dragon na nakatira sa Limang Pintuang Dragon na malapit sa Foochow sa katimugan ng Tsina. Sa pook na ito, may palasyong nakatayo na may limang trono para sa limang dragon. Magbuhat nang dumating ang ikaanim na dragon, nagbago na ang lahat. Kailangang umalis ang ikaanim na dragon!" Malungkot na lumangoy ang dragon sa karagatan hanggang sa makita niya ang asul na kalawakan. Di kaginsa-ginsa'y nakita ng dragon ang isang pating. Niyaya ng pating na maglaro siláng dalawa ng hilahan Sa paglalaro nila, nakakuha silá ng lupa sa ilalim ng dagat. Sa madaling salita, ang lupang nakuha nila ay nabuo at naging isla. Sa gitna ng isla ay may mataas na bundok. Doon gumawa ang dragon ng kuweba at ginawa niya itong bahay. Bilang pagwawakas, ang islang ito ang tinatawag natin ngayong Taiwan. Kung nakaririnig ng ugong sa bundok na iyon ang isang magsasaka, iniisip niyang iyon ay ang ingay ng malungkot na dragon. Ang mga salitang italisado ay mga halimbawa ng mga pahayag sa pagsisimula, pagpapadaloy, at pagtatapos ng isang kuwento. Sa mga tekstong nagkukuwento o nagsasalaysay, kailangang may wastong pagkakasunod sunod ang mga pangyayari. Makatutulong nang malaki ang mga pahayag sa pagsisimula, pagpapadaloy, at pagtatapos ng isang kuwento upang magbigay linaw sa anumang paksa ng pagkukuwento o pagsasalaysay, Pagsisimula-Ang mahusay na simula ay mabuti para makuha ang interes ng tagapakinig o ng mambabasa. Dito nabubuo ang larawan at nakikita ang aksiyong magaganap sa isinasalaysay Ang mga pahayag na ginagamit sa pagsisimula • noon • sa pagsisimula • mula • nangunguna • sa umpisa • una sa lahat Pagpapadaloy-Sa bahaging ito, mabuting mapanatili ang kawing kawing na pangyayari at paglalarawang nasimulan.Aabangan kung paano magtatagumpay o magwawagi ang pangunahing tauhan, maiwawasto ang mali o matututo ang katunggaling tauhan habang tumataas ang pangyayayri.Patuloy na gumamit ng mga panlarawang salita upang mapanatili ang interes ng mga mag-aaral sa larawan at aksiyong isinasalaysay. Ang mga pahayag na ginagamit sa pagpapadaloy. • magbuhat nang • dagdag pa rito • hanggang • bukod pa nito • saka • sumunod/kasunod Pagtatapos-Napakahalaga rin ng huling pangyayaring maiiwan sa isipan ng tagapakinig o ng mambabasa. Dito nakapaloob ang mensaheng magpapabuti o magpapabago sa kalooban at isipan ng lahat-na ang kabutihan ang nagwawagi at may kaparusahan ang gumagawa nang masama. Ang mga pahayag na ginagamit sa pagtatapos • bilang pagwawakas • sa kalahatan • sa bandang huli • sa dakong huli • sa wakas • bilang pagtatapos Bumuo ng sariling kuwento tungkol sa Covid-19 gamit ang mga pahayag sa pagsisimula pagpapadaloy at pagtatapos ng kuwento. Gawin ito nang hindi bababa sa limang pangungusap.