Archdiocese of Caceres

OUR LADY OF PEACE AND GOOD VOYAGE PARISH

Guijalo, Caramoan, Camarines Sur, Philippines – 4429

SANTACRUZAN 2021
Coronation Ceremoies
Commentary:

An Santa Cruz de Mayo o Santacruzan, sarong devocion nin pagtubod asin

pagkamoot. Ini nagpapahayag kan istoria kan kaligtasan nin tawo. Bilang devocion nin
pagkamoot, nakagamot ini sa banal na Cruz, an simbolo asin tanda nin Kristianismo.
Bilang istorya nin pagkamoot, digdi ipinagsaysay an dakulang pagkamoot, dedikasyon,
asin pagmalasakit ni Santa Elena sa paghanap kan tunay na Cruz ni Cristo.

Ngunyan na hapon sa paagi kan ceremonyang gigibuhon niato digdi sa satong

simbahan, kita gabos inaalok na makisumaro asin mag-iba sa pagbaklay ni Santa Elena sa
saiyang paghanap kan tunay na Cruz na pinag-pakuan kan Kagurangnan niatong si
Jesucristo.

Mantang ipinapamidbid saro-saro an mga minarepresentar sa mga reyna asin

virtudes, ituon niato an satuyang mga mata, bako sana sa gayon kan saindang mga
vestidura, kundi ituon man niato an satuyang mga isip asin puso sa paghorop-horop kan
kahulugan kan mga titulo na saindang dinadara.

Hapoton niato an satuyang mga sadiri. Ano an mga virtudes kan mga reyna na
sinabi na sa hiling ko yaon sa sako? Anu-ano an mga pwede kong gibuhon tanganing
magkaigwa kan mga magayon na gawe arog kan mga nasambitan na mga reyna.

Mga tugang, sabaton niato an mga Reynas nin makkusog na upak sa saindang
paglaog.

REYNAS OF 2021
REYNA ESTHER

Sarong kagayonan na pinili nin Dios tanganing iligtas an mga Judeo sa maraot na
kaisipan ni Hamen na iyo an nagdara saiya sa kagadanan. Pinahiling nin Mahal na Dios
na an tawo, sa saiyang kabootan asin pagkamoot, saiyang tinatabangan asin ina-ampon sa
tahaw nin mga kasakitan asin kapurisawan sa buhay.

An satuyang Reyna Esther ngunyan na taon, inirerepresentar ni

______________________ kan _________________________.

REYNA DELOS SANTOS

An Reyna de los Santos minasimbolo asin minarepresentar kan mga santos na

nagdusay kan saindang buhay sa katanosan asin kabanalan. Kita man gabos inaapod na
magin arog sa mga santos, na kita mamuhay sa katanosan asin kabanalan.

An satuyang Reyna De Los Santos ngunyan na taon, inirerepresentar ni

______________________ kan _________________________.

REYNA DE LA PAZ

An Reyna de la Paz iyo minasimbolo asin minarepresentar sa katoninongan,

katanosan, pusog, asin pantay na paghiling. Kita man inaapod na siring ki Maria, kita
man magtao nin katoninongan asin pantay na paghiling sa satong kapwa.

An satuyang Reyna de la Paz ngunyan na taon, inirerepresentar ni

______________________ kan _________________________.

REYNA JUSTICIA

Simbolo kan pantay-pantay na paghiling, pagkamoot, asin paghusga ni Cristo. An

tawo sa pag-atubang sa Dios sa ika-duwang buhay, huhusgahan susog sa naginibong
karahayan digdi sa kinaban. Sa satong pakikiiba sa satong kapwa, pirmi ta man lugod
isapuso an pagigin maka-justicia huli ta kun paanong kitang maghusga sa kapwa tawo,
arog man kaiyan an magigin husga satuya nin Mahal na Dios.

An satuyang Reyna Justicia ngunyan na taon, inirerepresentar ni

______________________ kan _________________________.
REYNA FE

Si Reyna Fe minasimbolo sa dai matatawadan na pagtubod asin pagsarig sa Mahal

na Dios asin kan ipinangakong kaligtasan kan kalag para sa mga nagsasarig saiya. Sa
satuyang puso, padanayon ta an pagtubod na iyan ta iyo iyan an kalasag sa gabos na
bagyo nin buhay na maabot satuya.

An satuyang Reyna Fe ngunyan na taon, inirerepresentar ni

______________________ kan _________________________.

REYNA CARIDAD

Si Reyna Caridad iyo an ikatolong virtudes, asin minasimbolo sa danay na pagtao

asin pagkamoot nin Mahal na Dios sa satuya. Kita inaapodan na siring sa reynang ini,
kita magin matinao and magwaras nin pagkamoot sa satong kapwa.

An satuyang Reyna Caridad ngunyan na taon, inirerepresentar ni

______________________ kan _________________________.

REYNA DE LAS FLORES

Si Reyna de las Flores minasimbolo sa maburak, masamyo, asin magaya-gayang

pamumuhay para sa mga tawong naglalakaw sa dalan pasiring ki Cristo. Si Maria iyo an
totoong Reyna de las Flores. Hingowahon ta na an satong pamumuhay mamurak sa mga
biyaya asin grasya tanganing maiwaras ta man ini sa satong kapwa.

An satuyang Reyna de las Flores ngunyan na taon, inirerepresentar ni

______________________ kan _________________________.

REYNA ELENA 2021

Sarong tawo na nagkaigwa nin kapurisawan nin puso asin isip huli kan saiyang
pagmawot na mahanap an tunay na Cruz ni Cristo. Nagsapo nin kasakitan asin kapagalan
nin boot asin hawak, alagad sa tahaw kan gabos na ini, pusog asin dai nawara an saiyang
pagtubod asin paglaom na makukua niya an mahal na Cruz ni Jesus. Si Reyna Elena iyo
an nakakua kan totoong Cruz ni Cristo. Dara niya sarong sadit na cruz bilang simbolo kan
saiyang naginibohan sa Kristianong pagtubod.
 An satuyang Reyna Elena 2021 inirerepresentar ni _____________________ kan
_________________.

Commentator: Isusunod po niato an Santa Misa

(Before Final Blessing)

Commentator: Isusunod po niato an pagdusay sa Mahal na Cruz sa pangengenotan kan

Reyna Elena. Maluhod po an gabos.

(Igwang babasahon na prayer)

Commentator: An Flores de Mayo, sarong selebrasyon na piggaganap sa Pilipinas sa

bulan nin Mayo. Saro ini sa mga seremonyang pigtutubudan sa Mahal na Birheng Maria
asin naghahaloy sa bilog na bulan. An pangaran kan Piyestang ini gikan sa tataramon na
Espanyol na flores boot sabihon na "mga burak." Ini minasimbolo kan satuyang danay na
pagkamoot, asin pagtaong onra ki Santa Maria, Ina kan Dios. Isusunod niato an pagtao
kan mga Reyna nin burak ki Maria.

(Marian Song)
 PAGDUSAY SA MAHAL NA CRUZ
O Mahal na Cruz sa kapasalamatan asin kagalangan
minaluhod kami sa saimong atubang.
Magpoon sa aldaw na ini asin sagkod pa man ipinapanongod
niamo an samuyang buhay sa Maestrong ipinako sa Cruz nag-
atang kan saiyang Dugo asin buhay huli sa mga tawo gabos.
Magigin kaming sorogoon kan Cruz asin saen papatunayan
niamo an katokdoan kan samong Maestro.
Magigin kaming mga lingkod sa Cruz asin dadarahon an
waras na biyaya kaiyan sa samo asin sa samong kapwa.
Magigin kaming mga katood kan Cruz tagob na gayo kan
Espiritu kaidtong huli samuya nagadan sa Cruz. Amen...
Sa ngaran kan Ama, asin kan Aki, asin kan Espiritu Santo.
Amen...