a.Ayon sa artikulo, ano ang ideyolohiyang nagpapairal at nagpapalakas ng di pantay na
hatian ng gawain batay sa kasaraian? Ang ideyolohiyang nagpapairal at nagpapalakas ng di pantay na hatian ng gawain batay sa kasarian ay ang ideyolohiyang familism. b. Ipaliwanag ang ideyolohiyang ito? Ito ay ang pagdidikta o pagtuturo sa mga kababaihan na ang kanilang kahahantungan ay ang pagiging ilaw ng tahanan, o di naman kaya'y tagapangalaga ng bahay. Itinuturo rin ng ideyolohiyang ito na ang buong pagkatao at responsibilidad ng isang babae ay nakatuon sa kung papaano siya makakabuo ng tahanan at pamilya. c. Ano-ano ang mga institusyon sa lipunan na nagpapalaganap ng nasabing ideyolohiya? Ang mga institusyon na nagpapalaganap ng ideyolohiyang familism ay ang mga eskwelahan, simbahan, at midya. d.Ano ang dahilan sa maagang paghinto sa pag-aaral ng mga kababaihan? Ang kakulangan sa pinansyal na pantustos sa pag-aaral. Bagamat libre ang edukasyon, may mga kagamitan na kailangan ng estudyante sa kaniyang pag-aaral. At dahil na rin sa kaisipan na ang kahahantungan lamang ng kababaihan ay ang "pag-aasawa", hanggang primarya lamang ang kanilang tinatapos, o di kaya nama'y hindi na nakakapagtapos at napipilitang huminto dahil sa mga dahilang aking binanggit.
e.Paano nakapag-ambag at pina-iral ng primaryang edukasyong inilatag /itinatag ng mga
Amerikano ang pagpapanataili sa mababang posisyon ng kababaihan sa lipunan? Ilahad ang mga konkretong batayan na nabanggit sa artikulo. Itinuturo ng mga paaralan ang magkaibang mga gawain batay sa kasarian ng mga mag- aaral. Halimbawa na lamang ay ayon sa The Board of Educational Survey (288-289), para sa mga kalalakihan sa Grade 4, nararapat na pagtuunang pansin ang pagsasanay sa gardening, poultry raising, basketry, woodworking, pottery, atbp. na nasasabing mahalaga sa komunidad. Samantalang ang kababaihan ay dapat pagsanayan ang garment making ang care of clothing ang household textiles, cooking and food studies, housekeeping, at marami pang iba. Dahil dito, nagkakaroon ng ideya ang mga kababaihan kung ano ang kahahantungan nila sa hinaharap. At dito na sisingit sa kanilang isipan ang ideyolohiyang familism, lalo na't ang resultang hinahangad ng mga paaralan para sa mga kababaihan ay "The girl is a good house keeper and will make a real home."