Professional Documents
Culture Documents
ay nakakapagbigay ng iba’t ibang pakiramdam. Mula sa mga luntian nitong paligid hanggang sa
mga hindi nalalayong walang bahid ng pagkasira sa kalikasan. Masyadong malawak ang
pagpapakahulugan sa Iloilo na maaaring maihambing sa ibang pang lugar ngunit ang Iloilo ay
siya pa ring Iloilo na mananatiling kakaiba hindi lang sa tanawin, pagkain kundi pati rin sa mga
karanasan. Ito pa rin ang Iloilo na maibubukod sa iba pang lugar na itinatampok ng Pilipinas.
Nakakahilo ang bumiyahe na tila wala na yatang katapusan and paglalakbay ko noon
papuntang Iloilo. Sampung taon na rin marahil ang nakalipas nang huli akong tumapak sa
kabisayaan kaya ganoon na lang ang hilo ko, dahil hindi na nga sanay sa mahaba-habang biyahe.
Akala noong una'y mas maigi ang mag-eroplano dahil magiging unang karanasan ko iyon kung
sakali ngunit ang pagbibiyahe gamit ang bus ay talaga namang nakaaaliw dahil sa luntiang
kapaligiran. Lumapag na ang barko sa kabisayaan at maraming tanong na rin sa akin ang nabubuo
kung ano na ang itsura ng paligid at ng mga preskong bahay noon matapos ang sampung taong
hindi ako nakapagbakasyon at matapos din ang pagdaan ng pinakamalakas na bagyong naitala sa
Pilipinas na Yolanda. Hindi kalayuan mula sa daungan, makikita ang mga nagtataasang puno ng
karaniwan ng itinatampok. Hindi nga ako nagkamali nang maalala kong nasa Antique pa lang kami
kung saan ang Boracay ang pinakakilala sa lalawigang ito. Hindi man talaga iyon ang Boracay
pero hawig na rin nito. Hindi nakasasawang pagmasdan ang sumisilip na araw noon na
dumaragdag sa kadramahan ng paligid tulad ng nasa mga pelikula. Kapansin-pansin din ang parte
ng mga dikit-dikit na bahay at mga tindahan na tila Maynila at iba sa akala kong layo-layong bahay
sa probinsiya. Habang pinagmamasdan, napansin kong panatag at payapa lang ang nararamdaman
ko, hindi tulad sa Maynila na larawan ng iba't ibang katayuan sa buhay kung saan may awa,
kqsimplehan ng kasuotan nilang lahat at ito ang isa kaibahan ng mga probinsiya sa Maynila. Hindi
malulungkot ang mga mata mo sa kakatingin sa labas dahil sa maluntian nitong paligid. Sunod na
lugar na binaybay namin ay ang Capiz kung saan pinaniniwalaan ng ilan na nakatatakot na lugar
dahil sa aswang. Sabi ng ilan sa mga nabasa kong horror story, mabigat daw sa pakiramdam kapag
dumadaan dito. Sa karanasan ko, wala naman itong pinagkaiba sa nadaanan kanina na Antique.
Binaybay pa namin hanggang sa makarating kami sa Iloilo. Mula nang simulan naming baybayin
ang kabisayaan, nagtataka ako kung paano namin mahahagilap ang bahay ng Tito ko dahil halos
pare-parehas lang ang disenyo ng mga bahay na may mga malalaking bintana na may pa-ekis na
disenyo mula sa pagkahanay-hanay ng mga patpat mula sa kawayan. Bukod sa disenyo, mabilis
din ang takbo ng bus. Tanong ko rin ito noong bata pa ako lalo na gabi pa noon nang kami ay
makarating sa nasabing bahay na aming tutuluyan. Hanggang sa nakababa na kami ng bus matapos
ang halos isang araw na biyahe. Sinalubong kami ng aming pinsan na sila kuya Arren at Arnel.
Pagkarating namin sa bahay, nakita rin namin ang aming mga pinsan na buhat pa sa Davao na
nagbabakasyon din. Hapon na noon ng nagkayayaang pumunta sa isang sapa. Tinawid lang namin
ang kalsada at kaunting sikot lang ay nakita na namin ang sapa. Malamig ang tubig at iba rin sa
akala kong mababaw dahil malalim pala. Gusto ko sanang sisirin ngunit kaliligo ko lang din noon.
Pagkatapos ay inaasahan kong wala silang pamalit ng damit ngunit nilakad namin pauwi na
basang-basa ang aming mga kasama. Ito ang sinasabing buhay sa probinsiya. Nang sumapit ang
gabi, nagsidamihan ang tao sa bahay dahil magiging abala na rin sila sa mga putahe sa piyesta
kinabukasan. Iba't ibang putahe ang nakita ko kinabukasan na wala rin namang pinagkaiba sa mga
putahe ng Maynila. Nagkaroon ng simpleng misa kinaumagahan sa maliit na simbahan kung saan
nakarinig ako ng misa sa diyalekto nila kaya naman nadagdagan ang aking bokabularyo sa
Pagkatapos ay nakita ko ang kapansin-pansin na tindahan ng halo-halo dahil ang tinda niya ay may
Angkop ito nang hindi maumay ang mamimili. Bumalik kami noon sa bahay at samu't saring
pagkain na ang nakahanda. Iba't ibang tao rin ang nakapiyesta kahit buhat pa ang iba sa mga kalapit
na barangay. Walang pinipili ang piyesta, kahit di ka kilala at taga-ibang lugar ka pa, walang kaso
iyon, parehas pa rin ang pakikutungo na may mga kwentuhan. Ibang piyesta ang alam ko sa
Maynila, walang pasok ang ibig sabihin niyon at walang handaan. Kinagabihan mas dumami pa
ang tao dahil may iba pang palabas ang gaganapin tulad ng pageant at "baylehan" na ibig sabihin
ay sayawan. Dumating ako sa sayawan, nasasabik ako noon dahil nakikita ko lang iyon sa mga
pelikula noon. Natunghayan ko na hindi lang pala iyon para sa naghahanap ng kasintahan o may
Kinabukasan, pumasyal kami sa tinatawag nilang bayan sakay sa nirentahan naming jeep na iba
ang itsura. Sa likod ng drayber, dalawa ang labasan, isa sa likod at isa sa gilid. Mataas din ang
hahakbangin mo para umakyat dahil malalaki ang gulong nito. Pumunta kami sa Gaisano, isang
maliit na mall na angkop lang sa karaniwang pangangailan ng tao. Naroon din ang isang bilihan
ng pasalubong kung saan kami nakabili ng barquillos, na tila pahaba at malutong ang labas habang
ang loob naman ay pulvoron. Naroon din ang matatamis at malulutong na biscocho. Tinunton
namin ang kanilang sementeryo upang dalawin ang puntod ng aming lolo. Iyon ang unang
pagkakataon kong makapasok sa sementeryo. Habang binabaybay papunta sa bahay ng aking Lola
sa bundok, may ilan kaming hinihintuan dahil makikisabay. May ilan ring sumasampa sa bubong
ng jeep.
Sa aming paglalakbay hindi maubos-ubos ang magaganadang tanawin na dulot ng luntiang paligid.
Ilang sandali pa’y nakarating na kami sa bahay ng aming lola. Presko pa ring tingnan at ang
pakiramdam ng bahay dahil sa malalaki nitong mga bintana na angkop para pumasok ang sariwang
hangin dahil walang kuryente at tubig. May oras na mayroong kuryente at tubig dahil ang
pagdating ng tubig ay depende kung mayroong kuryente. Wala silang binabayaran sa mga ito.
Kinagabiha’y nakapanood kami sa telebisyong colored na dati’y kulay itim at puti lang ang
nilalabas at pinagagana pa ng baterya ng sasakyan. Nakatulog din kami kahit wala ang electric fan
Pagkaumaga’y magugulat ka dahil alas singko pa lang ay gising ka na dahil sa taas ng sikat
ng araw. Pagkatapos kumain ay sinubukan namin ang pumunta sa tinatawag nilang “suba” talaga
namang tumatak sa isip ko kung ano iyon at nansanay akong tawagin iyon sa kanilang diyalekto.
Ito ay isang sapa na may mga parteng malalim at napaliligiran ng matataas na pader o lupa. Noong
una, nakatatakot ang pababang daan papunta sa suba dahil wala namang hagdan at mukhang
madulas. Matapos ang ilang minuto naming pagbaba, nakita namin ang ganda at ang linaw ng
tubig dito. Makakakita ka ng mga maliliit na mukhang alimango at mga isda rin. Nang makarating
kami sa medyo malalim na parte, hindi namin napigilang mga bakasyunista na lumangoy doon.
Malamig ang tubig at nakatutuwa ang agos ng tubig na humahampas sa aming likod. Hindi rin
namin napigilang ang magtagal doon at ulitin iyon sa mga susunod pang araw.
Nang sumunod ng umaga ay pumunta naman kami sa aming tito, doon ay nanguha kami ng mga
kamoteng kahoy para sa aming umagahan. Nakaaaliw ang aming ginagawa dahil bago ang
gawaing ito sa amin. May maliliit at malalaki kaming nakuha. May iba’t iba ring mga tanim doon
tulad ng bawang, sibuyas at kangkong. Pagkahapon ay nasubukan namin ang uminom at kumain
ng sariwang buko. Sa ‘di kalayuan ay mga matataas na puno ng buko. Inakyat iyon ng aming
pinsan na si Kuya Pato at kaming limang magpipinsan ay may sari-sariling libreng buko na sa
Maynila ay nagkakahalaga ng dalawampu’t lima ang isa. Natutunan kong kumain ng buko nang
walang kutsara kundi ang tanging balat ng buko lang ang ginawa kong kutsarang pangkayod ng
laman ng buko.
Kinabukasan noo’y ang aming reunion kung saan di ko mabilang ang taong pumasok sa
bahay ni lola. Naitanong ko na rin kung lahat ba sila na nasa bahay ay aming kamag-anak, walang
pag-aalinlangan ang tita kong sumagot ng “oo” sa akin. Masaya ang naging palaro, kamustahan,
at syempe ang handaan. Kapansin-pansin ang tamis ng mga hinaing putahe panghimagas man ito
mapa-ulam. Ang mga naging handa ay tulad din ng mga putahe sa Maynila tulad ng adobo, menudo
at iba pa na talaga namang matatamis ang mga sarsa. At ang kagulat-gulat pa rito ay mga lalaki ay
nagluto ng ilan dito. Natapos ang aming reunion sa mga di matapos-tapos na pagkuha ng larawan
Ilang araw bago kami umalis, napagkasunduan na kami ay mag-swimming. Sakay muli ng
jeep ay natunton namin ang “Erlinda’s place”. Doon ay babalik ka sa pagkabata mo dahil sa mga
naglalakihang pigurin ng mga paborito mong cartoon tulad ng Spongebob, Hello kitty at Little
Mermaid. Hiwalay ang swimming pool ng mga bata at matanda. Nakakaaliw ang mga ilaw at ang
mga mala-fountain sa gilid ng swimming pool na nagdadagdag sa ganda ng lugar. Mayroon ding
mala-kastilyo na iyong aakyatin upang makarating sa padulasan at magpadulas hangga’t gusto mo.
Natapos ang aming swimming sa malungkot na paalam sa aming mga pinsan at tito’t tita dahil
tutuloy ulit kami sa bahay ng aming tito Arman bago kami umuwi sa Maynila. Sumakay kami sa
tricycle na magkatalikuran ang mga pasahero sa loob. Pwede ring sumampa sa bubong ng tricycle
Ito ang kweba na dapat namin pupuntahan noong una naming pagdating dito ngunit palubog ang
araw noon kaya hindi na natuloy. Tinawid namin ang kalsada, naglakad at tumawid muli sa tulay
na gawa sa kawayan hanggang sa natunton namin ang kweba. Malamig at medyo matubig din sa
loob. May mga maluwag na daan at mayroon ding masikip. Unang beses kong makapasok sa
kweba at makakita ng totoong stalagmites mga batong may hugis tatsulok sa taas ng kweba at
stalactites naman sa baba o sahig. Kapansin-pansin din ang mga tubo sa loob ng kweba dahil mula
daw sa kweba ang nakokolektang tubig ng barangay at ginagamit ng mga resisdente kaya naman
wala silang pinagkakagastusan sa kanilang tubig. Bandang dulo ay nakapaligo kami sa malamig
na tubig. Mayroong malawak at mayroon ding maliit ngunit pinagbawalan kami na pumunta pa sa
malayo ng paliguan dahil medyo malalim na raw iyon ngunit mayroon pang daanan doon. Hindi
kalayuan sa aming pinaliguan ay naroon ang labasan. Hindi ganoon kataasan ang aakyatin para
Mabilis ang orasan ng mga araw na iyon. Marami pa sana akong mararanasan kung mahaba
ang munti kong bakasyon. Tama, maranasan dahil hindi pagkain o tanawin ang nakapukaw sa akin
kundi ang mga karanasan na gugustuhin kong balik-balikan. Iloilo ang lugar na hindi mo
kailangang lumayo sa iyong bahay para sa mga magagandang tanawin at karanasan. Dito, ang
buhay probinsiya ay isang simple pamumuhay ngunit ito rin ang pamumuhay sa komplikadong
Ilonggo, dahil saan mang lugar sa Iloilo, bukod sa matatamis na pagkain, nakakabighani at nakaka-
ibig na mga tanawin at pakikitungo ng mga tao, sa pangalan pa lang ng Iloilo tila pagbati na ang
bungad sa iyo. “Iloilo” bati nila, “Hi!” naman ang sagot ko.