Պլանավորումը՝ որպես կառավարման կարևորագույն գործառույթ,
հնարավորություն է ընձեռում պարզել կազմակերպության արդեն նվաճված մակարդակը, որոշել զարգացման նպատակը և խնդիրները, հստակեցնել սահմանված նպատակին հասնելու ուղիներն ու մեթոդները: Արևմտյան տնտեսագետների պատկերավոր արտահայտությամբ՝ «պլանավորումը՝ նախօրոք ընդունված որոշումներ են այն մասին, թե ինչ է պետք անել, երբ անել և ով է կատարելու: Պլանավորումը կամուրջ է անցկացնում մեր ներկա և ցանկալի վիճակների միջև»: Կառավարման այս գործառույթի գլխավոր խնդիրը ապագայի անորոշության մեջ կազմակերպության գործունեության նպատակամետ ուղղությունների և դրանց իրացման մեթոդների կանխագուշակումն է: Երբ որոշակիացված է ապագան, ապա կառավարման մյուս գործառույթները՝ կազմակերպումը, մոտիվացիան, վերահսկողությունը, ուղղվում են առաջադրված նպատակի ու խնդիրների կենսագործմանը:
երևույթներն են: Սովորաբար պլանային հաշվարկներին նախորդում է այդ երևույթների փոփոխության կանխատեսումը, որն իրագործվում է որոշակի մեթոդներով, դրանք պայմանավորող գործոնների ազդեցության բազմակողմանի հաշվառումով:
20-րդ դարի 50-ական թվականներից արևմտյան երկրների
ձեռնարկություններում ռազմավարական կառավարումը լայն տարածում ստացավ: Յուրաքանչյուրտն տեսավարող կազմակերպություն իր նպատակներն իրագործելու համար մշակում և կենսագործում է նպատակասլաց ռազմավարություն, որը բովանդակում է արտադրանի անվանակարգի, արտադրության տեխնոլոգիայի ընտրությունից մինչև մրցակցային պայարի միջոցով իրացման շուկաների նվաճմանն ուղղված առավելագույն շահույթ ապահովող ձեռնարկատիրական գործունեություն և ենթադրում է համապատասխան մարտավարություն: Ռազմավարական կառավարմանը նախորդել է հեռանկարային պլանավորումը, որի հիմնական մեթոդը արտարկումն /էքստրապոլյացիան/ էր: Կառավարվող համակարգերի զարգացման, նրանց փոփոխությունների բազմագործոնության աճին զուգընթաց, ակնհայտ դարձավ ներքին ու արտաքին միջավայրի համակողմանի գնահատման, հնարավոր այլընտրանքներից ընտրության անհրաժեշտությունը: Այդպիսով, միայն անցյալում դրսևորված միտումների հաշվառումով կազմակերպության նպատակների ու խնդիրների որոշումը արդեն չի կարող բավարարել մրցակցային շուկայում գոյատևելու պահանջները: Բացի այդ, հեռանկարային պլանավորման դեպքում սահմանվող խնդիրները և դրանց կենսագործումը դիտարկվում են մեծ մասամբ անփոփոխ, կայուն կազմակերպակառուցվածքային ձևերի, աշխատանքի վարձատրության գործող համակարգերի պայմաններում: Մինչդեռ, ռազմավարական կառավարման կարևոր խնդիրներից է ընդունված նպատակային որոշումների և կազմակերպական կառուցվածքների, մոտիվացիոն համակարգերի ու վերահսկողության միջև ճկուն փոխադարձ կապի ապահովումը:
Ցանկացած ժամանակահատվածում նոր արտադրական կարողություն
գործարկելու նպատակով խիստ կարևոր է պարել, թե որ չափով է արտադրության տեխնոլոգիան առաջադիմական, արդյո՞ք այն համապատասխանում է գիտության ու տեխնիկայի ոչ միայն այսօրվա, այլ նաև վաղվա սպասվելիք նվաճումներին, կա՞ արդյոք պահանջ թողարկվելիք արտադրանքի նկատմամբ, ապահովվա՞ծ է արտադրությունը հումքաէներգետիկ և աշխատանային ռեսուրսներով: Հարցերի շարքը կարելի է էլի շարունակել: Լայն առումով, այսինքն՝ երկրի մասշտաբով, հատկապես կարևորվում է տնտեսական ու սոցիալական զարգացման հեռանկարի հիմնահարցը: Ահա թե ինչու, թե յուրաքանչյուր արտադրող և թե՛ երկիր ձգտում են ունենալ իր ապագան նախանշող ռազմավարություն, որում համակարգվում են հայտնի ռեսուրսների պայմաններում գիտության ու տեխնիկայի, տնտեսության, սոցիալական ոլորտի զարգացման հորիզոններ փոխադարձ կապի մեջ:
Տնտեսական աճի անխափանությունն ապահովելու, գիտության ու տեխնիկայի
վերջին նվաճումները հաշվի առնելու և օգտագործելու նպատակով յուրաքանչյուր տնտեսական կազմակերպություն պարզում է զարգացման հեռանկարային խնդիրները, ծրագրում դրանք, այնուհետև նախանշում դրանց իրագործման կոնկրետ ուղիները ըստ տարիների:
Արևմտյան խոշոր ընկերակցությունների 70-80 տոկոսի համար