Ang Tatsulok ay isang awiting kilalang kilala ng marami dahil ipinapakita
nito ang larawan ng pagkakahati-hati at hindi pagkakapantay-pantay ng mga uri ng katayuan o kabuhayan sa lipunan. Iminemensahe rin ng awitin ang pagkakaroon ng malaking agwat sa pagitan ng mahihirap at mayayaman na ang mga taong nasa tuktok lamang ang may karapatan sa hustisya at kapayapaan.Sa pagpapatuloy pa ng pamamahalang baliko ng mga nasa itaas na bahagi ng tatsulok., sinasabi na hindi talaga matatapos ang gulo na ang kahulugan ay kahirapan sa ating bansa.
Sa awitin, si Totoy bilang tauhan ang sumasalamin sa tunay na kalagayan
ng mga taong lugmok na lugmok sa kahirapan. Mga mamamayang nais ipaglaban ang pagbabago sa pamahalaan ngunit walang sapat na kakayahan at lakas ng loob dala na rin nang walang kaalaman dahil sa pagkakait ng karapatang pang edukasyon. Sinabi rin sa awitin na hindi dilaw at pula ang tunay na magkalaban (iligtas ang hininga ng maraming tao, at ang dating munting bukid, ngayo’y sementeryo)
Sa kalagayan ng Pilipinas ayon sa awitin, marapat na tayo ay kumilos
upang mabaliktad ang tatsulok upang ang mga dukha ay makaangat mula sa kahirapan at ang mga taong nasa itaas ay maranasan kung anong buhay ang nakakamit ng mga taong kanilang nasasakupan at pinagkakaitan ng karapatan sa hustisya at kabuhayan.