Kabanata III

Disenyo at Paraan ng Pananaliksik

Ang kabanatang ito ay naglalayong maipalaiwanag at mailahad ang mga paraang ginamit

ng mga mananaliksik upang mabigyang katuparan ang mithiin ng pag-aaral.

Disenyo ng Pananaliksik

Ang pananaliksik na ito ay patungkol sa persepsyon ng mga mag-aaral sa baitang 11 ng

Bacarra National Comprehensive High School tungkol sa usaping pagpapatupad ng pederalismo

sa Pilipinas. Ang pananaliksik ding ito ay gumagamit ng limang close-ended questions at limang

open-ended questions upang makakalap ng mga datos mula sa mga respondents na magagamit at

makatutulong sa nasabing pag-aaral.

Mga Respondents

Ang mga napiling tumugon sa pag-aaral na ito ay ang mga mag-aaral sa baitang 11 ng

Bacarra National Comprehensive High School.

Gumamit ang mga mananaliksik ng random sampling na pamamaraan upang magkaroon

ng pantay na representasyon ng mga datos. Humanap at pumili ang mga mananaliksik ng 30 na

mag-aaral sa baitang 11.

Instrumento ng Pananaliksik

Ang pananaliksik na ito ay isinagawa sa pamamagitan ng pamimigay ng mga

talatanungan o pagsasarbey. Nakatulong din sa mga mananaliksik ang mga datos na nakalap nila

sa silid aklatan sa kanilang paaralan, at maging ang mga impormasyong nakalap nila sa internet
para makalikom ng mga datos na makatutulong upang mabigyang katuparan ang mithiin ng pag-

aaral.

Tritment ng Datos

Ang mga datos na nakalap ng mga mananaliksik mula sa mga mag-aaral na tumugon sa

talatanungan ay ipinagsama-sama o itinally upang makuha ang tama at eksaktong bilang ng mga

mag-aaral ukol sa kanilang persepsyon. Ang mga datos na ito ay magsisilbing kasagutan sa mga

katanungang inilahad ng pag-aaral. Ang mga resulta ay inalisa at ikinumpara ayon sa pagkakaiba

ng mga tumugon. Ang mga datos na nakalap ay isasalarawan gamit ang bar graph upang

makamtan ng may kaayusan ang tamang resulta at upang makapagbigay ng malinaw at madaling

pag-unawa sa mga nagnanais na makabasa ng nasabing pananaliksik. Ang pormularyong ginamit

sa pagkuha ng porsyento ay:

Bilang ng Tugon
Porsyento= x 100
Kabuuang Bilang ng Resp o ndents