Professional Documents
Culture Documents
Cpa Report
Cpa Report
Isang iginagálang na arkitekto si Jose Maria V. Zaragoza (Ho·sé Mar·ya Vi Za·ra·go·za) (6
Disyembre 1912–26 Nobyembre 1994) na pinarangalan bílang Pambansang Alagad ng Sining
para sa Arkitektura noong 2014. Kinikilála rito ang mga likha niyang “sekular at relihiyoso” na
nagpapakita ng malawak niyang kakayahang tipolohiko at“kadalubhasaan sa bokabularyo ng
modernistang arkitektura.”
Isinilang noong6 Disyembre1912, kumuha si Zaragoza ng BS sa Arkitektura mula sa
Unibersidad ng Santo Tomas at nagtapos noong 1936, at nakakuha ng lisensiya noong1938
upang maging ika-82 arkitekto sa bansa. May diploma si Zaragoza sa sining at arkitekturang
panliturhiya mula sa International Institute of Liturgical Art sa Roma, gayundin para sa
pagpaplanong komprehensibo mula naman sa Hilversun Technical Research Center sa The
Netherlands.
Malaki ang naging papel ni Zaragoza sa pagbangon ng bansa pagkatapos ng digmaan. Popular
ang mga disenyo niya ng iba’t ibang simbahan mula sa mga Katolikong simbahang Sto.
Domingo at St. John Bosco Parish(1978) hanggang sa Protestanteng Union Church ng Maynila;
binago rin niya ang disenyo ng Simbahang Quiapo. Sa mga sekular niyang disenyo,
pinakatampok ang 14-palapag na Gusaling Meralco (1969) sa Ortigas; ang Virra Mall, na siyang
unang mall sa Greenhills noong dekada 70; at ang gusali ng PAL sa Makati. Nasukat ang tatag
ng disenyo ni Zaragoza nang hindi nasira ng 7.7 na lindol noong 1990 ang Gusaling Meralco.
Sa kabuuan, bago pumanaw noong 26 Nobyembre 1994 ay nakapagdisenyo si Zaragoza ng 45
simbahan, 273 tahanan, 36 gusaling pantanggapan, tatlong hotel, 15 tanggapan ng terminal na
pampaliparan, limang gusaling pampubliko, 15 gusaling pang-kondominyum, at 350 mga
proyektong pabahay.
Cinema
Bukod sa pagiging premyadong direktor sa pelikula at Pambansang Alagad sa Sining, kinilala si
Lino Brocka sa pagiging palaban at matapang na kritiko ng diktadurang Marcos. Ginamit niya
ang kanyang mga pelikula para suriin ang lipunan.
Naging biktima rin si Brocka ng hagupit ng rehimeng Marcos nang minsan siyang makulong.
Ngunit hindi ang kanyang mga pelikula o sining ang dahilan ng kaniyang pagkakaaresto. Sa
halip, dinampot si Brocka kasama ang kaibigang direktor na si Behn Cervantes habang
sinusuportahan ang transport strike na inilunsad ng mga tsuper ng jeep noong 1985. Kinasuhan
sina Brocka at ang mga kasama niya ng illegal assembly. Sa kabila ng pagpipiyansa, hindi
pinakawalan si Brocka at ilan sa mga dinakip matapos na dagdagan ang kaso nila ng inciting to
sedition.
Bagamat sa kaniya umanong sining kinikilala si Brocka, masusukat at matitimbang ang kaniyang
mga panindigan, higit, sa labas ng paggawa ng pelikula. Gayong epektibong sandata ang sining
sa pagsusulong ng mga interes ng mga pinagsasamantalahan, kinilala ni Brocka na mas
nakahihigit ang kapangyarihan ng pakikipagkapit-bisig sa iba pang sektor.
Sa mga huling taon ng buhay ni Brocka, naging kritiko siya ng panunungkulan ni Cory Aquino,
na minsan niyang sinuportahan noong 1986 snap elections, dahil sa pagsusulong ng kanyang
administrasyon sa pananatili ng US bases, mapanlinlang na reporma sa lupa at pag-aarmas sa
mga vigilante. Ginawa ni Brocka ang pelikulang Orapronobis bilang protesta at pagkukundena sa
paggamit ng administrasyong Aquino sa mga grupong paramilitar para supilin ang rebelyon sa
kanayunan sa halip na tugunan ang ugat ng pag-aalsa.
Sa pagkilala kay Brocka bilang isang natatangi at mahusay na alagad ng sining ng pelikula, hindi
dapat maihiwalay sa kanyang mga obra ang kaniyang paninindigan at mga ipinaglaban na siyang
bukal ng kaniyang sining na dinadakila at pinupuspos ng papuri.
Si Ishmaél Bernál ay hinirang na Pambansang Alagad ng Sining para sa Pelikula
noong 2001. Isa siyáng direktor sa pelikula at itinuturing na pangunahing haligi ng
tinaguriang Ikawalang Gintong Panahon ng pelikulang Filipino. Isa siyá sa nagpaunlad
at nagtaas ng kalidad ng pelikula sa pamamagitan ng paglihis sa nakagawiang
pamamaraan at nilalaman sa paglikha ng pelikula.
Mga mohon sa larang ng paglikha ng pelikula sa bansa ang mga obra
niyang Pagdating sa Dulo (1971), Nunal sa Tubig (1976), Manila By Night (inilabas
na City After Dark, 1980), Himala (1981) at Hinugot sa Langit (1985). Ilan pang
mahahalagang hiyas sa mahigit sa 50 pelikulang nagawa ni Bernal ay ang sumusunod:
mga tumatalakay sa kasaysayan na El Vibora (1972) at Lahing Filipino (1976); mga
may temang nagpapalawig sa iba’t ibang uri ng kara- kter ng indibiwal at
pakikipagrelasyon; Pabling (1981), Ligaw na Bulaklak (1976), Working Girls
I (1984), Till Death Do Us Part (1972), Walang Katapusang Tag-
Araw (1977); Galawgaw (1982), Ito Ba ang Ating Mga Anak (1982); eksperimental na
pelikula, ang Scotch on the Rocks to Remember, Black Coffee to Forget (1975). Ang
peliku- lang Wating (1994) ang pinakahuling obra ni Bernal.
Bukod sa paggawa ng pelikula ay nasangkot din siyá sa dulaan. Gumanap siyá sa mga
dulang Kamatayan sa Anyo ng Isang Rosas (1991) at Bacchae (1992). Nagbigay rin
siyá ng mga palihang panteatro at nagdirihe ng mga dula para sa Sining, isang
pederasyon ng mga grupong panteatro ng mga kabataan sa komunidad.
Kinilala siyá ng Urian bilang Pinakamahusay na Direktor sa mga pelikulang Dalawang
Pugad, Isang Ibon (1977); Broken Marriage (1983); Hinugot sa Langit (1985);
at Pahiram ng Isang Umaga (1989). Kinilala rin siyá bilang manunulat nang igawad sa
kaniya ang Pinakamahusay na Iskrip para sa City After Dark (1980). Ginawaran din
siyá ng FAMAS, Catholic Mass Media Awards (CMMA), at Metro Manila Film Festival.
Sina Elena Bernal at Pacifico Ledesma ang kaniyang mga magulang. Nag-aral siyá sa
Mababang Paaralan ng Jose Burgos, Mataas na Paaralang V. Mapa, at Uniber- sidad
ng Pilipinas. Nang makapagtapos sa UP ng A.B. English, medyor sa Literatura,
nagpatuloy siya ng pag-aral ngpanitikan at pilosopiyang Pranses sa University of Aix-
en- Provence sa France. Nagtungo rin siyá sa India para mag- aral sa Film Institute of
Poona. (RVR)