FILIPINO
WIKA
ANO BA ANG WIKA?
• Ang wika ay lawas ng mga salita at Sistema
ng paggamit sa mga ito na laganap sa isang
sambayanan na may iisang tradisyong
pangkultura at pook na tinatahanan.
• Hindi magkatulad ang wika at diyalekto.
DIYALEKTO
• Sanga ng isang wika. Halimbawa, may
diyalektong bulakenyo at tayabasin ang
tagalog.
PINAGMULAN/TEORYA NG WIKA
• Ayon kay Whitehead, isang edukador at
Pilosopong Ingles: “Ang wika ay kabuuan ng
kaisipan ng lipunang lumikha nito. “Ibig
ipahiwatig nito na ang wika ay salamin ng
lahi.
• Ang wika ay mga simbolong salita ng mga
kaisipan at saloobin. Ito ay isang behikulo o
paraan ng paghahatid ng ideya o palagay sa
tulong ng mga salita na maaaring pasalita o
pasulat.
• Ayon naman kay Henry Gleason, ang wika ay
isang masistemang balangkas ng sinasalitang
tunog na pinili at isinaayos sa paraang
arbitraryo upang magamit ng mga tao sa
pakikipagtalastasan na nabibilang sa iisang
kultura.
• Ito rin ay kaluluwa ng bansa, pag-iisip ng
isang bayan, kumakatawan sa isang malayang
pagsasama-sama at sa pagkakaisa ng layunin
at damdamin. Ito ay paghahatid ng kaisipan at
damdamin sa pamamagitan ng mga salitang
binibigkas.
• Ang wika ay isang penomenong pumapaloob
at umiiral sa loob ng lipunan at may angking
kakayahang makaimpluwensya, magdikta,
magturo, tumulong, kumontrol, manakot,
pumatay, magpaligaya at lumikha ng isang
realidad sa kanyang ispesipikong kakayahan.
• Ang wika ay maaaring humubog ng ating
pananaw pandaigdig (world view). Kung
titingnan ang wika bilang isang ideolohiya,
maaaring magkaroon ng iba’t ibang
pagpapakahulugan, pagtingin, pag-unawa at
karanasan dahil may kani-kaniyang posisyon
at papel ang indibidwal sa lipunang kanyang
ginagalawan at kinabibilangan.
• Isang disiplinang maituturing ang pag- aaral
sa wika sa loob ng lipunan at ito’y kabilang sa
mga bagay na dapat pagtuunan ng pansin at
pananaliksik, upang mas malinaw nating
mailarawan ang mga kalagayan o katayuan
nito para sa ating ikagagaling bilang
praktisyoner ng wika.
• Ang wikang ginagamit ng isang lipunan ay
maaaring sumailalim sa mga paniniwala nito
at mga karanasan. Maaari tayong hubugin ng
ating wika matapos natin itong mabigyan ng
kahulugan.
• Sa pagsusuri natin sa sinasabi sa isang
okasyon at sa salitang dapat gamitin, pinag-
uukulan natin ng pansin ang kaangkupan ng
ginagamit na wika. Ang mga pormal o
impormal na pulong, pagtatalumpati, kasal,
binyag, pagdarasal, pagtuturo, talakayang
pang-akademiya at iba pang mga okasyon ay
maaaring makabuo ng iba’t ibang diskurso
depende sa kasapatan at kaangkupan ng mga
salitang gagamitin para sa isang partikular na
okasyon.
 FILIPINO
 Sinasalamin ng wika ang lipunang
ating binubuo at kinabibilangan. Ito
ang ginagamit sa pagpapahayag ng
saloobing may pagpapakahulugang
mula sa pag-unawa ng tao sa wika at
mga konseptong kinakatawan nito.
DAGDAG KAALAMAN:
• Ang pagsasaling-wika ay isang sining at
agham. Nangangailangan ito ng masusing
pagsusuri kung paano tutumbasan ng
tumatanggap na wika ang pinakamalapit na
natural na katumbas ng mensahe ng
simulaang wika o tinatawag na source
language. Para kay Almario, sa pagsasalin ay
may dalawang wikang kasangkot: ang
simulaang lenggwahe (source
language),ginamit sa teksto ng orihinal at
tunguhang lenggwahe (target language) na
ginagamit ng tagasalin. Ito ay isang
pagtatangkang palitan ang isang mensahe ng
isang wika nang gayon ding mensahe sa ibang
wika.
• Dapat alam ng tagasalin ang mga dapat
iwasan sa pagsasalin. Ito ay ang pagkakaltas,
paglilipat at pagbabago. Ang karaniwang
suliranin ng tagasalin ay ang katotohanang
taglay ng bawat salita.
• Imposible na ihanap ng eksaktong tumbasan
ang alinmang dalawang wika. Samakatuwid,
walang 100% na kapareho ng orihinal. May
mga tuntunin ding sinusunod sa pagsasalin.
Dapat tandaan na ang wika ay kaugnay ng
kultura.
• Di mo maaaring isalin ang salita na nasa
kontekstong panlipunan dahil ito ay walang
katumbas sa tunguhang wika. Halimbawa, ang
salitang obi ( bahay ng Aprikano) ay ‘di dapat
isalin na “bahaykubo” miski pareho ang
deskripsyon nito. Dapat iramin nang buo ang
salita
TEORYA NG WIKA
Ano ang Kahulugan ng Teorya?
Teorya
• ay isang siyentipikong pag-aaral ng iba’t
ibang paniniwala ng mga bagay-bagay na may
batayan pero hanggang ngayon, hindi pa
napapatunayan ng lubos.
MGA TEORYA NG WIKA
• Teoryang Bow-wow
– Isang teoryang ginagayaang mga
tunog na nililikha ng mga hayop gaya ng tahol
ng aso, tilaok ng manok, atbp.; at ng mga
tunog ng kalikasan kaya ng ihip ng hangin,
patak ng ulan, atbp.
• Teoryang Ding- dong
- Itinutukoy nito ang mga sariling
tunog ng lahat ng bagay sa kapaligiran tulad
ng tsugtsug ng tren o tik-tak ng orasan.
Teoryang Pooh-pooh
- Tinutukoy nito sa mga paggamit ng
bibig, na kung saan nililikha ang mga tunog na
galing sa dala ng emosyon tulad nga saya,
lungkot, galit, atbp.
• Teoryang Sing- song
- Isang teorya na kung saan ang mga
unang salita ay mahaba at musical. Nagmula
sa di mawatasang pag-awit na may melodiya
at tono ng mga sinaunang tao.
• Teoryang Biblikal
- Ito ay mula sa Biblia sa Genesis 11: 1-
8 na nagsasabi na ang buong lupa ay
mayroong iisang wika at iisang mga salita.
 FILIPINO
• Teoryang Yoo He Yo
- Ayon kay A.S Diamond, ang tao ay
natutong magsalita bunga ng kaniyang
puwersang pisikal.
• Teoryang Ta-ta
- Galing sa wikang Pranses, ito ay
nangahulugang paalam sapagkat kapag ang
isang tao ay nagpapaalam, siya ay
kumakampay ang kamay nang pataas o
pababa.
• Teoryang Mama
- Tinutukoy ito sa unang sinabi ng
sanggol, na dahil hindi niya masabi ang
salitang ina o ang Ingles na mother, sinabi
niyang mama kapalit sa mother.
• Teoryang Hey you!
- Ayon sa linggwistang si Revesz,
nagmula ang wika sa mga tunog na
nagbabadya ng pagkakakilanlan (Ako!) at
pagkakabilang (Tayo!). Napapabulalas din
tayo bilang pagbabadya ng takot, galit o sakit
(Saklolo!). Tinatawag din itong teoryang
kontak.
• Teoryang Coo coo
- Tinutukoy nito sa mga tunog na
nalilikha ng mga sanggol na ginagaya ng mga
matatanda bilang pagpapangalan sa mga
bagay-bagay sa paligid.
• Teoryang Babble Lucky
- Ayon sa teoryang ito, nagmula ang
wika sa mga walang kahulugang bulalas ng
mga tao na nasuwertehang nakalikha at
iniugnay sa mga bagay-bagay sa paligid at
tinanggap na ng lipunan at ito ay nagkaroon
ng kabuluhan. Isang halimbawa nito ay ang
salitang "weh”.
• Teoryang Hocus Pocus
- Ayon kay Boree, ang pinanggalingan
ng wika ay tulad ng pinanggalingan ng mga
mahikal o relihiyosong aspeto ng pamumuhay
ng ating mga ninuno. Ito daw ay maaring
nanggaling sa pagtawag nila sa mga hayop sa
pamamagitan ng mahikal na tunog at
kalaunay naging pangalan ng mga iyon.
Teoryang EUREKA
- Sinasabing ang wika daw ay sadyang
inimbento ng ating mga ninuno. Maari daw na
may ideya na sila sa pagpapangalan ng mga
bagay bagay at mabilis itong kumalat sa iba
pang tao. (Boeree/Boree)
• Teoryang La La
- mga salita o sanaysay na may
kinalaman sapaggamit ng mga pang romansa.
Ayun sa teoryang ito, ang pag ibig o
pagmamahal ang syang dahilan at nagtulak sa
mga tao upang makabuo ng salita o wika. Ito
ay pagpwersang gamit ang mga salitang
matatalinghaga na may pagmamahal. Ang
halimbawa ng mga salitang ito ay makikita at
mababasa natin sa mga tula o awitin.
Magagamit ang mga salitang ito sa panliligaw
og may gusto ang tao sa kanyang minamahal.
• Ta-ra-ra-boom-de-Ay
- Likas sa mga sinaunang tao ang mga
ritwal. Sila ay may mga ritwal sa halos lahat
ng gawain tulad ng sa pakikidigma,
pagtatanim, pag-aani, pangingisda,
pagkakasal, pagpaparusa sa nagkasala,
panggagamot, maging sa paliligo at pagluluto.
Kaakibat ng mga ritwal na iyon ay ang
pagsasayaw, pagsigaw at incantationo mga
bulong.
 FILIPINO
KASAYSAYAN NG WIKA WIKANG FILIPINO
Nadama ni Pangulong Manuel L.
Quezon kung gaano kahirap ang di-
pagkakaroon ng isang wikang pambansa
noong siya'y pangulo na. Siya ang pangulo at
kinatawan ng bansang Pilipinas ngunit kapag
naglalakbay sa mga lalawigan at nagsasalita
sa mga Pilipino ay kailangan niya ang isang
interpreter. Nakakausap ang mga tao sa mga
lalawigang katagalugan ngunit kapag
nagpunta siya sa Ilocos Sur ay naging isang
banyaga sa sariling bansa. kung paano ito
nagsimula bilang Tagalog (kung saan umalma
ang mga Bisaya), naging Pilipino, at ngayon
nga ay Filipino na. Isang archipelago ang
Filipinas kung kaya nagkaroon ito ng
maraming katutubong wika. Ang maganda sa
penomenong ito ay nagkaroon din ng kaniya-
kaniyang literatura ang bawat
etnolingguwistikong grupo. Dahil dito,
maraming mulat na mga kritiko katulad ni
Isagani R. Cruz ang nagsasabing “isa sa
pinakamayamang literatura sa mundo ay ang
literatura ng Filipinas." Noon pa mang sinulat
ang 1935 Konstitusyon, nabanggit na ang
pagkakaroon ng wikang pambansa. Nakasaad
sa Artikulo 14 Seksiyon 3 na, “Ang Konggreso
ay gagawa ng mga hakbang tungo sa
pagpapaunlad at pagpapatibay ng isang
wikang pambansa na batay sa isa sa mga
umiiral na katutubong wika."
(Art. 14, Sek. 3) Noong 1936, itinatag
ni Pangulong Manuel Quezon ang Surian
upang mamuno sa pag-aaral at pagpili sa
wikang pambansa. Tungkulin ng Surian na
magsagawa ng pananaliksik,gabay at
alituntunin na magiging batayan sa pagpili ng
wikang pambansa ng Filipinas. Si Jaime de
Veyra ang naging tagapangulo ng komite na
nagsagawa ng pag-aaral, at napili nito ang
Tagalog bilang batayan ng “Wikang
Pambansa." Ipinalabas ni Pangulong Quezon
noong 1937 ang Kautusang Tagapagpaganap
Blg. 134 na nagaatas na Tagalog ang batayan
ng wikang gagamitin sa pagbubuo ng wikang
pambansa.
Dahil sa pagsusumikap ni Pangulong
Quezon na magkaroon tayo ng
wikangpagkakalilanlan, hinirang siyang “Ama
ng Wikang Pambansa." Noong 1940 ipinalabas
ni Pangulong Quezon ang Kautusang
Tagapaganap Blg. 203 na nagpapahintulot sa
pagpapalimbag ng Talatinigang Tagalog-
Ingles at Balarila sa Wikang Pambansa.
Pinasimulan din nito ang pagtuturo ng
Wikang Pambansa sa lahat ng mga paaralan
sa buong bansa. Noong 1959 nagpalabas si
Kagawaran ng Edukasyon Kalihim Jose
Romero ng Kautusang Blg. 7 na nagsasaad na
Pilipino ang opisyal na tawag sa wikang
pambansa. Sa 1973 Konstitusyon noong
kapanahunan ni Pangulong Ferdinand Marcos,
nakasaad sa Artikulo 15 Seksiyon 2 at 3 na
“ang Batasang Pambansa ay magsasagawa ng
mga hakbang tungo sa pagpapaunlad at
pormal na paggamit ng pambansang wikang
Pilipino.
Hangga’t hindi binabago ang batas,
ang Ingles at Pilipino ang mananatiling mga
wikang opisyal ng Pilipinas." Noong panahon
naman ng Rebolusyonaryong Gobyerno sa
ilalim ni Pangulong Corazon C. Aquino muling
binago ang Konstitusyon noong 1987 kung
saan nakasaad sa Artikulo 14 Seksiyon 6 na:
“Ang wikang pambansa ng Pilipinas ay
Filipino. Samantalang nililinang, ito ay dapat
payabungin at pagyamanin pa salig sa umiiral
na wika sa Pilipinas at sa iba pang mga wika."
Mahalaga ang papel ng mga wikang katutubo
sa pagpapayaman ng Filipino, na sa ngayon ay
nagbabago ang anyo. Idinagdag sa alfabetong
galing sa Tagalog ang mga letra na f, j, q, v, at
z
 FILIPINO
TANGGOL WIKA/ ALYANSA NG MGA
TAGAPAGTANGGOL NG WIKANG FILIPINO
Alliance of Defenders of the Filipino
Language
– Ang Alyansa ng mga
Tagapagtanggol ng Wikang Filipino o Tanggol
Wika ang alyansang nangunguna sa
pakikibaka laban sa pagpaslang ng
Commission on Higher Education (CHED) sa
Filipino, Panitikan at Philippine Government
and Constitution subjects sa kolehiyo at
kapatid na organisasyon ng Alyansa ng Mga
Tagapagtanggol ng Kasaysayan (Tanggol
Kasaysayan) na grupong nagtataguyod naman
ng pagkakaroon ng required at bukod na
asignaturang Philippine History/Kasaysayan
ng Pilipinas sa hayskul.
In its founding manifesto, Tanggol Wika
listed the following objectives as its main
advocacies:
1) Retain the teaching of Filipino
language subjects in the new Philippine
General Education Curriculum (GEC) in
college;
2) Revise Commission on Higher
Education (CHED) Memorandum Order 20.
series of 2013; and
3) Use Filipino language as a medium
of instruction in different subjects; and
4) Push for nationalistic education in
the Philippines.
Ano ang CHED Memorandum 20
series of 2013?
Batay sa nasabing memorandum na
ito, ang asignaturang Filipino ay hindi na
ituturo sa mga estudyante pagkatungtong nila
ng kolehiyo kapag naipatupad na ang K-12 na
programa. Nasa memorandum din na ang mga
General Education courses ang ipapatupad sa
pagtuturo ng mga Grade 11 at Grade 12 na
mga estudyante. Kabilang ang asignaturang
Filipino sa nasabing General Education courses
na ito.
Nabuo ang Tanggol Wika sa isang
konsultatibong forum noong Hunyo 21, 2014
sa De La Salle University-Manila (DLSU). Halos
500 delegado mula sa 40 paaralan,kolehiyo,
unibersidad, organisasyong pangwika at
pangkultura ang lumahok sa nasabing
konsultatibong forum. Kasama sa mga
tagapagsalita sa forum na iyon si Dr.
Bienvenido Lumbera, Pambansang Alagad ng
Sining. Ang forum na iyon ay kulminasyon ng
mga nauna pang kolektibong inisyatiba mula
pa noong 2012.
Noong 2015, pinangunahan ng
Tanggol Wika ang pagsasampa ng kaso laban
sa anti-Filipinong CHED Memorandum Order
(CMO) No. 20, Series of 2013, sa Korte
Suprema. Bagamat tuluyang binawi ng Korte
Suprema ang TRO noong 2019, tuloy ang
pakikipaglaban ng Tanggol Wika sa iba pang
arena. Marami-rami pang kolehiyo at
unibersidad ang mayroon pa ring Filipino at
Panitikan, at nakahain na sa Kongreso ang
House Bill 223 upang muling ibalik ang
Filipino at Panitikan bilang mga mandatoring
asignatura sa kolehiyo.
 FILIPINO
MGA GAWAING PANG- KOMUNIKASYON NG
MGA PILIPINO
• TSISMISAN
– Ang tsismis ay tinukoy bilang pinag-
uusapan at sinusuri ang isang tao kapag hindi
sila naroroon. Ngunit maaari naming gamitin
ang tsismis upang malaman ang tungkol sa
mga alituntunin ng pag-uugali sa mga grupo
ng panlipunan at maging mas malapit sa
bawat isa.
Gaya ng lahat ng bansa, mahilig
magtsismisan ang mga Pilipino, ngunit may
mas negatibo na konotasyon ng salitang
tsismis kumpara sa ingles na katumbas nito na
‘gossip’. Ang gossiper ay tumutukoy lamang sa
tao na mahilig makipagkwentuhan o magkalat
ng sikreto ng iba, samantalang ang tismosa ay
kilala bilang sinungaling at mapag- imbento
ng kwento. Paminsan minsan lamang kung
magsabi ng katotohanan ang mga tsismosa/o
at ang mga kwento ay madalas na
exaggerated. –
Karaniwang nilalayuan o iniiwasan
ang mga tsismosa, pero marami rin ang
mahilig makipagkwentuhan sa kanila. Natural
lamang na maintriga ang mga tao sa mga
sikreto at baho ng iba. Ang mali sa pagiging
tsimosa ng mga Pinoy ay ang pangtsitsismis
hango sa inggit, na maaaring nagmumula sa
kakitiran ng isip natin. Ang pangtsitsismis ay
naging pasimpleng paraan na upang
makapanakit sa kapwa at mga kaaway.
Ang mga tsismis ay kadalasang
ginagamit para makasakit at makapanira ng
reputasyon ng ibang tao, o kaya naman ay
husgahan ang kanilang katauhan, kamalian,
at kasalanan. Ang madalas na pinaguusapan
na tsismis sa komunidad ay mga sensitibong
bagay tulad ng sex, pagbubuntis ng mga hindi
kasal o ‘disgrasyada’ , pagiging homoseksuwal,
at pambababae, ngunit pinagtsitsismisan din
ang iba’t-ibang bagay tulad ng estado sa
buhay o kaya naman ay pag-aaral.
TSISMIS VS KATOTOHANAN
Malungkot man sabihin ngunit mas
pinipili ng mga Pilipino ang mga tsismis kaysa
sa katotohanan. Kahit na may mga mangilan
ngilan na hindi naniniwala sa mga tsismis na
naririnig nila, marami pa rin ang naniniwala
sa mga ‘alternative facts’. Kakaonti lamang
ang mga tao na nagtatanong ng totoong
nangyari sa taong pinag-uusapan, at mas
kakaonti pa ang mga tao na sumusubok na
tingnan kung tama ang impormasyon na
kanilang nasasagap.
Hindi na nakagugulat na ang madalas
na paggamit ng social media ay nagdulot ng
malawakang pagkalat ng mga pekeng balita
at tsismis sa bansa. Ang mga Pinoy aymabilis
maniwala sa mga nababasanila online, at
pinagbabasehan laman ang mga likes at
shares para sa kredibilidad. Bihira lamang ang
mga taong inaalam ang katotohanan.
LEGAL NA AKSYON
- Mukha mang simpleng bagay ang
pangtsitsismis, ito ay maaaringmakasama
kung sumobra. Maaari itong makasira ng
reputasyon ng isang tao at lubhang
makaapekto sa kalagayan ngpinag-uusapan.
Ang mga tsismis na naglalayong makasakit ng
tao at nakahahahamak ng dignidad ay
itinuturing na paninirang- puri, at may mga
legal na aksyon na maaaring gawin upang
labanan ito at ipagtanggol ang sarili gaya ng
pagsampa ng kasong libel o slander.
 FILIPINO
Kumonekta sa iyong tagapakinig
- Ang mabisang tsismis ay hindi
lamangtungkol sa iyong sinasabi, o tungkol sa
kanino. Ito ay tungkol sa kung paano mo
itosinasabi. Siyempre, maaari mong gawing
malinaw ang mga benepisyo ng tsismis sa
iyong tagapakinig sa pamamagitan ng
malinaw na pagpapaliwanag kung bakit mo
ibinahagi ang impormasyon. Ngunit ang
pagbabahagi ng partikular na emosyonal na
mga reaksyon sa impormasyon ay
maaaringmakatulong sa iyo na kumonekta sa
iyong tagapakinig at maiwasan ang mga
negatibong reaksiyon. - Ang pagbabahagi
ngnararamdaman mo ay maaaring hikayatin
ang tagapakinig namagreresulta nang higit pa
sa iyong pag-uugali sap ag-uuri.
UMPUKAN
- paggawa ng tao ng isang maliit na
grupo o pangkat, pagtitipon ng mga tao para
sa isang okasyon o pangyayari o sa anong
kadahilanan. - May mga umpukan na
impormal ang talakayan kung saan ang mga
tao ay nagpapalitan ng kuru-kuro o opinyon
tungkol sa isang bagay o paksa. Isang pang
halimbawa ng umpukan ay ang pakikipagtalo
o debate, na maaaring kaswal na usapan
lamang, o maaari rin naming pormal na
pakikipagtalo. Dito makikita natin ang mga
tao ay may kanya- kanyang katwiran batay
sakanilang mga opinyon.
TALAKAYAN
- Ito ay isang karaniwang gawain sa
loob ng klase. Sa pamamagitan ng
pagtatalakayan,nahahasa ang kakayahan ng
mga mag-aaral sa
pagsasalita,pagpapaliwanag at
pangangatwiran.
URI NG PAGTATALAKAYAN
• Impormal na Talakayan
- Ito ay malayang pagpapalitan ng
kuru- kuro hinggil sa isang paksa at walang
pormal na mga hakbang na sinusunod. Ito ay
binubuo ng lima hanggang sampung katao
 Pormal na Talakayan
- Nakabatay sa tiyak na mga hakbang,
may tiyak na mga taong mamamahala at
mamumuno ng talakay. Nakahanda ang mga
sa kanilang paglalahad, pagmamatuwid o
pagbibigay ng kurukuro.
• Pagbabahay-bahay
- isang gawain na nagpupunta sa iba’t
ibang lugar at tirahan upang magsiyasat ng
mga bagaybagay na maaaring makakuha ng
impormasyon. Halimbawa, ng pagbabahay-
bahay ay ang background investigation sa
taong nais bumili ng kotse o mag-loan ng
malaking halaga. Nagsasagawa sila ng
interview upang makakuha ng iba pang
impormasyon, at ma- beripika kung totoo ang
lahat ng iyong isinulat sa kanilang application
form.
• PULONG-BAYAN
- Ito ay pagpupulong ng mga taong
naninirahan sa isang bayan upang pagusapan
ang mga suliranin, hakbang at maging ang
mga inaasahang pagbabago. Ito ay
pamamaraan ng mga Pilipino upang
mapagusapan nang maayos ang mga bagay-
bagay. Dito maaaring sabihin ng mgakalahok
ang kanilang saloobin. Lahat ay binibigyan ng
pagkakataon makapagsalita.
 FILIPINO
MGA EKSPRESYONG LOKAL
- Ito ay ang likas at ordinaryong wika
na naiiba sa anyo at gamit sa lohika at iba
pang uri ng pilosopiya. Ito ay mga parirala o
pangungusap na ginagamit ngmga tao sa
pagpapahayag ngdamdamin o pakikipag-
usap na ang kahulugan ay hindi angliteral na
kahulugan ng bawatsalita at hindi
maiintindihan ng mga ibang taong hindi
bihasa sa lenggwahe. –
HALIMBAWA:
 Manigas ka!
 Bahala na si Batman!
 Susmaryosep!
 Tinamaan ka ngmagaling!
 Dali mo!
 Walanjo o Anak ng ______!
 Sag-ak!
 Lasa ko’y _____!
PANANALIKSIK - PART 1 PANANALIKSIK
KAHULUGAN
• Ayon kay Vizcarra (2003), ang pananaliksik
ay isang sistematiko, kontrolado, empiriko, at
kritikal na pag- imbestiga sa haypotetikal na
pahayag tungkol sa inaakalang relasyon o
ugnayan ng mga natural na penomenon.
Idinagdag nina Atienza (1996), ang
pananaliksik ay matiyaga, maingat,
sistematiko, mapanuri, at kritikal na
pagsisiyasat o pag- aaral tungkol sa isang
bagay, konsepto, kagawian, problema, isyu, o
aspekto ng kultura at lipunan.
• Parehong kaisipan din ang ipinahayag ni
Sauco (1998) na ang pananaliksik ay isang
pamamaraang sistematiko, pormal at
masaklaw na pagsasagawa ng pagsusuring
lohiko at wasto sa pamamagitan ng matiyaga
at hindi apurahang pagkuha ng mga datos sa
mga pangunahing maaaring pagkunan.
Inaayos ang mga ito at pagkatapos ay
sinusulat at iniuulat.Ayon naman kay Sanchez
(1998), ito ay puspusang pagtuklas at
paghahanap ng mga hindi pa
nalalaman.Ipinahayag naman ni Sevilla
(1998), na ang pananaliksik ay paraan ng
paghahanap ng teorya.
• Bilang konklusyon, ang pananaliksik ay isang
sistematiko at siyentipikong proseso ng
pangangalap, pagsusuri, pag- aayos, pag-
oorganisa, at pagpapakahulugan ng mga
datos tungo sa paglutas ng suliranin,
pagpapatotoo ng prediksyon, at pagpapatunay
sa imbensyong nagawa ng tao.
LAYUNIN NG PANANALIKSIK Austero, et al.
(2006)
1. Makadiskubre ng mga bagong kaalaman
2. Makakita ng mga sagot sa mga suliraning
hindi pa ganap na nalutas
3. Maka-develop ng episyenteng instrumento,
kagamitan o produkto
4. Makatuklas ng mga bagong sabstans o
elemento (komposisyon o kabuuan ng isang
bagay)
5. Austero, et al. (2006) Makalikha ng mga
batayan para makapagpasya at makagawa ng
mga polisiya, regulasyon, batas o mga
panuntunan na maaaring gamitin sa iba’t
ibang larangan
6. Matugunan ang kyuryusidad, interes at
pagtatangka ng isang mananaliksik
7. Madagdagan, mapalawak at mapatunayan
ang mga kasalukuyang kaalaman
 FILIPINO
LAYUNIN NG PANANALIKSIK Austero, et al.
(2006) Lartec (2011)
1. Mapaunlad ang sariling kamalayan sa
paligid.
2. Makita ang kabisaan ng umiiral o
ginagamit na pamamaraan at
estratehiya sa pagtuturo at pagkatuto.
3. Mabatid ang lawak ng kaalaman ng
mga mag-aaral sa isang partikular na
disiplina.
KAHALAGAHAN NG PANANALIKSIK
• BENEPISYONG EDUKASYONAL
- Ang pananaliksik ay nakatutulong sa
guro upang magsilbing gabay ang natuklasan
at nang sa gayon ay mapagtagumpayan niya
ang epektibong pagtuturo sa kanyang mga
mag-aaral. Para naman sa mga mag-aaral,
natututo sila sa mga isyu, metodolohiya at
kaalaman sa napili nilang larangan. Gayundin,
kung nagsasagawa sila ng pananaliksik o
nakababasa ng mga resulta ng mga
isinagawang pananaliksik, naisasabuhay nila
ang mga natutuhang konsepto at nahahasa
ang kanilang kasanayan sa paglutas ng
suliranin dahil ang pananaliksik ay pawang
paghahanap ng solusyon sa mga suliranin.
• BENEPISYONG PROPESYONAL
- Ang mag-aaral ay
nakapaggagalugad at nakapaghahanda para
sa kanyang pinapasok na karera dahil sa
nasasanay na siyang magbasa at mag-analisa
ng mga datos na nagbubunga ng pagkakaroon
ng malawak na kaalaman sa kanyang
propesyon.
• BENEPISYONG PERSONAL
- Sa proseso ng pananaliksik,
napapaunlad ng isang mag- aaral ang kritikal
at analitikal na pagiisip na magbubunga ng
kanyang pagiging matatag sa buhay.
Nakakaya niyang tumayong magisa, at
masanay na siya sa paghahanap ng mga datos
bilang tugon sa paglutas ng mga suliranin at
sa mga pagsubok sa buhay.
• BENEPISYONG PAMBANSA
- Sa pamamagitan ng pananaliksik,
natatamo ang pag-unlad ng bansa at
nakatutulong sa pagkakaroon ng matatag na
lipunan tungo sa mabuting pamumuhay para
sa lahat. Maging ang desisyon ng ating mga
pinuno hinggil sa kapakanang pambansa ay
batay sa resulta ng mga isinagawang
pananaliksik.
• BENEPISYONG PANGKAISIPAN
- Nadadagdagan ang kaalaman at
pagkatuto ng isang indibidwal at nahahasa
ang kanyang kaisipan dahil sa natitipon
niyang mga ideya at pananaw.
• BENEPISYONG PANGKATAUHAN
- Sa pakikipanayam at pagtitipon ng
mga datos, nahahasa ang kagalingan ng isang
mag-aaral sa pakikipagkapwa-tao.
Nagbubunga ito ng kahusayan sa pakikibagay
at pakikipag-ugnayan sa iba’t ibang tao.
Bukod dito, nalilinang ang kanyang tiwala at
pagmamalaki sa sarili lalo na kapag
nagampanan niya nang maayos ang
tungkuling hinarap