Iini dinhi in balay Nasarit man kami manta

Tala-on daw kita anay Joseph ako nga nagbana

Sasangpiton ta sin hinay Kinadto sa Galilea

Manggad naton malumahay Nangasawa kan Maria

Ay, Diogracias ha iyo Waray ako hinunumdum

Tagbalay, mga Ginoo Si Joseph nga Nazaretnon

Nasarit kunta si ako Kadto iwas kamo layon

Pagsirong sinin balay mo. Dire ako mapasirong

Kay sin-o ka ba tawo-a Kay aanhun ta Maria

Nga nagsasangpit sa puwerta Waray kita kakarawta

Nga dika naghuna-huna San aton sinin pagsaka

Nga inin gab-I dako na Dire kita kinikilala

Tagbalay nga talahuron An nabibido-an nakon

Nasarit kami pagsirong Inin sugad kay dudlumon

Kun daw baga ha uuyon Naglilinakat masirom

Imo si kami lingi-on Upay da in di ka sagpon

Sin-o ka ba sin-o iton Ay, Joseph nga esposo ko

Nga nagsasanpit sa akon Agwanta kita san bido

An ngaran mo pag-asuyun Buot sa Diyos sa Ginoo

Kun si kamo diinan-on An inin nga kasugad mo.

Ay, esposo ko pagluway Ay, Diogracias tagbalay

Lakat nala hinay-hinay Tagan ka sa Diyos sin Lipay

Iton imo pagkabudlay Ug sin kalooy nga lus-ay

Ipanhayun ipan hayhay San amon paghidalayday

Hain na daw kita niyan Kay sin-o kaba tawo-a

Pagtuturoy sin sirungan Nga nagsasangpit sa puwerta

Imo Ginoo mando-an Ano an tuyo tinguha

Pagturoy sin kabalayan An ngaran mo pag-asuya

Ay, Joseph assay tadunga Si Joseph an akon ngaran

Yadton balay nga mapawa Bugto mo nga kasu-okan

Pagsangpit pagpasipara Bag-o nga inabot niyan

Pakimalooy paghigda Kay sa banwa nagab-ihan

Manggad na gad, Joseph ini Umangkon ko tambo ngani

Balay san imo pariente Kay sa sirong yadi kami

Nga pumatla in lumingi Kalooyi ngani tamdi,

Sinin aton kagab-ihi An imo bata nga pobre

Sinabot ako, linaom Waray ako hinunumdum

San sinin aton tadungon Si Joseph nga bata nakon

Dinhi man sadton huhunong Lunlun kami daratu-anon

An lunsan mo nga umangkon Anak sin haradianon

Kadto kadto iwas nala Asay ta nala pagbilnga

Ayaw damo-a nga kanta Sirungan san mga baka

An amon balay puno na Didto kita pag-agwanta

Sin damo nga sumasaka Pamahuway pagka-aga.

Tungod gadla kan Maria

Asay kaloy-I, lingi-a

Kay diri na maagwanta

Sin paglakat sin maiha.

Ilabi kay sagpon siya

An himasuso duok na

Bisan la sa barisbisan

Si kami papahuwaya

Kadto kadto iwas kamo

Paharayo sinin balay ko

Kay diri ko konsedido

An ngaran nga himasuso

Kadto na kamo san unhan

Siton mga kabalayan

May kamalig nga nabungkag

Sirungan san kabakahan.