Училишниот проект претставува детално истражување на определена тема по однапред разработен план. Таа е сложена задача што бара од учениците, сами или во група, да го постават проблемот, да истражуваат, за изведат заклучоци или да го решат проблемот за определено време и да донесат конечен производ што ќе биде презентиран јавно. Што треба да има секој добар проект? Добриот училиштен проект: ✓ Има цел и мора да даде производ; ✓ Подразбира сложена задача (што се разложува на поедноставни); ✓ Има определено времетраење односно рок за изработка; ✓ По правило, вклучува повеќе ученици(работа во група); ✓ Подразбира соработка на сите учесници.
Што се постигнува со изработката на проектот?
Со учеството во изработката на проектот ќе се здобиеш со многу способности: Ќе развиеш способност за тимска работа, односно ќе научиш: • како да го искажеш своето мислење; • како да го прифатиш туѓото мислење; • како да дадеш мислење за туѓа работа и • како да прифатиш критика за својата работа. Ќе развиеш способност за донесување одлуки. Ќе развиеш критички односи кон својата и кон туѓата работа. Ќе развиеш способност за презентирање.
Училишниот проект се состои од следните фази:
Пронаоѓање тема за проектот;
Определување на задачите и целите на проектот; Планирање; Истражување; Изработка на проект.