𝘉𝘢𝘭𝘪𝘢𝘯𝘨𝘢𝘰 𝘚𝘶𝘯𝘳𝘪𝘴𝘦 𝘳𝘦𝘴𝘰𝘳𝘵 Ang paglalakbay ay isa sa pinakamasayang gawin lalo na kung kasama natin ang ating mga pamilya at mga kaibigan. Sa aking paglalakbay kasama ang aking mga kaibigan at kaklase ay isa sa pinakamasayang nangyari sa akin noong Agosto 3, 2019. Hindi man gaanong kalayuan ang pinuntahan namin pero ito ay nagdulot pa rin ng kasiyahan sa bawat isa sa amin. Noong Agosto 1, 2019 ay kaarawan ko at nong sumunod na araw ay kaarawan ng kaklase ko sa Grade 11, at dahit debut niya iyon napag isipan at napag desisyonan ng kanyang mga magulang ng magdiwang ng kanyang kaarawan kasama ang kanyang mga kaibigan at kaklase sa isang resort sa Baliangao. Napakaganda ng Beach resort sa Baliangao na tinatawag nilang Sunrise dahil masasaksihan mo talaga ang pagsikat ng araw sa tabing-dagat. At doon sa dalampasigan, doon kami nagdiwang at nagsalo salo ng pagkain. Pagkatapos ay naligo kaming lahat sa dagat ng sabay sabay habang may taga kuha ng litrato ang isa sa amin. Sa aming pagliligo sa dalampasigan ay dito kami nagkulitan, asaran at puro tawanan na puno ng kasiyahan noon. Sinulit naming ang mga oras na magkakasama kaming buong magkakaibigan bago kami umuwi. Sana balang araw ay maulit ang mga ganoong pangyayari, hindi lamang mga kaibigan pati narin ang ating mga pamilya upang kahit minsan man lang ay magkaroon ng bonding sa isang lugar upang madama natin ang kasiyahan na meron sa isang relasyon ng pagkakaibigan o pamilya