Republic of the Philippines

Commission on Higher Education

Regional Office No. VIII
CALBIGA WESTERN SAMAR COLLEGE
Polangi, Calbiga, Samar

MODYUL PARA SA MGA PAGHAHANDA NG MGA KAGAMITANG

PAMPAGTUTURO
(PRE-LIM)

Inihanda ni:
Bb. ADELFA I. MENDOZA, PhD
Dalubturo

Pangalan: _____________________________________
Kurso: _______________________________________
 Modyul para sa Paghahanda ng mga kagamitang Pampagturo

Layunin (Objective):
- Matukoy ang ibat-ibang kagamitang pampagtuturo at
- Maunawaan ang ibat-ibang Pampagtuturo

Introduksyon (Instroduction):

Sa mga huling dekada ng ikalabinsiyam na siglo nagsimulang magkaroon ng ibayong

pansin sa pangangailangan ng mga kagamitang pampagtuturo bilang pagsasaalang-alang sa
kapakanan ng mga mag aaral at upang magkaroon ng makahulugan at mabisang pagtuturo at
pag-aaral, ang mga guro ay gumagamit ng mga kagamitang pampagtuturo.

Ano ang mga kagamitang Pampagtuturo? Ang mga ito ay anumang karanasan o bagay na
ginagamit ng guro bilang pantulong sa paghahatid ng mga katotohana, saloobin, kaalaman,
palagay, pang unawa at pagpapahalaga sa mag –aaral upang lalong maging kongkrito, tunay,
daynamik at ganap ang pagkatoto. Hindi sapat na may magagamit ng kagamitan ng
pampagtuturo ang isang guro kundi kailangan niyang gamitin ang mga ito at alam niya kung
kalian gagamitin ang mga ito.

Anong kabutihan ang naibibigay ng mga kagamitang pampagtuturo? Nagbibigay ito ng

kongkretong pundasyon sa pagkatuto na nagbuvbunga ng wastong gawi sa pag-aaral
nakakaganyak ito sa kawilihan ng mga mag-aaral nagbibigay ng tunay at ibat-ibang karanasan
tungo sa paggamit ng kasanayan at pagkakaron ng patuloy na interes sa pag-aaral; nagdudulot ito
ng mabisa at kawili wili, madali itong magaang na pagtuturo at pagkatoto at ang mga walang
kabuluhang kasagutan ng mga mag-aaral ay nababawasan.

Nahahati sa apat na bahagi ang mga kagamitang pampagtuturo nakapaloob sa aklat na ito.
Ang unang bahagi ay naglalaman ng mga kagamitang tanaw-dinig. Ang mga kagamitang tanaw-
dinig ay mga bagay o kasangkapan may kinalaman sa paningin tulad ng pisara, bolitin board,
dayorama at mobil o yung may mga kinalaman sa sabayang paggamit ng mga mata o tainga tulad
ng telebisyon at pelikula. Ang ikalawang bahagi ay tungkul sa paglikha ng mga lunsaran sa
paglalahad ng mga aralin sa Filipino. Ang ikatlo ay tumutukoy naman paghahanda ng mga
pagsasanay at pagsusulat sa wika at pagbasa.

Isang katotohanan na walang kagamitang pampagtuturong makapapalit sa isang mabuting

guro ngunit katotohanang din ang mabuting guro ay gumagamit ng mga kagamitang
pampagtuturo tungo sa mabisang pag aaral ng mga mag-aaral. Kung kaya’t ang munting
kaalaman ng may akda na bunga ng karanasan, pananaliksik, makabagong siyensa at
teknonolohiya ay pipiliting maglandas sa lipon ng mga kagamitan ng mga ganap ng guro at
magiging guro pa. Nawa’y magtagpo ang kanilang landas
Nilalaman (Content):

Kabanata 1

Paghahanda ng mga Kagamitang Tanaw-Dinig

Ang Hagdan ng Karanasan

Kapag tinalakay ang mga kagamitang tanaw-dinig ay hindi maiiwasang mabanggit ang
hagdan ng karanasan na tinatawag na “cone of experience” sa Ingles. Ang hagdan ng karanasan
ay binubuo ng labing isang baitang. Ang bawat baitang ay mahalaga sa isa’t-isa. Nagsisimula
nag hagdan ng Karanasan sa tuwirang karanasan at nagtatapos naman sa simbolong berbal.
Bagamat baitang ang mga karanasan ay naroon parin ang ugnayan ng bawat isa.
Makikita sa ibaba ang anyo ng hagdan ng karanasan.

Ang Labing isang baitang ng hagdan ng karanasan ay maaring pangkatin sa tatlo ayon sa antas
ng pagiging tuwiran hanggang sa maging abstrak. Ang tatlong pangkat ay ginagawa sa pagkat ito
ay aktwal na ginagawa ng tao. Binubuo ito ng mga tuwirang karanasan at madulang pakikilahok.
Ang pangalawang pangkat ay tinatawag na minamasid sa pagkat bukod sa pinagmamasdan ay
pinapakinggan pa ang mga karanasang nakapaloob dito. Ang pakitang turo, paglalakbay, eksibit,
telebisyon, pelikulang gumagalaw. Teyp recording, radio sapagkat ito ay gumagamit ng mga
simbolong biswal at berbal.

Narito ang balangkas ng tatlong pangkat ng hagdan ng karanasan (Dale 1946:52).

Ginagawa
A. Ang mga tuwirang karanasan
B. Ang mga binalagkas na karanasan
C. Ang madulang pakikilahok

Minamasid
A. Ang pakitang-turo
B. Ang ekskursyon
C. Ang mga eksibit
Ang mga Medyang pang-Edukasyon

1. Telebisyon
2. Pelikula
3. Radyo
4. Prodyektor
5. Larawang di-gumagalaw
a. Islayd
b. Filmstrip
6. Teyp Rekording

Sinasagisag
A. Ang simbolong biswal
B. Ang simbolong berbal

Tunay na maakyat ang mga mag-aaral ang hagdan ng karanasan sa isang mabilis at kapaki-
pakninabang na kaparaanan sa pamamagitan ng epektibong paggamit ng mga kagamitang tanaw-
dinig na inihahanda ng guro sa bawat gawaing ipinararanas sa mga mag-aaral.

Ang mga kagamitang tanaw-dinig sa bawat pangkat ay bibigyang pansin.

GINAGAWA

Narito ang mga Kagamitang tanaw-dinig para sa:

Tuwirang Karanasan

1. Eksperimento
Ang pag-eekspereminto sa laboratory ay isang halimbawa ng isang karanasan.
Dito ang mga mag-aaral ay nasusubukang tumuklas ng bagobg kaalaman ayon sa
syensiya. Sila mismo ang gumagawa sa gawain.
2. Mga Laro
Likas na mahilig sa paglalaro ang mga bata. Nagiging masaya at aktibo sila sa
pamamagitan ng paglalaro. Kung nakikita natin na nababagot na ang mag aaral, maari
natin silang ganyakin at pasiglahin sa pamamagitan ng paglalaro.
Ang paglalaro ay mabisang paraan para mabigyan-buhay ang pag-aaral ng mga
bata. Gaano man kahirap ang mga liksyon ay magaganyak parin sila sapagkat Ganado
sila sa paglalaro.
Bagamat maraming uri ng laro, ang bibigyang pansin dito ay iyong mga larong
maaaring gawin sa loob ng klase at habang nagkaklase. Ang mga larong ito ay hindi
lamang nakalilinang sa pisikal kundi pati rin sa mental, sosyal at emosyonal na aspekto
ng tao. Narito ang ilang halimbawa ng laro na maaring gawin sa loob ng silid-aralan.

a. Larong Book Baseball

Kagamitan:
Limang aklat na gagawing beys
Dalawang pangkat na may parehong bilang ng manlalaro
Paglalaruan: silid-aralan
Paraan: Ilagay isa-isa sa apat na sulok ng silid aralan ang apat na limang aklat upang
magsilbing beys ng mga manlalaro. Ilagay sa may bandang gitna ang isang aklat.
Magiging beys ito ng tagahagis ng bola o ng pitser.

Kung napagpasiyahan na sa pamamagitan ng palabunutan o Jack en poy ang una at huling

pangkat ng manlalaro, pupunta na sila sa kani-kanilang pwesto ang pitser sa gitna at ang
unang batter ay sa home base.

Ang paglalaro ay sa pamamagitan ng tanong-sagot. Hindi bola ang inihahagis ng pitser

kundi katanungan na siya lamang sasagutin ng batter. Kapag nasagot niya ito ng tama ang
katanungan, tatakbo sa unang beys and batter. Ang kalawang batter ngayon ang tatanungin ng
pitser. Kapag nasagot niya ito ng tama, tatakbo siya sa unang beys. Ang unang batter naman
nama’y tatakbo sa ikalawang beys. Ganito ng ganito hanggang may maka-homerun. Kapag ang
tanong ay di nasagot, out ang di nakasagot. Kapag nabuo ang tatlong out, susunod na maglalaro
ang ikalawang pangkat. Paramihan ito ng homerun.

b. Hot Potato
Mga kagamitan :
Panyo
Mga batang Manlalaro
Paglalaruan: silid-aralan

Paraan:

Maghahawak kamay ang mga bata gagawa ng pabilog na pormasyon. Ang taya ay tatayo sa gitna
at pipiringan ang mga mata. Kakanta ngayon ang mga bata habang iniikutan nila ang taya.
Paghinto ng kanta, hihinto rin sap ag-ikot ang bata. Iikot ngayon ang taya. Paghinto niya’y agad-
agad niyang ituturo ang isa sa mga batang nakapaligid sa kanya. Ang batang itinuro ay
magbibigay agad ng tanong at sasagutin naman ng taya. Kapag nasagot ng wasto ang
katanungan, ang nagtatanung ang magiging taya. Kapag hindi naman nasagot ng wasto,
mananatiling taya ang dating taya.

c. Author’s Game o Laro ng mga may-akda (Istilong Pabinggo)

Kagamitan:
Mga kard na may nakasulat na pangalan ng mga may-akda
Mga binilog papel na kung saan nakasulat ang mga akda
Kahon na paglalagyan ng mga binilog na papel

Paraan:
Bubunot ang mga mag-aaral ng tig-iisang kard na may nakasulat na pangalan ng mg
akda. Dadalhin nila ang mga ito sa kanilang upuan at magsisilbing kard nila. Pagkatapos,
bubunot ang guro ng mga akda na nakasulat sa mga papel. Babasahin nya ito . titingnan ngayon
ng mga bata ang hawak nilang kard. Kapag nakasulat ang pangalan ng may-akda sa hawak-
hawak nilang kard lalagyan nila ng ekis ang nasabing pangalan. Patuloy ng pagbasa ng guro ng
mga tanong at patuloy rin ang pagmarka ng mga bata sa kanilang kard. Kung may batang
nakapag ekis na ng limang tamang sagot sa kanyang kard na deritsong pahalang, pababa o
dayagonal, nanalo siya. Bibigyan siya ng regalo bilang pabuya.
d. Pahulaan
Ang mga manlalaro ay binubuo ng dalawang pangkat. Magbibigay ng katanungan
ang guro sa mga kasapi ng unang pangkat. Pag- nasagot ng wasto ang katanungan,
bibigyan ng puntod ang pangkat na kinabibilangan niya. Susunod na tataungin
ngayon ang ikalawang manglalaro na nasa unang pangkat parin. Pag nasagot ulit nang
tama, isang puntos ulit ang ibibigay sa kanila. Ngunit kung hindi tama ang kasagutan,
ang ikalawang pangkat na ang sasagot. Ganito ng ganito ang gagawin hanggang
umabot sa takdang oras na itinakda. Kung aling pangkat ang may mas maraming
puntos, iyon ang mananalo.

e. Magdala Ka
Kagamitan:
Mga bagay na nasa loob ng silid – aralan
Paraan:
Ang mga guro ay magsasabi ng bagay o mga bagay na dadalhin sa kanya. Kapaga
nagsabi na siya ng bagay unahan ngayon ang bata sa paghahanap. Ang mga batangn
unang nakapagbigay sa guro ng bagay na binanggit niya ang siyang panalo.

f. Bugtungan: sino ako?

Paraan:
Ang klase ay nahahati sa dalawang pangkat. Magbibigay ang mga guro ng
bugtong. Sinuman sa dalawang pangkat ang sasagot. Ang pangkat na nakasagot nang
wasto ang may puntos at siya ring magtatanong pagkatapos sa kabilang pangkat.
Kapag nasagot nang wasto ang puntos ay mapupunta sa pangkat na nagtatanong at
silang muli ang magtatanong. Ang guro ang tagaiskor. Ganito nang ganito ang
gagawin hanggang matapos ang itinakdang oras. An pangkat na may pinakamaraming
puntos ang panalo.

Para sa asignaturang Agham:

1. Ako’y isang kaibigan

Buntot ko pag hinawakan
Ngipin mo’y lilinisin
Sino Ako?

Sagot: Sipilyo

Para sa Matematika:

2. Sino ako?
Mula ako sa pamilyang “set”
Bumukod ako’t
Nagtatag ng panibagong “set”

Sagot: subset
 Para sa sibika at Kultura:

3. Prrt…prrt…Sino ako?
Dala ko’y batuta
Dala ko’y baril
Hinuhuli ko ang mga salarin.

Sagot: pulis

g. Lunting Ilaw, Pulang Ilaw

Paraan ng Paglalaro:
Ang guro ay nasa harap ng klase habang ang mga mag-aaral ay nakaupo sa kani-
kanilang upuan. Kapag sinabi ng gurong “lunting ilaw”, lahat ng mag-aaral ay tatayo
at kapag siabing “pulang ilaw”. Ang sinumang mahuling nagkamali ay pinapupunta
sa harapan. Ang mga pinapunta sa harapan ay parurusahan sa pamamagitani ng
pagtatanong ng pagtatanong tungkol sa liksiyong pinag-aralan. Sa paraang ito,
naglalaro na sila ay nag-aaral pa.

BINALANGKAS NA KARANASAN

Ang mga sumusunod ay mga halimbawa ng mga kagamitang tanaw-dinig para sa binalangkas na
karanasan

1. Mga Modelo
Ang modelo ay panggagaya sa orihinal na kaanyuan at kabuuan ng isang tunay na bagay.
Maaring ito ay gawa sa kahoy, plastic o bakal. Bagamat may kaliitan ay katulad na
katulad ang anyo sa ginayang tunay na bagay.
Dapat ganyakin ang mga mag-aaral na gumawa ng mga modelong gagamitin sa
kanilang pag-aaral. Sa paggawa ng mga modelo, ngakakaroon sila ng tuwirang karanasan
kung paano ginawa ang bagay na ginagaya.
Ang halimbawa ng mga modelo ay globo,ginayang bulkan, eroplano, bahay-kubo,
maliit na Bangka, malaking modelo ng puso o utak at iba pa.

Paraan ng paggawa ng modelo:

Ang paraan ng paggawa ng modelong kabayo ay maipapaliwanag sa ibaba.

1. Gumawa ng alambring kalansay na hugis kabayo

2. Balutan ng tela ang ginawang kalansay
3. Ibabad sa tubig ang lumang pahayagan
4. Bayuhin ang ibinabad na pahayagan hanggang maging pinung-pino.
5. Haluan ng kola(pandikit) o glue ang binayong papel.
6. Ibalot sa katawan ng kabayo ang pinaghalong papel at kola. Gawin ito hanggang
mabalutan ang buong katawan. Budburan agad ng kusot ang ibabaw nito.
 2. Mock-up
Ang mock-up ay panggagaya rin tulad ng modelo. Ang pinag-iba lamang ng mock-up sa
modelo ay ang isa o bilang bahagi lamang ang gagayahin at hindi ang kabuuan.

Halimbawa:
Sa eroplano, kung ang pag-aaralan ay makina, iyon lamang ang gagawan ng
mock-up
Ang Planetarium sa Maynila ay isang halimbawa rin ng mock-up. Ito ay bahagi lamang ng
santinakpan.

3. Ispesimen
Isang mabuting panghalili sa mga tunay na karanasan ang ispesimen. Halimbawa, kung
hindi madadala ang mag-aaral sa pook na pinagkukunan ng mineral, maaring magpakita
na lamang sa klase ng ibat-ibang uri ng bato bilang espisimen.
Kung ang pag-aaralan naman ay tungkol sa buhay sa dagat, hindi na
nangangailangang dalhin pa ang mga mag-aaral sa dagat. Ang guro o mag-aaral ay
makapagdadala sa paaralan ng ibat-ibang uri ng isda, mga halamang dagat at iba pa
bilang espisimen. Mahahawakan at masusuri pa ng mga mag-aaral ang mga ispesimeng
ito.
Sa Siyensiya, magandang mag-imbak ng mga ispesimen. Ang isang masikhay na
guro ay makakagawa ng paraan upang makaipon ng mga ispesimeng gagamitin bilang
kagamitang tanaw-dinig. Ang ,maliliit na bagay at ispesimen ay maaaring dikit sa
cardboard sa pamamagitan ng scotch tape at balutan ng plastik.

4. Mga tunay na Bagay

Ang mga tunay na bagay ay mahalagang kagamitang tanaw-dinig. Nahahawakan,
nasusuri at napag-aaralan ang mga ito ng mga mag-aaral. May mga mag-aaral pang
nagdadala sa silid-aralan ng mga bagay na dala ng kanilang mga magulang o kapatid na
galing pa sa ibang bansa. Ipinapakita ang mga ito sa mga kamag-aral upang mapag-
aralan.
Ang paghawak sa mga tunay na bagay ay nagbibigay ng kakaibang karansan sa
mga mag-aaral. Nagiging mabisa ang pag-aaral ng mga bata tungkol sa mga gulay at
prutas halimbawa, kung nakikita nila mismo ang mga bagay na ito. Upang makilala at
matandaan ang pangalan ng mga gulay at prutas, ang mga ito ay dapat dalhin sa loob ng
klase.
Madulang Pakikilahok
Ang mga kagamitang tanaw-dinig na maaring gamitin ng guro para sa madulang
pakikilahok upang maging mabunga at matagumpay ang kanyang pagtuturo ay ang mga
sumusunod:

1. Mga Dula

1.1 pagtatanghal(Pageant)
ang pagtatanghal ay isang makulay na pagpapakita ng mga mahalagang bahagi ng
kasaysayan na kung saan ang mga tauhan ay nakasuot ng angkop na damit.
Isang mabisang kagamitang tanaw-dinig ang pagtatanghal. Kaya lamang
may kahirapang ihanda ito. Nangangailangan ng panahon, pera at mahabang pag-
eensayo. Kadalasan, ginaganap lamang ito para sa mga Araw ng Magkakaanib na
bansa, araw ng mga Bayani, araw ng kalayaan at iba pa.

1.2 Pantomina o Pangagagad

Ang pantomia ay pag-arte nang walang salitaan. Kikilos at aarte ang kasali ayon
sa hinihingi ng kanyang papel na ginagampanan.

1.3 Tableau
Malaki ang pagkakatulad ng tableau sa pantomina dahil parehong walang salitaan.
Kaya lamang, ang tableau ay walang galaw samantalang ang pantomina ay may
kilos at galaw. Ito ay