Ang Pananaw ni Rizal sa Edukasyon

Maingat si Rizal pagdating sa kanyang mga gawa at kung paano niya mailalarawan ang kanyang
mga saloobin sa pamamagitan ng kanyang sariling mga nobela lalo na sa Noli Me Tangere at El
Filibusterismo. Sa pamamagitan nito, nais niya na magkaroon ng kamalayan ang kanyang mga kapwa
mamamayan na Pilipino sa nangyayari sa kolonisasyong Espanyol sa Pilipinas.

Malaki ang naging papel ng edukasyon sa paggising ng pagiging makabayan ng Pilipino. Ang
pananaw ni Rizal sa edukasyon ay upang malinawagan ang kanyang mga kapwa kababayan sa marupok
na estado na kung saan ang mga Pilipino ay nalubog sa pamamahala ng Espanya. Napakatindi niya sa
kanyang mga akda sa pag-unat ng malupit na katotohanan na dapat harapin ng bansa na naniniwala
siyang ang edukasyon ang susi upang mailalabas ang nasabing kalagayan. Sa palagay niya, ang
Edukasyon ang paraan para maging malaya ang mga Pilipino pagdating sa iba’t ibang larangan. Nais
niyang maging edukado ang mga mamamayang Pilipino, para mahikayat ang mga Pilipino na magkaroon
ng pagbabago sa Pilipinas. Naniniwala sya na ang edukasyon ay paraan para mamulat ang ating
mamamayan sa kung anong mga problema ng lipunan ng Pilipinas at kung paano ito makakagawa ng
mga solusyon upang ituloy ang mga layunin nila para sa mga susunod na henerasyon.

Hindi pa layunin ni Rizal na magkaroon ng kalayaan mula sa Espanya. Hindi nya nais na
humiwalay sa espanya kundi ang kanyang layunin ay ibalik ang mga prayle sa Espanya. Hindi sya
naniniwala sa armadong rebolusyon. Naisip ni Rizal ito kasi alam nya na hindi pa kaya ng mga Pilipino
noong panahon na iyon makipag laban kaya ang nais ni rizal ay magkaroon ng angkop na edukasyon
para sa mga Pilipino, at doon nila magagamit ang kanilang natututunan upang maipaglaban ang bansang
Pilipinas. Paano makikipaglaban ang mga Pilipino kung wala silang alam sa kung anong totoong
nangyayari sa Pilipinas?

Nabanggit ni Rizal na "A peaceful struggle shall always be a dream, for Spain will never learn the
lesson of her South American Colonies" Sabi nya base doon sa kung anong nangyayari sa kasalukuyan
noong panahon na iyon ay ang kailangan ng Pilipinas ay ang kanilang pansin mula sa Espanya, mabuting
edukasyon para sa mga Pilipino, mabuting gobyerno, mga nagrerepresenta ng pilipinas sa korte ng
espanyol, ang higit na seguridad para sa mga tao at ang kanilang ari-arian na kailangan upang makilala
ang kanilang pangmatagalang estratehiya ng separatismo.

Iniwan ni Rizal ang Pilipinas at naglakbay patungong Europa upang mag-aral ng medisina at
pilosopiya y letra sa Unibersidad ng Madrid. Hindi sapat para kay Rizal ang kanyang natututunan habang
nasa pilipinas kaya naisipan nyang mag-aral sa Europa upang higitan ang kanyang kaalaman. Ang tanging
dahilan ng kanyang pagpunta sa Europa ay upang makakuha ng kaalaman wala sa Pilipinas dahil sa
obscurantismo ng mga prayle at panunupil ng gobyerno. Laking gulat ni Jose Rizal sa Ideya tungkol sa
Liberalismo na nakukuha nya sa Madrid dahil palagi nyang kinukumpara ang mga ideya na nakukuha nya
sa mula sa bayan kung saan sya nanggaling at saang bayan na hindi nya pinagmulan. Ang lugar ng
kanyang pinuntahan base sa kanyang naobserbahan, ang mga tao ay may kalayaang magsalita at ang
relihiyon ay bukas sa ibat ibang klase nito. Ang gobyerno at awtoridad ay magkahiwalay, hindi katulad sa
Pilipinas ay masyadong sentralisado. Ibang iba sa kung anong nararanasan nya sa Pilipinas.

Sa panahong ito, pinagaaralan ng mabuti ni Rizal ang Pilipinas at alam nya kung ano na ang
nangyayari sa lipunan, at hinikayat nya ang kanyang sarili na nais nyang gumawa ng solusyon ukol rito.
Imbis na sandata ang kanyang gamitin laban sa mga prayle ay ginamit ni Rizal ang kanyang isipan sa
paraan ng pagsulat ng mga nobela. May kamalayan si Rizal sa kanyang mambabasa, ang gusto ni Rizal na
makabasa ng kanyang mga sinulat ay ang kabataan ng Lipunan at ang mga Espanyol. Sinulat nya ang Noli
Me Tangere sa Europa na may layunin na magkaroon ng kamalayan ang mga Pilipino sa lipunan na
kanilang kinabubuhayan. Nais nyang hikayatin ang mga tao na itaas ang kanilang mga katanungan at
magsikap para sa pagbabago. Sinulat nya El Filibusterimo na may layunin na hikayatin buksan ang mga
mata ng mga Pilino sa kung anong nangyayari sa Lipunan at pag-aalsa laban sa Pamahalaang Espanya.

Naisip ni Rizal na ang tanging paraan para makuha ang kamay ng mga Pilipino sa mga Kastila ay
magkaroon ng isang digmaang himagsikan pero dahil nga malawak ang kanyang isipan at mulat sya sa
katotohanang hindi kaya at walang laban ang mga Pilipino laban sa Espanya. Ang tanging daan lamang
ang kanyang naisip ay isang mapayapang pamamaraan na noong sya umaasang makakamit ng Pilipinas
ang kalayaan na kanyang ninanais. Sa pag-iisip niyang ito, isinilang naman ang layuning kaniya mismong
binuo na magdulot ng kaliwanagan sa ating Lipunan at sa mga Kabataan. Ipaalam sa kanila kung sino sila,
ito ang tanging naisip nya na paraan na imulat muna ang mga Pilipino kung ano naba ang kalagayan ng
ating bansa bago pa ito sakupin ng Espanya. Na alisin ang kaisipan na ang mga Pilipino ay syang alipin
lamang sa kanyang bansa kundi dapat isang bansang masagana, masaya at may sariling kalayaan sa
pagpapahayag ng kanilang saloobin.

Mahalaga ang edukasyon para kay Rizal dahil sa kakulangan ng pamamahala noon sa Pilipinas
hindi lahat ang mga Pilipino ay may kapasidad at kakayanan na makapag-aral. Itinuturing ni Rizal na ang
edukasyon ay isang bagay na maaaring maging dahilan ng pag-angat o pagkalaya ng Pilipinas sa
kolonisasyong bansa. Naniniwala siya na ang edukasyon ay wala itong kontrol sa politika at relihiyon.
Iginiit niya na ang repormasyon ay hindi makakamit kung walang angkop na edukasyon, isang liberal na
magagamit sa mga Pilipino. Kung may sapat na kaalaman ang mga Pilipino noon ay hindi sila maaabuso
ng ganon ng prayle at makikita agad nila ang mga kamalian na nangyayari sa Lipunan. Matututunan ng
mga Pilipino na mahalin ang ating sariling bansa at ipaglaban ito. Bilang estudyante, bigyan natin ang
kahalagahan ang edukasyon dahil hindi ito mapapalitan ng kahit anumang bagay. Napakahalaga na
mayroon tayong kaalaman dahil ito ang magbibigay ng susi upang buksan ang maraming pangarap ng
bawat kabataan. Ito ang siyang nagtuturo ng mga aral sa bawat isa na siya tulay upang magkaroon ng
mabuting asal at pag-uugali. Ito ang naghahatid ng magandang kaalaman na makakatulong sa pang
araw -araw na pamumuhay. Gayundin ang edukasyon ang siyang magsisilbing sandigan ng bawat
kabataan upang magkapaghanap ng magandang trabaho. Dahil sa panahon ngayon mas angat ang may
pinag-aralan at higit sa lahat, napakahalaga ng edukasyon dahil ito ang paraan upang mabigyan ng
katuparan ang mga pangarap ng napakaraming kabataan.