Ang Pananaliksik Bilang Mahalagang Batis ng Impormasyon sa
Komunikasyon
Ang pananaliksik ay isang sistematikong pag-aaral patungkol sa
isang paksa. Sa prosesong ito naisasagawa ang paghahanap ng kaalaman o impormasyon na makatutulong uoang masagot ang ilang katanungan at dito mabubuo ang isang konklusyon na magbibigay-sagot sa hinahanap na kaalaman ng isang mananaliksik.
Ang impormasyon ay isang katotohanan na nabubuo sa pamamagitan ng
pagkalap at pagproseso ng mga datos. Ito ay ang kaalaman na patungkol sa isang tao, bagay, lugar o pangyayari.
Marami tayong pinagkukunan ng impormasyon. Mula sa mga aklat,
midya, internet, paaralan, bahay o base sa sariling obserbasyon. Ang pananaliksik man ay nabibilang din sa mga bagay na pinagkukunan ng impormasyon. Ang mga impormasyon na nakukuha rito ay base sa mga datos na kinalap at isinailalim sa imbestigasyon o obserbasyon. Ito ay sinusuportahan ng mga ebidensya na kinalap mula sa mga lehitimong resources. Mahalaga na lehitimo ang mga ebidensya dahil dito nakabatay ang magiging konklusyon ng isang pananaliksik. At dahil ang pananaliksik ay sinusuportahan ng lehitimong ebidensya at masusing obserbasyon, isa rin ito sa mahahalagang batis na pinagmumulan ng impormasyon. Maari itong suportahan ang iba pang pananaliksik na may kinalaman sa paksa nito. At higit sa lahat, ang impormasyon na nakalap dito ay maaari ring gamitin sa paggawa ng mga bagay na makatutulong sa lipunan.