Si Mary Abigail D. Soliva ay kasalukuyang nag-aaral sa Caraga
State University bilang isang Grade 12 STEM na estudyanteng puno ng responsibilidad, kasipagan, at lakas ng loob. Isa siyang dating mag- aaral sa Agusan National High School, na napabilang sa STE Curriculum, na nakakuha ng With High Honor na marka. Siya ay hinahangaan ng karamihan sapagkat siya’y may magandang kalooban gaya ng pagiging matulungin, maunawain, at mabait sa kaniyang kapwa estudyante. Dahil dito, siya’y nanalo bilang isang Presidente sa kanilang seksyon sa unang araw ng pasukan, at ang kapwa mag-aaral niya’y ginabayan. Nang dumating ang panahon sa pagpili ng kanilang representative para sa Central Student Government (CSG) ng CSU-SHS ay siya’y tumakbo bilang isang presidente na handang gawin ang lahat para sa ikabubuti ng iba. Sa kabutihang palad ay siya’y nanalo sa posisyong presidente ng CSG dahil nakuha niya ang loob ng karamihan at nakita nilang may potensyal ito sa pamumuno. Hindi naman niya nabigyan ng huwad na pag-asa ang mga tao sa kanilang paaralan sapagkat nagagawa niya ito ng tama at maganda ang bawat aktibidad at mga kaganapan sa loob. Dahil dito, ang kaniyang mga gawa bilang isang mabuting mamumuno ay nabigyang-pansin sa ibang tao, bukod sa CSU, at inimbitahan itong maging isang spokesperson sa TUDLO BXU. Sa podcast na ito ay isinalaysay rin niya kung ano nga ba ang mga katangian na dapat taglayin ng isang lider. Bukod sa pagkakasangkot niya sa mga kaganapang ito ay hindi niya napapabayaan ang kaniyang pag-aaral. Siya ay napabilang sa dean’s list ng kanilang paaralan noong Grade 11 pa lamang. Kinuha rin niya ang STEM na strand dahil sa kaniyang planong maging isang Nurse sa hinaharap. Sinabi rin niyang naging inspirasyon niya ang kaniyang pamilya, kaibigan at ang Panginoong maykapal para maipagpatuloy ang gustong landas na makatulong sa kaniyang kapwa.