Pangalan: Pantaran, Ameerah Hannah I. Petsa: ika-21 ng Enero, 2021
Baitang: 11-Marciano
1. Ilarawan ang buhay nina Bobot at ng kaniyang pamilya.
Mahirap ang pamumuhay nina Bobot at ng kaniyang pamilya. Nakatira sila sa skwater at pito silang magkakapatid. Hindi nila nakakamit ang kanilang pangunahing pangangailangan at karapatan tulad na lamang ng pagkakaroon ng sapat na edukasyon, makakain ng malusog na pagkain, at magkaroon ng maayos na tahanan bagama’t walang trabaho, istambay at madalas pang lasing ang kanilang ama. Labandera naman ang kaniyang nanay na may sakit na ubo ngunit hindi sapat ang kinikita nito sa dami nila.
2. Ano ang mga iniisip ni Bobot pagkatapos masaksihan ang pagbabago ng
buhay ni Aling Gunding matapos masagasaan ang anak? Naisip ni Bobot na suwerte si Aling Gunding pagkatapos niyang masaksihan ang pagbabago ng buhay nito matapos masagasaan ang kanyang anak. Napag-alaman niya na malaki ang halaga ng salapi ang ibinayad ng nakasagasa sa anak ni Aling Gunding at napansin niya din ang pagaan ng pamumuhay nito dahil sila ay mayroon nang makakain. Naisipan din ni Bobot na gawin sa kanyang sarili ang nangyari sa anak ni Aling Gunding upang mabigyan ang kanyang ina ng salapi ng taong makakasagasa sa kanya. Inisip niya na kapag binigyan ng malaking halaga ng salapi ang kanyang ina, makakakain na ang kanyang mga kapatid at makakapaghinga na ang kanyang ina mula sa paglalabada.
3. Dapat bang ikatuwa ang pagkamatay ng anak na ang kapalit ay salapi?
Hindi dapat ikatuwa ang pagkamatay ng anak kapalit ng salapi dahil hindi kailanman mababayaran ng pera ang buhay ng tao. Aanhin mo ang kayamanan kung hindi mo naman mabibili ang pagkakataon na makasamang muli ang taong namatay. Mahahanap mo ang pera ngunit kapag buhay ng isang tao’y nawala, hinding-hindi mo na ito mapapalitan at mahahanap pang muli. Hindi sapat ang salitang masakit para ilarawan ang nararamdaman ng isang ina kapag siya ay nawalan ng anak. Walang halaga ng salapi ang makakapagtanggal ng sakit na nararamdaman kapag yumao ang isang mahal sa buhay dahil kasama narin sa namatay ang pagkalaho ng isang parte ng puso. 4. Ano sa palagay ninyo ang kahulugan ng huling pangungusap? “Patakbong sinalubong ni Bobot ang kotse.” Ipaliwanag ang sagot. Sa aking palagay, ang kahulugan ng huling pangungusap na “Patakbong sinalubong ni Bobot ang kotse.” ay nagpakamatay si Bobot sa pamamagitan ng pagpapabangga ng kotse. Naisip niya na kapag nangyari sakaniya ang nangyari sa anak ni Aling Gunding ay magkakaroon ng pera ang kanyang ina dahil babayaran siya nito ng may-ari ng kotse. Kapag nangyari iyon, hindi na maglalabada ang ina niyang may sakit na pinaghahalaan ni Bobot na TB at hindi na rin iiyak ang kanyang mga kapatid lalo na si Boyet dahil ito ay hindi na magugutom dahil may pambili na sila ng makakakain nila.
5. Sa palagay, anong pagdulong sa pagbasa ang iyong ginawa upang maunawaan
ang teksto? Ipaliwanag. Ang pagdulong sa pagbasa na aking ginawa upang maunawaan ang teksto ay Interaksyong Modelo dahil sinagot ko ang ibang tanong mula sa sarili kong pagkakaintindi at kaalaman tulad na lamang ng tanong mula sa pangatlong bilang. Maaring iba ang maging opinyon o sagot ng iba sa tanong na iyon dahil iba ang kanilang pinaniniwalaan, pinanggalingan, at karanasan. May mga sagot naman ako sa ibang tanong na mula sa teksto na aking binasa. Tulad ng pan- apat na tanong kung saan kailangan ipaliwanag ang buhay ni Bobot at ng kaniyang pamilya. Hindi ko maipapalowanag ng tama ang buhay na kinagisnan ni Bobot at ng kaniyang pamilya kung nakabase lamang ako sa aking kaalaman at hindi sa teksto na ibinigay.