Jhon Junard G. Alcansare BSED-Fil.

II

PAGSUSURI NG TRADISYUNAL NA TULA

Sa Aking Mga Kababata
ni José Rizal

Kapagka ang baya'y sadyang umiibig
Sa kanyang salitang kaloob ng langit,
Sanglang kalayaan nasa ring masapit
Katulad ng ibong nasa himpapawid.
Pagka't ang salita'y isang kahatulan
Sa bayan, sa nayo't mga kaharian,
At ang isang tao'y katulad, kabagay
Ng alin mang likha noong kalayaan.
Ang hindi magmahal sa kanyang salita
Mahigit sa hayop at malansang isda,
Kaya ang marapat pagyamaning kusa
Na tulad sa inang tunay na nagpala.
Ang wikang Tagalog tulad din sa Latin
Sa Ingles, Kastila at salitang anghel,
Sapagka't ang Poong maalam tumingin
Ang siyang naggawad, nagbigay sa atin.
Ang salita nati'y huwad din sa iba
Na may alfabeto at sariling letra,
Na kaya nawala'y dinatnan ng sigwa
Ang lunday sa lawa noong dakong una.

NILALAMAN: Sa akdang ito, pansinin mo rin ang kamulatan, kamalayan at pag-ibig ni Rizal sa lipunan
at sa bayan.

SUKAT: Ang tulang ito ay binubuo ng lalabindalawahing pantig sa bawat taludtod.

TUGMA: Ito ay maiuuri sa tugmaang ganap sapagkat ito ay nagkapare-parehas ng tunog o titik sa bawat
taludtod ng saknong.

KARIKTAN: Ang kariktan na iniwan ni Gat Jose Rizal ay ang kasabihang nanatili pa rin ngayon:

“Ang hindi magmahal sa kanyang salita

mahigit sa hayop at malansang isda”

(Tungkol sa pagmamahal sa bayan at wika) Nais iparating ng may-akda na huwag mawala ang marubdob
na pagmamahal sa ating sariling wika sapagkat kung ikaw ay mawawalan ng pagpapahalaga dito ikaw ay
maikukumpara sa isang hayop at malansang isda.

TALINGHAGA: Ang may-akda nito ay gumamit ng mga matatalinghagang salita upang mapalutang ang
kagandahan at kasiningan nito. Narito ang mga sumusunod na talinghagang ganyang ginamit:

1. Katulad ng ibong nasa himpapawid.(Simili o Pagtutulad)

2. Ang hindi magmahal sa kanyang salita
Mahigit sa hayop at malansang isda, (Personifikasyon o Pagsasatao)
3. Pagka't ang salita'y isang kahatulan
Sa bayan, sa nayo't mga kaharian, (Sinekdoki o Pagpapalit-saklaw)

SIMBOLISMO: Gumamit ng mga simbolismo ang sumalat nito na siyang nagbibgay buhay at kulay sa
tula. Ito ang maiiwang imahe, larawan o simbolo sa mga mambabasa.

Ito ang mga ilang simbolismo na makikita sa tula.

1. lunday sa lawa (namatay sa lawa o inilibing sa limot ang isang wikang pambansa)

2. sanglang kalayaan (pag-aasam na makamit ang kalayaan)
TEORYANG PAMPANITIKAN: Maaring ang teoryang ginagamit ay Teoryang Historikal dahil may
layunin itong ipakita ang karanasan ng isang lipi ng tao na siyang masasalamin sa kasaysayan at bahagi
ng kanyang pagkahubog. Nais din nitong ipakita na ang kasaysayan ay bahagi ng buhay ng tao at ng
mundo.