Professional Documents
Culture Documents
Posisyong Papel
Posisyong Papel
ABS-CBN News
Posted at Jul 01 2019 03:55 PM | Updated as of Jul 01 2019 08:06 PM
Lusot na sa ikatlo at huling pagbasa ng Baguio City Council ang ordinansang magbabawal
sa paggamit ng gadgets at earphones habang naglalakad o tumatawid sa mga kalsada ng
lungsod.
Ayon kay Baguio City Councilor Francis Robert Ortega, layon ng ordinansa na matiyak
ang kaligtasan ng mga tao sa pagtawid o paglalakad.
"Minsan makikita natin habang naglalakad, nakatingin sa device nila, minsan natatapilok
sila or nauuntog sila or nakakabangga sila," sabi ni Ortega sa panayam.
Lagda na lang ni Mayor Benjamin Magalong ang hinihintay para maipatupad ang
nasabing ordinansa.
Ito ay nang maglabas ng isang resolusyon ang konseho ng lungsod na ang layunin ay
maisulong ang kaligtasan ng mga mananakay sa kanilang lugar.
Kabilang sa ipinagbabawal ang pagtetext o pagbabasa ng text messages, at pagbabasa ng
anumang impormasyon habang tumatawid sa mga lansangan o pedestrian lane.
Ipinaliwanag sa resolusyon na nakaaabala sa iba pang gumagamit ng kalsada ang mabagal
na paglalakad ng mga pedestrian dahil nakatuon ang kanilang pansin sa mga gadget na
posible ring humantong sa aksidente.
Sa unang paglabag, pagsasabihan lamang ang mga ito, multa naman na aabot sa P1,000.00
para sa ikalawang paglabag o community service; at sa ikatlong paglabag ay multang
P2,000 o community service o isa hanggang 10 araw na pagkakakulong at may katumbas
naman na multang P2,500 at community service o pagkakakulong ng 11 hanggang 30 araw
sa ikaapat na paglabag.
-Rizaldy Comanda