Trahedya ng Ondoy at
Pepeng
Bugtung-bugtong, anak ng pungapong
Aral ni Tandang Pepeng at Ondoy
Pakinggan, pakinggan, mga Ineng at
Utoy
Upang tumalino sa susunod na
panahon:
Unang aral na dapat matutunan
Hindi dapat ginagahasa si Inang
Kalikasan
Sapagkat kapag nagbuntis ang
sinapupunan
Hindi biyaya ang supling kundi
kamatayan!
Ikalawang aral na dapat tumimo
Sa kukute natin at ating pangkuro:
Upang sa trahedya tayo’y malayo
Kahandaan lamang ang sagot katoto.
Ikatlong bertud ni Ondoy at Pepeng
Isang anting-anting walang mintis ang
galing:
Matutong magsuri sa paligid natin
Upang makita ang tanda ng lagim:
Bitak sa lupa, mga guhit sa dingding
Kalbong gubat, banging malalim
Ilog na rumaragasa, dam na umaangil
Sirenang panawag sa paglikas natin.
Ikaapat na aral ni Ondoy at ni Pepeng
Na dapat na dapat, isabuhay natin:
Ating tutulang mahigpit at matining
Ang proyektong lalaspag sa kalikasan
natin!
Huwag pabayaang magmina nang
magmina
Huwag pabayaang gubat ay ipagahasa
Ipagtanggol ang tubig, hangin, at isla
Laban sa mapandambong na
kapitalista!
Humingi ng patnubay sa ating
Panginoon
Isang panalangin na hindi na muli ito
matamasa sa mungdong ibabaw
Ondoy at Pepeng! Lubayan mo na
kme
Pananalasa mo ay hanggang ngayon
ay hindi malimutan sa sobrang dami
ng namatay,nalunod,nagkasakit, na
gutom at marami pang iba
Huling tagubilin nina Ondoy at
Pepeng
Sa lahing Pilipinong piniste mandin:
Huwag pabayaang maghari ang sakim
Ugat ng demonyo’y putulin mandin!