Sa kaharian ng Masinlok naging usap-usapan ang suliranin ng Datu doon sapagkat
ninanais nito na magawa ang mga dati nitong gawain ang mangaso sa kabundukan kanyang dating pinupuntahan. Ngunit dahil sa kanyang katandaan hindi na niya ito magagawa kung kaya siya ay naging malungkutin. Nakarating iyon sa kaalamn ng isang matandang salamangkero kung kaya siya ay pumunta sa palasyo at nagsabi sa Datu na siya ay magpapatubo ng isang bundok kapalit ng kamay ni Prinsesa Alindaya. Pumayag ang Datu sa sinabi ng salamangkero. Pagkalipas ng mga araw may tumubong bundok sa pinagtaniman ng bato ng salamangkero. Unti-unti itong tumataas at lumalaki kung kaya lubhang nalungkot si Prinsesa Alindaya na naging dahilan ng kanyang pagkakasakit. Nang bumalik ang salamangkero sa kaharian hindi ibinigay ng datu ang prinsesa sa kanya sa kadahilanang ito nga ay mayroong malubhang karamdaman. Kung kaya umuwing masamang masama ang loob ng salamangkero. Sa sama ng loob nakalimutan ng salamangkero ang bundok na kanyang pinatubo kung kaya ito ay patuloy na tumaas at lumaki. Lubhang nabahala ang kaharian sa nangyayari kung kaya ipinag-utos niya na hulihin ang salamangkero at ito ay pugutan ng ulo. Ngnit ang bundok ay patuloy pa din sa paglaki at pagtaas.Na lubhang nagpabahala sa kanilang kaharian. Ang balitang ito ay nakarating sa kay Prinsepe Malakas kung kaya siya ay pumunta sa kaharian ng Masinlok. Sinabi niya sa Datu ang kanyang pakay at dagli niyang isinagawa ang pagbunot sa bundok at hinagis sa malayo. Kung kaya ng bumalik ang Datu at Prinsepe Malakas sa kaharian nagbunyi ang kaharian at nagsagawa ng kasiyahan. Doon nakita ni Prinsipe Malakas si Prinsesa Alindaya. At di nagtagal nasaksihan ng lahat sa kaharian ng Masinlok ang marangyang kasalan sa pagitan ni Prinsipe Malakas at Prinsesa Alindaya. Ang lupang pinag-alisan ng bundok ay naging lawa at tinawag itong “Lawa ni Alindaya”. Na nagpapagunita ng kagandahan ni Prinsesa Alindaya at ng pag-ibig nito. Na siyang naging dahilan ng pagkakaroon ng Bundok ng Pinatubo.