AN PAGKAKAPANGARAN SA OAS, ALBAY

Kan munisipalidad nikan Oas ay napundar nikadtung panon nikan mga Espanyol sa
Bicol. Sa taon ning 1605, naipangilala ni Padre Baltazar de los Reyes kan
kristiyanidad na nag porma ning usad na pundasyon ning mga taô na sa ngawana
mas ngilala sa angal na Oas. Kadakulan ning mga apelyido idi sa Oas ay nagipun sa
letrang “R” wan nikan Resaldo, Ricafort, Reario.

Kayun tulong isturya ning ginikanan nikan banwang Oas.

Pang-muna, kan na pagkakayun ning mga lawa o mga “bitu”. Kadakul na mga bitu
na makikita sa Oas kaya pinangaranan nung mga namunang tagasakop ning
“Oasis” kina binalyuan nasana ning “Oas” tanganing umaliput kan pagsabi.

Pang-duwa, kayun usad na kapyut na parti ning dam sa usad na sulong. Kading
dam na kadi kan na nagi-buway sa darakulong uma sa lugar sabay kan bawang
Libon, kan mga tau ay nakatakut ta kayun mga búlak ni mga lubot su padir
nikadtung dam. Uminabot sa makusug na uran, kuminusug su tubig sa dam, kayun
nagsilyak ning “nawaswas” na nagalerto sa mga taô sa banwa. Kaya magpun
nikadtu pinunan nang angalun nikan mga taô “Oas”, kan pinaliput na angal sa
“nawaswas”.

Pang-tulu, nikadtung mga kapanonan su mga namunang espanyon na nakabut sa

Bicol Peninsula ay nang unga-unga kin unan kang pag-angal ninra sa banwang
pinagitindugan ninra. Kayun nikadto labi-labing 600 na katutubong local sa banwa,
inunga ninra, “Como se llama este sitio?”. Kan na pagkarungun nung mga katutubo
“Unan kading lugar kadi, maiwas?” (what is this, it’s very big?) sa sadiri ninrang
diyalekto. Simbag ninra sa mga Espanyol, sabi ninra, “Si, Señores. Labi nikading
iwas. Labi nikading iwas.” (Yes sir, this is grand and spacious). Magpun nikadtu
nangilalan nikan mga Espanyol na kayun palan mga malang tataba ni malang-iiwas
na raga sa banwa nikan na Oas sa Bicol.

Reference :
Albay Tourism E-Data. (2017, October 12). Retrieved from
https://rsso05.psa.gov.ph/Albay-Tourism/Oas/Oas.html