Inaanyayahan ko po ang lahat sa ating gabi-gabing 7PM Prayer Against COVID-19.
Sa ganap na ika-7 ng Gabi ay patutunugin ng sampung beses ang kampana ng
Simbahan tulad po ng ginagawa ng ating mga ninuno noong unang panahon kapag may kinakaharap na mabigat na suliranin at kaguluhan ang bayan. Magsindi po tayo ng kandila sa ating mga altar sa ating mga tahanan at dasalin ang sumusunod na panalangin:
Panalangin Para Sa Kaligtasan Mula Sa Corona Virus(COVID-
19) Tayo'y manalangin... Sa Ngalan ng Ama, ng Anak at ng Espiritu Santo. Amen Makapangyarihan at walang hanggang Diyos, kami po ay buong pakumbabang dumudulog sa Iyong mahabaging kaawaan na kami po ay Iyong tulungan na mailayo mula sa "Corona Virus". Natatakot po kami, lalo't-higit napakarami na po ng naapektuhan ng sakit na ito at marami na rin po ang namamatay dahil din dito. Iligtas Mo kami Panginoong Diyos mula sa karamdamang ito; tulungan Mo po ang mga kasalukuyang naapektuhan na nito at gabayan Mo po ang lahat ng mga manggagawa para sa kalusugan ng lahat. Isinasamo namin sa Iyo Panginoong Diyos na ang karamdamang ito ay tuluyang magwakas upang ang lahat ay mamuhay ayon sa Iyong ipinangakong buhay na kasiya-siya. Naniniwala po kami, na Ikaw lamang ang aming masasandalan sa panahong ito ng aming pagkatakot dahil sa sakit na ito at nagtitiwala po kaming lahat na Ikaw ay mas higit na mas malakas kaysa karamdamang ito. Hinihiling namin ito sa pamamagitan ni Hesukristong aming Panginoon, ang aming Dakilang Manggagamot kaisa ng Espiritu Santo, iisang Diyos, ngayon at magpakailanman. Amen.