიზაჟების
გადმოღებას დ. ერმაკოვმა მთელი დღე მოანდომა. მრავალი სურათია გადმოღებული,
მაგრამ ნომრებს ვერ ვუჩვენებთ, ვინაიდან სურათები ეხლა ხელთ არა გვაქვს.
ჩვენ დავბინავდით ორბელიანის დუქანში, ხიდთან, და აქედან ვხედავდით
ექსკურსიებს ლაჯანურის ხეობის სოფლებში. პირველი სოფელი, რომლის ეკლესია
ვინახულეთ, ლაჯანა იყო. ამას მიუცია სახელი მდინარისათვის, ლაჯანურა.
სოფელი ლაჯანა გაშენებულია მაღლობზე, ლაჯანურას მარცხენა მხარეზე,
მახლობლად ორბელისა. მთავარ ანგელოზის ეკლესია ამ სოფლისა მთაზე
მდებარეობს; ჩვეულებრივი სახის არის, ოთხკუთხედი, მაგრამ საკურთხეველი გარედ
მომრგვალებული აქვს, ნაშენია უბრალო ქვით, შიგნით შელესილია, მაგრამ
ფრესკებით არ არის შემკობილი; შესავალი აქვს დასავლეთით, სამხრეთით და
ჩრდილოეთით და თითო პატარა ფანჯარა ყოველ კედრით. ეკლესიაში ჩვენ ვიპოვეთ
ორი ხატი, ერთი მთავარ ანგელოზთა და მეორე ღვთის მშობლისა; ორივე
ადგილობრივი, უფრო სვანური ხელობისა, მაგრამ ყოვლად ტლანქი, რაც ცხადი
მაჩვენებელია იმისი, თუ როგორ დაცემული ყოფილა კულტურა ამ მხარეში
მეთვრამეტე საუკუნის დამლევს და მეცხრამეტეს დასაწყისში.

1. ხატი მთავარ ანგელოზთა მიქელ და გაბრიელისა, ვერცხლით ნაჭედი, 40X29

სანტ. (ფ.№17619). მთავარანგელოზნი წარმოდგენილნი არიან მთელის ტანით და
ჯვრებით ხელთა, ზემოდ მათ შუა ქერუბიმებია; მარცხნივ და მარჯვნივ აშია
შემკობილია წერტილებიდან შემდგარი ხაზებით და ნახევარ რგოლებით; ზემოდ და
ქვემოდ წარწერებია ასომთავრულით, მაგრამ ისეთი ვულგარულით, როგორც თვით
მთავარანგელოზთა სახეებია; ამიტომ წარწერა ადვილი გასარჩევი არაა. სახელების
წარწერები: წ- ჲ მიქე, წ -ჲ გ¯ლ. გაბრიელის თავზე სულ ცუდათ გამოყვანილი
ასოებით და შემდგომ ზემო აშიაზე ასეთი ხელით:

ამისი :. ოქრომ ამისი ოქრომ-

ჭდლი :. იოსებ[ქა] ჭედელი იოსებ[ქა]-
ჟძე :. შეუნდს ჟელაძე შეუნდვეს
ღმეთნ ღმერთმან
წ :. დაგვიც : თემს : თქნის დაგვიც თემს თქვენის
ს- ლისა :. თ- ს :. სლის :. წ- ის :. შბა სულისათვის სულის წმიდის შაბა-
თს :. ერთი :. ცხვრი :. ან :. ხბო :. ა თს ერთი ცხვარი, ან ხბო.
რა :. ოდეს :. ეს :. არ :. მოგიშლოთ :. არა-ოდეს ეს არ მოგიშალოთ.

ქვემოდ აშიაზე:

1. მო(ვ)ჭედე :. ხ- ტი :. ესე :. მთვრანგლზი :. ბაკულდშის :. მე :. მარინემ :.

2. დადიშქელიანის :. ქ- ლმან :. სახსრად :. ს- ლისა : ჩ¯ მისა: ქმრის :ფიცი
3. ას :. და შვილის :. ისლამის :. შესნდობელად :. და საოხად :. სლის
4. ა :. ჩ- ისა :. ვნცა : ესე :. მოგიშლოს :. მთვრ : ანგელოზმა
5. კრული (?) :. ამყოფს :. მსი: ს- ლი :. და ნათესავი :.

2. ხატი ღვთის მშობლისა, ვედრებისა, ვერცხლისა, იმავე ზომისა და ხელობისა,

როგორც პირველი (ფ. №16772). ღვთის მშობელი წარმოდგენილია მთელი ტანით,
ხელებ აპყრობილი სამლოცველოდ; აქეთ იქით აშიებზე მთავარ ანგელოზებია;
ზემოდ ქრისტე, წელს ზევითი, წარწერით: ი¯ ჳ ქ¯ე. აქეთ იქით ორი ფიგურა კაცისა,
ხელებ გაშვერილნი, თითქო ჯვარზე გაცმულნი, მაგრამ ჯვარი არ ჩანს. მთელი
შემოსილობა ხატისა განცალკევებული ფირფიტებისაგან შემდგარია და მიჭედილი
ხეზე, მაგრამ ხელობა ერთი დროის და ერთი ოქრომჭედლის არის. ზემოთ მარცხნივ
ერთობ უშნო ვულგარული ხუცურით სწერია:

წ : ამისი :. ოქრო :. მჭედელი :.

იოსელ :. ქაჟელაძე :. შეუ
ნდოს :. ღ- ნ :.
 ქვემოდ აშიაზე ასეთისავე ხუცურით:
წ ო :. ვედრებისა :. ღ- თის :. მშბ- ლო :. მ- ხ :. და მფარველ : ექმ ენ :. ამის :. მომჭედს :.
-

გელოანსა ;. სულას :. და თ- ა :. მეცხედრ ესა :. მისსა :. დეუდარიანის :. ქ- ლს :. ყაზმის :.

შვილთა :. მათთა :. მოწყალე :. და შემწე :. ექმენ :. დღსა :. მას:. განკითხვისასა :.

ამის ქვემოდ კიდევ ვულგარული მხედრულით:

ღმერთო :. და :. ვედრების :. ღმრთის :. მშობელო :. აც
ხოვნე :. ზეცას : მომგები ფაცია და მისი მეუღლე მარინე.

ჩუკულის წარწერიდან ჩვენ ვტყობილობთ, რომ სულა, გიორგი და ფაცი

გელოვანები ძმები ყოფილან; სულას მეუღლე იყო დევდარიანის ასული ყაზმანი ანუ
ყაზმის.

სოფელი ორბელი

ორბელი თავი სოფელია ლაჯანურის ხეობაში (ფ. №17510), სადაც სახლობენ

თავადნი გელოვანები; აქვე მაღალ კლდეზე აშენებულია დიდი, ლამაზი ციხე
ორბელის (ფ. №17402). ამ ციხემდის ლაჯანურის კალაპოტი ერთობ ვიწროა, ხოლო
ციხის ძირიდან იწყება დიდი ფართო ხეობა; აქ არის ხიდი ლაჯანურზე. ციხეს სამი
კოშკი აქვს; მათში ჩრდილოეთის კოშკი ყველაზე მაღალია; შიგ ხის ოთახია
გადახურული; შუა კოშკი შესავლის კარის თავზეა ამართული, აღმოსავლეთით;
მესამე კოშკი სამხრეთით არის. ციხეში არის ჭა და პატარა ქვის ეკლესია, აწ უკვე
დანგრეული. ეკლესია თლილის ქვით არის შეძერწილი შიგნით და გარედ; სიგრძე
აქვს 9 არშინი და 4 ვერშოკი, განი 7 არშინი და 4 ვერშოკი; შესავალი აქვს სამხრეთით
და დასავლეთით; ფანჯრები აღმოსავლეთით, დასავლეთით და სამხრეთით;
საკურთხეველში ორი პატარა უბეა. თაღი ჩამონგრეულია. დასავლეთის მხრით
ეკლესიას მიშენებული აქვს დიდი ეკვტერი, სიგრძით 9 არშინი და 4 ვერშოკი;
ეკლესია მოხატული ყოფილა, ხოლო ეხლა მხატვრობა მოშლილია; კარგად
შენახულია მხოლოდ მთავარ ანგელოზი დასავლეთის კარის ზემოდ; თვით კარი
რკინით შეჭედილია; საკურთხეველის თაღში ორი პატარა ჭურია, ჩაშენებული
ხმისათვის (ფ.№17398).
ახალი ეკლესია ორბელისა ხისა არის პატარა დავაკებაზე, მახლობლად ძველი
ეკლესიისა. ეკლესია მომრგვალებით გამოდის აღმოსავლეთით; ირგვლივ უვლის
ფანჯატური სვეტებზე; დახურულია ყავრით; ფანჯრები ხისა აქვს, ცხრილოვანი და
ლამაზი (ფ.№17400). კანკელი ახალი და გაკეთებულია 1867 წ. 19 აგვისტოს, რაც ჩანს
შემდეგის მხედრული წარწერიდან:

აღემართა კანკელი ესე ამა მთავარანგელოზის ეკლესიასა

შ- ა: ამას შინა შემავალთა მრევლთა მიერ. მათდამი
საკუთრებათა ზ- ა ჩყიჲზ-სა წ. აგვისტოს : ით- ს
 ეკლესიის მახლობლად ხის პატარა ლამაზი სამრეკლოა ორსართულიანი,
სვეტებზე, შაქრის თავის მსგავსი სახურავით (ფ. №17399).
ეკლესია ორბელისა, ეტყობა, ბევრჯერ ყოფილა გაძარცული; აქ სულ ნაძარცვი,
ხატები და ჯვრებია დარჩენილი და მათ შესახებ მცირე ნაშთებისაგან უნდა ვიქონით
წარმოდგენა. აქ ვნახეთ:

1. ჯვარი რკინისა, 43 X21 სანტ., რომელიც შეჭედილია ოქროთი, ზედ ნაჭედი

ჯვარცმულის სახით და ასომთავრული წარწერით: ჲ- ო ქ- ე : შემკობილი ბალახოვანი
ხლართული ორნამენტებით; ძვირფასი თვლები ოთხი მოძარცულია, მაგრამ მათი
ბუდეების ნაშთები მოჩანს; ქვემო ნაწილი ჯვარცმისა მოწყვეტილია (ფ. №16781).
მეორე გვერდი ჯვარისა ისეთივე ლამაზი ხლართული ორნამენტით არის შემკობილი,
როგორც პირველი (ფ. №16782), მაგრამ ქვემო ნაწილი, სადაც ასომთავრული წარწერა
ყოფილა, მოძარცულია, დარჩენილია მხოლოდ ორი სიტყვა:

ქ : ძელო :.
ჯვარი უნდა ეკუთვნოდეს მე-15 საუკუნეს.

2. ხატი მთავარანგელოზისა მიქელისა, წამლით დახატული ძელზე, 93X56 სანტ.

მთავარანგელოზი წარმოდგენილია ლაბარემით ხელში, მაგრამ ფერადები სურათისა
სულ გახუნებულია; ვერცხლის შემკობილება ბალახის მსგავსი ხლართულებით
შერჩენილია მხოლოდ ნაწილობრივ აშიებზე, თავის წრეზე და ზემოდ თავის
წრესთან, სადაც ასომთავრულით უწერია: მთავარ ანგელოზი მიქელ (ფ.№16783).
ქვემოდ, ასომთავრული წარწერიდან დარჩენილია შემდეგი:
: ქ : წ- ო : მთავარანგელოზო :. მიქაელ :. გაუმარ
ჯუე : მმსავთა შენთა . . . ინაის ძეთა
ჯოღ(ე)დიანსა ვა. . . . . . ვახტანგს : . . .
და მფრველ ექმენ პაპასა . . . . . . .
ხატი უნდა ეკუთვნოდეს მე-14-15 საუკუნეს.

3. ხატი მთავარ ანგელოზისა მიქაელისა, წარწერით: მიქაელ მთნგზი, 89X59 სანტ.,

წამლით დახატული, მაგარმ გაფუჭებული; აშიები ოქროსი ისეთი ბალახოვანი
ხლართული ორნამენტებით ყოფილა შემკობილი, როგორც ზემო აღნიშნული ჯვარი,
მაგრამ ორიოდე პატარა ნაწყვეტია დაცული (№16785).

4. ხატი მთავარანგელოზისა გაბრიელისა, 58X42 სანტ., ასეთივე ხელობისა,

როგორც წინეთ მოხსენებული ხატი, მაგრამ უფრო ცუდათ დაცული, წარწერით:
მთანგზი გლ (ფოტ.№16781).

5. ხატი მაცხოვრისა, წელს ზევითი; წამლით დახატული, 69X51 სანტ. სახე აქ ცოტა
უკეთ შენახულია, მაგრამ ოქროთ დაფერილი ვერცხლის სამოსელიდან ცოტა არის
გადარჩენილი, მარჯვნივ და მარცხნივ და ორ ადგილას აშიებზე; მაცხოვარი მარჯვენა
ხელით აკურთხებს (ფ. № 16781). უნდა ეკუთვნოდეს მეჩვიდმეტე საუკუნეს.
 6. ასეთივე ხატი მაცხოვრისა, მაგრამ უფრო დიდი, 104X72,5 სანტ. (№ 16785).
ფერადები გაფუჭებულია; მარჯვნივ მხედრული, არა-ძველი, წარწერა აქვს:
მე გიორგი მეიფარიანი დავდევი ეს მაცხოვრის ხატი ჩემი შესანდობელი.

7. ხატი მთავარ ანგელოზთა მიქელისა და გაბრიელისა, ვერცხლის, ოქროთ

დაფერილი; ორთავე წარმოდგენილნი არიან სრულის ტანით, ყვავილებით ხელში;
მიქელ ამას გარდა რომაული მხედრის ტანისამოში და მარჯვენა ხელში სიმრგვალე
უჭირავს ღერძით, გაბრიელის გძელი, თითქო ქალის ტანისამოსი აცვია და მარჯვენა
ხელი გაშვერილი აქვს სიმრავლისკენ. აშია მოჩუქურთმებულია. ხატი კარგად არის
შენახული და წარმოგვიდგენს ტიპიურ მეგრულ ხელობას მეცხრამეტე საუკუნის
პირველ ნახევრისა, რაც დადასტურებულია მხედრულის წარწერით ზემოდ და
ქევმოდ (ფ.№ 16780).
1. ჩყლზ-ს წელსა შინა : გამოისახა და შეიმკო მთავარანგელოზის ხატი ესე
ორბელის ეკლესიისა.
2. მისივე სახელსა ზედა აღშენებულისა თვით შეწირულებითა მისითა დროსა
მთავარსა ს- დ სამენ
3. გრელოისა ლეონ გრიგოლის ძის დადიანისა და მეუღლისა
4. მისისა მთავრინა მართა ზურაბის ასულის წე
5. რეთლისა და მემკვიდრისა მათისა დ- თ ლეონის ძისა რომელიცა იკურ(თხა)
6. ს¯დ სამენგრელოის მწყემს მთა
7. ვრის და ჭყონდიდის ეპისკოპოსის და
8. მთავრის დადიანის მოძღვრის გიორგი კუხა
9. ლოვისაგან და მე მბრანებითა მათითა აღვსწერე ხატსა ამას ზ¯ა ლე-
10. ჩხუმის სასულიეროს განმგემ
11. ბლაღოჩინმა და მთავარ ლეონ დადი
12. ანის კარის მღვდელმა აზნაურმა პავლე გიორგის
13. ძემ დაშნიანმა.

8. სახარება ეტრატზე, 21X16 სანტ., დაწერილია ნუსხა ხუცურით, ორ სვეტად, 25

სტრიქონი სვეტში. სათაურები ნაწერია სინგურით. თავი და ბოლო აკლია. ადგილ-
ადგილ ტექსტი აღდგენილია, ნაკლულოვანი ადგილები შემდეგ შევსებულია
ქაღალდზე; თარიღი არა აქვს; მაგრამ ხელის მიხედვით, სახარება უნდა ეკუთვნოდეს
მეთორმეტე საუკუნეს. ტექსტი გიორგი მთაწმინდელის რედაქციის არის; ბოლოში
აქვს ვრცელი სარჩევი და შემდეგ არა-ტექსტის ხელის წერილი ნუსხა ხუცურით,
რომელიც მოგვითხრობს სახარების განახლების ამბავს 1600 წელს, როდესაც
ქართლის მეფე სვიმონ პირველი თათრებს ტყვედ ჩაუვარდათ. ქარაგმებს ვხსნით და
ნიშნებს ახლებს ვუსვამთ:
დიდებაჲ ღმერთსა ოთხთავნო სახარებანო, მათე, მარკოზ, ლუკა და იოვანე, შეი-
წყალე სული მუხიერ ყიფიანისა და თანამეცხედრისა მისისა ელენესა ყიფიანის
ქალისა, იჴსენ მათთა ცოდვათაგან, აგრევე შვილთა მათთა პაპუს, ხოსროს და ბესის
ცოცხალი ადღეგრძელო(ს) ღ- ნ, მიცვალებულისა მათისა ცოდვანი და ბრალი მათნი
შეუნდოს ღმერთმან. ესე ოთხთავნი ფურცლად დაშლილი იყო და დაოხრებული.
მერმე მოვიყვანე მწერალი ყასელაძე მანაველ და შევამკვე ახლად წიგნი ესე მას ჟამსა,
როდეს ქართველთა მეფე სვიმონ თათართა დაიჭირეს და წაიყვანეს. ქართლი ააოხრეს
საყდარითურთ. აწ ვინცა ჩვენის ცოდვილისა სულისათჳს შენდობა(სა) ბრძანებდეთ,
თქვენცა შეგინდოს ღმერთმან თქვენი ცოდვანი. რაცა ამა ჯვარხატსა ჴელი უნდა,
მასამც მოვაჭედინებთ, ოქრომჭედელიცა ის არის.
განმაახლებელი მანაველ ყასელაძე თავის თვს იხსენიებს კიდევ მინაწერებში,
მათეს სახარების ბოლოს:
დბ- ჲ ღ- სა მიზეზსა კეთილისასა სრულ იქმნა წ- ჲ ესე და
ს- ლთა გ- ნსანათლებელი ოთხთავნი ჴელითა ფ- დ ცოდვილისა
მანაველ ქასელაძისა. დედა მამათა მისთა ძმასა მისსა შეუნდოს ღ- ნ.
შემდეგ კიდევ იოანეს სახარების ბოლოს უწერია:
ყ- დ წმიდაო ღ- ის მშობელო შეიწყალე და აცოვნე ს-ლი
დარიდონ ქარსელაძის ქალისა. ვინცა შენდობა ბრძანოთ
ს- ლ კურთხეულისა დარიდონისა თჳთ თ- ქნცა შეგინდოს
ღმერთმან ამინ კ¯სნ. სულსა მანაველ ქარსელაძესა შეუნდოს.
სულსა ივანე ქარსელაძესა შეუნდოს, მეუღლესა მისსა (შ)ვენიერსა
მიდელანის ქალსა შეუნდოს ღ- ნ.
ამინ კ- სნ.
აღსანიშნავია, რომ მინაწერებში ერთი და იგივე გვარი სამი ფორმით არის
მოხსენებული: ყასელაძე, ქასელაძე, ქარსელაძე.
ლუკას სახარების ბოლოს მერმინდელის ხელით:
წ: მთ- ვრ ანგელოზო ორბელისო შ- ნის მოწყლ- ბის მადლსა შ- ე ნ- კზ. კუჭაისძე. ან
ო¯. ნ- კზ (ხვეულად).
შემდეგ სხვა ხელით:
წ- ო მთავარ ანგელოზო ორბელისო შეიწყალე ამ წიგნის ახლა შემამკობი ადამ
სლგძე (sic).
შემდეგ მხედრულის ხელით:
ღმერთო და ამ სახარების მადლო: შეიწყალე ადამ სალაგაძე ა- ნ.
ეს სახარება ჩვენ ვნახეთ ორბელის მღვდლის დავით ლეშქაშელის სახლში. შემდეგ,
როგორც შევიტყვეთ, სახარება გადაუციათ ქუთაისის მუზეუმისათვის.

გელოვანთა ეკლესია.

ლაჯანურის ნაპირზე, იასონ გელოვანის სახლის ქვემოდ, აგებულია მოზრდილი

ეკლესია გელოვანთა, მათი სამარხავი, შეძერწილია თლილის ქვით და ეკვტერი
ახლავს დასავლეთით; მაგრამ ეს ეკვტერი უფრო ძველია თვით ეკლესიაზე; მისი
იატაკი უფრო დაბლა არის, ვიდრე ეკლესიისა; ეტყობა, ძველი ეკლესიის
აღმოსავლეთის ნაწილი მოუშლიათ და ახალი ეკლესია მიუშენებიათ ზედ და ამით
წინანდელი ეკლესია ახალის ეკვტერად გადაუქცევიათ. თაღი ეკლესიისა
მომრგვალებულია; შესავალი მოიპოვება სამხრეთით, დასავლეთით და
ჩრდილოეთით. საკურთხეველში სამი ფანჯარაა; სხვა მხარეებში თითო; ჩარჩოები
ფანჯრებისა მოჩუქურთმებულია. საკურთხეველი გარეთ მომრგვალებით გამოდის.
დახურულია ყავრით, ორ ფრთად, და შიგნით შეთეთრებულია კირით. კანკელი
ხისაა, ერთობ მაღალი; გაყოფილია ხუთ სართულად. აღსავლის კარი
საკურთხევლისა და დანარჩენიც ორი ჩუქურთმით შემკობილნი არიან. სურათები
წმიდანებისა კანკელში წამლითაა დახატული 37 განცალკევებულს დაფაზე.
შინაარსით წარმოგვიდგენენ სახარების სცენებს. ამას გარდა არის კიდევ სურათები
ღვთის მშობლისა და იოანე ნათლის მცემლისა. მხატვრობა გვარიანია. ორ
სტრიქონიანი მხედრული წარწერა კანკელისა გვიჩვენებს, რომ ახალი,
აღმოსავლეთის ნაწილი ეკლესიისა აუშენებიათ 1798 წელს:
ქ : შენ ცათა უვრცელეს უმაღლესო დედოფალო მარიამ
მე ფ- დ ცოდვილმან მონამან მინდობილმან საფარველთა შენ-
თამან: მსასოებელმან. სარდალ მოურავმან. გელოანმან. ქაიხოსრო და მეუღლემან
ჩემმან დგებუაძის ასულმან როდამ
აღვაშენეთ ეკლესია ესე შენ მიერითა წყალობითა სახელსა
ზედა შობისა შენისა და შევამკვეთ ყ- ითა სამღვდელოთა
და წიგნებითა : და დავახატვინეთ : კანკელი ესე მრჩობლთა
ცხოვრებათა ჩვენთა წარსამართებლად : და სულთა ჩვენთა
საუკუნოდ მოსახსენებლად
რათა მეოხ იყო ჩვენთვის წინაშე ძისა შენისა დღესა მას
განკითხვისასა ღირს გვყვენ ჩვენ მარჯვენით დგომად წი-
ნაშე ძისა შენისა. და ძეთა და ასულთა ჩვენთა. მოანიჭე
კეთილწარმატება და სიმრთელე კეთილ ცხოვრება : მონე-
ბასა შინა შენსა ამინ : სრულ იქმნა დეკემბერს. ჱ . ქრისტეს
აქეთ : ჩ. ღ. ჟ. ჱ.
უფალო იესო ქრისტე ღ- ო შეიწყალე გლახაკი და ფ- დ ცოდვილი
მონა შენი. დავით ბეჟიაშვილი : ქართველი : ამინ.
ქაიხოსრო გელოვანი ამშენებელი ეკლესიისა მოკლულ იქმნა 1799 წელს (იხ. ჩემი
სტატია: ისტორიული მინაწერები კვინკლოსისა და სხვა ქრონოლოგიური ცნობები,
რუსულ ენაზე, მზრუნველის კრებული, წიგნი მე-21, გვ. 59). ეკლესიაში დამარხულნი
არიან გელოვანთა ოჯახის წევრები. ზოგიერთ მათ სასაფლაოს ქვებზე მხედრული
წარწერები არის:

1. მაიორი ლეონ ქაიხოსროს ძე გელოვანი. მოკლული აფხაზეთის ომში 1824 წელს :

წელთა უფლისა ჩყკდ, ივლისის ი. ჴმისაებრ უფლისა მიწა
მიწადვე მივიქეც მონა ღ- ისა მაიორ-კავალეროსნი თავადი
ლეონ ქაიხოსროს ძე გელოვანი ოდესცა წარვიდენ საბრძოლვე-
ლად უდიდებულესი მხედრობა როსიის და მათთანა სრულიად
სამენგრელოჲსა და სხვათა მთავარი ღენერალ ლეიტენანტი
ლეონ გრიგოლისძე დადიანი უსჯულოსა ზედა აფხაზეთს.
მუნ წარვსდეგ რა ბრძოლასა შინა მოვიწყალ მახვილებითა
და აღვესრულე წლისა : ლზ : გევედრები ყოველთა
აღმომკითხველთა სიყვარულისათვის ღ- ისა შენდობასა
მყოფდეთ ჩემ ცოდვილთათვის და რათა არავინ შეძრათ ლოდი
ესე და საფლავი გვამისა ჩემისა :
2. პოლკოვნიკი ბერი ქაიხოსროს ძე გელოვანი, გარდაცვლილი 1851 წ. 24
აგვისტოს, მე-95 წელზე ცხოვრებისა:
კდ აგვისტოს ჩყნა წელსა ახალჭალას მიცვალებული
პოლკოვნიკი და კავალერი თავადი ბერი ქაიხოსრო ძე გე-
ლოვანი, რომელმან მსახურა ღირსად მამულსა.
 (ამ წარწერაში შემთხვევით გამოგვრჩა ის ნაწილი ტექსტისა, სადაც ნათქვამია, რომ
ბერი გელოვანი გადაიცვალა მე-95 წელს ცხოვრებისა).
3. მარიკა მიქელაძის ასული, კნეინა გელოვანისა, გადაცვლილი 1849 წელს.
ვგონებ, უნდა ყოფილიყო მეუღლე ბერი გელოვანისა.
4. მდივანბეგი სამეგრელოსი გიორგი ქაიხოსროსძე გელოვანი, გადაცვლილი 1824
წ. 12 ოკტომბერს:
საფლავსა ამას შინა ვმდებარებ თავადის სარდალ-მოურავის
ქაიხოსრო გელოვანის ძე სამენგრელოს სამთავროს მდივანბეგი
გიორგი გელოვანი, რომელიც აღვესრულე წელსა, ჩყკდ-სა,
ოკდომბრის იბ-სა, წლისა. ნგ. ხოლო თქუჱნ მხილველნო და
აღმომკითხველნო ჩემზე მდებარისა ამის ლოდისა მომიგონებდეთ. . .
5. კნეინა სალომე გელოვანისა:
გიორგი ერისთავის ასული სალომე კნეინა გელოვანისა ჩყმბ წელსა,
კგ წლისა, მეუღლე მისი ნიკო და ძე ნესტორ.
6. ჩყმე წელსა მხლებელი მთავრის დავითისა ნიკო მაიორის ძე გვარათ გელოანი
ოცდა შვიდი წლისა.

სოფელი ლაცორია.

სოფელი ლაცორია გაშენებულია მაღლობზე, ლაჯანურის მარჯვენა ნაპირზე.

ეკლესია სოფლისა პატარაა, ხისა. საკურთხეველი მომრგვალებით გამოდის გარედ.
ირგვლივ ფანჯატური უვლის, ხის სვეტებზე დამყარებული; დახურულია ყავრით,
ორ ფრთად. კანკელი ხისა აქვს, 1888 წელს, 26 ივნისს დამთავრებული, წმიდანების
სურათებით დაბალი ხელობისა და მხედრულის წარწერებით. ამ ეკლესიაზე
მოწერილნი არიან კიდევ სოფლები სპატაგორი და ლეშქენა. ეკლესია წმ. კვირიკე და
ივლიტეს სახელობაზეა აშენებული. ეკლესიაში იპოვება:

1. თავი ხატი ეკლესიისა კვირიკე და ივლიტასი, ვერცხლისა, ისეთივე უშნო და

ერთობ ტლანქი ხელობისა, როგორც ლაჯანას ხატი იყო, იმავე ოქრომჭედლის
გაკეთებული (ფ. №16786). წმიდანები მთელის ტანით არიან წარმოდგენილნი,
კვირიკეს მარცხენა ხელში ჯვარი უკავია, მარჯვენით ჩასჭიდებია ივლიტას ხელს,
რომლის თავის მორთულობაზე ჯვარი უსვია. ზემო აშიაზე კარიკატურული
ფიგურებია ქრისტესი მთავარანგელოზებითურთ, დაბლა კუთხეებში ასეთივე
კარიკატურული ფიგურებია წმ. გიორგის და წმ. დიმიტრესი, წარწერები ხუცური
კიდევ უფრო ვულგარული და დამახინჯებულია, ვიდრე ლაჯანის ხატზე. ზედა
აშიაზე სწერია:

ამის მომჭედ ვისსა ძესა

სა მოძღუ ისოებს
არს ქასი შეუნდს
ლაძესა ლი ღ- ნ.
 ქვემო აშიაზე: უქარაგმოდ:

წ- ო კ- კე წ- ო ი- ლტე [მონა წმიდაო კვირიკე, წმი-

დაო ივლიტე [მონა
შენი] გელოანი სულა დგი შენი] გელოანი სულა
დგი
მთის ცოდვისაგან მათის ცოდვისაგან.

ფრჩხილებში ჩასმულს სიტყვებს აზრით ვუმატებთ. ხატზე ვერ ვარჩევთ.

დამახინჯებულს მხედრულ წარწერაში მარჯვენა აშიაზე ჩვენ გავარჩიეთ მხოლოდ:
ქ წმიდაო . . . ისეობ მჭედელი .
ლაჯანის წარწერაში ოქრომჭედელი წოდებულია იოსებ ქაჟელაძეთ, აქ კი იოსებ
ქასილაძეთ.ხელობა კი ერთი და იმავე ოქრომჭედლის არის.

2. ხატი ღვთის მშობლისა, წამლით დახატული, ლამაზი ნახელავი, მაგრამ არის

ძველი, 27X21 სანტ., ბერძნული წარწერით სახელისა.

3. მეორე ხატი ღვთის მშობლისა, წამლით დახატული ჩჩვილედი, ასეთივე

ხელობისა, როგორც წინანდელი; სრულის ტანით, გვირგვინით. ეს ორივე ხატი
ბერძნული ხელობისა არის.

4. ხატი მთავარანგელოზთა, წამლით დახატული, 54X40 სანტ. სახელების

წარწერით დიდრონი ასომთავრულით: „მიქელ მთავარანგელოზი და გაბრიელ“.
მიქელ მახვილით არის წარმოდგენილი, გაბრიელ ბზის შტოთი; ამას გარდა ორივეს
ბურთები აქვთ ხელში; ხელობა ლამაზია, მაგრამ ახალი.

5. ხატი წმ. ბარბარესი, წამლით დახატული ძელზე, ერთობ უშნოდ გამოყავნილი.

წარწერით: წ- ჲ ვარვალა (sic).

6. ბარძიმი კალისა. მხედრული წარწერით:

ქ. გევედრები სამღთოთა მღვდელთა მუშაკი წმიდისა ამის

ბარძიმისა დედოფალი გულქან, რათა რაჟამს შესწირავდეთ
მსხვერპლსა წმიდასა ლოცვასა და მოხსენებასა ყოფდეთ
ჩემთვის და მიცვალებულისა ჩემისა დადიანის ოტიასათვის.

დედოფალი გულქანი იყო რაჭის ერისთავის შოშიტა მესამის ასული, მეუღლე

ოტია დადიანისა (1728-1744), ბეჟან პირველის დადიანის შვილისა.
 სოფელი მცხეთა.

დიდი მცხეთის სახელი აღმოსავლეთ საქართველოში არა იშვიათია საქართველოს

სხვა კუთხეებშიაც, მაგალითად, სოფელი მცხეთა არსებობს დღემდისაც ოლთისის
რაიონში; აქ, ლეჩხუმში, ლაჯანურას ხეობაში და სხვა. მცხეთის ეკლესია ლეჩხუმისა,
წმ. გიორგის სახელზე აშენებული, განირჩევა ლეჩხუმის სხვა ეკლესიებისაგან. ეს
ერთად ერთი ეკლესია არის ლეჩხუმში გუმბათიანი (ფ. №17395). ეკლესია პატარაა;
შიგნით ჯვარის სახისაა, სამნაოსიანია; აქვს სამკვეთლო და სადიაკვნე, რომელნიც
კარებით უერთდებიან საკურთხეველს და თვით ეკლესიას. სვეტი ორი აქვს,
მრგვალი, ოთხკუთხედი კვარცხლბეკებით. ამ სვეტებიდან თაღები გადიან
საკურთხევლის ნახევარ სვეტებზე, პილიასტრებზე, და ამ თაღებზეა დამყარებული
გუმბათის ყელი., რომელსაც ექვსი ფანჯარა აქვს; გუმბათი შაქრის თავის მსგავსია.
ეკლესია განუახლებიათ 1904 წელს და მაშინ დაუკარგავს თავის ფრესკები, კედლები
ხელახლა მოუგლესიათ. კონცხებში აღმოსავლეთის და დასავლეთის ფასადისა
ცხვრის თავებია ქვისაგან გამოქანდაკებულნი. მოგძო ფანჯარა დასავლ.
მომრგვალებული, გრეხილიან ოთხკუთხედშია მოქცეული. ამ ოთხკუთხედის ზემოდ
ჩუქურთმიანი ჯვარია. შიგ ოთხკუთხედში შვიდი ფიგურაა გამოქანდაკებული.
მარცხნივ კაცისა, გვირგვინით თავზე და ქართულის ტანისამოსით; ამას ქვემოდ
ფარშავანგი, შველი და ვეფხი; მარჯვნივ – წმ. გიორგი ცხენით, კაცს გმირავს შუბით;
ამას ქვემოდ – ფრინველი (კაჭკაჭი ?) და ვეფხი (ფ.№17397). აღმოსავლეთის ფანჯარა
შემკობილია ჩუქურთმებით, სიმრგვალეებით, ჯვარითურთ შუაში და ნაძვის
ჯალღუზების მსგავსი ორნამენტით. ფანჯრის თავზე ჯვარია; ქვემოდ, ფანჯრის
მარჯვნივ, დაუმთავრებელ ორნამენტის ქვეშ, გამოხატულია კაცის ხელი, რომლის
ზემოდ აწერია მხედრულად (ფ. №17396):
ქ : ხელი ნასყი
დას : კალატოზის
ქართლელის
კანკელი ეკლესიისა, წამლით ნახატავი წმიდანების სურათებით, ახალია, 1864 წ.
შესრულებული, რაც მტკიცდება მხედრულის წარწერით:
ჩყჲდ-სა წელსა აგვისტოს შვიდსა აღემართა კანკელი ესე
ამავ ეკლესიის საკუთრებისაგან.
შესავალი აქვს ეკლესიას სამხრეთით და დასავლეთით; კარის ჩუქურთმიანი
შემკობილობა მხოლოდ სამხრეთის მარჯვნივ არის შენახული; ფანჯარა სულ ოთხი
აქვს, თითო აღმოსავლეთით და დასავლეთით, თითო საკურთხეველში და
სადიაკვნოში; საკურთხევლის ფანჯრის ქვემოდ, ეკლესიაში, ღრმა უბეა, გარდა ორი
პატარა ნიშისა, მარცხნივ და მარჯვნივ ფანჯარისა. ტრაპეზი ქვისაა, ხუთ ქვისავე
პატარა სვეტებზე დამყარებული. მახლობლად ეკლესიისა მოიპოვება პაწია ხის
სამრეკლო, ოთხს სვეტზე დამყარებული (ფ. № 17395).
როდესაც აკადემიკოსმა ბროსემ ინახულა ეს ეკლესია 1848 წ., მას ადგილობრივ
ცნობას მისცეს, რომ ეკლესია აშენებულია ოტია დადიანის მეუღლის გულქანის მიერ;
ხოლო შემდეგ აიკლო იმერეთის მეფემო (Rapp. IX, 33-34). ეს ცნობა მართალი უნდა
იყოს, ყოველ შემთხვევაში, ეკლესია მეთვრამეტე საუკუნის უნდა იყოს; ოტია
დადიანიც (1728-1744), ბეჟან პირველ დადიანის შვილი იყო, ხოლო მისი მეუღლე
რაჭის ერისთავის შოშიტა მესამის ქალი, ცოცხალი იყო ჯერ კიდევ 1761 წ. (იხ. ჩემი
„არხ. მოგზ.“, 2, გვ. 116).

სიძველენი მცხეთის ეკლესიისა.

1. თავი ხატი წმიდა გიორგისა, დიდი, 90,5X55 სანტ. (ფ. №16779), ოქროთ
დაფერილი ვერცხლისა, ნაჭედი, ქართულის ხელობისა. ერთობ დაზიანებულია; წმ.
გიორგი ფეხზე მდგომარე, გმირავს შუბით გვირგვინოსან მეფეს (დეოკლეტიანეს);
თავის წრე შემკობილია 12 ძვირფასი ქვით, ლალებით და ქარვებით; წარწერა
ხუცურია; მთვრ მწმ : მცხთ[ისა]. ისტორიული წარწერიდან, რომელიც ალბათ ქვემოდ
იყო, ეხლა მხოლოდ ნატეხია შუაში მიკრული:
(ე)ქმნ წ-ე ძესა :
: დღესა : მას დ
(დსა) ც-დვგნკით . . .

აშიები შემკობილი ყოფილა რომბ-ლურსმული ორნამენტით, შიგ დატანებული

მედალიონებით და ფირფიტებით წმიდანებისა, ქვემო და ზემო ფირფიტები
მერმინდელია; მარჯვენა აშიაზე, სხვათა შორის, მთავარ ანგელოზია წარმოდგენილი,
სრული ტანით. ზემო აშიაზე, მარჯვნივ, ყოფილა პატარა სიმრგვალე (როზეტკა),
ქვებით შემკობილი; ქვები დაკარგულა.
ხატი უნდა ეკუთვნოდეს მე-15-16 საუკუნეს.

2. ხატი მაცხოვრისა, ვერცხლისა, ნაჭედი, ქართული ხელობისა, 86X28 სანტ.

მაცხოვარი მაკურთხეველის ხელით ტახტზე მჯდომარეა, მაგრამ ტანი, წელს ზევით,
უმეტეს ნაწილად მოშლილია, აგრეთვე თავის წრეც; წარწერა სახელისა ბერძნულის
ასოებით არის. აშია, რომბ-ლურსმული, უშნო ორნამენტით არის დამზადებული და
მოყვითლულია. ხელობა მდარეა, მე-17-18 საუკუნისა, (იხ. 16774).

3. ჯვარცმის ხატი, ოქროთი დაფერილი ვერცხლისა, 30,5 X22 სანტ.

წინამდგომებით, მარიამით და იოანე მახარობელით, რომელთ წარწერებიდან
მოსჩანს მხოლოდ: „და ღთ – მჴრბლ“. ჯვარცმის ზემოდ ბერძნული ასოებით ქრისტეს
სახელი; მარჯვნივ და მარცხნივ მედალიონებში მთავარ ანგელოზნი, წელსზევითნი;
ზემოდ წარწერა : ჯვარცმ : ქრსთსი . აშია რომბ-ლურსმულია. საზოგადოთ ხელობა
ისეთია, როგორც წინა ხატისა და ერთი და იმავე ოქრომჭედელის ნახელავი უნდა
იყოს. ჯვარის ქვემოდ ადამის თავია. ხატი მე-17-18 საუკ. უნდა იყოს. (№ 16775).

4. ხატი წმ. ბასილისა, ოქროთი დაფერილი ვერცხლისა, 28X13,5 სანტ. მშვენიერი

ხელობისა; ბასილი წარმოდგენილია სრულის ტანით, სამღვდელ-მთავრო
ტანისამოსით; მარჯვენა ხელით აკურთხებს, მარცხენაში სახარება უჭირავს; წარწერა
ლამაზი ბერძნული ასომთავრულით; „ჰო აგიოს ბასილიოს“. აშიები შემკობილია
ბროწეულის ყვავილების მსგავსი ორნამენტებით და მედალიონებით წმიდანებისა,
ბერძნულის წარწერებით სახელებისა: ზემოდ: ვედრება; ქვემოდ: წ-ა გიორგი წ-ა
დიმიტრი და წ-ა თეოდორე; მარჯვნივ; წ-ა ნიკოლოზ და წ-ა იოანე ოქროპირი;
მარცხნივ: გრიგოლ დიდი და იოანე ღვთის მეტყველი (№16776). ხატი არის
ბერძნულის ხელობისა, მე-12-13 საუკ.

5. ვეებერთელა ხატი მთავარ ანგელოზ მიქელისა, წამლით ნახატი ხეზე, 135X92

სანტ. ფართო თავის წრე ოქროთი დაფერილის ვერცხლისა, შემკობილი ბროწეულის
ყვავილების მსგავსი ორნამენტებით (№16773). მთავარ ანგელოზს მარჯვენა ხელში
უჭირავს მახვილი; მარცხენაში - სიმრგვალე, ასომთავრული წარწერით : წ-ა არს, წ-ა
არს, წ-ა არს ო-ფლი. ზემოდ ხლართული ანუ შეწვნილი ასომთავრულით:
მთავარანგელოზი მიქელ. აშიები ვერცხლისაა, რომბ-ლურსმული ორნამენტით
შემკობილი. ხატი მე-16 საუკუნის უნდა იყოს.

6. ჯვარი საწინამძღვრო, ოქროთი დაფერილი ვერცხლისა, ხეტარზე, რომელიც

ვერცხლით არის შეჭედილი და მოჩუქურთმებული. თვით ჯვარის წინა პირზე
გამოსახულია მოტლანქოდ ჯვარცმა; ზემოდ და ქვემოდ მედალიონებში – მთავარ
ანგელოზები: მ-ქ . გ-ლ:. მარჯვნივ და მარცხნივ ჯვარცმისა: დ-და ღ-თს: წ-ჲ ი-ვნე
მხრბლ. ჯვარცმულის ზემოდ ჯვარისავე წრეში სწერია: ქ მეოფე ორიათა. ამას ზემოდ
არის გამოსახული მზე და მთვარე. წარწერები ყველა ასომთავრულია. ქრისტეს სახე
დაზიანებულია. დიდი ვერცხლის ბურთი, რომელზედაც ჯვარია დაპყრობილი,
შემკობილია წმიდანების სურათებით (ფ. № 16778). ჯვარის ზურგზე ასომთავრული
წარწერა ლიტერატურაში უცნობია (ფ. №16777). წარწერა საზოგადოდ კარგად არის
შენახული, მაგრამ ზოგიერთი სიტყვები ერთობ შემოკლებულია და მათი გახსნა არც
ისე ადვილია, მაგრამ ცდა მაინც საჭიროა:
ქ ჵოი : შენ : ყლ
თა : არსთა :
: შმ-ქდ : ქ-ტე :
: ძ- : ღ-საო : რნ :
თავს იდ
ევ : სიკდლ
თა : სიკ-ლი : დდრ
გებიე : ჩენებრთა : ც-დვილთათვნ
რმ-ნი : შ-ნითა : ოხითა : შევედრნენ : ჩ
10. ვენ : ცა : უღისნი : დიდითა : სასებითა :
მხ-ბის : შ-ნისა :
შეხოეწილნ :
მ-მკბნი : შ-ნი
ს ხტსნი დნი
15. კლაოზსც მე
ხდ მმაგებელ
წ-ე შნს : კხი : და
რიშ : და : ასლი : ჩ-ნი
დ-ფი : მმცმთხვთ
20. მოწყბ[თა] შნთ : აქა : დ
მ-ს : დიდს : დ-ღს : წ-ე : შ-ნს : გ-კვ
სასსა :.
 უქარაგმოდ ტექსტს ჩვენ ასე ვკითხულობთ:
ქ ჵოი შენ, ყოველთა არსთა შემოქმედ(ო) ქრისტე, ძ(ეო) ღმრთისაო, რომელმან
თავს იდვა სიკუდილითა სიკუდილი(ს) დადრგუნებაიე(?) ჩუენებრთა
ცოდვილთათვინ. რომელნი შენითა ოხითა შეივედრნენ, ჩვენცა უღირსნი, დიდითა
სასოებითა მეოხების(ა) შენისა შეხუეწილნ(ი), მამკობნი შენის(ა) ხატისანი და
ნიკოლოზისაც(ა), მეოხად მომაგებელ(ნი) წინაშე შენს(ა), კახი დარიშ და ასული
ჩუენი დაფი, მიმცაამთხვიეთ მოწყალებითა შენთ(ა) აქა და მას დიდს(ა) დღეს(ა)
წინაშე შენს(ა) განკითხვისასა.
ჩვენგან გადმოღებულ სურათზე ამ წარწერისა (ფ. № 16777) თავში პირველი ორი
ასო „ქ ჵ“ არ სჩანს, მაგრამ ნამდვილში მოიპოვება. ამას გარდა, პირველი სიტყვა
ზედმეტი ასოებით არის გადმოცემული. საკმარისი იყო მარტო ჵ, რომ წაგვეკითხა
ჵოი, შემოკლების ნიშნები, პატივი წესიერად არ არის ნახმარი; ზოგი შემოკლება
უპატივოდ არის დატოვებული. ბოლო ასოები ზოგიერთი სიტყვისა ხშირად
გამოშვებულია; ასო ჳ მაგიერ ვ-ნია ნახმარი სიტყვაში „ცოდვილთათვინ“ (სტრიქონი
8), რომელიც თავის თავად ვულგარიზმს წარმოადგენს; უნდა ყოფილიყო
„ცოდვილთათჳს“. ასო ო-ნი ნახმარია უ-ს მაგიერ სიტყვაში „შეხუეწილნი“ (სტრ. 12).
ჯგუფი: დადრგებიე (სტრ. 7-8) ძნელი ასახსნელია; ჩვენი წაკითხვა სავარაუდოა. სხვა
საცილობელ სიტყვებზე აქ აღარ შევჩერდებით; შევნიშნავთ მხოლოდ, რომ კახი,
დარიშ და დაფი, შეიძლება არიშიანთა გვარს ეკუთვნოდენ, რომელნიც „ქართლის
ცხოვრება“-შიც იხსენიებიან (არიშიანი ბარამ და ქავთარ, (H.G.I.pp.356). ჯვარი მე-16
საუკ. უნდა ეკუთვნოდეს.
დასასრულ უნდა შევნიშნოთ, რომ აკად. ბროსე არც ამ ჯვარს და არც ერთს ჩვენ
მიერ განხილულ ხატებს, გარდა პირველისა, არ იხსენიებს (Rapp. IX, 33-34).
ლეჩხუმის მცხეთის ეკლესიის შესახებ ჩვენ ხელთ არის: გარდა ნაჩვენები
ფოტოგრაფიებისა, გეგმა ეკლესიისა, განის განაკვეთი და დასავლეთის ფასადი.

ცაგერი (1)

ცაგერის საკათედრო ტაძარი, საჯდომი ცაგერელი ეპისკოპოზისა, განუახლებიათ

მეცხრამეტე საუკუნის მეორე ნახევარში და ამით მას დაუკარგავს თავისი ძველი სახე.
ეკლესია ყოფილა სიონური ანუ ბაზილიკური რიგისა, სამ ნაოსად დაყოფილი, ოთხი
ოთხკუთხედი ქვის სვეტებით და მათი მრგვალი კვარცხლბეკებით. საკურთხეველი
ეხლა შიგნით ერთია, მომრგვალებული, მაგრამ გარედ გამოდის სამი
მომრგვალებული სახით. წინეთ ალბათ სადიაკვნე და სამკვეთლო შიგნით
გამოყოფილი იყო. შესავალი აქვს ეხლა დასავლეთით, სამხრეთით და
ჩრდილოეთით. ერთად ერთი საუკეთესო სიძველის ნაშთი შერჩენია სამხრეთის კარს,
რომლის ჩუქურთმიანი ჩარჩო ერთობ საუცხოვო ნახელავია (ფ. №17383, წარწერა
ერმაკოვის ფოტოგრაფიაზე ამ კარს შეცდომით ლაბეჭინის კარად ხადის).
აღმოსავლეთით და დასავლეთით ეკლესიას აქვს სამ-სამი ფანჯარა, ჩრდილოეთით
________
1 ლიტერატურა ცაგერის შესახებ: M. Brosset, Voyage arch. Rapp. IX, pp 35-88. დ. ბაქრაძე: კავკაზ ვ
დრევნიხ პამიატნიკას ხრისტიანსტვა. გრ. უვაროვა: მატერიალი პო არხ. კავკაზა, X, გვ. 49, 90, 112, 182.
ა. ხახანოვ, იქვე: პრილოჟენიე, გვ. 32-33, თ. ჟორდანია: ქრონიკები, II, გვ. 465, 475
და დასაველთით ორ-ორი. ამას გარდა კიდევ კარების თავში პატარა ფანჯრებია.
დასაველთის შუა ფანჯარაზე სამი შეერთებული ქვის ჯვარია გამოსახული. ტაძარი
მოქცეულია მაღალს ქვის გალავანში, რომელიც შემდეგ დროში შეუკეთებიათ.
გალავანს გარეთ მოიპოვება ნანგრევი ორ-სართულიანი ქვის საეპისკოპოსო სახლისა.
როდესაც დ. ბაქრაძემ 1867 წ. ინახულა ტაძარი, შიგნით კიდევ მოჩანდა
დაზიანებული ფრესკები და მათ შორის სახე თამარ დედოფლისა და მისი შვილის
გიორგისა. წარწერები: „თამარ“, „გიორგი“, მაშინ ჯერ კიდევ იკითხებოდა. ეხლა
ფრესკების ნაშთი სულ აღარ სჩანს. ეკლესიის განახლება იმ თავითვე დაწყებულა და
დამთავრებულა 1871 წ. ამის შესახებ მოიპოვება მხედრული ვრცელი წარწერა
ჩრდილოეთის კედელზე, საკურთხევლის მახლობლად:

ტაძარი ესე ცაგ. მონასტრისა, რომელიც 1823 წ. იყო

სამიტროპოლიტო და ამა წ-გნ ეკლ. არის საარხიმანდრიტო
მონასტერი განახლებულ არს სიძველისაგან 1866 წლ-დ.
1871 წ-მდე დიდ ძალის შემწეობითა უგანათლებულესისა
მენგრელიის კნიაზის ნიკოლოზ დავითის ძისა და დედისა
მისისა უგანათლებულესისა მთავრინა ეკატერინა ალექსანდრეს
ასულისა წარსამართებელად მათდა, მეუღლისა მისისა და ძეთა
და ასულთა მათდა, ეგრეთვე სხვათაგანცა ლეჩხუმის ვეზდის სამღდილოთა
თავად-აზნაურთა უმეტესად თ¯დთა ჩიქოანებთაგან. და გლეხთა და მრევლთა
ცაგერ-გვეროს სოფლისათა, მზრუნველობითა მყოფის იღუმნად აწ მყოფისა
არხიმანდრიტისა ამა მონასტრისა ბესარიონ გრიგოლის ძისა
ახვლედიანისა და დეკანოზის ლავრენტი პავლეს ძის ნემსაძისათა და
თანამშრომელობითა მღვდელ-მონაზვნებთა იოანე, ანტონ და ლუკასითა და ა¯ზის
ბესარიონ ნემსაძისათა. წარვაწერე არხიმანდრიტმა ბესარიონმა 1880 წ.
კანკელის ეკლესიისა 1786 წ. აგებული, შემდეგ დროში განუახლებიათ, მაგრამ
მხედრული წარწერა, რომელიც უნახავს ბროსეს და არ გამოუცია (Rapp. IX, 37),
დაცულია და ჩვენ აქ მოგვყავს:
ეჰა შენ ცათა უმაღლესო სერაბიმთა და ქერაბინთა უაღმატებულესო.
უწმინდესო დედოფალო ცაგერის ღ-ის მშობელო მეცვა-ფარვათა შენთა
მონდობილმან სასოებისა ჩემისა შენ ზ-ა დამდებმან ფ-დ ცოდვილმან
ყ-დ სამღუდელომ ცაგ. მიტ. სოფრომ გიძღვნე მცირე ესე მწვლილი
შესაწირავი გაგიკეთებინე კანკელი ცოდვილისა სულისა ჩემისა საოხად
და ხელმწიფისა ჩ-ნისა დადიანის კაცისა დედოფლის ანნას სადღეგრძელოდ
ძეთა და ასულთა მისთა აღსაზრდელად ვინ ნახოთ ღ-ის სიყარულისათჳს
შენდობას ბრძანებდეთ ჩ-ნთჳს. ქრისტეს აქეთ ჩღპვ-სა წელსა – 786.
შემდეგ მიმატებულია:
განახლებულ არს კანკელი ესე საშუალობითა კეთილმნებელობითის შესაწი-
რავისათა მართლმადიდებელთა ქრისტიანეთაგან წინამძღვრის ამა მონასტრის
იღუმნის ბესარიონისიგან 1875 წელსა შ-ა.
ბროსეს დროს სამხრეთის საუცხოვო ნახელავ ურთხმელის კარზე ყოფილა ხუცური
წარწერა, რომელიც განგებ ამოუფხეკიათ და დარჩენილა მხოლოდ შემდეგი:
. . . ვინცა შენდობასა ბრძანებდეთ, თქვენცა შეგინდოს ღმერთმან.
 ალბათ ამ წარწერას უჩვენებს დ. ბაქრაძე, როდესაც ამბობს, რომ ცაგერის
ეკლესიის შესავალთან, ურთხმელის კოჭზე, დაცულია ბოლო წარწერისა, რომლის
დასაწყისი განგებ წაშლილია, ამბობენ დავით დადიანის ბრძანებით, ისე როგორც
მარტვილის მონასტერში, ვინაიდან წარწერა უჩვენებდა მის შთამომავლობას ღარიბი
გორდელი აზნაურის ჩიქოვანისაგან. მარტო ამის გახსენება, როგორც ირწმუნებიან,
მას სიწითლეს გვრიდაო.

სიძველენი ცაგერის ტაძრისა.

1. თავ განძს ცაგერის ეკლესიისა შეადგენდა დიდი საწინამძღვრო ჯვარი იშხანის

ტაძრისა, 973 წელს გაჭედილი. ჯვარის წარწერები ცნობილია ბროსეს დროდან და მას
თარიღი ჯვარისა ჯეროვნად აქვს ნაჩვენები (Rapp .IX,p. 35-36). წარწერებს იმეორებენ
თ. ჟორდანია (ქრონიკები, 1, გვ. 91-92) და ა. ხახანაშვილი (მატერ. X, დამატება, გვ. 32-
33). უკანასკნელი წარწერის თარიღს „რჟგ“ შეცდომით უფარდებს 1033 წელს და არა
973 წელს, როგორც ნამდვილშია. გრაფინია უვაროვისა იმავე გამოცემაში (გვ. 90)
იმავე ქორონიკონს მე-14 მოქცევისად ხადის და ჯვარის გაჭედას 1505 წელს მიაწერს.
ჩვენ ჯვარის ორივე მხარე გადმოვიღეთ ფოტოგრაფიულად, დიდის ფორმატით, (№
16787-16788). ეს ახლა განსაკუთრებით ბედნიერებად უნდა ჩაითვალოს, ვინაიდან
ჯვარი პირვანდელი სახით ამჟამად აღარ არსებობს; ის განადგურებულია. აი რას
სწერს პროფესორი გ. ჩუბინაშვილი ამის შესახებ თავის სტატიაში: „973 წლის ჯვარი
იშხანიდან“: „1930 წ. 10 ივლისს, ღამით გასტეხეს და გაძარცვეს ძველი ქართული
ხელოვნების მუზეუმი, დაარსებული ამ რამოდენიმე წლის წინათ ტფილისის
სახელმწიფო უნივერსიტეტის ხელოვნების მეცნიერების კაბინეტთან. ჩვენი ძველი
ხელოვნების დაზარალებულ სხვა ძეგლთა შორის, როგორც ჩანს, სამუდამოდ
დაიღუპა ამ წერილის სათაურში დასახელებული, 973 წლით დათარიღებული,
განსაცვივრებელი ძეგლი ოქრომჭედლური ხელოვნებისა. ვამბობ: „როგორც ჩანს
სამუდამოდ დაიღუპა“, რადგან გაძარცვის შემდეგ – მიუხედავად ენერგიული
გამოძიებისა – აღმოჩენილ იქნა მხოლოდ ძეგლის საცოდავი ნამტვრევები, რომელთა
სურათები ქვემოთ იქნება მოყვანილი“ (იხ. „საქართველოს მუზეუმის მოამბე“, VI, გვ.
297). გ. ჩუბინაშვილის საყურადღებო სტატიაში ჯეროვნად და ამოწურვით
გაშუქებულია დიდი მნიშვნელობა და მხატვრული და ტექნიკური მხარე ამ ჯვარისა;
აგრეთვე სრულიად მოყვანილია წარწერებიც. ამიტომ ჩვენ ჩვენი სტატიის
სისრულისათვის, მცირედ შევეხებით აღწერას და უჩვენებთ წარწერებს.
ჯვარი შესდგება ორი ნაწილისაგან, თვით ჯვარისაგან და ხეტარისაგან,
რომელზედაც თავის სახელურით ჯვარი გამაგრებულია. ხეტარი შევერცხლილია და
შემკობილი სამი ბურთით და ცილინდრული რგოლით. ბურთები
მოჩუქურთმებულია. ხეტარი გაუკეთებია ცაგერელ მიტროპოლიტს სოფრომს, რაც
მტკიცდება მხედრულის წარწერით:
ქ. ამ ჯვარის მადლო შე-წიე სოფრ-მს
ცაგერელ მიტროპოლიტს.
ეს ის მიტროპოლიტია, რომელსაც გაუკეთებია 1786 წელს ცაგერის ტაძრის
კანკელი, როგორც ეს ჩანს ჩვენ მიერ ზემოდ მოყვანილ კანკელის წარწერისაგან.
თვით ჯვარი ვერცხლისა, ოქროთ დაფერილი, 51X36,5 სანტ., ნაჭედი, ერთობ
მდიდრულად შემკობილია პალმეტებით, როზეტებით ანუ მედალიონებით,
ძვირფასი ქვებითურთ შიგნით, და გამშვენებულია ოქროთი დაფერვით, სევადით,
გრავიურით და ჭედვით და სხვა და სხვა სახეებით. წინა პირზე, შუაში,
განსაკუთრებულ უბრალო ჯვარზე ჯვარცმულია გამოსახული სულ სადათ,
საზოგადო კონტურით, უმოძრაოდ; თავზე ჯვარცმულისა ჯვარის მსგავსი ფიცარია
ასომთავრული წარწერით:
ესე / იჳ/ მ-ფჱ/ ჰრ-თჲ.
ჯვარის ჰორიზონტალური მკლავის ქემოდ აგრეთვე ასომთავრულით:
იშხნ-სთ-ს ი-ლნ შ-ქმნა ვინ გმ- ჴს შ-მცაჩ-ნბ-ლ არს –
იშხნისთჳს ილარიონ შექმნა. ვინ გამოაჴუას, შემცაჩვენებულ არს.
ბოლოში გაფართოებული ჯვარის მკლავები თავდება წვეტებით და წვეტებზე
ლამაზ ნახელავი პალმეტებია. პალმეტები ცალკეა დამზადებული და შემდეგ
შეერთებული წვეტებთან. ოთხი მათგანი მოცილებულია ჯვარს და შეკვეთების დროს
ტლანქად მიუკრავთ, რაც აშკარად სჩანს სურათზედაც. ჯვარის ქვემო მკლავს
პალმეტები არ ჰქონია; ყველა მკლავები ჯვარისა შემკობილი ყოფილა საუცხოვო
ნახელავი როზეტებით სხვა და სხვა ფორმისა. როზეტები შემკობილია ძვირფასი
ქვებით და მარგალიტის მძივებით შიგნით და გარედ, ზოგჯერ ორმაგით. სულ ეხლა
13 როზეტი მოსჩანს: ხუთი ზემო მკლავზე და ოთხ-ოთხი მარჯვენა და მარცხენა
მკლავებზე; ძვირფას ქვებთა შორის ერთი დიდი ჯვარცმულის წარწერის ზემოდ
ამეთვისტოა; სხვები საფირონებია და ზურმუხტები, ბუდეებში ჩასმულნი.
ჯვარცმულის ფიცრის ქვემოდ როზეტი არ შენახულა და აქ შემდეგ, ალბად
შეკეთების დროს, უშნოდ ჩაუსვამთ სამი ქვა, ორი ზურმუხტი და ერთი ლალი. ამ
ადგილას ჯვარი გატეხილი ყოფილა და შეკეთების დროს გაუმაგრებიათ ორი
ვეერტიკალური ლითონის ზოლით და ამას ქვემოდ მოთავსებულია ასომთავრული
წარწერა შემკეთებლისა (ნიშნებად ვტოვებთ მარტო ორ-ორ წერტილს):
ჩ-ნ : მე ჩუენ მე-
ფეთ მეფ ფეთ მეფე-
ემნ : პატრონმ ნ :
- ემან, პატრონმან
გ ი : მეორედ : გვკ
- გიორგი, მეორედ გავაკ-
ეთედ : ჯ რი : ესე : წ რ
- - ეთედ ჯუარი ესე წარ-
ს მრთებელდ: მეფო
- სამართებლად მეფო-
ბისა : ჩენისათვის : დ ბისა ჩუენისათვის და
ც დვთა : ჩნთ
- ცოდვათა ჩუენთ-
ა : შესნდო ა შესანდო-
ბელად : ბელად.
ა ნ.
- ამინ.

ამ წარწერაში მოხსენებული მეფე გიორგი უნდა იყოს იმერეთის მეფე გიორგი

მესამე (1605-1633).
ზურგს ჯვარისა ამშვენებს ჩამოსხმული ლითონის ჯვარი, რომელიც ერთ და იმავე
დროს ამაგრებს მთელს ჯვარს და მასთან მის დამაშვენებელ სამკაულსაც შეადგენს
თავის სილამაზით და წვეტებიანის ბოლოებით. თავისუფალი არეს მორთულობა
აქაც იმ სახის და ფორმის არის, როგორც წინა პირზე. ჰორიზონტალურ ნაწილზე
ჯვარისა მოიპოვება ასომთავრული წარწერა.
ზემოდ:
 ქ. ძელო ცხ-რბსო წ-ნმძღ-რ და მფარვ-ლ ექმ-ნ ილ-ნ ებკპ-სა

ქვემოდ:

ქ-ე ად-ნ მფ-ნ ჩ-ნი და ერი მ-თი დაიფ-რე :.

კიდეებში ამავე ნაწილისა ვერტიკალურად სწერია:

მარცხნივ:

ქ-რ /ონ /იკ /ო /ნი :.

მარჯვნივ:

ი /ყო /რ-: /ჟ- : / გ-:

უქარაგმოდ:

ქ. ძელო ცხორებისაო, წინამძღუარ და მფარველ ექმენ

ილარიონ ებისკოპოსსა.
ქრისტე, ადიდენ მეფენი ჩუენნი და ერი მათი დაიფარე.
ქორონიკონი იყო რჟბ (=973).

თ. ჟორდანია აქცევს ყურადღებას, რომ მეორე წარწერაში არც ერთი მეფის სახელი
არ არის მოხსენებული, არამედ საზოგადოთ ნათქვამია „ქრისტე ადიდენ მეფენი
ჩვენი და ერი მათი დაიფარე“. ამის მიზეზად თ. ჟორდანია იმას ხდის, რომ იმ დროს
(973წ.) არეულობა იყო (აბხაზეთის სამეფოში) ტახტის მაძიებელთა შორის დემეტრე
და თეოდოსისა და არც ერთი მათგანი ყველასაგან მეფედ აღიარებული არ ყოფილა
(„ქრონიკები“, 1, გვ. 91). ეს მსჯელობა მცდარია. ჩვენი ჯვარი იშხანის ეკლესიისათვის
არის გაკეთებული ტაო-კლარჯეთში და წარწერა იხსენიებს ტაო-კლარჯეთის
ბაგრატიონებს და არა აფხაზეთის მეფეებს. აფხაზეთი მაშინ ცალკე სახელწიფოს
შეადგენდა. ტაო-კლარჯეთი საერთო მფლობელობას წარმოადგენდა ბაგრატიონებისა
და სხვა წარწერებშიაც საერთოდ იხსენიებიან „მეფენი ჩვენნი“, როგორც მაგალითად
ოშკის წარწერებში.
შუა ნაწილი მთელი ჯვარის მკლავისა დაფარული იყო ჩემს დროს, როგორც ეს
ფოტო-სურათზე სჩანს, ფირფიტით, გატეხილი ჯვარის გასამაგრებლად და ამ
ფირფიტას დაფარული ჰქონდა სხვა ასომთავრული წარწერები, რომელთა მხოლოდ
კიდური ასოები მოჩანდა. ეხლა ჯვარის განადგურების შემდეგ, ნატეხებიდან
ფირფიტა აუძვრიათ და გამოჩენილა ორი მერმინდელი წარწერა (მოგვყას ქარაგმების
გახსნით):
პირველი: „სერაპიონ ცაგერელსა, აბაშიძესა, შეუნდოს ღმერთმან, ამინ“.
მეორე: „ნიკოლოზ ცაგერელსა, კუჭიძესა, შეუნდოს ღმერთმან, ამინ“.
 როგორც ირკვევა, ეს პირნი მე-17 საუკ. მოღვაწენი არიან (იხ. იგივე გ.
ჩუბინაშვილის სტატია, გვ. 290; ს. კაკაბაძე, საცაგერელოს გამოსავალის დავთარი,
თბილისი, 1914, გვ. 9-10; მისივე, დასავლეთ საქართველოს საბუთები, №1, გვ. 73).
ბოლოს უნდა შევნიშნოთ, რომ ჯვარი უნდა გამოიცეს იმ სახით, როგორც ჩვენ
გვაქვს გადმოღებული. შემოკლებული სურათები ჩვენი ფოტოგრაფიებიდან, გ.
ჩუბინაშვილის სტატიაში, არ არის დამაკმაყოფილებელი.

2. თავი დიდი ხატი ღვთის მშობლისა ჩჩვილედი. მშვენიერი, ოქროთ დაფერილი

ვერცხლისა, ნაჭედი, 105X85,5 სანტ., ქართულის ხელობისა, ასომთავრული წარწერით
ზემოდ: დ-დჲ ღ-სჲ (ფ. №16789). ღვთის მშობლის სურათი ქართველი ქალის სახეს
მოგვაგონებს. ის ტახტზე მჯდომარეა მუთაქით; ტახტი მდიდრულად შემკობილია,
მაგრამ სახელურები არა აქვს. სკამიც, რომელზედაც ფეხები უდევს, შემკობილია.
თავის წრე, როგორც ღვთის მშობლისა, ისე ქრისტესი გამშვენიერებულია ძვირფასი
ქვებით. ქრისტე ყრმა მარჯვენა ხელით ჯვარს სწერს, მარცხენაში გრაგნილი უჭირავს.
ნაოჭები ტანისამოსისა მოსხოა; აშიები მდიდრულად შემკობილია ბროწეულის
ყვავილების მსგავსი ორნამენტით, წმიდათა მედალიონებით და ძვირფასი ქვებით.
ზემო აშიაზე ვედრებაა (დეიზის) წარწერებით: ი-ჳ ქ-ე, დ-ჲ ღს-ჲ წ- ი ი-ე ნ-თლი,
კუთხეებში მთავარ ანგელოზებია: მ-ქლ, გ-ლ, ქვემო არშიაზე: წ-ჲ კ-ზ (კოზმან); წ-ჲ
დანიელ, წ-ჲ ფ-ლპე; მარჯვენა აშიაზე : წ-ჲ პ-ლ (პავლე ?), წ-ჲ მ-თე, წ- - მ-რ, წ-ჲ ბ-რთ;
მარცხენა აშიაზე : წ-ჲ პ-ე, წ-ჲ ი-ნე, წ-ჲ ლ-კა, წ-ჲ ანდრია. კიდევ უფრო ძველი და
ლამაზი ფირფიტები წმიდანებისა ყოფილა ზემო კუთხეში ხატისა, მარჯვნივ და
მარცხნივ; ესენი ეხლა ერთობ დაზიანებულია და მოსჩანან ზოგიერთ ლამაზ
სახეებთან შარავანდედები და წარწერები: მიქაელ, გაბრიელ, პავლე, მატთეოზ,
(სი)მონ (მარჯვნივ); მარცხნივ: მათე, მარკოზ. წმინდა სიმეონის ფირფიტა და ერთი
სხვა წმიდანისა უადგილო ადგილს მიმატებულია, როგორც მარცხენა, ისე მარჯვენა
აშიებზე, შუაში. ქვემოდ, მარჯვენა კუთხეში არიან წარმოდგენილნი: დამიანე და
[კო]ზმან. მიუხედავად მცირედი დაზიანებისა ხატი საზოგადოთ კარგად არის
დაცული. ჩვენი აზრით, უძველესი საერთო ნაწილი ხატისა უნდა ეკუთვნოდეს მე-13
საუკუნეს, მაგრამ შემდეგ შეკეთებულია მე-15 საუკუნეში.

3. ხატი დიდი მაცხოვრისა, (№ 16794), წელსზევითი, თავი წამლით არის დახატული,

შემოსილია ოქროთი დაფერილი ვერცხლით, ნაჭედი, ქართული ხელობისა, მე-11
საუკუნისა. ქრისტე მარჯვენა ხელით აკურთხებს, მარცხენაში სახარება უჭირავს,
ლამაზი ყდით. ტანისამოსის ნაოჭები მოსხოა; ეზო ხატისა და აშიები შემკობილია
ყვავილოვანი ორნამენტებით, რგვალ წრეებში, ორ-რიგად; ზემო აშიაზე სამი პატარა
მედალიონი მოსჩანს მთავარ-ანგელოზთა, უწარწეროდ; მარჯვნივ და მარცხნივ
ფენგებზე თითო. შიგნით, ხატის ეზოს და აშიას შუა დატანებულ ვერცხლის ზოლზე,
ვერტიკალურად, ჩამოგრძელებულია ასომთავრული წარწერა (ფოტოზე არა სჩანს):

ქ. მცხრო ყლთა დბლთო ადდე შნ მიერითა დბთა ღვთივ

გჳრგჳნოსანი ძლიერი და უძლეველი ბგრტ აფხზთა მეფე
და ყოვლისა აღმოსავლეთისა კურაპალატი და ა-ნ ეყავნ.

შეუმოკლებულად:
 ქ. მაცხოვარო ყოველთა დაბადებულთაო, ადიდე შენ მიერითა
დიდებითა ღვთივ გჳრგჳნოსანი, ძლიერი და უძლეველი
ბაგრატ აფხაზთა მეფე და ყოვლისა აღმოსავლეთისა კუ-
რაპალატი და ამინ ეყავნ.
აქ მოხსენებული ბაგრატ არის ბაგრატ მეოთხე (1027-1072) და არა ბაგრატ მესამე,
როგორც ფიქრობს ა. ხახანაშვილი, (გვ. 32). აქ კიდევ უნდა შევნიშნოთ, რომ პირის
სახე მაცხოვრისა შემდეგ დროშია გაცხოველებული.

4. ხატი მაცხოვრისა, 53X39,5 სანტ. სახე წამლით არის დახატული, მაგრამ

შემოსილია ოქროთ დაფერილი ვერცხლით, ნაჭედი (№ 16790). ეს ხატი გაჭედილი
უნდა იყოს წინა ხატის მიხედვით; იგივე მორთულობა აქვს ნაჭედს, როგორც
პირველს, ხოლო მე-14 საუკუნეს უნდა ეკუთვნოდეს. ორი აშია აქვს; ერთი უფრო
ძველი, მეორე სულ ახალი, რომელიც გაკეთებულია ლავრენტი ნემსაძის მიერ 1875 წ.
რასაც მოგვითხრობს მისი წარწერა, მხედრულად, ქვემო აშიაზე:

მაცხოვრის ხატი ესე განვაახლე ირგვლივ აშიეებით და

თვლების ჩამატებით აზნაურთაგანმა ცაგერის სობოროს
დეკანოზმა და ბლაღოჩინმა ლავრენტი პავლე დეკანოზის
ძემ ნემსაძემ ჩყოე-სა წელსა.

5. ხატი იაკობისი, მაცხოვრის ძმისა, ოქროთი დაფერილის ვერცხლისა, ნაჭედი (№

16796); წმიდანი წარმოდგენილი ყოფილა სრულის ტანით, მაგრამ ქვემო ნაწილი აღარ
შენახულა; მარჯვენა ხელით აკურთხებს, მარცხენაში ჯვარი უჭირავს; წარწერა
ზემოდ მედალიონებში, ჯვარის სახედ, ასომთავრულით: წ-ჲ ი-კბ ძმ-ოფ, ე.ი. წმინდაჲ-
იაკობ, ძმა უფლისა. ეზო და აშიები შემკობილია მშვენიერის წნულის
ხლართულებით, არაბულის რიგისა. ეს შემკობილება სრულიად ისეთია, რომელსაც
ვპოულობთ შემოქმედის მონასტრის მიძინების ხატის კიდობანზე (იხ. კონდაკოვის
და ბაქრაძის „ოპისანიე“, გვ. 125, სურ. 62). ჩვენ სხვა ადგილას გამოვარკვიეთ, რომ ეს
კიდობანი გაკეთებულია, ოქრომჭედლის მამნეს მიერ მე-15 საუკუნეში. ამიტომ ეს
ხატიც მე-15 საუკუნის უნდა იყოს. კონდაკოვის აზრით, შემოქმედის კიდობანი მე-12-
13 საუკუნის არის (იქვე, გვ. 123).

6. ღვთის მშობლის ხატი, ჩჩვილედი, 47X35,5 სანტ., ვერცხლისა, ნაჭედი (№

15791), ასომთავრული წარწერით: დ-ჲ ღ-ჲ. ღვთის მშობელი ტახტზე მჯდომარეა;
ტახტი შემკობილია, მაგრამ ზურგი არა აქვს; ეზო ხატისა სადაა. ხატი უნდა
ეკუთვნოდეს მე-15-16 საუკუნეს. აშია ახალია, 1865 წ. გაკეთებული მღვდელ მონაზონ
ლუკას მიერ; გამოხატულია მხედრულ წარწერაში, ზემო აშიაზე; წარწერა სურათზე
არ გამოსულა:
[მე] ფ-დ ცოდვილმან და ღვთივ მონამან ცაგერის მონასტრის
იკონომოსმა მღვდელ-მონაზონმა ლუკამ განვაახლე ხატი ესე
ღვთის მშობლისა რომელსაც არა აქვნდა გარშემო აშია და
ჩემი საკუთრების ფულითა გავაკეთებინე სულისა ჩემისა საოხად
ჩყჲე-სა წელსა აგვისტოს კდ დღესა.
 7. ხატი წარმლით დახატული მთავარ დიაკონის სტეფანესი. ქართული ხელობისა.
მე-18 საუკუნისა.

8. ხატი დიდი ღვთის მშობლის მიძინებისა, 106X78 სანტ., ვერცხლისა, ნაჭედი;

შემოწირულია 1849 წ. დავით დადიანის და მისი მეუღლის ეკატერინეს მიერ,
როგორც მოგვითხრობს მხედრული წარწერა:
მე მთავარმა დავით დადიანმა და მეუღლემან ჩემმან
ეკატერინა ალექსანდრეს ასულმან შევამკეთ ხატი ესე
და დავასვენეთ ჩვენს მონასტერში ცაგერს 1849-სა წელსა:

9. ჯვარი ათონურის რიგისა, ხისა, ვერცხლით შემოსილი 22X8,2 სანტ. ტარი

მინანქრიანია და ზედ ბერძნულად აწერია: მაკარიუ იერო მონახუ კაი აგიუ ტაფი
ტუ... (იხ. ფოტო. №16792 -16793).

10. ასეთივე ჯვარი, უფრო პატარა; ქვემოდ ტარზე უწერია ბერძნულად:

გრიგორიუ იერეო... მეორე გვერდზე ეტყობა წარწერა, რომელიც ვერ გავარჩიეთ (იქვე,
ფ. № 16792-16793).

11. ჯვარი ათონური რიგისა, ქართულის ხელობისა; შეძერწილია ფილიგრანული

(წნული) ვერცხლის შემკობილობით; წარწერა არა აქვს (სამივე წინა პირი №16792,
მეორე პირი - № 16793).

12. სამწერლობელნი წყვილი, ვერცხლისა; ერთზე მხედრულად აწერია:

სერაფიმ ბარძიმი ჩყიდ ცაგერის ეკლესიის.
მეორეზე:
ხერუვიმი ფეშხუმის ცაგერის ეკლესიისა (იხ. ფ № 16795).

13. საცეცხლური ვერცხლისა, ლამაზი ქართული ხელობისა.

14. ორი დიდი სანთელი (შანდალი), სპილენძისა; ერთზე აწერია:

ბატონიშვილი ნინოსია.

15. საიაზმე ვერცხლისა, მხედრულის წარწერით:

საიაზმო ესე გჭდნე ცაგ. მტ-რსთვის თავსახურავიანათ
ძველთა ხმარებისაგან გასრულთა ვერცლებთაგან ამავე
მონასტრის და ეკვდრისთა 1872 წ. ი-ღნი ბესარიონ ახვ-
ლედიანი.

16. წურწუმა (ხელსაბანი) ყვითელი სპილენძისა, შემკობილი სპარსული რიგის

მინანქრიანი სიმრგვალეებით (დრობნიცებით).

17. ასეთივე მასალის და მორთულობის „ტაშტი“.

 18. ორი ლომი; ერთი ტყვიისა, მეორე „ცინკისა“. ერთზე აწერია მხედრულად:
წინამძღვარი ნიკოლოზ.

19. სარტყელი ოქროს და ვერცხლის ძაფით მოქარგული; ბალთები შემკობილია

ზურმუხტებით და ლალებით.

20. საფლავის გადასაფარებელი წითელი ფარჩისა, მოქარგული ოქრო და

ვერცხლის ძაფებით (ფ. №16801). შუაში სურათი ელისაბედისა, კაცია მეორე
დადიანის ცოლისა, რომელიც იყო ასული მეფე თეიმურაზ მეორისა და გადაიცვალა
1770 წელს. წარმოდგენილია ქართული შესამოსელით და გვირგვინით, თავის
გასწვრივ ყვავილებია ვაზებით. აშია შემკობილია ფოთლოვანი მოკაზმულობით და
მხედრულის რიტორიულის წარწერით. გადასაფარებელი გაუკეთებია მის დედას,
დედოფალ ანახანუმს. მოგვყავს წარწერა:
ქ : იგურდივ მორთხმული სიცოცხლის აღმწბის საკმილითა.
საქართველოს მეფის ცხებულის თეიმურაზის
თანამემცხედრე დედოფალი ანახანუმ : ვიწყებ მსმენელნო
მოთხრობად თქვენდა. რომელ მცა საწუთრომა. ურიცხვი
ბედკეთილობა. სიმდიდრე და დიდებანი. ზე-გარდამმატა
უფროს ნილოსისა. მასხა მაშენა ედემსა მაუკვდებრივსა.
ველსა მას საწადილოსა. მიორძა ნერგი მუღაზრით ვარჯოვანი.
აღმწყაზრებით ნაწვართი. ჩემდა სიცოცხლედ სულად ქონებული,
და მჭვრეტთა განსაკვირვოი. ოდიშ ლეჩხუმთ დედფალი. თანამემცხედ-
რე კაცია დადიანისა. სახელმზიანი ელისაბედ. დედისა
გულთა გამცხრომი : მაგრა იჩქითად შემახო ბრჭალი საწუთომა.
თვისი თვისადვე უკუნ-ზღვად. მიმიღო დიდება და სიმდიდრე
ჩემი, განმიღამა გუგათა თვალთა ნათელი, და ესდენთა სიხარულთა
და ძვირფასთა უნჯთაგან. ცალიერად მიტევა მწყდარი უსულო:
დედა მტყებარე შვილსა ზედა სასურველსა, რომელი ესე ძნელ ბედმან
მშობელმან მისმან მზისა ჩემისა სახისა წილ. აჩრდილი
ესე მის უებროსა სახისა ვიმუშაკე. მის კიპაროზისა ტანისა
მარღვის სამარისა ლოდისა საბურველად და შვენიერებად,
მხილველნო და მსმენელნო ვაებითა და სიწყალულით
მოგვიგონებდეთ მშობელსა შობლითურთ :
თვესა აგვისტოს ქ-კს უნჱ : ქ-ეს აქეთ ჩღო : 1770.

ეპიტაფიები:

1. ცაგერელ მიტროპოლიტის იოანესი, კაცია დადიანის ძისა :

საფლავსა ამას შინა მდებარე ძე დადიანისა კაციასა ცაგერელ
მიტროპოლიტი და კავალერი იოანე რომელიცა ვმწყესობდა
კეთილთა
2. მწყესობითა სრულიად ლეჩხუმსა და რომელსამე ნაწილსა
სვანეთისა წელსა
კგ და აღვესრულე წლისა მვ წელსა ჩყკბ თვესა დეკემბერ
 3. სა ჱ დღესა შაბათსა ხოლო მყვენ ჩვენ ორთა ძმათა მთავრისა
და მწყემს მთავრისა ამის ჩვენისა იბიტაფისა მხედველნო და აღმომკითხვე
4. ლნო ჩვენზედა მდებარისა ამის ლოდისა მოგვიგონებდეთ რათა თქვენცა მო
მოგიგონებდენ დღესა მას შენდობას ბრძანებდეთ ჩვენთვის რათა
5. თქვენცა შეგინდოს და მეოხ გექმნასთ მადლი ყოვლად წმინდისა სულისა
დღესა მას განკითხვისასა.

2. გრიგოლ დადიანისა, ბროსეს გადმოღებული (გვ. 36-37). ეხლა უფრო

ნაკლებად განირჩევა.
1. საფლავსა ამას შინა მდებარე მთავარი . . .
2. ლანტი დადიანი გრიგოლ, რომელმანცა აღმოვიღე . . .
3. თა ჴელმწიფისა ჩემისა დიდისა როსიის იმპერატორის ალექსანდრე. . .
4. ვინადგან შევავედრე თავი ჩემი საფარველსა მისსა, წარვედ . . . . ხორგად
5. მხედრობა როსიისა მცველად ჩემდა და სამთავროთა ჩემთა. ხოლო ვინადგან
სიკვდილი მპარავი არს
6. მეკვეთა სნეულება რაჲმე და აღვესრულე ლ წლისა. ყოველთა აღმომკითხველთა
შენდობასა
7. ვევედრებით, რათა თქვენცა მოკვდავნი შენდობით იქმნეთ უფლისა მიერ. თვესა
ოკდონბერსა კგ. ქრისტეს აქეთ ჩყდ.

ხელნაწერები:

1. სახარება ქაღალდზე, 18,6X25 სანტ., მოოქრული ვერცხლის ყდით, რომელსაც

სარჩულად ხავერდი უდევს. პირზე ყდისა, შუაში, იესო ქრისტეა წარმოდგენილი;
კუთხეეში მახარობლები.
ტექსტი ნაწერია ნუსხა ხუცურით, წითლურის სათაურებით, ორ სვეტად;
თითოეულ სვეტზე 20 სტრიქონია; აქა-იქ წამლით შესრულებული უბრალო
სათაურის მხატვრობაც არის (ზასტავკები). თავში აქვს წამლითვე შესრულებული
სურათი მათე მახარობელისა (№16805, ფოტოგრაფიაზე შეცდომით ლაბეჭინა აწერია),
წარწერით: მ¯თე. თითოეული სახარების წინ სათაურებია მოყვანილი. იოანეს
სახარების ბოლოს არის ანდერძი გიორგი მთაწმინდელისა. თარიღი არა აქვს.
სახარება მე-17 საუკ. უნდა იყოს.

2. ჟამის წირვა იოანე ოქროპირისა, ბასილი დიდისა და გრიგოლ ღვთის

მეტყველისა, მათის ფერადებიანი სურათებით საკმაოდ ლამაზი ხელობისა, 22,3X17
სანტ., ხის ყდის, რომელზედაც გადაკრულია აბრეშუმის მატერია. ნაწერია ქაღალდზე
ორ სვეტად ნუსხა ხუცურით; თითო სვეტში 18 სტრიქონია; თავში იოანე ოქროპირის
ფერადებიანი სურათია, რომელსაც ქვემოდ უწერია (№16798. სურათზე შეცდომით
ბასილ დიდი აწერია):
ცაგერისა ღვთის მშობელო მეოხ ექმენ დადიანის კაციას
ძეს ცაგერელ მიტროპოლიტს იოანეს რომელმან შამოგწირა
ესე წელსა ქ-ს აქეთ 1798 ჩღჟჱ.
 გრიგოლ ღვთის მეტყველის ჟამის წირვას წინ მიუძღვის გრიგოლის სურათი (იხ.
ფოტ. №16803. ფოტოგრაფიაზე შეცდომით აწერია: ლაბეჭინა, მარკოზ მახარობელი).
ბასილი დიდის ჟამის წირვას წინ მიუძღვის ბასილის სურთი (№16804.
ფოტოგრაფიას შეცდომით აწერია: ლაბეჭინა, ლუკა მახარობელი). აშიებზე რუსული
ლოცვებია დაწერილი ქართულის ანბანით. ხოლო ბოლოს ხელნაწერს დართული
აქვს სია წირვის დროს მოსახსენებელ პირთა მე-18 საუკ. დამლევის და მე-19 საუკ.
დამდეგისა. ეგევე სია ცალკე ამოწერილი მწვანე ქაღალდზე კედელზეა მიკრული
ტაძარში. სია არ არის ისტორიულ მნიშვნელობას მოკლებული და ამიტომ მოგყავს აქ:

ცოცხალნი:

1. ჩიქოანის ასული ევა

2. ბატონის სძალი აბაშიძისა ასული მარიამ
3. წერეთლის ასული ელისაბედ
4. მხევალ ღ¯თისა თინათინ
5. მღვდელი დავით ჩიხლაძე
6. მონა ღთისა ფრიდონ
7. მხევალი ღთისა ელისაბედ
და ბაქრაძის ქალი ირინე

მიცვალებულნი სამღვდელონი:

8. ცაგერელი მიტროპოლიტი იოანე

9. მიტროპოლიტი ანტონი
10. ხინოწმინდელი იოანე
11. არხიმანდრიტი ნიკოლოზ
12. მღვდელ-მონაზონი ამბროსი
13. მღვდელ-მონაზონი ვასილ
14. მღვდელ-მონაზონი ბესარიონ
15. წინამძღვარი თეოდოსი
16. წინამძღვარი სიმონ
17. წინამძღვარი იოანე
18. მღვდელი დავით და მეუღლე მისი
19. ბერი სერაპიონ
20 მონა ღვთისა გაიოზ
21. წინამძღვარი სერაპიონ
22. წინამძღვარი ნიკოლოზ

მიცვალებულნი საერონი

23. მეფე სოლომონ

24. დადიანი კაცია
25. დედუფალი ანნა
26. დადიანი გრიგოლ
 27. დადიანი გიორგი
28. დადიანის ასული ხვარამზე
29. ერისთავის ასული ანასტასია
30 დადიანის ასული მზე-ხათუნ
31. მიქელაძის ასული მარიამ
32. ყრუაშვილი ხოსია
33. ახვლედიანი სეხნია.
34. მხევალი მღვთისა ასტანდარ
35. მხევალი მღვთისა მაგიჯასპი
36. მხევალი მღვთისა ელენე
37. მხევალი მღვთისა ელისაბედ
38. მხევალი მღვთისა შაქრისახარ
39. წერეთლის ასული ქეთევან
40ასათიანი სპირიდონ
41. წერეთელი ზურაბ
42. დადიანის ასული თამარ
43. წერეთელი გიორგი
44. წერეთელი დიმიტრი
და სამსონ

შენიშვნა: პირველი სტრიქონი და მე-39 მერმინდელი ხელითაა დაწერილი. მე-10

სტრიქონში იხსენიება ხინოწმინდელი ესე იგი ხინოწმინდის ეპისკოპოსი.
ხინოწმინდა არის ქობულეთის მახლობლად, ბათუმს ოლქში.

3. თთვენი, 19X14,5 სანტ., გატეხილი ხის ტყავ გადაკრული ყდით, დაწერილია

ქაღალდზე ნუსხა ხუცურით, ორ სვეტად, წითლურის სათაურებით. ხელი მე-17 საუკ.
არის. ერთ მინაწერში ვკითხულობთ: ღ-ო შ-ე ამის მწერალი ლ-ზარე. მეორე,
მერმინდელი ხელით მინაწერში ვკითხულობთ: ესე თვენი ჭყონდიდელის ანტონის
არის, ღმერთმან ახმაროს სიცოცხლეში და დღეგრძელობაში ამინ. ეს ის ანტონია,
რომელიც მე-19 საუკ. პირველ ნახევარში ცხოვრობდა.

4. მეორე ნაწილი იმავე თთვენისა, მარტიდან აგვისტოს ბოლომდის; იმავე ზომის

და იმავე ხელით ნაწერი, როგორც პირველი. გადამწერი ლაზარე აქაც მოხსენებულია.

5. ლავსაიკონი ანუ მეტაფრასი, in folio, დიდი ფორმატისა. 30X21,5 სანტ.,

ქაღალდზე, ნუსხა ხუცურით, ორ სვეტად, 40 სტრიქონი სვეტზე. სულ შეიცავს 382
გვერდს, შავ ტყავ გადაკრულ ხის ყდაში. ხელი მე-17-18 საუკ. არის.
დასაწყისი:
: თ-ა სეკდენბერსა ჱ საკითხავი თქმული წ-ისა და ნეტარისა
მამისა ჩ-ნისა თ-ე აღმსარებელისა სტიდიელთა
წინამძღვარისა შობისათ - ს ყ-დ წ-ისა და დ-ფლისა ჩ-ნისათ-ს
მშობელისა მ-დის ქლწულისა მრმისა.
 6. კლემაქსი, 62X17 სანტ., დაწერილია ქაღალდზე მხედრულის ხელით,
წითლურის სათაურებით, ტყავ გადაკრული ხის ყდაში, დასაწყისი:
: : ქ : ესე საცნაურ იყავნ ყ-თა რ-ნი იკითხჳდეთ ანუ
სწერდეთ წ-სა ამას წიგნსა წ-ნო ღთისანო . . .
ბოლოში ხელნაწერს უზის ბეჭედი წარწერით: ბესარიონ. ხელნაწერი მე-18
საუკუნის ბოლოს ეკუთვნის.

7. ტიბიკონი იერუსალიმის ეკლესიისა, 21,5X17 სანტ., მხედრულის ხელით,

ხუცურის ნარევით, ტყავ გადაკრული ხის ყდით; გადაწერილია 1766 წ. ტექსტი
თავებად დაუყვია რომელიმე თომას; ბოლოს უწერია:
აღიწერა ტვიბიკონი ესე : თ-ა სეკდემბერსა რიცხვსა :
კა : ქ-ეს აქეთ ჩღჲვ : : ღ-თო შ-ე მმუხვლი (მმუხვლელი) ამისი თომა ქ-კს უნდ.
შემდეგ მერმინდელის ხელით:
ცაგერისა ღვთის მშობელო მეოხ მექმენ მონასა შენსა
ცაგერელს დადიანის ძეს და კავალერს იოანეს ქ-ეს აქეთ
ჩყა 1801 ქრონიკონს ჳპთ.
დასაწყისი:
ტიბიკონი რომელ არს ქცევა და წესი ეკლესიათა განგებისა
წი-სა იერუსალიმისა ლავრისა ღირსისა და ღ-თივ შემოსილისა
მამისა ჩვენისა საბასი.
შემდეგ ლექსია მოყვანილი:
ზღვაში მსხდომნი მენავენი ნაპირს განსვლას მოელიან,
ჭირში მყოფნი ლხინს შესულნი წყენას აღარ მოელიან,
კაცნი შორს გზას მიმავალნი, რა შინ მივლენ, არ ელმიან,
დამწყებელნი წიგნისანი განსრულებას მოელიან.

სოფელი ზუბი

სოფელი ზუბი გაშენებულია ასხის მთის კალთაზე, მდინარე ცხენისწყლის

მარჯვენა ნაპირზე. ამ სოფელში ორი ციხის ნანგრევია, ერთი პატარა ცხენისწყლის
ფრიალო ნაპირზე, რომლის ქვემოდ ხის ხიდი არის. ამ ხიდს მიჰყევხართ სოფელ
ოყურეშში. ციხის ნანგრევების სურათი ხიდითურთ, იხ. ფ №17403 და 17404. მეორე
ზემოდ არის მთაზე და სანახევროდ დანგრეულია; ეკლესია ზუბისა ახალია, ხისა,
ხისავე კანკელით, რომელიც აგებულია 1866 წელს, როგორც მოგვითხრობს მისი
მხედრული წარწერა:
აღემართა კანკელი ესე ამავ წ-ის გ-ის ეკლესიასა შ-ა
ერთბამ ამას შ-ა შემავალთა მრევლთა მრევლთაგან მათ-
დამი საკუთრებითა ზ-ა ჩყჲვ-სა წელსა ოკდონბრის იე-სა
ეკლესიაში მარტო ერთი წმ. გიორგის ხატია, ოქროთი დაფერილი ვერცხლით,
ნაჭედი, ტლანქი სვანური ხელობისა, მე-18 საუკუნის ბოლოსა ანუ მე-19-ს
დასაწყისისა (ფ. №16809). წმიდა გიორგი ცხენით არის წარმოდგენილი, ვეშაპს
გმირავს. ზემოდ ასომთავრულით აწერია: წ-ჲ გ-ი. და შემდეგ იმავე ვულგარული
ასომთავრულით:
იოანე ლატალისა შეიწყალე
 ლატალის საზოგადოება თავისუფალ სვანეთშია. მდინარე ენგურის პირად,
მესტიის ქვემოდ.

სოფელი ოყურეში.

სოფელი ოყურეში გაშენებულია ცხენისწყლის მარცხენა ნაპირზე, 20

კილომეტრით ცაგერიდან. სახლები მცხოვრებთა გაფანტულია ხვამლის მთის
ფერდობზე. ხვამლი წყალგამყოფი ქედია რიონის და ცხენისწყლისა. შუა სოფელში
მდებარეობს პატარა ეკლესია წმიდის გიორგისა. ეკლესია აშენებულია შირიმის
თლილის ქვისაგან. ის ჩვეულებრივი ერთნაოსიანი ბაზილიკაა, მაგრამ მისი
საკურთხეველი გარედ გამოდის ხუთ-წახნაგოვნად. სამი ვიწრო სარკმელი
აღმოსავლეთით და თითო ყველა სხვა მხრიდან ანათებენ ეკლესიას. ზეძირკველი
ეკლესიისა შესდგება სამი საფეხურისაგან. ეკლესიას ირგვლივ უვლის ღია დერეფანი
ხის სვეტებზე დამყარებული; ეს შემდეგ არის მიმატებული; დახურულია ყავრით.
ეზოს შემოვლებული აქვს ქვის გალავანი, რომელშიაც დიდრონი ხეები მოიპოვება.
სამრეკლო სულ ახალია, სამსართულიანი; აშენებულია ქართულს რიგზე მშვენიერის
თეთრის თლილის ქვით და შემკობილი ბარელიეფებით ხარის თავებისა (ფ. №17405).
ეკლესიის დასავლეთის კარის ზემოდ, შიგნით, მოიპოვება მხედრული წარწერა,
რომლიდანაც სჩანს, რომ ეკლესია აუშენებია დადიანის ოტიას ძეს გიორგის 1788
წელს.
მხნეო მხედარო შვიდწილ უძლეველ
ო წმიდაო გიორგი მე უღირსი მცირედ ღვაწლი
სა დამდები ეკლესისა შენისა აღშენებისათვის დადიანი
ოტიას ძე ბატონისშვილი გიორგი გევედრები რათა
მეოხ მექმნე მეუღლით ძით და ასულით აქაცა და
მერმესა მას საუკუნესაცა წელსა ქრისტეს. აქეთ ჩღპჱ
: ქ-კს უოვ : ივნის ივ :
სოფ. ოყურეშის ეკლესია მრავალჯერ დაუძარცვიათ, ამიტომ ზოგიერთი მისი
სამკაული სრულიად გამქრალა; უკანასკნელად იგი გაუძარცვავთ 1910 წელს, ესე იგი
რამოდენიმე თვით ადრე, ვიდრე ჩვენ ვინახულებდით. ამ დროს სულ
გაუნადგურებიათ დიდი ხატი წმიდა გიორგისა, ხოლო მეორე დიდი წმიდის
გიორგის ხატის მთელად გაცარცვა ვეღარ მოუსწრიათ, მხოლოდ მოუძარცავთ დიდი
თავის წრე, შემკობილი ძვირფასი ქვებით და ამ დროს დაუზარალებიათ პირისახე და
ყელი წმიდა გიორგისა, რომელნიც მიხაკის ფერის მინის მინანქრით ყოფილა
მოცული: ხოლო ასეთივე მინანქარი შერჩენილა ხელებზე. ეს ხვამლის ხატი ამ
დაზარალების შემდეგაც ერთ საუკეთესო ნივთად ჩაითვლება ქართულის
სიძველეთა. ამ ხატის სიმაღლეა 176 სანტ. ხოლო განი 90. ხატი ოქროთი დაფერილი
ვერცხლითაა ნაჭედი და განიყოფება ორ ნაწილად (ფ. №16810). ზემო ნაწილი უფრო
ძველია, არა უგვიანეს მე-14 საუკუნისა, და წარმოგვიდგენს ვედრების კომპოზიციას
(დეიზის); მორგვალებულის კამარის ქვეშ, შუაში მოქცეულია იესო ქრისტე, ტახტზე
მჯდომარე, მაკურთხეველის მარჯვნით და სახარებით მარცხენა ხელში; აქეთ-იქით
ღვთის მშობელი და იოანე ნათლის-მცემელი, გაწვდილი ხელებით, როგორც
მთხოვნელნი ცოდვილთა შევედრებისა. ამათ სახელების წარწერა ბერძნულად აქვთ.
კამარის გარედ, გასწვრივ, მარჯვენა და მარცხენა კედრით პეტრე და პავლე მთელის
ტანით, ასომთავრული წარწერებით: წ-ჲ პ-ე, წ-ჲ პ-ლე; პირველი კლიტით ხელში,
მეორე – გრაგნილით, რომელზედაც ბერძნული წარწერაა. კამარის ზემოდ, შუაში,
ქრისტეა, წელსზევითი, მიძინების სახით, ოთხკუთხედ მედალიონში და მის აქეთ-
იქით მახარობელნი მრგვალ მედალიონებში: წ-ჲ მ-თე, წ-ჲ მ-კოზ; ხოლო მათ
მოშორებით, კუთხეებისაკენ მთავარ ანგელოზნი მთელის ტანით, ფრთებით და
გაწვდენილ ხელებით და წარწერებით: მიქელ, გაბრ¯ლ. მთელი ეს რთული
კომპოზიცია ერთს ვერცხლის ნაჭერ ფურცელზე არის მოქცეული და ეზო მისი სადაა.
ამ ნაწილზე ხატისა შემდეგ მიკრული ყოფილა სულ პატარა გულსაკიდი ჯვარცმის
ხატი ოქროსი, ბიზანტიურის მილანქრიანი ხელობისა, წინამდგომთაგან ნაკვთი
ღვთისმშობლისა მოძარცულია და დარჩენილია, გარდა ჯვარცმულისა, იოანეს
სურათი. ეს პატარა ხატი, სამწუხაროდ, დაზიანებული და გაშავეული, უფრო ძველია,
ვიდრე ზემოდ ნაჩვენები რთული კომპოზიცია.
მეორე ქვემო ნაწილი ხვამლის ხატისა წარმოგვიდგენს წმინდა გიორგის, ფეხზე
მდგომარეს, რომაულს საომარ ტანისამოსით; მარჯვენა ხელში შუბი უჭირავს,
მარცხენა დადებული აქვს ფარზე; წელზე უკანიდან დიდი მახვილი ჰკიდია. თავი,
როგორც მოვიხსენიეთ, დაზიანებულია, მაგრამ მაინც ემჩნევა ხუჭუჭად განწყობილი
თმა; მარჯვენა კუთხიდან, მომრგვალებულ წრიდან, მოსჩანს იესოს მაკურთხეველი
მარჯვენა. წარწერა გრძელი ასომთავრულით: წ-ჲ გ-ი. ეზო სადაა, მაგრამ აშია ამ
ნაწილისა მრგვალი წრეებით არის შემკობილი და ბალახ-ბულახის მსგავსი
ხლართულებით მათში.
ქვემო აშიაზე მოიპოვება ვრცელი წარწერა ორ სტრიქონად, სანახევროდ წნულის
ასომთავრულით:
1. წ : ჩ-ნ: ღ-თივ : გჳრგჳნოსნმნ : მ-ფეთ : მეფემ-ნ :
ბ-გრ-ტ : და : თ-ა მეცხდრმნ : ჩემნ : დფლთ
დფლმნ : ელნე : ხ-ტი : ესე : წ-ის : გ-ის :
ხოლმისა : მოჭედილ : იყო : პ-ლთა :
მეფე-თგ-ნ : მერმე : ქურდთ ; ეძცევს : მოვიკითხავთ :
და : რაც ვპ
2. ოვეთ : მისი : ნ-ლეწი : სხ-ჲ : ჩ-ნითა : ვერცხლითა :
და : ოქრ-თა : და : ს-ფასითა : მოვჭედეთ :
წრსმრთბლ-დ : მ-ფბისა : ჩნისა : და ძ-თა : ჩ-ნთა :
და : ძეთა : ჩ-ნთ : დ : საოხოდ : ს-ლთა ჩ-ნთ : და:
დავ-სუჱნეთ : წ-ისა : გ-ის : ტძრსა : შ-ა : ქრ-ნკსა :
სკდ : ინდიკტიონსა : მ-ფბსა : ჩ-მისსა : კვ :
უქარაგმოდ:
წ. ჩუენ ღმრთივ გჳრგჳნოსანმან, მეფეთ მეფემან ბაგრატ,
და თანამეცხედრემან ჩუენმან დედოფალთ დედოფალმან
ელენე, ხატი ესე წმიდის გიორგის ხოლმისა მოჭედილ
იყო პირველთა მეფეთაგან. მერმე ქურდთ ეძარცვეს.
მოვიკითხეთ და რაც ვპოვეთ მისი ნალეწი, სხუაჲ
ჩუენითა ვერცხლითა და ოქროთა და საფასითა მოვ-
ჭედეთ წარსამართებლად მეფობისა ჩუენისა და ძმა-
თა1 ჩუენთა და ძეთა ჩუენთა და საოხად სულთა ჩუენ-
 თა და დავასუჱნეთ წმიდისა გიორგის ტაძარსა შინა,
ქრონიკონსა სკდ, ინდიკტიონსა მეფობისა ჩემისასა კვ. 2.
ამ წარწერებში მოხსენებული ბაგრატ მეფე არის იმერეთის მეფე ბაგრატ მესამე
(1510-1548), როგორც სწორედ განმარტა ბროსემ (გვ. 36-37) და არა აფხაზ-ქართველთა
მეფე ბაგრატ მესამე (978-1014), როგორც ფიქრობს ალ. ხახანაშვილი, რომელსაც
შეცდომებით მოჰყავს ეს წარწერა, ბლაღოჩინის გერსამიას მიერ გადმოღებული (გვ.
32). გერსამიას ასლში ბევრად მეტი შეცდომებია, ვიდრე ბროსეს ტექსტში.
ქორონიკონი უდრის 1536 წელს და ამ წელსვე უდრის 26 ინდიკტიონი ბაგრატის
მეფობისა.
ჩვენის აზრით, ზემო ნაწილი ხატისა უნდა ეკუთვნოდეს მე-13-14 საუკუნეს,
ხოლო ქვემო ნაწილი წმიდის გიორგის ხატისა არის გაკეთებული იმერეთის მეფის
ბაგრატ მესამეს დროს; მაშასადამე მე-16 საუკუნეში. ამას მოწმობს, როგორც სტილი
ხატისა, ისე მისი აშიის შემკობილობა.

2. მეორე გაძარცვული წმიდის გიორგის ხატისაგან დარჩენილია ფიცარი თავის

ვერცხლის აშიით და აგრეთვე ნამტვრევები მიხაკის ფერი გიპსის გრუნტისა,
რომელიც სარჩულად სდებია ვერცხლის ხატს. სიმაღლე ამ ხატისა ყოფილა 144
სანტიმეტრი, განი -90. ეჭვს გარეშეა, რომ ჩვენ აქ საქმე გვქონია ისეთ წმიდა გიორგის
გამოხატულობასთან, როგორსაც წარმოადგენს წინა აღწერილი წმიდა გიორგის ხატი,
რასაკვირველია, ზემო ნაწილის გამოკლებით.
ადგილობრივ მცხოვრებთა გადმოცემით, ეს ხატიც ხვამლის ეკლესიიდან ყოფილა
მოტანილი. დარჩენილი ვერცხლის აშია ხატისა ახალია, 1814 წლისა, რასაც მოწმობს
მისი მხედრული წარწერა ქვემოდ და აგრეთვე მისი შემკობილობა ხლართული
რგოლებით ზემოდ, და ბალახ-ბულახებით მარჯვნივ და მარცხნივ, ორ მწკრივად,
ფართო ნაწილში მალტის ყაიდის ჯვრებიც არის რგოლებში, ოთხ-ოთხი თითო
მხარეს (ფ. № 16811). წარწერა:
1. იგვრდივ . განმაახლებელი : წ-ისა . ამის . ხატისა . ც
2. აგერელ . მიტროპოლიტი . იოანე . დადიანისძე . მოიხსენე უფალო
3. ქესით ; ჩყიდ. 1814 . იანვარ. კჱ. 28.
იოანე ცაგერელ-ჭყონდიდელი იყო დადიანის კაცია მეორეს ძე; დაიბადა 1777
წელს; ჭყონდიდელად ეკურთხა 1792 წელს; ხოლო მიტროპოლიტად - 1800 წელს;
გადაიცვალა 1823 წ. 23 მარტს, 46 წლისა (Rapp, IX, გვ. 27. ჩემი „არხ. მოგზაურობანი
და შენიშვნანი“, 2. გვ. 96, 98).
ბროსეს დროს ეს ხატი გაუძარცვავი იყო და მას ქევმო ნაწილზე ხატისა და არა
_________
1 ალ. ხახანაშვილის გამოცემაში სწერია: ერთა. ბროსეს გამოცემაში ეს და შემდეგი სიტყვა
გამოშვებულია.
2 ბროსე ამბობს, ეს გადაბმული ასოები მე კზ-ად წავიკითხეო, მაგრამ ჩემმა თნამოგზაურმა
მუსლოვმა, რომელსაც უკეთესი მხედველობა აქვს, შენიშნა და გადმოიღო: კვს, – უკანასკნელ ასოს ს
დაბოლების მნიშვნელობა აქვსო.

აშიაზე ამოუკითხავს (გვ. 27).:

წმინდაო გიორგი შეიწყალე ბასილი ცგ : (=ცაგარელი).
 3. მესამე წმიდის გიორგის ხატი ამ ეკლესიისა, რომლშიაც გადმოცემით დაცული
ყოფილა ლურსმანი, რომლითაც ვითომ წმიდანი მილურსმული ყოფილა ურმის
თვალზე, წამების დროს, წაუღიათ ჯერ კიდევ 1910 წლის წინანდელი გაცარცვის
დროს ეკლესიისა. ნაწილები ვერცხლის შესამოსელისა და ხატის მორთულობისა ამ
ბოლო დროს უნახავთ ტყეში და დაუბრუნებიათ ეკლესიისათვის. ამათ მიხედვით,
ხატი ყოფილა კარედი. ზემოდ გამოსახულია ჯვარი, კარებზე ანგელოზნი; ხელობა
მე-18 საუკუნის არის, 1794 წლისა, რაც სჩანს მხედრულის წარწერისაგან:
ქ :. ეჰა :. შენ :. წ-ისა :. და :. ერთ არსისა :. სამებისა :.
მხნეო : ახოვანო :. შვიდწილ :. უძლეველო :. მხედარო :.
წ-ო : გიორგი : ოყურეშისაო. ჩვენ ცვა ფარვათა თქვენთ
მონდობილმან და მოსავმან :. სიწმიდისა თქვენისამან
ძემან ხელმწიფისა დადიანის კაციასამან და მპყრობელ-
მან ს-დ ოდიშ აფხაზ ლეჩხუ
მ სვანეთისამან დადიანმა გრიგოლ და თანა მეცხედრე-
მან ჩვენ(ნმა)ნ საქართველოსა და კახეთის მეფის ასულ-
მა დედოფალმან ანნამ (?) და პირმშომან ძემან ჩვენმან
ლევან შევამკვეთ და მოვაჭედინეთ სამ
ჭვალი და რკინა . იგი. რომელითაც . ურემსა . ზედა .
დამსჭვალულ . იყავ : სახსრად
და საოხად სულთა ჩვენთათვის და ამა სოფელსა წარსა-
მართებლად და შე
იწირე მცირე ესე წვლილი . ქრისტეს აქეთ . ათას შვი-
დას ოთხმოცდა თოთხმეტს მარტის : ოცდა ათს .
ამ წარწერაში შეცდომა უნდა იყოს: გრიგოლ დადიანის, კაცია მეორეს ძის,
მეუღლე ნინო იყო, ქართლ-კახეთის მეფის გიორგი მეთორმეტის ასული, და არა ანნა.
ანნა გრიგოლის დედა იყო.

4. პატარა ვერცხლის ხატი წმ. პეტრესი, ნაჭედი, 19X14 სანტ., (№ 16812), შუაში,
ოთხკუთხედში წარმოდგენილია წმ. პეტრე, წელს ზევითი, რომელსაც მარცხენა
ხელში გრაგნილი აქვს, მარჯვენით აკურთხებს. ასომთავრულით აწერია: წ-ი პეტრე.
ირგვლივ სამი წელს-ზევითი გამოხატულობაა ჩჩვილედი ღვთის მშობლისა
(მარცხნივ) და ოთხი გამოხატულობა ჯვარცმისა წინამდგომებითურთ (ზემოდ და
მარჯვნივ); ქვემოდ, შუაში ვულგარული მხედრულით უწერია:
ქ : ღმერთო : შეიწყა/ლე : იანი და რანდ/ლიანი : უც-
უც/ხლ[ე] ძენი : მისნი.
ხელობა სვანურია, მდარე, მე-18 საუკუნისა; ხატზე გამკეთებელს თავის ბეჭედი
(შტემპელი) დაუსვამს, წარწერით: დათუჩა.

5. სრულიად ასეთივე მდარე ხელობის პატარა ვერცხლის ხატი წმიდის გიორგისა,

ნაჭედი, 19X14 სანტ., (ფ. №16812). წმიდანი წარმოდგენილია ფეხზე მდგომარედ,
ლახვარით და ფარით; აშიებზე სამი გამოხატულობა ჯვარცმისა, სრულიად ისეთი
რიგისა, როგორც წინა ხატზე; მარცხენა აშია ნაკლულად არის წარმოდგენილი, მაგრამ
აქაც მოსჩანს ნაწილი ჩჩვილედი ღვთის მშობლის სახისა, დარჩენილი ასოებით: ...
თ¯სა (დედა ღ-თისა). წარწერა ისეთივე ჰქონია როგორც წინა ხატს, რაც სჩანს
დარჩენილი ასოებიდან, მარცხენა კუთხეში: . . . ცხ . . . (უცოცხლე) მი . . . (მისნი).

6. საცეცხლური ვერცხლისა, ქართულის ხელობისა.

7. თასი ვერცხლისა, მხედრულის წარწერით:

დადიანი გრიგოლ. დედოფალი ნინა.
აქ მოხსენებული გრიგოლ არის დადიანი კაცია მეორის ძე, რომელიც გადაიცვალა
23 ოქტომბერს 1804 წ. მან შეირთო ცოლად ნინო, გიორგი მეთორმეტის ასული, 1791
წელს. ნინო გადაიცვალა პეტერბუგს 1847 წ.

8. სიწმიდის შესანახი, ვერცხლისა, მხედრულის წარწერით:

წ-ო გ-ი ოყურეშისა შ-ყლე მოურავი ყრუაშვილი ხოსია

9. სანაწილე ვერცხლისა, მხედრულის წარწერით:

მთავარ მოწამეო გ-ი შეიწყალე მოურავი ყრუაშვილი ხოსია.

10. აღმოსავლეთის კარებზე ჰკიდია წამლით დახატული ორი ხატი სრულის

ტანით, მარჯვნივ არხიდიაკონი სტეფანესი, მარცხნივ ფილიპესი, ორივე ახალი
ხელობის არის.

11. წამლით ნახატავი ხატი მაცხოვრისა, ახალი ხელობისა, წარწერით: ი-ჳ ქ-ე.

12. ეკლესიაში დაცულია აგრეთვე ჩვეულებრივი სვანეთის და ლეჩხუმის წმიდის

გიორგის ეკლესიებისათვის დიდი შვილდი რკინისა.

ეპიტაფიები ეზოში ეკლესიისა.

13. დადიანის მოურავის ხოსია ყრუაშვილისა, რომელიც გარდაიცვალა 1816 წელს,

37 წლისა. მისი საფლავის ქვაზე, მახლობლად ეკლესიის სამხრეთის კარისა,
მხედრულად სწერია:
საფლავსა ამას შინა მდებარე მოურავი ყრუაშვილი
ხოსია ბეჟანის ძე რომელ აღვესრულე წლისა კიზ (sic)
ყ-ლთა აღმომკითხველთა ამისთა შენდობას გევ
ედრები რათა თქვენცა შენდობილ იქმნეთ ქეს
მიერ და აწ ვევედრები მოწყალებასა თქვენსა რათა
არა შესძრათ ლოდი ესე და საფლავი რომელსა შინა
მდება რე არს საწყალობელი და უჟამოდ აღსრულებული1
გვამი ჩემი ვიდრე სოფლისა დასასრულამდე2 და უკეთუ
არა ისმინოთ ვედრე ბა ჩემი და ინებოთ შეძვრად
ლოდისა ანუ საფლავისა ამის ჩემისა იქმნეს კაცი იგი
შეჩვენებულ და წყეულ წ-ისა სამებისაგან სულით და
ხორცით და მეორედ მოსვლასა მას საშინელსა გ-სნი3
_______
1 ეს სამი სიტყვა გამოშვებულია ბროსეს ტექსტში.
2 ბროსე : აღსრულებამდე.
3 გახსნანი (?), ბროსე: კურთხევანი.

ქ-ესი და მეოხება ყ-დ წ-ისა ღ-თის მშობელისა მათ ზ-ა

წყევად და შეჩვენებულ ყავნ. ხ-რომელმან დაამ
ტკიცოს ჩემი ესე ვედრება კურთხეულ იყავნ უფ
ლისა მიერ ქ-ეს აქეთ (ჩყივ) 18164.
ქვემოდ:
საფლავი ესე და თავით ამისა5 აკობაძის საზღვარიანათ
მოვიყიდე მამარდაშვილის6 გაბილასაგან და აკოაბა-
ძის გიტოლიასაგან 7 და არვის აქვს ცილობა
ჩემდა მომართ.
14. მეორე დიდი ეპიტაფია არის მეორე ლევან დადიანის მოურავის, გრიგოლ
მანდარიასი, რომელიც მოკლულ ყოფილა აფხაზებთან ბრძოლაში 1833 წ. როდესაც ის
შესრულდა 50 წლისა:
1. ქ. ეჰა. მხილველნო . და . აღმომკითხველნო . ლოდსა .
ამას. ზედა8. მე9 მა
თის უგანათლებულესობის . დადიანის . ლეონის . სამფლობელოს. ყმა.
მოურავი. მანდარია . გრიგოლი . მათის . ბრძანებით .
წარვლენილ . ვიქმენ . ორ
გულთა . აფხაზთა . ზედა . და . თოფთა . მიერ . მოვი-
კალ . ორმოცდა . ათისა .
5. წლისა . განმლეველმან . დაუტევე . სწუთრო . ესე და .
საყვარელი .
მეუღლე . და . თვისი . ჩემი . და . დავეფალ . იწროსა .
საფლავსა . შინა .
მინდობილი . და . მავედრებელი . ყოვლად . უძლეველი-
სა . დიდის მოწ
ამის . გიორგის . ტაძრისა . გარე . რათა . მეოხ . მექმ-
ნას . წინაშე .
ქრისტესა . გევედრები . ყოველთა . მხილველთა . და აღ-
მომკითხველთა . შე
10. ნდობას . მიბრძანებდეთ . და . აწ . ვევედრები . მოწყა-
ლებასა . თქვენსა . ვიდრე .
სოფლისა . აღსასრულამდე . არა . შესძრათ . ლოდი .
ესე . მდებარე .
გუამსა . ჩემსა . და . უკეთუ . ვინმე (sic). ხელყოს .
შეძვრად. ამისა. სიტ
ყვა . მიგოს . წინაშე . ქრისტესა . და ჩემდა . ნაცვლად .
_______
4 ბროსე თარიღს ასე კითხულობს: ქრისტესით ჩყივ, ივნის 29. უკანასკნელი ორი სიტყვა ჩემს
დღიურში არ არის.
 5 ბროსე კითხულობს: ამირა, მაგრამ ამბობს: სიტყვები : „და თავით ამირა" ანუ „ამისა" ჩემთვის
ნათელი არ არისო.
6 ბროსე: მამარიდაშვილის, მაგრამ შენიშნავს: მამარიდაშვილი მე კიდევ მეტად არ
მაკმაყოფილებსო.
7 ბროსე: გიტოლისაგნ.
8 ბროსე კითხულობს: ქვეშე.
9 ბროსეს ეს სიტყვა არ მოჰყას.

14. განიკითხოს . და . სასჯელი . მიეხადოს1 წელს . ქრის-

ტეს . აქეთ . ჩყლგ. 1833 . თვესა .ფებერვალს . კე .

სოფელი ნაყურალეში.

სოფელი ნაყურალეში გაშენებულია ხვამლის მთის წინა ნაწილების მაღლობზე.

მდებარეობა სოფლისა ერთობ ლამაზია. სოფლის მახლობლად, ეგრეთ წოდებულს
დიდ-გორაზე, არის ნანგრევები ძველი ეკლესიისა და მისი სამრეკლოსი. შენობები
სულ განადგურებულია; დარჩენილა მხოლოდ პატარა ზარი, ეხლა ხეზე
ჩამოკიდებული, რომელზედაც გამოქანდაკებულია ჯვარცმა, ღვთის მშობელი და წმ.
გიორგი, ლათინურის წარწერით, რომელიც გადმოვიღეთ, მაგრამ ამჟამად ხელთ არა
გვაქვს.
თარიღი, როგორც მახსოვს, იყო აღნიშნული ლათინურის ასოებით: MDL XXXIX -
(1589).
მეორე სამრევლო ეკლესია უბრალო ქვისაა, ჩვეულებრივი, ერთ ნაოსანი ბაზილიკა
ოთხკუთხედი, მომრგვალებული საკურთხეველით შიგნით; ყავრით დახურული;
შესავალი აქვს დასავლეთით და სამხრეთით; ფანჯრები ვიწრო, თითო
აღმოსავლეთით და დასავლეთით. დასავლეთის მხრიდან ეხლა მიშენებული აქვს
უშნოდ ხის ოთახი. კანკელი ერთობ მაღალია, ხისა; ქვემო ნაწილი სულ სადათაა
დატოვებული; აქ არც მხატვრობაა და არც ხატები; მხოლოდ სულ მაღლა არის მთელი
რიგი წამლით დახატული დიდრონი ხატებისა. შუაში ვედრება (დეიზის), ესე იგი,
მაცხოვარი ღვთის მშობლით და იოანე ნათლისმცემელით და მათ მარცხნივ და
მარჯვნივ ოთხ-ოთხი მახარობელნი. ამათ ზემოდ, შუაში, კანკელზე დამყარებულია
დიდი ხის ჯვარი, რომელსაც შუაში დაკრული აქვს რკინის ჯვარი, ოქროს
ფურცლებით შეძერწილი (ფ. №16816).
ეზოში ეკლესიისა დასავლეთის მხარეს დიდი ცაცხვის ხეა, რომელზედაც
მიშენებულია ხის სამრეკლო, ასე რომ კაცს ეგონება, სამრეკლო ხის ტოტზეა
ჩამოკიდებულიო (ფ. №17407).
კედლები ეკლესიისა დახეთქილია და ამიტომ გასამაგრებლად მიყენებული აქვს
ხის ბოძები ყოველ მხრივ. შიგნით იატაკი ქვითაა მოგებული და კედლები სულ
მოხატული ფრესკებით. ეკლესია აშენებულია მე-17 საუკუნეში და ამ დროს
ეკუთვნის მისივე მხატვრობაც. ჩვენთვის განსაკუთრებით საყურადღებოა ამ
ეკლესიის კედლეზე წარმოდგენილი ნაციონალური ტანისამოსებით მთელი სახლობა
ჩიქოანთა გვარისა, რომლიდგანაც მომდინარეობს უკანასკნელნი სამეგრელოს
დადიანები.
 ექსპედიციიდან დაბრუნების შემდეგ ჩვენ გავაგზავნეთ ნაყურალეშში მხატვარი
დავით კაკაბაძე და გადმოვაღებინეთ ყველა ფრესკები ჩიქოვანთა გვარისა, რომელნიც
საისტორიო და საეთნოგრაფიო საზოგადოების მუზეუმში ინახება. სხვა
ფრესკებთაგან გადმოღებულია კიდევ წმ. გიორგის ფრესკა.
ჩრდილოეთის კედელზე, ქვემო რიგში, ოთხი სურათია (ფოტ. №16815). მარჯვნივ
ორი მღვდელთ მთავარია, ერთი მოხუცი, გრძელი თეთრი წვერით და ეკლესიის
გეგმით ხელში; მეორე ახალგაზრდა. წარწერები მხედრულია:
პირველისა:
ქ :. ქრისტიანე :. და :. ღვთის :. მოყუარე :. საყდრისა

_______
1 მე-7 სტრიქონიდან აქამდე ბროსეს წარწერა არ მოჰყავს.

ამის : აღმაშენებელი :. ჭყოინდელი :. ჩიქოანი :. გაბრიელი :.

მეორეზე:
ცაგარელი
ჩიქუანი
სვიმონ
მარჯვნივ წარმოდგენილნი არიან, როგორც ეტყობა, ცოლ-ქმარნი; მამა კაცს ხელი
აქვს გაშვერილი ეკლესიის გეგმისაკენ; მის გვერდით ქალია. წარწერები:
მამაკაცისა: ქალისა:
ქ :. ჩიქოანი : ბაკა : ქ : ჩარკვიანის
ქალი :. ხვარამზე
სამხრეთის კედელზე, ქვემო რიგში, აგრეთვე ოთხი სურათია (№16819).
მარჯვნივ, სამთავრო ტანისამოსით არის მამაკაცი, რომელსაც მარჯვენა ხელში
ამოწვდილი ხმალი უკავია. მარცხენა გულზე აქვს მიდებული. მის მარჯვნივ მისი
მეუღლეა, ლამაზი და კეკლუცად გამოწყობილი ქართული ტანისამოსით. წარწერები:
მამაკაცისა:
ქ :. ლეჩხუმისა და : სალიპარტია[ნოს]
პატრონი :. ოდიშისა :. თა[ვი (ანუ თავადი) და]
იმერეთისა :. და :. ოდის (უნდა იყოს : ოდიშის)
სარ-ლ[ი]
ჩიქუანი :. ბატონი :. კაცია :.
ქალისა:
ქ :. ქართლისა :.
:. ერისთავთ :. ერის
:. თვის :. ქალი :.
:. ბატონი :. თამარ :.
მარცხნივ აგრეთვე ცოლ-ქმარნი; მამაკაცი შესავალი კარის მარცხნივ; დედაკაცი –
კარის მარჯვნივ (ესენი ხელებს უწვდიან ერთმანეთს, კარის ზემოდ). წარწერები:
მამაკაცისა: ქალისა:
ქ :. ჩიქუანი ქ :. ლაშხის :.
ქაიხოსრო : შვილის . ქალ
ი :. ქეთევან:
 ხუთნივე ამ სურათებში წარმოდგენილნი მამაკაცნი ძმები უნდა იყვნენ. ამათში
კარგად ცნობილია გაბრიელ ჭყონდიდელი და კაცია ჩიქოანი, ნაკლებად ვიცნობთ
სვიმონ ცაგერელს, ბააკა და ქაიხოსრო ჩიქოანებს.
უკანასკნელი ალბად ის ქაიხოსროა, რომელიც იხსენიება მაცხოვრის ხატის
წარწერაში ლატალის ეკლესიისა, სვანეთში; იმავე ეკლესიის ვერცხლის ჯამის
წარწერაში მოხსენებულია ბააკა ჩიქოანი1. ცნობილია კიდევ მეორე ბააკა ჩიქოანი,
რომელიც იყო გიორგი პირველის ლიპარტიანის შვილი, ესე იგი, შვილის შვილი
კაცია ჩიქოანისა; ის არის მოღვაწე მე-18 საუკ. დასაწყისისა2. სვიმონ ცაგარელი
სრულიად ცნობილი არ არის. რაც შეეხება გაბრიელ ჭყონდიდელს, ის დიდ როლს
თამაშობდა სამეგრელოში მე-17 საუკ. ნახევარში3. ეს უწყობდა ხელს, რომ პირველი
_________
1 წარწერები გადმოვიღეთ ჩვენ სვანეთში მოგზაურობის დროს.
2. H.G. II1, 648.
3 ბროსეს ჰგონია, რომ ეს გაბრიელი გიორგი (ლიპარტიანის), კაციას ძმის შვილია, მაგრამ ეს
შეცდომაა (Rapp. IX, p.32).

ადგილი დაეჭირა სამეგრელოში მის ძმას კაციას. კაცია იყო ახოვანი, გაბედული და
ჭკვიანი, მაგრამ ისეთი ცბიერი და მკაცრი, როგორც თვით გაბრიელი. 1661 წელს
ქართლის მეფემ, ვახტანგ მეხუთემ, როდესაც მან მოილაშქრა დასავლეთი
საქართველო, შეიპყრო გაბრიელ ჭყონდიდელი და წაიყვანა ქართლში. ამით მას
უნდოდა გადაერჩინა მის ინტრიგებისაგან ლევან მესამე, დადიანი, რომელიც მან
დასვა დადიანად და შერთო თავის ძმის ქალი1 მაგრამ რამოდენიმე წლის შემდეგ
გაბრიელი გაიპარა შულავერიდან, სადაც პრყობილად იყო, მიითვისა ხელმეორედ
ჭყონდიდლობა და გახდა მრჩეველი ლევან მესამისა. მან დაუახლოვა მას თავისი ძმა
კაცია და აიძულა ის მისთვის მიეცა სალიპარტიანო2. სახელი კაციას მამისა ჩვენ არ
ვიცოდით, მაგრამ ცნობილია, რომ ის იყო ფრიად ღარიბი გორდელი აზნაური,
რომელსაც თავის ზურგით მიჰქონდა თაფლი სვანეთში გასაყიდათ, რომ მით ერჩინა
თავის ცოლშვილი. ცხადია, ასეთ კაცს, როგორიც კაცია იყო, სამეგრელოს
დიდებულები ვერ შეურიგდებოდნენ; ამიტომ მან დაიწყო ჟლეტა და განადგურება
სამეგრელოს თავადებისა, თავისივე ძმის ჩაგონებით. ლევან მესამის სიკვდილის
შემდეგ, 1681 წელს კაცია გახდა სრული გამგებელი სამეგრელოსი. 3
და აი ამ კაციასაგან შთამომავლობენ მის შემდეგი დროის დადიანები. კაცია
სამჯერ იყო ცოლ-შერთული და მისი ცოლების ვინაობა ჩვენს ლიტერატურაში
გამორკვეული არ არის: ამიტომ საჭიროდ მიგვაჩნია ამაზე შევჩერდეთ. კაცია ჩიქოანს
თავის სამარხად აურჩევია ჩრდილოეთის სამხრო მარტვილის მონასტრისა, რომელიც
მოუხატვინებია და შეუმკვია სამკაულებით4. აქ ფრესკებში წარმოდგენილი ყოფილა
მთელი მისი სახლობა, სახელების წარწერებით, მაგრამ სახელები და პირის სახეები
სამივე ცოლისა განგებ ამოფხეკილია, როგორც ამბობენ, დავით დადიანის მიერ.
პირველ რიგში აქ წარმოდგენილია თვით კაცია თავის მესამე ცოლით და ამ
ცოლიდან ნაყოლი შვილით, იესეთი ან იოსებით. რომ ეს მესამე ცოლია, იქიდან სჩანს,
რომ მეორე ფრესკას აწერია: პირველი ცოლი . . . , ხოლო მესამე ქალის ფრესკას . . .
[ხუარა]მზე : გ-ი ლიპარტიანის დედა. გიორგი ლიპარტიანი, კაციას მემკვიდრე, აქვეა
დახატული თავისი ცოლით, მიქელაძის ქალით სევდიათი და შვილით ოტიათი. ჩვენ
ვიცით, რომ გიორგი ლიპარტიანი კაციას მეორე ცოლიდან ჰყავდა და ცოლი იყო
ხვარამზე, ლორთქიფანიძის ქალი. ეს მტკიცდება წალენჯიხის ეკლესიის ვერცხლის
თეფშის წარწერიდან, რომელზედაც, სხვათა შორის, სწერია:. . . . . გევედრებით ჩუენ
ლიპარტიანი გიორგი. . . შეიწირე მცირე ესე შესაწირავი. . . კურთხეულის დედა ჩემის
ხვარამზე ლორთქიფანიძის ქალის სულის სახსრად5. ეჭვს გარეშეა, რომ მარტვილის
ფრესკები კაცია ჩიქოვანის ოჯახის მაშინ არის შესრულებული, როდესაც კაციას
მესამე ცოლი ჰყავდა და როდესაც ის სრული ბატონ-პატრონი იყო სამეგრელოსი, ესე
იგი 1681 წელს. ამას გვიმტკიცებს როგორც წარწერაში მოყვანილი მისი
თანამდებობანი, ისე ჩამოთვლა მისი ყველა შვილებისა; აქ სხვათა შორის
ვკითხულობთ:
. . . . ჩვენ . . . ლეჩხუმის და საინასარიძოს და სალიპარტიანოს პატრონმან,
დიდისა ხელმწიფისა მეფისა და დადიანისა ვაზირმან, იმერეთისა-ოდიშისა
თაუმან და სარდალმან ჩიქვანმან კაციამ, და თანამეცხედრემ ჩვენმან

_______
1 ქართლის ცხოვ. II, გვ. 203
2 იქვე, გვ. 206.
3 იქვე, გვ. 209.
4 იხ. ჩემი „არხეოლოგიური მოგზაურობანი", II, გვ. 120-21.
5 იქვე, გვ. 235

დიდისა . . . და ძემან ჩვენმან გიორგიმ, იოსებ, ოტიამ დავახატვინეთ

სამხრო ესე . . . 1
ცხადია, ნაყურალეშის ფრესკები წინ უსწრობს მარტვილის ფრესკებს და მაშინ
არის დახატული, როდესაც კაციას პირველი ცოლი ჰყავდა და ეს ცოლი ყოფილა
ქართლის ერისთავთ ერისთავის ქალი თამარ. სამწუხაროდ, არ არის ნაჩვენები,
რომელ ერისთავის ქალი იყო. მესამე ცოლის სახელი არ ვიცით. ვიცით მხოლოდ, რომ
ის იყო რაჭის ერისთავის, შოშიტა მესამის დის წული. კაცია ჩიქვანის გადაცვალების
შემდეგ ის გაჰყვა გიორგი გურიელს, ხოლო მესამე-ჯერ ის მისთხოვდა გიორგი
აბაშიძეს, რომელიც წინედ ბერად იყო მალაქიას სახელით და დიდ როლს თამაშობდა
იმერეთში2. კაცია ჩიქოვანი გადაიცვალა 1781 წელს. კაციას შვილმა გიორგი
ლიპარტიანმა, ლევან მესამის უკანონო შვილი, ლევან მეოთხე, დასვა დადიანად.
ამით მან იხსნა სამეგრელო გიორგი გურიელის პრეტენზიებისაგან, ხოლო ლევან
მეოთხე მარტო სახელით იყო დადიანი; სამეგრელოს განაგებდა გიორგი
ლიპარტიანი, რომელიც სივერაგით და სისასტიკით არ ჩამოუვარდებოდა თავის
მამას.3 ბოლოს მან გააძევა სამეგრელოდან ლევან მეოთხე, რომელიც წავიდა
სტამბოლში და იქ გადაიცვალა. გიორგი მართავდა სამეგრელოს ლიპარტიანის
სახელით. დადიანობის მიღება ვერ გაბედა, რომ დიდი წიანაღმდეგობა არ გამოეწვია
დიდებულებისა4. დადიანად გახდა მხოლოდ მისი შვილი კაცია პირველი თავისი
მამის რჩევით და ნებისყოფით. ამ კაციას ცოლი ცნობილი არ არის, მაგრამ ჩვენის
აზრით, ის ყოფილა დადიანის ასული მარიამი. ეს მტკიცდება ცაიშის გულანის ერთი
მინაწერიდან, რომელიც ჩვენ არხეოლოგიურ მოგზაურობაშია მოყვანილი (წიგნი 2.,
გვ. 190-191. მე-191 გვერდის 1 შენიშვნა უნდა მიეკუთვნოს ამ კაცია პირველს,
დადიანს და არა მის პაპას, კაცია ჩიქოვანს, როგორც ჩვენ წინეთ გვეგონა).
აღვნიშნოთ ეხლა სხვა ფრესკები ნაყურალეშის ეკლესიისა. კონქში
საკურთხეველისა წარმოდგენილია ღვთის მშობელი ნიშოვანი (ზნამენია) მთავარ
ანგელოზებით აქეთ-იქით, მიქელით და გაბრიელით (ფ. №16816); მის ქვემოდ
ზიარება არის წარმოდგენილი; ორი ქრისტეა დახატული; ერთი აზიარებს
მოციქულებს პურით, მეორე ღვინით; ამას ქვემოდ არის მთელი რიგი ეკლესიის
მამებისა გრაგნილებით ხელში, რომლებზედაც ბერძნული წარწერებია. მარცხნივ
არიან: წ-ჲ ბსლ-ი :. წ-ჲ ნიკოლაოზ :. წ-ჲ : ი-ე :. ოქრ¯პირი :. - მარჯვნივ სამი მამაა
დახატული, მაგრამ წარწერები არა აქვთ არც სახელებისა და არც გრაგნილებზე
(№16820); კამარაზე საკურთხევლისა მთელი რიგი წინასწარმეტყველთა
მედალიონებში (№16816). თვით ეკლესიის თაღის ცაში იესო ქრისტეა წელს ზევით;
მის ქვემოდ, მარცხენა კედელზე, იოანე ნათლის მცემელი; ამას ქვემოდ ხარება და
შობა; მათ დაბლა წელ ზევითნი მხატვრობანი, წარწერებით: წ-ჲ გ-ი, წ- ჲ ნესტორ, წ-ჲ
ესტატე, წ-ჲ პროკოპი. ამათ ქვემოთ: ჯვარცმა ქრისტესი და აღდგომა: მარჯვენა მხარეს
ეკლესიისა, ზევიდან დაწყებული, მოჰყვებიან: მირქმა, ნათლისღება (ორივეს

______
1 იქვე, გვ. 121.
2 ქართლ. ცხ. II. გვ. 209-210.
ჩვენს „არხეოლოგიურ მოგზ."-ში წ. 2.გვ. 120. ციფრებით აღნიშნულ მე-4 სტრიქონში, ფრჩხილეში
სწერია: „ჩარკვიანის ქალი". უნდა იყოს: „ლორთქიფანიძის ქალი". მე-121 გვ. ციფრებით აღნიშნულ მე-5
სტრიქონში, ფრჩხილებში მოყვანილი სიტყვები: „ქართლის ერისთავთ ერისთავის ქალმან თამარ"
გამოშვებულ უნდა იქმნას. ვინაიდან ეს ეკუთვნის პირველ ცოლს და არა მესამეს. აგრეთვე მე-123
გვერდზე, სტრიქონი მე-18 ზემოდან, სწერია: „ჩარკვიანის"; უნდა იყოს: „ლორთქიფანიძის".
3 იქვე, გვ. 215.
4 იქვე, გვ. 221.

ბერძნული წარწერები ახლავს (ფ. №16817); ეს ორი სურათი გაყოფილია

ვერტიკალური წრით, რომელშიაც სამი წელზევითი წმიდანების სურათებია
მედალიონებში. მათ ქვემოდ არის ჰორიზონტალური წრე ოთხი მედალიონის
სურათით, რომელთაც ჯვრები აქვთ ხელში. ესენი არიან: წ-ჲ პეტრე, მერკური,
დიმიტრი, თეოდორე (თ-ე). ამათ ქვემოდ დიდი სურათებია: იერუსალიმში შესვლა
და ფერისცვალება (ფ. №16815 და 16817). დასავლეთის კედელზე, კარის ზემოდ,
მაცხოვარი წელს-ზევითი, მაკურთხეველი ხელით; მარცხნივ კარისა წმიდა გიორგი
თეთრ ცხენზე, ვეშაპს გმირავს; მას ცხენზე შემოჯენილი ჰყავს მის მიერ გადარჩენილი
ყმაწვილი, მარჯვნივ კარისა – წმიდა გიორგის შეპყრობა დიოკლეტიანეს მიერ
წარწერით: აქა: წ-ჲ : გ-ი : /დეოკლეტიანე: / მეფემ შეიპყრა (ფ. №16818).
წარმოდგენილია მეფე გვირგვინით; მის უკან დედოფალი, მის წინ წმ. გიორგი, რომის
ჯარისკაცითურთ უკან. ზემოდ დასავლეთ კედელზე: გარდამოხსნა, ამაღლება და
ღვთის მშობლის მიძინება.

სიძველენი ნაყურალეშის ეკლესიისა.

1. ღვთის მშობლის ხატი, წამლით ნახატი, ლამაზი ხელობისა. 18,5X14,5 სანტ.,

ოქროს შემკობილობით, მაგრამ დაზიანებული; უზის 12 ძვირფასი ქვა. სურათი
შემოვლებული ყოფილა მარგალიტის მძივით, რომელიც სანახევროდ დაცულია.
ნიმბი დიდი ოქროსი შემკობილია ხუცური ასო კ-ის მსგავსი ფიგურებით და ტალღის
მსგავსი წრით და აგრეთვე ოქროს აშიები ყვავილოსანი შემკობილობით ერთობ
ლამაზია. ქვემო აშიაზე არის დაზიანებული ასომთავრული წარწერა (ფ. №16814):
 ქ. წ-ო : [ღ-თს მშ-ბლო] მ-ხ : ეყ-ვ : წ-ე : ძესა (sic)
შ-ნსა [მოსავსა] შ-ნსა : ნიკლას
ეს წარწერა, როგორც ეტყობა, ბროსეს დროს დაუზარალებული ყოფილა (Rapp.IX.
გვ. 33). ამას გარდა, შესაძლებელია უკანასკნელი სიტყვა „ნიკლას“ შემოკლებით იყოს
მოყვანილი უქარაგმოდ და ნიშნავდეს: „ნიკოლაოზს“. ხატი მე-12 საუკუნეს უნდა
ეკუთვნოდეს.

2. ხატი წმიდა გიორგისა, ოქროთ დაფერილი ვერცხლით ნაჭედი, ქართული მე-18

საუკუნის მდარე ხელობისა, 37X29 სანტ., წმიდანი წარმოდგენილია ცხენით, რომაულ
საომარ ტანისამოსით და წელზე მოგრძოდ ჩამოკიდებული მახვილით; ლახვარით
გმირავს კაცს, რომელსაც ხმალი აქვს ხელში; ზემოდ ასომთავრულით უწერია: წ-ჲ გ-ი.
აშიები ლურსმის თავის მსგავსი, ბაწრულად დაწყობილის ულაზათო
შემკობილობით, ზემოდ მარჯვნივ და მარცხნივ შეწყვეტილია ფრიად ტლანქი
მთავარანგელოზთა სახეებით, ჯვრებით ხელთა (ფ. №16813). ზემო აშია, ნაჭრად
დაცული, სხვა ხატიდან არის და მასზე მოსჩანან ნაშთები ხუცური წარწერებისა,
მარცხენა კუთხეში: „აგ“; ამას ქვეშ: „ორლ“. მარჯვენა კუთხეში: „ზმ“ და ამას ქვეშ: „აუ“;
შუაში : „ხოა“. ქვემო აშიაზე უშნო ასომთავრულით სწერია:
ქ : ჵ : მოწმ-თა : მთ-ვრო : და : შვიდ : წილ ოძლვ-ლო :
ღვ-წლისა : მძლეო : გ-იგი : ხვმლისაო : მოგაჭდინე
მე : მოსვმ-ნ : და : მადიდებელმ-ნ : თქვენმ-ნ : მონზმ-ნ :
მ-რიმ : შეწვნითა : ცგრ-ლისა : ჩ-ქოანის გბრიელსათა
სადღგრძლოდ : მ-სად ; და საოხ-დ და ს-ხსრ-დ სულისა
ჩ-მსა დღ-ს მ-ს დიდსა განკითხვისასა.
უქარაგმოდ:
ქ.ჵი მოწამეთა მთავარო და შვიდ წილ უძლეველო,
ღვაწლისა მძლეო გიორგი ხვამლისაო, მოგაჭედინე
მე მოსავმან და მადიდებელმან თქვენმან მონაზონმან
მარიამ შეწევნითა ცაგერელისა ჩიქოანის გაბრიელისათა,
სადღეგრძელოდ მისდა და საოხად და სახსრად სულისა
ჩემისა დღე(ა) მას დიდსა განკითხვისასა.

აქ მოხსენებული გაბრიელ ჭყონდიდელი არის გიორგი ლიპარტიანის შვილი; ის

ჭყონდიდლად გახდა 1701 წელს, მაგრამ 1714 წ. მისმა ძმამ ბეჟანმა ის გადააყენა
ჭყონდიდლობისაგან.

3. ბროსეს აქ უნახავს პატარა ხელნაწერი გრიგოლ ღვთის მეტყველისა (Rapp.IX. გვ.

32), რომელზედაც ყოფილა მინაწერი: ეს წიგნი წმიდა გიორგი დიღმისა არის.

4. წმიდა გიორგის ხატი, წამლით დახატული, წმიდანი ვეშაპს გმირავს შუბით,

32X27 სანტ., მომრგვალო წრიდან მოსჩანს ანგელოზი, წინ სასახლეა, რომლიდანაც
გამოიყურებიან დედოფალი და დიდებულები. ზემოდ ასომთავრულით უწერია: წ-ჲ
გ-ი. ხატი ახალი ხელობის არის.

5. ასეთივე ხელობის მაცხოვრის ხატი 20X20 სანტ., წარწერით: ი-ჳ ქ-ე.

 6. ღვთის მშობლის ხატი, წამლით ნახატი; ღვთის მშობელი შვილს დასტირის;
51,5X41 სანტ., ბერძნული ხელობის არის. მე-17-18 საუკ.

7. ასეთივე ხატი ჯვარცმისა; იმავე ზომისა და ხელობისა.

8. ასეთივე ნახატი ხატი მაცხოვრისა, ტლანქი ხელობისა, მე-19 საუკუნ.

9. ასეთივე ხატი ღვთის მშობლისა.

10. ვერცხლის მედალიონი, ქართული ხელობის, მე-19 საუკ. მხედრულის

წარწერით: ქ. დ-დაო ღვთისაო მეოხ ეყავ მხევალსა შენსა მანდრიას ელისაბედს.

11. წამლით დახატული ხატი წმიდა საბასი, მე-19 საუკუნისა, 37X29 სანტ.,
წარწერით: ღირსი მამა საბა განწმენდილი.

12. იოანე მახარობელის ხატი, ქაღალდზე დახატული, წარწერით:

წ-ჲ ი-ნე და ქვემოდ უწერია: შ-ე ვხტნგ (ვახტანგ).

13. სასანთლე ვერცხლისა, მხედრულის წარწერით:

ჩყნგ-სა წელსა მაისის ე-სა ნაკურალეშის (sic) წმიდაო
გიორგი შემოგწირე ხუკმა თინია ჩაკვეტაძის ასულმან
სასანთლე ესე სულისა ჩემისა საოხოთ.

სიტყვა ხუკი, როგორც ადგილობრივ განმიმარტეს, ნიშნავს : დაკუნტებულს,

საპყარს, კუნტს.

სოფელი ქვემო აღვი.

ამ სოფელში სულ ახალი ეკლესია არის ღვთის მშობლისა, გუმბათიანი.

თავი ხატი ამ ეკლესიისა, ღვთის მშობლისა, პატარაა, 14,2X11,5 სანტ. სახე
ფერადით არის დახატული, შეძერწილია ოქროთ დაფერილი ვერცლით და
შემკობილი ყოფილა 10 ძვირფასი ქვით. ერთი ეხლა დაკარგულია. წარწერა სახელისა
მხედრულით: დ-და ღვთისა. ზურგზე მხედრულითვე სწერია: ქ. ეჰა : შენ :. შვიდი ცა
უმაღლესო და ქერაბინთა უწმიდესო ცათა მეუფისა მშობელო ჩვენ ცვა ფარვათა
შენთა მონდობილმან ჯიაჯაძემ დათუმ და მეუღლემ ჩემა მაღრიანის ქალმა ქეთიამ
აღვაშენე საჯვარე დავასვენე ხატი ესე ყოვლა წმიდისა ნაწილიანი ჩვენგან მოჭედილი
ჩვენდა სასულიეროდ მოსახსენებელი.
საჯვარე, რომელიც მოხსენებულია ამ წარწერაში, ყოფილა სოფლის ზემოდ,
მაგრამ ეხლა ის ჩვენ დანგრეული დაგვხვდა. ხატი გადაუტანიათ იქიდან ამ ახალ
ეკლესიაში. ხატი მე-19 საუკ. დასაწყისის არის.
2. პატარა ზარზე ამ ეკლესიისა მხედრულად აწერია:
ქ: შემოგწირე კენაშის ჯვარის ცხოველის რატისშვილმა
დავითელამა საოხად სულისა ჩემისათჳნ წელსა ჩყკბ.
 კენაშის ეკლესია არის აღვის ზემოდ.

სოფელი ნასპერი.

ნასპერში ახალი ეკლესია არის ქვისა და არქიმანდრიტი ბესარიონ ახვლედიანის

მეოხებით მშვენიერად მოწყობილი ყოფილა. ჩვენ იქ არ შეგვივლია, მაგრამ მისი ორი
ხატი მოასვენეს ცაგერში და ჩვენ იქ გავშინჯეთ და ფოტოგრაფიულად გადმოვიღეთ.

1. ხატი ღვთის მშობლისა ჩჩვილედი, ოქროთ დაფერილი ვერცხლისა, ნაჭედი,

ქართული ხელობისა, 42X31 სანტიმენტ. (ფ. №16822). ღვთის მშობელი
წარმოდგენილია სრულის ტანით, კამარას ქვეშ; ხელში უკავია ძე, რომელსაც
მარცხენა ხელში გრაგნილი აქვს, მარჯვენით აკურთხებს. ნიმბები ღვთის მშობლისა
და მისი ძისა, წნულის ვერცხლისა, შემკობილია თერთმეტი ძვირფასი ქვით. ამას
გარდა, ზემო ნაწილში კიდევ ათი ქვა არის. წარწერა ასომთავრულით: დ-ეა ღ-სა . ძე ღ-
სა . აშიები მოჩუქურთმებულია ვაზოვანი ორნამენტით. ხატი ნაჭედია ცნობილის
სამეგრელოს ოქრომჭდელის პეპუ მეუნარგიის მიერ, მე-19 საუკუნის პირველ
ნახევარში და წარმოადგენს მიბაძვას ძველი ქართული კლასიკური პერიოდის
ნაწარმოებისას. ზუგრზე მხედრულად აწერია:
ქ:. სული იგი მაცხოვარებისა რ-ლ მიუდგა გულითა შ-ა
პირველთა წინასწარმეტყველთა და მამათასა რომელნი
წინათვე შე-თვის მოასწავებდენ და ქადაგებდენ საკვირ-
ველებითსა მას შობასა შენსა
მარიამ ქალწულო ღ¯ის მშობელო ნასპერისაო მე მსა-
სოე-ლი შენი ცათა მბაძავისა ეკკლესიისა შენისა წალეჯი-
ხისა წინამძღვარი
დავით ახვლედიანი მცირესა ამას ძღვენსა ვრთმულობ
შენდა ამის თვის რ-ლ ეკკლესია შენი მღვ-თის მშობლი-
სა ნასპერს მდგომარე იყო
თვით მამა პაპათა ჩემთა სალოცველი და იყო ხელთა
ჩვე-თა რომელნიცა სახლსა შ-ა ჩემსა გამოიზრდებოდენ
სამ-დელონი და რო-ლითამე
ეშმაკთ მოქმედებითა ხატი წმიდისა სახისა შენისა ქმნი-
ლი ფიცარსა ზ-ა ხისასა ეკლესია შ-ა სანთლის დანარჩენი-
თა დამწვარიყო ძველად და მე ოდეს ვსცან ესე ამისთ-
ვის მადლმა შენმან აღმძრა მე მცირისა ამის ძღვნისა
მორთმად შენდა და მოვაჭედინე ხატი ესე წმინდა სახი-
სა შენისა ვერცხლითა ოქროს ცურვებულითა და შევამ-
კევ თვლებითა და დავასვენე ზემოხსენებულსა ეკკლე-
სიასა შ-ა შენ
სა ნსპერს ღ-ს მშობელო მარიამ შეიწირე მცირე ესე
მწლილი ვითარცა ძემან შენმან და ღ-თნ ჩვენმან : და
მიოხე წინაშე ძისა შენისა, რა
თა დღესა მას გაკითხსასა(sic) მასმინოს ხმა იგი სანეტა-
რო მოვედ კურთხეულო მამისა ჩემისაო და დაიმკვიდრე
 სასუფეველი გამზადებული მართათ
ვის (sic) და დაიცევ ორთავე შინა ცხოვრებათა ძმა ჩემი
ყოვლად ღირსი
მღვდელი გიორგი მეუღლით ძითა და ასულით რ-ლი და-
ასხა მარჯვენამან მღ-ან . ხ-სახიერო ღ-ო შეიწყალე შენ-
სა სასუფეველსა მშო
ბელნი ჩემნი ყოვლად ღირსი მღვდელი ლაზარე და იაშვ-
ვილის ქალი ელენე . წეს : 1822 : თვესა დეკენბერსა : 20 :

2. ხატი მაცხოვრის მიძინებისა, ოქროთ დაფერილი ვერცხლისა, 31,5X21,5 სანტ. (ფ.

№16821). ნიმბი შემკობილია ხუთი ძვირფასი ქვით; ეზო და აშიები ვაზოიანის
ორნამენტით; წარწერა ასომთავრულით იწყება ზემო აშიაზე და გაგრძელებულია
ქვემოზე:
1 წ . ი-ჳ : ქ-ე : მფო : დიბსო : და მცხრო : პირო : ღ-ო : ადიე . ორთ
2. ვე . შ-ა : ცხრ-ბთა : მონა . და მდდბლი : წ-სა . ამის ხტისა
3. შნისა . ცშლ მ-მა . მთვრი . მაქსიმე . რლისა . ბრძნთა . მოჭედა
4. და შეიმკო : ხტი . ესე . მიძინბსა : სფლისა . ჭლისა . ან .
უქარაგმოდ:
იესო ქრისტე, მეუფეო დიდებისაო და მაცხოვარო პირო
ღმრთისაო, ადიდე ორთავე შინა ცხორებათა მონა და მა-
დიდებელი წმიდისა ამის ხატისა შენისა ცაიშელ მამა-
მთავარი მაქსიმე, რომლისა ბრძანებითა მოიჭედა და შე-
იმკო ხატი ესე მიძინებისა სოფლისა ჭალისა (თუ ჭელიშისა ?).
ცაიშელი მაქსიმე ცხოვრობდა მე-17 საუკ. მეორე ნახევარში. ამის ბრძანებით
გადაწერილია ცაიშის გულანი (იხ. ჩემი „არხ. მოგზაურობანი“, 2., გვ. 188-189).

3. ჯვარი ხისა; წინა პირზე გადაკრული აქვს სადაფი, რომელზედაც გამოხატულია

ჯვარცმა სული-წმიდით ზემოდ, მტრედის მსგავსად და ღვთის მშობლით და
იოანეთი ქვემოდ, 25X12,5 სანტ. ხელობა რუსულია, რუსულის წარწერით
ჯვარცმულისა. უზის ოთხი ლალი.

წარწერა ხვამლის ეკლესიისა.

უძველესი ხატები ოყურეშის ეკლესიისა, როგორც დავინახეთ, ადგილობრივი არ

არის, არამედ გადმოტანილია ერთობ ძველის, მაგრამ ეხლა დანგრეული ხვამლის
ეკლესიიდან, წმიდა გიორგისა. ხვამლის ქედზე გაშენებული ეკლესია დიდათ
განთქმული ყოფილა ძველად: ამას მოწმობს დღესასწაული „ხვამლობა“. როგორც
გადმომცეს, ხვამლობას დღესასწაულობენ აღდგომის მეორე კვირას. დღესასწაულს
დღესაც დიდ-ძალი ხალხი ესწრება ლეჩხუმიდან და სვანეთიდან. ძველი ეკლესია
ქვისა სულ დანგრეული ყოფილა. იმავე 1910 წელს, როდესაც ჩვენ ვმოგზაურობდით,
აქ დაუწყიათ ახალი ეკლესიის აშენება და უნახავთ ქვა ასომთავრული წარწერით. ეს
ამბავი მე ოყურეშში მაცნობეს და ვინაიდან ჩვენ დრო არა გვქონდა წავსულიყავით,
გავგზავნეთ იქ ოყურეშის მთავარ დიაკონი და დავავალეთ ქვა ჩამოეტანა ჩვენთვის
სოფელ ნაყურალეშში, სადაც ჩვენ მივემგზავრებოდით. მთავარ დიაკონმა
პირნათლად შეასრულა ჩვენი დავალება. ორი პატარა წარწერიანი ქვა მოგვიტანა
ნაყურალეშში და ჩვენ საშუალება მოგვეცა გადმოგვეწერა და ფოტოგრაფიულად
გადმოგვეღო წარწერა.
წარწერა სამ-სტრიქონიანი მოთავსებული ყოფილა ერთ შირიმის ქვაზე, რომელიც
ეხლა ორად არის გატეხილი; მეორე ნახევრის ქვემო ნაწილი მომტვრეულია და
დაკარგული, ამიტომ მეორე ნახევრის მესამე სტრიქონისა აღარ არის; რამოდენიმე ასო
დაზიანებულია შენახულ ნაწილშიაც (იხ. ფოტოგრაფია).
წარწერა ჩვენ ასე გვაქვს წარმოდგენილი:
წ-ო : გ-ი : მეოხ : და მფრვლ : ექ
ნ : ე-ე : ე-ნს : სჳთა : და : შვილთ
ა : მისთა : მ. . .
ამ წარწერაში სიტყვა ე-ნს უნდა იყოს ნახმარი ჩვეულებრივი ი-ნეს მაგიერ.
შემდეგი სიტყვა სჳთა უნდა ნიშნავდეს სჳანთა (სუანთა). ამიტომ შესაძლოა წარწერა
ასე წავიკითხოთ:
წმიდაო გიორგი, მეოხ და მფარველ ექ-
მენ ერისთავთ ერისთავსა ეოანეს სუანთა და შვილთ-
ა მისთა მ[ას დღესა განკითხვისასა, ამინ].
რასაკვირველია, სიტყვების დალაგებაც ფრაზაში ამ წაკითხვით არა
ჩვეულებრივია: უნდა იყოს: „სუანთა ერისთავერისთავსა იოანეს“, მაგრამ ქართული
ენის ნორმების შეცვლა სვანურ წარწერებში ჩვეულებრივია და ლეჩხუმი ძველად
ქვემო სვანეთის ანუ ცხენისწყლის სვანეთის ნაწილად გვევლინება. ლეჩხუმელები
გაქართველებული (გაიმერელებული) სვანებია.
ეს იოანე უნდა იყოს უძველესი სუანთა ერისთავი და არა ის იოანე ვარდანისძე,
რომელიც ლაბეჭინის და მესტიის წმიდა გიორგის ხატების წარწერებშია
მოხსენებული. ამას მოწმობს პალეოგრაფიული ხასიათი წარწერისა.
ქვები, პირობებისამებრ, უკან დავუბრუნეთ ხვამლის ეკლესიას, ვინაიდან ხალხი
ამას მოითხოვდა.
შენიშვნა: ხვამლის წარწერა გამოცემულია ჩვენ მიერ Byzantion-ში, tome XII,
fascicul 1, pp. 204. . 206.
წარდგენილი იყო ფოტოგრაფიაც, მაგრამ სამწუხაროდ ფოტოგრაფია Byzantion-ის
რედაქციამ დაჰკარგა. (ნომერი არ გვახსოვს).

ნაწილი II

ქვემო სვანეთი

სვანეთი იყოფა ორ ნაწილად, ზემო სვანეთად და ქვემო სვანეთად. მათ ჰყოფს

მაღალი სვანეთის ქედი ლათპარის ზეკარით (უღელტეხილით). ზემო სვანეთს
შეადგენს მდინარე ენგურის ხეობა, ქვემო სვანეთს მდინარე ცხენისწყლისა;
დაწყებული ამ მდინარის სათავიდან მურის ხიდამდე, რომელიც შორავს ქალაქ
ცაგერს ერთი კილომეტრის მანძილით. ქვემო სვანეთი ლეჩხუმითურთ მე-19
საუკუნის დასაწყისიდან შედიოდა სამეგრელოს დადიანების მფლობელობაში,
ამიტომ ის სადადიანო სვანეთადაც არის ცნობილი.
ქვემო სვანეთი შეიცავს სულ სამ დიდ თემს: ლენტეხისა, ჩოლურისა და
ლაშხეთისა. ცნობები ქვემო სვანეთის ანუ სადადიანო სვანეთის ძეგლების შესახებ იხ.
ბროსსე, Rapp.X. pp. 44-64, და გრაფიანია უვაროვისა: მატერიალი პო არხეოლოგიი
კავკაზა, ტ. X. ქვემოდ, სადაც ამ ავტორებს ვიხსენებთ, ეს მათი წიგნები იგულისხმება.

ლენტეხის თემი

სოფელი ლენტეხი.

სოფელი ლენტეხი გაშენებული არის იქ, სადაც ხელედურა და ლასკადურა

შეერთვიან ცხენისწყალს. მდებარეობა სოფლისა ერთობ ლამაზია, გადაღებულია
ფოტოგრაფიულად (№17410), კიდევ უფრო ლამაზია ხელედურას ნაპირები (№17408)
და აგრეთვე ციხე ლარაში, გაშენებული მთის ცხვირზე ხელედურას და ლასკადურას
შუა. ეს ციხე ეხლა უკვე დანგრეულია, იცავდა შესავალს და გამოსავალს, როგორც
ხელედურას, ისე ლასკადურას ხევებისა და აგრეთვე ზემოდ მიმავალ გზას
ცხენისწყლის პირისა (№17488 და განცალკევებული მაღალი კოშკი, №17409).
ლენტეხის საზოგადოების მამასახლისმა ივანე კაცოს ძე მეშველიანმა ჩვენ გვაჩვენა
რამოდენიმე სიგელი უკანასკნელი დადიანების მიერ ბოძებულნი. ზოგი მათგანი
სათარხნო სიგელია; ზოგი წყალობისა. მოგვყავს სანიმუშოდ ჯანყვათურ
ბენდელიანის სიგელი, ქაღალდზე დაწერილი:
ჩვენ ღვთისა მიერ ამაღლებულმან და დამყარებულმან
ს-დ ოდიშის, ლეჩხუმისა და სვანეთის ბატონმა, დადიან-
მა გრიგოლ, და თანა მეცხედრემან ჩემან, დედოფალმან,
საქართველოს მეფის ასულმან ნინომ, და ძემან ჩვენმან
ლევან და გიორგიმ ესე წყალობის წიგნი დაგიწერინე და
გიბოძე შენ ჩვენს ყმას ბენდელიანს ჯაყვანს და შენს
ძმებს სვიმონს, გეგილას და მიქეს და სადოლაყს და
ნუღს, მოსავითს და ჭიტის და სხვათა ძეთა და მომავლ-
თა თქვენთა ყოველთავე ასე და ამას პირსაზედა, რომე
ჩვენზე დიდი ერთგულობა გამოიჩინეთ და ქრთამიც მო-
გვართვი, ბეგრის მეტი არც საური, არც საუდიერო და
არც ტვირთობა და არც ნდობა ჩვენგან თქვენგან თქვენს
ძესა და მომავალს არ ეთხოებოდეს, ისე გაგვითარხნე-
ბიხარ შენის მამის მიქელის შვილები. (გ)ქონდეს და გი-
ბედნიეროს ღმერთმან. . . მოწმენი კაცთაგან: ასათიანი
ვახტანგ და ფაღავა ხალ და გარსვიანი ხოსია და სხვანი
ჩვენი დარბაზის ერნი, მეციხოვანი დანუჩა და ხელოსანი
აბრამულა. . . აღიწერა ქრისტეს აქეთ ათას რვაას ორს,
 ხელითა მღვდელისა პეტრესითა. ბეჭედი: დადიანი გრი-
გოლ.

სოფელი ფაყი.

სოფელი ფაყის ძველი ეკლესია ღვთის მშობლისა აშენებულია ქვისაგან; უბრალო

ერთ-ნაოსიანი ბაზილიკა არის, სიგრძით 13 არშინი და 5 ვერშოკი, განით 1 არშინი და
14 ვერშოკი. საკურთხეველი მომრგვალებულად გამოდის გარედ. თაღი ეკლესიის
დამყარებულია სამ სარტყელზე თლილის ქვისა. ფანჯრები ვიწროა, თითო ყოველ
მხრით; შესავალი აქვს დასავლეთით და სამხრეთით; დასავლეთით კიდევ ეკლესიას
მიშენებული აქვს ხის ღია ფანჩატური. კანკელი ეხლა ხისაა, ახალი; ძველი ქვის
კანკელი, რომელიც ბროსეს დროს თავის ადგილზე იყო, აუღიათ და მისი ქვები
აწყვია ეკლესიის კუთხეებში. ფაყის ეკლესიაში ინახება:

1. ხატი დიდი ვედრებისა, 87X56 სანტ. სპილენძისა, ნაჭედი, წელს ზევითნი

სურათებით, შუაში ქრისტე, მარჯვენა ხელით აკურთხებს, მარცხენაში სახარება აქვს
ჯვარითურთ ყდაზე; მარჯვნით ღვთის მშობელი არის (ეს არა ჩვეულებრივია
ვედრების კომპოზიციაში, ის უნდა იყოს მარცხნივ); მარცხნივ იოანე ნათლის
მცემელი, წარწერები: ი-ო ქ-ე, დ-დ ღ-თ, ნთ-ლმც. ნიმბი ქრისტესი ჯვარის სახედ არის
შიგნით განწყობილი. სხვების უბრალოა. ნიმბების ორივე მხრით ყველა წმინდანების
„დრობნიცებია“. ხელობა არა უადროეს მე-16 საუკუნისა. აშია ფართო აქვს, რომბის
მსგავსი შემკობილობით ქსელში. აშიებზე უზის მედალიონები წმიდათა სახეებით:
ზემოდ შუაში ვედრება, და კუთხეებში მთავარ ანგელოზები; ქვემოდ: წმ. გიორგი,
წმ. დიმიტრი, წმ. თეოდორე; მარცხნივ და მარჯვნივ ორ-ორი მედალიონი. ქვემოდ:
სამ-სტრიქონიანი დიდი ასომთავრული წარწერაა, ეხლა დაზიანებული; შუაში მესამე
სტრიქონის ფირფიტა ამოტეხილია და დაკარგული (№16832).
1. ქ მეოხბთ-დ შეწ-ვნთ წ-მთა მთვრაგელ-თისა კლდსთ ვინ ბე მ-ე მნამ-თმნ ვ-რ
2. დან სულკეთილისა ეეს- ა ბაკურის ძემნ შექნდ ამ¯ს ხატ-ის და წნო მთ-ვრ
აგელზნო მეოხ ექმნ მწრდ ცდვლ
3. ს : ს-ლსა ჩემს და წამ-ართე ბედ [ეს შასიბ]1. . ყვ. ქ.
შექმნ ჴელ-თ გი დვლს ძ¯სთ და გი მობარქის ძი[სა].
ამ წარწერაში, რომელიც ფოტოგრაფიაზე კარგად მოსჩანს, სიტყვების ბოლოში ასო
ა უმეტს შემთხვევაში გამოშვებულია, სიტყვა და-ს მაგიერ ყოველთვის მარტო დ-ნია,
ასო ო და უ ერთსახედ არის წარმოდგენილი ო-ნის სახით და ამიტომ ძნელი
სათქმელია, „მობარქის ძე“ უნდა წავიკითხოთ, თუ „მუბარქის ძე“. ფრჩხილებში
მიმატებული ასოები ბროსეს ტექსტიდან არის ამოღებული, მაგრამ ეს ეხლა
დაკარგული ტექსტების გაგებას არ შველის. უკანასკნელ სტრიქონში ბროსე ასო ქ-ს

(1) აქ რაც ფრჩხილეშია ბროსეს დროს ყოფილა და მისი ტექსტიდან ვუმატებთ, ბროსე თვით
ფაყში არ ყოფილა; მუსლოვი გაუგზავნია და მას გადმოუღია წარწერა (---X, --47)
უმატებს ე, რომ გამოვიდეს „ქრისტე“. მაგრამ აქ ასო ქ იმავე მნიშვნელობით არის,
როგორც ჩვეულებრივ ყოველი წარწერის დასაწყისში. ამით აქ აღნიშნულია
განცალკევებული ხასიათი მეორე წარწერისა, რომელშიაც ოქრომჭედელნი
იხსენიებიან.
შემოკლებულად წარწერა ასე უნდა იკითხებოდეს:
1. ქ. მეოხებითა და შეწევნითა მწიდათა მთავარ ანგე-
ლოზთაისა (?) კლდისათა ვინებ მე მონა(მან) მათმან ვარ-
2. დან, სულკეთილისა ერისთავთ ერისთავისა ბაკურის
ძემან, შექმნად ამისა ხატისა და, წმიდანო მთავარ ანგე-
ლოზნო, მეოხ ექმენ(ით) მწარედ ცოდვილ-
3. სა სულსა ჩემსა და წარუმართე ბედ. . . ქ. შეიქმნა ჴე-
ლითა გიორგი დვალისძისათა და გიორგი მობარქის (ანუ
მუბარქის) ძი(სათა).
ხატი წინად ჰკუთვნებია კლდის მთავარ ანგელოზთა ეკლესიას, რომელიც ფაყის
მახლობლად მაღალ მთაზეა გაშენებული. ვარდან, ძე ერისთავთ ერისთავისა
ბაკურისა, ცნობილი არაა.

2. ხატი მაცხოვრისა, მთავარ ანგელოზებითურთ ოქროთი დაფერილი ვერცხლისა,

ნაჭედი, 69X32 სანტ. სრულიად ისეთივე ხელობისა, როგორც წინა ხატი. სურათები
წელს ზევითნია; შუაში ქრისტე, მაკურთხეველი მარჯვენით და სახარებით მარცხენა
ხელში; მთავარ ანგელოზთ საზომები აქვთ ხელში. წარწერები სახელებისა
ასომთავრულებით: ჲ-ჳ ქ-ე ,წ-ჲ მ-ქლ, წ-ჲ გ-ბრლ, აშია და წარწერა ხატისა არ შენახულა.
ეს ხატი იმავე ოქრო მჭედელთა ნახელავი უნდა იყოს, რომელთაც განუჭედიათ წინა
ხატი. (იხ. ფოტ. №16830).

3. ხატი დიდი ღვთის მშობლისა, კარედი, ოქროთ დაფერილი ვერცხლისა, ერთობ

ტლანქი ხელობისა (№16831). შუაში წარმოდგენილია ღვთის მშობელი ჩჩვილედი,
ფრიად მახინჯი; სხვათა შორის ხელზე ექვსი თითი აქვს; მარჯვნივ მისა ასეთივე
მახინჯი მთავარ ანგელოზია; მარცხნივ მეორე მთავარ ანგელოზია უფრო პატარა
ტანისა. ღვთის მშობლის ქვეშ სამი მედალიონია წმიდანებისა; მარცხენა კარზე
წარმოდგენილია ფეხზე მდგომარე წმ. გიორგი; მის ზემოდ ორი მედალიონია მთავარ
ანგელოზებითურთ. მარჯვენა ფრთაზე წმ. თეოდორეა; წარწერა გადმობრუნებული
ასომთავრულით არის: თ¯ჱ წ¯მი. მის ზემოდ ქრისტე უნდა იყოს ტლანქ მინიატურად
წარმოდგენილი, ხელებ გაშვერით მარჯვნივ; ქვემოდ ასეთივე დამახინჯებულად
ჯვარცმაა წარმოდგენილი.
ამ ხატზე მოიპოვება ზოგიერთი ნაჭრები სხვა კარგი ხელობის ხატებისა.
მაგალითად, ნახევარი წრეები, ნიმბები ღვთის მშობლისა და მთავარ ანგელოზისა
საუცხოო ხელობისა არის და აგრეთვე მათ შორის ჩანაკერებ ფირფიტას ლამაზი
ბერძნული ასოებით ჯვარედინად უწერია სახელი მთავარ ანგელოზისა; კარგია
აგრეთვე შუა ნაწილის ზემოდ დაცული ყვავილოვანი ორნამენტით შემკობილი
ფირფიტა მთავარ ანგელოზითურთ მედალიონში.
აშიები შესდგება სულ სხვა და სხვა დროის ხელობის ნაჭრებისაგან. ამათში
საუკეთესოა ქვემოდ დაცული ნაჭერი კლასიკური ხანისა, ასომთავრული წარწერა
ნაწყვეტით, რომელიც, ეტყობა, ბროსეს დროს უკეთ ყოფილა დაცული. ეხლა
სტრიქონებიც არეულია და სიტყვებიც აკლია. რასაც ბროსედან ვუმატებთ,
ფრჩხილებშია ჩასმული:
[მე ძლრმნ]. მეფემან . გ . [ხატი . ესე] . წ-თა . მთავარ-
ანგელზ. . . მცველად და მფარველა. . .
ფაყის ეკლესიაში ამას გარდა ჩვენ ვნახეთ შვილდ-ისარი რკინისა, სპილენძის
დიდი საყვირი, რომლითაც ეხლაც იწვევენ ხალხს. სპილენძის ჯამი
მოჩუქურთმებული, სასანთლის ძირი, საცეცხლური, რკინის ლაგამი, შემკობილი
ვერცხლით (ყველა ამათ სურათი იხ. №16824). ლაგამი ჩვენ მოგვცეს და ეხლა ინახება
საისტორიო და საეთნოგრაფიო საზ. მუზეუმში. იმ ერისთავს, რომელსაც ეს ლაგამი
ჰკუთვნებია, ასეთივე არა ჩვეულბრივი სიგრძის თოფი ჰქონია, სამი არშინი სიგრძით,
და შემკობილი ვერცხლის სალტებით. ეს თოფი წაუღია ქუთაისის გუბერნატორს მამა
ვაწაძის ბლაღოჩინის დროს და ეკლესიისათვის გამოუგზავნია 15 მანეთი.

4. ხატი მაცხოვრისა, ვერცხლის ფირფიტაზე, 24X14 სანტიმ. მაცხოვარი ტახტზე

ზის, სახარებით ხელში; ტლანქი ხელობისაა (№16223, შუაში).

5. ხატი მაცხოვრისა, ვერცხლისა, ნაჭედი, 18X15,5 სანტ. მაცხოვარი ტახტზე

მჯდომარეა. ხელობა ცოტა უფრო უკეთესია, ვიდრე წინა ხატისა.

6. ხატი ორ წმიდა ეკლესიის მამათა, ვერცხლისა, უბრალო; წარწერა ვულგარული

ხუცურით:
ო- ო შეონდენ შეცოდებანი ჴოდიმელს.
უკანასკნელი სამი ხატი ერთად არის გადმოღებული (იხილ. №16223).
ფაყის ზემოდ შიშველ მთაზე, რომლის მახლობლად საზაფხულო საძოვრებია,
ყოფილა კიდევ პატარა ქვის ეკლესია მთავარ ანგელოზთა. აქ უქმობენ სულიწმიდის
მოფენას და ეს დღესასწაული იწვევს ბევრ ხალხს. ეკლესია ჩვენ არ გვინახავს,
ვინაიდან მღვდელმა დოროთეოზ ასათიანმა დაგვარწმუნა, რომ იქ არის მხოლოდ
წამლით ნახატი ერთი ხატი მთავარ ანგელოზთა. ალბად აქ დაცული ეკლესია არის ის
კლდის მთავარ ანგელოზთა ეკლესია, რომელიც იხსენიება ფაყის პირველი ხატის
წარწერაში. ამ ეკლესიის გარდა ფაყის ეკლესიაზე მიწერილია კიდევ ახალი პატარა
წმიდის გიორგის ხის ეკლესია ხელედისა, ხელედურას პირზე; აქ ძველი ნივთები არ
არის; სოფელში 22 კომლი სცხოვრობს.

სოფელი ლექსურა

სოფელ ლექსურის ეკლესია ღვთის მშობლისა ახალია, ხისა, მაგრამ მისი

საკურთხეველი გარედ ხუთ-წახნაგოვნად გამოდის. აქ ჩვენ ვნახეთ:

1. თავი-ხატი ღვთის მშობლისა, ჩჩვილედი, 76X56,5 სანტ., წამლით დახატულია

ხეზე, არა ძველია, მაგრამ ლამაზი, ბერძნულის წარწერით სახელისა.

2. ხატი წმ. გიორგისა და წმ. დიმიტრისა, ვერცხლისა, 9,5X7,5 სანტ. წმიდანები

ფეხზე მდგომარენი არიან ფარით და შუბით ხელში და ხუცური წარწერით:
 წ-ჲ გ-ი წ-ჲ დ-ე /იორისა შე იოვან/ ნა.
ესე იგი: წმინდაჲ გიორგი, წმიდაჲ დემეტრე იორისა, შეიწყალე იოვანნა (შეიძლება
უკანასკლენი ორი ასო შეცდომით გადასმული არის და უნდა ყოფილიყო ან (- ამინ).

3. პატარა გულსაკიდი ხატი ღვთის მშობლისა, ჩჩვილედი, 4X3,5 სანტ. ვერცხლისა.

4. წამლით დახატული ხატი მაცხოვრისა. ახალი.

სოფელი გულიდა.

გულიდა პატარა სოფელია. მისი ეკლესია მაცხოვრისა ახალია, მაგრამ აშენებულია

ძველი ქვის პატარა ეკლესიის ნანგრევებზე. ეს უკანსკნელი ბროსეს დროს მთელი
ყოფილა და მისი აზრით, ძლიერ ძველი, კარგი თლილის ქვით ნაშენი. მისი ხუთი
ხატი დაცულია ამ ახალ ეკლესიაში.
1. ყველაზე საყურადღებო ამათში არის ვერცხლის ხატი წმიდის გიორგისა, 23X19
სანტ. საუცხოო ლამაზი ხელობისა (№16828, აგრეთვე უვაროვისა, გვ. 118, სურათი 36).
ეს ხატი სრულებით არა ჰგავს ჩვეულებრივ სხვა ქართულ წმიდა გიორგის ხატებს. აქ
წმიდა გიორგი ცხენით არის წარმოდგენილი და შუბით, მაგრმ ის არც ვეშაპს გმირავს
და არც გვირგვინოსან მეფეს. სახე მისი სულ ახალგაზრდაა, ნაზი და ლამაზი, უფრო
ქალის სახეს მოგვაგონებს, ვიდრე მამაკაცისას; ის საომარი ტანისამოსით არის
წარმოდგენილი და მისი მოსასხამი ლამაზად ფრიალობს მის ზურგს უკან. მოსასხამს
ქვეშ კიდევ ქვემოთ ჩამოშვებული გრძელი კაბის მსგავსი სამოსელია; მხარზე
გადაგდებული აქვს თასმა, რომლითაც ქვემოდ ჩამოშვებული დიდი ხმალი არტყია;
ფეხზე მაღალი, რბილი წაღები აცვია; ფეხი უზანგში აქვს გაყრილი; თავი ხუჭუჭი
თმით და უბრალო ნიმბით არის შემკობილი; ლამაზი, კარგი ჯიშის ცხენი თითქო მის
ქვეშ თამაშობს. წარწერა სახელისა ასომთავრულით: წ-ჲ გ-ი. აშია პირველი, ძველი,
შესდგება ერთმანეთში გადახლართული ნახევარი წრეებისაგან, მაგრამ ამას ზემოდ
და მარჯვნივ მიმატებული აქვს მერმინდელი უფრო პრტყელი და ტლანქი აშია:
მარჯვნივ ამ აშიაზე წარმოდგენილია სრულის ტანის წ-ჲ თ-ე და ზემოდ
მედალიონებში წელსზევითნი: წ-ჲ პკ-პე და ი-ნე ნც-მ (ნათლის მცემელი). გრაფინია
უვაროვისა (გვ. 118) აღტაცებაშია ამ ხატის გამო და სამართლიანად შენიშნავს, რომ
ჩვენს წინ არის არა ჩვეულებრივი ქართული წმ. გიორგის ხატი, არამედ უფრო ჟანნა-
დ΄არკი სამხედრო სამოსელით. ამას გარდა მისი აზრით, ეს ხატი წინეთ წიგნის ყდის
სამკაულს შეადგენდა. ეს შესაძლებელია.

2. ხატი მაცხოვრისა, 38,5X34 სანტ., ვერცხლისა, ნაჭედი, წელსზევითი, დიდი

ჯვარის სახის ნიმბით და ბერძნულის წარწერით სახელისა, ჯვარის სახის
მედალიონებში. ქრისტე მარჯვენა ხელით აკურთხებს; მარცხენაში სახარება უჭირავს
ყდით, რომელიც შუაში შემკობილია დიდის ქვით და ირგვლივ მარგალიტებით. ეზო
შემკობილია რომბებით ქსელში. აშიები ბალახოვანი ორნამენტით. ხატი მე-14
საუკუნის უნდა იყოს (№16825).
 3. ხატი მაცხოვრისა, 22X17 სანტ., ვერცხლისა, ნაჭედი, ფრიად მახინჯი; მე-18 ანუ
მე-19 საუკუნისა. მაცხოვარი ტახტზე მჯდომარეა, სახარებით და მაკურთხეველის
მარჯვნით. აშიებზე მარჯვნივ და მარცხნივ ტლანქი სურათები წმ. გიორგისა და წმ.
დიმიტრისა (?). დამახინჯებული სამი მედალიონი ზემოდაც ემჩნევა (№16827).

4. ხატი მთავარ ანგელოზთა, 36,2X27,5 სანტ., ვერცხლისა, ნაჭედი, ერთობ ტლანქი

ხელობისა; მთავარ ანგელოზნი წარმოდგენილნი არიან სრულის ტანით და
ლაბარუმებით; მათ ქრისტეს მედალიონი მოაქვთ. ხელობა უნდა იყოს მე-18-19 საუკ.
(№ 16826). აშია არა აქვს.

5. ხატი მთავარ ანგელოზისა, ვერცხლისა, ნაჭედი, შუბით და ბურთით. აშია

ერთმანეთზე გადაბმული რგოლების და რომბ-ლურსმულის ორნამენტით არის
შემკობილი. მე-18-19 საუკ. (№16829).

6. კანკელის საწინაო ჯვარი, დიდი, ხისა, სიმაღლით 4 არშინი და 5 ვერშოკი,

განით ორი არშინი; ვერცხლის ფირფიტები, რომლითაც შეძერწილი ყოფილა ჯვარი,
სულ მოძარცულია. დარჩენილია მხოლოდ ერთი ფირფიტა მთავარ ანგელოზის
მიქაელის ფიგურით და მეორე ფირფიტა ნაწყვეტი, ასომთავრულის წარწერით და
ლამაზი სიმრგვალით (№16829).
: ქ : ძელო /ცხრებ/ ისო : მ/ ეოხ : ე / ქმნ : მ. . .
სოფელ გულიდას ზემოდ, ნახევარი კილომეტრის მანძილზე, მოიპოვება პატარა
ქვის ეკლესია წმ. გიორგისა; მასში მხოლოდ ნამტვრევებია ხატებისა და ეტყობა, ზოგი
კარგის ხელობის ყოფილა.

ჩოლურის თემი

ამ საზოგადოებაში შედიან, გარდა ქვემო ჩოლურისა, (№17412) შემდეგი სოფლები:

საყდარი, შტვილი, ბულეში, მუცთი, ქვემო ჭველიერი, ზემო ჭველიერი, ზედა
ჩოლური, თეკალი, ლევშიერი, მამი, უკულეში, ზაგალოთი, ტვიბი. მთელს
საზოგადოებაში 185 მოსახლე ითვლება. აქ არის კარგი სასოფლო სკოლა, რომელშიაც
ჩვენ დავბინავდით თავაზიან სკოლის მასწავლებელთან პეტრე ბაგრატის ძე
კოპლატაძესთან (იხ. №17411).

სოფელი საყდარი.

საყდარი თავი სოფელია თემისა. ამის ეკლესია წმ. გიორგის სახელობისა

მოზრდილია, ქვისა, მაღალი; წარმოადგენს ოთხკუთხედ ერთ ნაოსიან ბაზილიკას, და
გაშენებულია მაღლობზე წყლის პირად. თაღი დამყარებულია ორ სარტყელზე;
დახურულია ყავრით. ქვის კანკელი, რომელიც ბროსეს დროს იყო, სამწუხაროდ,
მოუშლიათ და ახალი ხის კანკელი გაუმართავთ. აღსავლის კარი ძველი კანკელისა,
ხისა, ლამაზად მოჩუქურთმებული, რომელიც ბროსეს უნახას, ეხლა აღარ არსებობს.
შესავალი აქვს დასავლეთით და სამხრეთით. ფანჯარა ოთხი აქვს; ორი სამხრეთით
და თითო აღმოსავლეთით და დასავლეთით. იატაკი ეხლა ხისაა. კედლები ამ
ეკლესიისა სულ მოხატული ყოფილა ფრესკებით, რომელნიც ეხლაც ნაწილობრივ
გვარიანად არის შენახული, ნაწილობრივ გაფუჭებულია.
საკურთხევლის ცაში არის ვედრება (№16849); შუაში ქრისტე სრულის ტანით და
ღვთის მშობლით და იოანე ნათლის მცემელით. ქრისტეს სახარება უკავია ხელში,
რომლის გაშლილ ფურცლებზე იკითხება: „მე ვარ ნათელი სოფლისა და რომელი
მომიდგეს მე“. . . ქვემოდ, საკურთხეველში მოსჩანან ეკლესიის მამები. სხვა
ფრესკებთა შორის ეკლესიაში უკეთ დაცულია: შობა, ხარება, იერუსალიმში შესვლა,
ნათლის ღება. ჩრდილოეთის კედელზე ორი წმიდა გიორგია, ერთი ცხენით, ვეშაპს
გმირავს, მეორე ფეხზე მდგომარე, დასავლეთის კედელზე იესო ქრისტეს
გოლგოთაზე წაყვანაა. დასავლეთის კარის ზემოდ მთავარ ანგელოზნი მიქელ და
გაბრიელ. კამარებზე კარგად დაცულნი არიან მეფენი და წინასწარმეტყველნი. ამას
გარდა დასავლეთის კედელზე დახატულნი ყოფილან ამ საყდრის მღვდელ მსახურნი,
შემომწირველნი და დიდებულნი, სულ ხუთი კაცი. შუაში არის სამღვდელო პირი. (№
16850). წარწერა არა სჩანდა, მაგრამ როდესაც კარგად გავრეცხეთ, გამოჩნდა
ასომთავრული:
ამ საღტრი/ სა დეგანო / სა ზოსიმეს/ შ-ნს ღმთნ.
ეს ასე სწერია, როგორც აქ მოგვყავს, ესე იგი საღტრისა, საყდრის მაგიერ, დეგანოსა
დეკანოზის მაგიერ.
მეორე პორტრეტი საერო კაცის არის, ჭრელ ქართულ ტანისამოსით; თავზედ
სკუფიის ქუდი ახურავს, წვერი და ულვაში შავი აქვს; მარცხენა ხელი გულზე უდევს;
მარჯვენა გაშვერილი აქვს მის წინ მოქცეულს კაცისაკენ, რომლის ფრესკა ეხლა
გაფუჭებულია. საერო კაცების სურათებს დასავლეთის კარის მარცხენა წარწერები
ჰქონია; მათი გარეცხვის შემდეგ ჩვენ გავარჩიეთ:
. . . გრიგოლს / და ფარდი / ლას / ღმთნ. . . ამა საღდარსა/
ზედა დია მი / ჭირავეს/ და ვცა/ ბძა : შენ/ დობა / მსცა
შე / უდნს. . .
აქაც გამეორებულია სვანური მართწერა ქართული სიტყვებისა, როგორც წინა
წარწერაში: საღდარსა, მიჭირავეს მოიჭირვეს მაგიერ და სხვა. წარწერა
შეუმოკლებლად ასე უნდა იყოს:
. . . გრიგოლს და ფარდილას ღმერთმან [შეუნდვეს] . ამა
საყდარსა ზედა დია მოიჭირვეს. და ვინცა ბრძა(ნოს) შენ-
დობა. მასაც შეუნდვნეს [ღმერთმან].
ჩრდილოეთის კედელზე, საკურთხევლის მარცხნივ არის ფრესკა სამღვდელო
პირისა, რომელსაც ქარტა აქვს ხელში; მას აკურთხებს მაცხოვრის მარჯვენა სფროდან
(№ 16848). ქარტაზე აწერია ასომთავრულით: „დაი /დვა / ტაძ / არი“. ამის უკან საერო
პირია წარმოდგენილი, ქართული ტანისამოსით და ბატკნის ქუდით. ხელები
გაშვერილი აქვს წინა ფრეკსისაკენ ვედრების სახით (№16848). ასომთავრულ
წარწერაში გარეცხის შემდეგ ჩვენ გავარჩიეთ:
სულოჩო / ნის ძესა / ჩარდა / ნას შეუნდნეს / ღმერთმან.
აქ უნდა შევნიშნოთ, რომ ამ ისტორიულ ფრესკებს არც ერთი მკვლევარი არ
იხსენიებს.
 როგორც მოვიხსენიეთ, საყდარში ძველი ქვის კანკელი მოუშლიათ და მის მაგიერ
აუმართავთ მაღალი ხის კანკელი. ამ კანკელში ჩაუტანებიათ მარჯვნივ და მარცხნივ
აღსავალის კარებისა ორი დიდი ხის ჯვარი ვერცხლის ფირფიტებით შემოსილი
ჩვეულებრივად და ეს გარემოება ეხლა ფრიად აძნელებს მათ შესწავლას და
ჯეროვნად გადმოღებას ფოტოგრაფიის საშვალებით. ამას გარდა იმ დღეს, როდესაც
ჩვენ იქ ვიყავით, წვიმდა და ისედაც ბნელ ეკლესიაში უფრო ბნელოდა. ყველა ამ
გარემოებათა მიზეზით ჯვრების და ფრესკების ფოტოგრაფიული სურათები საკმაოდ
ნათელნი არ არიან.

1. ჯვარი ხისა, რომელიც მარცხნივ არის ჩაშენებული კანკელში, უკეთესია; მისი

სიმაღლე 5 არშინი და 2 ვერშოკი; განი 1 არშინი და 11 ვერშოკი (№16834 და
უვაროვისა, ტაბ. X).
ჯვარი შეძერწილია ვერცხლის ფირფიტებით, რომელთა ზედა წარმოდგენილნი
არიან გამობერვით განჭედილნი სურათები წმიდა გიორგისა, რიცხვით 12. სხვა
ფირფიტებზე შემკობილებანი მოიპოვება და წარწერანი ასომთავრულით. გვერდებზე
ჯვარისა არის სურათები მთავარ ანგელოზთა, წმიდა დიმიტრისა და წმ. გიორგისა.
მეორე მხარე ჯვარისა აგრეთვე შეძერწილია ვერცხლის ფირფიტებით და მათზე
მხოლოდ ხლართული შემკობილებანია და არა წმიდათა სახეები.
შუა ნაწილში ჯვარისა არის ლამაზად შემკობილი უმბო, ცალკე ფირფიტაზე
გაკეთებული და ოთხი ლურსმნის საშვალებით მიჭედილი. ძირი მისი წნულის
ვერცხლის მავთულებით არის გაკეთებული. უმბო შემკობილია ოთხი ჯვარის სახედ
დალაგებულის ქვებით და კუთხეებში ლამაზი წარწერა არის ხუთ სტრიქონად (№
16846):
წ-ო გ-ჲ შ-ე არ-შე წმიდაო გიორგი, შეიწყალე არშე
ჴევჲსა ჴევისა
აზნაურნჲ აზნაურნი,
ყ ლჲ შემომწჲ
- ყოველნი შემომწი-
რველნჲ რველნი.
ბროსეს აზრი წარწერისა ვერ გაუგია და ჰგონია წარწერა ნაკლულია (გვ. 51).
შესაძლოა წინეთ იმ ადგილს, სადაც ეხლა საყდარია, არშე-ჴევი ანუ არაშეს ჴევი ერქვა.
საყდრის მახლობლად ეხლა ერთი ადგილი მოიპოვება, ტყით მოცული, რომელსაც
აშარეში ჰქვია, ამიტომ შესაძლოა წავიკითხოთ: „აშარეშე ჴევისა“.
როგორც მოვიხსენიეთ, წინა პირი ჯვარისა შემკობილია 12 წმიდა გიორგის
ფირფიტით. ამათში 11 წმიდა გიორგი ცხენოსანია, ერთი ფეხოსანი. ცხენოსანნი
გამოხატულებით სამ რიგად შეიძლება გაიყოს. პირველ რიგს შეადგენს ოთხი დიდი
ფირფიტა ოთხივე მხარეს უმბოსა. ამათზე მოთავსებულნი სურათები უფრო დიდი
რელიეფით არიან წარმოდგენილნი. წმიდანი რომაულ საომარ ტანისამოშია; მისი
მოსასხამი ლამაზად იშლება ჰაერში მის უკან; ცხენის ფეხ ქვეშ გვირგვინოსანი მეფეა
გაშხვართული, რომელსაც გიორგი ეხება თავის ჯვარის ხეტარით; ეს ჯვარი ლამაზად
უჭერია ხელში ლაბარუმის მსგავსად; ცხენი კარგი ჯიშისა ყალყზე სდგას; ის
მდიდრულად არის შეკაზმული, ლამაზად ნაკერი ყაჯარით და მკერდ საკიდით.
ფაფარი და ძუა ლამაზად გამოსკვნილი აქვს. ერთი სიტყვით, როგორც
სამართლიანად შენიშნავს გრაფინია უვაროვისა, ჩვენ წინ არის წარმოდგენილი არა
მხედარი, რომელიც მტერს გმირავს,არამედ რომის ტრიუმფატორი, ოთხივე ფირფიტა
ერთნაირია, როგორც აღვნიშნეთ, მხოლოდ ერთი განსხვავებაა, სამი ცხენის თავი
მიმართულია მარჯვნივ, ხოლო ერთის მარცხნივ. და ეს იმიტომ, რომ ცხენის თავი
ყოველთვის უმბოსკენ იყოს მიქცეული; თუ მარჯვნივ მოექცია, მაშინ მარცხენა
ფრთის წმიდა გიორგი უმბოს ზურგს შეაქცევდა, სიმეტრია დაირღვევოდა და უშნო
იქნებოდა.
დანარჩენი ექვსი წმიდა გიორგი, აგრეთვე ცხენით, უფრო დაბალი რელიეფით
არის წარმოდგენილი ჩვეულებრივად და გვირგვინოსან მეფეს გმირავენ შუბით.
ამათში სამი წარმოდგენილი არის ქვემო ფრთაზე ჯვარისა და თითო სხვებზე (№
16845 და 16846). ესენი არეს შემკობილებით ცოტა განირჩევიან.
მესამე რიგის წმიდა გიორგი, რომელიც ზემო ფრთის თავშია, განირჩევა
სხვებისაგან. წმიდანი ახალგაზრდა არის, ნიმბით, მიიჭენებს ცხენს მარჯვნივ და
გმირავს ვეშაპს, როგორც ჩვეულებრივად მიღებულია (№16834). ფეხოსანი წმიდა
გიორგი ყოფილა ლამაზი, დიდ ფირფიტაზე, მდიდრულ რომაულ საომარ
ტანისამოსით და შუბით ხელში, მაგრამ ეს ფირფიტა გაფუჭებულია და დაკერებული
ზემოდ ახალი ნაჭერით (№16834 და 16844). გრაფინია უვაროვისას ეს მიუღია მთავარ
ანგელოზის სურათად; წარწერა აქვს, მაგრამ არ განირჩევაო. ნამდვილად კი წარწერა
კარგად განირჩევა და ბროსესაც გარჩეული აქვს. აქ ვკითხულობთ: „წ-ჲ გ-ი ლეֿნჩსა“.
სოფელი ლენჩა თავისუფალ სვანეთშია. ამ სურათის ქვემოდ ლამაზი, მაგრამ ეხლა
დაზიანებული ასომთავრული წარწერაა (№16844). ნიშნებად ზოგჯერ სამ-სამი
ვერტიკალურად დასმული წერტილია. ჩვენ ორ-ორს ვტოვებთ:
1. წ-ო გ-ი ლენჩს-ო აღაშენე მაშენებელი
2. შენი ჴევი ჩოლჳრისა და ყოველნი
3. მადიდებელ-ნი: შენნი . ამინ :
4. ოქრომჭედელი ლაშხი
5. შვ-ლმნ : ზიადმ-ნ : მოიყვ-ნა
6. და დიდათ : მოიჭირვა შეუნდვ-ნ
7. ღმრთმნ. შემდეგ უფრო წვრილი ასოებით:
8. მოიჭედა დეკანოზობასა რჳბემისა.
შეუმოკლებლად:
წმინდაო გიორგი ლენჩისაო, აღაშენე მაშენებელი შენი
ჴევი ჩოლურისა და ყოველნი მადიდებელნი შენნი, ამინ.
ოქრომჭედელი ლაშხიშვილმან ზვიადმან მოიყვანა და დი-
დათ მოიჭირვა, შეუნდვნენ ღმერთმან. მოიჭედა დეკანო-
ზობასა რუბემისა.
სხვა სამი ფირფიტა ჯვარისა ვარსკვლავის მსგავსი შემკობილობით არის
მორთული. ერთი ამათგანი ზემო მკლავზეა და თითო მარჯვენა და მარცხენა
მკლავებზე (№16846. იხ. აგრეთვე უვაროვისა, ტაბ. XXI).
ამას ქვემოდ კუთხეში იკითხება:
ამისა მომჭედსა ოქრომჭედელსა / მიქელს შეუნდვნეს
ღმერთმან.
ჯვარი მე-14-15 საუკუნის უნდა იყოს.

2. მეორე დიდი ჯვარი, რომელიც ახალ კანკელშია მარჯვნით ჩაშენებული, უფრო

პატარაა და უფრო დაბალი ხელობისა (№16833). ესეც შეძერწილია ვერცხლის
ფირფიტებით და მათზე წარმოდგენილი წმიდათა სახეებით და სხვა
შემკობილებანით, ხოლო ზემო და შუა ნაწილის ფირფიტები დაბალი ხელობისაა და
მათზე ძლივს ემჩნევა გამოსახულებანი მაცხოვრისა, ღვთის მშობლისა და
მთავარანგელოზთა. უმბო შემკობილია ვარსკვლავის მსგავსად გაშლილი შტოებით
და ფოლაქის მსგავსი წერტილებით შუა წრეში. უკეთესი ხელობის და უფრო ლამაზი
ფირფიტები მოთავსებულია ქვემო მკლავზე, სადაც დაცულია ორი ერთგვარი
გამოხატულობის ფირფიტა წმ. თეოდორესი: წ-ჲ თ-ე. ეს ორი ფირფიტა ოქროთი
დაფერილია; ერთი ფირფიტა მთ. -ანგ. მიქელ და გაბრიელისა: წ-დი მიქელ, წდ-ი გბ-
რლ, და ერთიც წმ. თეოდორესი, ზემოდ, შემკობილი წნული წრეებით, რომლებშიაც
ძვირფასი ქვებია. წმიდა თეოდორე ცხენით არის წარმოდგენილი, საომარი
ტანისამოსით, გმირავს შუბით იქედნესს; შუბი ჯვრით თავდება ზემოდ. ორთავე
ფირფიტას ერთგვარი ასომთავრული წარწერა აქვს:
წ-ო თ-ე შ-ე /ა-რშ-ე მ-ქელ; ესე იგი: წმინდაო თეოდორე,
შეიწყალე აშარეშე(ლი?) მიქელ.
არშე ანუ აშარეშე იხსენიება პირველი ჯვრის წარწერაშიაც და ამიტომ
ვკითხულობთ: „აშარეშე(ლი)“. ეტყობა იგივე ოქრომჭედელი მიქელი ყოფილა
გამჭედელი საუკეთესო ფირფიტებისა. თუმცა ორთავე სახეს წმიდა თეოდორესა
ერთგვარობა უჩანს, მაგრამ კარგის დაკვირვებით მაინც განირჩევიან: ჩაცმულობით
და ცხენის მოკაზმულობით. მეორე სურათზე მოსასახამი ფრიალებს ჰაერში წმიდანის
ზურგს უკან; პირველზე წმიდანს მოსასხამი არა აქვს. აგრეთვე შემკობილება მეორე
ცხენისა უფრო მდიდრულია, ვიდრე პირველისა (№16833 და 16847). გრაფინია
უვაროვისა პირველს და მეორე ჯვარს ერთმანეთში ურევს. წმიდა თეოდორეს
სრულიად არ იხსენიებს და წმიდა გიორგის წარწერას პირველი ჯვარისა, ბროსეს
მიერ გარჩეულს, ამ ჯვარს აკუთვნებს (გვ. 83-84). მისივე სიტყვით, ამ ორ ჯვარს
ჰქონია ისეთივე ქუდი, როგორიც აქვს კალის ჯვარს, ჩუკულის ჯვარს და სხვას (გვ.
84), მაგრამ ჩვენ ეს არ გვინახავს, არც ჯვრების თავებზე დაცმულნი, არც ცალკე
შენახულნი, თუმცა ყველაფერი დაწვრილებით მოვიკითხეთ და გავშინჯეთ.

3. გაბრიელ მთავარ ანგელოზის ხატი, ოქროთ დაფერილი ვერცხლისა, ნაჭედი,

37X31 სანტ. ასომთავრული წარწერით: წ¯ა ანგლზი გაბიელ. მთავარ ანგელოზი
ფთოსანია, ბიზანტიური ტანისამოსით, შუბით მარჯვენა ხელში და ბურთით
მარცხენაში (№16840). ნიმბი შემკობილი ყოფილა ექვსი ქვით. ეხლა დაცულია
მხოლოდ ერთი ზურმუხტი. აშიები ფართოა რომბ-ლურსმული ორნამენტით;
მარჯვნივ და ზემოდ აშიას აკლია; ეზო შემკულია ფოთლების მსგავსი ორნამენტით;
მარცხნივ კუთხეში ასომთავრული წარწერაა; ნიშნებად მრავალ ვერტიკალურ
წერტილების მაგიერ ვტოვებთ ორ-ორ წერტილს:
ქ. წმიდაო : მთ წმიდაო მთა-
ავარ ანგელ ვარანგელოზ-
ოზნო : მწე : ეყა ნო, მწე ეყავ(თ)
ვ : ორსავე : შინა ორსავე შინა
ცხორებასა : დ ცხორებასა დ-
ევანასა : თაკუერ ევნასა (?) თაკუერე-
ელიანსა : ძითუ ლიანსა ძი-
რთ : მთავარ აგელოზო თურთ, მთავარ ანგელოზო
 კუათისაო : ა-ნ კუათისაო, ამინ.

ხატი მე-16 საუკ. უნდა იყოს.

4. ხატი წმ. გიორგისა, ოქროთ დაფერილი ვერცხლისა, ნაჭედი, 41X34,5 სანტ.

წმიდანი წარმოდგენილია ფეხზე მდგომარედ. რომაულ საომარ ტანისამოსით;
მარჯვენა ხელში შუბი უნდა სჭეროდეს, მაგრამ ეს ნაწილი მორღვეულია; მარცხენა
ხელი დადებული აქვს ფარზედ, რომლის კიდეები შემკობილია ორნამენტით; შუაში
ჯვარი აქვს. თავის და ნიმბის მარტო მარჯვენა ნაწილია შენახული; სახელის
წარწერიდან დარჩენილია ასომთავრულით: გ-ი. ეზო ყვავილოვანი ორნამენტით არის
შემკობილი. აშიები მშვენიერი ხელობისა ყვავილებით და ფოთლებით
სიმრგვალეებში დაცულია მარჯვნივ და მარცხნივ, ზემოდ და ქვემოდ მოძარცულია.
ყველაფერი მოწმობს, რომ ხატი კლასიკური პერიოდისა ყოფილა, მე-11-12 საუკ. (№
16836).

5. ხატი წმიდა გიორგისა, ოქროთი დაფერილი ვერცხლისა, ნაჭედი, 37X33 სანტ.

აშიები რომბებით შემკობილი ქსელისაა. წმიდა გიორგი ცხენითურთ დიდი
რელიეფით არის წარმოდგენილი; ის გმირავს გვირგვინოსან მეფეს შუბით, რომლის
თავი ჯვარის სახისა არის. მოსასხამი მხედრისა ფრიალებს ზურგს უკან. ნიმბი
ნაწილობრივ დაფარულია აშიით, სახელი ასომთარულით: წ-ჲ გ-ი (№16835).
ქვემოდ კიდევ ერთ-სტრიქონიანი წარწერა არის მსხვილის ასომთავრულით,
მაგრამ უკანასკნელი ორი ასო ნუსხა ხუცურით სწერია:
შ-ე ჲ-ე გე-გილი, ესე იგი: შეიწყალე იოანე გეგილი1, ხატი მე-15 საუკ. უნდა
ეკუთვნოდეს, ზემოდ ხატს ძეწკვი აქვს.

6. ხატი ღვთის მშობლისა. ჩჩვილედი, ოქროთ დაფერილი ვერცლისა, 40,5X43

სანტ. ღვთის მშობელი ნიმბიანი ტახტზე მჯდომარეა, მუთაქით; ტახტს მაღალი
ზურგი აქვს; წარწერა სახელისა ასომთავრულით: დ-დჲ ღ-ჲ. აშიები მოლამაზოა
ყვავილებით შემკობილი სიმრგვალეებში, და შიგ ორი წმიდანის მედალიონია, ერთი
მარჯვნივ, მეორე მარცხნივ, ზემო და ქვემო აშია დაცული არ არის. ხატი მე-16 საუკ.
უნდა იყოს (№16837). ზურგი ამ ხატისა გადაკრულია ლამაზი მატერიით (№16843),
მაგრამ ფოტოგრაფიაზე ის სილამაზე ნაკლებად გამოდის.

7. ხატი დიდი, წამლით ნახატი, ვედრებისა 127X87 სანტ. წამლით დახატული

სახეები თითქმის სულ გადასულია, გარდა ღვთის მშობლის პირის სახისა და
ნაწილობრივ იოანე წინამორბედისა. ასომთავრული წარწერა ამათი სახელებისა
დამახინჯებულია: დ-დ ღ-ზა: ივ ქბ, წ-ი იოვა (sic). ნიმბები და რომბებით შემკობილი
ქსელი აშიებისა დაცულია და ესენი მოწმობენ, რომ ხატი კარგი ხელობისა ყოფილა;
ქვემო აშია არ არის შენახული; სხვებზე შვიდი მედალიონია წელსზევითი
წმიდანებისა: წ-ჲ პეტრესი, წ-ა პავლესი, წ-ა გიორგისა და წ-ა თეოდორესი მარჯვნივ
და მარცხნივ, ზემო კუთხეებში მთავარ ანგელოზნი და შუაში გამზადებული ტახტი
(№16842). ხატი მე-14-15 საუკ. უნდა იყოს.
 8. წამლით დახატული ხატი წმიდა გიორგისა, 90X63 სანტ. ტანი სულ გადასულია,
ნიმბი მშვენიერად შემკობილი და აშიები ბროწეულის ყვავილების მსგავსი
ორნამენტით მოკაზმული დაცულია; აგრეთვე ნაწილობრივ ეზოც ზემოდ და
მარცხნივ, ლამაზად შემკობილი. წმიდა გიორგი ფეხზე მდგომარე ყოფილა, შუბით
მარჯვენა ხელში; მარცხენა ფარზე ჰქონებია დადობილი (№16841). ქვემოდ ნაწყვეტად
დაცულია ასომთავრული წარწერა:
1. . . . ა : მიერ : მამკობი შენი ოი მთ-ვრ მწ-მეო მეფე გ-ი სა : ხელს : ეხნ
2. . . . ნ მიერ : იოხო : ჩემთუი[ს] წინაშე მეუფისა.
ბროსე მუსლოვის მიერ გადმოღებულ წარწერაში (გვ. 50) ოი-ს მაგიერ
კითხულობს: „გიორგი“. ეს შეცდომაა, მაგრამ იმავე სტრიქონის უკანასკნელ ოთხ
სიტყვას ასე კითხულობს: „მეფე გიორგი სახელ სეხნ(ია შენი)“. და ეს დაახლოებით
ასე უნდა იყოს, თუმცა ორ-ორი წერტილით დაყოფა სიტყვებისა ამას არ ეგუება.

_______

(1) ბროსეს გამოცემაში ეს წარწერა მოყვანილია, როგორც დიდი ჯვარის წმიდის გიორგის
წარწერა (გვ. 50).

მაგრამ ამგვარი უმართლო დაყოფა ნიშნებით სიტყვებისა არა იშვიათია, ამიტომ

დაახლოვებით, დარჩენილი წარწერა ასე უნდა იკითხებოდეს:
. . . . ა მიერ მამკობი შენი, ოი მთავარ მოწამეო, მეფე გიორგი, სახელ სეხნ(ია ქმნილი
შე)ნ მიერ, იოხო ჩემითუი(ს) წინაშე მეუფისა. . .
ხატი მე-12-13 საუკუნის უნდა იყოს.

9. ხატი, ასეთივე წამლით ნახატი, ვგონებ, წმ. გიორგისა, 66X46 სანტ. სახე და ტანი
სულ წაშლილია; დარჩენილია მშვენიერი აშიები, ორმაგად ბროწეულის ყვავილების
მსგავსი ორნამენტით შემკობილი; ასეთივე შემკობილი ნიმბი და ზედ დასმული ათი
ძვირფასი ქვა (№16838). ქვემო აშია, სადაც წარწერა უნდა ყოფილიყო, არ შენახულა.
ხატი მე-12-13 საუკ. უნდა იყოს.

10. ჯვარი სატრაპეზო, ვერცხლისა, ვერცხლისავე ტარით, 33X19 სანტ. აშიები

შემკობილია ლურსმის თავების მსგავსად. შუაში ჯვარცმაა წარმოდგენილი,
ანგელოზებით მედალიონებში. მარცხენა და მარჯვენა ფრთებზე მედალიონები წმ.
გიორგისა. ზემოდ ღვთის მშობელი და ანგელოზები (№16839). რუსული ხელობის
არის.

11. ცალი კარი კარედი ხატისა, ვერცხლისა, 36X28 სანტ. ზედ ტლანქად
წარმოდგენილია მთავარანგელოზი.

12. ნატეხი წარწერისა, ასომთავრულით, რომელიმე ხატისა:

. . . სა მმ/სხლს / ობს მ / ჭდა შ / უნდვნ ღთ/ მან, ესე იგი:
. . . სა მამასახლისობასა მოიჭედა, შეუნდვენ ღმერთმან.
 13. ბარძიმ-ფეშხუმი, ვერცხლისა მხედრულის წარწერით:
მინგრელიის სამფლობელოჲსა სვანეთის ჩოლულის (sic)
სოფლის საყდრის წი-ს გიორგის ეკლესიის ბარძიმ-ფეშ-
ხუმი გაკეთებულ არს მენგრელიის ეპისკოპოსის გიორგის
მიერ ჩყლჱ წელსა.

14. ორი ლახტი რკინისა, ექვს-ექვს-ფრთიანი.

სოფელი ზემო ჭველიერი.

სოფელი ზემო ჭველიერის ეკლესია მთავარ ანგელოზის არის სულ მახლობლად

ჩოლოურის სოფლისა, მის მარჯვნივ. ეკლესია სულ პატარაა, ქვისა, ოთხკუთხედი;
დასაველთის კედელში ორი ცხვრის თავის ქანდაკება მოიპოვება. შესავალი აქვს
დასავლეთით და სამხრეთით. ხატები ბევრი ყოფილა ეკლესიაში, მაგრამ ეხლა
ყველას ვერცხლის სამოსელი და შემკობილობა მოძარცული აქვს. ცოტა შერჩენია
ფირფიტები მთავარ ანგელოზის ხატს და ისიც ტლანქი ხელობისა სჩანს; ამას გარდა
არის კიდევ ორი, წამლით დახატული ხატი, ღვთის მშობლისა და მაცხოვრისა, ორივე
ქართული ხელობისა, არა უადროეს მე-18 საუკ. დასასრულისა.
ჩვენ აქ ვნახეთ კიდევ ძველი სირიული ტიპის საცეცხლური.

სოფელი მამი.

პატარა სოფელია. ამ სოფელში ლამაზი ოთხკუთხედი კოშკია (№17413); სოფლის

ბოლოს კლდესთან, დიდი ხეების ჩრდილს ქვეშ, პატარა ქვის ეკლესია არის წმიდის
გიორგისა. დახურულია ყავრით; შესავალი აქვს დასავლეთით და თითო ფანჯარა
აღმოსავლეთით და დასავლეთით. დასავლეთის კედელზე ქვიდან გამოქანდაკებული
ცხვრის თავია. კარი ხისა ლამაზია. კანკელი ახალი ხისა. ტრაპეზი მიშენებულია
კედელზე საკურთხევლისა. ეკლესიაში მხოლოდ ორი ხატი მოიპოვება:

1. ერთი წმიდა გიორგისა, ვერცხლისა, ნაჭედი, 66X43 სანტ. ნაწილობრივ

დაშლილია. წმინდა გიორგი ფეხზე მდგომარეა, მარცხენა ხელი ფარზე უდევს.
მარჯვენა ხელში ალბად ჯვარი ეჭირა. ვინაიდან ლახვარი არა სჩანს; თავი
დაზიანებულია; ნიმბი დიდია; წარწერა ასომთავრულით ჯვარისებურ
მედალიონებში: წ ჲ გ ი. ეზო შემკობილი ყოფილა ხლართულებით. აშია დაცულია
- -

მარჯვნივ და მარცხნივ; ჩვეულებრივი რომბებითურთ ქსელში და ორივე მხარეს

შუაში აშიებს აქვს ოთხკუთხედი მედალიონები, რომლებზედაც ერთგვარი ხელობის
ორი წმიდა მხედარია სრულის ტანით და შუბებით; ესენი უნდა იყვნენ წმ. დიმიტრი
და წმ. თეოდორე. წარწერები არა აქვთ. ხატზე ძეწკვია მომბული (№16851).
ხატი მე-15 საუკუნის უნდა იყოს.
 2. აქვე არის პატარა ხატი ღვთის მშობლისა, უბრალო ფირფიტა, უხეოდ, 9,5X8,5
სანტ. წარწერით: დ-დ ღ-ი. ხელობა დაბალია (იხ. ქვემოდ №16851).

სოფელი თეკალი.

სოფელი დიდი არაა, მაგრამ ლამაზია, ცხენის წყლის მარჯვენა ნაპირზე (№17415).
სოფლის ზემოდ ტყით მოცულ გორაზე ამართულია ქვის ეკლესია მაცხოვრისა. ეს
ეკლესია აშენებულია შირიმის თლილის ქვისაგან და განირჩევა სხვა სადადიანო
სვანეთის ეკლესიებისაგან, როგორც თავის სიმაღლით, ისე მორთულობით და
სილამაზით. აქ საკურთხეველიც არის, სამკვეთლოც და სადიაკვნეც. შესავალი აქვს
დასავლეთით და ჩრდილოეთით. ეს უკანასკნელი შეიძლება მერმინდელი იყოს,
ფანჯრები თითო დასავლეთით და სამხრეთით; სამი აღმოსავლეთით; სადიაკვნეში
მრგვალი სარკმელია; ასეთი ყოფილა სამკვეთლოშიც, მაგრამ შემდეგ
გაუფართოებიათ. ეკლესიის კედლები გარედან აღმოსავლეთით, დასავლეთით და
სამხრეთით შემკობილია კუთხოვანი პილასტრებით და პატარა წვრილი ორმაგი
სვეტებით, რომელთა ზემოთ კამარები გადადიან და ეს კამარები დიდათ ამშვენებენ
კედლებს; დასავლეთით ხუთი კამარაა, სამხრეთით – ექვსი და აღმოსავლეთით – 3.
საზოგადო სახე ეკლესიისა დასავლეთიდან იხ. ფოტ. № 17414. იატაკი ქვისაა.
კედლები შიგნით სულ მოხატული ყოფილა, მაგრამ მხატვრობა ცუდათ არის
დაცული. საკურთხეველის კონქში მოსჩანს მაცხოვარი სრულით ტანით, სახარებით
და მაკურთხეველის მარჯვენით. იმის ირგვლივ თორმეტი მოციქულია,
ჩრდილოეთის კედელზე უკეთ დაცულია ნათლისღება. ნაწილები ფრესკებისა კიდევ
მოსჩანან დასავლეთის კედელზე და საყდრის ცაში.
ჩრდილოეთის სარტყელზე, შიგნით, არის გვიან ამოჭრილი ხუცური წარწერა:
ქ-ე : შ-ე : ზი : ნე/ლი.
ეკლესიაში მოიპოვება:

1. კანკელის საწინაო ვეებერთელა ჯვარი, თავის ადგილზეა დაცული, შეძერწილი

ვერცხლის ფირფიტები, მაგრამ უწარწეროდ.

2. მაცხოვრის ხატი, ვერცხლისა, ნაჭედი, 71X50 სანტ. ტლანქი ხელობისა,

დაზარალებული, ადგილ-ადგილ აკერია ახალი ფირფიტები (№16854). ნიმბი და სახე
ნაწილობრივ გაფუჭებულია. ქრისტე ტახტზე მჯდომარეა, მაგრამ ტახტი არა სჩანს;
ფეხები ნოხზე უწყვია, მარჯვენა ხელით ჯვარს სწერს, მარცხენაში სახარება აქვს.
სახელის წარწერა ასომთავრულით: (იესო ყველა ასო შებრუნებულია) ქֿე. ქვემოდ
კუთხეში ასომთავრული წარწერა:
1. [ქც] ხო :1 ლაშრსო : მაცხოვარო2 ლაშარისაო,
აშენე აშენე
 2. მაშნებელი შენი ჲსე რ-ნ3
3. მოჭედა წ-ი ესე ხ-ტი მმს
4. ახლისობსა გელჲსა დე
5. კანოზისა ქ: მცხოვ
6. რო ლ-შრსა
7. ო შ-ე ინე
8. დეკნზჲ
მაშენებელი შენი ჲესე, რო-
მელმან მოჭედა წმიდაი ესე
ხატი მამასახლისობასა გე-
ლაჲსა დეკანოზისა . ქ. მა-
ცხოვარო ლაშარისა-
ო, შეიწყალე იოანე
დეკანოზი.

ჩვენ არ ვიცით დანამდვილებით, როგორ წავიკითხოთ ჯგუფი „ლაშრსა“,

ლაშერისა თუ ლაშარისა. ლაშერი ჩვენ არ ვიცით, ლაშარი (ლაშარის ჯვარი)
ხევსურეთშია. შეიძლება იქიდან იყოს მოტანილი ეს ხატი. წარწერაში ჲ ნახმარია ი-ს
მაგიერ და იქ, სადაც ჲ უნდა იყოს, არის ი. ეს წარწერა მუსლოვის მიერ
გადმოღებული ბროსეს განსხვავებულად მოჰყავს, ვიდრე ჩვენ ვკითხულობთ (გვ. 52).

3. ხატი მაცხოვრისა, ოქროთ დაფერილი ვერცლისა, ნაჭედი, 69,5X50,5 სანტ.

ქრისტე წელზევითია, მარჯვენა ხელით აკურთხებს, მარცხენაში სახარება უჭირავს,
მოჩუქურთმებული ყდით შემკობილი, ნიმბში ჯვარის სახეა. სამოსელი ერთობ
დასერილია. წარწერა ასომთავრულით: ჲ-ჳ ქ-ჱ. აშია ლამაზია, ქართული
ხლართულებით, მაგრამ მარტო ქვემოდ არის დაცული და ზედ ორი მედალიონია
იოანე და ლუკა მახარობელთა სურათებით (№16853). ხატი მე-15-16 საუკ. უნდა იყოს.

4. ხატი მაცხოვრისა, ვერცხლისა, ნაჭედი, 48,5X36,5 სანტ. ტლანქი ხელობისა.

წარწერა სახელისა ბერძნულის ასოებით აქვს. ქრისტე ტახტზე მჯდომარეა,
სახარებით და მაკურთხეველის მარჯვენით. აშია მარჯვნივ და მარცხნივ რომბებით
ქსელში მთლად არ არის დაცული. ზემო აშიაზე, ოთხის ქვით შემკობილზე, წელს
ზევითნი სახეებია: წ-ჲ ბ-რბ-რე, წ-ჲ მრინე და წ-ჲ ირინე (ი¯ნე?). მარცხნივ და
მარჯვნივ აშიებში წმიდა გიორგი და წმიდა დიმიტრია. ქვემოდ ასომთავრული
წარწერის ნაწყვეტია (№16855):

_______
1) აქ რაც ფრჩხილებშია, ბროსედან მოგვყავს, ეხლა არ სჩანს.
2) ანუ შეიძლება: ხატო,
3) ამ ორი სიტყვის მაგიერ ბროსე კითხულობს: ესე: ჴვი:

. . . [მაცხოვა]რო :. მეოხ :. და მფარველ ექმენ მან. . . ა

ძესა :. დ-ღსა :. მას განკითხვისასა.
ნაწყვეტები ასომთავრულისა მოსჩანან კიდევ ზემო აშიაზე:
„რსთინა“. ხატს ძეწკვი აქვს.

5. ხატი ღვთის მშობლისა ჩჩვილედი, ოქროთი დაფერილი ვერცხლისა, ნაჭედი,

69X52 სანტ. ქართულის ხელობისა, ასომთავრული წარწერით: დ-დჲ ღ-სჲ, ჲ-ჳ ქ-ე.
პირის სახეები ღვთის მშობლისა და მისი ძისა სანახევროდ მოშლილია. აშიები
ბროწეულის ყვავილების მსგავსი ორნამენტით არის შემკობილი. ზემო აშიაზე
წარმოდგენილია ოთხკუთხედ მედალიონებში ვედრება, ხოლო გვერდებზე პეტრე და
პავლე; ქვემო აშია არ არის დაცული (№16852). იესო ქრისტეს ნიმბში მოსჩანს ერთი
ქვა, მეორე დაკარგულია. ხატი მე-13-14 საუკ. უნდა იყოს.

6. ხატი ნაკერი წმ. გიორგისა, 26X22 სანტ. მხედარი ცხენით არის წარმოდგენილი,
რომაულ საომარ ტანისამოსით, ვეშაპს გმირავს; მის წინ დედოფალია. რუსული
ხელობისა არის (№16856).

7. პატარა ვერცხლის ხატი ღვთის მშობლისა, 9,1X10 სანტ. ნახევრად მოშლილია;

წარწერა ხუცური: დ-დჲ ღ-ჲ.

8. პატარა ვერცხლის ფირფიტა, 10X7 სანტ. ხელებ-აპყრობილი წმიდანის სახით,

რომელსაც ხუცურად აწერია: წ-ჲ ანა და შემდეგ კიდეევ ასოები: მჲდ. ფირფიტა
ფიცარზეა მიჭედილი.

9. წამლით დახატული წმიდა გიორგის ხატი, ახალი.

ლაშხეთის თემი

ლაშხეთის თემი შესდგება სოფლებისაგან: სასაში, მებეცი, ლეკოსანდი,

ჯახუნდერი, ჩუკული, ლემზაგორი, ხერია, ჩიხარეში, მელე, მახაში, შგედი, მარგვიში,
ნაცული, ღობი: ამას ზემოდ ცანა ანუ ცენა; იქვე არის ნასოფლარები ზეკარზე
(უღელტეხილზე) ზესხვა და ლაფური.

სოფელი სასაში.

სოფელი სასაში მოზრდილი სოფელია. სასაშის ეკლესია ახალია, ხისა, გუმბათით.

ღვთის მშობლის სახელზე. ამ ეკლესიაში ინახება:

1. თავი ხატი ღვთის მშობლისა, ჩჩვილედი, ვერცხლისა, ნაჭედი, ქართული

ხელობისა, 46X33,5 სანტ. დედა ღვთისა მაღალ შემკობილ ტახტზე ზის ძითურთ.
წარწერა ასომთავრულით: დ-დჲ ღ-სა. ხელობა დაბალია, აშიები ერთმანეთში
გადაბმული ნახევარი წრეებისაგან არის შემკობილი. მე-16-17 საუკ. უნდა იყოს
(№16906).

2. ხატი წმ. გიორგისა, ვერცხლისა, ნაჭედი, 20,5X13,5 სანტ. წმ. გიორგი სრულის
ტანით არის წარმოდგენილი, შუბით და ფარით. ქსელის მსგავსი აშიები შემკობილია
9 დიდის ვერცხლის ფოლაქით. ხელობა ერთობ ტლანქია (№16907). მე-18-19 საუკ.

3. ხატი სხვა და სხვა ნაჭრებისაგან შემდგარი, 14,5X15 სანტ. ზემოდ პატარა

ჯვარცმის ხატია ვერცხლისა, ტლანქი ხელობისა. ქვემოდ სპილენძის პატარა ხატია
წმ. გიორგისა, გვარიანი ხელობისა არის. ეზო მორთულია სიმრგვალეებით და შიგ
დატანებული ჯვრებით; აშიები ფოლაქების მსგავს ორნამენტით არის მორთული.
 4. ჯვარი ხისა, ვერცხლით შეჭედილი, ტლანქი ხელობისა.

სოფელი ჯახუნდერი.

ჯახუნდერი ლამაზი სოფელია, ნამეტნავად ლამაზი ზემო გორაზე გაშენებული

ერთი სახლი თავის კოშკითურთ. (№166. ეს წინანდელი გადაღებულია). ეკლესია
წმიდა გიორგისა აშენებულია კარგის თლილის ქვით ას-წლოვან მუხებს შუა;
ჩვეულებრივი ერთ ნაოსიანი ბაზილიკა, სიგძით 13 არშინი და 14 ვერშოკი, განით 9
არშინი და 15 ვერშოკი; დახურულია ყავრით; შესავალი აქვს დასავლით და სამხრით;
ფანჯარა ხუთი აქვს, ორი სამხრეთით, თითო სხვა მხარეებზე. აღმოსავლეთის
ფანჯარა მოჩუქურთმებულ ოთხკუთხედშია (№17422). მარჯვნივ კუთხეში ამ მხარეს
კიდევ ამშვენებს შემკობილი პრტყელი ქვის პილასტრი (№16872). ზემოდ კიდევ ქვის
ჩარჩოებში ყოფილა წმიდათა ქანდაკებანი, მაგრამ ეხლა ყველა მოშლილია; ერთს
შეუნახავს ქანდაკება მთავარ ანგელოზისა, მაგრამ იგიც გაფუჭებულია. საზოგადოთ
ჯახუნდერის ეკლესია ერთ საუკეთესოდ უნდა ჩაითვალოს სადადიანო სვანეთში.
წინანდელი ქვის კანკელი ეხლა შეცვლილია ხის კანკელით. აღმოსავლეთის კედელზე
ყოფილა ხუცური წარწერა, რაც ასე იშვიათია სვანეთში (№16872), მაგრამ ნაწილობრივ
წარწერა მოშლილია და მასთან შირიმის ამობურცულ ქვაზეა და სრულად ჩვენ ვერ
წავიკითხეთ, მხოლოდ გავარჩიეთ:
წ-ო გ-ი ჯჴნდლ-ო შ-ე აზნაურნი. ..
აღაშენა საღტარი და...
უქარაგმოდ:
წმიდაო გიორგი ჯაჴუნდლისაო, შეიწყალე აზნაურნი . . .
აღაშენა საღტარი (sic) და...
როგორც სჩანს წარწერიდან, წინეთ სოფლის სახელი ჯახუნდელი ყოფილა.
ეკლესიას ჰქონია ხის ჩუქურთმიანი კარი (№2197), რომელიც ეხლა ტფილისის
მუზეუმში ინახება და გამოცემულია გრაფინია უვაროვის მიერ. ტაბულა XXXIX, 68.
ეკლესიაში ჩვენ ვნახეთ და გადმოვიღეთ:

1. ხატი წმ. გიორგისა, ოქროთი დაფერილი ვერცხლისა, ნაჭედი, 89X56 სანტ.

ძლიერის რელიეფით გამოყვანილი, მაგრამ ერთობ დაზიანებულია. მთავარ მოწამე
ცხენით არის წარმოდგენილი და ნიმბით, შუბით მარჯვენა ხელში, ფარი მარცხენა
მხარზე აქვს მოგდებული; თმა ბულულებად არის გაკეთებული. გაფუჭების გამო არა
სჩანს, ვეშაპს გმირავდა თუ გვირგვინოსან მეფეს. წარწერა სახელისა ასომთავრულით:
წ-ჲ გ-ჲ. აშიები შემკობილია რომბებით ქსელში და მედალიონებით წმიდათა. ქვემოდ
წმ. დიმიტრი და წმ. თეოდორეა, ზემოდ იოანე ნათლის მცემელი, სხვები
გაფუჭებულია (№17874), მარცხნივ, ზურგს ზემოდ, ასომთავრული წარწერა:

1. ქ : მო- ჭედა : წ-ჲ : ესე : ხატი : მამასახლისობასა :

ვახტ- გ : ლომინ
2. აის ძის- სა : და გამოიღო : ოცისა : დრაჰკნისა : საქონელი
3. მისა : ჴელოვანთა : მისაცემელად : და გვედრიან : სულითა
და ჴორფითა : მოწ- ო : გ-ი :
 შეუმოკლებულად:
მოიჭედა წმიდაჲ ესე ხატი მამასახლისობასა ვახტანგ ლომინაის ძისასა და
გამოიღო ოცისა დრაჰკნისა საქონელი მისა ჴელოვანთა მისაცემად და გვედრიან
სულითა და ჴორცითა, მოწამეო გიორგი.
ზურგის ძელზე ხატისა მეორე ხუცური წარწერაა, მაგრამ უფრო გვიანი დროისა:

1. ქ: წ-ო გ-ი ცცხლ წმიდაო გიოგრი, ცოცხლო-

2. ობით გაუმარჯვ
3. ე სულს გელოან
4. სა და გ-ის ცოდვან
5. ი მათნი შეს ღ-ნ და
6. მეუღლესა მათსა
7. შენდს ღ-ნ ძენი გან
8. ძლიეროს ღ-ნ.
ბით გაუმარჯვე
სულას გელოან
სა და გიორგის, ცოდვანი
მათნი შეუნდვნეს ღმერთმან
და მეუღლესა მათსა
შეუნდვნეს ღმერთმან, ძენი
განაძლიეროს ღმერთმან.

ხატი მე-14 საუკ. უნდა იყოს. ამ ხატის ვერცხლის პერანგის ქვეშ ყოფილა მისი
თაფლის სანთლის სარჩული, რომელიც გამოცემულია გრაფინია უვაროვის მიერ
(ტაბ. XXXIV, 58, 59).

2. ხატი ღვთის მშობლისა კარედი, ოქროთი დაფერილი ვერცხლისა, ნაჭედი,

63X50 სანტ. (№187). შუა ნაწილში წარმოდგენილია ღვთის მშობელი ჩჩვილედი,
ტახტზე მჯდომარე, წარწერით: წ-ჲ მ-მ. ი-ჳ ქ-ე. მის ზემოდ კამარას ქვეშ, მფრინავი
მთავარ ანგელოზნი არიან, ბურთებით და წარწერით: წ-ჲ მ-ქლ, წ-ჲ გ-ბ; ღვთის
მშობლის მარცხნივ სრულის ტანით: წ-ჲ პეტრე: მარჯვნივ; წ-ჲ პვ-ლე. აშია
ბროწეულის ყვავილების მსგავსი ორნამენტით არის შემკობილი (№16876), ქვემოდ
წარწერა:
წ-ო მღვთჲს მშობელო ად-ე აზანაურნი შ-ე ს-ფლჲ ჯჴდ-ლი, ესე იგი: წმიდაო
მღვთის მშობელო, ადიდე აზნაურნი, შეიწყალე სოფელი ჯაჴუნდელი.
თვით ეს ხატი, ჩვენის აზრით, ეკუთვნის მე-16 საუკ., ხოლო მისი კარები,
რომელნიც ეხლა მოცილებულია და ცალკე ინახება, უფრო გვიანი დროის არის. იგი
შემკობილია ზერელედ, მსუბუქად გამოსახული მთავარ ანგელოზებით, რვა-რვათი
თითოზე, რომელნიც დაყოფილნი არიან ორ-ორ მწკრივად ვერტიკალური და
ჰორიზონტალური შემკობილი სიმრგვალეებით (№№16877, 187).

3. ხატი მაცხოვრისა, ვერცხლისა, ნაჭედი, 54X42,5 სანტ. მაცხოვარი ტახტზე

მჯდომარეა, მაკურთხეველი მარჯვენით და გაშლილი სახარებით მარცხენა ხელში;
სახარების ფურცელზე სწერია: მე ვარ ნათელი სოფლისა... სახელის წარწერა არის
შემკობილი. აშიები შემკობილია რომბებით ქსელში და წმიდათა მედალიონებით,
ზემოდ: წ-ჲ გ-ი, სამჯერ არის წარმოდგენილი, მარცხენა აშიაზე: წ-ი კ-რ(კვირიკე),
მარჯვენაზე – წ-ი თ-ე, ქვემოდ იესო ქრისტე და ორი წმიდა გიორგი (№16875 და
უვაროვისა, გვ. 116, სურ. 34), ხატი მე-16 საუკ. უნდა იყოს.

4. ხატი მთავარ ანგელოზ გაბრიელისა, ოქროთი დაფერილი ვერცხლისა, ნაჭედი,

21X12 სანტ. (№16878). კარგი ქართული ხელობისა. ანგელოზი სრულის ტანით არის
წარმოდგენილი ბიზანტიურის ტანისამოსით, შუბით და ბურთით ხელთა. წარწერა
სახელისა: წ-ჲ გ-ბრლ. აშია მერმინდელია ქვემოდ მარცხნივ უწერია:

აღეშენა ხ აღეშენა ხა-

ატი ესე ჴე ტი ესე ჴე
ლითა მხა ლითა მხატ-
ტვრის ძი ვრის ძი-
სა მ-ქლა სა მიქელისა.

ხატი არის არა უგვიანეს მე-15 საუკუნისა. (წინეთ გადაღებული №186).

5. ხატი წმიდა გიორგისა, ვერცხლისა, 22X19 სანტ. წარწერით, დიდი

ასომთავრულით: წ-ჲ გ-ჲ; წმიდანი ცხენით არის წარმოდგენილი, გმირავს კაცს.
ქვემოდ ვულგარული ხუცურით:
წ-ო გ-ი შ-ე სალი და ანდანი.
ხატი ტლანქი ხელობის არის (№16878). ეს ხატი სულ გაფუჭებულია (№16878),
მაგრამ ჩემს კოლექციაში წინეთ გადაღებული (№186) უფრო კარგად არის შენახული.

6. პატარა ხატი წმ. გიორგისა, ხეზე ამოჭრილი, ათონური რიგისა. წმიდანი

წარმოდგენილია ცხენით, ვეშაპს გმირავს. ფრიად ლამაზი ნახელავია (№16873).

7. პატარა ოქროს ხატიდან წმიდა დიმიტრისა, წმ. თეოდორესი და წმ. პროკოპისა

დარჩენილია მხოლოდ აშიები, ნიმბები და წარწერანი: წ-ა დიმიტრი: თ-ე : წ-ა
პროკოპი. სახეები წამლით ყოფილა დახატული და სულ გამქრალა (№16873).

8. ერთი ხატის შესამოსლის ნაჭერზე, რომელიც ტლანქი ხელობისა ყოფილა,

დარჩენილია ვულგარული ხუცური წარწერა:
მნაველს :. ქასივაძესა :. შენდვ-ს [ღ-ნ],
ესე იგი: მანაველს ქასივა-ძესა შეუნდვნეს (ღმერთმან) (№16873).
ამ წარწერაში „ქასივაძესა“ შეცდომით უნდა იყოს „ქასილაძესა“ მაგიერ. ეს არის
განმაახლებელი ორბელის სახარებისა (იხ. ზემოდ. გვ. 44).

9. წამლით დახატული ხატი წმ. გიორგისა, სრულის ტანით, შუბით და ფარით;

ლამაზი ხელობისა, 29X23 სანტ. წარწერით: წ-ჲ გ-ჲ; ქშ-უთისა : –

სოფელი ჩუკული.

სოფელი ჩუკული დიდი და ლამაზი სოფელია; სახლები ამ სოფლისა უფრო

ტიპიურია და ამიტომ უფრო საყურადღებო. ჩვენ გადმოვიღეთ ფოტოგრაფიულად.
იხილე № №17418, 17419, 17417, 17416, 17420.
ეკლესია ჩუკულისა ქვისა პატარაა, მაგრამ დასავლეთის კედრით სტოა აქვს.
საკურთხეველი გამოდის გარედ მრავალწახნაგოვანად და აქვს სამი ფანჯარა.
შესავალი აქვს დასავლეთით და სამხრეთით. ამ უკანასკნელის კარი ხისა მშვენიერის
ჩუქურთმებით არის დამუშავებული (№190); მათზე წარმოდგენილია 24 წმიდათა
გამოხატულება, მათ შორის, რვა სრულის ტანით არის გამოსახული, დანარჩენები
წელსზევითნია. (გრ. უვაროვისა, გვ. 129, ტაბ. XXXIX,67). ბერნოვილი ამ კარს
შეცდომით სხვა ეკლესიას აკუთვნებს, ვგონებ ჯახუნნდერისა (იხ. გვ. 72, ფიგ. 4). ეს
მოტანილი ყოფილა მეორე, გაუქმებულ ძველი ეკლესიიდან. შიგნით ეკლესიის
კედლები მოხატულია; მხატვრობა დაბალია და გვიანი, წარწერები მხედრულია, არა
სწორი ქართულით. საკურთხეველის კონქში ვედრებაა. ჩრდილოეთის კედელზე
მოსჩანან: ჯვარცმა წარწერით: ჯვარისა მა(sic), წმ. გიორგი: წიმთ (sic) გიორგი
(უვაროვის ტაბ. XX) და წმ. ესტატე: წ-ი ესტათე, რომელიც შველს ნადირობს. სხვა
ადგილებში წარმოდგენილნი არიან წ-ა ბარბარე: წ-ით ბრბლე, და წ¯ა მარინე: წ-ით
მარინე. ბერნოვილის დროს ფრესკები უკეთ ყოფილა დაცული (იხ. გვ. 83). კანკელი
ქვისაა ერთის აღსავლის კარით და სულ მოცულია ხატებით. საკურთხეველის წინ
საგანგებო კვარცხლბეკით ამართულია ჩვეულებრივი დიდი ჯვარი.
1. ეს ჯვარი და მთელი კანკელი ეკლესიისა თავის ხატებით გადმოღებულია
ფოტოგრაფიის საშვალებით №16862, ამაზედ მოსჩანს ნაწილობრივ საკურთხევლის
კონქი, ფრესკებით. უფრო კარგად საკურთხეველი და კანკელი წარმოდგენილია
ბერნოვილის სურათზე (გვ. 83, ფიგ. 9). ჯვარი დამყარებულია ოთხკუთხედ ქვის
კვარცხლბეკზე, რომელიც ლამაზად შემკობილია ორმაგი სვეტებით, კამარებით და
სხვა ჩუქურთმებით (იხ. უვაროვისა, გვ. 82, სურ. 17. თვით ჯვარის სურათი ავტორს
არ მოჰყავს). სხვა სვანეთის ეკლესიებში ამის მსგავსი კვარცხლბეკი არ გვხვდება.
ჩრდილოეთის მხარეზე ამ კვარცხლბეკისა არის წარწერა:
წ- ო მ- ქლ ადიდე ჯანბურ და სოფელი ესე და გ- ი (გიორგი) გვარი ჯანბურიძე
ეხლაც გვხვდება სვანეთში.
სამხრეთის კედრით სწერია:
სახელითა ღთ შეიქმნა ხათლუმი ესე ჴელითა გ- ი[სთა].
ბროსე ხათლუმის მაგიერ კითხულობს ტოლომი, და
თარგმანის calvaire(გვ. 55).
თვით ჯვარი შეძერწილია ვერცხლის ფირფიტებით, ზოგჯერ მოოქრულით,
რომლებზედაც სუსტი რელიეფით წარმოდგენილნი არიან ფიგურები წ-ა გიორგის,
ანგელოზთა, ღვთის მშობლისა, მოციქულთა და მთავარ ანგელოზთა. ხელობა
საზოგადოთ დაბალია. გამონაკლისს შეადგენს მხოლოდ რამოდენიმე ფირფიტა
მშვენიერის სურათებით. ასეთებია სურათები იესო ქრისტესი: ი-ჳ ქ-ე, მოციქული
მარკოზ და ლუკასი: მარკოზ მახარებელი, ლუკა მახარებელი, და მთავარ ანგელოზ
გაბრიელისა: გ-ბრლ ანგელოზი. ამას შემდეგი წარწერა მოსდევს:
წ-ო გ-ბრლ მთავარანგელოზო ევედრე წ- ე ი- ჳ ქ- ე და
მეოხ ეყ- ვ ი- ეს და ნინოს.
ჯვარს თავზე ჩამოცმული აქვს ცილინდრული ფირფიტებით შემდგარი ქუდი,
რომელიც თავდება ზემოდ ჯვარით და სამი ბურთით (№16862). ქუდის სურათი
ცალკე იხ. უვაროვისა, გვ. 81, სურათი 16.

2. დიდი ხატი, ლამაზი, მთავარ ანგელოზის მიქელისა, ვერცხლისა, ნაჭედი, 59X41

სანტ. მთავარ ანგელოზი წარმოდგენილია სრულის ტანით, ფეხზე მდგომარე,
ბიზანტიურ საკარისკაცო ტანისამოსით, მარჯვენა ხელში ლაბარუმი აქვს, მარცხენაში
ბურთი ჯვრითურთ, ზემოდ წარწერა სახელისა: წ-ი მ-ქლ. თმა კულულებად
დაწნული აქვს. მოხაზულობა ნაკვთისა, ფრთები და მდიდრული ტანისამოსი კარგია.
აშიები ფართო და ორმაგად შემკობილი ბროწეულის ყვავილების მსგავსი
ორნამენტით მშვენიერია. ზემო და ქვემო აშიები შესდგება ერთმანეთში გადაბმული
წრეებისაგან ყვავილებითურთ და მათში სამ-სამი მედალიონია წმიდანებისა (№16861
და უვაროვისა, ტაბ. XXX, 50). ხატი მე-14 საუკ. უნდა იყოს.

3. ხატი მთავარ ანგელოზთა მიქელ და გაბრიელისა, ოქროთი დაფერილი

ვერცხლისა, 44X42 სანტ. ნაჭედი მშვენიერი ხელობისა (№16860). მთავარ ანგელოზნი
ფეხზე მდგომარენი არიან წყვილად, ფრთებით და ახალგაზდათ გამოიყურებიან.
თვითვეულს ხელთ აქვს ლაბარუმი და ბურთი ჯვრითურთ. ბურთები მათ გაწვდილი
ხელებით ერთი ერთმანეთზე მიუდვიათ. მათი სამოსელი მდიდრულია და ლამაზი,
ტუნიკები მოქარგულია, მოსასხამები ლამაზი ნაოჭებით არიან უკან
ჩამოგრძელებულნი, შარვარები სახეებით შემკობილნი, წაღები მაღალი,
მოქარგულნი, წარწერები სახელებისა ბერძნულია, მაგრამ ქვემოდ ფრთებში
ქართულია: მ- ქლ, გ- ბლ. ირგვლივ ვიწრო აშია არის ბროწეულის ყვავილების მსგავსი
ორნამენტებით შემკობილი; შემდეგ ფართო აშიები ფართო ყვავილებით
ხლართულებში. ამათზე წარმოდგენილნი არიან მარცხნივ დედა ღვთისა, მარჯვნივ
იოანე ღვთის მეტყველი; ორთავე სრულის ტანით. ზემოდ, შუაში, ტახტის
გამზადებაა და კუთხეებში მთავარ ანგელოზნი, წელსზევითნი. ყველა ამათი
წარწერები ბერძნულია.
აქ მკითხველის ყურადღება უნდა მივაქციოთ ერთ გარემოებას. ეს ხატი კარგად
აქვს აწერილი გრაფ. უვაროვისას (გვ. 104) და მისი სურათიც გამოცემული აქვს (ტაბ.
XXX, 49). მაგრამ აქ გარეგანი დიდი აშია ხატისა სულ სხვაა, ვიდრე ჩვენს სურათზე.
ის სწერს: აშია ლურსმულია დრობნიცებით მაცხოვრისა და ალბად
მთავარანგელოზთაო. ეს ასეც არის მის გამოცემულ სურათზე, მხოლოდ, ჩვენის
აზრით, მთავარ ანგელოზის სურათები იქ არ არის, არამედ ორი მხედრისა, ალბათ წმ.
გიორგისა და წმ. დიმიტრისა. საზოგადოთ შენიშნულია, რომ ზოგ ძველ ხატს უფრო
ახალი დროის აშია აქვს, ზოგ ძველ ნახელავ ჩარჩოში მერმინდელი დროის ხატია
მოქცეული და ეს მოვლენა უფრო ხშირია სვანეთში. ამ ხატისათვის უფრო ის ჩარჩოა
შესაფერი, რომელშიაც ის ეხლა არის. ალბათ ეს სცოდნიათ ადგილობრივ და მისთვის
მისივე ჩარჩო, დაუბრუნებიათ. ეს ხატი მე-12 საუკ. უნდა იყოს.

4. ხატი ღვთის მშობლისა ჩჩვილედი, ოქროთი დაფერილი ვერცხლისა, ნაჭედი,

73X58 სანტ. ქართული ხელობისა მე-13 საუკ. (№188). ღვთის მშობელი მდიდრულად
მორთულ ტახტზე ზის მუთაქით, ორივე ხელით ძე ქრისტე მიუკრავს გულზე;
ქრისტე მარჯვენა ხელით აკურთხებს, მარცხენაში გრაგნილი აქვს. ტახტის ზურგი
მაღალია. ფეხები ღვთის მშობელს სკამზე უწყვია. წარწერა სახელისა: დ¯დჲ ღ¯სჲ და
შემდეგ სახელი ბერძნულდ არის განმეორებული. პირის სახე ღვთის მშობლისა
სრული და სანდომიერი ქართველი ქალის სახეს მოგვაგონებს; კაბა წვრილ ნაოჭებად
არის დასერილი. აშია ორი აქვს; ერთი შინაგანი ვიწრო აკანთის ფოთლებით
შემკობილი, მეორე გარეგანი უფრო ფართო, ლამაზი, ბროწეულის ყვავილებით
მორთული. ამათში 19 მედალიონია წმიდათა სურათებით. წარწერები ქართულია.
გრაფინია უვაროვისა მართალია, როდესაც ამბობს, რომ ეს ხატი ამოღებულია თავის
დიდ ჩარჩოდან და მოთავსებული სხვა უფრო პატარა ჩარჩოში, რომელშიაც ვერ
ეტევა. რომ ეს ასეა, ეს, ჩვენის აზრით, იქიდანაც სჩანს, რომ ამ ახალ ჩარჩოს
დაუფარავს ნაწილი ბერძნული სახელის ასოებისა; მასვე დაუფარავს ქვემოდ
კიდეებში ქართული წარწერები, რომელნიც ამის გამო აღარ იკითხებიან, მოსჩანან
მხოლოდ:
მარცხნივ: მარჯვნივ:
..გ - ქ-ე შ- . . .
. . ე- მიქა . . .
..ე - ნა . . .
..ან -

მარცხენა ნაწილში ალბათ იკითხებოდა სახელი ერისთავთ ერისთავისა, შეიძლება

გიორგისა; მარჯვენაში: ქრისტე შეიწყალე მიქაელ. . .
გრაფინია უვაროვისა ხატს აკუთვნებს მე-14-15 საუკ. (გვ. 110, 112, ტაბ. XXXV, 61),
ხოლო კონდაკოვი მე-13 საუკ. (იხ. მისი „იკონოგრაფია ბოღომატერი“, II, 150). ჩვენ
კონდაკოვის აზრს ვუჭერთ მხარს, ხოლო მეორე აშია მე-12 საუკუნეს უნდა
ეკუთვნოდეს.

5. ხატი მაცხოვრისა, ოქროთი დაფერილი ვერცხლისა, ნაჭედი, 63X48 სანტ. მე-15-

16 საუკუნისა; ტლანქი ხელობისა არის და დიდათ დაზიანებულია (№16858),
მაცხოვარი ტახტზე მჯდომარეა მაკურთხეველ მარჯვენით და სახარებით მარცხენა
ხელში. აშია ფართო რომბებით შემკობილი, რვა მედალიონით წმიდათა, ხატზე სამი
წარწერაა; პირველი მოთავსებულია მარცხნივ მაცხოვრისა:

წ-ო : მაცხო წმიდაო მაცხო-

[ვ]არო:. [შ]-ე :ლონ ვარო, შეიწყალე ლონ-
გუ :. ს[ული] გუ სული-
თა :. და [ჴო] თა და ჴორ-
რცითა ცითა.

ამ წარწერაში ასო ო და უ ერთგვარად არის გამოხატული, ამიტომ შეიძლება

წავიკითხოთ: ლონგუ, ლუნგუ, ლონგო.
მეორე წარწერა მოიპოვება მარჯვნით მაცხოვრისა:

წ-ო: მ-ც წმიდაო მაც-

ხოვარო ხოვარო,
შ-ე : გაბი შეიწყალე გაბი-
საჯიანი : საჯიანი1.
მისა :. მმსხ-[ლ] მისა მამასახლი-
ბასა : მოიჭედ სობასა მოიჭე-
ა: ოთხი : ხ[ა] და ოთხი ხა-
ტი...... ტი.......

მესამე წარწერა ხატის ზურგზეა და უფრო გვიანი დროის არის:

 1. ქ : ი-ჳ ქ-ეო : პტიოსანო ცცხლობით
2. და დღეგრძელობით გაუმარჯ
3. ვე სულას გელოანსა გ-ის
4. ორთავე ძმანთა (sic) და ცოდვანი მათ
5. ნი შეუნდს ღ-ნ და მეუღლესა მ-თსა
6. შეუნდს ძენი მთნი გნძლიერო
7. ს ღ-ნ
უქარაგმოდ:

იესო ქრისტეო პატიოსანო, ცოცხლობით

და დღეგრძელობით გაუმარჯ-
ვე სულას გელოანსა, გიორგის.
ორთავე ძმათა, ცოდვანი მათ-
ნი შეუნდვნეს ღმერთმან, და მეუღლესა მათსა
შეუნდვნეს, ძენი მათნი განაძლიეროს
ღმერთმან.

6. ხატი მაცხოვრისა, ვერცხლისა. ოქროთი დაფერილი, ნაჭედი, 55, 5X46 სანტ. (№

16859). მაცხოვარი წარმოდგენილია წელს ზევით; მარჯვენა ხელით აკურთხებს;
მარცხენაში სახარება უჭირავს; ნიმბი დიდი აქვს ჯვარის სახით შიგნით; ტანისამოსი
მსხვილი ნაოჭებით დასერილი, წარწერა დიდრონი ლამაზის ასომთავრულით: ჲ-ჳ ქ-
ჱ. აშია ლამაზია, შემკობილი მოსხო ბროწეულის ყვავილებით (?) და მედალიონებით
წმიდათა. ზემოდ შუაში: ტახტის გამზადება და მთავარ ანგელოზნი;

_______
(1) ანუ: გაბისა ჯაიანი (?)

მარცხნივ და მარჯვნივ – პეტრე და პავლე; ქვემოდ – წ-ა გიორგი, წ-ა დიმიტრი და

წ-ა არხიპოს. წარწერები ხუცურია. ქვემოდ აშიაზე ვულგარული ხუცურით სწერია:

ა-დნ ღ-თო ადიდენ ღმერთო

გ-გი მახუა (?) გიორგი მახუა (?)
ხტი შქმნ ხატი შექმნა
მცხორისსა. მაცხოვრისა.

ხატი მე-14-15 საუკ. უნდა იყოს.

7. ხატი ღვთის მშობლისა, კარედი, 10,5X12 ვერშოკი, მოოქრული ვერცხლისა, ნაჭედი,

(№№189, 16857). შუაში წარმოდგენილია ღვთის მშობელი ჩჩვილედი, ტახტზე
მჯდომარე; მის მარჯვნივ და მარცხნივ: წ-ი პ-ტრე და წ-ჲ პ-ლე; ამათ ზემოდ მფრინავი
მთავარ ანგელოზებია: წ-ი მ-ქლ, წ-ი გ-ბლ. ქვემოდ შუაში ქრისტეა სრულის ტანით; მის
ორივე მხარეს ჯვარცმა და კუთხეებისაკენ პატარა წრეში წმიდა გიორგი ცხენით
ვეშაპის მგმირავი. ხატს ზემოდ აწერია:
 1. წ-ო ღ-ოსშობელო (sic) წმიდაო ღმრთის მშობელო,
2. შ-ე : ესე : სოფელი . შეიწყალე ესე სოფელი,
3. აზრნი დ-ი და აზნაურნი დიდი და
4. მცირე მცირე.

ამ შუა ნაწილის ზემოდ სამ-კუთხედია ჯვარით შუაში და შემკობილი აშიებით.

კარებზე ხატისა წარმოდგენილნი არიან წმ. გიორგი და წმ. თეოდორე (და არა მთავარ
ანგელოზნი, როგორც უვაროვისა სწერს, გვ. 114). წარწერებით: წ¯ი გ¯ი, წ¯ი თ¯ე.
ორთავე სრულის ტანით, საომარი რომაული ტანსაცმლით, შუბით და ფარით, წელზე
დიდი მახვილი, ნიმბები ყველასი შესდგება პატარა წრეებისაგან. ხატი მე-16-17
საუკუნის უნდა იყოს.

8. ხატი მაცხოვრისა, ვერცხლისა, მოოქრული, ნაჭედი, 52X27 სანტ. შუაში ქრისტეა

წელს ზევით, მაკურთხეველი მარჯვენით და სახარებით, რომელიც ჯვარით
შემკობილია. ნიმბს ჯვარის სახე აქვს. წარწერა სახელისა ბერძნულადაც არის და
ქართულადაც: ი-ჳ ქ-ე. ორივე მხარით მაცხოვრისა მთავარ ანგელოზებია შუბებით
ხელში, ბერძნულის და ქართულის წარწერებით სახელებისა, მარცხნივ: მ-ქლ;
მარჯვნივ: გ-ბლ. მთავარ ანგელოზთა სახეები არაჩვეულებრივია, მოტლანქო.
(№16866). ხატი მე-16 საუკ. უნდა იყოს.

9. ხატი მიქაელ მთავარ ანგელოზისა, ვერცხლისა, ნაჭედი, 59X47 სანტ. მთავარ

ანგელოზი ფეხზე დგას, საომარი რომაული ტანისამოსით; მარჯვენა კედრით ხმალი
ჰკიდია და ზედ ხელი აქვს დადებული; მარცხენა ხელით გულზე მიდებული ბურთი
უჭირავს. პირის სახე მოგრძოა, თვალები თითქო წამოვარდნილი; ხუჭუჭი თმა
ფარავს შუბლს; ყელი გრძელი აქვს; ფრთები ულაზათოდ აქვს მიკრული. აშიები
რომბ-ლურსმულია და შიგ მედალიონებია, მაგრამ წ¯თა სახეები არა აქვთ. ხატი
დაზარალებულია, ხელობა დაბალია, მე-17 საუკ. (№16863). ქვემოდ, მარცხნივ, შუა
ნაწილში ხუცური უშნო ასოებით წარწერა მოსჩანს:

არიან წ-ნი / წ-ო . . დმლ / დან . . .

10. ხატი მთავარ ანგელოზის მიქაელისა, ვერცხლისა, ნაჭედი, 48X34 სანტ. მთავარ
ანგელოზი ფეხზე მდგომარე, ბიზანტიური საკარისკაცო ტანისამოსით და ნიმბით.
წარწერა სახელისა ხუცური: წ-ჲ მ-ქლ. ხატი ერთობ დაზიანებულია. აშიები რომბ-
ლურსმული, ორი მედალიონით. მარცხენაში ღვთის მშობელია ჩჩვილედი,
ბერძნულის წარწერით სახელისა; მეორეში, ვგონებ, მირქმა (№16864); ქვემოდ,
მარჯვნივ, წარწერა:

მთავარანგ მთავარანგე-
ზო შ-ემა[რ] ლოზო, შეიწყალე მა[რუ]-
შიანი გამ შიანი (?) გამ-
რეკ-ლი ა ნ რეკელი, ამინ.
მისა მმსა მისა მამასა
 შ-ნსღ-ნ შეუნდვნეს ღმერთმან.

ხატი მე-15 საუკ. უნდა იყოს.

11. ხატი მთავარ ანგელოზის მიქაელისა, ოქროსი, ნაჭედი, 29,5X23 სანტ. მთავარ
ანგელოზი სრულის ტანით არის წარმოდგენილი, შუბით და ბურთით; ფრთები
გრძელი აქვს, დასერილი. აშიები შედგენილია სხვა და სხვა დროის და ხელობის
ნაჭრებისაგან. ზემოდ ლამაზი ბროწეულის ყვავილებისაგან შემკობილი; ქვემოდ
რომბ-ლურსმული; მარცხნივ წვრილი ბროწეულის ყვავილებისა. აქ შუაში სრულის
ტანით წარმოდგენილია: წ-ჲ პ-ვლე, მაგრამ თავი ეხლა აღარ აქვს. მარჯვნივ სხვა
ნაჭრებია. უნდა იყოს არა უგვიანეს მე-14 საუკუნ. ზემოდ წარწერაა:

წ-ჲ მ-ქლ : მთავარანგელოზი. (№16865).

ორივე მხრით მთავარ ანგელოზისა წარწერაა:

ქ. წ-ო : მქლ წმიდაო მიქელ

მთვრ მთავარ-
ანგე ანგელ-
ლზო ლოზო,
შ-ე : ი შეიწყალე
ვნე ივანე
ლრი ლორი-
ანი :. ანი.
წ-ო მთვ წმიდაო მთა-
არ : ანგე ვარანგე-
ლოზო ლოზო,
მწე და ფარვე მწე და ფარ-
ლ ექმენ ველ ექმენ
ივანე ივანეს
ს : ლორიან ლორიან-
სა : ჲვანეს სა, ივანეს
დოღვნა : დოღვ(ა) ნსა.
ჲჭედა იჭედა
საჴელო საჴელო
ბასა შენსა ბასა შენსა

12. ხატი მთავარ ანგელოზისა, ვერცხლისა, ნაჭედი, 8X15 სანტ. სვანური ტლანქი
ხელობისა, მე-18 საუკ. დასასრულისა თუ მე-19 დასაწყისისა (№ არ მახსოვს). მთავარ
ანგელოზი ფრთოსანი სახარებით ხელში, სრულის ტანით არის წარმოდგენილი. ეზო
და აშიები ხლართულებით არის შემკობილი. ზემოდ მხედრულის წარწერაა:
1. მთავარ :. ანგელოზო :. იხსენ ფაცი
2. გელოანი :. სულა :. და გიორგი :. მა
3. თა :. ცოდვისაგან :. სამთავე :. ძმანთა(sic) :. შე-
 4. უნდოს :. ღმერთმან ამინ :. კირიალისნ.

13. ბოყერი, რომელიც შესდგება გრძელი ხეტარისაგან და მასზე დასმული

ვერცხლის ბურთისაგან; ბურთზე დამყარებულია პატარა ხატი ღვთის მშობლისა
ჩჩვილედი, წარწერით: დ-დ ღ-თ. ღვთის მშობელი ტახტზე ზის; აშია შემკობილია;
მეორე გვერდზე წარმოდგენილია ჯვარცმა. ბურთზე არის წარწერა ხუცური,
რომელიც წინა ხატთან არის გადაღებული:
მოჰშელსა გურეის :. გუმმრ/ ჯე: დ : აცხ¯ვნე,
ესე იგი: მოჰაშელსა გურეის გაუმარჯვე და აცხოვნე.
მოაში ის ადგილია, სასაშის მახლობლად, სადაც მინერალური წყლებია.

14. ხატი ღვითის მშობლისა, ჩჩვილედი, ვერცხლისა, ნაჭედი, ღვთის მშობელი

წელს ზევითია ძითურთ; სრულიად ტლანქი ხელობისა. ზემოდ აშიაზე არის ჯვარცმა
მთავარ ანგელოზებით კუთხეებში. აშია მარცხნივ შემკობილია ერთმანეთში
გადაბმულის ნახევარ რგოლებით. ქვემოდ ერთობ ვულგარული ხუცური წარწერაა
(№ 16867). მე-18 საუკუნის დასასრულისა, ან მე-19 საუკუნის დასაწყისისა უნდა იყოს.

15. ხატი მაცხოვრისა და ღვთის მშობლისა, ვერცხლისა, 25X21,5 სანტ. შესდგება

ორი რომბ-ლურსმულის მოხატულობის ფირფიტებისაგან; ერთზე მაცხოვარია
წარმოდგენილი, ერთობ ტლანქი ხელობისა; მეორეზე უფრო ლამაზი ნახელავი
ღვთის მშობელი წელს ზევითი (№16867).

16. ხატი მაცხოვრისა, ვერცხლისა ნაჭედი, ტლანქი სვანური ხელობისა მე-18-19

საუკ. მაცხოვარი ტახტზე ზის, მარჯვენა ხელით აკურთხებს, მარცხენაში სახარება
უჭირავს. წარწერა სახელისა ხუცურია: ი-ჳ ქ-ე. აშია რომბ-ლურსმული ფართო
(№17618).

17. პატარა ღვთის მშობლის ხატი, ჩჩვილედი, ვერცხლისა, მოოქრული; ნიმბები

და აშია დაცულია, სხვა გაფუჭებულია.

18. ასეთივე პატარა ხატი წმ. გიორგისა, ვერცხლისა, წარწერით: წ-ჲ გ-ი. 9,5X7,5
სანტ. დაზიანებულია.

19. ასეთივე მეორე პატარ ხატი წმ. გიორგისა, ვერცხლისა, 7,5X6 სანტ. წარწერით:
წ ჲ გ-ი. დაზიანებულია.
-

სამივე ხატი გადაღებულია ერთ ფირფიტაზე №16868. ამავე ფირფიტაზე

მოთავსებულია ათი ნაჭერი სხვა და სხვა ხატებისა. სხვა და სხვა დროის და
ხელოვნების ნაშთებისა, მათ შორის განირჩევა ზემოდ და ქვემოდ ხატების აშიების
შემკობილობანი კლასიკური პერიოდისა; ხატის ნიმბი მშვენიერი ნახელავი იმავე
დროისა და იქვე ლამაზი წარწერა: გ¯ბლ. რომბ-ლურსმულ აშიებზე მარჯვნივ და
მარცხნივ წარმოდგენილნი არიან წმ. გიორგი და წმ. დიმიტრი სრულის ტანით.
 20. პატარა ხატი მაცხოვრისა, ვერცხლისა, ნაჭედი, 14X11 სანტ. მაცხოვარი
სრულის ტანით არის წარმოდგენილი, მაგრამ ერთობ ტლანქი ნახელავია. წარწერა
მხედრული ვულგარულია და განირჩევა მხოლოდ: მაცხოვარო მოიხსენე...

21. ორი პატარა გულსაკიდი ხატი ღვთის მშობლისა, ჩჩვილედი.

22. ზემო ნაწილი აწ დაკარგული ხატისა ლამაზი ხელობისაა. ამაზედ დარჩენილია

ნაწილი სახელის წარწერისა: ლშევეშისა (?). ეს სამი ნივთი მოთავსებულია
ფოტოგრაფიაზე №16869. აქვე არის კიდევ გადმოღებული ფრაგმენტი ძველი ხატის
აშიისა, ლამაზად შემკობილი ბროწეულის ყვავილების მსგავსი ორნამენტით
კლასიკური დროისა. კიდევ შემკულობა ერთი სპილენძის ჭურჭელის გარეგანი
ბოლოსი, აგრეთვე თოფის წამლის შესანახი (საწამლე) ხის მრგვალი ჭურჭელი, ორი
მანგალის მსგავსი ნივთი სპილენძის სახელურით. საპირისწამლე მოხარატებული,
ხოლო სახელურები სპარსულ-ქართული მინანქრით არის შემკობილი.

23. ლაგამი ცხენისა, რკინისა, ვერცხლით შემკობილი, ზოგიერთის გადმოცემით,

ეს თამარ მეფის ცხენის ლაგამია (№16871).

24. ლახტი რკინისა, რომელიც თავდება თორმეტის წვეტით და ტარიც შემკობილი

აქვს (№16871).

25. ერთი კარი კარედი ხატისა, ვერცხლით შეძერწილი, გაყოფილია ჩუქურთმიანი

გრეხილით ორ ნაწილად; ქვემო ნაწილში ქრისტეა წარმოდგენილი სრულის ტანით;
ზემო ნაწილში მოსჩანს ფრთოსანი ანგელოზი. ხელობა ტლანქია (№16870).

26. სამირონე ვერცხლისა, რომელზედაც გამოხატულია ღვთის მშობელი.

27. ნარჩენი კარედი ხატისა, რომლის ზომა ყოფილა 123X73 სანტ. ზემოდ
დარჩენილია ვერცხლის შემკობილობის ფრაგმენტები და აგრეთვე კარებზედაც.
ამათზე გამოსახული ყოფილა მთავარ ანგელოზები.

28. ლახტი სპილენძისა, ექვსი ფრთით.

29. ჩუკულის ეკლესიაში წინად დაცული ყოფილა ქოლგის პირი აბრეშუმის

მატერიისა, გამშვენებული სხვა და სხვა სახეებით, მათ შორის ოთხი მზის სახეა, ამას
თამარის ქოლგას უწოდებენ თურმე. ეხლა ეს ქოლგა ჩუკულის ეკლესიაში აღარ
მოიპოვება, მაგრამ მისი სურათი წინეთ გადაუღია ერმაკოვს (№184).

ძველი ეკლესია ჩუკულისა.

 პატარა ფიშხორის პირად ყოფილა გაშენებული ძველი ეკლესია, რომელიც დღესაც
მთელად არის შენახული, მაგრამ ხალხი იძულებული ყოფილა დაეტოვებინა იგი,
ვინაიდან მოშორებით არის სოფელზე და ამას გარდა, რაც თავი მიზეზია, წყალს
მოუნგრევია კიდეები და მიახლოვებულა ეკლესიის კედლებთან, ასე რომ ამ ძველ
ეკლესიას დიდი საშიშროება მოელის. ხალხი აქ დღესაც დადის სალოცავად და
დიდის ამბვით იხდიან მთავარ ანგელოზთა დღესასწაულს. განსაკუთრებით აქ
დადიან მონადირენი და მოაქვთ თავის ნანადირევის რქები. ეკლესია უფრო დიდია,
ვიდრე ეხლანდელი ჩუკულის ეკლესია, რომელშიაც ძლივს ეტევა ხატები. ეკლესია
ქვისაა. ყავრით დახურული და ვინაიდან ის ჯურღმულის პირზეა აშენებული,
ამიტომ მისი საფუძველი ერთ საჟენ ნახევრით არის ამაღლებული. შესავალი ერთი
აქვს სამხრეთით. აღმოსავლეთის ფანჯარა მოგრძოა და შემკობილი ჯვარის სახედ
გამოწეული ქვებით და ქვის ჩარჩოც აქვს პილიასტრებზე დამყარებული. თითო
ფანჯარა მოიპოება კიდევ დასავლეთით და სამხრეთით. კანკელი ძველია, ქვისა,
ერთის აღსავლის კარით. ის შესდგება ორი ნაწილისაგან. ქვემო ნაწილი ორი არშინის
სიმაღლისა წარმოადგენს უბრალო ქვის კედელს, რომელზედაც დამყარებულია
ლამაზი ქვის გათლილი სვეტები კამარებითურთ. ტრაპეზი კედელზეა მიშენებული.
კედლები ფრესკებით ყოფილა დაფარული, მაგრამ ეხლა სულ მოშლილია და აქა-იქ
ეტყობა მხოლოდ. ეკლესიაში მოიპოვება აუარებელი მოძარცული ხატების და
ჯვრების ფიცრები, მათ შორის სამი დიდი, საჟენ-ნახევრიანი ხის ჯვარი. არც ერთ
მათგანზე ვერცხლის ფირფიტები არ შენახულა. ბევრია აგრეთვე ირმის და შველის
რქები. როგორც ეტყობა, ეს ეკლესია უკვე მე-18 საუკ. დაუტოვებიათ და მათი
ნივთები გადაუტანიათ და მით გაუმდიდრებიათ ეხლანდელი პატარა ჩუკულის
ეკლესია. ის მოჩუქურთმებული კარიც, რომელსაც დღეს იქ ვპოულობთ, აქედან არის
წაღებული.

სოფელი ჩიხარეში.

სოფელი ჩიხარეშის ეკლესია ღვთის მშობლის მიძინებისა ერთობ სულ ახალია,

ქვისა, გუმბათიანი, მასში დაცულია ორი ძველი ხატი:

1. ხატი ღვთის მშობლისა კარედი, ვერცხლისა, ნაჭედი; შუა ნაწილი ზომით 45X41
სანტ. კარები, თითო 50X20 სანტ. №16879, აგრეთვე უვაროვისა, ტაბ. XXXV, სურ. 60).
შუა ნაწილში წარმოდგენილია ღვთის მშობელი ჩჩვილედი, მაღალ ტახტზე
მჯდომარე, წარწერით ზემოდ, კამარას ქვეშ:
დ-დჲ ო-ისა : ი-ჱ- ქ-ე : ს-ი.
ღვთის მშობლის ფეხის ქვემოდ წარწერა:
ქრისტე შეიწყალე გაბრიელ.
ორივე მხარეს ღვთის მშობლისა სრულის ტანით წარმოდგენილნი არიან პეტრე და
პავლე, წარწერებით: პ-ტრე, პავლე. მარჯვნით პეტრეა, მარცხით – პავლე. ამათ თავზე
ღვთის მშობლისკენ მიქცეულნი ფრინავი მთავარ ანგელოზნი. ამათი წარწერა
მოქცეულია ზემოდ, პატარა კამარებში: წ-ჲ მ-ქლ, წ-ჲი გ-ბლ. აშიაზე ქვემოდ ამ ხატის
შუა ნაწილისა სწერია:
წ-ო : ღ-თის მშობელო : შ-ე : ესე : ჴევაჲ : და : ჴევსა :
აზნაური.
 კარებზე, კამარების ქვეშ, წარმოდგენილნი არიან სრულის ტანით, საომარი
ტანისამოსით, შუბით და ფარით და მახვილით წელზე: წ-ი გ-ი (მარცხნივ) და წ-ი თ-ე
(მარჯვნივ).
წ. გიორგის ზემოდ აშიაზე წარმოდგენილ არიან წელსზევითნი ფიგურები
ვედრებისა და მთავარ ანგელოზებისა. ასეთი კომპოზიცია წ¯ა თეოდორესი ზემოდ არ
შენახულა. ყველა ფიგურები ამ ხატისა მოქცეულნი არიან ორ სვეტზე დამყარებულ
კამარებს ქვეშ და სვეტებს აქვთ თავისი ბაზები და სვეტის თავები
მოჩუქურთმებულნი. ხელობა ამ ხატისა და ხასიათი ასომთავრული წარწერებისა
მოგვაგონებენ ჩუკულის ღვთის მშობლის კარედის ხატს, ჩვენ მიერ ზემო აღწერილს
მე-7 ნომერს ქვეშ. და ერთის და იმავე ოქრომჭედლის ნახელავი უნდა იყოს.

2. ხატი მაცხოვრისა, ნაჭედი, 36,5X27 სანტ. (ფოტოგრ. №16880) მაცხოვარი ტახტზე

მჯდომარეა სახარებით და მაკურთხევლის მარჯვენით. სახე ერთობ დაღვრემილი
აქვს, თითქო სტირისო. წარწერა: ჲჱ ქე. პირველ სიტყვაში, საკვირველია ჱ-ს ხმარება
მიღებულ ჳ ანუ ო-ს მაგიერ. აშია ორი აქვს; ერთი უფრო ფართო დაცულია მხოლოდ
მარჯვნივ ორის მედალიონით, ვგონებ, მთავარ ანგელოზებით; მეორე, ვიწრო
ტალღისებური. მოგვაგონებს ლევან დადიანის ხატებს მე-17 საუკუნისა. ხელობა
ხატისა ტლანქია და უნდა ეკუთვნოდეს მე-17-18 საუკ. ამ ფოტოგრაფიაზე ზემოდ
მარცხენა კუთხეში მოთავსებული პატარა ხატი განცალკევებული ხატია იმავე
ეკლესიისა.

სოფელი მახაში.

სოფელი მახაში პატარაა და გაშენებულია მთაზე, ცხენისწყლის მარჯვენა

ნაპირზე, პირისპირ ჭითხარის მწვერვალისა, რომელიც ეკუთვნის შკეთის მთებს და
რომელზედაც 30 ივლისს ჯერ კიდევ თოვლი იდვა (№17423) მწვერვალზე ტბა
ყოფილა ხუთი საჟენი სიგრძით. სოფელი ლამაზია. მისი პეიზაჟი იხ. №№1725 და
17424.
ძველი მიქელ მთავარ ანგელოზის ეკლესია სოფლისა პატარაა, ქვისა. ეხლა
განუახლებიათ შიგნით და გარედაც. კანკელი ახალი აქვს ლამაზად მოხატული.
ეკლესიაში ჩვენ ვნახეთ:

1. ხატი მთავარ ანგელოზისა მიქელისა, ვერცხლისა, ნაჭედი, 65X53 სანტ.

წარწერით: წ-ჲ მ-ქლ (№17626). წარმოდგენილია მთელის ტანით, ხმლით და
გრაგნილით. აშია რომბ-ლურსმულია სამი მედალიონით, რომელზედაც
გამოხატულნი არიან: წ-ჲ ბ-სლ, წ-ჲ ჲოვანე, ი-ჳ ქ-ე. ხატი მე-16 საუკ. უნდა იყოს.

2. ხატი ღვთის მშობლისა ჩჩვილედი, ვერცხლისა, ნაჭედი, 45X36 სანტ. ფიგურა

წელს ზევითია წარწერით: დედაი ღმრთისა, ი-ჳ ქ-ე. აშიები რომბ-ლურსმულია ხუთის
მედალიონით წმიდანებისა. ქვემო აშია უფრო ძველია. ხატი მე-16 საუკ. უნდა იყოს
(№16884).
 3. ჯვარი ხისა, შუა ტანისა, შეძერწილი ვერცხლის ფირფიტებით, ტლანქი
გამოხატულობით ჯვარცმულისა, 27X17 სანტ.

სოფელი დაბიში.

სოფელ დაბიშში სულ პატარა ძველი ქვის ეკლესია არის, მიწერილი ჩიხარეშის
ეკლესიაზე. გარეგნიდან ეკლესია არ განირჩევა უბრალო სახლიდან. შიგნით მისი
სიგრძე არის ხუთი არშინი, განი სამი არშინი, სიმაღლე 5 არშინი. საკურთხევლის
განი არის 1 არშინი და 5 ვერშოკი, კანკელი ორის კამარით და ერთი აღსავლის კარით
შუაში; ტრაპეზი კედელზეა მიდგმული.
ეკლესია სულ მოხატულია; მაგრამ უმთავრესად აქ ფრესკებია ადგილობრივ
პირთა ნაციონალურ ტანისამოსებში. მათი წარწერა, არა სწორი ქართულით,
მხედრულია. ამათ შორის ჩრდილოეთის კედელზე წარმოდგენილნი არიან ქართულ-
კახური ტანისამოსით და მაღალის ქუდებით თავზე:
„კველ ჯაღიბიანი“. შემდეგ ქალია, ალბათ მისი ცოლი, ქართულის გულის-
პირიანი კაბით, კავებით და სარტყელით, კაბაზე ლურჯი ქათიბი აქვს გადაცმული,
თავზე რაღაც გვირგვინის მსგავსი ქუდი ახურავს და უწერია სახელი:
ლ(ა) შხიშვილის ქალი თუტრუა.
ამათ ქვემოდ უფრო ახალგაზრდა ქალია ასეთივე ტანისამოსით, როგორც
თუტრუა, ხოლო მისი მოსასხამი ჭრელის მატერიის არის და უწერია: „მარეხ“.
„მარეხ“ უნდა იყოს წინა ცოლ-ქმრის ასული.
დასავლეთის კედელზე წარმოდგენილნი არიან ქართულ-კახური ტანისამოსებით:
ნანბა ლადღიბიანი (მარცხნივ კარისა) და მერაბ ღიბიანი (მარჯვნივ კარისა).
სამხრეთის კედელზე დახატულნი არიან:
„ღიბიანი ტაიბუხ და იაშვილის ქალი კუთია და მათი ძე ბაწია“.
ბავშვსაც ქართულ-კახური ტანისამოსი აცვია.
საკურთხეველის კონქში მოსჩანან ღვთის მშობელი ჩჩვილედი და მათ ორივე
მხარეს მთავარ ანგელოზნი, ქვემოდ „ქერუბინები“ და „სერაფინები“; ტრაპეზის
ზემოთ კედელზე ჯვარცმაა წარწერით: „მეძინუბის ჴათი“; აქეთ-იქით: იოანე
ოქროპირი და ბასილი დიდი, წარწერით: „იოვანე, ბასილი“; აქვე ერთი ფიგურა
სამღვდელო ტანისამოსით და სახარებით; წარწერა აქვს: „სდუბანუ“. ვგონებ,
არხიდიაკონი სტეფანე იგულისხმება.
ჩრდილოეთის კედელზე არის ამაღლება და წ-ა გიორგი. სამხრეთის კედელზე
ყოვლად წმიდის მიძინება, წარწერით: „ღოლა წმიდის მიძოღობა“. შემდეგ ჯვარცმა
წარწერით: „ი-ო ჯრისმა“; შემდეგ სვიმონი წარწერით: „სუმონ“. დასავლეთის
კედელზე: ნათლის ღება და აღდგომა ქრისტესი. თაღებზე საკურთხეველისა: პეტრე
და პავლე წარწერებით: პეტრე, პავლე, წმიდა ნინო და კიდევ წ-ა ეკატერინე და წ-ა
ბარბარე. ქვემოდ მარჯვნივ, იოანეს თავის კვეთა წარწერით: „ივანუს თავის ქოთა“;
მარცხნივ მსხვერპლი აბრაამისა წარწერით: „სამხდო აბრამის“. კარების მახლობლად
მესვეტენია. ფრესკები ტლანქი ხელობის არის მე-17-18 საუკუნისა. თვით ეკლესიაში
დიდი ჭურია ჩამარხული იატაკში; დასახურავი ხისა აქვს. ნივთებით ეკლესია
ღარიბია. მასში ჩვენ ვნახეთ:
 1. ხატი პატარა მთავარ ანგელოზის გაბრიელისა, ვერცხლისა, ნაჭედი, 8X6,5 სანტ.
მთავარ ანგელოზი წარმოდგენილია სრულის ტანით, ლაბარუმით და ბურთით (იხ.
№16882, ქვემოდ, მარცხნივ). ხელობა გვარიანია.

2. ორი ხის ჯვარი, შუათანა ზომისა, შეძერწილი ვერცხლის ფირფიტებით, ტლანქი

ხელობისა.

3. რკინის უბრალო ჯვარი.

სოფელი ახაშენი.

ეს სოფელი დაბიშის ზემოდ მდებარეობს. ხოლო ახაშენის ზემოდ, მთის

დაქანებულ კალთაზე, არის ადგილი, რომელსაც ჰქვია მაშენა (ესე იგი უფალი) და აქ
არის ხის ეკლესია, მაგრამ ეხლა იქ წირვა აღარ არის. მასში ინახება:

1. ფრიად თავისებური სქელი სპილენძის ხატი მთავარ ანგელოზის გაბრიელისა,

ანუ უკეთ რომ ვსთქვათ, ორი ხატი იმავე მთავარ ანგელოზისა, ერთი ზემოთი
მფრინავის სახით წარმოდგენილი და მეორე ქვემოდ, ფეხზე მდგომარე, შუბით
მარჯვენა ხელში და გრაგნილით მარცხენაში. წარწერა ორთავეს ასომთავრულით: წ-ი
გბრ-ლ. ორთავე მთავარ ანგელოზი ერთ სქელ წითელი სპილენძის ფიცარზეა
წარმოდგენილი ძლიერის რელიეფით. მაგრამ თითოეული მათგანი გარედან
შემკობილ ოთხკუთხედშია. ოთხკუთხედების სვეტები მარჯვნივ და მარცხნივ
ორმაგია თავისი ბაზებით და სვეტის თავებით (№16881); ხატი ჩამოსხმული უნდა
იყოს. ასეთი ხატი ჩვენ პირველად გვხვდება არა თუ სვანეთში, არამედ საქართველოს
სხვა კუთხეებშიც. ფიგურები მოკლეა და მოტლანქო.

2. ხატი წმიდა გიორგისა, ვერცხლისა, ნაჭედი, 40X32 სანტ. ძლიერ დაზიანებული

და გაფუჭებული, წარწერით: წ-ჲ გ-ჲ. წმიდანი წარმოდგენილია მთელის ტანით,
ფარით და შუბით. აშიები მოცილებული აქვს. ხელობა ერთობ ტლანქია. იხ. №16882,
შუაში უმთავრესი ნაწილი.

3. პატარა ხატი წმიდა გიორგისა, დაცულია მხოლოდ ვერცხლის პერანგი; წმიდანი

წარმოდგენილია მთელის ტანით, ფარით და შუბით. ხელობა ტლანქია, იხ. №16882,
მარჯვენა მხარე, ქვემოდ.

4. ხატი უცნობი წმიდანისა, სრულის ტანით, ხეზე ამოჭრილი ღრმად,

ოთხკუთხედში, ლამაზი ხელობისა, უწარწეროდ. იხ. №16882, მარცხენა მხარე. ეს
უნდა იყოს სარჩული ვერცხლის ხატისა, შემოსილობა მოძარცული.

5. დიდი ვერცხლის ჯამი საკმეველისათვის, სასაკმეველე.

6. ბევრი სხვა ვერცხლის თასები და კათხები ხისა არაყისათვის.

 სოფელ ახაშენის მცხოვრების ტიპი, ჯაბა ნემსაძე, იხ. ფოტ. №17518.

სოფელი მელე.

ამ სოფლის ეკლესია წმიდის გიორგისა ახალია, ხისა, ახალი ხის კანკელით. მასში
ჩვენ ვნახეთ:
თავი ხატი წ-ი გიორგისა, ვერცხლისა, ნაჭედი, 35X25 სანტ. წმიდანი
წარმოდგენილია ცხენით, შუბით გმირავს გვირგვინოსანს, რომელსაც გრძელი
ამოღებული ხმალი უჭირავს ხელში. აშიები შესდგება ერთმანეთში გადახლართული
ნახევარი წრეებისაგან, წერტილებისაგან შემდგარი ხაზებით შუაში. ხელობა ტლანქია
(№ 16883). წარწერა სახელისა: წ-ი გ-ი. ზემოდ უშნო ხუცურით:
ქ1 :. ამისა :. ოქრო :. მჭე / დელსა :. იოსეს :. შ-ნდს :. ღ-ნ.
ქვემოდ მეორე წარწერა:
1. ქ. მოჭედინე :. ხტი :. ესე წი-სა :. გ-ის :. მ-ლს :. მე :.
დევდანის :. ქლმნ :.
2. ყზმის :. სხსრდ :. სლსა :. ჩ-მთ-ს :. და ქრმისა :. ს-ხად.
ესე იგი: მოვაჭედინე ხატი ესე წ-სა გიორგის მელეს მე დევდარიანის ქალმან ყაზმის
სახსრად სულისა ჩემისათვის და ქმრისა საოხად. ხატი მე-18 საუკუნის უნდა იყოს.

2. პატარა ხატი ღვთის მშობლისა ჩჩვილედი, 5,5X5,5 სანტ. ბერძნულის წარწერით

სახელისა. ფიგურა ძლიერის რელიეფით არის წარმოდგენილი (იქვე, №16883, ზემოდ,
მარცხენა კუთხეთში).

3. ხატი ღვთის მშობლისა, ვერცხლისა, ნაჭედი, 12,5X11 სანტ. ღვთის მშობელი

წარმოდგენილია მთელის ტანით ორ სვეტზე დამყარებულის კამარის ქვეშ, ჯვარით
ხელში. აშია მოჩუქურთმებულია (№16888), მე-17-18 საუკუნის უნდა იყოს.

4. პატარა ხატი წმ. ბართლომე და მიტროფანესი, განცალკევებულ ვერცხლის

ფირფიტაზე, სრულის ტანით და უბრალო შემკობილობით (იგივე ფოტო №16888).

5. პატარა, დარღვეული ხატი ღვთის მშობლისა, ვერცხლისა.

სოფელი ნაცული.

სოფელ ნაცულის ეკლესია მთავარ ანგელოზისა პატარა, ქვისა, განახლებულია და

ქვის ძველი კანკელი ახალის ქვის კანკელით შეცვლილი. ეკლესიაში მოიპოვება:

1. ხატი მთავარ ანგელოზ მიქაელისა, ვერცხლისა, მოოქროული, ნაჭედი, 55X42

სანტ.

_________
 1 დედანში წილ-ქანია.

მთავარ ანგელოზი წარმოდგენილია სრულის ტანით, ბიზანტიური სამეფო

ტანისამოსით. ლაბარუმით და ბურთით. წარწერა: მთვრგზძი (sic) მ-ქლ (№16887). ეზო
ზეომოდ ვაზოვანი ორნამენტით არის მოკაზმული; ქვემოდ რობმ-ლურსმული
შემკობილობით; თვით ხატი მე-16საუკ. უნდა ეკუთვნოდეს. აშიები სხვა და სხვა
დროის ფრაგმენტებისაგან შესდგება წმიდათა მედალიონებით. ზემოდ და მარცხნივ
შვიდი მედალიონია ტლანქი ხელობისა. შუაში ვედრებაა; მარცხნივ და მარჯვნივ –
ღვთის მშობელია მთელის ტანით. მარცხენაზე აწერია: დ-ი ღ-თ. ქვემოდ, მარჯვნივ
კიდევ ოთხი მედალიონია; მათ შორის ორი ღვთის მშობლისა და ერთიც მთავარ
ანგელოზისა. ორივე მხრით მთავარი ხატისა წარწერაა ვერტიკალურად,

მარცხნივ: მარჯვნივ:
ქ . მთ . . ა ამესჲ
ვრ განმ
ნ-აგ ეტი : ნ
ლძი : ჴვრ
შევე ირრს
დრა სჴვ
ნჲ : ივნ ი : ღთი
ესუ საჲ :
ლთა : ამ .

პირველი წარწერა უნდა იკითხებოდეს: მთავარანგელოძი (sic). შეიწყალე

ვედრანჲ ივანე სულითა, ამინ.
მარცხენა წარწერას, როგორც ეტყობა, თავი აკლია და გაუგებარია; შეიძლება ასე
იკითხებოდეს: ..(დ)ა ამესაჲგან (=ამისაგან) მეტი. ნაჴევარი რარასის (ანუ რარესის)
ჴევი ღვთისა.

2. ხატი ღვთის მშობლისა ჩჩვილედი, ვერცხლისა, ნაჭედი, 23X16 სანტ. ღვთის

მშობელი წელ ზევით არის წარმოდგენილი რელიეფით. წარწერები: დ-ი ღ-ს, იჳ ქ-ჱ.
ეზო სადაა; აშიები ტალღისებურ შტოებით შემკობილი, ჩვეულებრივი მე-17
საუკუნისათვის; ხატი ამ მე-17 საუკ. ეკუთვნის (№16885).

3. ხატი მთავარ ანგელოზისა, ვერცხლისა, ნაჭედი, 21X18 სანტ. შუაში

წარმოდგენილია, როგორც მედალიონში, მთავარ ანგელოლზი წელზევითი
საზომავით ხელში. ხატის ოთხივე კუთხეში მაცხოვარია ტახტზე მჯდომარე; ხელობა
ტლანქია (იქვე, №16883). წარწერები ზემოდ, მარჯვნივ და ქვემოდ მთავარ
ანგელოზისა ერთობ ვულგარული ხუცურ-მხედრული ასოებით. ზემოდ:
წ-ო სამებაო / შ-ე ესტატე.

4. პატარა ხატი ღვთის მშობლისა ჩჩვილედი, ვერცხლისა, ტლანქი ხელობისა (№

16885, მარცხენა კუთხეში ღვთის მშობლის ხატისა.).
 5. ხატი ღვთის მშობლისა ჩჩვილედი, ვერცხლისა, ნაჭედი, 26X22 სანტ. რომბ-
ლურსმული აშიით, სანახევროდ მოშლილია, ფრიად ტლანქი ხელობისა (№16886).

6. ხატი ორი წმიდა გიორგისა, ვერცხლისა, ნაჭედი. ზემოდ და ქვემოდ ექვსი

მედალიონი წმიდანებისა. ორთავე წმიდა გიორგი წარმოდგენილნი არიან პირის-პირ
ცხენებით, გვირგვინოსან კაცს გმირავენ შუბებით. ტლანქი ხელობისაა (იქვე №16886).
ქვემოდ გაფუჭებული ხუცური ასოებით მოსჩანს:
ო-(უფალო) სამებაო / შეგვიწყალე.

სოფელი ხერია.

სოფელი ხერია გაშენებულია მდინარე ტვიბერის წყლის პირად. ამ სოფლის სახე

იხილეთ ფოტოგრაფია №17426, ხოლო სოფლის წისქვილის ხის შენობა №17427.
პატარა ეკლესია ამ სოფლისა წმიდა გიორგისა ქვისაა, ერთი კარით სამხრეთით. ის
განუახლებიათ ამ ხანად და ძველი ქვის კანკელი შეუცვლიათ ხის კანკელით,
რომელიც ჯერ მოხატული არ არის. ამ ეკლესიაში ინახება:

1. თავი ხატი წმ. გიორგისა, ოქროსი, ნაჭედი, 40X31 სანტ. მთავარ მოწამე ცხენით
არის წარმოდგენილი, გვირგვინოსანს გმირავს, შუბი მისი თავდება ჯვარით,
მოსასხამი ზურგს უკან ფრიალებს ჰაერში, წელზე ჰკიდია დიდი ხმალი. წარწერა
სახელისა: წ-ი გი. ნიმბი და ქვემო ნაწილი ხატისა დაზარალებულია. ეზო ლამაზი
ვაზოვანი ორნამენტით არის შემკობილი. აშიები ზემოდ და ქვემოდ მერმინდელია,
ტლანქი ჯვრებით და წერტილების სახეებით. ხოლო მარცხნივ და მარჯვნივ აშიები
კლასიკური დროის არის, ბროწეულის ყვავილების მსგავსი ორნამენტით შემკობილი.
თვით ხატი, ჩვენის აზრით, არის არა უგვიანეს მე-13-14 საუკ. (№16889). ზემოდ ხატს
მიბმული აქვს ძეწკვი.

2. ხატი მაცხოვრისა, ვერცხლისა, ნაჭედი, 38,5X25 სანტ. მაცხოვარი ზის მაღალ

ტახტზე, სახარებით ხელში. ნიმბი დიდია ჯვარის სახედ. წარწერა ასომთავრული
ჯვარის მსგავს მედალიონებში: იო Xე (sic). საკვირველი ის არის, რომ ქრისტეს
სახელში პირველი ასო ბერძნულია და მეორე ქართული. ხატი ტლანქი ხელობის არის
მე-18-19 საუკუნისა. (№16890).

3. წამლით ხეზე დახატული ხატი წმ. გიორგისა, 29X19 ვერშოკი, წარწერით: წმიდა
გიორგი. ლამაზია.

4. ასეთივე ხელობის ხატი მაცხოვრისა, 20X15 ვერშოკი.

5. ასეთივე ხელობის ხატი მთავარ ანგელოზთა, 24X19 ვერშოკი.

სამი უკანასკნელი ხატი კანკელშია და ეკუთვნიან მე-19 საუკ. დასაწყისს.

 სოფელი შგედი.

სოფელი შგედი ახალის ქვის ეკლესია არის, ხის გუმბათით და ახალი ხის
კანკელით; ეკლესიას ახალი სამრეკლოც აქვს (ამათი სახე იხ. №17428). ეკლესიაში
ბლომად არის ძველი ნივთები:

1. ხატი მაცხოვრისა, ვერცხლისა, ნაჭედი, 46X31 სანტ. ტლანქი ხელობისა, მე-17-18

საუკუნის. მაცხოვარი ტახტზე მჯდომარეა, სახარებით და მაკურთხეველის
მარჯვენით. სახარება ორი ჯვარით არის შემკობილი. ნიმბი ჯვარის სახით არის.
წარწერა სახელისა ი-ჳ ქ-ე. აშიები შემკობილია ერთმანეთში ჩახლართული
რგოლებით და წერტილებით. მარცხენა და მარჯვენა აშიებზე მთავარ ანგელოზებია
ისეთივე ტლანქი, როგორც მაცხოვარი (№16892). ქვემოდ ვულგარული ხუცურით
სწერია:
მაცხოვარო : მე-ხ და მფარველ :. ექმენ :.
ნასყიდასა :. ჯაფარიძესა :. და თანა :. მეცხედრესა
მისსა :. ყიფიანის :. ქალსა :. სათუთს :. დ-ღსა :. მ-ს:.
განკითხჳს-სა :.
ზემოდ ერთ-სტრიქონიანი წარწერა:
ჯაფარიძეს :. ნასყიდას :. ცოლსა :. მისსა ს- თთ- ს შ- ნდ- ს ღ- ნ.

2. ხატი მაცხოვრისა (№17891). ეს ხატი სრული განმეორებაა ხერიის მაცხოვრის

ხატისა, ზემოდ მე-2 ნომრით აღწერილისა (გვ. 118).

3. ხატი წ-ა თეოდორესი, ვერცხლისა, ოქროთი დაფერილი, ნაჭედი, 40X27,5 სანტ.

წმიდანი წარმოდგენილია რომაულ საომარ ტანისამოსით, სრულის ტანით, შუბით
მარჯვენა ხელში, მარცხენა ხელი ფარზე უდევს. სახე მისი ხანშესრულია; ნიმბის
გარშემო წარწერა: წ-ი თ-ე. ეზო ბალახ-ბულახის ორნამენტით არის შემკობილი.
აშიები რომბ-ლურსმულია, ხუთი მედალიონით წმიდათა; ამათ შორის ზემოდ
მაცხოვარია და ორი მთავარ ანგელოზი, თითო მარჯვენა და მარცხენა აშიაზე,
უწარწეროდ სახელებისა. ეს ხატი ისეთივე ტლანქი ხელობის და დროს არის,
როგორც №16892, იმავე პირის შეკვეთილი, ქვემოდ ვულგარული ხუცურით სწერია:
(№16893):
წ-ო :. თ-ე :. მეოხ :. და მფრვე
ლ :. ექმენ :. ჯაფარიძეს :. ნასყიდ
ას :. ცოლსა :. მისსა :. სათუთსა :. დღ
სა :. მს :. გ-კითხჳსისსა :
შნდოს :. ღ-ნ :.

4. ჯვარი ოქროსი, 33X29 სანტ. ზემო ნაწილი და მარჯვენა ფრთა მოშლილია.

შუაში ჯვარცმულია ორიგინალური კომპოზიციისა. ქრისტეს თავი დაუდვია
მარჯვენა მხარზე, მარცხენა ხელი მიკრული არ არის ჯვარზე, როგორც მარჯვენა,
არამედ მოხრილია და თითქოს ყელზედ აქვს მიკრული. მარცხენა ფრთის ბოლოში,
მრგვალ მედალიონში, ღვთის მშობელია; მარჯვენაში ალბათ იყო ასეთივე
გამოსახულება იოანესი, მაგრმ არ შენახულა, ეხლა დაკერებული აქვს ვერცხლის
ფირფიტა ორი მთავარ ანგელოზის გამოხატულებით. ქრისტეს ფეხს ქვეშ ადამის
თავი მოსჩანს (№16894). ხეტარი არ შენახულა. ჯვარი მე-16-17 საუკ. უნდა იყოს.

5. ჯვარი, 40X20 სანტ. ვერცხლით შემოსილი, ყოველ ფრთაზე წარმოდგენილია

სრულის ტანით მაცხოვარი ერთნაირი გამოსახულებისა, მაკურთხევლის მარჯვენით
და სახარებით მარცხენა ხელში. შუაში უმბო მოშლილია. ხელობა დაბალია, მე -18
საუკ. (№16897).

6. ხატი მაცხოვრისა, ვერცხლისა, ნაჭედი, 23X18 სანტ. მაცხოვარი წელს ზევითია;

მარჯვენა ხელით აკურთხებს, მარცხენაში სახარება უჭირავს, შემკობილი ყდით.
ნიმბი ჯვარისებური აქვს. სამოსელი ღრმად დანაოჭებულია; წარწერა დიდის
ასომთავრულით: ჲ-ჳ ქ-ჱ, აშია სადა ვერცხლისა აქვს. (№16903).

7. ხატი ღვთის მშობლისა ჩჩვილედი, ვერცხლისა, ნაჭედი, 33X27 სანტ. ღვთის

მშობელი წარმოდგენილია წელს ზევით, წარწერით: დ¯და ღ¯ს. აშია ორგვარი აქვს,
ერთი შინაგანი რომბ-ლურსმული მორთულობით და მედალიონებით წმიდათა,
ეხლა ექვსი მოსჩანს; მარცხენა მხარე დაფარულია მერმინდელი ფირფიტით,
რომელზედაც სამი მთავარ ანგელოზია სრულის ტანით; დანარჩენი აშიები
სხვანაირია (№16899). ხატი მე-17-18 საუკ. უნდა იყოს.

8. ხატი წმიდის თეოდორესი, ვერცხლისა, ნაჭედი, 28,5X25,5 სანტ. წმიდანი

წარმოდგენილია ცხენით, საომარის ლამაზის ტანისამოსით და ხმლით წელზე.
გმირავს კაცს, რომელსაც ხელი ჩაუტანებია ლახვრის წვერისათვის. ცხენი ლამაზად
შეკაზმულია. ეზო ხატისა სადაა, აშია რომბ-ლურსმული, ფართო ოთხი მედალიონით
კუთხეებში; ზემოდ ღვთის მშობელი და იოანე; ქვემოდ ორი წმ. გიორგი; წარწერა
სახელისა არ არის, ამიტომ გადაწყვეტით თქმა არ შეიძლება, აქ წმ. გიორგია
წარმოდგენილი, თუ წმ. თეოდორე (№16900). ხატი მე-16 საუკ. უნდა იყოს.

9. ხატი წმიდისა იონაჲსა, ვერცხლისა, ნაჭედი, რელიეფით, სახე წმიდანისა

ნამდვილი სვანის ტიპია, სრულის ტანით წარმოდგენილი; ხელები ჩაუდვია წელის
სარტყელში; ჩაცმულობაც და ქუდიც სვანურია. შინაგანი აშია ორმაგი
წერტილებიდან შემდგარის ხაზებისაა; გარეგანი სხვა და სხვა ფრაგმენტებისგან
შესდგება და უმეტეს ნაწილად გაფუჭებულია. ამათში მედალიონებიც ყოფილა,
ზემოდ ქრისტესი; ქვმოდ წმ. გიორგისა; მარცხნივ, ვგონებ, მთავარ ანგელოზისა.
წარწერა ვულგარული ხუცურით: წჲ ჲნაჲ (№16898). ხელობა მდარეა, სვანური, მე-18-
19 საუკ. მარცხნივ და ქვემოდ ძლივს გასარჩევი ვულგარული ხუცურით სწერია:

1. ს-ლს 2. ჩმ. ს-ლ 3. მხ მე

მ-ხმ ს შ-ნ კ-დ ვ-ე

კდა დს ღნ ხატი
ნს
 შ-ნ
ღ-ნ

წარწერები შეიძლება ასე იკითხებოდეს: 1) სულას (ან სულის) მეოხ, მაკდანას

შეუნდვენ ღმერთმან. 2) ჩემს სულს შეუნდნეს ღმერთმან. 3). მიოხე მე კვლადვე ხატი
(ხატო).

10. ხატი წმ. ბასილისა, ვერცხლისა, ნაჭედი, 22X15 სანტ. ხუცური წარწერით: წ-ჲ
ბ-სლი. წმიდანი წარმოდგენილია წელს ზევით, ჯვარით ხელში. ხელობა ტლანქია,
სვანური, მე-18-19 საუკ. აშიები თეთრი პატარ რგოლების ხაზებისაგან შემდგარი
დაზარალებულია (№16902).

11. ვერცხლის ფირფიტები, ერთი დიდი, 38X26 სანტ. რომელზედაც

წარმოდგენილნი არიან მსუბუქის ჩაჭრით ექვსი მთავარ ანგელოზი ფრთებით და
ზემოდ სავედრებლად აპყრობილის ორივე ხელებით. შემკობილება მათი
წერტილებით, წერტილთა ხაზებით და სიმრგვალეებით, ზოგჯერ ორმაგის ტლანქი
ხელობისაა. მეორე ფირფიტაზე, რომელსაც ზემოდ რომბ-ლურსმული აშია აქვს,
წარმოდგენილია სრულის ტანით, წერტილებისაგან შემოხაზულ ოთხკუთხედებში,
ორი ერთ გვარი რიგის ღვთის მშობელი ჩჩვილედი, სრულის ტანით. ეს უფრო
ლამაზი ხელობისაა (№16901).

12. ოთხი ვერცხლის ფირფიტა წმიდათა სახეებით, №16904. პირველზე მარცხნივ,

ქვემოდ, წარმოდგენილია წ¯ა გიორგი ფეხით და ხმლით წელზე. ის შუბით გმირავს
გვირგვინოსანს. ზემოდ უწერია ხუცურად წ-ჲ გ-ი. ხელობა მდარე, სვანური, მე-18
საუკ. მეორე ფირფიტაზე, ქვემოდ, მარჯვნივ გამოხატულია წ-ა თეოდორე. წარწერა
არა აქვს. მხედარი ცხენით არის წარმოდგენილი, შუბით გმირავს ადამიანს. შუბის
თავი ვარსკვლავის მსგავსად არის შემკობილი. ზემოდ ამ ფირფიტაზე მთავარ
ანგელოზია შემკობილ რგოლში წარმოდგენილი. ხელობა სვანურია მე-17-18
საუკუნისა. ეს ხატი რამოდენიმეთ წააგავს ზემოდ მე-8 ნომრის ქვეშ აღწერილ ხატს.
ორი სხვა და სხვა ფირფიტა ზემოდ ატარებს მთავარ ანგელოზთა სახეებს სრულის
ტანით. ტლანქი სვანური ხელობისაა.

13 ხატი წამლით დახატული ხეზედ, მირქმისა, 81X53 სანტ. ახალი დროისა;

ზემოდ მხედრულის წარწერით სახელისა: მირქმა ი-ჳ ქ-ე. ქვემოდ მხედრულითვე
უწერია:
სიძველისაგან განვაახლე მირქმის ხატი ესე და შევსწირე
მე მღუდელმა სვიმონ გაბია(ნ)მან საოხად სულისა ჩემისა
სამების ეკლესიას.

14. ორი ხის ჯვარი შუათანა ზომისა, რომელნიც უნდა მდგარიყვნენ კანკელის წინ,
მაგრამ ეხლა კანკელზე არიან ამართულნი კუთხეებში. ორივე ჯვარი შეძერწილია
ვერცხლის ფირფიტებით მხოლოდ პირველ გვერდზე; ჯვარს, რომელიც მარცხნივ
არის ამართული, აქვს შუაში უმბო, ქვით შემკობილი. ფირფიტებზე წარმოდგენილია
უმეტესად წმ. გიორგის სახე, ცხენით; მხედარი გმირავს გვირგვინოსანს. იმ ჯვარზე,
რომელიც მარჯვნივ არის, გამოსახულნი არიან ორ-ორი წმიდანი სუსტის რელიეფით,
უფრო ხშირად აქაც წმ. გიორგია წარმოდგენილი.

სოფელი მარგვიში.

სოფელ მარგვიშში ყოფილა პატარა ქვის ეკლესია, რომელიც ეხლა დანგრეულია

და მიტოვებული; კანკელი ქვისა არის. სახურავი ფილაქნის ქვებისა აქვს. ყველა
კედლები ეკლესიისა, გარდა სამხრეთის კედლისა, შემკობილია პილასტრებით.
კედლებზე აქა-იქ ემჩნევა წარწერები ხუცური. აღმოსავლეთის კედელზე:
ქ. ამისა აღმშენებელსა. . . შ-ნს ღ-ნ ან.
ჩრდილოეთის კედელზე: ... შეცოდებანი ... ერთი ქვა წარწერის ნაშთით
თავუკუღმა არის მოქცეული ჩრდილოეთის კედელში. აქედან სჩანს, რომ ეკლესია
უჯეროდ შეკეთებული ყოფილა წინა დროში. კანკელს ერთი აღსავლის კარი აქვს
მხოლოდ. ამ კარის მრგვალი სვეტებიდან გადადის ორი კამარა, მარჯვნივ და
მარცხნივ ხატებისათვის. სვეტების ბაზები შემკობილია სიმრგვალეებით. კანკელზე
და ეკლესიის კედლებზე შიგნით ემჩნევა ფრესკების ნაშთები მხედრულის
წარწერებით, რომელნიც მოგვაგონებენ სოფ. დაბიშის ეკლესიის ფრესკებს და
წარწერებს. დასავლეთის კედელზე ჯერ კიდევ კარგად დაცულია სცენა, როგორ
ართმევს ეშმაკი, სატანა, ანგელოზს პატარა ბავშვს. ეშმაკი კუროს თავით არის
წარმოდგენილი, რქებით და ფრთებით. ამის გვერდით წ- ა გიორგი ვეშაპს გმირავს
შუბით. საკურთხეველში ემჩნევა ფრესკები მაცხოვრისა, წ- ა ნიკოლოზისა და ბასილი
დიდისა. ამ მიტოვებულს ეკლესიაში ჩვენ ვნახეთ მარტო ერთი ხატი წმ. გიორგისა,
23X18 სანტ. ვერცხლისა, ნაჭედი; მხედარი ცხენით არის წარმოდგენილი და გმირავს
გვირგვინოსანს. ქვემოდ, გაფუჭებულ მხედრულ წარწერაში იკითხება: წ- ო მთავარ
მოწამეო შ-ე ...
ხელობა ტლანქია, სვანური, მე-19 საუკ. (№16905).

სოფელი ღობი.

სოფელი ღობი გაშენებულია ღობის წყლის პირზე, რომელიც არის შენაკადი

ცხენის წყლისა, მარცხნივ. პატარა ქვის ეკლესია ამ სოფლისა ზედ წყლის პირად არის
ამართული და წყალდიდობის დროს ეკლესიაში წყალი შედის; ამიტომ აქ დიდი
ნოტიობა არის. აღმოსავლეთის ნაწილი ეკლესიისა შემკობილია სამი კამარით,
რომელნიც ეპყრობიან პილიასტრებს; შუა კამარაში ფანჯარაა ჯვარით.
აღმოსავლეთის კედლის ფრონტონის წვერში არის ქვიდან გამოქანდაკებული ცხვრის
თავი; მის ქვემოდ სამი ლამაზი პასკა (შიშკი). საკურთხეველის კედელში ორი უბეა.
კანკელი ქვისაა ერთის აღსავალის კარით. შესავალი მარტო დასავლეთიდან არის.
ფანჯარა არის, გარდა აღმოსავლეთისა, დასავლეთიდან და სამხრეთიდან. კედლები
შიგნით მოხატული ყოფილა ლამაზი ფრესკებით; ყველაზე უკეთესით სადადიანო
სვანეთში, ხუცური წარწერებით; საკურთხეველში კარგად ყოფილა დაცული
ფრესკები იოანე ოქროპირისა, წარწერით: ი-ე ოქროპირი; ბასილი დიდისა: წ-ჲ
ბასილი. ამათ ეტრატები აქვთ ხელთა ხუცური ტექსტებით. ტრაპეზი კედელზეა
მიშენებული; მასზე ჯვარია დახატული, წარწერით: ჯ-ი ქე- სი. ეკლესია დახურულია
ყავრით. ეკლესიაში ინახება მხოლოდ ორი ხატი:

1. ხატი ღვთის მშობლისა ჩჩვილედი, ვერცხლისა, მოოქრული, ნაჭედი, 49X43

სანტ. ღვთის მშობელი ტახტზე მჯდომარეა ძითურთ; მის ზემოდ ორივეს მხრით
მთავარანგელოზებია, მფრინავი პოზით და წარწერებით: წ-ჲ მ-ქლ, გბ-ლ. აქეთ-იქით
ტახტისა პეტრე და პავლეა. აშია მოჩუქურთმებული დაცულია მთელად მხოლოდ
მარცხნივ, ზემოდ მარტო ორი მედალიონია შენახული, და მარჯვნივ ერთი. მარცხენა
აშიაზე, შუაში, მედალიონში წარმოდგენილია პავლე მთელის ტანით და ღვთის
მშობელი ზემოდ. მარჯვენა აშიაზე წმ. გიორგია (№16896). ქვემოდ ხატისა ხუცური
წარწერა:
წ-ო ღვთის მშობელო შ-ე იწას ს-ფლი დაშ-შ-თ ილოცეთ.
ესე იგი: წმიდაო ღვთის მშობელო, შეიწყალე იწას სოფელი და შიშით ილოცევით.
სოფელი იწა გაშენებული ყოფილა ღობის ზემო მთაზე, მაგრამ ეხლა
მიტოვებულია.
ეს ხატი ფრიად ემსგავსება კარედიან ხატებს ჩუკულისა, რომელიც ზემოდ იყო
აღწერილი მე-7 ნომრით, და ჩიხარეშის პირველი ნომრით აღწერილს (შეადარე
ფოტოგრაფიები №№189,16857,16879), მაგრამ ეს გაცილებით მეტად ტლანქი
ხელობისა არის, უშნო, მახინჯი ფიგურები, ულაზათო, ტლანქი ტანისამოსი მათი
უფრო მოგვაგონებენ ესკიმოსებს, ვიდრე წმიდათა სახეებს. ხატი მე-18 საუკ. უნდა
იყოს. განხილული ხატი დარჭობილია ხეტარზე ფართო პირით და ასრულებს
ბოყერის მაგიერობას.

2. ხატი მთავარ ანგელოზ მიქელისა, მოოქრული, ვერცხლისა, ნაჭედი, 31X21 სანტ.

ლამაზი ხელობის არის. წარწერები სახელისა ბერძნულია. მთავარ ანგელოზი ლამაზი
ქალის სახითაა წარმოდგენილი, სრულის ტანით, მარჯვენა ხელში ლაბარუმი აქვს,
მარცხენაში ბურთი; ტანისამოსი სამეფო ბიზანტიური; სურათი წერტილებით
შემდგარ ოთხკუთხედშია. აშია მერმინდელი უნდა იყოს, სხვა და სხვა; ზემოდ და
ქვემოდ პრტყელი ლურსმულ-რომბური, მარჯვენა არ შენახულა; მარცხენა ოვალური
წრეებით არის შემდგარი (№16895).

3. სპილენძის დოქი, შემკობილი ლამაზად აღმოსავლეთის ხლართულებით,

გატეხილი. ეხლა საქ. საისტ. და საეთნ. მუზეუმშია.

სოფელი ლამზაგორი.
 სოფელი ლამზაგორი გელოვანების სოფელია, ლამაზი და აქ არის გელოვანების
კოშკიც (№17624).
ლაშხეთის საზოგადოებიდან გზა გადადის ლათფარის უღელტეხილით ზემო
სვანეთში ანუ ენგურის სვანეთში. მანამ ამ გზას შეუდგებოდეთ, უნდა გაუაროთ
ტყიან მთას ლუდჟის მდინარის პირად. ამ მთაზე არის გაშენებული ფრიად ლამაზი
ლუჯის ციხე (№№100,160,162). თვით უღელტეხილის დასაწყისი გარდაფხაძეების
სოფლიდან იხ. №17623.

ნაწილი მესამე

თავისუფალი სვანეთი

თავისუფალი სვანეთი შეადგენს ერთს ნაწილს ზემო სვანეთისა.

გეოგრაფიულად ზემო სვანეთი შეიცავს მდინარე ენგურის ხეობას სათავიდან
სამეგრელოს საზღვრამდის, ისტორიულად ზემო სვანეთი იყოფა ორ ნაწილად:
თავისუფალ სვანეთად, სადაც განსაზღვრულ დროიდან მოსპობილ იქმნა
ხელისუფელბა სვანთა ერისთავისა და თავად-აზნაურთა, და სათავადო ანუ
სადადეშკელიანო სვანეთად, სადაც დადიშკელიანებმა შეინარჩუნეს ბატონობა
უკანასკნელ დრომდის.
თავისუფალ სვანეთს შეადგენენ თემები: უშკულისა, კალასი, იფარისა, წვირმისა,
ადიშისა, მუჟალისა, მულაყისა, მესტიისა, ლენჯერისა და ლატალისა.

უშკულის თემი

უშკულის თემის სოფლები გაშენებულია ენგურის სათავეში, იქ სადაც ჩამოდის

დიდი საყინულე, ანუ, უკეთ ვთქვათ, გეოლოგ ფავრის განმარტებით, უშკულის
თემები მოთავსებულია საყინულეს ძველ მარენაზე. ამ თემს შეადგენენ სოფლები:
ჟიბიანი, ჩვიბიანი (ჩჳბიანი), ჩაჟაში და მურყმერი (სვანურად: მურყმერ).
სოფლებში ყოველგან ქვის სახლებია, უმეტეს შემთხვევაში, ორსართულიანი,
ფილაქნის ქვებით დახურული. სახლებს ხშირად ახლავს მაღალი კოშკები. ამიტომ
მთლი უშკულის თემი, ერთი ერთმანეთზე მიბმული სოფლებისაგან შემდგარი,
თავისი მაღალი კოშკებით, შორიდან მოგეჩვენებათ ქალაქად, რომელშიაც მრავალი
ქარხნებია მრავლის მაღალის კვამლ-სადენებით.
პეიზაჟები სოფლებისა ჩვენ საკმაოდ გადმოვიღეთ ფოტოგრაფიის საშუალებით:
№174 წარმოგვიდგენს სახეს სამი სოფლისას ერთად, ჟიბიანისა, ჩვიბიანისა და
მურყმერისა; №17494 არის სახე ჩაჟაშის სოფლისა და მის თავში მდგარი კოშკებისა;
გადმოღბულია სიუფის მაღლობიდან, სადაც თამარ მეფის კოშკებია; №17493-ზე ჩვენ
გვაქვს სოფ. ჩვიბიანის სახე, გადაღებული სოფელ ჩაჟაშიდან; №17495 გვიჩვენებს
დასაწყისს სოფ. ჩაჟაშისა მურყმერიდან რომ გამოხვალთ; №17491 გვიჩვენებს სამ
ეკლესიას ჟიბიანის სოფლისა: ერთი არის „უფალ“ მარჯვენით ხევნარში; მეორე,
ღვთის მშობლისა, შტატის დიდი ეკლესია, და მესამე, წმ. გიორგისა; №17492 არის სახე
ეგრეთ წოდებული თამარ მეფის ციხე-კოშკებისა აღმოსავლეთის მხრიდან. აქ სამი
კოშკია აშენებული მაღალ გორაზე, სიუფ-ზე და ერთ დროს მტკიცედ მოზღუდული
ყოფილა; ზღუდე ეხლა ნაწილობრივ არის დაცული. აქ, ადგილობრივ გადმოცემით,
ცხოვრობდა თამარ მეფე; სხვა გადმოცემით, მისი ქალი რუსუდან დედოფალი. ამ
ციხის ფორპოსტად ჩაითვლება მის ქვემოდ, უფრო დაბალ გორაზე აშენებული ოთხი
კოშკი სოფელ ჩაჟაშის თავზე (№17494). №17480-90 წარმოდგენილია პეიზაჟები ციხე-
კოშკებისა ლენკვრი-მუყმოლარ მთაზე, საიდანაც გადადის გზა ლაშხეთის
საზოგადოებაში, სადადიანო სვანეთში. №17540-ზე არის გუნდი ჩაჟაშის მცხოვრებთა
მაცხოვრის ეკლესიასთან გადაღებული.

სოფელი ჟიბიანი.

სოფელი ჟიბიანი ენგურის სათავეში ძევს და ამიტომ ყველაზე მაღალი სოფელია

მთელ სვანეთში. სოფელში სამი ეკლესია არის. პირველი დიდი, შტატის ეკლესია
ღვთის მშობლისა. ეს ეკლესია სოფლის გარედ არის მაღლობზე აშენებული, ირგვლივ
ზღუდით მოვლილი და გამაგრებული კოშკით. ამ ზღუდეს ორი შესავალი კარი აქვს,
ერთი მათგანი რკინით არის შეჭედილი; ეზოში ბოძზე ჰკიდია ორი ზარი. თვით
ეკლესია ქვისაგან აშენებული არის ბაზილიკანური ანუ სიონური რიგისა და აქვს
გაერთიანებული ეკვტერები სამხრეთით და დასავლეთით. ეკვტერები მერმე უნდა
იყოს მიშენებული. საკურთხეველი გამოდის გარედ სამწახნაგოვნად. ეკლესიის
სიგრძე დასავლეთით ეკვტერითურთ არის 11 არშინი და 10 ვერშოკი; განი სამხრეთის
ეკვტერითურთ 9 არშინი და 2 ვერშოკი. სისქე კედლისა 1 არშინი და 3 ვერშოკი.
შესავალი ეკვტერში არის სამხრეთ-დასავლეთით, ხოლო ეკლესიაში მხოლოდ
დასავლეთით. კანკელი ქვისაა, სამ-კამარიანი; კამარები იატაკიდან იწყება,
დამყარებულია ქვის სვეტებზე, მცირედ შემკობილი სვეტის თავებით (იხ. უვაროვისა,
ტ. XXa, სურ. 21 b). კამარებში ეხლა მოთავსებულია ხატები.
კედლები მოხატული ყოფილა, მაგრამ ეხლა მხატვრობა გაფუჭებულია. დ.
ბაქრაძის დროს უკეთ ყოფილა დაცული (გვ. 124). ეხლა კარგად მოსჩანან მხოლოდ
საკურთხეველის კონქში ვედრება მთავარ ანგელოზებითურთ. მაცხოვარი გაშლილი
სახარებით არის წარმოდგენილი, სადაც იკითხება: მე ვარ ნათელი სოფლისა და სხვა,
საკურთხეველის კედელზე ეკლესიის მამებია; შიგ ეკლესიის ცაში შობა და
ფერისცვალება; დასავლეთის კედელზე წმ. გიორგი და წ-ა თეოდორე. ეკლესიაში
მოიპოვება:

1. დიდი კანკელის საწინავე ჯვარი ხისა, დამყარებული ქვის კვარცხლბეკზე

საკურთხეველის წინ, მარჯვნივ; შეძერწილია ვერცხლის ფირფიტებით და ტლანქი
ფიგურებით მაცხოვრისა, მთავარ ანგელოზთა და წმიდა გიორგისა. ზემოდ ორი
დრობნიცაა.

2. მეორე ასეთი ჯვარი, დამყარებული კვარცხლბეკზე, არის მარცხნივ

საკურთხეველისა; შეძერწილია ვერცხლის ნაჭრებით, რომლებზედაც მოსჩანან
უკეთესი წ-თა სახეები, ვიდრე პირველ ჯვარზე, მაგრამ საერთოდ მაინც ტლანქია.
ზემოდ გამოსახულია მთავარ ანგელოზი და ღვთის მშობელი.

3. კიდევ ორი ასეთივე ჯვარი, ეხლა კანკელზე მიჭედილნი როგორც ეტყობა,

ყოფილა შეძერწილი ოქროთი დაფერილი ვერცხლის ფირფიტებით, მაგრამ ეხლა
სულ გაფუჭებულია ან მოძარცული; ხოლო ერთზე დაცულია ჯვარის ქუდი
მოციქულთა მედალიონებით.

4. ჯვარი შუა ტანისა, ხისა, შეძერწილი ვერცხლის ნაჭრებით ტლანქი ხელობისა,

5741 სანტ. უმბოს ზემოდ ემჩნევა წმიდა გიორგი სრულის ტანით გამოხატული;
ქვემოდ დედა ღვთისა ჩჩვილედი, აგრეთვე სრულის ტანით. ბოლოში წმ. გიორგი
ცხენით, გმირავს ადამიანს. სხვა მრავალ მედალიონებში, უმბოს ირგვლივ,
წარმოდგენილნი არიან დედა ღვთისა, იოანე და სხვა წმიდანი (№17329).

5. მეორე ასეთივე ჯვარი, 70X36 სანტ. ნაწილობრივ მოძარცულია; ზემოდ და

ქვემოდ უმბოისა და აგრეთვე სულ ქვემოდ მედალიონებში წარმოდგენილია დედა
ღვთისა ჩჩვილედი. მარჯვნივ და მარცხნივ უმბოისა არის ფიგურა სრულის ტანით
და წარწერით: წ-ა კ-ე (კვირიკე). ქვემო ფრთაზე ჯვარისა ორი წმიდანია სრულის
ტანით; წარწერა არა აქვთ (№17330).

6. ხატი მაცხოვრისა, ვერცხლისა, ნაჭედი, 49X41 სანტ. (№7315). მაცხოვარი

მაღალ ტახტზე მჯდომარეა სახარებით და მაკურთხეველის მარჯვენით. ფეხები
შიშველი აქვს, სკამზე დადებული. ნიმბი ჯვარის სახედ არის. წარწერა ჯერ
ბერძნულად, შემდეგ ქართულად, ხუცური ასოებით: წ-ი სა-მე-ბა. ეზო სადაა; შინაგანი
აშია ბაწრული სახისა ვიწროა და უბრალო; გარეგანი უფრო ფართო, ბროწეულის
ყვავილების მსგავსი ორნამენტით შემკობილი და მედალიონებით წ-თა. ზემოდ,
შუაში „ი-ჳ ქ-ე“, კუთხეებში: „წ-ჲ იონმცლ(ი)“ და „წ-ჲ პ-ე“, მარჯვნივ და მარცხნივ
მთავარ ანგელოზნი; ქვემოდ წ-ა გ-ი, წ-ა დ-ი და წ-ა თ-ე. ხატი მე-14 საუკ. უნდა იყოს.
გრაფინია უვაროვისა მას აკუთვნებს მე-11-12 საუკუნეს და ფიქრობს, გარეგანი აშია
სხვა ხატიდან არისო (გვ. 103, ტაბ. XXVIII), მაგრამ ეს ასე არ უნდა იყოს, ვინაიდან
კუთხეებში აშიები გაყოფილია ისეთისავე ბაწრულის შემკობილებით, როგორც
შინაგანი აშია ხატისა.

7. ხატი მაცხოვრისა, ვერცხლისა, ნაჭედი, 50X35,5 სანტ. მრავალ წმიდათა

ვერცხლის ფირფიტებით შევსებული, სხვა და სხვა დროისა, საზოგადოთ დაბალი
ხელობისა. (№17318). მაცხოვარი ტახტზე ზის ჩვეულებრივი პოზით, წარწერა
ბერძნულია; მარცხნივ მისა მთავარ ანგელოზი გაბრიელი სრულის ტანით და
ლაბარუმით, თუმცა წარწერა სახელისა უჩვენებს წმიდა გიორგის: წ-ჲ გ-ჲ. მარჯვნივ
მეორე მაცხოვარია, უფრო პატარა, აგრეთვე ტახტზე მჯდომარე; მის ქვემოდ, სრულის
ტანით, რომელიმე წმიდანი, სახელი არ უწერია, ხელში ჯვარი უჭირავს. ქვემოდ
მედალიონში ღვთის მშობელი ჩჩვილედი, წელსზევითი, ბერძნულის წარწერით
სახელისა. ორივე მხრით ამ მედალიონისა დრობნიცებია წმიდათა ფიგურებით. აშია
ფართოა რომბ-ლურსმული, მედალიონებით. მარჯვნივ და მარცხნივ აშიებზე დედა
ღვთისა და იოანე სრულის ტანით. ზემოდ და ქვემოდ სამ-სამი მედალიონი
წელსზევით ფიგურებით. მე-16-17 საუკუნის უნდა იყოს.

8. ხატი მაცხოვრისა, ვერცხლისა, ნაჭედი, 43X34 სანტ. ისეთივე კომპოზიციისა

და ხელობისა, როგორც წინა ხატი, ხოლო უფრო ცუდათ დაცული (№17317).

9. ხატი მაცხოვრისა, 108X73 სანტ. წამლით დახატული ყოფილა, მაგრამ ეხლა

ფერადები გადასულია, დარჩენილია ვერცხლის დიდი ნიმბი ჯვარის სახით და
ბალახოვანი შემკობილობით. დარჩენილია აგრეთვე სრულად რომბ-ლურსმულის
აშიები მედალიონებით წმიდათა (№17319). მე-16 საუკ. უნდა იყოს.

10. ხატი მაცხოვრისა, 51,5X37 სანტ. ყოფილა წამლით დახატული; ფერადები

გადასულია; დარჩენილია მხოლოდ საუცხოო ხელობის ვერცხლის ნიმბი ჯვარის
სახედ, ბროწეულის ყვავილების მსგავსი ორნამენტით შემკობილი და ასეთივე
ხელობის აშიები წმიდათა მედალიონებით. მოსჩანს აგრეთვე სახრების სახე, ჯვარით
შემკობილი, რომელიც ქრისტეს სჭერია ხელში (№17321). მე-13-14 საუკ. უნდა იყოს.

11. ხატი იოანე ნათლის მცემელისა, 44X30 სანტ. ყოფილა ფერადებით

დახატული, მაგრამ ფერადები სულ გადასულა; ნიმბი ფართო, სადა, ოქროსია. აშიები
ვერცხლისა ოთხკუთხედებათ დაყოფილი, შემკობილია სევდიანის ბალახის მსგავსი
ორნამენტით. წარწერა ზემოდ სხვილის ასომთავრულით: წ-ჲ ჲოვანე ნთლჲს
მცემელო (№17316). ქვემოდ სევადით უწერია (ფოტოგრაფიაზე არ არის გამოსული):
წ-ო ნათლჲს მცემელო მეოხ მეყავ მე ვამეყს ვრდნ.
უკანასკნელი სიტყვა წარწერისა დამთავრებული არ არის, ამიტომ ორნაირად
შეიძლება მისი წაკითხვა: ვარდან(ს), ანუ: ვარდან(ისძეს). ჩვენის აზრით, მეორე
წაკითხვა უფრო სწორი იქნება, ვინაიდან ეს სიტყვა გვარს უნდა შეიცავდეს ვამეყისას
და არა სხვა პირის სახელს. ამიტომ ჩვენ წარწერას ასე ვკითხულობთ:
„წმიდაო ნათლის-მცემელო, მეოხ მეყავ მე ვამეყს ვარდან(ის ძეს)“.
ვამეყ ვარდანის ძე ისტორიაში უცნობია, მაგრამ ის უნდა ეკუთვნოდეს სვანთა
ერისთავების ვარდანის ძეთა გვარეულობას. ა. ხახანაშვილს სიტყვები „ვამეყს,
ვარდან” ვერ ამოუკითხავს (გვ. 34). ხატი მე-12-13 საუკ. უნდა ეკუთვნოდეს.

12. ხატი ღვთის მშობლისა, ფერადებით დახატული, ჩჩვილედი, 65X51 სანტ.

კარგის ხელობისა; ფერადები დაზიანებულია (№17312). აშიები შემკობილია
ბალახოვანი ორნამენტით და წ-თა მედალიონებით. ზემოდ: წ¯ჲ გ¯ი და მთავარ
ანგელოზნი; მარცხნივ: წ¯ჲ ბ-სლი: მარჯვნივ: წ-ჲ ლუკა; ქვემოდ:: წ-ჲ კ-ე (კვირიკე), წ-ჲ
დ-ი და წ-ჲ თ-ე. ხატი მე-14-15 საუკ. უნდა იყოს.

13. ხატი ღვთის მშობლისა ჩჩვილედი, 69X52,2 სანტ. დახატული ყოფილა

ფერადებით; ფერადები გადასულია. დარჩენილია ვერცხლით შემკობილი ზემო
ნაწილი ნიმბებითურთ და აშიები წ¯თა მედალიონებით, ბროწეულის ყვავილების
მსგავსი ორნამენტით შემკობილნი. აშიებზე წარმოდგენილნი არიან, მარცხნივ: წ-ჲ
ბასილი; მარჯვნივ: წ-ი გ-გ (გრიგორ); ზემოდ: ვედრება; ქვემოდ: წ-ი დ-ტი, წ-ი გ-ი და წ-
ი თ-ე. ხატი მე-12-13 საუკ. უნდა იყოს (№17313).

14. ხატი ღვთის მშობლისა ჩჩვილედი, დიდის ზომისა, წამლით დახატული

ხეზედ. ახალი ხელობის არის. ღვთის მშობელი ტახტზე ზის. ნიმბები შემკობილია
ძვირფასი ქვებით. აშია ვიწროა, ტალღისებური შემკობილობით; ზემოდ დიდრონის
ასომთავრულით წარწერა: დედა ღ-ისა. ი-ჳ ქ-ე (№17324).

15. ხატი ღვთის მშობლისა ჩჩვილედი, ვერცხლისა, ნაჭედი, 34X27 სანტ. ღვთის
მშობელი წელსზევითია, რელიეფით წარმოდგენილი. ნიმბი უბრალოა, წერტილებით
მოცული; ძისა ნიმბი ჯვრის სახედ არის. ნაოჭები ჩაცმულობისა ხშირია. წარწერა
სახელისა ბერძნული. აშიები ფოთლის სახეებით არის შემკობილი, ლამაზი; ზემოდ
და ქვემოდ სულ დაკარგულია; მარჯვნივ ცოტაა დარჩენილი. ხელობა მე-14 საუკ.
უნდა იყოს. (№185).

16. ხატი გარდამოხსნისა კარედი. სახეები ფერადებით დახატული ყოფილა და

მერმე ოქროთ შემოსილი; ფერადები ზოგი სულ გადასულია. ეზო ოქროს ბასმისაა.
შუა ნაწილში კარედისა იესო ქრისტეს ჯვარიდან ჩამოღებაა წარმოდგენილი კამარას
ქვეშ. კამარას ზემოდ, კუთხეებში მთავარ ანგელოზებია; ქვემოდ ასომთავრული
წარწერის ნაწყვეტია დარჩენილი: ... ლისა ... / ... ბელო .... მარჯვენა კარი სულ
შიშველია; შემკობილება მოძარცულია (№17326), მაგრამ რამოდენიმე წლის წინეთ
გადაღებულ ფოტოზე ცოტა ზემო და ქვემო ნაწილები ოქროს ბასმებისა კიდევ
მოსჩანან (№185). მეორე დაცულ კარზე წარმოდგენილია ჯვარის ტვირთვა და წაღება
იესოს მიერ (№17326 და 185). ზურგზე ხატისა ასომთავრული წარწერაა (იხ. №17306):

ქ . რომელი ; ჯრს ეცვ რომელი ჯუარსა ეცვი

ჩენთის : ქრისტ ჩვენთვის ქრისტე,
ე ღმერთო : ჩენო მეოხ ღმერთო ჩვენო, მეოხ
დ : მფრველ გექმენ : მოს და მფარველ გვექმენ მო-
ა ვ სავ -
თა : დ მმკობთა : ხატისა თა და მამკობთა ხატისა
შენისა : მე : მეჩაბალახ შენისა : მე მეჩაბალახ-
ძესა : ესონას ძესა ესონას,
და : მეჳღლესა : ჩემსა და მეუღლესა ჩემსა
ბარბალეს : შ-ვ : ღ-ნ : ამ-ნ. ბარბალეს შეუნდევ
ღმერთმან, ამინ.

შეადარე დ. ბაქრაძის წაკითხული (გვ. 124-125). გრ. უვაროვისა ხედავს ამ ხატში

თუ არა ნახელავს დასავლეთ ევროპის მასტერისა, ყოველ შემთხვევაში ევროპის
მხატვრობის გავლენას (გვ. 124), ხატი მე-12-13 საუკ. უნდა იყოს.
 17. ხატი მთავარ ანგელოზ მიქაელისა, ვერცხლისა, მოოქრული, ნაჭედი, 49X41
სანტ. (№185 და 17314). მთავარ ანგელოზი წარმოდგენილია სრულის ტანით.
მარჯვენა ხელში ლაბარუმი აქვს, მარცხენაში ბურთი. ტანი მისი მოკლეა, თავი დიდი,
დიდის ნიმბით, შემკობილი ორი ლალით; ქვემოდ ორი ადამიანია დაჩოქილი,
ვედრების ნიშნით და სვანურის ტანისამოსით; ეზო ხატისა ვაზოვანი ორნამენტით
არის შემკობილი; აშიები რომბ-ლურსმული, ექვსი მედალიონით წმიდანებისა; რვას
სურათები არ ჰქონია. ხელობა დაბალია, სვანური, მე-15-16 საუკუნისა უნდა იყოს.
წარწერა სახელისა ზემოდ: ქ მ-ქელ მთ-გეჲ. წარწერა დაჩოქილ პირთა ძნელი
გასარჩევია:

მარცხნივ: მარჯვნივ:
ქ წმჲო მ ო შევეედ
ვბსმჲნ

ესე იგი: „წმიდაო მთავარ ანგელოზო, შეივედრე ერისთავი დავბასმინ (ანუ

დევბასმინ)“.
თქმა არ უნდა, ეს წაკითხვა საეჭვოა, მაგრამ ცდა ყოველთვის საჭიროა. ეხლა ეს
ხატი ცოტა დაზიანებულია აშიებზე. (№17314), ხოლო წინა გადაღებულზე უფრო
შენახული მოსჩანს (№185).

18. ხატი მთავარ ანგელოზის მიქაელისა, ვერცხლისა, ნაჭედი, 101X61 სანტ. თავი
ოქროთ დაფერილი აქვს (№189 და 17320). მთავარ ანგელოზი სრულის ტანით არის
წარმოდგენილი, ლაბარუმით მარჯვენა ხელში და ბურთით მარცხენაში. ეს სვანური
მიბაძვაა კარგი ორიგინალისა, მაგრამ ჯეროვანად ვერ გამოსვლია ოქრომჭედელს.
ტანი ანგელოზისა ერთობ გრძელია; თავი შედარებით პატარა. ტანისამოსი სამეფო
ბიზანტიური დამახინჯებულია. ეზო და მაღალი ფეხის დასადგამი შემკობილია
ძლივს შესამჩნევი ბალახოვანი მოხატულობით. აშია გაყოფილია ოთხკუთხედებად
და მოცულია კვადრატული ნაჭედი შემკობილობით. სადა ოთხკუთხედებში
ჩატანებულია სიმრგვალეები წერტილების შემკობილობით. სიმრგვალეებში
მინიატურული სახეები წმიდანებისა, ზემოდ: ვედრება, ქვემოდ, მარცხნივ და
მარჯვნივ, მთავარ ანგელოზი და წმ. გიორგი ცხენით. ზემოდ წარწერა ასომთავრული:
ქ. წ-ჲ მთვრნგელოზჲ მჲქელ. მარცხნივ ქვემოდ მეორე წარწერა, რომელიც არც დ.
ბაგრაძის (გვ. 124) და არც ა. ხახანაშვილის მიერ (გვ. 34) ჯეროვანად არ არის
გარჩეული. წარწერას ჩვენ ვკითხულობთ ასე:

1. ქ. წ ¯ო მთვრნგლ ქ. წმიდაო მთავარანგელ-

ოო :შეჲწყლე : მა
შენებელჲ შენჲ : სო
ფელჲ ესე : ცენა : დე
5. დნჲ და მამანჲ ყვლ
კსნჲ (sic) და : მეოხ : ექმენ :
წჲშენ ქრჲთეს დღ
8. ეს მას : განკჲთხვსს
ოზო, შეიწყალე მა-
შენებელი შენი სო-
ფელი ესე ცენა, დე-
დანი და მამანი, ყოველ(ნი)
კაცნი, და მეოხ ექმენ
წინაშე ქრისთეს(ა) დღ-
ეს(ა) მას განკითხვისას(ა).
მე-6 სტრიქონში აშკარად სწერია კსნჲ(=კასნი, კაცნის მაგიერ); იმავე სტრიქონში,
სიტყვაში: მეოხ, უკანასკნელი ასო წააგავს ბ-ს, მაგრამ ეს უკუღმა დაწერილი ხ-ნი
უნდა იყოს. რომ აქ „მეოხ“ იგულისხმება, ამას მისი მიმყოლი სიტყვები ამტკიცებენ
აზრის მიხედვით. ამას გარდა წარწერაში ი-ს მაგიერ ყოველგან იხმარება ჲ. სიტყვა
„ქრისტე“ გადმოცემულია ჩვეულებრივ სვანური წარწერებისა, როგორც „ქრისტე“,
აგრეთვე ნ-მეტია სიტყვაში „წინაშენ“. გრაფინია უვაროვისა ემყარება დ. ბაქრაძის და
ა. ხახანაშვილის წაკითხვას და სოფელ „ცენას“ არც ის იხსენიებს (გვ. 111, სურათი
XXVIII).
სოფელი ცენა მდებარეობს ზეკარზე ანუ უღელტეხილზე, რომელიც არის
გადასავალი უშკულიდან ენგურის ანუ სადადიანო სვანეთში. ეხლა იქ ცხოვრობს
მხოლოდ ექვსი კომლი სვანი, რომელნიც უშკულის საზოგადოებაზე არიან
მიწერილნი, ვინაიდან ეს სოფელი ცხენის წყლის სათავეშია, ამიტომ ხშირად იყო
გამოთქმული აზრი, რომ მდინარეს ცხენის წყალი კი არ უნდა ერქვას, არამედ ცენის
წყალიო, და მდინარის სახელი ამით დაუმახინჯებიათო, მაგრამ ეს აზრი
მიუღებელია, ვინაიდან უძველესი დროიდან ბერძნები ამ წყალს „ღიპპოს“ ეძახდნენ,
რაც ცხენს ნიშნავს, და მათ ეს სახელი ქართულიდან უთარგმნიათ. ეჭვს გარეშეა, რომ
ჩვენი ხატი ადგილობრივ სვანის ოქრომჭედელის მიერ არის გკეთებული, კარგი
კლასიკური დროის ხატის მიბაძვით, მაგრამ სუსტად შესრულებული დაცემის
ხანაში. მიუხედავად ამისა ის ორიგინალურია და არც სილამაზეს მოკლებული. და ის
თვით სოფელ ცენის საზოგადოების საფასით არის შეკვეთილი. ხატი მე-15-16 საუკ.
უნდა ეკუთვნოდეს.

19. ხატი ღვთის მშობლისა ჩჩვილედი, ოქროთ დაფერილი ვერცხლისა, ნაჭედი,

11X9 სანტ. ღვთის მშობელი წელზევითია ერთის ძვირფასი ქვით და წარწერით: დ¯და
ღ¯თისა. ზემოდ აშიაზე მთავარ ანგელოზებია; მარჯვნივ მთელის ტანით; მარცხნივ –
წელზევითი, მედალიონში. ირგვლივ ვულგარული წარწერა აქვს:
ყო / ლა / [დ] წ-ო :. შ-ე : სლისა : მართ-ი.
ესე იგი უნდა იყოს: ყოვლად წმიდაო, შეიწყალე სული მართასი.
ფრიად ტლანქი სვანური ხელობაა მე-18-19 საუკ. (№ 17307).

20. ხატი ღვთის მშობლისა ჩჩვილედი, 26,5X15 სანტ. ფერადებით ყოფილა

დახატული, ხოლო ნიმბები და აშიები ოქროსია. ფერადები სულ გამქრალა, აშიის
მარტო მარჯვენა მხარეა დარჩენილი, ბროწეულის ყვავილის მსგავსი შემკობილობით;
დარჩენილია აგრეთვე ნიმბები. მე-12-13 საუკ. უნდა იყოს. (№17323).

21. ვერცხლის ფირფიტა, 26X24 სანტ. რომელზედაც წარმოდგენილია ორი

ერთგვარი და ერთი ზომის ფიგურა მთავარ ანგელოზის მიქელისა: წ-ჲ მ-ქ. აშიებზეც
ფიგურები ყოფილა, მაგრამ ეხლა გაფუჭებულია. ხელობა ტლანქია, მე-18 საუკ.
(№17323).

22 ხატი მთავარ ანგელოზ მიქელისა, ვერცხლისა, ნაჭედი, 16X13 სანტ. მთავარ

ანგელოზი სრულის ტანით არის: წარმოდგენილი ლაბარუმით და ბურთით; თმა
ხუჭუჭი აქვს. აშია რომბ-ლურსმული; ხელობა ტლანქია, სვანური, მე-17-18 საუკ.
(№17323).
 23. ხატი ღვთის მშობლისა ჩჩვილედი, ვერცხლისა, ნაჭედი, ღვთის მშობელი
წელსზევითია, თავი ძისა მომტვრეულია. აშია ოთხკუთხედებად არის დაყოფილი
წერტილოვანი შემკობილობით. ხელობა დაბალია, მე-17 საუკ. (№17323).
(უკანასკნელი ოთხი ხატი 20-23 ერთ ფირფიტაზე არის გადმოღებული).

24. ხატი მაცხოვრისა, წელსზევითი, კარედი, მაგრამ კარები ეხლა დაკრგულია.

დარჩენილია შუა ნაწილი, 10X8 სანტ. მაცხოვარი ყოფილა ფერადებით დახატული;
ფერადები ეხლა სულ გადასულია; დარჩენილია ნაწილი შესამოსლისა და ნიმბი
ჯვარის სახისა, დიდი, თხელის ოქროს ბასმისა, მოჩუქურთმებული (№17308). მეორე
გვერდზე არის ასომთავრული წარწერა (№17309):

წჲმდა წმიდა-
ო მცხვრო . მ ო მაცხოვარო, მე-
ხ ექმე მრში ოხ ექმე(ნ) მარუში-
ანსა : დ ანსა დ-
ა ძეს მ ა ძეს(ა) მ(ისსა).

წარწერაში ასო ჲ თავის ადგილზე არ არის. ასო ს-ნი ორივე შემთხვევაში

შებრუნებულად სწერია. ასო რ მოგვაგონებს ასო ს-, მოკაუჭებული წრით, მარცხნივ,
შუაში; ეს მიტომ, რომ შებრუნებულია.
ამ წარწერაში მოხსენებული მარუშიანი უნდა იყოს მარუშიან ვარდანისძე,
რომელსაც თამარ მეფემ უბოძა ჩუხჩერახობა (H.G. I. p. 410, N 2). რომ ასეც არ იყოს,
ხატი თავის ხელობით მაინც მე-12 საუკუნეს ეკუთვნის.

25. ხატი მაცხოვრისა, ვერცხლისა, ნაჭედი, 32X22 სანტ. მაცხოვარი ტახტზე

მჯდომარეა ჩვეულებრივი პოზით, ნიმბი ჯვარის სახისა არის. სახარება მისი ორის
ჯვარით არის შემკობილი; აშია რომბ-ლურსმული, მრავალის მედალიონებით; რვაში
წ¯თა სახეებია. ხელობა დაბალია, მე-16 საუკ. (№17322).

26. ხატი მაცხოვრისა, ვერცხლისა, 21X15 სანტ. მაცხოვარი ტახტზე ზის

ჩვეულებრივის პოზით. ხატი დაშლილია და ფრიად დაზიანებული; რომბ-
ლურსმულის აშიიდან მარტო ნაწილია დაცული მარცხენა მხარეს. ხელობა ტლანქია
(№17322), მე-18 საუკ.

27. ხატი მაცხოვრისა, ვერცხლისა, მაცხოვარი წელსზევითია, სახარებით და

მაკურთხეველის მარჯვენით; ფრიად დაზიანებულია. აშია რომბ-ლურსმული.
ხელობა ტლანქია, მე-18 საუკუნ. (№17328).

28. ხატი წმიდა გიორგისა, ვერცხლისა, ნაჭედი. მთავარ მოწამე წარმოდგენილია

ფეხით, მარჯვენა ხელში შუბი უჭირავს, მარცხენა ფარზე აქვს დადებული; წარწერა
სახელისა ასომთავრულით: წ-ჲ გ-ი. აშია თხელის ბასმისა აქვს ტალღისებური
შემკობილობით. მე-17 საუკ. უნდა იყოს (№17328).
 29. ხატი წმ. გიორგისა, ვერცხლისა, ნაჭედი 31X24,5 სანტ. წ¯ა გიორგი
წარმოდგენილია ფეხით; მარჯვენა ხელში შუბი უჭირავს, მარცხენა ფარზე აქვს
დადებული. წარწერა: წ-ი გ-ი. (უკანასკნელი ორი ანბანი შებრუნებით არის
დაწერილი). აშია ბროწეულის ყვავილის მსგავსი ორნამენტითაა შემკობილი; ქვემოდ
არ შენახულა. მარჯვენა აშიაზე ქრისტეა ტახტზე მჯდომარე; მარცხენაზე – ღვთის
მშობელი. ზემოდ მრგვალი მედალიონებია. ხელობა მე-16 საუკ. უნდა იყოს (№17322).

30. ხატი მთავარ ანგელოზისა, სალოცავად მიმართულის პოზით, ვერცხლისა,

ნაზი ლამაზი ხელობის არის. აშია ორი აქვს მცირე წრეების და წერტილების
სახეებით შემკობილი (№17327). მე-13-14 საუკ. უნდა იყოს.

31. ხატი მთავარ ანგელოზის მიქაელისა, ვერცხლისა, ნაჭედი, 17X14 სანტ.

ტლანქი ხელობისა, მე-18 საუკ. აშია რომბ-ლურსმული (№17327).

32. ხატი წ-ა გიორგისა, ვერცხლისა; წმიდა გიორგი ფეხოსანია, შუბით და ფარით,
რომელზედაც მარცხენა ხელი უდევს. წარწერა: წ-ი გ-ი. აშია, რომბ-ლურსმული, ცოტა
დაზიანებულია. მე-16-17 საუკ. (№17327).

33. დროშა ტყავისა, რომელზედაც გამოსახულნი არიან სხვა და სხვა წმიდანები,

ტლანქი ხელობისა. ტარი მისი თავდება ზემოდ ჯვარით, რომელიც შემკობილია ორი
ძვირფასი ქვით (№17334).

34. ჩარდახი ხატებისათვის, ოთხ წვრილ სვეტზე გუმბათის მსგავსი თავით.

სვეტები შეძერწილია ოქროთ დაფერილი ვერცხლით. ჩარდახი ეხლა დანგრეულია.

35. ბარძიმი ვერცხლისა, ოქროთ დაფერილი, სირიულის ყაიდისა, არაბულის

წარწერით. შემკობილია სევადით და მცირედ ამობერვილი სურათებით. ამათ შორის
წ-ა გიორგი ცხენით, რომელიც ადამიანს გმირავს (№17332). იოსები ჰყვედრის მარიამს,
შობა ქრისტესი (№17311), ნათლის ღება (№17311 და 17625), იერუსალიმში შესვლა და
ჯვარცმა (№17625). შეადარე უვაროვისა, გვ. 140, სურათი 61.

36. კათხა ფეშხუმის მაგიერ, ოქროთ დაფერილი ვერცხლისა, მსხალის მსგავსი

რელიეფებით შემკობილი (№17331), მაღალის ფეხით, რომელსაც ხის სახე აქვს და ამ
ხეზე რელიეფით გამოყვანილი ადამიანია წარმოდგენილი, ცულით ხელში და ხეს
მოჭრას უქადის. კათხაზე შემდეგი მხედრული წარწერაა:

ქ : შემომიწირავს : ეს : ვერცხლის : კათხა :. მე ერისთავს :

შოშიტას : უშკულის : დედა მღთისათვის : ჩვენად სად-
ღეგრძელოდ :. და :. გასამარჯვებლად . ამინ :. ღმერთო.

აქ უეჭველია იგულისხმება რაჭის ერისთავი შოშიტა. მაგრამ შოშიტა სამი იყო.

შოშიტა პირველი იყო თანამედროვე ბაგრატ IV იმერეთის მეფისა და რაჭის
ერისთავად გახდა 1535 წელს. შოშიტა მეორე გარდაიცვალა 1684 წ. ხოლო შოშიტა
მესამე ერისთავად დაჯდა 1697 წ. და გადაიცვალა 1729 წ. წარწერის ხასიათის
მიხედვით, შემწირველი კათხისა უნდა იყოს შოშიტა მესამე. ყოველ შემთხვევაში
თვით კათხა ძველი ხელობის არის, ვიდრე შოშიტათა ეპოქა.

37. ფეშხუმი ვერცხლისა, ოქროთ დაფერილი, 28 სანტ. სიმაღლით; აქვს

ფოთოლისებური შემკობილობა; ლამაზი ნახელავია (№17331, მარცხნივ).

38. აზარფეშა ვერცხლისა, შემკობილი უკანა მხარეს (იქვე, №17331), მხედრულის

წარწერით სულა გელოვანის:

ქ :. ესე :. აზარ : ფაშა (sic) :. გულუანა (sic) სულას :.

39. რქა ჯიხვისა, ანუ ქარასხი, ღვინის სასმელი, ლამაზად შემკობილი (იქვე
№17331), მხედრულის წარწერით:

ქ :. ღმთის :. მადლს :. რას :. მიწყენს :. შავი :. ყირმიზი :.

ღვინო :. ჴელთ :. მეჭიროს :.
ვარდი :. თავს :. მერჭოს:. ამ ვარდს : ვერ : ხედავ : და-
ლიე :. ღმთის :. მადლსა :.
ქვემოდ უწერია:
ქ :. ესე :. ქარასხი :. წულუკიძის :. მერაბისა :. არის :.

40. ვერცხლის სურა (პატარა დოქი), ჩუქურთმიანი, მხედრულის წარწერით,

(იქვე, №17331).:
ქ : შეუწირავს : წულუკიძეს : მერაბს : უშკულის : დედა :
მღვთისათჳს : ესე ვერცხლის სურა : მისდა : სადღეგრძე-
ლოდ : ამინ :

მერაბ წულუკიძე ცხოვრობდა მე-18 საუკ. დამდეგს (ქართლ. ცხოვ. II, გვ. 226,
H.G. II, 1 p. 643).

41. სარკე მრგვალი, ფოლადისა, 13,5 სანტ. დიამეტრით და ძვალის ხელით (№

17332).

42. სარკე ხის ჩარჩოთი, სახეებიანი, „ჟესტით“ შეძერწილი. გამოცემულია

უვაროვის მიერ (გვ. 142).

43. სარკე მრგვალი, ლითონის ხელით (იქვე, №17332).

44. თასი ვერცხლისა, ნავისებურად წაგრძელებული, შემკობილი მსხალის

მსგავსი სახეებით (იქვე №17332).

45. ვერცხლის ჯამი, მხედრულის წარწერით:

ქ : ეს : ჯამი : ბეჟან : ლორთქიფანიძისაა.

 ბეჟან ლორთქიფანიძე იყო მოღვაწე მე-18 საუკ. დასაწყისისა, თანამედროვე
შოშიტა მესამე რაჭის ერისთავისა (ქართ. ცხ. II, გვ. 213, H.G. II, 1, 295, 299).

46. ვერცხლის თასი, მხედრულის წარწერით:

ქ : ღოღაბერიძის : როსტომის :. არის :.

47. ვერცხლის თასი, მხედრულის წარწერით:

ქ : ეს : თასი : სიხნია (sic) მეიფარიანის :. არის .

48. ვერცხლის ჯამი, მრუდი ზოლებით შემკობილი.

49. ვერცხლის წოწოლა ჯამი შემკობილობით.

50. სხვა ვერცხლის სადა ჯამები – 20.

51. ვერცხლის თასი მაღალის საფეხურით და მხედრულის წარწერით:

სულ : მქნელი :. ამისი . მანქარაშვილი ოტია

52. ბადია ვერცხლისა, დიდი დრობნიცით ფსკერში, მსგავსად დადეშკელიანის

ბადიისა ეწერში (ფოტ. №17153), შემკობილი 4 თვალით; მისი დიამეტრი უდრის 41
სანტ.

53. ვერცხლის თეფში მხედრულის წარწერით:

ქ . წმიდის :. გიორგის ;. ილორის :. არის.

შიგნით ფსკერზე ხლართულის მხედრულით, ისე როგორც ლევან დიდი

დადიანი ხელს აწერდა სიგელებზე, სწერია: „ლევან“. ცხადია, ეს ბადია ლევან
დადიანის მიერ ყოფილა შეწირული ილორის ეკლესიისათვის, მე-17 საუკუნის
პირველ ნახევარში.

54. ლახტი რკინისა, შვიდის ფრთით, შემკობილი ვერცხლის ჭდეებით (№17333),

(ნ. უვაროვისა, გ. 141).

55. ცული საომარი ბრინჯაოსი, კელტური რიგისა; საფლავიდან უნდა იყოს

ამოღებული (იქვე №17333); (უვაროვისა, გ. 142, სურათი 63). ასეთი ცულები
ჩვეულებრივია კობანის სასაფლაოებში, ოსეთში.

56. ცული საომარი, რკინისა, რკინისავე ტარით, საფლავიდან უნდა იყოს

ამოღებული (№17333).
 57. ცული საომარი, რკინისა, ვერცხლის ჭდეებით (იქვე, №17333), უვაროვისა, გვ.
141, სურ. 64. ეს ცული ერთობ ლამაზი ნახელავია და, როგორც სამართლიანად
შენიშნავს უვაროვისა, ხელისუფლების ღირსების აღსანიშნავად ატარებდენ; ალბათ
ასეთი ცულით აღჭურვილი კაცი წინ უძღოდა მეფეს ან ერისთავს. მესამე ცული
რკინისა, ალებარდის ფორმისა; ნ. უვაროვისა, გვ. 141, სურ. 65.

58. ვერცხლის ქამარი.

59. სამი ვერცხლის საწამლე (თოფის წამლის შესანახი).

60. სატეხი ბრინჯაოსი, 16 სანტ. სიგრძით, რომელიც უვაროვისას მიუღია შუბის

წვერად (გვ. 141, სურ. 66).

61. ზანდუკი ხისა მოხარატებული, რომელშიც ინახება სხვა და სხვა

ყურსაკიდები ვერცხლისა, სადა, ტატილები, ფოლაქები, პატარა ჭურჭლები
ვერცხლისა, ჭიქები სასმისი, პატარა ბოთლები და სხვა; ნაწილი ზანდუკისა იხ.
უვაროვისა, გვ. 128, სურ. 42.

62. დ. ბაქრაძე უჩვენებს კიდევ საეკლესიო წიგნებს და მათ შორის მეტაფრასს

ანუ წმიდათა ცხოვრებას, რომელნიც დღეს აღარ ჩანან.
მეორე ეკლესია ჟიბიანში არის წ-ა გიორგის ეკლესია, ცოტა ქვემოდ ღვთის
მშობლის ეკლესიისა, სოფლის თავში; ეს ეკლესია ქვისაა, პატარა, შემოზღუდული,
როგორც პირველი ეკლესია. კანკელი აქაც ქვისაა, სამი კამარით ზემოდ. ამ ეკლესიაში
ჩვენ ვნახეთ მხოლოდ:

1. ხატი წ-ა გიორგისა, ვერცხლისა, ნაჭედი, 24X19,5 სანტ. მხედარი

წარმოდგენილია ცხენით, საომარი ტანისამოსით; უკან წელზე ჰკიდია კაპარჭი,
ისრებით სავსე და შვილდი, გმირავს გველეშაპს შუბით, რომელიც ჩაუჭვდია მის
დაბჩენილს საშინელს ხახაში, თანაც ხელს ფარით იფარავს. ეზო და აშიები ხატისა
სადაა (№17325). ხატი მე-17-18 საუკუნის უნდა იყოს.

2. დიდი კანდელი ხისა, ერთობ თავისებური, ჯვარის სახისა, ოთხი ხის ფეხით.
თავი თავდება ხიდანვე გამოქანდაკებული ხარის თავით, ხოლო ბოლო ცხვრის
თავით და კიდევ ახლავს მასკების მსგავსი ფიგურები; ზემოდ დარჭობილი აქვს
ოთხი ხისაგან გამოქანდაკებული ტრედის ფიგურა (№17310), ასეთ ნივთს დ. ბაქრაძე
გალიას უწოდებს, მაგრამ ეს კანდელის დანიშნულებას ასრულებდა. ამ ფიგურებზე
აკრავდენ თაფლის სანთლებს. კანდელი ჩამოკიდებული იყო წინეთ ყოველთვის
საკურთხევლის წინ. წყალ კურთხევის დღეს ასეთი კანდელი იორდანეზე
მიჰქონდათ. ასე აგვიხსნეს ამ ნივთის დანიშნულება ყველა ყოფილმა სვანეთის
პაპებმა.

მესამე ეკლესია ჟიბიანისა არის მაცხოვრისა; სვანები ეძახიან: „უფალ“. ეს

ეკლესიაც ქვისაა, პატარა, ქვის კანკელით, რომელზედაც სამი კამარა არის. ეკლესია
მთაზეა შენებული, სოფლის ბოლოში, ხევნარში. ეკლესიაში ჩვენ ვიპოვეთ:
 1. ხატი წ¯ა გიორგისა, ვერცხლისა, 25X18 სანტ. მხედარი სრულის ტანით არის
ჩვეულებრივად წარმოდგენილი, წარწერით :

წ¯ჲ გ¯ი. ტლანქი ხელობისაა.

2. ხატი წ-ა გიორგისა, ვერცხლისა, 23X11,5 სანტ. მხედარი ცხენით არის

წარმოდგენილი, გმირავს ვეშაპს. წარწერა: წ¯ჲ გ¯ი. სვანური ტლანქი ხელობისაა.

3. ხატი წ-ის გიორგისა, ვერცხლისა, 30X22 სანტ. მხედარი ფეხოსანია, შუბით და

ფარით. აშია მოძარცულია. სვანური ხელობისაა, მოტლანქო.

4. ხატი წ-ის გიორგისა, ვერცხლისა, 16,5X13 სანტ. უკეთესი ხელობის არის,

ვიდრე წინა ხატი.

5. ხატი წ-ის გიორგისა, ვერცხლისა, 25,5X18,5 სანტ. მხედარი წარმოდგენილია

სრულის ტანით, რომაულ საომარ ტანისამოსში, შუბით და ფარით. აშია რომბ-
ლურსმულია. ხატი ადგილობრივი, სვანური ხელობისა არის, მაგრამ სხვებს სჯობია;
დაზარალებულია.

6. ხატი მაცხოვრისა, ვერცხლისა, ოქროთ დაფერილი, 31X24 სანტ. მაცხოვარი

წელსზევითია, სახარებით და მაკურთხევლის მარჯვენით. ხატი ერთობ
დაზარალებულია.

7. ხატი მთავარ ანგელოზ მიქაელისა, ვერცხლისა, ნაჭედი, 16,5X12 სანტ. მთავარ

ანგელოზი წარმოდგენილია ხმლით და წარწერით: მ-ქლ მთ-გლზი. ხელობა სვანურია,
ტლანქი.

8. ორი პატარა ვერცხლის ხატი მაცხოვრისა; გაფუჭებულია და ტლანქი; სვანური

ხელობისა არის.

9. ჯვარი ხისა, 54,5X36 სანტ. შეძერწილია ვერცხლის ფირფიტებით; ტლანქი

სვანური ხელობისა.
ყველა აქ ჩამოთვლილი ხატები სვანური ტლანქი ხელობისა ეკუთვნის მე-18
საუკ.

სოფელი ჩვიბიანი (ჩჳბიანი).

ამ სოფელში პატარა ეკლესია არის, ქვისავე კანკელით, რომელზედაც სამი კამარა

არის, სურათი ეკლესიისა იხ. უვაროვისა, გვ. 63. სურ. 6. ეკლესიაში ჩვენ ვნახეთ:
 1. პატარა ხატი მაცხოვრისა, ვერცხლისა, ნაჭედი, 18X14 მაცხოვარი
წელსზევითია. აშიაზე სრულის ტანით წარმოდგენილია ზემოდ ღვთის მშობელი
ჩჩვილედი, ქვემოდ წარწერაა ვულგარული ხუცურით:

ამს მწერალსა / გაბრლს ცო / დვნი : შოვენ ღ¯ო .

ესე იგი: „ამის მწერალსა გაბრიელს ცოდვანი შეუნდვენ ღმერთო“.

2. ხატი წმინდა გიორგისა, 22X16 სანტ. წითელი ფერადებით არის დახატული

ხეზე, ვულგარული ხუცურის წარწრით: წ. გიურგი (sic). ხელობა ერთობ ტლანქია,
ადგილობრივი, სვანური, მე-19 საუკუნისა.

3. ვერცხლის ჯამი მხედრულის წარწერით:

ქ . გოპირბა : იტასა : ღმერთო : ახმრ .

4. ჯამი ვერცხლისა, არაბულის წარწერით. (ფოტოგრაფიაზე სამწუხაროდ,

წარწერა არ გამოვიდა).

5. ორი სხვა ვერცხლის ჯამი, უწარწერო.

6. ათი დიდი სადა ღაწვზე ჩამოსაკიდებელი რგოლები, ვერცხლისა (რუსულად:

„ვისოჩნია კოლცა“), ისეთივე რიგისა, როგორიც ოსეთში გვხვდება.
შენიშვნა: სხვა ხატები, რომელნიც ამ ეკლესიაში დ. ბაქრაძეს უნახავს (გვ. 120-
122) ეხლა მურყმელის ეკლესიაშია და თავის ადგილას იქნება ქვემოდ აღწერილი.

სოფელი ჩაჟაში

ამ სოფელში ორი ეკლესია არის. ერთი აწ უკვე გაუქმებული, წმიდის გიორგისა,

თამარ მეფის ციხეში, ორს დიდ შავის ტუფით აშენებულ კოშკებს შუა. ეს პატარა ქვის
ოთხკუთხედი ეკლესიაა, ქვის კანკელით, და უძახიან „ლაშკუდირ“. ჩვენ გვითხრეს,
რომ ეს და სამების ეკლესია (უფალ) ჟიბიანის სოფლისა ოსებმა გაძარცვესო, და
მართლა, ორთავე ეკლესიაში დარჩენილია უამრავი ხატის და ჯვარის ფიცრები
მოძარცულნი.
მეორე შტატის ეკლესია არის მაცხოვრისა, ქვისაგან ნაშენი და ქვისავე კანკელით,
რომელსაც მარტო ერთი კარი აქვს. ეკლესია სულ მოხატულია და საკმაოდ კარგად
შენახული. თვით ფრესკებიც შედარებით კარგია. საკურთხევლის კონქში
წარმოდგენილია ვედრება მთავარ ანგელოზებითურთ, ქვემოდ ეკლესიის მამები,
ჯვარიანის ფილონებით, სულ ექვსი. ჩრდილოეთ კედელზე ჯვარცმა, ხარება, ღვთის
მშობლის მიძინება და დანიელ წინასწარმეტყველი (ასეთივე წარწერით). სამხრეთ
კედელზე: ამაღლება და ჯოჯოხეთის წარტყვენა, ფერისცვალება და ლაზარეს
აღდგენა. დასავლეთის კედელზე: წ-ჲ გ-ი და წ-ჲ თ-ე. დასავლეთის ფანჯრის ორივე
მხრით თითო წამებული მანდილოსანი (წარწერა მათი არ განირჩევა). წმ. ნინოს
სურათი, რომელსაც იხსენიებს ა. ხახანაშვილი (გვ. 35), ჩვენ ვერ ვიპოვით და არც
უნდა იყოს. ეკლესიაში ინახება:
 1. ხატი დიდი მაცხოვრისა, 78X55 სანტ. მაცხოვარი დახატული ყოფილა
ფერადებით, მაგრამ ფერადები ახლა სულ გადასულია; დარჩენილია ზემოთ
ვერცხლის შემკობილობა ხატისა ვერცხლისავე ოქროთ დაფერილი დიდი ნიმბი
ქრისტესი, ჯვარის სახედ გაყოფილი, სამი ძვირფასი ქვით წარმოდგენილის
ნაჭრებით (№17342). დარჩენილია აგრეთვე აშიები, სანახევროდ ოქროთ დაფერილნი,
მაგრამ ერთგვარი და ერთი დროის არ არის და ზოგი დაზიანებულია. აშიებზე
წარმოდგენილნი არიან ზემოდ, ნიმბის გასწვრივ: სრულის ტანით წ-ა თეოდორე
(მარცხნივ) და წ-ა გიორგი (მარჯვნივ); მათ ქვემოდ ღვთის მშობლის სურათებია,
მაგრამ არა ერთგვარი; მარცხნივ წელსზევითი, მრგვალ მედალიონში, ჩჩვილედი,
ბერძნულის წარწერით; მარცხნივ უფრო დიდი სურათი წელსზევითი, უძეოდ,
ხელებ-გაშვერილი, ვედრების სახით. ამის პირდაპირ, მარცხნივ ალბათ წინეთ იოანე
ნათლის მცემელი იყო, როგორც ვედრების კომპოზიციის რიგია. მარცხენა აშიაზე,
ქვემოდ, კიდევ ორი მედალიონია: ერთი მთავარ ანგელოზისა, გაფუჭებული, მეორე
უწარწერო: ასეთივე უწარწერო მედალიონი მარჯვენა აშიაზეც არის. ქვემო აშიაზე
მოსჩანს თავი წმიდანისა, დარჩენილი ასოებით, მარცხნივ „ი“ , მარჯვნივ „ლსს“. ზემო
აშიაზე, შუაში, ღვთის მშობელია ჩჩვილედი და მის აქეთ ორი წმიდა მხედარია ხმალ-
ფარით. მარცხენა კუთხეში ღვთის მშობელია ჩჩვილედი; მარჯვნივ, ვგონებ,
მაცხოვარია. მარცხენა კუთხეში ჯვარისა მთავარ ანგელოზია; მარჯვენაში წ-ი დ-ი.
ხატი თავის ძველი ნაშთებით მე-12-13 საუკუნისა არის.

2. ხატი მაცხოვრისა, ვერცხლისა, ნაჭედი, 47X36 სანტ. მაცხოვარი

წარმოდგენილია წელს ზევით, მაკურთხევლის მარჯვენით და სახარებით მარცხენა
ხელში. ყდა სახარებისა შემკობილია ჯვარით და სიმრგვალეებით. ეზო სადაა.
წარწერა ზემოდ: ი-ჳ ქ-ე; ქვემოდ: იგივე ბერძნულის ასოებით. ნიმბი ჯვარის სახედ
აქვს. ტანისამოსი მსხვილ ნაოჭიანია. აშია რომბ-ლურსმული, მოქცეულია ორს სხვა
წერტილებით შემკობილ წრეებში (№17343). ქვემო აშიაზე ასომთავრული წარწერა:

„მცხოვარო : ცხოს : მყფლო : მოხეყ : ჴდმს : სტრვნყელ-

სა : წ-ე : თქვენსა : “
ამ წარწერაში ასო ც ორივე შემთხვევაში გადმობრუნებულია. ასო ო და უ
დამწერლობის ხასიათით ერთგვარია. საკუთარი სახელები შემოკლებითაა
მოყვანილი და ვინაითგან საყოველთაოდ ცნობილს სახელებს და გვარს არ შეიცავენ,
ამიტომ ძნელია თქმა, როგორ უნდა წავიკითხოთ. ჩვენი ცდა ასეთია:

მაცხოვარო ცხოველს მყოფელო, მეოხ ეყავს ჴადუმს სა-

ტარვანყელსა (?) წინაშე თქვენსა.
დ. ბაქრაძე (გვ. 123) კითხულობს, როგორც რუსული თარგმანიდან სჩანს: „ჴდამს,
შვილსა სტრვენისა“. ფოტოგრაფიაზე წარწერა საუცხოოდ მოსჩანს და შემოწმება
ადვილია. ხატი ჩვენის აზრით მე-15-16 საუკ. არის.

3. ხატი ღვთის მშობლისა ჩჩვილედი. ყოფილა ფერადებით დახატული, მაგრამ

ეხლა ფერადები გადასულია, დარჩენილია მისი ზემოთი სამოსელი ნიმბებით და
აშიები, რომელნიც ლამაზის ბალახის მსგავსი ორნამენტებით არის შემკობილი
(№17344). აშიებში სადა სიმრგვალეებია; ქვემოდ ასომთავრული წარწერა:

1. ყვლად წ¯ო ღვთის მშობელო, შეგჳწყალენ სულიერად

და ჴორ-
2. ციელად სასუებით მვედრებელნი შენნი წახანელ
3. ის ძე ვახტანგ :. და მეუღლე ჩემი ხჳაშაქი :.

უქარაგმოდ:

„ყოვლად წმიდაო ღმრთის მშობელო, შეგჳწყალენ სულიერად

და ჴორციელად სასუებით მვედრებელნი შენნი წახანელის ძე
ვახტანტ და მეუღლე ჩემი ხუაშაქი“.

ხატი მე-12-13 საუკ. არის. გვარი წახანელის ძე ცნობილი არ არის. დ. ბაქრაძე

(გვ. 123) მას უფარდებს ძაგანის ძეს, რომელიც ცნობილია თამარ მეფის დროს. (იხილე
ქართლის ცხოვრება, I, 283, H.G. I. 410), მაგრამ ეს საეჭვოა.

4. ხატი მთავარ ანგელოზისა, ვერცხლისა, 28,5X21 სანტ. მთავარ ანგელოზი

სრულის ტანით არის წარმოდგენილი, შუბით და ბურთით. აშია ფართოა, რომბ-
ლურსმული; ხელობა სვანურია, ტლანქი, მე-18 საუკ. (№17344).

5. ხატი ღვთის მშობლისა, ვედრებისა, 23X16,5 სანტ. (№17345). დახატული

ყოფილა ფერადებით, მაგრამ ფერადები გადასულია, დარჩენილია შემოსილობა
ოქროსი, კარგის კლასიკური ხელობისა: ნიმბი და აშიები შემკობილია რომბ-
ლურსმული ორნამენტით და მედალიონებით. ოთხს ოთხკუთხედ მედალიონში
სახეები წმიდანებისა, მრგვალები სადაა. ქვემოდ დარჩენილია ნაწყვეტი
ასომთავრული წარწერისა:
„. .. . ღთსო : მოხე / . . სა შ-ნსა ხქებლსა ბ-სლ “.

სიტყვების აზრით დამატებით წარწერა შეიძლება ასე წავიკითხოთ:

[წმიდაო დედაო] ღმრთისაო, მეოხ ე-

[ქმენ მოსავ]სა1 შენსა ხექებელსა (?) ბასილს.

ა. ხახანაშვილი (გვ. 35) არ იხსენიებს, რომ წარწერა ნაკლულია და კითხულოს და

თარგმნის წარწერას ასე: „დედაო ღმრთისაო მეოხ ეყავ მამკობელსა შენსა“. ხატი მე-13
საუკ. უნდა იყოს
.
6. ხატი მთავარ ანგელოზისა, ვერცხლისა, ოქროთ დაფერილი, ნაჭედი, 25X17
სანტ. მთავარ ანგელოზი წარმოდგენილია სრულის ტანით, ლაბარუმით და ბურთით;
ეზო სადაა; აშიები შემკობილია ბროწეულის ყვავილების მსგავსი ორნამენტით; ქვემო
აშია მოძარცულია (იქვე, №17345). ხატი მე-13-14 საუკ. უნდა იყოს.
 7. ხატი მთავარ ანგელოზის მიქაელისა, ვერცხლისა, ნაჭედი, 23X17,5 სანტ.
აშიები რომბ-ლურსმული, რვა სადა მრგვალი მედალიონით ფოლაქისებურ წრეებში.
მთავარ ანგელოზი წარმოდგენილია სრულის ტანით, ლაბარუმით და ბურთით.
ხელობა ისეთია, როგორც წინა ხატისა (იქვე. № 17345). წარწერა სახელისა: წ-ჲ მ-ქლ.

8. ხატი მთავარ ანგელოზისა; ფერადებით ყოფილა დახატული; ფერადები ეხლა

სულ მოსპობილია; დარჩენილია ნიმბი და აშიები, ოქროთ დაფერილი, 19 X13,5 სანტ.
აშიები რომბ-ლურსმული, მრგვალი, სადა მედალიონებით. ხელობა ისეთია, როგორც
წინა ხატისა (იქვე, № 17345).

9. ხატი წ-თ ანასი, ეკატერინესი და ბარბარესი, 47X40,5 სანტ. ფერადებით

დახატული; ფერადები დაზიანებულია. სურათი ანასი უკეთ არის შენახული, ლამაზი
ხელობისაა; აშიები ვერცხლისაა, რომბ-ლურსმულის შემკობილობით და რვა
მრგვალი მედალიონით წმიდათა. ზემოდ ვედრებაა და მთავარ ანგელოზნი; ქვემოდ
წმიდა მხედარნი (№17335). მე-14 საუკ. უნდა იყოს.

10. ხატი ჯვარცმისა, ვერცხლისა, ნაჭედი, 28X23 სანტ. აქეთ-იქით ჯვარცმულისა

მოსჩანან ღვთის მშობელი და იოანე; ჯვარცმულის ფეხ ქვეშ ადამის თავი; მას ქვემოდ
მრგვალი მედალიონი ღვთის მშობლისა ბერძნულის წარწერით სახელისა. ასეთივე
მედალიონები რომბ-ლურსმულ აშიებზე; მარჯვენა აშიაზე წ-ჲ პ-ე; მარცხენაზე
მთავარ ანგელოზი (№17360). ხატი კარგად არის დაცული. უნდა ეკუთვნოდეს მე-14
საუკუნეს.
11. ხატი მაცხოვრისა, ვერცხლისა, ნაჭედი, 26,5X20 სანტ. მაცხოვარი ტახტზე
მჯდომარეა სახარებით და მაკურთხევლის მარჯვენით. ნიმბი ჯვარის სახის აქვს;
_______
1 ან მამკობელსა.

წარწერა სახელისა ბერძნულია; აშიები რომბ-ლურსმული ორს, ფოლაქების მსგავს,

წრეშია მოქცეული (იქვე, №17360).

12. ხატი მთავარ ანგელოზისა, ვერცხლისა, ნაჭედი, 28X21 სანტ. ხატი ტლანქი
ხელობისაა, სვანური, მე-18 საუკ. აშია სამი კედრით მოძარცულია, მეოთხეზე
ორმაგია, ერთი ვიწრო ტალღისებური, მეორე – უფრო ფართო, ბალახის მსგავსი
შემკობილობით. (იქვე, №17360).

13. პატარა ხატი მაცხოვრისა, 13X16 სანტ. ყოფილა წამლით დახატული, მაგრამ
ფერადები გადასულია; სამოსელი და აშიები ვერცხლისაა; ნიმბი ჯვარის სახედ არის.
წარწერა ბერძნულია (იქევ, №17360).

14. ხატი მაცხოვრისა, ვერცხლისა, ნაჭედი, 14,5X11,5 სანტ. წარწერა: ჲ-ჱ ქ-ე.
ქრისტე წელს ზევითია. ნიმბი ჯვარის სახედ აქვს, აშიები ორმაგი ფოლაქისებური და
მათ შუა კიდევ სხვა შემკობილობანი (იქვე, №17360). მე-17 საუკ. უნდა იყოს.
 15. ხატი მაცხოვრისა, ვერცხლისა, ნაჭედი, 23,5X 16 სანტ. ქრისტე წელს-
ზევითია, მაკურთხევლის მარჯვენით და სახარებით მარცხენა ხელში. სახარება
ჯვარით არის შემკობილი. ნიმბი რომბ-ლურსმულია, ორმაგი წერტილებიანი
წრეებით (№17352); ქვემოდ ასომთავრულით სწერია:
ქ . ქ-ე : ლამარტოლისაო1 : მფ
არველ : გუეყავ . მად
იდებელთა შენთა : მაცხოვარო : ღ-თ
უქარაგმოდ:
ქრისტე ლამარტოლისაო, მფარ-
ველ გუეყავ მადიდებელთა
შენთა, მაცხოვარო ღმერთო.
ხატი კარგად არის დაცული და უნდა ეკუთვნოდეს მე-16 საუკუნეს.

16. ხატი მაცხოვრისა, ვერცხლისა, ნაჭედი, 20X16 სანტ. მაცხოვარი მაღალ

ტახტზე ზის მოქარგული მუთაქით, მარჯვენა ხელით აკურთხებს, მარცხენაში
სახარება უჭირავს; ნიმბი ჯვარის სახის არის; აქეთ-იქით რგოლებში სახელი: ჲჱ ქე.
ეზო სადაა, აგრეთვე აშიები, მაგრამ კუთხეებში აშიებისა „დედა ღვთისა“
მედალიონებში, ხოლო ეს მედალიონები სანახევროდ ჩამოჭრილია (იქვე №17352).
ხატი მე-16 საუკ. უნდა იყოს.

17. ხატი წ-ა გიორგისა, ვერცხლისა, ნაჭედი, 26X17 სანტ. მხედარი ფეხოსანია,
რომაულ საომარ ტანისამოსით და ნიმბით; მარჯვენა ხელში შუბი უჭირავს, მარცხენა
გრძელს ფარზე აქვს დადებული. წარწერა: წ-ი გ-ი. აშიები ოთხკუთხედებად
დაყოფილი, რომბ-ლურსმულია (№17352). მე-16 საუკ. უნდა იყოს.

18. ხატი წ- დიმიტრისა, ვერცხლისა, ოქროთ დაფერილი, ნაჭედი, 21X14,5 სანტ.

წმიდანი წარმოდგენილია ახალგაზრდათ, ფეხზე, საომარ რომაულ ტანისამოსში;
წელზე უკან ხმალი ჰკიდია; მარჯვენა ხელში შუბი უჭირავს; მარცხენა მოგრძო ფარზე
უძევს. წარწერა: წ-ა დ-რი. აშია რომბ-ლურსმული; ქვემო და მარცხენა მხარეს ნახევარი
აკლია. აშიები შემკობილია სიმრგვალეებით. ქვემოთ უწერია:
წ-ო დ-რი შ-ე : გ-ი რო .
ესე იგი: ”წმიდაო დიმიტრი, შეიწყალე გიორგი რო”, ანუ რუ (იქ. №17352). ხატი
მე-14 საუკ. უნდა იყოს.

19. პატარა ხატი წ-ა გიორგისა, ვერცხლისა, ოქროთი დაფერილი, 13,5 X9 სანტ.
წმიდა გიორგი წარმოდგენილია ფეხზე მდგომარედ, შუბით და ფარით. ხელობა

_______
1 უნდა იყოს: ჰამარტოლისაო, მაგრამ ასო ლ გარკვეულად სწერია; იხ. ფოტოგრაფია.

მდარეა, მე-18 საუკ. წარწერა: წ-ი გ-ი.

 20. ხატი პატარა წ-ა გიორგისა, 16X12 სანტ. დახატულია ფერადებით, ლამაზი
ხელობისა. წმიდანი მდგომარეა და აქვს წარწერა: „წ-ჲ გ-ი ხუამლისა“. მე-17 საუკ.
უნდა იყოს.

21. სულ დაშლილი ვერცხლის ხატი ორთა წმიდათა, ოქროთ დაფერილი, 20X15
სანტ. წმიდათა შუა ორი მედალიონია; ქვემოდ ერთი ფიგურა, ვედრების პოზით.
ხელობა დაბალია.

22. ხატი პატარა, ღვთის მშობლისა, ვერცხლისა, ნაჭედი, 10,5X8,5 სანტ. აშიები
შემკობილია ფოლაქების მსგავსად; მდარე ხელობისაა.

23. ჯვარი, დიდი, გამოსასვენებელი (№17336), 38X32 სანტ. ხეტარით; დაშლილია

და შემდეგ შეკრული ჯაჭვით, თან ახლავს ჩამოკიდული მრავალი მძივის მარცვლები,
ტატილები და ჩანჩხურები. წინა პირზე ჯვარცმაა წარმოდგენილი და გაფართოებულ
ფრთების ბოლოში მედალიონებია წმიდათა; ზემოდ მაცხოვარი; მარცხნივ და
მარჯვნივ წმიდანი მხედარნი; ქვემოდ მოციქული; ჯვარი ხეტარზე ბურთით არის
დასობილი. მეორე გვერდზე (№17337) ოთხი მედალიონია წმიდათა; ზემოდ წ-ა
პეტრეა; მარჯვნივ წ-ა გ-ი; მარცხნივ წ-ა დიმიტრი (?), ქვემოდ ვგონებ, პავლეა. ქვემო
ტარზე ვულგარული ხუცური წარწერის ასოებია.

24. ჯვარი შუთანა ზომისა, შეჭედილი ვერცხლის ფირფიტებით წმიდანებისა,

არა უშნო ხელობისა. ზემოდ ლამაზი გამოხატულებაა იესო ქრისტესი.

25. ჯვარი შუათანა ზომისა, შეჭედილი ვერცხლის ფირფიტებით, გვარიანი

ხელოვნებისა. უმბოს ყოველ მხარეს მთავარ ანგელოზებია და მოციქულები; ქვემოდ:
ღვთის მშობელი წელსზევითი და ქრისტე სრულის ტანით. ზემოდ მთავარ
ანგელოზი. ქვემოდ ხუცურად აწერია:
ქ . ნასრეთისა ღის მ ნასრეთისა ღმრთის მშო-
მშობელო : შ ე იე
- ბელო, შეეწიე იოანე
ჭაბიანსა და მ ჭაბიანსა და მე-
უღლესა მისსა უღლესა მისსა
თაბასა : და ძეთა მისთა :. ა ნ
- თაბასა და ძეთა მისთა, ამინ.

26. ჯვარი შუათანა ტანისა; შეჭედილია უფრო მდარე ხელობის ვერცხლის

ნაჭრებით, ვიდრე პირველი ორი.

27. პატარა ხატი ღვთის მშობლისა, კარედი, 26,5X19 სანტ. კარებზე

წარმოდგენილნი არიან მთავარ ანგელოზები. შუა ნაწილზე ყოფილა ფარდებით
დახატული ღვთის მშობელი, კარგი ნახელავი, მაგრამ ეხლა დაზიანებულია.

28. სამი ვერცხლის სადა ჯამი.

29. ბუკი ანუ საყვირი, სპილენძისა, გრძელი; იხ. უვაროვისა, გვ. 141, სურ. 67.
 სოფელი მურჭმერი (მურყმერ).

ამ სოფელში ორი ეკლესია არის, ერთი შტატისა, მაცხოვრისა; მეორე – სოფლის

დასასრულს – წმიდა ბარბარესი. ეკლესია მაცხოვრისა ქვისაა, ქვისავე კანკელით. ამ
კანკელში სამი კამარა არის და კამარები იწყება თვით იატაკიდან. კედლებზე ემჩნევა
ნაშთები ფრესკებისა; უკეთ მოსჩანან დასავლეთის კედელზე: ნათლის ღება და
ჯვარცმა. ეკლესიაში ნივთები ბევრია.

1. ჯვარი, კანკელის საწინავე, ფრიად მაღალი, თითქმის 4 არშინი; შეძერწილია

ვერცხლის ფირფიტებით, რომლებზედაც წმიდათა სახეები საკმაოდ ტლანქებია.

2. ჯვარი შუათანა ზომისა, აგრეთვე შეძერწილი ოქროთი დაფერილი

ფირფიტებით; ტლანქი ხელობისაა.

3. ჯვარი გამოსასვენებელი, ხეტარით, ვერცხლისა, ნაჭედი. წინა პირზე

წარმოდგენილია ჯვარცმა, მაგრამ ჯვარცმული სრულებით არ ჰგავს ჩვეულებრივად
წარმოდგენილს ქრისტეს, არამედ სულ დაბალ ტანის ახალგაზრდას (№17340); ზედ
აწერია: „[ძ]ელც” (resp. ძელცმა); მარცხენა ფრთაზე მთავარ ანგელოზია გამოხატული;
მარჯვენაზე – იოანე, წარწერით: „წ-ი ი-ო“. ზემოდ: მაცხოვარი სახარებით და
მაკურთხევლის მარჯვენით; წარწერა ბერძნული აქვს; ქვემოდ გაბრიელ მთავარ
ანგელოზია: წ-ჲ გ-ბ. ხელობა ტლანქია. მეორე გვერდიც ჯვარისა ნაკლებად
საყურდღებოა; აქ ბაწრისებური შემკობილობა არის და ოთხივ ფრთაზე ჯვარის
სახეები (№17341); აგრეთვე ვულგარული ხუცური წარწერა, გაუგებარი.

4. მეორე, გამოსატანი ჯვარი, მალტის წმ. გიორგის ჯვარის სახის არის, ხისა,
შეძერწილია ვერცხლის ფურცლებით, მკრთალად და ტლანქად გამოსახული
ჯვარცმულებით და სხვათა წმიდათა.

5. ხატი მაცხოვრისა, ოქროთი დაფერილი ვერცხლისა, ნაჭედი, 44X33 სანტ.

მაცხოვარი ტახტზე ზის მუთაქით, მაგრამ ტახტს ზურგი არა აქვს. მარჯვენა ხელით
აკურთხებს, მარცხენაში სახარება უჭირავს. ეზო სადაა; ზემოდ ჯვარის სახის
დრობნიცებში წარწერა ბერძნულად არის. აშიები ბალახისებური შემკობილობით
არიან მორთულნი. მათში 10 მედალიონია, რომლებზედაც ტლანქად შესრულებული
წმიდათა სახეებია. ზემოდ ვედრებაა, აქეთ-იქით მთავარ ანგელოზნი; ქვემოდ –
წმიდანი მხედარნი (№17353). ხატი მე-16 საუკ. უნდა იყოს.

6. ხატი მაცხოვრისა, ვერცხლისა, ნაჭედი, 44X35 სანტ. მაცხოვარი

წარმოდგენილია სრულის ტანით, მღვდლის ტანისამოსით, მარჯვენა ხელით
აკურთხებს, მარცხენაში სახარება უჭირავს და თუმცა სახარება გაშლილი არ არის,
მაგრამ ყდაზე აწერია : : „მე ვარ ნათელი სოფლისა“. სახე მაცხოვარისა ხანშესული
კაცისაა. მის ორივე მხარეს მთავარ ანგელოზებია, უფრო მოკლე ტანით, შუბებით და
ბურთებით; მარცხნივ – მიქელ, წარწერით: „მიქაელ მთავარ ანგელოზი“, მარჯვნივ:
„გაბრიელ მთავარ ანგელოზი“. ქრისტეს ნიმბის ორივე მხარეს – წარწერა ჯვარისებრ
წრეში: ი-სო ქ-ე. ეზო და აშიები მოცულია ბალახისებური შემოკლებით. აშიებზე
მედალიონებია წ-თა. მარჯვნივ და მარცხნივ – წმიდანი მხედარნი, სრულის ტანით;
ქვემოდ შუაში, ვგონებ, იონა; კუთხეებში – მთავარ ანგელოზნი; ზემოდ მთავარ
ანგელოზნი და სხვა (იქვე, №17353). ხელობა ქართულია. მე-16 საუკუნის უნდა იყოს.

7. ხატი მაცხოვრისა, ვერცხლისა, ნაჭედი, 42X36,5 სანტ. (№17351). შუაში

გამოსახულია ჯვარი გოლგოთაზე დამყარებული; მის ზემოდ იესო ქრისტე
წელსზევითი, მაკურთხეველის მარჯვენით და სახარებით. მას აწერია: ჲ-ჱ ქ-ე. აქეთ-
იქით ქრისტესა ორი წმიდა დედაა სრულის ტანით: სახელები არ აწერია; ქვემოდ,
ჯვარის მარცხნივ: წ-ჲ ა-ნა; მარჯვნივ დ-დჲ ღ-ჲ. აქ ღვთის მშობელი მაღალ ტახტზე
ზის ძითურთ, რომელსაც თითქოს ძუძუს აწოვებს; ტახტის სვეტების თავები
ფიგურებით არის შემკობილი, ვგონებ, მთავარ ანგელოზთა, აშია ყვავილოსანია,
მედალიონებით. ზემოდ სამი მრგვალი მედალიონი ვედრების კომპოზიციას
წარმოადგენს. გვერდებზე წმიდანი მხედრებია სრულის ტანით, შუბით და ფარით.
ხელობა ქართული, მე-16 საუკუნის უნდა იყოს.

8. ხატი მაცხოვრისა, ვერცხლისა, ნაჭედი, 23X18 სანტ. მაცხოვარი წელსზევითია,

ჩვეულებრივის პოზით. აშიები რომბ-ლურსმული; ქვემო და მარჯვნივ აკლია.
ხელობა ტლანქია; წარწერაც არა ჩვეულებრივი ხუცურ-ბერძნული. მარჯვნივ: ი-ო და
ბერძნული ხ; მარცხნივ ჳ-ჲ (გადმობრუნებული) ჲ-ჳ-ს მაგიერ. მე-18 საუკუნის უნდა
იყოს. (№17350)?

9. ხატი მაცხოვრისა, ვერცხლისა, 18X14,5 სანტ. მაცხოვარი ტახტზე მჯდომარეა;

მარჯვენა ხელით აკურთხებს, მარცხენა სახარებაზე აქვს დადებული; სახარება
მუხლზე უძევს. აქეთ-იქით მთავარ ანგელოზებია მთელის ტანით, ლაბარუმებით და
ბურთებით; ქვემოდ დაჩოქილი მანდილოსანი ფეხს ჰბანს ქრისტეს. ერთობ ტლანქი,
მახინჯი ნახელავია. (№17349).

10. ხატი მაცხოვრისა, ვერცხლისა, ნაჭედი, 18,5X14 სანტ. მაცხოვარი

წარმოდგენილია წელს ზევით, სახე ხანშესული კაცისა აქვს; მარცხენა ხელში დიდი
სახარება უჭირავს, მარჯვენით აკურთხებს; აშია სიმრგვალეებით და წერტილებით
არის შემკობილი; მარჯვენა მორღვეულია. ნიმბი ჯვარის მსგავსი. წარწერა ხუცური;
მარცხნივ: ქ-ე (უკანასკნელი ასო შებრუნებულია) და მას ზემოდ: -დ. მარჯვნივ: „ვსბ“.
მე-17 -18 საუკუნის უნდა იყოს. (№17347)?

11. ხატი მაცხოვრისა, ვერცხლისა, ნაჭედი, 23X18 სანტ. აშიები რომბ-

ლურსმული. მაცხოვარი ტახტზე მჯდომარეა, ჩვეულებრივი პოზით; მაგრამ ერთობ
ტლანქი და ფრიად მახინჯი გამოხატულება აქვს. წარწრა ვულგარული: ი-ჱ ქ-ე.
(№17347)?

12. ხატი მაცხოვრისა, ვერცხლის, 21X15 სანტ. წვრილ რომბ-ლურსმულის

აშიებით. მაცხოვარი ტახტზე მჯდომარეა ჩვეულებრივის პოზით. ზემოდ: წარწერა:
ჲს ქ-ე. ტლანქი ხელობისაა. (№17347)?
 13. პატარა ხატი მაცხოვრისა, ვერცხლისა, 12X10 სანტ. მაცხოვარი არის მთელის
ტანით წარმოდგენილი, სახარებით და მაკურთხევლის მარჯვენით. წარწერა
სახელისა ბერძნული ასოებით არის. აშია მოკაზმული ორ ფოლაქოვან წრეებს შუა
დაბალი ხელობისაა, მაგრამ წინა ხატზე უკეთესი.

14. ხატი მაცხოვრისა, წელსზევითი, მხცოვანი კაცის სახით, ვერცხლისა, ნაჭედი,

22X20 სანტ. მარცხნივ ქრისტესა არის დედა ღვთისა; მარჯვნივ იოანე; ზემოდ,
მედალიონებში: მაცხოვარი და ორი მთავარ ანგელოზი; ქვემოდ ამ სახისავე მრგვალ
მედალიონებში ორი მთავარ ანგელოზი. დაბალი ხელობისაა (ნ. 17350)?

15. ხატი მაცხოვრისა, ფერადებით დახატული; ბერძნულის წარწერით სახელისა;

ფოლაქისებური აშიებით; მე-17 საუკუნის უნდა იყოს. (17350)?

16. ხატი კარედი წინასწარმეტყველის ილიასი; ყოფილა წამლით დახატული,

მაგრამ ფერადები შუა ნაწილისა, სადაც სამი სახე ყოფილა, გადასულია, ხოლო
ზემოდ, ოქროს შესამოსელის ნაწილზე, აწერია სახელი შუა ყოფილი ფიგურისა: „წჲ
ელი“. კარებზე მხატვრობა შერჩენილია, ნამეტნავად კარგად არის დაცული მარჯვენა
კარზე მიქელ მთავარ ანგელოზი, წარწერით: „მქლ“. მარცხენა კარზე გაბრიელ მთავარ
ანგელოზია: „გბრლ”. (№17338). შემოსილობა ხატისა ოქროსია; შემკობილობა
ბალახოვანი ხლართულებით, ლამაზი. ხატი ეკუთვნის მე-12-13 საუკუნეს. მეორე
გვერდზე ჯვარია გამოსახული ლამაზ ხლართულებში და კარგად დაცული წარწერაა
ასომთავრულით (№17339):
ჱ ჯვარო : პა ჱ ჯუარო პა-
ტი ოს ტიოს-
ანო და ყვლთა წმდა ანო და ყოველთა წმიდა-
თა : მდ თა მად-
ლო ყვლისა ცდვს . გან- ლო, ყოვლისა ცოდვისაგან
განწმიდ ე მშვრე გი განმწმიდე, მაშოვრე, გიორგი
ნსტაი ნასტაი(?),
ან ჭა ამინ. ჭა-
ბღს : ჩმსა ბუღს (ანუ ჭაბაღს) ჩემსა
მჳღლ მეუღლე
ფსა (ყო)ფილსა, (შეუნდვენ).
დ. ბაქრაძეს წარწერა შეცდომით აქვს მოყვანილი და როგორც მისი თარგმანიდან
ცხადდება, აზრიც გაუგებარი დარჩენია (გვ. 121-122). ა. ხახანაშვილი ამ წარწერას
სრულიად არ იხსენიებს (გვ. 35).
წარწერის დამწერს ადგილი არა ჰყოფნია და ამიტომ უკანასკნელი ორი სიტყვა
ფრიად შეუმოკლებია და ბოლოში ზმნაც გამოუშვია; ამიტომ ამაებს აზრის მიხედვით
ჩვენ ფრჩხილებში ვუმატებთ. საკუთარი სახელები ნსტაი და ჭაბღს არ გულისხმობენ
საზოგადოთ ცნობილ სახელებს და ამიტომ ძნელია თქმა, როგორ უნდა წავიკითხოთ
შეუმოკლებლად. ჩვენ ვკითხულობთ: ნასტაი და ჭაბუღს, მაგრამ შეიძლება იყოს:
ნესტაი, ჭაბაღს ან სხვა.
 დიმიტრი ბაქრაძე „ჭა“-ის მაგიერ კითხულობს „და“; თუ მის კითხვას მივიღებთ,
მაშინ სიტყვა უნდა ნიშნავდეს: დაბაღს, მაგრამ აქ დ-ს მუცელი შეკრული არა აქვს და
ამიტომ არ შეგვიძლია ის დ-ნად მივიღოთ. დ. ბაქრაძე არ უჩვენებს აგრეთვე
დასაწყისს ასოს წარწერისა, რომელიც, ჩვენი აზრით, ხუცური ჱ არის (№17339).

17. ხატი ღვთის მშობლისა, ვედრებისა, 19X15 სანტ. ყოფილა ფერადებით

დახატული; ფერადები უკვე გადასულია; დარჩენილია კლასიკური დროის ნიმბი და
აშია მარჯვნივ, ლამაზად შემკობილი ბროწეულის ყვავილების მსგავსი ორნამენტით.
წარწერა ბერძნული აქვს სახელისა (№17349). ხატი მე-12-13 საუკ, არის.

18. ხატი ღვთის მშობლისა ჩჩვილედი, 19X15 სანტ. ყოფილა ფერადებით

დახატული, მაგრამ ფერადები გადასულია. შემკობილობა ხატისა, ნიმბები, აშიები
ოქროთ დაფერილი ვერცხლისა არის ნაზი ხელობისა, მე-13-14 საუკ. სურათი
წელზევითია, ნიმბი ჯვარის სახედ არის; აშიები დაყოფილია კვადრატებად და
შემკობილი პალმეტებით (№17347). მეორე გვერდზე ასომთავრული წარწერაა ჯვარის
ირგვლივ, საკმაოდ უთავბოლო და არა ადვილად გასაგები, თუმცა ასოები კარგად
არის შენახული 1. წარწერა ჯვარით ორად იყოფა, მარცხენა და მარჯვენა ნაწილად; დ.
ბაქრაძე ერთად კითხულობს ორივე ნაწილს წარწერისა და ამიტომ მას შინაარსი
გაუგებარი რჩება. (გვ. 120-121). ა. ხახანაშვილი წარწერას სრულიად არ ახსენებს. აქ
სწერია (№17365).
ჯვარის მარცხნივ: ჯვარის მარჯვნივ:
ქ დედაო : ღმ ძისა შენი
ართსაო შ სა მალე
ეიწყალე სა
და მამაი დედაო : ღ
და : შალიკა მრათის
სა : ცოდვა აო :.
ნი : მათა
ნი
ამ წარწერაში ზოგიერთი ასოები შებრუნებულია და გვხვდება ხორცმეტი
ასოებიც: ღმართისაო, ღმრთისაო-ს მაგიერ; მარჯვენა წარწერაში იგივე სიტყვა ასეთი
ფორმითაა წარმოდგენილი: ღმრათისაო; მათანი, მათნი-ს მაგიერ; ამას გარდა, მეორე

________
1 ფოტოგრაფიაზე წარწერა თავუკუღმა არის გამოსული.

წარწერის სიტყვა მალესა, რომელიც დ. ბაქრაძეს საკუთარ სახელად მიუღია, ჩვენის

აზრით, უნდა იყოს შემცველი სიტყვისა: მადლსა. გადაჭრით თქმა ძნელია „და“
სიტყვის წინ მამაი ცალკე სიტყვად ესე იგი კავშირად მივიღოთ, თუ უნდა შემდეგ
ჯგუფს მივუმატოთ. პირველ შემთხვევაში გამოვა ორი სიტყვა: და მამაი, თუმცა აქ
„და“ ზედმეტია; მეორე შემთხვევაში: დამამაი, როგორც ერთი სიტყვა, საკუთარი
სახელი. მამაი, როგორც საკუთარი სახელი არსებობს, ხოლო დამამაი არ შეგხვედრია.
ამას გარდა, მარცხენა წარწერას ბოლოში ზმნა აკლია და ფრაზა დამთავრებული არ
არის. აქ უნდა მივუმატოთ: „შეუნდვენ“.
ამ შენიშვნების შემდეგ, ჩვენის აზრით, წარწრა ასე უნდა წავიკითხოთ:
„ქ. დედაო ღმრთისაო, შეიწყალე დამამი (ანუ მამაი).
და შალიკასა ცოდვანი მათნი (შეუნდვენ), ძისა შენისა
მადლსა, დედაო მღრთისაო“.

19. ხატი პატარა, ღვთის მშობლისა, ვედრებისა, წელსზევითი, 22X10 სანტ.

ვერცხლისა, ნაჭედი, წარწერით: „დ-ჲ ღ-ჲ“. სახე ქართულია; აშია შემკობილი
(№17346). მე-16-17 საუკ. უნდა იყოს.

20. ხატი ღვთის მშობლისა ჩჩვილედი, ვერცხლისა, ნაჭედი, 12,5X11 სანტ. აშია
ლამაზად შემკობილია. წარწერა: „დედა ღთს“; ძეს ბერძნული წარწერა აქვს; ხელობა
მე-134-14 საუკ. (იქვე, №17346).

21. ხატი პატარა ღვთის მშობლისა, ვედრებისა, (№17338), ოქროთ დაფერილი

ვერცხლისა, ნაჭედი; უფრო უკეთესი ხელობისაა, ვიდრე წინა ხატი. ღვთის მშობელი
წელსზევითია. წარწერა: „ვდრბსა ღთის მშბლი“. აშიები ნაზი, ტალღისებური
შემკობილობით არის (№575. აქ ჩვენ ვუჩვენებთ არა პირველ ნომერს, არამედ მეორე
ბოლო ნომერს). მეორე გვერდზე ჯვარია გამოხატული და ჯვარის ირგვლივ
ასომთავრული წარწერა (ნ. 17339):
: ქ : დედაო : ღ-თისაო : მეოხ დედაო ღმრთისაო, მეოხ
მეწმენ : წ ე : ძესა :
- მექმენ წინაშე ძესა
შენსა : მამმკბსა შენსა მამმკობსა
ხა ტს ხატისა
ა : შენისასა :. დღ შენისასა დღე
ესე :. განკითხვ სა განკითხვი-
სა :. ოღნოსა : შვ სა ოღნოსაშვილ-
ლსა : საღირს სა საღირს.
თარმანში ამ წარწერისა დ. ბაქრაძეს ოღნოსა (მისი კითხვით ოღნო) მიუღია
საღირისშვილად (გვ. 121).

22. ხატი ღვთის მშობლისა, კარედი, 14X12 სანტ. ყოფილა წამლით დახატული,
მაგრამ ფერადები გადასულა, უმთავრესად კარებზე, რომელზედაც გარედან
წარმოდგენილი ყოფილა ორი წმ. დიმიტრი; წარწერა ორივესი დაცულია: წ-ჲ დ-ე. შუა
ნაწილზე ღვთის მშობელი ყოფილა, წარწერით: დდ-ჲ ღ-ჲ. კარებზე შიგნიდან ყოფილა
ორი წმიდა დედაკაცი. სამოსი ხატისა და მოკაზმულობა ოქროთ დაფერილი
ვერცხლისაა, ლამაზი, ნაზი ხელობისა, მე-13-14 საუკ. მეორე გვერდზე
წარმოდგენილია ჯვარი, წმ. ანნა და წმ. დიმიტრი, სრულის ტანით. ამის
ფოტოგრაფია სამწუხაროდ გაფუჭდა და არა გვაქვს.

23. ხატი წმ. იოანესი, ვერცხლისა, ნაჭედი, 14X15 სანტ. წმიდანი წარმოდგენილია
სრულის ტანით, ვედრების პოზით, ხელებგაშვერილი და წარწერით: წ-ჲ ჲ-ე. აშია
ბალახოვანი ორნამენტების არის. ხელობა მე-17 საუკ. უნდა იყოს. (№17346).
 24. ხატი წმ. იოანესი, ვერცხლისა, 9X7 სანტ. წარწერით: წ-ჲ ი-ე; უფრო ტლანქი
ხელობისაა, ვიდრე წინა ხატი; მე-18 საუკუნისა.

25. ხატი უცნობი წმიდანისა, ვერცხლისა, ნაჭედი, 15X12 სანტ. შუაში წმიდანი
წარმოდგენილია მღვდლის ტანისამოსით და ჯვარით ხელში; აქეთ-იქით მთავარ
ანგელოზები უდგანან სრულის ტანით და შუბებით. ზემოდ სამი მედალიონია
წელსზევითი სურათით ქრისტესა: ჲ-ჳ ქ-ე, და კიდევ რაღაც სხვა წარწერა. (№17348).

26. ხატი წ-ა გიორგისა, ოქროთ დაფერილი ვერცხლისა, ნაჭედი, 23X18 სანტ.
მთავარ მოწამე წარმოდგენილია რომაულ სამხედრო ტანისამოსით; მარჯვენა ხელი
მახვილის ვადაზე უძევს, რომელიც წელზე ჰკიდია, მარცხენა ხელი მოგრძო ფარზე
დაუდვია; მარჯვნივ აყუდებულია შუბი, რომელსაც ის იდაყვით ეხება. თმა ხუჭუჭი
აქვს. ნიმბის აქეთ-იქით სიმრგვალეებში წარწერა: წ-ჲ გ-ჲ. აშიები სიმრგვალეებით და
ბალახის მსგავსად არის შემკობილი. ხელობა ახალია, მე-18 საუკ. მეორე ნახევრისა.
ქვემოდ უწერია (№17351):
ქ წ-ო : გ-ჲ : მცხეთსაო : წ-ე : ჴევი :
მცხეთჲს : შენსა : წჲშე : შმავა :
წმიდაო გიორგი მცხეთისაო, შეიწყალე ჴევი
მცხეთისა შენისა წინაშე შემავა(ლი).
აქ იგულისხმება ლეჩხუმის მცხეთის სოფელი, რომლის ეკლესია და მისი
ნივთები ჩვენ უკვე აღვწერეთ (იხ. ზემოდ, გვ. 43).

27. ხატი წმ. გიორგისა, ვერცხლისა, ნაჭედი, 30X23 სანტ. მხედარი სრულის
ტანით არის წარმოდგენილი, შუბით და ფარით; წარწერა: წ-ჲ გ-ი. თმა დიდ კიკინებად
აქვს დაწყობილი; ეზო სადაა; აშიები ტალღისებური შემკობილობით ორ
წერტილებიან წრეში გვარიანია; ხატი დიდად დაზარალებულია (№17348). მე-16-17
საუკ. უნდა იყოს.

28. ხატი წმ. გიორგისა, ვერცხლისა, ნაჭედი, 30X22 სანტ. წმიდანი

წარმოდგენილია სრულის ტანით, ჩვეულებრივი პოზით და წარწერით: წ-ჲ გ-ი.
ხელობა ისეთია, როგორც წინა ხატისა, მაგრამ აშიები უფრო უბრალოა (ამის
ფოტოგრაფია არა გვაქვს).

29. ხატი წმ. გიორგისა, ვერცხლისა, 31X26 სანტ. მთავარ მოწამე ცხენით არის
წარმოდგენილი შუაში, გრეხილიან ოთხკუთხედში; გვირგვინოსან ადამიანს გმირავს
შუბით; წელზე გრძელი ხმალი ჰკიდია; შუბი ჯვარით თავდება; მოსასხამი წმიდანის
ზურგს უკან მაღლად ფრიალებს ჰაერში; ეზო სადაა; აშიები ბასმისაა, მქრთალად
გამოსახული, ხელაპყრობილნი მთავარ ანგელოზებით. ხელობა ტლანქია. სვანური,
მე-18 საუკ. (№17348).

30. ხატი წმ. გიორგისა, ვერცხლისა, 18X14,5 სანტ. წმიდანი ცხენით არის, შუბით
გმირავს ადამიანს. წარწერა: წ-ჲ გჲ. აშია გაფუჭებულია. ხელობა ტლანქია, სვანური,
მე-18-19 საუკ. (№17346).
 31. ხატი წმ. გიორგისა, ვერცხლისა, ნაჭედი, 14,5X13 სანტ. მთავარ მოწამე
ცხენით არის. წარწერა: წ. გ-ი. წმიდანი ვეშაპს გმირავს. ხელობა ტლანქია
(ფოტოგრაფია არ არის).

32. ხატი წმ. გიორგისა, დიდი, წამლით დახატული; მხედარი ცხენით არის
წარმოდგენილი, ვეშაპს გმირავს. არა ცუდი ნახელავია, მაგრამ ძველი არ არის; მე-19
საუკ. უნდა იყოს. (სურათი არ გადმოგვიღია).

33. ხატი მთავარ ანგელოზის მიქელისა, ვერცხლისა, ნაჭედი. მთავარ ანგელოზი

სრულის ტანით არის წარმოდგენილი; მარჯვენა ხელში ლახვარი აქვს, მარცხენა
ხელში ბურთი. ზემოდ უწერია: წ-ჲ მიქაელ. მარჯვნივ, ქვემოდ კაცია დაჩოქილი,
სავედრებლად აწეული ხელებით და მაღალის ქუდით. აშიები ყვავილებით და
სიმრგვალეებით არის შემკობილი; ქვემო აშია (ალბათ წარწერიანი), აღარ არის
№17348 ?). ხელობა მე-16 საუკ. უნდა იყოს.

34. ხატი მთავარ ანგელოზ მიქაელისა, ვერცხლისა, ნაჭედი. მთავარ ანგელოზი

წარმოდგენილია სრულის ტანით, ლაბარუმით და ბურთით, წარწერით: წ-ჲ მ-ქლ. აშია
გაფუჭებულია. ხელობა ტლანქია, მე-18 საუკ. (№17347).

35. ხატი მთავარ ანგელოზისა, ვერცხლისა; ძლიერ გფუჭებულია. მთავარ

ანგელოზი სრულის ტანით არის და შუბით მარჯვენა ხელში. რა ჰქონდა მარცხენაში,
არა სჩანს. წარწერიდან ემჩნევა მარტო: წ-ჲ. აშია რომბ-ლურსმული, მოტლანქოა
(№17350). მე-18 საუკ. უნდა იყოს.

36. ვერცხლის ფირფიტა ლაბარუმისა, 15X16,5 სანტ. ორი მთავარი ანგელოზის

გამოხატულობით, შემკობილი სიმრგვალეებით და წერტილოვანი ჯვრებით; ტლანქი,
სვანური ხელობისა, მე-18 საუ. (№17350) (?).

37. ბუკი ანუ საყვირი სპილენძისა.

მეორე ეკლესია მურყმერის სოფლისა არის წმ. ბარბარეს ეკლესია,

აშენებულია ქვემოდ, სოფლის ბოლოს, გორაკზე. ეს პატარა, ქვის ეკლესია არის,
ოთხკუთხედი, გადახურულია ფიქალის ქვებით, ეკვტერი აქვს სამხრეთით;
აქედანვე აქვს შესავალი; კანკელი ქვისაა ერთის აღსავლის კარით. კამარები
კანკელს არ ახლავს, მაგრამ ხის თაროები აქვს ხატებისათვის. ეს ეკლესია არა
ერთხელ წაულეკია თოვლის ზვავს და ამიტომ ნივთები მასში დანოტვილი და
დაზიანებული არის. უმეტესად. ეკლესიაში ჩვენ ვნახეთ:

1. ჯვარი დიდი, ხისა, კანკელის საწინავე, სამ არშინზე მეტი სიმაღლით,

შეძერწილი ვერცხლის ფირფიტებით, წმიდათა სახეებით; სვანური, ტლანქი
ხელობისა; ზემოდ დაცული აქვს ქუდი; ქვემოდ ყველაზე დიდი ფირფიტა
უჭირავს ღვთის მშობლის ხატს ჩჩვილედს. შემდეგ ჩვენ ვხედავთ ორს წმ.
გიორგის და 11 მთავარ ანგელოზს სხვა და სხვა დროისა და სხვა და სხვა
ხელობისა. ორი მთავარ ანგელოზი უმბოს აქეთ-იქით ოქროთი დაფერილია.
ესენი საუკეთესო ნახელავია. მარჯვენა და მარცხენა ფრთებზე წარმოდგენილნი
არიან მაცხოვარი და მთავარ ანგელოზები. ჯვარი ეხლა დაქანებულია თავის
ადგილიდან და მიყუდებულია კანკელზე მარჯვნივ.

2. ასეთივე ჯვარი კანკელის საწინავე, 1 არშინი და 5 ვერშოკი სიმაღლით,

სდგას კანკელის წინ, ქვის კვარცხლბეკზე, რომელიც დამყარებულია ოთხკუთხედ
ხის სადგომზე; შეძერწილია დაფერილი ვერცხლის ფირფიტებით. ლამაზი
ხელობისაა, რაც ასე იშვიათია სვანეთში. ზემო ფირფიტაზე მაცხოვარი ლამაზად
ნახელავ მედალიონში; უმბოს ქვევით წ-ა გრიგოლია, სრულის ტანით და
წარწერით: წ-გ გ-ლ; მის ქვემოდ: წ-ჲ მარკზ. შემდეგ: წ-ა გიორგი ცხენით; მის
ქვემოდ წარწერა. ეს წარწერა ძნელი გასარჩევია, მაგრამ დ. ბაქრაძის და ა.
ხახანაშვილის წაკითხვა ჩვენთვის მიუღებელია. ჩვენ ასე ვკითხულობთ:

წ-ო ბრბლე : შენ წმინდაო ბარბალე, შეუნდვენ

-
მმგნბლ შ ნ ყფ მომგონებელი შენი ყაფ-
-
ისომ ქლისა ა ნ ისომ ქალისა. ამინ.
შესაძლოა „მომგონებელის“ მაგიერ იყოს „მომგებელი“, მაგრამ ასო ნ-ის
არსებობა ჯგუფში „მმგნბლ“ ამის ნებას არ გვაძლევს, თუ ეს დამწერის შეცდომა
არ არის. დ. ბაქრაძე (გვ. 119) და მისი მიხედვით ა. ხახანაშვილი (გვ. 35) ამ
წარწერაში კითხულობენ „მიქელ იოსელიანის“ სახელს.
მარცხნივ ჩჩვილედი ღვთის მშობლის სურათის მეორე წარწერაა, რომელსაც
ა. ხახანაშვილი არ იხსენიებს, მაგრამ დ. ბაქრაძეს მოყვანილი აქვს და ის
შენიშნავს, რომ გადათარგმნა შეუძლებელიაო:
დ. ბაქრაძე კითხულობს: ჩვენ ვკითხულობთ:
დდოღ დ-დო ღ
თსოდი თსო : დი
ვერვ ვერე
გგდთნ გ-გითა
ანი ამნ ანი : ამ-ნ
ჩვენი ცდა წარწერის წაკითხვისა ასეთია: „დედაო ღთისაო, დაივედრე
გოგითაანი, ამინ“.
სამწუხაროდ ფოტოგრაფიულად ამ ჯვარის სურათები ვერ გადავიღეთ,
ვინაიდან ჯვარის მოშლა და კარში გამოტანა შეუძლებელი იყო, და დიდი
აპარატი კი ეკლესიაში არ გაიმართა; პატარა აპარატი დ. ერმაკოვს არ ჰქონდა.
საჭიროა ამ წარწერების გადმოღება და ჩვენს ტექსტთან შედარება, რომ
საბოლოოდ გადაიჭრას საკითხი.

3. ჯვარი ხისა, შუათანა ტანისა, 63X41 სანტ. შეძერწილია ვერცხლის

ფირფიტებით და ზედ გამოხატული ფიგურებით: ზემოდ ჯვარცმა წინა-
მდგომებითურთ ოქროთი დაფერილია; მეორე ჯვარცმა ჯვარის ცენტრშია; ამის
ქვემოდ და აგრეთვე მარჯვენა და მარცხენა ფრთაზე ღვთის მშობელია
ჩჩვილედი; ზემოდ, ვგონებ, დავითია; წარწერა ნათელი არ არის. ერთი
მედალიონი წელსზევითი ფიგურით ქვემო ფრთაზე არის (#17362). ბოლო,
ქვემოდ წ-ა პეტრეა: წ-ჲ პტრ.

4. ჯვარი ხისა, შუა ტანისა, 50X44 სანტ. შეძერწილია ვერცხლის

ფირფიტებით, უკეთესი ხელობისა, ვიდრე წინა ჯვარი. უმბოს ზემოდ სრულის
ტანით წარმოდგენილია: ი-ჳ ქ-ე სახარებით, მაკურთხეველის მარჯვენით და
ჯვარის სახის ნიმბით. ქვემოდ უმობსა აგრეთვე სრულის ტანით იოანე უნდა
იყოს: წ-ჲ....ი(?). ამას ქვემოდ, მრგვალ მედალიონში წმიდანია ჯვარით,
წელსზევითი. წარწერა არა აქვს. მარცხენა და მარჯვენა ფრთები ბროწეულის
ყვავილების მსგავსი ორნამენტითაა შემკობილი და მედალიონებით ღვთის
მშობლისა: დ-დჲ ღ-ჲ (მარცხნივ) და იოანესი: „წ-ჲ ი-ნე ნთსმც“ მარჯვნივ.
კუთხეებში მთავარ ანგელოზებია (#17364).

5. ჯვარი ხისა, შუა ტანისა, 44X26,5 სანტ. შეძერწილია ვერცხლის

ფირფიტებით, ტლანქი სვანური ხელობისა. ზემოდ წარმოდგენილია მაცხოვარი
სრულის ტანით. ქვემოდ ღვთის მშობელი მვედრებელი; მის ქვემოდ წმიდანი
ჯვარით ხელში, შეიძლება წმ. გიორგი იყოს. მარჯვენა და მარცხენა ფრთებზე
ორ-ორი მედალიონი წმიდათა, უწარწეროდ. (#17377).

6. ჯვარი გამოსასვენებელი, ოქროთ დაფერილი ვერცხლისა, 26X21 ს. ერთის

კარგად გამოქანდაკებული ჯვარცმულის სახით შუაში, ზემოდ ნიმბისა ჯვარის
სახეა ჩვეულებრივად სახელის წარწერისთვის, მაგრამ აქ წარწერა არ არის;
ზემოდ კი აწერია: წ-ო ს-ბო. ჯვარცმულის წარწერა მოიპოვება მარცხენა და
მარჯვენა ფრთებზე, ქრისტეს ხელების ახლო: ი-ჳ- ქ-ჱ. ჯვარი გრეხილით არის
შემოზღუდული, ხოლო ყველა ფრთის ბოლოები ორ-ორი პალმეტით თავდება;
ამათში ოთხი დაკარგულია, ოთხი დარჩენილი. პალმეტები ცალკეა
დამზადებული და შემდეგ მიკრული (#17370). ეს უნდა იყოს მე-16 საუკ.
ნახელავი და მიბაძვა ძველი ჯვარცმის გამოსახვისა.

7. სრულიად ასეთივე ხელობის და ფორმის ჯვარი, ვერცხლისა, 25X23 სანტ.

იგივე წარწერები, იგივე პალმეტები, ხოლო აქ ყველა დაცულია, ერთი მერმეა
მარჯვენა ფრთაზე მილურსმული და სხვებთან შედარებით ტლანქია; ჯვარი
ვერცხლის ბურთზეა დამყარებული. თავი გარჩევა წინა ჯვარიდან მდგომრეობს
იმაში, რომ რელიეფი გამოყვანილი ჯვარცმული აქ უფრო ტლანქია, ვიდრე
წინაზე (#17374).

8. ჯვარი გამოსასვენებელი, ვერცხლისა, 29X23 ს. დამყარებულია ხეტარზე,

ვერცხლის შემკობილის ბურთის საშუალებით. წვეტიანი კუთხეები თავდება
ვერცხლის პატარა ბურთებით, პალმეტების მაგიერ წინა ჯვრისა. შუაში დიდი
ლალი უზის. მარცხენა, მარჯვენა და ზემო ფრთანი შემკობილია სევადით და
სიმრგვალეებით, ჯვარის სახედ შიგნით. ქვემო ფრთაზე ორი ღვთის მშობლის
სახეა, ერთი ჩჩვილედი ქვემოდ და მეორე უფრო დიდი, ვედრების სახით,
ზემოდ, სრულის ტანით. საზოგადოთ ჯვარი კარგ შთაბეჭდილებას ახდენს
(#17373).
 9. ჯვარი ხისა, გამოსასვენებელი, 35X27,5 სანტ. შეძერწილია ვერცხლის
ფირფიტებით, ორი მთავარ ანგელოზის გამოსახულებით ზემოდ და ქვემოდ და
წერტილებით შემკობილის ორ-ორი სიმრგვალით მარჯვნივ და მარცხნივ უმბოსა
(#17371). მეორე გვერდზე ჯვარისა ნუსხა მხედრულით სწერია:

შ-ე ესტატე ოქრო მჭ-დლი.

დ. ბაქრაძეს ვერ გაურჩევია წარწერა, მაგრამ ხელით გადმოუღია (იხ. გვ.
119, დამატება #39). რომ წარწერა წავიკითხოთ, ჯვარი უნდა შევაბრუნოთ. ალ.
ხახანაშვილს სწორად აქვს წაკითხული (გვ. 35).
ხელობა ტლანქია, ადგილობრივი, მე-18 საუკუნისა. (# წარწერისა 17372).

10. ჯვარი გამოსასვენებელი, ოქროთი დაფერილი, ვერცხლისა, 44X34 სანტ.

შუაში გამოსახულია ჯვარცმა ძლიერ ტლანქი ხელობისა და ყველა
მომრგვალებულ კუთხეებში ასეთივე ტლანქი გამოსახულებაა მედალიონებში
წმიდათა (#17375). მეორე გვერდზე წერტილებიანი შემკობილებანია ჯვარედინი
ხაზების გარშემო და ქვემოდ ძნელი გასარჩევი წარწერა ასომთავრულით
(#17376).
წარწერა გადმოღებული აქვს ხელით დ. ბაქრაძესაც, მაგრამ გაურჩეველია
(იხ. გვ. 119), დამატება #40). ჩვენს ფოტოზე წარწერა კარგად არის გამოსული,
მაგრამ ვინაიდან გარჩევა ჩვენც ვერ შევსძელით, ამიტომ აღარ მოგვყავს.

11. ხატი წმიდისა თეოდორესი, ვერცხლისა, ნაჭედი, 63X49 სანტ. მშვენიერი

კლასიკური ხელობისა (#17355). წ-ა თეოდორე მდგომარეა, რომაული
ტანისამოსით. მარჯვენა ხელში შუბი უჭირავს, მარცხენა მოგრძო, შემკობილ
ფარზე დაუდვია; თმა ხუჭუჭი აქვს; ნიმბი დიდი; პირი თითქოს დაღებული.
ეზო ხატისა ვაზოვანი და ფურცლოვანი ორნამენტით არის შემკობილი, ხოლო
ფართო აშია შემოცულია ორმაგი ბროწეულის მსგავსი ყვავილების
შემკობილებით და მრავლის მედალიონებით წმიდათა. ზემოდ მრგვალ
მედალიონებში წარმოდგენილნი არიან წელსზევითნი ფიგურები: შუაში
ქრისტესა, სახარებით და მაკურთხეველის მარჯვენით, წარწერით: ჲჳჱ (sic) ქ-ე;
კუთხეებში მთავარ ანგელოზები: წ-ჲ მ-ქლ, წ-ჲ- გ-ბრლ. ქვემოდ ასეთივე
მედალიონებით: წ-ი დ-რი, წ-ი ბ-სლი და წ-ი ნკ-ლზ. მარცხენა აშიაზე სრულის
ტანით ოთხკუთხედ მედალიონში. მარცხნივ: დ-დი ღ-საი და ი-ნე ნთლმმცმელი.
მარჯვნივ: წ-ი ი-ნე მხრებლი და წ-ი ი-ნე ოქროპირი; ხატი მე-12 საუკუნის უნდა
იყოს.

12. ხატი წმ. გიორგისა, ვერცხლისა, ნაჭედი, 83X57,5 სანტ. (#17354). მთავარ
მოწამე ცხენით არის წარმოდგენილი, რომაულის საომარის ტანისამოსით;
გმირავს გვირგვინოსან კაცს, მაგრამ ეს ნაწილი ხატისა, სადაც გვირგვინოსანია
გაშხვართული, სულ მოშლილი ყოფილა და შემდეგ მიუმატებიათ ტლანქად
ახალი ფიგურა. ეზო ზემო ნაწილისა შემკობილია რელიეფით წარმოდგენილის
ფოთლოსანი შტოებით. ქვემოდ, ამისვე მიბაძვა მქრთალია. სახელის წარწერა
წმიდანის ასომთავრულით: წ-ი გ-ჲ. მოქცეულია ორივეს მხრით ნიმბის ლამაზად
ნაჭედ დიდ მრგვალ მედალიონებში. აშია ფართო რობმ-ლურსმული
შემკობილობისაა, მაგრამ მერმინდელი უნდა იყოს, ვინაიდან მისი
მედალიონების დაბალი ხელოვნება არ ეგუება ხატის ზემო ნაწილის ლამაზ
ხელოვნებას. ზემოდ მედალიონებში ვედრებაა; ქვემოდ: წმიდა მხედარნი უნდა
ყოფილიყვნენ, მაგრამ ეხლა მოშლილია; მარჯვნივ და მარცხნივ: დედა ღვთისა
და იოანე, სრულის ტანით. ძველი ზემო ნაწილი ხატისა, ჩვენის აზრით, მე-13-14
საუკ. არის.

13. ხატი იოანე ნათლის მცემელისა, 62X46,5 სანტ. ფერადებით დახატული

ყოფილა, მაგრამ ეხლა ფერადები სულ გამქრალია; დარჩენილია მხოლოდ
ნაწილი აშიებისა ფურცლოვან-ყვავილოვანის შემკობილობით, საუცხოო
ხელობისა, და მარცხენა პატარა ნაწილი ორ-სტრიქონიანი ასომთავრული
წარწერისა (#17361). ეს ნაწილი წარწერისა, მცირე შეცდომით, მოჰყავს დ.
ბაქრაძეს (გვ. 120); გრაფინია უვაროვისა და ალ. ხახანაშვილი არც ხატს, არც
წარწერას არ იხსენიებენ (გვ. 169, დამატება, გვ. 35).
ამ წმ. ბარბარეს ეკლესიაში, საკურთხეველში, პატარა სკივრი იყო
დაკეტილი. დიდი ლაპარაკის და დავიდარაბის შემდეგ მე ვაიძულე გაეხსნათ ეს
სკივრი და სხვა მრავალ საყურადღებო და არა საყურადღებო ნივთებთა შორის,
აქ ჩვენ ვიპოვეთ გაგრძელება ამ წარწერისა. ეს ჩვენ მივადევით თავის ადგილს
და ხელმეორედ გადავიღეთ. ასე რომ ამ წარწერის სურათი ეხლა მთელად გვაქვს
(#17369). წარწერა ნათლის მცემელის ხატისა ასე იკითხება:
: ქ : წო : იე ნთლს მცმლო : მო[ხ და] მფრვლ ექმნ წე
ქესა ცოტნეს და ქობლეს და ცოტნე[ს] ცოლსა ვნელსა
ამნ.
შეუმოკლებლად: წმიდაო იოანე ნათლის მცემელო, მეოხ და მფარველ ექმენ
წინაშე ქრისტესა ცოტნეს და ქობულს და ცოტნეს ცოლსა ვანელესა, ამინ.

ჯგუფი ქობლს შეიძლება წავიკითხოთ კიდევ ქუაბულს. ცოტნეს ცოლის

სახელი ვნელს ჩვენ ვკითხულობთ ვანელსა, სახელი ვანენეს ანალოგიით,
ვინაიდან ეს სახელი ცნობილია სხვა წარწერებიდან. ვფიქრობთ, ვანენე და
ვანელე ერთი და იგივეა, ლ და ნ გადადიან ერთი მეორეში. ჩვენს წარწერაში
მოხსენებული ცოტნე უნდა იყოს ცოტნე დადიანი, შერგილ დადიანის და მისი
ცოლის ნათელას შვილი (იხ. ჩვენი არხეოლოგიური მოგზ. ტ. 2; გვ. 153). ცოტნე
დადიანი კარგად ცნობილი მოღვაწეა ჩვენს ისტორიაში დედოფალ რუსუდანის
დროს, თამარის ქალისა, მე-13 საუკ. მაგრამ მისი ცოლის სახელი პირველად
გვხვდება ამ წარწერაში, თუ მართლა აქ ცოტნე დადიანი იგულისხმება. ის
ყოფილა ვანელე ან ვანენე.
ქობულ ანუ ქუაბულ ჩვენი წარწერისა ცნობილი არ არის, ის უნდა იყოს
ძმა ან სხვა ნა თესავი ცოტნესი.

13 ბ. #17369-ზე ჩვენი ფოტოგრაფიისა ჩვენ ცოტნე დადიანის წარწერასთან

ერთად გადაღებული გვაქვს ნატეხი ერთი მთავარ ანგელოზის ხატის წარწერისა,
რომელიც ჩვენ იმავე სკივრში ვიპოვეთ. ეს წარწერა იკითხება ასე:
ქ წო : მთავარ ანგელოზო . მეო
 ხ : ექმენ : მონასა შენსა : ჴდმ ე
. . . . . რიანსა : ამინ .

14. ხატი სამთა წმიდათა: იოანესი, ელიასი და შიოსი; ყოფილა ფერადებით

დახატული, მაგრამ ფერადები ეხლა საერთოდ გადასულია; მათი ნიმბები,
შესამოსელის ნაწილი ოქროსი დაცულია და მათ უწერიათ სახელები: წ-ჲ ი-ნე, წ-
წყე. ელია, წ-ჲ შიო, 25X21 სანტ. დაცულია უმეტესი ნაწილი ოქროსავე აშიებისა,
ფურცლოვან-ყვავილოსანი საუცხოო შემკობილობით (#17379), ქვემოდ: სამ-
სტრიქონიანი ასომთავრული წარწერიდან დარჩენილია პირველი ნახევარი
მარცხენა კედაროსი, რომელიც იკითხება ასე:
ქ : რლთ : გქს : კდნ. . . ქ : რომელთა გაქვსთ კად[ნიერება].
. .
ინე : ელია : და შიო . . . იოანე, ელია და შიო . . .
მსვსა : ფრსმნ : ა. . . მოსავსა ფარსმანს. . .
ხატი მე-12 საუკუნის უნდა იყოს.

15. ხატი მაცხოვრისა, ვერცხლისა, ნაჭედი, 43X31 სანტ. ქრისტე

წელსზევითია. მაკურთხეველის მარჯვენით და სახარებით მარცხენა ხელში.
ტანისამოსი ერთობ მსხვილად და მჭიდროდ დანაოჭებულია. აშიები რომბ-
ლურსმულია. ხელობა ადგილობრივია, ტლანქი, მე-18-19 საუკ. საკვირველი
კიდევ ისაა, რომ წარწერა სახელისა არეული ასოებით არის: ბერძნულ-
ქართულით: ქ-c x-ე (#17356).

16. ხატი მაცხოვრისა, ვერცხლისა, ნაჭედი, 45X33 სანტ. მაცხოვარი ტახტზე

მჯდომარეა, მაგრამ ჩვეულებრივად მუთაქაზე კი არ ზის, არამედ არდიგარდათ
გადებულ ხეზე; ეს ხე და აგრეთვე ტახტის სვეტები წერტილოვანი
შემკობილობით არის მოცული. მაცხოვარს ორივე ხელი დაუდვია სახარებაზე და
სახარება მუხლზე უძევს. აშიები რომბ-ლურსმულია. ხელობა ტლანქია,
ადგილობრივი მე-18 საუკუნისა (#17358).

17. ხატი პატარა გარდამოხსნისა. 15X11,5 სანტ. ყოფილა წამლით

დახატული; ფერადები გადასულია; შემოსილობა ოქროსია, ნაზი, ლამაზი
ხელობისა, მე-12-13 საუკ. წარწერა სახელისა:P„გა¯დმოჴნა იესოს“ (#17359). მეორე
გვერდზე ასომთავრულით წარწერა (#17365):
ქ. ქრისტე ღ-ო / მომი / ჴსნე. მჴსნელო : სახჳფევლ-ა /
შნსა : მელ / ომნაძე : ქვლი და მეჳღლე : ჩემი : რჳსჳდან.
დ : შვლ / ნი ჩ / ნი : ვახტგ / დ ძმნი : მისი : ამი(ნ).
უქარაგმოდ:
ქ. ქრისტე, ღმერთო, მომიჴსენე, მჴსნელო, სასუფეველსა
შენსა მე, ლომინაძე ქველი, და მეუღლე ჩემი რუსუდან
და შვილნი ჩემნი ვახტანგ და ძმანი მისნი, ამი(ნ).

18. ასომთავრული წარწერა ზურგზე დაკარგულ პატარა ღვთის მშობლის

ხატისა (#17365).
 ქ. ვედრე ქ. ვედრე-
-
ბისა : ღ თსა : შობე ბისა ღვთის მშობე-
ლო :მეოხ და მფრვლ : ლო, მეოხ და მფარველ
მექმენ :. მექმენ
-
დღესა : გ ნკითხვისა დღესა განკითხვისა-
სა : მამკბსა : ხატისა სა მამკობსა ხატისა
-
შენისსა : წ ე : ძესა (sic) შენისასა, წინაშე ძისა
შენსა :. შენისა,
გალდისა . გალდისა.
უკანასკნელი სიტყვა წერტილებით არის შესრულებული ჯვარის
კვარცხლბეკთან და შეიძლება მერმე იყოს მიმატებული.

19. კარედი ხატი ხისა, ცილინდრულის თავით ოთხკუთხედზე, ორად

დასაკეცი. დიპტიხი, 18X11 სანტ. შეძერწილია ოქროს წრის რომბ-ლურსმულის
შემკობილობით, დაყოფილია უჯრებად; თავის უჯრა ცილინდრულია, სხვები
ოთხკუთხედი, შუა უჯრა ორივე ნაწილისა სხვებზე დიდია. უჯრებში ყოფილა
მოთავსებული მინაზე ფერადებით დახატული წმიდათა სახეები, მაგრამ არც
ერთი არ შენახულა. მხოლოდ თუ რა მშვენიერი ხელოვნური დარგის სახეები
იყო იქ, ამას მოწმობს ერთად ერთი დარჩენილი, ზემოდ, მარჯვენა კუთხეში,
ტრედის სურათი; მშვენიერი რამ არის, როგორც თავისი მოხაზულობით, ისე
ფერადების შეზავებით და მხატვრულის სახით, რომელსაც ფოტოგრაფია,
სამწუხაროდ, ვერ გადმოსცემს. (#17378). ამას გარდა, ერთი ასეთივე მინაზე
დახატული მაცხოვრის სურათი ჩვენ ვნახეთ ბლაღოჩინ ნიჟარაძესთან და
საუცხოო რამ იყო. სუარათი ალბათ ამ ხატიდან იყო ამოღებული. სხვაგან,
საქართველოში, ასეთი დარგის ხატები ჩვენ არ შეგხვედრია, მაგრამ სვანეთში
ჩვენ ვიპოვეთ სხვა ხატიც და ჯვარიც, რომელნიც უჯრებად არიან დაყოფილნი
და უჯრებში წინეთ მოთავსებულნი ყოფილან პერგამენტზე ფერადებით
დახატულნი წმიდათა სურათები. როგორც თავის ადგილზე იქნება აღნიშნული,
ერთი ასეთი ხატი მოიპოვება სადადეშკელიანო სვანეთში, ფხოტრერის
ეკლესიაში, #17140, ხოლო ჯვარი მოიპოება ლატალის თემში, ენაშის ეკლესიაში,
##17003, 17004.

20. ხატი ორთა მთავარ ანგელოზთა, ვერცხლისა, ნაჭედი, 42X40 სანტ.

თითოეული მთავარ ანგელოზი მოქცეულია მოსხო წერტილებისაგან შემდგარ
ოთხკუთხედში ლაბარუმით და ბურთით. ზემოდ და ქვემოდ მთავარ
ანგელოზთა არის სამ-სამი წერტილებით შემოვლებული მრგვალი მედალიონები,
რომლებშიაც წარმოდგენილნი არიან, ზემოდ: ღვთის მშობელი, წმ. გიორგი და
იოანე, ქვემოდ: ორი იოანე და წმ. გიორგი, ყველა სახარების წარწერით; აშიები
ბრტყელი ლურსმეული, ორ-ორი მედალიონით კუთხეებში; ერთში ზემოდ ღვთის
მშობელია (#17356).

21. ხატი მთავარ ანგელოზთა. ოქროთ დაფერილი ვერცხლისა, ნაჭედი,

46X34,5 სანტ. ორივე მთავარ ანგელოზი წარმოდგენილია სრულის ტანით,
საზომებით და ბურთებით. ბურთები ერთი მეორესათვის მოუახლოვებიათ.
ნიმბები წერტილოვანი სიმრგვალეებით არის შემკობილი. ეზო ხატისა თითქო
ვარსკვლავებით არის შემკობილი. აშიები ბალახ-ყვავილოსანია, ლამაზი და რვა
მედალიონით. ყველაზე წ-ი კ-ე (კვირიკე) არის გამოხატული. ხატი მე-14 საუკ.
უნდა იყოს. (#17357).

22. ხატი Mმთავარ ანგელოზ გაბრიელისა, ვერცხლისა, ნაჭედი, 42X27 სანტ.

მთავარ ანგელოზი სრულის ტანით არის, წარწერით: წ-ი გ-ლ. მარჯვენა ხელში
ლაბარუმი უჭირავს, რომელზედაც აწერია: „წმიდა არს, წმიდა არს“. მარცხენა
ხელში ბურთი აქვს, ზედ ჯვარია გამოსახული; ეზო სადაა; აშია არ აქვს. ხელობა
აღორძინების ხანის არის, მე-16 საუკ. (#17363).

23. ხატი მთავარ ანგელოზ მიქაელისა, ვერცხლისა, ნაჭედი, 48X39 სანტ.

მთავარ ანგელოზი სრულის ტანით არის, საზომით და ბურთით. წარწერა
სახელისა: წ-ჲ მ-ქლ. მისი ფიგურა მოკლეა, მძიმე; ნიმბი დიდი ხლართულებით
შემკობილი. აშია რომბ-ლურსმული, მედალიონებით წმიდათა. ხელობა ტლანქია,
მე-18 საუკ. სვანური (#17358/595).

24. ხატი მთავარ ანგელოზ მიქაელისა, ვერცხლისა, ნაჭედი, 50X35 სანტ.

უკეთესი ხელობისაა, ვიდრე წინა ხატი. მთავარ ანგელოზი წარმოდგენილია
სრულის ტანით, (მაგრამ ტანი მოკლეა), ლაბარუმით და ბურთით; ეზო ხატისა
ფურცლოვანი ვაზის ყლორტების მსგავსი ორნამეტით არის შემკობილი
ლამაზად, ხოლო აშიები ორმაგი ბროწეულის ყვავილებით. ეს სულ მიბაძვაა
კლასიკური ეპოქის ნაწარმოებისა. წარწერა სახელისა: „მჲლ მთავარაგლზჲ“. ხატი
მე-16 საუკ. უნდა იყოს. (#17357). მარცხენა აშია დაკარგულია.

25. ხატი მთავარ ანგელოზისა, ვერცხლისა, ნაჭედი, 27X26 სანტ. მთავარ

ანგელოზი წარმოდგენილია სრულის ტანით, საზომავით და ბურთით; ეზო
სადაა; აშიები ბალახების გვარის შემკობილობით. ხელობა ტლანქია, მე-18 საუკ.
სვანური (##17359/596).

26. ასეთივე ხატი მთავარ ანგელოზისა, 20X16 სანტ. ლაბარუმით და

ბურთით, გაფუჭებულის აშიებით, გადმოღებულია სხვა ხატებთან ერთად. ამავე
ფოტოგრაფიაზე მოთავსებულია დაბლა, მარცხნივ, სურათი პატარა მაცხოვრის
ხატისა, წელსზევითი, ჯვარის სახის ნიმბით, სახარებით და მაკურთხეველის
მარჯვენით; საკმაოდ ლამაზი.

27. ხატი მთავარ ანგელოზ მიქაელისა, ვერცხლისა, ნაჭედი, 21X16 სანტ.

ლაბარუმით და ბურთით, აშიები რომბ-ლურსმული; ადგილობრივი მოტლანქო
ხელობისაა, მე-18 საუკ. წარწერა სახელისა: მქლ მთ-გლ. ქვემოდ, მარჯვნივ
მოსჩანს ნაშთი წარწერისა (№17359).

28. ხატი მთავარ ანგელოზისა, ვერცხლისა, უფრო ცუდათ დაცული, ვიდრე

წინა ხატი; ტლანქი, ადგილობრივი ხელობისა, მე-18 საუკ. (#17359).
 29. ხატი მთავარ ანგელოზისა, ვერცხლისა, ნაჭედი. მთავარ ანგელოზი
წარმოდგენილია ლაბარუმით. საკვირველია, რომ ამ ხატს აწერია ჲ-ე, თუმცა
სურათი მთავარ ანგელოზისაა, ფრთებით, ლაბარუმით და სხვა. აშიები რომბ-
ლურსმულია; ხელობა ტლანქი, მე-18 საუკ. (#17359).

30. ვერცხლის ჯამი შემკობილობით (#17366. სურათზე ამ ჯამისა

მოთავსებულია თიხიდან გაკეთებული „ბოჭკის“ მსგავსი ჭურჭელი).

31. ორი უბრალო ვერცხლის ჯამი და ერთი ვერცხლის ჭიქა.

32. დოქი სპილენძისა, მაღალის ხელით (#17366).

33. ჭურჭელი თიხისა, „ბოჭკის“ მსგავსი (17366), უკვე ზემოდ ნაჩვენები.

34. ფარი სპილენძისა, მრგვალი (იქვე #17366).

35. ხის კათხა, ძაღლის თავის ქანდაკებით და მეჭეჭის მსგავსი

შემკობილობით (იქვე, #17366).

36. ლახტი რკინისა, მრავლის ფრთებით, ვერცხლის ჭდებით შემკობილი

(უვაროვისა, გვ. 141, სურ. 62). (#17367).

37. ვერცხლის სკიპტრა-ლახტი, დიდი, რომბისებური შემკობილობით. ეს

აღმოჩნდა სკივრში, როლმელიც გავახსნიეთ (#17367).

38. მეორე უფრო დიდი და უფრო ლამაზი ვერცხლის სკიპტრა-ლახტი იმავე

სკივრში აღმოჩნდა; სახელური იკლიკანტური ხაზებით არის შემკობილი, ხოლო
მსხვილი თავი, ბურთი, ცხოველთა თავების სახეებით (#17368).
შენიშვნა: ეს ორი ნივთი, პირველად ჩვენი ექსპედიციის მიერ აღმოჩენილი,
ფრიად საყურადღებოა. ფორმით ესენი ლახტს მოგვაგონებენ, მაგრამ რეალურად
საომარი იარაღები ვერ იქნებოდენ. ამგვარი ნივთი უნდა ყოფილიყო ემბლემა
ერისთავთა ხელისუფლებისა, მათი სკიპტრა.
ამავე #17368 ჩვენ გვქვს გადმოღებული სხვა ნივთებიც, რომელნიც სკივრში
აღმოჩნდა: 1) სხვა და სხვა ზომის და სხვა და სხვა მასალიდან გაკეთებული
კრიალოსანის მარცვლები (ბუსები), 2) მოღუნული დანა რკინისა; როგორც
ეტყობა, ძველი სასაფლაოდან უნდა იყოს ამოღებული, 3) ვერცხლის რგოლი,
სამაჯურის მსგავსი, ტრედის ქანდაკებით ოვალურ წრეში, ერთობ ლამაზია, 4)
ქინძისთავი ცხენის გამოხატულებით ზემოდ, 5) ჩანჩხურეები („პრივესკი“)
სპილენძისა, შველის, ფრინველების და სხვა სახეებით.

40. სკივრში ამას გარდა იყო ბევრი მოქარგული და ნაკეთი ტანისამოსი,

უფრო ბავშვებისა და ქალებისა. ფრიად დაობებულნი სინესტისაგან; ზოგი სულ
გაფუჭებული იყო. რამოდენიმე ვერცხლის ფული თათრული, სპარსული და
ბიზანტიური, პატარა ჭურჭელი მინისა და სხვა.
 41. პირობა დადებული უშკულის თემის მიერ სხვა თემთან (არა სჩანს
რომელთან).
ეს საბუთი ჩვენ ვნახეთ ძველ ქაღალდზე დაწერილი მხედრულის ხელით
ცაგერში, მამა მარგიანის ხელში. საბუთი მოგვყავს უცვლელად, მაგრამ უნდა
გვახსოვდეს, აქ, როგორც სხვა ამგვარ სვანეთის საბუთებში, ხშირად ასო ო
იკითხება უ-ნად და წინაუკმო, აგრეთვე ასო შ-ნის მაგიერ იხმარება ჭ-რი.
ქ უჯობდეს : გოლმართლად : მას ვიჭირვეთ : თქვენია-
ნად : და უთქვენუდ : და რასაც : პირსა : ზედა : შედ-
გომილი : ვართ : არ გაგი ტეხოთ : ჴეუმან : ჴეუსა :
ჴეუბითა : თო გაგიტეხოთ : რაიცა ჭვენსა : მტერა-
(შტერა?).
სა : უყოთ : იმისა საქმესა : არას : გერჭოდეთ : თო
ერთმან: ანუ ორმან : გაგვიტეხოს : ერთობილმან :
წავეკიდოთ : ამისა : გათა-
ვებისა : თაუს დებად : მოგვიჴსენიებია : დედაი : ღ-თი
სა : უშგოლისა :
წმიდაი : კვირიკე : კალისა : კაცთაგან : ადაი : გოშგო-
თელიანი1 : ხაჯი (?) : ჭორგა სიანი 2 : გიორგი : დადი-
ლიანი : დათვაი : გელივანი : მე : ჯუარისმან-
ა ნაბარჯგიანსა : დამიწერია : და მოწამეცა : ვარ:

__________
1 ეხლა გოშთელიანი ყოფილი აზნაურები მესტიაში.
2 ჩარგსიანები ცხოვრებენ ჩოლაურში.

კალას თემი

ლათფარის უღელტეხილს რომ გადალახავთ, თქვენ ჩადიხართ პირდაპირ

კალას საზოგადოებაში, რომელიც შესდგება ექვსი სოფლისაგან: ვიჩნაში, ხე,
ლაიხორი, დავბერი, იფრარი და ხალდე. პირველი სოფელი ლათფარის
უღელტეხილის ჩასავალს არის – დავბერი (სვანურად: დავბერ). თვალწარმტაცი
პანორამა ამ საზოგადოებისა და მთელი ენგურის ხეობის თქვენს თვალს წინ
იშლება ჯერ კიდევ ლათფარის უღელტეხილიდან. კანცელიარიის პირდაპირ
რამოდენიმე სახლია და აქ ამ სახლებთან არის ერთობ ლამაზი კოშკები,
რიცხვით ხუთი. ამათი სახე გადაღებულია ფოტოგრაფიულად ერმაკოვის მიერ
ჯერ კიდევ 1876 წ. (ძველი ნომრით 91/180).
ამ სოფლის ცოტა ქვემოდ, მარცხნივ, მაღალ განცალკევებულ მთაზე არის
გაშენებული კვირიკე და ივლიტას ეკლესია, ყოფილი მონასტერი. მთა ძირიდან
წვერამდე შემოსილია ტყით, ნაძვნარით, რომელიც საღმრთოდ ითვლება და
სვანი იქ წკეპლასაც არ მოსჭრის. ხეები დიდრონია და უწევენ საგანგებოდ
დავაკებულ მწვერვალს, რომელზედაც გაშენებულია პატარა ეკლესია წ-ა კვირიკე
და ივლიტას სახელობისა (სვანები უწოდებენ „ლაგურკა“-ს).
საზოგადო სახე ადგილისა ეკლესიითურთ იხ. ფოტ. #17485 და 17486.
პანორამა სხვა სოფლებისა და მთებისა ამ ეკლესიიდან იხ. #17484.
სწორი ადგილი კლდოვანი მწვერვალისა პატარაა და იტევს მხოლოდ
პატარა ეკლესიას, არა წმინდათ ნათალი ქვისაგან აშენებულს, რომელსაც
დასავლეთით ადგია პატარა სამრეკლო და სამხრეთით მიშენებული აქვს
უბრალო ქვის ოთახი. შესავალი ეკლესიაში ამ სამხრეთის ოთახიდან არის.
საზოგადო სახე ეკლესიისა იხ. ფოტო #17487 (აგრეთვე უვაროვისა, ტაბ. XI).
ეკლესიას ზღუდე ჰქონია ქვითკირისა, მაღალი, კბილოვანი, მაგრამ ეხლა
სანახევროდ დანგრეულია.
სხვა შენობები, უმთავრესად დიდი ძველი საოსტინაგე, ანუ სატრაპეზო,
ოთახები და სენაკები ქვემოდ ფერდობზეა გაშენებული და უერთდებიან
ეკლესიის ზღუდეს. აქ ბარტოლომეის დროს პაპები (სვანეთის დეკანოზები)
ცხოვრობდენ, ეხლა იქ ეკლესიის შეიარაღებული მცველების სადგომია.
კალის ეკლესია წარმოადგენს მთელი სვანეთის მთავარ სამლოცველოს. ეს
სვანებისათვის ის არის, რაც მთელი საბერძნეთისათვის დელფის ტაძარი იყო. ეს
აერთებს სვანებს თემებად დაყოფილს ისე, როგორც დელფის ტაძარი აერთებს
სხვა და სხვა ბერძენთ რესპუბლიკებს.
ყოველ თემს სვანებისას თავისი ეკლესიები აქვს აუარებელის ჯვარ-ხატებით,
რომელნიც დიდათ სწამთ, მაგრამ არც ერთი ისე ძლიერად არ მიაჩნიათ,
როგორც „ლაგურკა“, წ-ა კვირიკეს და ივლიტას ეკლესია და მასში დაცული
საუცხოო, ბიზანტიური ხელოვნების სანაწილე-ხატი, რომელსაც ისინი შალიანს
უწოდებენ. ამიტომაც დიდი ბოროტების და დანაშაულობის ჩამდენის
აღმოსაჩენად შენიშნულ პირებს ამ ხატზე აფიცებენ და მაგალითი არ ყოფილა
წინა დროში, რომ სვანს ფიცის დროს თავისი დანაშაული არ აეღიარებიოს და
არ გატეხილიყოს დანაშაულობაში.
სვანების გადმოცემით შალიანი სვანი იყო. ერთხელ იმერეთის მეფემ ასი
სვანი გამოიწვია და მათ შეუკვეთა გეგუთის ველის მოთიბვა. შალიანმა მეფეს
წინადადება მისცა, რომ ის მარტოდ მარტო მოთიბავდა ველს სწორედ იმ
დროის განმავლობაში, რაც მან ას სვანს დაუნიშნა, მაგრამ გასამრჯელოდ
შალიანისათვის ის ნივთი უნდა მიეცა, რასაც ის მოითხოვდა. მეფემ თანხმობა
გამოაცხდა. შალიანი შეუდგა საქმეს და დანიშნულ დროზე შეასრულა იგი.
გასამრჯელოდ გამოითხოვა ეს კალას ხატი. მეფემ პირობა აუსრულა. შალიანმა
ხატი გამოხვია ვაცის ტყავში და სვანეთში გამოემგზავრა. კალას თემის
მცხოვრებლებმა გაიგეს, რომ შალიანს ასეთი ძვირფასი ნივთი მოაქვს,
მოინდომეს მისი წართმევა, დახვდნენ გზაში, მოკლეს შალიანი და ხატი ჩაიგდეს
ხელში, მაგრამ არ იცოდნენ, სად წაეღოთ, სად დაესვენებინათ; ამიტომ შეუბეს
უღელში ორი კურო; უღელზე ბოძი მიაკრეს, ბოძზე ხატი დაამაგრეს და ისე
გაუშვეს თავის ნებაზე კუროები. ხარებმა გადალახეს ენგურის მდინარე, შეუდგენ
აღმართს და გაჩერდნენ იმ მთის წვერზე, სადაც ეხლა წმინდა კვირიკეს ეკლესია
არის. აქ ააშენეს მონასტერი სვანებმა და მას შემდეგ აქ ინახება შალიანის ხატი.
არსად სვანეთში ეკლესიას მცველი არა ჰყავს. მხოლოდ კალას ეკლესიას
დღიან-ღამიან დარაჯობს ორი შეიარაღებული სვანი. თავი შალიანის ხატი
შენახული აქვთ აბრეშუმის მანდილში გამოხვეული, რკინით შეჭედილს სკივრში.
ორჯერ წელიწადში, კვირიკე და ივლიტას დღეობას, შაბათს აღდგომის კვირისა
და 15 ივლისს, ხატს ამოიღებენ, გარეცხენ და ნარეცხი წყალი ითვლება წმიდა
წყლად, რომელიც ყველაფერს არჩენს, ყველაფერს შველის. ამ წყალს ასხამენ
განსაკუთრებულ სპილენძის პატარა დოქში, რომელიც თავის თავად ჩაითვლება
უაღრესი ხელოვნების ნაწარმოებათ, და მით ატარებენ სოფელში. ამ წყლის
საშუალებით აფიცებენ ხალხს, ზოგჯერ, ხატის მაგიერ. ეს ორი ნივთი, შალიანი
ხატი და საუცხოოდ შემკობილი, ნაჭედი, სპილენძის დოქი, შეადგენენ უმთავრეს
და ფასდაუდებელ საგანძურს ამ ეკლესიისა.
ეკლესიაში იშვიათად თუ ვინმეს შეუშვებენ, არა თუ საერო, არამედ
სამღვდელო პირთაც. ცნობილია, რომ გაბრიელ ეპისკოპოზსა დიდი დავიდარაბა
დასჭირდა, რომ ეკლესიაში შეეშვათ. აგრეთვე ა. სტოიანოვს და დ. ბაქრაძეს
შალიანის ხატი არ აჩვენეს.
ხატი და ეკლესია პირველად გაშინჯა პოლკ. ბარტოლომეიმ 1854 წ. შემდეგ
ფრანგმა მოგზაურმა ბურნევილმა 1875 წ. ხოლო დაწვრილებით აღწერა და
ზოგიერთი ხატები ფოტოგრაფიულადაც გადმოიღო გრაფ. უვაროვისამ, თათარხან
დადიშკელიანის ხლებით და მისი გავლენით სვანებზე. ჩვენც პირველად აქ
დაბრკოლება შეგვხვდა. როცა ჩვენ კალას საზოგადოებაში ჩავედით და
ადგილობრივ სკოლაში დავბინავდით, საუბედუროდ, ავდარი მოვიდა. კალის
ტოპოგრაფიული მდებარეობა ისეთია, რომ აქ ხშირია სეტყვა ზაფხულში და ამას
სვანები ხატს აწერენ. ხატი განრისხდება, თუ ხელი შეახეს და სეტყვას
მოუვლენს სოფელსო. ამიტომ ჩვენ ვამჯობინეთ, ზოგიერთი გავლენიანი სვანების
რჩევით, ჯერ სხვა ეკლესიები დაგვევლო, ენგურის სვანეთისა, შემდეგ მოვსულ
ვიყავით კალაში; მაშინ უფრო ადვილი იქნება ამ ეკლესიის გაშინჯვაო. ჩვენც
აგრე მოვიქეცით.
დაბრუნებისას, რომ უკეთ მივღწეოდით მიზანს, ბესარიონ ნიჟარაძის
რჩევით, წინდაწინ პაპებს ვაცნობეთ, კალის ეკლესიის მოლოცვა გვინდა და
მთელს საზოგადოებას ვპატიჟობთ ნადიმზეო. ამისთვის ფული გავუგზავნეთ და
ვსთხოვეთ მარაგი დაეჭირათ: დაემზადებინათ არაყი, პური, ეყიდათ ცხვრები,
ჩამოესხათ თაფლის სანთლები და სხვა, რაც საჭირო იყო. მაგრამ წინა დღით,
როცა კალასკენ ვბრუნდებოდით, საშინელი ავდარი დადგა, დიდი წვიმა დაიწყო,
წვიმაში თოვლსაც ურევდა. ჩვენ იმედი დაგვეკარგა ჩვენი წადილის
განხორციელებისა, მაგრამ საბედნიეროდ, მეორე დღეს მშვენიერი მზიანი დღე
გათენდა. ამან გვიშველა. ეს იმის ნიშანი იყო, რომ ხატები ჩვენზე აღარ
ჯავრობდენ. ადრე დილით უკვე ეკლესიაზე ავედით ცხენებით. პაპები, მცველბი
და ნაწილი ხალხისა იქ დაგვხვდა. საკლავი ცხვრები მოეყვანათ. ხალხმაც იწყო
მოდენა. პაპებმა ცხვრებს ანთებული სანთლები მიაკრეს, დაიჩოქეს მთელ
ხალხთან და ჩვენთან ერთად და იწყეს სვანური ლოცვა. ბლაღოჩინი ბესარიონ
ნიჟარაძე ლოცვაში არ გაირიეს. როდესაც ლოცვა გაათავეს, ცხვრები წაიყვანეს
დასაკლავად და სადილის მარაგს შეუდგნენ. ჩვენ ეზოში ფოტოგრაფიული
აპარატი მოვაწყვეთ და პაპებს ვსთოხვეთ ხატები ჩამოეღოთ კედლებიდან და
მოეწოდებინათ, მაგრამ მათ განაცხადეს, რომ ხატებს ხელს ვერ ახლებენ შიშით.
იძულებული შევიქენი მე თვითონ ჩამომეღო კედლებიდან და თაროებიდან
ხატები. დახმარებას მიწევდა ერთი სვანი დიაკონი, რომელიც იმერეთში ნამყოფი
იყო და საიმისოდ ხატის ხელის შეხებას არ შიშობდა. გაშინჯვის და აწერის
შემდეგ მე ხატს ვაძლევდი ბესარიონ ნიჟარაძეს, მას მიჰქონდა ეზოში აპარატთან
და ერმაკოვი იღებდა სურათებს. მაგრამ ხალხი გუნდ-გუნდათ მოდიოდა და
ყოველთვის განგაშს ასტეხდა ხოლმე, ვიღუპებით, ეს რა არის ჩვენს თავზე, რაც
ეკლესია გაშენებულა, ხატები არავის გამოუტანია გარედ, ეხლა ამოგიწყდება
ცოლშვილი და სხვა. ბესარიონ და ივანე ნიჟარაძე ამშვიდებდენ ხალხს,
ზოგჯერ იძულებული ვიყავი მიშველებოდი მათ, მაგრამ როცა ერთი გუნდი
დაწყნარდებოდა, მეორე მოვიდოდა შეიარაღებული და ხელახლა შეიქმნებოდა
განგაში და ჩოჩქოლი. ეს გარემოება, რასაკვირველია, ხელს გვიშლიდა და ამით
აიხსნება, ზოგიერთი ჩემი მიწოდებული ხატი ერმაკოვს გადაუღებელი დარჩა,
თუმცა ცოტა-რიცხოვანი და მეორე ხარისხისა. თავი ხატები და ნივთები ყველა
კარგად გადაღებული იქმნა ფოტოგრაფიის საშუალებით.
როცა ხალხის დენა შეწყდა, ყველა დამშვიდდა, წინეთ მარტო ლაპარაკი და
განგაში იყო, თორემ უდიერად არავინ მოგვპყრობია. პირიქით, მე ლმობიერად
ლაპარაკი და ხვეწნა დამიწყეს, ამეხსნა მათთვის, რომელი ხატი უფრო ძლიერია.
ბოლოს გავახსნევინეთ რკინით შეჭედილი ზანდუკი, რომელიც ჩვენს წინ არავის
ენახა. შიგ, სხვათა შორის, აღმოჩნდა ხელნაწერი, ტყავის წიგნი, იერუსალიმის
დიდი კანონი, ჭურჭლები და მრავალი წვრილმანი ნივთები. ესენიც გადმოვიღეთ
ფოტოგრაფიულად და აღვსწერეთ. ნაშუადღევის ხუთს საათზე მუშაობა
დავამთავრეთ და ნადიმს შევუდექით.
სვანებმა დიდათ მოილხინეს, იყო სიმღერა, გალობა; ზოგიერთი ჰიმნი და
სიმღერა მარტო ეკლესიისათვის აქვთ მიჩნეული; სხვაგან მას არ გალობენ.
ხალხი კმაყოფილი დარჩა, სიმღერით და თოფის სროლით გამოგვაცილეს. ერთი
გუნდი თავი კაცებისა, რომელიც ჩვენ დაგვესწრო, ფოტოგრაფიულადაც
გადმოვიღეთ და ეს ფოტოგრაფია საუკეთესო ნიმუშია სვანების ტიპებისა
(#17539).
ეხლა გადავიდეთ თვით ეკლესიაზე და მასში დაცულ ნივთებზე.
ეკლესია, როგორც მოვიხსენიეთ, პატარაა, სიგრძის 11 არშინი და 12 ვერშოკი;
განით 7 არშინი. თაღი დამყარებულია სამ თლილის ქვით გაკეთებულს
სარტყელზე; ფანჯარა ორი აქვს; ერთი აღმოსავლეთით და მეორე დასავლეთით.
ეკლესია სულ მოხატულია. მხატვრობა საკმაოდ ლამაზია და შეიცავს
უმთავრესად ცალკე სახეებს და სცენებს წ-ა კვირიკე და ივლიტას ცხოვრებიდან.
საკურთხეველის კონქში მოთავსებულია ვედრება, ხუცური წარწერებით
სახელებისა. დასავლეთის კედელზე წარმოდგენილნი არიან სრულის ტანით: წ-ჲ
კ-ე და წ-ჲ ივლიტა. ჩრდილოეთის კედელზე : წ-ჲ გ-ი და წ-ჲ თ-ე. აქვეა
წარმოდგენილი კიდევ: წ-ა ივლიტა, ვედრების სახით, ქრისტეს წინ და
წარწერით:
 „წ-ჲ L: ივლიტა : ჰმადლობს : ქ-ესა
ღ-სა : რმლ-მნ სრლყო წმბჲ
თთესა : ივლისსა იე : წმბაჲ წ-ჲსა“.
იმავე კედელზე სწერია:
„თთესა : ივლისსა / ივ : წმბაჲ წ-ჲსა / კ-ესი“.
ეკლესიის ცაში წარმოდგენილია ამაღლება ქრისტესი.
კანკელი ქვისაა, სამ-კამარიანი, შუა კამარა ერთად ერთი შესავალია
საკურთხეველში. კანკელიც მოხატულია. მასზე წარმოდგენილნი არიან: წ-ა
სტეფანე, წ-ა კვირიკე, წ-ა ივლიტა და წ-ა ეკატერინე. ყველას ასომთავრული
წარწერა აქვს სახელისა. სარტყელზე თაღისა სწერია:
საყდარი. საყდარი
ესე. წდისა ესე წმიდისა
კრკესი : ოდეს . მ კვირიკესი, ოდეს მ
იწისა :. ძრვამნ იწისა ძვრამან
დაარღვია . მე დაარღვია, მე
ანტონის . შ-მნ . გ-ი ანტონის შვილმან გიორგი
ახლად . შევკთე . ვ ახლად შევაკეთე. ვი-
ნცა . არ . დამივ ნცა არ დამივი-
- -
წყ თ . ღ ნ შეგიდ წყოთ, ღმერთმან შეგინდ-
ოს : ოს.
(შეადარე: დ. ბაქრაძე, გვ. 117-118. ბარტოლომეი, გვ. 164, ტაბ. I, #5). ჩემს და
ბაქრაძის წაკითხვაში ერთი განსხვავება არის: ის კითხულობს მე-7 სტრიქონში:
შევსზეთე; მე ვკითხულობ: შევაკეთე. ბარტოლომეის მიერ ხელით გადმოღებული
წარწერა სრულიად სწორი არაა, მაგრამ ასო: კ: ამ სიტყვაში იქაც კარგად
მოსჩანს. (იხ. ბარტოლომეი, ტაბ. I, #5).
პ. ინგოროყვა თავის სვანეთში მოგზაურობის მოკლე ანგარიშში
(„საქართველოს მუზეუმის მოამბე“, ტ. VII, გვ. 348) აღნიშნავს საფრესკო წარწერას
კალას ეკლესიაში 1183 წლისა, რომელიც ჩვენ არ შეგვინიშნავს. ეს არც
გასაკვირალია, ჩვენი ყურადღება უმთავრესად მიქცეული იყო ცდაზე, რომ ერთს
დღეს, ნაშუადღევის 5 საათამდის, მოგვესწრო აღნუსხვა, აღწერა და ფოტოთი
გადმოღება მრავალ-რიცხოვანი ძეგლებისა, სულ 84, რომელიც იქ აღმოჩნდა.
თვით წარწერა შეიძლება ეხლა გამოცემული იყოს, მაგრამ ჩვენამდის ჯერ არ
მოუღწევია. მუზეუმის „მოამბის“ ჯერ მარტო რვა ტომი გვაქვს ნახული.
ეკლესიაში ინახება:
1. ჯვარი დიდი ხისა, კანკელის საწინავე, რომელიც დატოვებულია თავის
ადგილზე, ესე იგი კანკელის წინ, შუაში, აღსავალის კარის პირდაპირ და
ჰფარავს თითქმის მთელს ეკლესიას, ვინაიდან თავის კვარცხლბეკით და ზემოთ
ქუდით სიმაღლე აქვს ორი საჟენი, კვარცხლბეკის სიმაღლეა 1 არშინი და 11 და
ნახევარი ვერშოკი, და თვით ჯვარისა 3 არშინი და 8 ვერშოკი, განი მისი
მარცხენა და მარჯვენა ფრთებით სულ არის 2 1/2 არშინი. კვარცხლბეკს ორი
საფეხური აქვს. ჯვარი შეძერწილია ოქროთი დაფერილის ფირფიტებით,
საერთოდ მდარე ხელობისა. წმიდათა სახეები: მაღლა – ჯვარცმა, მის ქვემოდ
უმბომდის ჯვრებია, თვით უმბო ძვირფასი ქვით არის შემკობილი; მის ქვემოდ –
მთავარ ანგელოზები; ამას ქვემოდ: ორი მაცხოვარი, ორი წ-ა გიორგი ცხენით;
კიდევ მაცხოვარი და ორი წ-ა გიორგი, ოთხი მთავარ ანგელოზი, ტლანქი
ხელობისა და ბოლო ორი მთავარანგელოზი ლამაზი ნახელავი. მარცხენა და
მარჯვენა ჯვარის სახეები კიდევ უფრო ტლანქია. ამ ჯვარს აქვს ზემოდ,
როგორც მოვიხსენიეთ, ქუდი ანუ მიტრა ცილინდრის სახისა; შესდგება ხუთი
ერთმანეთზე მილურსმული ვერცხლის ფირფიტებისაგან, რომელთა
წაწვეტიანებული თავები იყრებიან ზემოდ და ქმნიან კონუსის თავს სამის
ბურთით, და მათზ ზემოდ ჯვარით. ყველა ფირფიტების შუა ადგილი უკავია
ვედრების გამოხატულებას, ამობურცული შემკობილობით (ამ ქუდის კარგად
გამოსული სურათი იხ. უვაროვისა, გვ. 84, ნახ. 16). თვით ჯვარის გადმოღება
ფოტოგრაფიულად შეუძლებელი შეიქმნა პატარა აპარატის უქონლობის გამო.

2. ჯვარი ხისა, შუა ტანისა, 67X45 სანტ. შეძერწილია ოქროთი დაფერილ

ვერცხლის ფირფიტებით, რომლებზედაც სახეები წ-თა ამრიგად არის
განაწილებული: ზემოდ – მაცხოვარი, სრულის ტანით, სახარებით, მაკურთხევლის
მარჯვენით და წარწერით: ი-ო ქ-ე; ღვთის მშობელი ჩჩვილედი, წარწერით: დ-და
ღ-სა; ღვთის მშობელი ვედრებისა, იოანე ნათლის მცემელი, სრულის ტანით: წ-ჲ
ი-ე; მთავარ ანგელოზი და ერთი წმიდანი კიდევ, სახელი არ უწერია. მარცხენა
და მარჯვენა ფრთებზე: ორი მახარობელი, ორი მთავარ ანგელოზი და ორი სხვა
წმიდანი. ხელობა გვარიანია (ფოტო არა გვაქვს).

3. ჯვარის ხისა, შუა ტანისა, შეძერწილი ვერცხლის ფირფიტებით,

რომლებზედაც წარმოდგენილნი არიან: ზემოდ მაცხოვარი, სრულის ტანით,
მაკურთხეველის მარჯვენით და სახარებით მარცხენა ხელში; შუაში ჯვარცმა; მის
ქვემოდ მთავარ ანგელოზი, სრულის ტანით, ლაბარუმით და ყვავილით; კიდევ
მთავარ ანგელოზი, მაგრამ წელსზევითი, მედალიონში; მარცხენა ფრთას ჯვარისა
ვერცხლი მოძარცული აქვს; მარჯვენაზე ორი მედალიონია უწარწერო სახეებით,
თავუკუღმა მოქცეულნი, წელსზევითნი (#17281). მეორე გვერდზე ჯვარისა
(#17282), ზემოდ ვედრებაა; მისი ქვემოდ მთავარ ანგელოზი მედალიონში; უმბო
შემკობილია დიდის ქვით; მის ქვემოდ მაცხოვარი სრულის ტანით, სრულიად
ისეთი, როგორც პირველ გვერდზე, და მთავარ ანგელოზი მედალიონში.
მარჯვნივ და მარცხნივ ფრთებზე: მთავარ ანგელოზნი და ორი წმიდანი,
თავუკუღმა მოქცეულნი. ხელობა ამ ჯვარისა უკეთესია, ვიდრე სხვებისა.

4. ჯვარი, სიმაღლით ერთი არშინი და 6 ვერშოკი, განით 13 ვერშოკი;

დაფარულია ვერცხლის ფირფიტებით, რომელბზედაც წარმოდგენილნი არიან
მოციქულნი, მაცხოვარი ტახტზე მჯდომარე და მთავარ ანგელოზნი. ქვემო
ნაწილი მოძარცულია; ხელობა დაბალია.

5. ასეთივე ხელობის ჯვარი, რომელზედაც არის სახეები წ-ა გიორგისა,

ტლანქი ხელობისა.

6. ხატი-სანაწილე, თავი განძი ეკლესიისა, მინანქრიანი, ბიზანტიური

ხელობისა (#17299). ეს სანაწილე შეიცავს ხისაგან გაკეთებულ ოთხკუთხედ
კოლოფს, ანუ ყუთს, შეძერწილს ოქროთი დაფერილის ვერცხლით. შუაში
წარმოდგენილია ექვს-ფრთიანი ჯვარი გოლგოთაზე დამყარებული, ოთხის
საფეხურით. ძეგლი განკუთვნილი ყოფილა შესანახავად ძელი ჭეშმარიტისა, ესე
იგი ნაწილის იმ ჯვარისა, რომელზედაც ქრისტე იყო ჯვარცმული. ჯვარს აქეთ-
იქით წარმოდგენილნი არიან მდიდრულ სამეფო ბიზანტიურის სამოსლით და
გვირგვინებით კონსტანტინე და ელენე. ჯვარის ზემოდ ორ მრგვალ მედალიონში
ორი მთავარ ანგელოლზია: მიქელ და გაბრიელ. ზემოდ და ქვემოდ
კონსტანტინესა, ისე როგორც ელენესა, ოთხკუთხედი უჯრედებია
ნაწილებისათვის და მათ კარებზე წარმოდგენილნი არიან: მოციქულნი პეტრე და
პავლე, იოანე ნათლის მცემელი და წინასწარმეტყველი ელია. ყველა ამ
სურათებს ბერძნული წარწერები აქვს სახელებისა და ყველა ფრიად ლამაზი და
ნაზი ხელობისა არის. ზედა პირს კოლოფისა უვლის აშია, მორთული აკანთის
ფურცლების მსგავსი შემკობილობით. ამას კიდევ ახლავს დაკბილული ნაჭედი
წრე, რომლიდანაც შედის ხატის ნაწილების თავსახურავი ფიცარი, აგრეთე
ოქროთ დაფერილი ვერცხლისა. ამ სახურავის შემკობილობა და მორთულობა
უფრო დიდი ღირებულობის არის. შუაში აქ ოქროს ფირფიტაზე, რომლის
სიმაღლე არის 3 და ნახევარი ვერშოკი, ხოლო განი ორი ვერშოკი,
წარმოდგენილია ჯვარცმა საუცხოო ბიზანტიური მილანქრით შესრულებული,
მაგრამ, სამწუხაროდ, დაზიანებული. ქვემოდ ჯვარცმულის ორივე მხარეს დგანან
ღვთის მშობელი და იოანე ღვთისმეტყველი. ზემოდ მოფრენილნი მთავარ
ანგელოზნი; მათ ზემოდ, ცაში მზე და მთვარე. ყველა სურათებს ბერძნული
წარწერა აქვს სახელებისა. ქვემოდ ჯვარცმულისა, ოქროს ფირფიტაზე
მილანქრით გამოყვანილია ბერძნული სამ-სტრიქონიანი წარწერა, რომელიც
წარმოადგენს იამბიკურ ლექსს და რომელიც გარჩეულია პამიალოვსკის მიერ.
შინაარსი მისი ასეთია:
„ილარიონს, რომელმაც შემოზღუდა (შეამკო) ნათელი (ღვთიური სახე)
ბრწყინვალე ნივთითა, ექნება ამით გზა მიმავალი უაღრესი ნათელთან“.
ჯვარცმის ფირფიტა შემოზღუდულია ისეთივე ხელობის აკანთის
ფურცლების აშიით, რომელიც არის პირველ ფიცარზე. ყველა ამას უვლის დიდი
და ფართო აშია შემკობილი მრავალი ძვირფასი ქვებით, რომელნიც
მოთავსებულნი არიან დიდრონს და მძიმე ბუდეებში. უმეტესი ნაწილი ამ ქვების
დაცულია. კუთხეებში და შუაში ბუდეები ოთხკუთხედია, ზემოდ და ქვემოდ
კვერცხის მსგავსნი, ხოლო ოთხკუთხედების ზემოდ და ქვემოდ მრგვალნი. ზოგი
მცირე ქვები ვარსკვლავის სახედ არიან განწყობილნი; ქვემოდ, შუა წოწოლა
ბუდეში სარდიონის ქვაა და ამ ქვაზე ამოჭრილია მშვენიერი სახე იესო
ქრისტესი. ხოლო ეს ქვა და მისი ბუდე თავის ადგილზე არ არის; ის პირდაპირ
უნდა იდგეს, აქ კი გვერდზე არის დაწოლილი. ქვემო აშია აქ ნაჭედი
მორთულობითაა შემკობილი და წარმოადგენს ერთი მეორეზე გადაბმულ
ბალახს, რომელშიაც მოსჩანან ხუთ-ფოთლიანი მისტიური ვარდები სპარსულ-
ბიზანტიური რიგისა. სისქეზე შემოვლებული ნაჭედი ლამაზი აშია ყუთისა
შემკობილია მრავალი მედალიონებით და სხვა და სხვა ჯვრებით. ერთი მხარე
აშიისა დაკარგულია, სხვებზე მედალიონებში წარმოდგენილნი არიან
- -
წელსზევითნი სახეები წ ა თეოდორესი, დიმიტრისი, იაკობისა, წ ა გიორგისა და
წმიდა მარინესი. ყველას ამათ ბერძნული წარწერები აქვს სახელებისა. ერთის
მედალიონის წარწერა გაფუჭებულია. სამწუხაროდ ამ გვერდის წმიდათა სახეები
მთელად ფოტოგრაფიულად გადმოღებული არ არის, მხოლოდ #17299-ზე ჩვენი
ფოტოგრაფიისა ჯვარის, საფეხურების ქვემოდ, გადმოღებულია ნაწილი აშიისა
წმიდა მარინეს მედალიონებით, სწორკუთხედებიანი ჯვარით და სხვა
შემკობილობით. აქედან შეიძლება ვიქონიოთ წარმოდგენა ამ საუცხოო აშიის
შესახებ, ვინაიდან სხვა მედალიონებიც ამავე რიგის არის. ხალხის განგაში ხელს
უშლიდა, ერმაკოვი ნერვიულობდა და ამით აიხსნება, რომ ეს ნაწილი
გადმოუღებელი დარჩა, თუმცა დანიშნული იყო ჩემს მიერ.
მეორე გვერდი ხატ-კოლოფისა (#17301) შემკობილია ერთობ ლამაზი
ნახელავი კომპოზიციით ქრისტეს აღდგომისა, ანუ უკეთ ვსთქვათ, ჯოჯოხეთის
წარტყვენისა, ბერძნულის წარწერით. ქრისტე სდგას ჯოჯოხეთის შემუსვრილ
კარებზე, მარცხენა ხელში ექვს-ფრთიანი ჯვარი უჭირავს, მარჯვენით ჩასჭიდებია
მის წინ დაჩოქილს ადამის ხელს და აღადგენს მამად მთავარს; ადამის გვერდით
ევა სდგას, სავედრებლად გაპყრობილი ხელებით; ევას უკან კიდევ ორი
ფიგურაა; ქრისტეს უკან ოთხი; მათ შორის ორი გვირგვინოსანი მეფე, დავითი
ახალგაზრდა და სოლომონი მხცოვანი. პეიზაჟი მთისაა. აშია ირგვლივ ფრიად
ლამაზია ბროწეულის ყვავილების სახით შემკობილი.
დაწვრილებით აღწერა ამ ხატ-კოლოფისა იხ. უვაროვისა გვ. 94-100, ტაბ.
XXVI-XXVII. დრო მისი გაკეთებისა ჯერ ნამდვილად არ არის დადგენილი და
ზოგადათ ნაჩვენებია გრაფ. უვაროვის მიერ IX-XI საუკ. ჩვენი სურათები ბევრად
უკეთესია, ვიდრე უვაროვის გამოცემაში. მე მაქვს კიდევ კარგად შესრულებული
დიდი სურათი ამ ხატის ბერძნული წარწერისა.

7. ხატი მაცხოვრისა, ვერცხლისა, ნაჭედი, 87X60 სანტ. მაცხოვარი მაღალ-

ზურგიან ტახტზე ზის. ტახტი შესდგება ქვემოდ სამმაგი ჩუქურთმიანის
სვეტებისაგან, რომელნიც ზემოდ ვიწროვდებიან და თავდებიან საერთო სვეტის
თავით აკანთის ფოთლის სახედ. ხის ნაწილზე საჯდომისა ძევს ორი მუთაქა,
მოქარგული თავებით და ამ მუთაქებზე ზის მაცხოვარი. ზურგი ტახტისა
შესდგება ორმაგი ჩუქურთმიანი სვეტებისაგან; ესენი თავდებიან მარცხნივ: ორი
ფრინველის ქანდაკებით, რომელთაგან ერთი მეორეს ნისკარტს უდებს პირში;
მარჯვნივ ასეთივე პოზით ორი მხეცია. მაცხოვრის სახე მხცოვანია; გრძელი თმა
მისი ნაწნავებად ჩამოდის მხრებზე; ნიმბი დიდია, ჯვარის სახისა; შემკობილი
ყოფილა ხუთის ქვით; ერთი აკლია; მაცხოვარი მარჯვენა ხელით აკურთხებს,
მარცხენა უდევს სახარებაზე, რომელიც მუხლზე უძევს; ფეხები შიშველი უძევს
მოჩუქურთმებულ სკამზე დაწყობილი. ზემოდ, ნიმბის აქეთ-იქით,
- -
ოთხკუთხედებში ასომთავრული წარწერა: ჲ ო ქ ე. ეზო და აშიები შემკულია
ლამაზის ყვავილოვანის ორნამენტით. ზემო აშიაზე, მრგვალ მედალიონებში,
წარმოდგენილია, შუაში გამზადებული ტახტი; კუთხეებში დედა ღვთისა და
ნათლისმცემელი, წარწერებით: დ-დჲ ღ-თსა, წ-ჲ ნათლის მცლი. ასეთივე სამი
მედალიონი, წელს ზევითი ფიგურებით წ-თა, ქვემო აშიაზეა; სახელები არ
უწერია. მარცხენა აშიაზე სრულის ტანით, ოთხკუთხედებში, წარმოდგენილნი
არიან გრიგოლ დიდი: წ-ჲ გ-გლ; მეორეს ზემოდ, აწერია: „წ-ჲ ედლ(?)“ მარჯვენა
აშიაზე: წ-ი მქლ, საზომით და წ-ი გ-ი სრულის ტანით. ხელობა მე-14-15 საუკ.
უნდა იყოს. (#17298).
 8. ხატი წმიდისა კვირიკესი, ოქროსა, ნაჭედი, 15 3/4X10 3/4 ვერშოკი;
წმიდანი წარმოდგენილია სრულის ტანით და თავისებური ტანისამოსით,
რომელიც გერმანულს გვაგონებს; გაშლილი მარჯვენა ხელი გულზე აქვს
მიდებული; მარცხენაში ჯვარი უჭირავს. (#17304). დაწვრილებითი აღწერა
იხილეთ უვაროვისა, გვერდი 117, ტ. XXXVI, 62.
ნიმბი დიდია, ორმაგი გრეხლით შემოვლებული. სახე წმიდანისა
დაზარალებულია, აგრეთვე ქვემო ნაწილიც. მარჯვენა კუთხიდან, ზემოდ, ექვს-
ნაწილედი სფეროდან ქრისტეს მაკურთხეველი ხელი მოსჩანს.
წარწერა სახელისა გამოყვანილია ერთობ ლამაზის მოგრძო ასომთავრულით:
წ ჲ კ-კე. ეზო შესდგება ერთი ერთმანეთში გადაბმული სიმრგვალეებისაგან და
-

რომბებისაგან. აშიები ბალახოვანის სახით არის შემკობილი ლამაზად. ქვემო

აშიას ნახევარი აკლია. აშიებში ეხლა შვიდი მრგვალი მედალიონია წმიდათა,
წელსზევითნი; ესენი არიან მოციქულნი, წ-ა გიორგი და სხვა. ქვემოდ, მარჯვნივ,
კვირიკეს ფეხთან დაჩოქილი ფიგურაა წარმოდგენილი, მაგრამ წელს ზევით
ფიგურა სულ მოშლილია. აგრეთვე ეხლა მოშლილია ნაწილი წარწერისა ამ
ფიგურის ზურგს უკან; ხოლო დ. ბაქრაძის დროს ცოტა კლებია (ბაქრაძე, გვ.
117). მოგვყავს წარწერა შევსებით. ბაქრაძის ტექსტიდან ამოღებულს ასოებს
ფრჩხილებში ვსვამთ:
ქ : წ-ო : და : დ-ბლო : ქსმწმ
წმიდაო და დიდებულო ქრისტეს მოწა
- -
ეო : კ ე : მეოხ : ექმენ : წ ე მეო კვირიკე, მეოხ ექმენ წინაშე
-
ქ სსა : ფ დ : მოსავ[სა] ქრისტესა ფრიად მოსავსა
-
ძ ლისა : ძ-ნსა : [სგანუ]. . . ძალისა შენისა სგანუ. . .
-
ნის : რ ნ : შეამ[კო] ნის, რომელმან შეამკო
- -
წ ჲ : ესე : ხ ტი : დბლ[ი] წმიდაჲ ესე ხატი დიდებული-
სა : სახისა : სა სახისა
შენისაჲ : შენისაჲ.
ხატი მე-12-13 საუკ. უნდა იყოს.

9. ხატი წმიდისა კვირიკესი და წმიდისა ივლიტასი, ვერცხლისა, ნაჭედი,

69X47 სანტ. შუაში, განცალკევებულ ოთხკუთხედ ფირფიტაზე წარმოდგენილნი
არიან რელიეფით ტლანქი ფიგურები კვირიკე და ივლიტასი, წარწრებით: წ-ჲ კე,
წ-ჲ ილტა. ამას ახლავს ყოველი მხრით სხვა ფირფიტები, მარჯვნივ და მარცხნივ
თითო; ორი მოგრძო ქვემოდ და ერთი დიდი ზემოდ. ყველა ეს ფირფიტები
სავსეა რელიეფით განაჭედი ფიგურებით. ზემო ფირფიტაზე ფიგურები ორ
რიგად იყოფა; ზემო რიგში, შუაში, ლამაზი „დრობნიცაა“ ფილიგრანისა, ერთის
ძვირფასის ქვით შუაში. ამ დრობნიცის მარჯვნივ მედალიონებში მკერდსზევითი
ფიგურაა ქრისტესი, წარწერით: ჲ-ჳ ქ-. მარცხნივ: დ-ჲ ღ-ჲ. ამის მარცხნივ: ჯვარცმა
ღვთიშობლითურთ. ქვემო რიგში ზემო ფირფიტისა, შუაში, ვედრებაა; ქრისტეს
ფიგურა ვედრებაში წელსზევითია, ოთხკუთხედში, სახარებით და მაკურთხევლის
მარჯვენით; წარწერა: ჲ-ჳ ქ-ე. ფიგურები ღვთის მშობლის და იოანესი ორ
მრგვალ პატარა მედალიონებშია მკერდზევითად წარმოდგენილნი, წარწერებით:
დ-ჲ ღ-ჲ, წ-ჲ ი-ე. ამის მარცხნივ წმიდა გიორგია წელსზევითი, ოთხკუთხედ
მედალიონში, შუბით და წარწერით: წ-ი გ-ი. ამის მარცხნივ მთავარ ანგელოზია.
 ორად განყოფილებას ფიგურებისას ზემო ფირფიტაზე არღვევს ფიგურა წ-ა
ნიკოლოზისა, რომელიც ყველაზე მოზრდილია, წელსზევითი, ოთხკუთხედში, და
უჭირავს მთელი სიმაღლე ზემო ფირფიტისა. ის მარჯვენა ხელით აკურთხებს,
მარცხენაში სახარება უჭირავს. წარწერა: წ-ჲ ნკლზს (sic). ამის მარჯვნივ, ზემოთ
კუთხეში მაცხოვარია ტახტოსანი; მის ქვემოდ მთავარ ანგელოზი. მარჯვენა და
მარცხენა ფირფიტებზე, ორთავეზე, სამ-სამი ერთგვარი ფიგურაა: ზემოდ და
ქვემოდ მაცხოვარი ტახტოსანი; შუაში წმიდა მხედარი ცხენით; წარწერა არა აქვს,
მაგრამ ერთი უნდა იყოს წ-ა გიორგი, მეორე – წ-ა თეოდორე; ფიგურები ცოტა
განირჩევიან ერთი მეორისაგან; მარცხენა ვეშაპს გმირავს თავ-ჯვარიანი შუბით;
ის უხმლოდ არის; მოსასხამი ზემოდ არ აცვია. მარჯვენა ფიგურა ადამიანს
გმირავს; მას ხმალი არტყია და მისი მოსასხამი მის ზურგს უკან ჰაერში
ფრიალებს.
ორ ქვემო ფირფიტაზედაც ოთხი სრულიად ერთგვარი ფიგურაა. შუაში წ-ა
მხედარი; ზემოდ ის, რომელიც ადამიანს გმირავს; ქვემოდ ის, რომელიც ვეშაპს
გმირავს; მათ ორივე მხარეს მაცხოვარია ტახტოსანი. გამოხატულება ყველა ამ
ფიგურებისა სრულიად ისეთია, როგორც მარჯვენა და მარცხენა ფირფიტების
ფიგურებისა. ხოლო აქ ფირფიტების ბოლოებში წარმოდგენილია ორი ერთგვარი
ფიგურა, სრულის ტანით; მარჯვენა ხელით აკურთხებს, მარცხენაში სახარება
უჭირავს, ნიმბი არა აქვს, თავზე თითქო ჩალმა ახურავს დანაოჭებული, ტანისამოსიც
დასერილის მინაგვარად დანაოჭებულია. ყველა ფირფიტის ფიგურები ერთი
ერთმანეთისაგან იყოფა სქლად დაწნულის სიმრგვალეებით. ამასთანავე ქვემო
ფირფიტაზე, ფიგურებს შუა, ზემოდ და ქვემოდ სიმრგვალეებისა, ასომთავრული
ასოებია, რომელნიც წარწერას შეადგენენ, მაგრამ დასაწყისი წარწერისა ქვემო
ფირფიტაზეა; ეს შეცდომით მოსვლიათ. ეს ფირფიტა ზემოდ უნდა ყოფილიყო.
ასოები საკმაოდ ვულგარულია. ქვემო ფირფიტაზე (№17297) სწერია:

წ-ო კ-ე ილტ-ა წმიდაო კვირიკე, ივლიტა,

შ-ე კ-ე შლ ც-ი შეიწყალე კვირიკე შვილი-ცოდვილი.
ზემო ფირფიტაზე:
მხცი ორსავე მოხუცი ორსავე
ცხო რე ბა სა . ცხორებასა.

ძნელია გადაჭრით თქმა, რას შეიცავს მეორე სტრიქონის ჯგუფი: „კ-ე შლ ც-ი“.
პირველი სიტყვა უნდა იყოს „კვირიკე“, როგორც ეს პირველ სტრიქონშია, თუმცა
ასეთი შემოკლებით ზოგჯერ კონსტანტინეც იწერება; მეორე სიტყვას „შლ“ ქარაგმა
არა აქვს: შეიძლება ნიშნავდეს „შვილს“, ხოლო „ც-ი“ უნდა უდრიდეს გამოთქმას:
„ცოდვილი“. ამიტომ მეორე სტრიქონი უნდა იკითხებოდეს: „შეიწყალე კვირიკე (თუ
კონსტანტინე) შვილი-ცოდვილი“, ანუ „შეიწყალე კვირიკეს შვილი ცოდვილი“.
ფოტოგრაფიაზე წარწერა მშვენიერად მოსჩანს. შედარება ადვილია. წარწერას არც
ერთი მკვლევარი არ იხსენიებს.
აშიები ხატისა ერთგვარია, ლამაზად შემკობილი ბროწეულის ყვავილების
მსგავსი ორნამენტით და მრგვალი პატარა მედალიონებით წმიდათა, უწარწეროდ.
სულ 34 მედალიონი ყოფილა; ეხლა 1 აკლია; შესაძლოა აშია უფრო ადრინდელი
იყოს, ვიდრე თვით ხატი. ამას გარდა ოთხი ძვირფასი ქვაც ამკობს ხატს. ხელობა
ხატისა, ჩვენის აზრით, მე-16 საუკ. უნდა ეკუთვნოდეს.

10. ხატი წმიდა კვირიკესი, ოქროსა, ნაჭედი, 65X47 სანტ. (№17275). წმიდანი
წარმოდგენილია რელიეფით და სრულის ტანით, ახალგაზრდათ, მდიდრულ
ბიზანტიურ ტანისამოსით და ჯვარით ხელში და ნიმბით. წარწერა ლამაზის
ასომთავრულით: „წ-ჲ კ-ე გვერცლისაი“. უკანასკნელი სიტყვა უფრო პატარა ასოებით
არის დაწერილი, ვიდრე პირველი ორი. დ. ბაქრაძე უჩვნებს წარწერას კიდევ ქვემო
აშიაზე (გვ. 117): წ-ო : ინე : ნათლის : მცემელო შე . . . მაგრამ ქვემო აშიაზე აქ
არავითარი წარწერა არ არის და სხვა ხატიდან აქ შეცდომით უნდა იყოს მოყვანილი.
აშიები შემკობილია ორმაგი ბროწეულის ყვავილების მსგავსი ორნამენტით,
საუცხოო ნაჭედისა და შიგ მოქცეულია 8 რგვალი მედალიონი, მკერდ-ზევითი
ფიგურებით წმიდათა. ზემოდ: მაცხოვარი მთავარანგელოზებითურთ, ქვემოდ: წ-ჲ თ-
ე, წ-ჲ დმტრი, წ-ჲ გ-ი; გვერდებზე: წ-ჲ პ-ტრე, წ-ჲ პ-ლე. გრაფ. უვაროვისას აშიები
უფრო კლასიკურის დროისად მიაჩნია, ვიდრე ფიგურა თვით კვირიკესი (გვ. 106,
109), მაგრამ, ჩვენის აზრით, ესენი ერთი დროის არიან, არა უგვიანეს მე-13 საუკ.
სურათი ამ ხატისა გამოცემულია გრ. უვაროვის მიერ; იხ. ტაბულა XXXI, სურათი 52.

11. ხატი წ⎯ კვირიკესი, ოქროთ დაფერილი ვერცხლისა, ნაჭედი, 55X42,5 სანტ.

წმიდანი წარმოდგენილია რელიეფით, წელს ზევით, ჯვარით მარჯვენა ხელში; ნიმბი
დიდი აქვს; წარწერა: წ-ჲ კ-ე. აშიები ბროწეულის ყვავილების მსგავსი ორნამენტით
შემკობილი, რვა მედალიონით მკერდს ზევითი წმიდათა ფიგურებით. მარცხენა
კუთხეში ხატისა ცის სფეროდან სჩანს მაკურთხეველი მარჯვენა უფლისა. ხატი უნდა
ეკუთვნოდეს მე-15-16 საუკუნეს (№17276).

12. ხატი წ⎯ა კვირიკესი, ვერცხლისა, ნაჭედი, 55X39 სანტ. (№17284). წმიდანი
წარმოდგენილია სრულის ტანით, ახალგაზრდათ, რომაულ ტანისამოსში, ჯვარით
ხელში და ნიმბით. ეზო ბალახის მსგავსად არის შემკობილი, ხოლო აშიები რომბ-
ლურსმულია. ამათში წარმოდგენილნი არიან მკერდსზევითნი ფიგურები
მედალიონებში. ზემოდ ვედრება; ქვემოდ წმიდა მხედარნი; მარჯვნივ და მარცხნივ
სრულის ტანით მოციქულნი პეტრე და პავლე. ხატი მე-14 საუკ. უნდა იყოს.

13. ხატი წ⎯ა კვირიკესი, ვერცხლისა, ნაჭედი, 51X39 სანტ. წმიდანი

წარმოდგენილია სრულის ტანით, ბიზანტიური ტანისამოსით და ჯვარით ხელში.
გრძელი თმის კავები ჩამოშვებული აქვს მხრებზე. წარწერა: წ-ი კ-ე. ხელობა ტლანქია
(№17285), მე-17-18 საუკ. აშიები უკეთესი ხელობის არის, ბროწეულის ყვავილების
მსგავსად მორთული, რვა წელსზევითი სურათებით წმიდათა მედალიონებში.

14. ხატი ვედრებისა, ვერცხლისა, ოქროთ დაფერილი, 84X75 სანტ. ყველა

ფიგურები სრულის ტანით არიან წარმოდგენილნი (№17274), წარწერებით: ჲ-ჳ ქ-ე, დ-
დჲ ღ-ა, წ-ჲ ნა-ი. (=ნათლის მცემელი). აშიები რომბ-ლურსმულია ცხრა, მკერდზევითი
წიდათა ფიგურებით მედალიონებში. მაცხოვრის ფეხებ ქეშ წარწერა:
ქ-ე : შ-ე : გ-ი : დეკანოზი:
 დ. ბაქრაძეს სიტყვა გ-ი (გიორგი) გამოშვებული აქვს. (გვ. 117). ხელობა მე-16-17
საუკ. უნდა იყოს.

15. ხატი იოანე ნათლის მცემელისა, ვერცხლისა, ნაჭედი, 45X35 სანტ. იოანე
წარმოდენილია სრულის ტანით; შესამოსელი ქართულ ჩაცმულობას მოგვაგონებს,
კაბას გრძელი სახელურებით (№17279). ფიგურა მოკლეა. წარწერა ასომთავრული:
წ-ო : ინე : ნათლის : მცემელო : შ-ე : ენჭუგრსიძე : და
მეუღლესა : მისსა : მრმს : ამ-ნ.
უქარაგმოდ:
წმიდაო იოანე ნათლის მცემელო, შეიწყალე ენჭუგრსიძე და მეუღლესა მისსა
მარიამს (შეუნდვენ), ამინ. (შეადარე დ. ბაქრაძე, გვ. 116).
აშიები საცერის მსგავსი შემკობილობით არის შემოზღუდული წერტილებიანი
წრეებით. მრგვალ მედალიონებში აშიებისა წარმოდგენილნი არიან მკერდზევითნი
ფიგურები: ზემოდ ვედრება. წარწერა ქრისტესი ბერძნულია, სხვებისა
ასომთავრული: დ-დჲ ღ-ს, წ-ჲ ი-ნე; ქვემოდ: წ-ჲ ეკატ. (=ეკატერინე), წ-ჲ ლუკა და
წმიდა ზაქარია (?). აქეთ-იქით: წ-ჲ პ-ტრე, წ-ჲ პ-ლე. ხელობა მე-15 -16 საუკ. უნდა
იყოს.

16. ხატი ღვთის მშობლისა, ჩჩვილედი, 84X52 სანტ. ყოფილა ფერადიანი, მაგრამ
ფერადები საკმაოდ მოშლილია; წარწერა ხუცური: დ-დჲ ღ-ჲ. პერანგი ვერცხლისა
აქვს; ნაჭედი ნიმბები და აშიები შემკობილია მდარედ, მედალიონებიც აშიებისა წ-თა
ფიგურებით ტლანქია (№17273), მე-17 საუკ. უნდა ეკუთვნოდეს.

17. ფერადებიანი ხატი, 72X47 სანტ. ფერადები მოშლილია, წარწერა არა სჩანს; არ
ვიცით, რომელი წმიდანის არის. სურათი წელსზევითია; მარცხენა ხელში მოგრძო
ტარი სჩანს, ლაბარუმის თუ შუბის, ძნელი სათქმელია, მარჯვენა გულზე აქვს
მიდებული. აშიები კარგი ხელობის არის, ორმაგი ბროწეულის ყვავილების მსგავსი
ორნამენტით შემკობილი და კარგის მედალიონებით წ-თა. აქეთ-იქით სრულის
ტანით; წ-ი ანდრია (მარცხნივ), წ-ჲ ლ-კა (მარჯვნივ); ქვემო აშიაზე მკერდზევითნი
პეტრე და პავლე და ერთი კიდევ სხვა ფიგურაა, უწარწერო. ზემო აშია მოძარცულია
(№17289). ხელობა მე-12-13 საუკ. არის.

18. ფერადებიანი ხატი, ვგონებ, მაცხოვრისა; ფერადები სრულიად გადასულია;

დარჩენილია მხოლოდ ნაჭედი აშიები, ორმაგი ბალახის მსგავსი მორთულობით
შემკობილი (№17287); მე-13-14 საუკუნისა უნდა იყოს.

19. ხატი ღვთის მშობლისა ჩჩვილედი, ოქროთ დაფერილი ვერცხლისა, 15,5X13

სანტ. ფიგურა წელსზევითია, სახეები დაზიანებულია. აშიები ფურცლოვანი
მოხატულობით საუცხოოა, მე-12-13 საუკ. ქვემოდ ორ-სტრიქონიანი წარწერა ცოტა
დაზიანებულია:
დ⎯დო : ღთსო : მიოხე : ბავშეშას : ძესა : ბასლა : და
მეუღლესა : მისა : გუაცას : და : შვილსა მათსა.
მე-13-14 საუკ. უნდა იყოს. (№ არ მახსოვს, სხვა ხატებთან არის გადაღებული).
 20. ხატი ღვთის მშობლისა, ნიშოვანი, ფერადებით დახატული (№17268),
ფერადები დაზიანებულია; ქრისტეს ყრმას ბერძნული წარწერა აქვს სახელისა,
პერანგი და ბალახების მსგავსად შემკობილი აშიები ლამაზი ნახელავია; 19,5X15 სანტ.
ღვთის მშობლის ზემოდ, კუთხეებში მთავარ ანგელოზებია; ქვემოდ ორ სტრიქონიანი
წარწერა:
ქ . დედაო : ღმრთისაო : მოხ : ექ
მნ სულს : ბერის : ხშს და მის დდ მ .
უქარაგმოდ:
დედაო ღმრთისაო მეოხ ექ-
მენ სულსა ბერის ხოშას (?) და მის დედმამას.
ძნელია თქმა, როგორ უნდა წავიკითხოთ შემოკლებით გადმოცემული სახელი „ხშს“,
„ხოშას“, „ხოშიას“, თუ სხვა.
ხატი მე-12-13 საუკ. უნდა ეკუთვნოდეს.

21. ხატი ღვთის მშობლისა, ტახტზე მჯდომარისა, ვერცხლისა, ნაჭედი, 44X33

სანტ. ტლანქი ხელობისა; დაზიანებულია; წარწერით: დ-ჲ ღ-ჲ. აშია რომბ-
ლურსმული, ცხრა მედალიონით ზემოდ ტახტის გამზადებაა მთავარ
ანგელოზებითურთ (№17288). ღვთის მშობლის ტახტის შემკობილობა ამ ხატისა
სუსტი მიბაძვაა №17289 ხატის ტახტისა. მე-16-17 საუკ. უნდა იყოს.

22. ხატი ღვთის მშობლისა, ვედრებისა, ვერცხლისა, ნაჭედი, 20X16 სანტ. ღვთის
მშობელი წელსზევითი წარმოდგენილია ოთხკუთხედში, მავედრებელის სახით და
წარწერით: დ⎯ა ღ თსა აშია ფოლაქების მსგავსი წრეებით არის შემოვლებული. ხელობა
რიგიანია, (17270-507 ?). მე-17 საუკ. უნდა იყოს.

23. ხატი ღვთის მშობლისა, ფერადებით დახატული, 33X25 სანტ. ფერადები სულ
გადასულია; დარჩენილია ოქროთ დაფერილი ვერცხლის ნიმბი და ლამაზი აშიები
ბალახოვანის რიგით შემკობილი (№-527); არა უგვიანეს მე-14 საუკ.

24. ხატი ღვთის მშობლისა, ვერცხლისა, ნაჭედი, 49X38 სანტ. წარწერით: წ-ჲ
მსმლი (=მღთის მშობელი) დ-ი (დედაი) ქესი. აშიები ბალახის სახით შემკობილი
კარგი ნახელავი არის. (ფოტოგრაფია არ არის).

25. ხატი მაცხოვრისა, ნაჭედი, 37X30 სანტ. მაცხოვარი წელსზევითია,

მაკურთხეველის მარჯვენით და სახარებით; ნიმბი ჯვარის სახედ აქვს. ნიმბზე
ყოფილა ძვირფასი ქვა, ეხლა უკვე დაკარგული. წარწერა: წ-ი მ-სა (=მაცხოვრისა) ხატი.
აშია ბროწეულის ყვავილების მსგავსი ორნამენტით და წ-თა მედალიონებით არის
შემკობილი; გვერდებზე ღვთის მშობელია და იოანე სრულის ტანით. წარწერებში: წ-ი
ღ-სლ, წ-ი ი-ნე. ზემოდ: ვედრება და ქვემოდ: წმიდანი მხედარნი: დიმიტრი, თეოდორე
და გიორგი, ყველა წარწერებით სახელებისა (№-517). მე-14-15 საუკ. უნდა იყოს.

26. ხატი ჯვარცმისა, ლამაზი, ოქროთ დაფერილი ვერცხლისა, ნაჭედი, 18X15

სანტ. წარწერა : წ-ჲ ქ-ე; ქვემოდ, ჯვარცმულის ორივე მხარეს, ღვთის მშობლის და
იოანე ნათლის მცემელის მაგიერ, წარმოდგენილია ორი წმიდა გიორგი, რომაული
საომარი ტანისამოსით, ფარით და მარცხენა მკლავზე და მახვილით მხარზე; ორივეს
ერთგვარი წარწერა აქვს: წ-ჲ გ-ი. აშიები ლამაზად არის შემკობილი ბალახოვანის
ორნამენტით. ქვემოდ ყოფილა ორ-სტრიქონიანი წარწერა; დარჩენილია შუა ნაწილი,
პირველი სტრიქონიდან: „... ცმაო ქესო“... მეორე სტრიქონიდან: „... ომან ან“.. უნდა
ყოფილიყო ალბათ: [ჯვარ]ცმაო ქრისტესო [შეიწყალე] ... ომან, ამინ. ხატი მე-12-13
საუკ. უნდა იყოს. (172-505).

27. ფერადებით დახატული ხატი მაცხოვრისა (?), 29X21 სანტ. ფერადები

გადასულია; შესანიშნავი ხელობის აშიები ფურცლოვანის მოკაზმულობით; ნიმბი
სამი ქვით ყოფილა შემკობილი; დარჩენილია ერთი. ნიბმის ზემოდ, მოგრძო
ოთხკუთხედში ბერძნული წარწერა ყოფილა, ეხლა გადასული. ქვემო აშიაზე ყოფილა
სამ-სტრიქონიანი წარწერა; დარჩენილია თავი და ბოლო; შუა, უმეტესი ნაწილი,
დაღუპულია:

ქ ნებსით : ვნებ. . . ზა რა
ი მიძნა : ჴორცი . . ბი შენ
მსგვსდ : ავზაკი . . . მ-ღ ნე მე
უკანასკნელი სტრიქონი უნდა იკითხებოდეს:
„შენ მსგავსად ავაზაკისა მიმიღენ მე“.
ხატი მე-12 საუკ. უნდა იყოს (17268-505).

28. ხატი მაცხოვრისა, 16X12 სანტ. პირის სახე ფერადებით ყოფილა დახატული,
ფერადები გადასულია. პერანგი და აშიები ლამაზი, ნაზი ხელობისა, მე-12-13 საუკ.
ოქროსია. მაცხოვრის ფიგურა წელსზევითია, მაკურთხევლის მარჯვენით და
სახარებით; წარწერა სახელისა ბერძნულია. ქვემოდ აშიაზე წარწერა:
ქ . ღ-ო : შემწე ეყვ ამერიჯიბს : ბშქნს : (ბაქრაძე, გვ. 116). (არ არის გადაღებული).

29. ხატი მაცხოვრისა, ვერცხლისა, ნაჭედი, 20X15 სანტ. მაცხოვარი ტახტოსანია

ჩვეულებრივის პოზით. წარწერა: ჲჱ ქ-ე. ეზო და აშიები შემკობილია ბალახოვანად.
ნიმბი ჯვარის სახედ არის. მე-16-17 საუკ. უნდა იყოს. (№-507).

30. ხატი მაცხოვრისა, ვერცხლისა, ოქროთ დაფერილი, 18X14 სანტ. წარწერით:

„მცხოვ-რი”. მაცხოვარი ტახტოსანია, ჩვეულებრივის პოზით. მაგრამ ერთობ ტლანქი
ნახელავია, მე-18-19 საუკ. (17270-507?).

31. ხატი მაცხოვრისა, ვერცხლისა, 17X15 სანტ. ბერძნულის წარწერით სახელისა

C X (sic) X-C. ტლანქი ხელობისა არის, მე-18 საუკუნ. (გადაღებული არ არის).
-

32. ხატი მაცხოვრისა, 15X11 სანტ. პირის სახე ფერადებით ყოფილა დახატული,
მაგრამ ფერადები სულ გადასულია; პერანგი და აშიები ვერცხლის არის; მაცხოვარი
წელსზევითია, ჩვეულებრივი პოზით. წარწერა სახელისა ბერძნულია. ხელობა
ლამაზია. მე-13-14 საუკ. (გადაღებულია სხვებთან ერთად).
 33. ხატი ჯვარცმისა, ვერცხლისა, 17,5X15 სანტ. წარწერით: „ჯრცმაჲ ქესა“.
ტლანქი ხელობისა არის (არ არის გადაღებული).

34. ხატი წმიდისა ზაქარიასი, ვერცხლისა, ნაჭედი, 17X13 სანტ. წმიდანი წელს
ზევით არის წარმოდგენილი, საცეცხლურის მსგავსი ჭურჭელით, რომელიც ნეკზე
დაუკიდია. ზემო ნაწილი დიდი ნიმბისა დაფარულია წერტილების მსგავსად
შემკობილის აშიით. წარწერა: „წ-ი ზქრი“. მე-17 საუკ. ხელობა უნდა იყოს
(გადაღებულია სხვებთან ერთად).

35. ხატი წ-ა გიორგისა, ვერცხლისა, ნაჭედი, 44X43 სანტ. მხედარი სრულის
ტანით არის ქვეითად წარმოდგენილი, შუბით და ფარით. ეზო სადაა. აშიები
ბალახოვანის შემკობილებისაა, ლამაზი, რვა მედალიონით წმიდათა. ხელობა მე-15 -
16 საუკ. უნდა იყოს. (№17286).

36. ხატი წ-ა გიორგისა, ვერცხლისა, ნაჭედი, 18X16 სანტ. მხედარი

წარმოდგენილია სრულის ტანით, რომაულ სამხედრო ტანისამოსში, შუბით და
ფარით. წარწერა: წ-ა გ-ი. (ასო ბ-ნ უკუღმა არის). აშია ფოლაქების მსგავსად
შემკობილი, ტლანქია, როგორც თვით ხატი. მე-18-19 საუკ. (X 17271).

37. ხატი წ-ა გიორგისა, ვერცხლისა, ნაჭედი, 36X25 სანტ. მხედარი

წარმოდგენილია სრულის ტანით, შუბით და ფარით; უკან, წელზე მახვილი ჰკიდია.
წარწერა: წ-ი გ-ი. ხელობა ტლანქია, მე-18 საუკ. ხოლო აშიები, პალმეტების სახით
შემკობილი ლამაზია და ეკუთვნის კლასიკურ ხანას. ქვემო აშიაზე წარწერა (№17280):
ქ : წ-ო : გ-გი : გ-რსო : შეიწლ : ჴ-ვი : სყორს :
ესე იგი: წმიდაო გიორგი გერისაო, შეიწყალე ჴევი საყორის. (შეადარე დ. ბაქრაძე, გვ.
117).

38. ხატი წ- გიორგისა, ვერცხლისა, ნაჭედი, 19,5X18 სანტ. მხედარი

წარმოდგენილია სრულის ტანით, რელიეფით, შუბით და ფარით; წელზე, უკან
მახვილი ჰკიდია. წარწერა: წ-ჲ გ-ი. აშია ლამაზი ნაძვის კინკრიჟის მსგავსად
შემკობილი, მე-16 -17 საუკ. (№17269-506?).

39. ხატი წ⎯ა გიორგისა, ოქროთ დაფერილი ვერცხლისა, ნაჭედი, 21X16 სანტ.
ფრიად დაზიანებულია. მხედარი გაჭენებული ცხენით არის წარმოდგენილი. ვეშაპს
გმირავს. წარწერა: წ-ი გ-ი. აშია გვარიანია (№17283-520?).

40. ხატი ღვთის მშობლისა ჩჩვილედი, წელსზევითი, 32,5X25,5 სანტ. ყოფილა

ფერადებით დახატული, მაგრამ ფერადები გადასულია; დარჩენილია დიდი ნიმბი
მოოქრული ვერცხლისა, წერტილებიანი წრეებით შემკობილი, ბალახოვანის
მორთულობით (№ - 509). მე-15-16 საუკ. უნდა იყოს.

41. პატარა ხატი ღვთის მშობლისა, ოქროსა, 2,6X2,6 სანტ. ლამაზი ხელობისა, მე-
12-13 საუკ. (არ არის გადაღებული).
 42. ხატი მთავარ ანგელოზ მიქაელისა, ოქროთი დაფერილი ვერცხლისა, 41X30,5
სანტ. მთავარ ანგელოზი სრულის ტანით არის წარმოდგენილი, ლაბარუმით და
ბურთით. წარწერა: წ-ი მი⎯ლ. სახე დაზიანებულია. ეზო ბალახოვანად შემკობილია.
აშიები ნაწილობრივ რომბ-ლურსმული, ნაწილობრივ ბროწეულის ყვავილების
მსგავსად. ერთი დროისა არ არის და უთავბოლოდ არის დაკერებული. ზემო აშია
თავის მედალიონით გვერდზე უნდა ყოფილიყო, რომ მედალიონის სურათი
პირდაპირ მდგარიყო. (№17272). აშიებზე ორი მედალიონია დაცული; მე-17-18 საუკ.
უნდა იყოს.

43. ხატი მთავარ ანგელოზ მიქაელისა, უფრო პატარა, მაგრამ უკეთესი

ხელობისა, ვიდრე წინა ხატი, ოქროთ დაფერილი ვერცხლისა, ნაჭედი; მთავარ
ანგელოზი წარმოდგენილია სრულის ტანით, ბიზანტიური სამეფო კარის
ტანისამოსით, შუბით და ბურთით. წარწერა: წ-ი მი-ლ. აშიები რომბ-ლურსმული,
სადა სიმრგვალეებით (№17290). მე-14-15 საუკ. უნდა იყოს.

44. ხატი ორ მიქელ მთავარ ანგელოზისა, ვერცხლისა, ნაჭედი, 28X12 სანტ.

ბაწრულად შემოფარგლულ ორს ოთხკუთხედში წარმოდგენილია თითოეულში ცალ-
ცალკე ერთი და იმავე ყაიდის ფიგურა მთავარ ანგელოზის მიქაელისა, სრულის
ტანით, გრაგნილით ხელში, და წარწერა: ზემოდ: წ-ჲ მ-ქლ. აშიები ზემოდ და ქვემოდ
რომბ-ლურსმულია, აქეთ-იქით ნახევარი სიმრგვალეებისგან შესდგება. მე-18 საუკ.
ხელობა უნდა იყოს. (№ 17269).

45. სრულიად ასეთივე ორ მიქელ მთავარ ანგელოზისა ხატი, ვერცხლისა, მაგრამ

უფრო პატარა, 20X17,5 სანტ. (№17283).

46. პატარა, ოქროს ხატი მთავარ ანგელოზ გაბრიელისა, 5,5X4 სანტ. ტლანქი
ხელობის არის (არ არის გადაღებული).

47. ხატი ორი მხედარისა, 17X12 სანტ. ფერადებით დახატული ყოფილა;

ფერადები გადასულია; დარჩენილია სრულად ლამაზი ნიმბები და აშიები, ლამაზად
შემკობილი; მე-13-14 საუკ. ქვემოდ, აშიაზე წარწერა კარგად ვერ ირჩევა (№-508):
წ-ჲო თე (?) და გონისფა (გუნისფა ?).

48. ხატი ჯვარცმისა, ვერცხლისა, ნაჭედი, 17,5X15 სანტ. წარწერით: „ჯრცმაჲ

ქესა“, ტლანქი ხელობისა, (გადმოღებული არ არის).

49. ხატი ფერადებით დახატული გარდამოხსნისა, რთული კომპოზიციისა,

49X40 სანტ. ფერადები დაზიანებულია. ქვემოდ, კუბოში ჩასვენების სურათია.
მხატვრობა მაინცდამაინც ლამაზი არ არის. აშიები ოქროთი დაფერილი ვერცხლისა
შემკობილია ბროწეულის ყვავილების მსგავსი მორთულობით, ორმაგად.. ლამაზი
ნახელავია. ქვემოდ: სანახევროდ გადასული წარწერა:

ღისა სტო კცთ . . თ-ს ჯრცმლო

მწ ფრლ გნ დდთრთ დჩს
 ფალვსა ხლისად .

ესე იგი: „ღმრთისა სიტყვაო, კაცთათჳს ჯვარცმულო, მწემფარველ გუექმენ

დედითურთ დაჩის ფალევ სახლისად“ (?). ეს ორი სიტყვა გამოუცნობელი რჩება (არ
არის გადმოღებული).

50. სამი უბრალო ხის ჯვარი, შეძერწილი ვერცხლის ფირფიტებით (არ არის
გადმოღებული).

51. ხატი წ-ა კვირიკესი, ოქროსი, 21X14,5 სანტ. წარწერით: წ-ი კ-ე. ნიმბი და ქვემო
ნაწილი ტანისა გაფუჭებულია. აშიები ლამაზია, რომბ-ლურსმული, მე-14 საუკ. უნდა
იყოს. (№-520). ქვემოდ წარწერი ნაწყვეტია:
. . . „მეოხ ექმ“ . ამას ქვემოდ . . . „ნილს“. .

52. ხატი წ-ა კვირიკესი, წელსზევითი, ოქროთი დაფერილი ვერცხლისა, 12X16

სანტ. წარწერით: წ-ი კ-ე. აშიები ოქროს ბასმისაგან შესდგება, წერტილებიანის
შემკობილობით. მე-16 საუკ. უნდა იყოს (№ 17270).

53. ხატი წ-ა გიორგისა, 16,5X13 სანტ. ვერცხლისა; ლამაზი ხელობისა; მხედარი
ფეხოსანია, ფარით მარცხენა მკლავზე და მახვილით მხარზე; წარწერა : წ⎯ჲ გ⎯ი. მე-14
საუკუნის უნდა იყოს. (№17271-508).

54. ხატი ორთა წმიდათა მხედართა, ოქროთი დაფერილი ვერცხლისა; ორთავე

წარმოდგენილია ფეხით, ერთი ფარით და მახვილით, მეორე ფარით და შუბით,
რომაულ საომარი ტანისამოსებით; აშიები წერტილების მსგავსი გრეხილებისაგან
შესდგება. მე-14 საუკ. უნდა იყოს. (№17271-508).

55. ხატი წ⎯ა გიორგისა, პატარა; ყოფილა ფერადებით დახატული; ფერადები

გადასულია; მხედარი ცხენით ყოფილა წარმოდგენილი; ნიმბი და აშიები თხელი
ოქროს ბასმისა ლამაზია (№17270-507), მე-14 საუკ. უნდა იყოს.

56. ასეთივე ხატი წ-ა თეოდორესი (?), ვერცხლისა; მხედარი ფეხოსანია, შუბით
და ფარით; დაზიანებულია. აშიები ბასმისა ლურსმულ-რომბული; მე-16 საუკუნის
უნდა იყოს (№17283-520?).

57. ვერცხლის ფირფიტა, რომელზედაც წარმოდგენილია, შუაში, ოთხკუთხედში

მხედარი ცხენით, გვირგვინოსანის მგმირავი, და ორი სხვა ფიგურა აქეთ-იქით;
ტლანქი ხელობისა, მე-18-19 საუკუნისა (იქვე, №17283-520).

58. დროშა ფარჩისა, 27X26 სანტ. ხეტარზე, რომელიც ჯვარით თავდება ზემოდ,
ოთხივე ნაწილზე ფარჩისა გამოსახულია წ⎯ა კვირიკე, მაგრამ არა მაინცდამაინც
ლამაზად. (არ არის გადმოღბული).
 59. ლაბარუმი ვერცხლისა, 26X20 სანტ., რომელზედაც წარმოდგენილია წֿა
გიორგი, ჩვეულებრივის რიგისა. (არ არის გადმოღებული).

60. ორი დიდი, მაღალი და ერთობ მძიმე შანდალი, ანუ საღრჩოლებელი

ბრინჯაოსი; ერთი გატეხილია. ესენი საღრჩოლებლადაც იხმარებოდენ წინა დროში;
თითოეული რამოდენიმე მუხლისაგან შესდგება მსგავსად დოქებისა თუ ქოთნებისა
(№17305).

61. როდინი მასსიური, სპილენძისა, რვა წაღნაგოვანი, სიმაღლით 13 სანტ.

შემკობილია წაღნაგებში მსხალის მსგავსი გამობურცული ჯირყვლებით და ორის
მხეცის (შეიძლება ლომის) თავით ყურეებში. ეხლა ამას როდინად ხმარობენ, მაგრამ,
შესაძლოა, წინეთ საღრჩოლებლადაც იხმარებოდა, აქემენიდთა დროის უნდა იყოს.
(№17266).

62. ვაზა ცილინდრის მსგავსი, სპილენძისა; ზემო ნაწილი მოტეხილია;

შემკობილია არაბესკებით. (იქვე, №17266).

63. ჩარდახი ხატებისა, მაღალ ფეხებზე, 137 სანტ. სიმაღლით და 15 ს. განით.

ფეხები ანუ წვრილი სვეტები ხისაა, ვერცხლის მოჩუქურთმებულის ფურცლით
შეძერწილი; თითოეული იყოფა ორ მუხლად ვერცხლის ბურთით ანუ ვაშლით. წინა
პირი და ცილინდრული გვირგვინი ზემოდ ოქროთი არის დაფერილი; წინა პირზე
სვეტების თავები შემკობილია ფიგურებით, შუაში: ვედრებისა, წ-ა გიორგისა და წֿა
დიმიტრისა; მეორე მხარეს: მარტო წ-ა გიორგის ფიგურებია. ცილინდრული
გვირგვინი, მიტრის მსგავსი, შემკობილია სხვა წმიდათა ფიგურებით. ეს ნივთი
დაშლილი იყო და ჩვენ მოვიყვანეთ რიგში და გადმოვიღეთ ფოტოგრაფიულად
(№17267 და უვაროვისა, გვ. 130, ტაბ XXXI, 59).

64. თასი ვერცხლისა, დიდი, ჯამის მსგავსი; ფსკერზე წარწერა აქვს მხედრული:
ქ : ეს : თასი : პატასა მიქელაძისა .
გარე პირზე აწერია:
„ხოსია ახვლედიანის არის“. (დ. ბაქრაძე, გვ. 118).
ხოსია ახვლედიანი, კარგად ცნობილი ქართულ ისტორიაში, იყო თანამედროვე
იმერეთის მეფის ბაგრატ მეოთხისა, მეორე ნახევარში მე-17 საუკ. ის არის მკვლელი
დედოფლის ნესტან დარეჯანისა.

65. ორმოცი სპილნეძის და ვერცხლის ჯამი; ზოგიერთებს შემკობილებაც აქვს.

66. ერთი სპილენძის ჯამი სომხურის წარწერით, რომლის თარგმანი გრ.

უვაროვისას აქვს მოყვანილი (გვ. 117):
ხოსროვის ძე აფატიმ.

67. დოქი ანუ ლაგინა, ყვითელი სპილენძისა, თვალწარმტაცი სილამაზისა, 9 1/2

ვერშოკი სიმაღლით. ტანი მოგრძო აქვს; ყელი – მაღალი და ვიწრო, თავდება
ნავისებური ტუჩით. სახელური, ცოტა მოხრილი, შემკობილია თეთრი, მოსხო, მძივის
მსგავსი ორნამენტით, ზემოდ შეერთებულია პირთან და ქვემოდ ჩამოშვებულია
თითქმის შუა წელამდის დოქისა და თავდება ცხენის თავის ქანდაკებით, და არა
ირმის თავისა, როგორც ფიქრობს გრ. უვაროვისა (გვ. 139). (ფოტოგრაფია ნომერი
17303). მუცელი დოქისა გამშვენიერებულია ნაჭედი შემკობილობით,
ფურცლებისაგან შემდგარი რომბებისა, რომელნიც შიგნით ამოვსებულია შტოებით
აყვავებული ბროწეულისა; ორი დიდი და მშვენიერად გამოსული ჩვენი ფოტოგრაფია
ამ დოქისა №№ 17302 და 17303 გვაძლევს საშუალებას უფრო სწორი წარმოდგენა
ვიქონიოთ ამ შესანიშნავ ხელოვნების ნივთზე აღმოსავლური ყაიდისა, ვიდრე გრ.
უვაროვისაგან გამოცემული ერთი სურათი, თუმცა თავის თავად არა ცუდი (გვ. 139,
სურ. 60).

68. დოქი დიდი, სპილენძისა; მუცელი დიდი აქვს, მაგრამ, ყელი მაღალი, ზემოდ
გაფართოებული. სახელური ამისა საუცხოო ლამაზია, მრგვალი; შიგ ჩაჭრილი
ნახვრეტებით. სახელური პირს ზემოდაც გრძელდება და თავდება ლამაზი ფიალით
ანუ ვაზით, რომელიც შემკობილია ასეთისავე ჩაჭრილი ნახვრეტებით. (იხ. ფოტ.
№17265). ეს დიდი დოქი არც ერთ მკვლევარს არ უნახავს. იმ სკივრში აღმოჩნდა,
რომელიც ჩვენ პირველად გავახსნევინეთ.

69. დოქი ფაიანსისა, შემკობილი მცენარეების შტოებით და ყვავილებით (იხ. №

17293). ძირი მისი კიდევ მეტად შემკობილია მცენარეების შტოებით და ფურცლებით.
(№ 17294).

70. ცხენის სახე ფაიანსისა, უნაგირით; თავი და ფეხები მომტვრეული აქვს.

უნაგირი შემკობილია, აგრეთვე ასლიც (ყაჯარი). (№17293).

71. სასაკმევლე ნაკერი ფარჩისა; გვერდზე აქვს ნაკერი ფარშევანგის სურათები,

ხოლო შუაში დრაკონი გერალდიური რიგისა. (№17294).

72. საცეცხლური ბრინჯაოსი, რელიეფით გამოხატული სახეებით წმიდათა,

სირიულის რიგისა (№17295).

73. საცეცხლური სპილენძისა, საცერის მსგავსი თავით (იქვე, №17295).

74. ცული ბრინჯაოსი, კელტის რიგისა, სადა. (იქვე, №17295), ამოღებული უნდა
იყოს ძველი საფლავიდან.

75. ქინძისთავი თმისა, ბრინჯაოსი, ფარშავანგის გაშლილი კუდის მსგავსი

თავით. ესეც უსათუოდ ამოღებულია ძველი საფლავიდან (იქვე, №17295).

76. სპილენძის ფირფიტა, პირამიდის სახისა, იეროგლიფების მსგავსი ნიშნებით

(იქვე, №17295).

77. რკინის მოკაუჭებული დანა (იქვე). ესეც საფლავიდან უნდა იყოს

ამოღებული.
 78. ლახტი რკინისა (№17296).

79. სამი შვილდი ხისა და ოთხი სხვა და სხვა ფორმის ისარი. (იქვე, №17296). ხე
ერთის შვილდისა შემკობილია ძვლის ჭდეებით.

80. ზარი გატეხილი, ხუცურის წარწერით:

წ :. ღ-ო : და წ- ო :. კუირიკე შეეწიე : ორსავე შინა :

ცხორებასა : ჴელმწიფისა : შვილსა . მონა : ზონსა .
თეკლას : რნ შემოგწირა : ზარი : ესე : ამინ.
უქარაგმოდ:
წ. ღმერთო და წმიდაო კურიკე, შეეწიე ორსავე შინა
ცხორებასა ჴელმწიფისა შვილსა მონაზონსა თეკლას,
რომელმან შემოგწირა ზარი ესე, ამინ.
(შეადარე ბაქრაძე, გვ. 116).

81. დ. ბაქრაძეს უნახავს ამ ეკლესიაში ერთი სპილენძის ჯამი, მხედრულის

წარწერით: (გვ. 115):
ქ : სვეტის ცხოველი არის . ისიმც რისხვის (sic) ვინც მოიპაროს.
ჩვენ ეს ჯამი არ გვინახავს.

82. ნიღაბი (მასკა) ბრინჯაოსი, გორგონის სახით, რომელიც კარზე ყოფილა

მიჭედილი (გრაფ. უვაროვისა, გვ. 172). ჩვენ ეს არ შეგვინიშნავს.

83. სადღესასწაულო ნუსხა ხუცურით დაწერილი ქაღალდზე, ყდით; ბოლო

აკლია. შიგნით ყდის ფიცარზე სწრია:

ქ : კარისა : დეკანოზის : დავითისა : შეონდოს : ღ-თმან :

კუხბასიანი . მთავარ ანგელოზო ჴიდურისაო : მეუხ : ექ-
მენ : წინაშე : ღ-თისა : დავითსა : ბერსა : დეკანოზსა :
კონო ბესიანსა : დღესა : განკითხვისასა : ამენ : კირი-
ელეისონ.
ხელის მიხედვით ხელნაწერი უნდა ეკუთვნოდეს მე-16-17 საუკუნეს.

84. ტიბიკონი იერუსალიმის ეკლესიისა, ანუ ეგრედ წოდებული დიდი კანონი,

ხელნაწერი ეტრატზე დიდი ფორმატისა, 34X27 სანტ. დაწერილია ასომთავრულით
ორ სვეტად; ტექსტის ზომაა, აშიების გამოკლებით, 28X18,5 სანტ. დაცულია მხოლოდ
ნაწილი ხელნაწერისა; თავი და ბოლო აკლია; მრავალი ფურცლებისაგან მხოლოდ
ნაწყვეტებია დარჩენილი. შუაში ემჩნევა შემდეგ დროში დამატებული ეტრატის
ფურცლები დაწერილი იმის მსგავსი ხელით, რომლითაც დაწერილია ადიშის
სახარება 897 წლისა. ეს გარემოება და პალეოგრაფიული ხასიათი წერისა საშუალებას
იძლევიან ხელნაწერის დროს განმარტებისა, დაახლოვებით არა უგვიანეს მეცხრე
საუკუნის მეორე ნახევრისა. თუ 897 წლის ახლო ხანს ხელნაწერი უკვე ფურცლებ
დაკარგული იყო, ის წინეთ უნდა ყოფილიყო გადაწერილი. შენახულ ფურცლებზე
ხელნაწერისა მხატვრობა არ არის, მხოლოდ ერთ ადგილას კინოვარით დახატულია
ფარშევანგები და სხვა ფრინველები; ამას გარდა კიდევ ორი დრაკონი. ქვემოდ ამისა
არის გადამწერის შემდეგი ანდერძი:

დბჲ შֿხდა ღֿსძლ-ო წֿო დაეს

როჳლა კანონი საზამთ
როჲ ჴელითა ჭიქაოჳრისა
ჲთა : მიჴსენ მე ოֿო საშინე
ლისა მის განკითხვისაგֿნ
და შწყლე მონაჲ შֿნი მიქლ
და დამცევ ამას საწოჳთ
როსა და მას სკნსა აֿნ:
ამრიგად, ხელნაწერის გადამწერი არის მიქელ ანუ მიქაელ ჭიქაური; ის თავის
თავს კიდევ იხსენიებს მეორე ადგილას შემდეგ რიგად: ოֿო :. შֿწყლე :. მნֿჲ შენი :
მიქֿლ:
ამ ხელნაწერის შესახებ საუბარს აღარ გავაგრძელებთ და ჩვენ მიერ ამოწერილ
სხვა ადგილებს ხელნაწერისა ვუშვებთ, ვინაიდან მისი ტექსტი, ლატალის
ხელნაწერთან ერთდ, გამოცემული და განმარტებული აქვს პროფ. კ. კეკელიძეს თავის
საყურადღებო შრომაში, რუსულს ენაზე: „იერუსალიმსკი კანონარ VII ვეკა“,
თბილისი, 1912 წ. კ. კეკელიძე იყო სვანეთში 1911 წელს, ერთის წლის შემდეგ ჩვენი
ექსპედიციისა. ცნობა, ბესარიონ ნიჟარაძის სიტყვებზე დამყარებული, ვითომც ეს
ხელნაწერი არავის ენახოს და რას შეიცავდა, ცნობილი არ ყოფილიყოს, სწორი არ
არის. ჩვენ ხელნაწერი არა თუ ვნახეთ, არამედ ორი ადგილი ფოტოგრაფიულად
გადმოვიღეთ, ერთი ის, სადაც მხატვრობა და ანდერძია, მეორე სხვა. ნომრებს აქ ვერ
ვუჩვენებთ, ვინაიდან ეხლა ხელთ არა გვაქვს. ბ-ნ პ. ინგოროყვას აქვს გადაცემული
და ის მათ უჩვენებს თავის გამოკვლევაში: „ძველი ქართული წარმართული
კალენდარი“, საქ. მუზეუმის მოამბე, VI , გვ. 411. გვინდოდა მთლად გადმოგვეღო
ტექსტი, მაგრამ ფირფიტები არ გვეყო.
ეს ხელნაწერი, როგორც მოვიხსენიეთ, ჩაკეტილი იყო ზანდუკში, რომელიც
საკურთხეველში იდგა. ჩვეულებრივად დიდ უარზე იყვნენ პაპები მისი გახსნისა,
მაგრამ ჩვენ დავაჯერეთ და ვაიძულეთ გაეხსნათ. ამ საქმეში დიდათ დაგვეხმარა
ბესარიონ ნიჟარაძის შვილი, კუკური. ჩვენ ვთხოვეთ და ბესარიონ ნიჟარაძე
დაგვპირდა, რომ ის შეეცდებოდა ამ ხელნაწერის და ორი კიდევ სხვა ამგვარი
ხელნაწერის, ლატალისა და წვირმისა, დროებით თბილისში ჩამოტანას შესასწავლად,
მაგრამ ეს აღარ მოხერხდა, მეტადრე, როდესაც კ. კეკელიძე თვით გაემგზავრა
სვანეთში მათი ტექსტების გადმოსაწერად.
გრაფინია უვაროვისა აღნიშნავს კალას ეკლესიაში ორ ხელნაწერს, ვითომც
სახარებას, ერთს ეტრატზე, დიდს, უთავბოლოს და გაფუჭებულს, მე-12 საუკ. მეორეს
ბომბიცინაზე, უფრო ახალი დროისა. ესენი ჩვენ არ გვინახავს და არც დ. ბაქრაძეს აქვს
აღნიშნული.
 სოფელი ჴე.

სოფელი ჴე გაშენებულია მთის ძირში. ამ სოფელში პატარა ქვის ეკლესია არის,

წმიდა ბარბალესი (სვანურად: ბარბალ). აღმოსავლეთის კედელი შემკობილია სამი
კამარით, რომელნიც ფართო პილიასტრებზე არიან დამყარებულნი. კანკელი ქვისაა,
სამის კამარით. ეკლესია სულ მოხატულია. აქ საკურთხეველის კონქში მაცხოვარია;
დასავლეთის კედელზე ღვთის მშობლის მიძინება, ჯვარცმა და აღდგომა ქრისტესი;
ჩრდილოეთის და სამხრეთის კედლებზე: ლამაზი ფრესკებია წმ. ბარბალესი, წმ.
ეკატერინესი და მთავარ ანგელოზთა, სრულის ტანით. ნივთებით ეს ეკლესია
მდიდარი არაა:

1. ხატი წֿა კვირიკესი და არა წი-სა ბარბალესი, როგორც ჰგონებდა უვაროვისა

(გვ. 172), ვინაიდან სახელი ცხადათ სწერია: წ-ი კ-ე; ოქროთ დაფერილი ვერცხლისა,
ნაჭედი, 22,5X15,5 სანტ. აშიები უჯრედებად დაყოფილია; ზურგზე ვერცხლის
ფურცელი აქვს გადაკრული და ზედ ჯვარია გამოყვანილი. ხელობა ტლანქია.

2. ჯვარი ხისა, გამოსასვენებელი, ხის ტარით, 35X35 სანტ. შეძერწილია

ვერცხლის ფირფიტებით; დამყარებულია ხეტარზედ ვერცხლის ბურთის
საშუალებით. პირველ გვერდზე გამოხატულია ჯვარცმა ოთხი მედალიონით წֿთა
ყველა მხარის ბოლოებში ჯვარისა; ქვემო მედალიონი გაფუჭებულია. წარწერები,
როგორც ჯვარცმულის, ყოველ მხრით, ისე მედალიონებისა, ვულგარული ხუცურია
და მასთან თავუკუღმა ასოებით; ამიტომ ძნელი გასარჩევია (№17277). ეს წარწერა
გადმოღებული აქვს, როგორც ბარტოლომეის (გვ. 168, დამატება №22ა), ისე დ.
ბაქრაძეს (გვ. 114, დამატება №36). ჩვენი ფოტოგრაფია, რასაკვირველია, უფრო სწორ
საშუალებას მისცემს მკვლევარს წარწერის ამოშიფრვისათვის. წარწერის წაკითხვა
ვერც ჩვენ შევსძელით.
ჯვარის მეორე გვერდზე ჯვარცმა წარმოდგენილია, აგრეთვე ოთხი
მედალიონით ბოლოებში. ხელობა ტლანქია, მე-18 საუკ. (№17278).

3. კალენდრა, ანუ წინაწარმეტყველებანი იმის მიხედვით, თუ რომელი

კვირეულის დღეს გათენდება ახალი წელი, და პასხალიონი; პატარა ტანის
ხელნაწერი ეტრატზე, 16,5X15 სანტ. სულ დაშლილი და გაფუჭებულია.

4. ხელნაწერი ეტრატზე, პალიმსესტი, ნუსხა ხუცურით ორ სვეტად; ახალი

ტექსტი შინაარსით ტიბიკონი ანუ პარაკლიტონი არის, რომელიც შეიცავს მწუხრისა
და ცისკრის საგალობლებს; ყდაშია, მაგრამ ყდა მოცილებულია; ხელნაწერი
სრულიად დაშლილია და ფრიად დაზიანებული; თავი და ბოლო აკლია;
დარჩენილია სულ 138 ფურცელი. ამათში, 4 ფურცელზე, დიდრონი სურათებია;
სურათები სიდიდით არაჩვეულებრივია მინიატურული ხელნაწერისათვის და
მასთან დახატულია თვით ტექსტზე, გადურეცხელად, ამიტომ ესენი ხელნაწერის
მინიატურებათ მის ტექსტთან დაკავშირებით არ ჩაითვლება, არამედ
განცალკევებულ ნიმუშად ეკლესიის კედლების მხატვრობისათვის, როგორც
განმარტებულია შ. ამირანაშვილის მიერ (იხ. „არილი“, ტფილ. 1925 წ. გვ. 25-46) სულ
8 სურათია, ვინაიდან სურათი 1-ელ გვერდზეც მოიპოვება და მეორეზედაც
თითოეული ფურცლისა. აქ წარმოდგენილნი არიან: ღვთის მშობელი, იოანე ნათლის
მცემელი, ლუკა მოციქული, იოანე მოციქული, მთავარ ანგელოზი მიქელ; შემდეგ
კიდევ ღვთის მშობელი და იოანე, პეტრე (? სახელი არა სჩანს) და პავლე.
ძველი ტექსტი ხელნაწერისა ზერელედ არის გადარეცხილი და ძველი
ასომთავრული ტექსტი საკმაოდ კარგად მოსჩანს. ამან ჩვენ დიდათ დაგვაინტერესა
და ვინაიდან დრო არ გვქონდა იქ გაგვერჩია ზოგიერთი ადგილები ძველი ტექსტისა,
გამოვითხოვეთ მისი წამოღება, მაგრამ მთელად არ მოგვცეს, არამედ ნახევარი, სულ
55 ფურცელი, მათ შორის მხატვრობიანი ფურცლებიც. მეორე ნახევარის ჩამოტანა
თბილისში ბლაღოჩინ ბესარიონ ნიჟარაძემ დაგვპირდა, მაგრამ ჩვენ დროს ვეღარ
მოახერხა. ჩვენ მიერ ჩამოტანილი ნაწილი ხელნაწერისა სხვა ხელნაწერებთან და
ნივთებთან ერთად გადავეცით საქ. საისტ. და საეთნ. საზოგადოების მუზეუმს,
№1329. ეხლა ეს ხელნაწერი შესწავლილია პროფ. აკ. შანიძის მიერ. ძველი ტექსტი
ქიმიურად აღდგენილია და გამოცემული (იხ. მისი „ჰაემეტი ტექსტები და მათი
მნიშვნელობა ქართული ენის ისტორიისათვის“, „ტფილისის უნივერსიტეტის
მოამბე“, III, გვ. 354-388). ხოლო სურათები გამოცემულია შ. ამირანაშვილის მიერ (იხ.
მისი: „ქართული კედლის მხატვრობის დასურათებული დედნის ფრაგმენტები“,
„არილი“, ტფილისი, 1925 , გვ. 25-45).
ამრიგად ეს ოთხი სურათებიანი ფურცელი, რომელიც ჩემს შემდეგ
ბიბლიოთეკის №2065 არის აღნიშნული, ეკუთვნის ხელნაწერს №1329. როგორც აკაკი
შანიძის წერილიდან ვტყობილობთ, ეხლა სვანეთში დარჩენილი ნაწილიც
ხელნაწერისა ჩამოუტანიათ თბილისში. ეს სამივე ნაწილი ერთი ნომრით უნდა
აღინიშნოს.
ახლად ქიმიურად აღდგენილი ძველი ტექსტი შინაარსით შეიცავს იერუსალიმის
განჩინების და განწესების წიგნს, უფრო ძველს ვარიანტს, ვიდრე კ. კეკელიძის
გამოცემაშია და აკ. შანიძის განმარტებით უნდა ეკუთვნოდეს მერვე საუკუნეს.

სოფელი იფრარი.

სოფელ იფრარში, ენგურის მარჯვენა კიდეზე, არის მთავარ ანგელოზთა პატარა

ეკლესია, თლილი ქვისაგან ნაშენი, ერთის შესავალით დასავლეთისაგან და ორის
ფანჯრით, აღმოსავლეთით და დასავლეთით. შიგნით და ზემო ნაწილში გარედაც
ეკელესია შემკობილია მშვენიერის და საკმაოდ კარგად დაცულის ფრესკებით მე-11
საუკუნისა; სამხრეთის კედელზე, გარედან, კარგად არის შენახული კომპოზიცია
ვედრებისა მთავარ ანგელოზებითურთ, ორივე მხარეს, და ასომთავრულის
წარწერებით, გარდა იესო ქრისტესი, რომელსაც ჩვეულებრივი ბერძნული წარწერა
აქვს, სხვებზე ასე სწერია: დ-და ღთისა, წ-ჲ ი-ნე ნთლისმცმლი, წ-ჲ გბრლ, წ-ჲ მ-ქლ,
შიგნით, საკურთხევლის კონქში ვედრებაა; სამხრეთის კედელზე: ღვთის მშობელი: დ-
ჲ :ღ-თსაჲ, და ანა, ღვთის მშობლის დედა: ანა დ-დაჲ ყ-ლდ წ-დისა ღ-თს მშობლისაჲ; წ-
ა თეოდორე : წ-ჲ თ-ე. დასავლეთის კედელზე: წ-ჲ ბარბარა, წ-ჲ ეკატერინა. ზემოდ,
თაღებზე: შობა ქრისტესი, ნათლის ღება, მთავარ ანგელოზი მიქელ, მთავარ
ანგელოზი გაბრიელ; ჩრდილოეთის კედელზე: წ-ი გიორგი ცხენით, გმირავს
გვირგვინოსანს და მთავარ ანგელოზი მიქაელ წარწერით:
მთვ-ანგელოზი მქლ გამოოჳჩნდა : ისონანისა მ-სა შ-ნა
რ-ჟმს მოსრნა წრმრთნი.
კანკელი ქვისაა, სამის კამარით; სვეტებიანი კამარების ზემოდ კანკელის კედელი
მოხატულია; აქ წელსზევითნი ფრესკებით წარმოდგენილნი არიან: წ-ა ბარბარა, წ-
ივლიტა, წ-ჲ დემეტრე და წ-ჲ სტეფანე. კანკელის გრეხილზე („კარნიზზე“) არის
საყურადღებო წარწერა:
1. ქ სახელითა : ღთისათა : მოიხატა და შეიმკო წმიდაჲ ესე
ეკლესიაჲ იფრარმის (sic) ჴევისათა : სალოცველად დიდთა :
და მცრთა : შვ-ლთა : და მომავალთა : მათთა : და : ყ-ლთა :
მიცვლ-ბლთა : მთთისა :
2. წმֿდნო მֿთვრ ანგ-ლოზნო : შ-ნ : ორითავე ცხორებითი-
თა ან რ-. . . [დასაბა]მ-თ გ-ნთა წელთა ჴფ : ქრნიკნსა : ტივ :
ჴელითა : თ-ე : მეფისა : მხტვრი სიითა (sic) : ღ-ო მო-
იხსენე სასფელთა : შე-თ[ა].
უქარაგმოდ:
სახელითა ღმრთისათა მოიხატა და შეიმკო წმიდაჲ ესე ეკ-
ლესიაჲ იფრარმის ჴევისათა სალოცველად დიდთა და მცირ-
თა შემავალთა 1 და მომავალთა მათთა და ყოველთა მიცვა-
ლებულთა მათთისა, წმიდანო მთავარანგელოზნო, შეი
წყალენ ორითავე ცხორებითა, ამინ. . . (დასაბა)მითგანთა
წელთა : ჴფ, ქრონიკონსა: ტივ : ჴელითა თეოდორე მეფისა
მხატვრისითა. ღმერთო მოიხსენე სასუფეველთა შენთა.
ქორონიკონი უდრის 1096 წელს. (780+316=1096);

ამასვე უდრის დასაბამითგანაც წელთ აღრიცხვა ქართულის სათვალავით (6.700

-5.604 =1096). იმ დროს საქართველოს მეფე იყო დავით დიდი აღმაშენებელი და
თეოდორეც მისი მხატვარი იქნებოდა.
ბარტოლომეის ეს ეკლესია არ უნახავს. დ. ბაქრაძე, თუმცა ამბობს, რომ ეკლესიის
კედლები შიგნით და გარედ შემკობილია ფრესკებითო, მაგრამ არც ერთ ფრესკას და
არც მის წარწერას არ იხსენიებს (გვ. 114 -115).
ა. ხახანაშვილიც არ უნდა ყოფილიყო ამ ეკლესიაში, ვინაიდან მას და მის
წარწერებს სრულიად არ იხსენიებს (გვ. 36).
გრაფ. უვაროვისას შეუნიშნავს კანკელის წარწერა და ამბობს: წარწერა უჩვენებს,
რომ კანკელი მე-16 საუკუნეში არის დახატულიო ( – გვ. 78).
საჭიროა აღვნიშნოთ, რომ ამ ეკლესიის გაშინჯვის დროს დიდი წვიმა

_______
1 ჩვენ ვკითხულობთ „შემავალთა”, მაგრამ შესაძლოა წავიკითხოთ კიდევ; „შვილთა”.

დაგვესწრო, ეკრლესიაში ბნელოდა და წარწერა ცუდათ ჩანდა.

 ეკლესიაში ჩვენ ვნახეთ:

1. ჯვარი დიდი ხისა, კანკელის საწინავე, სიმაღლით 1 მეტრი და 16 სანტ. და 80

სანტ. განით. შეძერწილია ვერცხლის ფირფიტებით, რომლებზედაც ტლანქი სახეებია
წმიდათა; მათ შორის ორი მაცხოვარია; ზემოდ ოთხი მთავარ ანგელოზი, ორი წმიდა
გიორგი და სხვა მრავალი. უმბოს ირგვლივ ოთხი წმიდა გიორგია, ზემოდ და ქვემოდ
ცხენით, მარჯვნივ და მარცხნივ ფეხით. მარცხენა ფრთაზე ჯვარცმაა მთავარ
ანგელოზებითურთ ორივე მხარეს. აქვე წმიდა გიორგი ფეხოსანი. მარჯვენა ფრთაზე
ხუთი სურათია; მათ შორის ორი მთავარ ანგელოზია ხელებაპყრობილი (№ - 674?).

2. ხატი კარედი ღვთის მშობლისა, 11X8,5 სანტ. ხატი ყოფილა ფერადებით

ნახატი; ფერადები დაზიანებულია; შემოსილობა ოქროსია, ნაზი და ლამაზი, ვაზის
მსგავსი შემკობილობით (№17263). შუა ნაწილში წარმოდგენილია ღვთის მშობელი
ჩჩვილედი, ბერძნულის წარწერით სახელისა. მარჯვნივ მის ქვემოდ დაჩოქილია
მვედრებელი კაცი, როგორც ეტყობა, მეფე, რომლის ზემოდ წარწერაა დაზიანებული;
ნაკლულ ასოებს აზრით ვუმატებთ ფრჩხილებში (წარწერა არც ერთ მკვლევარს არ
მოჰყავს).

დედაო ღ-თსაო დედაო ღმრთისაო,

შ-ე მ-[მკ]ბლი შეიწყალე მამკობელი
შენ[ი მ-ფე] დ-თ . შენი (მეფე) დავითი.

ფრთებზე, შიგნიდან, წარმოდგენილნი არიან, მარცხნივ: იოანე ნათლის

მცემელი: „წ-ჲ : ი-ნ[ე] ნთლ“. ამის სურათი გაფუჭებულია; მარჯვნივ: „წ-ჲ : ი-ნე :
მხრბლ“. ამის სურათი საკმაოდ კარგად არის დაცული. (№17263). სურათები გარედან
კარებისა და მათი მორთულობა სრულიად განადგურებულია (№17264). მეორე
გვერდზე ხატისა, კუთხეებში, ლამაზად ნაჭედი ხლართულებია და შუაში,
წერტილებიან ლამაზ წრეში, ასომთავრული წარწერა:

ქ ჵ :. წ-ო : ჵი წმიდაო
ღ-თის მშობელ ღმრთის მშობელო,
ო : მეოხ გჳქმენ : მეოხ გუექმენ
მწ-ე : ძესა : შენსა : მო წინაშე ძესა შენსა მო-
სავთა : შენთა : ავი სავთა შენთა დავი-
[თ] : და მეჳღლესა : ჩე თს და მეუღლესა ჩე-
მსა : გ-ონც მსა გუანც
ასა :. ასა.

ამ წარწერაში მე-4 სტრიქონში, ჯგუფში: მწე-ე : ასო მ შეცდომით უნდა იყოს

მიმატებული. ეს იქიდან სჩანს, რომ შემდეგ ორ ასოს შუა პატივია „წ-ე“ და ნიშნავს
„წინაშე“-ს. რომ ეს ჯგუფი „მწე“-ს ნიშნავდეს, მაშინ ამის წინ „და“ იქნებოდა და
შემდეგ სიტყვა „წინაშე“ მაინც უნდა ყოფილიყო მოყვანილი. ასო ჳ ჩვეულებრივად უ-
ის მაგიერ არის ხმარებული; ვინაიდან აქ გამოშვებულად იგულისხმება ო, ხოლო
სიტყვაში „გო-ნც“ გამოშვებულია ჳ. სიტყვების მაგიერ „ძესა შენსა“ უნდა ყოფილიყო
ჩვეულებრივად: „ძისა შენისა“.
ჩვენი აზრით, ამ წარწერაში მოხსენებული დავით არის მეფე დავით მეხუთე,
გიორგი ლაშას ძე, თამარ მეფის შვილის შვილი; მისი მეორე ცოლი იყო გუანცა, რაჭის
ერისთავის კახაბერის ქალი. გუანცა პირველად ცოლად ჰყავდა ათაბეგს ავაგს, შემდეგ
დაქვრივებისა, ის მისთხვდა დავით მეფეს 1252 წელს. გუანცა გარდაიცვალა 1263
წელს (იხ.Brossete H.G. t. l. p. 568, n. 4). მაშასადამე, ჩვენი ხატი და მისი წარწერა
დამზადებულია 1252-1263 წლებს შუა.

3. ხატი წ-ა გიორგისა, ვერცხლისა, ნაჭედი, 23X17 სანტ. მთავარ მოწამე

მდგომარეა; მარჯვენა ხელში შუბი უჭირავს, მარცხენა ფარზე აქვს დადებული.
საომარი ტანისამოსის ზევით გრძელი მოსასხამი აცვია. წარწერა: წ-ი გ-ი. აშია
ბალახბულახის სახით არის შემკობილი გრეხილით შემოზღუდულ სიმრგვალეებით.
მე-16 ასუკუნეს უნდა ეკუთვნოდეს (№17260).

3. ხატი წ-ა გიორგისა, ვერცხლისა, ნაჭედი, 23,5X18 სანტ. მხედარი მდგომარეა

იმავე რიგით, როგორც წინა ხატი. წარწერა: წ-ჲ გ-გი ლსორის. აშია რომბ-ლურსმული.
ხატი მე-16 საუკ. უნდა ეკუთვნოდეს (№12260).
შემოკლებულს სიტყვაში ლსორის არ ვიცით, რა იგულისხმება (ლასორის თუ
სხვა), მაგრამ შეუძლებელია აქ ვიგულისხმოთ: ილორის.

5. ხატი წ-ა გიორგისა, ვერცხლისა, ნაჭედი; მხედარი წარმოდგენილია ცხენით,

გვირგვინოსანს გმირავს; შუბის თავი ჯვარით არის მოცული. წარწერა: წֿა გֿი. აშია
ზემოდ და ქვემოდ რომბ-ლურსმული; მარჯვნივ და მარცხნივ ელიპსოიდები ასეთივე
წრეებში. კუთხეებში მედალიონები წ⎯თა; ზემოდ ღვთის მშობლისა და იოანე ნათლის
მცემელისა; ქვემოდ ღვთის მშობელი და იოანე ღვთის მეტყველი. ხელობა
მოიტლანქებს. (№17262).

6. ხატი მაცხოვრისა, ვერცხლისა, ნაჭედი, 16,5X13 სანტ. ბერძნულის წარწერით

სახელისა. მაცხოვარი მდგომარეა, სახარებით და მაკურთხევლის მარჯვენით,
სამღვდელო სამოსელით. აშია საცერის მსგავსი, შემოზღუდულია კიდევ ფოლაქის
მსგავსი წრეებით; მარჯვნივ ორი თვალი უზის. ხელობა მოტლანქოა, მე-16 -17
საუკუნისა. (№17261).

7. ხატი მაცხოვრისა, ვერცხლისა, ნაჭედი, 18,5X13 სანტ. მაცხოვარი მაღალ

ტახტზე მჯდომარეა; მარჯვენა ხელით ჯვარს სწერს, მარცხენაში სახარება აქვს.
აშიები მოსხო წერტილების მსგავსი წრით არის შემოვლებული. წარწერა
ასომთავრულია: ჲֿჱ ქֿე. ნიმბი ჯვარის სახედ აქვს. ხელობა მე-17-18 საუკ. უნდა
იყოს. №17261).

8. ხატი მაცხოვრისა, ტახტზე მჯდომარე ჩვეულებრივის რიგით, ვერცხლისა,

ნაჭედი; ნიმბი დიდის წერტილებით შემოფარგლული. სახე მხცოვანი კაცისა; წარწერა
სახელისა ბერძნულად. ტლანქი ხელობისა, მე-18 საუკ. (№17262).
 9. ვერცხლის ფირფიტა მაცხოვრის სახით, წელსზევითი 10,5X8,5 სანტ. (იქვე
№17262).

10. სამი უბრალო ფირფიტის ხატი: დֿჲ ღֿსჲ, სრულის ტანით, წֿჲ გֿი
წელზევითი, და მაცხოვარი წელსზევითი; მდარე ხელობისა, მე-18 საუკ. (იქვე.
№17262, ზემო რიგში).

11. ფერადებიანი ხატი ვედრებისა, ფიცარზე, ადგილობრივი, მოტლანქო

ხელობისა, არა უადრეს მე-18 საუკ.

12. ფერადებით დახატული ხატი მთავარ ანგელოზ მიქაელისა, ძელზე; უკეთესი

ნახელავია, ვიდრე წინა ხატი; არა უადრეს მე-17 საუკუნისა.

სოფელი ხალდე.

სოფ. მაღლობზეა გაშენებული. როდესაც ბაქრაძე იყო იქ, მაშინ იქ ჯერ კიდევ
ძველი ეკლესია არსებობდა მაცხოვრისა. მან ყურადღება მიაქცია ფრესკებს, რომლის
შესახებ სწერს: სამხრეთის კედელზე წარმოდგენილნი არიან მთელი რიგი წმიდათა;
ზოგნი მათგანი ცხენებზე სხედან და გაბრწყინებულნი არიან სინათლით თავების
ირგვლივ; სხვები თოფებით არიან; მამაკაცნი ზოგნი წვერებით, ზოგნი უწვეროდ.
საზოგადოთ რაოგორც მამაკაცები, ისე დედაკაცები შავის საბურავით არიან და
გვირგვინებით. ომია, ზოგი მკვდარია და მიწაზე არიან გაფრთხობილნი. წარწერა: წ-ჲ
გ-ი. აქა ესთუმრა: წ-ჲ გ-ი : ნეოფასთესა. (დ. ბაქრაძე, გვ. 115). ამის მეტს ამ ეკლესიის
შესახებ დ. ბაქრაძე არაფერს არ ამბობს.
ეხლა ძველი ეკლესია აღარ არის. ის რუსებმა დაანგრიეს ზარბაზნით 1876 წელს,
როდესაც სვანები აჯანყდენ და ხალდეს კოშკებში გამაგრდენ. რუსებმა კოშკები
აიღეს, ძველი ეკლესიის ადგილას ეხლა ახალი ქვის ეკლესია არის, მასში რამოდენიმე
ტლანქი ხელობის ხატია მცირე ღირებულებისა:

1. ხატი მაცხოვრისა, ვერცხლისა, ნაჭედია, 50X39 სანტ. წარწერით: ჲ-ე ქ-რე.

ხელობა ტლანქია.

2. ხატი მაცხოვრისა, ვერცხლისა, ნაჭედი, 47X32 სანტ. წარწერით ბერძნულად

და ქართულად: ქ-ე (ე მობრუნებულია). ხელობა ცოტა უკეთესია, ვიდრე წინა ხატისა.

3. ხატი მაცხოვრისა, წელსზევითი, 28X21 სანტ. ნაჭედი, ტლანქი ხელობისა,

აშიები რომბ-ლურსმული კარგია და სხვა ხატისა უნდა იყოს.

4. ხატი წ-ა გიორგისა, ვერცხლისა, ნაჭედი, 28X19 სანტ. მთავარ

ანგელოზებითურთ ორივე მხარეს; წარწერა: წ-ჲ გ-ი. ტლანქი ხელობისაა.

5. ხატი ღვთის მშობლისა, წელსზევითი, ვერცხლისა, ნაჭედი, 22X15 სანტ.

წარწერით: დ-ი ღთსაი. სხვებს სჯობია, მაგრამ მაინც დაბალი ხელობისა არის.
 6. ხატი წ- გიორგისა, ოქროსი, ნაჭედი, 14X11 სანტ. წარწერით: წ-ჲ გ-ი ილორსა.
მხედარი წარმოდგენილია ფეხით, რომაულ საომარ ტანისამოსით, შუბით და ფარით.
კარგი ხელობის არის, მაგრამ ფრიად დაზიანებულია.

7. ასეთივე ხატი წ-ის გიორგისა, ოქროთი დაფერილ ვერცხლის, 12X9,5 სანტ.

წარწერით: წ-ჲ გ-ი. დიდათ დაზიანებულია.

8. ხატი მთავარ ანგელოზ გაბრიელისა, ტლანქი ხელობისა, ვერცხლისა, 11X8

სანტ. წარწერით: ქ. გაბრილ თავარაგლზი. და შემდეგ.:
შ-ე შესტრ/ობი/ლი გამ/იდგა/ნი ამინ.

9. ხატი ღვთის მშობლისა ჩჩვილედი, ვერცხლისა, რელიეფით, 6,5X6 სანტ.

ხელობა უკეთესია, ვიდრე წინა ხატისა.

10. ხატი წ-ა თეოდორესი, ძეწკვით და ჯვარით, 9X6,5 სანტ. ტლანქი ნაჭედი.

11. ორი ხის ჯვარი, შუა ზომისა, 80 სანტ. სიმაღლით, შეძერწილი ვერცხლის
ფირფიტებით, ფრიად ტლანქი ხელობისა.

12. ხატი წ-ა გიორგისა, ვერცხლისა, ნაჭედი, 17X12 სანტ. წარწერით: წ-ი გ-ი.
მოტლანქო ხელობისაა.

13. ორი ვერცხლის ხატი, შედგენილი სხვა და სხვა ჯვრიდან მოხსნილ

ფირფიტებისაგან. ტლანქი ხელობისაა.

იფარის თემი

იფარის თემში შედიან სოფლები: ნაკიპარი, ზეგანი, აწი, ბოგრეში, იფარი,

წვირმი, იელი და ადიში. (წინეთ წვირმი და ადიში ცალკე თემებს შეადგენდენ)

სოფელი ზეგანი.

სოფელი ზეგანის საზოგადო სახე, სოფელ წვირმიდან გადმოღებული, იხ.

ფოტოგრაფია №17474. აქ არის პატარა ეკლესია მთავარ ანგელოზთა; აშენებულია
უბრალო ქვისაგან; ეკვტერები ჰქონია სამივე მხრით, გარდა აღმოსავლეთისა, მაგრამ
სამხრეთის ეკვტერი ჩანგრეულია. შესავალი ერთი აქვს, დასავლეთით; ფანჯარა ორი,
აღმოსავლეთით და დასავლეთით. დახურულია ყავრით. კანკელი ხისაა, მაგრამ
ძველია და ქვისას მოგვაგონებს თავის ფორმით; ხუთი კამარა აქვს; საკურთხეველში
შესასვლელი მარტო ერთი კარია შუაში; სვეტები კამარებისა წვრილია და შემკობილი
ჩუქურთმებით. ეკლესიაში დაცულია:
 1. კანკელის წინ სადგომი ჯვარი, შუა ტანისა, 105X54,4 სანტ. შეძერწილია
ოქროთი დაფერილი ვერცხლის ფირფიტებით, ლამაზი ხელობისა, რომელნიც
შემკობილნი არიან ბალახოვანის მორთულობით და წ-თა სახეებით: ზემოდ მთავარ
ანგელოზი მიქაელ, სრულის ტანით, ლაბარუმით და ბურთით, წარწერით: მქაელ
ანგელოზი, ქვემოდ: წმიდა გრიგოლ, სრულის ტანით: წ-ი გრიგოლ, და წ-ა გიორგი,
ცხენოსანი, ვეშაპს გმირავს. უმბო წარმოგვიდგენს მზის თვალს; მის მარცხნივ არის
მედალიონში წ-ჲ პ-ტრე; მარჯვენა და მარცხენა ფრთის ბოლოებში ჯვარისა მთავარ
ანგელოზებია; მარჯვენას აწერია; წ-ჲ გბრლ. ჯვარი მშვენივრად არის დაცული
(№17224). არ უნდა იყოს უგვიანეს მე-14 საუკუნისა.

2. ასეთივე ჯვარი, 146X87 სანტ. ისეთივე ხელობისაა, როგორც წინა ჯვარი,

მაგრამ უფრო ცუდათ არის შენახული. ქვემო მთელი ნაწილის და მარცხენა ფრთის
ფირფიტები მოძარცულია. ზემოდ წარმოდგენილია ვედრება; მის ქვემოდ მთავარ
ანგელოზი, სრულის ტანით, საზომით და ბურთით; ამას ქვემოდ მაცხოვარი, აგრეთვე
სრულის ტანით; მარჯვენა დაზიანებულ ფრთაზე მთავარ ანგელოზი და ლუკა
მახარობელი: წ-ჲ ლუკა (№17225).

3. ამ ჯვართან ერთად გადმოღებულია (ქვემო ნაწილზე) პატარა სპილენძის

ხატი მესვეტის ფიგურით, მისი ორი თანამდგმურით და ზემოდ ორი მთავარ
ანგელოზით.

4. ხატი წ-ა გიორგისა, ოქროთი დაფერილი ვერცხლისა, ნაჭედი, 17,5X13 სანტ.

(№17222). მხედარი ფეხოსანია, რომაულ საომარ ტანისამოსით, შუბით და ფარით.
ფონი რომბ-ლურსმულია, აშია ბალახოვანი. წარწერა: წ-ი გ-ი ქშთისა. (ბაქ. გვ. 110).
ქვემოდ სხვა წარწერა:

ქ წ-ო გ-ი მფარველ ექნ მოსავ

შენსა მნუკვვს და ძეთა ჩემთა .

შემკობელის სახელი შეიძლება იყოს მანუკვი. სხვა ნათელია. მე-16 საუკუნის

უნდა იყოს.

5. ხატი მაცხოვრისა, ოქროთ დაფერილი ვერცხლისა, ნაჭედი, (№ იქვე, №17222).

მაცხოვარი ტახტოსანია, ჯვარის სახის ნიმბით და ზედ სამი ძვირფასი ქვით.
მარჯვენა ხელით აკურთხებს, მარცხენა მუხლზედ დადებულ სახარებაზე უძევს.
მაცხოვარი ფართო და მძიმე მოსასხამშია, რომლიდანაც ძლივს გამოაქვს ხელები.
შემკობილ აშიებზე მარცხნივ და მარჯვნივ მედალიონებში, წარმოდგენილნი არიან:
ღვთის მშობელი და იოანე; ზემო და ქვემო აშიები მოძარცულია. ხატი უნდა იყოს მე-
15-16 საუკუნისა.

6. ხატი მაცხოვრისა, ოქროთ დაფერილი ვერცხლისა, ნაჭედი, 29X22 სანტ.

მაცხოვარი წარმოდგენილია მუხლების ზემოთი ტანით, მაკურთხეველის მარჯვენით
და სახარებით, წარწერა სახელისა ბერძნულია I-C CX (sic). ნიმბი ჯვარის სახისა
არის. ეზო და აშიები ბალახოვანი შემკობილობით არის მორთული. (№17220). უნდა
ეკუთვნოდეს მე-15-16 საუკუნეს.

7. ხატი წ-ა გიორგისა, ოქროთ დაფერილი ვერცხლისა, ნაჭედი, 31X23 სანტ.

მხედარი ცხენოსანია, გმირავს ადამიანს. წელიდან ჩამოშვებულია დიდი ხმალი, თმა
ხუჭუჭი აქვს. მოსასხამი მხედრისა უკან იშლება ჰაერში. ეზო ვაზის შტოების
მსგავსად არის შემკობილი. აშია არა აქვს. ხატი მე-16 საუკუნის უნდა იყოს (№17221).

8. ხატი წ-ა ბარბარესი, ვერცხლისა, ნაჭედი 29X24 სანტ. წ-ა ბარბარე

წარმოდგენილია სრულის ტანით, ბიზანტიური სადარბაზო ტანისამოსით, ჯვარით
ხელში და ნიმბით. ეზო ტალღისებური ორნამენტით არის შემკობილი. აშიები რომბ-
ლურსმულია, მარჯვნივ და მარცხნივ აკლია. მარცხენა აშიაზე ერთი წმიდანი
სრულის ტანით არის წარმოდგენილი, ქვემოდ ღვთის მშობელია ჩჩვილედი. წარწერა
სახელისა: წბֿბვ (sic). ხელობა ტლანქია, მე-17-18 საუკუნის უნდა იყოს. (№17219).

9. ხატი მთავარ ანგელოზისა (?), წამლით დახატული, 47,5X36 სანტ.

წელსზევითი; მარჯვენა ხელში უჭირავს დიდი ბურთი, მარცხენაში ბზის ტოტი.
პირის სახე ქართველი ქალისა აქვს და შეიძლება სურათი ღვთის მშობლის ხატად
მიგვეღო, რომ მთავარ ანგელოზის ნიშნებით არ იყოს წარმოდგენილი. არავითარი
წარწერა არა აქვს. ხელობა შედარებით ახალია. აშიები სხვა და სხვა ფრაგმენტებიდან
არის შემდგარი, საზოგადოთ რომბ-ლურსმული; ზემოდ აშია ვერცხლისა არის, სხვა
კედრით მოოქრულია. მარჯვნივ წარწერა სახელისა სხვა ხატს ეკუთვნის ვინაიდან
სწერია: ქ-ე. მარცხენა აშიაზე ჩვენ ვხედავთ წ-ა გრიგორის ფიგურას, სრულის ტანით
და წარწერით: წ-ჲ გრიგოლ. ჩვენი ფოტოგრაფია №17617 (რუსული წარწერა ფოტოსი
სინამდვილეს არ შეესაბამება) გატეხილი ფირფიტიდან არის შესრულებული.

სოფელი წვირმი.

სოფელი მაღალ მთაზეა გაშენებული. მისი სახე იხ. №№17477, 17480. აქვე
ხარებშებმული მარხილი თივისა. აქედან იშლება საუცხოო პანორამა მწვერვალ
თეთნულდისა (ფოტ. №17475), და კიდევ სოფელი ზეგანისა (იხ. №17474). მშვენიერად
მოსჩანს აქედან აგრეთვე მწვერვალი უშბა (იხ. №17473, აქვე სოფლები ბოგრეში და
ნაკიპარი).
სოფელ წვირმში რამოდენიმე ეკლესია არის. პირველი ეკლესია მაცხოვრისა,
ქვისაგან აშენებული, ბაზილიკური რიგისაა (№№17478-17479); მას ეკვტერები უვლის
სამი კედრით, უბრალო ქვებისა. დასავლეთის მხრით, ზემოდ, პატარა სამრეკლო აქვს.
ეკლესია წინათ მოხატული ყოფილა, მაგრამ ფრესკები სულ მოშლილი და
გაფუჭებულია; ნაშთები ცოტა ემჩნევა. ეკლესიაში ჩვენ ვნახეთ:
 1. ჯვარი კანკელის წინ სადგამი, სიმაღლით სამ არშინზე მეტი, შეძერწილი
ოქროთ დაფერილი ვერცხლის ფირფიტებით ზემოდ, ხოლო უბრალო ვერცხლის
ფირფიტებით ქვემოდ. მათზე წარმოდგენილნი ფიგურები წმიდათა არა დიდის
ხელოვნებით არიან შესრულებულნი (№17246). ამათში უფრო საყურადღებოა სამი
ფირფიტა: ერთი ზემოდ, ვედრების სურათით; ქვემოდ მთავარ ანგელოზთა. უმბოს
ირგვლივ, რომელიც მზის თვალს გამოხატავს, წარმოდგენილნი არიან მკერდს-
ზევითნი ფიგურები ღვთის მშობლისა, იოანესი და ორთა მოციქულთა. სხვა
ფირფიტებზე მრავალჯერ განმეორებულია ფიგურები მაცხოვრისა და მთავარ
ანგელოზთა.

2. ასეთივე ჯვარი, ამავე ზომის, შეძერწილი ოქროთი დაფერილი ფირფიტებით,

ტლანქი ხელობისა (№17245). ზემოდ და ქვემოდ უმბოსა, რომელიც მზის თვალს
წარმოგვიდგენს, მოთავსებულია წ-ა გიორგი ცხენით, მგმირავი კაცისა
გვირგვინოსნისა. სულ ზემოდ ჯვარცმაა; ბოლოებში ჯვარისა: წ-ა გიორგი ცხენით.
სხვა ფირფიტებზე: წ-ა გიორგი, წ-ა დიმიტრი და წ-ა თეოდორე და სხ. სურათი შეად.
უვაროვისა, ტ. XXII, 38.

3. ასეთივე ჯვარი და ასეთივე ზომის, მაგრამ უფრო ვიწრო და ქუდიანი, ანუ

მიტრიანი (№17247), შეძერწილია ოქროთ დაფერილი ვერცხლის ფირფიტებით, ერთი
დროისა და ერთი ხელობისა. ამით ეს ჯვარი ემსგავსება სოფელ სუპის ეკლესიის
ჯვარს. ამ ჯვარზე პატარა წელსზევითნი ფიგურები მაცხოვრისა და ქერუბიმთა ერთი
ერთმანეთს ეცვლებიან გამობერვილი ფირფიტებით, რომლებზედაც
წარმოდგენილნი არიან ჯვრები, და მხოლოდ ქვემო ნაწილზე ჩვენ გვხვდება ორი
ფიგურა მთელის ტანით მთავარ ანგელოზ მიქელისა და წ-ა გიორგისა. მთავარ
ანგელოზი გრძელ ბიზანტიურ ტანისამოსშია, ჯვარით და ბურთით ხელთა; ხოლო
წֿა გიორგი შუბით და ფარით. სურათი იხ. აგრეთვე უვაროვისა, ტ. XXII, 38.

4. ჯვარი, შუა ზომისა, 118X67 სანტ. შეძერწილი ოქროთ დაფერილი ვერცხლის

ფირფიტებით; ზემოდ და შუაში ვერცხლი მოძარცულია (№17228). ქვემოდ ოთხი
წელსზევითი ფიგურაა მაცხოვრისა; მარჯვენა და მარცხენა ცოტა დაზიანებულ
ფრთებზე მოსჩანან: მთავარ ანგელოზი, ღვთის მშობელი და ორი მაცხოვარი; ხელობა
დაბალია.

5. ასეთივე ჯვარი, 81X54 სანტ. შეძერწილია ოქროთი დაფერილი ფირფიტებით,

უკეთესი ხელობისა, ვიდრე წინა ჯვარი. უმბო მზის თვალის სახისა შემკობილია
შუაში ძვირფასი ქვით (№17229). ზემოდ არის ფიგურები ვედრებისა, მთავარ
ანგელოზისა და მაცხოვრისა. ქვემოდ: ერთი ფიგურა, სრულის ტანით,
დაზარალებულია; დაცულია მაცხოვარი და სხვა წელსზევითნი ფიგურები; მარჯვენა
და მარცხენა ფრთებზე: მაცხოვარი ტახტოსანი, მთავარ ანგელოზნი და სხვა.

6. ასეთივე ხელობის ჯვარი, 112X68 სანტ. შეძერწილი ოქროთი დაფერილი

ვერცხლის ფირფიტებით, ერთი ხელობისა; საკმაოდ კარგი ნახელავია (№17230). უმბო
წარმოადგენს მზის თვალს; მარჯვენა და მარცხენა ფრთებზე თითო ფიგურაა
ვედრებისა და თითო ფიგურა მთავარ ანგელოზისა; ზემოდ ვედრება; მის ქვემოდ
მთავარ ანგელოზი წელსზევითი და მაცხოვარი სრულის ტანით. ქვემოდ: სამი
მაცხოვარი წელსზევითნი და წმიდა გიორგი, ფეხოსანი, სრულის ტანით. სურათი
შეად. უვაროვის, ტ. XXII, 38.

7. ხატი წ-ა იაკობისი, ძმისა უფლისა, 27,5 X17,5 სანტ. ოქროთი დაფერილი
ვერცხლისა, ნაჭედი, კარგი და ნაზი ქართული ხელობისა, მე-13 საუკ. ეზო
ბალახოვანი მორთულობით არის შემკული, აშიები წნულია, მაგრამ ქვემო ნაწილი
დარღვეულია და საზოგადოთ ხატი ცუდათ არის დაცული. წარწერა სახელისა; წ-ჲ
იკბ ძმ ოფ-ლ. მეორე გვერდზე, კუთხეებში ბალახოვანი შემკობილობაა, ხოლო შუაში
ჯვარის ირგვლივ, წარწერა (№17234):

წ ჵ : წ-ო : იაკობ : ძმა ჵი წმიდაო იაკობ, ძმაო

ო : ოფლისაო : რომელმან უფლისაო, რომელმან
გიწოდა : ძმა გიწოდა ძმად
დ :წ ე : ისა : მეოჳ მექმენ :
- წინაშე მისა, მეოხ ექმენ
დღესა განკითხვისასა : მოსა დღესა განკითხვისასა მოსა-
ვსა : შენსა : ქამქმს : ტგრ ვსა შენსა ქამქამს ტიგ-
იანის ძესა :. რიანის (ანუ ტიგრანის) ძესა.
წარწერა ხელით გადმოღებული აქვს ბარტოლომეის, ტაბ. . II, №16. ბაქრაძეს
რუსული თარგმანი მოჰყავს ბარტოლომეის მიხედვით (გვ. 110).

8. ხატი მაცხოვრისა კარედი, 22X15 სანტ. ვერცხლისა; გარეთ კარებზე, ზემოდ

აწერია: [წ]-ჲ : პ-ტე : (მარცხნივ), წ-ჲ : პ-ლე :(მარჯვნივ), მაგრამ ფიგურები ამათი
წარმოდგენილი არ არის. კარები სადათ არის დატოვებული (№17231); როდესაც
კარებს გააღებთ, თქვენ წარმოგიდგებათ სამივე ნაწილი ხატისა, ფერადებით
დახატული, მშვენიერის სურათებით, რომელნიც მოვლებულნი არიან ირგვლივ
მარგალიტების მძივებით და ოქროზე ნაჭედი შემკობილობით ეზოთა და აშიათა
(№17242). შუაში, ზემოდ, კამარის ქვეშ მაცხოვარია წელსზევითი, ბერძნულის
წარწერით სახელისა. მაცხოვრის ქვეშ პატარა ხატია ღვთის მშობლისა, წელსზევითი,
როგორც ეტყობა ჩჩვილედი (სახეები ეხლა სულ გადასულია), ბერძნულის წარწერით
სახელისა. ამ ხატის მარცხნივ და მარჯვნივ, სრულის ტანით წარმოდგენილნი არიან
წარწერებით, ზემოდ: წ-ჲ ეკტირნა :. (მარცხნივ), წ-ჲ : მრინა (მარჯვნივ). ამ ღვთის
მშობლის ხატის გამოღება შეიძლება, ვინაიდან ის ჩადგმულია კარედში; მის ზურგზე
წარწერაა ასომთავრული (იხ. №17231):

დ-დო :ღთის დედაო ღმრთისა-

ო : შეიდრე : ო, შეივედრე
სჳლი :თე სული თე-
კლასი კლასი,
ამინ :. ამინ.
ეს წარწერა, ჩვენის აზრით, შემდეგ დროის არის და არა თანამედროვე კარედი
ხატისა. ამას მოწმობს პალეოგრაფიული ხასიათი წარწერისა და მოხსენება თეკლასი,
რომელსაც თავის სახელი ამ ხატზე ერთ ადგილზე ხატის დიდ წარწერაშიაც
მოუთავსებია.
 კარებზე შიგნით წარმოდგენილნი არიან, მარცხნივ დედა ღვთისა ბერძნულის
წარწერით სახელისა. აქ ფერადები უკეთ არის დაცული. მარჯვნივ იოანე ნათლის
მცემელი, აგრეთვე ბერძნულის წარწერით. ეზო და აშიები ამ სურათებისა
შემკობილია საუცხოო ბალახოვანი მორთულობით. გრაფ. უვაროვისას ვერ უნახავს
მარჯვენა ფრთა ამ კარედი ხატისა, აგრეთვე ვერ გაუგია, რომ მაცხოვარის ქვეშ, შუაში,
ღვთის მშობლის ხატია, თუმცა ბერძნული წარწერა ამას ცხად ჰყოფს (უვაროვისა, გვ.
121). ჩვენ მოვნახეთ და ვიპოვეთ მარჯვენა ფრთაც ამ შესანიშნავი ხატისა, მივაკარით
თავის ადგილზე და ისე გადმოვიღეთ სურათი (№17242). მეორე გვერდზე ხატისა
ვერცხლის ფურცელზე კუთხეებში წარმოდგენილია ნაჭედი ბალახოვანი
ხლართულები, შუაში ჯვარის ირგვლივ წარწერაა (№17232), რომლის მარცხენა ქვემო
ნაწილი, ეხლა სულ მოძარცულია; დ. ბაქრაძის დროს, როგორც სჩანს, უფრო მეტად
ყოფილა დაცული (იხ. გვ. 114 და დამატება №34).
მთლად აღდგენა წარწერისა შეუძლებელია, მაგრამ თუ მივიღებთ სახეში დ.
ბაქრაძის გადმოღებულ ტაბულაზე დაცულ ასოებს და ზოგს აზრით დავუმატებთ
(ამათ ფრჩხილებში ვათავსებთ), დაახლოებით წარწერა შეიძლება ასე წამოვიდგინოთ:

: ქ : მცხვრო : და : ღ-თო :
ჩვენო : და : ყოლნო : წმი
და ნო :
მ[ისნო] : რლთა : სადიდებლად
[და საოხად სლსა] ჩმისა [სე]ვმკვე : ხა
[ტი ] : ესე . ცოტა[აი]სა (?) : ნვთითა
შემკობი[ლი] . . . ტილ(?) :საოხ
დ : სლს[ა გო]რგსლი
[სა] ან .
უქარაგმოდ:
„მაცხოვარო და ღმერთო ჩვენო და ყოვენლო წმიდანო მ(ისნო), რომელთა
სადიდებლად (და საოხად სულისა) ჩემისა (შე)ვამკვე ხა(ტი) ესე ცოტ(აი)სა (?)
ნივთითა შემკობი(ლი). . . საოხად სულის(ა) (გო)რგასლის(სა), ამინ“.
ხატი ამ წარწერით მე-12 საუკუნის უნდა იყოს.
ჯვარის გამოხატულებას თავში ამ წარწერისა უზის ოთხი ბერძნული ასო
სახელისა; მარჯვენა ორ ასოს შემდეგ არის ასომთავრული ასო ძ, რომელიც უნდა
გულისხმობდეს შემოკლებულად გადმოცემულს სიტყვას: „ძელი“.
ჯვარის ჰორიზონტალურ ნაწილზე (№17232) სხვა ხელით და უფრო წვრილის
ასომთავრულით შემდეგი წარწერაა:
თეკლს : შნდ :. მცხოხრო (sic).
უკანასკნელ სიტყვაში ასო ხ შეცდომით არის განმეორებული 3-ს მაგიერ,
წარწერა უნდა წავიკითხოთ: „თეკლას შეუნდვენ, მაცხოვარო“.
ამრიგად, ჩვენს ხატს აქვს ორი მერმინდელი წარწერა თეკლასი. ხოლო ეს
უცნობი თეკლა ის „ჴელმწიფის შვილი მონაზონი თეკლა“ უნდა იყოს, რომელიც
იხსენიება კალას ეკლესიის ზარის წარწერაში და რომელიც ნაჩვენებია ზემოდ, №80-ს
ქვეშ კალას ნივთების აღწერისა (იხ. ზემოდ, გვ. 203).
 9. ხატი მაცხოვრისა, თავი ხატი ეკლესიისა, ოქროთი დაფერილი ვერცხლისა,
ნაჭედი, 42X36,5 სანტ. მაცხოვარი ტახტზე მჯდომარეა, ჩვეულებრივის სახით. ნიმბი
ჯვარის სახისაა; ორივე კედრით უწერია სახელი ბერძნულად და ქართულად (იჳ) (ჳ
მობრუნებულია) ქ-ე; აქეთ-იქით მაცხოვრისა მედალიონებში: ღვთის მშობელი და
იოანე, წარწერებით: „დ-დ ო-, წ-ი ი-ე ნთლმსცემი“. ღვთის მშობლის ქვემოდ: წ-ი გ-ი,
ნათლის მცემლის ქვემოდ: წ-ი დ-ტრი. აშიები შიგნით ბალახოვანის ორნამენტით არის
შემკობილი, ხოლო გარე აშია ფართო და რომბ-ლურსმულია, სამ-სამ მედალიონით
ზემოდ და ქვემოდ; ზემო მედალიონებში არის ფიგურები ღვთის მშობლისა და
მთავარ ანგელოზთა; ქვემოდ: „წ-ჲ თ-ე, წ-ჲ ბ-რბ, წ-ჲ ბასლჲ“. მარჯვენა და მარცხენა
აშიებზე: „წ-ჲ პ-ე, წ-ჲ პ-ვლე“. ხელობა ამ გარეგანი აშიებისა მოტლანქოა; თვით ხატისა
უკეთესია, არა უგვიანეს მე-15-16 საუკუნისა (№17243).

10. ხატი წ-ა გიორგისა, ვერცხლისა, ნაჭედი; მთავარ მოწამე ცხენოსანია,

ადამიანს გმირავს, რომელსაც წაწვეტიანებული ქუდი ახურავს და თავის ხმალი
მიწაზე დაუგდია. ზემოდ აწერია: წი გი. აშიები განიერი რომბ-ლურსმულია, ოთხი
მედალიონით; ოთხივეში წ¯ა გიორგია, წარწერით: წ-ი გ-ი. ხატი უნდა ეკუთვნოდეს
მე-16-17 საუკუნეს (№17233).

11. ხატი მთავარ ანგელოზთა მიქელ და გაბრიელისა, ოქროთი დაფერილი

ვერცხლისა, ნაჭედი, 44X42,5 სანტ. (№17244). მთავარ ანგელოზნი წარმოდგენილნი
არიან წყვილად, მთელის ტანით, მდიდრულ საომარ ტანისამოსით. ერთ ხელში
ლაბარუმები აქვთ. მეორეში ბურთები, რომელნიც ერთი მეორისთვის მიუდვიათ
გაწვდილი ხელებით. წარწერები სახელებისა ბერძნული და ქართულია. ეს ხატი ესე
იგი შუა ნაწილი, ფიგურები მთავარ ანგელოზთა, სრული განმეორებაა ჩუკულის
ეკლესიის ხატისა №16860, რომელიც ჩვენ თავის ადგილას აღვწერეთ, ხოლო აქ არ
არის შინაგანი აშია ბროწეულის ყვავილების ორნამენტით და აგრეთვე ის საუცხოო
ბრტყელი გარეგანი აშია, რომელიც ჩუკულის ხატს აქვს. აქ აშია რომბ-ლურსმულია
მედალიონებით წ-თა, ტლანქი ხელობისა. ზემოდ და ქვემოდ: სამ-სამი წ-ა გიორგი,
სრულის ტანით, შუბით და ფარით; გვერდებზე წელსზევითნი ფიგურები მთავარ
ანგელოზთა. საყურადღებო ის არის, რომ გრაფ. უვაროვის ჩუკულის მთავარ
ანგელოზთა სურათზედაც (ტაბულა XXX, სურ. 49) აშიები რომბ-ლურსმულია,
მაგრამ განმეორება არ არის ამ ჩვენი ხატისა, ვინაიდან იქ, უვაროვის სურათზე,
ზემოდ, შუაში მაცხოვარია მთავარ ანგელოზებითურთ აქეთ-იქით, ხოლო გვერდების
აშიებზე წ-ა გიორგი და წ-ა დიმიტრი. ამიტომ შეუძლებელია ვიფიქროთ, რომ გრ.
უვაროვისა შეცდა და წვირმის ხატი ჩუკულისად მიიღო; არამედ უნდა ვიფიქროთ,
რომ ჩუკულის ხატი გრ. უვაროვის შემდეგ ჩასვეს ხელმეორედ ან თავის ან სხვა
საუცხოო ჩარჩოში. წვირმის ხატი კოპიო არის ჩუკულის ხატისა.

12. ხატი წ-ა გიორგისა; ამოჭრილია რელიეფით ხეზე, წმიდა გიორგი

წარმოდგენილია ცხენით, გმირავს ადამიანს შუბით (№17241). ეს ფიცარი უსათუოდ
სარჩული იყო ოქროს წ¯ის გიორგის ხატისა და როდესაც პერანგი შემოაცალეს, დარჩა
გაშიშვლებული; ამიტომ ტყვილად ფიქრობს გრაფ. უვაროვისა, თითქო ეს არ იყოს
მატრიცა, სარჩული, ნაჭედი ხატისა (გვ. 102). რომ ეს მართლა სარჩული იყო ნაჭედი
ხატისა, ამას მოწმობს თავდაპირველად ის გარემოება, რომ ორ ადგილას ხატზე
შერჩენილია სულ პატარა ნაწყვეტები ოქროს ფირფიტებისა. შემდეგ უფრო
დანამდვილებით ამას მოწმობს ერთი წმიდა გიორგის ხატის აღწერილობა პოლ.
ბარტოლომეისა, რომელიც მას უნახავს წვირმის წმიდის გიორგის ეკლესიაში; ამ
ეკლესიაზე საუბარი ქვემოდ გვექნება. აქ უნდა აღვნიშნოთ, რომ ეხლა ეს ეკლესია
გაუქმებულია; იქ არავითარი ნივთი აღარ არის; ბარტოლომეის დროს, როგორც
ეტყობა, ეს თავი ეკლესია ყოფილა სოფლისა. ის ამბობს: თავ ეკლესიაში წვირმის
საზოგდოებისა წ-ა გიორგის სახელობისა არის რამოდენიმე ხატი თავის
მორთულობით და პერანგებით, პირველი ადგილი უჭირავს თავ ხატს ეკლესიისა (ესე
იგი წ-ა გიორგის ხატს), რომელზედაც განმეორებულია ისეთივე სურათი დამხობილი
გვირგვინოსანისა, როგორიც აღწერილი იყო იფარის საყდარში, ხოლო აქ არ არის
მოხსენებული სახელი დიოკლეტიანესი, და არც არშაკიდების ქუდია, არამედ
კბილოვანი გვირგვინია მოგრძო ჩანჩხურებით, როგორც ბიზანტიურ ფულებზეა მე-
12 საუკუნისა. დაბლა ვერცხლის ეზოზე ამოჭრილია წარწერა, რომელიც
მოთავსებულია ტაბულა I, № 15 (აქ მას მოჰყავს თარგმანი ბროსსესი ამ წარწერისა).
ბროსსეს თარგმანიდან სჩანს, რომ მას ამ წარწერაში შემდეგი სიტყვები ამოუკითხავს:
„წმიდაო გიორგი ქაშვეთისაო, მეოხ და მფარველ ეყავ მამკობსა შენსა ჯიქაძესა“.
(ბარტ. გვ. 179). ჩვენ ბარტოლომეის მიერ გადმოღებულს წარწერას ასე ვკითხულობთ:

წმიდაო გიროგი ქაშუ-

ეთისაო, მეოხ და მფარვ-
ელ მეყავ
მამკობსა შენს(ა)
ჯიქაძეს ხუ-
ცესსა მიქელს.
დ. ბაქრაძეს, როგორც ეტყობა, ეს ხატი არ უნახავს; ის უჩვენებს ბარტოლომეის
მიერ გადმოღებულს წარწერას და მოჰყავს მისი რუსული თარგმანი, რომლიდანაც
სჩანს, რომ მას სიტყვა „ხუცესი“ მიუმატებია ბროსსეს წაკითხულისათვის (ბაქრაძე,
გვ. 110), ხოლო სიტყვა „მიქელი“ გამოუშვია. ბარტოლომეის აღწერილობა სრულად
უდგბა ჩვენს ხატს. ხის მატრიცაზე წ-ა გიორგი ისეა წარმოდგენილი, როგორც
ნაკიპარის (ბარტოლომეით: იფარის) ხატზე. ის გრძელი ჩანჩხურები, რომელზედაც
ლაპარაკობს ბარტოლომეი, ემჩნევა მატრიცაზე. ცხადია, ხატი გაშიშვლებულია
ბარტოლომეის შემდეგ და ის წარწერაც დაკარგულა, რომელიც, საბედნიეროდ,
ბარტოლომეის გადმოუღია. ხატი მე-12-13 საუკ. უნდა იყოს.

13. ხატი ქრისტეს აღდგომისა ანუ ჯოჯოხეთის წარტყვენისა, ნაქსოვი ფარჩაზე,

უბრალო ხის ჩარჩოთი, 57X45 სანტ. (№17236). მაცხოვარი ჯვარის მსგავსი ნიმბით
სდგას შემუსვრილ ჯოჯოხეთის კარებზე და გამოჰყავს იქიდან ადამი, ადამს უკან ევა
მოსჩანს; მარცხენა ხელში მაცხოვარს გრძელი რვაფრთიანი ჯვარი უჭირავს;
მარჯვნივ, ქვის შენობაზე სდგანან: მეფე და დედოფალი, ვედრების პოზით; მათ უკან:
იოანე ნათლის მცემელი (?) უნდა იყოს მაკურთხველის მარჯვენით; ზემოდ, ნიმბის
აქეთ-იქით ბერძნული წარწერაა სახელისა, ესე იგი აღდგომა (ანასტაზის). ქვემო
ნაწილი ხატისა მომპალია; სახე ქრისტესი დაზიანებულია მას შემდეგ, რაც გრაფ.
უვაროვისამ ნახა და აღწერა (გვ. 124, გაბ. XXXVI, ნახ. 63); მის ფოტოგრაფიაზე
მაცხოვრის სურათი არ არის დაზიანებული. თუმცა სხვა მხრივ, საზოგადოთ, ჩვენი
ფოტოგრაფია უკეთესია.
გ. დ. ფილიმონოვის აზრით, ხატი ბერძნული ხელობისაა, მე-12 საუკ. გრაფ.
უვაროვისა ამ ხატს დასავლეთ ევროპის ხელოვნებას მიაწერს, მაგრამ დროს გარკვევას
არ კისრულობს (გვ. 124).

14. პატარა ხატი წ-ა გიორგისა, 12X10 სანტ. სახე და წელსზევითი დახატული
ყოფილა წამლით, მაგრამ ფერადები გადასულია; მორთულობა ოქროსია; სანახევროდ
ისიც დაზიანებულია. ნიმბი მოვლილია წვრილი მარგალიტის მძივით. წარწერა:
„წ-ჲ გ-ი ზღდრისა“ (იქვე, №17235). შუაში ამოტეხილია; აზრით მიმატებულს სიტყვებს
და ასოებს ფრჩხილებში ვაქცევთ:

წ-ო გ-ი წმინდაო გიორგი

ზღდრ[ისაო] მეოხ და ზღუდრ(ისაო), მეოხ და
მფარ[ველ მექ]მენ :. მფარ(ველ მექ)მენ
დღესა გ-ნ დღესა გან-
კითხ[ვისასა] წ-ე ღ-თს კითხ(ვისასა) წინაშე ღმრთი-
ა : აჴა [ს ძ] ესა :ბიბილ სა აჴა (ს ძე)სა ბიბილ-
ს : ამინ : ს(ა), ამინ.

ხატი კლასიკური დროსი არის, მე-12-13 საუკუნისა.

15. პატარა ხატი წ-ა გიორგისა, ოქროთი დაფერილი ვერცხლისა, 11X8,5 სანტ.
ნაჭედი. მხედარი წარმოდგენილია სრულის ტანით, შუბით და ფარით. წარწერა: „წ-ჲ
გ-ი ქ-შთსა“; ხელობა დაბალია, მე-16-17 საუკ. (იქვე, № 17235).

16. პატარა ხატი ღვთის მშობლისა ჩჩვილედი, ოქროთ დაფერილი ვერცხლისა,

6X5 სანტ. წარწერით: დ-და ღ-სა. აშიები გაყოფილია უჯრედებად; მარტო მარჯვენა
ნაწილია დარჩენილი. ხელობა მოტლანქოა, მე-18 საუკ. (იხ. იქვე №17235).

17. ხატი მაცხოვრისა, წელსზევითი, ვერცხლისა, ნაჭედი, დაზიანებულია. მე-17

საუკ. უნდა ეკუთვნოდეს. (იხ. იქვე, №17235).

18. საგალობელი. ხელნაწერი ეტრატზე, 25X17 სანტ. ნაწერია წვრილის, ნუსხა

ხუცურის ხელით, ერთ სვეტად, 22 სტრიქონი სვეტზე. თავი და ბოლო აკლია;
ფურცლებიც აქა-იქ არეულია, მაგრამ საერთოდ ხელნაწერი გვარიანად არის
დაცული. ხელი წააგავს მიქელ მოდრეკილის ხელნაწერის საგალობელს წერა-
კითხვის საზოგადოებისა. გადამწერი ვიღაც გიორგია, რომელიც თავის თავს
იხსენიებს სინგურით მინაწერში: „წ-ნო : ორმეოცნო შე-თ გ-ი:.“. ანუ კიდევ : „წ-ნო
მოწამენო შწყლეთ გ ოგი“. თავი ხელნაწერისა ეხლა ორ ფურცელს იქით იპოვება:

. . . სი დსდბლ-ნი ; წინა კრეკეთ : ვ-ე : ქ-ე : შბ-მდე :

ით-ნენ : ყ-თა : დღეთა : ო-ო : ღ-ღდყ-სა და აქ-ბსა :.
აღვიხელინსა . და აღვივსენითსა ;. ანგელზთა დღეს წინა
 უვიდოდეს ძალნი. . .
14 იანვარს წმიდა ნინოს დღესასწაულის დღეს იკითხება:
იანვარსა : იდ : ნეტარისა დედისა ნინოჲსი რომლისა
მიერ მოეცა ნათელი ქრისტიანობისაჲ ქართლსა . უგლ-
ბსა : დ : გ-ი : უგალო-ბთ ო-ა რ-ნ გან. . .
მოვედით უგალობდეთ შესხმათ ქებისათათა მჴნესა ნი-
ნოს ტ-ძრსა მას წ-ა . ვადიდებდეთ გალობითა ახლითა .
იხარებს ეკლესიაჲ, და გონიერად დღესასწაულობს დღეს
ჴსენებასა ნინოჲსსა ბრწყინვალედ ქებითა შვილთა
თჳსთა თანა დღეს ნათლითა საღმრთოჲთა განვნათლდეთ
მორწმუნენო სიხარულითა .

ეკლესია წმიდისა გიორგისა. მესამე ეკლესია წვირმის სოფლისა, როგორც

მოვიხსენიე, არის წ-ა გიორგის სახელზე აშენებული. ეკლესია ქვისაა, პატარა;
კანკელის ქვემო ნაწილი არშინ ნახევარი სიმაღლით ქვისაგან არის ნაშენი; ზემოდ
ხისა არის სამი კამარით და ხისავე პატარა სვეტებით; თაროები ხატებისათვის ხისაა,
მიშენებული კანკელზე. შიგნით ეკლესია მოხატული ყოფილა, მაგრამ ფრესკები
გაფუჭებულია და შემჭვარტლული. ამშენებელი, თუ უკეთ ვსთქვათ, მოთავე
ეკლესიის მოხატვისა წარმოდგენილი ყოფილა ფრესკით დასავლეთის კედელზე; ის
ქართულ ტანისამოსშია, თავზე ქუდი ახურავს, სკუფიის მსგავსი, რომელიც
შემკობილია ჯვარის სახედ მარგალიტებით; მარჯვნივ სანახევროდ გადასული
წარწერაა, რომელშიაც მე ამოვიკითხე შემდეგი უცნობი სიტყვები:

სახელითა ღმრთისა სახელითა ღმრთისა-

თა : მოიხატა : წ ი :
- თა მოიხატა წმიდაი
ესე : ეკლესიაჲ : ესე ეკლესიაჲ
გუხაფათის ჴე გუხაფათის ჴე-
ლითა ზვიადისა ლითა ზვიადისა.
ჴელოსნობასა ჴელოსნობასა
პაიშსა (?). . . პაიშისა (?). . .
მარცხნივ მეორე წარწერაა, რომელიც უფრო გაფუჭებულია და უფრო ძნელი
გასარჩევი; მე საეჭვოდ ვკითხულობ:
ესე არს თ[ავა]დი აარონ. . .
ტრაპეზი, რასაკვირველია, ეკლესიაში აღმოსავლეთის კედელზეა მიშენებული
და მას ზემოდ და ფანჯრის ქვემოდ, კედელზე დახატულია მაცხოვრის თავი.
როგორც მოვიხსენიეთ, ეხლა ეს ეკლესია მიტოვებულია, მასში არავითარი
ნივთი არ არის; ხოლო ბარტოლომეის დროს ეს ყოფილა თავი ეკლესია სოფლისა და
მასში უნახავს მას ის წ-ა გიორგის დიდი ხატი, ოქროთი შეძერწილი, რომელიც დღეს
გაშიშვლებულია და რომელიც ზემოდ მოვიხსენიეთ ბარტოლომეის მიერ
გადმოღებულის წარწერით. აგრეთვე აქვე აქვს მას აღნიშნული მეორე ხატი: წ-ა
იაკობისი, ძმისა უფლისა (იხ. გვ. 179), რომელზედაც ზემოდ გვქონდა საუბარი.

ეკლესია მთავარ ანგელოზთა. მეოთხე ეკლესია წვირმის სოფლისა არის მთავარ

ანგელოზთა ეკლესია; ესეც პატარა ეკლესია არის, თლილის ქვით ნაშენი. კანკელი
ლამაზი აქვს, ქვისა, სამ-კამარიანი; ფანჯრებით თითო, აღმოსავლეთით და
დასავლეთით. სარტყელი თაღისა დამყარებულია ფართო და ძლიერად გამოშვერილ
პილიასტრებზე სამხრეთის და ჩრდილოეთის კელდებისა; საკურთხეველში ორი
ღრმა მრგვალი უბეა (ნიში). ტრაპეზი ამ ეკლესიაში არ ყოფილა; ტრაპეზის
მაგიერობას სწევდა ფანჯრის ქვემო ნაწილის სიბრტყე. არავითარი ნივთი ეკლესიაში
დღეს აღარ არის, თუ სახეში არ მივიღებთ მოძარცული ხატების და ჯვრების
ფიცრებს და აყალო მიწისაგან გამოქანდაკებულ თავებს ცხვრისა და ხარისა.

სოფელი იელი.

სოფელი ლამაზია. ამ სოფელში ოთხი ეკლესია არის. პირველი ეკლესია წ-ა

გიორგისა, პატარა, ქვისაგან ნაშენი, ერთის შესავალით დასავლეთით; ფანჯარა
თითო, აღმოსავლეთით და დასაველთით. კანკელი ქვისა, სამის კამარით. ეკლესიაში
მოიპოვება:

1. ჯვარი ხისა, კანკელის წინ დასადგამი, შუა ზომისა, 92X52,5 სანტ. შეძერწილია
ჩვეულებრივად ოქროთი დაფერილი ვერცხლის ფირფიტებით. ფიგურები
ფირფიტებისა შემდეგ რიგს მისდევენ: ზემოდ მაცხოვარი ტახტოსანი; ქვემოდ:
სრულის ტანით ღვთის მშობელი და იოანე ნათლის მცემელი იმ სახით, რა სახითაც
ვედრებაში არიან ხოლმე წარმოდგენილნი, წარწერებით: „დ-დი ღ-ს, წ-ი ი-ე“; სულ
ქვემოდ მთავარ ანგელოზი, სრულის ტანით, ლაბარუმით და ბურთით; ამას ზემოდ
წ¯ჲ ანდრია, სრულის ტანით; მარჯვენა და მარცხენა ფრთებზე: მაცხოვარი
ტახტოსანი; ბერძნულის წარწერით, მაცხოვარი წელსზევითი: ი-ჳ ქ¯ე წჲ¯ მ¯თე და
იოანე ღვთის მეტყველი. შუა ფირფიტაზე: წ-ჲ ი-ე, და მთავარ ანგელოზი; უმბოს
ადგილს ერთი ძვირფასი თვალია და მის ქვემოდ წმიდანი მკერდსზევითი, მრგვალ
მედალიონში (№17238).

2. ხატი წ-ა გიორგისა, ოქროთი დაფერილი ვერცხლისა, ნაჭედი, 14X6,5 სანტ.

მხედარი ფეხოსანია, შუბით და ფარით; ფართან ჩამოშვებული ხმალიც არის;
წარწერა: წჲ-გ-ი. ხელობა ტლანქია (№17239). მეორე გვერდზე წარწერა სულ
დამახინჯებულია. პარალელურად ჩვენ მოგვყავს ტექსტი, როგორც უნდა ყოფილიყო
წარწერა, აზრის მიხედვით.

წ-ჲ : მოწმთა მთვ წმიდაო მოწამეთა მთავ-

რო : მჴნეო გ-ი არო მჴნეო გიორგი,
მეოხმ დ მეოხ (მეყავ) და
მფრლსა : სუ მფარველ სასუ-
მბთ მსვთა ებით მოსავთა
ხტსა : შნსს ხატისა შენისასა
სმდვლ (?). სამადავლ(ეს?).

3. ოქროს ხატი წ-ა გიორგისა, ლამაზი ხელობისა, მაგრამ ფრიად დაზიანებული,

ნაჭედი, 12X8,5 სანტ. წმიდანი წარმოდგენილია სრულის ტანით; მარცხენა ხელი
ფარზე აქვს დადებული. აშიები ვარსკვლავების მსგავსად არის შემკობილი; მარცხენა
აშია მოძარცულია; ხატი დაზარალებულია (იქვე, №17239). ხელობა ლამაზია, მე-12-13
საუკ. ქვემოდ შერყვნილი წარწერაა:
ქ წო გֿი მეოხ ეყავ
მოსავსა შენსა გֿის (?)
უკანასკნელი სიტყვა წაბღალულია და მისი კითხვა საეჭვოა.

4. პატარა ხატი იოანე ღვთის მეტყველისა, სრულის ტანით წარმოდგენილი,

ვერცხლისა, ნაჭედი, 10X7 სანტ. მოტლანქო ხელობისა; აშიები მოოქრულია და
უკეთესი ხელობის არის (იქვე, №17239).

5. ცული საომარი, ფოლადისა, ოქროს ჭდეებით შემკობილი; ყურის თავში ორივე

მხრით მხეცის გამოსახულობა არის, ვგონებ, ვეფხისა; სიმაღლე ცულისა 21 სანტ. განი
ბოლოსი – 25 სანტ. ეს ცული საუცხოო რამაა თავის დარგში და მე პირველად მხვდება
სვანეთში. ეს ეკლესიაში როდი აქვთ დაცული, არამედ დაკიდულია გარედ, კარების
შესავალთან. გადმოღებულია დიდ ჯვართან ერთად (იხ. №17238). ტარი არა აქვს. ეს
ცული უნდა იყოს ხელისუფალთა წინ სატარებელი.

6. ბუკი ანუ საყვირი, დიდი, სპილენძისა, ჩვეულებრივი.

მეორე ეკლესია სოფელ იელში არის ეკლესია იოანე წინამორბედისა. ეკლესია
ძველია, ქვისაგან აშენებული, ჩვეულებრივი რიგისა. კანკელი ქვემოთ ქვისაგან არის
აგებული, ზემოდ ხისაგან, სამი კამარით. ამ ეკლესიაში არის დაცული:

1. ხატი მაცხოვრისა, ოქროთი დაფერილი ვერცხლისა, ნაჭედი, 42X30 სანტ.

დაზარალებულია (№17248). მაცხოვარი ტახტზე მჯდომარეა, ჩვეულებრივის პოზით
და მუთაქით. ნიმბი დიდი ჯვარის სახისა; წარწერა სახელის ბერძნულია, მაგრამ ასო
ორივე შემთხვევაში შებრუნებულია. ტახტი მოჩუქურთმებულია. აშიები ორმაგი
ბროწეულის ყვავილების მსგავსად შემკობილი; ქვემოდ აშია მოძარცულია. ზემო
აშიაზე ვედრებაა წარმოდგენილი; მარჯვნივ და მარცხნივ ღვთის მშობელი და იოანე,
სრულის ტანით. იოანეს ფიგურა მოშლილია. ხელობა ტლანქია მიბაძვა კარგი დროის
ხატისა, მაგრამ არა მიზან-მიღწეული. მე-17 საუკ. უნდა იყოს.

2. ხატი პატარა, ღვთის მშობლისა, ჩჩვილედი, წელსზევითი, ოქროსი, 14X11

სანტ. კარგი ხელობისა; წარწერა სახელისა ბერძნულია; ქვემოდ წარწერა აქვს (№
17250):
ყ-ლდ : წმდო : ღმრთს : მშბ-ლო : და : მც
მეოხ ექმენ რატს ძითურთ, ამინ.
ესე იგი: ყოვლად წმიდაო ღმრთის მშობელო და მაცხოვარო, მეოხ ექმენ რატის
ძითურთ, ამინ.
2ბ. ამავე ფოტოგრაფიაზე, ზემოდ, მარჯვნივ არის ხატი პატარა, ვერცხლისა,
წელსზევითი წმიდანისა; სახელი არ უწერია; ხელები გულზე აქვს გაშლილი
ვედრებისათვის. ხელობა კარგია.

3. ხატი პატარა, ღვთის მშობლისა, ჩჩვილედი, 10X8 სანტ. ყოფილა ფერადის

წამლით დახატული, მაგრამ ფერადები გადასულია; აშიები და ნიმბი ოქროსია,
წნული და ფრიად ლამაზი ხელობისა, მე-12-13 საუკ. ხოლო ქვემო აშია შემდეგი
დროისაა, ლურსმული, ვერცხლისა. წარწერა სახელისა ბერძნულია. ამ ხატის მეორე
გვერდის წარწერა ჩვენ ცალკე ვიპოვეთ, ოქროს ფირფიტაზე და იკითხება ასე:

ქ, ჴელთ ა ჴელთა აღ-

ღვიპყრობ : შე ვიპყრობ შენ-
ნდა მომართ წ-ო : ღ-ჲს და მომართ წმიდაო ღმრთის
[მ]შჳბელო (sic) და ჴელთა (მ)შუბელო, და ჴელთა
შენთა : რ-ლი გიტჳრთა შენითა რომელი გიტჳრთა-
ვს : მსდა მიმრთ მეჳხ ვს მისდა მიმართ მეუხ(sic).
მეყავ : მამკობსა მეყავ მამკობსა
შენსა : მჴეც შენსა მჴეცის-
ის : ძესა : ძესა .

4. ხატი მაცხოვრისა 24X19 სანტ. ყოფილა ფერადებით დახატული, მაგრამ

ფერადები გადასულია. ნიმბი დიდი ბალახის მსგავსად შემკობილია; აშიები რომბ-
ლურსმულია წ-თა მედალიონები ტლანქი ხელობისა (№17249). ქვემოდ მოსჩანს
ნაშთი ხუცურის წარწერისა, რომელიც აღარ იკითხება.

5. ხატი მაცხოვრისა, ტახტოსნისა, ვერცხლისა, 22X15 სანტ. ბერძნული წარწერით

სახელისა; აშიები ფოლაქებისა მსგავსად არის შემკობილი; ტლანქი ხელობისაა
(იქვე,№17249).

6. ხატი მთავარ ანგელოზ მიქაელისა, წ-ჲ მქლ, ვერცხლისა, ნაჭედი, 21X16 სანტ.
მთავარ ანგელოზი სრულის ტანით არის წარმოდგენილი, ბიზანტიურ საკარო
ტანისამოსში, ლაბარუმით და ბურთით; აშიები ლამაზი ბალახოვანი, მე-16 საუკ.
უნდა იყოს, (იქვე,№17249).

7. ხატი მთავარ ანგელოზ გაბრიელისა, ვერცხლისა, ნაჭედი, 22X18 სანტ. ასეთივე

ხელობისა და რიგისა, როგორც წინა ხატი (№17250).

8. ხატი წ-ა გიორგისა, ვერცხლისა, ნაჭედი, 24X19 სანტ. წმიდანი ფეხოსანია,

შუბით და ფარით. ეზო შემკობილია რომბ-ლურსმული მორთულობით; წარწერა: წ-ჲ
გ-ი. ტლანქი ხელობისაა (№17249).

9. პატარა ვერცხლის ხატი ღვთის მშობლისა ჩჩვილედი, 11X8 სანტ.

დაზიანებულია, მაგრამ არა ცუდი ხელობის ყოფილა (№17237).

10. პატარა ხატი მთავარ ანგელოზ მიქაელისა, მ-ქლ, ვერცხლისა, ტლანქი

ხელობისა. ეს წინად ალბად ჯვარის ფირფიტას შეადგენდა (№17237). მეორე გვერდზე
წარწერა აქვს, მაგრამ ეს ამ ხატს არ ეკუთვნის, არამედ სხვა წ-ა გიორგის ხატს. წარწერა
(იქვე,№ 17237) იკითხება ასე:

ქ : წ-ო : გ-ი : ზღ წმიდაო გიორგი ზღუდ-

 დრისა : მეო რისაო, მეოხ
ხ : მქმნ : მკბსა მექმენ მამკობსა
შ-ნსა : ჯონა შენსა ჯონარ-
რსი : ასათი სი ასათი-
ანსა : ანსა.

11. ხატი წამლით დახატული მაცხოვრისა, წარწერით: წ-ჲ იესო, სახარებით ხელში,
რომელზედაც აწერია: მე ვარ ნათელი სოფლისა. . . ახალი ხელობა არის.

12. წამლით დახატული ხატი წ-ა გიორგისა, 52X38 სანტ. დახატულია ხეზე; არა
ცუდი ხელობისა, მე-18 საუკ.

13. პატარა, ღვთის მშობლის ხატი, ვერცხლისა, ნაჭედი, 11X9 სანტ. წარწერით: დ-ჲ
ღֿჲ.

14. ვერცხლის ფირფიტა, რომელიც დიდი ჯვარის შესაძერწად ყოფილა

გამზადებული და რომელზედაც წარმოდგენილნი არიან ფიგურები: მაცხოვრისა
(სამი), ღვთის მშობლისა (ოთხი), წ-ა გიორგისა და სხვა. ტლანქი ხელობისაა.

15. დოქი, ფართო, ლამაზი, სპილენძისა, 25 სანტ. სიმაღლით, ორის

მოჩუქურთმებულის სახელურით და ვიწრო ყელით. ორივე მხრით შემკობილია
ნაჭედი მორთულობით, სტილიზაციით მცენარეთა და შიგ მონავარდე ცხოველთა
ფიგურებით. (№17251).

16. საგალობელნი, დასდებელნი და ძლისპირნი ღვთის მშობლისანი; ხელნაწერი

ეტრატზე, მე-11 საუკ. ნაწერია ნუსხა ხუცურით. დაზიანებულია. დაცულია სულ 41
რვეული; რვეულში 8 ფურცელია. ტექსტი არ არის ერთის ხელით ნაწერი; მასში სულ
ცოტა, ორი სხვა და სხვა ხელი გაირჩევა. ტექსტის ხელით მინაწერნი:

დ-ბჲ შ-ნდა სამებაო წ-ო ძალითა ქე-სითა განსრულდეს

წელიწადისა თავნი.
წ-ნო მ-წმნო მეოხ ეყვენით ს-ლსა : მ-მისა : მქ-ლისა : და
ს-ლსა : კე-სსა : და ს- ლსა : ჲვანესა : და ს- ლსა ზ-ქრსა :
წ-ე ღ-თისა : ა-ნ:.
მეორე ადგილას:
ს ხლითა ღ-თისაჲთა განსროჳლდეს ძლისპირნი და ღ-თის
-

მშობლისანი : წ-ო ღ-თის მშობელ მეოხ ეყავ სლსა

მ-ქლისა სლსა კ-ესა . მოძღჳართა და მზდელთა ჩემთასა.
ქ-ე შ-ე ს-ლი ზქ-რსი მწერალისა ამ-ნ.

17. საგალობელნი, ხელნაწერი, 24X16 სნტ. ქაღალდზე; ნუსხა ხუცურით, ერთ

სვეტად, თავი და ბოლო აკლია; ხელი მე-17 საუკუნის არის.
 18. ჟამის წირვა, ხელნაწერი ქაღალდზე; თავი და ბოლო აკლია; ისედაც სულ
დაშლილია; მე-18 საუკ.
შენიშვნა: ჩვენს დროში იელში მარტო ეს ხელნაწერები იყო, ხოლო ალ.
ხახანაშვილი იქ ნახულ ხელნაწერებს ასე მოკლედ აღნიშნავს:
1) საგალობელნი ეტრატზე მე-13-14 საუკ. 2) ეტრატის გრაგნილი ჟამის წირვისა იმ
განსხვავებით, რომ მასში არ არის: კათაკმეველნო უფლისა მიმართ ვილოცოთ, 3)
კრებული ლოცვათა ნაკლულოვანი, პალიმფსესტი; ეტყობა აბონოსათვის (?), 4)
სახარება ნაკლულოვანი, ეტრატზე in 8, მე-12 –13 საუკ. (იხ. ხახანაშვილი, გვ. 23).
მესამე ეკლესია იელის საზოგადოებისა არის წმინდა კვირიკეს ეკლესია. ეკლესია
ნატეხი ქვითაა აშენებული, ჩვეულებრივია; აღმოსავლეთის კედელი ორი მოჭრილი
ჯვარით და პასკებით არის შემკობილი. კანკელი ქვისაა, სამი კამარით. ამ ეკლესიაში
ჩვენ ვნახეთ:

1. დიდი ხის ჯვარი, კანკელის წინ დამყარებული, ქვის კვარცხლბეკზე;

შეძერწილია ოქროთი დაფერილი ვერცხლის ფირფიტებით, კარგი ხელობისა. მათზე
წარმოდგენილნი არიან: ზემოდ მთავარ ანგელოზი და მაცხოვარი, სრულის ტანით;
ქვემოდ: მთავარ ანგელოზნი, წელსზევითნი, და მოციქულნი; შემდეგ კიდევ: მთავარ
ანგელოზნი და მოციქულნი და სხვა.

2. ხატი მაცხოვრისა, ოქროთ დაფერილი ვერცხლისა; ხელობა საკმაოდ კარგია,

მაგრამ ერთობ დაზიანებულია.
მეოთხე ეკლესია იელის სოფლისა არის ეკლესია მაცხოვრისა. ეს შტატის ეკლესია
არის. იგი თლილის ქვისაგან არის აშენებული, მაშინ როდესაც ყველა სხვა ეკლესიები
ამ სოფლისა უბრალო, მოტეხილი ფილაქანის ქვისაგან არიან ნაშენნი. ბაზილიკური
რიგისაა. წინეთ ჰქონებია ეკვტერები სამის მხრით, რომელნიც ეხლა სულ მოშლილია.
საკურთხეველი გარედ გამოდის სამ დიდ წახნაგოვანად. შესავალი აქვს მარტო
დასავლეთიდან; ფანჯარა აღმოსავლეთიდან და დასავლეთიდან. კანკელი ქვისაა,
სამი დიდი კამარით. სვეტებს აღსავალი კარისას აქვს ოთხკუთხედი თავები.
თითოეულ წახნაგში სვეტის თავისა არის ამოჭრილი ნახვრეტი და შიგ ჩასმული ხის
სასანთლე. ეკლესია სულ მოხატული ყოფილა, მაგრამ მხატვრობიდან ბევრი აღარ
დარჩენილა. საკურთხეველში კიდევ კარგად ემჩნევა მაცხოვარი და ეკლესიათა
მამები. ეკლესიაში მოიპოვება:

1. ხატი მაცხოვრისა, ვერცხლისა, გამობერვით განჭედილი, ლამაზი ხელობისა,

34X26 სანტ. (№172326). მაცხოვარი ტახტზე ზის მუთაქით, მარჯვენა ხელით
აკურთხებს, მარცხენა დაუდვია სახარებაზე, რომელიც მარცხენა მუხლზე უძევს. ყდა
სახარებისა ვარსკვლავის მსგავსად არის შემკობილი, ჯვარით შუაში. ტახტი
მოჩუქურთმებულია. ნიმბი ჯვარის სახისა არის. წარწერა სახელისა: ქჲ-ო ქ-ე. აშიები
რომბ-ლურსმულია; მარცხენა და ქვემო ნაწილი მოძარცულია; სხვებზე ოთხი
მრგვალი მედალიონია. ზემოდ ვედრება, მარჯვენაზე ორი მოციქული. ხატი მე-14
საუკ. უნდა იყოს. ქვემოდ, ორივე მხარეს უწერია:

მო-ჭა მოიჭედა
ხატი ხატი
 ესე ესე
ჴე-თა ჴელითა
თ-ე თეოდორე
გლავას გლავას-
ძი-ჲა . ძისაჲთა.

2. ხატი მაცხოვრისა, ოქროთი დაფერილი ვერცხლისა, ნაჭედი, უკეთესი

ხელობისა, ვიდრე წინა ხატი, 27X17 სანტ. (იქვე, № 17226). მაცხოვარი ტახტზე ზის,
მუთაქით, მაკურთხეველის მარჯვენით და სახარებით; წარწერა ბერძნული აქვს.
ტახტი მოჩუქურთმებულია. კიდევ უფრო ლამაზად და ორიგინალურად
მოჩუქურთმებულია აშიები, რომლებშიაც წ-თა მედალიონებია; ზემოდ ვედრებაა,
მაგრამ, შუაში, მაცხოვრის მაგიერ ტახტის შემზადებაა წარმოდგენილი, წარწერით: ძ-
ლი ჭ-ტი. (ეს ჯვარი ორივეს მხარეს სწერია). მარცხნივ: დ-ჲ ღ-თსაჲ, ხოლო მარჯვნივ
იოანე. ქვემოდ, შუაში წ-ა თ-ე; მარჯვნივ ყოფილა წ-ი დ-ი, მაგრამ მოშლილია; აქეთ-
იქით, გვერდებზე: პეტრე და პავლე: წ-ი პ-ე. ხატი უნდა იყოს მე-13-14 საუკუნისა.

3. ხატი კარედი ვედრებისა, 12,5X10 სანტ. სურათები ყოფილა წამლით

დახატული, მაგრამ ეხლა მოშლილია; მორთულობა ოქროსია (№17240). კარებზე,
გარედან წარმოდგენილნი არიან პეტრე და პავლე. შიგნით, შუაში მაცხოვარი
წელსზევითი, ბერძნულის წარწერით, კარებზე, შიგნით: დედა ღთსა და ი-ნე
ნათლისმცემელი. ეზო ბალახოვანი შემკობილობისა არის, არა უგვიანეს მე-15-16
საუკუნისა. მეორე გვერდზე წარწერა, ირგვლივ თორმეტ-ფრთიანი ჯვარისა (№17252):

ქ მაცხოვარო და მაცხოვარო და
დედაო ღმ დედაო ღმრთი-
თისაო დ ნათლის საო და ნათელის
მ ცე მცე-
მლო წმდნო პეტრ მელო, წმიდანო პეტ-
ე დ პვლე მეოხ დ რე და პავლე, მეოხ და
მფარ ვლ მ მფარველ მე-
ეყვ მმკბს შენა იო ყავ მამკობსა შენსა იო-
ვნს თუთსა შვ ვანეს, თუთასა, სვილ-
ლსა ჩმს ივნეს. სა ჩემსა ივანეს.

4. ხატი წ-სა ბარბარესი, ოქროთი დაფერილის ვერცხლისა, ნაჭედი, 17X14 სანტ.

წმიდანი წარმოდგენილია წელს ზევით, ჯვარით მარჯვენა ხელში, სავედრებელად
გამზადებულის მარცხენა ხელით; ნიმბის აქეთ-იქით წარწერაა: წ-ჲ ბ-ბრა. აშიები
შემკობილია ბროწეულის ყვავილების მსგავსად და მედალიონებით, რომლებშიც
წარმოდგენილნი არიან: ზემოდ ვედრება, აქეთ-იქით: წ-ჲ გ-ი, წ-ჲ დ-ი; დაბლა: კოზმან
და დამიანე, და კიდევ ერთი წმიდანი. ყველა სურათები წელსზევითია და კარგად
გამოხატული. არა უგვიანეს მე-14 საუკ. (№17240).

5. ხატი ღვთის მშობლისა ჩჩვილედი, ვერცხლისა, ნაჭედი, 1ხ14,5 სანტ. ღვთის

მშობელი ტახტზე მჯდომარეა, დიდის ნიმბით. თავსაბური ღვთის მშობლისა
ჩამოგრძელებულია კისრამდის არა ჩვეულებრივად. ფიგურა მოტლანქოა. წარწერა
დიდრონის ასოებით: წ-ი დ-ი სმ-ლი(?)ქსი (= წმიდაი დადაი ღვთის მშობელი
ქრისტესი). აშიები ბროწეულის ყვავილების მსგავსად არის შემკობილი და უძველესი
უნდა იყოს ხატისა; თვით ხატი მე-16-17 საუკ. (№17223). მეორე გვერდზე რვა-
ფრთიანი ჯვარის ირგვლივ წარწერაა (№17253):

ქ დედაო : დედაო
ღმთის ღმრთისა
აო : მეოხ დ :. მფრველ :. ო, მეოხ და მფარველ
გექმნ: აბჳგი გუექმენ აბუგი-
ანსა : ნგრგს :მეჳღლესა : ჩე
ანსა ნაგარგის (?), მეუღლესა ჩემ
მსა :. ალნათს დ შვილთა : ჩვ სა ალნათს და შვილთა ჩვენ-
თა : ნან თა ნან
. . . ირზ . . . . ირზ.

6. ხატი ღვთის მშობლისა, ჩჩვილედი, ვერცხლისა; წარწერა სახელისა ბერძნულია;

ტლანქი ხელობისაა.

7. საცეცხლური ბრინჯაოსი, ძველი, სირიული რიგისა; ზედ გამოქანდაკებულია

სცენები სახარებიდან (№17227).

8. პატარა, ძველი ზარი (იქვე №17227).

9. ბრინჯაოს ცული, კელტის ტიპისა, დიდი; ამოღებულია უთუოდ ძველი

საფლავიდან, (იქვე №17227).

სოფელი ადიში.

სოფელ ადიშში, როგორც მოვიხსენიეთ, ჩვენ არ ვყოფილვართ, მაგრამ იქ

ცნობილია ორი ეკლესია. ერთი მაცხოვრისა, შიგ სოფელში, მეორე წმიდის გიორგისა
მაღლობზე, ამის მახლობლად, მდინარე ადიშ-ჭალის მაღალ კლდოვან ნაპირზედ.
ბარტოლომეის აჩვენეს ნანგრევები ალექსანდრე მეფის ციხე-დაბარზისა და უთხრეს:
ალექსანდრე მეფე ყოველ ზაფხულს მოდიოდა აქ, ჰკრებდა ბეგარას და მიდიოდა სხვა
მის სამფლობელოებშიო. ეს სასახლე სხვა აქაურ ციხე-კოშკებიდან მხოლოდ ფართო
სარკმელებით განირჩევაო, – დასძენს ბარტოლომეი. საზოგადოთ, ბარტოლომეის
სიტყვით, სვანებს შენახული აქვთ გარდმო ცემა მარტო ორს მეფეზე: თამარზე და
ალექსანდრეზე. თამარით გამოსახავენ თავის კეთილდღეობას, ალექსანდრეთი –
შევიწროებას. გრაფინია უვაროვისა უფრო გარკვევით ამბობს: „გადმოცემით, ამ ციხე-
კოშკში ცხოვრობდა კახეთის მეფე ალექსანდრეო, რომლის ქალი იგუმენიათ (დედათა
მამასახლისად) იყო კალას კვირიკე და ივლიტას მონასტერში“-ო. (გვ. 38). თუ მართლა
ამ ლეგენდას აქვს რაიმე რეალური საფუძველი, ეს უნდა ყოფილიყო კახეთის მეფე.
კახეთის მეფეზე ეს თქმულება გადაიტანეს ალბათ იმის გამო, რომ კახეთის მეფემ
ალექსანდრე მეორემ გაამდიდრა სვანეთის ეკლესიები თავის შეწირული ზარებით.
ერთ-ერთი ასეთი ზარი ადიშის ეკლესიაშიც მოიპოვება და მისი ასომთავრული
წარწერა გადმოღებეული აქვს ბარტოლომეის (იხ. ტაბ. III, №33) და იკითხება ასე:
„ჩვენ მეფემან პატრონმან ალექსანდრე
შევსწირეთ სვანეთის ადიშის ტაძარს ზარი
ესე ჩვენთვის სადღეგრძელოდ, გასამარჯვებე
ლად და ცოდვათა ჩვენთა შესანდობელად, ამინ. “.
თქმულება მეფის ასულის დედათა მონასტრის იღუმენიად ყოფნის შესახებ
მართალი უნდა იყოს, ვინაიდან რამოდენიმე წარწერა იხსენიებს მონაზონს მეფის
ასულს თეკლას (იხ. ზემოდ წვირმის მაცხოვრის ეკლესიის ნივთების აღწერა №8).
მაცხოვრის ეკლესიის დიდს კანკელის საწინავე ჯვარზე ადიშში ბარტოლომეის
შეუნიშნავს და გადმოუღია ასომთავრული წარწერა (იხილე ტაბ. III, №32), მაგრამ
მეორე სტრიქონი წარწერისა ვერ არის ჯეროვანად გადმოღებული, ყოველ
შემთხვევაში, ბროსსეს წაკითხვა ამ სტრიქონისა მცდარია (იქვე, ბარტოლომეი, გვ.
233, №13). ჩვენ ამ წარწერას შეუმოკლებლად ასე ვკითხულობთ:
„ქ. წმიდაო თევდორე, მეოჴ ეყავ წინაშე
ქრისტესა ლიპარტიანის ძესა, ამინ.“
ერთს დაზიანებულს წარწერაში სოფელ ცხუმარის ეკლესიისა, რომელიც
აღწერილია ჩვენს მიერ, მე-5 ნომრით ხსენებული ეკლესიის ნივთებისა, იხსენიება
ოქრო-მჭედელი გიორგი ლიპარტის ძე. იქნებ, იგივე ოქრომჭედელი იხსენიებოდეს ამ
წარწერაშიც.
გრაფინია უვაროვისა უჩვენებს ადიშის მაცხოვრის ეკლესიაში, გარდა ამ ჯვარისა,
ზარისა და ცნობილის ადიშის სახარებისა, ორს ნაჭედს ხატს მაცხოვრისას, ნაკლები
ღირსებისა, ვედრების ღვთის მშობლის ხატს, წამლით დახატულს, მაგრამ ფერადებ
გადასულს, მშვენიერის ოქროს მორთულობით და წმიდათა ფიგურებით აშიებზე, და
სანახევროდ დაკარგულის ნაჭედის წარწერით. ამას გარდა იქ ყოფილა კიდევ სამი,
წამლით დახატული ხატი უვარგისი ხელობისა (იხ. უვაროვისა, გვ. 174).
სამწუხაროდ, არც ერთი ხატის სურათი მას არ მოჰყავს. და არც ის ვიცით, რას შეიცავს
ის ნაკლული წარწერა ღვთის მშობლის ხატისა. განსვენებულს გიორგი ნიკოლაძეს
ჰქონდა, როგორც ვიცით, გადმოღებული ეს ხატები, მაგრამ ჩვენ მისი ფოტოგრაფიები
არა გვაქვს.

სოფელი ნაკიფარი.

ნაკიფარი იელის ქვემოდ ძევს, მაღლობზე გაშენებული და ერთი საუკეთესო

სოფელია იფარის თემისა. აქ არის კანცელარია და სკოლა. ძველი ეკლესიაც ამ
სოფლისა, რომლის ირგვლივ გაშენებულია სოფელი, ერთი საუკეთესოთაგანია
სვანეთში. საზოგადო სახე ამ სოფლისა და მის გვერდით მდებარე ბოგრეშისა კარგად
მოსჩანს ჩვენს ფოტოგრაფიებზე, რომელნიც სოფელ წვირმიდან არიან გადაღებულნი
(იხილ.№17475 და 17483). ახლობელი სახე ორი კოშკისა და სხვა შენობათა იხ. ფოტ. №
17483. ამ ფოტოგრაფიაზე მოსჩანს აგრეთვე ახალი გუმბათიანი მონასტერი,
გაშენებული ბერი თეოფანეს მიერ, ზემოდ, ტყით შემოსილ მთაზე, პირისპირ ამ
სოფლისა; ბერი თეოფანე ჩემი მოგზაურობის დროს კიდევ ცოცხალი იყო, ხოლო
სულ დასაპყრებული.
ეკლესია ნაკიპარისა წმიდის გიორგის სახელზეა აშენებული თლილის ქვისაგან
(№17482). ეს არის ჩვეულებრივი სვანური ბაზილიკის რიგის ეკლესია, რომელსაც
სამი მხრით მიშენებული აქვს ეკვეტრები. ეკვტერები გაერთიანებული არიან და
ახდენენ შთაბეჭდილებას გალერეისა, რომელიც ეკლესიას უვლის სამხრეთით,
დასავლეთით და ჩრდილოეთით. შესავალი აქვს ეკლესიას და ეკვტერებს
დასავლეთით და სამხრეთით; ფანჯრები, თითო აღმოსავლეთით, დასავლეთით და
სამხრეთით. (გეგმა მისი იხ. გრ. უვაროვისა, გვ. 68).
გრაფინია უვაროვის აზრით, ჩრდილოეთის ეკვტერი შემდეგ არის მიშენებული.
ჩვენი აზრით, ყველა ეკვტერები ერთად არის მიშენებული, მაგრამ დიდი ხნის შემდეგ
ეკლესიის აშენებისა. ნათალი ქვები ეკლესიისა უკეთესია, ვიდრე ეკვტერებისა. ამას
გარდა, აღმოსავლეთით ეკვტერებს არავითარი შემკობილობა არა აქვს, ხოლო თვით
ეკლესიის აღმოსავლეთის კედელი არა მომრგვალებით, არამედ ბრტყლად გამოსული
გარედ, არის შემკობილი, თუმცა არა მდიდრულად. ეს კედელი ოთხი ფართო
პილიასტრის საშუალებით, რომელნიც საძირკვლამდის არ ჩამოდიან, გაყოფილია სამ
კამარად. შუა კამარაში ვიწრო ფანჯარაა; მის ზემოდ ირმის თავის ქანდაკებაა;
მარცხენა კამარაში არის სახეები ლომისა ან ვეფხისა და ცხვრის თავი; ზემოდ,
კარნიზი ეკლესიისა შემკობილია წამლით დახატული წმიდათა თავების ფიგურებით.
ნიმბები ამ თავების გრაფ. უვაროვისას მიუღია ვარსკვლავის მსგავს შემკობილებად
კარნიზისა (გვ. 68). წამლით დახატული ფიგურებით წმიდათა არა თუ ამ მხარეს
არის, არამედ ყველა მხარეს ეკლესიისა, ზემო ნაწილში, სახურავის ქვეშ. სახე
ეკლესიისა იხ. ფოტ. №17482 და უვაროვისა ტაბ. XIV, 24. ეკლესია დახურულია
ყავრით.
კანკელი ქვისაა, მაღალი, სამი კამარით და ოთხი მისი პატარა სვეტით; სვეტის
თავები ლამაზებია. თაღი ეკლესიისა დამყარებულია ორ სარტყელზე; ამათში ერთი
დიდია, მეორე პატარა და ეს უწევს მარტო თაღის დასაწყისამდის.
შიგნით კედლები სულ მოხატული ყოფილა; ეხლა მხატვრობა დაზიანებულია,
მაგრამ საზოგადოთ, საკმაოდ დაცული.
საკურთხეველის კონქში კარგად მოსჩანს იესო ქრისტე, მშვენიერად მორთულ
ტახტზე, წინამდგომებითურთ; ქვემოდ: ეკლესიის მამებია. დასავლეთის კედელზე
არის სცენები წ-ა გიორგის წვალებიდან, ურმის თვალზე დაკვრა და სხვა,
დიოკლეტიანე მეფის თანდასწრებით, რომელიც ტახტხზე ზის. ჩრდილოეთის
კედელზე ნათლისღებაა; მის ქვემოდ: წ-ა გიორგი და წ-ა თეოდორე, ცხენოსანნი.
ეკლესიაში დაცულია:

1. ხატი წ-ა გიორგისა, ოქროთი დაფერილი ვერცხლისა, ძლიერის გამობერვით

ნაჭედი, 50X40,5 სანტ. (იხ. №17254). მთავარ მოწამე წარმოდგენილია ცხენით. ცხენი
კარგი ჯიშისაა, მაგრამ მისი მორთულობა არ არის მდიდრული. თვით წ¯ა გიორგი
მდიდრულად მორთულ ჯავშანშია, რომლის ზემოდ მოსასხამი აქვს. ეს მოსასხამი
ფართოდ იშლება მის ზურგს უკან ჰაერში. ფეხზე მაღალი წაღები აცვია. თმა
ხუჭუჭებად აქვს დაყოფილი. წრე სიწმიდისა, თავის ირგვლივ, გრეხილიანია.
მხედარი შუბით გმირავს დეოკლეტიანე მეფეს, რომლის ჩაცმულობა ისეთივეა,
როგორც წ¯ა გიორგისა, ხოლო მას მოსასხამი არა აქვს და თავზე ძვირფასი თვლებით
შემკობილი გვირგვინი ახურავს არშაკიდთა მეფეების რიგისა. აქვე მიწაზე
გაშხვართულ მეფესთან ძევს მისი მრგვალი ფარი და მოგრძო ხმალი, რომელიც
ხელიდან გავარდნია. მეფის თავთან წარწერაა:

დეოკლიტი / ანე : მეფე : / უშჯულო .

მეფის ზემოდ მეორე წარწერა:
ქ მოიჭედა : ხატი : ესე : წიდისა : გ¯ჲსა : იფარისა : ჩმ
გნ : მარუშის : მიერ : სალოცველად : და : სახსრა
დ : სლისა : ჩემ¯სა : დ-ღესა : მას : განკითხვისასა :
ჩემითა ოქრ ოითა : და : ვერცხლი
თა : –
დეოკლეტიანეს ფეხების ქვემოდ გაგრძელება ამ წარწერისა :
ჴელითა : / ასან / : ოქრო / მჭედლისაი / თა :.
ფართო აშიები გარშემო შემკობილია ბალახოვანი მორთულობით და მრგვალი
მედალიონებით წმიდათა ზემოდ: მაცხოვარი მთავარ ანგელოზებითურთ; ქვემოდ: წ-
ჲ დიმიტრი, წ-ჲ თ-ე, წ-ჲ კ-ე (კვირიკე); აქეთ-იქით: წ-ჲ ბასილი, წ-ჲ გრიგოლი. ხელობა
მედალიონებისა და აშიებისა ვერ არის მაინცდამაინც ლამაზი. ხატი უნდა
ეკუთვნოდეს მე-14 საუკუნეს.

2. ხატი წ-ა გიორგისა, ოქროთი დაფერილი ვერცხლისა, ნაჭედი, 41X33,5 სანტ. წ-ა
გიორგი ცხენით არის წარმოდგენილი, ისეთივე ჩაცმულობით, როგორც წინა ხატი,
შუბით გმირავს გვირგვინოსანს, რომლის ფეხებისაკენ ფარი ძევს. ხელობა ტლანქია;
დაცულიც ცუდათ არის; ქვემო და ზემო აშია აკლია; მარჯვენა აშიის ცოტა ზემო
ნაწილია დარჩენილი; პირის სახე გიორგისა და ქვემო ნაწილი ხატისა მოწყვეტილია;
მარცხენა დაცულია. აშია ბალახოვანია და მასში ერთი მედალიონია წმიდანისა,
ტლანქი. ასეთივეა ზემოდ კუთხეში მთავარ ანგელოზის მედალიონიც. წარწერა
სახელისა: წ-ჲ გ-ი. ქვემოდ ვულგარული ხუცურით სწერია:
მოიჭედა : ჴელითა : ასნ : გელოსით[ა]
ესე იგი: „მოიჭედა ხელითა ასან გელოვანისითა“. რასაკვირველია, ეს ის ასანი არ
არის, რომელიც წინა ხატის წარწერაში იხსენიება, მაგრამ უეჭველია, ეს ხატი წინა
ხატის მიბაძვით არის განჭედილი, ხელოვნების დაცემის ხანაში. ხატი მე-17 საუკუნის
უნდა იყოს. (№17256).

3. ხატი წ-ა გიორგისა, ოქროთი დაფერილი ვერცხლისა. ნაჭედი, 56,5X43,5 სანტ.

ქვემო ნაწილზე ხატისა წარმოდგენილია მთავარ მოწამე ცხენით, რომელიც კაცს
გმირავს შუბით. ზემოდ ვედრებაა სამს მედალიონში განაწილებული; მოგრძო და
ზემოთ მომრგვალებულ მედალიონში: ქრისტე წელსზევითი, წარწერით: ი-ჳ ქ-ე.
აქეთ-იქით, მრგვალ მედალიონებში: ღვთის მშობელი და იოანე ნათლის მცემელი,
წარწერებით: ქ დდ-ჲ ღ-ჲ წ-ჲ ნე. აშიები ბალახოვანი შემკობილობით არის მოცული,
ტლანქი ფიგურები წმიდათა; მათ შორის სამი ფიგურა მაცხოვრისა არის, ტახტოსანი;
ხუთი წმიდათა მხედართა; ქვემო აშია აკლია; ქვემოდ: ვულგარული ხუცურით
ვკითხულობთ:
 წ-ო გ-ჲ ჲფარსო წმიდაო გიორგი იფარისაო,
შ-ე ფაჯნ შეიწყალე ფარიჯანიანი (?)
და მეფენჲ ან. და მეფენი. ამინ.

ხელობა ტლანქია და უნდა ეკუთვნოდეს მე-17-18 საუკუნეს (№17258).

4. ხატი წ-ა გიორგისა, ოქროთი დაფერილი ვერცხლისა, ნაჭედი, 55,5X43 სანტ.

წმიდანი ფეხოსანია. სრულის ტანით, აბჯარით და მოსასხამით; მარჯვენა ხელში
შუბი უჭირავს, მარცხენა ფარზე დაუდვია. თმები ხუჭუჭებად აქვს დაწყობილი; წრე
თავისა დიდია, გრეხილიანი, წარწერა: წ-ჲ გ-ჲ აშიები ფართოა, რომბ-ლურსმული,
ოთხკუთხედი მედალიონებით წმიდათა. ზემოდ ვედრება; აქეთ-იქით: წ-ჲ პვლე, წ- ჲ
მათე; ქემოდ: წ-ჲ ანდრია, წ-ჲ პეტრე და წ-ჲ მარკოზ. ქვემოდ კიდევ წარწერაა:

წ-ჲ : გ-ჲ მეჴეყა წმიდაო გიორგი, მეოხ ეყა-

ვი : სულსა : ბედ ვი სულსა ბე-
ანისასა დანისასა
(დ. ბაქრაძე, გვ. 112).
ბედანი ანუ ბედიანი დადიანების სახელია და გვხვდება მე-13 საუკ. წარწერებში,
მაგრამ ხელობა ხატისა უფრო გვიანია. ამიტომ შესაძლოა აქ საუბარი იყოს იმ
ბედანზე ანუ ბედიანზე, რომელიც მოხსენებულია როგორც მეფე მეგრელიისა
ტრაპიზონის იმპერატორის დავითის წერილში 1495 წლისა ბურგუნდიის დუკის
მიმართ (Brosset, Additions, p. 408).
ხატი უნდა ეკუთვნოდეს მე-15 საუკ. (№17257).

5. ხატი მაცხოვრისა, ვერცხლისა, ნაჭედი, 50X43 სანტ. მაცხოვარი წარმოდგენილია

წელსზევით. მაკურთხეველის მარჯვენით და სახარებით მარცხენა ხელში. დიდი
ჯვარის სახე ნიმბი მოჩუქურთმებულია. ეზო ვაზოვანის მორთულობით არის
შემკობილი. აშიები ორმაგი, ბროწეულის ყვავილების მსგავსად მოკაზმული,
შემკობილია რვა ტლანქი ხელობის მრგვალი მედალიონით წმიდათა. წარწერა
სახელისა: ჲ¯ჳ ქ¯ე. ხატი უნდა ეკუთვნოდეს მე-15 საუკუნეს. (№17255).

6. ხატი მთავარ ანგელოზ მიქაელისა, წელსზევითი, ვერცხლით ნაჭედი, 17X14

სანტ. მთავარ ანგელოზი წარმოდგენილია საზომით მარჯვენა ხელში და ბურთით
მარცხენაში; წარწერა: წ-ჲ მ-ქლ. აშიები ტალღისებური ბალახით და ფოლაქოვანი
შემკობილობით არის მორთული. ზემო აშიაზე სწერია:

ქ. მთვრნგელზ : მეზრჲსა. . .
ქვემოდ მეორე წარწერაა:
ქ . წ-ო მთავარანგელოზ : მეზრჲსა:. შევნდენ
ბერსა : გულბანსა : ამ-ნ.
ესე იგი: „წმიდაო მთავარ ანგელოზო მეზრისა, შევუნდვენ ბერსა გულბანსა (ანუ
გულბიანსა), ამინ“. დ. ბაქრაძეს (გვ. 112). ვერ გაურჩევია სიტყვა „მეზრისა“. ხატი მე-
15-16 საუკ. უნდა იყოს. (№17259).
 7. ხატი მთავარ ანგელოზ მიქაელისა, ვერცხლით ნაჭედი, 27X21 სანტ. წარწერით:
ქ წ ი მ-ქლ. მთავარ ანგელოზი წელსზევითია, ვერცხლის ფირფიტაზე წარმოდგენილი,
-

საზომით და ბურთით; ნიმბი დიდი აქვს (№17259). ხელობა სუსტია, მე-16-17 ს.

8. ოქროთი დაფერილი ფირფიტა მაცხოვრის გამოხატულობით ტახტზე და

წარწერით: ჲ-ჳ ქ-ჱ. 22X18,5 სანტ. მაცხოვარი ფოლაქოვან წრეშია; ეზო სიმრგვალეებით
არის შემკობილი და აშიები ნახევარი სიმრგვალეებით. (№17259). ფრიად ტლანქი
ხელობისაა, მე-18-19 საუკ.

9. სრულიად ასეთივე ფირფიტა, მაგრამ უფრო პატარა, 17,5X10,5 სანტ. (იქვე,

№17259).

10. ვერცხლის პატარ ხატი მთავარ ანგელოზისა, 14X10,5 სანტ. ტლანქი ხელობისა,
(იქვე. № 17259).

11. ხატი წ-ა პავლესი, ვერცხლისა, 15X5 სანტ. წარწერით: წ¯ჲ პ¯ლე. წმიდანი
სრულის ტანით არის წარმოდგენილი და ნიმბით. მე-17 საუკ. უნდა იყოს, (იქვე, №
17259).

12. პატარა ხატი იესო ქრისტესი, რომელსაც ადამი გამოჰყავს ჯოჯოხეთიდან, 5X5
სანტ. კალიდან არის გაკეთებული; ტლანქი ხელობისაა (იქვე, №17259).

13. პერანგი პატარა ხატისა, წ-ა ბარბარესი, ვერცხლისა, შემკობილია რვა ძვირფასი
ქვით და ლამაზის ბროწეულის ყვავილების მსგავსი აშიებით, 23X18 სანტ. მე-13-14
საუკუნისა.

14. სამი დიდი, წამლით დახატული ხატი, ახალი და ტლანქი ადგილობრივი

ხელობისა; მაგალითად: წ-ა გიორგის ხატი ფიცარზე დახატული, ახალგაზრდა
ქალურის სახით და დიდრონის თვალებით, მისამჩნევი იქნებოდა ჩვენთვის ღვთის
მშობლის ხატად, რომ არ ეწეროს: წ-ჲ გ-ი.

15. თასი ოქროსი, პატარა, 10 სანტ. დიამეტრისა; სრულიად სადაა.

16. ათი ვერცხლის, სულ სადა თასი.

17. ორი ვერცხლის სასმისი (კოვშ); ერთი მსხალის მსგავსი სახეებით არის
შემკობილი.

18. ვერცხლის თასი, შემკობილია ზარნიშიანი სახეებით, ზამბახის მსგავსად.

19. ვერცხლის ლამბაქი, მხედრულის წარწერით:

ქ . ეს : ნალბაქი :. გდებუაძი : ქალის : მარიამის : არის :

 შენიშვნა: 1874 წლის მოკლე აღწერილობაში ამ ეკლესიის ჭურჭელი ასეა
აღნუსხული:

ოქროს თასი 39 1/2 მისხალი.

ოთხი ვერცხლის და ფარის ძეწკვები 5 გირვანქა.
ჯამთასი 1 გირვანქა და 17 მისხალი.
ყურიანი ჯამი 93 მისხალი.
ყურიანი ბადია 85 მისხალი.
ბადია 75 მისხალი.
ბადია 73 მისხალი.
ჯამთასი 54 მისხალი.
თასი 48 მისხალი.
ჯამთასი 44 მისხალი.
ჯამთასი 44 ისხალი.
ნალბაქი 42 მისხალი.
ჯამთასი 39 მისხალი.
თასი 35 მისხალი.
თასი 32 მისხალი.
ჯამთასი 31 მისხალი.

20. დ. ბაქრაძე (გვ. 111) და გრაფ. უვაროვისა (გვ. 172) უჩვენებენ ამ ეკლესიის სიაში
კიდევ პატარა ოქროს ხატს წ. გიორგისა, რომელიც წამლით დახატული ყოფილა,
მხოლოდ დარჩენილა ნაწილი შესამოსელისა, წარწერით: წ-ჲ გ-ი ზღდრ. და მეორე
გვერდის ვერცხლის ფირფიტაზე ყოფილა წარწერა:

ქ. ქო : გ-ი : ზჳდრისაო
მეოხ დ მფრველ
გვქმენ : მოსავს
ა : მმკობსა : ხატსა
[შ]ნისასა : ჩენ : მო
[სა]ვთა : შენთა
[დ]დღესა : მას : გნ
[კი]თხვისასა : ამნ
ფრჩხილების ასოები ჩვენგან არის მიმატებული. სწორედ სრულიად ასეთი
პატარა ოქროს ხატი წმიდის გიორგისა, დაზარალებული და ასეთივე წარწერით ჩვენ
ვიპოვეთ წვირმის მაცხოვრის ეკლესიაში, ხოლო იქ წარწერაში სახელი და გვარიც
არის მოხსენებული ხატის შემკობელისა: აჴას ძე ბიბილი (იხ. ზემოდ: წვირმის
ხატების აღწერილობა, №14).

21. დ. ბაქრაძე იხენიებს კიდევ წარწერას ჯვარზე, რომელიც მას გადმოუღია

ხელით, მაგრამ არ იკითხება (იხ. გვ. 111, დამატება № 35).

22. კონდაკი ქაღალდზე, ნუსხა ხუცურის ხელით დაწერილი, მე-17 საუკუნისა.

 23. მეორე კონდაკი, აგრეთვე ქაღალდზე დაწერილი ნუსხა ხუცურით, მე-16
საუკუნისა; თავი და ბოლო აკლია.

24. გალობანი წი-სა ღვთის მშობლისანი, ეტრატზე დაწერილი ნუსხა ხუცურით;

თავი და ბოლო აკლია; სულ გაფუჭებულია.

25. ბარტოლომეიმ ამ ეკლესიაში ნახა ოქროს ხატი ვედრების ღვთის მშობლისა.

ბერძნულის წარწერით ზურგზე და ეს წარწერა გადმოიღო (იხ. გვ. 172, ტაბ. I, №12,
დამატება II, გვ. 226-227). გრაფ. უვაროვისამ ეს ხატი ნახა ბერ თეოფანესთან,
რომელსაც ეს ხატი და ზოგი სხვებიც წაეღო ნაკიპარის ეკლესიიდან (უვაროვისა, გვ.
109). ხატი ლამაზი ნახელავი ყოფილა, შემკობილი მარგალიტებით. ბერძნული
წარწერა სხოლასტიკურის ენითაა დაწერილი; ბარტოლომეის თარგმანში გამოდის,
თითქოს შემკობელი ხატისა იყოს ვიღაც მარიამი (გვ. 173, 227), მაგრამ პამიალოვსკის
წაკითხვით, რომელიც გრაფ. უვაროვისას მოჰყავს (გვ. 109). ხატის შემკობელის
სახელი სრულიად არ იხსენიება. მარიამში ღვთის მშობელი იგულისხმება და არა
შემკობელი. ხატს ბარტოლომეი აკუთვნებს მე-14-15 საუკუნეს. აღსანიშნავია ღვთის
მშობელის სახელი წარწერაში ქართულის ფორმით არის მოყვანილი: „მარიამ“ და არა
ბერძნულის.

26. ამავე თეოფანესთან ყოფილა ხატი წ-ა ბარბარესი, ნაზი ხელობისა. წმიდანი
წარმოდგენილი ყოფილა წელსზევით, გამობერვით, ჯვარით ხელში. აშია შემკობილი
ბროწეულის ყვავილების მსგავსად და რვა მედალიონით (გრაფ. უვაროვისა, გვ. 110).
მესამე ხატი, რომელიც ყოფილა თეოფანე ბერთან, არის მაცხოვრის ხატი, ხუთი
ვერშოკი სიმაღლით, 3 1/2 ვერშოკი განით. როგორც ხატი, ისე აშიები კარგი
ნახელავია. აშიებზე წარმოდგენილია მედალიონებში ფიგურები პეტრე და პავლესი;
ზემოდ ტახტის გამზადება, ქვემოდ: წ¯ა თეოდორე. თავის წრე შემკობილი ყოფილა
ფირუზით. (უაროვისა, გვ. 103).
თეოფანე ბერთან ამას გარდა, ა. ხახანაშვილის ცნობით (გვ. 22-23) ყოფილა
შემდეგი ხელნაწერები:
1) ჟამნი ეტრატზე (?), 508 გვერდი, გადაწერილი 1755 წელს ტფილისში მღვდელ
ნიკოლოზ ჩაჩიკაშვილის მიერ. 2) წმიდათა ცხოვრება, ქაღალდზე, მე-14-15 საუკ.
სხვათა შორის აქ ყოფილა ცხოვრება პეტრე მაიუმელისა; ხელნაწერში იხსენიება
ვიღაც გრიგოლი, ალბათ გადამწერი: „ცოდვილსა გრიგოლს შ-ს ღ-ნ“. აქ ყოფილა
კიდევ აპოკრიფი „სარტყელისათვის ღ-ის მშობლისა აღწერილი მაქსიმე აღმსარებლის
მიერ“. 3) სვინაქსარი, ქაღალდზე, მე-16 საუკ. მინაწერით: „ღ-ო და წ-ო მოწამეო, რანიც
სვინაქსარში სწერია, მიეც ძლევა და დაუმორჩილნე მტერთა (?) მეფესა ალექსანდრეს“
(?). ა. ხახანაშვილის აზრით, აქ მოხსენებული ალექსანდრე კახეთის მეფეა, მაგრამ
უფრო საფიქრებელია, აქ ერთ-ერთი იმერეთის ალექსანდრე მეფე იგულისხმებოდეს.

მუჟალის თემი
 ამ თემს შეადგენს სოფლები: ჩვაბიანი, ჟაბეში, ჩალდაში.

სოფელი ჩვაბიანი.

ამ სოფლის საზოგდო სახე იხ. ფოტო №17469 და 17471. სოფელში ორი ეკლესია
არის. ერთი მთავარ ანგელოზის მიქაელისა, ქვით ნაშენი, ჩვეულებრივი, რომელშიაც
მოიპოვება:

1. ხატი წ-ის ანდრიასი, წარწერით: წ-ჲ ა-ნა, ოქროთი დაფერილი ვერცხლით

ნაჭედი, 33X24 სანტ. დაზიანებულია; წმიდანი წარმოდგენილია ტახტზე მჯდომარედ,
თუმცა ტახტი არ სჩანს; ამას ფარავს იგი თავის კორპუსით და ფართო მძიმე
ტანისამოსით; მარცხენა ხელში ყდიანი სახარება უჭირავს, მარჯვენა წელზე უდვია.
თავის ირგვლივ ორი ერთობ დიდი წრეა; წვერი კიკინებად აქვს დაყოფილი;
გამოხატულობა ორიგინალურია. ნიმბი შემკობილი ყოფილა მარგალიტის მძივებით;
ეხლა დარჩენილია ოთხი მარცვალი (№17180). ეზო ტლაქნი ფოთლოვანი
მორთულობით არის შემკობილი. აშია არა აქვს. ხატი უნდა ეკუთვნოდეს მე-16-17
საუკუნეს.

2. წარწერა ვერცხლის ფირფიტაზე წ-ა იოანე ნათლის მცემლის ხატისა. ეს წარწერა

ჩვენ ცალკე ვიპოვნეთ ძველ სხვა და სხვა ნალეწებში და წინა ხატის ქვემოდ
მოვაქციეთ; გვეგონა ამის იყო, ერთის შეხედვით, მაგრამ შინაარსი უჩვენებს, რომ სხვა
ხატი ყოფილა (№17180). წარწერა იკითხება ასე:

[სი]ნანულისა : ჴ-ა : მქადაგებელო : ნთლი[ს]

მცელო : ქეს-ო . მეოხ ექმენ : სასოებთ : მვედრებელ[სა]
თქს : ფუთუთას : გრყნ-სა : და ძეთა : მისთა : ა-[ნ].
ასო ო და უ წარწერაში ერთგვარად არის დაწერილი.
უქარაგმოდ:
„სინანულისა ჴმისა მქადაგებელო, ნათლის მცემელო ქრისტესო, მეოხ ექმენ
სასოებით მვედრებელსა თქუენსა ფუთუთას გარაყანსა და ძეთა მისთა, ამინ“.
შეადარე დ. ბაქრაძე, გვ. 107.

3. პატარა ოქროს ხატი წ-ს გიორგისა, 8, 5X7 სანტ. წამლით დახატული ყოფილა,
მაგრამ წამალი გადასულია, დარჩენილია შემოსილობა და აშიები ნაზი, ლამაზი
ნახელავი. შესამოსელის პირები მარგალიტის მძივებით ყოფილა შემკობილი (№
17178); მეორე გვერდზე წარწერაა (№17179):

წ-ო გ-ი :გურგე წმიდაო გიორგი გურგე-

ნეულ-სო მეჳხ და ნეულისაო, მეუხ და
მფრველ გუეყ მფარველ გუეყავ
ვ მოსავსა : შენ მოსავსა შენ-
სა : გ-ის და ნ სა გიორგის და ნი-
კლოზს კოლოზს.
 4. ხატი ღვთის მშობლისა; წინა პირიდან მარტო შიშველი ფიცარია დაცული;
მეორე გვერდის ვერცხლის ფირფიტაზე, 10,7X5 სანტ. წარწერაა (№17179) უცნობი:

ვედრებისა : ღმთ ვედრებისა ღმრ-

[ის მშო]ბელო : მეოხ დ მ
ფრვლ მეყვ მსავსა :
[შ]ნსა :დაღნდრიძე
[სა] გელსა : და მეუღ
[ლე]სა : ჩემსა ; ქულსა : და შ
[ვილ]თა : ჩენთა : ამნ.
თის მშობელო, მეოხ და
მფარველ მეყავ მოსავსა
შენსა დაღნდრიძე-
სა გელასა და მეუღ-
ლესა ჩემსა ქულსა და
შვილთა ჩვენთა, ამინ.

5. პატარა ჯვარცმის ხატი, ოქროთი დაფერილი ვერცხლისა, (№17178), 11,5X10, 5

სანტ. კარგი ხელობისა, მაგრამ სანახევროდ მოშლილი. ჯვარცმიდან მარტო ფეხები
და მარჯვენა ხელია დარჩენილი და წინამდგომი ღვთის მშობელი. ზემოდ უწერია:
იესო [ქრი]სტე მეჳფ[ე ჰურ]თა. ქვემო აშიაზე : ჯრცმთა :
შ ნთა : [მოიხსე]ნე ს-ლი ჩ-მ. ესე იგი: „ჯვარცმათა შენთა მოიხსენე სული ჩემი“.
-

6. პატარა ხატი წ-ა გიორგისა, 11X8,5 სანტ. ლამაზი ხელობისა, მაგრამ წინა პირი
მოშლილია. დარჩენილია ნიმბი და აშიები წარწერა: წ-ი გ-ი მრვლ სწლთ მომქმედი.
(№ 17175)

7, ხატი მაცხოვრისა, ვერცხლით ნაჭედი, 25X17 სანტ. მაცხოვარი ტახტოსანია,

სახარებით და მაკურთხველის მარჯვენით (№17178); ნიმბი ჯვარის სახედ აქვს.
წარწერა ბერძნული. აშიები ორ ფოლაქოვან წრეებს შორის დაყოფილია უჯრედებად.
მე-16-17 საუკ. უნდა ეკუთვნოდეს.

8. ხატი მაცხოვრისა, ვერცხლით ნაჭედი, 19X15 სანტ. მაცხოვარი წელსზევითია,

ჩვეულებრივი ნიშნებით და წარწერით: ი-ო ქრტე (№17178). მის ქვემოდ, მედალიონში
სხვა წმიდანია; წარწერა არა აქვს. ხელობა ტლანქია, მე-18 საუკუნისა.

9. ჯვარი გამოსასვენებელი, ვერცხლისა, ნაჭედი, 32X21 სანტ. წინა პირზე

ჯვარცმაა წარწერით: ი-ო ქֿე. ფრთების ბოლოში მედალიონები წმიდათა უწარწეროდ;
ზემოდ: წ-ა გიორგი, ცხენით (№17179). ხელობა ტლანქია, მე-18-19 საუკ. მეორე მხარს
ვერცხლი მოძარცულია.

10. ვერცხლის სამი პატარა ხატი ღვთის მშობლისა ჩჩვილედი, წელსზევითი, (№

17175). ერთ მათგანს აწერია სახელი ბერძნულად. ხელობა ტლანქია. მეორე გვერდზე
ჯვარია წერტილებით გამოხატული და ვულგარული მხედრული წარწერა, ძნელი
გასარჩევია (№17179).

11. დ. ბაქრაძეს უნახავს ზურგი მოცილებული წმიდის გიორგის ხატისა (გვ. 107),
წარწერით (მოგვყავს შეუმოკლებლად):
წმიდაო გიორგი მსუჯუნისაო (sic), მეოხ ექმენი მოჩსა (sic) (უნდა იყოს: მოსავსა)
შენსა ჯალვს (ჯალვას).
 12. დიდი ხის ჯვარი, კანკელის წინ დასადგმელი; ეხლა სულ გაშიშვლებულია,
მაგრამ ზოგი მისი ვერცხლის ფირფიტები ჩვენ ვიპოვნეთ სხვა და სხვა ნამტვრევებში
და გადმოვიღეთ ერთად. იხ. ფოტ. №17176. ამათში ერთი მთავარ ანგელოზის
გაბრიელის ფიგურა მარჯვენა მხარეს, ქვემოდ, საუცხოო ნაზი და ლამაზი ხელობის
არის, მე-12 საუკუნისა, წარწერით: წ-ჲ გბ-რლ. ეს სამჯერ არის განმეორებული ზემოდ
და ქვემოდ. ზემო და ქვემო აშიები საუცხოო ნახელავია ორმაგის ბროწეულის
ყვავილების მსგავსი ორნამენტით შემკობილი.
სხვა ფირფიტები ამაზე ნაკლებია ხელობით და ზოგი კიდევ ტლანქია. ამათ შორის
უკეთეს შთაბეჭდილებას ახდენს ორი წელზევითი გამოხატულობა მთავარ
ანგელოზთა, სრულიად ერთგვარი (მარჯვნივ ზემოდ), წარწერებით: წ-ჲ მიქ-ლ, წ-ჲ
გბ¯ლ; განყოფილი არიან ყვავილებით ჯვარის სახედ.
ამას გარდა კიდევ ორი მაცხოვრის სახეა სრულის ტანით წარმოდგენილი,
წარწერებით: ი-ჳ ქ-ე.
ერთი მაცხოვარი (შუაში, ზემოდ) ტახტზე მჯდომარეა. ბერძნულის წარწერით
სახელისა; სუსტი ხელობისაა. ერთი წ¯ა გიორგი სრულის ტანით, შუბით და ფარით;
ორი მთავარ ანგელოზი ქვემოდ, მარცხნივ, ფრიად ტლანქი და მათ ქვემოდ: წ¯ა
გიორგი ცხენით, ადამიანს გმირავს.

13. ხის შანდალ-კანდელი. ამას საფუძვლად უძევს ოთხკუთხედი ფიცარი,

ოთხკუთხედი სვეტით შუაში, რომელზედაც ჯვარის სახედ გადადიან კამარები.
ოთხივე მხარეს ფიცარს კიდევ მიმაგრებული აქვს ხის შტოები. ყოველა ეს ნაწილები
კანდელისა მოხატულია და შემკობილი ჩაჭრილი შემკობილობით; ძირითადი
ოთხკუთხედის ფიცრის მორთულობა და მოხატულობა კარგად ჩანს მეორე ჩვენს
ნიმუშზე. იხ. ფოტ. №17174. ზემოდ, შუაში და ყოველ მხრეს თითქო ხის შტოებზე
მიმაგრებულია ხისავე ქანდაკებანი მტრედთა. სულ 15 მტრედი უნდა ყოფილიყო,
მაგრამ დაცულია მხოლოდ შვიდი. დ. ბაქრაძე ამ ნივთს გალიად იხსენიებს, მაგრამ ეს
შანდალ-კანდელია და ჩამოკიდებულია საზოგადოთ კანკელის წინ. ასი წლის
მღვდელმა მარგიანმა, წინეთ პაპად ნამყოფმა, გადმომცა, რომ ნათლის ღების დღეს ეს
კანდელი იორდანზე მიაქვთ და უამისოდ შეუძლებელია წყლის კურთხევა. მთელი
ასეთი კანდელი მე ვერსად ვნახე, მაგრამ ამ მათი ნაწილები და ნაკლული ცალები
ბევრ სვანეთის ეკლესიაშია. ჩვენი ცალი ერთი საუკეთესო ნიმუშია; ამათზე
მიაწებებდენ ხოლმე თაფლის სანთლებს, ხან პატარა ფიალებს შემოსდგამდენ ზეთით
და ამიტომ ვეძახით შანდალ-კანდელებს (იხ. ფოტ. (№17181).

4. ხის ყუთი, ოქროთი დაფერილი ვერცხლის შემკობილობით (№7175).

მეორე ეკლესია ჩვაბიანის სოფლისა არის ძველი ეკლესია, თლილის ქვისაგან

ნაშენი მაცხოვრისა. ეს არის მოდიდო ეკლესია ბაზილიკურის რიგისა, რომელსაც
ეკვტერები ჰქონია სამივე მხარეს; სახე ამისა იხ. ფოტო №17470 და №17465.
ჩრდილოეთის ეკვტერი მოუშლიათ და ამ მხარეს ეხლა აუშენებიათ ახალი სამრეკლო.
შესავალი სამი აქვს, სამი ეკვტერის მიხედვით; სამხრეთის შესავალი რამოდენიმედ
ზემოდ შემკობილია, იხ. ფოტო. №17464. ფანჯრები ხუთია, ორი სამხრეთით და
თითო სხვა კედრით. შიგნით ეკლესია მოხატული ყოფილა, მაგრამ მხატვრობა სულ
გაფუჭებულია და გამჭვარტლული; საკმაოდ კარგად ემჩნევა მხოლოდ
საკურთხევლის კონქში მაცხოვრის ფრესკა მოციქულებითურთ. კანკელი ძველია,
ქვისა, ხუთი კამარით. ეს ეკლესია საყურადღებოა მასში დაცული მოხარატული ხის
ავეჯით. აქ ჩვენ ვნახეთ:

1. ხატი, დიდი, წამლით დახატული, ღვთის მშობლისა, 80X62 სანტ. არა ცუდი
ნახელავი, მაგრამ გაფუჭებული. არც ისე მაინცდამაინც ძველია.

2. სამი სავარძელი, მოჩუქურთმებული ხისა (სვანური „საკურცხილ“). ერთი: იხ.

ფოტ. №17174. მეორე და მესამე: №17177, ზემოდ, მარჯვნივ და მარცხნივ. ესენი
რამოდენიმედ განსხვავდებიან იმათგან, რომელთ სურათები გ. ჩიტაიას მოჰყავს
თავის სტატიაში: „სვანური საკურცხილ“ (საქ. მუზეუმის მოამბე, II, გვ. 85-110).

3. სკივრი ხისა, მოხარატებული, იხ. ფოტო №17177, მარცხნივ, ქვემოდ.

4. ხის შანდალ-კანდელები, იქ. №17177, საწიგნის თავზე. მტრედების ქანდაკებანი

მოცილებული აქვს და ისე ჰყრია ეკლესიაში; ამ შანდალ-კანდელების ხის ძირი, იხ.
ფოტ. №17174.

5. საწიგნე ხისა, რომელზედაც შანდალ-კანდელები აწყვია; იქვე №17177.

6. ორი ლახტი, ექვს-ექვს ფრთიანი; იქვე, №17177.

7. ზარი, 27 სატნ. სიმაღლით; მისი დიამეტრი უდრის 34 სანტ. მხედრულის

წარწერით:
ქ . ესე ზარი შემოგწირე (sic) ჩუენ კახეთის
ჴელმწიფემან :. პატრონმან :. ალექსანდრემ :.
წმიდა :. მაცხოვარს ჩუენად :. გასამარჯვებლა
დ : და სადღეგრძელოდ ამინ:.
(შეადარე დ. ბაქრაძე, გვ. 107-108).

8. გრაგნილი ეტრატისა, რომელიც შეიცავს ჟამის წირვას იოანე ოქროპირისა და

ბასილ დიდისა; დაწერილია ნუსხა ხუცურით; ფრიად გასვრილია, შემჭვარტლული
და დაზიანებული.

9. ეხლა აღარ არის, მაგრამ დ. ბაქრაძის დროს აქ ყოფილა ეტრატის სახარება,

რომელის შესახებ დ. ბაქრაძე სწერს (გვ. 108):
სახარება ეტრატზე ნაწერი ხუცურად. მისი არაბესკები და სათაურები ლამაზია.
მარკოზის სახარების ბოლოს იკითხება:
ლოცვა ყოველ (ალბათ იქნებოდა: ლოცვა ყავთ ყოველთა) გიორგი ბერისათვის.
დაიწერა მთასა საკჳრველსა თორნესა წმიდისა სჳმეონისასა. ღმერთმან შეუნდვნენ
ბასილსა დეკანოზსა; დიდად მიღუაწა. თქვენცა აკურთხეთ.
ლუკას სახარების ბოლოს:
 მას ჟამსაჲ დაიწერა ესე ოთხთავი ოდეს ანტიოქია სომეხთა აჲღეს, ლოცვა ყავთ
გიორგი ბერისათჳს ამისსა
მადლსა და გლხ (sic) ეხმარების.
იოანეს სახარების ბოლოს:
მე გიორგი ბერი ლოცვას მომიხსენეთ და მშობელნი ჩემნი1.

________
1 ბერი ბაქრაძე ასე იხსენიებს ამ სახარებას: „მუჟალის მაცხოვრის ეკლესიაში არს სახარება ესრეთ
წარწერით: „მას ჟამსა დაიწერა სახარება ესე ოთხთავი, ოდეს ანტიოხია სომეხთა აიღეს. აღიწერა
ხელითა გიორგი ბერისა შავმთასა (შუამთასა?) კალიპოს".

დ. ბაქრაძე ამ ამონაწერების შესახებ სამართლიანად შენიშნავს, რომ აქ

მოხსენებული გიორგი ბერი გიორგი მთაწმინდელია (1068 წ.).
შენიშვნა: ა. ხახანაშვილს ეს სახარება თითქო უნახავს, მაგრამ პირველი ორი
მინაწერი მასში აღარ ყოფილა. მესამე მინაწერს ბაქრაძეს ასე უსწორებს: „გ-ი ბრსა
გლახ მწარედ ცოდვილსა ულოცე მკითხველი ღთისათ-ს“. ამას გარდა ის უჩვენებს
კიდევ ამგვარ მინაწერს: „წ-ო მრკზ მხრბლო მ-ხ ეყვ გ-ი ბრსა ფრიად (აჳდ?)
ცოდვილსა“, (გვ. 18). მე არ მგონია, დ. ბაქრაძეს ასე შეეცვალოს მესამე მინაწერი,
ამიტომ საფიქრებელია, ხახანაშვილის ნახული სახარება სხვა სახარება იყო და არა ის,
რომელსაც ბაქრაძე აგვიწერს.

სოფელი ჟაბეში.

ამ ლამაზი სოფლის, ჟაბეშის სახე იხილე ფოტოგრაფია №17467 და №17468.

მაცხოვრის ქვის ეკლესია სოფლისა ძველია, საკმაოდ ფართო, ნაშენია თლილის
შირიმის ქვისაგან; საკურთხეველი გამოდის გარედ სამ-წახნაგოვანად. დასავლეთის
კედელი კამარებით არის შემკობილი. ეკვტერები აქვს სამივე მხრით. ეკლესია ერთობ
დაძველებულია და ინგრევა. კანკელი ქვისაა, სამის კამარით. კანკელის წინ ოთხ-
კუთხედ ქვის კვარცხლბეკზე ამართულია ხის დიდი ჯვარი, საჟენ-ნახევარი
სიმაღლით, მაგრამ სულ შიშველია, ვერცხლის ფირფიტები მოუძარცვავთ. ირგვლივ,
ეკლესიის კანკელის წინ, გამართულია მოჩუქურთმებული ძელი, რომელიც დიდ
ჯვარსაც ეკვრის, და ამ ძელზე ჩარჩოებია მიმაგრებული ხატებისათვის, მაგრამ ყველა
ხატის შემკობილობა მოძარცულია და მარტო უამრავი ხატის ფიცრებია დღეს ჩვენს
თვალს წინ.
საკურთხეველის კედელში ორი ღრმა უბეა, საიდანაც შესავალია სამალავში,
საკურთხეველის თაღის ზემოდ ეკლესია მოხატული ყოფილა ლამაზი ფრესკებით.
მათი ნარჩენი ბევრ ადგილას მოსჩანს. საკურთხეველში მოსჩანან მაცხოვარი და
ეკლესიის მამები; სამხრეთის კედელზე ჯვარცმა და ჯოჯოხეთის წარტყვენა,
საიდანაც ქრისტეს გამოჰყავს ადამი; აქვე არის აგრეთვე ღვთის მშობლის მიძინება.
დასავლეთის კედელზე მეორედ მოსვლაა წარმოდგენილი. მოსჩანს იესო ქრისტე,
ტახტზე მჯდომარე, წარწერით: ი-ჳ ქ-ე. ეხლა ეკლესიაში მოიპოვება მხოლოდ:

1. ხატი არა დიდი წ-ა გიორგისა, ოქროთი დაფერილი ვერცხლით ნაჭედი,

მოლამაზო ხელობისა, მაგრამ სანახევროდ მოშლილი.

2. ხის შანდალ-კანდელი მტრედებითურთ, ეხლა დაშლილი.

3. ზარი ჩამოკიდებული ხის ქანდარაზე, ხუცური წარწერით:

ქ : შევსწირე მფემან ალექსანდრე

მცხოვრსა მუჟალისასა
გასამარჯვებლად და სადღეგრძელოდ
ჩნდა ა-ნ
შევსწირე მეფემან ალექსანდრე
მაცხოვარსა მუჟალისასა
გასამარჯვებლად და სადღეგრძელოდ
ჩუენდა, ამინ.

(დ. ბაქრაძე, გვ. 109)

4. დ. ბაქრაძის დროს აქ ყოფილა ტყავის სახარება (დ. ბაქრაძე, გვ. 109), რომლის
ბოლოს წერებულა:
„სამებაო ერთარსებაო. . . იხსენ სატანჯველთაგან გიორგი ამის აღმწერელი“.
ეს გიორგიც დ. ბაქრაძეს მიაჩნია გიორგი მთაწმინდელად.
ჟაბეშში ჩვენს დროს მღვდელი იყო ღრმა მოხუცებული, მაგრამ კიდევ მხნე
მოძღვარი გიორგი მარგიანი, რომელიც წინეთ, როგორც მოვიხსენიეთ, პაპი ყოფილა.

სოფელი ჩალდაში.

ამ სოფლის პატარა ქვის ჩვეულებრივ ეკლესიაში ჩვენ ვნახეთ მხოლოდ:

1. გამოსასვენებელი ჯვარი, შეძერწილი ვერცხლის ნაჭრებით, ერთობ ტლანქი

ხელობისა; ჯვარცმულის სახე არ არის გამოხატული, არამედ მხოლოდ თავები
მთავარ ანგელოზთა, წერტილებით წრით და წარწერებით: წ-ჲ მ-ქლ, წ-ჲ გ-ბრ (№17208).
ზემოდ და ქვემოდ ნაჭრები აკლია. ქვემოდ ხუცური ვულგარული წარწერაა:
„ოქრო მჭედელი იოანე ნიგულდანი. მან ქნა ესე პატიოსანი, შ-ნს ღთნ“. ესე იგი:
„ოქრო მჭედელი იონა ნიგულდანი. მან ქნა ესე პატიოსანი, შეუნდვეს ღმერთმან“.
მეორე გვერდზე (№17209) ასეთივე ვულგარული წარწერაა:
ქ ქ-ე შ-ე გრიგოლ სილანიანი . ო-მს მეუღლესა შ¯ნ
როშმენაქს შეუნდოს ღმერთმან გოხოძა მ¯წრლსაც შ¯ნს
ღ-ნ დ-ბშნ შნდნ ღმერთმან ამინ.
შეუმოკლებლად შეასძლოა ასე წაკითხვა:
 „ქრისტე, შეიწყალე გრიგოლ სილანიანი, უფალო მის
მეუღლესა შეუნდვენ. როშმენაქს შეუნდოს ღმერთმან,
გოხოძა მწერალსაც შეუნდოს ღმერთმან, და ბეშქენს
(ანუ დაბეშან?) შეუნდვენ ღმერთმან, ამიინ.“.

მულაყის თემი

მულაყის თემი შესდგება სოფლებიდან: ღობრი, ზარდლაში, ჟამუში, მუშკიერი,

ლახირი, ჩოლაში.

ღობრი და ზარდლაში ერთ სოფელს შეადგენენ. ამ სოფლის ეკლესია დაენგრიათ

და ახალს აშენებდენ ჩვენი იქ ყოფნის დროს. ძველი ეკლესია წ¯ა ბარბარეს სახელზე
ყოფილა აშენებული; აქ ჩვენ ვნახეთ:

1. ზარი, არა დიდი, რომელზედაც მხედრულად სწერია:

ქ . შემოგწირე :. ჩვენ :. მეფეთ :. მეფემან :. ჴელმწი-
ფემან :. პატრონმა :. ალექსანდრე :. თქუენ :. სვანეთის :.
ღობრის-ზარდლიშის :. მთავარანგელოზსა :. მცირე :.
შემოსაწირავი :. ზარი :. ესე :. მეფობისა :. ჩუენისა :.
წარსამართებლად :. დღეთა :. ჩუენთა :. სადღეგრძელოდ :.
და ცოდვათა :. ჩუენთვის :. შესანდობელად :. ამინ :.
(შეადარე დ. ბაქრაძე, გვ. 100).

2. თავი ხატი ეკლესიისა წ-ა ბარბარესი გადაეტანათ დროებით მუშკირში და ჩვენ

იქ ვნახეთ. შემოსილობა ამ ხატისა ოქროსია, ნაჭედი, 23X17 სანტ. სახე წმიდანისა
მოშლილია; ეხო ხატისა ბალახოვანად არის შემკული; აშიები რომბ-ლურსმული
ქვემოდ და მარცხნივ მოშლილია; ოთხ შერჩენილ მედალიონში წ-თა ფიგურები არ
არის, არამედ ხაზები. წარწერა წ-ი ბ-ბლე (№17167). დ. ბაქრაძის დროს ეს ხატი პატარა
სახატე კიდობანში ყოფილა ჩასვენებული, სპილენძის ძეწკვით, რომელზედაც
მიბმული ყოფილა ორი შავი ფული.
აქ არისო, სწერს დ. ბაქრაძე, გალია ხისა ფრინველების სახეებით და კვერცხებით
(გვ. 100). ასეთ ვითომდა გალიებს დ. ბაქრაძე სხვა ეკლესიებშიაც იხსენიებს, მაგრამ,
როგორც ჩვენ აღვნიშნეთ, ესენი გალიებს კი არ წარმოადგენენ, არამედ შანდალ-
კანდელებს.
დ. ბაქრაძე (გვ. 101) ამ ეკლესიაში იხსენიებს კიდევ კონდაკს, ქაღალდზე
დაწერილს, რომელიც შეიცავდა ჟამის წირვას იოანე ოქროპირისა, ბასილი დიდისა
და გრიგოლ ღვითს მეტყველისა, მაგრამ მე იქ ეს კონდაკი ვეღარ ვნახე და არც არავინ
იცოდა, თუ რა ბედი ეწია. კონდაკს ჰქონდა მინაწერი:
უწყოდეთ, რამეთუ ესე ლოცვანი არა აქუსთ ბერძენთა
და რუსთა, არამედ საქართველოსა შინა თქმულ არს.
 ამისთჳს არც ჩვენ დაუტევეთ. . .. ღმერთო შეიწყალე
ცოდვილი მონა ღუთისაჲ პეტრე მღვდელი ორსავე სო-
ფელსა შინა, ამინ.

სოფელი მუშკიერი.

სოფელი მუშკიერის პატარა ქვის ეკლესიაში, გარდა ზარდლაშიდან

გადმოტანილის წ-ა ბარბარეს ხატისა, ჩვენ ვნახეთ:

1. ხატი წ¯ა ანდრიასი, ვერცხლისა, 15X10,5 სანტ. წმიდანი წარმოდგენილია წელს

ზევით, წარწერით: წ-ჲ ადრია. სახე წმიდანისა მხცოვანია, დიდის ნიმბით. ეზო და
აშიები დიდრონი ფოლაქების მსგავსად ყოფილა მორთული, მაგრამ ეხლა
დაზიანებულია. აშია მარტო ზემოდ არის შერჩენილი. ხელობა ტლანქია, მე-17-18
საუკ. (№17168).

2. ორი პატარა ვერცხლის ხატი, ერთი ზომისა და ერთი ხელობისა, 6,5X4,5 სანტ.
მოჭედილია ფიცარზე, რომელსაც სახელური აქვს და რომელიც წინეთ ალბათ ბოყერს
შეადგენდა. ერთს ხატზე წარმოდგენილია ჯვარცმა წინამდგომებითურთ, ღვთის
მშობელით და იოანეთი, და წარწერით: ი¯ო ქ¯ე. მეორეზე ღვთის მშობელია სრულის
ტანით, ჩჩვილედი, აგრეთვე თანამდგომებითურთ. წარწერა არა აქვს (№17168).
უეჭველად ეს ორი ხატი წინეთ ერთ პანაგიას შეადგენდა და შემდეგ გაუყვიათ და
ცალ-ცალკე მიუკრავთ ძელზე.

სოფელი ჟამუში.

ამ სოფლის ეკლესია მაცხოვრისა, კარგი თლილის ქვისაგან ნაშენი,

ჩვეულებრივია, მაგრამ სხვებზე მაღალი. მასში მოიპოვება:

1. ჯვარი, კანკელის წინ დასადგამი, სამი არშინი და 10 ვერშოკი სიმაღლით და

ერთი არშინი და 10,5 ვერშოკი განით, შეძერწილი ვერცხლის ფირფიტებით,
რომლებზედაც არა რელიეფით წარმოდგენილნი არიან წმიდათა სახეები ტლანქი
ხელობისა (№17166). ექვს ფირფიტაზე მთავარ ანგელოზია. ოთხზე წ-ა გიორგი. სხვა
ზემოდ, მარჯვნივ და მარცხნივ, აკლია.

2. თავი ხატი მაცხოვრისა, ოქროთი დაფერილისა, ნაჭედი. 48,5X35,5, სანტ.

(№17161). მაცხოვარი ტახტოსანია, მარჯვენა ხელით აკურთხებს, მარცხენით გაშლილ
სახარებას იკავებს, მარცხენა მუხლზე დადებულს. სახარებაზე აწერია: მე ვარ :.
ნათელი :. სოფლისა :. რომელი :. შემომიდგეს მე :. არა ვიდოდეს :. ბნელსა არამედ :.
...დიდი ნიმბი თავზე, ჯვარის სახედ, ირგვლივ შემკობილია ძვირფასი ქვებით; აქეთ-
იქით ნიმბისა წარწერა სახელისა დიდრონის ლამაზი ასომთავრულით: ი-ჳ ქ-ე.
მარჯვნივ და მარცხნივ წარწერებისა თითო ძვირფასი ქვა არის. ეზო და აშიები
შემკობილია ვენახის და ბალახის მსგავსი ხლართულებით. ქვემოდ, ორივე მხარეს
ტახტისა დგანან სავედრებელად გაწვდილის ხელებით. მარცხნივ მეფე, მარჯვნივ
დედოფალი ბიზანტიურის ტანისამოსებით და გვირგვინებით. მეფის თავზე სწერია:
მფთ მფე გ-გ (მეფეთ მეფე გიორგი).
დედოფლის თავზე:
დედოფლთ დედოფალი რუსუდან.
დედოფლის ფეხების ქეშ:
ამისი ოქრმჭ-ლი . ივ-ნე.
ზემოთ აშიაზე, შუაში არის შემზადება ტახტისა; კუთხეებში: წელზევითნი
სურათები ღვთის მშობლისა და იოანე ნათლის მცემელისა. გვერდების აშიებზე,
ზემოდან, პარალელურად მარცხნივ და მარჯვნივ: წ-ჲ გ-ი და წ-ი დე-მრე; შემდეგ:
ყოვლად წმინდ(ა) და იოვნე ნთლის მცემელი; ქვემოდ კიდევ: [წ-ჲ] თევდრე და წ-ჲ-
თ¯ე პ¯რვლი. ქვემო აშიაზე წარწერაა ასომთავული:
ადიდნეს ; ღ-ნ მ-ფთ : მ-ფე : გ-ი : დფ -ლთ : დფ-ლი .
რუს-დნ : დ : ძე : მ-თი : ბ-გრტ :. რ
ო-ლთა : შეამკვეს : ხ-ტი : ესე : მცხ-ვრისა :. მუ-ლსა :
სადღგძ-ლდ : ც-ვთა : მთ-თ :შსდბლდ .
უქარაგმოდ:
„ადიდნეს ღმერთმან მეფეთ მეფე გიორგი და დედოფალთ დედოფალი რუსუდან
და ძე მათი ბაგრატ, რომელთა შეამკვეს ხატი ესე მაცხოვრისა მულაყისა
სადღეგრძელოდ, ცოდვათა მათთა შესანდობლად“.
აქ მოხსენებული გიორგი არის იმერეთის მეფე გიორგი მეორე, რომლის პირველი
ცოლი იყო რუსუდან შერვაშიძის ასული. რუსუდანისაგან გიორგის ჰყავდა შვილები
ბაგრატ და ლევან. რუსუდანი გათხოვდა 1563 წელს. გარდაიცვალა 1578 წელს.
მაშასადამე, ხატი გაკეთებულია 1563-1578 წლებს შუა.

3. ხატი მაცხოვრისა, ოქროთი დაფერილი ვერცხლისა, ნაჭედი, 58X42 სანტ.

სრულად ისეთი რიგისა და ხელობისა, როგორც წინა ხატი და, როგორც ეტყობა, იმავე
ოქრომჭედლის ნამუშევარი (№17160). ეს სჩანს წარწერის ასოების მსგავსებიდანაც;
ხოლო ეს ხატი უფორ სადაა; ეზო და აშიები ხლართულებით შემკობილი არ არის;
ტახტის ზემო სვეტები ერთობ მაღალია და ზემოდ კუშტულებით თავდება. ქრისტეს
ფეხები ნოხზე როდი უდევს, როგორც პირველ ხატზე, არამედ ოთხკუთხედ სკამზე.
ჯვარის სახის ნიმბს მარტო ერთი ძვირფასი ქვა უზის. წარწერა: მაცჴოვრი (sic).
მაცხოვარი ზის ტახტზე ორმაგი წვრილის მუთაქებით; პირველ ხატზე მუთაქა
გრძელია. ზემოთ აშიაზე წარმოდგენილია წელზევითნი სურათები ვედრებისა,
პეტრესი და პავლესი, წარწერებით: მაცხოვარი, ყვლდ წმნდ, იო¯ე ნათლის მცემელი,
პ-ე. გვერდებზე: მიქელ, გაბრიელ მთავარ ანგელოზი, იო¯ნე ნათლის მცემელი, წი გი,
წ¯ი დემ¯რე. ქვემოდ წარწერა ასომთავრული:
ღ-ო :. და :. მცხრო :. მულახისაო :. მცველ :. და მფარ-
ველ :. ექმენ :. ორთავე : ცხორებათა : მაჭავარიანსია
(sic) :. გედეონს :. ამინ :. წ-ო :. და :. მაცხრო :. მულა-
ხისაო :. განაძლიერე :. მეფეთ :. მეფობა : პატრონის :.
გიორ
გისა :. დედოფალთ :. დედოფალი :. პატრონი :. თამარ :.
ძეთა :. მისსა :. ალექსანდრეს :.. . .
 შეუმკობლად:
„ღმერთო და მაცხოვარო მულახისაო, მცველ და მფარველ ექმენ ორთავე
ცხორებათა მაჭავარიანსა გედეონს, ამინ“.
„ღმერთო და მაცხოვარო მულახისაო, განაძლიერე მეფეთ მეფობა პატრონის
გიორგისა, დედოფალთ დედოფალ პატრონი თამარ, ძეთა მისსა ალექსანდრეს“. . .
ფორმა მაჭავარიანსია მაჭავარიანსა-ს მაგიერ ამომჭრელის შეცდომით აიხსნება.
ფორმა პატონი უჩვენებს, მგონი, რომ ამომჭრელი წარწერისა მეგრელი იყო, თუმცა
სხვა შემთხვევაში პატრონი სწერია. მრავლობითი რიცხვი ძეთა უჩვნებს, რომ
დამწერელს აზრად ჰქონია სხვა შვილებიც დაესახელებია მეფისა და დედოფლისა,
მაგრამ ადგილი არა ჰყოფნია, ან უფრო საფიქრებელია, მეხუთე სტრიქონი არ
შენახულა. ასოები ო და უ გამოსახულობით ერთგვარია.
დედოფალი თამარ მეორე ცოლია იმავე იმერეთის მეფის გიორგი მეორისა,
რომელი მეფეც პირველ წარწერაშია მოხსენებული. თამარ იყო ასული შარმაზან
დიასამიძისა. ვინაიდან პირველი ცოლი გიორგისა გარდაიცვალა 1678 წელს, ხოლო
გიორგიმ იმეფა 1685 წლებს შორის. მუხლმოდრეკილნი ფიგურები მაცხოვრის
ფეხებთან ჩვენს ხატზე არ მოიპოვება, როგორც შეცდომით უჩვენებს გრაფ. უვაროვისა
(გვ. 175). ალ ხახანაშვილს ამ ხატის წარწერაც პირველ ხატისათვის მიუკუთვნებია (გვ.
36).
4. ხატი ღვთის მშობლისა ჩჩვილედი, ვერცხლით ნაჭედი, 91X56,5 სანტ. აშიები
რომბლ-ლურსმულია და მოყვითლული (№17159). ღვთის მშობელი ტახტზე ზის
ძითურთ; ტახტის ზურგი მაღალია, გრეხილის მსგავსად შემკობილი. მარცხენა
ხელით იჭერს ქრისტეს ყრმას, რომელიც მარცხენა მუხლზე უზის; მარჯვენა ხელი
გულზე აქვს მიდებული. ქრისტეს მარცხენა ხელში გრაგნილი აქვს, მარჯვენა ჯვარის
საწერად აუწევია ყელამდის დედისა. ხელობა დაბალია, მე-17 საუკუნისა. წმიდათა
სურათები აშიებზე უფრო კარგის ხელობისა არის და ეტყობა აშიები სხვა უკეთესი
ხატიდან არის აღებული. ზემო აშიაზე წარმოდგენილნი არიან: ი-ო ქ-ე და მთავარ
ანგელოზნი, წ-ჲ მქლ, წ-ჲ გბრლ. ქვემოდ: წ-ი პ-ვლე, წ-ი ნკ-ლ. გვერდებზე: ქვემოდ
მთავარ ანგელოზნი სრულის ტანით, საზომებით და ბურთებით; ზემოდ ორი ქრისტე
სახარებებით და მაკურთხევლის მარჯვენა ხელებით. პირველს აწერია: ერთ არსებაი;
მეორეს: წ-ჲ სამებაი. ქვემოდ წარწერაა ასომთავრული:
ქ . მე ფრიად ცოდვილმა ლომკაცმა კუჭაიძემა და თანა
მეცხედრემან
მთმა ჯაფარიძისა ასულმა კაკონამან და შვილთა ჩვ-თა
რომელმა შევამკვ-ე ჴა-ი ესე ყოვლად წმიდისა ს-თა გორა
მეოჴ და მექმֿნი ჩვ-ნ ცოდვ-სა ამას ღმერთო შეუნ-ევ
ცდვ-ნი მ-სი ქარულალის შვილსა.
ასოები ო და უ ერთგვარად გამოხატული არის ამ წარწერაში, ამიტომ ძნელია
თქმა, როგორ უნდა წავიკითხოთ. ზოგიერთი სიტყვები: ჯგუფი „სֿთა გორა“ უნდა
ნიშნავდეს „სამთა-გორისა“. საზოგადოთ, წარწერა სინტაქსიურადაც შეუსაბამოა.
უქარაგმოდ უნდა წავიკითხოთ ასე:
მე ფრიად ცოდვილმა ლომკაცმა კუჭაიძემა1 და თანამეცხედრემან მათმა
ჯაფრიძის ასულმა კაკონამან და შვილთა ჩვენთა, რომელთა შევამკვე (უნდა იყოს:
რომელთა შევამკვეთ) ჴატი ეს ყოვლა(დ) წმიდის(ა) სამთაგორისა (ანუ
სუანთაგორისა), მეოჴ და მექმენი (უნდა იყოს: მეოხ მექმენით) ჩუენ ცოდვილსა ამას
(უნდა იყოს: ცოდვილთა ამათ). ღმერთო, შეუნდევ ცოდვანი მისნი ქაროლალის (ანუ
ქარულალის) შვილსა.
დ. ბაქრაძის დროს ეს ხატი დაფარებული ყოფილა წითელი ხავერდით და ამ
ხავერდის წარწერა მას გადმოუღია, (იხ. მისი დამატება, №31). ჩვენ ეს საბურავი არ
გვინახავს, არც გრაფ. უვაროვისას, მაგრამ წარწერის შინაარსით სჩანს, რომ ეს
უბრალო საბურავი არ ყოფილა, არამედ დროშა ოქრო-ქსოვილის ხავერდისა.
ბაქრაძის გადმოღებულ წარწერას ჩვენ ასე ვკითხულობთ, ქარაგმების გახსნით:
„ჩუენ კუჭაიძემან ქაიხოსრო შემოგწირე ხატი, მაცხოვარო მულახისაო, და ბუკი
კარგი. შემიწყალე შენს მადლსა, ამინ. სხუაჲ (?) დროშა ესე ოქროქსოვილის
ხავერდისა შეიწირე და გაგვიმარჯვე“!

5. ხატი წ-ა გიორგისა, ოქროთი დაფერილი ვერცხლისა, ნაჭედი, 2719 სანტ.

მხედარი წარმოდგენილია ცხენით, კაცს გმირავს შუბით, რომელსაც თავის საომარი
იარაღები დაუყრია: ხმალი, ფარი და მუზარადი. ეზო ბალახოვანად არის შემკობილი;
შიები რომბ-ლურსმული. წარწერა სახელისა:
წ-ი გ-ი. ქვემოდ: ვულგარული წარწრა (№17167):
წ-ა :. გ-ი :. მეოხ : და მფარველ :. ექმენ : კუჭ
[ა]იძეს :. ლომკაცსა . თანა : მეცხედრესა :
[მი]სა : ჯფრიძის . ქალსა :. კაკონს :. შვ
[ილსა] მთსა :. შემწე :. დ მწყლე :. ექმენ :. დღე
[სა გ]ანკითხვისასა :. ამინ.
წმიდა გიორგი, მეოხ და მფარველ ექმენ კუჭ-
(ა)იძეს ლომკაცსა და თანამეცხედრესა
მისა ჯაფრიძის ქალსა კაკონს, შვ(ილ-
სა) მათსა შემწე და მოწყალე ექმენ დღ-
(სა გ)ანკითხვისასა, ამინ.

_______
1 ეს სიტყვა დედანში ნათლად არ იკითხება, მაგრამ რომ აქ კუჭაიძემა უნდა წავიკითხოთ, ეს
სჩანს ფრიად გარკვეულად ქვემოდ მოყვანილს გადასაფარებელის ანუ დროშის წარწერიდან.

ეს წარწერა გადმოღებული აქვს ბარტოლომეის (ტაბ. III, №29) და მისი

მიხედვით ბროსსე კითხულობს: „კუგიძეს ლომკაცსა“. (ბარტოლომეი, გვ. 203, 204).
ბარტოლომეის ტაბულით სხვანაირად არც შეიძლებოდა წაკითხვა, მაგრამ
ბარტოლომეის ასლი სწორი არ არის. უკანასკნელი ასო პირველი სტრიქონისა
გამოხატულობით ხუცურ ასოს ზ-ს მოგვაგონებს უფრო, ვიდრე ლ-ს მაგრამ ლ-სადაც
შეიძლება მივიღოთ, დ. ბაქრაძესაც ლ-ად მიუღია; ის კითხულობს „კულნიძეს
ლომკაცს“ (გვ. 101); ასე სჩანს მისი რუსული თარგმანიდან, მაგრამ აქ კორექტურული
შეცდომა უნდა იყოს და ბაქრაძეს უნდა წაეკითხოს: „კულიძეს ლომკაცს“; ასეთი
წაკითხვა მისაღებია დედნის მიხედვით (იხ. №17167), მაგრამ ჩვენ გვგონია აქ ან
შეცდომაა დამწერლისა, ანდა უკანასკნელი ასო პირველი სტრიქონისა
შებრუნებულად სწერია, რაც ხშირია ქართულ ვულგარულ წარწერებში; თუ ამ ასოს
მოვაბრუნებთ, მაშინ შეიძლება ის ჭ-თ მივიღოთ. ასე თუ ისე ჩვენ ვკითხულობთ:
„კუჭაიძეს ლომკაცს“. რომ ეს წაკითხვა სწორია, ამას ცხად ჰყოფს წინათ მოყვანილი
წარწერები ღვთის მშობლის ხატისა და ფარდისა ანუ დროშისა. ჩვენს წარწერაში
ასომთავრულ ასოებში ზოგჯერ ნუსხური ასოები ურევია, მაგალითად: ასო ო ორს
შემთხვავაში: პირველ სტრიქონში „მეოხ“ და მეორე სტრიქონში „ლომკაცს“; ხოლო
პირველი სტრიქონის უკანსკნელ სიტყვაში „კუჭ“, უ-ნი სამკბილიანი ნუსხა ხუცურია.
და ეს ჩვენ გვშველის, რომ წინა წარწერებშიც „კუჭაიძე“ წავიკითხოთ და არა
„კოჭაიძე“, როგორც კითხულობენ ბროსსე და დ. ბაქრაძე (გვ. 105). ეს და ამის წინ
აღწერილი ღვთის მშობლის ხატი ერთი და იმავე ოქრომჭედლის ხელობა უნდა იყოს.

6. ოქროს პანაგია, 6,5X5,5 სანტ. (№17167). ერთ გვერდზე გამოხატულია წ-ა

გიორგი, ცხენით, რომელიც გმირავს შუბით ვეშაპს; ირგვლივ წარწარაა:
: წ : გ-ოი : / გუმ არ / ჯ-ე : აღ/ბულას / იოსელ-იან/ს.
ესე იგ: „წმიდაო გიორგი, გაუმარჯვე აღბულას იოსელიანს“.
მეორე გვერდზე წარმოდგენილია ღვთის მშობელი წელს ზევით, ჩჩვილედი,
წარწერით: :.ყ-დ :. წ-ა :. ღმრთის :. მშობელი. ქრისტეზე: ი-ჳ ქ-ე. ხელობა საკმაოდ
კარგია, მე-16 საუკუისა.

7. სურა ვერცხლისა, ვიწრო გრძელი ყელით, 42 სანტ. სიმაღლით (№17165).

მუცელი ბურთის მსგავსი აქვს, სადა; ხოლო ყელზე პატარა გრეხილის მსგავსი
შემკობილება აქვს. მუცლის ზემოდ მხედრული წარწერა არის, რომელიც ჩვნს
ფოტოგრფიაზე მქრალად არის გამოსული, მაგრამ გადმოღებული აქვს ბარტოლომეის
(ტაბ. III, №31). წარწერა იკითხება ასე (ნაკლულ ასოებს წარწერისას ფრჩხილებში
ვსამთ):
ქ :. შემოგწირეთ : ჩვენ : მეფეთ : მეფემან : პატრონმან :
ბაგრატ : და : თანა : მეცხედრემან : ჩვენმან : დედო-
ფალმან : პატრონმა : თამ(ა)რ : სურა : ესე : ხელმწი-
ფობისა : ჩვენისა : წ(ა)რს(ა)მ(ა)რთებლ(ა)დ : მ(ა)ცხო-
ვარს : მულაყთას : ქ-კს :სამს : ორმ(ო)ცდა : თხუთ-
მეტსა .
ქორონიკონი უდრის 1667 წელს. ბროსსე სიტყვა „სურის“ მაგიერ კითხულობს
„სფერა“ (ბარტოლომეი, გვ. 235). დ. ბაქრაძეს კარგად აქვს წაკითხული (გვ. 102).
სურას ქვემო ნაწილზე უწერია:
ქ. ბატონიშვილის თინ(ა)თინის.
წარწერაში მოხსენებული მეფე ბაგრატ არის იმერეთის მეფე ბაგრათ IV (1680-
1680). თამარ არის მისი მეორე ცოლი, ძმის წული ქართლის მეფის ვახტანგ მეხუთისა,
ისტორიაში „ცბიერად“ წოდებული. თინათინ არის ბაგრატ მეოთხეს ასული, ლევან
მეოთხეს დადიანის მეუღლე, რომელიც დაქვრივების შემდეგ მონაზონად ეკურთხა
და ვახტანგ მეექვსეს რუსეთში გაჰყვა 1724 წელს.

8. დიდი ვერცხლის ბადია, რომლის დიამეტრი უდრის 27,5 სანტიმ. შიგნით,

შუაში, ღრმად ამოჭრილი ჯვარის სახის შემკობილობაა, ფრიად ლამაზი ხელობისა.
ჯვარის ფრთებს შორის ოთხი მედალიონია ლამაზი სპარსულის ყაიდის მილანქრისა;
ირგვლივ უვლის წრე ორმაგის სარტყელით, შემკობილი ოთხის დიდრონი და რვა
პატარა ძვირფასი ქვით. ამას გარდა თვით ჯვარის ფრთებზე დაცულია ოთხი
ძვირფასი ქვა (№17162).

9. მეორე ასეთი ვერცხლის ბადია, ორის სახელურით, ვერცხლის ბეჭედების

სახისა; დიამეტრი ბადიისა 38 სანტ. შიგნით, შუა გულში ესეც შემკობილია ღრმად
ამოჭრილი და ამობურცული ორნამენტით, რომელსაც უზის სამი მედალიონი,
სპარსული ყაიდის მინანქრისა და ოთხი ძვირფასი ქვა, რომელთაგანაც ორი
დაკარგულა (№17163).

10. დიდი ვერცხლის აზარფეშა, ჩვეულებრივი ქართული ხელობისა;

შემკობილია სევადით მეორე გვერდზე (№17165).

11. ვერცხლის ჯამი, ჩვეულებრივი, სადა (იქვე, №17165).

12. ორი სარტყელი, ვერცხლისა, სვანური (იქვე, №17165).

13. ფარი სპილენძისა, მრგვალი, მშვენიერი ხელობისა, ოქროთი გამოყვანილი

სახეებით პატარა დოქებისა და ვაზებისა, არაბულის წარწერებით (№17164).

სოფელი ლახირი.

სოფელი ლახირი ლამაზი არის, მთის ფერდობზე გაშენებული; მისი სახე

კოშკებითურთ იხ. ფოტოგრ. №17463, 17459, 17472, 17460, 17461, 17458, 17462.
ბაქრაძის დროს ლახირში იყო ძველი ეკლესია თლილის ქვისაგან აშენებული. ეხლა
ეს მოუშლიათ და მის ადგილას აუშენებიათ 1894 წელს ახალი ეკლესია იოანე ღვთის
მეტყველის სახელზე. ამ ეკლესიაში, როგორც გადმომცეს, გადმოუტანიათ ხატები
მთავარ ანგელოზის გაბრიელის ეკლესიიდან, რომელიც ზევით მთის წვერზე, ტყის
მახლობლად ყოფილა. ეხლა ეკლესიაში მოიპოვება:

1. ჯვარი გამოსასვენებელი, ოქროთი დაფერილი ვერცხლისა, ნაჭედი, 28X20

სანტ. დაზიანებული და დაბალი ხელობისა (№17171). პირველ გვერდზე
წარმოდგენილია ჯვარცმა ბერძნულის წარწერით სახელისა. თავი ქრისტესი ეხლა
მოშლილია; ოთხივე ფრთის ბოლოს ჯვარისა მომრგვალო მედალიონებში
წარმოდგენილნი არიან მთავარ ანგელოზნი ზემოდ და ქვემოდ; ზემოთი
დაზიანებულია; მარცხნივ და მარჯვნივ არიან: დედა ღმთსა და იო-ნე მხ-ლი. ქრისტეს
ფეხებს ქვეშ ადამის თავია. მეორე გვერდზე შუაში და ყველა ფრთის ბოლოს დიდრონ
სიმრგვალეებში ჯვრებია ლამაზად შემკობილი ხლართულებით, ხოლო დანარჩენი
ნაწილი ლამაზ ასომთავრულ წარწერას უჭერია (№17172):

ძელო ცხ ძელო ცხო-

რებსო : მ რებისაო, მე-
 ეოხ დ მფ ოხ და მფარ-
რვლ მქმ ველ მექ -
ენ : მმკო მენ მამკობ-
ბსა შნს : სა შენსა
ქლბაქნ ქელბაქიან-
სა სირმონს სა სირმონს
დ შვლ სა და შვილსა
ჩემსა მქლს ჩემსა მიქელს
დ შვლთ მ-ს . და შვილთა მის.

დ. ბაქრაძეს ეს ჯვარი უნახავს ლახირის მეორე ეკლესიაში ღვთის მშობლისა

(გვ. 106). ჯვარი მე-16-17 საუკ. უნდა იყოს.

2. ხატი ღვთის მშობლისა, ვერცხლით ნაჭედი, 31X26 სანტ. ფრიად ტლანქი

ხელობისა, მე-18-19 საუკუნისა (№ 17170). ღვთის მშობელი წელსზევითია, ჩჩვილედი,
წარწერით: დდა ღთ. სახე ძისა დიდის ჯვარისა სახის ნიმბით ერთობ უშნო და
მახინჯია, ღვთის მშობლის დიდ თავის წრის ზემოდ ქრისტეა წარმოდგენილი,
მკერდსზევითი, წარწერით: ი-ჳ :. ქֿე. აქეთ-იქით ღვთის მშობლისა, ზემოდ მთავარ
ანგელოზებია, სრულის ტანით და წარწერებით: მქლ, გ-ბრლ. ქვემოდ ვულგარული
წარწერა:
ყ-დ :. წ-ო :. ღ-თის :. მშბლო :. მეოხ
ექმენ :. იოსელიანს :. ჯიბე
რდის :. დღეს :. გნკითხვი
სასა :. მ-ს :.
ყოვლად წმიდაო ღმრთის მშობელო, მეოხ
ექმენ იოსელიანს ჯიბე-
რდის დღეს განკითხვი-
სასა მას.

3. სრულიად ასეთივე ტლანქი ხელობის ხატი ღვთის მშობლისა, წელსზევითი,

ჩჩვილედი, 26X16 სანტ. (№17169). აქაც, ზემოდ, ორივე მხარეს მთავარ ანგელოზებია
სრულის ტანით. აშია არა აქვს, ხოლო უვლის წრე წერტილებისა; მე-18-19 საუკ. უნდა
იყოს.
4. ხატი მაცხოვრისა, წამლით დახატული წინა მდგომებითურთ და
მოციქულებით, 31X26 სანტ. რუსული ხელობის არის, არა ცუდი.

5. ზარი, 30 სანტ. სიმაღლით და 31 სანტ. დიამეტრით. ქვემოდ მხედრული

წარწერა აქვს;
ქ :. ჩუენ : ღ-თივ :. გვირგვინოსანმან :. მეფეთ :. მეფე-
მან : პატრონმან :. ალექსანდრე : შემოგწირე :. ზარი :.
ესე : სუანეთს :. მთავარანგელოზთ :. ჩუენად :. სად-
დღეგრძელოდ :. და გასამარჯვებთა (sic) :. და :. მეფო-
ბისა :. ჩუენისა : წასამართებლად :. მი (sic) ამინ:
(შეადარე დ. ბაქრაძე, გ. 106).
 6. კონდაკი ხელნაწერი ნუსხა ხუცურით, შეიცავს ჟამის წირვას იოანე
ოქროპირისა და ბასილის დიდისა; თავი და ბოლო აკლია; ყდაშია; მე-17 საუკუნის
უნდა იყოს. მინაწერი ტექსტის ხელით:
„ქ ღ-ო შ-ე ფ-დ ც-დვლი მონა ღ-ჲ პ-ე მღდლი ბაღნია-
საშვილი.“.
ასეთივე წარწერა სხვა ადგილსაც არის. ბოლოს: ლოცვანი ერის განტევებისა.

7. ლახირის სოფელში არის კიდევ მეორე ძველი ეკლესია წ-ა ბარბარესი,

ჩვეულებრივი სვანური ტიპისა, თლილის ქვისაგან ნაშენი. კანკელი ქვის აქვს, ერთის
კარით. არც ერთი მთელი ხატი ამ ეკლესიაში არ არის, სამაგიეროდ აქ არის
აუარებელი ძელები ხატებისა და ჯვრებისა სულ მოძარცულები. ტრაპეზზე იდვა
დიდი ჩალის ქუდი, რომელიც ადგილობრივი გადმოცემით თავზე ეხურა სარდალს
დიდი სულთანის ჯარისას, რომელიც სვანებმა დაამარცხეს. ქუდის დიამეტრი
უდრის 51 სანტ. (სურათი მისი იხ. №17173). ამის გარდა ტრაპეზზე ბევრი მარცვლები
იყო კრიალოსანისა და სხვა და სხვა ფერის ქვის კენჭები.

სოფელი ჩოლაში.

სოფელ ჩოლაშში პატარა და ჩვეულებრივი ეკლესია არის წმიდა ბარბარესი.

მასში საყურადღებო არაფერი არის. სოფელში ჩვენ დავესწარით დიდ დღესასწაულს
15 აგვისტოს. ეს დღესასწაული მიცვალებულთა დღესასწაულია, მათი მოგონების და
პატივისცემისათვის არის დანიშნული. ოჯახი ამზადებს საუკეთესო საჭმელებს,
გამოაქვთ სასაფლაოზე, დააწყობენ სუფრაზე ან თვით განსვენებულის საფლავზე, ან
მის ახლოს. ყველა სუფრა პაპმა (ანუ ეხლა მღვდელმა) უნდა აკურთხოს. სახლში ამ
დღეს არავინ არ რჩება, ყველა სასაფლაოზეა გამოსული და ჯგუფ-ჯგუფად
თავმოყრილი თავიანთ მკვდრების სასაფლაოებთან. ვერასოდეს ვერ ნახავთ ასე
ერთად შეყრილს მთელ მოსახლეობას, ამიტომ ეს სცენები საჭმელების კურთხევისა
და სვანთა ნაირ-ნაირ ჯგუფებისა თავიანთი მარაგით გადმოვიღეთ რვა ფირფიტაზე
(იხ. ფოტ. 17531-17538). სუფრას აკურთხებდა უხუცესი მღვდელი მარგიანი,
რომელიც წინეთ პაპი ყოფილა (იხ. ფოტო № 17537).

მესტიის თემი
 მესტიის თემში შედიან შემდეგი სოფლები: სეტი, ლეხტანი, ლანჩვანი, ლაგამი.
მესტიის თემს უჭირავს შუა ადგილი ზემო სვანეთისა და საუკეთესო თემად
ითვლება. მდებარეობა ფრიად ლამაზია; ხეობა აქ უფრო ფართოა, სწორი ადგილები
მეტია. სოფელი სეტი თავის მდიდარი ეკლესიით შეადგენს ცენტრს თემისა. ჩვენი
ექსპედიციის დროს აქ ცხოვრობდა ბლაღოჩინი სვანეთის ეკლესიებისა ბესარიონ
ნიჟარაძე.
საზოგადო სახე ამ სოფლისა, მისი კოშკები, ზოგიერთი სახლები და ადგილები,
იხილე ფოტოგრაფია №№ 17429, 17435, 17430, 17432, 17433, 17621. ერთობ ლამაზია
აგრეთვე ამ თემის სოფელი ლანჩვანი; იხ. ფოტ. №17436. ეთნოგრაფიული
მასალისათვის გამოსადეგია სურათები ხარ-კამეჩისა და მარხილებისა; იხ. ფოტ. №№
17521, 17522. აგრეთვე სვანის ქალების ტიპები და მათ მიერ ძაფების სტვა; იხ. №17520
და აგრეთვე ბავშვის მოვლა და ძუძუს წოვება; იხ. №17519.
სოფელი სეტის ეკლესია წმიდის გიორგისა ახალია, მაგრამ აშენებული ძველი
ეკლესიის ადგილზე და მის ზღუდეში. ბარტოლომეის და დ. ბაქრაძის დროს აქ ჯერ
კიდევ ძველი ეკლესია არსებობდა. დ. ბაქრაძე სწერს: სეტის ეკლესიას ზღუდე აქვს და
კედლებზე მხატვრობა; ის საკმაოდ დიდია, მაგრამ ყველაზე მეტად დაზიანებული.
უვაროვის დროს ძველი ეკლესია აღარ იყო და მისი ნივთები გადატანილი იყო
ლაგამის ეკლესიაში, ნაწილობრივ კოშკში ინახებოდა. ეხლა ნივთები ინახება ახალ
ეკლესიაში, რომელიც საკმაოდ დიდია და გვარიანი. ძველი გალავანი დაცულია;
ეკლესიასთან კოშკია; ხოლო მეორე კოშკი სამრეკლოდ არის გამოყენებული, იხ. ფოტ.
№17431; მაგრამ ზარები ეხლა ეკლესიის კარის ბჭეზე ჰკიდია.
ბერნოვილის ცნობით, ძველი სეტის ეკლესიის სიგრძე ყოფილა შიგნით 20 ანუ
25 მეტრი, განი 8 და 9 მეტრი. კანკელს სამი კარი ჰქონია და ორი ფანჯარა (ესე იგი
კამარა); გარე კედლებზე საყურადღებო არაფერი ყოფილა; შიგნით ფრესკები სულ
გამქრალა (ბერნოვილი, გვ. 133-134). ა. სტოიანოვი უფრო მეტს ცნობებს იძლევა
ძველი ეკლესიის შესახებ. მისი გადმოცემით, ეს ეკლესია ყველაზე მაღალი ყოფილა
მთელს სვანეთში და კოშკის სახე ჰქონია. ეკლესია ორსართულიანი ყოფილა; მეორე
სართულში ნივთები ინახებოდა და იქ არავის არ უშვებდენ, გარდა პაპისა.
საკურთხეველში, მარჯვნივ, ყოფილა ფანჯარა. ამაზე მიადგამდენ ხის კიბეს და ამ
ფანჯრიდან შედიოდენ მეორე სართულში (გვ. 286-293). ეტყობა, ეს ყოფილა ნივთების
სამალავი, ჩვეულებრივი ქართული ეკლესიისათვის, მაგრამ იშვიათი სვანეთში. აქ
ნივთებს კოშკებში ინახავდენ ხოლმე.
მესტიის ძველი ეკლესია წინად მონასტერი ყოფილა და მონასტრად არის
მოხსენებული წარწერებში. ბლაღოჩინი ქუთათელაძის სიტყვით (გადმოცემულია დ.
ბაქრაძის მიერ). აქ ეპისკოპოზიც მჯდარა. ეკლესიაში ინახება:

1. თავი ხატი წ-ა გიორგისა, ოქროთი დაფერილი ვერცხლისა, 64X54 სანტ. წმიდა
გიორგი ცხენოსანია, დიდის გამობერვით განჭედილი; შუბით გმირავს
გვირგვინოსანს (№16916). ცხენი დიდია, მძიმე, შეკაზმული პატარა უნაგირით,
ასალით და ვიწრო უზანგით; საძუე, სამკერდე და ავშარა ფოლაქოვანად არის
შემკობილი. ხუჭუჭებად დაყოფილი თმა სახეზედაც ჩამოუდის, წრე თავისა
მოდიდოა, ტანზე ჯავშანი აცვია; მას ზევით მოსასხამი, რომელიც მის უკან ჰაერში
იშლება. ფეხზე მაღალი წაღები აცვია, რომელნიც თავდებიან ვიწრო წვერებით.
მარცხენა მკლავზე ფარი მოუგდია, რომელიც ორმაგი ორნამენტით არის ნაჭედი.
თავის წრის მარცხნივ ასომთავრულით სწერია:
წ-ჲ გ-ი სტ-ჲ (წმიდაჲ გიორგი სეტისაჲ).
მარჯვნივ მხოლოდ:
წ-ჲ გ-ი.
ეს ორი წარწერა ერთის ხელით როდია; პირველი ლამაზია, გრავიურით
გამოყვანილი, მეორე: პუნკტირებით არის შესრულებული და მერმინდელი უნდა
იყოს.
ჩარჩო ხატისა ნაჭედია და გამშვენებული ორმაგი ბროწეულის ყვავილების
ორნამენტით და აგრეთვე წმიდათა ფიგურებით. ზემოდ ვედრებაა, რომლის შუაში
ქრისტე წელს ზევითი ემმანუელის სახით არის წარმოდგენილი, წარწერით: ი-ჳ ქ-ე.
ღვთის მშობელს აწერია: დდ-ჲ ღ-თსა; ხოლო იოანეს : იოვანე.
მარჯვნივ და მარცხნივ ჩარჩოებზე წარმოდგენილნი არიან სრულის ტანით: წ-ა
დიმიტრი (მარცხნივ) და წ-ა თეოდორე (მარჯვნივ), უწარწეროდ, შუბებით და
თავიანთი ცხენებით ხელში.
ქვემო ნაწილი ჩარჩოსი მოშლილია; აქ კუთხეებში მთავარ ანგელოზები უნდა
ყოფილ იყვნენ, ვინაიდან მარცხენა კუთხეში მოსჩანს წარწერის ნაშთი სახელისა:
ლმთ. – [მიქაე]ლ ანუ [გაბრიე]ლ მთ[ავარანგელოზი]. მაგრამ შეიძლება, ეხლანდელი
ნაშთები ქვემო ჩარჩოსი ამ ხატს არ ეკუთვნოდეს.
ბარტოლომეის და ბაქრაძის დროს ამ ჩარჩოს ქვემო ნაწილზე წარწერა ყოფილა;
ორთავე ღირსეულთ მკვლევართ ეს წარწერა გადმოუღიათ ხელით (იხ. ბარტოლომეი,
ტაბ. II, №24; ბაქრაძე, დამატება №28). ზოგი სტრიქონები და ასოები ბარტოლომეის
ტაბულაზე უფრო კარგად არის გადმოღებული, ზოგი ბაქრაძისაზე. ბაქრაძე ამბობს,
წარწერის გარჩევა მე ვერ შევსძელიო. თუ დ. ბაქრაძემ ვერ შესძლო წარწერის გარჩევა,
ბარტოლომეის მიერ გადმოღებული წარწერების გამრჩევი მ. ბროსსე აბა რაღას
შესძლებდა! ასე რომ წარწერა დარჩა გაურჩეველი. გრ. უვაროვისა აცხადებს, რომ მან
სრლებით ვერ იპოვნა კვალი წარწერისა, თუმცა ფირფიტა, რომელზედაც ის ყოფილა
ამოტიხრული, დარჩენილია ხატის ქვეშო (უვაროვისა, გვ. 112-113). ჩვენ ეს წარწერა
ვიპოვნეთ, მაგრამ არა განცალკევებულად, არამედ ამავე ეკლესიის მაცხოვრის ხატის
ქვემოდ (იხ. ფოტ. № 16915), რომლის აღწერა ქვემოდ მოგვყავს.
პირველად მე მეგონა, ბარტოლომეიმ შეცდომით მაცხოვრის ხატის წარწერა
წმიდის გიორგის ხატს მიაწერა-მეთქი, მაგრამ როდესაც ამას იმეორებს დ. ბაქრაძე, ეს
მოსაზრება ჰქრება, მით უმეტეს, რომ ბაქრაძე ჯე უჩვენებს ამ ხატის სახელის
წარწერას და შემდეგ შენიშნავს, წარწერა კიდევ ქვემო აშიაზე არისო და უჩვენებს
თავის გადმოღებულს ფაქსიმილეს (გამ. №28). ამრიგად, უეჭველი ხდება, რომ ჩვენს
წმიდის გიორგის ხატს ის წარწერა მართლა ჰქონია, რომელიც ბარტოლომეის და
ბაქრაძეს გადმოუღიათ. ამიტომ უნდა ვიფიქროთ, რომ წარწერის ფირფიტა ბაქრაძის
შემდეგ მოვარდნილა და ის მაცხოვრის ხატის ქვემოდ მიუჭედიათ. ამას კიდევ ერთი
გარემოება უფრო ამტკიცებს: ზომით ეს წარწერა სრულიად ეგუება წმიდის გიორგის
ხატს და მის აშიის სიბრტყეს, ხოლო მაცხოვრის ხატს უფრო ვიწრო აშია აქვს (იხ. №
16915). ეს გარემოება, რომ წარწერა ამ ხატს არ ეკუთვნის, უვაროვისამაც შენიშნა (გვ.
111-112), მაგრამ ის არ უჩვენებს, თუ რომელ ხატს ეკუთვნის.
შეიძლებოდა კიდევ გვეფიქრა, რომ ამ ორ ხატს სრულიად ერთგვარი წარწერა
ჰქონდათ, მაგრამ ესეც მიუღებელია, ვინაიდან არც ბარტოლომეი და არც დ. ბაქრაძე
წარწერიან მაცხოვრის ხატს არ იხსენიებენ სრულებით. შეუძლებელია, არც ერთს
მათგანს არ შეენიშნა ასე დიდი ხატის წარწერა, რომ იგი მართლა ყოფილიყო.
ეხლა გადავიდეთ თვით წარწერის განხილვაზე.
წარწერა ხუთ-სტრიქონიანი მოქცეულია ორ მრგვალ მედალიონს შუა წმიდათა,
რომელთაც წარწერები სახელთა არა აქვთ. ამ მედალიონებს ბოლოები აკლია, უფრო
დიდი მარჯვენა მხარეს, უფრო ნაკლები მარცხენას. ამ უკანასკნელის დარჩენილი
ნაწილი უჩვენებს, რომ ბოლოებში შემკობილობა ყოფილა ბროწეულის ყვავილების
მსგავსად, ისე როგორც წმიდის გიორგის ხატზეა სამივე შენახულ მხარეს. ამგვარად,
ვერცხლის ნაჭერი უფრო გრძელი ყოფილა, ვიდრე ეხლა არის. ასომთავრული
წარწერა საკმაოდ ვულგარული, იმავე ხასიათის არის, რაც ზემოდ ქრისტეს
მედალიონს აქვს წ-ის გიორგის ხატისა. წარწერას ჩვენ ასე ვკითხულობთ (იხ. №16915):

ქ ესე ; წმჲდაჲ ხატჲ ესე წმიდაჲ ხატი

შეჲქნა : კეცხემჲანისა შეიქმნა კეცხემიანისა
მამასახლჲსობასა მამასახლისობასა,
ქნა ათას სმას ოც ქრონიკონს ათას სამას ოც-
და მეათესა. და მეათესა.

ამრიგად, ჩვენის წაკითხვით, ამ წარწერის თარიღი უდრის 1330 წელს. წელთა

აღრიცხვა ქართულის ციკლოვანი ქორონიკონით კი არ არის ნაჩვნები, არამედ
ქრისტესით. ასო ჲ-ს ხმარება ი-ს მაგიერ ჩვეულებრივია, მეტადრე სვანურს
წარწერებში. საკვირველია, რომ ვიღაცას უვაროვისათვის გადაუცია, როგორც
რუსული თარგმანიდან სჩანს, თითქოს იქ ეწეროს: „მაცხოვარო ცხოველ მყოფელო,
მეოხ ეყავ“ (გვ. 111-112).

2 . ხატი მაცხოვრისა, ოქროთი დაფერილის ვერცხლით, ნაჭედი, 57X46,5 სანტ.

(№16915). მაცხოვარი წელსზევითია; მარჯვენა ხელით ის ჯვარს სწერს და ამისათვის
შეერთებული აქვს სამი თითი, ისე რომ საჩვენებელი და შუა თითი თავისუფალი
რჩებიან. მარცხენა ხელში სახარება უჭირავს. სახარების ყდა ვარსკვლავის მსგავსად
არის შემკობილი ამობურცული ფიგურებით. ნიმბი დიდია ჯვარის სახისა. თვალები
მაცხოვრისა ფართოა. სამოსელი ერთობ ხშირად დანაოჭებულია, თითქო
დასერილიაო. წარწერა სახელისა: ჲ-ჳ ქ-ჱ. ჩარჩო შემკობილია ბროწეულის
ყვავილების მსგავსად, ანუ მისტიური ვარდებით და შიგ მედალიონებია წმიდათა;
ზემოდ ტახტის შემზადება არის, არა ჩვეულებრივი, სამი ტლანქი ფიგურით,
აღმოსავლური მაღალი წვეტიანი ქუდებით. მარჯვნივ და მარცხნივ თითო
მედალიონი. მედალიონებს წარწერა არა აქვს. ქვემოდ დაცული წარწერა ორ მრგვალ
მედალიონს შუა, უკვე გავარჩიეთ, ეკუთვნის ზემოდ აღწერილ წ-ის გიორგის ხატს.
მიუხედავად ამისა, ხატი ჩვენის აზრით, მე-14-15 საუკუნეს უნდა ეკუთვნოდეს.

3. ჯვარი დიდი ხისა, შეძერწილია ოქროთი დაფერილი ვერცხლის

ფირფიტებით, ჯეროვანი ხელობისა, რომლებზედაც წარმოდგენილნი არიან სცენები
წმიდა გიორგის წვალებისა და მხოლოდ ერთ დიდ ფირფიტაზე ბოლოში მოიპოვება
ლამაზი ნახელავი ფიგურა მთავარ ანგელოზ გაბრიელისა, სრულის ტანით და
წარწერით: წ-ჲ გ-ბრლ. (№17922). ყველა სცენებს წარწერა აქვს და თავიდან დაწყებული
შემდეგ რიგს მისდევენ:
წ-დსა გ-ის ცემაჲ, წ-ჲ გ-ი ურმის თვალსა ზედა დაკლული (resp. დაკრული), წ-ს გ-ს
ხოჳ(რე)ტაჲ (შუაში); ამის ქვემოდ: წ-ა გ-ი კირსა შიგან დგას. წ-ჲ გ-ი საპყრობილესა
შიგან. მარცხენა ფრთაზე: წ-ჲ გ-ი ქველისსა მისსა განუყოფს გლახაკთა; წ-ჲ გ-ი, მეფე
დეოკლეტიანე (მეფე ტახტზე ზის); მარჯვენა ფრთაზე: წ-ჲ ღლჳკერი რომლისა ჴარი
აღდგა; წ-ჲ ლღჳკერი, წ-ის ღლჳკერის თავი კუჳთა (sic). მეორე გვერდი ჯვარისა
შემკობილია ნაზი ნახელავი ბროწეულის ყვავილების ორნამენტით. ჯვარი მე-13-14
საუკუნეს უნდა ეკუთვნოდეს.

4. ხატი მთავარ ანგელოზ გაბრიელისა, ოქროსი, ნაჭედი, ტურფა ქართული

ხელობისა (№16923). მთავარ ანგელოზი წარმოდგენილია სრულის ტანით,
მდიდრულ ბიზანტიურ სამეფო ტანისამოსში; ზურგს უკან მოსჩანს გრძელი ფრთები;
თავი პატარა აქვს, ხუჭუჭებად დაყოფილი თმის შემოვლებით; მარჯვენა ხელში
ბურთი აქვს (სფერო); მარცხენაში ლაბარუმი; მრგვალი თავის წრის ორივე მხარეს
ვარსკვლავების მსგავს „დრობნიცებში“ წარწერა სახელისა: წ-ჲ გ-ბლ. ეზო შემკობილია
ბალახოვანად. ჩარჩო ხატისა ფართოა, შემკობილი საუცხოო ბროწეულის ყვავილების
მსგავსი ორნამენტით და გამობერილი დიდი სადა მედალიონებით. ქვემოდ სამ-
სტრიქონიანი ასომთავრული წარწერაა, რომელსაც ბარტოლომეი არ იხსენიებს, დ.
ბაქრაძეს ხელით გადმოუღია, მაგრამ ვერ გაურჩევია (იხ. გვ. 97. დამატება №29); ა.
ხახანაშვილი არჩევს, მაგრამ არა სრულად და შენიშნავს, აზრი წარწერისა ბნელიაო;
მე მხოლოდ გავარჩიეო შემდეგი: მოიჭედა ხატი ესე. . .ხელით ოქრომჭედელისათა
(გვ. 37). ჩვენ სრულად ვარჩევთ წარწერას, რომელიც იყოფა ორ ნაწილად შუაში
ამობურცული დიდი სიმრგვალით:

მარცხენა ნაწილი: მარჯვენა ნაწილი:

ქ . წ ო : გ ლ : შ ე შნსა : წ ე
- - - - ნასსა : ნაცლობასა : მ
შემომ ვნი : მოიჭედ
- წლა : ჭურასასა :
ა : აბარმადობასა : ი
ჴელითა : ოქრომჭსა : თად-დს : ძისა[თა] .
ესე იგი:
„წმიდაო გაბრიელ, შეიწყალე შენსა წინაშე შემომავალნი. მოიჭედა აბარმადობასა
ინასასა (ანუ იონასასა), ნაცლობასა (=ნაცვლობასა) მიქელა ჭურასასა, ჴელითა
ოქრომჭედლისა თადიდის (ანუ თავდიდის) ძისა[თა]“.
აბარმადი იგივეა, რაც აბრამადი, ესე იგი ნაზირი (იხ. ჩუბინაშვილის
ლექსიკონი). ხატი უნდა ეკუთვნოდეს მე-12-13 საუკ.

5. ხატი ღვთის მშობლისა, კარედი, სიმაღლით 10 ¾ ვერშოკი, განით 10 ვერშოკი;

შუა ნაწილი კარედისა ოთხკუთხედი ფიცარია, შესანიშნავად მოჩუქურთმებულის
ოქროს ბასმით მოცული; ზემო ნაწილში კამარაა; შუაში ჩადგმულია წელსზევითი
ხატი ღვთის მშობლისა, ჩჩვილედი, 21X17 სანტ. ბერძნულის წარწერით სახელისა,
შემკობილი ძვირფასი ქვებით. პირის სახეები წმიდათა ყველა წამლით არის
დახატული, მაგრამ შემოსილობა ოქროსია. ღვთის მშობლის ზემოდ, კამარას ქვეშ,
მაცხოვარია მკერდსზევითი, წარწერით: I-C (sic); კამარის ზემოდ ტახტის
შემზადებაა. მარჯვნივ და მარცხნივ ღვთის მშობელს უკმევენ მშვენიერ პოზით
წარმოდგენილნი მთავარ ანგელოზები: მარცხნივ – გაბრიელ, წარწერით: გაბრიელ;
მარჯვნივ: მიქაელ. ქვემოდ გამოხატულნი არიან წელზევითნი: წ-ჲ მარინა და წ-ჲ
ბარბარე. კარებზე ყოფილან წარმოდგენილნი: ზემოდ ქერუბიმები ლაბარუმებით,
რომლებზედაც უწერია: წმიდა არს, წმიდა არს; და ქვემოდ მარცხენა კარზე წ-ჲ თ-ე
ტირონი და წ-ი დიმიტრი. მარჯვენა კარიდან ნახევარი დაკარგულია; დარჩენილზე
წარმოდგენილია; თ-ე სტრატილუტი. საერთოდ ხელობა ამ ხატისა ისეთი ნაზი,
ლამაზი და თვალწარმტაცია, რომ ყველა მნახველი აღტაცებაში მოჰყავს. პირველად
ეს ხატი ხელით გადმოიხატა და თავის შრომაში გამოსცა ბერნოვილმა (გვ. 196);
შემდეგ დაწრვილებით აღწერა და მისი ფოტოგრაფია გამოსცა გრ. უვაროვისამ (გვ.
121-122, ტაბ. XXXVII). ჩვენი ფოტოგრაფია ბევრად სჯობია უვაროვისას (იხ. №16921).
შუა ნაწილზე, ქვემოდ სამ-სტიქონიანი წარწერაა, სანახევროდ წნულის ასოებით
შესრულებული. ამ წარწერას დ. ბაქრაძე სრულიად არ იხსენიებს; ბარტოლომეის
გადმოუღია შეცდომებით და ამიტომ ბროსსე მას ნაწილობრივ არჩევს მხოლოდ; ა.
ხახანაშვილი სრულად არჩევს წარწერას, მაგრამ შეცდომებით (გვ. 17).
დაზიანებული სიტყვების აღდგენა, რასაკვირველია, ძნელია, მაგრამ ასეთი
სიტყვები არც ბევრია. აზრით მიმატებულს ასოებს და სიტყვებს ჩვენ ფრჩხილებში
ვსვამთ და მთელ წარწრას ასე ვკითხულობთ:

ქ : ყოვლად წ-ო : დედოფალო : ღ-თის : მშობელო :

რომელსა : გეტჳრ
თა : ღ-თი : მეოხ : ეყვენით : წ-ე : ძისა : და ღ-თისა :
ჩუენისა : სულისა ვახტანგისა : და მარინესა : რომელთა
[თჳს შევამკ-ეთ] ბრძანებითა ; მ-თთა : ხატი : შენი :
ვ-რდნ : ინასარიძემ : და ძმათა ჩემთა : ი-ნე : ინასარ :
საღირ : გ-ბლ ; და ბეშ[ქენ].
ქარაგმების გახსნით:
„ყოვლად წმიდაო დედოფალო, ღმრთის მშობელო, რომელსა გეტჳრთა ღმერთი,
მეოხ ეყვენით წინაშე ძისა და ღმერთისა ჩუენისა სულსა ვახტანგისა და მარინესა,
რომელთა(თჳს შევამკეთ) ბრძანებითა მათითა ხატი შენი ვარდან ინასარიძემან და
ძმათა ჩემთა, იოანე, ინასარ, საღირ, გაბრიელ (ან გრიგოლ?) და ბეშ(ქენ)“.
გრ. უვაროვისას ხატი მიაჩნია ბიზანტიურ ხელოვნების ნაშთად მე-12 საუკ.
გარდა შიგ ჩადგმული ღვთის მშობლის ხატისა, კამარას ზემოდ მორთულობისა და
წარწერისა, რომელთაც ქართულ ხელოვნებას მიაწერს (გვერდი 121-122), ნ.
კონდაკოვის აზრით, ხატი ეკუთვნის მეცამეტე-მეთოთხმეტე საუკუნეს (იხ. მისი
იკონოგრაფია ბოღომატერია, ტ. II, გვ. 266). ჩვენის აზრით, ეს მთლად ქართული
ხელოვნების ნაშთია მე-12-13 საუკუნისა1.
________
1 ბარტოლომეის აზრით (გვ. 195) ამ წარწერაში მოხსენებულს ვახტანგის სახელს მოუცია საბაბი
ლეგენდისათვის, რომელიც მოჰყავს ბატონიშვილს ვახუშტის თავის გეოგრაფიაში, ვითომც სეტის
ეკლესიაში ინახებოდეს საგანძური მცხეთის ეკლესიისა, რომელიც ვახტანგ გორგასალს უნდა
მოეტანოს ინდოეთიდან. ვახუშტი სწერს (იხ. ბროსეს გამოცემა, გვ. 410):
„ოდიშის აღმოსავლეთით არის ეცერი (ეწერი). აქა არს ეკლესია სვეტად (სეტად) წოდებული,
სახიზარი სვეტიცხოველის სამკაულ-საუნჯისა, რომელსა შინა იტყვიან სვეტის ცხოველის კანკელის
ყოფას დღესაცა, რომელი მოიღო გორგასალ ინდოეთიდამ, წითლის იაგუნდის ქმნილი, არამედ
საჩინოდ არიან აწცა ხატნი და ჯუარნი ოქრო-ვერცხლისანი და მოოჭვილნი ქვითა მრავალნი და
პატიოსანნი, დიდნი და მცირენი, რომელთა ზედა აქუსთ სასოება და პატივსცემენ. არამედ უმჯობესი
ხატი უბიათ ძეწკვით ოქროსათი და იტყვიან, უკეთუ აუშვათ, დალეწავს ყოველსავე აქა მყოფთა ხატ-
ჯვართა”.
საკვირველია, რომ ბერი ბაქრაძეც ვახუშტის სიტყვებით იწყებს თავის აღწერილობას ანუ
„მოგზაურობას სვანეთში”, 1864 წლისა. ის წერს:
„სოფელსა სვანეთისა ბეჩოს უწოდებენ, ეკლესიასა მათსა, სეტისას, რომელსა შინა დახიზნული
ყოფილა კანკელი მცხეთის ეკლესიისა (რომელიცა მოუტანია კანკელი იგი ძვირფასი თვლებისა
ინდოეთით ვახტანგ მეფეს გორგასლანს); ხოლო ესე ეკლესია არს გაუქმებული და არა რაჲ იპოების
სრულიად. მეორე ეკლესია არს მაცხოვრისა, რომელშიაც არს დახატული კედლები საშუალის
ხელოვნებითა”.
სეტის ეკლესია მესტიის თემს ეკუთვნის და არა ბეჩოსა. ეს კარგად იცოდა ბერმა ბაქრაძემ, მაგრამ
ის მაინც ვახუშტის სიტყვებს იმეორებს. ამიტომ უნდა ვიფიქროთ, რომ ბეჩოს თემში მართლაც
ყოფილა ეკლესია, რომლის შესახებ ასეთი ლეგენდა იყო გავრცელებული. მართლაც, ა. სტოიანოვი
სწერს თავის მოგზაურობაში (გვ. 371): „ჩვენ გავიარეთ ბაღვდანარ სოფლის ახლოს და შევედით სეპ-ის
ეკლესიაში, რომელიც ყველაზე დიდია მთელს თემში. გადმოცემით, ამ ეკლესიის კანკელი მთელად
იაგუნდისა მოტანილი იყო ინდოეთიდან, მაგრამ იოსებს (შესაძლებელია თვით ბეჩოს მცხოვრებთ)
გაუძარცვავთ საყდარი”. ალბათ ეს ეკლესია აქვს სახეში ბერს ბაქრაძეს, მით უემტეს, რომ იქ კიდევ
მეორე ეკლესიას აღნიშნავს.

6. ჯვარი ხისა. კანკელის წინ დასადგმელი, შუა ზომისა, 75X42 სანტ. მაცხოვარი
წარმოდგენილია წელს ზევით ჩვეულებრივად, სახარებით და მაკურთხეველის
მარჯვენით. ნიმბი დიდი აქვს ჯვარის სახისა, რომლის ორივე მხარეს ჯერ ბერძნული
წარწერაა სახელისა და მათ ქვემოდ, ორივე მხარეს, ჯვარია გამოსახული, ლურსმის
თავების მსგავსი ორნამენტით. ჩარჩო შემკობილია რომბებით და რვა მედალიონით
წმიდათა, რომელთა შორის ზემოდ ვედრებაა, ქვემოდ; წ-ჲ ლუკა, წ-ჲ ეკატერინე და წ-ჲ
გ-ბრიელ (მთავარ ანგელოზი), იოანე და გაბრიელი სრულის ტანით, მავედრებელის
პოზით არიან წარმოდგენილნი. ხელობა მე-16-17 საუკ. უნდა იყოს (№16911).

7. ხატი მაცხოვრისა, ვერცხლისა, ნაჭედი, 41X31 სანტ. მაცხოვარი

წარმოდგენილია წელს ზევით ჩვეულებრივად, სახარებით და მაკურთხეველის
მარჯვენით; ნიმბი დიდი აქვს, ჯვარის სახისა. რომლის ორთავე მხარეს ჯერ
ბერძნული წარწერაა სახელისა და მათ ქვემოდ, ორივე მხარეს, ჯვარი გამოსახული
ლურსმის თავების მსგავსი ორნამენტით. ჩარჩო შემკობილია რომბებით და რვა
მედალიონით წმიდათა, რომელთა შორის ზემოდ ვედრებაა, ქვემოდ: წ-ჲ ლუკა, წ-ჲ
ეკატერინე და წ-ჲ პ-ტრე; მარცხნივ: წ-ჲ ი-ე; მარჯვნივ: წ-ჲ გ-ბრიელ (მთავარ
ანგელოზი), იოანე და გაბრიელი სრულის ტანით, მავედრებელის პოზით არიან
წარმოდგენილნი; ხელობა მე-16-17 საუკ. უნდა იყოს (№16911).

8. ხატი მაცხოვრისა, ვერცხლისა, ნაჭედი, 20X15 სანტ. მაცხოვარი წელსზევითია,

ჩვეულებრივი ნიშნებით. ირგვლივ ხატი შემკობილია ვარსკვლავების მსგავსი
ფოლაქებით და ოთხი მედალიონით წმიდათა; მათ შორის ზემოდ, როგორც
ვედრებაში, წარმოდგენილნი არიან: ღვთის მშობელი და იოანე, მაგრამ შუაში ქრისტე
კი არ არის, არამედ წრე ვარსკვლავებისა შიგ მოქცეული დიდი ვარსკვლავით ანუ
მზით. ქვემოდ არის ორი წ-ა გიორგი. ხელობა დაბალია, მე-18 საუკ. (№16910)
 9. ჯვარი ვერცხლისა, წნულის სახისა; ფორმა აქვს წმიდის გიორგის სამხედრო
ჯვარისა; შემკობილია სამი ამავე სახის ჯვარით და ორის ქერუბიმით და სერაფიმით;
მეორე გვერდზედაც ასეთი შემკობილობაა; 24,5X25,5 სანტ.

10. სამწერობელნი, 42X44 სანტ. გაკეთებულია ხისაგან ჯვარის სახედ და

შეძერწილია ოქროთი დაფერილი ნაჭედი ვერცხლით (№16920). შუაში
წარმოდგენილნი არიან მწირველნი: წ¯ა გრიგოლ და წ¯ა ნიკოლოზ, წარწერებით: წ¯ჲ
გრიგლ, წ¯ი ნიკოლოზ. აქეთ-იქით ტრაპეზისა, რომელზედაც ჯვარია დასვენებული,
ქვემოდ შემზადებული ტახტი მოსჩანს. ეკლესიის მამები თითქო აღსავლის
კარებიდან გამოიყურებიან და ჯვარს სწერენ ერს; აქეთ-იქით მათი თანამწირველნი
მთავარ ანგელოზებია: მიქელ და გაბრიელ, რომელთაც გამოაქვთ წირვის იარაღები
(დიდი გამოსვლაა წარმოდგენილი); ზემოდ შემზადებული ტახტია წარწერით: I¯C X-
C და ორი ექვს-ფრთიანი ქერუბიმით აქეთ-იქით; ქვემოდ წინასწარმეტყველი ისაია,
მთავარ ანგელოზებითურთ.
მეორე გვერდზე, შუაში და მარცხნივ, იგიევა, რაც პირველ გვერდზე, მხოლოდ
ზემოდ ანგელოზთ მიაქვთ ცაში თორმეტ-ფრთიანი ჯვარი. ქვემოდ ექვს-ფრთიანი
ქერუბიმია (№16917). ამ სამწერობელს ხელი აკლია.

11. მეორე სამწერობელნი, ვერცხლისა, ნაჭედი, 45X44 სანტ. ვერცხლის ტარით

(№ 16918). შუაში გამოსახულია ექვს-ფრთიანი ქერუბიმი, ტეტრამორფით ფრთებს
შუა; მარჯვნივ, მარცხნივ და ზემოდ მისა მწირველნი მთავარ ანგელოზებია,
რომელთაც გამოაქვთ ბარძიმი, ჯვარი, გვირგვინი და სამწერობელნი; ქვემოდ ორი
მთავარ ანგელოზი. მეორე გვერდზე იგივე ფიგურები, ხოლო ზემო მთავარ
ანგელოზებს გვირგვინი არ გამოაქვთ (16919).
გრაფინია უვაროვისა ამ სამწერლობლებს ადარებს გელათისას და პოულობს მათ
შორის მსგავსებას (გვ. 134, ტაბ. XL). საერთოდ ეს მართალია, მაგრამ გელათისაზე
წმიდა ნიკოლოზი არ გვხვდება და არც წინასწარმეტყველი ისაია. გელათის
სამწერლობლებს მე-16 საუკუნეს მიაწერენ და ესენიც მე-16 საუკუნის უნდა იყოს.

12. დროშა, რომლის ტარი თავდება ზემოდ ფართო შუბით, რომელიც

ვერცხლიდან არის ჩამოსხმული და მასთან ოქროთია დაფერილი (იხ. ფოტო №16908
და 16909). ხეტარი დროშისა ზემო ნაწილზე შეძერწილია ოქროთი დაფერილი თხელი
ვერცხლის ფურცლით, ბასმით (იხ. ფოტ. №16913 და აგრთვე №16908-909). ამაზე
ჩამოკიდებულია მატერიიდან შეკერილი ლომის სახე და როცა ცხენოსან კაცს ეს
დროშა უკავია ხელში და ცხენი გაჩქარებით, თოხარიკით მიჰყას, ან აჭენებს, მატერია
იშლება ჰაერში ლომის სახით (იხ. უვაროვისა, გვ. 131-134, სურათი, 46, 47). მატერია,
რომლიდანაც კერავდენ ლომის სახეს, ეტყობა, ხშირად იცვლებოდა. ბარტოლომეის
დროს ის ნაფლეთებს შეიცავდა ხოლმე; მაშასადამე, ის დიდი ხნის ყოფილა;
უვაროვის დროს ის აბრეშუმის მატერიიდან იყო გაკეთებული; ჩვენ დროს კი სულ
უბრალო, ბამბის ყვითელ მატერიიდან იყო შეკერილი (იხ. ფოტ. №16913). მაგრამ ჩვენ
მოვიკითხეთ წინანდელი დროშაც. ვნახეთ და ჩამოვიტანეთ ტფილისში და
გადავეცით საისტორიო და საეთნოგრაფიო საზოგადოების მუზეუმს.
დროშის ძვირფას ნაწილს შეადგენს, რასაკვირველია, დროშის თავი, სიგრძით 23
სანტ. განით, ქვემო ნაწილთან 12 სანტ. თავი ხეტარზე ჩამოსაცმელი ლულით და მისი
გაგრძელების ბრტყელი ზოლით იყოფა ორ ნაწილად; ორივე ნაწილზე ერთი პირისა
წარმოდგენილნი არიან ფიგურები, მარცხნივ: წ-ა იოანე ლატალისა, წარწერით,
მსხვილი ასომთავრულით: წ-ჲ იონა ლ-ტრისა (sic), (იხ. ფოტო №16908); მარჯვნივ :
წმიდა გიორგი სეტისა, წარწერით: წ-ჲ გ-ი სეტისა.
წმიდა გიორგი წარმოდგენილია რომაულ საომარი ტანისამოსით, შუბით და
ფარით, გრძელი მოსასხამით და ხმლით წელს უკან. ნიმბი, როგორც იოანესი, ისე
ამისი წერტილებიანი წრისაგან არის.
სიტყვა „ლატარი“ ეხლანდელი „ლატალის“ მაგიერად გვხვდება ლატალის
ეკლესიების წარწერებშიაც. მეორე პირის მარჯვენა ნაწილზე დროშის თავისა
წარმოდგენილია ფიგურა უღრის მთავარ ანგელოზისა, წარწერით: მთავარ-ანგელოზი
უღრისა (იხ. ფოტო №16909). მთავარ ანგელოზი გამოწყობილია რომაულ საომარ
ტანისამოსში ფრთებით უკან, სრულის ტანით, მარჯვენა ხელით მხარზე გადებულს
ამოწვდილ ხმალს იკავებს, მარცხენა ხელი წელზე ჩამოკიდებულ ხმლის ქარქაშზე
დაუდვია. მარცხენა ნაწილი მეორე პირისა უკავია ასომთავრულ წარწერას, რომელიც
ჩამოგრძელებულია თავიდან ბოლომდის (იხ. იგივე ფოტოგრაფია). ჩვენს
ფოტოგრაფიაზე წარწერა მშვენიერად მოსჩანს და მისი შემოწმება ადვილია. ეს
საჭიროა, ვინაიდან მის რუსულ თარგმანში და გაგებაში ბევრი შეუსაბამობაა
ჩადენილი მკვლევართა მიერ. წარწერა იკითხება ასე:
ქ ქ.
უბე უბედ-
დნიე ნიერ-
რნ : რენ
ღთ
- ღმერთ-
მნ : ერთო მან ერთო-
ბილსა : ჴ ბილსა ჴე-
ევსა : ბე ვსა ბედ-
დნიერსა : ნიერისა
სჳნთისასა : სუანეთისასა
ლომი : და დრ ლომი და დრო-
შის თავი : შის თავი
დროშიშურთ დროშითურთ,
თ : ჩემ დიდისა . ჩემ დიდისა
მონასტრისა : მონასტრისა
წნრისა : გ გლ
- წინამძღუარისა გრიგოლ
კოპსძისა კოპასძისა-
გან : მოჴ გან მოჴ-
სენენ (sic) სენე-
ბული. ბული.
ეს წარწერა გადმოღებული აქვს ბარტოლომეის (იხ. ტაბ. II. №25), მაგრამ მის
წაკითხვაში ბროსსეს შეცდომები მოსვლია (იხ. ბარტოლომეი, გვ. 231), სიტყვა
„სუანეთისასა“ წაკითხულში გამოშვებულია. გამოშვებულია ეს სიტყვა ალ.
ხახანაშვილის ტექსტშიც (გვ. 37). დ. ბაქრაძე ბარტოლომეის უჩვენებს, წარწერა არ
მოჰყავს და რუსული თარგმანი მცდარია (გვ. 97).
 წარწერიდან და დროშის თავის ფიგურებიდან ცხადათ სჩანს: სამი ხევი
სვანეთისა, ლატალისა, სეტისა და უღრისა გაერთიანებულან საერთო მიზნებისათვის
და ამ გაერთიანების აღსანიშნავად სეტის მონასტრის წინამძღვარს გრიგოლ კოპასძეს
გაუკეთებია და შეუწირავს ლომი და დროშის თავი დროშითურთ. ამ დროშის თავზე
მას გამოუხატავს მფარველნი ანუ პატრონნი თითოეული ხევისა, ესე იგი წ-ა გიორგი
სეტისა, წ-ა იონა წინასწარმეტყველი ლატალისა და მთავარ ანგელოზი უღრისა. ამათ
სახელობაზე არის აშენებული თავი ეკლესიები ამ ხევებისა.
უღრის ხევად იგულისხმება, როგორც სამართლიანად აღნიშნა ბროსსემ,
უსათუოდ ლენჯერის ჴევი, ვინაიდან ეს ჴევი მდებარეობს სეტის და ლატალის ხევთა
შუა და უამისოდ ლატალისა და სეტის გაერთიანება შეუძლებელი იქნებოდა.
თუ გაერთიანების სიმბოლოს წარმოადგენენ მფარველნი წმიდანნი ხევებისა,
ლომი, გრიგოლ კოპასძის შეწირული, იქნებოდ სიმბოლო გაერთიანებული ძალისა,
მათი სიმხნისა და ძლიერებისა. უნდა ვიფიქროთ, ეს ლომის ფიგურა იყო
ჩამოსხმული ვერცხლიდან. სვანეთში ჩვენ არ გვინახავს ცხოველის ჩამოსხმული
ქანდაკება, მაგრამ საქართველოს სხვა ადგილებში კი გვხვდება. ერთი ასეთი საუცხოო
ცხვრის ქანდაკება ვერცხლისა იკოთის ეკლესიიდან ჩვენ კიდეც გამოვეცით (იხ. ჩვენი
არქეოლოგიური მოგზაურობანი და შენიშვნანი, რუსულ ენაზე, წიგნი V , გვ. 66).
გრიგოლის მიერ შეწირულ ლომს ჩვენამდის არ მოუღწევია, მაგრამ წარწერის
შინაარსი ცხადჰყოფს, რომ ასეთი ლომის ქანდაკება არსებულა. მკვლევართ კი ყველას
ასე გაუგიათ, თითქო ლომის ჴევი ყოფილ იყოს სახელი შეერთებული სამი ჴევისა
(ბაქრაძე, გვ. 97; ხახანაშვილი, გვ. 37; გრ. უვაროვისა, გვ. 132). გრ. უვაროვისა სწერს დ.
ბაქრაძის და შანშიევის მიხედვით:
ხსენებული დროშა დიდათ მიჩნეულია ადგილობრივი სვანების მიერ; მას
განსაკუთრებული პირი ჰყავს მიჩნეული შესანახად და გამოსატანად. სვანების
გადმოცემით ეს დროშა თამარ მეფის მიერ არის მათდამი ნაანდერძევი. წელიწადში
ერთხელ ულიშობას, ესე იგი, წმიდა ელიას დღეს, გამოიტანენ მას და ერთი
ცხენოსანი ამ დროშით ჩამოიარს მთელს სოფელს; თუ ამ დროს მატერიის ლომი
კარგად გაიბერება, გაიშლება და ლომის სახე კარგად გამოჩნდება, ეს დიდი
ბედნიერების და კარგი მოსავლის მომასწავებელია ( შანშიევი, მცირე შენიშვნები
სვანეთში მოგზაურობიდან, ზაფხულში 1885 წ. რუსულ ენაზე, გვ. 129).

13. დოქი ანუ თუნგი, ვერცხლისა, შესანიშნავი ხელობისა, 5 გირვანქა წონით, 40

სანტ. სიმაღლით (იხ. ფოტო. № 16923).. სახელური დოქისა მაღალია, სადა, მაგრამ
ზედ უზის საუცხოოდ გამოქანდაკებული მხეცი, მგელ-კაცა (ლეოპარდი), რომელიც
პირდაღებული და კისერ-წაშვერილი მიიპარება წყლისაკენ (სახე უფრო გარკვეულად
იხ. ფ. №16931-16933). ფსკერი დოქისა ცოტა ჩაღრმავებულია შიგ ჩაჭრილი მსხლის
მსგავსი ფიგურებით და ირგვლივ კუბიკური წარწერა უვლის (იხ. ფოტ. №16921).
მუცელი დოქისა საზოგადოთ სადა დიდია და სამი მხრით შემკობილია ოქროთი
მოყვითლულ „დრობნიცებით“, რომელბშიაც მშვენიერი ნახელავი სირინოზების
სახეებია წარმოდგენილი. ერთ მათგანში ორი სირინოზია მოთავსებული, დანარჩენ
ორში თითო (იხ. ფოტ. №№ 17616 და 17615). ზემო ნაწილზე დოქისა ხელოვნურად
გამობერვით განჭედილს და მოყვითლულ აშიაზე არაბესკებში წარმოდგენილნი
არიან ძაღლები, რომელნიც მისდევენ ლეოპარდებს (იხ. ფოტ. №16923). ყელი დოქისა
მაღალია, აგრეთვე მაღალის და არაბესკებით შემკობილის ტუჩით ამ ყელზედაც სამის
მხრით ოქროთი მოყვითლულ „დრობნიცებში“ მოთავსებულია თითო სირინოზი (იხ.
ფოტ. №№16931-16934). იქ, სადაც დოქის მუცელი ყელზე გადადის, პატარა
მოჩუქურთმებული სარტყელია; ცოტა უფრო ზემოდ მეორე სარტყელია არაბესკებით
და კუბიკური წარწერებით. ასეთივე სარტყელი მოიპოვება კიდევ სულ ზემოდ,
ყელის დასასრულს (იხ. ფოტ. №№16923, 16931-16934). უვაროვის სიტყვით, რომელსაც
ეს დოქი დაწვრილებით აღწერილი აქვს (გვ. 139. ტაბ. XLI, №№71, 72). კუბიკური
წარწერები არ უჩვენებენ არც თარიღს, არც ისტორიულ სახელებს, არამედ შეიცავენ
ჩვეულებრივ სურვილებს ბედნიერებისა, სიმართლისა, სიმდიდრისა, ძალისა და
სიმხნისა მისი პატრონისათვის.
სვანები ამ შესანიშნავ დოქს თამარ მეფის შემოწირულად სთვლიან და სხვა
ჭურჭლებთან ერთად კოშკში ინახავენ. რვა კარგად გამოსული ფოტოგრაფია ამ
დოქისა საკმაოდ გვაძლევს წარმოდგენას მის დეტალებზე. ეს დოქ-თუნგი უნდა
ჰქონდეს სახეში ბერს ბაქრაძეს, როდესაც სწერს: დიდი თუნგი წვერიანი, ვერცხლისა,
5 გირვანქა.

14. დოქი ვერცხლისა, 39,5 სანტ. სიმაღლით, მე-12 საუკუნის ქართული

ხელობისა (№16926). ფეხი დოქისა მომაღლოა და დასერილი კოვზების მსგავსად და
მოყვითლული; მუცელი მრგვალი აქვს, შემკობილი სამი „დრობნიცით“, რომელნიც
მოცულნი არიან ნაზი სევადის ორნამენტით. იქ, სადაც მუცელი ყელზე გადადის,
ოქროთი დაფერილი სარტყელია, ნაჭედი, ზოლებით შემკობილი. ყელი მაღალი აქვს;
პირი ფართო, რომელს უვლის ვიწრო ლამაზი სარტყელი. ხელი მსხვილი აქვს და
მაღალი, ნაწილობრივ მოყვითლული და შემკობილი წახნაგებით. სახელური
უერთდება დოქს ლომის ანუ ვეფხის პირით. პირის ქვემოდ სევადით გამოყვანილია
დიდი ასომთავრულით წარწერა, რომელიც არ იყო შემჩნეული ბარტოლომეის,
ბაქრაძის, უვაროვის და ხახანაშვილის მიერ. წარწერა ჩვენ გადმოვიღეთ ოთხ
ფირფიტაზე (იხ. ფოტ. №№ 16927- 16930). ის იკითხება ასე:
: ქ : ღ-თნ : უბდ -ნრნ : ღ-თსა : სწორსა : მ-ფთა : მ-ფსა :
გ-ის : მ-წს : ამ-რსა : ქვთ-რსგნ.
ესე იგი: ღმერთმან უბედნიერენ ღმრთისა სწორსა მეფეთ მეფესა გიორგის მიწისა
ამირასა ქავთარისაგან.
აქ საუბარია მეფე გიორგი მესამეზე, თამარ მეფის მამაზე, (1156-1184) და
ეპიტეტი ღვთის სწორი მას ეკუთვნის. ამირა ქავთარ ცნობილი არ არის ჩვენს
წყაროებში, მაგრამ გიორგი მესამის დროს იხსენიება ერთი ქავთარ
მეჯინიბეთუხუცესი. შესაძლებელია ის შემდეგ გახდა ამირად ქართლისა ან
ტფილისისა (H.G.I.p. 399) ეს დოქი აქვს სახეში ბერს ბაქრაძეს, როდესაც სწერს: დიდი
თუნგი ვერცხლისა, გიორგი მეფისა, 4 გირვანქა.
ამის და წინა დოქის სურათები მოთავსებულია აგრეთვე ალბომში „ვასტოჩნოე
სერებრო“, პეტერბურგი, 1909 წ. ტაბ. LXXIII, 129, 130. ამას გარდა ერთ-ერთ
ტფილისის პერიოდულ გამოცემაში მოთავსებული იყო სურათი უკანასკნელი
დოქისა და ჯეროვანად განმარტებული მისი წარწერაც. სამწუხაროდ, ეს გამოცემა
ეხლა ხელში არა გვაქვს, არც მისი სათაური გვახსოვს და არც ავტორის გვარი. ავტორი
ჩვენს შემდეგ ყოფილა მესტიაში და ამბობდა, თითქო მის მეტს წარწერა არავის
შეენიშნოს, მაგრამ, როგორც მკიხველი ხედავს, ჩვენ წარწერა არა თუ შევნიშნეთ,
არამედ მის გადმოღებას ოთხი „ფირფიტა“ მოვანდომეთ. ეს სურათები უკვე იყო
ჩვენს უნივერსიტეტში და მუზეუმებში, მანამ ავტორი მესტიაში გაემგზავრებოდა.

15. ჩაფი ანუ ჩაყვა, ვერცხლისა, ორი პატარა სახელურით, ფეხებიანი, 23X26
სანტ. მოყვანილობა ჩაფისა ფრინველს მოგვაგონებს. ქვემო ნაწილზე ნაჭედი
გამობერვილი შემკობილობა აქვს მსხალის მსგავსი სახეებისა, ხოლო ზემოდ ნაჭედი
ორნამენტალური სარტყელი. სახელურზე ერთი ლალი უზის. საერთოდ ლამაზი
ნახელავია (იხ. ფოტ. №17023); ფსკერზე გარედან მხედრული წარწერა აქვს (№16935):

: ჩუენ : მეფეთ : მეფემ და : ჴელმწიფემ დადიანმან :

პატრონმან : ვამეყ : დედოფალთ : დეოდფალმან ბა-
ტონმა : ელენემ შემოგწირეთ : ჩაყვა : ესე შენ : წმიდა :
გიორგის : სეტისას : ჩვენდა სადღეგრძელოდ და გასა-
მარჯვებლად : შვილების : ჩვენის : აღსაზრდელად.

ამ წარწერაში მოხსენებული ვამეყ არის ვამეყ მესამე, დადიანი, ძე გიორგი

ლიპარტელიანისა. ის მემკვიდრე იყო ლევან მეორე დადიანისა, მაგრამ გაძევებულ
იქმნა სამეგრელოდან ქართლის მეფე ვახტანგ მეხუთის მიერ და გადაიხვეწა
სვანეთში, სადაც მოკლულ იქმნა 1660 ანუ 1661 წელს (H. G. II. I liv. p.p. 274-280.
Chroniques Geor. p.p. 86. . .87). ამაზე უფრო ვრცელი მისი წარწერა არის ამგვარსავე,
მაგრამ უფრო დიდს ჩაყვაზე, რომელიც ჩვენ ვნახეთ ოთარ დადეშქელიანის სახლში,
ეწერში. ამის შესახებ ქვემოდ იქნება საუბარი. ბერი ბაქრაძე სწერს: დიდი ჩაფი
ვერცხლისა რუსუდან დედოფლისა (?), 5 ¼ გირვანქა. აქ თუ სხვა ჩაფი არ
იგულისხმება, მაშინ რუსუდან დედოფლის სახელი შეცდომით უნდა იყოს
მოყვანილი.

16. სრულიად ასეთივე მეორე დიდი ჩაყვა ანუ ჩაფი, 26X23 სანტ. განირჩევა
პირველიდან მხოლოდ შემკობილობის ხასიათით ზემო სარტყელისა (იხ. ფოტ. №
16936). ეს უნდა ჰქონდეს სახეში ბერს ბაქრაძეს, როდესაც სწერს: დიდი ბადია, 4
გირვანქა. სახელური ბატის ნისკარტს ჩამოჰგავს.

17. მესამე ასეთივე ჩაყვა, 24X 19 სანტ. უფრო სადაა, ვიდრე პირველი ორი.

18. სასანთლე ვერცხლისა, სადა მსგავსი ყირამალად დამდგარი საყვირისა, 27

სანტ. სიმაღლით (იხ. ფოტ. № 16939). ირგვლივ აქვს მხედრული წარწერა:

ქ : ესე სასანთლეს (sic) დეის მამა ჯოლიას არის

შემდეგ:
შემოგწირეთ : ჩვენ : მეფეთ მეფემ : პატრონმან : ბაგ-
გრატ და თანა : მეცხედრემან : ჩუენმა დედოფალმან :.
ბატონმან : თამარ სასანთლე ესე :. ხელმწიფობისა ჩვე-
ნისა : წარსამართებლად :. წმიდას :. გიორგის . სე-
ტისას :. ქრ-ს : სამას :. ორმოცდა :. თერთმეტსა :.
ქორონიკონი უდრის 1663 წელს. აქ მოხსენებული მეფე ბაგრატ არის იმერეთის მეფე
ბაგრატ მეოთხე (1661-1680), თამარი, კონსტანტინე მუხრან-ბატონის ასული, მანვე
ამავე 1663 წელს შეირთო.

19. საცეცხლური ბრინჯაოსი, სირიული რიგისა, ტლანქი გამობერვილი

სახეებით ახალი აღთქმის სცენებისა. ეს სცენები კარგად მოსჩანან ჩვენს სამს
ფოტოგრაფიაზე, №№16937-16939.

20. ზარი დიდი, გატეხილი მხედრულის წარწერით (იხ. ფოტ. №16911).

ქ . ჩუენ :. ღ-თივ :. გუირგუინოსანმან :. მეფეთ :. მე-
ფემან :. ბატონმან :. ალექსანდრე :. შემოგწირეთ ;. მცი-
რე :. შესაწირავი :. ზარი :. ესე :. თქუენ :. მოწამეთა :.
მთავარსა :. წმიდას ; გიორგის :. სეტისას :. მეფობისა :.
ჩუენისა :. წარსამართებლად :. და დღეთა :. ჩუენთა:.
სადღეგრძელოდ :. ჰოი ;. წმიდაო :. გიორგი :. მეოხ :.
მცველ : და მფარველ :. გუექმენ :. აქაც :. და მას :.
დღესა :. დიდსა :. განკითხვისასა :. წინაშე :. ღ-თისა :.
ამინ.

21. მეორე უმცროსი, მაგრამ კარგად შენახული ზარი, იმავე ალექსანდრე მეფისა;
ზარი შეწირულია სეტის მთავარ ანგელოზის ეკლესიისათვის, მაგრამ ინახება ამ წ-ის
გიორგის ეკლესიასთან. აქვს შემდეგი მხედრული წარწერა:
ქ . შემოგწირეთ თქუენ სუანეთის სეტიას მთავარანგე-
ლოზსა ჩუენ მეფეთ მეფემან ალექსანდრემ ზარი ესე.
შეიწირეთ წმიდანო მთავარანგელოზნო მცირე შემოსა-
წირავი ესე მეფობისა ჩუენისა წასამართებლად და ცოდ-
ვათა ჩუენთა შესანდობარად.
ყურადღების ღირსია, რომ წარწერებში ეხლანდელი თემის სახელი მესტია არ
გვხვდება, არამედ ყოველთვის სეტი, წინეთ ალბათ სახელი მესტია არ არსებობდა და
მთელი თემის ანუ ხეობი სახელი იყო სეტი.

22. ბარტოლომეის დროს ამ ეკლესიაში ინახებოდა ლაგამი უცხო ფორმისა,

ცული მახვილოვანი ორივეს მხრით და ფარი. დეკანოზი (უკეთ ვსთქვათ, პაპი)
ირწმუნებოდაო, ამბობს ბარტოლომეი, რომ ეს ლაგამი ოდესღაც თამარ მეფეს ეჭირა
ხელშიო და მით ატარებდა ცხენსაო, ხოლო ცული მის წინ დაჰქონდათო. ფარზე
ყოფილა ამოჭრილი რამოდენიმე სანახევროდ გადასული არაბული ლოცვები,
უმნიშვნელო (იხ. ბარტოლომეი, გვ. 169). ეხლა არც ერთი ეს ნივთი აღარ არის.

23. უფრო სამწუხაროა მეორე ძვირფასი ნივთის დაკარგვა, რომელიც წინეთ

ინახებოდა ამ ეკლესიაში. ეს იყო ვერცხლიდან გამოქანდაკებული ანუ ჩამოსხმული
სირინოზი, რომლის წონა ყოფილა ბერი ბაქრაძის აღწერილობით, სამი გირვანქა. ის
ასე იხსენიებს ამ ნივთს: სირინოზნი ვერცხლისა, სამი გირვანქა; ორივეს მხრით თავი
ქალია და ბოლო თევზისა. ჩვენ დიდი მადლობელი უნდა ვიყოთ ბერნოვილისა,
რომელსაც გადმოუხატავს ეს ნივთი და მოუქცევია მისი სურათი თავის გამოცემაში
(გვ. 137, სურათი 17). ამ სურათითაც ცხადათ სჩანს, თუ რა შესანიშნავი ხელოვნების
ნივთი ყოფილა ეს სირინოზი; ბერნოვილის სიტყვით, მისი სიმაღლე ყოფილა 40
სანტ. ის სამართლიანად შენიშნავს, რომ თავი და თავის შემკულობა ამის ნამდვილი
ქართული ხასიათის არისო. ეს ნივთი საკმევლის შესანახად ყოფილა განკუთვნილი.

24. ბერნოვილს უნახავს ამ ეკლესიაში კიდევ ორი ვერცხლის ბარძიმი,

შემკობილი ორნამენტებით და მათი სურათი მოუთავსებია თავის შრომაში (გვ. 138).
მისი აზრით, ესენი სამასი თუ ოთხასი წლის წინათ უნდა იყვნენ გაკეთბული. ჩვენის
აზრით, კი ბევრად უფრო გვიანია. არც ეს ბარძიმები შენახულა ჩვენს დრომდის.

25. სახარება, 26X 22 სანტ. დაწერილი ეტრატზე კარგის ასომთავრულით ორ

სვეტად, თითოეულ სვეტზე 19 სტრიქონია, ყდა ხისა აქვს, ტყავ-გადაკრული. ორივე
მხარე ყდისა შემკობილია ჯვარით, რომელიც გამოყვანილია ვერცხლის ლურსმის
თავების მაგვარად. ყდა დაზიანებულია, ფრუცლები არეული. შეიცავს 304 ფურცელს.
ამას გარდა ოთხ ფურცელზე წარმოდგენილია კარგი ნახელავი ოთხი მახარობელის
სურათი, ფერადის წამლებით დახტული. ესენი ყველა გადმოღებულია, (იხ. ფოტ.
№№17183-17186). რვა ფურცელი (და არა შვიდი, როგორც ა. ხახანაშვილი ითვლის),
უჭირავს ფერადებითვე საუცხოოდ შესრულებულს კანონებს (ესენიც
გადმოღებულია, (იხ. ფოტ. №№17187-17194); ერთ ფურცელზე ასეთივე შემკობილი
კამარა არის ორ სვეტზე დაყრდნობილი და ამ კამარის ქვეშ წარმოდგენილია ერთობ
ლამაზი წნული ჯვარი წითელს ფონზე მცენარეებითურთ დაბლა. ჯვარი
შესრულებულია მწვანე ფერადებით. ჩვენ ესეც გადმოვიღეთ (იხ. №17195). ერთი
ფურცელი ამ სახარებიდან ამოჭრილი ჩვენ ვნახეთ ლატალის საზოგადოებაში
მცხოვრებ სევასტი ჩარკვიანის ხელში; ამას ეს ჯიბეში უძევს, საფულეში, ოთხად
დაკეცილი, და სულ თან დააქვს, რომ არვინ მოჰპაროს. ეს არის პირველი ფურცელი
მე-21 რვეულისა. ამ ფურცლის ქვემო აშიაზე მერმინდელის ნუსხა ხუცურის ხელით
სწერია:
„სეტისა წა-ნდა გიორგის შემოგწირე მე თავადმა ზურამ
ჩარკვიანმა ჴატი ესე მაცხოვრისა და შემიწყალე მონა
შენი ამინ“.
როდესაც მე ვკითხე, თუ რად ამოიღო ეს ფურცელი სახარებიდან, მან მიპასუხა:
ეს ჩემი თავადობის საბუთია და მე უნდა მქონდესო. ამაზე მესტიელებმა დასტური
დამცესო. ჩარკვიანები აზნაურები იყვნენ და თავადებად საბუთებში არა სჩანან;
შეიძლება მინაწერი ყალბი იყოს.
სახარების ტექსტი იწყება ევსების წერილით კარპიანესადმი. იოანეს სახარების
ბოლოში წვრილის ნუსხა ხუცურის ხელით სწერია:
დ-ბჲ ღ-ა დაესრულა/ წ-ჲ ესე წიგნი სხრბისაჲ/ ო-ო იჳ
ქ-ე მოწყალებითა/შენითა : შეიწყალე : და ადი/დე სუ-
ლიერად : მონაუ შენი/ მომგებელი წ-დისა ამის/ წიგ-
ნისაჲ ილ-ნ იშხნელი ა-ნ/იყვნ :.
ხელნაწერის ბოლოს ვრცელი შესავალის შემდეგ არა ისტორიული შინაარსისა
ვკითხულობთ:
რლ-ისათ-სცა მე საწყალ/ობელმ-ნ და ყ-ლთა შ-ს მკ/უი-
დრთა სფ-ლსთან/ კლულევანმნ და უნა/ნელმ-ნ გლა-
 ხაკმ-ნ ილა/რიონ ძემ-მასორსმ-ნ/ იშხნელ ეპისკო-
პოზ/მან მოვიგე წ-ჲ ესე ო/თხთავი და აღვაწე/რიე ფა-
სითა სრულე/ბითა რ-ფ-დი, წადიერე/ბით სურვილი და
სიყუარული მაქუნდა / ამისა მიმარ-თ და შევი/ყუარენ
თხრობანი ესე/ და ესეც მსგავსად ძალია ჩემისა რ-ლი
პატი/ჟთა მ-თ ზემო ჴსენებულ/თა დაჴსნასა გუაოწყებს/
და კეთილთა მ-თ მჴსნელისა /ჩ-ნისა მ-რ ყოფ-ლთა1 გუ-
ახარ-ბს/ და შერაჲ ვიყურე ვიღუაწე / მოგებად და
აღვწერე ლავრ/ასა შ-ა კ-ხლსა წ-დისა წინა მორბედისა
იოვანესა ოშკს კლ-თა გლახ/კისა გბ-რლ გ-ის ძმის წუ-
ლისაჲ/თა ქრონიკუნსა :. ს-ნ-გ :. სა :./
სალოცველ-ღ და სადიდებე/ლად ღ-თივ მ-რწმონეთა
მ-ფთა /ჩ-ნთა ბგ-რტ კურაპალატისა/ და დ-დისა მათისა
მ-რმ დედოფ/ლთა დედოფლისა ად-ნ ღ-ნ/ სალოცველად
და სალხინებ/ლად საწყალობელისა ს-ლისა/ ჩემისა და
სა[ლოცვლ-დ სულთა]/ თ-სთა ჩემთა ც-ცხლთა და
მ-ცვ/ლებ-ლთასა და სალ-ცვე/ლ-დ ძმისა ჩემისა იოვა-
ნესა/და შვილთა მისთა მასო/რის და გ-ისთ-ს აწ გვედ/-
რები ყ-ლთავე რ-ნი იმსახო/რებდეთ და აღმოიკიტხვი/-
დეთ წ-ა ამს წიგნსა ჴსენე/ბულმცა ვარ წ-თა შ-ა ლ-ც/-
ვთა თქ-ნთა :. / აწ რაჲსაცა ვის მიზეზი/სა გზისა (sic)
წ-ჲ ესე წიგნი ვის/თ-ნაცა მოიწიოს და შემო/გივრდეს
(sic) და ჩემად ვეღარ / მოიწიოს და მე გამომა/ჴუას
განა თო მე თჳთ და / ოტეო ვის და მივსცე სა/ლოც-
ველად ჩემდა და მას გამოა¯ჴუას [კრულმცა] არს სიტყუ-
ითა/ დაოსაბამოჲსა ღ-თისაჲთა / ექუსთა კრებათა მად-
ლითა / . . . ე : პტრიაქთა ჯ-ითა წ-თა მოციქუ/ლთა მ-დლი-
თა იოვანე ქ/ართლისა : კ- : ჯ-ითა და / ვინცა ვინ ესე
ჩემი დაწე/რილი საქმით აღასრულოს/ ჯ ჲ აქუს ღ-თი-
ასგ-ნ და ჩემ/გლახაკისაგ-ნ:. /
აწ გევედრებით ყლთა რ-ი / შმდგომით შ-დ ღირ(ს)
იქმნეთ და /გ-ოლის ჴმა ყავთ პოვნად / სარგებელისა
ნამოშაკევისა / ამისგ-ნ ჩ-ნისა რ-მეშინის ნუ / უკუე
და არღარა საძიებელ / იყო ამიერითგ-ნ დ-დი ესე სა-
იდ / ომლოჲ ჴსნის-ჲ ვინაჲთგ-ნ აწ / ვე უწყი ეს
წ-წტყლბათა / აღსრულებ-დ და მიდრეკილ ა / რ დღე
და შეურაცხს ოქრუჲ / სიწმიდე წ¯ე მდებარე არს ძღ¯ლთა / და
მარგალიტი დაითრგუნვის ღრ / თ¯ა მ¯რ გ¯რნა ოქრუჲ ოქრუჲ არ /
ს და მარგალიტი ღრთ¯ა მ¯რღა თო /
დაითრგუნვის იხილეთ გ-ნყო / ფილებ-ჲ შ-ს მრგ-ლტის
და ღ-რთა / ყავთ ჴსენებაჲ ჩ-ნი კ-თლი და მიით / უალეთ
გულს მოდგინებ-ჲ რ-ა / თ-ქნ და ჩ-ნ ნაყფ-რ ვიპ-ვნთ

_______
 1 უნდა იყოს: ყოველთა.

ო-ისა / ჩ-ნისა ი-ჳ ქ-სა მ-გამოჩინებ-სა მის / სა დ-ბჲ

თნა სამარადისოდ თმმ-თ / ერთარსებითა სლისა წდი-/
საჲთა უკუნი / თი ო-კე /ა-ნ :
ეს ანდერძი შესავალითურთ ჩვენ სრულად გვაქვს ფოტოგრაფიულად
გადმოღებული, იხ. №17182, 17207.
ამ სახარებას იხსენიებს ბარტოლომეი; ბაქრაძეს ნაწილობრივ აქვს ანდერძი
გადმოწერილი და შეცდომით ოშკის მონასტრის მაგიერ ოპიზას კითხულობს (გვ. 98);
ხახანაშვილს სრულად აქვს ტექსტი ანდერძისა მოყვანილი, მაგრამ შეცდომებით;
ზოგირთი სიტყვები მას გამოშვებული აქვს. ზოგიერთ ადგილებს ტექსტისა ის
ადარებს სხვა ხელნაწერ სახარებათა ადგილებს (იხ. გვ. 9-13). ხელოვნების მხრით
სახარება აღწერილი აქვს გრ. უვაროვისას (გვ. 149-150), ორი სურათით, ერთი იოანე
მახარობელისა (სურ. 78) და მეორე კამარისა (სურ. 79).

26. დ. ბაქრაძე უჩვენებს სეტის ეკლესიაში პატარა ჯვარცმის ხატს, წარწერით (გვ.
17);
ქ ჯუვრცმაო ქ ჯუარცმაო ქ-
რისტესო : მეოხ რისტესო, მეოხ
ექმენ : სას ექმენ სას-
ოებით : მო ოებით მო-
ქენესა : თქ ქენესა თქ-
ვნსა : გუგა ვენსა გუგა-
ელიგას : ელიგას
უდარანსა : და : მღ უდარანსა და მეუღ-
ლსა : მსა : ლელას . ლესა მისა ლელას.

ეს ხატი იქ აღარ მოიპოება.

ეს ხატი ჩვენ იქ არ გვინახავს, როგორც არ უნახას ეს გრაფინია უვაროვისას და ა.
ხახანაშვილს, მაგრამ შემდეგ ბ. ნიჟარაძემ ტფილისში მოგვიტანა პატარა ვერცხლის
მოოქრული ფირფიტა, რომელიც, ეჭვს გარეშე, შეადგენდა ზედა პირს პატარა
სახარების ყდისა. აქ შუაში წარმოდგენილია ჯვარცმის ფიგურა წინამდგომებით,
მარიამით და იოანეთი; თავი მაცხოვრისა დაზიანებულია, ოთხივე მხარით შუა
ფირფიტას ახლავს მცირე ფირფიტები, რომელნიც ფარავდენ წინეთ ოთხივე მხარეს
სახარების სისქისა და ამათზე მოყვანილია ზემო აღნიშნული წარწერა, ხოლო ეხლა ის
ნაწილი, სადაც წერებულა მეშვიდე სტრიქონის ასოები: ელი, მოტეხილია. ამას გარდა,
კუთხეებში ამ მცირე ფირფიტებისა წარმოდგენილია წელსზევითი ფიგურები
წმიდათა; ამათში ქევმოდ, მარჯვენა კუთხეში, ღვთის მშობლის ფიგურა მთელად
დაცულია, მარცხნივ, დაზარალებულია და მარჯვნივ ქევმო ნაწილი დაცული. ყველა
ფიგურას ხელები გულზე აქვს გაშლილი სავედრებლად. ჯვარცმის ხატს მესტიაში
ბერი ბაქრაძეც იხსენიებს 1864 წლის აღწერაში ამ სახით:
„ხატი ჯვარცმისა მცირე, ოქროსი, შემკობილი გუგა გელიგას უდარანსა და
მეუღლისა მისისა ლელუასაგან“.
 ცხადია, ეს შეცდომით წაკითხულია, მაგრამ ეჭვი არ უნდა იყოს, რომ ორივე
ავტორს ეს ჩვენ მიერ აღწერილი ფირფიტა აქვთ მიღებული ჯვარცმის ხატად. ხელობა
მე-16 საუკუნის უნდა იყოს. ფოტოგრაფიული სურათი აღნიშნული ფირფიტისა
ხელთა გვაქვს, მაგრამ ეს ერმაკოვის კოლექციაში არ შედის.

სოფელი ლაღამი.

სოფელი ლაღამის ეკლესია მაცხოვრისა ძველია, თლილის შირიმის ქვისაგან

აშენებული. ეს ეკლესია სხვებისაგან დიდათ განირჩევა. სულ ქვემოდ, მიწაში
ამას სარდაფი აქვს, რომელიც საბერო სენაკსა ჰგავს და მართლაც, სვანების
გადმოცემით, აქ ბერი ცხოვრობდა. აქედან თქვენ ადიხართ მეორე, უფრო
ვრცელს ზალის მსგავს ოთახში, რომელიც თაღებით არის მოცული, მაგრამ ეს
კიდევ ეკლესია არ არის, ამას საკურთხეველი არ ახლავს. ეკლესია არის იმ
ზალის ზემოდ, პატარა; მას დასავლეთით ეკვტერი აქვს და აქედან არის
შესავალი ეკლესიაში. ამნაირად, ეკლესია თითქო სამ-სართულიანია, მაგრამ
ჩვენის აზრით, სამივე ნაწილი სხვა და სხვა დროს არის აშენებული და ამიტომ
ერთი სახე არა აქვს. ეკლესიის ნაწილი თვალსაჩინოდ განირჩევა სხვა
ნაწილებისაგან და ეტყობა, შემდეგ არის აშენებული. მთელი შენობა
შემოზღუდულია გალავნით და ორი კოშკით; შენობა იჩრდილება მაღალი,
ტოტებ-გაშლილი იფნის ხეებით (იხ. ფოტ. #17622). მარჯვნივ ეკვტერს
მიშენებული აქვს ოთხ-კუთხედი ოთახი, რომელიც ეკლესიას არ უერთდება
კარებით. კანკელი ძველია, ქვისა, მოხატული, სამი კამარით, ერთი შესავალი
კარით, რომლის ორივე მხარეს პატარა სვეტებია; ხოლო კუთხეებში ნახევარი
სვეტები. საკურთხეველში ორი პატარა უბეა. ერთი სარტყელი, რომელზედაც
თაღია დამყარებული, სამხრეთ და ჩრდილოეთ კედლებს ჰყოფს ორ-ორ კამარათ.
ფანჯარა აქვს აღმოსავლეთით, დასავლეთით და სამხრეთით. ფრესკები ჰქონია ამ
ეკლესიას არა თუ შიგნით, აგრეთვე გარეთაც, ზემო ნაწილში, მაგრამ ეხლა
მოშლილია; შიგნით კედლები ორ რიგად არის გაყოფილი; ზემო ნაწილში უფრო
მოსჩანან ფრესკები. საკურთხევლის კონქში მაცხოვარია; ჩრდილოეთის კედელზე,
ზემოდ ყოფილა მიცვალება ღვთის მშობლისა, ვინაიდან აქ გავარჩიეთ წარწერა:
აქა დედისა ღֿთისა მიცვალება. ამას ქვემოდ ყოფილა წარმოდგენილი
აღმაშენებელი ეკლესიისა, სრულის ტანით, მაღალის ქუდით, ქართული ჭრელი
ტანისამოსით და გრძელის სარტყელით, შედარებით ახალგაზრდა, მაგრამ
წვერიანი. სამხრეთის კედელზე ეტყობა ფრესკების წარწერა: კვირიკე, აბერკი, წ-ჲ
გიორგი. ა. სტოიანოვის დროს ფრესკები უკეთ ყოფილა დაცული (გვ. 392-393). ამ
ეკლესიის გეგმა და განაკვეთი ჩვენ ხელთა გვაქვს. ეკლესიაში ინახება:

1. საუცხოო ხელობის ხატი სიმეონ მესვეტისა, ოქროთ დაფერილი

ვერცხლით ნაჭედი, 36,5X23 სანტ. (იხ. 16924). შუა ნაწილში ხატისა ამართულია
დასერილი სვეტი, დამყარებული კვარცხლბეკზე სამი საფეხურით; შუაში ეს
სვეტი შემკობილია აკანთით და სვეტის თავი კორინთის რიგისაა, მშვენიერად
შესრულებული. სვეტის თავზე წელსზევითი ფიგურაა სიმეონ მესვეტისა, წვერით
და საბერო ბარტყულით თავზე, წამოსასხამით ტანზე და ასომთავრული
წარწერით : წ-ჲ ს-მნ ს-კრლ-თა მქდი. ხელები გაშლილი გულზე აქვს მიდებული,
ლოცვის სახით. თავის ირგვლივ ორი დიდი წრე უვლის, შეერთებული სამ
ადგილას ზოლით, ჯვარის სახეთ. ფიგურა ერთობ ლამაზია. მარცხნივ სვეტისა,
ქვემოდ, საეპისკოპოზო ტანისამოსში გამოწყობილი მაღალი ფიგურაა
წარმოდგენილი, სავედრებელად მიმართული ხელებით და წარწერით: „ა¯ნტი
ც⎯გრლი“ ჩარჩო ხატისა შემკობილია ერთობ ლამაზი ნახელავი, გაშლილი
ბროწეულის ყვავილების მსგავსი ორნამენტით და მედალიონებით წმიდათა.
ზემოდ ვედრებაა, წარწერებით სახელებისა: ი-ჳ ქ-ე, დ-ა ღ-ა, წ-ჲ ი-ე; მარჯვნივ და
მარცხნივ მთავარ ანგელოზნი: წ-ჲ გ-ბრლ, წ-ჲ მ-ქლ და პეტრე და პავლე: წ-ჲ პ-ე,
წ-ჲ პ-ლე; ქვემოდ მოციქულნი: წ-ჲ მათე, წ-ჲ ლ¯კა, და წ-ჲ გ-ი. მარჯვნივ
თექვსმეტ-სტრიქონიანი წარწერა:

მე გლ-ხკმ-ნ ა-ნ მე გლახაკმან ან-

ტ-ნი ცგ-რლმ-ნი ტონი ცაგარელმან იშ-
შ-ხს ყფ-სა ჩ-მსა ხანს ყოფასა ჩემსა
მტტ-ვრლი ად-გლ მტტვ-რლი ადგილი
ი ოჴ-რი ვნ-ჴდა ოჴერი ვნახე და
ვ-შნე და წ-ა სმ-ნს ვაშენე და წმიდასა სჳმეონს
შვ-სწრე და ხ-ტი შევსწირე და ხატი
ესე შ-ვქმნ ეკლს ესე შევქმენ, ეკლესია-
ამ-სა დაოსნე სა მისსა დავასუენე
ს-ჴსრდ სლ-სა ჩ-მისა საჴსრად სულისა ჩემისა
ვინცა კნინი ნ ვინცა კნინი ნა-
მსხრბი ესე ჩ-ი შეც მსახურები ესე ჩემი შეც-
ვლს წ-ჲ ს-მნ არსმ ვალოს, წმიდაჲ სჳმეონ არსმ-
ცა დ-სჯლი მ-სი წ-ე ცა დამსჯელი მისი წინაშე
ქ-ა დ-ღს მს გ-ნკი ქრისტსა დღესა მას განკი-
თ-ვს-სა ამნ . თხვისასა, ამინ.

ეს წარწერა პირველად ბარტოლომეიმ გადაიღო და ბროსსემ გაარჩია

(ბარტოლომეი, გვ. 195, 230, ტაბ. IX, #23) შეცდომებით. საკვირველია, რომ დ.
ბაქრაძეს და ა. ხახანაშვილს ლაღამის ეკლესია არ უნახავთ. დ. ბაქრაძე ერთ
ადგილას იხსენიებს ანტონ ცაგარელს, უჩვენებს ბარტოლომეის შრომას და
ამბობს: წარწერა მე ვერ ვნახეო (გვ. 80).
ბერნოვილს ეს ხატი გადმოუხატავს (გვ. 135, ნახ. 14), მაგრამ სამწუხაროდ,
არა ჯეროვანად; სიმეონ მესვეტისათვის ქრისტეს სახე მიუცია და ის ქრისტედ
ხადის; ხოლო ანტონი ცაგერელი ვიღაც წმიდანად გამოჰყავს. ხელობას კი
აღტაცებით იხსენიებს.
გრ. უვაროვისა ბარტოლომეის გადმოღებულ წარწერას უჩვენებს და
შენიშნავს, რომ წარწერა ძნელი წასაკიხიაო (გვ. 107). მან დაწვრილებით აღწერა
ეს ხატი და გამოარკვია, რომ სვეტზე ქრისტე კი არ ზის, არმედ სიმეონ მესვეტე
და გამოსცა ფოტოგრაფია ხატისა, მაგრამ არა ვარგი.
კვარცხლბეკის საფეხურზე ჯვარისა მოიპოება კიდევ მეორე წარწერა,
რომელიც შეუმჩნეველი დარჩა მკვლევართა მიერ. წარწერა იკითხება ასე:
 ქ-შ-ე ფილიპე ქრისტე, შემიწყალე ფილიპე
ოქრო მჭედელი ა- ოქრო მჭედელი, ამინ.
წ-ო სმნ შ-ე ანტი წმიდაო სჳმეონ, შეიწყალე ანტონი.

ამ რიგად, ეხლა ვიცით, რომ ხატი შეუკვეთია ანტონი ცაგერელს იშხანს

ყოფნისა შინა; ხოლო გამჭედელი ყოფილა უებრო ოქრომჭედელი ფილიპე,
წინამორბედი ბეშქენ და ბექა ოპიზართა. უნდა ვიფიქროთ, რომ ანტონი წინეთ
ცაგერელი ყოფილა და შემდეგ გამხდარა იშხნელი, იშხნის ეპისკოპოზი ტაოში,
და იმ დროს მოუგია ეს ხატი. იშხნის წარწერებში მოხსენებულია ორი ანტონი.
ერთი მათგანი ყოფილა არქიეპისკოპოზი და განუახლებია იშხანის ეკლესია
11032 წელს. მეორე იშხნის ეპისკოპოზს ანტონის გიორგი II-ს დროს (1072-1089)
განუახლებია კარის ბჭე იშხნის ტაძრისა1. ერთი ამათგანი უნდა იყოს მომგები
ჩვენის ხატისა. ამრიგად, ხატი უნდა ეკუთვნოდეს მე-11 საუკუნეს და არა მე-12-
ს, როგორც ფიქრობს გრ. უვაროვისა (გვ. 107).

2. ხატი მაცხოვრისა, ოქროთი დაფერილი ვერცხლისა, ნაჭედი, 79X59 სანტ.

(#16941). მაცხოვარი ტახტოსანია, ჩვეულებრივის სახით და დიდის ჯვარის
ნიმბით. წარწერა სახელისა: მცხრ. ეზო შემკობილია ვაზის შტოთა ორნამენტით.
ჩარჩო წვრილის რომბ-ლურსმულის ორნამენტით და წმიდათა მედალიონებით.
ზემოდ ვედრებაა, აქეთ-იქით მთავარ ანგელოზნი; ქვემო აშია მოშლილია.
ქვემორე წარწერა:
ქ. მცხვრო შვნდნ. ცდნ. აქ‫־‬დს.
ესე იგი: მაცხოვარო შეუნდვენ ცოდვანი აქადარს.
ხატი უნდა იყოს მე-16-17 საუკუნისა.

3. ხატი წֿა გიორგისა, კარედი, სამი ფრთით; შუაში და შიგნით კარებზე

წმიდათა სახეები ყოფილა წამლით დახატული. მაგრამ ეხლა სულ მოშლილია; ოქროს
მოცულობა მათი, ლამაზი ხელობისა, დარჩენილია. შუაში ყოფილა წֿი გიორგი,
წარწერით: წֿჲ გ ი; მარცხენა ფრთაზე წֿა დიმიტრი: წֿჲ დֿე; მარჯვენაზე: წֿჲ თֿე
(ასოები გადმობრუნებულია). აშიები შემკობილია ლამაზი ბროწეულის ყვავილების
მსგავსი ორნამენტით (იხ. ფოტ. №16950). გარეთ კარებზე წარმოდგენილნი არიან
ნაჭედი მთავარ ანგელოზები, წელს ზევით; მარცხნივ მიქაელ, წარწერით: წֿჲ :. მქელ
მთვრნგზ. მიქელ საომარ ტანისამოსითაა, მარჯვენა ხელში მხარზე გადებული ხმალი
უკავია; მარცხენა ხელი ხმლის ქარქაშზე უდევს: ნიმბი დიდი აქვს. მარჯვენა კარზე
გაბრიელ მთავარ ანგელოზია, წარწერით: წֿჲ გბრელ. ამას მარჯვენა ხელში საზომი
აქვს, მარცხენაში – ბურთი, ზედ გამოსახული ჯვარით. ქვემოდ რვა-სტრიქონიანი
წარწერაა (#16949):

მფარველ მექმენ მოსავსა შენსა

წ-ო : გ-ი მოხ დ მფრვლ წმიდაო გიორგი, მეოხ და

მქმ-ნ : მოსვა : შნსა მფარველ მექმენ მოსავსა შენსა
ნამორაძეა გრი ნამორაძესა გრი-
 გოლს : დ მეჳღლესა გოლს და მეუღლესა
ჩემსა : გა ჩემსა გა-
რნდხს : დ რანდუხს და
შვილთა : შვილთა
ჩ-ენთა : ამნ ჩვენთა, ამინ.

ჩვენის აზრით, გარე ფიგურები და მორთულობა ამ კარედ-ხატისა არ არის

უძველესი მე-16-17 საუკუნისა. ხოლო შინაგანი ნაწილი უფრო ძველი უნდა
იყოს, ასე, რომ არა უგვიანეს მე-14 საუკ.

4. ხატი წინასწარმეტყველი იონასი, კარედი, სამ-ფრთიანი 14,5X12 სანტ.

ყველა ფიგურები და ნაწილები ხატისა წამლით არის დახატული; შემკობილობა

_________
1 ეს გამოირკვა ჩვენი ექსპედიციის დროს 1917 წელს.

მეტალისა არა აქვს. (#16940). შუა ნაწილში წარმოდგენილია წინასწარმეტყველი

იონა დიდი ქარტით მარცხენა ხელში, რომელზედაც ბერძნული წარწერაა.
მარცხნივ მის წინ დაჩოქილი მვედრებელი ბერია. კარებზე, შიგნიდან,
წარმოდგენილნი არიან, მარცხნივ: წ-ა ნიკოლოზ, თეთრ სამღვდელმთავრო
ტანისამოსით, რომელიც მარწყვის ფერის ჯვრებით არის შემკობილი; მარჯვნივ:
იოანე ღვთის მეტყველი, გაშლილი წიგნით ხელში. წინა პირის მხატვრობა სულ
მოშლილია. ეტყობა მხოლოდ, რომ აქ ყოფილა სცენები, იონას ნავიდან
გადმოგდებისა და მისი ნიანგის მიერ შთანთქმისა. გრაფინია უვაროვისას ეს
ხატი მიაჩნია ბიზანტიური ხელოვნების ნაშთად მე-11-12 საუკ. (გვ. 122).

5. ხატი ღვთის მშობლისა, ჩჩვილედი, ოქროთ დაფერილის ვერცხლით

ნაჭედი, 55X39,5 სანტ. (#16943). ღვთის მშობელი წარმოდგენილია სრულის
ტანით, ძითურთ მარცხენა ხელში: მარჯვენა გულზე აქვს დადებული,
სამლოცველოდ; წარწერა: დ-და ღ-თის; ქრისტეზე ბერძნული წარწერაა სახელისა.
ჩარჩო რომბ-ლურსმული ორნამენტისა შემკობილია 11-ფიგურიანი პატარა
მედალიონებით და რვა დიდრონით, მაგრამ ესენი სადაა. პატარა მედალიონებში
სულ მთავარ ანგელოზები არიან წარმოდგენილნი, ხოლო ერთში ზემოდ ღვთის
მშობელი ჩჩვილედი. ეზო შემკობილია ფოლაქების მსგავსი რგოლებით ორივე
მხარეს ღვთის მშობლისა. ხელობა მე-15-16 საუკუნის უნდა იყოს.

6. ხატი მთავარ ანგელოზ მიქაელისა, ოქროთი დაფერილი ვერცხლისა,

ნაჭედი, 23X18 სანტ. (#16948). მთავარ ანგელოზი სრულის ტანით და ფრთებით
არის წარმოდგენილი; მარჯვენა ხელში მხარზე გადებული ხმალი უჭირავს;
მარცხენა ხმლის ქარქაშზე უძევს. აშია რომბ-ლურსმულია მედალიონებით,
მაგრამ უსახოდ. ხატი დაზიანებულია; ზემოდ ორივე მხარეს თავისა ერთი
სტრიქონი წარწერაა, რომელიც გაგრძელებულია ორ სტრიქონად ქვემოდ და
იკითხება ასე:
 წ-ო : მიქაელ :. შეიწყალე :. წმიდაო მიქაელ, შეიწყალე
ერსთვთ :. ერისთ ერისთავთ ერისთა-
ვ :. კხბრ ვი კახაბერ-
ი ი.

ერისთავთ ერისთავი კახაბერი შეიძლება იყოს ის კახაბერ ვარდანის ძე,

რომელსაც თამარ მეფემ მიუბოძა მეჭურჭლეთ უხუცესობა, მაგრამ ხელობა
ხატისა უფრო მე-14 საუკ. მოგვაგონებს, ვიდრე მე-12-ს.

7. ხატი წ-ა გიორგისა, ვერცხლისა, ნაჭედი, 29X22,5 სანტ. მხედარი

წარმოდგენილია სრულის ტანით, შუბით და ფარით და წარწერით: „წ. შმეწიე“...
ალბათ გაგრძელება წარწერისა იყო ქვემო აშიაზე, რომელიც არ შენახულა (#
16947). მარჯვნივ და მარცხნივ რომბ-ლურსმულ აშიებზე წარმოდგენილნი არიან
სრულის ტანით, საომარ რომაულ ტანისამოსებით წმიდანნი მხედარნი; სახელები
არ უწერიათ. ხატი მე-17 საუკ. უნდა იყოს.

8. ნაწილი ოქროთი დაფერილი ვერცხლის ხატისა, ნაჭედი, რომელზედაც

დაცულია პატარა, მუხლებს ზევითი ფიგურა წ-ა გიორგისა, შუბით და ფარით,
რომაულ საომარ ტანისამოსით და წარწერით: წ-ჲ გ-ჲ. ზემოდ ორმაგი
ბროწეულის ყვავილების ორნამენტია საუცხოო ხელობის (იქვე (#16947); უნდა
ეკუთვნოდეს მე-12-13 საუკუნეს.

9. კარი კარედი ხატისა, მარჯვენა ნაწილი, ოქროთი დაფერილი ვერცხლისა,

რომელზედაც გამოსახულია წ-ა დიმიტრი სრულის ტანით, ამოწვდილი ხმლით
და წარწერით: წ-ჲ დიმიტრი. (იქე #16947). მე-17-18 საუკ.

10. ხატი ღვთის მშობლისა, წელსზევითი, ვერცხლისა, ნაჭედი, 18X14 სანტ.

ნაწილობრივ მოშლილია, ფოლაქის მსგავსი სამ-რიგი აშიებით და შერეული
ქართულ-ბერძნულ ასოების წარწერით სახელისა (იქვე, #16947). ხელობა
ტლანქია, მე-17-18 საუკ.

11. ხატი წ-ა გიორგისა, ვერცხლისა, ნაჭედი, 18X14,5 სანტ. მხედარი

წარმოდგენილია მდგომარედ, შუბით და ფარით; აშია ფოლაქოვანია; წარწერა
ზემოდ: წ-ჲ; ქვემოდ: გ-რ (ასოები გადმობრუნებულია); ერთობ ტლანქი ხელობის
არის, მე-18-19 საუკ. (#16945).

12. ხატი მაცხოვრისა, ვერცხლისა, ნაჭედი, 19X15 სანტ. მაცხოვარი

ტახტოსანია, ჩვეულებრივის ნიშნებით, ჯვარის სახის ნიმბით. აშიები ორ-
ფოლაქოვან წრეში ყლორტების მსგავსად არის შემკობილი. წარწერა: ჲჳ
(უკანასკნელი ასო გადმობრუნებულია) ქ-ე. ტლანქი ხელობის არის, მე-18-19 საუკ.
(იქვე, #16945).

13. ხატი წ-ა გიორგისა, ვერცხლისა, 20X15 სანტ. ნაჭედი, წმიდანი

წარმოდგენილია სულ ახალგაზრდათ; პირის სახე მოცულია ირგლივ კიკინებით;
მარჯვენა ხელში შუბი უჭირავს, მარცხენა ფარზე აქვს დადებული. ეზო ხატისა
საცერის მსგავსად არის შემკობილი; აშიები შემკობილია რომბებით და
ბალახებით და სადა მედალიონებით. საზოგადოთ არა ცუდი ნახელავია.
წარწერა: წ-ჲ გ-ი. მე-16-17 საუკ. (იქვე, #16945).

14. ხატი წ-ა თეოდორესი, ვერცხლისა, 18X14 სანტ. მხედარი

წარმოდგენილია სრულის ტანით, შუბით და ფარით; სახე ბებრისა აქვს; თმა
ხუჭუჭად, აშია ბალახოვანია. ტლანქი ხელობისა (იქვე, #16945). წარწერა: წ-ი
თედორე. მე-18 საუკ. უნდა იყოს.

15. ხატი მაცხოვრისა, ვერცხლისა, 17X12 სანტ. ნაჭედი; მაცხოვარი

წარმოდგენილია სრულის ტანით, სამღვდელო ტანისამოსით და სახარებით
ხელში. ნიმბი ჯვარის სახისაა. აშიები ორ-ფოლაქოვან წრეში დაყოფილია
უჯრედებად ჰორიზონტალური ხაზებით; ეზო ხლართულებით არის მოცული
(#16944). მე-13-14 საუკუნის უნდა იყოს.

16. ხატი წ-ა გიორგისა, ვერცხლისა, 16X12,5 სანტ. წმიდანი წარმოდგენილია

სიმრგვალეში ცხენით; გმირავს ადამიანს; აშიები ფოლაქოვანი უჯრედებით არის
დაყოფილი; მდარე ხელობისაა (იქვე, #16944). მე-18 საუკუნისა.

17. ხატი ღვთის მშობლისა, მუხლსზევითი, ვერცხლისა, 19X14 სანტ.

სავედრებლად აპყრობილის ხელებით და წარწერით: დ-ჲ ღ-ჲ. აშიები ბალახოვანი
ორს ფოლაქოვან წრეში; ხელობა ტლანქია (იქვე #16944). მე-18 საუკ.

18. ხატი წ-ა გიორგისა, ვერცხლისა, ნაჭედი, 20X14 სანტ. მხედარი

წარმოდგენილია ცხენით, შუბით გმირავს კაცს. აშიები ფოლაქოვანია; ხელობა
ტლანქია, მე-18-19 საუკ. (იქვე, #16945).

19. ხატი მთავარ ანგელოზ მიქაელისა, ვერცხლისა, 12X11 სანტ. წარწერით:

წ-ჲმ-ქლ. მთავარ ანგელოზი წარმოდგენილია სრულის ტანით, ლაბარუმით და
ბურთით; ხელობა ტლანქია (#16946); მე-18-19 საუკუნისა.

20. ხატი მთავარ ანგელოზისა, მარტო ერთის ლაბარუმით, უწარწეროთ,

12X9 სანტ. ვერცხლისა, ნაჭედი, რომბ-ლურსმული აშიებით; ტლანქია; მე-18-19
საუკუნისა. (იქვე, #16946).

21. ხატი ღვთის მშობლისა, ვერცხლისა, ნაჭედი, 10X9 სანტ. ღვთის

მშობელი წელსზევითია, ჩჩვილედი, სახე გაფუჭებულია; აშიები ბალახოვანია;
ხელობა დაბალია, მე-18 საუკ. (იქვე, #16946).

22. ხატი წ-ა გიორგისა, ვერცხლისა, მოყვითალო, 16X13 სანტ. აშიები

ბალახოვანია; მხედარი გაჭენებულ ცხენიდან გმირავს ვეშაპს; გვარიანი ხელობისა
არის; წარწერა: წმ‫־‬დი გიორგი მღდრ (მზღუდრისა?); ქართული, არა ცუდი
ხელობისაა, მე-16-17 საუკუნისა, (იქვე, #16946).
 23. ხატი ვედრებისა, ოქროთი დაფერილი ვერცხლისა, ნაჭედი, ფიგურები
ჩაჭრილია. სამივე ფიგურა სრულის ტანით არის წარმოდგენილი. მაცხოვარი
შუაში მაკურთხეველის მარჯვენით და სახარებით მარცხენა ხელში; ღვთის
მშობელი და იოანე მვედრებელის სახით. ხელობა მოტლანქოა (იქვე, #16946).

24. სანაწილე ვერცხლისა, 11X8 სანტ. სამი რიგი შემკობილებით და

ჭადრაკულის აშიებით (იქვე, #16946).

25. ნატეხი ხატისა, ვერცხლისა, მოოქრული, რომელზედაც ყოფილა წარწერა

დიდის რელიეფით და გრძელი ასომთავრულით: წ¯ი (იქვე, #16946).

26. ნაშთი მაცხოვრის ხატისა, 36X24 სანტ. ფურცლოვანი შემკობილობით და

წარწერით ბერძნულად სახელისა; მარჯვენა აშიაზე წარმოდგენილია წ¯ა
დიმიტრი. ცოტა ნაწილია დარჩენილი.

27. ვერცხლის ფირფიტა კარედის ხატისა, წ¯ის გიორგის გამოსახულებით

ცხენზე; ტლანქი ხელობისა.

28. წამლით დახატული ხატი მთავარ ანგელოზისა, სულ გადასულია,

16X10,5 სანტ. წარწერით: ჴიდურის მთვრნზი.

29. წამლით დახატული ხატი ღვთის მშობლისა, 23X17 სანტ. ტილოზე; სულ
გაფუჭებულია; მოსჩანს წარწერა სახელისა ბერძნულის ასოებით.

30. ჯვარი გამოსასვენებელი, ვერცხლისა, მოყვითლული, გატეხილი უკვე,

33X27 სანტ. პირველ გვერდზე ჯვარცმულია წარმოდგენილი. ბოლოებში მთავარ
ანგელოზების მედალიონები (#16951); მეორე გვერდზე, შუაში, კარგი სახეა წ-ა
გიორგისა, სრულის ტანით და წარწერით: წ-ჲ გ-ი და ორი დარჩენილი
მედალიონით, მარცხნივ ღვთის მშობლისა, ზემოდ მაცხოვრისა (#16952).

31. ასეთივე მეორე ჯვარი, 37X34 სანტ. ჯვარცმულის სახით და ორი

მედალიონით ზემოდ; უფრო დაზიანებულია და ცუდათ შენახული, ვიდრე
პირევლი (#16953).

32. დიდი ჯვარი ხისა, კანკელის წინ დასადგმელი, 102X40 სანტ. ეხლა
დამყარებულია ზემოდ კანკელზე. შეძერწილია ისეთი ვერცხლის ფირფიტებით,
როგორც სეტის ამგვარივე ჯვარი; ტლანქი ხელობისა.

33. ლახტი რკინისა, ექვს-ფრთიანი.

მესამე ეკლესია მესტიის თემისა არის ეკლესია მთავარანგელოზთა; სოფელს,

სადაც ეს ეკლესია არის, მარგიანს უწოდებენ. ეკლესია მაღალია, თლილის ქვით
ნაშენი; ეტყობა წინეთ ეკვტერები ჰქონია, მაგრამ ეხლა მოშლილია; სხვაფრივ
ეკლესია ჩვეულებრივი სვანური რიგისაა.
ეკლესიაში ჩვენ ვნახეთ:
 1. ჯვარი დიდი ხისა, საკურთხევლის წინ სადგომი, სიმაღლით 141 სანტ.
განით 75 სანტ. (#16964), შეძერწილია ვერცხლის ფირფიტებით სხვა და სხვა
ხელობისა; ამათში საუკეთესო ხელობის არის სამი ფირფიტა წმიდის გიორგის
სურათით; ერთი უმბოს ქვემოდ სრულის ტანით წარმოდგენილი, შუბით
მარჯვენა ხელში, ხოლო მარცხენა დაბჯენილი აქვს ხმალზე, ქარქაშით და
ჩამოსაკიდი ღვედით. მეორე წ⎯ა გიორგი ამას ქვემოდ, წელზევითია, შუბით და
ფარით; მესამე უმბოს ზემოდ არის აგრეთვე წელსზევითი; ესეც ფარით არის,
ხოლო მარჯვენა ხელში ამოწვდილი ხმალი უჭირავს მხარზე გადობილი. შუაში
არის უმბო, მრგვალი და შემკობილი შიგნით; ოთხივე მხრით პატარა
მედალიონები აქვს; მარჯვნივ და მარცხნივ ჩჩვილედი ღვთის მშობლისა; ზემოდ
და ქვემოდ, ვგონებ, მთავარ ანგელოზთა, – ყველა ეს უმბოიანად ერთ
ფირფიტაზე არის წარმოდგენილი და ტლანქია. აგრეთვე სხვა ფირფიტებით
მარჯვენა და მარცხენა ფრთებისა, რომლებზედაც წარმოდგენილნი არიან მთავარ
ანგელოზნი, ღვთის მშობელი, წ⎯ა გიორგი ცხენით.

2. თავი ხატი ეკლესიისა მთავარ ანგელოზთა მიქაელისა და გაბრიელისა,

ოქროთი დაფერილი ვერცხლით ნაჭედი, 55X38 სანტ. მშვენიერი ხელობისა,
მაგრამ სანახევროდ ყვავილების მსგავსად შემკობილი მარტო ზემოდაა დაცული
ორი მედალიონით (#16962). მთავარ ანგელოზები ერთად სდგანან, ბიზანტიურ
მდიდრულ საკარისკაცო ტანისამოსით და შეერთებულის ხელებით უკავიათ
მაცხოვრის მრგვალი მედალიონი; მაცხოვარს სახელის წარწერა ბერძნული აქვს.
ამ მედალიონის ზემოდ ორთავე ანგელოზთათვის სწერია: თ⎯ვრნგ⎯ლზი; ხოლო
თითოეულს ცალკე აწერია: წ⎯ჲ გბრ⎯ლ, წ⎯ჲ მქ⎯ლ. მათი პირის სახე მოცულია
ტალღისებური თმებით, რომელნიც კიკინებად ჩამოდიან კისრამდის. მათი
შუბები ან შეიძლება საზომები სამყურად თავდებიან ზემოდ. თავთა წრეები
დიდრონია. წარწერა დაბლა ჰქონია, მაგრამარ შენახულა; პატარა შერჩენილს
ნაჭერზე, ქვემოდ აწერია: ... წყალობითა შენითა...

ხატი უნდა იყოს ქართული ხელობისა, მე-12-13 საუკუნისა.

3. ხატი მაცხოვრისა, ოქროთი დაფერილი ვერცხლისა, ნაჭედი, 51X40 სანტ.

მაცხოვარი ტახტზე მჯდომარეა; მარჯვენა ხელით ჯვარს სწერს; მარცხენით
იკავებს მუხლზე დადებულს გაშლილ სახარებას, რომელზედაც ასომთავრულით
სწერია: ქ. მე ვარ მეოჳე დიდების : რ⎯ლი შემომიდგეს : მე არა : ვიდოდეს :
ბნელსა. აღსანიშნავია, რომ ეს ადგილი სახარებისა სხვებში იწყება ასე : მე ვარ
ნათელი სოფლისა. . . სამწუხაროდ, ქვემო ნაწილი ტახტისა ეხლა სრულიად
მოშლილია, დარჩენილია მხოლოდ ზურგი. ქრისტეს დიდი ნიმბი აქვს ჯვარის
სახედ გაყოფილი სამ ოთხკუთხედში მოქცეულის ვარსკვლავების სახეებით,
დანაოჭება შერჩენილი სამოსელის ნაწილისა ლამაზია; მაცხოვარს წვერი
ხუჭუჭად აქვს დაყოფილი. ასეთიე თმა უვლის პირის სახეს და მხრებზე
ჩამოუდის. ნიმბის აქეთ-იქით უწერია: ჲ⎯სო ქს⎯ე. აშიები შემკობილია სპარსული
მისტიური ვარდებით; ქვემო ნაწილი სულ დაკარგულია; აშიებში ეხლა
დარჩენილია მხოლოდ სამი მედალიონი, ერთი ზემოდ მთავარ ანგელოზისა და
თითო აქეთ-იქით, პეტრე და პავლესი ხუცური წარწერებით სახელებისა (#16961).
ქვემოდ, მარცხნივ და მარჯვნივ ტახტისა შერჩენილია წარწერა:
მარცხნივ:

ქ ჵი : მეჳე ჵი მეუფე-
ვო : შემი ვო, შემი-
წყალე : მე : წყალე მე
ცოდვილი : ცოდვილი
ესე : დღესა : ესე დღესა
მას : განკი მას განკი-
თხვისასა : თხვისასა
ინე : დორ იოანე დორ-
ობელსძე : ობელისძე.

მარჯვნივ:

ქ ჴელითა ჴელითა
მოიჭედ მოიჭედა
ა : გ⎯ი : გვ გიორგი გვა-
აზავასი ზავასი-
თა : - თა.

მარცხენა ნაწილი წარწერისა დ. ბაქრაძეს აქვს მოყვანილი (გვ. 99-100);

მარჯვენა მას არ შეუნიშნავს. საკვირველი კიდევ ის არის, რომ გარდა ამ
წარწერისა და ზარის წარწერისა, რომელიც ჩვენ სეტის ეკლესიის აღწერილობაში
მოვიყვანეთ, დ. ბაქრაძე ამ ეკლესიიდან არაფერს მეტს არ უჩვენებს. გრ.
უვაროვისა სულ არ ყოფილა ამ ეკლესიაში და არც ერთს მის ნივთს არ
აღნიშნავს. ეტყობა არც ა. ხახანაშვილს უნახავს ეს ეკლესია. ყოველ შემთხვევაში
ამ ეკლესიიდან ის არაფერს არ უჩვენებს. ხატი უსათუოდ ქართული ხელობისაა
და უნდა ეკუთვნოდეს მე-13-14 საუკუნეს. აღსანიშნავია, რომ გვაზავას გვარში
ოქრომჭედლობა მე-19 საუკუნემდის იყო შერჩენილი. ჩვენ სამეგრელოში ვნახეთ
რამოდენიმე ხატი ამ გვარეულობის ოქრომჭედლის გაკეთებული.

4. ხატი წ⎯ა გიორგისა, ვერცხლისა, ნაჭედი, 31X25 სანტ. მთავარ მოწამე

კარგის ღონიერის ცხენითაა წარმოდგენილი, გვირგვინოსანს გმირავს შუბით. თმა
ხუჭუჭად აქვს დაწყობილი. დიდი წრე თავის შემკობილია ხლართულებით;
წარწერა სახელისა: წ⎯ჲ გֿი. მორთულობა ცხენისა, საძუე, სამკერდე და სხვა
შემკობილია ვერცხლის ფოლაქებით. ხელობა ლამაზია, არა უგვიანეს მე-14
საუკუნისა. ხატს ჩარჩო აღარ აქვს. (#16957).

5. ხატი ღვთის მშობლისა, ჩჩვილედი, 26X20 სანტ. ყოფილა წამლით

დახატული, მხატვრობა მოშლილია; დაცულია მორთულობა ოქროსი; ზემო
ნაწილი ეზოსი, ნიმბი და აშიები ფაქიზად და მხატვრულად ნამუშევარი მე-12-13
საუკუნისა (#16954), შემკობილი ბროწეულის ყვავილების მსგავსად და ლამაზის
წარწერებით. სახელის წარწერა მაცხოვრისა ბერძნულია; ღვთის მშობლისაც
ბერძნულად არის განზრახული, მაგრამ არეულია, პირველი ასო უფრო
ასომთავრულით მოიპოვება ზემოდ, მარცხენა კუთხეში: „თეთრო/სნისა ღმრთი/ს
მშობელი“. თეთროსნის ეკლესიის ნანგრევები ეხლაც მოიპოვება ბათუმის ოლქში,
ქობულეთის მახლობლად. ქვემო აშიაზე ყოფილა სამ-სტრიქონიანი წარწერა,
მაგრამ დაცულია ნახევარი, მარცხენა ნაწილი პირველი ორი სტრიქონისა და
ცოტა ნაკლით მესამე სტრიქონი:
ქ ჩჳილებრ : წიაღთა : მ. . .
ოსა : სიტყჳსა : ღ-თისაო : შ-ინ : . . . .
თ : მოსავ მამკობთ შენთა ჭარხალას ძესა გოგი და მეცხედრესა მისსსა
ნათEლს ძეთა მისთა. . .
წარწერაში ნათლად არ სჩანს და არ ვიცით დანამდვილებით: ჭარხალაძე
სწერია თუ დარჩალასძე. სხვა ცხადია, ჭარხალაძე მოსხენებულია ცნობილს
ნარის ეკლესიის წარწერაში, ოსეთში. ხატი მე-12 საუკ. უნდა იყოს.

6. ხატი ღვთის მშობლისა, ჩჩვილედი, 46X36 სანტ. ყოფილა წამლით

დახატული, მაგრამ მხატვრობა ეხლა სულ მოშლილია, დარჩენილია ოქროთი
დაფერილი ვერცხლის ნაჭედი მორთულობა, ნიმბი, ნაწილი ეზოისა და აშიები
ლამაზი ქართული ხელობისა, მე-12-13 საუკუნისა (#16958). ნიმბი შემკობილი
ყოფილა ხუთი ძვირფასი ქვით, დარჩენილია სამი. წარწერა ჯვარის მსგავს
„როზეტკაში“: დ‫־‬დჲ ღ‫־‬ჲ. ეზო ვაზის რტოებით არის შემკობილი; აშიები
ბროწეულის ყვავილების მსგავსად, მარჯვნივ და მარცხნივ აშიებზე სრულის
ტანით წარმოდგენილნი არიან მთავარ ანგელოზნი, შუბით და ბურთით, ლამაზი
ხელობისა; ქვემო აშია ბალახოვან შემკობილობით მერმინდელი დროისაა, სხვა
ხატიდან აღებული. ზემო აშიაზე მარცხნივ დაცულია მედალიონში წელსზევითი
ღვთის მშობელი, წარწერით: დ აჲ ღ‫־‬აჲ. კუთხეები და მათი მედალიონები ზემო
აშიას აკლია.

7. ხატი წმიდა გიორგისა, ვერცხლისა, ნაჭედი, 26X19 სანტ. წმიდანი

წარმოდგენილია მდგომარედ, შუა ხნის კაცად, რომაულ საომარ ტანისამოში,
შუბით მარჯვენა ხელში, მარცხენა დადებული აქვს მოგრძო ფარზე; წელზე
ჩამოკიდებული აქვს ხმალი, ნიმბის ორივე მხარეს აწერია: წ-ჲ გ-ი. მთელი
ფიგურა მოქცეულია დასერილს მაღალ ოთხკუთხედში. ზემოდ სამი მრგვალი
მედალიონია წმიდათა; შუაში პატარა ვედრების ღვთის მშობლისა: დ-ჲ ღ-ი და წ-
ა თეოდორესი: წ-ი თ-ე. აშია არა აქვს. ხატი უნდა ეკუთვნოდეს მე-15-16
საუკუნეს. (#16954).

8. ხატი წ-ა გიორგისა, ვერცხლისა, ნაჭედი, 25X12 სანტ. წმიდანი ცხენით

არის წარმოდგენილი, ადამიანს გმირავს შუბით; ხელობა მოიტლანქებს; ხატი
მოცულია ირგვლივ ვერცხლის ფოლაქებით წერტილიან წრეებში, რომელნიც
ჰქმნიან მზეთა გამოხატულობას; ჩარჩო დიდია და პრტყელი, რომბ-ლურსმულად
შემკობილი (ფოტოგრაფია არსებობს, მაგრამ ჩემს ეკზეპლიარს № არ უზის) მე-
17-18 საუკუნეს უნდა ეკუთვნოდეს.
 9. ხატი წ-ა გიორგისა, ვერცხლისა, 23X19 სანტ. ნაჭედი; აშია რობმ-
ლურსმული აქვს. წმიდანი ფეხოსანია, შუბით და ფარით; წარწერა: წ-ჲ გ-ი. ეზო
შემკობილია ვაზოვანის ორნამენტით, ხელობა ტლანქია, მე-18-19 საუკუნისა (იხ.
ამის წინ მოხსენებული ფოტოგრაფია, რომელზედა წ-ა გიორგის ხატია).

10. წარწერა წმიდის გიორგის ხატის ზურგისა, რომლის პირველი პირი, ესე
იგი თვით სახე ხატისა არ შენახულა, 11X8,5 სანტ. ასომთავრულით (იხ. ფოტ.
#16960):
წ-ო : გ-ი : მსჯუ წმიდაო გიორგი მსუჯუ-
ნსაო : მეჳხ ექ ნისაო, მეუხ ექ-
მენ და მფრვე მენ და მფარველ
ლ გიგს მაჭ გიორგის მაჭა-
ავარიანსა : და ვარიანსა და
შვილთა : ჩ შვილთა ჩემ-
ემთა : თა.

მსუჯუნა იგივე სუჯუნა სამეგრელოს ცნობილი სოფელია; მისი ეკლესიის

და მასში დაცული ხატების აღწერა იხ. „ჩემი არხეოლოგიური მოგზაურობანი და
შენიშვნანი“, წიგნი II, გვ. 22-31, და აგრეთვე „ხრისტიანსკი ვოსტოკ“, ტ. V, გვ.
40-50.

11. წარწერა, აგრეთვე ასომთავრული მეორე გვერდზე ერთის წმიდის

გიორგის ხატისა, რომლის პირველი პირი არ შენახულა, 11X8 სანტ. (იხ. იგივე
ფოტ. #16960). წარწერა იკითხება ასე:
ქ წ-დაო გო წმიდაო გიორ-
რგი მეოხ მე გი, მეოხ მე-
ყავ : და ფა ყავ და ფარ-
რვ ველ
ელ მამკაო მამკობს
1
ბს : შენსა : ზ შენს ზჯი-
ჯინა რასა ნარასა-
დს 2 დას
და ძემსა ჩმს . და ძესა ჩემსა.

12. დაცულია ფრიად ლამაზი ნახელავი ოქროს აშია ხატისა, რომელზედაც

სწერია:
წ-ო გ-ი შ-ე ჯინჯიხ : ჯინჭა-სძე
ესე იგი: წმიდაო გიორგი, შეიწყალე ჯინჯიხ ჯინჭარასძე.

13. მეორე გვერდი მაცხოვრის ხატისა, რომლის პირველი პირი არ

შენახულა, ვერცხლის ფირფიტა, 14X11 სანტ. რომელზედაც ასომთავრულით
სწერია (იხ. ფოტ. #16960):
 ქ რმლმნი : სიტყვით და რომელმან სიტყვით და-
ბდე : ყველივე : სი ბადე ყოველივე, სიტ-
ტყაო : ღმრთო : ღმ ყვაო Eღმრთისაო, ღმრთ-
თისაგან : გამსროლო : საგან გამოსრულო
დ ქ და ქალ-
ლწლისაგან : ჴრც : შ წულისაგან ჴორც შეს-
სხმლო : ვმკბ : ხ-ტსა : შ ხმულო, ვამკობ ხატსა შენ-
ნსა : შლვა : ქრდია სა შალვა ქურდია-
ნი რთა : ამს . წლი : ძი ნი, რათა ამის წილ ძი-
თრ[თ]ი მცვლდ თურთი მცველ (მექმენ), და
ნთლი . ძისა : შნსა : მომ ნათელი ძისა შენისა მომ-
ფნე . ღმრთი : მშბლო . ფინე, ღმრთი(ს) მშობელო.

უქარაგმოდ წაკითხვაში ჩვენ ხორცმეტ ასოებს ვუშვებთ; დამწერი მეგრელი

უნდა იყოს, ვინაიდან მეგრელიზმებით აიხსნება ასეთი ფორმები: რომელმანი
სიტყვით (რომელმან სიტყვით ანუ სიტყვითა), წილი (=წილ), ძითურთი
(=ძითურთ); სიტყვის შემდეგ „მცველ“ გამოშვებულია „მექმნე“; სიტყვა „რათა“
შეიძლება წავიკითხოთ კიდევ, როგორც „რაჲთა“, ძველ ტექსტებში ასე იკითხება
ხოლმე.

14. სამი გამოსასვენებელი ჯვარი, შეძერწილი ვერცხლის ნაჭრებით, ტლანქი

ხელობისა.

15. ხატი მიქელ მთავარ ანგელოზისა, ვერცხლისა, 16X12 სანტ. წარწერით: წ-

ჲ მ-ქლ; ტლანქი ხელობისა.

16. ხატი ხარებისა, ვერცხლისა, 26X18 სანტ. აშიებზე არის ექვსი დიდი და
მთელი რიგი პატარა მედალიონებისა, ერთობ ტლანქი ხელობისა.

17. ხატი პატარა ღვთის მშობლისა, ვერცხლისა, წარწერით: დ-დჲ ღ-ჲ; 9,5X8
სანტ. ტლანქი ხელობის.

_________
1 ა ამ სიტყვაში მეტია.
2 უკანასკნელი ასო შეიძლება ა-ნათაც მივიღოთ (იხ. ფოტოგრაფია).

18. პატარა ხატი წ¯ის გიორგისა და დიმიტრისა, სრულის ტანით,

ვერცხლისა, 8X6 სანტ. ტლანქი ხელობისა.

19. ხატი ღვთის მშობლისა, ვერცხლისა, 19X15 სანტ. ზემოდ მაცხოვარია

კიდევ წარმოდგენილი; ტლანქი ხელობისა.
 20. ხატი ღვთის მშობლისა, ვერცხლისა, 11X9 სანტ. ღვთის მშობელი
წელსზევითია, წარწერით: დედა ღ⎯თს. სხვებს სჯობია.

21. ხატი წ⎯ის გიორგისა, ვერცხლისა, სრულის ტანით, შუბით და ფარით და

წარწერით: წ-ჲ გ-ი. ტლანქია.

22. ჩვიდმეტი სხვა და სხვა ვერცხლის ფირფიტა და ხატები, უმეტესად

სანახევროდ დაცული და ტლანქი ხელობისა. ამიტომ მათი ცალ-ცალკე აღნუსხვა
არა ღირს.
## 14-22 გადმოღებული არ არის, ვინაიდან ტლანქი ხელობისაა და
ცუდათ შენახული სინოტივესა და უსუფთაობის გამო.

მეორე ეკლესია მთავარ ანგელოზისა, ქვისაგან ნაშენი, ჩვეულებრივი

სვანური რიგისა მოიპოება მესტიის წყლის პირას. ამ ეკლესიას არც ერთი
მკვლევარი არ იხსენიებს. ეს მიტოვებული ეკლესია ჩვენ რომ ვნახეთ, ეკლესიაში
წყალი იდგა. სხვა ნაძარცვ ხატებთა შორის აღმოჩნდა ორი საყურადღებო განძი:

23. ხატი წ⎯ა გიორგისა, ოქროსი, ანუ უკეთ ვსთქვათ, მისი ნაშთები იოანე
ვარდანისძის, სვანთა ერისთავის, წარწერით მე-12 საუკუნისა. ჩვენ უკვე
განვიხილეთ ლაბეჭინის წ⎯ის გიორგის ხატის განხილვის დროს.

24. ხატი კარედი, ვედრებისა, ფრიად საყურადღებო და იშვიათი, მაგრამ

ცოტა დაზიანებული, 14X11,5 სანტ. (იხ. ფოტ. #16959). ეს კარედი ხატი სამ-
ნაწილედია, ანუ ტრიპტიხონი, შუა ნაწილში, ხის ჩარჩოში ჩადგმულია
სტიატიტზე ამოჭრილი ფიგურები ვედრებისა. სტიატიტი ოთხკუთხედია, ზემოდ
მორგვალებული, რომლის ნაწილი ეხლა მოტეხილია, მაგრამ, საბედნიეროდ,
ფიგურები დარჩენილია; დაზიანებულია ცოტა ნიმბი ღვთის მშობლისა და
თითქმის მთელად მაცხოვრისა. ამას გარდა, სტეატიტი გაბზარულია ცოტა
ილინცურად. ამ სტეატიტის ნაჭერზე, შუაში, წარმოდგენილია, კამარას ქვეშ, სამი
ფიგურა; შუაში ქრისტე, უფრო მაღლად დანარჩენი ორისა; მარჯვენა ხელით ის
აკურთხებს, მარცხენაში გაშლილი სახარება უჭირავს. სახარებაზე ტექსტი
ბერძნულად არის მოყვანილი, ისე როგორც სახელების წარწერები სამივე
ფიგურისა. მარჯვნივ ქრისტესა წარმოდგენილია ღვთის მშობელი და მარცხნივ
იოანე ნათლის მცემელი, ორთავე ხელები მიმართულნი ქრისტესაკენ ვედრების
სახით. სამივე ფიგურა წარმოდგენილია სრულის ტანით; სამივე ნაზი ნახელავია
და ლამაზი. კამარა ფიგურების როგორც აღვნიშნეთ, ეხლა სანახევროდ
მოტეხილი, დამყრებულია ორ წვრილ და ნაზად მოჩუქურთმებულ სვეტზე,
რომელნიც თავდებიან ლამაზის მოჩუქურთმებულის სვეტის თავებით. კარებზე
წარმოდგენილნი ყოფილან წამლით შნოიანად დახატულნი მოციქულნი,
მარცხნივ: პეტრე, ასომთავრული წარწერით: პ⎯ე; მარჯვნივ: პავლე: პ⎯ლე. სახეები
მოშლილია, ხოლო ოქროს შემკობილობა დაცულია. ხის ჩარჩოს შემკობილობა
ნაზად ნახელავის ოქროს ბასმით, მოძარცულია; ცოტა ნაწილი დარჩენილია
მარცხენა მკედრით. წინა პირებზე კარებისა შემკობილობა, სამწუხაროდ, არ
შენახულა. მთელი ჩარჩო ხატისა კარებითურთ ქართული ხელოვნების არის, მე-
12-13 საუკუნისა; ხოლო სტეატიტის ფიგურები ბიზანტიური ხელობის უნდა
იყოს, მე-9-10 საუკუნისა.
გარდა ზემო აღნიშნულ ოთხი ეკლესიისა, მესტიის თემში კიდევ ორი
ძველი ეკლესია მოიპოვება მიტოვებული და უნივთო. ერთი მათგანი, ეკლესია
მაცხოვრისა, მთაზეა გაშენებული თლილის ქვისაგან. ეს ჩვეულებრივი სვანური
რიგის ეკლესია არის ერთის კარით სამხრეთით და თითო სარკმელით
აღმოსავლეთით და სამხრეთით. მის თავისებურ განსხვავებას სხვა
ეკლესიებისაგან წარმოადგენს დიდი უბეები ანუ ნიშები მარჯვნივ და მარცხნივ
საკურთხევლისა; ესენი ოთახს მოგაგონებენ და თავისი მრგვალი სარკმელები
აქვთ. კედლებზე ეტყობა ძველი დიდრონი ფრესკები, მაგალითად, სამხრეთის
კედელზე წარმოდგენილია ერთი წმიდანი სრულის ტანით. შუა თაღში
ეკლესიისა რკინის კაკვია და ზედ ჩამოკიდებულია ჯაჭვით ქვები (კარდალი).
გარე კედლები ეკლესიისა მოკაზმულია უბრალო პილიასტრებით.
მეექვსე ეკლესია ამ თემისა არის ეკლესია ღვთის მშობლისა, მაღალი,
თლილის ქვისაგან ნაშენი. კანკელი ქვისა შენახულია, ჩვეულებრივი. ეკლესია
მოხატული ყოფილა; ფრესკები ცუდათ დაცული; დასავლეთის კედელზე ეტყობა
აღმაშენებლები ყოფილან წარმოდგენილნი ქართულის ტანისამოსით... აქ იკითხება
წარწერა:
„მჯაფარალაის“... და კიდევ: „ასლანს შ-ს ღ-ნ“.
ჯვარის სახეზე: ჯ-ი ქ-სი და კიდევ: იესო ქრისტეს სახელი ბერძნულად.
ადგილობრივი გადმოცემით, ეკლესიის აღმაშენებელი იყო პაპი გიორგი
ჩართულარი.

მესტიაში გაშინჯული ხელნაწერები

მესტიაში, ბლაღოჩინ ბესარიონ ნიჟარაძესთან ჩვენ ვნახეთ ხელნაწერები,

რომელნიც სხვა და სხვა ეკლესიებიდან იყო მოტანილი.

1. ლაჰილის ეკელსიის ხელნაწერი, დიდი კანონი იერუსალიმის ეკლესიისა,

რომლის სათაურია: „ესე განჩინებაჲ და განწესებაჲ მოძღვართა მიერ მართლ
მორწმოჳნეთა რომელსა ჰყოფენ იჱლმს“. ხელნაწერი ტყავისა, in folio 34X27 სანტ.
დაწერილია ასომთავრულით მე-10 საუკუნისა, ორ სვეტად, 28 სტრიქონი სვეტზე.
სათაურები სინგურით არის ნაწერი; ხელნაწერი დაშლილია, ფურცლები
არეული; ზოგიერთი ფურცლისა მხოლოდ ნაფლეთებია, ერთი მერმინდელი
ხელით მინაწერი უჩვენებს, რომ ხელნაწერში ყოფილა 413 ფურცელი; ეხლა
უკანასკნელი რველი 49, რვეულში 8 ფურცელია. ნიშნებად იხმარება ორ-ორი
წერტილი, მაგრამ არა ხშირად. ჩვენს შემდეგ გაემგზავრა სვანეთში
სპეციალურად ამ ხელნაწერის შესასწავლად პროფ. კორნელი კეკელიძე და
გამოსცა ეს წიგნი „იერუსალიმის კანონარის“ სახელით. ამიტომ ჩვენ აქ საუბარს
აღარ გავაგრძელებთ. შევნიშნავთ მხოლოდ, რომ ჩვენ ამ ძვირფასის
ხელნაწერებიდან სანიმუშოდ სამი დიდი ფოტოგრაფიული სურათი გადმოვიღეთ,
ორი გვერდი თითოზე. ეს გვაძლევს საშუალებას წარმოდგენა ვიქონიოთ
ხელნაწერის პალეოგრაფიულ ხასიათზე და მის მართლწერაზე (იხ. ფოტ. ##@
17203-17205). ამას გარდა ხელნაწერის აშიები, თუმცა ბევრ ალაგას წაჭრილია,
მაგრამ დარჩენილებზე ბევრია ჩვეულებრივი სვანური თემთა და სოფელთა
ერთმანეთ შორის დადებული პირობების წერილები და ზოგიერთ მათგანს ჩვენ
აქ ვათავსებთ. კ. კეკელიძის გამოცემის მიზანში ეს არ შესულა; მინაწერები
მხედრული ხელის მიხედვით მე-14-15 საუკუნეს ეკუთვნის უმეტეს შემთხვევაში:

1.

ქ : ესე ნიშანი და დაწერილი დაგიწერე და მოგაჴსენე მე ივანე და ხცეიგო

გელოვანმა თქუენ წმიდას მთავარანგელოზსა და მისთა [კრე]ბულთა ლაი[ლის]. .
ჴევთა მას[ჟამსა] ოდეს ჩემისა [ბატ]ონისა მიქელა . . . სა ნებითა მო . . . . რისა მთავარ
ანგელოზსა და [მოგა]თვალეთ ჩუენი თავი შვილნი და რასაცა ჩუენი ჰქუიან
მკვიდრად ვირე ჩუენი თემი იყოს . ამისსა წერასა ზედა ორი ადგილი მამული
მოგეცით ვითაც თქუენსა ერთგულობასა ვხედვიდეთ მოცემასა და წყალობასა
ბოლოი არ შეოქნათ . ეს ნიშანი მე ნიკოლოზს დამიწერია და მოწამეცა ვარ .

2.

ქ ესე ნიშანი . . . მე ივანე . . .

[ჟამ]ის შემოსლვამა ქუეყანა დააშავა მოგანდევ ჩემი თავი და შვილნი ვითაც
გმსახორებდეთ ჰგრეცა გუწყალობდით ამისთუის არც მიქელაის ძისა სამსახორსა
მოცთებით. ესე ნიშანი მე ნიკოლოზს დამიწერია და მოწამეცა ვარ: –

3.

: ქ : ესე ნიშანი დაგიწერე და მოგაჴსენე მე გ⎯ი (გორგი) როჩაგიანმა და ჩემთა

შვილთა თქუენ წმიდას მთავარ ანგელოზს მხერისასა მას ჟამსა ოდეს ჰავისა ჟამისა
შემოსლვამ ქვუეყანაი დააშავა მოგანდევ ჩემი თავი და შვილნი ვითაც გმსახორებდეთ
ჰგრეც გუწყალობდით . ესე ნიშანი მე ნიკოლოზ დამიწერია და მოწამეცა ვარ.

4.

ქ : სახელითა ღ-თსათა მამისა და ძისა და სულისა წმიდისაითა თავსმდებობითა

და შუამდგომელობითა ყოვლად წმიდისა ღვთის მშობელისაითა პატიოსნისა და
ცხოველ მყოფელისა ჯვარისაითა დაგიწერე დაწერილი ესე მე შოშქოფარ ქოცხიანმან
თქუენ წმიდასა მთავარანგელოზს მხერისასა და გთვლე (sic) ჩემი სასახლე ჩემი
მამოლი ტყე და ველი მთა და გორი საჴმარი და ულჴმარი (sic) გიბედნიეროს ღთ-მნ
ჩემი მამი ბერი ვითა შეივედროთ ღ-თმან თქუენც შეგ(ი)ვ(ე)დროს . ამისნი მოწმენი ბ-
ბას მაცხოვარი ღ-თისა წმიდანი მთავარანგელოზ ვარი მოხერისა . კაცთაგან ლაილასა
სოფელი ერთობილი მტკიცე ესე ჩემგან და უქცეველები მე აბრამას დამიწერია და
მოწამეცა ვარ.

5.

ქ სახელითა ღთსათა მამისა ძისა და სულისა წმიდისაითა დავწერეთ დაწერილი

ესე და ნიშანი ჩუენ ერთობილმან ლაილაის ჴევმან დიდმა და მცირემა ეთმანერთისა
ნებითა მას ჟამსა უდეს მესიანი ლატალის ჴევმან აჰყარა გინდა იგი გეკითჴებოდეს და
გინდა ვინ ხარჯი ოსამართლოდ რაიცხა ფათერაკი გინდა ლხინი მოჰყვეს სწორად
პასუხის გამცემელნი და გარდამჴდელნი ვართ ჩუენ და ჩუენი ეკლესიანი და ჩუენი . .
. მამულ . . . არმა გუარმა. . . (შემდეგ მოჭრილია).

6.

ქ : ესე დაწერილი და ნიშანი დაუწერეთ და დაუდვით ჩუენ ერთობილთა

ლაილელთ ამას ჟამსა უდეს დეკანოზი სოვიანი და ძოგრიანი ყანასა შიგან გზასა
შეიცილნეს მერმე ჩუენ ლაილელთა ესრე გავაჩინეთ და უსულისა დეკანოზი არუდეს
ემართლების შეცილებასა და რაი ღალა აიღოს მერმე ძოგრიანი დაჭირვასა . . . . ურუნა
და მოწამენი არიან მუნაზონი ლაზარე სარგის მესიანი, მიკმინე გვარამიანი
ხიმიჯხაკი . . . დამიწერია და მოწამეცა ვარ ამა დაწერილისა.

7.

ქ წმიდაო მაცხოვარო მონა და მადიდებელი თქვენი აბნასარ შეიწყალე.

8.

მაცხოვრისა ლაჰილისა და მთავარ ანგელოზისა მხიერისა თაუსდედობითა და

შუვამდგომელობითა დაუწერეთ და დაუდევით დაწერილი ესე ჩვენ ერთობილმან
ლაჰილისა სოფელმან ერთმან ერთისა ნდომითა და დამოწმებითა მტკიცე და
უქცეველი ყოილისა მიზეზისაგან უმიზეზოი მას ჟამსა ოდეს მრავალ მრავლისა
უწესურსა საქმესა დაუხდენით ჭჩვენსა (sic) შიგა. მერმე გავიგონეთ და ესე ნიშანი
დაუდევით ამა ირსა ზედა : აწ დღისითგან წაღმა რაიცა
მართლადა და ცხადად საერთოდ და სასოფლოდ არ სჩ(ა)ნდეს ჭჩვენსა ამარსა ნუ
ვინ იქს სამტეროსა საქმესა და არცა გაუპირდებით არას მიზეზისათვის, არა ჭჩვენგან
უკითხავად და დამოუმოწმებლად ვინცა ჰქნას, მანცა გარდაიჴადოს მისითა ღონითა.
ამისნი მოწმენი სარგის მესანი, ამასაჯან შურეგინი, ხამიჯ ხაკანი, მიკბინე გვარამანი.
მე გიორგის დამიწერია და მოწამეცა ვარ. (უზის ცამეტი ჯვარი).

9.
 ქ. დაგიწერეთ ესე მტკიცე და ვუქცეველი ჩ-ნ გვარამიანთ შ-ნ გ-ი და ბაბან და
მიჯელ ივანე, შ-ნ გ-ი მას ჟამსა ოდეს ძმა ჩუენი ვაჩავი ომად დარჩა ჩ-ნ ერთმანეთისა
ნებითა კვრხილისა ყანა მისა საკოთრად და საკებად მივეცი ვირე სოფელი ესე დგეს
შენი საკვები იყოს. . .

10.

ქ . მაცხოურისა ლაჰილისა თაუსდებობითა დაუწერეთ და დავდევით

დაწერილი ესე ჩვენ ლაჰილისა სოფელმან უფროსმან და უმცირესმან ყველამ ერთმან
ერთისა დამოწმებითა მტკიცე და უქცეველი ყოვლისა მიზეზისაგან უმიზეზოი მას
ჟამსა ოდეს ქუჩუტასა საქმე გავიგონეთ ამა პირსა ზედა ვისაც შეძლოს ექუსი საკლავი
ორ-ორი საცხურე, შვიდი ჩხაფოლე (?) და იმას დაუჯერდით, პური შანით
მოვიტანოთ . ესე იმის ხელი დაგვიმტკიცეიბა ვინც შეშალოს შემცა იშლების სული და
ჴორცი.
აქ კიდევ ერთი მოჭრილი სიგელისაგან დარჩენილია შემდეგ:

11.

. . . განასარს დამითულია ოთხასი ფარის ლარისა წიგნი ესე ცამეტისა. . .

2. წიგნი წამებისა წმიდისა გიორგისა და წმიდის თეოდორესი. ეს ხელნაწერი დ.

ბაქრაძის დროს ეკუთვნოდა ზეგანის ეკლესიას, იფარის თემისა (იხ. დ. ბაქრაძე, გვ.
112). ხელნაწერი 18X12, 5 სანტ. დაწერილია ეტრატზე, ლამაზი ნუსხა ხუცურის
ხელით. სათაური ასომთავრულით: თ-ა აპრილსა კგ წა/მებაჲ წ-ისა გ-სი რ-ი/ აღწერა
და თ-ა და/ხვდა ყ-ლსა სიმჴნე/სა მი-სა მოწ-ფჱ წ-ი სა გ-ისი ბასიქარტოს.
რ-ჟს იგი დაეპყრა კერპთ მსახურებასა ეშმაკისასა ყ-ლი სუფელი იყო ბერძენთა ზ-
ა მეფეჱ რ-ლსა სახელი ერქუა დიუნკლიტიანუზ. (მთელი ეს ტექსტი გადმოღებულია
ფოტოგრაფიულად. იხ. №17216) ერთი მხედრული მინაწრი გვამცნევს:
„პატრონო ჩემო ლეონ მეფეო, ნეტარ მე რომ შენი დიდებაი ჰამოდ ყოფაი მესმის.
აწ ამას მოგაჴსენებ პატრონო ლეონ მეფეო ღმერთმან საჯერი მანდ მრაუალი
მოწყალებად კარგი ლაშქრობაი გაგიმარჯოს დასდურად (sic). და უთოდ (sic) შენ
ლეონ პატრონსა ჩემი წყალობა გაგიმარჯოს ღმერთმან“.
აქ უნდა იგულისხმებოდეს ლევან მეორე დადიანი მე-17 საუკუნისა.
დასასრულს წმიდა გიორგის წამებისა, რომელსაც უჭირავს 50 ფურცელი,
ტექსტის ხელით სწერია:
„წ-ო გ-ი შ-ე ვახტანგ ფარჯანიანი ა-ნ“.
შემდეგ იწყება: წამებაჲ წ-სა თე-სი (წითლითურთ). დასაწყისი:
მაქსიმიანეს და მაქსიმეს მეფეთა წარავლინნეს ყ-ლსა ქ-ყნასა საბრძანებელსა მ-
თსა ყ-ლნი რ-ლნი ჰმსახურებდენ საღ-თუსა მას ღ-თის მსახურებასა შეშინებულთა
საჭმელთა ჭამად რ-ა ცხუვნდენ.
 შემდეგ:
სასწაულნი წი-სა თე-სნი თავ-ი ა . (სულ 11 თავი).
ბოლოს სწერია:
სახელითა მამისაჲთა ძისაჲთა და სლისა წი-საჲთა მხე-ბითა წ-სა ღ-თის მშობ-ლისაჲთა
და წი-სა იუანე ნათლის მცემელისაჲთა და წ-თა მთავარ ანგელოზთაჲთა და წ-თა
მოციქულთა წწ-ტყლ და მღ-დელთ მოძღუართაჲთა და წ-თა მოწამეთა-თა წი-სა გ-ი
მთავარ მოწამისაჲთა და წი-სა თ-ე მოწამისაჲთა მე გლახაკმ-ნ იუვნე მესჳეტემ-ნ
აღვწერე წამებაჲ ესე წ-თა მოწამეთაჲ წი-სა გი-სი და წ-ი თე-სი და სსწ-ლნი
სალოცველად ადიდენ ღ-ნ ვახტანგ ფარჯანიანისა და ღ-თივ მონიჭებულთა შვილთა
მისთა ივ-ნესა და აბულახტარს1. აწ ვინ იკითხვიდეთ გ-ლსმოდგინედ ულოცევდით რ-
ა ღ-ნ ერთობით ადიდნეს შვილნი და მშობელნი ნებასა ზ-ა მ-თსა ან.
დაიწერა სჳეტსა ზ-ა ჭყუნდიდისასა :. ად-ნ ღ-ნ მეფობასა : ბაგრატ
კორაპალატისასა ინდიგტიუნსა : დ : ქრუნიკუნსა : ს : ნ : ა : ჴ-ლით იუვანე
მესუეტისაჲთა. ღ-ნ დაგაჯერუს ლოცვა ყავთ.
მთელი ეს ბოლოსიტყვაობა გადმოღებულია, იხ. ფოტ. №№17216-17218.
შემდეგი დროის მინაწერი ხუცურად:
წ-ო გ-ი შ-ე მიქაელ მონა შენი ორსავე ცხორებასა ამა საწუთროსა და მერმესა მას
საუკუნესა ა-ნ.
თეოდორეს წამება შეიცავს სულ 69 ფურცელს.

3. რვა ცალი ჟამის წირვა იოანე ოქროპირისა და ბასილი დიდისა, ანუ

კონდაკები; დაწერილია ეტრატის გრაგნილებზე ნუსხა ხუცურის ხელით; სიგრძე
თითოეული გრაგნილისა არის ოთხიდან ხუთ არშინამდის; ხელი დაახლოებით მე-15
–17 საუკუნისა. თარიღი არც ერთს არ უზის. თითქმის ყველა მათგანი შემკობილია
ერთს ან ორ ადგილას წ-თა სახეებით და ფერადებით შემკობილი ასომთავრულებით.
ესენი ყველა გადმოღებულია ფოტოგრაფიულად. იხ. ფოტო №№17196-17201 და
17210-17215. ამათ შორის ერთს გრაგნილზე წარმოდგენილნი არიან კათაკმეველნი
კარიკატურის ხასიათით, რომელნიც გადიან ეკლესიიდან. (ფოტ. №17199).
სხვებზე წარმოდგენილნი მხატვრობანი წ-თა კომპოზიციით ერთმანეთს დიდათ
წააგავან, თუმცა სხვა და სხვა წმიდანია. ფიგურები ერთობ მოგრძოა, ყელი მაღალი,
ნიმბი ვეებერთელა; ერთი მაცხოვრის სურათს შეიცავს (№17197), ვინაიდან მას ნიმბი
ჯვარის სახედ აქვს და მარცხენა ხელში გრძელი ქარტა უჭირავს, რომელზედაც
სწერია: მე ვარ ნათელი სოფლისა რომე . . . მეორე სურათს წმი-სა ნიმბს ქვეშ თავი
ჭრელი ტურბანით აქვს მოკაზმული, მარჯვენა აწეულ ხელში შეკაზმული
ასომთავრული კ-ნი უკავია, მარცხენაში ქარტა, რომელზედაც სწერია: წ-ჲ დანიელ :
მესვეტე : ღ-ო : მე . . . (იხ. №17198). ერთ გრაგნილზე წარმოდგენილია : წ-ჲ ბასილი
(იხ. №17200).

4. სახარება თარგმანი in folio, დიდი ტანისა, 54X25 სანტ. დაწერილია ეტრატზე

ნუსხა ხუცურის ხელით ერთს სვეტად; ხელი ლამაზია მელანი შავი, სათაურები
წითლურით. დაცული ტექსტი 25 თავს შეიცავს. ჯერ მოყვანილია სახარების სტიხები
და შემდეგ თარგმანი. აშიებზე ხშირია განმარტებანი. გადამწერი არა სჩანს, მაგრამ
ხელის მიხედვით თარგმანი ეკუთვნის მე-12-13 საუკ.
აშიაზე ერთ ადგილას ტექსტის ხელით მინაწერი:
 ს-ლსა აკობის ძეს სფირნდონს (სპირიდონს?) შ-ნდს ღ-ნ
არ ტექსტის ხელით მინაწერი:
ღ-თო შ-ე ცდვილი მხრბლი ჴერძა.
ღ-თო შ-ე ჩ-ი ძმობილი მათ კუარცხელია ა-ნ.
ეხლა ტექსტი იწყება სახარების სიტყვების თარგმანიდან:
მოვედით ჩემდა ყოველნი მაშრუალნი და ტჳრთ მძიმე-
ნი და მე განგისჳჱნო. . .
თ-რგნ . მ-დით ჩ-და და ყ-ნი არა ესე ვინმე და იგი ა-დ ყ-ნი რ-ნი ხ-რთ ცოდვათაგ-ნ

_______
1 ეს სამი სიტყვა თითქო შემდეგ იყოს მიწერილი, დ. ბაქრაძეს გამოშვებული აქვს (გვ. 112).

დამძიმებულ . რ-ნი ხ-რთ მწუხარებათგ-ნ შეპყრობილ. რ-ნიცა ხ-რთ ზრუნვათგ-ნ

შეურვებულ.

5. საგალობელი ეტრატზე in folio, 29X23,5 სანტ, ნუსხა ხუცურით, მე-10-11 საუკ.

ერთს სვეტზე, უყდოთ, თავი და ბოლო აკლია; ზოგიერთი სათაურები: იანვარსა ლა
კვიროზ და ჲოვანეჲსი დს-ბლნი : ო-ო ღ-ღატყსა : ჴ-ჲ : ა თ-ა ფებერვალსა : ა : ეფრემისი :
დს-დბლნი : ო-ო ღ-ღატყსა ჴ-ჲ : ა :

6. ჟამნი ქაღალდზე; თავი და ბოლო აკლია, უყდოთ; დაწერილია ნუსხა ხუცური

ხელით; მე-16-17 საუკუნისა; დაშლილი და გაფუჭებული.

7. სახარება ეტრატზე, 24X17 სანტ. უყდოთ; თავი და ბოლო არა აქვს; 129
ფურცელი; დაწერილია ნუსხა ხუცურით; მახარობლების სურათები ყოფილა, ეხლა
დაცულია მხოლოდ იოანე მახარობელისა; სხვა აკლია. ბოლოს უწერია:
სამებაო ერთ ღთ-ბაო დღესა მ-ს დიდსა სასჯელისასა იჴსენ სტნჯვლთგ-ნ
სასტიკთა და საშინელთა : გ-ი ამის წიგნისა აღმწერელი მ-ხბითა წ-თა შ-ნთა
ათორმეტთა მცქლთჲთა : მ-ხბითა წი-სა ღ-თის მშბ-ლისაჲთა : და ყ-ლთა წ-თა : ზ-ცისა
ძ-ლთთა : რ-ნი სათნო გეყვნეს :.
სამებაჲ არსებით დაუბადებ-ლი ღ-თბით გამოუთქმელი ბ-ნბით მიუწდომელი
სამ გუამოვნებით ცნობილი ერთ არსებით დ-ბლი ერთ ღ-თბაჲ ერთ მთ-ვრობაჲ ერთ
მფ-ბჲ სამებისა ერთა არსებისა და სფ-ვჲ მისი იყვ-ნ ჩ-ნ ყ-თა ზ-ა ა-ნ.
შენიშვნა: ეს ის სახარება უნდა იყოს, რომელსაც უჩვენებს დ. ბაქრაძე (გვ. 109)
მუჟალის მაცხოვრის ეკლესიაში და რომლის წარწერას გიორგი მთწმინდელის
შესახებ ის მოკლედ იხსენიებს. ა. ხახანაშვილს მოჰყავს ჩვენ მიერ აღნიშნული ორი
მინაწერი შეცდომებით (გვ. 18-19) და უმატებს კიდევ შემდეგ წარწერას მარკოზის
სახარების ბოლოს: „დაესრულა (დაესრაელა?) მრკზის სხრბჲ თავი. ცლზმურლი (?)
აღიწერა ხუთას ოთხმოც მეათერთმეტესა წელსა ბრძანებითა ბე-სითა
(ბესარიონისითა) ხოლო იკითხვის წ-თა მრხვათა“. არ ვიცით, ჩვენ ეს მინაწერი ვერ
შევნიშნეთ, თუ ჩვენს დროს აღარ იყო, მაგრამ იმ სახით, რა სახითაც ეს ხახანაშვილს
მოჰყავს, ეჭვებს იწვევს. აქ საზოგადო ფორმის მინაწერია ყველა სახარების ბოლოსი,
თუ რომელ წელს დაიწერა სახარება ქრისტეს ამაღლების შემდეგ, რამდენ თავს და
მუხლს შეიცავს და როდის იკითხება. ხახანაშვილი აქ ხედავს 591 ქორონიკონს
ხელნაწრის გადაწერისას და მისი ანგარიშით მე-18 გვერდზე ეს ქორონიკონი უდრის
1229 წელს. მე-19 გვერდზე კი 1211 წელს უჩვენებს. ნამდვილად 591 ქორონიკონი
უდრის 1371 წელს (780+591=1371).

8. სახარება ეტრატზე; თავი და ბოლო არა აქვს, უყდო, 21X19 სანტ. ორ-სვეტად,
ნუსხა ხუცურის ხელით. ხელნაწერი პალიმპსესტს წარმოადგენს. მარკოზის
სახარების ბოლოს უწერია:
წ-ნ ღ-თ შემოსილნო მმნო : ქ-ს მოყმენო : ვინცა წ-ა ამ-ს სხ-რბსა და ლოცვასა
იმსახურებდეთ ლოცვასა თქ-ნსა მომიჴსენეთ ღ-თი სათ-ს ფ-დ და მწარედ ცოდვილისა
ამისა მწერალისა ათანასესთ-ს, ვინ ჩ-მთ-ს შ-ნდობაჲ ჰბრძანოთ ღ-ნ თქნცა მოგაგოს აქა
და მ-ს სკნესა ა-ნ.
ეს სახარებაც მუჟალის თემის ეკლესიას ჰკუთვნებია, მხოლოდ არ ვიცით
რომელს. დ. ბაქრაძე მას არ იხსენიებს, მაგრამ ა. ხახანაშვილს აღნიშნული აქვს (გვ.
19).
შემდეგი დროის მინაწერი ხუცურით:
ღმრთისა, თ-ავისიდებობით, მაცხოვარი ჟაბეშისა პირველი მოციქული ი-ნე
ქოჯმელანი . მუღჩამაგიანი, მამისთვალ ჩამაგიან(ი) და ჯუუნა საჰრანი : მქა
ქოჯმელანი , ისო ჩამაგიანი და აჯუ ქუჯმელანი, აბუ საჰრიანი და ი-ნე კორსიანი
გიორგისაი იოსელიანი სრულ და ჟაბეშისა საფ-ლი ესე ასრეი მოგიცია ვ-ითამცა
მაცხოვარი აღმაშენებლ იყო ვინ წინა დაუდგეს უშელოდ მახარობელისა იჰყარიანისა
(?) სათიბი ლასგორელღაში მოგიცემია.

9. სახარება ეტრატზე, 22X17,5 სანტ. ნუსხა ხუცურის ხელით მე-12-13 საუკ.

უყდოთ. ტექსტი დალაგებულია დღიურ საკითხავებად; თავი და ბოლო აკლია.

10. სახარება ეტრატზე, 21X15 სანტ. კარგი ნუსხა ხუცურის ხელით დაწერილი
ორ სვეტად, წითლურის მეთაურის ასოებით, უყდო, თავი და ბოლო აკლია; ხელი მე-
12 საუკ. უნდა იყოს. ბოლოში უწერია: გ-ი ბ-რსა გლახ მწარედ ცოდვილისა ულოცე
მკითხველო : ღ-თისა : თ-ს . (აქ უნდა იგულისხმებოდეს გიორგი ათონელი).

11. მრავალ თავი ანუ მსოფლიო წ⎯თა წამებანი, რბილ ეტრატზე, უყდოთ; თავი
და ბოლო აკლია, 18,5X16,5 სანტ. ნუსხა ხუცური ხელი მე-10-11 საუკუნისა, ერთ
სვეტად. შეიცავს შემდეგ სტატიებს:
1) პირველი სტატიის ბოლო:
ხ-იგი აბრალებდა თავსა თჳსსა განძენებისა და ამპარტავნებისა თჳსისათ-ს და
არაჲ სარგებელი გეყო შ-ნ ა-დ და დაადგრა იგი უნაყოფოდ ვ-ე აღსრულებამდე მისა
რღ-ისაჲ არს დბჲ უკნით უკ-ე ა-ნ.
დასაწყისი:
ხ- ოი-სა მიერ იგი სიხაროით ჰგიეს ყლსა ჟმ-ს გ-ლს ჴმა ყავთ შვილნუ ჩემნო რ-ო -ი
მწე ჩნდა არს.
 2) წიგნი ზარია (sic) პტრქისაჲ რ-ლი მიწერა ბაბილოვნით იჱლდ მათა : რ-ნი
დაშთოჳმილ იყუნეს ტყოჳეობისაგ-ნ სძლისა მის : დაქურივებულსა ეკლესიისა
სიუნისა და წ-დისა ქლ-ქისა.
მერმინდელი მინაწერი:
მადლო წ-სა ზაქარიასა შ-ე მიქაილ.
3) ოჳწყებაჲ ცხოველ მყოფელისაჲ პატიოსნისა ჯ-ჲ ვ-რ ოჳკმოიღეს ბაბილოვნით
იჱმ-თ.
4) გ-ნსოჳნებაჲ იოვანეჱსი მოციქოჳლისაჲ და მატარებელისა თჳ-სა აპრილსა კთ-
სა.
5) წამებაჲ წდისა იაკობისი ძმისა ო-ჲ რ-ლი დადგა იჱლმს ეპისკოპოჳზად.
6) წამებაჲ წდი-სა სტფნჱსი იჱლმს პრვლ დკნსაჲ.
7) პოვნაჲ წდი-სა სტფნჱსი.
8) მიცვალებაჲ ნაწილთა წ-დისა სტფნჱსთა.
9) თქმ-ლი წდისა ეფრემისი მოძღუჳრისაჲ მის კხეოჳლისაჲ.
10) ნოჳკბრსა ა წბ-ჲ წიდისა არითაჲსი და კრებულისა მისისაჲ ნებრა ქალაქსა
ოჳმერიხელთასა.
11) წამბჲ წი-სა თევდორეჱსი.
12) თ-სა აპრილსა კგ
წამებაჲ წდისა გი-სი ჭეშმარიტი.
13) თქმ-ლი წ-დის ილარო ნ. . . (?)ხუცისაჲ ჰრომისაჲ კხვისა თჳს ლოდისა
ეკლესიისა, რომელ არს ტაძარი წმიდისა მოწამისა გი-სი და უწყებაჲ განგებისათჳს
წმიდისა ბასილისა კესარია კაბადუკიელ მთავარ ებისკპსისაჲ ქე-ს მრწმუნოებისათჳს.
14) თ-ა ივლისა წამებაჲ წ-დისა ქ-ეფო (რჱსი) და მოყუასთა მისთაჲ.
ბოლოს:
და მოჰკუთეს თავი მისი თ-სა მირაკნისასა დღ-სა კოჳრიაკესა ჟ-სა მ-სმსა . . .
15) წამებაჲ წდისა ფუკაჲსი კანონმა რ-ლი დღჱ თჳსა ბრძანოს ჰკითხე.
დასაწყისი:
მოსვლასა მას მაცხოვრისა ჩ-ნისაი ი-ჳ ქეჱსსა.
16) გამოძიებისათჳს მელქიზედეკისთჳს.
17) თ-ა ივლისა : ჱ : წმბჲ წდისა პროკოპესი.
18) თ-ა ოკდნბერსა იზ . საქმჱ წ-თ კმზ-ნ დამიანეთაჲ და კორნებანი მათი

12. ჟამნი ეტრატზე, 19X15 სანტ. ნუსხა ხუცურის ხელით, მე-14 საუკ. თავი და
ბოლო აკლია.

13. კურთხევანი ქაღალდზე, 20X14 სანტ. ნუსხა ხუცურის ხელით; თავი და

ბოლო აკლია, მე-17-18 საუკუნისა.

14. სძლის პირნი ღვთისმშობლისანი ქაღალდზე, 14X10 სანტ. ნუსხა ხუცურის

ხელით, მე-18 საუკ. თავი და ბოლო აკლია. უანასკნელი სამი ხელნაწერი
მაცხოვარიშის ეკლესიიდან არის.

15. ადიშის სახარება-ოთხთავი. ერთ-ერთ მიზანს ჩვენი ექსპედიციისა

შეადგენდა ფოტოგრაფიულად გადმოგვეღო მთლად ტექსტი უძველესი თარიღიანი
ადიშის სახარებისა, რაც ჯეროვნად იქმნა შესრულებული. სახარება 38X32 სანტ.
დაწერილია მშვენიერის ასომთავრულით ეტრატზე ორ სვეტად და შეიცავს ეხლა 393
ფურცელს; ამათში არ შედის 5 პირველი ფურცელი, რომელზედაც მახარობელთა
სურათები და კანონებია მოქცეული. რიცხვი გადმოღებული ტექსტის
ფოტოგრაფიებისა არის 440. ეხლა, როგორც მოვიხსენიეთ, ეს სახარება მთელად არის
გამოცემული მოსკოვის არქეოლოგიური საზოგადოების მიერ ფოტოტიპის
საშუალებით (იხ. „მატერიალი პო არხეოლოგიი კავკაზა“, ტ. XIV). ვრცელს
წინასიტყვაობაში (გვ. 7-24) ჩვენ მინაწერების და ბოლო სიტყვაობის განმარტებით
გამოვარკვიეთ შემდეგი:
1. ჯუმათის მონასტრის (გურიაში) ყოფილ მამასახლის ნიკოლოზს უმოგზაურია
კლარჯეთის მონასტრებში და იქიდან გამოუტანია ხუთი ხელნაწერი: ეს სახარება,
მრავალ-თავი, ჴელთ-კანონი, მამათა წიგნი და კითხვა-მიგება. ამათ შორის ეს ჩვენი
სახარება, ჴელთ-კანონი და მამათა წიგნი წამოუღია შატბერდის მონასტრისაგან.
მინაწერი ნუსხა ხუცურით, სადაც ეს ამბავია მოხსენებული, ჩვენის აზრით, ეკუთვნის
მე-17 საუკუნის მეორე ნახევარს. წარწერაში მოხსენებული მრავალ-თავი დაცული
იყო გურიაში უდაბნოს მონასტერში; ეხლა ტფილისის მუზეუმშია. ხელთ-კანონი
უნდა იყოს ერთ-ერთი სვანეთში დაცული იერუსალიმის დიდი კანონი.
2. ადიშის სახარება გადაწერილია შატბერდის მონასტერში, ამ მონასტრის მესამე
წინამძღვრის სოფრონის თაოსნობით, 897 წელს. სოფრონი მისივე ხელით დაწერილს
ბოლოსიტყვაობაში გარდაცვალებულად იხსენიებს მის მოწინავე წინამძღვრებს
შატბერდის მონასტრისა, მამა გრიგოლს და მამა გაბრიელს. მამა გრიგოლი არის, ეჭვს
გარეშე, გრიგოლ ხანძთელი, დამაარსებელი შატბერდის მონასტრისა და მისი
პირველი წინაძღვარი, რომელიც გარდაიცვალა 861 წელს; ხოლო გაბრიელი უნდა
იყოს მეორე წინამძღვარი და სოფრონი მესამე. ეს ის „დიდი სანატრელი მამაჲ
სოფრონია, შატბერდის ეკლესიისა განახლებით აღმაშენებელი და უკუნისამდე
გჳრგჳნი მისი“, რომელსაც იხსენიებს გიორგი მერჩული თავის გრიგოლ ხანძთელის
ცხოვრების აღწერილობაში (გვ. ნბ). იმ დროის ბაგრატიონების მთავრებთა შორის,
როგორც ცოცხალნი, მოხსენებულნი არიან ბოლოსიტყვაობაში: ადარნასე მეორე,
რომელიც წინეთ ყოფილა კურაპალატი, შემდეგ გახდა ქართველთა მეფე (923 წ.); ეს
არის მაშენებელი ბანის ეკლესიისა; შემდეგ მოხსენებულია შვილი ადარნასესი
დავითი, რომელიც, როგორც სჩანს, 987 წელს ატარებდა ერისთავის ხარისხს, ხოლო
მამის სიკვდილის შემდეგ გახდა ქართველთა მეფედ (923-937); სხვა ადარნასეს
შვილების სახელები ტექსტში გაფუჭებულია. გარდაცვალებულ ბაგრატიონებთა
შორის მოხსენებულნი არიან: არსენი, დავითი და აშოტი. ამათში დავითი არის მამა
ადარნასე მეორისა, რომელიც მოკლულ იყო 881 წელს; აშოტი ძმა არის დავითისა,
ბიძა ადარნასე მეორისა, რომელიც გარდაიცვალა 885 წელს, ხოლო არსენი, რა თქმა
უნდა, იგიც ბაგრატიონი, ცნობილი არ არის არც სუმბატის ისტორიით და არც სხვა
წყაროებით. ჩვენის მოსაზრებით, არსენი უნდა იყოს ბერობის სახელი ადარნასე
პირველისა, რომელიც იყო ძმა დავითის და აშოტისა, მაშასადამე, მეორე ბიძა
ადარნასე მეორისა. ადარნასე პირველი, როგორც ეტყობა, ბოლო დროს ბერად
შემდგარა არსენის სახელით. ის გარდაიცვალა 874 წელს1, ამრიგად
გარდაცვალებულად მოხსენებულნი არიან მამა და ორი ბიძა (მეტი არც ჰყოლია)
ადარნასე მეორისა; ამათ მოხსენებაში დაცულია ქრონოლოგიური რიგი
გარდაცვალებისა: არსენი, იგივე ადარნასე პირველი (874 წ. ), დავითი(881 წ.), აშოტი
(გარდ. 885). განა შესაძლოა სოფრონს არ მოეხსენებინა მეორე გარდაცვალებული ბიძა
ადარნასე მეორისა, რაკი მოიხსენია მამა მისი და ერთი ბიძა? ეს შეუძლებელია და
ამიტომ ჩვენი მოსაზრება სწორი უნდა იყოს. ადიშის სახარების წინასიტყვაობაში ეს
მოსაზრება არ იყო გატარებული.
3. სახარების გადამწერი არის ერთი მიქაელი, ხოლო მმოსელი (შემმოსველი, ყდის
გამკეთებელი) არის მეორე მიქაელი – დიაკონი. ამის გაკეთებულ ყდას ჩვენამდე არ
მოუღწევია, ეხლანდელი ყდა მერმინდელია და ამის გაკეთების დროს ზოგი
ფურცლები აურევიათ, აქა-იქ ზოგი კიდევაც ჰკლებია. დრო გადაწერისა აღნიშნულია
ასე: დასაბამითგანთა წელთა ხფა (6501), ქრონიკონსა რიზ (117), შობითგან უფლისა
ჩუენისა იესუ ქრისტესით წელთა ჩა (1001). ქორონიკონი 117 უდრის 897 წელს
(780+117=897). ამასვე უდრის ქართულის სათვალავით 6501 წელი (6501-5504=897),
წელი ქრისტესით 1001 ამ თარიღს არ ეგუებოდა და მე მცდარად ჩავსთვალე, ხოლო
განსვენებულმა ჩვენმა მეცნიერმა ნიკო მარრმა სწორად მარტო ეს მესამე თარიღი
იცნო. მარრი ეყდნობოდა ზოგიერთ სიტყვებს და ფორმებს, რომელნიც მას ახალ
ქართულის ნორმებად მიაჩნდა და მე-9 საუკუნის ტექსტში მათი არსებობა
შეუძლებლად აღიარა. ჩვენ ეს უარვყავით და ასეთი ფორმები აღვნიშნეთ მე-10
საუკუნის უტყუარ თარიღიან ტექსტშიც. შემდეგ კ. კეკელიძემ ეს მესამე თარიღი
თავისებურად გაამართლა და შეუფარდა იმავე 897 წელს (იხ. „ტფილისის
უნივერსიტეტის მოამბე“, II, გვ. 392-397). თავისი სტატია ავტორმა ასეთი სათაურით
დაბეჭდა: „როდისაა გადაწერილი ადიშის სახარება?“. ეს სათაური გულისხმობს,

_____
1 იხილე გენეალოგია ბაგრატიონებისა ივანე ჯავახიშვილის ისტორიაში.

თოთქოს წინეთ არ ყოფილ იყო გამორკვეული, როდის არის გადაწერილი ადიშის

სახარება, მაგრამ ეს ასე არ არის. მოვუსმინოთ ისეთ ავტორიტეტულს მეცნიერს,
როგორიც არის ივანე ჯავახიშივლი. სწორედ იმავე ტომში, სადაც არის დაბეჭდილი კ.
კეკელიძის სტატია, ივ. ჯავახიშვილი სწერს (გვ. 350): „ზოგიერთი იქ (ადიშის
სახარებაში) ნახმარი სიტყვები და ფორმები ნ. მარრს ახალ ქართულისად ჰქონდა
გამოცხადებული, რომლის მსგავსი მე-9 ს. ხელნაწერში ნ. მარრის აზრით არ
შეიძლებოდა რომ ყოფილიყო. ე. თაყაიშვილმა ჯერ შატბერდ-ადიშის სახარებების
ანდერძში მოხსენებული ისტორიული პირების მოღვაწეობის დროის
გათვალისწინებით დაამტკიცა უცილობლად, რომ ამ ხელნაწერში ქართული
ქორონიკონით აღნიშნული თარიღი იყო სწორე და ამის გამო იგი უეჭველია მე-9 ს-ში
დაწერილი ძეგლია. შემდეგ იგივე საკითხი ე. თაყაიშვილმა ენის თვალსაზრისითაც
განიხილა. თუ რამდენად შემცდარი იყო ნ. მარრი თავის მსჯელობის დროს
ქართული ენის ძველი და ახალი ფორმების დახასიათებას რომ ცდილობდა, ე.
თაყაიშვილმა იმავე შატბერდის (ადიშის) სახარების ფოტოტიპიური გამოცემის
წინასიტყვაობაში გამოარკვია. მან ნ. მარრისაგან ახალ ქართულ ფორმებად და
სიტყვებად ცნობილი ფორმა-სიტყვები მე-10 საუკუნის ხელნაწერში ამოკითხულ
მაგალითებით ძველ ქართულში არსებულად ცხად-ჰყო. მაგრამ რათგან თვით ადიშის
სახარებად ნ. მარრს მე-11 საუკუნის დამდეგისად მიაჩნდა, ამგვარი საბუთი მას,
რასაკვირველია, არ დააკმაყოფილებდა. მაინც სრულებით სამართლიანად ამბობდა ე.
თაყაიშვილი: ჩვენ ისე ნაკლებად გვაქვს ძველი, მე-9 საუკუნის ძეგლების ენა
შესწავლილი, რომ რა არის ძველი და რაა ახალი, ჯერ ძნელი სათქმელია“.
აქედან ცხადდება, რომ საკითხი, როდის არის ადიშის სახარება გადაწერილი,
გამორკვეული ყოფილა კეკელიძის სტატიის დაბეჭდვამდისაც. მაგრამ კ. კეკელიძეს
უსათუოდ სამსახური მიუძღვის ადიშის სახარების მესამე თარიღის ახსნა-
განმარტებაში. ამიტომაც სტატიას უფრო შეეფერებოდა სათაური: „განმარტება
ადიშის სახარების მესამე თარიღისა“. ავტორი ჯერ მოიხსენიებს იმ ცნობილ ფაქტს,
რომ საქართველოში ძველად სხვა და სხვა წელთ აღრიცხვა იყო ხმარებული: ერთი
ქართული, რომელიც ქვეყნის გაჩენიდან ქრისტეს დაბადებამდე სთვლიდა 5604
წელს, მეორე – ბიზანტიური, რომელიც სთვლიდა 5508 წელს, მესამე –
ალექსანდრიული, რომელიც ითვლიდა 5500 წელს, მეოთხე – პანდორესი, რომელიც
ითვლიდა 5492 წელს. ამ რიგად ქართული სისტემა წინ ითვლის ბიზანტიურთან
შედარებით 96 წელს, ალექსანდრიულთან შედარებით 104 წელს, ხოლო
პანდორესთან შედარებით 112 წელს. ადიშის სახარებაში არის ნახმარი
ალექსანდრიული სისტემა. ადიშის სახარება გადაწერილია „დასაბამითგანთა წელთა
6501, ქორონიკონსა 117, შობითგან ქრისეტსა 1001“; ამ სამ თარიღში პირველი ორი
გვაძლევს 897 წელს (6501- 5604 =780 +117 =897). ამასვე გვაძლევს მესამეც, ქრისტესით
1001, ესე იგი 1001 წელი; მართლაც, 1) ჩვენ ვიცით, რომ ალექსანდრიულ ერასთან
შედარებით ჩვენი ერა 104 წლის განსხვავებას გვაძლევს; მაშასადამე, 1001- 104 =897;
2) 1001 წელს გასულა ქვეყნის გაჩენიდან: 5500 +1001 = 6501 წელიწადი, როგორც ამას
თვით გადამწერიც აღნიშნავს; ამას რომ გამოვაკლოთ ჩვენებური სისტემით 5604
წელიწადი, მივიღებთ 897 წელს (იხ. ხსენებული სტატია, გვ. 396-397). ჩვენის აზრით,
კ. კეკელიძემ აგვიხსნა, თუ საიდან წარმოსდგა შეცდომა ადიშის სახარებაში
ქრისტესით 1001 წლის ჩვენებაში. აქ გადამწერს ის განსხვავება, რომელიც არსებობს
ქართულ წელთაღრიცხვაში დასაბამითგან წლის ანგარიშში, გადმოუტანია ქრისტეს
მოსვლიდან წლის აღრიცხვაშიც. რომ ეს სისტემა ჯეროვანი არა ყოფილა, ეს იქიდანაც
სჩანს, რომ ეს არ დამყარებულა ქართულს წელთ აღრიცხვაში. ყოველ შემთხვევაში,
მე-11 საუკუნიდან ქრისტესითგან წელთ აღრიცხვა ისეთია, როგორც ჩვენ ეხლა
ვხმარობთ და არავითარი დამოკიდებულება არა აქვს დასაბამითგან წლის ანგარიშის
განსხვავებასთან. ამას გარდა ჩვენს სახარებაში პირველი ორი თარიღი სწორ ქართულ
სისტემას ემყარება, მხოლოდ მესამე ალექსანდრიულ სისტემას. ამგვარი, ასე ვთქვათ,
ორმაგი ბუჰხალტერია ერთი და იგივე თარიღის აღსანიშნავად, მიუღებელია. სხვა
ადგილას ჩვენ განმარტებული გვაქვს, როდის მივიღეთ ჩვენ ქორონიკონი ანუ 532-
წლიანი ციკლი, რა უდევს სარჩულად ამ წელთ აღრიცხვის დაწყებას და რატომ
წარმოიშვა განსხვავება დასაბამითგან წელთ აღრიცხვაში ჩვენს და სხვა სისტემებს
შორის (იხ. Georgica, ტ. I, წიგნი 1, გვ. 9-27), ამიტომ ამაზე საუბარს არ გავაგრძელებ.
ეხლა ასე თუ ისე, ყოველ მხრივ გამორკვეულია, რომ ადიშის სახარება 897 წელს არის
გადაწერილი და დღემდე რჩება უძველეს თარიღიან სახარების ხელნაწერად. ეხლა,
როდესაც პალიმფსესტებისაგან აღდგენილმა ძველი ტექსტების შესწავლამ მოგვცა
ახალი და უძველესი ღირს შესანიშნავი მასალა ქართული ენის ევოლუციის
შესასწავლად, როდესაც დადასტურებულია ხანმეტობა და ჰაემეტობა მე-V-VII
საუკუნოების ტექსტებისა, ადიშის სახარების ტექსტი, რამდენადაც ჯერ
შესწავლილია, ჰაემეტობის გადამავალ ტექსტად სჩანს (იხ. ი. ჯავახიშვილი: „ახლად
აღმოჩენილი უძველესი ქართული ხელნაწერები და მათი მნიშვნელობა
მეცნიერებისათვის“, „ტფილისის უნივერსიტეტის მოამბე“, II, გვ. 313-391. ა. შანიძე.
„ჰამეტობა ადიშის სახარებაში“, იქვე, გვ. 417-424; მისივე: „ჰაემეტი ტექსტები და მათი
მნიშვნელობა ქართული ენის ისტორიაში“, „უნივერსიტეტის მოამბე“, III, გვ. 354-
388). დიდი მნიშვნელობა აქვს აგრეთვე ლექსიკურ მასალასაც ამ სახარებისა. ტექსტი
მათეს და მარკოზის სახარებისა მხედრულის ასოებით, შენიშვნებით და ლათინურის
თარგმანით, უკვე გამოცემულია, ფოტოტიპიური გამოცემის მიხედვით, რობერტ
ბლეიკის მიერ (იხ. R. Graffin Patrologia Orientalis, tome XXIV – fascicule 1, tome XX –
fascicule 3).
შენიშვნა: მესტიაში ბლაღოჩინ ბესარიონ ნიჟარაძის სახლში იყო კიდევ ბევრი
სხვა ხელნაწერი, მაგრამ სამწუხაროდ ჩვენ მოკლებული დავრჩით საშუალებას ისინი
გაგვეშინჯა, ვინაიდან ბესარიონი ერთი კვირით ვატაცის ეახლა და მისი დაბრუნების
შემდეგ ჩვენ უკვე მულაყის თემში ვიყავით და დრო აღარ გვქონდა მესტიაში
დავბრუნებულიყავით. ამას გარდა ჩვენ აქ არ მოგვყავს ნუსხა მრავალ-რიცხოვანი
ხელნაწერებისა, რომელნიც საქართველოს საისტორიო და საეთნოგრაფიო მუზეუმის
ფონდში შევიდა. ესენი მუზეუმის კატალოგშია აღნიშნული.

ლენჯერის თემი

ლენჯერის თემში შედიან სოფლები: ნესგუნი, დემსია (ლემსია), ქაშვეთი, კაერი

(?), სოლი, ლაშტხვერი, მუხელი.

სოფელი ნესგუნი.

სოფელ ნესგუნში ძველი მაცხოვრის ეკლესია არის თლილის ქვისაგან

აშენებული, საკმაოდ დიდი და ისე მაღალი, თითქოს ორ-სართულიანი არისო.
შესავალი მას აქვს დასავლეთით და სამხრეთით; ფანჯარა ოთხი; ორი სამხრეთით და
თითო აღმოსავლეთით და დასავლეთით. კანკელი გარედ გამოდის მრავალ-
წახნაგოვანად (იხ. ფოტოგრაფია, ნომ. 17434). სამხრეთით ეკლესიას ჰქონია ეკვტერი,
რომელიც ეხლა მოუცილებიათ. ეკლესია დახურულია ყავრით. აღმოსავლეთით,
საკურთხეველის კედელზე სანახევროდ გადასული წარწერაა, რომელიც აღნიშნული
არ არის ლიტერატურაში. წარწერა მგონი ასე იკითხება:
ქ-ე შწყ-ე ბშგნე .
მეორე წარწერა აგრეთვე ცუდათ შენახული მოიპოვება დასავლეთის კედელზე:
ქ-ე შ-ე მფე გ-ი .
ესე იგი: ქრისტე, შეიწყალე მეფე გიორგი.
შიგნით ეკლესია მოხატული ყოფილა, მაგრამ ეხლა მხოლოდ ნიშნები შერჩენია
ფრესკებისა. კანკელი ქვისაა და შედარებით მაღალია სვანეთის ეკლესიისათვის,
შეიძლება მიტომ, რომ თვით ეკლესიაც მაღალია. კანკელი შესდგება სამი კამარისაგან,
ორი სვეტით და ამდენისავე ნახევარი სვეტებით კიდეებში; არშინ-ნახევრის
სიმაღლეზე კამარები იწყება ხატებისათვის. ეკლესიაში დაცულია:
 1. დიდი ხის ჯვარი კანკელის წინ სადგომი, მაგრამ ეხლა თვით კანკელზე
დამყარებული, შეძერწილი ჩვეულებრივად ვერცხლის ფირფიტებით წმიდათა
სახეებით. ყველაზე უფრო დიდ ფირფიტაზე, ზემოდ, წარმოდგენილია სრულის
ტანით ღვთის მშობელი ჩჩვილედი, წარწერით: დედჲ ღ:მრჲ (sic); ესე იგი: დედაჲ
ღმრთისაჲ. ქვემოდ ამავე ფირფიტაზე წელსზევითი მაცხოვარია და კუთხეებში
მზენი. ფირფიტა შემკობილია ბალახოვანი აშიებით. შუაში ჯვარისა არის უმბო მზის
თვალის სახით; მის კუთხეებში, ზემოდ, ორ წ-ა გიორგია ცხენოსანნი,
გვირგვინოსანთა მგმირავები; ქვემოდ: წყვილი სურათია, ვგონებ, მთავარ
ანგელოზთა. უმბოს აქეთ-იქით სამი ფიგურაა ღვთის მშობლისა, ჩჩვილედისა,
წელსზევითი, ბერძნულის წარწერით სახელისა და შემკობილის აშიებით. ამათ იქით
მთავარ ანგელოზებია; კუთხეებში ყოფილა კიდევ მაცხოვარი, დარჩენილია მხოლოდ
მარცხენა ფრთაზე. ქვემო ფრთაზე ჯერ ღვთის მშობელია, წელსზევითი, ბერძნულის
წარწერით და შემდეგ ამის ქვემოდ ეტრატზე დახატული ჯვარცმაა ერთის, იოანეს,
წინადგომით და ეს ნახატი მიკრულია ჯვარზე. ერთი ფირფიტა ქვემოდ აკლია (იხ.
ფოტ. №16973).

2. მეორე ასეთივე ჯვარი, ხოლო უფრო ნაკლები ზომისა, 70X 41 სანტ. ქვემო
ნაწილი ამისაც მოძარცულია. მთელი ზემო და შუა ნაწილი უკავია ერთ დიდ
ფირფიტას, რომელზედაც მაცხოვარია წარმოდგენილი სრულის ტანით, სახარებით
და მაკურთხეველის მარჯვენით, წარწერით: ი-ჳ ქ-ე. ქვემოდ მაცხოვრისა წ-ჲ გ-ი,
წელსზევითი (№16969). მარცხნივ და მარჯვნივ ფრთებზე წარმოდგენილნი არიან:
ჯვარცმა: წ-ა გიორგი, მთავარ ანგელოზნი და სხვა.

3. დიდი ვერცხლის ფირფიტა, ოქროთი დაფერილი, რომელზედაც

წარმოდგენილია ჯვარცმა, 28X18 სანტ. (№16965). ზემოდ: ორი ჩამოფრენილი
ანგელოზია, წარწერებით: წ-ჲ მ-ქლ, წ-ჲ გ-ბრლ. ჯვარცმულის ნიმბის ზემოდ, ჯვარის
სახელი, წარწერა არის: ქ : ესე : არს : მეუფე : ურიათა .
ქვემოდ ორივე მხარს ჯვარცმულისა: ღვთის მშობელი და იოანე, წარწერებით: დ-
ჲ ღ-ი, წ-ჲ ი-ე მხრ-ბლი. ქვემო ნაწილი ფირფიტისა აღარ არის, დარჩენილია წარწერა:
„ადამის თავი“; ეზო ვაზების ყლორტების მსგავსად არის შემკობილი. სამართლიანად
შენიშნავს გრაფინია უვაროვისა, რომ ეს ფირფიტა წინეთ ყოფილა სახარების ყდის
ფირფიტა. ხელობა ქართულია მე-15-16 საუკუნისა. ჩვენ ეს ფირფიტა, რომ არ
გაფუჭებულიყო, ხატის ფიცარზე მივაკარით.

4. ხატი ღვთის მშობლისა, ყოფილა წამლით დახატული, მაგრამ ეხლა

მოშლილია. ოქროს მორთულობა და აშიები ხატისა დაცულია (№16974). წარწერა
სევადით არის შესრულებული: დედა ღ-თისა. აშიები, გაყოფილი წერტილის ხაზებით
უჯრედებად, სევადითავეა შემკობილი, მაგრამ ეხლა ძლივს ემჩნევა. მეორე გვერდზე
ვერცხლისა, ჯვარის ირგვლივ, ლექსად წარწერაა (№16975):

რმელმნ ეგე ევას მ

იუზღე ვალი : ჰრქუი
რაჲ გბრიელს ვარ
უფლის
 ა მჴევლი : მშინ ისტ
უმრე ქუეყნად მოუვ
ალი : დაემჴო ძალი პ
რველვე სსხლ დამთრ
ალი ქალწულო მიჴსენ
ბორენა ჭირ
მრავალი.
უქარაგმოდ და ლექსად დაწყობილი ასე იქნება:
რომელმან ეგე ევას მიუზღე ვალი,
ჰრქუი რაჲ გაბრიელს : „ვარ უფლისა მჴევალი”.
მაშინ ისტუმრე ქუეყნად მოუვალი,
დაემჴო ძალი, პირველვე სისხლ დამთრალი,
ქალწულო, მიჴსენ ბორენა ჭირმრავალი.
ეს წარწერა ფრიად დამახინჯებულად აქვს მოყვანილი ა. ხახანაშვილს (გვ. 37-38).
წარწერაში ასოები ო და უ ერთგვარად არის გამოხატული.
ბორენა იყო მეფე ბაგრატ მეოთხეს (1027-1072) მეორე ცოლი, ოსთა მთავრის
ქალი.
ხელობა ხატისა, თუმცა ცუდათ დაცული, მართლა შიძლება მივაწეროთ
კლასიკურ ხანას, მე-11-12 საუკუნეს. მაგრამ ხასიათი წარწერისა ყოვლად
შეუძლებელია მე-11 საუკუნეს ვაკუთნოთ. ამიტომ ჩვენ გვგონია, რომ წარწერა
მერმინდელია, შეიძლება ძველიდან გადაწერილი, არა უადროეს მე-16-17 საუკუნისა.
ანდა აქ მოხსენებული ბორენა სხვა პირია და არა ბაგრატ მეოთხეს ცოლი.

5. პატარა ხატი მირქმისა, 6,5X5 სანტ. ტლანქი ხელობისა, (იხ. ფოტ. №16974).
აქვე მეორე პატარა ხატი ღვთის მშობლისა, ჩჩვილედი, ფრიად ტლანქი და სპილენძის
პატარა ხატი ჯვარცმისა (პანაგია).

6. ხატი მაცხოვრისა, ვერცხლისა, ნაჭედი, 39X26,5 სანტ. (№16967). მაცხოვარი

ტახტოსანია, ჩვეულებრივი რიგით წარმოდგენილი. აშია ორია; შინაგანი ფოლაქების
მსგავსად არის შემოვლებული; გარეგანი – ფართო, საცრის მსგავსია, მედალიონებით,
მაგრამ უსურათოდ. ხელობა დაბალია, მე-16-17 საუკ.

7. ხატი მაცხოვრისა, ვერცხლით ნაჭედი, 42,5X34 სანტ. (№16968). მაცხოვარი აქაც

ტახტოსანია, დიდი ჯვარისა სახის ნიმბით და წარწერით: ჱჲ ექ (sic). ეს
შებრუნებული ასოები შეესაბამებიან სიტლანქეს ხატის ხელობისა. ეზო და აშიები
ბალახის მსგავსად არის შემკობილი; ქვემო აშია აკლია. ხელობა ტლანქია, მე-18 საუკ.
მარცხენა აშიაზე ღვთის მშობელია; მარჯვენაზე: იოანე ნათლის მცემელი, სრულის
ტანით.

8. ხატი წინასწარმეტყველის ელიასი, ვერცხლისა, ნაჭედი, 20X22 სანტ.

ნამდვილი სვანური ხელოვნებაა დაცემის ხანისა (№16966). წარწერა სახელისა
ხუცურად: წ-ჲ ელია. მხოლოდ ეს წარწერა გვავალებს ჩვენ დავუჯეროთ ამის
ხელოვანს, რომ მას უნდოდა აქ გამოეხატა ელია წინასწარმეტყველი. უამისოდ მის
გამოხატულ სურათს ჩვენ მივიღებდით უბრალო სვანი კაცის გამოხატულებად. სახე
და მოკლე ტანისამოსი, ჩოხის მსგასი, სვანურია. მარცხნივ, ვით უსახო ზვინი, რაღაც
გროვაა. ამ უთავბოლო გროვაში თითქო ისახება ჩონჩხი უზარმაზარი ფრინველისა,
ნისკარტით და ფრთებით. აშიები ჩვეულებრივია ასეთი ტლანქი სვანური
ხელობისათვის, რომელიც შესდგება ერთი ერთმანეთში გადაბმული ნახევარი
სიმრვალეებისაგან, წერტილებით შიგნით; ქვემოდ ვულგარული ასომთავრული
წარწერაა:
წ-ო :. ელია :. მეოხ ექმენ :. ჯფარიძეს :. სუმაინს (?) :.
და თანა :. მცხდრესა :. მისსა : კოპაიძის :. ქალსა :.
კაკონს დღეს მს გნკთხვისსა ამნ ო .
უქარაგმოდ:
წმიდაო ელია, მეოხ ექმენ ჯაფარაიძეს სუმანის (?) და თანამეცხედრესა მისსა
კოპაიძის ქალსა კაკონას დღესა მას განკითხვისასა, ამინ, უფალო.
ნესგუნში ყოფილა კიდევ პატარა ქვის ეკლესია ილია წინასწარმეტყველის
სახელზე და ზემო ნაჩვენები ხატი ალბათ ამ ეკლესიას ეკუთვნოდა. ჩვენს
მოგზაურობის დროს ამ ეკლესიას ანახლებდენ; წინეთ მიტოვებული ყოფილა.
ეკლესიასთან მე ვიპოვნე პატარა ზარი, უცნობი, მხედრულის წარწერით:
ქ. შემოგწირე :. მე :. ერისთვის :. ძემანი :. (sic) დავით :.
ზარი :. ესე :. თქუენი :. საშინელისა :. ხატსა :. იმნეი-
მისას (?) :. შენი :. მეოხი :. მექმენი :. ორსავე :. ცხო-
რებასა :. შინა :. ამინ:.
წაკითხვა „იმნეიმისასა“ საეჭვოა, ვინაიდან დედანში კარგად არ განირჩევა.
წარწერას ახასიათებს ხორცმეტნი ასოები ი-ნები. წარწერა მე-17 საუკ. უნდა
იყოს.

სოფელი ლემსი.

ამ სოფელში ეხლა ახალი ეკლესია არის, მაცხოვრისა; ეხლანდელი მისი ხატები

წინეთ კოშკში ინახებოდა და ლიტერატურაში ცნობილი ნაკლებად არის. ჩვენ აქ
ვნახეთ:

1. ჯვარი ხისა, შუა ტანისა, 98X61 სანტ. შეძერწილი ვერცხლის ფირფიტებით,

ლამაზი ხელობისა, მაგრამ, სამწუხაროდ, ბევრი მათგანი აკლია. მარცხენა და
მარჯვენა მკლავი ეხლა სულ შიშველია; ცოტა ზემოდაც აკლია და ქვემოდაც (№
16986). ქვემოდ წარმოდგენილნი არიან: წყვილად, გრიგოლ დიდი და წ-ა ნიკოლაოზ,
წარწერებით: წ-ჲ გრიგოლი, წ-ჲ ნიკოლაოზ.
ქვემოდ, მათ შორის, მეორე წარწერა: ქ-ე შეი/წყალე სუ/ -
ლი ვ-ხ/ტანგ/ისი.
ზემოდ და ქვემოდ ამ ფიგურებისა საუცხოო ხელობის შემკობილობაა
ბროწეულის ყვავილების მსგავსი. ამას ზევით ორი სურათია მაცხოვრისა,
ტახტოსნისა, ბერძნულის წარწერებით სახელისა. ამას ზემოდ მთავარ ანგელოზია,
სრულის ტანით და შუბით.

2. მეორე ასეთივე ჯვარი, 86X58 სანტ. შუაში მიჭედილი აქვს ვერცხლის პერანგი
სხვა ხატისა, ღვთის მშობლის საუკეთესო ხელობისა, მე-12-13 საუკ. ბერძნულის
წარწერით სახელისა; მარცხენა ფრთაზე ოქროთი დაფერილი ვერცხლის სამი
ფირფიტაა და მათზე წარმოდგენილნი არიან: პეტრე და პავლე: წ-ჲ პავლე, წ-ჲ პეტრე.
მარჯვენა ფრთაზე: წ-ჲ მიქელ, წ-ჲ გაბრიელ და ღვთის მშობელი, ბერძნულის
წარწერით სახელისა. ქვემო ფირფიტები გაფუჭებულია, მაგრამ, ეტყობა, იქ მთვარ
ანგელოზები ყოფილან წარმოდგენილნი ( ამის ფოტოგრაფია არა გვაქვს).

3. ხატი მაცხოვრისა, ოქროთ დაფერილი ვერცხლით ნაჭედი, 44X32 სანტ. (№

16979). მაცხოვარი წელსზევითია, სახარებით და მაკურთხეველის მარჯვენით და
დიდი ჯვარის სახის ნიმბით. წარწერა სახელისა ბერძნულია, მაგრამ შეცდომით;
აშიები ბალახოვანი შემკობილობით არის მოცული ფიგურებით მედალიონებში;
მარჯვნივ და მარცხნივ წ-ა მხედარნი, სრულის ტანით, ზემოდ: წელსზევითი
ფიგურები: ჩჩვილედი ღვთის მშობლისა შუაში და მთავარ ანგელოზთა კუთხეებში.
ქვემო აშია სხვა ხელობის არის, რომბ-ლურსმული; მარჯვნივ დანაკერები ნაჭერია;
ხელობა მოტლანქოა, მე-16-17 საუკუნისა.

4. ხატი მაცხოვრისა, ოქროთი დაფერილი ვერცხლით ნაჭედი, 33X23 სანტ.

(№1681). მაცხოვარი ტახტოსანია; მარჯვენა ხელით აკურთხებს, მარცხენაში სახარება
უჭირავს, რომლის ყდაზე ჯვარია გამოსახული. ნიმბი დიდი აქვს, ჯვარის სახისა.
წარწერა სახელისა ბერძნულ-ქართულია. ზემო და ქვემო აშია მოძარცულია,
დანარჩენის ფოთლოვანი შემკობილობა ულაზათოა. ხელობა ტლანქია, არა უადროეს
მე-17 საუკუნისა.

5. ხატი მაცხოვრისა, ვერცხლით ნაჭედი, 46 X35 სანტ. ტლანქი ხელობისა, მე-17–

18 საუკუნის (№16978). მაცხოვარი ტახტოსანია, ჩვეულებრივი რიგით
წარმოდგენილი, ხოლო ტახტი უბრალო ჩუქურთმიან სავარძელს მოგვაგონებს.
წარწერა სახელისა ბერძნულია, ნიმბი დიდი ჯვარის სახედ. აშიები რომბ-
ლურსმულია რვა მედალიონით, რომლებშიაც მოსჩანს ზემოდ: მაცხოვარი მთავარ
ანგელოზებითურთ. ასეთივეა განმეორებული ქვემო აშიაზეც; მარჯვენა აშიაზე,
ვგონებ, წ-ა გიორგია, სრულის ტანით. წარწერა არა აქვს.

6. ხატი ჯვარცმისა, ოქროთი დაფერილი ვერცხლით ნაჭედი, 32X24 სანტ.

(№16982). ჯვარცმის ზემოდ მზე და მთვარეა წარმოდგენილი; აქეთ-იქით მთავარ
ანგელოზნი მედალიონებში. ქვემოდ წინამდგომნი: ღვთის მშობელი და იოანე.
წარწერები გადასულია, ხოლო იოანეს წინ სჩანს: წ-ჲ. ჯვარცმულის ფეხებს ქვევით
ადამის თავია; უფრო ქვემოდ ღვთის მშობელი წელსზევითი, მედალიონში,
ბერძნულის წარწერით სახელისა. თვით ჯვარცმულის ტანი და ჯვარზე მიკვრა
კარგად არის შესრულებული. საერთოდ, ხელობა ცუდი არ არის. აშიები რომბ-
ლურსმული, უფიგურო მედალიონებით, არა უგვიანეს მე-16 საუკუნისა უნდა იყოს.

7. შემოსილობა ღვთის მშობლის ხატისა, ოქროთი დაფერილი ვერცხლისა, 36X37

სანტ. ადგილ-ადგილ მოშლილი, არა ცუდი ხელობისა (№16987). ღვთის მშობელი
წელსზევითია, ჩჩვილედი. სახე მისი და ქრისტესი სულ მოშლილია; ნიმბები
შემკობილია და დიდრონი წარწერა სახელისა ბერძნულია. აშიები არ შერჩენია.
 7 ბ. ამავე ფოტოგრაფიაზე გადმოღებულია წელსზევითი ფიგურა მედალიონში
წ ა პეტრესი, წარწერით : წ-ჲ პ-ტრე. და კიდევ მთავარ ანგელოზები: მიქელ და
-

გაბრიელ, სრულის ტანით (ესენი ნიმბის არეში არიან ჩადებულნი). ამათზე დაცულია
ნაშთები წარწერისა:
.... ანგელოზო ჯაიანი სულითა ....

8. ამავე ფოტოგრაფიაზე (№16987) ჩვენ გადმოვიღეთ ერთ სტრიქონიანი წარწერა

ხატისა, რომელიც ცალკე ვიპოვნეთ; შეიძლება ეკუთვნოდეს მე-7 ნომრის ქვეშ
აღწერილს ხატს. წარწერა იკითხება ასე:

ი : ღ-ო ცათისო : შ-ე : ნ-კზ : ჭილასძე : და შ-ნ მშობელთა ... ესე იგი: ... ღმერთო
ცათისაო (resp. ცათასაო). შეიწყალე ნიკოლოზ ჭილასძე და შეუნდვენ მშობელთა
(მისათა).

9. ხატი წ-ა გიორგისა, ოქროთი დაფერილი ვერცხლის შემკობილობით, 31 X23,5

სანტ. (№16984), ყოფილა წამლით ნახატი, რომელიც ეხლა გადასულია; წარწერა: წ¯ჲ
გ¯ი. ეზო შემკობილია ხლართულებით; აშია დაყოფილია უჯრედებად
წერტილებიანი ხაზებით.

10. შემოსილობა ვერცხლისა წ-ს გიორგის ხატისა, გადმოღებულია ამავე

ფოტოგრაფიაზე №16984. წმიდა გიორგი ცხენითაა წარმოდგენილი, ვეშაპს გმირავს
შუბით; კარგი ნახელავია.

11. ხატი წ-ა გიორგისა, ოქროთი დაფერილი ვერცხლისა, 38X34 სანტ. წმიდანი
წარმოდგენილია რომაულ სამხედრო ტანისამოსით, სრულის ტანით; მარჯვენა
ხელში შუბი უჭირავს, მარცხენა ფარზე აქვს დადობილი; თმა ხუჭუჭებად აქვს
დაყოფილი. ირგვლივ თავის მრგვალი წრეა; ყველა ეს ნიშნები წმიდა გიორგის
ეკუთვნის, მაგრამ წარწერა იწვევს სხვა კითხვებს, ვინაიდან აქ სწერია: წ-ჲ სგ-ი. ასო,
რომელიც მოსჩანს გ-ი-ს წინ, სხვათ არ შეიძლება მივიღოთ, თუ არა ს-ნად. ამიტომ
შეიძლება წაკითხვა: წმიდაჲ სერგი. ან თუ აქ მართლა წ-ა გიორგი იგულისხმება,
მაშინ შეიძლება წავიკითხოთ: წმიდაჲ საკვირველთ მოქმედი გიორგი, მაგრამ ეს
ნაკლებად დასაშვებია. ჩვენს ფოტოგრაფიაზე №16980, როგორც სახე, ისე წარწერაც
კარგად არის გამოსული და ამიტომ შემოწმება ადვილია. აშიები რომბ-ლურსმულია,
რვა მედალიონით, მარჯვნივ და მარცხნივ წმიდა მხედარნი არიან სრულის ტანით
წარმოდგენილნი, შუბით და ფარით; ზემოდ ვედრება, ქვემოდ მთავარ ანგელოზნი.
ხატი მე-16 საუკ. უნდა იყოს.

12. ხატი მთავარ ანგელოზ მიქაელისა, ოქროთი დაფერილი ვერცხლისა,

ნაჭედი. წარმოდგენილია სრულის ტანით, საზომით და ბურთით. წარწერა: მჲქ-ლ მრ-
ზი. ხელობა მოტლანქოა. აშიები ლამაზია, ფურცლოვანი მედალიონებით, მაგრამ
ხუთის მეტი გაფუჭებულია. მარჯვნივ და მარცხნივ წმიდანნი მხედარნი არიან,
სრულის ტანით (№16983). მე-16-17 საუკ. უნდა იყოს.
 13. ხატი მაცხოვრისა, ვერცხლით ნაჭედი, 18X15 სანტ. ტლანქი ხელობისა
(№16985). მაცხოვარი ტახტოსანია, სახარებით და მაკურთხეველის მარჯვენით. ნიმბი
ჯვარის სახედ არის განყოფილი, ერთობ გამობერვით არის გამოყვანილი. წარწერა: ქ-
ე. აშიები რომბ-ლურსმული, მე-18-19 საუკ. უნდა იყოს.

14. ხატი ვერცხლისა, ნაჭედი, 21X15 სანტ. ლურსმულის აშიით. ამ ხატზე

წარმოდგენილია ჯვარედინად ოთხი ფიგურა: ორი ჩჩვილედი ღვთის მშობლისა,
წელსზევითი, ორივე ერთგვარი, ბერძნულის წარწერით სახელისა; ორი მაცხოვრისა,
სრულის ტანით, სახარებით და მაკურთხეველის მარჯვენით. ხელობა ტლანქია, მე-
18 –19 საუკუნისა (№ 16985).

15. ხატი ვერცხლისა, რომელზედაც წარმოდგენილია ორი წმიდა გიორგი,

ცხენით, ჯვარით ხელში. ერთობ ტლანქი ხელობისა არის, მე-18 –19 საუკუნისა.
კერძო სახლში, ლემსიაში ჩვენ გვაჩვენეს შემდეგი ხატები:

16. ხატი წ-ა გიორგისა, ვერცხლისა, 13X11 სანტ. (№16990); ხატს უვლის ორი აშია,
ფოლაქების მსგავსად შემკობილი და მათ შორის ხლართულები. შუაში,
წერტილებიდან შემდგარს მრგვალ წრეში, მოთავსებულია ფიგურა წ-ა გიორგისა,
ცხენით; გმირავს ახალგაზრდას, ჩაბალახის მსგავსი თავსახურავით. წარწერა: წ-ჲ გ-ი.
მე-17 –18 საუკ. უნდა იყოს.

17. ხატი წ-ა გიორგისა, ვერცხლისა, 31X23 სანტ. (№16989). წმიდა გიორგი
ოთხკუთხედშია წარმოდგენილი, ცხენით; გმირავს გვირგვინოსანს; ერთობ ტლანქი
ხელიბისაა, მე-18 –19 საუკ.

18. ხუთი ტლანქი ხატი ღვთის მშობლისა და ერთიც მთავარ ანგელოზისა.

19. ხატი წ-ა გიორგისა, ვერცხლისა, რომელზედაც ძლივს მოსჩანს ფიგურა

წმიდანისა, ერთობ ტლანქი ხელობისა. ეს ხატი ჩადგმულია ოთხკუთხედ ხის
ჩარჩოში, რომელსაც ქვემოდ ტარი აქვს, და ზემოდ მოღუნული თავი, გეომეტრიული
ფიგურებით შემკობილი. ეს წინეთ, როგორც ეტყობა, ლაბარუმი ყოფილა ანუ ბოყერი,
და თავისი ყოფილი შემკობილობა დაუკარგავს. ეს ჩარჩო შიგ ჩადგმული წ-ის
გიორგის ტლანქი ხატით დიდათ სწამთ ადგილობრივ სვანებს (№16988).

20. პატარა ხატი ხარებისა, 6X5 სანტ. ტლანქი ხელობისა, რომელიც

მოთავსებულია იმავე №16988 ფოტოგრაფიაზე, მარცხენა კუთხეში, ზემოდ.

21. წინაპირი პატარა გულსაკიდი ხატისა წმიდის გიორგისა, ვერცხლისა, 6,5X4

სანტ. რომელიც ჩვენ ვიპოვნეთ ეკლესიის ეზოში, ხოლო დ. ბაქრაძეს ეს ეპოვნა
ეკლესიის სკივრში (გვ. 89). წ-ა გიორგი წარმოდგენილია კამარის ქვეშ, სრულის
ტანით, ფარით და შუბით; კამარა ორმაგ სვეტებზეა დამყარებული, ლამაზის სვეტის
თავებით; ორივე მხარეს ჩამოგრძელებულია ასომთავრული წარწერა:
წო / გ-ი ალ/ დს/აა წმიდაო გიროგი ალავერდისა, ა
დ/დე მფ/ეთ/ა მ/ფე/გ ი
- დიდე მეფეთა მეფე გიორგი.
ძნელი სათქმელია, რომელ გიორგი მეფეზეა აქ საუბარი. ყოველ შემთხვევაში, ხატი
არის არა უგვიანეს მე-15-16 საუკუნისა. ამის ფოტოგრაფიაც გვაქვს, მაგრამ ერმაკოვის
კოლექციაში არ შედის.

22. ერთის ხატის ზურგის მოწყვეტილ ფირფიტაზე დ. ბაქრაძეს უნახავს (გვ. 89)
და გადმოუღია ხელით (დამატება №25) შემდეგი წარწერა ასომთავრული:

ქ . მოწამე მოწამე
თა : შრის : ბწ თა შორის ბრწ-
ყინვლეო : წო : გი : ზღდრი ყინვალეო წმიდაო გიორგი ზღუდრი-
სო მო საო, მეო-
ხ და მფრველ : ექმნ : დღე ხ და მფარველ ექმენ დღე-
სა : გნკთხ სასა : არშსნ სა განკითხვისასა არშესნა-
სა : და ძესა : ჩემსა სა (?) და ძესა ჩემს(ა)
გის . გიორგის.

ხსენებული ეკლესიიდან დ. ბაქრაძეს მარტო ორი უკანასკნელი წარწერა მოჰყავს

და იხსენიებს კიდევ საღმრთო წერილის წიგნებს და ერთ კონდაკს გრაგნილს,
ეტრატისას, სამი არშინის სიგრძით (გვ. 89) და იმ 20 ნივთზე, რომელიც ზემოდ
ჩამოვთვალეთ, არაფერს ამბობს.

სოფელი ქაშვეთი.

სოფელ ქაშვეთის ძველი ეკლესია წმიდა გიორგისა სულ პატარაა, ქვისაგან

აშენებული, მაგრამ მისი ზეძირკველი ერთობ მაღალია, ასე რომ ეკლესიაში
შესავალად კიბეზე უნდა ახვიდეთ. კანკელი ქვის არის. საკურთხეველში ძლივს
მობრუნდება ერთი კაცი. შესავალი ერთია, დასავლეთით; ფანჯარა ორი, თითო
აღმოსავლეთით და სამხრეთით; კანკელის საფუძველზე აღმართულია ორი დიდი
ჯვარი:

1. ჯვარი ხისა, 109X61,5 სანტ. შეძერწილია ვერცხლის ფირფიტები. ზემო

ფირფიტაზე მაცხოვარი ტახტოსანი, მოტლანქო ბერძნულის წარწერით სახელისა, და
წმიდა თეოდორე : წ-ა თ-დრ. ქვემოდ წარმოდგენილია ორი წმ. გიორგი, წარწერებით:
წ-ა გ-ი ქ-შთ. და ერთი გამოხატულობა წ-ა თეოდორესი, სრულის ტანით. მარჯვნივ და
მარცხნივ უმბოსა: ღვთის მშობელი, ორი წ-ა გიორგი და ქერუბიმები და სერაფიმები
(№ 16993).

2. მეორე ჯვარი ასეთივე ზომისა, მაგრამ მისი ფირფიტები უფრო ტლანქი

ხელობისაა, ვიდრე პირველი ჯვარისა (№16992). შუაში ჯვარცმაა; ზემოდ, ვგონებ,
მაცხოვარია, სრულის ტანით; მის ქვემოდ: მთავარ ანგელოზნი მედალიონებში;
მარჯვნივ და მარცხნივ, ფრთებზე, ორი მაცხოვარია და ორი მოციქული, მკერდს
ზევითნი; ქვემო ფრთაზე ორი მედალიონი წმიდათა; სახელები არ აწერია; დანარჩენი
ნაჭრები აკლია. ფირფიტები სურათების ირგვლივ ბალახოვნად არის შემკობილი.
 3. პატარა ხატი კარედი ღვთის მშობლისა, 12X9 სანტ. წინაპირი სულ
გაფუჭებულია და მოშლილია, მაგრამ მეორე გვერდზე დაცულია უცნობი წარწერა (№
16976):
ქ : დედაო : ღ-თისაო : მეოხ დედაო ღმრთისაო, მეოხ
და : მფარველ : მ და მფარველ მექ-
ქმენ : წ ე : ძისა : შ ნს
- - მენ წინაშე ძისა შენი-
დღთ - სა და ღმრთი-
სა : ჩ ვა : დღესა : გ ნკით
- - სა ჩვენისა დღესა განკით-
ხვის ა :. მამკობ
- ხვთისასა მამკობ-
სა : ხ ტსა : შნსას
- სა ხატისა შენისასა
: ელშარს :. ქრდინსა : ელაშარს ქურდიანსა.

4. ხატი პატარა წმიდისა ონოფრესი, 13X9 სანტ. ოქროს შემოსილობით; თვით

სახე წამლით ყოფილა დახატული, მაგრამ მოშლილია. ზემოდ წარწერა: წ-ჲ ონფრე.
(№16976). აშიები ორი რიგი წერტილებიან ხაზების შორის შემკობილია ზარნიშით;
ხელობა ხატისა სრულიად იგივეა, რაც ნესგუნის ღვთის მშობლის ხატისა, ჩვენ მიერ
მეოთხე ნომრით აღწერილისა. ზურგი ამ ხატისა ვერცხლისაა, წარწერით, რომელსაც
უჩვენებს დ. ბაქრაძე (გვ. 89) მე ეკლესიაში ვერ ვნახე, როგორც ვერ ნახა ეს გრ.
უვაროვისამაც (გვ. 178), მაგრამ შემდეგ ვიპოვნე ერთ კერძო სალხში და გამოვართვი.
წარწერის შედარებამ ცხადჰყო, რომ ეს ის წარწერაა, რომელიც დ. ბაქრაძეს აქვს
აღნიშნული. წარწერა გადმოღებული მაქვს ფოტოგრაფიულად და იკითხეაბ ასე:

ქ წ-ო : ონ წმიდაო ონოფ-

ფრე : მეოხ და რე, მეოხ და
მფრველ მექმენ : წ ე - მფარველ მექმენ წინაშე
ღ-თისა : მოსავსა : შენ ღმრთისა მოსავსა შენ-
სა ; სასნსა : ვარდანა სა სასანსა ვარდანას
ს : ძესა : და : მეუღლესა ძესა და მეუღლესა
ჩემსა ხათუ ჩემსა ხათუ-
თასა. თასა.
ხატი ეკუთვნის მე-12–13 საუკუნეს. საკვირველია, რომ აქ ვარდანასძე, თუ ეს
იგივეა, რაც ვარდანისძე, ერისთავად სვანეთისა არ არის მოხსენებული. ხათუთა,
შემოკლებული ფორმით: „ხათთა“ მოხსენებულია ლეხოურის ეკლესიის წმიდა
იაკობის ხატის წარწერაში, როგორც ქალი სამძივარისა და მეუღლე მარუშიან
ვარდანისძისა (იხ. ჩემი „არხ. მოგზ. და შენიშვნანი,“ ტ. I. გვ. 26-27).

5. ხატი წ-ა გიორგისა, ვერცხლისა, 28X22 სანტ. ნაჭედი, კარგი ხელობისა;

წმიდანი წარმოდგენილია სულ ახალგაზრდა, ლამაზი ხუჭუჭებით, საშუალო
საუკუნის რაინდის ტანისამოსში, შუბით და ფარით, წარწერა: წ-ჲ გ-ი. აშიები
მოძარცულია (№ 16977). მე-13–14 საუკუნის უნდა იყოს.
 6. ხატი პატარა, წ-ა გიორგისა, ოქროთი დაფერილი ვერცხლისა. წმიდა მხედარი
წარმოდგენილია ცხენით, ვეშაპს გმირავს. წარწერა სახელისა: წ-ჲ გ-ი ილორისა.
ზურგზე აქვს წარწერა, რომელიც დ. ბაქრაძეს მოყვანილი აქვს (გვ. 90):

ქ : წ-ო გ-ი : ილ წმიდაო გიორგი ილო-

რისო : მეოხ : დ რისაო, მეოხ და
ა : მფრველ : მფარველ
მქმნ : მსვსა : მექმენ მოსავსა
შნსა : თევდ შენსა თევდო-
ორძესა : დე რაძესა დე-
მეტრეს :რთ მეტრეს, რათა
ა : მცლ მქნა მცველ მექმნა.

7. ხატი წამლით დახატული წ-ა გიორგისა და წ-ა დიმიტრისა, 55X42,5 სანტ.

მხატვრობა ძლიერ წააგავს კონდაკებზე დახატულ წმიდანებს. (№16991). აშიები რომბ-
ლურსმულია. მარცხენა აშიაზე წარმოდგენილია სრულის ტანით წ-ა კვირიკე: წ-ჲ კ-ე.
მარჯვნივ: წმიდა დემეტრე: წ-ჲ დ. ზემოდ: მაცხოვარი, წარწერით: ი-ჳ ქ-ე; ქვემოდ
წმიდა გიორგია: წ-ა გ-ი. მე-17–18 საუკ. უნდა იყოს.

8. ხატი დიდი, სხვა და სხვა ახალი აღთქმის სცენებისა, 46X34 სანტ. გაყოფილია
ოთხ ნაწილად და თითოეულში წარმოდგენილია წამლით დახატული სცენები
შემდეგის რიგით: ხარება, შობა, ჯვარცმა და აღდგომა. წამლები გადასულია;
დარჩენილია ოქროს შემოსილობა თითოეულის სცენისა და ნაწილი საერთო მთელი
ხატის შემოსილობისა და ისიც ზოგჯერ ფრიად დაზიანებული და გასვრილი
(№16994), მაგრამ რაც დარჩენილია ისიც ცხადათ მოწმობს, რომ მთელი ხატი ყოფილა
საუკეთესო ხელოვნებისა: ნაზი ჭედილობა, საუცხოო კაზმულობა აშიებისა,
ძვირფასი ქვები (ესენი დაცულია ჯვარცმის სცენაზე) და ლამაზი წარწერები ეხლაც
დიდ შთაბეჭდილებას ახდენენ. თუმცა აქ ეხლა ყველაფერი დაზიანებულია და
სანახევროდ არის დაცული. აშია მთელად დაცულია მარტო ზემოდ. აქ ფაქიზად
ნამუშევარ მორთულობაში დაცულია ხუთი მედალიონი; სახეები წამლით ყოფილა
შესრულებული და სულ დაღუპულია. შუაში ყოფილა ვედრება; მარცხენა კუთხეში:
იოანე მახარობელი; მარჯვენა კუთხეში მათე მოციქული; სჩანან ასოები: მათ. ქვემო
აშიაზე, შუაში, ყოფილა წ-ა ეკატერინე; დაცულია წარწერა: წ-ჲ ეკტ-რნე; შემდეგ
მარჯვნივ: წ-ა ირინე; დაცულია: რინე; კუთხეში, მარჯვნივ ალბათ ყოფილა წ-ა
ბარბარე; დაცულია მხოლოდ ასოები: წ-ჲ. ორ მედალიონში, ეკატერინეს მარცხნივ,
არა სჩანს, რომელი წმიდანები იყვნენ. მარჯვნივ და მარცხნივ აშიებზე არის ოთხი
მედალიონი და მათში წარმოდგენილნი არიან ოთხი წინასწარმეტყველი, სრულის
ტანით, და მათ შორის მრგვალ მედალიონებში მოციქულნი: მარცხნივ – ლუკა;
დარჩენილია ასოები: უკა; მარჯვნივ: მარკოზ; დარჩენილია: ... მა ... ჯვარცმას და
აღდგომას ქრისტესა ბერძნულად უწერია სახელები; ქვემო აშიაზე ოთხსტრიქონიანი
ლამაზი წარწერა ყოფილა. პირველი სტრიქონიდან დარჩენილია:
ქ წნო : წწყლნო : მოწამენო : და ქალწულნო : მეოხ :
მქმნით : წ-ე ქ-ა . . .
ესე იგი: წმიდანო წინასწარმეტყველნო, მოწამენო და ქალწულნო, მეოხ მექმენით
წინაშე ქრისტესსა [სილიხანს] . . .
მეორე სტრიქონი დაცულია, მესამის მარტო პირველი ოთხი ასოა, მეოთხე
ნაკლულოვანია, ხოლო დ. ბაქრაძის დროს მესამე და მეოთხე სტრიქონი ცოტა უფრო
უკეთ ყოფილა დაცული (იხ. დამატება №27):

[ხა]რებით : შობაჲ : ჯუარცმაი : აღდ

გმაჲ სხუათს . . . . უჲს : რ
ყლბითი : იძ . . . . . . ოქ- . . . . [მხ]სნელო : მეცა :
ჯვარცის ქვემოდ წვრილის ასოებით სწერია;
ქ ჵ ღრისა : სიტყუაო : შე ჩემ ცოდვილ
სა : დედოფლთა : დედოფლისა რუ
სდანს მწისა და გაზრდილისა ს-[ლხ]
ნისგნ უნდოი ნამსახური და ღირს მყავ დ. . .ს
უქარაგმოდ:
ჵი ქრისტე ღმრთისა სიტყვაო, შეიწირე ჩემ ცოდვილსა
დედოფალთ დედოფლისა რუსუდანის მიწისა და გაზრ-
დილისა სილიხანისაგან უნდოი ნამსახური და ღირს მყავ
დ(ღესა მა)ს . . .
პირველი ორი სცენის, ხარებისა და შობის, ქვემოდ სწერია:
ქ-ე ღ-თო : რლმნ : ძელსა მ-რ ჯ-რისა დასაჯე : ცოდ-
[ვანი] პ-ლისა კაცჲსა მეცა მიხსენ : სასჯელისაგან : მსა-
სოებელი : სილიხან.
ესე იგი: ქრისტე ღმერთო, რომელმან ძელისა მიერ ჯუარისა დასაჯე ცოდვანი
პირველისა კაცისა, მეცა მიხსენ სასჯელისაგან მსასოებელი სილიხან.
პირველი ორი სცენის შუაში, ზემოდ მოთავსებული ყოფილა ექვს-ფრთიანი
ჯვარი ძელი ჭეშმარიტისა, რომელიც ეხლა მოშლილია, ხოლო მას ორივე მხარეს
ქვემო მკლავისა სწერია:

ქ ძელისა მრ : ცხრ ძელისა მიერ ცხორ-

ებჲსა : მოჰმადლე ებისა მოჰმადლე
ჴსნაი : სოფელსა : ქ ჴსნაი სოფელსა ქრისტ-
ე : ღო მიჴსენ : მეცა ე ღმერთო, მიჴსენ მეცა
მვდრბლი სილხან მვედრებელი სილიხან.
შეადარე ყველა ეს წარწერები დ. ბაქრაძის გადმოღებულს, გვ. 90, 91, დამატება 26, 27.
ა. ხანახანშვილი ამ წარწერებს არ იხსენიებს (გვ. 37–38). უვაროვისა უჩვენებს დ.
ბაქრაძის წაკითხვას მხოლოდ (გვ. 122–123).
ყველა წარწერები ამ ოდესღაც შესანიშნავი ხატისა თხოულობენ შეწყალებას
ერთი და იგივე პირისა, რომელიც ყოფილა გაზრდილი დედოფალთ დედოფლის
რუსუდანისა. სამწუხაროდ, მისი სახელი სრულად არ არის დაცული, მაგრამ კითხვა
„სილიხან“ სწორი უნდა იყოს. ბაქრაძის წაკითხვა: „სალტაძე“, ყოველ შემთხვევაში
მიუღებელია. ძნელია აგრეთვე თქმა, რომელი რუსუდანი იგულისხმება წარწერაში:
თამარ მეფის მამიდა, თუ ასული? უფრო საფიქრებელია, რომ აქ თამარ მეფის
ასულზეა საუბარი, ვინაიდან დედის დაზე არ იხმარებოდა ხარისხი (ტიტული):
დედოფალთ დედოფალი.

სოფელი კაერი

სოფელ კაერში ახალი ეკლესია არის ღვთის მშობლისა; მასში ჩვენ ვნახეთ
მხოლოდ ერთი სქელი გულსაკიდი ვერცხლის ჯვარი. 8,5X5 სანტ. წინა პირზე
ჯვარცმაა გამოხატული წინამდგომებითურთ; მეორეზე – ღვთის მშობელი ჩჩვილედი
და ორი მოციქული; ამას გარდა აქ არის კიდევ სამი უბრალო რკინის ჯვარი,
უმნიშვნელო.

სოფელი სოლი.

სოფელი სოლის ლამაზი სახე და მისი კოშკები იხილეთ ფოტ. №17438. ძველი
ეკლესია მაცხოვრისა პატარაა, ქვისაგან ნაშენი, ერთის კარით დასავლეთიდან და
სამის ფანჯარით, აღმოსავლეთით, დასავლეთით და სამხრეთით. კანკელი ქვისაა,
ერთის კარით. ეკლესიაში ჩვენ ვნახეთ:

1. ჯვარი გამოსასვენებელი, ვერცხლისა, ოქროთი დაფერილი, ნაჭედი, 42X20

სანტ. წინა პირზე გამოსახულია ჯვარცმა, ხოლო კიდეებში უვლის წერტილოვანი
ხაზები (№16972). მეორე გვერდზე წარმოდგენილია ღვთის მშობელი ჩჩვილედი,
სრულის ტანით (№16971); ხელობა მდარეა.

2. ხატი მაცხოვრისა, წელსზევითი, ვერცხლისა, ოქროთი დაფერილი აშიებით,

21X17 სანტ. მაცხოვარი მარჯვენა ხელით აკურთხებს, მარცხენაში გრაგნილი აქვს.
აშიები შემკობილია უჯრედებად და გამყოფი ოთხკუთხედები შემკობილია
ლამაზად. აშია უფრო ძველია, ვიდრე თვით ხატი, რომლის ხელობა დაბალია; მე-17-
18 საუკუნის (№16970).

3. ხატი ღვთის მშობლისა ჩჩვილედი, 12X9 სანტ. ვერცხლისა, ნაჭედი. ღვთის

მშობლის ფიგურა წელსზევითია; აშია ჯვარედინად დაყოფილი, მარტო ზემოდ არის
დაცული; სხვა აკლია; ხელობა მდარეა (იქვე, №16970).

4. ოთხი პატარა გულსაკიდი ჯვარი. ესენი წარმოდგენილი არიან ფოტო №16970.

5. პატარა გულსაკიდი ხატი წ-ა გიორგისა, ცხენით ვეშაპს გმირავს; ვერცხლისა,

8,5 X5 სანტ. ორივე მხარეს ერთი და იგივე ფიგურაა, მდარე ხელობისა; იხ. ფოტ. №
16970.

6. მამა ბაქრაძე თავის აღწერილობაში სვანეთის ეკლესიებისა სოფელ სოლის

შესახებ სწერს:
ს(ოფელ) სოლს მაცხოვრის ეკლესიასა შინა არს წმიდა სახარება, ოთხის
მახარებელითა ბიზანტიის ხელოვნებითა მოხატული, და მოთხრობა ისტორიისა
მასვე სახარებასა შინა წარწერილი. ხოლო სხვა არა რაჲ იპოების. მასვე სოფელში არს
2 ეკლესია, რომელიც არს გაუქმებული.
სახარება, რომელზედაც მოგვითხრობს ბერი ბაქრაძე, დღეს აღარ არსებობს. რაც
შეეხება ეკლესიებს, დიმიტრი ბაქრაძეც სწერს, რომ სოლში სამი ეკლესია არის, წმ.
გიორგისა, მაცხოვრისა და მთავარ ანგელოზთა. წმიდის გიორგის ეკლესიაში მას
უნახავს სკივრში 10 პატარა ხატი, რომელნიც ისე გამურული ყოფილან, რომ სახეები
აღარ სჩანდნენ, ხოლო ერთ პატარა ხატზე წმიდა დიმიტრისა და წმიდა გიორგისა,
რომელიც დღეს აღარ სჩანს, წერებულა ჯერ სახელები: წა დმტ, წა გი/ჯნზ (sic) და
შემდეგ:
მოწამეთა შრს : მხნო მოწამეთა შორის მხნენო
გი : დ დმტრ : მეოხ მფ გიორგი და დიმიტრი, მეოხ, მფ-
არვლ : ექმენ : მამკობს : არველ ექმენ მამკობს
ხატის : შენს : გზთას : ხატისა შენისა გზითას1,
მიქაის : და შერ მიქაის და შერ-
გილს : რაითს : არ : დმს გილს, რაისათჳს არ დამს-
თმს საოკონოს . თმოს საუკუნოს.
უკანაკსნელ ოთხს სიტყვას, როგორც რუსული თარგმანიდან სჩანს, დ. ბაქრაძე

________
1. დ. ბაქრაძეს ტექსტში უწერია „გზთას”, მაგრამ რუსულ თარგმანში „გულთას” სწერს. ამიტომ
შესაძლოა, აქ კორექტურული შეცდომა იყოს ქართულ ტექსტში და მართლა ყოფილიყოს
„გულთას”.

წაუკითხავად სტოვებს (გვ. 88). მაცხოვრის ეკლესიასთან დ. ბაქრაძეს უნახავს კიდევ

გაბზარული ზარი, ხეზე დაკიდული და მისი წარწერა არა ქართული ხელით
გადმოუღია (იხ. დამატება №24).

სოფელი ლაშტხვერი.

ამ სოფლის საზოგადო სახე შორიდან, იხილეთ ფოტოგრაფია №17437. ტიპი

სვანისა ამ სოფლიდან, გურამ დავაცი. იხილეთ ფოტ. №17523. ამ სოფლის ეკლესია
მთავარ ანგელოზისა პატარაა, თლილის ქვისაგან აშენებული, ოთხკუთხედი; მისი
ზეძირკველი სამი საფეხურისაგან შესდგება. იხ. ფოტ. №17441, რომელზედაც
მოსჩანს ჩრდილოეთის მხარე ეკლესიისა და №17442, რომელზედაც ემჩნევა სამხრეთ-
აღმოსავლეთის მხარე. გარეგანი კედლები ეკლესიისა ზემოდ მოგლესილი ყოფილა
და შემკობილი ფრესკებით ხალხურ მოთხრობათა გმირებისა და მათი
თავგადასავლისა, სახელდობრ, ამირანის ციკლისა და სხვათა, მაგრამ მხატვრობა
დაზარალებულია და ზოგ ადგილას სრულიად გამქრალი. უკეთესად დაცულია
ფიგურები ჩრდილოეთის კედელზე. აქ არიან წარმოდგენილნი ცხენებზე მჯდომარე
გმირები: ამირანი, ბადრი, სეფედავლა, უსიბი. თავზე ყველას ჩაფხუტი ახურავს,
მარჯვენა ხელში ამოღებული მახვილი (ხმალი) უჭირავთ, მარცხენა მხრით მკლავზე
ფარი აქვთ მოგდებული, რომელიც მთელს ზემო ნაწილს ტანისას ჰფარავს ყელამდის.
ცხენები ლამაზია, შეკაზმულნი. პირველი სცენა ასეთია:
წარმოდგენილია ვეშაპი ვეებერთელა გველის სახით; მისი დაბჩენილი პირიდან
გამოდის ამირანი; წელს ზევით უკვე გამოსულია ხმალით და ფარით. ზემოდ
ასომთავრულით ამ სცენას აწერია:
ოდეს : ამირან : ვეშაპმან : ჩანთქა : /ვეშაპი : მ/ოკლა :
და გა/მოვიდა :
შემდეგ ომია ბაყბაყ დევისა და ამირანისა. ამირანი გაჭენებულის ცხენით არის
მისული ბაყბაყ დევზე და ესეც არის მოქნეული ხმალი უნდა დასცეს; დევი რქებიანი,
კუდგრძელი (კუდი ერთ რგოლად არის შეკვეცილი) და ბრჭყალებიანი, უკანა
ფეხებზე სდგას და თითქოს ლახტს აგებებს მოქნეულ ხმალს ამირანისას. ამ სცენის
თავზე აწერია:
ჰომი ამირანისა და : /ბაყბაყ : დევისი :
ამირანის უკან მომყოლთ ცხენოსან გმირებს აწერია:
ბადრი : სეფედავლა : უსიბი :
ყველა ეს სცენები საზოგადო ხაზებით გამოხატა პირველად ბარტოლომეიმ, იხ.
ტაბ. 2, №20. წარწერები დ. ბაქრაძესაც აქვს მოყვანილი (გვ. 91). ჩემს ბიბლიოთეკაში
დაცულია მამა ბაქრაძის მიერ ფერადებით დახატული ასლი ამ ფრესკებისა.
აღმოსავლეთის კედელზე მოსჩანს ნადირობა; მხედარი გაჭენებულის ცხენით
მისდევს გაქცეულს ირმებს და ესვრის მათ ისარს მშვილდის საშუალებით. სამხრეთის
კედელზე ფიგურები გადასულია, მოსჩანს მხოლოდ ცხენი უმხედროდ. დასავლეთის
კედელზე საეკლესიო ქრისტიანული სცენაა. აქ წარმოდგენილია კომპოზიცია
ვედრებისა, რომელშიაც ქრისტე ფანჯრის თავზეა წარმოდგენილი, ღვთის მშობელი
და იოანე ნათლისმცემელი ფანჯრის გასწვრივ. შიგნითაც ეკლესია სულ მოხატულია,
ფრესკები კარგია და საკმაოდაც დაცულია. საკურთხეველის კონქში მაცხოვარია
თანამდგომებითურთ; მის ქვემოდ ღვთის მშობელია ნიშიანი („ზნამენია“) და
მოციქულები; უფრო ქვემოდ, საკურთხეველის კედელზე: ეკლესიის მამები.
ჩრდილოეთის კედელზე წ-ა გიორგი წარწერით; წ-ჲ გ-ი. ზემოდ აღდგომაა: „აქა
ქრისტე ადგა“. შემდეგ ჯვარცმა და გარდამოხსნა ქრისტესი. სამხრეთის კედელზე წ-ა
დიმიტრი, წ-ა თეოდორე. დასავლეთის კედელზე ფერისცვალება და იერუსალიმში
შესვლა. ამას ქვემოდ წმიდანი მესვეტენი და წ-ა მაკარი; წ-ჲ მ-კრი და საბა (?); შემდეგ
მთავარ ანგელოზნი; ერთს წარწერა აქვს: წ-ჲ მიქელ თრგლზი. სამხრეთის კედელზე:
ლაზარეს აღდგენა; თაღის სარტყელებზე: წ-ჲ ბარბარე, წ -ჲ მარინე და სხვა წმიდანნი.
კანკელი ქვისაა, ძველი, ერთის კარით და სამის კამარით; კანკელიც მოხატულია
და კარგად არის დაცული. შესავალი ეკლესიას აქვს დასავლეთით; ფანჯარა სამი,
აღმოსავლეთით, დასავლეთით და სამხრეთით. საკურთხეველის კედელში ორი უბეა;
კანკელზე ბევრი ხის ფიცრებია ხატებისა მოძარცული; გადარჩენილთა შორის
აღსანიშნავია:

1. ხატი იოანე მახარობელისა, ნაჭედი, ოქროთი დაფერილი ვერცხლისა, 21X17, 5

სანტ. ნაზი ბრწყინვალე ქართული ხელობისა, მე-12–13 საუკ. (№17008). იოანე
წარმოდგენილია იმ პოზით, როგორც ეს მინიატურულ სახარების მხატვრობაში
გვხვდება, ესე იგი, ის მდგომარეა მვედრებელის სახით; მარჯვენა ხელით აკურთხებს
და თანაც უკარნახებს სახარების ტექსტს მის წინ მსხდომარე პროხორეს, რომლის
თავზე წარწერაა; წ-ჲ პრხრ. იოანეს ნახევარ სფეროდან აკურთხებს მაცხოვრის
მარჯვენა. ეზო ხატისა შემკობილია ვაზოვანი ორნამენტით, ხოლო აშიები
ბროწეულის ყვავილების მსგავსად, რომლებშიაც რვა მრგვალი მედალიონია
წმიდანებისა უწარწეროდ; შინაგანი აშიები ხატისა შემკობილია აკანთის ფოთლებით.
წარწერა ლამაზის მსხვილი ასომთავრულით დ. ბაქრაძესაც აქვს მოყვანილი (გვ. 92).

წო ინე მ წმიდაო იოანე მა-

ხრბელო ხარებელო,
ადე სბ ადიდე სა-
ა დრ ბა დრ-
ან ან
დე დე-
ლჲ ლი.

აქედან სჩანს, რომ ხატი შეუკვეთია დრანდის მონასტრის ეპისკოპოზს საბას;

მაგრამ, ჩვენის აზრით, ეს დიდი ვერცხლის ფირფიტა, თავის უაღრესად ლამაზი
ფიგურებით და ორნამენტებით, წინეთ შეადგენდა სახარების ყდის ზედა პირს. და
თუ ეს ასე არ იყო, ყოველ შემთხვევაში, ამ მიზნით იყო დამზადებული. თავში ზემო
მოყვანილის წარწერისა ფიგურების სახელების წარწერაა უცნობის ასოებით,
რომელნიც სომხურსაც მოგვაგონებენ და კოპტურსაც. სომხურის სპეციალისტებმა ი.
ზავრიევმა და ნ. ადონცმა დანამდვილებით ვერ სთქვეს, რომ ეს სომხურია.

2. ხატი წ-ა გიორგისა, ვერცხლით ნაჭედი, 34X21 სანტ. კარგი ხელობისა (№

17010). წ-ა გიორგი ფეხოსანია, რომაულ საომარ ტანისამოსით; მარჯვენა ხელში შუბი
უჭირავს, მარცხენა დადებული აქვს ორნამენტით შემკობილს ფარზე. წელზე
უკანიდან ჰკიდია ხმალი; თმა ხუჭუჭებად აქვს დაწყობილი და ირგვლივ თავისა
წრეა. წარწერა: წ¯ე (sic) გ-ი. საკვირველია, რომ პირველ სიტყვაში ხუცური ჲ-ის მაგიერ
მხედრული ე-ნია ნახმარი. სხვა ასოები ასომთავრულია. აშიები ფოლაქისებურია ორს
წერტილოვან წრეებში. ხატი მე-14–15 საუკუნეს უნდა ეკუთვნოდეს.
ძელი ამ ხატისა და მისი სარჩული ცვილისა თუ სხვა არ შენახულა.

3. ხატი მთავარ ანგელოზ მიქელისა, ვერცხლისა, ნაჭედი 17X14 სანტ. (№17012).

მთავარ ანგელოზი მდგომარეა, შუბით და ბურთით. თავის მრგვალი წრის მარჯვნივ
სწერია: მქ¯ლ. ქვემო ნაწილი ხატისა და აშიისა დაშლილია. აშიები ორგვარი აქვს;
ერთი აღმოსავლურ ხლართულებით და სადა მედალიონებით; მეორე ვიწრო
ფოლაქოვანი. ხელობა მდარეა, მე-17-18 საუკ.

4. ფირფიტა ოქროთი დაფერილი ვერცხლისა მთავარ ანგელოზის გაბრიელის

სურათით. მთავარ ანგელოზი წარმოდგენილია ლაბარუმით, ბურთით და წარწერით:
წ-ჲ გბრლ მთვლზი, 30X12 სანტ. ხელობა სუსტია, მე-17-18 საუკ. ეს ფირფიტა
უსათუოდ დიდი ჯვარის მორთულობის ნაწილია (№17011).
 5. ხატი პატარა, ღვთის მშობლისა, ჩჩვილედი, ოქროთი დაფერილი ვერცხლისა,
ნაჭედი, 8X6 სანტ. ქვემო ნაწილი მოშლილია. ხელობა მდარეა (№17009).

6. ხატი წ-ა გიორგისა, 8X6,5 სანტ. ყოფილა წამლით დახატული, მაგრამ წამალი
გადასულია. შემოსილობა და აშიები ოქროთი დაფერილი ვერცხლისა, ლამაზი
ხელობისა, დაცულია. ქვემოდ აქვს წარწერა:
წ-ო : გ- ი : შ-ე : ასამდინ .
ესე იგი: წმიდაო გიორგი, შეიწყალე ასამდინ(?). ( №17009).

7. ხატი პატარა, ორთა მხედართა, წ-ა გიორგისა და წ-ა დიმიტრისა, ორივე

მდგომარენი შუბით და ფარებით, ოქროთი დაფერილი ვერცხლისა, 11X9 სანტ.
ადგილ-ადგილ მოშლილია. აშიები ფოლაქოვანია (№17009).

8. პატარა ხატი წ-ა გიორგისა, ოქროთი დაფერილი ვერცხლისა, 11,5X 8,5 სანტ.
ნაჭედი. მხედარი მდგომარეა ხმლითა და ფარით. აშიები დაყოფილია უჯდრედებად.
ეზო შემკობილია მცენარეულობის ორნამენტით. ხელობა გვარიანია (№17009).

9. ხატი პატარა, ღვთის მშობლისა ჩჩვილედი, ვერცხლისა, ნაჭედი, 8X6 სანტ.

ღვთის მშობელი წელსზევითია; ტლანქი ხელობისაა.

10. ხატი მთავარ ანგელოზის მიქაელისა, ოქროთი დაფერილის ვერცხლისა,

44X33 სანტ. ნაჭედი, გვარიანი ხელობისა, მაგრამ დიდათ გაფუჭებული.

11. ჯვარი ვერცხლის ხეტარზე სატარებელი, ვერცხლისა, ნაჭედი, 33X15 სანტ.

გატეხილია; ტლანქი ხელობისა.

12. პატარა ჯვარი, ვერცხლისა 11X9 სანტ. უკეთესი ხელობისა, მაგრამ ერთობ
დაზიანებული.

13. ზარი, 42 სანტ. სიმაღლით, შეწირული დავით კახთა მეფის მიერ, რომელიც
იყო ძე კახთა მეფისა ალექსანდრე მეორის (1605 წ.), იმ ალექსანდრესი, რომელმაც
სვანეთის სხვა და სხვა თემების ეკლესიებს შესწირა რვა ზარი: ორი მულაყისას, ორი
მუჟალისას, ორი მესტიისას, ერთი ადიშისას, ერთი ლატალისას. დავით მეფის მიერ
(1604 წ.) მარტო ეს ზარია შეწირული. ზარს აქვს ხუცური წარწერა, რომელიც სრულად
გადმოღებულია ჩვენ მიერ და მოთავსებული სამს ფოტოგრაფიაზე, იხ. №17005,
17006, 17007. წარწერა იკითხება ასე:
ქ : შემოგწირე :. ზარი :. ესე ჩ-ნ :. კახთა :. მეფემან :.
პტრონმ-ნ :. დ-თ :. თ-ქნ :. ლშთახურ-ს :. წმიდათ მთა-
ვარ :. ანგელოზთა :. დღეთა :. ჩ-ნთა :. სადღეგრძელოდ :.
და :. მ-ფბისა :. ჩ-ნისა :. წრსმრ-ბლად :.
ესე იგი: შემოგწირე ზარი ესე ჩუენ კახთა მეფემან პატრონმან დავით თქუენ
ლაშთახურის წმიდათ მთავარ ანგელოზთა დღეთა ჩუენთა სადღეგრძელოდ და
მეფობისა ჩუენისა წარსამართებლად. (ბარტოლომეი, გვ. 229, ტაბ. 2, № 21. დ. ბაქრაძე,
გვ. 91–92).
 14. საცეცხლური ბრინჯაოსი. სირიული რიგისა, რომლის ირგვლივ
რელიეფებით წარმოდგენილია სცენები ახალი აღთქმიდან. ესენი სრულად
გადმოღებულია და მოთავსებული სამ ფოტოგრაფიაზე, იხ. №№ 17921, 17922, 17924.
დ. ბაქრაძე (გვ. 92) ამ ეკლესიაში აღნიშნავს კიდევ პატარა წმ. ნიკოლოზის ხატს,
რომელიც ეხლა აღარ არის და რომლის ზურგზე წერებულა (მოგვყავს
შეუმოკლებლად):
ქ . წმიდაო ნიკოლოზ მღვდელთ-მოძღვარო, მეოხ და
მფარველ მექმენ : ბ : ამიჳრ . . . ა . . . მნ.

სოფელი მუხელი.

ლაშტხვერის საზოგადოებას ეკუთვნის პატარა სოფელი მუხელი (წარწერაში

მოხსენებული არის, როგორც მუხევი). სოფელ მუხევის პატარა ეკლესია მთავარ
ანგელოზ მიქაელისა აშენებულია თლილის ქვით; შესავალი აქვს ერთი დასავლეთით,
ფანჯრები თითო: აღმოსავლეთით, დასავლეთით და სამხრეთით. კანკელი ქვისა
სამის კამარით; აღსავალის კარის აქეთ-იქით კანკელისა თითო სვეტია; კუთხეებში
ნახევარ-ნახევარი სვეტები. კანკელის ზემოდ წარწერაა:
ესე არს ბჭე ჳფლისა : და მართალნი : შევლენ ამას შინა:
ეკლესიის კედლები შიგნით და კანკელიც მოხატულია.
ჩრდილოეთის კედელზე მთელის ტანით წარმოდგენილნი არიან მთავარ
ანგელოზნი: მ¯ქლ, გ¯ბლ, რომელთაც ხელთ უჭირავთ ქრისტეს სახე მედალიონში.
წარწერა სახელისა ქრისტესი ბერძნულია. მთავარ ანგელოზთა უკან წარმოდგენილია
მაშენებელი ეკლესიისა ქართულის ტანისამოსით და ეკლესიის გეგმით ხელში. ამას
წარწერა აქვს, რომლის სრული დანამდვილებით გარჩევა მე ვერ მოვასწარი; ჩემს
დღიურში აღნიშნული მაქვს მხოლოდ:

მიქა მიქას
ს ძე ე¯ვ ძე ერისთავი
ზ¯დუ ზვიადი (ან: ზვიადაჲ),
ა¯ნ ამინ.
წარწერა თხოულობს შემოწმებას. აღნიშნულ ფიგურის შემდეგ იმავე კედელზე
არის წარმოდგენილი: მანდილოსანი, ქართულის ტანისამოსით და წარწერით:
ნათელ მეუღლე.
ამის შემდეგ სწერია:
აღვაშენე მე. . . აჩვა (?) და ჯვართა . . . სადიდებლად
ღმრთისა და მთავარ ანგელოზისა მუხევისა და სალხი-
ნებელად სულისა ჩემისათჳისა შ¯ნ ღ¯თ.
ნივთებით ეკლესია ღარიბია. აქ მოიპოვება მარტო:

1. გამოსასვენებელი ჯვარი, ვერცხლისა, ნაჭედი, 38,5X27 სანტ. არც ცუდი

ხელობისა. წინა პირზე წარმოდგენილია ჯვარცმა, ხოლო ბოლოებში ფრთებისა,
მედალიონებში, წელსზევითი ფიგურები: ღვთის მშობელი მარცხნივ, იოანე
მახარობელი მარჯვნივ, მთავარ ანგელოზი ზემოდ, და ერთი წმიდანი ქვემოდ;
სახელი არ უწერია (№17013).
მეორე გვერდი ჯვარისა შემკობილია ბროწეულის ყვავილების მსგავსი
ორნამენტით ორმაგად და ლამაზი ნახელავია (№17014).

2. ამ ეკლესიაში ჯერ ბარტოლომეიმ ნახა და შემდეგ დ. ბაქრაძემ

შესანიშნავი მხატვრული სახარება, რომელიც დღეს ჩვენთვის დაკარგულია.
ბარტოლომეი სწერს: ყველაზე დიდ ღირებულებას ამ ეკლესიისას შეადგენს
უეჭველად მშვენიერი ეტრატის ხუცური სახარება ოქროს ვარაყიანი
სათაურებით, შემკობილებებით და მინიატურებით. მცოდნე და მოყვარული
ადამიანისათვის, დასძენს ბარტოლომეი, მარტო ამ სახარებისათვის ღირს
სვანეთში გამგზავრება (ბარტოლომეი, გვ. 192). დ. ბაქრაძეს მოჰყავს მინაწერები
ამ სახარებისა (გვ. 93–94), შესრულებული ნუსხა ხუცურით. მათეს სახარების
ბოლოს:
მე საწყალი მწირი მიქელ გევედრები ლოცვასა წმიდაო მღვდელო სტეფანე
და ყოველთა მკითხველთა ერთობით გევედრები ამინ.
წიგნის სულ ბოლოს:
გევედრები კეთილო მღვდელო სტეფანე მოძღვარო სახელითა ღუთისათა
მადლითა და სარწმუნოებითა წმიდისა კათოლიკე ეკლესიისა მცხეთისაჲთა მე
გლახაკი სტეფანე ხუცესი პალავრელი მნათე ყოფილი ყოველთა მოწესეთა
ნარჩევი მიწაჲ და მტვერი შვილი მცხეთისაჲ ღრის-მყო ღმერთმან მოუგონებელსა
კეთილსა და წყალობასა მისსა და მოვიწიე წმიდასა ქალაქსა იერუსალიმსა
ადგომასა უფლისა ჩუჱნისა იესო ქრისტესა და წმიდასა გოლგოთასა და
მოვილოცნე ყოველნი წმიდანი ადგილნი მისნი მოწყალებითა ქრისტესითა და
დამაწესეს მწირველად ქართლსა კათალიკოზისა ოქროპირისა წმიდა ეკკლესია1
გარდამოხსნისასა მლოცველად.
და მოვიგე წმიდაჲ ესე ოთხთავი სრული ყოველთა სახმარითა
სალოცველად ცოდვილისა სულისა ჩემისა და მშობელთა და მოძღვართა
ჩუჱნთასა და ყოველთა ქრისტიანეთა სალოცველად, ქორონიკონი იყოსა სჲჱ.
შემდომად ჩემსა ვისაცა ღმერთმან მოგცეს და რომელნი აღმოიკითხვიდეთ
წმიდასა ამას ოთხ-თავსა სულთა განმანათლებელს წმიდასა ლოცვასა თქვენსა
ჩვენცა მოგვიხსენებდით.
დაიწერა წმიდასა ადგილსა გესმანიას2 საფლავს წმიდასა ღუთის მშობლისსა3
საბა წმიდისა განგებისა ზედა ბერძულსა დიად ხარკებითა ხელთა (ხელითა)
საწყალობელისა მიქაელ მეორესა4 მცხეთისავე მიწისაგან.
წმიდანო ღუთისანო ჩემგან უძროლისა რომელი ეგებოდა მშრომთა და
მომჭირვებია სულ5 დედასა წერილ არს.
მსგეფსითა და საუფლოთა დღესასწაულთა ჟამსა წირვისა6 . .
. . . შემოთლვა და შეცდომისა . . . 7.

___________
1 ბერი ბაქრაძის გადმოწერილში სწერია ამ ხუთი სიტყვის მაგიერ: ქართლისა
კათალიკოზისა ოქროპირისა, ადიდენ ღმერთმან, წმიდასა ეკლესიასა.
2 ბერი ბაქრაძე: გეთსამანიას:
 3 ბერი ბაქრაძე აქ უმატებს დედნისაგან.
4 ბერი ბაქრაძე: მიქელ მწირისა.
5 ბერი ბაქრაძე: მიშრომია და მომიჭირვებია, რომელი.
6 ბერი ბაქრაძე უმატებს: საკითხავითა და სხვითა ყოვლითა განგებითა, რიცხვითა და
განთესულითა (სიც) ჯვარითა, ვარსკვლავითა, ისრითა და ღელვა ვრცელითა. რომელი ვის ჩემდა
უმეცრებით ცთომილი პოოთ ანუ მოხვდეს, შემინდევით ღვთისათვის, ამინ.
7 ეს სამი სიტყვა შეცდომით უნდა იყოს მოყვანილი. ბერს ბაქრაძეს არა აქვს.

უკანასკნელი ასო ქორონიკონისა დ. ბაქრაძის წაკითხვით ჩ-ია, მაგრამ

თვითონვე შენიშნავს, რომ შეუძლებელია, უნდა იყოს ან ვ და ჱ. ჩვენის აზრით,
რასაკვირველია, უნდა იყოს ჱ; ასოები ჩ და ჱ ასომთავრულში ერთმანეთს
ჰგვანან; ცხადია, უნდა იყოს სჲჱ, რომელიც უდრის 1048 წელს, ესე იგი ბაგრატ
მეოთხის მეფობას. წარწერაში მოხსენებული კათალიკოზი ოქროპირიც ცნობილია
ბაგრატ მეოთხის დროს. როგორც გადამწერი სახარებისა, ისე მომგებელი ხუცესი
სტეფანე პალავრელი (პალავრა, ესე იგი ძველი ლავრა, იყო წმ. ხარიტონის
ლავრა, ერთი ცენტრი ქართველთა მოღვაწეობისა პალესტინაში) ყოფილან
მცხეთიდან და ორთავენი წარწერებში მოწიწებით მიმართავენ უფროსს და
გამოჩენილ მღვდელს სტეფანეს, ალბათ პალესტინაში მოღვაწეს. დ. ბაქრაძის
აზრით, ეს უკანასკნელი სტეფანე უნდა იყოს ცნობილი მთარგმნელი წიგნებისა
სტეფანე, მაგრამ საეჭვოა, ვინაიდან, რამდენადაც ჯერ ცნობილია, სტეფანე
წიგნების მთარგმნელი სანანოის ძე უფრო მეათე საუკუნის დასასრულის
მოღვაწეა (იხ. კეკელიძე, ქართული ლიტ. ისტორია, ტომი, პირველი, გვ. 176–179).
სახარება გადაწერილია ღვთის მშობლის საფლავის ეკლესიაში გესმანიას ანუ
გეთსამანიას მიქაელ მეორის მიერ მცხეთისავე მიწისაგან.

ლატალის თემი

ლატალის თემს შეადგენენ სოფლები: იფახი, ლეშუკი, ლაშყვაში, შყალერი,

მაცხოვარიში, კვანჩიანი, გიბამი, ენაში (ჲენაშ), ლახუშტი, ლაჰილი.
ლატალის თემი ერთი საუკეთესო თემია თავისუფალი სვანეთისა, ყველაზე
უფრო მაგარი და მდიდარი, ვინაიდან ენგურის ხეობა აქ ფართოა, ლატალელებს
ბევრი აქვთ სახნავ-სათესი მიწა, საძოვრები და ტყე. ესენი ყველაზე უფრო
მამაცად ითვლებიან, ყველა თემებზე უფრო გვიან მიიღეს ნებაყოფლობით
რუსეთის ქვეშევრდომობა, პოლკოვნიკ ბარტოლომეის შუამდგომლობით.
ბარტოლომეიმ მიიღო მათგან ფიცი რუსეთის ქვეშევრდომობაზე 1853 წელს.

სოფელი ენაში.

სოფელი ენაში (ჲენაში) დიდათ ლამაზი სოფელია; საზოგადო სახე მისი იხ.
ფოტ. №17439. ეკლესია ამ სოფლისა, იონა წინასწარმეტყველის სახელზე
აშენებული, არის თლილის ქვისაგან ნაშენი, ბაზილიკური რიგისა; სამხრეთით,
დასავლეთით და ჩრდილოეთით ეკლესიას უვლის ეკვტერები და ეს ეკვტერები,
სამხრეთის და ჩრდილოეთისა, მას აძლევენ სახეს სამ ნაოსანი ბაზილიკისა.
შესავალი აქვს დასავლეთით და სამხრეთით; სამხრეთის ეკვტერში შესავალი 2
გაშლილი კამარით არის და ეს კამარები შემკობილია სვეტებით და
პილიასტრებით. სარკმელები არის თითო აღმოსავლეთით და დასავლეთით
(გეგმა მისი იხ. ბერნოვილი, გვ. 143, ფიგ. 19 და 20; აგრეთვე გეგმა და სახე იხ.
უვაროვისა, გვ. 70, ფიგ. 11 და 12). სამხრეთ-დასავლეთის სახე ამ ეკლესიისა
მშვენივრად არის გამოსული ჩვენს ფოტოგრაფიაზე, იხ. №17440. ჩვენ ამ
ეკლესიის გეგმაც გვაქვს დამზადებული.
დასავლეთის ფანჯარა შემკობილია სკულპტურული ოთხკუთხედი ჩარჩოთი,
რომლის ზემოდ ორი ქვაზე ამოჭრილი ჯვარია. სამი ასეთივე ფანჯარა არის
აღმოსავლეთის ნაწილში, თითო თითო ნაოსში, თუ ეკვტერებს ნაოსებად
ჩავსთვლით. ორმაგი ჩარჩო დასავლეთის კარისა ზემოდ დამყარებულია ორივეს
მხრით ორმაგსავე სვეტებზე მრგვალის სვეტის თავებით. ასეთივე სვეტებით და
სვეტის თავებით შემკობილია მაღალი გლუვი კამარები სამხრეთის ეკვტერის
გარეგანი კედლებისა. ხოლო ამათ შორის არის მოქცეული ორი უფრო დაბალი
კამარა შესავლისა. სამხრეთის და აღმოსავლეთის კედლებზე ჩვენ ვხედავთ
კიდევ პასქებს, რომელთა სკულპტურული შემკობილობა წნულის სახისაა.
კანკელი ქვისაა, ხუთ-კამარიანი, ოთხის სვეტით და ორის ნახევარი სვეტით.
ეკლესია სულ მოხატული ყოფილა; ფრესკები დაზიანებულია, მაგრამ აქა-იქ
კიდევ საკმაოდ შენახული არის. საკურთხეველში მოსჩანან ეკლესიის მამები
ქარტებით, რომლებზედაც ბერძნული წარწერებია, მაგრამ სახელები ფიგურებისა
ასომთავრულით არის, მაგალითად: პეტრე, პავლე. კონქში მოსჩანს მაცხოვარი.
დასავლეთის კედელზე ყოფილა ფიგურა მაშენებლისა, მაგრამ ცოტაღაა
დარჩენილი. ეკლესიაში ჩვენ ვნახეთ:

1. თავი ხატი იონა წინასწარმეტყველისა, ოქროთი დაფერილის ვერცხლისა,

16,5X12,5 სანტ. პირის სახე ჰქონია წამლით დახატული, რომელიც ეხლა სულ
გადასულია, აგრეთვე მოძარცული აქვს დიდი ნიმბი, რომელიც ყოფილა
ძვირფასი ქვებით შემკობილი; დარჩენილია კვალები ლურსმებისა, რომელთ
საშუალებით თვალები ყოფილა ნიმბზე მიმაგრებული (იხ. ფოტ. №17015).
ფიგურა წინასწარმეტყველისა წელსზევითია; მარჯვენა ხელი გულზე აქვს
მიდებული, მარცხენაში გრაგნილი უჭირავს; ტანისამოსი ხშირად არის
დანაოჭებული; აშია შემკობილია ორნამენტით, რომელიც შესდგება
ტეტრაკონქებში მოქცეულის ჯვრებისაგან და ეს ტეტრაკონქები შეერთებულია
ორივეს მხრით სამკუთხედებით. მეორე გვერდზე ასომთავრული წარწერაა (იხ.
ფოტ. №17016):

წ : მ-ვჭდეთ : და : შე მოვჭედეთ და შე-

ვ-მკვეთ : ხატი : ეს ვამკეთ ხატი ესე
ე : ი-ნე : წ- წყლი : ჩ-ნ : პ იოანე წინასწარმეტყველი ჩუენ
ატრონმ-ნ : გური პატრონმან გური-
ლელმ-ნ : მამია : ელმან მამია
ამ : სფ-ლს : გასამ ამ სოფელს გასა-
 არჯველ-დ : და : სა მარჯვებლად და სა-
უკნს : სკნს : სჴსრ-დ : უკუნოს საუკუნის საჴსრად
სლის : ჩნისა : თჳს : _ სულის ჩუენისათჳს.

შეადარე ბაქრაძე (გვ. 83-84).

გურიელი მამია ხუთი იყო: მამია პირველი, შვილი გიორგი გურიელისა,
მოხსენებულია 1412 წელს ლეხოურის წარწერაში; მამია მეორე, გიორგი მეორეს
შვილი (1625 წ.); მამია მესამე, გიორგი მესამის შვილი (1717 წ.); მამია მეოთხე,
გიორგი მეოთხის შვილი, (1726-1762); მამია მეხუთე, სვიმონის შვილი (1810-1826).

__________
1 შეცდომით არის მოყვანილი გურიელის მაგიერ.

ხატი უნდა ეკუთვნოდეს მე-15 საუკუნეს; მაშასადამე, აქ უნდა იგულისხმებოდეს

მამია პირველი.

2. ჯვარი გამოსასვენებელი, ოქროთი დაფერილის ვერცხლისა, 45X38 სანტ.

ნაჭედი. წინა პირზე, შუაში, წარმოდგენილია ჯვარცმა, დაზიანებული. ბოლოებში
მრგვალი მედალიონებია წმიდათა სახეებით, რომელთა შორის ორი წ-ა გიორგია,
მარჯვნივ და მარცხნივ, წარწერით: წ-ჲ გ-ი. ქვემოდ, ვგონებ, კოზმანია: კმნ;
ზემოდ დამიანე: დ-მნ. დანარჩენი ნაწილი ჯვარისა შემკობილია ფოთლოვან-
ყვავილოვანის ორნამენტით (იხ. ფოტ. №16998); მეორე გვერდზე, არავითარი
შემკობილობა არ არის, გარდა ასომთავრული წარწერისა, რომელიც
მოთავსებულია შუა მკლავებზე სამ სტრიქონად, ლამაზად (იხ. ფ. №16997). ამ
წარწერას იხსენიებს ბაქრაძე და ამბობს მხოლოდ: ჯვარის მეორე გვერდზე
წარწერაა, რომელიც არ განირჩევა (გვ. 84). საკვირველია, რომ ცნობილ
არქეოლოგს ეს წარწერა არ გადმოუღია ხელით, როგორც სხვა ძნელი გასარჩევი
წარწერები. არც ერთი სხვა მკვლევარი წარწერას არ იხსენიებს, თუმცა ამ
ეკლესიაში ყველანი იყვნენ, როგორც სხვა მათი შენიშვნებიდან სჩანს. მართლა
და ზოგიერთი ასოს მოხაზულობა ამ წარწერაში ფრიად უცხოა. ასეთია ჩვენის
აზრით ა პირველი სტრიქონის ბოლოს და შუაში; ასეთი მოხაზულობის ა სხვა
წარწერებიდან ჯერ ცნობილი არ არის. მეორე ასოა არა ჩვეულებრივი ღ, თუმცა
პირველ სტრიქონში ერთ ადგილას ეს თავისი ჩვეულებრივი მოხაზულობით
გვხვდება, მაგრამ იმავე სტრიქონის უკანასკნელ სიტყვაში, აგრეთვე მეორე
სტრიქონის უკანასკნელ სიტყვაში და მესამე სტრიქონის მესამე სიტყვაში მის
მაგიერ სრულიად ასო პ მოყვანილი, თუ გნებავთ, ეს იგივე ასომთავრული ღ-
ნია, მაგრამ ყირამალად დასმული, ბოლო ზემოდ აქვს მოქცეული და თავი
ბოლოდ. პირელი ასო პირველი და მეორე სტრიქონისა უნდა იყოს, ჩვენის
აზრით, ბ და არა ჳ და არც ყ, თუმცა ცოტა მათაც ჩამოჰგავს; ამას გარდა მესამე
ასო მესამე სტრიქონისა თავიდან ე-ნია შებრუნებული. შემდეგ მარცხენა ფრთა
ჯვარისა გატეხილია და ამ ადგილას ასოები აკლია ყველა სტრიქონში, მაგრამ
მათი აღდგენა აზრით შეიძლება, გარდა პირველი სტრიქონის სიტყვისა. ვიღებთ
რა ყველა ამას მხედველობაში, ჩვენ წარწერა ასე გვეჩვენება:
 ბხთლს მარ[ი]ხიაღ-ს შუდ[ო]ს ღმერთმა
ბსა :. თქვე[ნს]ასა :. ხებს : შუდს :. ღმერთმა
ქ ჵ ძო ღმრთ[ი]საო : დ მეოხ დ ფრვლ : დ მამკ
შემოკლებულად დაწერილი არა ჩვეულებრივი საკუთარი სახელების
ახმოვანება ძნელია და მათი წაკითხვა ყოველთვის საეჭვოდ დარჩება.
საკვირველია, რომ ქ დასაწყისი ყველა წარწერისა ჩვენს შემთხვევაში პირველ
სტრიქონს როდი უზის, არამედ მესამეს და ეს მესამე სტრიქონი დამთავრებული
არ არის, აკლია შესმენილი; ძნელია თქმა, რას ნიშნავს მეორე სტრიქონის სიტყვა
ბსა, შეიძლება ვიგულისხმოთ „ბიძასა“, ან „ბატონსა“, ან „ბაბუასა“, აგრეთვე
მეტია კავშირის და-ს სამჯერ ხმარება მესამე სტრიქონში; ამ შენიშვნების შემდეგ,
შეიძლება წარწერა ასე წავიკითხოთ:
ბახათელს (?) მარიხიაღას (?) შეუნდოს ღმერთმა.
ბიძასა თქვენსასა ხებს შეუნდოს ღმერთმა.
ჵ ძეო ღმრთიასაო, მეოხ და მფარველ [მექმენ] მამკ[ობსა შენსა].

3. ჯვარი დიდი, კანკელის წინ დასადგმელი, 80X41 სანტ. არა ჩვეულებრივი

რიგისა, ფრიად თავისებური, რომელიც ჩვენ მარტო სვანეთში გვხვდება და სხვა
საქართველოს ადგილებში ჯერ უცნობი არის (იხ. ფოტ. №17003). ყველა მხარეები
ჯვარისა ბოლოში გაფართოებულია და თავდება დიდი მრგვალი
მედალიონებით, რომელთაც ირგვლივ ახლავს სამი მომცრო მედალიონი; ქვემოდ
კიდევ მედალიონს ტრაპეცია მისდევს. შუაში ოთხკუთხედი მედალიონია. ყველა
კიდეები ჯვარისა და მედალიონებისა შემკობილია მოოქრული ვერცხლის
წნულით და გამშვენებული ძვირფასი ქვებით. ჯვარის ყველა ნაწილები საკმაოდ
ღრმა უჯრედებს შეიცავენ, რომლებშიაც ეტრატზე ფერადის წამლებით
დახატული სურათებია სახარების ციკლისა და ეს სურათები ზემოდან
დაფარებულია შუშებით. სულ ეხლა 20 უჯრედი არის პირველ პირზე და
ქვემოდ ერთი პატარა მედალიონი მოტეხილი აქვს, თორემ 21 უნდა ყოფილიყო.
სრულიად ასეთივე სახე აქვს მეორე პირსაც ჯვარისა (იხ. ფოტ. №17004).
სამწუხაროდ, ბევრ უჯრედში სურათები აღარ არის დაცული, ნამეტნავად მეორე
გვერდზე და ისინიც, რომელნიც გადარჩენილა, ფოტოგრაფიაზე ნათლად არ
გამოდის, ვინაიდან ეტრატის ნაჭრები დაღრეკილია სიცხის გამო. ერთი ნიმუში
ასეთი მხატვრობისა მე გამოვართვი ბ. ნიჟარაძეს; ის წარმოადგენს
ფერისცვალების მინიატურას, მაგრამ ის ამ ჯვარს არ ეკუთვნის, არამედ
ამოღებულია სხვა ამგვარი ჯვარიდან ან ხატიდან. როგორც ქვემოდ დავინახავთ,
ასეთი რიგის ხატებიც ყოფილა სვანეთში.

4. ჯვარი, შუა ზომისა 67X34, შეძერწილია ვერცხლის ფირფიტებით, ტლანქი

ხელობისა. შუაში უმბო მოყვითლულია. სხვა ფიგურებთა შორის სამი სურათი
მთავარ ანგელოზისა არის, ერთს აწერია: წ-ჲ მიქელ.

5. ხატი მაცხოვრისა, დიდი, სიმაღლით 1 არშინი 4 1/2 ვერშოკი, განით 1

არშინი. პირის სახე წამლით ყოფილა დახატული, მაგრამ ეხლა მოშლილია;
პერანგი და მორთულობა მოოქრული ვერცხლისაა. მაცხოვარი წელსზევითია,
მაკურთხეველის მარჯვენით და სახარებით მარცხენაში; ნიმბი დიდი ჯვარის
სახედ და აშიები შემკობილია ბროწეულის ყვავილების მსგავსი ორნამენტებით.
ეზო უფრო ბალახოვანი სახის არის. ზემოდ, ორივე მხრით ნიმბისა ჯვარის
სახის „დრობნიცებში“ ბერძნული წარწერაა სახელისა. ქვემოდ და მარჯვნივ
მაცხოვრის წარწერაა, მაგრამ ქვემო ნაწილი თავუკუღმაა მიჭედილი. ქვემოდ
ყოფილა სულ სამი სტრიქონი, მაგრამ შენახულია მხოლოდ ორი და გაგრძელება
ვერტიკალურად მარჯვნივ ხატისა, დ. ბაქრაძე ამბობს: წარწერა ვერ გადმოვიღეო
(გვ. 84). ა. ხახანაშვილი შეცდომებით კითხულობს წარწერას (გვ. 38). იხ. ფოტ.
17002. ჩვენ ასე ვკითხულობთ:
1. [ვნახ]ეთ : ეკლესიაი : დარღლი1 : ვპოეთ : სმკ-ლი :
ეკლესისა : შ-ნის-ი : მოპრლი და დაფლული : . . . რ-თა
შ-ნივ შ-ნდა : შევსწიროთ . . . შ-ნდა : მინდობილთა :
გჴსნენ : ჩვ-ნ ჯჯხეთს
2. [აგან] [ბ]ნელისა : და : მიოხო2 : დ-დსა : შნისა :
თ-ა3 და : მითლე : კნინი : ესე : მს-ხრბი ჩ-ნი : ვ-ა
მ[წვლილი] [ქ]ურვ-სგ-ნ4 : ბრძიმი : ხუთ-სის :
დ-რმის-ი : ტბკინი : ორნი : ს-ცეცხურნი : ერთნი :
ხ-რნი ერთი

__________
1 ამ სამი სიტყვის მაგიერ ა. ხახანაშვილი კითხულობს: თეკლე ალექსანდრე.
2 ა. ხახანაშვილი ამ ორი სიტყვის მაგიერ: მტერთა.
3 ეს სიტყვა არ მოჰყავს ა. ხახანაშვილს.
4 ეს ორი სიტყვა გამოტოვებული აქვს ა. ხახანაშვილს.

3. (ეს სტრიქონი მოტეხილია, ადგილ-ადგილ მოსჩანს

ზემო ნაწილები ასოებისა, გაგრძელება მოთავსებულ-
ლია მარჯვნივ ხატისა)
4. ორთ-ვე /შ-ნა : ცხ/რბთა : ხ/ტსა : ზე/და : არს / ოქ-
როი : და / ვერცხლი : / დრამი : შ(ვ)იდასსი.
უქარაგმოდ:
. . . (ვნახ)ეთ ეკლესიაი დარღვეული, ვპოვეთ სამკაული ეკლესიისა შენისაი
მოპარული და დაფლული. . . რათა შენივ შენდა შევსწიროთ. . . შენდა
მინდობილთა გვიჴსენ ჩვენ ჯოჯოხეთის(აგან) (ბ)ნელისა და მიოხო დედისა
შენისათანა და მიითვალე კნინი ესე მსახურებაი ჩვენი, ვითარცა მ(წვლილი)
(ქ)ურვისაგან : ბარძიმი ხუთასის დრამისაი, ტაბაკნი ორნი, საცეცხურნი ერთნი,
ხარანი ერთი. . . ორთავე შინა ცხორებათა . ხატსა ზედა არს ოქროი და
ვერცხლი დრამი შ(ვ)იდასსი.
არც ალექსანდრე და არც თეკლე ამ წარწერაში სრულიად არ არის
მოხსენებული, რაც შეცდომით ამოუკითხავს ა. ხახანაშვილს (გვ. 38). წარწერა
სტილით, მართლწერით და პალეოგრაფიულის ნიშნებით წააგავს ოყურეშის
წმიდა გიორგის ხატის წარწერას იმერეთის მეფის ბაგრატ მესამის და მისი
მეუღლის ელენესას (1510-1548) და ჩვენ გვგონია, ეს წარწერაც მათ ეკუთვნის (იხ.
ზემოდ გვ. 65-68). ყოველ შემთხვევაში წარწერა მე-16 საუკუნის არის.
 6. ხატი წ-ა გიორგისა და წ-ა თეოდორესი, ვერცხლისა, ნაჭედი, 50,5X39,5
სანტ. წარმოდგენილნი არიან სრულის ტანით, შუბებით და ფარებით;
ახალგაზრდათ გამოიყურებიან; თმა ხუჭუჭად აქვთ დალაგებული. წარწერები: წ-
ჲ გ-ი, წ-ჲ თ-ე, (იხ. ფოტ. №16999). ჩარჩო ფართო რომბ-ლურსმულიანი
მოქცეულია შინაგან და გარეგან ფოლაქოვან წრეებში. ჩარჩოზე რვა მედალიონია;
ზემო მედალიონებში ვედრებაა, შუაში მაცხოვარი, ბერძნულის წარწერით
სახელისა; მარცხნივ: დ-ჲ ღ-ჲ; მარჯვნივ: წ-ჲ იოვანე. ქევმოდ: წ-ჲ დ-ე (შუაში), წ-
ჲ ლუკა (მარცხნივ) და:L წ-ჲ პ-ტრე (მარჯვნივ). აქეთ-იქით წარმოდგენილნი
არიან, სრულის ტანით, იოანე: წ-ჲ ჲ-ე (მარცხნივ) და გაბრიელ მთავარ
ანგელოზი: წ-ჲ გბრლ(მარჯვნივ); ქვემოდ, ფოლაქოვან ხაზს ქვეშ, წარწერაა:
წ-ო მაცხოვრო : შ-ე : ივ-ნე : ოქრომჭ-ი ამინ.
ხატი მე-17 საუკ. უნდ ეკუთვნოდეს.

7. ხატი წ-ა გიორგისა, ვერცხლისა, ნაჭედი, 93X71 სანტ. წარწერით: წ-ჲ გ-ი
სუფისა. წმიდანი მდგომარეა, შუბით და ვეებერთელა ფარით, რომელზედაც
მარცხენა ხელი უდევს; აშიები რომბ-ლურსმული, ოთხი მედალიონით; ზემო
მედალიონში, შუაში, ტახტის შემზადებაა წარმოდგენილი; წარწერები არა აქვს;
ქემო აშია აკლია (№16995). ეზო ვაზის შტოების მსგავსად არის მორთული, მე-15
საუკუნეს უნდა ეკუთვნოდეს.

8. ხატი წ-ა თეოდორესი, 50,5X49,5 სანტ. წმიდანი გაჭენებულ ცხენით არის

წარმოდგენილი, შუბით ვეშაპს გმირავს. წარწერა: წ-ჲ თ-ე. ჩარჩო ფართო რომბ-
ლურსმული, მედალიონებით; ზემოდ ვედრებაა; მარცხნივ და მარჯვნივ სრულის
ტანით წარმოდგენილ ფიგურებს წარწერა არა აქვთ. ხატი დაზიანებულია.
ხელობა ტლანქია, მე-18 საუკ. (იხ. ფოტ. №1700).

9. ხატი წ-ა ბასილისა, ოქროსი, 30X22 სანტ. ფიგურა წმიდანისა წამლით

ყოფილა დახატული, მაგრამ სულ გადასულია. დარჩენილია ვრცელი ეზო და
მორთულობა ფრიად ნასკვნი ხლართულებით და არაბესკებით შემკობილი. აშია
ვიწროა, ორ-ორი დასერილი ხაზებით უჯრედებად დაყოფილი და შემკობილი
ლამაზი ორნამენტებით. წარწერა „როზეტებში“, ზემოდ: წ-ჲ ბსლი.
ქვემოდ ნაკლული წარწერაა:
. . . მფრველ . მექმენ . ორსავე ცხორებსა . ივ-ნს .
ჴრჴმლსა . . . და მე ძიახარსა (?)
ესე იგი: [წმიდაო ბასილ] მფარველ მექმენ ორსავე ცხოვრებასა იოვანეს
ჴერჴემელსა . . . და მე ძიახარსა (?). ეს უკანასკნელი სიტყვა ცუდათ არის
შენახული და მისი წაკითხვა საეჭვოდ მიგვაჩნია, შეიძლება მართალი იყოს ბერი
ბაქრაძე, რომელიც თავის აღწერილობაში 1864 წ. ამ ხატის შესახებ ასე სწერს:
„წმიდა ვასილის ხატი ოქროსი იოანე ამილახვრისაგან“. ალბათ უკანასკნელი
სიტყვა მას ამილახვრად წაუკითხავს. ეს ხატი ჩვენის აზრით მე-13-14 საუკუნეზე
უფრო გვიანი არ უნდა იყოს (იხ. ფოტ. №17001).
 10. ოთხი ხატი, ღვთის მშობლისა, მაცხოვრისა და სხვათა, ფიცრებზე
დახატული, წამლით, 131X80 სანტ. თითო, უფრო უკეთესად არის შენახული
მაცხოვრის სურათი, ტახტოსანი. ხელობა მოიტლანქებს.

11. ბრინჯაოს ჭურჭერლი, როდინი ანუ ავანდასტის მსგავსი, ორის ყურით,

გამობერვილი გეომეტრიული სახეებით და აშიების შემკობილობით ზემოდ და
ქვემოდ, მსგავსად არაბესკებისა ანუ არაბულის წარწერებისა, (იხ. ფოტ. №17017).

12. ზარი, ხუცურის წარწერით (იხ. ფოტ. № 17022):

ქ1 : ჩ-ნ : მ-ფთ : მ ფმნ : ალექსანდრე : ძემ-ნ : მ-ფისა :.
ლეონისმ-ნ .
წარმოვეც : კახეთით :. ზარი :. ესე :. სამსახურე-ბლ-დ :.
წ-იდ ისა :. ტ-ძრისა :. შ-ნის-ჲ : წ-წტყ-ლ : იონაჲ : ლა-
ტალისაო :. აწ უკჱ :.
მ-ხბითა : შ-ნითა :. ორისვე :. ცხორბისა :. ღელვ-თაგნ
ეგრ-თ :. უვნ-ბლდ :. და
მიცევ : ვ-ა : იგი :. ო-ნ გჳცვა :. ზრჳს- გნ :. და : ვეშ-პი-
სა :. ა-ნ :. ქკნსა : სპჱ :.
შეუმოკლებლად :
ჩუენ მეფეთ მეფემან ალექსანდრე, ძემან მეფისა ლეონისამან, წარმოვეც
კახეთით ზარი ესე სამსახურებლად წმიდისა ტაძრისა შენისაჲ წინასწარმეტყველ
იონაჲ ლატალისაო; აწ უკუჱ მეოხებითა შენითა ორისავე ცხორებისა
ღელვათაგან ეგრეთ უვნებელად დამიცევ, ვითარცა იგი უფალმან გჳცვა (sic)
ზღჳსაგან და ვეშაპისა, ამინ, ქორონიკონსა : სპჱ.
ამ წარწერის ქორონიკონს დ. ბაქრაძე შეცდომით მიაწერს 1598 წელს (გვ. 82).
ქორონიკონი უდრის 1600 წელს.

___________
1 დედანში წილქანი უზის.

მეფე ალექსანდრე კახეთის მეფეა, ლეონის შვილი, (1574-1605).

13. სახარება ეტრატზე, 27X21 სანტ. დაწერილია ნუსხა ხუცურით, ორ

სვეტად; თითოეულ სვეტზე 23 სტრიქონია; შეიცავს 31 რვეულს; რვეულში 8
ფურცელია. სულ დაცულია 226 ფურცელი, მათ შორის 4 ფურცელი
მოციქულების მინიატურებს უჭირავს; ესენი ფრიად დაზიანებული არის.
მახარობლების სურათებს წარწერები სახელებისა ბერძნული აქვთ, მაგრამ
მათ წინ გაშლილ სახარების ფურცლებზე ქართული ხუცურით დაწერილი
ტექსტია. პირელ 2 ფურცელზე მოყვანილია წერილი ევსებისა კარპიანესადმი;
შემდეგ 12 ფურცელზე მშვენიერი ფერადებით და არაბესკებით შემკობილი
კანონებია, რომელნიც მოქცეულნი არიან ლამაზ ნახელავ ფერადებიან სვეტებში
თავის კვარცხლბეკებით და სვეტის თავებით (ერთი ნიმუში ამისა იხ.
უვაროვისა, გვ. 153), ასეთივე ლამაზი ხელობის არის აგრეთე მეთაური
სურათები თითეულის სახარების თავში (მათეს სახარების თავის სურათი იხ.
უვაროვისა, გვ. 153).
სახარებას ამშვენებს მრავალი საუცხოო ფერადებიანი მეთაური ასოები.
ფერადები ერთობ ნაზია, მოწითანო, მოყვითალო, მომწვანო, შავი და ოქროს
ფერი. თუ სხვა სახარებათა მორთულობა მე-11 და 12 საუკუნეთა ბიზანტიის
გავლენას მოგვაგონებს საერთოდ, ამ სახარების მორთულობას და მის არაბესკებს
აშკარად აღმოსავლეთის გავლენა ემჩნევა. დ. ბაქრაძე ტყვილად ადარებდა ამ
სახარებას ცნობილს გელათის სახარებას გიორგი მთაწმინდელისა, მე-11
საუკუნისა (გვ. 84), ხოლო გრ. უვაროვისა სამართლიანად შენიშნავს, რომ
სახარება არ შეიძლება იყოს მე-13 საუკ. უახლოესი დროისა. ჩვენ ქვემოდ
დავინახავთ, რომ სახარება მართლა მე-13 საუკუნის პირველ ნახევარს ეკუთვნის.
ალ. ხახანაშვილის აზრით, ტექსტი სახარებისა გიორგი მთაწმინდელის
რედაქციას ეკუთვნის (გვ. 19), მაგრამ გიორგის ჩვეულებრივი ანდერძი ამ
სახარებაში არ მოიპოვება და ერთი ადგილი სრულიად არ ეთანხმება გიორგის
რედაქციას, მაგალითად: მე-24 მუხლი მათეს სახარების მე-19 თავისა იკითხება
ასე.
უადვილეს არს მანქანისა საბელი გ-ნსლვად ჴურელსა ნემსისა ვ-ე
მდიდრისა შესვლად სასუფეველსა.
სიტყვას მანქანისა შენიშვნა აქვს აშიაზე: აქლემი. და უწერია:
ესე არ მოცთომილია. დედასა ესრევე ეწერა.
მანქანა აქლემის მაგიერ წმ. ევთიმეს სახარებაში მოიპოვება და შესაძლოა
ტექსტი ევთიმეს რედაქციას ეკუთვნოდეს. გადაჭრით ამას ვერ ვიტყვით,
ვინაიდან ტექსტები არ შეგვიდარებია.
ბოლოს ხელნაწერს დართული აქვს: ზანდუკი სახარებისა საძიებელისაჲ
საწელიწადოჲ წმიდათა კ-რკსა აღვსებისასა.
ყდა სახარებისა ხის არის, ტყავ-გადაკრული და ეხლა ტყავის ზემოდ
საბრალო და სამწუხარო ნაშთებია იმ მდიდრული და ძვირფასი შემკობილობისა,
რომელიც წინეთ, დიმიტრი ბაქრაძის დროს და ნაწილობრივ გრაფ. უვაროვის
დროსაც აქ ყოფილა. ეხლა აღარ არის არც ის ბიზანტიური ხელოვნების
მედალიონები და არც ჯვარცმის ფიგურები, რომელზედაც იგინი მოგვითხრობენ.
ეხლა მილანქრების კვალიც აღარ სჩანს; სულ ყველაფერი მოუძარცავთ და
მოუპარავთ (დ. ბაქრაძე, გვ. 84-85; უვაროვისა, გვ. 153-154). წინა პირზე, სადაც
ყოფილა წარმოდგენილი ჯვარცმა წინამდგომებითურთ, ეხლა მხოლოდ მოსჩანს
მარჯვნივ: იოანე ნათლის მცემელი, ღვთის მშობლის ფიგურა და თვით ჯვარცმა
აღარ არის; ზემოდ, მარცხენა კუთხეში მოსჩანს წელსზევითი ფიგურა მათე
მახარობელისა, წარწერით: მათე მხრებლი. ქვემოდ, მარჯვენა კუთხეში
დარჩენილია თავი წმიდანისა. სხვა შერჩენილი ნაჭრები ხლართულებით არის
შემკობილი.
დ. ბაქრაძის დროს ამ ყდაზე ყოფილა მილანქრის მედალიონები და ამ
მედალიონების ნაშთი უვაროვის დროსაც ყოფილა. ის სწერს: ყდა სახარებისა
ერთ დროს საუცხოო ყოფილა თავის სიმშვენიერით, რომელთაგანაც დღეს
დარჩენილია მხოლოდ საბრალო ნიშნები. ეს ყდა ტყავისაა, რომელზედაც
გადაკრულია მოოქრული ბასმა ჯვარცმულის გამოსახულობით,
წინამდგომებითურთ, რომელთ შემდეგ მოსჩანან მცირე ნაშთები ანგელოზთა,
ბიზანტიურის მილანქრიანი ხელობისა; ანგელოზებს შავი თმა აქვთ; თავის
წრეები ცისფერი; ფონი, რამდენადაც შეიძლება შეინიშნოს, გაცარცვა ამ ყდისა
დაწყებულა დ. ბაქრაძის შემდეგ და დამთავრებულა გრ. უვაროვის შემდეგ, ეხლა
მილანქრების ხსენებაც არ არის.
ასეთია დღევანდელი სახე ამ წინაპირისა (იხ. ფოტ. №17018).
მეორე მხარეს ყდისა, სამწუხაროდ, წინა მკვლევარები არ აგვიწერენ და ჩვენ
არ ვიცით, ეს მათ დროს უკეთ იყო დაცული, ვიდრე ეხლა არის, თუ არა. გრ.
უვაროვისა შენიშნავს მხოლოდ, რომ მეორე მხარე ყდისა კიდევ უფრო
გაფუჭებულიაო, ვიდრე პირველი პირი და აგრეთვე ბასმისააო (გვ. 54).
დ. ბაქრაძეს გადმოუღია ხელით წარწერა ამ გვერდისა (იხ. დამატება №11),
მოჰყავს მისი რუსული თარგმანი (გვ. 94), რომელშიაც კათოლიკოზის სახელს
სტეფანე-დ კითხულობს (გვ. 84). ეტყობა ამ წაკითხვაში მას ეჭვი შესვლია,
ვინაიდან ის სწერს: არ ვიცი მართლად გავიგე აზრი ამ წარწერისა, თუ არა,
მაგრამ კათოლიკოსი სტეფანე ჩემთვის უცნობია. მე არც მგონია, რომ ქართულს
მატიანებში მოიპოვებოდეს კათოლიკოსი ამ სახელწოდებითაო (იქვე, გვ. 84). ა.
ხახანაშვილი შენიშნავს, რომ წარწერა სრულ სწორად არა აქვს მოყვანილი დ.
ბაქრაძეს და მოჰყავს ტექსტი წარწერისა, მაგრამ არა თუ არაფერს არ ასწორებს
ბაქრაძის წაკითხვაში, არამედ კიდევ შეცდომას უმატებს. კათალიკოზის სახელს
იგიც სტეფანედ კითხულობს, როგორც ბაქრაძე და სიტყვის მაგიერ: '„შეიმკო“,
კითხულობს: „შემკობილი“. სრულიად წაკითხული არა აქვს ქარაგმანი ასო ქ- :
როემლიც აქ ნიშნავს : „ქართლისა“, ისე როგორც ეს არ ამოუკითხავს ბაქრაძესაც
(გვ. 19). ეხლანდელი სახე ყდის მეორე გვერდისა (იხ. ფოტ. №17019), ხოლო
წარწერა იკითხება ასე:

ქ : ამისა : ნტ ამის ნეტა-

არისა : ეპ რისა ეპი-
იფანე : ქ : კ ფანე ქართლისა კა-
ზისგ-ნ : მ-გ თალიკოზისაგან მოგე-
ბული : ამი[ს] ბული ამის-
გ-ნვე : შე განვე შეი-
იმკო : კ-თლი მკო კათოლი-
კე : ეკლესი კე ეკლესი-
სთს : სხბ ისათჳს სახარებ-
აი : ესე : მოი ბაი ესე. მოიჴ-
ჴსენე : ქ-ე : სენე ქრისტე!

ამ წარწერიდან ცხადათ სჩანს, რომ ქართლის კათალიკოზს ეპიფანეს მოუგია

ეს სახარება; მასვე შეუმკვია და შეუწირავს კათოლიკე ეკლესიისათვის. კათოლიკე
ეკლესიად აქ იგულისხმება მცხეთის ტაძარი, სვეტი ცხოველი, და რომ ეს ასეა,
ამას ამ ყდაზე დარჩენილი ფიგურების ნაშთებიც ცხადათ მოწმობენ,
რომელთათვის მკვლევართ ყურადღება არ მიუქცევიათ (იხ. ფოტ. №17019). აქ
მე-13 საუკუნის ხლართულებში ყოფილა წარმოდგენილი თვით სვეტი ცხოველი.
სვეტის სამსაფეხურიანი კვარცხლბეკი და თვით სვეტის დაზიანებული ღერიც
ნათლად სჩანან, მარჯვნივ სვეტი ცხოველისა წარმოდგენილი ყოფილა სრულის
ტანით მაცხოვარი, ორივე ფეხი და ნაწილი სამოსლისა კარგად მოსჩანს. სვეტის
მარცხნივ წარმოდგენილი ყოფილა აგრეთვე სრულის ტანით და საკათალიკოზო
სამოსლით თვით ეპიფანე კათალიკოზი, რომელსაც ხელები ვედრების სახით
მიპყრობილი აქვს სვეტი ცხოველის მიმართ. თავი და ფეხები ეპიფანესი
მოშლილია; დანარჩენი ნაწილი შუა ტანისა კარგად არის დაცული; მოსჩანს
ნიმბის წრის ნაწილიც და ნიმბს ქვემოდ, ორივე მხარეს დაზარალებული
წარწერა სახელისა:
ეპ[ი] [ფ]ანე .
ეპიფანეს უკან, მარცხნივ ჩამოგრძელებულია ის წარწერა, რომელიც ზემოდ
მოვიყვანეთ.
ეპიფანეს სახელი თვით სახარების ტექსტშიაც მოიპოვება. აქ მარკოზის
სახარების დასასრულს ვკითხულობთ:
დაესრულა თ-თვი მ-რკოზისი :.
ჴლითა ფ-დ ცოდვილისა იოანაჲსითა :
მოძღ-რისა ჩ-მისა ეპიფ-ნესთ-ს :.
ყველა ზემო მოყვანილი ცნობებიდან ცხადია, რომ ამიერიდან ენაშის
სახარებას უნდა დაერქვას: „ეპიფანე კათალიკოზის სახარება“.
ვინ არის ეს ეპიფანე კათალიკოზი? ეს ის ეპიფანეა, ეჭვს გარეშე, რომლის
ვეებერთელა წარწერა აკადემიკოსმა ნ. მარრმა აღმოაჩინა ქალაქ ანისის ერთს
ქართულ ეკლესიის კედელზე და გამოსცა ფრიად ვრცელის და ჯეროვანის
განმარტებებით (იხ. პეტერბურგის აკად. მოამბე (იზვესტია), 1910 წ. № 17),
ხოლო ქვები გადაიტანა ანისის ყოფილ მუზეუმში და იქ აღადგინა კედელი
სრულის დაცული წარწერით. წარწერა დათარიღებულია და ეკუთვნის 1218
წელს.
შესანიშნავი წარწერა ანისის ეკლესიისა მოწმობს, რომ კათალიკოზი ეპიფანე
დიდი განათლებული კაცი ყოფილა, ნიჭიერი და სათნოიანი მწყემსი, მართლ
მსაჯული და უნარის მქონე. მან მშვიდობიანად მოაწესრიგა შუღლი თავის
სამწყსოს წევრთა შორის ქრისტიანული მორალის და სიყვარულის მიხედვით.
ხოლო ეს საუცხოო სახარება გვიმტკიცებს მეორე მხრით, რომ ეპიფანეს ჰქონია
ამასთანავე უაღრესად განვითარებული გემო და მიდრეკილება ხელოვნებისადმი
და არც დაუზოგავს შრომა გაემდიდრებინა თავისი საკათედრო ტაძარი ასეთი
შესანიშნავი ხელოვნების განძით. რომელიც, სამწუხაროდ, ჩვენს დროში
გაუცარცვავთ და მოუვლელობით დაუზარალებიათ. სურათები ყდისა და გარჩევა
წარწერებისა მოთავსებულია ჩვენს მიერ Georgia-ს მეოთხე და მეხუთე წიგნში,
გვ. 96-100.

სოფელი მაცხოვარიში.
 ეს განირჩევა სხვა სოფლებისაგან და ეთნოგრაფიისათვის გამოსადეგია
ზოგიერთი ჩვენი ექსპედიციის მიერ გადმოღებული სურათები. ამ სოფელში
გვხვდება ხის სახლები, რომელნიც იშვიათია სვანეთში; ერთი ასეთი
ორსართულიანი სახლი, ორი დიდი ბალკონით, ბეკმურზა ფარჯიანისა, იხ. ფოტ.
№17443; სხვა ხის შენობები სოფლის განაპირას, ეგრეთ წოდებული „ხუტორი“
გიკსუ ტამალიანისა, იხ. ფოტ. №17447; ტიპები ამ სოფლის ქალებისა (2 ქალი),
იხ. ფოტ №17525; ბავშვები ამ სოფლისა იხ. ფ. №17526. სვანის ქალები
წყაროსთან, იხ. ფოტ. №17524 (ცხენოსანი კაცი აქ არის ლახამულის მცხოვრები
იასონ ჩკადუა), მაცხოვარიშის მღვდელი მათე გულიდანი თავისი ჯორით, იხ.
ფოტ. №17528; ჯორი პატრონის გარდა არავის იკარებდა, სასტიკად
იტლინკებოდა. ჩვენმა თანამშრომლებმა სათითაოდ სცადეს, მაგრამ ვერავინ ვერ
მოახერხა მასზე შეჯდომა.
ეკლესია ამ სოფლისა არის მაცხოვრის სახელზე აშენებული და აქედან
წარმოსდგება სოფლის სახელიც მაცხოვარიში. გეგმა ამ თლილის ქვისაგან
აშენებულის ეკლესიისა იგივე ყოფილა, რაც ენაშისა, მაგრამ დასავლეთის და
ჩრდილოეთის მისი ეკვტერები ეხლა მონგრეულია; ამას გარდა ძველი კანკელი
ქვისა შეცვლილია ახალი ქვის კანკელით. კედლები შიგნით სულ მოხატული
ყოფილა, მაგრამ ეხლა დაზიანებულია და გაფუჭებული, ზოგან კომლისაგან
გასვრილი, ანუ სულ გამქრალი. კარგად მოსჩანს კიდევ მაცხოვარი
საკურთხევლის კონქში მთავარ ანგელოზებითურთ, შემდეგ დედა ღვთისა,
ბერძნულის წარწერით სახელისა. მას ქვემოდ 12 ეკლესიის მამა. ზოგიერთის
წარწერაც განირჩევა: თომა, სჳმონ, იაკობ.
ჩვენთვის დიდათ მნიშვნელოვანი ფრესკები ყოფილა ჩრდილოეთის
კედელზე. აქ, შუა ადგილას, მთავარ ანგელოზნი გვირგვინს ადგამენ თავზე წ-ა
ეკატერინეს; ყოფილა წარწერაც, რომელიც ცუდათ არის დაცული, მაგრამ
შესაძლოა გარჩევა:
ანგ-ლ . . . ანგელოზ-
ა უფლ თა უფალ-
ა ჩინსა მა ჩინსა (?)
დასდ დასდ-
გა მის თ გა მის თა-
აჳსა ეკ ვსა ეკა-
ატირ-ნს ტირინას .
„ჩინსა“ აქ ალბათ ხარისხს, გვირგვინს ნიშნავს.
ამის პარალელურად, საკურთხეველის მახლობლად, მეფეა დახატული,
ბიზანტიურის ტანისამოსით, რომელსაც აგრეთე მთავარ ანგელოზნი გვირგვინს
ადგამენ თავზე. ერთს მთავარ ანგელოზს აწერია: გბრლ. მეფეს ხელი გაშვერილი
აქვს მარჯვნივ, მაცხოვრის მარჯვენისაკენ, რომელიც მაკურთხეველის სახით
გამოდის სფეროდან. მეფის ნიმბის ორივე მხარეს წარწერაა:
მფთ მფე დმტრი.
ესე იგი: მეფეთ მეფე დიმიტრი.
მეფის წინ ქვემორე დაჩოქილნი არიან მისი ერისთავები; წარწერიდან
მოსჩანს ასოები: ერთთავი (ერისთავთ ერისთავი).
მეფის მარჯვნივ წარწერაა, რომელშიაც ამოვიკითხე:
 მოჲხატა სა მოჲხატა საყ-
ყდარი : ესე მ დარი ესე მე
მეფობასა ფობასა
დემეტრეს დემეტრე-
ა : იზ : ჴელი სა : იზ : ჴე-
თა : მ-ქლ . . . ლითა მიქელ
მაღ . . მაღ . .
აფლძი აფლაძი-
სათა სათა .

წარწერებში, დაჩოქილ ერისთავებთა წინ, მე შევსძელი გარჩევა მხოლოდ

შემდეგი სიტყვებისა:
ჴრმალსა აყმო / დათრგუნა .
სხვა წარწერებიდან ამ კედლისა მე ამოვიკითხე ცალკე სიტყვები:
მამასახლისი იყო..... ეკლესია ..... კვამლისაგან შესვრილი
ალით გასვრილი .... რომელ ორი არ დააკლოს ....
ფოტოგრაფიულად გადმოღება ფრესკებისა შეუძლებელი იყო, ვინაიდან
შესაფერი აპარატები არ ჰქონდა ერმაკოვს და მასთან კიდევ ფრესკები ერთობ
გასვრილი იყო, მაგრამ მე შევხვდი ბეჩოში ჩემს ნაცნობ მხატვარს ეისნერს,
რომელიც „ნამესტნიკის“ თანაშემწის ვატაცის თანმხლებელთა რიცხვში იყო,
ავუხსენი მდებარეობა და მნიშვნელობა ფრესკებისა და ვთხოვე გადმოეღო;
ხარჯის ანაზღაურება, რასაკვირველია, დავპირდი; მან გადმოიღო
შემოკლებულად სურათები, რომელნიც ეხლა საისტორიო და საეთნოგრაფიო
საზოგადოების მუზეუმშია, მაგრამ ეს დასაკმაყოფილებელი არ არის. ამისათვის
საჭიროა ცალკე ექსპედიცია; კედლები უნდა გაირეცხოს, გაიწმინდოს და
ნამდვილი კოპიო უნდა იქმნას გადმოღებული ფერადებით. მაშინ წარწერების
უფრო მეტი და სწორი წაკითხვა შესაძლებელი იქნება.
მეფე დიმიტრი, ამ წარწერაში მოხსენებული, უნდა იყოს ან დიმიტრი
პირველი (1125-1154), დავით მეორის აღმაშენებლის შვილი, ან დიმიტრი მეორე
თავდადებული (1273-1289). უფრო მისაღებია დიმიტრი პირველი, ვინაიდან
დიმიტრი მეორეს სრული 17 წელი არ უმეფია, მე-17 წელი დიმიტრი პირველის
მეფობისა იქნება 1142 წელი. აქ მეტი არ იქნება დავსძინო, რომ არც ერთს
მკვლევარს ეს ფრესკები და მათი წარწერები აღნუსხული არა აქვს.
სიძველენი მაცხოვრის ეკლესიაში ბევრი არ არის, მაგრამ სამაგიეროდ
ზოგიერთი მათგანი, რაც არის, უნიკუმია და ერთობ ძვირფასი და უცხო.

1. პირელი ადგილი ამ ნივთთა შორის უჭირავს დიდ, მძიმე ვერცხლის

ჯვარს, რომელიც ცნობილია სვანეთში ლატალის ჯვარად. ამ ჯვარის სიმაღლეა
56,5 სანტ. განი 33 სანტ. ჯვარს ქვემოდ აქვს ღერძი, რომლითაც ის დამაგრებული
უნდა ყოფილიყო ხეტარზე. ამ სახით ჯვარს ალბათ ატარებდა ჯვარის
მტვირთველი ჯარის წინ ომის დროს და აგრეთვე დიდი პროცესიების დროს
დღესასწაულებში. მარჯვნივ და მარცხნივ ჯვარს აქვს ოთხ-ოთხი საკილოვე,
რომლებზედაც, უნდა ვიფიქროთ, ჩამოკიდებული იყო სხვა და სხვა ძვირფასი
ჩანჩხურები და ძეწკვები, როელნიც მეტს სიდიადეს და ზეიმობას აძლევდენ
ჯვარს. ეს ჯვარი ბარტოლომეის და ბაქრაძეს არ უნახავთ. სტოიანოვს უნახავს,
მაგრამ ღირსება მისი მაინც და მაინც ვერ შეუფასებია (გვ. 389). ჯვარი
პირველად დაწვრილებით აღწერა და გამოსცა გრ. უვაროვისამ (გვ. 91-93, ტაბ.
XXIV, XXV), მაგრამ მისი ორი დიდი სურათი ვერ არის შესაფერისი და
დეტალები სულ არა აქვს. ეს იყო მიზეზი, რომ ბერძნული წარწერა ჯვარისა
პროფესორმა ა. ბ. ნიკიტსკიმ სრულად და ჯეროვანად ვერ გაარჩია (იხ.
უვაროვისა, გვ. 95). ჩვენმა ექსპედიციამ კი ეს ჯვარი დეტალურად გადმოიღო
და ჩვენი ცხრა ფოტოგრაფია სპეციალისტებს საშუალებას მისცემს ეს ძვირფასი
ჯვარი დაწვრილებით და საკმაოდ შეისწავლონ. (იხ. ფოტო №№17028 –17037).
ჯვარი ბიზანტიური ხელოვნებისაა, უვაროვისა მას მე-11 საუკუნეს მიაწერს,
მაგრამ ამის დასამტკიცებელი საბუთები წარმოდგენილი არა აქვს და ეს საკითხი
ჯერ კიდევ გამოსარკვევია.
ჩვენ მხოლოდ აქ მოკლედ ჩამოვთვლით იმ მინანქრიან სურათებს და
შემკობილობას, რომელთაც ეს ჯვარი შეიცავს.
პირველ გვერდზე, ყოველ მხარეს ჯვარისას, ორნამენტალური გრეხილი აქვს
მოვლებული (№17036), სხვა ყველა მედალიონები და შემკობილობანი
შესრულებულია ლამაზი ბიზანტიურის მინანქრით. ამათ შორის, შუაში, ორმაგ
წრიან სიმრგვალეში წარმოდგენილია მაცხოვარი ჯვარის სახის ნიმბით და
სახარებით მარცხენა ხელში; სახარების ყდაზე ჯვარია გამოსახული (იხ. ფოტ.
№17029). ამ მედალიონიდან ოთხივე მხრივ მიდის მინანქრიანი ზოლები
ჭადრაკულის ორნამენტისა, რომელნიც თავის მხრივ თავდებიან მომცრო
მედალიონებით. ამ მედალიონებში მინანქრითვე შესრულებულია მახარობელთა
ფიგურები, ხოლო ქემოდ ერთი აკლია (იხ. ფოტ. №17073).
ჯვარის კუთხეებში წარმოდგენილნი არიან მედალიონებით მინანქრითვე
შესრულებული ფიგურები; ზემოდ სულ ახალგაზრდა ანგელოზი (ფოტ. №17932),
მარცხნივ ღვთის მშობელი (ფოტ. №17031), მარჯვნივ წ¯ა იოანე (ფოტ. №17037),
ხოლო ქვემოდ, ოთხ კუთხედში, რომელიც კამარით თავდება, არის ღვთის
მშობელი ჩჩვილედი (იხ. ფოტ. №17028).
მეორე მხარეც ჯვარისა მდიდრულად არის შემკობილი, ხოლო როგორც
შემკობილობანი, ისე მედალიონებიც წმიდანთა შესრულებულნი არიან ოქროზე
ზარნაშით, ნაზად და მხატვრულად; აქაც ყოველ მხარეს ჯვარს უვლის
ბალახოვანი ლამაზი ორნამენტი; შუაში ჯვარცმის მედალიონია,
წინამდგომებითურთ: ღვთის მშობლით და იოანეთი. ამ მედალიონსაც ეკვრის
ყოველ მხრივ ზოლები, ბროწეულის ყვავილების ორნამენტით
გამშვენიერებულნი, მაგრამ სხვა და სხვა სახისა. ზოლები თავდებიან პატარა
მედალიონებით, რომლებშიაც წარმოდგენილნი არიან: ზემოდ წ­ა ეკატერინე;
ქვემოდ წ-ჲ ნიკიტა; მარცხნივ წინასწარმეტყველი ილია; მარჯვნივ წ-ა ნიკოლოზ.
ჯვარის გაფართოებულ ბოლოებში უფრო დიდ მედალიონებში მოქცეულნი
არიან: ზემოდ ხარება; ქვემოდ ჯვართ ამაღლება კონსტანტინე და ელენეთი;
მარცხნივ წ-ა თეოდორე; მარჯვნივ წ-ა დიმიტრი. ღერძზე, ჯვარის წინა პირზე,
არის ბერძნული წარწერა (იხ. ფოტ. №17028), რომელიც მოვიხსენიეთ, პირველად
გარჩეული იყო პროფ. ა. ნიკიტსკის მიერ. ჩვენ მოგვყავს ქართული თარგმანი
პროფ. გრეგუარის შესწორებით:
 „აღვუგე ჯვარი (ესე) ღვთის მშობელსა ძუძუს მაწოვნებელსა საფასითა
ბერისა და წინამძღვარისა კოზმანისა (კოზმისა) და იოანე მღვდელ-მონაზონისა.
ამინ“.

2. მეორე ძვირფასი ნივთი მაცხოვარიშის ეკლესიისა და ჩვენთვის საყურადღებო

არის ოქროს პანაგია, კარედი, კათალიკოზის მიქაელისა, 7,5X6 სანტ. შუაში, თაღს
ქვეშ წარმოდგენილია წ-ა გიორგი, რომაულის სამხედრო ტანისამოსით; მარჯვენა
ხელში შუბი უჭირავს; მარცხენა დადებული აქვს მოგრძო ფარზე, რომელიც
შემკობილია ორნამენტით; ზურგს უკან ხმალი მოსჩანს; თმა ხუჭუჭად დაწყობილი
ჩამოდის შუა ლოყამდის; თავის წრეს შემოვლებული აქვს მარგალიტის მძივი,
რომელსაც მარჯვნივ აკლია, დარჩენილია შვიდი მარცვალი; წარწერა ზემოდ; ორივე
მხარეს, ლამაზი ასომთავრულით: წ-ა გ-ი. შუაზე, მარცხნივ, ერთი ძვრიფასი ქვა უზის.
ვგონებ, ლალი. კარები ოქროსი, ამოღრმავებული ქვემო ნაწილში, ჩვენ მოცილებული
ვნახეთ შუა ნაწილიდან და რასაკვირველია, აზრი მოგვივიდა თავში, რომ
ამოღრმაულებში რაიმე ფიგურები უნდა ყოფილიყო ჩადგმული, ისე მთელი კარები
სწორი იქნებოდა, როგორც ზემო ნაწილნი. გამოკითხვიდან გავიგეთ, რომ პანაგიას
ჰქონია წინეთ ნაკერი ქისა, სახატე, რომელშიაც ვიპოვნეთ მთავარ ანგელოზთა
ფიგურები, შემდგარი მინის მასსისაგან, მინანქრის სახეებით მთავარ ანგელოზთა,
ჩავდევით თავიანთ ადგილებში, კარებში. და ამრიგად გადმოვიღეთ
ფოტოგრაფიულად (იხ. ფოტოგ. №17025). მთავარ ანგელოზი მარჯვნივ საკმაოდ
კარგად არის დაცული, ხოლო მარცხენა მთავარ ანგელოზი დაზარალებულია,
ნამეტნავად მისი შემოსილობა. მცხნივარე მხიარული ფერები მინანქრისა. თეთრი,
ცისფერი და ყვითელი, აგრეთვე პირის სახე ანგელოზთა და მთელი მორთულობა
ცხადათ უჩვენებენ, რომ ეს მინანქრიანი პანაგია ქართული ნაწარმოებია, მე-12
საუკუნისა. ამასვე მოწმობს წარწერაც. მეორე გვერდი პანაგიისა კარებითურთ
ოქროთი ნაწნავი საუცხოო ორნამენტით არის ერთიანად მოცული. შუა ნაწილში
ჯვარია წარმოდგენილი; ჯვარის ორივე მხარეს ზემოდ, ორი სიტყვა ასომთავრულით
კარგად არის დაცული; ქვემოდ დანარჩენი რამოდენიმე წაბღალულია, მაგრამ
საერთოდ თავისუფლად იკითხება (იხ. მთელი გვერდი ფოტ. №17027). წარწერა
იკითხება:
ქ-ე ა-დე ქრისტე, ადიდე
ორთავე ორთავე
შინა ცხრებ შინა ცხოვრება-
ატა ქ : კზი თა ქართლისა კათალიკოზი
მქ-ლ მიქელ .

ეს მიქელ ქართლისა კათალიკოზი ის მიქელია, ჩვენის აზრით, რომელიც

კათალიკოსობდა მე-12 საუკუნეში, გიორგი მესამის დროს და თამარის მეფობის
დასაწყისში, მაშასადამე, მე-12 საუკუნის მეორე ნახევარში; ამ რიგად ეხლა ცნობილია
ერთი კიდევ ზედმეტი ქართული მინანქრის ნაშთი, ჩვენთვის მეტად ძვირფასი.
ბარტოლომეის და ბაქრაძეს ეს ნივთი არ უნახავთ; გრ. უვაროვისას მინანქრები
მთავარ ანგელოზთა არ უნახავს და წ-ა გიორგის ფიგურა კარედის შუა ნაწილისა მას
მიუღია მთავარ ანგელოზ მიქაელად. მისი გამოცემული სურათიც მარტო ამ
ფიგურისა რიგიანი არ არის (იხ. უვაროვისა, გვ. 106, ფიგ. 27). დაზიანებული წარწერა
მას შემდეგ დროის დაჩხაპნულად მიაჩნია. დაზიანება პანაგიისა აიხსნება მით, რომ
ადგილობრივი მღვდელები მას გულზე ატარებდენ, მაგალითად გაიოზ
ძიმისტარაშვილი და სხვებიც. არც ა. ხახანაშვილს უნახავს მინანქრის მთავარ
ანგელოზები, კარედი მას წ-ა გიორგის ხატის ბუდეთ („ლარეც“) მიუჩნევია; წარწერა
გადმოუწერია ასე : ქ- ად-ე ორთავე შინა ცხორებათა შ-ა კათალიკოზე იქ-ლ (იხ. გვ. 39).
ჩვენ მივიღეთ ზომა, რომ მინანქრები, რაც დაცულია, შემდეგ კიდევ უფრო არ
დაზარალდეს; გატეხილი მარცხენა მთავარ ანგელოზი ცოტა შევაკოწიწეთ და ორივე
ადგილში გავამაგრეთ; მღვდელს ვსთხოვეთ ყურადღება მიექცია და ცალკე
ფრთხილად შეენახა პანაგია, მაგრამ დარწმუნებული არა ვართ, თუ სხვა ზომები არ
იქნა მიღებული, ეს ძვირფასი ნივთი სრულ განადგურებას გადაურჩეს.

3. ხატი მაცხოვრისა, ოქროთი დაფერილი ვერცხლისა, ნაჭედი, 28X22 სანტ.

შემკობილია 28 ძვირფასი ქვით (იხ. ფოტ. №17033). მაცხოვარი ტახტზე მჯდომარეა
მაკურთხეველის მარჯვენით და გაშლილი სახარებით მარცხენა ხელში,
რომელზედაც სწერია: მე ვარ ნათელი სოფლისა და სხვ. ნიმბი ჯვარის სახისა
ყოფილა შემკობილი სამი ძვირფასი ქვით, ერთი აკლია. ეზო და აშიები ბალახოვანი
ორნამენტით არის შემკობილი (იხ. ფოტ. №17033). წარწერა სახელისა: იესო ქ-იე.
ტახტს ქვეშ, მარცხნივ, სწერია: ქამ-ს . ქვემო აშიაზე სწერია:

ქ . მც-ხრო : ლტაი-ო : ადიდ-ნ : მ-ფთ : მ-ფე : გი -გ :

დდფლთ :
დფ-ლი : რუსდნ : და : ძე : ბ-გრტ : ამინ .
უქარაგმოდ:
მაცხოვარო ლატალისაო, ადიდენ მეფეთ მეფე გიორგი, დედოფალთ დედოფალი
რუსუდან და ძე მათი ბაგრატ, ამინ.
ამ წარწერაში მოხსენებული გიორგი მეფე არის უეჭველად გიორგი მეორე
იმერეთისა (1548-1585); მისი პირველი ცოლი იყო რუსუდან, შარვაშიძის ასული,
რომლიდანაც ჰყავდა შვილი ბაგრატ. ძნელი სათქმელია მხოლოდ რას ნიშნავს
ტახტის ქვეშ დაწერილი: ქა მ-ს. შეიძლებოდა გვეფიქრა, რომ აქ ქორონიკონი
იგულისხმება და მ-ს შეცდომით დაწერილი სმ-ის მაგიერ, მაშინ გამოვა ქორონიკონსა
240-სა, რომელიც უდრის 1552 წელს, მაგრამ ეს შეუძლებელია, ვინაიდან რუსუდანი
შეირთო გიორგიმ 1563 წელს და ბაგრატ დაიბადა 1565 წელს (Brosset, H. G. II, I, p.
643). ბაგრატ და რუსუდანი ერთი და იმავე წელს გარდაიცვალენ, სახელდობრ 1578
წელს. ამიტომ წარწერა ეკუთვნის 1565-1578 წელს. ჩვენ უკვე ვნახეთ, რომ ერთი
მაცხოვრის ხატი მულახის საზოგადოების ჟამუშის ეკლესიისა ეკუთვნის ამ გიორგი
მეფეს და რუსუდან დედოფალს შვილით ბაგრატითურთ (იხ. ზემოდ, მე-2 ნომრით
აღწერილი ჟამუშის ნივთი). ამ ხატს მიბმული აქვს შემდეგი წარწერა მხედრულად:
ქ : შემოგწირე . მცირე :. შესაწირი :. ძეწკვი :. ესე :. მაცხოვარს :. ლატალისას :. მე :.
ჩიქუანმან :. ქაიხოსრომ :. ჩემს :. სადღეგრძელოდ :. და :. მერმე ჩემის :. ცოდვილის .
სულის :. საოხად :. და. საცოვნებლად:.
ეს ქაიხოსრო ჩიქოვანი იგივე ქაიხოსრო ჩიქოვანი უნდა იყოს, რომელიც თავის
ცოლით, ლასხიშვილის ქალით, წარმოდგენილია ფრესკებით ნაყურალეშის ეკლესიის
კედელზე, მე-17 საუკუნისა (იხ. ზემოდ ნაყურალეშის ეკლესიის აღწერა).
 4. ხატი ღვთის მშობლისა, ჩჩვილედი, ვერცხლისა, ნაჭედი, 21X17,5 სანტ.
შემკობილია 23 ძვირფასი ქვით, ქართული ხელობისა, მე-17 საუკუნისა (იხ. ფოტ. №
17034). ღვთის მშობელი წარმოდგენილია წელს ზევით, ძითურთ, რომელიც ერთობ
ზორბაა; მარჯვენა ხელით აკურთხებს, მარცხენაში გრაგნილი უჭირავს; სახე ღვთის
მშობლისა მოგრძოა; საბურავი თავისა გრეხილიანი გულამდის ჩამოდის; ყელი ღია
აქვს; ნიმბი სამ მეოთხედს მთვარის სახეს წარმოადგენს; ეზო და აშიები, აგრეთვე
ნიმბი, შემკობილია მხვეველი მცენარის სახეებით იმ რიგად, როგორც ეს ლევან მეორე
დადიანის ოქრომჭედლებს ჩვეულებრივ მუდამ ჰქონდათ მე-17 საუკუნეში. ზემოდ
წარწერა სახელისა მხედრულით: ქ დედა მღრთისა და ძე მისი. ქვემოდ, აშიაზე მეორე
მხედრული წარწერაა:
ქ :. მე : მამუკა : ვაჩნაძემ : გავაჭედინე : ხატი : ესე : ყოვლად : წმიდისა :.

5. ზარი შუა ტანისა მხედრულის წარწერით:

ქ . შემოგწირე :. ზარი : ესე :. მაცხოვრისა :. ლატალი-
სასა :. მე : აბაშიძემან :. ცაგარელ :. მ-ნ :. მამათ :. მთა-
ვარმ-ნ :. სვიმონ :. სულისა ჩმისა :. საოჴად :.
სვიმონ ცაგარელი ცნობილი არ არის.

6. ფარი, შეღრმავებული, ხისა, ტყავ-გადაკრული შიგნით, ხოლო გარეგან

შემკობილი წვრილი სპილენძის ნაჭრებით, 53,5X42 სანტ. (იხ. ფოტ. №17039).

7. რამოდენიმე ისარი ურთხლის ხისა, რკინის წვერებით.

8. დ. ბაქრაძეს უნახავს აქ სახარება, რომელსაც ასე აღვიწერს: სახარება ეტრატის,

ხუცურად ნაწერი. თავები დალაგებულია საეკლესიო საკითხავების რიგით;
სინესტისაგან ის შემპალია (გვ. 82). ეხლა სახარება აღარ მოიპოვება ეკლესიაში.

9. ხატი მაცხოვრისა, ოქროთი დაფერილის ვერცხლისა, 14 X11 სანტ. მაცხოვარი

წელსზევითია, წარწერით სახელისა ბერძნულად. აშიები შემკობილია მრგვალი
წრეებით და ფოლაქოვანი ორნამენტით. ხელობა ტლანქია.

10. ხატი წ-ა გიორგისა, ვერცხლისა, ნაჭედი, 18X8 სანტ. წმიდანი

წარმოდგენილია სრულის ტანით, შუბით და ფარით ჩვეულებრივად და წარწერით: წ-
ჲ გ-ი. ხელობა ტლანქია.

11. სამი წელსზევითი ხატი ღვთის მშობლისა, ჩჩვილედი, 14X11, 11X9,5 11,5X9,5
სანტ. ყველა ვერცხლისაა, ნაჭედი, მაგრამ დაბალი და გვიანი ხელობისა.

12. ხატი მთავარ ანგელოზთა, ვერცხლისა, მოყვითლული, 15X12 სანტ. ლამაზი

ხელობისა; აშიები მოძარცული აქვს, გარდა მარჯვენა ნაწილისა; მთავარ ანგელოზი
წარმოდგენილია სრულის ტანით, ლაბარუმით და ბურთით.

13. კონდაკი, დაწერილი ეტრატის გრაგნილზე, რომლის სიგრძე არის 2 მეტრი

და 21 სანტ. ნუსხა ხუცურის ხელით, არა უგვიანეს მე-15-16 საუკუნისა.
 ვერცხლეულობა მაცხოვარიშის ეკლესიისა. მაცხოვარიშის ეკლესიას დიდ ძალი
ვერცხლეულობა მოეპოვება, რომელიც ინახება კოშკში. მოგვყავს აქ მათი აღნუსხვა
და წარწერანი:

14. სურა, ვერცხლისა, ანუ უკეთ ვსთქვათ, ნახევარი სურისა, რომელსაც

იხსენიებს ს. სტოიანოვი (გვ. 390), ყველაზე უფრო საყურადღებოა თავის სილამაზით
(იხ. ფოტ. №17041), მისი სიმაღლე 35,5 სანტ. დიამეტრი ფართო ნაწილში – 29 სანტ.
ყელი საკმაოდ ვიწროა; ძირი არა აქვს მაინც ფართო და შესდგება ხუთი ზოლისაგან:
მუცელი ფართოა, ზემოდ თანთადან ვიწროვდება და მთელი ტანით დაყოფილია
მსხალის მსგავს ფიგურებით და შემკობილია ლამაზად ფურცლოვანის ორნამენტით.
ეს ყოფილა საკუთრება ორი კაცისა და რაკი გაყოფაზე სხვაფრივ ვერ შეთანხმებულან,
გაუჭრიათ შუაში და ეხლა დაცულია მხოლოდ ნახევარი; ქვემოდ ფსკერზე სურას
ჰქონია მხედრული წარწერა, რომლის ნახევარი იკითხება ასე:
ქ : ჵი ღ-თაებ . . . და ჩემმან :. ძმის წულმან კაციამ :. და :.
მისმან :. ძმებმა . შემოგწირეთ სურა . . .
წარწერა მე-17 საუკუნის უნდა იყოს ხელის მიხედვით, ხოლო თვით სურა, ჩვენის
აზრით, უფრო ძველია, ქართული ხელობისა. კაცია, წარწერაში მოხსენებული,
შეიძლება იყოს კაცია ჩიქოვანი, გიორგი ლიპარტიანის შვილი, რომელიც დადიანად
გახდა.

15. დიდი ბარქაში ვერცხლისა, რომლის დიამეტრი უდრის 34 სანტიმეტრს. ძირი

მისი გარედან შემკობილია მხედრულის წარწერით:
ქ : ჵი : საშინელო : მაცხოვარო : წალენჯიხისაო : შე-
მოგწირეთ : ბარქაში :. ესე :. ჩვენ :. დადიანმან :. პატ-
რონმან : ლევან : ამ :. სოფლისა : ჩვენდა : სადღეგრძე-
ლოდ : და : გასამარჯვებლად : მაგ : საუკუნოს : სულის :
სახსრად : და : საოხად : ლევან .
საუბარია, რასაკვირველია, ლევან მეორე დადიანზე (1657 წ. ).
შუაში უწერია: ლევან. ეს წარწერა სრულიად იმ რიგად არის ამოჭრილი,
როგორც ლევანი ხელს აწერდა ხელჩართულად მის მიერ გაცემულს სიგელებზე (იხ.
ფოტ. წარწერისა, №17042). როგორ მოხდა იგი, წალენჯიხის ბარქაში, ლატალის
საზოგადოების მაცხოვარიშის ეკლესიაში, არავინ უწყის.

16. თასი ვერცხლისა, რომლის დიამეტრი არის 27 სანტ. და რომელზედაც

გამეორებულია წინა ბარქაშის წარწერა სრულად, ლევანის ხელის მოწერითურთ (იხ.
ფოტ. №17043).

17. თასი ვერცხლისა, რომლის დიამეტრი არის 25 სანტ. მხედრულის წარწერით:

ქ: ეს : თასი : ბაკა : ჩიქუ(ა)ნის : არის .

ბააკა ჩიქოვანი უნდა იყოს გიორგი ლიპარტიანის შვილი, რომელიც ცნობილია
მე-18 საუკ. დასაწყისში (Bros. H. G. II, 1, p. 648).
 18. თასი ვერცხლისა, დიამეტრით 23 სანტ. მხედრულის წარწერით:

ქ :. ჩიქუანის :. ქალი :. თეთრუასი : -

19. ოთხი, ვერცხლის თასი, რომელთა დიამეტრი უდრი 17,5; 18; 19 და 20 სანტ.
უწარწერონი.

20. ვერცხლის ჯამი, 17,5 სანტ. დიამეტრით, მხედრულის წარწერით:

ქ : ციცისა .

21. ასეთივე ჯამი, 14 სანტ. დიამეტრით, უწარწეროდ.

22. ასეთივე ჯამი ვერცხლისა, 15 სანტ. დიამეტრით და წარწერით (იხ. ფოტ. №

17043):
ქ :. შენ :. სამებით :. ქებულო :. და :. ერთ არსებით :.
თაყუანის :. ცემულო :. მაცხოვარო :. ლატანიასო sic :.
ჩვენ :. ცვა :. მფარავთა :. თქვენთა :. მონდობილმან :.
მეფეთ :. მეფემ :. ალექსანდრემ :. შემოგწირეს :. ჯა-
მი :. ესე :. ჩვენათ . სადღეგრძელოთ და გასამრჯუებ-
ლათ :. და ცოდვათა : ჩვენთა :. შესანდობლათ :. ამინ .
აქ მოხსენებული მეფე ალექსანდრე უნდა იყოს იმერეთის მეფე ან ალექსანდრე
მესამე (1661 წ. ), ან ალექსანდრე მეოთხე (1695 წ.). თუმცა შესაძლოა აქ ის კახეთის
მეფე ალექსანდრე იგულისხმებოდეს, რომელმაც ასე მრავალი ზარები შესწირა
სვანეთის ეკლესიებს.

23. ასეთივე ვერცხლის ჯამი, უწარწერო.

24. ასეთივე ჯამი ვერცხლისა, ხელჩართული მხედრულის წარწერით: ლევან.

ეჭვს გარეშე, ეს ლევან მეორე დადიანია, ვინაიდნ მისი ხელის მოწერა იმ რიგად არის,
როგოც წინა ჭურჭლებზე.

25. ასეთივე ჯამი ვერცხლისა, 15 სანტ. დიამეტრით, უწარწერო.

26. ჯამი ვერცხლისა, 14,5 სანტ. დიამეტრით და მხედრული წარწერით:

ქ . მნიადორა (sic) ჯ-ნლიძის ქ-ლისა.

27. ჯამი ვერცხლისა, 16 სანტ. დიამეტრით და მხედრული წარწერით:

ქ : გულუანის : ქალის : ხვარამზესი :.

აქ იგულისხმება გელოვანის ქალი.
 28. ჯამი ვერცხლისა, 16 სანტ. დიამეტრით; შიგნით, ფსკერზე უზის ძვირფასი
ქვა ლალი და ფურცლოვანი ორნამენტი (იხ. ფოტ. №17044). აქვს მხედრული წარწერა:
ქ :. ეჰა : ყოვლად :. დიდებულო :. მაცხოვარო : ლატა-
ლისაო : შემოგწირე :. მც(ი)რე : და . კნინი : თასი :.
ესე :. ჩვენ ჩიქუანმან : ლიპარტიანმან :. ბატონმან :. გიორგიმ :. ჩვენას :.
სადღეგრძელოდ :. და : ჩემის :.
ცოდვილის :. სულის : საოხად :. და :. საცხონებლად :.
ამ წარწერაში იგულისხმება გიორგი პირველი, ლიპარტიანი, კაცია ჩიქოვანის
შვილი, რომელიც სამეგრელოს მმართველი გახდა 1681 წელს, (H.G. II, 1, P. 648).
ფსკერზე კიდევ აწერია: „ქ. ესე”.

29. ორი ვერცხლის ჯამი, 14,5 სანტ. დიამეტრით თითო, უწარწერო.

30. ვერცხლის ჯამი, 12 სანტ. დიამეტრით; ამას ფსკერზე აქვს შემკობილებანი

მსგავსად შუბების წვერებისა (იხ. ფოტ. № 17043).

31. ვერცხლის ღრმა ჯამ-ძაბრი, 9 სანტიმ. დიამეტრით, ძირი დახვრეტილი ძაბრს

წარმოადგენს, მხედრული წარწერით:
ეს ძაბრი სეხნია მუსელიანის არის.

32. კათხა ვერცხლისა 7,5 სანტ. დიამეტრით.

33. არაყის კათხა პატარა, ვერცხლისა, სვანურად კუანჩხუ, სახელურით,

13,5X16,5 სანტ. (იხ. ფოტ. № 17043, მარჯვნივ).

34. ვერცხლის დოქი, (№17044), წარწერით ფსკერზე (იხ. №17040):

ქ . ლიპარტიანი :. გიორგი .

აქ საუბარია გიორგი ლიპარტიანზე, მე-17 საუკუნისა, რომელიც თავის მამა

კაცია ჩიქოვანის შემდეგ გახდა პატრონი სამეგრელოსი 1681 წელს და რომელიც
მოხსენებული იყო ზემოდ №28 წარწერაში.

35. ზემო ნაწილი ვერცხლის დოქისა, მოოქრული სპარსულის რიგისა.

36. ბარძიმი, დიდი ვერცხლისა, შემკობილია ორნამენტებით (იხ. ფოტ. №17043).

37. აზარფეშა, დიდი ვერცხლისა, შემკობილი ორნამენტებით (იხ. ფოტ. №17043)

და მხედრულის წარწერით:
ქ ეჰა :. შენ . პატიოსანო :. ჩვენო :. მცველო :. და მფარ-
ველო :. მაცხოვარო : ლატალისა :. შემოგწირეთ :. ჩვენ
ლეჩხუმის :. ბატონმა :. ლიპარტიანის :. შვილმა :. ბე-
ჟან ესე :. აზარფეშა :. ჩვენდა :. გასამარჯვებლათ.
 ბეჟან ჩვენი წარწერისა არის ბეჟან პირველი, გიორგი ლიპარტიანის შვილი; ის
მართლა იყო მფლობელი ლეჩხუმისა, 1715 წელს გახდა დადიანად და გარდაიცვალა
1728 წელს. (H.G. II, 1, P. 648).

38. წყვილი ვერცხლის საყურე, სადა, დიდრონი, ერთი ერთმანეთში გაყრილი,

რომლის მსგავსი ხშირად მოიპოვება ხოლმე ოსეთის ძველ სასაფლაოებში (იხ. ფოტ.
№ 17045).

39. ორი თათრული ვერცხლის ფული (იხ. იქვე №17045).

40. სადაფი, ფეხსაცმელის მსგავსი (იხ. იქვე №17045).

41. თოფის წამლის ქილები, ანუ მასრები, ორნამენტით შემკობილნი, ვერცხლისა,

ძეწკვებით (იხ.ფოტ. №17038).

42. 1864 წელს აქ დაცული ყოფილა კიდევ ვერცხლის ლახტი, შემოწირული ბეჟან
რობაქიძის მიერ; ამის შესახებ მღვდელ-მონაზონი ბაქრაძე ასე მოგვითხრობს თავის
აღწერილობაში; ამასვე ეკლესიაშიდ (მაცხოვარიშის) არის ლახტი ვერცხლისა ბეჟან
რობაქიძისა, რომელასაც აწერია ესრეთ:
თვალად და ტანად ლამაზო, გულად ალმასო რკინაო,
რაზმის შემტევებელო, ფიცხლავ მიმსვლელო წინაო,
შეკაზმულ კაცს იჭირავ, ცხენის ფეხს გედვეს წინაო,
და ნეტარ თქუჱნ ლაშკარს წაბრძანდეთ, ვინც დაგიხვდებათ
წინაო!

მეორე ეკლესია მაცხოვარიშის სოფლისა არის მთავარ ანგელოზთა ეკლესია,

აშენებული განცალკევებულ მაღლობზე, მაცხოვარიშის ქვემოდ, თითქმის პირდაპირ
წ-ა იონას ეკლესიისა. ეს ისეთივე გეგმისაა და იმავე მასალიდან აშენებული, როგორც
იონას ეკლესია და მაცხოვრისა, მაგრამ თვალსაჩინო განსხვავებაც არის; ამის
საკურთხეველი გამოდის გარეთ მრავალ-წახნაგოვანად, და მასთან ეკვტერი
ნაწილობრივ ჩანგრეულია; შესავალი აქვს სამხრეთით და დასავლეთით; ფანჯრები:
ორი სამხრეთით და თითო აღმოსავლეთით და დასავლეთით; მას შერჩენილი აქვს
ძველი კანკელი, სამი კამარით და საკმაოდ კარგად შენახულის ფრესკებით;
ფრესკებით მოცულია აგრეთვე ყველა კედლები შიგნით ეკლესიისა, მაგრამ ძალზე
გამურულნი კვამლისაგან. საკურთხეველის კონქში წარმოდგენილია მაცხოვარი
მთავარ ანგელოზებითურთ; ქვემოდ, საკურთხეველის კედელზე ეკლესიის მამებია,
გრაგნილებით ხელთა: წ-ა სტეფანე, წ-ჲ კირილე, წ-ჲ ნიკოლოზ, ი-ნ ოქროპირი, წ-ჲ
ბასილი, წ-ჲ ეპიფანე, წ-ჲ სფირიდონ, წ-ჲ ფილიპე.
ჩრდილოეთის კედელზე: წ-ჲ დიმიტრი და წ-ჲ თ-ე.
დასავლეთის კედელზე: წ-ჲ ეკატერინე, წ-ჲ ბარბარე, იერუსალიმში შესვლა,
სული წმიდის მოფენა, ჯვარცმა და სხვა.
საკურთხეველის წინ ორი დიდი ხის ჯვარია, მაგრამ სულ გაშიშვლებული;
ფირფიტები მოუძარცვავთ. კანკელზე მოძარცული ხატის ფიცრები მრავალია. ერთ
კუთხეში ჩვენ ვიპოვნეთ რკინის ლახტი ექვს-ფრთიანი.
 სოფელი ლაჰილი.

ამ სოფლის სახეები იხ. ფოტგრაფიებზე №17444-17446, ხოლო გუნდი აქ

მცხოვრებ სვანებისა №17527.
ამ სოფელში სულ პატარა ეკლესია არის, ქვისა, წმიდის გიორგის სახელობისა.
შესავალი ერთი აქვს, დასავლეთიდან. ამ დასავლეთის მხრით მიშენებული აქვს
პატარა ხის ოთახი, ეკვტერის მსგავსად. კანკელი ძველია, ქვისა, სამის კამარით და
ერთის შესავალით. ფანჯარა თითო: აღმოსავლეთით, დასავლეთით და სამხრეთით.
ეკლესიაში დაგროვილია ხატები და ჯვრები სამი დანგრეული და გაუქმებული
ეკლესიიდან; ამათ შორის ერთი ეკლესია ყოფილა მაცხოვრისა და მეორე ღვთის
მშობლისა; ესენი თვით სოფელშია და ერთი მთავარ ანგელოზთა ნასოფლარ მუჰერში
(მუჰერი), მაღალ მთაზე, ლაჰილის ზემოდ. ეკლესიაში ინახება:

1. ჯვარი დიდი, კანკელის წინ დამყარებული, შეძერწილი ოქროთი დაფერილის

ფირფიტებით, რომელზედაც ბევრი მედალიონებია წმიდათა სახეებისა, ღვთის
მშობლისა, მთავრ ანგელოზთა და სხვათა და შემკობილია წერტილოვანი
ორნამენტით (იხ. ფოტ. №17050). მე-17-18 საუკ. უნდა იყოს.

2. ორი სრულიად ერთგვარი ჯვარი, კანკელის წინ დასადგმელი, ერთი 89X 51

სანტ. მეორე 81X54 სანტ. ორივე შეძერწილია მოოქრული ვერცხლის ფირფიტებით და
შემკობილია მრგვალი მედალიონებით წმიდათა, ღვთის მშობლისა ძითურთ და
სხვათა; ხელობა ისეთია, როგორც წინა ჯვარის (იხ. ფოტ. №№17055-17056).

3. ჯვარი გამოსასვენებელი, ოქროთი დაფერილი ვერცხლისა, მაგრამ ეხლა

გატეხილია და შეკრული იმ ადგილას, სადაც ჯვარცმაა შუაში გამოხატული; მარცხენა
ფრთაზე ღვთის მშობელი წარწერით: დ-და ღ-თისა, და მარჯვენა ფრთაზე: წ-ჲ ი-ნე მ-
ბლი (მახარობელი); ზემოდ მიქელ მთავარ ანგელოზი: მ-ქლ მ-თ. ქვემოდ წ-ჲ გ-ი,
ბურთი ანუ ვაშლი, რომელზედაც ჯვარია დამყარებული, შემკობილია რომბებით და
ფოლაქოვანი ორნამენტით (იხ. ფოტ. №17053). მეორე გვერდზე ლამაზი
ხლართულების ორნამენტია, სადა მედალიონებით (იხ. ფოტ. №17054). ხეტარზე,
რომელიც ვერცხლითაა შემოსილი, სწერია ასომთავრულით:
ქ : მცხვარო ლა-ლ-სო აშენე : ჴევი : მაშნბელნი და
შმმწჲრველნი : რომელთა შამკეს : ტარი : წჲდაი : შეი
(?) : და : გიჴსენ : განსცდელთგნ :. მოიჭ-და : ტაიბღის :
ხკანისასა .
უქარაგმოდ:
მაცხოვარო ლაჰილისაო, აშენე ჴევი, მაშენებელნი და შემომწირველნი, რომელთა
შეამკეს ტარი წმიდა შენი და გვიჴსენ განსაცდელთაგან. მოიჭედა ტაიბაღის (ანუ
ტაიბუღის) ხაკანისასა.
ჯვარი მე-15 საუკ. უნდა იყოს.
 4. ჯვარი ხისა, 54X34 სანტ. შეძერწილი ვერცხლის ფირფიტებით; ტლანქი
ხელობისა, სანახევროდ მოძარცულია.

5. ხატი წ-ა დიმიტრისა, ოქროთი დაფერილი ვერცხლისა, ნაჭედი, 27X19 სანტ.

წარწერით „დრობნიცებში“: წ-ჲ დ-ტრი. წმიდანი წარმოდგენილია სრულის ტანით,
რომაულ ტანისამოსით, გრძელის მოსასხამით; მარჯვენა ხელში შუბი აქვს, მარცხენა
დაუდვია მოგრძო, ლამაზად მოჩუქურთმებულ ფარზე. ეზო და აშიები ბალახოვანი
ორნამენტით არის შემკობილი და სადა მრგვალი მედალიონებით. ქვემოდ ცოტა
დაზიანებულია.
ორიგინალური მხარე ამ ხატისა არის თავი წმიდა დიმიტრისა, რომელიც ჩვენ
პირველად გვხვდება საქართველოში. ეს თავი ბროლისა არის, ბერძნულ-რომაულის
რიგისა, და ერთ-ერთი მათი ღვთაების თავის გამოსახულებას უნდა წარმოადგენდეს.
აქ კი ეს თავი ხელოვნურად და ოსტატურად ჩასმულია ნიმბში და ისე
გაერთიანებულია ყელთან, რომ ადვილად ვერ შეამჩნევთ, რომ ეს ხატთან ერთად
მთელს ერთ ქმნილებას არ წარმოადგენს. პირის სახე ამისი მრგვალია, თვალები
დიდი, თმა ტალღოვანი, გაყოფილი შუაში. ეს განცალკევებული თავი არაფრით
შეერთებული ან დამაგრებული არ არის ხატის ნაწილთან, ასე რომ ადვილად
შეგიძლიათ გამოიღოთ და შემდეგ ჩასვათ თავის ადგილზე (იხ. ფოტ. №17049). ხატი
უნდა ეკუთვნოდეს მე-14 საუკ.

6. ხატი მთავარ ანგელოზის გაბრიელისა, ოქროსი, ნაჭედი, 30X23 სანტ. მთავარ

ანგელოზი წარმოდგენილია სრულის ტანით, რომაული საომარი ტანისამოსით,
მაგრამ ფრთებით; მარჯვენა ხელში უკავია ამოწვდილი ხმალი; მარცხენა ხელი
დაზიანებულია, მაგრამ ეტყობა, ის ხმლის ქარქაშზე ედვა; წრე თავის შემკობილია
ექვსი ძვირფასი ქვით; სხვა შვიდ ძვირფას ქვათა შორის, რომელნიც ამ ხატზე
მოიპოვება, ორი ბეჭდის თვალია (კამეი), ერთი ჯვრებით არის შემკობილი და ერთიც
ქვემოდ მუსულმანურის წარწერით. ზემო და ქვემო აშიები შემკობილი ყოფილა
ბროწეულის ყვავილების ორნამენტებით, მაგრამ ქვემო აშია მოშლილია, და
ფირფიტების ქვემოდ ცვილის სარჩული მოსჩანს. ეზო ხატისა და მარჯვენა აშიები
ბალახოვანის ორნამენტებით არის შემკობილი. ფრთების ზემოდ, ორივე მხარეს, არის
წარწერა სახელისა: წ-ჲ მთ-ვრნგლზი (იხ. ფოტ. №17047); ზურგი ხატისა ოქროთი
დაფერილი ვერცხლისაა, შემკობილი ლამაზი ხლართულებით კუთხეებში, ხოლო
შუაში, ჯვარის გამოსახულების ირგვლივ, წარწერა დიდრონის ასომთავრულით (იხ.
ფოტ. №17048).
ქ წო :. მთ-ვრნ
გელოზო :.
მჳხერ-სო :. ჴელთჳ
ქმარო :. ადიდენ :. მე
ფენი :. ბაგრტონიანნი ; დადიანი :. და
დიდებჳლნი :. და ერ
თობლი :. საქრთელო :. და :. ერთობლნი :. სან
ნი და ჴევი :. ლატალისა :. და აღაშენე :. მა
შენებელი (sic) :. შენი :. სოფელი :. ლაილისა :.
და : ყვლნი :. მადიდებელნი :.
 შენნი :. ამნ:.
მე :. მამსახლისსა :. ც
ოდვლსა :. და დეკნ
ოზა :. აბრამს :. შეჳნ
დევნ :. ღნ :. :.
წმიდაო მთავარ ან-
გელოზო
მუხერისაო, ჴელთ-
უქმარო, ადიდენ მე-
ფენი ბაგრატონიანნი, დადიანი და
დიდებულნი და ერ-
თობილი საქართველო და ერთობილნი სან-
ნი და ჴევი ლატალისა და აღაშენე მა-
შენებელი შენი სოფელი ლაილისა
და ყოველნი მადიდებელნი
შენნი, ამინ.
მე მამასახლისსა ცოდ-
ვილსა და დეკანო-
ზ(ს)ა აბრამს შემინ-
დევინ ღმერთმან.
ხატი უნდა ეკუთვნოდეს მე-13-14 საუკუნეს. დ. ბაქრაძე მას აკუთვნებს მე-10-11
საუკუნეს (გვ. 86087). საკვირველია, რომ სხვა წარწერებს და ნივთებს ამ ეკლესიისა ის
სრულიად არ ეხება; უვაროვისას და ა. ხახანაშვილს ეს ეკლესია არ უნახავთ
სრულიად.

7. ხატი წ-ა ანასი, ოქროთი დაფერილი ვერცხლისა. ნაჭედი, 53X40 სანტ. წმიდანი
წარმოდგენილია სრულის ტანით, მარჯვენა ხელში ჯვარი უჭირავს; მარცხენა,
ვედრების სახით, გულზე აქვს გაშლილი; თავის წრე დიდია; მის აქეთ-იქით წარწერა
სახელისა: წ-ჲ ა-ნა. არე ხატისა ვენახის ყლორტების მსგავსად არის შემკობილი; აშიები
რომბ-ლურსმულია, ლამაზი, მრგვალი მედალიონებით წმიდათა; წარწერა
სახელებისა ყველას აქვს; ზემოდ მაცხოვარია და მთავარ ანგელოზნი; აქეთ-იქით:
პეტრე და პავლე. ქვემოდ: ქ-ა ბასილი, წ-ა კირილე და წ-ა კვირიკე (იხ. №17046).
ხელობა საკმაოდ კარგია, მე-15-16 საუკუნისა.

8. ხატი მაცხოვრისა, ოქროთი დაფერილი ვერცხლისა, 21X17 სანტ. მაცხოვარი

ტახტოსანია, ჩვეულებრივის სახით; წარწერა სახელისა ქართულ-ბერძნული,
შერეული ასოებით. აშია ჭადრაკული. რომბებით, ორ-ფოლაქოვან წრეს შუა, ლამაზი,
მე-16-17 საუკუნის უნდა იყოს (იხ. ფოტ. 17051).

9. ხატი მიქელ მთავარ ანგელოზისა, ვერცხლისა, ნაჭედი, 19X16 სანტ. მთავარ

ანგელოზი წარმოდგენილია სრულის ტანით, ბიზანტიურ სამეფო ტანისამოსში,
ლაბარუმით მარჯვენა ხელში. მარცხენა მხარე მოშლილია (იხ. №17951). აშიები რომბ-
ლურსმულია. მე-17 საუკუნის უნდა იყოს. ქვემოდ, ძლივს შესამჩნევი წარწერა აქვს:
 წ-ო მქ წმიდაო მიქელ,
შმწლ შემიწყალე
ქუჩმ ქუჩ-
ოი ოქრ მოი ოქრო-
მჭდ მჭედ(ელი).

10. ხატი ჯვარცმისა, ვერცხლისა, ნაჭედი, 16,5X13 სანტ. დაზიანებულია

ნამეტნავად ჯვარცმის ფიგურა; წინამდგომნი უკეთ არიან დაცულნი; აშია
ფოლაქოვანია; ხელობა ერთობ ტლანქია, მე-18-19 საუკუნისა (იხ. №17052).

11. პატარა ხატი ღვთის მშობლისა, ჩჩვილედი, 12X10 სანტ. ყოფილა წამლით
დახატული; მხატვრობა სულ მოშლილია. ღვთის მშობელი წელსზევითი ყოფილა
ძითურთ. აშიები ლამაზი ხელობის არის; მარჯვენა ნაწილი მოძარცულია; მაცხოვრის
სახე კიდევ მოსჩანს (№17052).

12. ხატი ღვთის მშობლისა, ვერცხლისა, ნაჭდი, 33X17 სანტ. ქვემოდ აშიაზე წ-ა
გიორგია და წ-ა თეოდორე; ტლანქი ხელობისა არის.

13. რამდენიმე ბეჭედი სხვა და სხვა სახისა, ერთ მათგანზე მხედრულად აწერია:
„მათე“.

14. სამაჯური, მწვანე მინისა, რომელ გვარიც იპოება ხშირად ძველ

სასაფლაოებში; ალბათ იქიდან არის ამოღებული.

15. სამაჯური სპილენძისა, აგრეთვე ძველი სასაფლაოდან უნდა იყოს

ამოღებული.

16. დოქი, ჭურის ანუ ქვევრის მსგავსი, სპილენძისა, ლამაზად შემკობილი

გრავიურით, აღმოსავლური ხლართულებით. ვიპოვნეთ ნაგავში, კუთხეში
მიგდებული. დიდათ გაჭუჭყიანებული და გასვრილი; რაც შეგვეძლო, გავსწმინდეთ
და ეს სურათები გადმოვიღეთ (იხ. ფოტ. №№17057 -117058).

17. სახარება, უცნობი ლიტერატურაში, ეტრატზე დაწერილი ნუსხა ხუცურით,

25X17 სანტ. ხის ტყავ-გადაკრულ ყდაში, რომლის ზემოდ ოქროთი დაფერილი
ვერცხლის ფურცელია ზედ ნაჭედი ფიგურებით. პირველ გვერდზე წარმოდგენილია
ჯვარცმა, წინამდგომებითურთ, ღვთის მშობლით და იოანეთი. ფირფიტა
საზოგადოთ დაბალი ხელობის არის და მასთან დაზიანებული; პირის სახე
ჯვარცმულისა და ღვთის მშობლისა მოშლილია; ზემოდ და ქვემოდ ჯვარცმის
კომპოზიციისა ეხლა დარჩენილია ორ-ორი მედალიონი კუთხეში; შუა მედალიონები
აღარ არის. ზემოდ ყოფილა ვედრება, მაგრამ მაცხოვარი შუაში აღარ დარჩენილა;
შენახულია ღვთის მშობელი და იოანე; ქვემოდ მახარობლებია; შუა აკლია. ყდა
შემკობილია ძვირფასი ქვებით, მაგრამ ბევრი აკლია (იხ. ფოტ. №17020). მეორე
გვერდზე ყდისა, შუაში, ღვთის მშობელია ჩჩვილედი, წელსზევითი, ბერძნულის
წარწერით სახელისა. ზემოდ აქაც ვედრება ყოფილა, მაგრამ მაცხოვარი არ შენახულა.
ქვემოდ იქაც იგივე მახარობლები, მაგრამ შუანა აკლია (იხ. ფოტ. №17021). ეს ყდა მე-
15-16 საუკუნის უნდა იყოს.
თვით ტექსტი სახარებისა ნუსხა ხუცურით ნაწერი უფრო ძველია მე-13-14
საუკუნისა. ტექსტი იწყება ევსების წერილით კარპიანესთან: „ევსები კარპიანეს
საყვარელსა ძმასა ღ-ისა მ-რ გითხავ“ (sic). თითოეული სახარების წინ სათვალავია
თავებისა; ბოლოში დღიური საკითხავების მაჩვენებელია. სულ ხელნაწერში 23
რვეულია; რვეულში 8 ფურცელი. მარკოზის სახარების ბოლოს, ტექსტის ხელით
სწერია:
წ : სხელითა ღ-ისაჲთა / აღდგომისა ეკლესიასა შ-ა წ-ე
საფლ-ვს ქ-სა : მე ც-დვლმ-ნ : და უმეცარ / მ-ნ და
უცბად მჩხრეკლ/მ-ნ : ი-ნე ქსცხიანისა შვი/მ-ნ : ჴ-ლ
ნაკლულმ-ნ გ-გლ : ჴ-ლვყ-ვ აღწერად წ-თა ამ-თ ოთ/-
თვ-თა : და შევსწირე/ სუანეთს : წ-ა მთ ვრა/ნგლზსა :
მუხერისა : ვი/ნცა და რამ-ნცა კ-ცმ/მნ : და / რჲთცა
ს-ქმითა გ-მოაჴ/უას : ჰრისხავსმცა/მამა ძე და ს-ლი წ-ჲ :
და /კ-ნსცა ქუჱშე არს/ვ-რ იჴმარებდეთ : მე /და მ-მა
ჩ-ი ი-ნე : და დედაჲ / ირინე (?) მოგჳჴსენენ : რ-ა /
თ-ქნცა მოგიჴსენ-ს ღ-ნ ს-სფლსა მისსა ა-ნ : კუამლისგ-ნ
შეინახეთ ღამე . .... ნუ ვინ მიუშვებთ .
ფხტითერისა დეკანოზისა / ჴ-ლითა გ-მომიგზ-ვნია მ-სცა
შ-ნ ღ-ნ . ტილოს შ-ა შემიკრა/ვს : ჩ-მო ძმაო მ-ქლ
შ-ნდა სასუდ რედ დაიმჭირე :.
უქარაგმოდ:
წ. სახელითა ღმრთისაჲთა აღდგომისა ეკლესიასა შინა, წინაშე საფლავისა
ქრისტესსა, მე ცოდვილმან და უცბად მჩხრეკელმან იოანე ქსცხიანისა-შვილმან, ჴელ
ნაკლულმან, გრიგოლ ჴელ ვყავ აღწერად წმიდათა ამათ ოთხთავთა და შევსწირე
სუანეთს წმიდასა მთავარანგელოზსა მუხერისა. ვინცა და რამანცა კაცმან და
რაჲთამცა საქმითა გამოაჴუას, ჰრისხავსმცა მამა, ძე და სული წმიდაჲ, და კანონსაცა
ქუჱშე არს. ვითარ იჴმარებდეთ, მე და მამა ჩემი იოანე და დედაჲ ირინე მოგჳჴსენენ,
რათა თქუჱნცა მოგიჴსენოს ღმერთმან სასუფველსა მისსა, ამინ. კუამლისაგან
შეინახეთ, ღამე სანთელსა1 ნუ ვინ მიუშვებთ.
ფხტითერისა2 დეკანოზისა ჴელითა გამომიგზავნია, მასცა შეუნდვენ ღმერთმან.
ტილოსა შინა შემიკრავს, ჩემო ძმაო მიქელ, შენდა სასუდრედ დაიმჭირე.
მამა ბაქრაძე თავის 1864 წ. აღწერილობაში ამ სახარების შესახებ სწერს: სახარება
ოქროთი მოჭედილი, რომელიცა შეუწირავს მუხერის მთავარ ანგელოზის
ეკლესიისათვის იონე ქარცხიანნის (sic) ძესა გრიგოლს.
ეჭვს გარეშეა, გადამწერი სახარებისა გრიგოლ სვანი ყოფილა, მუხერის
სოფლიდან და სახარება მას გადაუწერია იერუსალიმში, ქრისტეს აღდგომის
ეკლესიაში და გამოუგზავნია ფხტითერის დეკანოზის ხელით, ცხადია აგრეთვე
სვანის. ყველა ეს იმის მაჩვენებელია, რომ სვანებსაც, როგორც სხვა ქართველებს,
ხშირი მიმოსვლა და კავშირი ჰქონიათ იერუსალიმთან და სხვა წმიდა ადგილებთან.
ყურადღების ღირსია, რომ ჩვეულება ეკვტერებში ცეცხლის დანთებისა, საიდანაც
კვამლი შედიოდა ეკლესიაში და ფრესკებს და ნივთებს აფუჭებდა, ძველ დროშიც
ადათად ჰქონია სვანებს.
არა ტექსტის ხელით მინაწერთა შორის ერთი დაწერილია ხუცურად; ნიშნებს
ჩვენ ვუმატებთ, სხვა უცვლელად მოგვყავს:
სახელითა ღ-ჲთა მ-მისა ძისა და სლისა წი-საჲთა მ-ცხრი-
სა ლაჰილისათ-ს შემიწირავს ქუჱმო პუშარს ერთი ყანაჲ
მე ლაზარე შაურეგიანმან და ჩემმან მეუღლემან მარინა
ჩ-ნისა ს-ლისათ-ს შეგჳწირავს. აწ ჩემითა პირითა ესრე
დამისკუნია : ვისცა მაცხოვრისა კლიტე ჰქონდეს, იგი-
ცა ყანაჲ მ-ს ჰქონდეს . ლაზარეს აღადგინებასა დღესა
ჩემი აღაპი ჰქენით . რაჲზომცა ლაიჰილს ხუცესი იყოს,
ყუჱლამან ჟამი მიწირეთ და სული ჩუენი ღმერთსა და
მაცხოვარსა ლაჰილისა შეჰვედრეთ. და მასპინძელი, ვის-
ცა კლიტე ჰქონდეს, იგი იყოს. ჩემისა სახელისა ერთი
კაცი, ვინცა უხუცესი იყოს, იგიცა დაიხუჱდრეთ . . რო-
მერლმანცა კაცმან ჩუენთჳს შენდობაჲ ბრძანოთ, ღ-ნ
თქუენცა შეგინდოს ა-ნ. რომელმანცა კაცმან ესე ესრე
გამითაოს, კურთხეულმცა არს იგი კაცი ქ-ეს პირითა,
რომელმან ესე შეშალოს, კრულმცა იგი კაცი ქ-ს პირითა.
სხვა წარწერები მხედრულის ხელით არის შესრულებულ და ყველა ეხება
საზოგადოებათა ხელშეკრულობას საერთო მოქმედების შესახებ მტერთა წინააღმდეგ.
მომყავს ორი წარწერა უცვლელად:
ქ : მაცხოვრისა ლაილისა მთავარანგელოზისა მოხერისა
თავსმდებობითა და შოვამდგომლობითა დავსწერეთ და
დავდევით დაწერილი ესე ჩ-ენ ერთობილთა ლაილელთა
დიდმან და მცირემან ყ-ელამან ერთმანეთისა ნდომითა
და დამოწმებითა მტკიცე და უქცეველი ყოვლისა მიზე-
ზისაგან უმიზეზი მას ჯამსა უდეს ჩ-ენ შიგან დაშლით
ვიყვენით იგი ჰავად მოგ(ვ)იჴდა. მერმე გავიგონეთ და
დავამტკიცეთ ეს ერთი ლაჰილისი საქმე ამა პირსა ზედა
თავად თუ ერთობილს სვსიმათოდ წამგკიდოს და მერმე

________

1 ეს სიტყვა აზრით მოგვყავს, დედანში წაშლილია.

2 ამაში უნდა იგულისხმებოდეს ეხლანდელი სოფელი ფხოტრერი ეწერის თემისა,
სადადეშკელიანო სვანეთში.

ერთს და ანუ ურს ვინგინდა იყოს ანუ ერთი კაცი იყოს

და ანუ ქ-ეყანაი იყოს ვინ გინდა ლაჰილელი კაცი იყოს
საჰაოდ და სამაჯნდ არ გაუსცეთ იგი კაცი ერთობილმან
გურეთად უშელოთ: მისთა პირობითა არ გავეყაროთ
არას კაცის გლისი არას ქრთამისათუის არას მიტირვე-
ბისათუის არ გავეყაროთ სხუებრ საერთოი ლაჰილისა
 საქმესა ზედა რითაც საქმითა იყოს ფათარაკსა შიგან
ჩიტრეს გინდა ერთი იყოს გინდა ური იყოს მაშინც
მაცხოვარი და მთავარ ანგელოზი არის პირი და პასოხის
გამცემი. ვისცა გარეგანისა კაცისა მოჴმარებაი გამოვა-
ჩინ(ე)თ ანუ იდამალ ანუ ცხადად ანუ მთისა და ანუ
ბრისა ანუ რაიცა უკესი ყანაი ედგას ამა კაცსა პატივად
დამიც მთავარანგელოზისთუის შემოგიწიროს.
სახელითა ღ-საითა მამისა ძისა და სილისა წმიდისაითა
თავსდებობითა და შუამდგომელობითა მოხურისა მთა-
ვარანგელოზისაითა დავწერეთ დაწერილი ესე მტკიცე და
უქცეველი ჩუენ ერთობილთა ლაჰილელთა მას ჟამსა
უდეს მოგინდა ერთმანეთისა ნდომითა და დამოწმე-
ბითა ვამტკიცეთ ჩუენი საქმე ამა პირსა ზედა ჰვითა კაც-
თა ჰავად ქნაი მოგეწყინა რაი შინით ხასტაგი წავასხათ
და ლაყელ ზე შეიაროს და ცხენისა პარვითა გინდა ხას-
ტაგისა პარვითა მალვით რაიცა კაცისაგან დაეკლების
რაი გინდა გამოჩნდეს ჩუენ დავაურვებინოთ. ნახევარი
პატრონსა იმას, ნახევარი ერთობილთა ლაჰილელთა იყოს
ამა ქვეყნის მპარავი ვინც არ გაცხადოს ერჲ ჴარი წაო-
ღოთ . . . ერთობილთა დიდთა და მცირესთა და უმცროს-
თა დამტკიცებული მოშალოს. . . (შემდეგ წყევლაა, ვინც
მოშლის პირობას, იმის წინააღმდეგ).

18. მამა ბაქრაძე თავის აღწერაში შენიშნავს შემდეგს: ეკლესია მაცხოვარისა

მუნვე ლაილს გაუქმებულ არს. აქ არს წიგნი მცირე ფურცლით, გეონ მდინარის
მოთხრობა, რომელიც მიდის ის მდინარე ინდოეთში.

სოფელი ლახუშტი.

სოფელი ლახუშტის მდებარეობა, სახე და მწვერვალი უშბას მქრალი

გამოსახულება იხ. ფოტ. №№17448-17449. ჯგუფი ამ სოფლის სვანთა: ქალთა,
მამაკაცთა და ბავშვთა იხ. ფოტ. №17526. ამ სოფლის ეკლესია მაცხოვრისა ახალია,
მაგრამ მასში ინახება საკმაოდ ბევრი ხატი, თუმცა, სამწუხაროდ, გაფუჭებული და
გაძარცული.

1. ჯვარი გამოსასვენებელი, მოოქრული ვერცხლისა, ნაჭედი, დამყარებულია

ხეტარზე; ხეტარი ვერცხლითაა შეძერწილი, ახლავს ბურთები და ორნამენტი; 39X29
სანტ. ბოლოები ჯვარისა მრგვალია და მათში წმიდათა მედალიონებია მოქცეული,
შუაში ჯვარცმაა; ჯვარცმულის ქვეშ ადამის თავი ისეა წარმოდგენილი, როგორც
ცოცხალი; წარწერა ჯვარს აქვს ზემოდ შერეული ქართულ-ბერძნული ასოებით.
მთელი არე ჯვარისა საცერის მსგავსი ორნამენტითაა შემკობილი. მარჯვნივ და
მარცხნივ მედალიონებში ღვთის მშობელი და იოანე ღვთის მეტყველია; ზემოდ
მაცხოვარი: ქვემოდ: წ-ი გ-გი. ჯვარს უზის ოთხი ძვირფასი ქვა (იხ. №17064).
ზურგზე ჯვარისა მედალიონებში წარმოდგენილნი არიან: შუაში ღვთის
მშობელი, ზემოდ და ქვემოდ მთავარ ანგელოზნი; აქეთ-იქით მახარობელნი; ზევიდან
ქვემოდ, მთელს ჯვარზე წარწერა არის დიდრონის ასომთავრულით (იხ. №17065):
ქ ძელ :. ც ძელო
ხორ ცხორე-
ბ სავ :.
- ბისავ,
შეუ შეუნ-
დვნ : დვენ
ცდვ ცოდვა
ნ მსნ :. ნი მისნი
ადს :. კ ადს კა-
:. ხანს და მს ხიანს (?) და მის
მუღ მეუღ-
ლსა ლესა
ნთლს . ნათელს.

ძნელი სათქმელია, როგორ უნდა წავიკითხოთ ჯგუფი: „ადს“ : კხანს“, – „ადს

კახანს“, თუ „ადამს კახიანს“, თუ სხვა. ჯვარი მე-15-16 საუკუნის უნდა იყოს.
ნიშნებად წარწერაში სამი ვერტიკალური წერტილია.

2. ჯვარი დიდი, ხისა, კანკელის წინ დასადგმელი, 92X47 სანტ. შეძერწილია

ვერცხლის ფირფიტებით, რომლებზედაც წარმოდგენილნი არიან წმიდათა
ფიგურები: ზემოდ მაცხოვარი ტახტოსანი; ქვემოდ ღვთის მშობელი ჩჩვილედი,
ბერძნულის წარწერით სახელისა. მას ზემოდ წ-ა გიორგი, სრულის ტანით; ამას
ზემოდ: მოციქული; მარცხენა ფრთაზე ღვთის მშობელი ჩჩვილედი; მარჯვენაზე
მთავარ-ანგელოზი; შუაში: შემკობილი უმბო (იხილე №17068 და 12069).

3. ჯვარი ხისა, 39X18 სანტ. შეძერწილია ვერცხლის ფირფიტებით და მათზე

წარმოდგენილ წმიდათა სახეებით (იხ. 17066). ზემოდ არის ჯვარცმა; ქვემო მკლავზე
სამ-სამი ფიგურა, მარჯვნივ და მარცხნივ თითო; სახელები არ აწერია; შემკობილობა
არეთა რომბ-ლურსმულია და ფოლაქოვანი. მე-16-17 საუკუნის უნდა იყოს.

4. ხატი ღვთის მშობლისა, ჩჩვილედი, ვერცხლისა, ნაჭედი, 48X37 სანტ. ღვთის

მშობელი წარმოდგენილია გამობერვით, ძითურთ, მთელის ტანით; ტანისამოსი
ერთობ ხშირად და ღრმად დანაოჭებულია; წარწერა სახელისა „დრობნიცებში“
ბერძნულია და ისიც შეცდომით. არე ხატისა ფურცლოვანის ორნამენტით არის
შემკობილი; აშიები რომბ-ლურსმული, წმიდათა მედალიონებით, რომელნიც ასე
არიან განაწილებულნი: მარჯვნივ, ზემოდ და ქვემოდ კუთხეებში ვედრებისა ღვთის
მშობელი; შუაში, აგრეთვე ზემოდ და ქვემოდ: მთავარ ანგელოზნი; მარცხნივ
კუთხეებში, ზემოდ და ქვემოდ წ-ა გიორგი, სრულის ტანით, ხოლო შუაში, მარჯვენა
და მარცხენა აშიებზე წ-ა დიმიტრი, სრულის ტანით (იხ. №71062 და 17069); აშიები
უკეთესი ხელობისაა, ვიდრე თვით ხატი, რომელიც მე-16-17 საუკუნეს უნდა
ეკუთვნოდეს.

5. ხატი დიდი, ღვთის მშობლისა, ჩჩვილედი, 90X62 სანტ. ოქროთი დაფერილი

მორთულობით; თვით სახეები წამლით დახატული დაზარალებულია (იხ. №17059).
აშიები და ნიმბი თხელი ბასმისაა, შემკობილი მქრთალი გამოსახულობით წმიდათა,
მდარეა. წარწერა სახელების ხუცურია, მაგრამ გადმობრუნებული ასოებით. წ-ა
პეტრეს სახე: პ-ე, სამჯერ არის გამეორებული. ქვემოდ ეტყობა ნაშთი წარწერისა; მე-18
საუკუნის უნდა იყოს.

6. ხატი ღვთის მშობლისა, ჩჩვილედი, 81X51 სანტ. ყოფილა წამლით დახატული,

რომელიც სრულიად გამქრალია; მორთულობა ოქროთი დაფერილი ვერცხლისაა,
მაგრამ დარჩენილია მხოლოდ ზემო ნაწილი აშიებითურთ (იხ. №17061). ნიმბი
ბალახოვანი ორნამენტით არის შემკობილი; აშიები რომბ-ლურსმულია სამი
მედალიონით ზემოდ, მაცხოვრისა და მთავარ ანგელოზთა, მდარე ხელობისა, მე-16-
17 საუკ. უნდა ეკუთვნოდეს. წარწერა სახელისა ბერძნულია.

7. ხატი ღვთის მშობლისა, ყოფილა წამლით დახატული, რომელიც გამქრალია,

26X119 სანტ. მოცულობა ოქროსი ლამაზი ხელობისა, მე-12-13 საუკუნისა (იხ. №
17066). წარწერა სახელისა ბერძნულია; აშიებზე ყოფილა წარმოდგენილი ბევრი
წმიდათა ფიგურები, აგრეთვე წამლებიანი; მოსჩანს ნაშთები 11 წმიდანისა,
წარწერებით: წ-ჲ მაკარი, წ-ჲ ონოფრე, ი-ე დამასკელი, წ-ჲ თევდორე, წ-ჲ ჯ-ე
(ჯერასიმე); ქვემოდ ყოფილა წარწერა; დაცულია ნახევარი, მარცხენა ნაწილი:

: ქ : წ-ო გ-ე (sic) წმიდაო გევედრები (?)

მფალ ექმენ დ მფარველ ექმენ დ. . .

8. ხატი მაცხოვრისა, 84X59 სანტ. ყოფილა წამლით დახატული, რომელიც ეხლა

გამქრალია; მორთულობა ოქროთი დაფერილი ვერცხლისა, ესე იგი დიდი ნიმბი და
აშიები, ყველა რომბ-ლურსმული ორნამენტით შემკობილი, დაცულია (იხ. №17060).
მე-16-17 საუკ. უნდა იყოს.

9. ხატი, პატარა, ღვთის მშობლისა, ჩჩვილედი, ოქროთი დაფერილი ვერცხლისა;

წინა პირი ერთობ დაზიანებულია; ზურგზე დაცულია წარწერა (იხ. №17066):

ქ : დედაო : ღთსაო : მე დედაო ღმრთისაო, მე-

ოხ : მექმენ : დღს : ოხ მექმენ დღეს
განკთხვსას განკითხვისას
წ-ე : ძი წინაშე ძი-
სა : შენსა : მამ სა შენისა მამ-
კობსა : ხ-ტსა : შე კობსა ხატისა შე-
ნსა : სასა : მ-ნსა : შ ნისა სასა(ს), მონასა
ენსა : შენსა.
 საკუთარი სახელი რჩება „სასა“; რომ ამას ქარაგმა ჰქონდეს, შეიძლებოდა
წაგვეკითხა ”სასანსა“.

10. ხატი კარედი ღვთის მშობლისა, 38X28 სანტ. ყოფილა წამლით დახატული,
რომელიც ეხლა გამქრალია; მოცულობა ოქროსი, კარგი ქართული ხელობისა, მე-12-
13 საუკ. ნაწილობრივ დაცულია (იხ. №17070). კარებზე გარედან ყოფილა სურათები
მთავარ ანგელოზთა; შიგნით, შუაში, ღვთის მშობელი ჩჩვილედი; მათი ნიმბები
შემკობილია მარგალიტებით და სხვა ძვირფასი ქვებით. კარებზე, შიგნით, ზემოდ
ორივეზე მთავარ ანგელოზებია; ქვემოდ: წ¯ა ქალწულნი, ჯვრებით ხელთა და
გვირგვინებით თავზე.

11. ხატი ღვთის მშობლისა ჩჩვილედი, 48X36 სანტ. ყოფილა წამლით დახატული,
მაგრამ ეხლა გაფუჭებულია; მოცულობა ოქროთი დაწერილი ვერცხლისა, ესე იგი,
ნიმბები და მარცხენა აშია საუცხოო ნახელავია, მე-12-13 საუკ. (იხ. №17071). წარწერა
ასომთავრულით: დ-დი ღ-თი. ნიმბები შემკობილია ძვირფასი ქვებით.

12. ხატი ღვთის მშობლისა, ვერცხლისა, ნაჭედი, 20X15 სანტ. ღვთის მშობელი
წელსზევითია, ვედრების სახით. წარწერა: დ-დ ღ-ს. აშიები რომბ-ლურსმულია,
ფოლაქოვან წრეებში; ხელობა მე-17 საუკ. უნდა ეკუთვნოდეს (იხ. №17063).

13. ხატი წ-ა გიორგისა, ოქროთი დაფერილი ვერცხლისა, 25X19 სანტ. წმიდანი
წარმოდგენილია სრულის ტანით, მძიმე, ვაჟკაცის სახით, რომაულ საომარ
ტანისამოსით; მარჯვენა ხელში შუბი უჭირავს; მარცხენა ფარზე აქვს დადობილი;
წარწერა სახელისა: წ-ჲ გ-ი. აშიები მოძარცული აქვს (იხ. №17063). მე-16-17 საუკუნის
უნდა იყოს.

14. ხატი მიქელ მთავარ ანგელოზისა, ოქროთი დაფერილი ვერცხლისა, 25X17

სანტ. ნაჭედი, თითქმის სულ მოშლილია; დარჩენილია მხოლოდ თავი წარწერით: წ-ი
მ-ქელ, და ნაწილი აშიისა, ლამაზი ხელობისაა.

15. ხატი ღვთის მშობლისა, ყოფილა წამლით დახატული, რომელიც მოშლილია;

დაცულია ნიმბი და აშიები მოოქრული ვერცხლისა, ლამაზად შემკობილი; აშიებზე
მარჯვნივ და მარცხნივ ორი წმიდა მხედარი არის, სრულის ტანით, ფარით და
შუბებით (იხ. №17068).

16. ხატი ღვთის მშობლისა, წ-ა ეკატერინესი და წ-ა ბარბარესი, 26X21 სანტ.
ყოფილა წამლით დახატული, რომელიც ეხლა სრულიად მოშლილია; დარჩენილია
მოცულობა ზემო ნაწილისა ნიმბებით, ოქროთი დაფერილის ვერცხლისა. აშიები
რომბ-ლურსმულია. მარჯვენა აშიაზე თავია რომელიღაც წმიდანისა; წარწერები
სახელებისა ასომთავრულია (იხ. №17066).

17. ხატი, პატარა, ღვთის მშობლისა, ჩჩვილედი, 10,5X9 სანტ. ოქროთი

დაფერილი ვერცხლისა; ღვთის მშობელი წარმოდგენილია სრულის ტანით და
წარწერით: დ-ჲ ღ-ჲ. აშიები სამის კედრით აღარა აქვს; დარჩენილია მხოლოდ
მარჯვნივ, ტალღისებური ზოლით (იხ. №17066).

18. ხატი მაცხოვრისა, ტახტოსანი, ვერცხლისა, 22X18 სანტ. ნაჭედი, ბერძნულის

წარწერით სახელისა; ტლანქი ხელობისაა (იხ. №17068).

19. ხატი მაცხოვრისა, 27X21 სანტ. ყოფილა წამლით დახატული, რომელიც ეხლა
სულ გამქრალია; დარჩენილია ზემო ნაწილი მირთულობისა, ნიმბი და აშიები, ყველა
შემკობილი ლამაზად რომბ-ლურსმული ორნამენტით; ქვემო აშია აკლია; აშიებზე
დარჩენილია სამი მედალიონი წმიდათა, უწარწეროდ (იხ. №17071).

20. ნაწილი ჩარჩოსი რომელიღაც ხატისა ზედ გამოსახული მთავარ ანგელოზთა

ფიგურებით, ვერცხლისა, 31X25 სანტ.

21. ჯვარი სატარებელი, თავის ხეტარით, რომელიც შეძერწილია ვერცხლით და

თავდება ვაშლით ანუ ბურთით, რომელზედაც დამყარებულია ჯვარი. შუაში
ჯვარისა არის უმბო; სამ მხარეს ჯვარისა მედალიონებია წმიდათა სახეებით (იხ. №
17070).

22. ორი ჩარდახი ხატისა, ოთხი ფეხით თითო; ჩარდახები დაშლილია; ფეხები
ხისაა, შეძერწილი მოჩუქურთმებული ვერცხლით სხვა და სხვა სახისა, 77X46 სანტ.
თითო. შუაში: თითეული ფეხისა, ოთხკუთხედში წარმოდგენილია თითო ფიგურა
წმიდანისა: მაცხოვარი, ღვთის მშობელი, წ¯ა გიორგი, წ¯ჲ იოვანე და სხვა (იხ. №
17067). ხოლო ბოლოებში ორი მთავარ ანგელოზია: მიქელ, გაბრიელ (იხ. №17069 და
17067).

23. სახარება ეტრატზე, უცნობი, 30X21 სანტ. დაწერილია ნუსხა ხუცურით და

წითლურის სათაურებით; თითოეულ გვერდზე 34 სტრიქონია, ერთ სვეტად ნაწერი.
ყდა ხისა აქვს, ტყავ გადაკრული. ტექსტი დალაგებულია დღიური საკითხავების
რიგზე; იწყება აღდგომიდან. დასაწყისი:
წ-ა და მ-წის კრკესა აღვსებისა :. სამხრად . სახარებაჲ :
იოვანეს თავი . პირველითგან იყო სიტყუა და სიტყუა
იგი იყო ღ-ისა ...
სხვა ადგილას:
აქა დასრულდეს სახარებანი ყ-თა დღეთანი . აწ კ-დ
შ-ბთ : კ-კთა იწყების.
უკეთუ კულა ვინმე გამოიძიებდეს მიზეზსა არცაღა დარჩომილ არს ოთხთ ვსა შ-
ა აუწერელი სხრბ-ჲ რ-ი ანუ ჩომილ არს ოთხთ-ვსა შ-ა აუწერელი სხრბ-ჲ რ-ი ანუ ამ-თ
სმ-რდისოთ სახარებათა შინა არა გამოუკრებელ არს. ანუ შაბათ კჳირიაკეთა ანუ
თუჱთა.
შემდეგ:
მეათორმეტესა შაბათსა ჯუარ აპყრობითგან სახარებაჲ ლუკასი რიზ. თ-ქა ო-ნ იგავი
ესე. მსგავს არს სოფელი ცათაჲ მარცვალსა მდოგჳსასა.
შემდეგ:
 სახარებანი საცისკრონი.
ბოლოში მინაწერი, ტექსტის ხელით:
ზეშთა უსაზღვრომ-ნ ყ-დ წ-ნ დდ-ფლმ-ნ ღ-ის მშობელმ-ნ . მეცა / ცდვლი ტიმოთე
ღირსმყო აღწერვებად წ-ისა ამის / სხრბისა . მც-ხვრისა ლახუშტისა სამსახურებ-ლად /
შემოსითცა თჳთ ჩ-მითა ჴ-ლითა : აწ ვინცა ჩ-ნსა შ-დ მწირველნი იყვნეთ. ღ-ისა
მცნებისათ-ს ლ-ცვა / ყვ-თ ჩ-მთ-ს. და ო-ნ თ-ქნცა მოგანიჭენ მადლი ა- : / ოდეს ესე
დაესრულა ახლად დაწყებ-ლი / ქრონიკონი იყო : ი- : ცხრაჲ წელი / წადი გარდასრ-ლ
იყო : ქვემოდ : ვაჲ შ-ნ ეტრატო :.
9 ქორონიკონი უდრის 1321 წელს.
სხვათა შორის, ეს არის ერთად ერთი თვალ საჩინო მაგალითი, რომ ხელნაწერი
თვით სვანეთშია გადაწერილი; ამ შემთხვევაში სოფელ ლახუშტში, სადაც გადამწერი
ტიმოთე ყოფილა მღვდლად.
შემდეგ მოყვანილია ერთი მხედრული მინაწერი მე-14-15 საუკუნისა:
ქ . სახელითა ღთი-საითა მამისა ძისა და სულისა წმი-
დისაითა დავსწერეთ და დავდევით დაწერილი ესე ერ-
თობისა და გაუყრელობისა ჭუენ(sic) ლახუშდელთა
ლაჭიმრაშისა მუსკრთა ერთმანეთისა ნდომითა და და-
მოწმებითა და უქცეველი რაისა გინდა საქმისა და ჟამი-
სა შემოსრულობისათუის შეუცვალებელი მას ჟამსა
ოდეს მოგვინდა ჩ-ენ შიგან გაუყრელობაი და სიმტკი-
ცე ამა პირსა ზედა ვისცა დამჭიროს მისთა პირობისა
ჭირთა შეძლებითა გულმართლად უშველოს და საუარა-
ვი უჯობდეს გულმართლად საურავი მოვიჭირვოთ გინდა
ბარსა, გინდა სვანეთს ვისაც დაეჭიროს ვინცა დახუდეს
მისითა შეძლებითა გულმართლად ვუშველოთ, არაი
უცრუოთ და არაი უღალატოთ არცა მთასა, არცა შინა.
ვინც ჭვენ შიგან დამდურდეს გულმართლად სავრავი
მოვიჭირვოთ. ამისა გათავებისა თავსდებად მომიცემია
ნებითა ერთმანერთისა მაცხოვარი ლახუშტისა და მთა-
ვარანგელოზთა ნაწილისა. ვინცა ესე დაწერილი შეშა-
ლოს, შემცაიცვალების რჯულისაგან ქრისტიანეთასა.
ამა დაწერილსა საქმითა გავათავებთ: + +
(უზის ათი ჯვარი)

24. ლახუშტის ეკლესიის პაპმა, გიორგი ფირცხალაძემ, რომელიც ეხლა ეკლესიის

მნათეს წოდებას ატარებს, მაგრამ ძველი პაპის მოვალეობას ასრულებს, მაჩვენა მისი
საკუთარი სამი წიგნი. ერთია კონდაკი, ქაღალდზე ნაწერი, მოსხო ხუცურით.
ხელნაწერის ბოლოს სწერია ტექსტის ხელით:
ღ-ო და უშვოდ მისო მშობელო დამიცევ ორსავე შინა
ცხორებასა ფ-დ ცოდვილი ამ კურთხევანის დამწერი
ინასარიძე მღვდელ-მონაზონი ევდემონ და ვინცა შენ-
დობა ბრძანოთ თქვენცა შეგინდოს ღ-ნ :.
შემდეგ მოყვანილია კინკლოსი პასექისა და სულ ბოლოს კალანდა, თქმული ეზრა
წინასწარმეტყველისა.

25. მეორე ხელნაწერი პაპისა არის ჟამნი in 16, ეტრატზე ნაწერი, მაგრამ სულ
გასვრილი და გაჭვარტლული; თავი და ბოლო აკლია; დაწერილია ნუსხა ხუცურით.

26. მესამე წიგნი ამ პაპისა არის ქართული გრამატიკა დოდაევისა, 1833 (?) წელს
გამოცემული; ეს ბიბლიოგრაფიულ იშვიათობას შეიცავს და ჩვენი მნათე დიდათ
აფასებს და კრძალვით ეპყრობა, იშვიათად თუ ვინმეს აჩვენებს. ეს იმის
მაჩვენებელია, რომ სვანეთის პაპები ყოველთვის დიდი მოწადინე იყვნენ ქართული
ენის ჯეროვნად შესწავლისა. ჩვენი პაპი მაინცდამაინც კარგად არ უცქერის ახალ
მღვდლებს; გვიამბო ჩვენ ანეკდოტი მათზე და წარმოსთქვა სახუმარო ლექსი მათ
შესახებ ქართულად.
თანღები. ორი კილომეტრის მანძილზე სოფელ ლახუშტიდან, ფრიალო ტყიან
მთაზე, თანღებად წოდებულზე, ხშირ ტყეში მოიპოება ერთი პატარა ძველი ეკლესია,
ქვისაგან აშენებული. ეს ეკლესია გამონაკლისს შეადგენს სვანეთისათვის და დიდათ
საყურადღებოა. სვანეთმა სხვა გეგმა ეკლესიისა, გარდა ბაზილიკურისა, უბრალო თუ
რთული, არ იცის. აქ კი დასახულია მრგვალი ფორმა ეკლესიისა, მაგრამ არც სულ
მრგვალი გამოდის, არც სრული წახნაგოვანი, საზოგადოთ კედლები მრუდეა. ყოველ
შემთხვევაში, ამგვარ ეკლესიას უნდა ჰქონდეს გუმბათი, მაგრამ გუმბათის მაგიერად,
ის გადახურულია თაღით, ხოლო ეს თაღიც უსწორ-მასწოროა, არც მრგვალია, არც
ჯვარის სახისა, როგორც მოსალოდნელი იყო. ფანჯრების მაგიერ აქ მრგვალი
სარკმელებია. შესავალი ერთი აქვს დასავლეთით. კანკელი ქვისაა, ერთის კარით.
კედლები შიგნით მოგლესილია და მოცული ფრესკებით. ფრესკები კარგი
რიგისაა და ლამაზი. სხვათა შორის კარგად არის დაცული წ-ა გიორგის ფრესკა,
ცხენით, რომელიც გმირავს არა ვეშაპს, არამედ გვირგვინოსანს. ეს ჩვეულებრივი
იკონოგრაფიული სიუჟეტი, ფრიად ხშირი სვანეთში, აქ გადატანილია კედელზე.
ასეთი მოვლენა სხვაგან იშვიათად შეგვხვედრია. კარგად მოსჩანს აგრეთვე ჯვარცმა,
სული წმიდის მოფენა და ამაღლება. ეკლესია გაუქმებულია. ხატები აქედან
გადატანილია ლახუშტის ეკლესიაში; დარჩენილია აქ მხოლოდ ერთი პატარა, წ-ა
ბასილის ხატი, ვერცხლისა, მოოქრული, 13,5X9,5 სანტ. დაბალი ხელობისა.
ეკლესია ითვლება მონადირეთა მფარველად; მასში აუარებელი რქებია ჯიხვისა
და შველისა და მთელი გროვა ისრებისა, სხვა და სხვა ფორმის და ჯურისა. ასეთი
კოლექცია ისრებისა მე სვანეთის ეკლესიაში არ მინახავს. ეკლესია საგანგებოდ
გავაზომინეთ ხუროთმოძღვარს ს. კლდიაშვილს, მაგრამ, როგორც მოხსენებული
გვქონდა, მან თავის რვეული ამ გეგმათა დაჰკარგა. საჭიროა გაზომვა და სწორი
გეგმის გადმოღება ამ ეკლესიისა, ვინაიდან ის ერთი უძველესთაგანი უნდა იყოს
სვანეთში. აგრეთვე საჭიროა ფრესკების პირების გადმოღება ფერადებით.

სოფელი ლამი.

სოფელ ლამში, საწუხაროდ, ჩვენ არ ვყოფილვართ. ბერი ბაქრაძე სწერს: ს. ლამის

წმიდის იოანე ნათლის მცემელის ეკლესია(ში), რომელიც 1862 წელს, ოქროსა და
ვერცხლის ხატები განუცარცვიათ, და დღეს აღარა იპოვების რა, მხოლოდ ერთი
მცირე ვერცხლის ხატია წმიდის გიორგისა.
დ. ბაქრაძე ყოფილა ამ ეკლესიაში და ის აღნიშნავს სამს ნივთს: 1. მიქელ მთავარ
ანგელოზის ხატს, ვერცხლისა, წარწერით (გვ. 87), 2. ვერცხლის აშიას, ხატისაგან
მოგლეჯილს, წარწერით (იქვე, გვ. 67), 3. ღვთის მშობლის ხატს, რომელსაც პერანგის
(ვერცხლის) ფურცლები მოცილებული ჰქონია და ერთზე წარწერა ყოფილა,
რომელიც მას ხელით გადმოუღია (იხ. დამატება, №23). მოგვყავს აქ ორი პირველი
წარწერა შეუმოკლებლად, ვინაიდან ჩვენ ზოგიერთ სიტყვას სხვანაირად
ვკითხულობთ და გვესმის, ვიდრე ეს ბაქრაძის რუსული თარგმანიდან სჩანს.

მიქელ მთავარ ანგელოზის ხატის წარწერა:

წმიდაო მიქელ, შეიწყალე ივანე
ჯაყიანი და მეუღლე მისი თაბაი დ ძე მისი გიორგი
შეიწყალე სულით და ჴორცით. ამინ.
დ. ბაქრაძე „გიორგი“-ს მაგიერ „გეშე“-ს კითხულობს.
მეორე წარწერას ჩვენ ვკითხულობთ ასე:
ქრისტე ღუთისა დედაო, მოწყალე ექმენ
სულსა ჩემ უნდოსა ბერისა ჲ-
ელისა მას დიდსა დღესა განკითხვისა.

დ. ბაქრაძეს თარგმანში სიტყვა „ჲელისა“ გამოშვებული აქვს და სიტყვების

მაგიერ: „მას დიდსა“, ის კითხულობს: „დედასა მისსა“.
მესამე წარწერას დ. ბაქრაძე წაუკითხავად სტოვებს. იმ სახით, როგორც ეს
გადმოღებულია, სრული მისი წაკითხვა ძნელია, მეტადრე ბოლო მესამე სტრიქონისა
და მთელად მეოთხე სტრიქონი; სხვა, ჩვენის აზრით, იკითხება ასე:

წ-ი ვედრებისა ღთის მშობელო, შემწ-

ე : მეყავ და მიხსენ სა-
ტანჯველისაგან მე. . .
.......
 ნაწილი IV

სადადიშკელიანო ანუ სათავადო სვანეთი

სადადიშკელიანო სვანეთი შეადგენს გაგრძელებას თავისუფალი სვანეთისა,

მოქცეულია იმავე ენგურის ხეობაში, ქვემოდ თავისუფალ სვანეთისა, ენგურის შუა
წელზე. აქ მთავრობდენ თავადი დადიშკელიანები და ამიტომ დაერქვა სახელი
სადადიშკელიანო სვანეთი. ამ ნაწილში სვანეთისა შედიან თემები: ჩუბი-ხევი, ფარი,
ეწერი, ცხომარი და ბეჩო. სოფელ ბეჩოს საზოგადო სახე იხ. ფოტ. № 182.

ბეჩოს თემი
 ბეჩოს თემში ცხრა სხვა და სხვა სოფელი შედის, მაგრამ მათში ძველი შენახული
ეკლესიები თითქმის არაა. თვით ბეჩოში სულ ახალი ეკლესია არის, სწორს ადგილზე,
დიდი ეზოთი, როგორც სამეგრელოს ეკლესიები. წინეთ, რასაკვირველია, აქ ყოფილა
ძველი ეკლესია, მაგრამ 1830 წელს, როდესაც ოთარ დადიშკელიანს და მის ძმის
წულს ქელეშბეგს მაჰმადიანობა მიუღიათ, ხატების ცარცვა დაუწყიათ; ადგილობრივ
მაცხოვრებლებს გადარჩენილი ხატები გაუტანიათ და მახლობელ სოფლის დოლის
კოშკში დაუმალავთ. დ. ბაქრაძემ და ა. სტოიანოვმა ეს ხატები აქ ნახეს (იხ. ბაქრაძე,
გვ. 78, სტოიანოვი, გვ. 368). დოლის კოშკი, სტოიანოვის სიტყვით, ფრიად მაღალი
ყოფილა, მაგრამ შემდეგ დანგრეულა და შიგ მოქცეული ხატებიც, რასაკვირველია,
ერთობ დაზარალებულა. ბოლო დროს, როგორც ეტყობა, რაც დარჩენილა, ახალ
ეკლესიაში გადაუტანიათ და ეხლა იქ ინახება. ამათ შორის ყველაზე უფრო
შესანიშნავია და ძვირფასი:

1. ხატი ღვთის მშობლისა, ჩჩვილედი, სიმაღლით 1 1/4 არშინი. ღვთის მშობელი

ძითურთ წარმოდგენილი ყოფილა წელს ზევით, წამლით დახატული, რომელიც
ეხლა სულ გამქრალია; დარჩენილია ნაწილი ოქროთი დაფერილი ვერცხლის
პერანგისა მდიდრულის მოცულობისა, მაგრამ ისიც ეხლა მოცილებულია თავის
ძელს და სამი მეოთხედი, სულ ცოტა რომ ვსთქვათ, მაინც დაუკარგავს თავის
ერთხელ ფრიად მდიდრული და ძვირფასი შემკობილებისა, რომელიც შესდგებოდა
პატარა მინანქრიანი ხატებისაგან, ასეთივე მედალიონებისაგან, „დრობნიცებისაგან“,
ძვირფასი ქვებისაგან და წმიდათა ნაწილებისაგან.
ეს ყოფილა ხატი კარედი, სამ-ნაწილედი; დარჩენილი ნაწილი შეადგენს შუა
ნაწილის ნაშთს, ხოლო კარებიდან დარჩენილია მხოლოდ ძელები, რომელნიც თავის
მხრით შემკობილნი ყოფილ არიან მინანქრიანი მედალიონებით და ასომთავრულის
წარწერებით. ნაშთები აქა-იქ შერჩენილა. კარების ძელებზე მოსჩანს ნაფლეთები
მოყვითლული ვერცხლისა, ასომთავრული წარწერებით. წარწერები უჩვენებენ
სახელებს წინასწარმეტყველთა და წმიდათა, რომელნიც ამ კარებზე ყოფილ არიან
წარმოდგენილნი მინანქრებით. და რომ აქ ასეთი მედალიონები ყოფილა, ამას
გვიმოწმებს დ. ბაქრაძე (გვ. 79), რომელიც, სამწუხაროდ, გაკვრით იხსენიებს მათ.
წარწერები რომელნიც ჩვენ ამოვიკითხეთ კარებზე დარჩენილ ნაფლეთებზე,
შემდეგია: ოქროპირი, კარავი, საწამებელი, წ-წყალი ესაია, წწყ-ლი ელია, ბჭენი, წწყ-
ლი გედეონ, წწყ-ლი დანიელ, წწ-ყლი იერემია, აჰარონ. ყველა ამ წარწერებს კავშირი
აქვს ქვემოდ მოყვანილ დიდ წარწერასთან, ვინაიდან აქაც ჩამოთვლილია
წინასწარმეტყველნი, რომლებმაც იწინასწარმეტყველეს ღვთის მშობლის შესახებ.
დარჩენილი ნაწილი ხატის, შუა ტანისა, ეხლა შეიცავს მარჯვნივ და მარცხნივ
აშიებს. არა პრტყელს, შემკობილს ბროწეულის ყვავილებით, ნაზი ხელობისა. აშიების
წინ, ირგვლივ, სამის მხრით დიდძალი ოთხკუთხედი უჯრედებია წმიდათა
ნაწილთათვის და უჯრედების გამყოფ ზოლებზე ეხლაც აქა-იქ მოსჩანან წარწერები,
რომელნიც გვამცნევენ, თუ რომელ წმიდანის ნაწილი იყო უჯრაში წარმოდგენილი
(იხ. ფოტ. №17073 და № 17078). ნაწილები, რასაკვირველია, არც ერთი არ შენახულა,
მაგრამ მათ შორის, როგორც წარწერებიდან სჩანს, ყოფილა ნაწილები: წ-ა გიორგისა, წ-
ა რიფსიმესი, ელევთერისა. რიცხვი წმიდათა ნაწილების ყოფილა 50-ზე მეტი.
 ნიმბები ღვთის მშობლისა და ყრმა ქრისტესი შემკობილი ყოფილა დიდძალი
მინანქრიანი მედალიონებით და „დრობნიცებით“. წარწერები სახელებისა, ღვთის
მშობლის და მისი ძისა, დიდრონი ნაჭედი ბერძნულის ასოებით არის
შესრულებული. ღვთის მშობლის ნიმბის ზემოთი არე, როგორც ეტყობა, სჭერია
ვედრების კომპოზიციას, ვინაიდან კუთხეებში, როგორც სახელების ბერძნული
წარწერებიდან სჩანს, ყოფილა მარცხნივ ღვთის მშობელი, მარჯვნივ იოანე
წინამორბედი ანუ ნათლის მცემელი, ამიტომ შუაში უნდა ყოფილ იყოს მაცხოვარი და
ვინაიდან კიდევ ადგილი რჩება, ალბათ იქნებოდა „როზეტები“, ან მთავარ
ანგელოზები.
ღვთის მშობლის ნიმბის ბოლოები მარცხნივ კუთხეში „როზეტებით“ თავდება.
(იხ. №№ 17073, 17077).
მინანქრიან მედალიონთაგან გადარჩენილია მხოლოდ ორი, რომლებზედაც
წარმოდგენილნი არიან საუცხოოდ მინანქრით შესრულებული მესვეტენი (იხ. ფოტ.
№17078); სიგრძე თითოსი არის სამი სანტ. განი 1,3 სანტ. ფერადები მათი: წითელი,
თეთრი და ცისფერი. „როზეტებიდან“ დარჩენილია 17; მათ შორის 7 მრგვალი, 2
ოთხკუთხედი, 4 სამკუთხედი და ერთი მოგრძო. ამას გარდა, სამი მოგრძო და ერთი
პატარა მედალიონი შემკობილია თეთრ ფონზე მინანქრითვე შესრულებულის
ასომთავრული ასოებით; პატარაზე: ო-ო; მეორეზე: სათდიმადს; მესამეზე : მ-ნჭყ-დსა,
ხოლო მეოთხეზე, მესვეტეთა ქვემოდ: ნ-დრთა. ხატი შემკობილი ყოფილა ძვირფასი
ქვებით. დარჩენილია მათი ბუდეები, რიცხვით 14. ამას გარდა, აუარებელი
ნალურსმანი ადგილები ცხად ჰყოფენ, თუ რაოდენ მრავალი ყოფილა სხვა
მედალიონები, „როზეტები“ და ორნამენტები. (იხ. ფოტ. №№ 17078 და 17077). ზემოთ
აშია არ შენახულა, მაგრამ მოსჩანს ნაშთი ასომთავრული წარწერისა:
ჵ წ-დაო : მრამ : მშობლო : ღთ-სო : მ-ოხ : მქმმენ :
მე : [მსა]სოებესა : შნსა1 მ . . . და ქართ . . .
უქარაგმოდ:
ჵი წმიდაო მარიამ, მშობელო ღმრთისა, მეოხ მექმენ მე
მსასოებელსა შენსა მე(ფეთ მეფესა აბხაზთა) და ქართ-
ველთა . . .
ქვემოდ ხატს ჰქონია ორ-სტრიქონიანი გრძელი წარწერა, მოოქრულ ვერცხლის
გრძელ ნაჭერზე, წნულის ასომთავრულით, რომელიც არც ისე ადვილი გასარჩევია. ეს
წარწერა ჩვენ ცალკე ვიპოვნეთ ხატის ბუდეში და თავის ადგილს მივაკარით (იხ.
ფოტ. №№17072-17073). დ. ბაქრაძეს წარწერა არ უნახავს; უვაროვისა და ა.
ხახანაშვილი არ ყოფილ არიან ამ ეკლესიაში. ყოველ შემთხვევაში არც ერთი მათგანი
არც ხატს და არც წარწერას არ იხსენიებენ, თუმცა სოფელ ბეჩოში ყოფილან. წარწერას
ჩვენ ვკითხულობთ ასე:

1. წ : რ-ი ეგე : დან-ლ : მთად გიხ-ლა : ესაია : დედად : ევმ-

ნოელსად : კ-დ : გედონ : ს- წმის-დ : დ-თ : კიდ-ბნდ :
ეზ-კლ : ბჭედ : მოსე : მ-ღთდ შ-ნვე : ზიასა : ერისთვთერ
2. ქაო : გ-ხნ :. მმიპვე : მ-დლი : წ-ე : ჩ-მ : და : ყ-თა . ღ-თსა :
დდფლო : ზს-კნლთა : და : ქ-ყნისო : ოღ-რსი : ბ-რი : მი-
ოხე : დ-თ მ-კპოსი : ხმბშსძე : ძმ-თ : ქვთრით თ-რთ : ჵ :
სოათა სსოო .
 უქარაგმოდ ჩვენ წარწერას ასე ვკითხულობთ:
რომელი ეგე დანიელ მთად გიხილა, ესაია დედად ევმანოელისად, კუალად
გედეონ საწმისად, დავით კიდობნად, ეზეკიელ ბჭედ, მოსე მღრთად, შემინდვე ზიასა
(ანუ ზვიადსა), ერისთავთა ერ(ისთავს)!
ქალწულო, გიხაროდენ (ანუ გვიოხენ)! მომიპოვე მადლი წინაშე ჩემ და ყოველთა
ღმრთისა, დედოფალო ზესკნელთა და ქუეყანისაო, უღირსი ბერი მიოხე, დავით
მთავარ ეპისკოპოსი ხამბაშიძე (ანუ ხემბაშიძე), ძმით ქავთარითურ, ჵი სუანთა სასოო!
ამ წარწერაში ო და უ ერთი გამოსახულების არის, არ განირჩევა. „ზიასა“
შემოკლებული გადმოცემაა „ზვიასა“ ანუ „ზვიადსა“. ერისთავი თუ ერისთავთ
ერისთავი (ეს კარგად არ განირჩევა დედანში) ზვიადი ხშირად იხსენიება ქართულს
წარწერებში სხვა და სხვა დროს. მთავარეპისკოპოსი დავით ხამბაშისძე ანუ
ხემბაშისძე ცნობილი არ არის. აქედან უნდა მომდინარეობდეს ეხლანდელი გვარი
ღამბაშიძე, რომელთა შორის მღვდლობა, ეტყობა, ძველთაგან ყოფილა.
თუ ჩვენი წაკითხვა „სუანთა სასოო“ სწორია, მაშინ ცხადია, ხატი სპეციალურად
სვანეთის ეკლესიისათვის ყოფილა განჭედილი.
ეს ძვირფასი ხატი დიდათ მოგვაგონებს აწ მოსპობილს მინანქრიან ხატს ლეონ
მეფისა, ხობში, თავისი მდიდრული მინანქრიანის შემკობილობით, რომელიც, ჩვენის
აზრით, მე-13 საუკუნეს უნდა ეკუთვნოდეს.

2. ჯვარი კანკელის საწინავე, 100X46 სანტ. შეძერწილია ვერცხლის ფირფიტებით,

საკმაო კარგი ხელობისა. ზემოდ წარმოდგენილია წ-ჲ დ-მრი და კიდევ ერთი
მედალიონი უწარწეროდ. ქვემოდ კიდევ წარწერაა:
ივანე : ფათანს : და ივანე ფათანს და
შვლ მისი შეიწყ შვილი მისი შეიწყა-
ლე : მთვრ ანგ ლე მთავარანგე-
ლო სამესრისაო (?) ლოზო სამესრისაო (?)
ამას ქვემოდ რაღაც დაჯღაბნილია ფრიად უშნოდ და კარგად არ ირჩევა:
ო-ი მიქაელო დიანს და შვილი
. . . კ შეწყ ე მთავარანგლზი

3. ჯვარი, კანკელის საწინავე, 84X49 სანტ. ისეთივე ხელობისა, როგორც წინა

ჯვარი, ზემო ფირფიტაზე წარმოდგენილია მაცხოვარი მთელის ტანით; ქვემოდ წ-ა
გიორგი, მთელის ტანით, შუბით და ფარით; უფრო ქვემოდ უშნო ფირფიტებია
მთავარ ანგელოზთა, წარწერით: წ-ო მცხრო (?); მარჯვნივ და მარცხნივ: მთავარ
ანგელოზნი, ღვთის მშობელი და წ-ა იოანე. შუაში ამ ჯვარს ფირფიტა აკლდა და ჩვენ
იქ დავდევით პატარა ხატი წ-ა გიორგისა, 8X7 სანტ. და ისე გადმოვიღეთ მთელი
ჯვარი (იხ. ფოტ. №17076).

4. ასეთივე ჯვარი, მაგრამ ცოტა უფრო მცირე, 69X52 სანტ. ამ ჯვარის ფირფიტები
ბევრად უკეთესია, ვიდრე წინა ჯვარისა. ზემოდ წარმოდგენილია მიქელ მთავარ
ანგელოზი ლაბარუმით, ბურთით და წარწერით: წ-ჲ მიქ-ლ. ქვემოდ: წ-ჲ გ-ი. სრულის
ტანით, შუბით და ფარით; მის ქვემოდ წელსზევითი მაცხოვარი, ბერძნულის
წარწერით სახელისა; იმის ქვემოდ ღვთის მშობელი: დდ-ჲ ღ-ჲ. მარჯვნივ და
მარცხნივ უმბოსაგან, რომელიც თითქო მზის სურათს წარმოადგენს, მთავარ
ანგელოზნი, წ-ა გიორგი ცხენით, ვეშაპს გმირავს, და წ-ა იოანე (იხ. №17075).

5. ხატი მთავარ ანგელოზთა, ვერცხლისა, მოოქრული, ნაჭედი, 83X49,5 სანტ.

კარგი ქართული ხელობისა, მე-12-13 საუკუნ. წარწერით: გბრლ ანგელოზი, მ-ქლ
ანგელოზი. შუაში მაცხოვარი ტახტოსანი, ბერძნულის წარწერით სახელისა; აშიები
დაცული არ არის.

6. ხატი, რომელიც შესდგება სხვა და სხვა ნაჭრებისაგან, ზოგი მათში მოოქრული

ვერცხლისაა, ზოგი უბრალო ვერცხლის, ხელობაც სხვა და სხვაა, უმეტესად ტლანქი,
სახელდობრ ორი ვერცხლის მედალიონი პეტრესი და თეოდორესი: წ-ი პ-ე, წ-ი თ-ე,
43X28 სანტ. ტლანქი ხელობისაა.

7. ხატი წ-ის გიორგისა, ვერცხლისა, ნაჭედი, 31X23 სანტ, წარწერით: წ-ი გ-ი.
წმიდანი სრულის ტანით არის წარმოდგენილი შუბით და ფარით; აშია მატერიისაგან
არის შემოვლებული; საკმაო კარგი ხელობის არის.

8. ხატი მირქმისა, ვერცხლისა, ნაჭედი, 17X17 სანტ. ტლანქი ხელობისა.

9. ხატი მაცხოვრისა, ვერცხლისა, ნაჭედი, 30,5X 23 სანტ. მაცხოვარი ტახტოსანია,

ჩვეულებრივი რიგით. წარწერა: იჳ ქ-ე. ტლანქია.

10. კარედი ხატი, შედგენილია სხვა და სხვა ნაჭრებისაგან, 58X38 სანტ. მარჯვნივ
წარმოდგენილია: წ-ჲ ეკტრნა და წ-ჲ ტრონი (?) (=თეოდორე ტირონი); ზემოდ ღვთის
მშობლის ნიმბია და წარწერა ხუცურით: „წ : აქა მანდილი დედისა, ღვთისაი :“;
მარცხნივ მაცხოვარი და ღვთის მშობელი; ტლანქი ხელობისაა: შუაში ყოფილა ჯვარი,
26X17 სანტ. სამი მედალიონით, ტლანქი ხელობისა; კარებიც შემკობილია ნაჭრებით;
ზოგი მოოქრულია და წარწერებიც აქვთ:
ჲზმ . . . / რჲსა / წ-ჲ ბარბარე. და შემდეგ:
ღმერთო : ღმერთო
მოწყლ მოწყალე-
ეო : შეუნ ო, შეუნ-
დვენ : ოქრ დვენ ოქრო-
ომჭედე მჭედე-
ლსა : ცოდვ ლსა ცოდვა-
ნი : მისნი : ნი მისნი,
იოვანეს თუ იოვანეს თუ -
მანის ძესა მანის ძესა.
ამნ . ამინ.
ამ წარწერასთან ერთად დ. ბაქრაძე იხსენიებს კიდევ მომცრო ზარს, თათრულის
წარწერით, რომელშიაც მოხსენებული ყოფილა ვიღაც ისმაილი (გვ. 78, დამატება 17).
არ ვიცით, სად არის ეხლა ეს ზარი.
 11. ხატი ღვთის მშობლისა, ჩჩვილედი, ვერცხლისა, ნაჭედი, 5,5X5,5 სანტ.
ტლანქია.

12. სასანთლე, თითბერისა, სამი საფეხურით, ერთობ მძიმეა.

13. ბარძიმი, სპილენძისა, სახელურით, რომელიც ოქროთია შემკობილი; ქვემოდ

ლათინურად აწერია: MARIA ; ზემოდ: IESUS.

ცხომარის თემი

ცხომარის თემს შეადგენენ შემდეგი სოფლები: – გაბალთი, სვიფი, ტვიბერი,

ლეზგარი, მაგანდერი და ლაფსხალდი. დ. ბაქრაძის დროს ეს თემი ეკუთვნოდა
თენგიზ დადიშკელიანს, შემდეგ იქ ცხოვრობდა ბექირ-ბეი დადიშკელიანი, რომელიც
განთქმული იყო მთელს სვანეთში სტუმართ-მოყვარეობით; ჩვენ დაგვხვდენ მათი
შვილები, ლევან და მურზაყან დადიშკელიანები, რომლებმაც დიდი თავაზიანი
მასპინძლობა გაგვიწიეს და დაგვეხმარენ ჩვენი მუშაობის დროს.

სოფელი სვიფი.

სოფელ სვიფში პატარა მთავარ ანგელოზის ეკლესიაა და მთელი ცხომარის თემი

ამ ეკლესიის შემავალად ითვლება. ეკლესიაში ჩვენ ვნახეთ:
1. ჯვარი, დიდი, კანკელის საწინავე, რომელიც თავის ადგილზეა ამართული,
საკურთხეველში კარის წინ; სიმაღლე მისი არის სამი არშინი და განი ერთი არშინი
და 11 ვერშოკი. შეძერწილია მხოლოდ პირველ გვერდზე ვერცხლის ფირფიტებით,
მდარე ხელობისა, მაგრამ თავზე ქუდი ანუ გვირგვინი შერჩენილი აქვს, ორის
წმიდანის სურათით (იხ. ფოტ. №17074). საუკეთესო ფირფიტები მოოქრული
მოიპოება მარჯნივ უმბოსა; პირველ მათგანზე წარმოდგენილნი არიან მთელის
ტანით: მაცხოვარი, პეტრე და პავლე, წარწერით:
ქ-ე შ-ე მ-ქლ და . . . . .
სხვა ადგილებზე წარმოდგენილნი არიან: მაცხოვარი, ლუკა მახარობელი
(ორჯერ) და 11 პატარა ფიგურა წ¯ა გიორგისა ცხენით, რომელიც ადამიანს გმირავს;
სხვა ფიგურები ტლანქია.

2. ხატი ღვთის მშობლისა ჩჩვილედი, წელსზევითი, 16,5X13,5 სანტ. ყოფილა

წამლით დახატული, მაგრამ მხატვრობა მოშლილია; მოცულობა ვერცხლისაა;
ნიმბები და აშიები შენახულია; სურათები მოვლებული ყოფილა ირგვლივ
მარგალიტის მძივებით; ნაწილი მარცხნივ დაცულია; ნიმბი ქრისტესი ჯვარის სახედ
არის; ნიმბის აქეთ-იქით ორი სიმრგვალე არის; აშიები დაყოფილი ოთხკუთხედ
უჯრედებად და შემკობილი ლამაზი სევადიანი ორნამენტებით; სევადით არის
შემკობილი აგრეთვე ნიმბები (იხ. ფოტ. №17079). სამწუხაროდ, სევადის ორნამენტები
ფოტოგრაფიაზე არ არის გამოსული. ზურგზე, ჯვარის სახის ირგვლივ,
ასომთავრული წარწერაა (იხ. ფოტ. №17080):
ქ ყოლად : წ-ო . ღ-თს : მ ყოვლად წმიდაო ღმრთის მშო
ბელო შეიწყალე ბელო, შეიწყალე
ფ რ ფრი-
იად : ცოდვილი : ევფ ად ცოდვილი ევფე-
ემიაის : მწირვლი მიაის მწირველი
დემეტრე და დაივწნ : დემეტრე და დაივიწყენ
შცოდებნი : მსნი : შეცოდებანი მისნი!

ხატი ჩადებულია კარედში, რომელიც გაფუჭებულია და ქვემოთ მოსჩანს ნაშთი

ხუცური წარწერისა: . . . . იქმენ წჲნაშე ძისა შენისა. . . ხატი უნდა ეკუთვნოდეს მე-13-
14 საუკუნეს. (წარწერა მოყვანილი აქვს დ. ბაქრაძესაც, გვ. 70, მაგრამ რუსულ
თარგმანში ერთ სახელად მიუღია ევფიმია-დემეტრე).

3. ხატი მაცხოვრისა, ოქროთი დაფერილი ვერცხლისა, ნაჭედი, 51X36,5 სანტ.

სანახევროდ მოშლილია (იხ. ფოტ. №17087); მაცხოვარი ტახტზე მჯდომარეა; ეზო და
აშიები შემკობილია ფოთლოვან-ბალახოვანის ორნამენტით, საუცხოო ხელობისა, მე-
11-12 საუკუნისა. ზემო აშია არ შენახულა; აკლია ქვემოსაც. ზემოდ, სიმრგვალეში
წარწერაა სახელისა, მაგრამ ასოები შებრუნებულია: ქ-ჱ ჳ-ჲ. მარცხნივ ტახტისა მუხლ-
მოდრეკილი ფიგურაა მავედრებელის პოზით, რომლის ზემოდ ასომთავრული
წარწერაა:
ქ . წ-მიდო : მცხ წმიდაო მაცხო-
ვრ : მეოხ : ეყ ვარ(ო), მეოხ ეყავ
ვ : მს : დღესა : მას დღესა
გნკჲთხვსას : განკითხვისას
წნშ : ღ ს : შნისა
- წინაშე ღმრთისა შენისა
სღრს საღირს
სღი საღი-
რძე რიძე-
სა . სა.
წარწერა უცნობია; დ. ბაქრაძე არ უჩვენებს; უვაროვისა და ა. ხახანაშვილი აქ არ
ყოფილ არიან. საღირისძეები თამარ მეფის გვირგვინის კურთხევის დროს არიან
მოხსენებულნი (იხ. ქართ. ცხ. მარიამ დედოფლის ვარიანტი, გვ. 400) და ხატიც
ხელოვნების მიხედვით მე-12 საუკუნეს ეკუთვნის.

4. ხატი ჯვარცმისა, 28X21 სანტ. წამლით არის დახატული; თვით ჯვარცმული

საკმაოდ კარგად არის შენახული, ხოლო წინამდგომთა სახეები, მარიამისა და
ივანესი, დაზარალებულია (იხ. ფ. №17085). წარწერა სახელისა ზემოდ ბერძნულია.
ანგელოზთა ფიგურები ზემოდ გამქრალა; ჩარჩო შემკობილია ხლართული
ბალახოვანის ორნამენტით და სადა მედალიონებით. ზემო აშია მოძარცულია. ხატი
არის არა უგვიანეს მე-16 საუკუნისა.
 5. ხატი მაცხოვრისა, ვერცხლისა, ნაჭედი, 34X25 სანტ. მაცხოვარი ტახტოსანია,
ჩვეულებრივი რიგით; ნიმბი ჯვარის სახისა აქვს, ზემოდ (№17086) დრობნიცებში
უწერია სახელი ბერძნულად. აშია რომბ-ლურსმულია ორ ფოლაქოვან წრის შუა, სადა
მედალიონებით; ქვემოდ ერთ სტრიქონიანი წარწერა ნაკლულევანად არის
შენახული:
ქ : მცხრო . . . ჲ : ოთოღვანსა : მე მოჳჭდე : მოვჭედე გი. . .
დ. ბაქრაძეს გადმოუღია ეს წარწერა (იხ. დამატება №11) და შენიშნავს, წარწერა
არ იკითხებაო, ხოლო მე მგონია, უკანასკნელი ორი სიტყვა ნიშნავს: გიორგი ლიპარის
ძე-სო (გვ. 70). ეხლა უკანასკნელლი სიტყვა წარწერას აღარ აქვს. წარწერა უნდა
ნიშნავდეს:
მაცხოვარო, [შეუნდვენ ცოდვანი]ჲ ოთოღვანსა, მე მოუჭედე. მოვჭედე გიორგი
[ლიპარიტის ძემ].
წაკითხვა „ლიპარიტის ძემ“ ბაქრაძის გადმოღებულზედაც საეჭვოა ყოველ
შემთხვევაში, გიორგი ლიპარტიანზე, დადიანი ლევან მეორის ბიძაზე, აქ ლაპარაკი არ
შეიძლება. ლიპარიტის ძე აქ აღნიშნავს ოქრომჭედლის გვარს; ისე ხატი კი მე-16-17
საუკ. უნდა იყოს.

6. სამი ჯვარი, სრულიად ერთგვარი, 32X21 სანტ. თითო; შეძერწილია

მოოქრული ვერცხლით; ოთხივე ფრთის ბოლო თავდება დიდი მრგვალი
მედალიონებით, რომლებზედაც ერთი და იგივე წყვილი წმიდანია წარმოდგენილი,
სრულის ტანით და სახარებით ხელში. წარწერა არ აქვთ. (იხ. №17081). ხელობა
დაბალია.

7. ჯვარი გამოსასვენებელი, ვერცხლისა, 19X17 სანტ. შუაში დიდი ქვა არის,

ლალი; ბოლოში მედალიონებია; ქვემოდ ღვთის მშობელი ნიშოვანი ტახტით;
მარცხნივ და მარჯვნივ მთავარ ანგელოზნი; ზემო მედალიონი დაკარგულია; სხვა
ნაწილი ჯვარისა სადაა (იხ. №17083)..

8. ხატი მაცხოვრისა, სხვა და სხვა წმიდანებითურთ, 34X20 სანტ. სამ ნაწილად

არის გაყოფილი; შუაში დიდ მრგვალ მედალიონში მაცხოვარია და ოთხივე კუთხეში
ამ ნაწილისა თითო წმიდანი, ვგონებ, მთავარ ანგელოზები. ზემო ნაწილზე, შუაში,
მაცხოვარი ორი წმიდანით, ერთი მთავარ ანგელოზია. ქვემოდაც, შუაში ქრისტე და
აქეთ-იქით ღვთის მშობელი და იოანე, სრულის ტანით სამივე (იხ. №17082).
შემკობილობა რომბ-ლურსმულია, აშია დაზარალებული, სხვა უკეთესი ხელობის
ხატიდან უნდა იყოს.

9. ვერცხლის ფირფიტა, პეტრეს სურათით, რომელიც წარმოდგენილია კამარას

ქვეშ, სახარებით ხელში და წარწერით: წ-ჲ პ-რე. ტლანქი ხელოლბისაა (იხ. ფოტ.
№17084).

10. სპილენძის ფირფიტა, რომელზედაც წარმოდგენილია ორი წმიდანი,

სახარებით ხელთა, სრულის ტანით; წარწერა არა აქვთ (იქვე, №17084). ხელობა
უკეთესია, ვიდრე წინა ფირფიტასი.
 11. საცეცხლური, ვერცხლისა, ლამაზი ხელობისა, რომლის კორპუსი
დაყოფილია გრეხილიან თაღებად და თაღებში წარმოდგენილნი არიან ფიგურები,
ასომთავრული წარწერებით:

წ-ჲ მრკზ, წ-ჲ ლ-კა, წ-ჲ თ-ე, წ-ჲ პ-ე, წ-ჲ პვლე.

თეოდორეს თაღის ზემოდ ბერძნული ასოებია: ბგდ (იხ. №17088).

12. ხატის ვერცხლის აშიის ნატეხი, რომელზედაც ასომთავრულით სწერია:

ქ-ე შ-ე კ-ე ჭშტ-რნი.

ეს ნატეხი წინა ნომრის საცეცხლურზეა დადებული და ისე გადმოღებული (იხ.

№17088).

13. პატარა, ვერცხლის ხატი პეტრესი, ტლანქი.

14. პატარა, წ-ა გიორგის ხატი, ტლანქი.

სვიფის ზემოდ არის ეკლესიის ნანგრევები იმ ადგილზე, რომელსაც ჰქვია ფალა.
მოსჩანს მხოლოდ ეკლესიის საფუძვლები და ქვები. ერთ ქვაზე არის ასომთავრული
წარწერა (იხ. №17116) ცოტა წაბღალული:
ქ . წ-ო გ-ი
შ-ე ადა
მაშჯა
რ
მეორე ქვაზეც მოსჩანს რაღაც წარწერები (იხ. №17116).

სოფელი ლაფსხალდი.

საზოგადო სახე ლაფსხალდის სოფლისა და აქედან ენგურის ხეობისა იხილეთ

ფოტ. №17450 და №17451. ლაფსხალდში მიმავალი გზიდან კარგად მოსჩანს
მწვერვალი უჟბა. იხილეთ ფოტ. №17452. ამ სოფლის ჩვეულებრივი, ქვის, სვანური
ეკლესია მთავარ ანგელოზთა სახელზეა აშენებული. ეკლესიაში ჩვენ ვნახეთ:

1. ჯვარი, დიდი, კანკელის საწინავე, სიმაღლით 4 არშინი, განით 24 ვერშოკი. ეს

ჯვარი განირჩევა ყველა ასეთი რიგის ჯვარისაგან; აქ ხე ჯვარისა მრგვალია ყველა
ნაწილში და არა ბრტყელი; ამასთან ერთობ მძიმეა, ამიტომ დიდი ცდა მოგვინდა,
რომ გარედ გამოგვეტანა და ფოტოგრაფია გადმოგვეღო (იხ. №17115). შეძერწილია
ირგვლივ ვერცხლის ნაჭრებით, წ¯თა სახეებით და სხვა შემკობილობანით. ჯვარს
შერჩენია ქუდიც ანუ გვირგვინი, რომელიც მოგვაგონებს კონუსის მსგავს გუმბათს
ქართული ეკლესიისა. ამას გარდა ადგილ-ადგილ ზოგი ნაჭრები შემკობილია
ძვირფასი ქვებით, ჯვარზე ჩამოკიდებულია ბევრი პატარა ბეჭდები, მძივები და
მედალიონები, „დრობნიცები“. ყველა ეს მლოცველთა შემოწირულებაა. სხვათა
შორის ჯვარზე ჩამოკიდებული იყო ხელის გამოსახულობა ვერცხლისა და პაპმა
ამიხსნა, რომ ეს არის ნამდვილი ასლი (კოპიო) თამარ მეფის ხელისაო; ჯვარის შუა
ნაწილი უჭირავს უმბოს, რომელიც შემკობილია ხუთი ქვით, ლალით; მის ზემოდ
ჯვარია შედგენილი ძვირფასი ქვებით; ამ ჯვარის ზემოდ ხარებაა წარმოდგენილი;
ქვემოდ მთავარ ანგელოზნი; კიდევ ქვემოდ ჯვარცმა ვერ არის ლამაზი ხელობისა,
მაგრამ მის ქვემოდ მოქცეული მთავარ ანგელოზები და ვედრება უკეთესი ხელობის
არის. მარცხენა და მარჯვენა ფრთებზე ჯვარისა უფრო შემკობილებანია, ვიდრე
წმიდათა ფიგურები. ერთ ნაჭერზე ხუცური წარწერებია, არა დიდათ ძველი, და
ძნელი გასარჩევი:

ქ-ე შ-ე ლანერა ონგასძე .

ქ-ე შ-ე გამკო ნუასძე (?)

2. მეორე კანკელის საწინავე ჯვარს ჰქონია ჩვეულებრივი სახე სვანური

ჯვარებისა, მაგრამ მისი ვერტიკალური ნაწილი სულ მოძარცულია და დარჩენილია
შიშველი ხე, ხოლო ჰორიზონტალური ნაწილი დარჩენილია ხელუხლებლად (იხ.
№17102).
აქ შუაში უმბოა მზის სახით, რომელსაც ოთხივეს მხრით პატარა სიმრგვალეები
ახლავს. მარჯვნივ და მარცხნივ ორ-ორი მთავარ ანგელოზია, დაბალი ხელობისაა;
არე მოოქრული ვერცხლისა შემკობილია რომბ-ლურსმული ორნამენტით.

3. მესამე ჯვარი ამვე რიგისა უფრო პატარაა, 67X32 სანტ. შეძერწილია ვერცხლის
ფირფიტებით, რომლებზედაც არიან უმბოს მარჯვნივ და მარცხნივ: ღვთის მშობელი,
წ-ა იოანე და მთავარ ანგელოზნი; ზემოდ: ერთი ფიგურა შიშველი ტანით თითქოს
ჯვარცმულს წარმოადგენს, მაგრამ ჯვარი არ სჩანს. უმბოს ქვემოდ წ-ა გიორგი,
სრულის ტანით, ანუ წ-ა თეოდორე (წარწერა არა აქვს); მის ქვემოდ ღვთის მშობელი;
ხელობა დაბალია (იხ. №17090).

4. ფრიად დიდი და მძიმე ჯვარი, კანკელის საწინავე, რომელიც მიჯაჭვულია

ეკლესიის კედელზე და ამიტომ ჩვენ ვერ გამოვიტანეთ გარეთ, რომ ფოტოგრაფია
გადმოგვეღო, მაგრამ დიდათ საინტერესო არაა, ვინაიდან ქვემოდ სულ მოძარცულია;
ზემო ნაწილი დაცულია და მათზე წარმოდგენილნი ორი წ-ა გიორგი და სხვა
წმიდათა ფიგურები დაბალი ხელობის არის.

5. ჯვარი შუა ზომისა, 70,5X33 სანტ. ჯვარცმულის ფიგურით და სხვათა წმიდათა

მედალიონებით, დაბალი ხელობისა არის.

6. ჯვარი ხისა, 38X28 სანტ. შეძერწილი ვერცხლის ფირფიტებით; შუაში უზის

ოთხი ძვირფასი ქვა; ზემოდ და ქვემოდ ორი წმიდანია; მარჯვნივ და მარცხნივ
მთავარ ანგელოზები; დაბალი ხელობისა არის.

7. ამგვარივე ჯვარი, 49X24 სანტ. კიდევ უფრო ტლანქია, ვიდრე წინა ორი ჯვარი.
 8. ჯვარი, ზორბა, გამოსასვენებელი, ვერცხლიდან ჩამოსხმული, მოოქრული,
49X30 სანტ. ფრიად თავისებური სახისა არის, რომლის მსგავსი საქართველოს სხვა
კუთხეებში არა გვხვდება (იხ. ფოტ. №№17108 და 17107, აგრეთვე უვაროვისა, გვ. 89-
90, ტაბ. XXIII, №№ 39, 40). მარჯვენა და მარცხენა მკლავები ჯვარისა ჩამოღუნულია
და ქვემო მკლავი მოღუნულია მარცხნივ, ასე რომ გამოდის არა სწორი ფორმა
ჯვარისა, მაგრამ ეს კი არ აფუჭებს სილამაზის შთაბეჭდილებას და ამგვარად გამოდის
სრული და მხატვრული ნაწარმოები.
შუაში ჯვარი ვიწროა, მკლავები გაფართოებულია თანდათანობით და თავებიან
პალმეტებით, რომელნიც ცალკე არიან გაჭედილი და შემდეგ მიმაგრებული
ბოლოებზე; შინაგანი წვერები ჯვარისა, პალმეტების წინ, შემკობილია სუმბულის
გვარი ორნამენტით. წინა პირზე, შუაში, წარმოდგენილია ჯვარცმა, რვა-მკლავიან
ჯვარზე წარწერით: ესე არს მ-ფჱ ჰ-რთ. ტანი ქრისტეს ერთობ გამხდარია, განწლეული,
მაგრამ პირის სახე დაწყნარებული, უმტკივნო, თავი – გრძელის თმით, სახე –
წვერით, თვალები მინაბული; ხელების გასწვრივ ქრისტესა მზე და მთვარეა; ჯვარის
მკლავების მარჯვენა და მარცხენა ბოლოებში ღვთის მშობელი, რომელსაც ხელით
კაბის წვერი აუწევია, რომ თვალები დაიფაროს, ან ცრემლები ამოიხოცოს, და
მარჯვნივ იოანე ღვთის მეტყველი, ახალგაზრდა, მაგრამ წვერიანი, სახარებით
მარცხენა ხელში, მარჯვენა კი პირზე მიუდვია მწუხარების ნიშნად. წარწერები
ფიგურებისა ასომთავრულით: წ-ჲ მ-მ (მარიამ), წ-ჲ ივ-ნე. ზემოდ მთავარ ანგელოზია,
სრულის ტანით, ხელებ აპყრობილი და წარწერით: წ-ჲ მ-ქლ. ქვემოდ ადამის თავია,
წარწერით: ადამ. ჯვარს ქვემოდ წაწვეტიანებული სახელური აქვს ხეტარზე
ჩამოსაცმელად.
მეორე პირზე ჯვარისა (იხ. №17107), შუაში წარმოდგენილია ღვთის მშობელი
ჩჩვილედი, მთელის ტანით; მისი კორპუსი მარცხნით არის მოქცეული, წარწერა: წ-ჲ
მ-მ (მარიამ), ჲ-ჳ ქ-ე, მარჯვნივ: მთავარ ანგელოზი გაბრიელ: წ-ჲ გ-ბ. ზემოდ
წარმოდგენილია მთელის ტანით მაცხოვარი, უწვერო, მაკურთხეველის მარჯვენით
და სახარებით მარცხენა ხელში, წარწერა: მ-ცხრი ყ¯ლთა. ქვემოდ წარმოდგენილია
წელსზევითი ფიგურა წ-ა ნიკოლოზისა, წარწერით: წ-ჲ ნკ-ლზ. გრ. უვაროვისას
მიაჩნია ჯვარი რომაულის რიგის ჯვარად და მიაკუთვნებს მე-13 საუკუნეს (გვ. 89-90),
მაგრამ წარწერების ხასიათი და მომდარე ხელობა ფიგურებისა უფრო მე-14 საუკუნეს
უდნა უჩვენებდენ.

9. ხატი მთავარ ანგელოზის მიქაელისა, ვერცხლისა, ნაჭედი, 84X46 სანტ.

მთავარ ანგელოზი წარმოდგენილია სრულის ტანით, საომარ ტანისამოსით და
დიდის ფრთებით; მარჯვენა ხელში ამოწვდილი ხმალი აქვს, მხარზე შედებული;
მარცხენა ხელში ხმლის ქარქაში უჭირავს; ხშირი თმა უვლის მთელს სახეს და
ჩამოსდის ყელამდის კიკინებად; თავის წრე სანახევროდ მოსჩანს, ვინაიდან ნახევარი
ფრთებით არის დაფარული. ფეხს ქვეშ ნოხი უგია; აშია ორია; ერთი შინაგანი ქვემო
ნაწილში ფრთებამდის; მეორე გარეგანი; ორივე ბალახოვანი შემკობილობისაა და
მოყვითლულია. მედალიონები აშიებისა პატარანია და მათში წარმოდგენილნი არიან
წელსზევითნი ფიგურები: ზემოდ ქრისტესი, მთავარ ანგელოზებითურთ, ღვთის
მშობლისა და იოანე ნათლის მცემელისა (მარცხნივ), პეტრე და პავლესი (მარჯვნივ).
ზემოდ, დიდ „დრობნიცებში“ ასომთავრული წარწერაა: ქ წა თვრენგელოზი (sic):
მიქელ : ცჴემნრისა (იხ. №17106). ცჴემნი იგივეა რაც ცჴემნარი ანუ ცხემლნარი. დ.
ბაქრაძე მართალია, რომ სახელწოდება თემისა ცხომარი აქედან უნდა
წარმოსდგებოდესო (დ. ბაქრაძე, გვ. 72). ქვემოდ სამ-სტრიქონიანი წარწერაა. მესამე
სტრიქონს აკლია, მაგრამ ერთი ორი ნატეხი ნაკლული წარწერისა მე ვიპოვე
ზანდუკში სხვა ხურდამურდასთან არეული და თავის ადგილზე მივაჭედე, მაგრამ ეს
იყო მაშინ, როდესაც ხატი უკვე გადმოღებული გვქონდა და ამიტომ ჩვენს
ფოტოგრაფიაზე არა სჩანს. დ. ბაქრაძეს ეს წარწერა ხელით გადმოუღია (იხ. დამატება
№16 ად გვ. 72):
ნიშნად ზოგჯერ იხმარება სამი და ოთხი ვერტიკალურად გაწყობილი წერტილი.
ჩვენ ვტოვებთ მარტო ორ-ორ წერტილს.

ქ . წა : თვრენგელოზო (sic): მეჴ და : ფრველ : ექმე :

დადიანი : გურიელს : სვნთ : ერ
ისთეს (sic) : მანდატურთ : უჴუცესა : შამ¯დვლს : შ-ნ :
ღ-ნ : ა-ნ : თნა : მემცჴდრეს
მისა : დედო (ეს ორი სიტყვა მარცხენა აშიაზე სწერია)
ფლს : ა-ნს : შ-ნ : ღ-ნ : ძე [მათი : ლიპარი : ] გაზ-რ-
დენი : ღმერთო : ოქრომჭედლსა : ყ
იზიასა შ-ნ ღ-ნ (ეს სამი სიტყვა მარჯვენა აშიაზე სწერია).

უქარაგმოდ და შესწორებით:
წმიდაო (მ)თავარ ანგელოზო, მეოჴ და (მ)ფარველ ექმე(ნ) დადიან-გურიელს,
სვანთა ერისთავთა ერისთავს, მანდატურთუჴუცესსა შამანდავლეს, შეუნდვენ
ღმერთმან, თანამეცხედრეს მისა, დედოფალს ანას. შეუნდვენ ღმერთმან, ძე [მათი
ლიპარი] გაზარდენი ღმერთო. ოქრომჭედელსა ყიზისა შეუნდვენ ღმერთმან.
ამ წარწერაში მოხსენებული შამან-დავლე არის დადიანი შამან-დავლე პირველი,
რომელიც დადიანობდა 1470-1474 წლებში. მისი შვილი და მემკვიდრე იყო ლიპარი.
ტიტული დადიან-გურიელი, მანდატურთ-უხუცესი და სვანთა ერისთავთ ერისთავი
მას ტრადიციით მიუთვისებია ამ წარწერაში, თავის წინაპრების მიხედვით, როგორც
სამართლიანად განმარტავს დ. ბაქრაძე, თორემ ის არც გურიელი ყოფილა, არც სვანთა
ერისთავი და არც მანდატურთ-უხუცესი; ის იყო მხოლოდ დადიანი; შამანდავლე
თანამეცხედრით ანნათი მოხსენებულია კიდევ ილორის წარწერაში. ის დამარხულია
ხოპში. (Brosset, Voyage, Rapp, VII, p. 95-86. Rapp. XII, p. 69-61, H. G. II, 1 livr.p. 259).

10. ხატი მთავარ ანგელოზის მიქაელისა, ოქროთი დაფერილი ვერცხლისა,

ნაჭედი, 63X46 სანტ. მთავარ ანგელოზი წარმოდგენილია საომარი ტანისამოსით და
ამოწვდილი ხმალით მარჯვენა ხელში; მარცხენა ხელში უკავია ქარქაში; გრძელს
თმას მოცული აქვს შუბლი, ლოყები და ჩამოსულია ყელამდის. საზოგადოთ,
კომპოზიცია წინა ხატისა აქვს; თავზე ნახევარი წრე აქვს მოვლებული; ფონი
ბალახოვანი ორნამენტით არის შემკობილი. ჩარჩო ხატისა უფრო ძველია, შემკობილი
ფიჭვის კინკრიჟების მსგავსი ორნამენტით (იხ. №17103). ზემოდ ფრთების წარწერაა:

„ქ მთვრნგლზო“.
ქვემოდ აშიაზე ორ-სტრიქონიანი წარწერაა:
 ქ : მთავარანგლზო : მმგიბო (sic) : აღშნ : მშნბლ : შნ : ხე
ვ ცხმრს : ა : მნ : ამსაი : მმჭდლს : მ-ხლ-ს : ხ-ბღს (?) :
შ-ნდ : ღმეთ . . .

უქარაგმოდ:
მთავარ ანგელოზო მომგიბო (მომგიბისაო?), აღაშენ(ე) მაშენებელ(ი) შენ(ი) ხევ(ი)
ცხომარის(ა), ამინ. ამისაი მომჭედელს(ა) მიხაილს (ანუ მიხეილს) ხაბაღს (ანუ
ყაბაღს?) შეუნდვენ ღმერთმ(მან).
ამ წარწერაში ხმოვანი ასოები სიტყვების ბოლოში ხშირად გამოშვებულია.
ჯგუფი: „მმგიბო“ უნდა ნიშნავდეს ადგილის სახელს მომგებისაო (?) ან სხვას,
რომელიც ჩვენ არ ვიცით.
ასო „ხ“ სამ სხვა და სხვა შემთხვევაში სხვა და სხვა ნაირად არის გამოხატული,
ხან უკუღმა, ხან გადმობრუნებულად. ძნელი სათქმელია „ყაბაღს“ უნდა წავიკითხოთ,
თუ „ხაბახს“. პირველი ასო თავშეკრულია და ამიტომ ყ-ს მოგვაგონებს, მაგრამ
ქვემოდ მოკაუჭებული წრე აქვს, როგორც სხვა ასო „ხ“-ნს ამავე წარწერაში. და ამიტომ
საფიქრბელია, აქ შებრუნებული „ხ"-ნია და იგიც დამახინჯებული. ფოტოგრაფიაზე
წარწერა კარგად არის გამოსული და მკითხველი ადვილად შეადარებს. თქმა არ
უნდა, წარწერა სვანის მიერ არის შესრულებული.
დ. ბაქრაძე ამბობს, ამ წარწერაში მარტო სამი სიტყვა გავარჩიეო (იხ. გვ. 72,
დამატება №14, 15). მთავარ ანგელოზის ფეხებს ქვეშ არის კიდევ შემდეგი წარწერა:

ქ რმლმნ . მჭდ : ხ-ტ . ეს : ოქრომჭდლ

მნ : შუნდვ : ღმთო : დ : ო
რთ : შვლთ : მ-სთ : შუნდვნ : ღმრთ : ამნ .
რომელმან მოჭედა ხატი ესე ოქრომჭედელ.
მან შეუნდევ, ღმერთო, და ო-
რთა შვილთა მისთა შეუნდვენ ღმერთმან, ამინ.

ხატი, ჩვენი აზრით, იმავე მე-15 საუკუნეს ეკუთვნის, როგორც წინა ხატი.

11. ხატი მიქაელ მთავარ ანგელოზისა, ვერცხლისა, ნაჭედი, 53X46 სანტ. მთავარ
ანგელოზი წარმოდგენილია სამეფო ტანისამოსით, გრძელის ფრთებით, ლაბარუმით
მარჯვენა ხელში და ბურთით მარცხენაში; ხშირი თმა ჰფარავს შუბლს და ჩამოდის
ყელამდე კიკინებით; ზემოდ ორ წრეში წარწერაა: წ-ჲ მ-ქალ. ფონი სადაა (იხ. №17105).
ჩარჩო ფართოა, რომბ-ლურსმული ორნამენტით შემკობილი, რვა მედალიონით,
რომლებშიაც წარმოდგენილნი არიან ზემოდ: მაცხოვარი, მიქელ მთავარ ანგელოზი
და წ-ა იოანე; ქვემოდ, შუაში წ¯ა გიორგი ცხენით, ადამიანს გმირავს; მარცხნივ წ-ა
მარინე; მარჯვნივ: „წ-ჲ ჲოვნე“; მარცხენა აშიაზე: დ დჲ ღ-ჲ, ხელებ აპყრობილი
სავედრებლად; მარჯვენა აშიაზე გაბრიელ მთავარ ანგელოზი წელმოხრილი და
ხელებ გაშვერილი სავედრებლად; ქვემოდ წარწერაა, რომელშიაც ო და უ ერთნაირად
ო-ნით არის გამოხატული:

წ-ო მთავარანგელოზო(sic) შ-ე მქ-ლ თუმანი ამ-ნ.

ხატი მე-16 საუკუნის უნდა იყოს, როგორც №10 სვიფის ხატის ერთის ნაწილისა.
 12. ხატი მიქაელ მთავარ ანგელოზისა, ვერცხლისა, ნაჭედი, 27,5X22 სანტ.
მთავარ ანგელოზი კვარცხლბეკზეა დამდგარი, მდიდრულ სამეფო ტანისამოსით და
გრძელის ფრთებით, ლაბარუმით და ბურთით; ხშირი თმა აქვს, რომელიც შუბლს
ფარავს და ყელამდის ჩამოდის; თმიდან, ორივე მხარეს, თმაში გაყრილი ქინძის
თავები გამოდის; თავის წრე დიდია; აქეთ-იქით წარწერაა: წ-ჲ მქ-ლ. ჩარჩო რომბ-
ლურსმულია სადა მედალიონებით; ქვემოდ, მარცხნივ ძლივს შესამჩნევი ნაჯღაბნია:
„წმდის აგლზის ხატი“. საზოგადოთ ხატი ლამაზი ხელობის არის, მე-15-16 საუკუნისა
(№17091).

13. ხატი წ-ა გიორგისა, ვერცხლისა, ნაჭედი, 46X34 სანტ. წ-ა გიორგი აქ
ფეხოსანია, რომაულ საომარ ტანისამოსით; მარჯვენა ხელში შუბი უჭირავს; მარცხენა
მოგრძო ფარზე აქვს დადებული; თმა ხუჭუჭა აქვს; წრე, თავის ირგვლივ, დიდი;
ფონი ქსელოვანი, ჯვრებით; აშიები შემკობილი ხლართული რგოლებით
ბალახითურთ; ქვემო აშია მოძარცულია, დარჩენილია ხუთი მედალიონი; ზემოდ
ვედრებაა; მარჯვნივ და მარცხნივ თითო წმიდანი, უწარწეროდ. ხატს ზემოდ, ნიმბის
ორივე მხარეს, რგოლებში აწერია: წ-ი გ-ი სუჯსჲ (სუჯუნისაჲ). ხატი მე-16 საუკ. უნდა
იყოს (№17092).

14. ხატი წ-ა გიორგისა, ოქროთი დაფერილი ვერცხლისა, 41X34 სანტ. აქ წ-ა
გიორგი ცხენოსანია, მაგრამ ძლივს შესამჩნევი რელიეფით, გვირგვინოსანს გმირავს,
რომელსაც უკვე დაუყრია თავის ფარ-ხმალი (№17104). ხატი ძალზე დაჭეჭყილია და
ცვილის სარჩული აღარა აქვს. ზემოდ, „დრობნიცებში“ თითქო წარწერაა, მაგრამ
ყოველ შემთხვევაში, არა ქართული. აშიები ბალახოვანის ორნამენტისა აქა-იქ
გაფუჭებულია, ქვემოდ სხვა ნაჭრები აქვს დაკერებული; ზემოდ სამი მედალიონია:
მაცხოვრისა, წ-ა მხედრისა და მთავარ ანგელოზისა. ხელობა მდარეა, მე-17 – 18 საუკ.

15. ხატი იოანე ნათლისმცემლისა, კარედი, 42X31 სანტ. ფიგურები წამლით

ყოფილა დახატული, მაგრამ ეხლა მოშლილია; თვით იოანეს ხატი შუაში ჩასმული,
ბერძნულის წარწერით სახელისა; მის ქარტაზედაც ბერძნული წარწერაა. აშია ამ შუა
ხატისა გრძელ უჯრებად დაყოფილი სევადით არის შემკობილი. სახე იოანესი სულ
გაფუჭებულია (იხ. №17109), იოანეს მარცხნივ წარმოდგენილია ღვთის მშობელი,
ბერძნულის წარწერით სახელისა. მარჯვნივ იოანე მახაროებელი, ასომთავრულის
წარწერით, რომლისაგან დარჩენილია მხოლოდ: „მ-ხრბელი“. ზემოდ იოანეს ხატისა
კამარას ქვეშ მაცხოვარი ყოფილა, წელსზევითი, ბერძნულის წარწერით სახელისა,
მაგრამ შებრუნებული ასოებით. ნიმბი ჯვარის სახისა არის; ქვემოდ მედალიონებში
წარმოდგენილნი ყოფილან ასომთავრული წარწერებით: წ-ჲ ი-რნ (ირინა) წ-ჲ ბ-რა
(ბარბარა), წ-ჲ ეკტრინა (ეკატერინა); ეზო ხატებისა და არა კამარის ირგვლივ
შემკობილია ლამაზი ბალახოვანი ხლართულებით. ზურგზე კარედისა წარწერაა (იხ.
№17089):

: ქ : წ-ო : ი-ნე : ნათლ წმიდაო იოანე ნათლის

ის მცემ-ლო : შეიწრე : მ მცემელო, შეიწირე მცი-
ცირედი :ესე : მკობაი : ჩემ რედი ესე მკობაი ჩემ
 ფოლარიანისა : ცოლისა :
მარიამისაგან : და ჩემ
ისა : შვილსა : ჩარგალის
გან : ად მეჳხ
გუექმენ :.
ფოლარიანისა ცოლისა
მარიამისაგან და ჩემი-
სა შვილისა ჩარგალის-
გან და მეუხ
გუექმენ.

წარწერა დ. ბაქრაძესაც მოყვანილი აქვს (იხ. გვ. 71). ხატი მე-14-15 საუკუნის
უნდა იყოს.

16. ხატი მიქელ მთავარ ანგელოზისა, 26X18 სანტ. ფიგურა ყოფილა წამლით
დახატული, მაგრამ ეხლა დაზიანებულია; ნიმბი, აშიები და მოცულობა ოქროსი
დაცულია (იხ. №17111). ნიმბი საუცხოოდ შემკობილია ბალახოვანი ორნამენტით;
მის ორივე მხარეს ლამაზი ასომთავრულით აწერია:

წ¯ჲ : მქე მთვრნგლზი ლესკილდშისა.

ასო ს ორივეჯერ უკუღმა სწერია. ქვემოდ ერთ-სტრიქონიანი წარწერა ყოფილა,

მაგრამ ბოლო აკლია:

[ქ. წ-ო მი]ქელ მეოხ დ მფრვლ მყ-ვ მსვს შნს . . . .

ასო ს აქაც ყოველთვის უკუღმა სწერია.
აშიები უჯრებად დაყოფილი, შეცვლით, სევადით და ბალახოვანის ორნამენტით
არის შემკობილი. ხატი მე-12-13 საუკუნის უნდა იყოს.

17. ხატი წ-ა გიორგისა, ოქროთი დაფერილი ვერცხლისა, 26X18 სანტ. სულ
მოშლილია; დარჩენილია თავი ნიმბით და ხუჭუჭა თმით, და წარწერით: წ¯ჲ გ¯ი.
მარჯვნივ დარჩენილი ფონის ნაწილი შემკობილია ვენახოვანი ორნამენტით. აშიები,
აგრეთვე შემკობილი ორ-ფლოქოვან ზოლებს შუა, დაცულია, გარდა ქემო ნაწილისა
და მარცხენა მხარის ქვემო კუთხისა (იხ. №17111). ალბათ ამ ხატს ეკუთვნის
ხუცური წარწერის ნაწყვეტი, რომელიც მე სკივრში ვიპოვე:
. . . ველ ექმენ : ა . . . არ : კჳრ . . .

18. ხატი წ-ა ნიკოლოზისა, 24X17 სანტ. ოქროსი; ფიგურა წამლით დახატული
მოშლილია; ნიმბი ყოფილა შემკობილი სევადიანი ტალღისებური ორნამენტით.
ფონი და აშიები საუცხოო ნაჭედი ორნამენტებით ბროწეულის ყვავილებისა
სრულიად დაცულია. ნიმბის აქეთ-იქით, გრეხილოვან წრეებში, წარწერაა ერთობ
ლამაზი ასომთავრულით: წ-ი ნკ-ზ (იხ. №17110). ხატი მე-12 საუკ. უნდა ეკუთვნოდეს.

19. ხატი წ-ა გიორგისა, ოქროსი, 27X20 სანტ. წმიდანი ფეხოსანია, შუბით და
ფარით; თავის წრე, წერტილოვანი, დიდია. წარწერა: წ-ჲ გ-ი. აშიები რელიეფური
კრინკიჟებით შემკობილი დაცულია სამ მხარეს; ქვემოდ და მარჯვენა მხარეს აკლია.
ფიგურა გიორგისა დაბალი ხელობისაა, მე-17-18 საუკუნისა (იხ. №17110).
 20. ხატი ორთა ეკლესიის მამათა, ვერცხლის ფირფიტაზე, 17X15 სანტ. დაბალი
ხელობისა (№17090).

21. ხატი წ¯ა გიორგისა და წ-ა დიმიტრისა, სრულის ტანით, წარწერებით: წ-ჲ გ-ი,
წ-ჲ დ-ი. ვერცხლისა, 11X9 სანტ. უფრო ახალი დროისაა (№17090).

22. ხატი მთავარ ანგელოზ გაბრიელისა, ვერცხლისა, ნაჭედი, 43X34 სანტ.

მთავარ ანგელოზი წარმოდგენილია სრულის ტანით, ლაბარუმით და შუბით.
წარწერა: გბ-ლ მგ-ეი. გვარიანი ნახელავია, მაგრამ შვიდი მედალიონის ფიგურები
აშიებზე წმიდათა ტლანქი ხელობისაა. ქვემოდ ხუცური წარწერაა:
ჯხს შევ-ნდვ -ნ ღ-ნ. ესე იგი „ჯავახს შეუნდვენ ღმერთმან“.

23. ორი გულის ხატი მთავარ ანგელოზ გაბრიელისა, 7,5X6 სანტ. თითო; ტლანქი
ხელობის არის.

24. პატარა, მაგრამ ფრიად ლამაზი სპილენძის ზარი, 26 სანტ. სიმაღლით; უკვე
გაბზარულია (იხ. №17093).

25. დიდი, თუჯის ზარი, ლათინურის წარწერით, რომელიც დ. ბაქრაძესაც აქვს

მოყვანილი (გვ. 71):

AVE MARIA GRACIA PLENA DOMINUS (TECUM)

26. სადაფი (№17090).

27. სახარება ეტრატზე, 29,5X22 სანტ. ხის ყდით, რომელზედაც გადაკრული

ყოფილა ფარჩა (ეხლა უკვე გამქრალი), ხოლო მის ზემოდ მოოქრული ვერცხლის
ფურცელი, ნაჭედი სახეებით და შემკობილობით სოსანის ყვავილებისა.
წინა პირზე წარმოდგენილია მაცხოვარი, სკამის მსგავს ტახტზე მჯდომარე,
სახარებით მარცხენა ხელში და მაკურთხევლის მარჯვენით. ნიმბი ჯვარის სახისა
აქვს, ბერძნულის წარწერით სახელისა. ტახტი დაბალია, მუხლოვანად შემკობილი,
მუთაქით ზემოდ. აშიები ისეთივე შემკობილობის არის, როგორც ოთხკუთხედი
ქრისტეს ფიგურით და ოთხი მედალიონით მახარობელთა კუთხეებში. წარწერა
ბერძნულია. მარცხენა აშია დაკარგულია და შემდეგ ამოუვსიათ ვერცხლის
ზოლებით.
წინა პირზე მოიპოება კიდევ ვერცხლის პატარა „როზეტები“, სულ 13 როზეტია
და სხვები აკლია. კუთხეებში, ამას გარდა, შუა ოთხკუთხედთან ყოფილა
შემაერთებელი, ჩანგის მსგავსი ფიგურები, მაგრამ დარჩენილია ერთი მარცხენა
მხარეს, დაბლა; და ორი ამ გვარივე, მაცხოვრის ოთხკუთხედში, დაბლა (იხ. ფოტ.
№17112).
მეორე გვერდი ყდისა თავის შემკობილობით სრულიად იგივეა, რაც წინა პირი,
მხოლოდ აქ შემკობილს ოთხკუთხედში ჯვარცმაა წარმოდგენილი, მაგრამ ქვემო
ნაწილი ჯვარცმულისა სრულიად მოშლილია. ჯვარცმულის ხელების გასწვრივ
მედალიონებში ღვთის მშობელი და იოანე მახარობელია; ჯვარცმულის ზემო
მედალიონში მთავარ ანგელოზია, ეხლა დაზიანებული. პატარა როზეტების რიცხვი
აქ რვა არის, ხოლო ჩანგის მაგგვარი ორნამენტი სამია დარჩენილი, თითო მარცხენა
კუთხეებში აშიისა, და ერთი ზემოდ, მარცხენა კუთხეში ოთხკუთხედისა. კვადრატის
აშია აქ სამს ადგილას ისეთი ვერცხლის ზოლებით არის ამოვსებული, როგორც წინა
პირის მარცხენა აშია. მარჯვენა კუთხეც ზემო დიდი აშიისა ცოტა მანძილზე
ამგვარათვე არის შეკეთებული. ოთხი კუთხის მედალიონებიდან მახარობელთა
დარჩენილია ერთი მთელი, დაბლა, მარჯვენა კუთხეში, და ნახევარი ზემოდ,
მარცხენა კუთხეში (იხ. ფოტ. №17113).
ტექსტი სახარებისა ნაწერია ნუსხა ხუცურით, ორ სვეტად; სვეტზე 21
სტრიქონია; თავში მოყვანილია ევსების წერილი კარპიანესთან: ევსები : კარპიანეს :
სყრ¯ლსა : ძმასა : ო¯ისა მიერ გიკითხავ. (ეს სინგურით სწერია).
ყველა სახარების წინ ნუსხაა თავებისა. შემდეგ ფერადოვანი სურათი
მახარობელისა, მაგრამ ამათგან მხოლოდ ორია დაცული (ერთი მათესი, იხ. №17096);
სხვა მოუპარავთ (უვაროვის დროს ყველა იყო დაცული). მოუპარავთ აგრეთვე
ფერადებით შემკობილნი კანონებიც. გარდა ხუთისა (ამათგან სამი იხ. №№17094,
17097, 17098).
ყველა სახარებას აქვს თავის მეთაური ფერადოვანი მხატვრობა, „ზასტავკა“
(ამათგან ორი, ერთი მათეს თავისა, იხ №17099, მეორე მარკოზის თავისა იხ. №17095).
მხატვრობა საზოგადოთ ხელოვნურად და ფრიად ლამაზად არის შესრულებული
სხვა და სხვა ფერადებით.
სახარების ტექსტის ბოლო იხ. ფოტოგრაფია №17100. აქ არის მოქცეული იოანეს
სახარების მე-21 თავის მე-21-25 სტიხები.
სახარების ტექსტის დასასრულს ტექსტის ხელით შემდეგი ბოლოსიტყვაობაა
მოყვანილი (იხ. ფოტ. №17101 და 17114):
სახელითა ღ-თისაჲთა მ-მისა ძისა და ს-ლისა წ- სჲთა :
მეოხებითა ყ-დ წ-ისა ღთსმშბელისაჲთა ძალითა პატი-
ოსნისა და ცხოველის მყოფელისა ჯ-რისაჲთა, წმიდათა
მთავარანგელოზთა მიქაელისითა და გაბრიელისითა წ-ისა
წინასწარმეტყველისა წინამორბედისა და ნათლის მცე-
მელისა იოანესითა წ-თა მცქლთა წინასწარ მეტყუელთა
მღდელ მოძღუართა მოწამეთა მამათა მამათ მთავართა
და ყოველთა წ-თა ზეცისა და ქუეყენისაჲთა. რომელნი
საუკუნითგან სათნო ეყვნეს უფალსა ჩუენსა ი-ჳ ქე-სა.
ამათ ყოველთა წ-თა მადლითა და შეწევნითა დავწერე
ანდერძი ესე ამა წმიდასა სახარებისა შინა მეფისა მოძ-
ღუარმან ბერმან ილნრიონ(sic) სოფრომის ძემან მას
ჟამსა ოდეს პატრონმან დ-თ მეფემან ძემან რუსუდა-
ნისამან ოპიზით წამომიყანეს და გელათს ქედს წ-თა
მთავარანგელოზთა წ-ე მამყოფეს ესე წ-ჲ სახარებაჲ
მიბოძეს და ვითა მმართებდა მათად სადიდებლად და
სალოცავად ქედს წ¯თა (აქამდის ამ ანდერძის ფოტო-
გრაფია იხ. № 17101). მთავარანგელოზთა შევსწირე და
მათსა ეკლესიასა დავდევ და რომელი ჩემგან ეგებოდა
 მათითა ნაბოძვარითა რაჲცა აკლდა ესე სახარებაჲ შეჰ-
კაზმე და ბარძიმ ფეშხუმი ხჳრი და კოვზი ვერცხლისაჲ
სიწმიდის სამსახური სრული ლავრისაჲ ხატი წ-თა მთა-
ვარანგელოზთაჲ მომცროჲ დავახატვინე და მოვაჭედი-
ნე სამღდელოჲ ესე ყუჱლაჲ პატრონისა ნაბოძვარითა მა-
თად სადიდებოდ და სალოცავად ვქმენ და ესეცა გა-
ვაჩინე წ-თა მთავარანგელოზთა წ-ე ოთხნი სანთელნი
და ოთხნი კანდელნი სანთებად პატრონისათჳსვე ; აწ
ვინცა და რამანცა გუარმან კაცმან ამა წმიდისა სახარე-
ბისა და ესე რაჲცა ზემოჲთ დაგჳწერია ამათ წ-თა მთა-
ვარანგელოზთა ეკლესიისგან გამოღებად ანუ გამოჴუჱ-
ბად ანუ შეცვლად რაჲსაცა მიზეზისა მიღებითა ჴელ-
ყოს და დააკლოს ჰრისხავსმცა მამაჲ და ძე და სული
წ-ჲ და ყოვლად წმიდა ხახულისა ღ-თისმშობელი წ¯ნი
მთავარანგელოზნი მიქელ და გაბრიელ და ესე ზემო
წერილნი ყოველნი წ-ნი ღ-თისანი და კანონსამცა ქუჱ-
შე არს წ-თა მოციქულთა და მღდელთ მოძღრთასა :.
დაკრულამცა არს დაუსაბამოჲსა ღ-ის პირითა და ოდეს
ყ-ნი კრ-ლნი გაჴსნენ დღესა მას საშინელსა განკითხვი-
სასა იგიმცა ნუ განიჴსნების ყ¯თა ღ-თისა უვარის მყო-
ფელთა და შემცოდეთა თანამცა დაისაჯების სული მი-
სი1 საუკუნოდ უ-კე და ვინცა მტკიცედ და უცვალებ-
ლად იპყრას ესე ყოველივე მადლი და კურთხევაჲ ღ-ჲ
და ამა წ-თა მთავარანგელოზთაჲ იყავნ მ-ს ზ-ა და საუ-
კუნომცა არს სჴსენებელი მისი. და ვინცა კაცი რაჲსაცა
მიზეზისთჳს ამის ანდერძისა შეშლასა და ანუ ამოკუჱ -
თასა ეცადოს კრულმცა არს ღ-თისა მადლითა და ამათ
ზემო დაწერილთა კანონთამცა ქუჱშე არს:. 2.

შემდეგ მოყვანილია ცნობილი ანდერძი გიორგი მთაწმინდელისა. ჩვენ ეს

ანდერძი, როგორც ჩვეულებრივი, არ მოგვყავს; დ. ბაქრაძეს (იხ. გვ. 74) და ა.
ხახანაშვილს (გვ. 15) მოყვანილი აქვსთ.
ამით მტკიცდება, რომ ტექსტი ჩვენი სახარებისა გიორგის რედაქციის არის.
გიორგის ანდერძის ბოლოს ტექსტის ხელით და კინოვარით, წვრილის ხელით
სწერია:
წ-ნო ღ-თისანო ვინცა მიემთხჳნეთ წ-ა ამას სახარება-
სა ლოცვა ყავ მდაბალთა მონაზონთა ი-ნე და სჳმეო-
ნისთჳს :.
მათეს სახარების ბოლოს სწერია:
ქ ქ-ე შ-ე ს-ლი ჩემ ცდვლისა სტ-ფნესი :.
იქ, სადაც თავდება მათეს სახარების თავების ჩამოთვლა, მხედრულის ხელით
მეცამეტე საუკუნისა სწერია:

ქ . სახელითა ღ-თისაითა ცაიშის ღ¯თის მშობლისაითა

 თვესა სეკდბრსა ათხუთმეტსა მე ცაიშელი მთავარების-
კოპოსი დანიელი ლაბსაყელდასა მივ(ე)დი ვაკ(უ)რთხე
მთავარანგელოზი ლაბსაყელდაშისა დემეტრე მეფისა
მეფობასა შიგა ერისთავთ ერისთავისა დად(ი)ანისა ოზ-
ბ(ე)გისა ბრძანებითა და მოწმებითა და ცხ(ო)მ(ა)რისა

____________
1 აქედან ანდერძის ბოლოს ფოტოგრაფია იხ. 1614.
2 შეადარე დ. ბაქრაძე, გვ. 74-65 და ა. ხახანაშვილი, გვ.15.

ჴევნმან დაუწერეთ მთავარანგელოზსა ლაბსყელდაშისა

საპ(ა)ტიჟუი ზ(ღ)უდესა შიგნით სამოც და ათასისა თეთ-
(რისა) საპ(ა)ტიჟუი მას გარე საპ(ა)ტიჟუი სადა სარ(ე)კ-
ლისა ჴმაი ისმის რვაი ათ(ა)სისა თეთრ(ი)სა მისი საპ(ა)-
ტიჟუი დაგვსა ჭიხუაშისა და ხანსისა. შვა ოთხი ათა-
სისა თეთრსა საპ(ა)ტ(ი)ჟუი დაგვ(ი)ცსა. მე ცაიშელ
მთავარებ(ი)სკ(ო)პ(ო)სმან დანიელ ვ(ა)მტკიცე და ჭ-ნ
(sic) ერთობილთა ჴევთა ცხრომისათა მეფეთ დადიანსა
ბრძანებ(ი)თა . ვინც გა(ა)მ(ა)გრესა კურთხეულიმც არსა
ვინც შესცვ(ა)ლოსა კურლმცა არს ღ-თისა მ(ა)დლითა.
მე კაკასატასა დავითს დამიწერია და მოწამეცა ვარ ამა
სიგელისა .

პირველ გვერდზე ამას ემატება:

ქ . ვინც დამნ(ა)ხველი ჭ-ნ შოვა გამოჭნდესა (sic) ან

ღვშდა (= ხვაშიადი (?) გაგვმჟღონოსა ათ(ა)სისა თეთ-
რისა საპ(ა)ტიჟუი გარდავ(ა)ჴდევ(ი)ნოთ მთავარანგე-
ლოზსა გ(ა)ნმომსროლი იყოს1.

როგორც სჩანს მონაწერებიდან, ლაფსხალდის სახარების ისტორია მოკლედ

ასეთია: სახარება, უნდა ვიფიქროთ, გადაუწერიათ ორს ბერს, იოანეს და სჳმეონს,
რომელნიც თავიანთ თავს იხსენიებენ ტექსტის ხელითვე მინაწერში იოანეს
სახარების ბოლოს. მაგრამ სად და როდის არის დაწერილი სახარება, მოხსენებული
არ არის სამწუხაროდ. ეს საძიებელია; სახარება ჰკუთვნებია მეფე დავით ნარინს,
რუსუდანის ძეს, (1243-1293), რომელსაც ის უბოძებია თავის მოძღვრის, ბერის
ილარიონ სოფრომისძისათვის. ეს ბერი მას გადმოუყვანია განთქმული კლარჯეთის
მონასტრის ოპიზიდან და დაუდგენია ქედის მთავარ ანგელოზთა ეკლესიაში,
რომელიც დღესაც არსებობს კლდოვან ქედზე, გელათის ზემოდ, აღმოსავლეთით,
სულ ახლოს გელათის მონასტრისა. ეს უნდა მომხდარ იყოს მას შემდეგ, რაც დავით
ნარინი გამეფდა იმერეთში, ესე იგი, 1258 წლის შემდეგ.
ილარიონ სოფრომის-ძეს, დავითის მიერვე ნაბოძვარით, ქედის ეკლესია
გაუმდიდრებია წირვის იარაღით, სამღვდელო შესამოსლით, მთავარ ანგელოზთა
ხატით და საწინასწარმეტყველო წიგნით და ეს სახარებაც, „რაჲცა აკლდა“,
შეუკაზმავს და ქედის ეკლესიაში დაუდვია. მის ანდერძში მოხსენებული არ არის,
რაში გამოიხატებოდა ეს შეკაზმვა, რა აკლდა სახარებას? შეკაზმვა ხელნაწერისა
საზოგადოთ გულისხმობს ყდის გაკეთებას და მხატვრობით გამშვენიერებას და
გამდიდრებას. ცალკე ფურცლებზე მოქცეულნი მხატვრობანი, მაგალითად,
მოციქულთა სურათები, ფერადოვანი კანონები და ცალკე სცენები სახარებისა
ხშირად ცალკე მუშავდებოდა და შემდეგ უმატებდენ ხელნაწერს. ზოგჯერ ასეთი
სურათები მზამზარეული ბიზანტიიდან მოდიოდა, მაგრამ როდესაც მხატვრობა
ტექსტთან არის შეკავშირებული, როგორიც არის მეთაური მხატვრობანი

___________
1 მთელი ეს მხედრული ხელით მინაწერები დ. ბაქრაძეს არ მოჰყავს. ა. ხახანაშვილს მოჰყავს,
გარდა პირველ გვერდზე მინაწერისა (იხ. გვ. 16), მაგრამ ჩვენს და მის კითხვაში იმდენი განსხვავებაა,
რომ ჩამოთვლა შორს წაგვიყვანს; მკითხველმა თვით უნდა შეადაროს.

(„ზასტავკები“), შიგ ტექსტში მოქცეულნი ანუ აშიებზე მოთავსებულნი მხატვრობანი,

ამათი ცალკე შეძენა და ხელნაწერში ჩამატება შეუძლებელი იყო.
ჩვენს ხელნაწერში ყველა ფერადიანი მხატვრობა ერთი რიგის არის სახარებათა
მეთაურ მხატვრობასთან, „ზასტავკებთან“, შედარებით. ამიტომ, უნდა ვიფიქროთ,
რომ ფერადოვანი მხატვრობა უკვე იყო სახარებაში, როდესაც ილარიონმა სახარება
მიიღო მეფისაგან. მაშასადამე, მას ეკუთვნის ნაჭედი ვერცხლის ყდის გაკეთება.
ამრიგად, ყდა მე-13 საუკუნის მეორე ნახევრის უნდა იყოს.
ხელნაწერის თარიღის გამოსარკვევად მარტო წერის ხასიათის და მხატვრობათა
რიგის, სტილის მიხედვით უნდა ვიხელმძღვანელოთ. ერთიც და მეორეც, ჩვენის
აზრით, მე-12-13 საუკუნეს უნდა ეკუთვნოდეს, და არა მე-11-ს, როგორც დ. ბაქრაძეს
(გვ. 77) და ა. ხახანაშვილს (გვ. 16) ჰგონიათ. უვაროვისა მე-13 საუკ. აკუთვნებს, მაგრამ
მას ილარიონის მინაწერი ისე გაუგია, თითქოს ხელნაწერის გადაწერის დროს
უჩვენებდეს (გვ. 152).
მეორე, მხედრული მინაწერიც ფრიად საყურადღებოა. თავდაპირველად ის
უჩვენებს, რომ ლაფსხალდის ეკლესია მე-13 საუკუნეში აუშენებიათ და ის
უკურთხებია 15 სექტემბერს ცაიშის მთავარ ეპისკოპოსს დანიელს, დავით ნარინისავე
მეფობაში, რაც უნდა მომხდარ იყო 1258-1293 წლებს შუა; და რაკი მის ფურცელზე
ლაფსხალდის ეკლესიისათვის განჩინება დაუწერიათ, ალბათ სახარებაც მის
საკუთრებად დაუტოვებიათ. მაშასადამე, ის დიდ ხანს ქედის ეკლესიაში აღარ
დარჩენილა. ამ დროს სადადიშკელიანო სვანეთის ეკლესიები, როგორც ირკვევა,
ცაგერის ეპისკოპოსის სამწყოს არ შეადგენდენ, არამედ სამეგრელოზე ყოფილ არიან
მიწერილნი. აგრეთვე ხელისუფლება აქ დადიანებს ჰკუთვნებიათ. თავის თავად ეს
განაჩენი შეადგენს უძველეს კანონს სვანეთის ეკლესიისა, სადაც განმარტებულია, თუ
რა ჯარიმა უნდა გაიღოს ეკლესიის სასარგებლოდ, ვინც მას უპატიობას მიაყენებს
ეკლესიის ზღუდეს შიგნით, თუ გარედ, სანამდის სარეკლისა ხმაი ისმის. სარეკელი აქ
ზარს კი არ ნიშნავს, როგორც ა. ხახანაშვილს ჰგონია, არამედ ფიცრის სარეკელს,
რომელიც ზარის მაგიერ იხმარებოდა ძველს დროში.
ეს განაჩენი დანიელ ცაიშელს თავის ინიციატივით კი არ დაუდვია, არამედ
მეფისა და დადიანის ბრძანებით. ესეც ფრიად საყურადღებო ფაქტია, რომელიც
მოწმობს, რომ მეფეს უფლება არა ჰქონია დადიანის უდასტუროდ ასეთი განჩინება
დაედვა. ერთი ამ აქტის მსგავსი განჩინება ლარგვისის მონასტრისათვის ჩვენ უკვე
გამოვეცით (იხ. საქართველოს სიძველენი, ტ. III, გვ. 555-561). შესაძლოა, ილარიონ
სოფრომის ძე სვანი იყო და ეს სახარება უანდერძა ლაფსხალდის ეკლესიას.

განჩინება ცხომარის ხევისა.

ცხომარის თემს ეკუთვნის ერთი ხელშეკრულების წერილი, რომელიც ჩვენ

ვნახეთ დეკანოზის იოანნე მარგიანის სახლში, ხელშეკრულობა დაწერილია
ეტრატზე, შეიცავს ორ ფურცელს; ეტყობა, ამოღებულია ტყავის წიგნიდან. მეორე
ფურცელი დაუწერელია; პირველ გვერდზე მხედრულის ხელით მე-15 საუკუნისა,
შემდეგი განჩინებაა მოთავსებული, რომელიც ჩვენ უცვლელად მოგვყავს:

ქ : სახელითა ღთისაითა დაშეწონითა და ბრძანებითა

მთავარანგელოზისა ლაგსაყელდაშისა შეწეონითა და-
ვოწერეთ და დაოდევით დაწერილი ესე მტკიცე და ოქ-
ცველი დროი დაოდებელი მიზეზი შემო(უ)დებელი რა-
სა გინდა ჟამსა შემოსროლობასათვისა შეოცვლებელი
ჩ-ენ ცხმრისა ჴე-ომან ქვანსა და ხანსარასა შოვა მსხდო-
მარეთა ცხმრასა მიწასა ზედა მსხდომარეთა ერთობ ყო-
ველთა დიდთა და მცირეთა ერთობლათა ერ(თ)მან
ერთისა ნდომითა და მოწმებითა მას ჟამსა ოდეს ღო-
ღელოჟგი მოსაგებლასა შემოგვ(ე)ცილნესა მერმე მო-
ვიგონეთა დავ(ი)მ(ა)გრეთ რაც ცხრმასა ამას იქითა მო-
საგებელი იქნასა და გ(ა)მოსჩნდესა ან გამოჩინებული
ჩანსა ყველი მთავ(ა)რანგელოზსადა დაგვ(ი)ცსა მთავარ-
ანგელოზისა იყოს . შვალად მთავარანგელოზი იყოს,
შვლადა მთავარ ანგელოზი დაგვისამსა ვინცა ამას შე-
მოგვეცილოს ან მთავარ ანგელოზსა ან ცხმრისა ჴე¯ოსა
და რაი მთავარნგელოზი არასა და ცხმრისა ჴევი გინდა
ვ¯ნ შემოგკვდესა გინდა ვინ გამოძ(ა)რცოთ გინდა ვისა
ალ(ა)ფი წ(ა)ოღოთა რაი გინდა ობ-ლოი საშ(ი)ნელი
საქმე მოჰყვესა რაგინდა გგრძლდესა და გაძნელდესა
ვინც მთავარ ანგელოზსა მოსაგებელსა არა ერთოსა
მთავარანგელოზსაგან გამოსროლი იყოს : ესე დაგვიმ-
ტკიცებია და გაგვიმაგრებია ვინცა ესე შესცვალოსა
მწერალი წყეულ შეჩვენებული არს სული მისი აქა და
მას საუკნოსა ურსავე ცხოვრებასა. (უზის 14 ბეჭედი).

ეწერის თემი
 სოფელი ბარში.

სოფელ ბარშში არის ციხე-დარბაზი დადიშკელიანებისა, ანუ უკეთ ვსთქვათ,

მათი კოშკი, ირგვლივ გაწყობილი სახლებით და შენობებითურთ. ეს კოშკი მთელს
სვანეთში უდიდესი და უმაღლესია. სტოიანოვის დროს აქ ცხოვრობდა მთელი
ოჯახობა თენგიზ დადიშკელიანისა და მას აწერილი აქვს, როგორც ეს კოშკი და სხვა
შენობები, ისე ცხოვრება და ზნე-ჩვეულება მათში მცხოვრებ მთავრის თენგიზ
დადიშკელიანის ოჯახისა (გვ. 302-309). გრ. უვაროვის დროს აქ ცხოვრობდა
თათარხან დადიშკელიანი (იხ. უვაროვისა, გვ. 43-44), მაგრამ ჩვენს დროს თათარხანი
უკვე აღარ იყო ცოცხალი, მისი ძმა ოთარი მუდამ აქ არ ცხოვრობდა, მხოლოდ
საზაფხულოდ მოდიოდა; მეორე ძმა, ჯამსუყი სამსახურში იყო (ყარსის
ღუბერნატორის თანაშემწე) და იშვიათად ესტუმრებოდა ხოლმე თავის სოფელს.
კარგი ხანია ძველი შენობები მათ საცხოვრებელ ბინას აღარ შეადგენდნენ, არამედ
ზღუდეს გარედ, გაშლილ ეზოში, ორი ჩვენებური, იმერული, ანუ მეგრული, კოპწია
ოდა იყო გაშენებული; ერთი მათ საცხოვრებლად, მეორე სტუმართათვის.
საზოგადო სახე ბარშის სოფლისა, რომელიც ამ ძველ დადიშკელიანების კოშკის
შენობებზეა მიკრული, საუცხოოდ მოსჩანს ფხოტერის ეკლესიის ეზოდან; იხილეთ
ჩვენი ფოტოგრაფია №17456. კოშკის და ძველი შენობების სახე, იხ. №177, (ამ
ფოტოგრაფიაზე მოსჩანს, მოშორებით კიდევ ძველი დადიშკელიანების სოფელი
ყურაში). №178, №17453. ერთი ახალი, ხის სახლი და დადიშკელიანისა, იხ. №17454.
ბალკონის ქვეშ მოსჩანს სპილენძის ქვაბები, რომლებიც მიწიდან ამოუღიათ გათხრის
დროს და რომელნიც კუბოს მაგიერ ყოფილან ნახმარნი. საზოგადო სახე ეწერის
მინდვრებისა და მთებისა, იხ. №17455.
ძველ შენობებში დადიშკელიანებისა განსაკუთრებულ ყურადღებას იქცევს ხის
ბეღელი, სულ მოხარატებული და შემკობილი საუცხოო ჩუქრუთმებით. ოთარი
დაგვპირდა მის მოცემას მუზეუმისათვის, თუ კი მის გადმოტანას მოვახერხებდით.
ჩვენ დროს ეს არ მოხერხდა.
დადიშკელიანების ეზოს ამშვენებს შტოებ-გაშლილი დიდი ჭადარი, რომლის
ქვეშ იკრიბებიან როგორც ოჯახობა დადიშკელიანთა, ისე სოფლელები; აქ არის სჯა-
ბაასი საოზგადო საქმეებზე, სასამართლო, ფიცი, პირობების დადება, თუ სხვა
თათბირი. სურათი იხილეთ, უვაროვისა, გვ. 44. ტაბ. XVII, სურ. 30.
დადიშკელიანების სახლში ჩვენ დროს იყო ორი ძველი საარქეოლოგიო ნივთი:
1. ერთი დიდი ვერცხლის ჩარა, მასსიური, 45 სანტიმეტრი დიამეტრით. ფსკერზე
ამობურცული, დასრეტილი ვერცხლის შემკობილება აქვს (იხ. ფოტ. №17153). ამას
ჰქონია ირგვლივ ხუთი მწვანე ძვირფასი ქვა, ჩასმული ამობურცულ ბუდეებში. დ.
ბაქრაძის დროს ყველა იყო. ეხლა ორია დარჩენილი. მთელი შემკობილება, როგორც
ეტყობა, წინეთ მოძრავი ყოფილა, ამოღება შეიძლებოდა და მერმე შიგ ჩადგმა, მაგრამ
ეხლა მიმაგრებულია ფსკერზე თაფლის სანთელით და ვერცხლის ლურსმებით;
ირგვლივ ჩარას აქვს სპირალური ჭდები. გარედან ფსკერზე მხედრული წარწერა
მოიპოვება. ყოველი სიტყვა შეუმოკლებლად არის მოყვანილი. თითოეული სიტყვის
შემდეგ სამ-სამი წერტილი არის. ნიშნებს დედნისა ჩვენ არ ვიცავთ, მით უემტეს, რომ
დ. ბაქრაძეს ეს დაცული აქვს (გვ. 67-68). ჩვენი წაკითხვა მცირედ განსხვავდება დ.
ბაქრაძის წაკითხვისაგან:
 ქ :. ეჰა ცისა და ქუეყანისა დამბადებელო, მამისა ჩუე-
ნისა ადამისა მამავო, ლატალისა მაცხოვარო, ჩუენ მი-
წამან შენმან და ბრძანებითა შენითა გამაღლებულმან,
მეფემ დადიანმა პატრონმა ვამეყ, და დედოფალთა
დედოფალმა პატრონმა ელენემ, ოდეს იმერეთს მეფენი
გარდაშენდენ და ძალითა და შეწევნითა შენითა ლისა1-
და შავს ჯიქეთს შუა მეფობა და დაიანობა ჩუენ და-
ვიჭირეთ, და მონდობილმან თქუენმან შემოგწირეთ
ჩარა თვალებიანსი (sic) ესე ჩუენსდა სადღეგრძელოდ
და საქმისა ჩუენისა წარსამართებლადა და გასამარჯვებ-
ლადა, სულისა ჩუენისა სახსრადა, საოხადა, შვილებისა
ჩუენისა გიორგის და ბაგრატისა და ასულისა ჩუენისა
დარეჯანის სადღეგრძელოდ. შენ მოწყალეო მაცხოვარო
ლატალისაო, შეიწირე მცირე შესაწირავი ესე.
ხელმოწერილია ხელჩართულად: მეფე ვამეყ მონა შენი.
ეს ჩართული გადმოღებული აქვს დ. ბაქრაძეს (დამატება, №10)

________
1 დ. ბაქრაძე კითხულობს: „ღისა". ჩვენის აზრით, აქ შეცდომაა. უნდა წერებულ იყო: „ლიხსა". რა
კი წარწერაში ნათქვამია რომ ვამეყი იმერეთის მეფედაც გახდა, ამით ნაჩვენებია იმერეთის საზღვარი.

წარწერა ეკუთვნის ვამეყ მესამეს, დადიანს, გიორგი ლიპარტიანის ძეს, რომელიც

მოკლულ იქმნა სვანეთში მე-17 საუკუნის მეორე ნახევარში, დაახლოვებით 1660 ანუ
1661 წელს. (იხილეთ Brosset, H. G. II, 1 liv. pp 274-280).

2. მეორე საყურადღებო ნივთი არის ვერცხლის კოლოფი, მცირედ

მოყვითლული, 31X18,6 სანტ. სიმაღლით 16 სანტიმეტრი, წონით 20 გირვანქა. არეები
კოლიფისა დაყოფილია ექვს წახნაგოვან ფიგურად და შემკობილია ზარნიშით და
კუბიკური წარწერებით, ფრიად ლამაზი და ნაზი ხელობისა. ზემო ნაწილს კიდევ
სამყური ყვავილების აშია უვლის. წარწერები კოლოფის წაკითხული არ არის. ჩვენ
მივიღეთ ზომები, რომ ყველა ნაწილი კოლოფისა გადმოგვეღო უკლებად
ფოტოგრაფიულად და ჩვენი ხუთი ფოტოგრაფია სრულ წარმოდგენას გვაძლევს ამ
კოლოფის შესახებ. წინა პირი სიგრძისა იხ. ფოტ. №17155, უკანა პირი სიგრძისა იხ.
№17156; ზემო ნაწილი სახურავისა იხ. №17154; მარჯვენა მხარე განისა იხ. №17157;
მარცხენა მხარე განისა იხ. №17158 გრ. უვაროვისას მარტო ერთი სურათი აქვს
მოყვანილი ამ კოლოფისა (იხ. გვ. 142, 143, სურ. 70).
ეს კოლოფი უნახავთ ერთ-ერთ კოშკში ეწერის საზოგადოებისა და შიგ ყოფილა
ჩადებული სარტყელი, რომელიც თამარ მეფის სახელით მოუნათლავთ. სარტყელი
ბოლოს და ბოლოს გამხდარა საკუთრება სამეგრელოს თავადის ნიკო დადიანისა. ის
გამოცემული აქვს გრ. უვაროვისას (იხ. გვ. 144, სურ. 71). უვაროვის გამოკვლევით, ეს
არის გერმანული ხელობის ნივთი, მე-16 საუკუნისა.
 აქ მეტი არ იქნება შევნიშნოთ, რომ ეს ორი საყურადღებო ნივთი, ვერცხლის ჩარა
და კოლოფი, ჩვენ უკვე ვიყიდეთ პატრონისაგან ჩვენი თავისუფლების დროს და
გადავეცით ნაციონალურ მუზეუმს.

3. წინეთ კიდევ, დადიშკელიანის ოჯახში ყოფილა ვერცხლის შანდალის მსგავსი

ნივთი, ლამაზი ევროპული ხელობისა, რომელიც ეხლა დაკარგულად ითვლება,
მაგრამ მისი ფოტოგრაფია ერმაკოვის გადმოღებული დარჩენილა, იხ. №7815.
როგორც ამბობენ, ეს საყრჩოლებელი უნდა ყოფილიყო, გერმანული ხელობისა.

4. დადიშკელიანის ოჯახში იყო კიდევ ხის სკივრი ანუ კოლოფი, სადაფებით

შემკობილი, დამასკური რიგისა. ამ კოლოფის ფოტოგრაფიული სურათი ხელთ
გვაქვს, მაგრამ ის სხვის მიერ არის გადაღებული და ნომერი არა აქვს; კოლოფზე ძევს,
ორი, ზემოდ აღწერილი ნივთიც, ჩარა და ვერცხლის კოლოფი.

სოფელი ყურაში.

მახლობლად სოფელ ბარშისა არის სოფელი ყურაში, რომლის პატარა ეკლესია

ყოფილა წინანდელი სასაფლაო დადიშკელიანებისა. ეს ეკლესია აღწერილი აქვს ალ.
სტოიანოვს თავის მოგზაურობაში (გვ. 320-321), ხოლო მისი ტყავის სახარება
ნაკლული, უნახავს ნიკო მარრს 1912 წელს. ამ სახარებას ჰქონია ორი მინაწერი
ტექსტის ხელით; ერთი მარკოზის სახარების ბოლოს:
ამის წ-ისა სახარებისა / დაწერა პ-ლდ ინაჲ / ხეშტინის
ძემ-ნ იურ(ვ)ა და დაიწერა მისი/თა საურავითა :
ო-ო ღთო მოიჴს-ნე / ინაჲ ხეშტინის ძე / მეუღლე და
ძენი / მისნი და შეუნდვენ / ყ-ნი ც-დვანი მ-თნი ა-ნ :.
ლუკას სახარების ბოლოს:
ქ-ე ღ-ე შ-ე ს-ლითა / ამის წიგნისა მწე/რალი ცდვ-ლი გ-ი :
მოჰყას რა ეს მინაწერები, ნ. მარრი სამართლიანად დასძენს, რომ ქართული
ხელნაწერების არსებობა სვანეთში მარტო გარედან შეტანით კი არ აიხსნება, არამედ
თვით განათლებულ სვანთა დაკვეთით (იხ. „ხრისტიანსკი ვოსტოკ“, ტ. II, გვ. 5-6).
ყურაშის სასაფლაოზე ა. სტოიანოვი აღნიშნავს უძველეს სასაფლაოს დიდ ქვას,
რომლის ქვეშ რკინის ნაჭერი ემჩნევაო. ამ რკინის კუბოში, განაგრძობს სტოიანოვი,
განისვენებს უძველესი დიდი ოთარი, მესამე მამამთავარი დადიშკელიანებისა,
მაგრამ ხალხს უკე დაავიწყდა მისი სახელი და ჰგონია, აქ ვიღაც ძველი გოლიათი
არის დამარხულიო.
როგორც გავიგეთ, ეს საფლავი შემდეგ გაუხსნიათ. მიცვალებული, კუბოს
მაგიერ, ორ დიდ ქვაბში ყოფილა მოთავსებული. ქვაბის თავები ერთი ერთმანეთზე
ყოფილა მიდებული: ეს ის ქვაბებია, რომელნიც ეხლა დადიშკელიანების ხის სახლის
ბალკონის ქვეშ არის დაცული. მიცვალებული მდიდრულ ტანისამოსით და
იარაღებით ყოფილა დასაფლავებული.

სოფელი ფხოტრერი.
 ფხოტრერი თავი სოფელია ეწერის თემისა. მისი მთავარანგ. ეკლესია ითვლება
შტატის ეკლესიად ეწერის თემისა. ეკლესია შედარებით დიდია; აშენებულია
თლილის ქვისაგან და იმგვარი ბაზილიკური რიგის შენობაა, როგორც ლატალის
საზოგადოების ეკელესიები ენაშისა, მაცხოვარიშისა და სხვა. ცენტრალურ
ბაზილიკას სამი მხრიდან, სამხრეთიდან, დასავლეთიდან და ჩრდილოეთიდან
ახლავს ეკვტერები, გაერთიანებული შიგნით. შესავალი აქვს სამხრეთიდან, ორ-
კამაროვანი, სვეტით შუაზე, და შემდეგ ეკვტერიდან შუა ბაზილიკაში.
აღმოსავლეთის მხარე შემკობილია ორის უბით და შუაში ზემოდ მორგვალებულის
ფანჯრით და მისი ორმაგი ჩარჩოთი, ხოლო ეკვტერების ფანჯრების ჩარჩოები
ოთხკუთხედია (იხ. ფოტ. №17620). შესავალი კარი, ურთხელის ხიდან გაკეთებული,
მოხარატებულია და შემკობილი ექვსი წმიდათა ფიგურებით და სხვა საუცხოო
ჩუქურთმებით, იხ. ჩვენი კარგად გამოსული ფოტ. №17144, და აგრეთვე უვაროვისა,
ტაბ. XXXVIII, №66.
კედლები ეკლესიისა სულ მოხატული ყოფილა, მაგრამ ეხლა გაფუჭებულია.
კანკელი გადაკეთებულია; აღსავალის კარის გარდა მარცხენა კამარაში მეორე კარი
გაუკეთებიათ. ცუდ მდგომარეობაშია შენობა, ინგრევა. ეკლესიაში ჩვენ ვნახეთ:

1. ჯვარი ხისა, კანკელის საწინაო, სიმაღლით 3 არშინი და 10 ვერშოკი, განით 1

არშინი და 11,5 ვერშოკი (№17141); შეძერწილია ვერცხლის ფირფიტებით წმიდათა
სახეებისა; ზემოდ მაცხოვარია ტახტოსანი; მის ქვემოდ ორი წელსზევითი წმიდანია
და მთავარ ანგელოზი გაბრიელ, წარწერით: წ-ჲ გ-ლ. უმბოს ქვემოდ: მთავარ
ანგელოზი მიქელ: წ-ჲ მ-ქლ. მის ქვემოდ: წ-ა გიორგი; კიდევ ქვემოდ: ორი მთავარ
ანგელოზი; მარჯვენა და მარცხენა მკლავებზე აგრეთვე მთავარ ანგელოზები და წ-ა
გიორგი ცხენით და ორი სხვა წმიდანი. საზოგადოთ ხელობა დაბალია; საუკეთესო
ფირფიტები პირველ ორ მთავარ ანგელოზის არის და არა წ-ა გიორგისა, როგორც
შენიშნავს გრ. უვაროვისა (გვ. 180).

2. თავი ხატი ეკლესიისა მთავარ ანგელოზთა, ფრიად დიდი, სიმაღლით 2

არშინი და 4 ვერშოკი, განით 1 არშინი და 6 ვერშოკი (იხ. ფოტ. №17143). ძლიერ
ცუდათ არის დაცული: მთავარ ანგელოზ გაბრიელის ტანი თითქმის მთლად
მოშლილია; მიქაელ, მარცხნივ, უკეთ არის შენახული; წარწერები ლამაზი
ასომთავრულით: წ-ი მ-ქლ, წ-ი გბრლ. მთავარ ანგელოზთ მედალიონი მიაქვთ ქრისტე
ემმანუელისა. მთავარ ანგელოზები წარმოდგენილნი ყოფილან მდიდრულ სამეფო
ტანისამოსებით და საზომებით ხელთა. ეზო და ნიმბები ლამაზის ორნამენტით არის
შემკობილი; აშიები, რომბ-ლურსმული, ეხლა შეიცავს რვა მედალიონს წმიდათა,
ასომთავრულის წარწერებით: ქრისტე, იოანე ნათლის მცემელი, წ-ა ანდრია, (ღვთის
მეტყველი), წ-ა პავლე, მათე, ლუკა. ხატი მე-14 საუკუნ. უნდა იყოს.

3. ჩარდახი ხატებისა. წინა ხატი მოქცეული ყოფილა ჩარდახში, კანკელის წინ,

მაგრამ ეხლა ჩარდახი სულ დაშლილია; ის ისეთი ფორმის ყოფილა, როგორც
ლახუშტის ეკლესიის ჩარდახი: თავი გუმბათის მსგავსი აქვს, სვეტები ლურსმული
ორნამენტებით და წმიდათა მედალიონებით არის შემკობილი, რომელთა შორის
დარჩენილნი არიან: მაცხოვარი მთავარ ანგელოზებითურთ, წ-ა გიორგი და კიდევ
მთავარ ანგელოზნი, სრულის ტანით და წარწერით: წ-ჲ გ-ი, მთავარ ანგელოზი. ამის
ქვეშ წარწერაა:
წ-ო მთავარანგელოზო
შ-ე მ-ქალ თუმანი ა-მნ.
ჩარდახი მსხვილი მძივის მარცვლებით არის შემკობილი; ერთი მარცვალი
დიდი მინისა შიგნით შემკობილია მხატვრობით.
აქ ყოფილა კიდევ მეორე ჩარდახი ამგვარივე სახისა. მაგრამ კიდევ უფრო
დაშლილია და მისი სვეტები სასანთლეებად გადაუკეთებიათ.

4. ხატი მთავარ ანგელოზთა მიქელ და გაბრიელისა, ვერცხლისა, მოოქრული,

ნაჭედი, 44X35,5 სანტ. მთავარ ანგელოზთა მოაქვთ მედალიონი ქრისტესი (იხ.
№17135); ზემოდ მხედრულად სწერია; ქ : მიქაელ : და გაბრიელ : ეს ხატი
გაკეთებულია წინა ხატის კომპოზიციის მიხედვით, მაგრამ ერთობ ტლანქი, როგორც
ყველა ხატი ლევან II დადიანის დროისა და მისი ბრძანებით დამზადებული და
შეწირული. ფიგურები, ჩაცმულობა, ფრთები, ყველაფერი ულაზათოა; ფონი, ბალახის
მაგიერ, რაღაც ჯოხების მაგვარი ხაზებით არის უშნოდ შემკობილი. თანამედროვე
აშია დაცულია მარჯვნივ და მარცხნივ მხვეველი მცენარის სახისა, ხოლო ზემო აშია
შესდგება სხვა ხატების აშიის ფრაგმენტებისაგან და შუაში წარმოდგენილია საკმაოდ
ლამაზი თავის ფიგურა წ¯ა ვლასესი, ასომთავრული წარწერით: წ-ჲ ვლასე. ქვემო
აშიაც ფრაგმენტებისგანაა შემდგარი და ორი ნაჭერი რომბ-ლურსმული ორნამენტის
არის, მათ შორის წარწერის ფრაგმენტი სხვა ხატისა:
. . . . ეფთმესი და წინ . . . .
. . . . ამანის ძე . . . .
. . . . ჯოხის [ძე] (=ჯოჳხისძე).
მეორე გვერდზე ხატისა მხედრული ვრცელი წარწერა ლევან II დადიანისა,
რომელიც მოყვანილი აქვს დ. ბაქრაძეს (გვ. 61-54). და რომელიც ჩვენ
ფოტოგრაფიულად გადმოვიღეთ (იხ. №17136). წარწერა შეიცავს 36 სტრიქონს;
ყოველი სიტყვის შემდეგ სამ-სამი წერტილია, რომელსაც ჩვენ არ ვიცავთ (დ. ბაქრაძეს
დაცული აქვს). როგორც ფოტოგრაფიაზე სჩანს, სამ ადგილას ვერცხლის ფურცელი
ამოტეხილია ცოტ-ცოტად და ამათი წარწერა დაკარგული. სხვა იკითხება ასე:
ეტლნო ღთისანო, საყდარო საშინელო, ცეცხლნო, სუ-
ლად სიტყუითა კაცთა მეოხად შექმნილნო, ბრძანები-
თა საღთო ამის ყოფითა მორტყმულნო, მიხაილ ძა-
ლით, მთავარნო, გაბრიელ ქალწულისა ხარებითა კაც-
თა ღ-თისა, თქუენ, რომელნი წამისწოფითა ღთისა ბრძა-
ნებასა უხილავად ძლიერებითა უმჯობესსა განაგებთ,
რომელნი სცავთ ცასა და ქუეყანასა ფრთითა თქუენი-
თა, მხოლო აწ მეცა მაჩრდილეთ მეოხება თქუენი, მე
დადიანსა ლევანს, მთავარანგელოზო მიქაილ და გაბ-
რიელ! სახელითა ღთისათა და ძალითა და შეწევნითა
შენითა ჩუენ, ჴელმწიფემან დადიანმა პატრონმა ლე-
ვან, მოველაშაქრენით მეფესა ალექსანდრესა და მის ძმას
მამუკაზედა და მოვედით ქუთაის ციხის საბრძოლად,
თავად მეფე, სრულ იმერელნი და სვანი ლეტეხელნი
და საფარ-ფაშის მეთოფეები ბევრ ახლდა, და ციხესა
და ჯებირშიდან იდგენ. ჩუენ მივედით და სოფია წმი-
დის საყდარი მეთოფეებით აევსო და გაემაგრებინა.
უყავით ღამით იერიში და საყდარი წავართვით. რაცა
მეომარი მეთოფეები იდგა, ყველა გამოვასხით. ჯებირს
გარეთ ორი დიდი ქვის პალატი იყო ძველითგან ნაშე-
ნები და ის მეთოფეთა და მეომრის კაცით აევსო და
გაემაგრებინა. სოფია წმიდის საყდართანა დიდი ზარბა-
ზანი მივიტანეთ და იქიდაღმა დაუწყეთ სროლა და ცე-
მა იმ ქვის სახლებსა, და დავამტრიეთ ზარბაზნებითა,
და მრავალი კაცი შიგ მდგომნი დავხოცენით. მერე იე-
რიში უყავით და იქით მეფემ გამოაშველა ლაშქარი,
დაუშინეს ერთმანეთსა თოფითა სროლა და საკვირ-
ველი ომი შეიქნა, მრავალი კაცი დაიხოცა იქითაც და
აქეთაც. იქით მოკვდა თავადი და აზნაურიშვილი : გი-
ორგი ლორთქიფანიძე, ელიზბარ ლოლაძე, ორი ძმა
ახულედიანი . . . და კვირიკე, სხუა ზოგი დაიხოცა და
ზოგი დაიკოდა, და წავართვით ის ქვის პალატები . . .
(ც)იხეზედანს . . . (ზარ)ბაზნები ვერ მიუტანეთ, მისატა-
ნი ალაგი არა გვქონდა. წამოვედით დაბლა რიონის . . .
(პირ)სა დავდეგ(ით) . . . სასახლის ქვის სახლებს დაუწ-
ყეთ ზარბაზნებითა სროლა და ცემა. დავამტრიეთ ის
ახალ(ი) . . . ქვის პალატი, თუით ალექსანდრე მეფისაგან
აშენებული, გაუსივეთ ლაშქარი გაღმა ქუთაისის ქა-
ლაქსა, დავხწვით და მოვაოხრეთ, მრავალი იშოვეს, და
წამოვედით გამარჯვებული, მოვედით ოდიშს ძიგურს
და ერთი კვირე ა. . . ოსულა . . ე ვქენით ილღარი, ცხე-
ნის წყალს შემოვიღამეთ. ის ღამე ვიარეთ და გათენე-
ბის დროს . . . სასახლესა და ქალაქს, უწინდელისაგან ოთ-
ხი და ხუთი ზომა საშოვარი ალაფი და ტყვეები ვი-
შოეთ, რომ ლაშქარი ძლივ დაერივა, და წამოვედით
გამარჯვებული, შევასვენეთ ლაშქარი და ცხენი და კი-
დევ გავილაშქრენით იმერეთზედ თვესა თებერვალსა
და მივედ . . . ურიას აჯამეთს, დავსწვით და ავაოხრეთ,
მივედ(ით) . . . ჩხარის ქალაქსა და . . . . და იქ დავდეგით
და სოფლები და ნაშ . . . რულ დასწვეს და ააოხრეს სქან-
და მ. . . სასა . . . დავსწვით ვარდის-გორა და ჩიხორი ქა-
ლაქი და ესკა. . . დეთ არგვეთს რუთ ... ს ... ძისა .... აახლეს
დავდეგით და იქიდაღმა ჩუენმა ლაშქარმა სრულ არგ-
ვეთი და ჭალა-ტყეს (რაც) სასახლე და სოფლები იყო
დაუწვავი და აუოხრებელი არა დააგდეს რა. აქიდაღმან
ავიყარენით და თერჟოლს პათთაც და გოფანთოს მხე-
იძის სასახლეს დავდეგით, და იქიდაღმა, სადაც ლაშქა-
რი მიუწვევდა, დაუწვავი და აუოხრებელი არ დააგდეს
 რა. წამოვედით გამარჯვებული და ნაშოვრით სავსე,
რომ ლაშქარი ვერ დაერივნეს, ბალახოვანზე რიონს გა-
მოვედით და ქუთაის ციხიდაღმა მეფე და სრულ იმე-
რელი ლაშქარი შეყრილი თვალით გვიმზერდენ, მისის
თემისა და ქვეყნის ამოწყვეტას ხედევდა, იმდენი სანა-
შოვარის ტყვეების ჟღივილი ყურით ესმოდა, მაგრამ
ციხიდაღმა თავი არ გამოყვეს და ვერცარა დაგვაკლეს,
ასე შევარცხვინეთ და წამოვედით ოდიშს გამარჯვებუ-
ლი მას ჟამსა, ოდეს მოვაჭედინეთ ხატი ესე, ოდეს იმე-
რეთიდაღმა მოვედით გამარჯვებული, გამოვგზავნეთ და
დავასვენეთ ტაძარსა შენსა ვხსტრელსა და ალაგსა და
თემსა ეცერსა ხატი ესე მთავარანგელოზისა, ქორონი-
კონსა სამას ოცდაათოთხმეტსა (= 1646).

5. ხატი იესო ქრისტეს ნათლის ღებისა, ვერცხლისა, მოოქრული, ნაჭედი, 63X41

სანტ. ისეთივე ტლანქი ხელობისაა, როგორც წინა ხატი; შეწირულია იმავე ლევან II
დადიანის მიერ (იხ. №17133), მაგრამ კომპოზიცია ხატისა რთულია და ძველი.
ზემოდ, ლენტის ქვეშ, რომელიც კამარის მსგავსად ხელთ უჭერიათ მთავარ
ანგელოზებს, წარმოდგენილია მაცხოვარი წელსზევითი. მას მარცხენა ხელში
სახარება უჭირავს, მარჯენა ხელით აკურთხებს; მაცხოვარს აწერია ასომთავრულით:
იესო ქრისტე, ხოლო მთავარ ანგელოზებს: მიქელ და გაბრიელ მთავარ (sic) -
ანგელოზნი. ქვემოდ წარმოდგენილია იორდანეს მდინარე, რომელშიაც მოსჩანან
თევზები. იორდანეში სდგას ქრისტე და მცირედ მოხრილია იოანეს მიმართ,
მარცხნივ, რომელიც ხელს სდებს მას თავზე. მარჯვნივ მას მსახურებს ორი
ანგელოზი. ზემოდან, ქრისტეს თავზე ჩამოდის სული წმიდა ტრედის სახით. მთელს
სცენას წარწერა აქვს:
ქ . აქა ნთალს (sic) იღო ქრისტე.
მარცხნივ იოანე ნათლისმცემელისა ასომთავრული წარწერაა:

მცხოვა მაცხოვა-
რო :. შეწიე რო1, შეეწიე
ორსვე ყო ორსავე ყო-

__________
1 აქ აღარ ვიცავთ უმართებულო მართლწერას დედნისას.

ფას : ფარი ფას ფრი-

ად (sic) ცოდვ ად ცოდ-
ილს : ოქო ვილს ოქ-
რო მაჭ რო მჭე-
ედელს :. დელს
ბეჟნ ბეჟანს
ს : წიქრ წიქ-
 ის ძეს რის ძეს.

ზემოდ, მაცხოვრის და ნათლის ღების სურათების შუა, მხედრული წარწერაა:

ეჰა დაუსაბამო დაუსრულებელო ღ-თო ცისა და ქუეყ-
ნის დამწყებელ დამარსებელო მაცხოვარო წალენჯიხისა
ჩვენ ცვაფარვათა შენთა მონდობილმან და მოსავმან
სიწმინდისა შენისამან დადიანმან ლეონ დაგასვენეთ ეც-
ერს ჩვენდა სადღეგრძელოდ და გასამარჯვებლად და
საოხად სულისა ჩუენისათჳს. ამინ.
აშიები ხატისა სხვა და სხვა გვარია და მრავალი მათი მედალიონი სხვა და სხვა
დროის და ხელობის არის. საუკეთესო არის ორი მთავარ ანგელოზის ფიგურა, ზემოდ
მარჯვენა და მარცხენა აშიებზე, წარწერებით: მიქელ ანგელოზი, გაბრიელ ანგელოზი,
შემდეგ კიდევ ერთი ფიგურა მარცხენა აშიაზე, ქვემოდ, რომელსაც აწერია: „გ-ე
საკურელთ მოქმედი“. სხვა მედალიონებზე წარმოდგენილნი არიან მაცხოვარი
(სამჯერ), ღვთის მშობელი, წ-ა გიორგი წარწერით: წ-ჲ გ-ი ხღდრისა; და სხვა.
ხატი შემკობილია ძვირფასი ქვებით. ზემოდ ორი ქვა მინით არის დაფარული და
ერთზე წარწერა მოსჩანს.

6. ხატი მაცხოვრისა, 72X54 სანტ. ყოფილა წამლით დახატული, მაგრამ

მხატვრობა ეხლა მოშლილია; დარჩენილია ზემო ნაწილი პერანგისა, საუცხოოდ
შემკობილი ნიმბი ჯვარის სახედ და ასეთივე ნაზად შემკობილი აშიები. ბალახ-
ყვავილოვანი; ნიმბი კიდევ გამშვენიერებულია ცხრა ძვირფასი ქვით (იხც. ფოტ.
№17131). წარწერა სახელისა ბერძნული ასოებითაა. ხელობა მე-12-13 საუკუნის არის.
ქვემო აშიაზე სამ-სტრიქონიანი წარწერა მოიპოვება:
1. ქ : არსო : თჳითებით(sic) მყოფობისათჳის(sic) ღ-ო :
სჯჳლთა : შენთა : მტკიცედ : მპყრობლისა : მეფეთა : მე-
ფისა : დიმიტრის ა1 : სჳლისა მ-ფისა : და მეფეთა : მიზ-
სა : გ-ი : დისა :
2. სულტანთა : სძლისა : რუსდნ დედოფლისა : სამსახჳრებ-
ლად : შენა : შემზადებჳლნი : ნივთნი : ვინათგ-ნ : ჟ-მნ :
არ დარ-სცნა : სრჳლებად : ჩემ : გაზრდილისა :
3. მათის : და : ლმობ-თ : მგნ-ბელის : გ-ის : ასჳლის : დე-
დოფლისა : რჳსდანისგ-ნ : სარჳლ (sic) : ქმნილნი : მით-
ჳალენ : მეოხ მ-ნ : მათმ-ნ : მკჳდრ (sic) ყჳფად (sic) :
სჳფევისა :.

____________
1 აქ ორი წერტილი თავის ადგილზე არ არის; უნდა იყოს დიმიტრის: ასჳლისა :

მართლწერა სიტყვებისა წარწერაში ზოგჯერ სრულიად შეუსაბამოა: ასო ი-ნის

ხმარება ჳ-ს შემდეგ პირველი სტრიქონის ორს სიტყვაში და მესამის ერთ სიტყვაში;
„სარჳლ“ „სრულ“-ის მაგიერ მესამე სტრიქონში; „ყჳფად“ „ყოფად“ -ის მაგიერ იქვე.
რაც შეეხება ჳ-ს ხმარებას უ-ის მაგიერ, ეს ჩვეულებრივია, ვინაიდან აქ იგულისხმება
გამოშვებულად ო-ნი. წარწერის დამწერი სვანი უნდა იყოს.
ეს წარწერა დ. ბაქარაძეს გადმოუღია ხელით (იხ. დამატება, №9) და მოჰყავს მისი
სრული რუსული თარგმანი, არა ჯეროვანი. დ. ბაქრაძე თვით ამბობს, აზრის აღდგენა
უკანასკნელი სამი სტრიქონისა ძნელიაო (იხ. გვ. 66). ბაქრაძის წინეთ წარწერა
დეკანოზ ქუთათელაძის მიერ მიწვდილი ბროსემ დაბეჭდა შეცდომებით (Rapp. X, გვ.
61). ა. ხახანაშვილს აგრეთვე დაბეჭდილი აქვს ტექსტი წარწერისა, მაგრამ
შეცდომებით და რუსული თარგმანი არ მოჰყავს (იხ. გვ. 39). სხოლასტიური სტილი
წარწერისა მართლა აძნელებს აზრის გაგებას, მაგრამ ჩემთვის ერთი აშკარაა, რომ
წარწერა თამარ მეფეს ეკუთვნის, თუმცა ის თავის სახელს არ იხსენიებს. აზრი ყოველ
შემთხვევაში ასეთია: მეფეთ მეფის დიმიტრის (დიმიტრი I, დავით აღმაშენებლის ძე)
ასულს და დას მეფისა და „მეფეთ მზისა“ გიორგისა (იგულისხმება გიორგი მესამე,
თამარის მამა) სულტანთა სძალს, რუსუდან დედოფალს (ის იყო მეუღლე ხორასნის
სულტანისა), შეუმზადებია ამ ხატის ნივთნი (მასალა), მაგრამ სიკვდილის გამო აღარ
დასცალებია ხატის დამთავრება. ამის შემდეგ რუსუდანის მიერ აღზრდილს (ესე იგი
თამარ მეფეს; თამარი მართლა მისი აღზრდილი იყო), და მის ლმობით მომგონებელს,
გიორგის ასულს (თამარი ხომ გიორგი მესამის ასული იყო), სრულ უქმნია, თავის
მამის დის, რუსუდან დედოფლის, დაწყებული საქმე: ხატი დაუმთავრებია,
შეუწირავს ეკლესიისათვის და მაცხოვარს სთხოვს: „დედოფლის რუსუდანისაგან
მიითვალე ეს შენ, მისმა მეოხმან, მკვიდრ ყოფად მისა სუფევისა“-ო. ეს საერთო აზრი
ჩემთვის ცხადია და თუ ტექსტში ეს ნათელი არ არის, ეს მისი ბრალია, რომ სიტყვები
გადასმულია: ორი სიტყვა მესამე სტრიქონისა: „დედოფლისა რუსუდანისაგან“ უნდა
გადატანილ იქმნას სიტყვის შემდეგ „სრულ ქმნილნი“ და მაშინ აზრი ცხადი იქნება.
და წარწერა უქარაგმოდ და ზოგიერთი შეუსაბამოდ ორთოგრაფიის გასწორებით ასე
უდნა წავიკითხოთ:
არსო თჳთებით მყოფობისათჳს, ღმერთო, სჯულთა შენთა მტკიცედ
მპყრობელისა, მეფეთ მეფისა დიმიტრის ასულისა, მეფისა და მეფეთ მზის გიორგის
დისა, სულტანთა სძლისა, რუსუდან დედოფლისა, სამსახურებლად შენდა
შემზადებულნი ნივთნი, ვინათგან ჟამმან არ დასრსცნა (ესე იგი: არ დააცალა)
სრულებად, ჩემ გაზრდილისა მათის და ლმობით მგონებელის (მომგონებელის),
გიორგის ასულის, სრულ ქმნილნი, დედოფლის რუსუდანისაგან მიითუალენ
მეოხმან მათმან მკჳდრ ყოფად სუფევისა.

7. ხატი ღვთის მშობლისა, 69X48 სანტ. ყოფილა წამლით დახატული. მხატვრობა

ეხლა სულ მოშლილია, დარჩენილია ზემო ნაწილი პერანგისა, ნიმბი და აშიები
სრულიად ისეთივე საუცხოო ხელობისა, როგორც წინა ხატი, ამიტომ იმავე მე-12-13
საუკ. უნდა ეკუთვნოდეს. (იხ. №17132). წარწერა სახელისა: დ-დჲ ღ-სა.

8. ხატი მაცხოვრისა, ოქროთი დაფერილი ვერცხლისა, ნაჭედი, 67X49 სანტ.

ძლიერ დაზარალებულია; მაცხოვარი წელსზევითია. მაკურთხეველის მარჯვენით;
მარცხენაში სახარება უნდა სჭეროდა, ეხლა მოშლილია. მოშლილია აგრეთე სრულად
პირის სახე და აქ ცარიელ ადგილს ჩაუდგამთ პატარა ვერცხლის ხატი მაცხოვრისა
ტახტოსანი (იხ. №17134). ნიმბი ჯვარის სახისა შემკობილია ორი ძვირფასი ქვით.
ფონი ჭადრაკის მსგავსია ჯვრებითურთ, ხოლო ზემო ნაწილი ბალახოვანი
ხლართულებით არის შემკობილი, ფრიად კარგი ხელობისა, მე-12-13 საუკუნისა.
ზემოდ, შუაში ტახტის შემზადებაა, კუთხეებში ლამაზი „დრობნიცები“. მარცხნივ და
მარჯვნივ ნიმბისა, კუთხეებში, მედალიონები ყოფილა წმიდანებისა, ალბათ დედა
ღვთისა და იოანე, მაგრამ ეხლა ცარიელია, წარწერა სახელისა ბერძნულია
„დრობნიცებში“.

9. დასაკეცი ხატი-სანაწილე, 32X26 სანტ. მრავალის ნაწილებით და

მინიატურული, ეტრატზე დახატული სურათებით, რომელნიც შუშებით არიან
ზემოდან გადახლართულნი, ისე როგორც ენაშის ჯვარი, ჩვენ მიერ ზემოდ
აღწერილი. შიგნით ხატი დაყოფილია მარმარილოს ნაჭრებით; უჯრედებში
მინიატურებია, ეტრატის ნაჭრებზე დახატული ფერადებით; ხოლო ზოგიერთ
უჯრედების კუთხეებში მოსჩანს ოქროს ბასმებზე ფიგურები თითო-თავიანი
არწივებისა. მინიატურებიდან ეხლა დაცულია მხოლოდ: ხარება, იერუსალიმში
შესვლა და იუდას ამბორი. სხვა დაკარგულია. ა. სტოიანოვის დროს აქ ყოფილა კიდევ
ამაღლება და ჯვარცმა (გვ. 326); სხვა ფიგურები მას არ შეუნიშნავს. გარედან ეს
ნაწილი შეძერწილი ყოფილა თხელი ოქროს ბასმით, ზედ გამოსახული ტახტოსანი
მაცხოვრის სურათებით, არწივებით და გრიფონებით, მაგრამ ეხლა ყველა ეს
გაფუჭებულია და აქა-იქ ნაფლეთებია დარჩენილი. სამწუხაროდ ფოტოგრაფიაზე არ
გამოვიდა ისიც, რაც დარჩენილია ამ ერთს დროს შესანიშნავი ლამაზი ნივთებისაგან,
უსათუოდ მე-11-12 საუკ. (იხ. №17140). სვანები ამ ხატს ეძახიან მოჩქილ (ესე იგი
მოციქული). ჯვრები და ფიგურები უჯრედებისა ზოგჯერ მოცულია წვრილი
მარგალიტებით და სხვა ქვებით. გრაფინია უვაროვისა ამ ხატს მოკლედ იხსენიებს და
ბიზანტიურ ხელოვნების მე-11 საუკუნის ნაშთად ხადის (გვ. 181), მაგრამ ეს უფრო
კათალიკური ხელოვნების რიგისა უნდა იყოს, რასაც მოწმობს სტოიანოვიც,
რომელსაც ამ უჯრედებიდან ორი ეტრატის ფრაგმენტი გამოუძვრია, ლათინურის
წარწერით, მაგრამ გადმოღება, სამწუხაროდ, ვეღარ მოუსწრია (გვ. 326).

10. დასაკეცი ხატი-კარედი, ნაწილებითურთ, რომელიც სულ მოშლილი და

გაფუჭებულია. როგორც ეტყობა, შუა ნაწილში წარმოდგენილი ყოფილა ვედრება, და
კარებზე მთავარ ანგელოზნი, ვინაიდან დარჩენილია ასომთავრული წარწერები: დ-
დჲ ღ-თი, წ-ჲ მ-ქლ, გ-ბრლ მთავარანგელოზი. ხატი მოცული ყოფილა ოქროს თხელი
და ლამაზი ბასმით მე-12 საუკუნისა, მაგრამ დარჩენილია მხოლოდ ნაკლული
წარწერა ზურგზე და გარეგანი შეძერწილობა კარებისა, ოქროთი დაფერილის
ვერცხლის ფურცლისა, ჯვრებით და სხვა ორნამენტებით შემკობილი (იხ. №17138).
ეს საყურადღებო წარწერა ხელით გადმოუღია დ. ბაქრაძეს (იხ. დამატება №8),
მაგრამ არ გაურჩევია; შენიშნავს მხოლოდ, ვიღაც „გაბრდუხანი“ იხსენიებაო შიგ (გვ.
65). ა. ხახანაშვილი სრულიად არჩევს წარწერას, მაგრამ ბევრ სიტყვებს და ასოებს
უმატებს, რომელნიც არ მოიპოებიან არც ჩვენამდის მოღწეულს ტექსტში, არც დ.
ბაქრაძის მიერ გადმოღებულში და არც საკმაო ადგილი სჩანს მათთვის ფირფიტაზე
და ტექსტის არეში. ამას გარდა, მიმატებულ სიტყვებს და ასოებს ფრჩხილებით არ
აღნიშნავს. ამიტომ ჩვენ ჯერ მოვიყვანთ ჩვენამდის მოღწეულ ტექსტს, დამატებით იმ
მცირე ასოებისა, რომელნიც დ. ბაქრაძის დროს ჯერ კიდევ დაცული ყოფილა და
შემდეგ შევეცდებით ტექსტის აღდგენას აზრის მიხედვით:
 1. .... ებრ ცოდვჲ
.... ელო ცთომჲლთა მოძჲებად
.... ნად მოსრულო ნეფსთ ჯუარც
.... ლო1 ქანანელჲსაებრ ...
5. ..... ებ მეძავჲსაებრ ვცრე .... 2
.... რჲ მასმჲნე მე ჴმაჲ შ-ნჲ ....
.....დჲთ კურთხეულნო მმჲ ....
ჩმჲსანო3 დღესა დჲდებჲთ მოს
ლვჲსა შნჲსსა ფრჲად ცდვლთა
10. ტაებდა ..... ბრდუხანს და
ძე ს გ ....
თა
13. მ

როგორც სჩანს, ჩვენი შენიშვნებიდან, დ. ბაქრაძის გადმოღებულ წარწერაში,

ნამდვილთან შედარებით, შეცდომებია: ერთ ადგილას ლ-სის მაგიერ თ-ნია
მოყვანილი; ორს შემთხვევაში თითო ასო გამოშვებულია. მე-11 სტრიქონში ასოები ს
და გ ბაქრაძეს არ მოჰყას. ამ ასოების სანახევრო ნაშთებია დარჩენილი, მოშორებით
ერთმანეთისაგან, რადგან აქ ჯვარის ფეხი, რომლის ირგვლივ წარწერაა ამოჭრილი,
გაფართოებულია. მე-13 სტრიქონში დ. ბაქრაძეს მოჰყავს ე და ღ, მაგრამ ე-ნის
ადგილას დარჩენილია ნაწილი ასო მ-ნის და ღ-ის ადგილზე ეხლა აღარაფერი
მოსჩანს და არა ვგონებ, ეს ასოც სწორად იყოს ნაჩვენები.
აღსანიშნავია კიდევ, წარწერაში არც ერთხელ ასო ი არ იხმარება; მის ადგილას
ყოველთვის ჲ არის. ჩვენი ცდა წარწერის აღდგენისა ასეთია:
[ჵ ჩემ]ებრ ცოდვი [ლთა მხ]-
[სნე]ლო, ცთომილთა მოძიებად
[ქუეყ]ნად მოსრულო, ნეფსით ჯუარც-
[მუ]ლო, ქანანელისაებრ[გიღარა]-
[დ]ებ, მეძავისაებრ ვცრე[მლი],
რაჲთა ა(ნუ რაჲთაჲ ) მასმინე მე ჴმაი შენი : „მო-
ვედით კურთხეულნო მამი[სა]
ჩემისანო“, დღესა დიდებით მოს-
ლვისა შენისასა, ფრიად ცოდვილთა :
ტაებდა .... ბურდუხანს და
ძე ს[ა] ... გ[იორგის]?
თა
მ[არს?]
ა. ხახანაშვილი განმარტავს, და ჩვენც ვფიქრობთ, ამ წარწერაში იხსენიება
ბურდუხან დედოფალი, გიორგი III მეუღლე, თამარ მეფის დედა, და ტექსტის
ბოლოშიც შეიძლება თამარი იგულისხმებოდეს. ყოველ შემთხვევაში ხატი მე-12
საუკუნის არის.

________
1 დ. ბაქრაძის გადმოღებულში „თო" სწერ
 2 დ. ბაქრაძე: ცრე
3 დ. ბაქრაძე: მჲსანო

11. ხატი იონა წინასწარმეტყველისა. ასე მესმის მე ამ ხატის წარწერა: წ-ი ი-ოა;
ოქროთი დაფერილი ვერცხლისა, ნაჭედი, 67X52 სანტ. ხელობა არა ურიგოა, მაგრამ
ცუდათ არის დაცული (იხ. №17137). სახე მისი მხცოვანი კაცის არის; სამოსელი ძველი
ებრაული; იონა წარმოდგენილია სრულის ტანით, ნოხით ფეხ ქვეშ; ფონი
ბალახოვანია, მცირე რელიეფით; აშიები რომბ-ლურსმული, ზემოდ სულ
მოცილებული აქვს, ნაწილობრივ მარცხნივ და ქვემოდანაც, ორ სანახევროდ
შერჩენილ მედალიონში მარცხნივ წ-ა გიორგია: წ-ჲ გ-ი; მარჯვნივ: წ-ჲ დ-ე; ქვემოდ
მოსჩანს ასოები კე (ალბათ: კვირიკე). ამის ქვემოდ, მარცხნივ წინასწარმეტყველისა,
წარმოდგენილია ფრიად დაზარალებული მავედრებელი ფიგურა; ძნელი
გამოსაცნობია, მეფეა თუ დიდებული. ხატი მე-14-15 საუკუნის უნდა იყოს.

12. ნარჩენი კარედი ხატისა, რომელიც ყოფილა წამლით დახატული და

რომელიც ეხლა სულ მოშლილია. წარწერებიდან სჩანს, რომ ზემოდ წარმოდგენილნი
ყოფილა: წ-ჲ ნკლზ, წ-ჲ ბ-სლი; მთავარ ანგელოზები: მიქ-ლ, გ-ბრლ. ეხლა ამ კარედზე
მოთავსებულია ცხრა პატარა სხვა და სხვა ხატი. ეს ყველაფერი ერთად
გადმოღებულია ფოტოგრაფიაზე. იხ. №17139. ზემოდ მაცხოვრის მრგვალი
მედალიონია; ქვემოდ მთავარ ანგელოზ გაბრიელისა, მარცხნივ ღვთის მშობელი,
ბერძნულის წარწერით სახელისა; კიდევ ქვემოდ: სამი პატარა ხატი წ-ა გიორგისა,
სრულის ტანით, ხმლით და ფარით, და ერთიც ამავე სახით წ-ა დემეტრესი. შემდეგ
კიდევ ხატი ღვთის მშობლისა ჩჩვილედი და მაცხოვრისა, წელსზევითი. ყველა
ჩვეულებრივი რიგის არის, არა ულამაზო.

13. ვერცხლის ფირფიტა, მოოქრული, რომელზედაც წარმოდგენილია წ¯ა

გიორგი, წელს ზევით, ჯვარით ხელში; თმა მსხვილ ხუჭუჭებად დაწყობილი აქვს;
წარწერა სახელის ასომთავრულით: წ-ჲ გ-ი. ტლანქი ხელობის არის (იქვე, №17141).

14. ფირფიტა ვერცხლისა, რომელზედაც წარმოდგენილნი არიან: მაცხოვარი

სრულის ტანით და წ¯ა დიმიტრი, წარწერით წ-ჲ დ-ი. ტლანქი ხელობის არის (იქვე,
№17142).

15. ჯვარი გამოსასვენებელი, ვერცხლისა, ხეზედ დასარჭობ ტარითურთ. წინა

პირზე წარმოდგენილია ჯვარცმა, ბოლოებში, მარჯვნივ და მარცხნივ,
მედალიონებია: ღვთის მშობლისა და იოანესი. ზემოდ და ქვემოდ მთავარ
ანგელოზთა. ჯვარი მე-17 საუკ. უნდა იყოს. (იქვე, №17142).

16. ზარი, პატარა, 15 სანტიმეტრი სიმაღლით, რომელსაც ლათინურად აწერია:

 NICOLAUS

მეორე, უფროსი, ზარი, უწარწერო. გატეხილია.

17. ნალბაქი ვერცხლისა, 33 სანტიმეტრი დიამეტრით, რომეზედაც

ხელჩართულად აწერია: „ლევან“. ეს ხელჩართული ლევან II დადიანის არის, მე-17
საუკუნისა. შემდეგ სხვა მხედრულით აწერია:
ქ : ესე : ნალბაქი :. წულუკიძის :. ქალის :. თეთრუასი :.
არის .
წინა პირზე კიდევ დაფხაჭნილი, ვულგარული მხედრულით აწერია:
ღმერთო : გურჯვეს (sic) : დადიან : ლევანის : ძის :
წყალობა : მე : მიბოძეს : სუვიმონის : ქანცხელიანის :
თავი ანგელოზი .

18. დ. ბაქრაძე აღნიშნავს კიდევ საყდარში, დიდ ორ-არშინიან სპილენძის

საყვირს, რომელიც ჩვენ არ გვინახავს. ალ. სტოიანოვს აქ უნახავს კიდევ ორი
ფურცელი, ლათინურად დაწერილი (გვ. 326); ეხლა აღარ ჩანს, ისე, როგორც მრავალი
ეტრატის დაწერილი ფურცლები, რომელთაც დ. ბაქრაძე იხსენიებს (გვ. 64).

ფარის თემი

საზოგადო სახე ფარის თემისა იხ. ფოტ. №17457.

სოფელი სუფი.

ფარის თემის სოფელ სუფში ძველი ეკლესია არის, ქვისა, წმიდის გიორგის
სახელზე, მაგრამ ისე დაძველებულია, რომ ყოველი მხრიდან ბოძები აქვს
შეყენებული; წირვა-ლოცვა შიგ აღარ არის. ხატები და ჯვრები ჩვენს იქ ყოფნის დროს
ერთ კუთხეში იყო მიყრილი მიწაზე და ირგვლივ ხეები ჰქონდა მიჯრილი,
ვინიცობაა, თუ ეკლესია ჩამოინგრა, ხატები არ დაილეწოსო. ჩვენ თითოეულად კარში
გამოვიტანეთ ნივთები, იქ გავშინჯეთ და გადმოვიღეთ ფოტოგრაფიით. ეკლესიის
კედლები გარედ და შიგნით მოხატული ყოფილა, მხატვრობაც გაფუჭებულია.
თაღზე, შიგნით, მოსჩანს მაცხოვარი. ჩრდილოეთის კედელზე ყოფილა
წარმოდგენილი მაშენებელი ეკლესიისა, ქართულის ტანისამოსით. კანკელი ქვისაა,
სამის კამარით და სვეტებით. გარე კედლების მხატვრობა სულ მოშლილია და
ნაშთებიდან სჩანს, რომ აქაც ამირანის და სხვა ზღაპრული სიუჟეტები ყოფილა
წარმოდგენილი; შესავალი კარი, დასავლეთით, ხარატოვანია, შემკობილი მრავალის
საუცხოო ჩუქურთმებით (იხ. ჩვენი ფოტ. №17149 და უვაროვისა. ტაბ. XXXVIII, 65).
სხვათა შორის, აქ ათ ჩუქურთმიანი რგოლია და ერთში ასომთავრული წარწერაა:
წ- ო გ- ი მ- ოხ წმიდაო გიორგი, მეოხ
 ეყ- ვ წ- ე ღ-თი ეყავ წინაშე ღვთი-
სა სოჳლს სა სულს-
ა გაბისსო ა გაბისსო-
ჲსა ან. ჲსა, ამინ.

ეკლესიაში ჩვენ ვნახეთ:

1. ჯვარი, დიდი, კანკელის საწინავე; სიმაღლით 3 არშინი და 10 ვერშოკი, განით

1 არშინი და 8 ვერშოკი (იხ. №17151); შეძერწილია ვერცხლის მოოქრული
ფირფიტებით წმიდათა სახეებითურთ, მაგრამ ქვემო ნაწილზე ჯვარისა ფირფიტები
სულ მოძარცულია. საუკეთესო ფირფიტა არის ზემოდ, რომელზედაც
წარმოდგენილია მაცხოვარი ტახტოსანი, წარწერით: ი- ჳ ქ- ე. დანარჩენი ფირფიტები
პატარაა და მათზე წარმოდგენილნი არიან: მთავარ ანგელოზნი, ღვთის მშობელი, წ-ა
გიორგი, წ-ა დიმიტრი. უმბოს შუაში დაცულია ერთი დიდი ძვირფასი ქვა.
თავისებურ თვისებას ამ ჯვარისა წარმოადგენს მისი გვირგვინი ზემოდ, რომელიც
სავსებით სვანურ ქეჩის ქუდს გამოსახავს, შეკეცილი კალთებით და ამ კალთებზე
წარმოდგენილნი არიან წმიდათა სახეები, წელსზევითნი.

2. მეორე ასეთი ჯვარი, სიმაღლით 2 არშინი და 12 ვერშოკი, განით 1 არშინი და 3

ვერშოკი. ეს ჯვარი ეხლა თითქმის სულ მოძარცულია და შერჩენია მხოლოდ უმბოს
ზემოდ ერთი ოქროთ დაფერილი ვერცხლის ფირფიტა, ღვთის მშობლის სურათით
ვედრებისა და წარწერით: დ-ჲ ღ-სჲ. მის ქვემოდ, იმავე ფირფიტაზე მთავარ
ანგელოზია, წარწერით: წ-ჲ მ-ქლ. მარცხნივ უმბოსა არის „წ-ჲ ჲ-ე“, მარჯვნივ
ფიგურაზე მოსჩანს მხოლოდ სიტყვა „წ-ჲ“. უმბოს მარჯვენა კუთხეში სწერია:
„ელენე“. სურათი აღარ არის. დარჩენილი ნაწილებიდან სჩანს, რომ ჯვარის
ფირფიტები ლამაზი ხელობის ყოფილა (იხ. №17128).

3. ჯვარი, კანკელის საწინავე. მაღალი მაგრამ არა ისე ფართო მკლავებით,

როგორც ჩვეულებრივი. სიმაღლე აქვს 3 არშინი და 5 1/2 ვერშოკი, განი ერთი არშინი
და 2 1/2 ვერშოკი. ეს ჯვარი განირჩევა სხვა ასეთი ჯვარებისაგან კიდევ მით, რომ მისი
მოოქრული ვერცხლის ფირფიტები ყველა ერთი დროის და ერთი და იმავე
ოქრომჭედლის ნახელავი არის. მათზე წარმოდგენილნი არიან ნაჭედი ხატები
წმიდათა ნახევარ-ნახევარ კამარების ქვეშ.
ვერტიკალურ ნაწილზე, ზემოდან ბოლომდის, ფიგურები სრულის ტანით არიან
წარმოდგენილნი, შემდეგის რიგით და წარწერებით: ჲ- ე ქ- ე, წ- ჲ პ- ვლე, წ- ჲ გ-ი, წ- ჲ
თ¯ე, წ-ჲ მერკილე (sic მერკური უნდა იყოს), წ¯ჲ პანტელეიმონ, წ- ჲ პროკოპი, უმბოს
მარჯვნივ და მარცხნივ: თითო მთავარ ანგელოზი, სრულის ტანით და მავედრებელის
სახით, და სამი მოციქული. ამ უკანასკნელთა ფიგურები წელსზევითნია (იხ. №17150
და უვაროვისა, ტაბ. XXXII, №54, და გვ. 81, 185). ბოლოს, ქვემოდ ასომთავრული
წარწერა აქვს (იხ. №17127)
: ქ : ჵ : მოწამეთ ჵ მოწამე-
ა : შორის : ღვწ თა შორის ღვაწ-
ლისა : მძილევ ლისა მძლევ(ო),
დიდო : მთავა დიდო მთავარ-
 რ მოწამევო მოწამეო,
წმიდაეო (sic) : გი ც წმიდაო გიორგი
სუფისავ (sic) : მეოხ ცსუფისავ (sic), მეოხ
და მფრიველ : და მფარველ
ექმენ : ორითავე (sic) ექმენ ორთავე
შინა : ცხორე შინა ცხორე-
ბათ : მამკობ ბათა მამკობ-
თა : შენთა : და მდ თა შენთა და მადი-
იდებლთა : შე დებელთა შენთა
ნთ : ხევთ : მა : ილ ხევთ მაილე
ელით (sic) : ამნ . ლთა, ამინ.

უკანონო წერა სიტყვებისა ამ ტექსტში ხშირია, მაგალითად, „მძილევ“, „მძლევ“-ს

მაგიერ, „წმიდაეო“, „წმიდაო“-ს მაგიერ, „მოწამევო“, „მოწამეო“-ს მაგიერ, „ორითავე“,
„ორთავეს“ მაგიერ, „ცხორებათ“, „ცხორებათა“-ს მაგიერ; აგრეთვე „შენთ“, „ხევთ“,
„შენთა“ და „ხევთა“ მაგიერ. „მა : ილელითა“ ერთი სიტყვა უნდა იყოს, თუმცა
გაყოფილია ორი წერტილით; შეიძლება მაილელთა იყოს, ალბათ წინეთ იყო
მაილელთ ხევი. საკვირველია კიდევ, რომ „სუფი“ „ცხუფი“-ს ფორმით არის
წარმოდგენილი. უქარაგმოდ წაკითხვაში ჩვენ დედნის მართლწერას არ ვიცავთ. დ.
ბაქრაძეს ხელით გადმოუღია ეს წარწერა (იხ. დამატება №3. ჯვარი მე-16-17 საუკუნეს
უნდა ეკუთვნოდეს.

4. თავი ხატი ეკლესიისა, წ- ა გიორგისა, ოქროთი დაფერილი ვერცხლისა დიდია,

146X84 სანტ. საკმაოდ დაზარალებულია, ნამეტნავად ქვემო ნაწილში. წმიდანი
წარმოდგენილია სრულის ტანით, მაგრამ მცირე რელიეფით, რომაულ საომარ
ტანისამოში; მარჯვენა ხელში შუბი სჭერია, რომელიც ეხლა მოშლილია; მარცხენა
დადებული აქვს მოგრძო, წაწვეტიანებულ ფარზე; ზურგის უკან ხმალი მოსჩანს; თმა
ხუჭუჭად დაწყობილი და ზემოდ ლენტით გადასკვნილი ნიკაპამდის ჩამოდის;
პირის სახე მრგვალი აქვს; თავის წრე დიდი; ფონი ჭადრაკის მსგავსი ჯვრებითურთ.
წარწერა სახელისა: წ- ჲ გ- ი სპჲსა. ჩარჩო ხატისა შესანიშნავი ლამაზი ხელობისაა, მე-
12-13 საუკუნისა და უფრო ძველი უნდა იყოს, ვიდრე თვით ხატი. ორნამენტი
ბალახოვანია, საუცხოო ნახელავი, მრგვალის „დრობნიცებით“, ისეთის, როგორიც
გელათიხ ხახულის ხატზეა – როგორც სამართლიანად შენიშნავს გრ. უვაროვისა (გვ.
110, ტაბ. XXXII, №54). მედალიონებში, ზემოდ, ვედრებაა, ბერძნულის წარწერებით
მაცხოვრისა და ღვთის მშობლისათვის და ქართულით იოანესათვის: წ-ი იო-ე.
მარჯვენა და მარცხენა აშიებზე წარმოდგენილნი არიან სრულის ტანით, მარცხნივ:
წ¯ი : დ-ე : , მარჯვნივ : წ- ი : თ- ე : ქვემო ნაწილი აშიისა და ხატისა მოშლილია ძალზე.
მარჯვნივ, ქვემო ნაწილზე, გრ. უვაროვის რწმუნების წინააღმდეგ, დაცულია ის
წარწერა, რომელიც დ. ბაქრაძესაც მოჰყავს (გვ. 58):
წ- ო გ- ი მეოხ ეყავ ორთავე ცხორებათ : ი- ნე : ათრიანსა : ა- ნ.
ესე იგი: წმიდაო გიორგი, მეოხ ეყავს ორთავე ცხოვრებათ(ა) იოენა ათრიანსა,
ამინ.
 თვით ხატი მე-14-15 საუკუნეს უნდა ეკუთვნოდეს, როგორც გრ. უვაროვისასაც
აქვს განმარტებული; უფრო მე-15 საუკ. ვიდრე მე-14 ს. ხოლო, როგორც შევნიშნეთ,
ჩარჩო უფრო ადრინდელი უნდა იყოს (იხ. №17148).

5. ხატი, დიდი, წ- ა გიორგისა, ოქროთი დაფერილი ვერცხლისა, 70,5X57სანტ.

მთავარ მოწამე ცხენით არის წარმოდგენილი, გვირგვინოსანს გმირავს, რომელსაც
დაუყრია თავის ფარხმალი (იხ. №17147). პირი წმიდანისა ახალგაზრდა კაცისაა;
ჯავშანი აცვია და მას ზემოთ მოსასხამი გრძლად იშლება ჰაერში. ცხენი კარგი ჯიშის
არის, მაგრამ მთელი სურათი მცირე რელიეფით არის წარმოდგენილი. მრგვალი
თავის წრის ორივე მხარეს „დრობნიცებში“ ასომთავრულით სწერია: წ- ჲ გ- ი. აშიები
ბალახოვანი ორნამენტით არის შემკობილი, მაგრამ სანახევროდ მოშლილია.
მედალიონებიდან გადარჩენილია სამი წელსზევითი ფიგურებით, ერთს მარცხნივ
უწერია: წ- ჲ თ- ე. ხატი მე-15-16 საუკუნის უნდა იყოს.

6. ხატი წ- ა გიორგისა, ოქროთი დაწერილი ვერცხლისა, ნაჭედი, 85X56 სანტ.

ერთობ პრტყელი რომბ-ლურსმული აშიებით (№17145). მხედარი ფეხოსანია,
რომაულ საომარ ტანისამოსით, შუბით და ფარით, ხუჭუჭი თმით, რომელსაც შუბლი
დაუფარავს, თავის წრე, წერტილოვანი, დიდია. წარწერა: წ- ჲ გ- ი სუ- ფსაი. ზემოდ
აშიაზე, შუაში ტახტის შემზადებაა, ღვთის მშობლით და იოანეთი; მარჯვენა და
მარცხენა აშიებზე მთავარ ანგელოზებია, სრულის ტანით; ერთ ხელში ჯვარიანი
ჯოხი აქვთ, მეორეში – ბურთი; წარწერები: წ- ჲ მ- ქლ, წ- ჲ გ- ბლ. წმიდა გიორგის
ქვემოდ სამი მედალიონია, წელსზევითი ფიგურებით; შუაში დ- დჲ ღ- ჲ , მარჯვნივ: წ-
ჲ პ- ტრ(ე); მარცხნივ : წ- ჲ ლუკა უნდა იყოს, თუმცა აწერია: ლ- უპ. ამ ფიგურების
ზემოდ დაზიანებული წარწერაა:
წ- ო გ- ი შ- ე რატ რატინიანი.
ქვემოდ სხვა წარწერაა:
წ- ო გ- ი მეოხ და მფარველ ექმენ მიქაელს რუბაგიანსა.
ქვემო აშიაზე წელსზევითი ფიგურებია წ- ა ნიკოლოზისა: წ- ჲ ნკ-ზ, წ-ა ანდრიასი:
წ-ჲ ადრია, და წ-ა ბასილისა: წ-ჲ ბა. . . ხატი მე-16 საუკუნის უნდა იყოს.

7. ხატი მაცხოვრისა და მთავარ ანგელოზთა, ოქროთი დაფერილი ვერცხლისა,

ნაჭედი, 78X56 სანტ. ხატი შესდგება სხვა და სხვა განცალკევებული, მოოქრული
ვერცხლის ფირფიტებისაგან, რომელნიც ერთს ფიცარზე არიან დაკრულნი და
მოქცეულნი ერთ ჩარჩოში. (იხ. №17146). ზემო ფირფიტაზე წარმოდგენილია
მაცხოვარი, წელსზევითი, მაკურთხეველის მარჯვენით, სახარებით მარცხენა ხელში,
მთავარ ანგელოზებითურთ აქეთ-იქით. წარწერა სახელისა გადმობრუნებული
ბერძნულის ასოებით არის ქვემოდ, მეორე ფირფიტაზე წარმოდგენილია ვედრება;
მაცხოვარი აქ ტახტოსანია, ჩვეულებრივის სახით და ასომთავრული წარწერით: ჲ- ჳ ქ-
ე. აქეთ-იქით წარმოდგენილნი არიან: ღვთის მშობელი და იოანე; და მათ გვერდით
მთავარ ანგელოზნი. მთავარ ანგელოზთა ქვემოდ წ¯ჲ მარკზ. და წ¯ჲ ხლპრი
(ხალამპრი). სულ ქვემო ფირფიტაზე მოსჩანან სრულის ტანით სამი მხედარი,
შუბებით და ფარებით: წ- ჲ დ- ე წ- ჲ თ- ე წ- ჲ გ- ი. აშიებზე მარჯვნივ და მარცხნივ
მთავარ ანგელოზნი: მ- ქლ და გ- ბრლ. აშიები, სადაც დაცულია ჭადრაკის მსგავსია;
ფონი ფირფიტისა ბალახოვანია. ხატი მე-17 საუკუნის უნდა იყოს.
 8. ხატი მაცხოვრისა, ვერცხლისა, ნაჭედი, 29X19 სანტ. აშიები წერტილოვანი
ორნამენტის არის; მაცხოვარი წარმოდგენილია მღვდელ მთავრის ტანისამოსით,
სრულის ტანით; მარჯვენა ხელით აკურთხებს, მარცხენაში სახარება უჭირავს. სახე
მცხოვანი კაცისა აქვს; ნიმბი ჯვარისებური, დიდი; ფონი სადაა; წარწერა: ი- ო ქ- ე (იხ.
№17118). ხატი მე-16 საუკუნის უნდა იყოს.

9. ხატი მთავარ ანგელოზ გაბრიელისა, (№17124), ყოფილა წამლით დახატული,

მაგრამ მხატვრობა სულ მოშლილია; დარჩენილია აშიები, ლამაზი ბალახოვანი
ორნამენტით; ზემო აშია აღარ არის; დარჩენილია აგრეთვე ნიმბის ნაწილები და
წარწერა: გ-ბრლ მთავარანგელოზი. მარჯვენა და მარცხენა აშიებზე წყვილი,
ერთგვარი ფიგურა, ლაბარუმებით, უწარწეროდ.
ქვემო აშიაზე ასომთავრული წარწერაა:
ქ . წ- ო :. გ- ზ :. მოხ დ :. ფრველ ექმნ :. მკბნ :. შ
ენ :. ხევნ :. სუფსა :. შუდს :. ღთმნ :. აქადას
ამ, შეცდომებით სავსე წარწერაში, სიტყვა გ- ოზ გაბრიელის მაგიერ აიხსნება
ასომთავრულის ლ-ს და ზ-ს მსგავსებით. აგრეთვე სიტყვების მაგიერ: „მამკობს“,
„შენს“, „ხევს“, სწერია „მამკონ,“ „შენ“, „ხევნ“. წარწერა უნდა გულისხმობდეს:
წმიდაო გაბრიელ მთავარ ანგელოზო, მეოხ და მფარველ ექმენ მამკობსა შენს
ხევს სუფსა. შეუნდვეს ღმერთმან აქადას.
ხატი მე-13-14 საუკ. უნდა იყოს.

10. ხატი წ- ა გიორგისა, 106X63 სანტ. (№ 17117); ყოფილა წამლით დახატული,

მაგრამ მხატვრობა სულ მოშლილია; დარჩენილია ნიმბი, ზემო ნაწილი პერანგისა
ვერცხლისა, მოოქრული და რომბ-ლურსმული აშიები მთელად; მედალიონები არ
ახლავს, წმიდანი სრულის ტანით ყოფილა წარმოდგენილი, შუბით და ფარით.
ხელობა ლამაზი სჩანს. ქვემოდ ასომთავრულით აწერია:
ქ . წ- ო : გ- ი : შემწე : ეყავნ : გ- ის : საღირის : ძესა
ორთავე : შინა : ცხორებათა : ამ¯ნ .
უქარაგმოდ:
წმიდაო გიორგი, შემწე ეყავნ გიორგის საღირის ძესა ორთავე შინა ცხორებათა,
ამინ.

11. ხატი მაცხოვრისა, 50X33 სანტ. ყოფილა წამლით დახატული, მხატვრობა

უკვე გამქრალია. პერანგის ნაწილი და მარცხნივ ღვთის მშობლის ლამაზი ფიგურა
წელსზევითი და ქვემოდ წარწერა დაცულია. წარწერა მაცხოვრისა სახელისა
ბერძნულია; ღვთის მშობლისა – ასომთავრული: დ- დ ღ- ჲ . ღვთის მშობლის ქვემოდ
ორი ფიგურა ყოფილა, ალბათ მთავარ ანგელოზთა, მაგრამ ეხლა მარტო ნიმბები
მოსჩანს. სულ ქვემოდ ასომთავრული წარწერაა:
ქ- ე : შ- ე მ- ქალ ქრისტე, შეიწყალე მიქაელ
რატიან : და : მ რატიან(ი) და მე-
ეუღლე : მისი უღლე მისი.
აშიები რომბ-ლურსმული დაცულია; ხელობა მე-14-15 საუკუნის უნდა იყოს (იხ.
№17122).
 12. ხატი წ- ა ნიკოლოზისა, 17X12 სანტ. ყოფილა ვერცხლით ნაჭედი, მაგრამ ხატი
ეხლა მოძარცულია და დარჩენილია ზურგის ვერცხლის ფირფიტა, ასომთავრულის
წარწერით (იხ. №17120):
ქ წ-ო : მღ
დელთ მოღჳა
რო : ნკზ მეოხ გუექმენ :
წ-ე ქესა : მოსავთა : შენთა :
ახალასა : და მისთა : შვილთა :
ჩხეტსა და დარჩის : და
შვილთა . . .
წმიდაო მღუ-
დელთ მოძღუა-
რო ნიკოლოზ, მეოხ გუექმენ
წინაშე ქრისტესა მოსავთა შენთა
ახალასა და მისთა შვილთა
ჩხეტსა და დარჩის და
შვილთა . . .
წარწერაში ო და უ ერთგვარად არის გამოსახული და ერთს შემთხვევაში 3-ს
მაგიერ ნახმარია ჳ.

13. ხატი წ- ა ბასილისა, 22X17 სანტ. წინა პირი ოქროთი დაფერილი ვერცხლით
ნაჭედი სულ მოშლილია; შუაში ჯვარი ყოფილა ხისა, მრავალის ნაწილებით;
ბუდეები ნაწილების დაცულია, აგრეთვე ხის ჯვარი. დაცულია კიდევ ნაწილი რომბ-
ლურსმული აშიებისა. ზურგის ვერცხლზე ჯვარია გამოსახული, ვაზოვანის
ორნამენტით, ზემოდ და ქვემოდ, ჯვარის ორივე მხარეს, წარწერაა ასომთავრული (იხ.
№17119):
წ-ო ბასილი მეოხ მცველ და
მფარველ ეყავ მონათა
შენთა ღოღელიანთა ფურ
თუხს ვეშაგს გვარანდუ
ხს და ძეთა მათთა ამენ
წმიდაო ბასილი, მეოხ, მცველ და
მფარველ ეყავ მონათა
შენთა ღოღელიანთა ფურ-
თუხს, ვეშაგს, გვარან-
დუხს და ძეთა მათთა, ამენ.
ვინაიდან წარწერაში ო დ უ არ განირჩევა, ამიტომ ძნელია თქმა, ფურთუხს უნდა
წავიკითხოთ თუ ფორთოხს. სიტყვა „ამინ“ ძველი ფორმით არის „ამენ“. წარწერა მე-17
საუკ. უნდა ეკუთვნოდეს.

14. ხატი მთავარ ანგელოზ მიქაელისა, ოქროთი დაფერილი ვერცხლისა, ნაჭედი,

16X22 სანტ. ლამაზი ხელობისა (იხ. №17121). მთავარ ანგელოზი რომაულ საომარ
ტანისამოსით არის წარმოდგენილი, მარჯვენა ხელში ქარქაშიდან ამოწვდილი ხმალი
უჭირავს, მარცხენაში ქარქაში; თმა შუბლს ჰფარავს და კიკინებად ჩამოდის
ყელთამდის; ფრთები ზომიერი აქვს. აშიები მოგრძო უჯრედებად დაყოფილი,
ბალახოვანი, ლამაზი ორნამენტით არის შემკობილი. ზემოდ სახელი ბერძნულად
აწერია.
ზემო აშიაზე წარწერა ასომთავრულით: ჯ-მთისაჲ : მთ-ვრ აგლზი. ქვემოდ
მეორე წარწერა ისეთივე ასოებით:
ჯ-მთისაჲ : მთვრაგ-ლზო :
მეოხ ექმენ ბერსა : კტრჲს ძესა :
ჯუმათისაჲ მთავარ ანგელოზო,
მეოხ ექმენ ბერსა კოტრისძესა.
შემოკლებით დაწერილ გვარს „კტრჲს ძესა“ ჩვენ ვკითხულობთ „კოტრის ძესა“,
ვინაიდან გურიაში ასეთი გვარი ეხლაც არსებობს: კონტრიძენი ლეხოურის
საზოგადოებაში სახლობენ; მათ შორის ყოველთვის სამღვდელო პირნი იყვნენ.
ცნობილი საეპისკოპოსო საყდარი ჯუმათისა გურიაშია, სუფსის პირზე1. ეს ხატი
ცნობილი არ არის ლიტერატურაში. ის ჩვენ ვიპოვნეთ სხვა ნამტვრევებთან ნაგავში.
სულ გაშავებული; გავრეცხეთ და კარგი ხატი აღმოჩნდა.

15. პატარა ხატი ღვთის მშობლისა, ვერცხლისა, 10X8 სანტ. წარწერით: დ-დჲ ღ-ჲ
(იქვე 17121).

16. ვერცხლის ფირფიტა, რომელზედაც ზემოდ წარმოდგენილია ღვთის

მშობელი, ვედრების სახით, წარწერით: დ-ჲ ღ-თსჲ, და ქვემოდ, სულ პატარა, მეორე

__________
1 მისი სიძველენი, ოდესღაც მდიდარი, დ. ბაქრაძის მიერ იყო პირველად აღწერილი (იხ. მისი
მოგზ. გურია-აჭარაში, გვ. 259-269, და მისიდა კონდაკოვის „ოპისი", გვ. 102-110).

ღვთის მშობლის ხატი, ჩჩვილედი და წ-ა გიორგი ცხენით. ალბათ ეს ფირფიტა

კანკელის საწინავე ჯვარის იყო (იხ. იქვე, №17121).

17. ზურგი გაძარცული ხატისა, რომელზედაც გადაკრულია ლამაზი ძველი

მატერია. სინამდვილეში ერთობ ლამაზია, მაგრამ სამწუხაროდ ფოტოგრაფიაზე ეს
არა სჩანს (იხ. №17125).

18. ჯვარი გამოსასვენებელი, ოქროთი დაფერილი ვერცხლისა, 51X13 სანტ. სულ

გაფუჭებულია.

19. ხატი წ-ა გიორგისა და წ-ა დიმიტრისა; მათ შუა, ზემოდ მაცხოვარია
წარმოდგენილი; ქვემოდ, ვგონებ, ღვთის მშობელი, ჩჩვილედი; გვერდის აშიებზე
მთავარ ანგელოზნი, 21X17 სანტ. ხელობა ტლანქია, მე-18-19 საუკუნის. (იხ. №17123).

20. დოქი სპილენძისა, დასადგემლი საცრის მსგავსი აქვს, ყელი ვიწრო, მუცელი
შემკობილია გეომეტრიული ფიგურებით, მოგრძო რომბებით და გრეხილებით; შუაში
პატარა ძაბრი აქვს და დასრეტილი შემკობილობა; როცა გააქანებთ, შიგნიდან კენჭის
ხმა ისმის (იხ. №17126).

21. ვერცხლის ფირფიტა, 24X18,5 სანტ. რომელიც წინეთ კანკელის საწინავე

ჯვარის შემკობილება ყოფილა და რომელზედაც წარმოდგენილია ფიგურები
მაცხოვრისა, ბერძნულის წარწერით სახელისა, წ-ა გიორგისა, წ-ა დიმიტრესი და
მთავარ ანგელოზთა; ტლანქი ხელობისაა.

22. მრავალი რკინის ლახტი და სხვა და სხვა სახის ისრები.

23. სახარებიდან ეტრატზე, რომელსაც იხსენიებს დ. ბაქრაძე (გვ. 58). აღარაფერი

დარჩენილა.

24. ბერი დიმიტრი ბაქრაძე 1864 წ. აღწერილობაში სწერს ასე: აქ არს კამარა
ჯვარისა და მოჭედილი ვერცხლით. აწერია ესრეთ:
ღმერთო და წმიდაო გიორგი (შეუნდვენ) რატიანს ჩიბურდანს.

სოფელი უგვალი

სოფელ უგვალში ჩვენ არ ვყოფილვართ. დიმიტრი ბაქრაძე (გვ. 58) აღნიშნავს აქ

ეკლესიას წმიდა გიორგისა, ტლანქად ნაშენს. ეკლესიის მახლობლად მას უნახავს
გატეხილი ზარი, მსგავსი სვანური ქუდისა, შემოკეცილი კალთებით. გარეთი ნაწილი
ეკლესიის კარისა შეჭედილი ყოფილა რკინით, რომელზედაც მოქცეული ყოფილა
გამობერვით განჭედილნი ფიგურები ადამიანთა, თევზთა და ჯვართა. შიგნით
ნაწილი კარისა აგრეთვე რკინით ყოფილა შეჭედილი, მაგრამ უსახეებოდ. ეკლესია
კვამლით ყოფილა შემურული, როგორც ყველა სვანური ეკლესია. ხატები ყოფილა
პატარანი, ჩაკერილნი ტყავის ბუდეებში, ჩანჩხურებით და ეჟვნებით. წიგნებითგან აქ
ყოფილა: ა) მარხვანი, ჩინებული ხელით დაწერილი, ბ) ლოცვანი და გ) სახარება,
ქაღალდზე ნაწერი, დღიური საკითხავების რიგით. ა. ხახანაშვილი აკუთვნებს
სახარებას მე-15 საუკუნის დასაწყისს და მოჰყავს მინაწერები: „ლოცვა ყავთ
გლახაკისა გ-ისთს რ-ნ წ-ჲ ესე სახარებაჲ ვთარგმნე“. მეორე მინაწერში იგივე გიორგი
მთაწმინდელი სხვათა შორის სწერს:
. . . . „წ-სა მამისა ეფთჳმის სანატრელისა სახარებისაგან ესე წ¯ნი
სახარებანი დავნუსხევით ვ-ა ღ-თნ ძალი მომეცა. ხოლო ესე
საცნაურ იყავ რამეთუ ბერძნულისაგან დაგვიწერია“ (გვ. 21).
გარდა ამისა დ. ბაქრაძეს უგვალის ეკლესიაში უნახავს:

1. ხატი წმიდა გიორგისა, წარწერით: წ-ი გ-ი ილორისა. მხედარი ცხენოსანი

ყოფილა, ადამიანის მგმირავი, ვეშაპის მაგიერ.

2. ხატი წმიდა გიორგისა, ასომთავრული წარწერით:

ქ : წო : გი ხლმისაო (ხვამლისაო) :
მეოხ და მფარველ : მე
 ქმენ : წე : ღთსა მამკობ
სა : ხატისა : შენისასა : ქედი
ლაძესა : ნეს და შვილ
თა : ჩემთა :
რუსულ თარგმანში სახელს „ნეს“ დ. ბაქრაძე „ნენედ“ კითხულობს (გვ. 69).

სოფელი ლახამულა.

სადადიშკელიანო სვანეთში, სოფელ ლახამულაში, ა. ხახანაშვილს უნახავს

ტყავზე დაწერილი უთავბოლო სახარება, წვრილი ხუცურის ხელით ნაწერი. ამას
ჰქონებია ხუცური მინაწერი: ... „ქეშე გრიგოლ შქერებიძე და სტეფანე დიაკონ ა-ნ“.
მეორე მინაწერი მხედრულად: „ღ-ო და წ-ნო შეიწყალეთ ორთავე შინა ცხორებასა მონა
და მადიდებელი ამ ოთხთავისა მომგებელი აფაქიძე მოსათი დ თანამეცხედრე მათი
ქაშაგთა მეფის ძე მათი ჭუბიმი და მარშუები და რომე ადღეგრძელენ და მშვიდობით
ახმარე სიმრავლეთ შინა ჟამთა, ა- ნ. აქა და მას საუკუნოსა სულსა აფაქიძესა თუალიას
შეუნდნეს ღნ და ვინც (შენდობა) ბრძანოთ, თქვენც შეგინდონ ღ-ნ“. (იხ. ა.
ხახანაშვილი, გვ. 17). ქაშაგნი (რუსული კასოგი) ჩერქეზთა ტომია.

სოფელი ფარი.

ფარი პატარა სოფელია. აქ ეხლა ახალი ხის ეკლესია არის. ძველი ნივთები შიგ
ნაკლებია და რაც არის, ის შესდგება ფრაგმენტებისაგან სხვა და სხვა ხატებისა. აქ
ჩვენ ვნახეთ:

1. ხატი მაცხოვრისა, ოქროთი დაფერილი ვერცხლისა, 44X26 სანტ. სახე

მაცხოვრისა წამლით არის დახატული; ნიმბი დიდი აქვს, ჯვარის სახედ,
ორნამენტებით შემკობილი. ხატის ვერცხლის სამოსელი და შემკობილობა სხვა და
სხვა ფრაგმენტებისაგან შესდგება (იხ. №17129). ამ ფრაგმენტებზე არიან
წარმოდგენილნი: ღვთის მშობელი, ვედრების სახით, მთავარ ანგელოზნი და წ-ა
გიორგი; შემკობილობა უმეტესად რომბ-ლურსმულია.

2. კარი რომელიღაც კარედი ხატისა, რომბ-ლურსმული შემკობილობით და

მედალიონებით წმიდათა, მაცხოვრისა, წ-ა გიორგისა და წ-ა იოანესი. ყველა ესენი
სხვა და სხვა ფრაგმენტებს შეიცავენ (იხ. №17130).

3. ვერცხლის ფირფიტა, რომელზედაც წარმოდგენილია ღვთის მშობელი,

ვედრების პოზით და წარწერით: დ-ი ღ-ი; გვარიანი ნახელავია (იხ. იქვე. №17130).

4. ორი პატარა ხატი წ-ა გიორგისა, ერთი 13X10,5 სანტ. მეორე 6,5X5 სანტ.
გვარიანი ხელობისა.
 შენიშვნა: დ. ბაქრაძის დროს აქ ყოფილა პატარა ქვის, ეკლესია. ერთად ერთ
საგანს ამ ეკლესიისა და დ. ბაქრაძე ასე აღნიშნავს: – პატარა ვერცხლის ხატი,
რომელზედაც მიკრულია ორი სხვა ხატის მინანქრიანი ნაჭრები, ბერძნულის
წარწერებით (სახელებისა). (იხ. დ. ბაქრაძე, გვ. 58, დამატება №1). ეხლა ეს ხატი აქ
აღარ მოიპოება.

სოფელ ღეშტერის ხატი კეიშის მთავარ ანგელოზთა. სოფელ ფარის მღვდელმა

გადმოგვცა, რომ სოფელ ღეშტერში, ფარის საზოგადოებისა, არის აგებული ნიში
ძველი, ქვის ნაეკლესიარზე და ამ ნიშში ინახება ხატი, რომელიც გადმოუტანიათ
ნასოფლარ კეიშიდამ. ეს ნასოფლარი მაღალ მთაზე არის. ხატი ჩვენ მოგვიტანეს
ეწერში და იქ გავშინჯეთ და ფოტოგრაფია გადმოვიღეთ (იხ. №17152),

ხატი მთავარ ანგელოზთა, ოქროთი დაფერილი ვერცხლისაა, ნაჭედი, 27X21

სანტ. მთავარ ანგელოზნი წარმოდგენილნი არიან სრულის ტანით და ლაბარუმებით;
მათ მოაქვთ მედალიონი ქრისტეს ემმანუელისა. ფონი სადაა; აშიები არა აქვს; ზემოდ
ასომთავრულით აწერია: წ :. წ-ა :. კეიშის :. მთავარ ანგელოზი.
ხატი მე-16-17 საუკუნის უნდა იყოს.

სვანეთის სულთა მატიანე.

ამ წიგნის ბოლოს ჩვენ უნდა დაგვესტამბა „სვანეთის სულთა მატიანე“, მაგრამ

მისი ტექსტი ეხლა ხელთ არა გვაქვს. ამ სათაურით ჩვენ ვგულისხმობთ დიდ ტყავის
გრაგნილს, რომელზედაც ნუსხა ხუცურით დაწერილია განჩინებანი სვანეთის ხევთა
წარმომადგენლებისა, სასულიეროსი და საეროსი, ამა თუ იმ პირთა აღაპების შესახებ,
რომელთაც გაუღიათ შესაწირავი ეკლესიებისათვის. მატიანეში აღნიშნულია
სოფლების სახელები, სადაც კრებები გაუმართავთ, და შემდეგ სახელი და გვარი
მათი, ვისაც ცოდვა შეუნანებია და სული შეუვედრებია ღვთისათვის. აღნიშნულია,
ვინ რა და რამდენი შესწირა. ეს ძეგლი გამზადებული დასაბეჭდად, განმარტებით და
წინასიტყვაობით, ჩვენ გადავეცით პროფესორ ა. შანიძეს „უნივერსიტეტის მოამბე“-ში
მოსათავსებლად ან ცალკე გამოსაცემად, მაგრამ არ გამოსულა, არც უკან მიგვიღია
ჩვენი წამოსვლის გამო. თარიღი გრაგნილს არ ჰქონებია, მაგრამ დადიანების
მოხსენების მიხედვით დრო დაახლოვებით განმარტებული იყო, როგორც მახსოვს
არა უგვიანეს მე-16 საუკუნისა. ეს „სულთა მატიანე“ ერთგვარი სტატისტიკური
ცნობების კრებულია. რამდენიც უფრო მრავალრიცხოვანია სოფელი, იმდენად მეტი
პირებია მოხსენებული ამ სოფლის კრებაში. ეს ერთად ერთი ძეგლია ჩვენამდის
მოღწეული შედარებით ძველი დროიდან, რომელშიაც ასე მრავალ-რიცხოვანად
დაცულია სვანთა გვარები და სახელები. აქედან ცხადდება, თუ რა და რა გვარებია
გამოსული სვანეთიდან და დასახლებული საქართველოს სხვა და სხვა კუთხეებში,
ნამეტნავად იმერეთში და სამეგრელოში. რასაკვირველია, ქართული გავლენაც
აშკარაა ზოგიერთ სახელებში. სხვათა შორის, როგორც მახსოვს, ვეფხის ტყაოსნის
გმირის ტარიელის სახელიც გვხვდება.
 ეს ძეგლი შეეძინა განსვენებულს რაჟდენ დათეშიძეს და გადაეცა ქუთაისის
მუზეუმისათვის. მუზეუმის გამგეს, ბ-ნ ტრიფონ ჯაფარიძეს ჩვენ დროებით
გამოვართვით და დავტოვეთ საქართველოს საისტორიო და საეთნოგრაფიო
საზოგადოების მუზეუმში.

სხვა ნივთები.

ნივთების სია, რომელიც ჩვენ შევიძინეთ მუზეუმისათვის, ეხლა ხელთ არა

გვაქვს. ამათ შორის იყო ბრინჯაოს ცულები კელტის რიგისა, საცეცხლურები
ბრინჯაოსი, სირიული რიგისა, თმის ქინძისთავები ბრინჯაოსი, ცხოველების
სურათებით, ყურსაკიდები, პატარა ქვაბები, ჯვრები და სხვა. ამ სხვებთა შორის
აღვნიშნავთ ორ ნივთს, რომელთ ფოტოგრაფია ხელთა გვაქვს:

1. სპილენძის სამფეხი, ფრიად უცხო და ძვირფასი, შემკობილი მინანქრით

სპილენძზე, სასანიდების დროისა, რაც ასე იშვიათია. ეს არის მომრგვალო სამ ფეხზე
მდგარი ძირი ანუ კვარცხლბეკი საღრჩობელისა ან ლამპარისა.
მთელი არე მოცულია მინანქრიანი ჩუქურთმებით და ამას გარდა სამს დიდ
მედალიონში მინანქრითვე წარმოდგენილია სამი ფიგურა ფრთოსანი ლომისა. სამის
მხრით, ზემოდ, მარჯვნივ და მარცხნივ, კიდევ ემჩნევა შეჭრილი სამი მეოთხედი
სიმრგვალეები, რომლებშიაც, როგორც ეტყობა, საზოგადო კონტურებით
წარმოდგენილი უნდა იყოს აღუ-რამაზდა. შუაში ამ სამფეხისა ოთხკუთხედი
ნახვრეტია, საიდანაც ამართული უნდა ყოფილ იყოს სპილენძისავე ღერი,
რომელზედაც ალბათ ჩამოკიდებული იქნებოდა ფიალები ანუ საჭრაქო ანუ
საღრჩოლებელი სულნელებისა. როდესაც ეს ნივთი ერთ გერმანელ მეცნიერს
ვაჩვენეთ მუზეუმში, ის აღტაცებაში მოვიდა და განაცხადა, თუმცა თქვენს მუზეუმში
ბევრი იშვიათი და ძვირფასი ნივთია, მაგრამ ამაზე უძვირაფსესი არაფერი არისო, ეს
მთელ მუზეუმად ღირსო.

2. მრგვალი ფლიაგა, წყლის ჭურჭელი ჯარისკაცისა, რომელიც გურულ მათარას

უდრის; წითელი თიხისა არის, კარგად გამომწვარი; ყელი ვიწრო აქვს; წინა პირზე
გამოყვანილია ორთავიანი არწივი გვირგვინით, ერთობ ლამაზად და მშვენივრად
შესრულებული. რუსული ხელობისა უნდა იყოს მე-17 საუკუნისა.

3. ქისა ტილოსი, რომელიც ბესარიონ ნიჟარაძემ შემოსწირა მუზეუმს. ამაზე

ამოქარგულია ლომის ფიგურა მხედრულის წარწერით, მაგრამ წარწერა კარგად არ
იკითხება, ნამეტნავად უკანასკნელი სტრიქონი საეჭვოდ მიგვაჩნია:

ქ ვეფხებ ლომგულმა / ზომითა

ბარს ჩანს / რილი(sic) ვარდი ბადა.
ვარდი ჴელობის ლომს ეძებს,
გაჭრილა ვინ ვარდი ბადა (?)
 ბერი ბაქრაძის ორი რვეული ზოგიერთი სვანეთის
ეკლესიების ჯვარ-ხატების და ნივთების მოკლე
აღწერილობით.

ბერი ალექსი ბაქრაძე შესანიშნავი სათნოიანი პიროვნება იყო, უზომო

თავმდაბალი, კეთილი, ღვთისნიერი, წყნარი, უაღრესად მორწმუნე და მუშაკი,
მასთან მწიგნობარი, კალიგრაფი და მხატვარი. მას დიდის ქებით იხსენიებენ
გაბრიელ იმერეთის ეპისკოპოზი და განსაკუთრებით ალ. სტოიანოვი (იხ. მისი
„მოგზაურობა სვანეთში“, გვ. 373-374). ღრმად მოხუცებული ის დადიოდა ჩემთან
ტფილისში და მოქონდა წიგნები, მის მიერ გადმოღებული წარწერები (მაგალითად,
მომიტანა დადიშკელიანის კოლოფის არაბული წარწერები) და სურათები. შემდეგ
ათონის მთაზე წავიდა და იქიდან მიგზავნიდა მის მიერ გადმოწერილს სტატიებს
ივერიის მონასტრის ძველი ხელნაწერებიდან; ესენი ეხლა საქართველოს საისტორიო
და საეთნოგრაფიო საზოგადოებაშია. ეს ღირსეული ადამიანი იქ, ათონის მთაზე
გარდაიცვალა. ერთი მის მიერ გადმოცემული პატარა რვეული in 16, შეიცავს ცხრა
ფურცელს, ერთი ფურცელი აკლია. ამას აწერია: მოგზაურობა სვანეთში. იწყება
ვახუშტი ბატონიშვილის მიერ გადმოცემული ლეგენდით, რომ სეტის ეკლესიაში
გახიზნული იყო მცხეთის ტაძრის განძეულობა და კანკელი ძვირფასი თვლებისა,
ვახტანგ გორგასლანის მიერ ინდოეთიდან მოტანილი (იხ. ზემოდ, გვ. 269, შენიშვნა 1)
და შემდეგ მოჰყვება მოკლე ცნობები მცირე რიცხოვან ნივთებზე ლატალის,
ლენჯერის, მესტიის, მულაყის, მუჟალის და ფარის (სუფის ეკლესია) თემებისა. ეს
აღწერილობა შედგენილია 1864 წელს. მეორე რვეული შეიცავს სულ 7 დაწერილ
ფურცელს ასეთის სათაურით: „1874 წელსა, მაისის 29 დღესა კომისია დანიშნული
სვანეთის ეკლესიებთა ქონების ცნობაში მოყვანისათვის შეუდგა უშკულის
სამრევლოსა შინა გამოკვლევასა მოძრავთა კუთვნილებათა მისთა და აღმოჩნდა
შემდგომი“. სულ ორი ხატია აღწერილი უშკულის თემისა. პირველის შესახებ სწერია:
„უშკულის ძეგლის მაცხოვრის ეკლესიაში არის ხატი წმიდის გიორგისა, სიმაღლით 4
ვერშოკი, განით 3 ვერშოკი, ვერცხლით მოჭედილი უკანით და მოოქვრილი,
რომელსაც აწერია შემდეგი: „წმიდაო გიორგი ზღუდისაო, მეოხ და მფარველ ექმენ
აბესალომს ყიფიანს, და ძეთა მისთა, ამინ“.
ეს ხატი ამ წარწერით არც ჩვენ გვინახავს, არც დ. ბაქრაძეს და არც გრაფინია
უვაროვისას.
მეორედ აღწერილია ჩაჟაშის მაცხოვრის ეკლესიის ღვთის მშობლის ხატი
ვახტანგ წახენელიძის წარწერით (იხ. ზემოდ). შემდეგ აღნიშნულია: კალას თემის
წმიდა კვირიკეს და ივლიტას ეკლესიაში ბიზანტიური მინანქრიანი სანაწილე და
გარდამოხსნის ხატი (იხ. ზემოდ). უკანასკნელის წარწერა არ არის ნახსენები, მაგრამ
ნათქვამია, ზურგზე ხატისა თოთხმეტი ნაწილების ადგილია და აწ ერთის მეტი აღარ
სჩანსო; ადიშის ეკლესიაში აღნიშნულია მხოლოდ ალექსანდრე მეფის ზარი; იფარის
(ნაკიფარის) ეკლესიაში ნაჩვენებია მარტო ვერცხლის ჭურჭელი, რომლის სია ჩვენ
ზემოდ მოვიყვანეთ. წვირმის და ელის ეკლესიებში თითო ხატია აღნიშნული;
მუჟალისაში – ერთი; მულაყისაში მარტო ვერცხლის სურა ბაგრატ მეფისა, სამი
გირვანქა; მესტიის ეკლესიაში აღნიშნულია ვერცხლეულობა გირვანქობით (იხ. ზ.).
და სახარება საკმაოდ ვრცლად; ლენჯერის ეკლესიაში აღნიშნულია ღვთის მშობლის
ხატი (იხ. ზემოდ). ლაშთხვერის ეკლესიაში ნაჩვენებია ზარი ალექსანდრე მეფის და
იოანე მახარობლის ხატი (იხ. ზემოდ). ქაშვეთის ეკლესიაში ჯვარცმის ხატი (იხ.
ზემოდ). წარწერები ჯეროვანად არ არის წაკითხული, ლატალის ეკლესიაში
აღნიშნულია ღვთის მშობლის ხატი მამუკა ვაჩნაძის წარწერით (იხ. ზემოდ) და
მინანქრიანი ბიზანტიური ჯვარი (იხ. ზემოდ). იონაშის ეკლესიაში იოანე
წინასწარმეტველის ხატი მამია გურიელისაგან შეწირული (იხ. ზემოდ). ზარი
ალექსანდრე მეფისა და სახარება სტეფანე (sic) კათალიკოზისა (იხ. ზემოდ). ბოლოს
აღნიშნულია ცხუმურის ეკლესიაში მარტო სახარება, არა სრულის წარწერებით. ამით
თავდება რვეული. აღსანიშნავია საოცარი სიმცირე დასახელებული ნივთებისა. ვინ
იყვნენ კომისიაში, ნაჩვენები არ არის, მაგრამ რომ ამ კომისიაში ბერი ბაქრაძეც უნდა
ყოფილ იყოს, ეს იქიდან სჩანს, რომ ხელით გადმოღებულია ბერძნული წარწერა
კალას სანაწილესი და ლატალის ჯვარისა; გარდა ბაქრაძე ბერისა სვანეთის
მღვდლებმა ბერძნული არ იცოდენ. წარწერებში ზოგჯერ შეცდომებია. მნიშვნელობა
ამ რვეულებისა იმაშია, რომ მათში ნაჩვენებია ზოგი ნივთი, რომელიც ჩვენს დრომდე
არ შენახულა. ყველა ესენი თავის ადგილზე მოყვანილია ამ გამოცემაში. აგრეთვე
ნაჩვენებია სხვა არქეოლოგიური ლიტერატურა სვანეთისა, რომელიც ჩვენს
ექსპედიციამდის იყო გამოცემული.

შენიშვნა

ჩვენს მიერ ამ წიგნში განხილული ნივთები უმეტეს შემთხვევაში ეკუთვნიან

ქრისტიანული კულტურის ნაშთებს. ქრისტიანობა სვანეთში ეჭვს გარეშე შემოსულია
ბიზანტიიდან, ალბათ იმ დროს, როდესაც ლაზებმა და აფხაზებმა მიიღეს
ქრისტიანობა. ბიზანტიის დიდი გავლენა აღნიშნულია როგორც სვანურ ენაში, ისე
წირვის წესში და სვანთა ერისთავთა მიერ ბიზანტიურ საკარისკაცო პატივის
ტარებაში (იხ. ზემოდ, გვ. 26). სვანეთი ჯერ შეადგენდა კოლხეთის ავტონომიურს
ნაწილს, შემდეგ ლაზთა სამეფოს ნაწილს და ბოლოს შედიოდა აფხაზეთის
სახელმწიფოში. როდესაც აფხაზეთი და საქართველო გაერთიანდა ბაგრატ მესამის
უფლების ქვეშ 980 წელს, სვანეთიც საქართველოს ნაწილი გახდა. აქედან იწყება
მჭიდრო კაშირი სვანეთისა მთლიან საქართველოსთან. ეტყობა, საქართველოს მეფენი
დიდ ყურადღებას აქცევდენ სვანეთს. იფრარის ეკლესია დავით აღმაშენებელის
მხატვრის მიერ არის ფრესკებით მოხატული, ალბათ მეფისავე ბრძანებით (იხ.
ზემოდ, გვ. 208), ამავე ეკლესიის ღვთის მშობლის ხატზე წარმოდგენილია მეფე
დავით მეხუთე, გიორგი ლაშას ძე, და მოხსენებულია მისი მეუღლე გუანცა.
ლატალის მაცხოვარიშის ეკლესია დიმიტრი პირველის დროს არის დახატული 1142
წელს და აქ ფრესკით წარმოდგენილია დიმიტრის გვირგვინის კურთხევა და მისი
ერისთაები (გვ. 350-351). თამარ მეფე, რუსუდან დედოფალი და სხვები ძვირფასი
ხატებით ამკობენ სვანეთის ეკლესიებს. თვით სვანთა ხევების მიერ შემკობილ
ხატებზე გამოსჭვივის მჭიდრო ერთობა მთელ საქართველოსთან; მუხერის მთავარ
ანგელოზის ხატის წარწერაში ვკითხულობთ: „ადიდენ მეფენი ბაგრატონიანნი,
დადიანნი და დიდებულნნი და ერთობილი საქართველო და ერთობილნი სანნი“ (იხ.
ზემოდ).
 წინათ ფიქრობდენ, სიმრავლე ჯვარ-ხატებისა და ხელნაწერებისა, რომელნიც
სვანეთში იყო და დღესაც არის (უმეტეს შემთხვევაში ძალზე დაზიანებული
მოუვლელობით და მტაცებლობით), აიხსნებოდა იმით, რომ სვანეთში ეზიდებოდნენ
საქართველოს სხვა და სხვა კუთხიდან ამ ნივთებს შესანახად და გადასარჩენად
განადგურებისაგან მტერთა შემოსევის დროს. ეჭვი არ არის, ამასაც ადგილი ჰქონდა,
მაგრამ ჩვენის დაკვირვებით, ცხრა მეათედი ჯვარ-ხატებისა თვით სვანეთშია
დამზადებული. ამას მოწმობს სვანიზმები წარწერებისა, გვარები შემკვეთელებისა და
ოქრომჭედელთა. საზოგადოთ ოქრომჭედლობა სვანეთში დიდათ განვითარებული
ყოფილა. არაფერი ისე არ ახასიათებს საზოგადო, კულტურის აყვავებას თუ დაცემას,
როგოროც ოქრომჭედლობის ევოლუცია. კლასიკური დროის შემდეგ ეს ხელობა
თანდათან ეცემა სვანეთში, ისე როგორც საქართველოში, მაგრამ უაღრესად მისი
დაცემა ეკუთვნის მეთვრამეტე საუკუნეს და მეცხრამეტის დასაწყისს. ეს ერთგვარად
ახასიათებს როგორც სვანეთს, ისე ლეჩხუმსაც.
სვანეთში, რამდენადაც ცნობილია, არქეოლოგიურ გათხრებს ჯერ ადგილი არ
ჰქონია და არაფერი ვიცით, თუ რა დონეზე იყო აქ ქრისტიანობის წინადროის
კულტურა, მაგრამ რამდენადაც ეს სჩანს იმ მცირე ნაშთებისაგან, რომელნიც
ეკლესიაშია დაცული და რომელნიც ეჭვს გარეშე ძველი სასაფლაოებიდან არის
ამოღებულნი, ეს კულტურა იგივეა, რაც კობანის კულტურა ოსეთში; ამას გარდა
სვანეთში დიდძალ ოქროს ფულებს პოულობენ, რაც მოწმობს მის მჭიდრო სააღებ-
მიცემო კავშირს წინა აზიის და საბერძნეთის ხალხებთან. სხვათა შორის 1906 წელს
ტფილისის მუზეუმში გასასყიდათ მოიტანეს 18 ოქროს ფული, რომელნიც ვნახეთ
სოფელ ჩობერში რკინის წაკეტებთან და სხვა ფერადოვან მძივებთან (ბუსებთან)
ერთად. ამათ შორის სამი ლიზიმახოსის იყო, დანარჩენი ალექსანდრე მაკედონელის,
მაგრამ სხვა და სხვა დროს მოჭრილი. ადვილად შესაძლებელია, ის ოქროს ფულები,
რომელნიც ხშირად გვხვდება საქართველოს სასაფლაოებში და რომელნიც
ლიზიმახის ოქროს ფულის მიბაძვით არის დამზადებული, სვანეთში იჭრებოდა
სვანეთშივე ნაპოვნი და დამუშავებული ოქროთი. არქეოლოგიურმა გათხრამ
სვანეთში დიდი შედეგები უნდა მოგვცეს.

*
* *

ავტორი წინამდებარე წიგნისა თავის ზნეობრივ მოვალეობად რაცხს

უგულითადესი მადლობა გამოუცხადოს ბატონს ვიქტორ ნოზაძეს, რომელმაც
თავისი უანგარო ენერგიული დახმარებით შესაძლებელი გახადა ამ წიგნის გამოცემა,
ბატონს ნესტორ კალანდაძეს, რომელმაც დახატა სათაური წიგნისა და ბატონთ
სამსონ ფირცხალავას და სოსო გოგოლაშვილს, რომლებიც დაგვეხმარენ კორექტურის
შესწორებაში.
 ნაწყვეტ-ნაწყვეტი, გზა და გზა, სხვათა შორის

ზოგს უკვირდა, ისე ინტენსიურად რომ ვმუშაობდი ქართული

ხუროთმოძღვრების ძეგლების, საეკლესიო ნივთების და ხელნაწერების შესწავლაზე
და მეკითხებოდნენ ხოლმე, პეტერბურგის უნივერსიტეტში დასპეციალდი მაგ
საკითხებზეო? სრულიადაც არა! იქ მე პედაგოგად ვემზადებოდი და თბილისში რომ
ჩამოვედი, სწორედ მასწავლებლობით დავიწყე საქმიანობა. ხელოვნებისა და სხვა
ძეგლებს კი მას მერე მოვკიდე ხელი, როდესაც დავაკვირდი, რომ ისინი ნელ-ნელა
ხელიდან გვეცლებოდნენ და შემსწავლელი კი აღარავინ ჩანდა.

* * *

კონსტანტინე გამსახურდია, რომ ევროპიდან ჩამოვიდა, უნივერსიტეტში

მომაკითხა და მთხოვა, არქეოლოგიის კათედრაზე ამეყვანა სამუშაოდ. მაგრამ მაშინ
მე მალე წავედი კიდევაც ევროპაში და აღარ მოეწყო ეს საქმე. თორემ ავიყვანდი.
მუშაობა უყვარს და ნაკითხი კაციცაა. ამიტომაა, რომ ასეთი ნაყოფიერი მწერალი
დამდგარა.

* * *

მთაწმინდის თხემიდან გადმოხედვას არაფერი შეედრება! არსად მსოფლიოში

ასეთი ლამაზი ქალაქი არ მოიძებნება. პარიზში არაფერი ამის მსგავსი არაა.
მთაწმინდის პარკი ხომ წინათ ჩემი ცოლოურის, პოლტორაცკების საკუთრება
(გაბაშვილის ქალის ნამზითვი) იყო და იმ მამულ-ადგილებში ხშირად მივლია.

* * *

კოლა-ოლთისში რომ ვმოგზაურობდი, სოლომონისის მღვიმე-ეკლესიაზე

ძალიან ძნელი ასასვლელი იყო და მესხებმა ამიყვანეს ხელით ეს კოჭლი კაცი. . . ჩემს
შემდეგ (ალბათ ჩემი გასაჭირი რომ გაიგო), ოლთისის მაზრის უფროსს საფეხურები
ამოუჭრევინებია იმ კლდეში და თავის დროზე სწორედ მიუდგომელ ადგილას
მოწყობილი ეკლესია უკვე ყველასათვის მისაწვდომი გამხდარა; ბრალიანსა და
უბრალოს დაუწყია იქ სიარული და ბევრი რამე გაუფუჭებიათ კიდევაც. ასე რომ გზის
გაადვილება ხშირად ვნებს კიდვაც საქმეს.

* * *

იშხანში იმ ფრესკულ წარწერას ალბათ ვერც მე შევამჩნევდი, ჩემი

წინამორბედივით, მაშინ რომ ძალიან მჭრელი თვალი არა მქონოდა. სანამ ზედ არ
მივიყვანე და თითებით არ მოვუხაზე ასოები, ექსპედიციის სხვა წევრები ვერც კი
ხედავდნენ წარწერას! ისიც უნდა ითქვას, რომ წვიმა არ წამოსულიყო და მერე მზეს
ალმაცერად არ შემოეხედა ტაძარში, მეც გამიჭირდებოდა დანახვა.

* * *

მიხ. ჭიაურელი რომ წავიყვანე მხატვრად 1917 წელს ექსპედიციაში, ძალიან

ყოჩაღად ირჯებოდა, ყველაფერი ეხერხებოდა და თან აცოცხლებდა და
ამხიარულებდა მთელ ექსპედიციას. ის ხომ მრავალმხრივ ნიჭიერი კაცია და სხვათა
შორის, იმიტაციაც ძალიან ემარჯვებოდა. ერთხელ აიპარა მინარეთზე და ისე მიბაძა
მოლას ძახილს, რომ იქაური მაჰმადიანები შეცდომაში შეიყვანა. სხვა დროს იშხანში
მაჰმადიანებს ფერხული დაებათ და თან დაიმღეროდნენ, ჩადგა ისიც მათ შორის და
ისე ცეკვავდა და მღეროდა რომ ნამდვილი თათარი გეგონებოდათ.

* * *

ათონის ივერთა მონასტერში დაცული ქართული ხელნაწერების ბედის შესახებ

ამ ბოლო დროს აღარა ვიცით-რა. იქაური ბერძენი ბერები საერთოდ ძალიან
აგრესიულად იყვნენ ჩვენს მიმართ განწყობილი და ეგებ ის ხელნაწერებიც
განიავებულია?!

* * *

საერთოდ, რამდენ ხანს დარჩა რუსეთის მფლობელობაში არტაანი და სხვა

ძველი ქართული ოლქები, სავსებით მისაწვდომი იყო სპეციალისტებისათვის, მაგრამ
ვერავინ მოიფიქრა იქაური ძეგლების რიგიანად აღწერა.

* * *

იშხანის ტაძრის ერთ-ერთ ფრესკულ წარწერაში იხსენიება ქართლის პირველი

ქრისტიანი დედოფალი ნანა.

* * *

ამ ბოლო დროს რომ გავარდა ხმა, თითქოს ამერიკელებს აღმოუჩენიათ

პალესტინის რომელიღაც გამოქვაბულში ქართული, სომხური და კოპტური
ხელნაწერები, თუ მოჭორილი არ გამოდგა, შეიძლება ძალიან მნიშვნელოვანი იყოს,
კერძოდ ჩვენთვის. თუ იქ მართლა არის ქართული ხელნაწერები, უთუოდ ძველი
იქნება. ასეთი რამეღა გვიშველის, თორემ პირდაპირ სამარცხვინო საქმე გვჭირს: ხომ
რამდენ ხანს იყო ჩვენი დამწერლობა ხან-მეტი, XI საუკუნეში გიორგი
მთაწმინდელმაც იცოდა, რომ გვქონდა ასეთი და ჯერ კი არც ერთი ხან-მეტურად
დაწერილი სახარება არ ჩაგვვარდნია ხელთ! საოცარია, როგორ უნდა მოსპობილიყო
ასე პირწმინდად ის ძველი ხელნაწერები?... თუმცა, მეორე მხრივ, ეს რაღად უნდა
გვიკვირდეს, როცა ჩვენ მეზობელ ალბანელებს X საუკუნეში ჯერ კიდევ თავიანთ
ენაზე ჰქონდათ მღვდელთმსახურება და დღემდე არაა ნაპოვნი თუნდაც ერთი
ნამცეცი ხელნაწერი. მხოლოდ ამ ბოლო დროს მიაკვლია ილია აბულაძემ, ალბანურ
ანბანს ეჩმიაძინის ერთ ხელნაწერში. ახლა თითო-ოროლა ქვაზე დაწერილიც იპოვნეს
აზერბაიჯანელმა არქეოლოგებმა, მაგრამ რა გამოვიდა, რომ ვერ კითხულობენ? ისე კი
ზოგი ასო ქართულსა ჰგავს, ზოგი – სომხურს, ეტყობა ორივეთაგან ნასესხები და
ნარევია. ალბათ სამივე ერთად წარმოიშვა, IV საუკუნეში.

* * *

ვცდილობ, ახლავე მოვაწესრიგო ჩემი ნაწერების ბიბლიოგრაფია, თორემ ისეთი

რთული შესადგენია, რომ უჩემოდ ყველას ძალიან გაუძნელდება.

* * *

ევროპის სიძველეთსაცავებში და ანტიქვარებთან რომ საქართველოდან

გატანილი და გაყიდული სიძველეები ვნახე, მათ შორის რამდენიმე ხატი გიორგი
ორბელიანის ოჯახიდა იყო იქ მოხვედრილი, მისი ცოლის წყალობით.

* * *

იქ ვნახე კიდევ ნიკო ჭავჭავაძის ნაქონი ნივთებიც. ნიკო თავის დროზე

გამოჩენილი პატრიოტი იყო. ერთხანს დაღისტანს მმართველობდა მერე აქ
გარდაიცვალა, ოპერაციის შედეგად. იური ჭავჭავაძე მისი ძმისწული იყო. ილიას
ნათესავები არ ყოფილან, სხვა შტოს ეკუთვნოდნენ. ნიკო უცოლოდ მოკვდა, მაგრამ
ისე კი ძალიან უყვარდა ლამაზი ქალები.

* * *

ტარონელები ბაგრატიონები იყვნენ, ტარონში მერე გადასახლებული და

გასომხებული. ტარონელი იყო ჩვენი თორნიკე ბერიც, ბარდა სკლიაროსი რომ
დაამარცხა. იმათში ბევრს ერქვა სახელად თორნიკე, მთელი დინასტია იყო.

* * *
 იკორთის ტაძრის აშენება ნამდვილად ღირდა თავმოწონებად! ისეთი მშვენიერი
ნაგებობა, თამარის დროისა, ქართველებს სხვა არც მოგვეპოვება.

* * *

ნ. ადონცი რომ ამბობს თავის ნაშრომში თორნიკე ერისთავი სომეხი იყოო, რა

თქმა უნად აჭარბებს. ფაქტიურად ხომ ისინი ქართველები იყვნენ და ჟამთა
ვითარებაში ენობრივ გასომხდნენ. რაკი ასე იყო, როგორც კი ისევ იმძლავრა იმ
მხარეში ქართულმა პოლიტიკურმა მფლობელობამ და ელემენტებმა, ისინიც კვლავ
გაქართველდნენ და მერე რა თავგადამკვდარი ქართველი პატრიოტები გახდნენ!
მარტო გრიგოლ ბაკურიანი რად ღირს, ბულგარეთში რომ ქართული მონასტერი
დაარსა, პეტრიწონს?! რა ფანატიკოსია საქართველოსი?

ამ ქვეთავის მასალები მოამზადა სიმონ ბალახაძემ

 სარჩევი

წინასიტყვაობა

ნაწილი I. ლეჩხუმი

სოფელი ლაბეჭინა
საირმე
ლაჯანა
ორბელი
ლატორია
მცხეთა
ქალაქი ცაგერი
სოფელი ზუმბი
სოფელი ოყურეში
სოფელი ნაყურალეში
სოფელი ქვემო აღვი
სოფელი ნასპერი
ხვამლის ეკლესიის წარწერა

ნაწილი II. ქვემო სვანეთი

ლენტეხის თემი

სოფელი ლენტეხი
სოფელი ფაყი
ლექსურა
გულიდა

ჩოლოურის თემი
სოფელი საყდარი
სოფელი ზემო ჭველიერი
სოფელი მამი
სოფელი თეკალი

ლაშხეთის თემი

სოფელი სასაში
სოფელი ჯახუნდერი
სოფელი ჩუკული
სოფელი ჩიხარეში
სოფელი მახაში
სოფელი დაბიში
სოფელი ახაშენი
სოფელი მელე
სოფელი ნაცული
სოფელი ხერია
სოფელი შგედი
სოფელი მარგვიში
სოფელი ღობი
სოფელი ლამზაგორი

ნაწილი III. თავისუფალი სვანეთი

უშგულის თემი

სოფელი ჟიბიანი
სოფელი ჩვიბიანი
სოფელი ჩაჟაში
სოფელი მურყმერი

კალას თემი

კალას ეკლესია
სოფელი ჴე
სოფელი იფრარი
სოფელი ხალდე

იფარის თემი

სოფელი ზეგანი
სოფელი წვირმი
სოფელი იელი
სოფელი ადიში
სოფელი ნაკიფარი

მუჟალის თემი

სოფელი ჩვაბიანი
სოფელი ჟაბეში
სოფელი ჩალდაში

მულაყის თემი

სოფელი ღობრი და ზარდლაში

სოფელი მუშკიერი
სოფელი ჟამუში
სოფელი ლახირი
სოფელი ჩოლაში

მესტიის თემი

სოფელი სეტი
სოფელი ლაღამი
მარგიანი, მთავარანგელოზის ეკლესია
მეორე მთავარანგელოზის ეკლესია
სხვა ეკლესიები
მესტიაში გაშინჯული ხელნაწერები

ლენჯერის თემი

სოფელი ნესგუნი
სოფელი ლემსი
სოფელი ქაშვეთი
სოფელი კაერი
სოფელი სოლი
სოფელი ლაშტხვერი
სოფელი მუხელი

ლატალის თემი

სოფელი ენაში ანუ იონაში

სოფელი მაცხოვარიში
სოფელი ლაჰილი
სოფელი ლახუშტი
სოფელი ლამი

ნაწილი IV. სადადიშქელიანო ანუ სათავადო სვანეთი

ბეჩოს თემი

სოფელი ბეჩო
ცხომარის თემი
სოფელი სვიფი
სოფელი ლაფსხალდი

ეწერის თემი

სოფელი ბარში
სოფელი ყურაში
სოფელი ფხოტრერი

ფარის თემი

სოფელი სუფი
სოფელი უგვალი
სოფელი ლახამულა
სოფელი ფარი
სოფელი ლეშტერის ხატი კეიშის მთავარანგელოზთა
სვანეთის სულთა მატიანე და სხვა ნივთები
ბერი ბაქრაძის ორი რვეული ზოგიერთი სვანეთის ეკლესიების
ჯვარ-ხატების და ნივთების მოკლე აღწერილობით
შენიშვნა ქრისტიანული დროის და ქრისტიანულ წინა
დროის კულტურის გამო სვანეთში
ნაწყვეტ-ნაწყვეტი, გზა და გზა, სხვათა შორის