MGA PANGUNAHING LUNGSOD-ESTADO SA
GREECE: gitnang tangway ng Greece na tinatawag na Attica. Ang
SPARTA: Estadong Militar
Matatagpuan ang Sparta sa katimugang bahagi
ng Greece sa lugar na tinawag na Peloponnesus.
Sinasabing sila ay nagmula sa lahi ng mga Dorian na
nanirahan sa nasabing lugar. Sa lahat ng mga lungsod –
estado, ang Sparta lamang ang hindi umaasa sa
kalakalan. Ito ay may magandang klima, sapat na patubig
at matabang lupa na angkop sa pagsasaka. Pinalawak ng
mga Spartan ang kanilang lupain sa pamamagitan ng
pananakop ng mga karatig na lupang sakahan at
pangangamkam nito. Ang mga magsasaka mula sa
nasakop na mga lugar ay dinala nila sa Sparta upang
maging mga helot o tagapagsaka sa malawak nilang
lupang sakahan. Samaktuwid,naging alipin ng mga
Spartan ang mga helot. Maraming pagkakataon na nag-
alsa laban sa mga Spartan ang mga Helot ngunit ni isa rito
ay walang nagtagumpay.Dahilan sa palagiang pag-aalsa
ng mga helot, nagdesisyon ang mga Spartan na palakasin
ang kanilang hukbong militar at magtatag ng isang
pamayanan ng mga mandirigma upang maging laging
handa sa kahit anong pag-aalsang gagawin ng mga helot.
Ang naging pangunahing mithiin ng lungsod-
estado ng Sparta ay magkaroon ng mga kalalakihan at
kababaihang walang kinatatakutan at may malalakas na
pangangatawan. Ang mga bagong silang na sanggol ay
sinusuri. Kapag nakitang mukhang mahina at sakitin ang
isang sanggol ay dinadala sa paanan ng kabundukan at
hinahayaang mamatay doon. Samantala, ang malulusog
na sanggol ay hinahayaaang lumaki at maglaro sa kani-
kanilang bahay, hannggang sumapit ang ika-7 taon
nila.Pagsapit ng pitong taon,ang mga batang lalaki ay
dinadala na sa mga kampo-militar upang sumailalim sa
mahigpit na disiplina at sanayin sa serbisyong military.
Malakas na pangangatawan,katatagan,kasanayan sa
pakikipaglaban at katapatan ang ilan sa pangunahing
layunin ng pagsasanay.Tinitiis nila ang sakit at hirap nang
walang reklamo.Pinapayagan lamang sila na Makita ang
kanilang paliya sa panahon ng bakasyon. Sa gulang na
20,ang mga kabataang lalaki ay magiging sundalong
mamamayan at ipinapadala na sa mga hangganan ng
labanan. Sa edad na 30, sila ay inaasahang mag-aasawa
na ngunit dapat na kumain at manirahan pa rin sa
kampo,kung saan hahati na sila sa gastos.Sa edad na
60,sila ay maari nang magretiro.
Ang mga kababaihan sa Sparta ay may tungkulin
na dapat gampanan sa estado, Sila ang namamahala sa
mga bukirin at tahanan.May mga pagkakataon din na sila
ay nagsasanay upang ipagtanggol sa Sparta sa mga
kaaway. Karaniwang mga atleta ang mga kababaihan at
may tungkulin na magsilang ng malulusog na
anak.Nakilala ang mga Spartans sa kanilang
lakas,katapangan at dedikasyon.Pinapahalagahan nila
ang pagsunod sa tungkulin,kalakasan at displina, at hindi
ang indibidwalismo,kagandahan,kalayaan ng pag-iisip at
emosyon.
Pinamumunuan sila ng isang pangkat ng mga
matatandang kalalakihan (GEROUSIA), kaya’t
masasabing ang uri ng pamahalaan ay Oligarkiya.
ATHENS: Estadong Demokratiko
Ang Athens ay isa lamang maliit na bayan sa
buong rehiyon ay hindi angkop sa pagsasaka kaya
karamihan sa mga mamamayan nito ay nagtatarabaho sa
minahan, gumagawa ng ceramics o naging
mangangalakal o mandaragat.Hindi nananakop ng mga
kolonya ang Athens. Sa halip,pinalawak nito ang kanilang
teritoryo na naging dahilan upang ang iba pang nayon sa
Attica ay sumali sa kanilang pamamahala.
Maunlad na polis ang Athens at nakilala rin ito
dahil sa kanilang pagpapahalaga sa edukasyon at
malayang pag-iisip. Itinuring ng mga Athenian ang
kanilang sarili bilang mga mahuhusay na edukadong
mamamayan ng buong Greece. Hindi tulad ng mga
Spartan,laging ninanais ng mga Athenian na matuto ng
mga bagong kaalaman dahil naniniwala sila na walang
katuturan ang buhay ng isang tao kung hindi lilinangin ang
kanilang isipan at pauunlarin ang kanilang talento.
Inihahanda ang kalalakihan sa Athens upang
maging mabuting pinuno sa pamamagitan ng pormal na
edukasyon. Pinag-aaralan nila ang musika, panitikan,
retorika at matematika. Bukod dito, mahusay sila sa
pagsasalita sa harap ng maraming tao at nakikipagdebate
sa mga isyu ng lipunan,pulitika at mga paniniwala.
Samantala, walang papel sa pamahalaan ang mga
kababaihan,walang pormal na edukasyon at ang tanging
tungkulin lamang ng mga ito ay nakatuon sa mga gawaing
pantahan,mag-alaga at turuan ang kanilang mga anak na
mapaunlad ang kanilang mga kaisipan at talento.
Ang pinakadakilang ambag ng mga Athenian sa
mundo ay ang paglinang at pagsakatuparan ng kaisipang
DEMOKRATIKO.
*Mga repormistang Athenian at mga Ambag sa
Demokrasya*
REPORMISTA AMBAG
DRACO Gumawa ng unang nasusulat na
kodigo ng mga batas.
SOLON Pinawalang –bisa ang lahat ng
pagkakautang sa lupa at inilaya ang
mga naging alipin sa pagkakautang
sa layong mapanatili ang kaayusan.
Pinaunlad niya ang kalagayan ng
mga magsasaka.
PISISTRATUS Nagbahagi ng mga lupain ng mga
aristokrata sa mahihirap at
nagtaguyod ng sining at kultura.
CLEISTHENES Bumuo ng konseho (Council of the
Five Hundreds) na mangangasiwa at
magpapanukala ng mga batas.
Ipinatupad ang sistemang
OSTRACISM o pagpapatapon sa
isang tao sa ibang lugar na sa
kanilang palagay ay panganib sa
pamahalaan. 6,000 na marka na
nakasulat sa OSTRAKA o basag na
banga.