Mga Teorya Tungkol sa Pinagmulan ng Daigdig

Upang bigyan ng katugunan ang mga tanong kung paano nagsimula at nahubog ang daigdig, iba't ibang
teorya ang ipinanukala ng mga siyentista. Alin kaya sa mga sumusunod na teorya ang higit na kapani-
paniwala? Tunghayan natin ang iba't ibang teorya ukol sa pinagmulan ng daigdig at ang iba't ibang
pananaw na binibigyang-diin sa mga ito. Ang mga panukala ng mga bumuo ng mga teoryang tatalakayin
ay bunga ng pananaliksik at malalim na pag-aaral at ginamitan ng maraming ebidensya.

Teoryang Nebular

Ipinanukala ang teoryang ito ni Pierre Simon Laplace, siyentistang Pranses at isang astronomer.
Naniniwala siya sa katatagan ng sistemang solar at sa pinagmulan nito. Ayon kay Laplace, nagmula sa
nebula ang sistemang solar, kasama na ang daigdig. Mga namumuong gas at alikabok ang nebula na
nakikita sa kalangitan sa pamamagitan ng mga radyasyong ultraviolet na nagmumula sa isang mainit na
bituin.

Teoryang Dust-Cloud

Halos katulad din ito ng teoryang nebular. Ang pagkakaiba lamang, alikabok ng mga meteorite ang
nabuo sa halip na gas. Sinusugan ng ibang mga siyentistang ebolusyonista ang mga naunang teorya
tungkol sa gas o alikabok. Ayon sa kanila, nang matuklap ang mga balat ng nabuong gas o alikabok mula
sa mga meteorite sa pamamagitan ng kondensasyon, lumamig at tumigas ang masa at naging mga
planeta sa kalawakan. Kabilang dito ang ating daigdig.

Teoryang Dynamic Encounter

Ipinanukala ang teoryang ito ni Georges Louis Leclerc Buffon, isang naturalistang siyentistang Pranses.
Ayon sa kanya, nagmula ang sistemang solar sa banggaan ng isang malaking kometa at ng araw. Ang
mga sangkap na nawala sa araw ay nabuo at naging mga planeta. Katulad din ng mga teoryang nebular
at dust-cloud ang patutunguhan nito.

Teoryang Disrupsyong Solar

Tungkol naman sa isang malaking bituin na bumangga sa araw ang teoryang ito. Ayon sa teorya,
nagtalsikan sa kalawakan ang mga tipak na nagmula sa malaking bituin na bumangga sa araw. Dahil sa
lakas ng banggaan, naging malayo ang inabot ng mga tumalsik na tipak mula sa malaking bituin. Subalit
nagpatuloy pa rin ito sa pag-inog sa araw dahil sa puwersang centrifugal. Ang mabilis at matagal na pag-
inog ng mga ito sa araw ang naging dahilan ng patuloy na pag-init at pagkakabuo ng bawat tipak.

Teoryang Planetisimal

Ayon sa teoryang ito, nagsama-sama at nagdikit-dikit ang mga kumpol-kumpol at maliliit na mga
planetoid at naging mga planeta kasama na ang daigdig. Nagmula ang mga planetoid sa mga natatanggal
na mga tipak ng mga bagay-bagay sa sansinukob tulad ng mga bituin at kometa. Dahil sa mabilis na
paggalaw ng mga bagay-bagay na ito, natutuklap ang mga ibabaw na bahagi ng mga nabanggit na mga
bituin at kometa. Mabilis ding nagpaikut-ikot ang mga natutuklap na bahagi sa kalawakan sanhi ng
puwersang centrifugal at naging mga planeta pagkatapos ng maraming panahon.

Teoryang Kolisyon

May pagkakahawig ang teoryang ito sa disrupsyong solar at dynamic encounter. Ang pagkakaiba lamang
nito, dalawang malalaking bituin ang nagbanggaan sa kalawakan sa halip na araw at bituin.

Ayon sa teoryang ito, may naganap na banggaan ng dalawang malalaking bituin sa sansinukob.
Napakalakas ng banggaan kaya't maraming tipak ang tumalsik mula sa mga ito. Ang mga naturang tipak
ang nagpaikut-ikot sa sansinukob at dumaan din sa prosesong pinagdaanan ng mga planeta ayon sa mga
naunang teorya.
Teoryang Big Bang

Sinasabi ng teoryang ito na nanatiling tahimik sa loob ng bilyun-bilyong panahon ang sansinukob. Subalit
noong 10 hanggang 15 bilyong taon na ang nakaraan may malakas na pagsabog na yumanig sa kabuuan
nito galing sa maliit na molekyul. Ang mga tipak mula sa pagsabog ay patuloy na binubuong muli nang
paulit-ulit sa pamamagitan ng elementong Hydrogen na siyang kailangan sa pagsasaayos ng mga
nasirang bagay. Ayon sa isinusog na steady state theory, walang katapusan ang paulit- ulit na pagbubuo
hanggang sa nabuo ang planeta sa kalawakan.

Teoryang Continental Drift

Ipinanukala ni Alfred Wegner noong 1912, ang teoryang ito ay nagsasabi na ang mga masa ng lupa sa
nabuong planetang daigdig ay nagkaroon ng paggalaw, naghiwalay, at napaanod sa iba't ibang bahagi ng
daigdig. Sanhi ito ng mga malalakas na paglindol at pag-uga ng mga bato sa kailaliman ng kalupaan at
karagatan ng daigdig.

Teoryang Panrelihiyon

Lahat halos ng paniniwala o relihiyon ay nagpapanukala na nilalang ang daigdig ng isang kinikilalang
Diyos. Batay sa mga sinaunang relihiyon ng mga taga- Mesopotamia, India, at maging sa Pilipinas, may
higit na makapangyarihang puwersa na naglalang sa sansinukob. Sa mga Kristiyano, nakasaad sa aklat ng
Genesis sa Bibliya ang kasaysayan ng paglalang ng Diyos sa sandaigdigan at sa mga tao sa buong
kalupaan.

Heograpiya ng Daigdig
Sa iyong pag-aaral ng kasaysayan ng daigdig, malaki ang bahaging ginagampanan ng
heograpiya sa paghubog ng pamumuhay ng tao mula pa noong sinaunang panahon. Sa
pagbubukas ng bagong asignatura sa ikawalong grado, una mong pagtutuunan ng
pansin ang pag-aaral ng heograpiya ng daigdig. Tatalakayin sa araling ito kung paano
nakaaapekto ang heograpiya sa pamumuhay ng mga tao. Halina at simulang tuklasin
ang pisikal at kultural na heograpiya ng daigdig.

Limang Tema ng Heograpiya

Lokasyon: Tumutukoy sa kinaroroonan ng mga lugar sa daigdig

 dalawang pamamaraan sa pagtukoy.

Lokasyong Absolute na gamit ang mga imahinasyong guhit tulad ng latitude line at
longitude line na bumubuo sa grid. Ang pagkukrus ng dalawang guhit na ito ang
tumutukoy sa eksaktong kinaroroonan ng isang lugar sa daigdig.

Relatibong Lokasyon na ang batayan ay mga lugar at bagay na nasa paligid nito.
Halimbawa ang mga anyong lupa at tubig, at mga estrukturang gawa ng tao.

Lugar: Tumutukoy sa mga katangiang natatangi sa isang pook

 dalawang pamamaraan sa pagtukoy.

Katangian ng kinaroroonan tulad ng klima, anyong lupa at tubig, at likas na yaman

Katangian ng mga taong naninirahan tulad ng wika, relihiyon, densidad o dami ng tao,
kultura, at mga sistemang politikal.

Rehiyon: Bahagi ng daigdig na pinagbubuklod ng magkakatulad na katangiang

pisikal o kultural
Interaksiyon ng Tao at Kapaligiran: ang kaugnayan ng tao sa pisikal na katangiang
taglay ng kaniyang kinaroroonan
Kapaligiran bilang pinagkukunan ng pangangailangan ng tao; gayon din ang
pakikiayon ng tao sa mga pagbabagong nagaganap sa kaniyang kapaligiran.

Paggalaw: ang paglipat ng tao mula sa kinagisnang lugar pa tungo sa ibang lugar;
kabilang din dito ang paglipat ng mga bagay at likas na pangyayari, tulad ng hangin
at ulan.

 may tatlong uri ng distansiya ang isang lugar.

Longitude at Latitude
Sa pagtatakda ng lokasyon ng isang lugar sa globo o mapa, mahalagang mabatid ang
ilang termino at konseptong may malaking kaugnayan dito. Sa pamamagitan ng
pagbibigay ng longitude at latitude ng isang lugar, maaaring matukoy ang lokasyon
nito sa globo o mapa sa paraang absolute, astronomical, o tiyak.
Ang Klima
Ang daigdig ang tanging planeta sa solar system na kayang makapagpanatili ng
buhay. Ang malaking bahagi ng ating planeta ay may kaaya-ayang atmospera at sapat
na sinag ng araw, init at tubig upang matustusan ang pangangailangan ng mga
halaman at hayop sa balat ng lupa. Mahalaga ang papel ng klima, ang kalagayan o
kondisyon ng atmospera sa isang rehiyon o lugar sa matagal na panahon. Pangunahing
salik sa pagkakaiba-iba ng mga klima sa daigdig ang natatanggap na sinag ng araw ng
isang lugar depende sa latitude at gayon din sa panahon, distansiya mula sa karagatan,
at taas mula sa sea level.
Ang mga Kontinente
Tinatawag na kontinente ang pinakamalawak na masa ng lupa sa ibabaw ng
daigdig.May mga kontinenteng magkakaugnay samantalang ang iba ay napapalibutan
ng katubigan.

Ayon kay Alfred Wegener, isang German na nagsulong ng Continental Drift Theory,
dati ng magkakaugnay ang mga kontinente sa isang super kontinente na Pangaea.
Dahil sa paggalaw ng continental plate o malaking bloke ng bato kung saan
nakapatong ang kalupaan, nagkahiwa-hiwalay ang Pangaea at nabuo ang
kasalukuyang mga kontinente.

Kung susuriin ang isang mapa, mapapansing ang mga baybayin ng silangang bahagi
ng South America at kanlurang bahagi ng Africa ay tila lapat at akma sa isa’t isa na
parang mga piraso ng isang malaking jigsaw puzzle. Ito ay sa kadahilanang dating
magkaugnay ang dalawang lupaing ito. Habang tumatagal, patuloy pa rin ang proseso
ng paglawak ng karagatan sa pagitan nito at ang paglayo ng dalawang nasabing
kontinente. Ang paliwang na ito ay batay sa Continental Drift Theory.

Ang malawakang hangganan ng Asya, North America, at South America ay

matatagpuan sa Pacific Ring of Fire. Saklaw nito ang kanlurang hangganan ng South
America at North America patungong hilaga sa Aleutian Islands ng Alaska, pababa sa
silangang hangganan ng Asya hanggang New Zealand sa Timog Oceania. Tinatawag
itong Ring of Fire dahil matindi ang pagputok ng bulkan at paglindol sa rehiyong ito
bunga ng pag-uumpugan ng mga tectonic plate o tipak ng crust ng daigdig kung saan
nakapatong ang mga naturang kontinente.
Mga Anyong Lupa at Anyong Tubig
Tinatawag na topograpiya ang pisikal na katangian ng isang lugar o rehiyon. Sa
pagdaan ng panahon, ang mga tao ay natutong makiangkop sa kanilang kapaligiran.
Sa kasaysayan ng sangkatauhan, ang mga kauna-unahang kabihasnan ng daigdig ay
umusbong malapit sa mga lambak-ilog. Kabilang dito ang mga lambak ng Tigris-
Euphrates, Indus, Huang Ho sa Asya, at lambak-ilog ng Nile sa Africa.
Wika
Itinuturing ang wika bilang kaluluwa ng isang kultura. Nagbibigay ito ng
pagkakakilanlan o identidad sa mga taong kabilang sa isang pangkat. May 7,105
buhay na wika sa daigdig na ginagamit ng mahigit 6,200,000,000 katao. Nakapaloob
ang mga wikang ito sa tinatawag na language family o mga wikang magkakaugnay at
may iisang pinag-ugatan. Tinatayang may 136 language family sa buong daigdig. Ang
mga pamilya ng wikang ito ay nagsasanga-sanga sa iba pang wikang ginagamit sa
iba’t ibang bahagi ng daigdig. Ipinakikita sa talahanayan 1.6 ang ilan sa mga
pangunahing pamilya ng wika sa daigdig.
Relihiyon
Mabibigyang-kahulugan ang relihiyon bilang kalipunan ng mga paniniwala at rituwal
ng isang pangkat ng mga taong tungkol sa isang kinikilalang makapangyarihang
nilalang o Diyos. Nagmula ito sa salitang religare na nangangahulugang “buuin ang
mga bahagi para maging magkakaugnay ang kabuuan nito.” Dahil sa mga
paniniwalang nakapaloob sa sistema ng isang relihiyon, ay nagiging batayan ito ng
pagkilos ng tao sa kaniyang pang-araw-araw na pamumuhay.
Lahi/Pangkat-Etniko
Tila isang malaking mosaic ang daigdig dahil na rin sa maraming natatanging
paglalarawan at katangian ng mga naninirahan dito. Isang batayan nito ang race o lahi
na tumutukoy sa pagkakakilanlan ng isang pangkat ng mga tao, gayondin ang pisikal
o bayolohikal na katangian ng pangkat.Maramingeksperto ang bumuo ng ibat ibang
klasipikasyon ng mga tao sa daigdig, ngunitmarami rin ang nagsabing nagdulot ito ng
kontrobersiya sapagkat maaaringmagpakita rin ito ng maraming diskriminasyon.

MGA PALIWANAG TUNGKOL SA PINAGMULAN NG TAO

May tatlong paliwanag tungkol sa pinagmulan ng tao. Ang una diyan ay ang mga paliwanag
mula sa mga mitolohiya. Ayon sa mitolohiya na pinaniniwalaan ng mga Filipino, nailuwal sa
mundo ang mga tao sa pamamagitan ng isang kawayan. Ayon sa kwento, may isang ibon na
lumilipad sa kalangitan ang dumapo sa isang malaking kawayan at tinuka-tuka ito hanggang sa
mahati sa dalawa. Lumabas sa kawayan ang dalawang tao at tinawag silang si "Malakas" at si
"Maganda". Sila daw ang pinagmulan ng mga tao sa daigdig.

Ang ikalawang paliwanag ay tungkol naman sa paniniwalang pangrelihiyon. Ito ang

pinakatanyag sa lahat at pinaniniwalaan ng bilyon-bilyong mga Kristiayano. Ayon sa
paliwanang na ito, nalikha ang tao sa pamamagitan ng isang Diyos na may lalang. Mababasa
ang mga tala tungkol sa paglalang ng mga tao sa Bibliya, partikular na sa aklat ng "Genesis".
Tinawag ng panginoon bilang sina "ADAN" at "EBA" ang mga tao na kanyang nailalang. Ito ang
pinaniniwalaang pinagmulan ng mga tao ayon sa mga Kristiyano.
Ang ikatlong paliwanang naman ay mula sa SIYENSYA. Ayon sa mga Siyentipiko at mga
Antropologo, ang mga tao daw ay lumitaw sa daigdig sa pamamagitan ng proseso ng
ebolusyon. Nag evolve ika nila, mula sa simpleng organismo hanggang sa maging tao. 

SINA ADAN AT EBA

Isa sa mga nagkatha at tagapagtaguyod ng Teoryang ito ng ebolusyon ng tao ay si Chalrs

Darwin. 

CHARLES DARWIN

Ayon sa kanyang paliwanag, lahat daw ng specie sa daigdig ay nagmula sa iisang ancestor at
na dumami ito at naging ibat-ibang specie at na ang taning "matibay at malakas" ay siyang nag
evolve sa pamamagitan ng tinatawag na "natural selection". Hindi lahat ay tumanggap sa
kanyang pananaw, subalit naging batayan ito ng mga siyentipikong pag-aaral tungkol sa
pinagmulan ng tao.
MGA SIYENTIPIKO AT ARKEOLOGONG TUKLAS NA MAKAPAGBIBIGAY PALIWANAG TUNGKOL
SA PINAGMULAN NG TAO.
Batay sa maka-siyentipikong pag-aaral ng pinagmulan ng mga tao, ang mga tao daw ay
nagmula sa sinaunang mga specie ng Apes.  Ito ang tinatawag nilang mga specie ng
"AUSTROLAPETHICUS" at ang pinakahuli ay ang specie ng mga "HOMO". Tinatayang nabuhay
mahigit 2.5 milyong taon na ang nakalilipas.

  *APES --- Malalaking uri ng mga unggoy. Kilala din sa tawag na bakulaw ng mga Filipino.

Halimbawa ng isang APE o Bakulaw

*AUTROLAPETHICUS--- Nagmula sa salitang "Austra" na nangangahulugang TIMOG(south)at

"Pithecus" na nangangahulugang APE(Bakulaw). Pagpinagsama ang mga salita, ito ay
nangangahulugang "SOUTHERN APES". Tinawag na ganun sapagkat lahat ng mga labi at buto ng
mga ito ay natagpuan lahat sa TIMOG AFRICA.
 Artist impression ng isang uri ng AUSTRALOPITHECUS na natuklasan sa southern Africa.

*HOMO --- Nangangahulugang TAO, sila ang pinakahuling lumitaw na specie ng tao at

pinaniniwalaang siyang ating pinagmulan. May tatlong tanyag na HOMO na natagpuan ng mga
Antropologo. Ito ang mga sumusunod na Homo specie na natuklasan ng mga antropologo sa
ibat-ibang panig ng Daigdig, una ang mga HOMO HABILIS, ikalawa ang mga HOMO ERECTUS, at
ang ikatlo ay ang mga HOMO SAPIENS. 
            
HOMO HABILIS --- Nangangahulugang taong marunong gumawa ng gamit o kagamitan.("HANDY
MAN")

 http://archaeologyinfo.com/homo-habilis/
 HOMO ERECTUS --- Nangangahulugang "upright man" o taong tuwid kung tumayo. Natatangi
sa ibang genus ng mga HOMO sapagkat  siya ay tuwid kung tumayo kumpara sa ibang  HOMO
na medyo kuba pa ang pangangatawan.May kakayahan na din siyang gumawa ng mga
kagamitan(tools)at nabuhay mahigit 1.9 milyong taon na ang nakakaraan.

                               http://www.livescience.com/41048-facts-about-homo-erectus.html
HOMO SAPIENS --- Nangangahulugang "modernong tao". Ang genus ng mga HOMO na
nabubuhay hanggang ngayon. Tayo ang tinutukoy dito, lahat ng tao na nabubuhay ngayon ay
sinasabing dito nagmula.
  http://archaeologyinfo.com/homo-sapiens/

MGA TANYAG NA MGA PREHISTORIKONG TAO

Ang    Homo  Sapiens  ang  pinakahuling  species ng  ebolusyon  ng  tao,  ang  Homo  Sapiens
Neanderthalensis(circa  200,000  -  30,000  taon  BP). Higit  na  malaki  ang  utak  ng  Homo 
sapiens  kung ihahambing  sa  mga  naunang  species  kaya nangangahulugan   higit  ang 
kanilang    kakayahan  sa 
pamumuhay  at  paggawa  ng  kagamitan.  May  mga patunay  na  may  kaalaman  ang 
Neanderthal  sa 
paglilibing  samantalang  ang  Cro-Magnon  ay  lumikha ng sining ng pagpipinta sa kuweba. 
 LARAWAN NG BUNGO NG CRO-MAGNON

LARAWAN NG BUNGO NG HOMO-SAPIENS NEANDERTHALENSIS

PAINTINGS NA LIKHA NG MGA CRO-MAGNON

SINAUNANG URI NG PAMUMUHAY NG MGA TAO

Pagkaraang lumitaw ng mga HOMO species partikular ang mga HOMO HABILIS noong dakong
2.5 milyong taon na ang nakakaraan, nagsimula na rin ang PANAHONG PALEOLITIKO. Ito ang
unang yugto ng pagunlad ng KULTURA ng mga tao.

ANG PANAHONG PALEOLITIKO --- Ang salita ay nagmula sa salitang Griyego na "PALEOS" na

nangangahulugang "MATANDA O LUMA", at "LITHOS" na nangangahulugang "BATO". Sa panahong
ito naobserbahan ang kauna-unahang anyo ng pamumuhay ng mga tao.May tatlong
yugto(period)ang PANAHONG PALEOLITIKO, basahin at unawain sa tsart ang mga yugtong ito.

URI NG PAMUMUHAY NG MGA TAO NOONG PANAHONG PALEOLITIKO

Magagaspang na bato ang kagamitan ng mga tao sa panahong ito. Pulo-pulotong sila sa
paghahanap ng mga pagkaing kinakalap(foraging)nila mula sa kapaligiran. Ganoon din ang
kanilang sistema sa paghuli ng mga galang hayop(hunting)sa ilang. 

Lagalag sila at palipat-lipat ng tahanan, subalit karaniwang panandaliang nananatili sa mga

yungib at malalaking punong kahoy para makaiwas sa mga mababangis na hayop at ilan pang
mga panganib na nagbabanta sa kalikasan.
MGA KAGAMITANG BATO NA GINAMIT NG MGA TAO NOONG PANAHONG PALEOLITIKO
Ginamit na sandata ng mga sinaunang tao na nabuhay noong PANAHONG PALEOLITIKO ang mga
magagaspang na bato. Ginamit nila ito para manghuli ng mga maiilap na hayop sa ilang,
panghiwa ng karne, pamputol ng kahoy, at maging sa pagkuha ng iba pang halaman.
Natuklasan din nila ang APOY sa panahong ito. 

                              http://www.arheologija.narod.ru/d1ustanove/vrsac/Prehistoric.html

ANG PANAHONG NEOLITIKO

 Dahan-dahang umunlad ang pamumuhay ng mga tao hanggang makamit nito ang isa pang
yugto na siyang naging dahilan ng tuluyang pagbabago sa kanilang pamumuhay at kultura sa
pangkalahatan. Tinawag ang yugtong ito na PANAHONG NEOLITIKO. Basahin at unawain ang
tsart tungkol dito.
URI NG PAMUMUHAY NG MGA TAO NOONG PANAHONG NEOLITIKO
Sa loob ng maraming libong taon, namuhay ang mga prehistorikong tao sa pangangaso at
pangangalap ng pagkain. Dakong 12,000 taon nang matutuhan ng mga sinaunang tao ang
pagtatanim. Tuluyan ding umunlad ang  kanilang mga  kasangkapan  sa  paggamit  ng  mas 
makinis  na bato.  Ito ang nagpasimula sa Panahong Neolitiko.

Natuklasan nila ang pagtatanim ng butil, buto ng prutas, gulay at iba pang halaman. Nagawa
nilang magpaamo ng hayop na nagsilbing malaking tulong sa kanilang mga gawain at
pagbubungkal ng lupa. Nakagawa sila ng palayok mula sa luwad na ginagamit nila para lutuan
at imbakan ng pagkain. Naging pirmihan na rin ang kanilang mga tahanan, nakapagtatag sila
ng mga pamayanan, at dumating ang panahon ay nagkaroon sila ng mga pinuno at
pamahalaan. Isang halimbawa ng neolitikong pamayanang ito ay ang "Catal Huyuk" na
matatagpuan sa Anatolia Turkey.

MGA KAGAMITANG BATO NA GAMIT NOONG PANAHONG NEOLITIKO

 Mas makinis, pinakintab, at higit sa lahat ay may disenyo. Bawat desinyo at ayon sa kani-
kanilang gamit sa pangangaso at gawaing bahay. Ipinapakita nito na ang mga taong ito ay
maunlad na ang pag-iisip at may kakayahan nang magdesinyo at magpaunlad ng kanilang mga
kagamitan.

ANG PANAHONG METAL

Nagkaroon  ng  malaking  pagbabago  sa  pamumuhay  ng  mga  sinaunang tao nang matutuhan
nila ang paggamit ng mga kasangkapan at sandatang yari sa  metal.  Naganap  ito  dakong 
4000  B.C.E. Inilalarawan  sa  susunod  na diyagram – ang Panahon ng Metal.  
Nahahati sa tatlong yugto ang PANAHONG METAL, batay sa uri ng ginamit na metal ang bawat
yugto. Sinimulan ng mga HITTITE ang paggamit ng metal. Karaniwan nilang ginagamit ito sa
armas pangdigma subalit kalaunan ay ginamit na din sa mga kagamitang ginagamit sa kanilang
pang araw-araw na pamumuhay. Nagdulot ang paggamit ng metal sa higit pang pagunlad ng
TEKNOLOHIYA.

MGA KAGAMITANG METAL NA GAMIT NG MGA TAO NOONG PANAHONG METAL

SINAUNANG PAMAYANAN NG MGA TAO NOONG PANAHONG METAL

  

TEKNOLOHIYA BILANG KASANGKAPAN SA PAG-UNLAD NG TAO

Ano ba ang TEKNOLOHIYA?bakit kinakailangan ng tao na makatuklas ng bagong teknolohiya?
Para saan ito, at ano ang gamit para sa kanila?Papaano ito nagsimula at saan?ano ang mga
naunang teknolohiya na naitalang ginamit ng mga tao?

Ang teknolohiya ay kaakibat na ng pag-unlad ng tao. Ito actually ang ginamit ng tao para
mapadali ang kanilang pamumuhay. Nagsimula ito sa simpleng paggamit ng tao ng mga
kagamitang bato bilang premitibong kagamitan. Lumawak at naging patuluyan ang pagtuklas
ng tao sa mga bagay na makakatulong sa kanya(Teknolohiya)hanggang makamit nila ang isang
mataas na antas ng pamumuhay.