PANANALIKSIK Inihanda ni Dr. Reynele Bren G. Zafra RESPONSIBILIDAD NG MANANALIKSIK
Sa pagsulat ng pananaliksik, mahalagang
malaman ng mga mananaliksik ang mga nakaatang na responsibilidad sa kanila bilang tagapagpadaloy ng karunungan. Kaugnay nito, narito ang ilan sa responsibilidad ng mananaliksik bilang isang responsableng manunulat at iskolar. RESPONSIBILIDAD NG MANANALIKSIK 1. Bigyan ng proteksiyon at igalang ang karapatan ng mga kalahok sa pag-aaral. Higit sa sariling kapakanan, dapat itaguyod ng mananaliksik ang kaligtasan at karapatan ng mga kalahok sa pag-aaral sa kabuuang proseso ng pag- aaral. Bago isagawa ang pangangalap ng datos, mahalaga na maabisuhan ang mga kalahok sa pag-aaral sa pamamagitan ng isang pormal na sulat o pormal na pakikipag-usap. Mahalaga rin na matiyak sa mga kalahok sa pag-aaral ang pagiging kumpidensiyal ng mga impormasyong kanilang ibabahagi sa mga mananaliksik RESPONSIBILIDAD NG MANANALIKSIK 2. Kilalanin at banggitin ang mga sangguniang ginamit sa pananaliksik. Bukod sa malaking tulong sa mananaliksik ang mga may-akda ng nasabing babasahin, ang tamang pagkilala at pagbanggit ay pamamaraan upang ipakita ang paggalang sa intelektuwal na karapatan ng mga may-akda at upang maiwasan din ang plagiarism na maaaring maglagay sa kanila sa alanganin sa hinaharap RESPONSIBILIDAD NG MANANALIKSIK 3. Humingi ng pahintulot sa mga institusyon at organisasyon kaugnay ng ginagawang pananaliksik. May mga pagkakataon na hindi lamang mga kalahok ang magbibigay ng impormasyon upang masagot ang suliranin ng pananaliksik. Sa katunayan, sa arkaybal na pananaliksik madalas na magiging kasama ng mananaliksik ang museo o mga silid aklatan na repositoryo ng kaalaman. Kaugnay nito, kailangan ng mananaliksik na lumiham sa mga tagapamahala ng mga silid-aklatan o museo na sa tingin niya ay nagtataglay ng mga dokumento para sa kaniyang pag-aaral. RESPONSIBILIDAD NG MANANALIKSIK 4. Huwag manipulahin ang mga datos at maging tapat sa paggamit nito. Layunin ng pananaliksik ang paghahanap ng katotohanan at hindi ng kasinungalingan. Sa pangangalap ng mga datos, mahalagang ipatupad ng mananaliksik ang pagiging tapat sa lahat ng pagkakataon. Ang pag-iimbento ng mga kalahok o pagbabayad dito upang magpanggap ay mariing ipinagbabawal sa etika ng pananaliksik. Mahalaga ring mapangalagaan ng mananaliksik ang mga impormasyong nakalap buhat sa kalahok. Hindi dapat manipulahin ang datos para lamang sumang-ayon ang sagot sa kagustuhan ng mananaliksik. KAHULUGAN NG PLAGIARISM
Batay sa American Historical Association (2005) ang
plagiarism ay nagmula sa salitang Latin na “plagiarius” na nangangahulugang “abdaktor” at salitang “plagiare” na nangangahulugang “pagnanakaw”. Ang pagkuha at pag-angkin sa presentasyon o akda ng iba ay itinuturing na plagiarism na seryosong paglabag sa etika ng pananaliksik. KAHULUGAN NG PLAGIARISM
Sa Academic Code of Conduct ng Concordia
University (2015), binigyang-kahulugan ang plagiarism bilang “pag-akin ng presentasyon ng iba nang walang tamang pagkilala. Kinasasangkutan ito ng pangongopya ng materyal sa salita sa salitang paraan o paraphrasing man mula sa libro, internet, notes, oral o biswal na presentasyon, laboratory reports, at likhang-sining”. KAHULUGAN NG PLAGIARISM
Ayon naman sa University of Oxford (2017) ang
plagiarism ay “pag-akin sa gawa o ideya ng iba, may permiso man o wala, bilang bahagi ng iyong akda na walang pagkilala. Lahat ng nalathala at di pa nalalathalang materyal o akda sa anyo man ng manuskrito, printed man o elektroniko, ay sakop ng depinisyong ito”. ANYO NG PLAGIARISM batay sa Academic Good Practice – A Practical Guide ng Oxford University
1. Salita-sa-salitang pangongopya na walang
malinaw na pagkilala (Verbatim). Tumutukoy ang anyong ito ng plagiarism sa pangongopya ng akda gamit ang salita-sa-salitang pamamaraan na walang malinaw na pagkilala sa sangguniang ginamit. ANYO NG PLAGIARISM batay sa Academic Good Practice – A Practical Guide ng Oxford University
2. Pagpaparapreys nang walang pagkilala sa akda.
Malawak ang sakop ng plagiarism. Sa katunayan, kahit na pinarapreys (pagbabago sa sintaks ng pangungusap subalit pinanatili pa rin ang ideya) na ang impormasyon mula sa isang sanggunian ay maituturing pa rin itong plagiarism kung hindi rin naman kinilala ang sanggunian. Tandaan na hindi sapat ang simpleng pagbabago ng mga salita o pagsasaayos ng mga ito. ANYO NG PLAGIARISM batay sa Academic Good Practice – A Practical Guide ng Oxford University
3. Sabwatan. Ang ganitong anyo ng plagiarism ay
tumutukoy sa di awtorisadong kolaborasyon ng mga mag-aaral o indibidwal na hindi kumilala sa tulong ng isa o hindi sinunod ang patakaran ukol sa paggawa ng mga gawaing panggrupo. Tandaan, responsibilidad ng mananaliksik na tiyaking malinaw sa kaniya ang hangganan ng kolaborasyon sa bahagi ng akda na dapat niyang gampanan. ANYO NG PLAGIARISM batay sa Academic Good Practice – A Practical Guide ng Oxford University
4. Maling pagbanggit at paggamit ng sanggunian. Sa
pagsulat ng pananaliksik, mahalagang kilalanin ang sanggunian sa tamang pamamaraan at iwasan ang pagbanggit ng mga sanggunian na hindi naman nabasa o ginamit sa mismong pag-aaral sapagkat batay sa alituntunin ang ganitong di makatarungang gawain ay maituturing na plagiarism. ANYO NG PLAGIARISM batay sa Academic Good Practice – A Practical Guide ng Oxford University
5. Hindi pagkilala sa lahat ng nagbigay ng
kontribusyon sa pagsasagawa ng pananaliksik. Maging responsable sa pagsulat ng pananaliksik. Mahalagang maitala ng mananaliksik ang lahat ng tumulong sa saliksik magmula sa tagapayo na gumabay, editor ng wika, editor ng nilalaman, hanggang sa mga empleyado ng laboratoryo, museo o silid-aklatan na buong-pusong sa tumulong sa proseso ng pananaliksik. Maituturing na isang anyo ng plagiarism ang hindi pagkilala sa kanila. ANYO NG PLAGIARISM batay sa Academic Good Practice – A Practical Guide ng Oxford University
6. Paggamit ng mga presentasyon na isinulat ng ibang
tao. Itinuturing na plagiarism ang paggamit at pagsusumite ng mga presentasyon o materyal na gawa ng iba kahit pa ito ay may pahintulot mula sa may-akda. Mahalaga na matutuhan ng isang mananaliksik na ang pananaliksik ay dapat sariling likha sapagkat bahagi ito ng pagpapaunlad ng sariling kakayahan. ANYO NG PLAGIARISM batay sa Academic Good Practice – A Practical Guide ng Oxford University
7. Auto-plagiarism. Ang pagpapasang muli ng sariling
parehong akda na ipinasa na sa iba ay maituturing na plagiarism maliban na lamang kung ito ay espesyal na kahingian sa inyong kurso. Sa mga pagkakataong nalathala na ang iyong akda, mahalagang banggitin at kilalanin mo pa rin ito kung gagamitin bilang bahagi ng iyong pananaliksik. PAMAMARAAN UPANG MAIWASAN ANG PLAGIARISM
1. Tamang pagkilala sa lahat ng sangguniang ginamit
sa pag-aaral. Sa ano mang anyo ng pagsulat, mahalagang banggitin at kilalanin ng manunulat o mananaliksik ang lahat ng sangguniang ginamit sa akda. Subalit kung ang impormasyong kinukuha ay batid na ng lahat, ang pagkilala ay hindi na kinakailangan. PAMAMARAAN UPANG MAIWASAN ANG PLAGIARISM
2. Iwasan ang pagkopya ng malaking bahagi ng isang
akda. Bukod sa pagbanggit ng mga sangguniang ginamit sa akda, maiiwasan ang plagiarism kung iiwasan ang pagkopya ng malaking bahagi ng impormasyon sa isang akda. PAMAMARAAN UPANG MAIWASAN ANG PLAGIARISM
3. Paggamit ng Aplikasyong Turnitin. Ang paggamit ng
Turnitin ay malaking tulong upang matiyak na ang isang akda ay ligtas sa plagiarism. Ang Turnitin ay isang web- based application na may kakayahang malaman ang pagkakatulad ng mga impormasyong inilagay sa akda at sa impormasyong makikita sa web. Nagsisilbi itong gabay sa tamang dokumentasyon ng isang akda. PENALTI SA PLAGIARIST Pagbabayad ng (1) danyos, (2) pagkatanggal sa trabaho at pamantasan, at (3) pagkasira ng reputasyon ang ilan sa matinding parusa sa gawaing ito. Halimbawa, kung ikaw ay isang propesor, maaaring ma-ban ka na sa lahat ng research journal dahil sa negatibong imahen na ikaw rin ang lumikha. Gayundin, maaaring hindi ka na imbitahan sa lahat ng kumperensiya o seminar bilang tagapagsalita. Sa kaso ng isang mag-aaral, ang pagpapatalsik sa unibersidad ang pinakamatinding parusa. Sa katunayan, batay sa pag-aaral ng Higher Education Academy at Joint Information Systems Committee sa United Kingdom, 143 na mag-aaral ang napatalsik sa kani-kanilang pamantasan dahil sa plagiarism (Attwood 2008).