Pagmamay-ari ng Pamahalan

HINDI PINAGBIBILI Senior High

School

FILIPINO SA PILING LARANG:

TECH VOC
Kuwarter 3 – Modyul 3
Flyers, Leaflets, at Promotional Materials

Kagawaran ng Edukasyon ● Republika ng Pilipinas

Filipino- Ikalabing-dalawang Baitang
Alternative Delivery Mode
Kuwarter 3- Modyul 3: Flyers, Leaflets at Promotional Materials
Unang Edisyon 2020
Isinasaad ng Batas Republika 8293, seksyon 176 na “Hindi maaaring magkaroon ng
karapatang-ari (sipi) sa anumang akda ang Pamahalaan ng Pilipinas.Gayunman, kailangan
muna ang pahintulot ng ahensiya o tanggapan ng pamahalaan na naghanda ng akda kung
ito’y pagkakakitaan. Kabilang sa mga maaaring gawin ng nasabing ahensiya o tanggapan ay
ang pagtakda ng kaukulang bayad.”
Ang mga hiniram na materyales (awit, kuwento, tula, larawan, ngalan ng produkto o brand
names, tatak o trademarks atbp.) na ginamit sa aklat na ito ay sa nagtataglay ng
karapatang-ari ng mga iyon.
Pinagsikapang matunton upang makuha ang pahintulot sa paggamit ng materyales. Hindi
inangkin ng mga tagapaglathala at mga may-akda ang karapatang-aring iyon.
Inilathala ng Kagawaran ng Edukasyon- Dibisiyon ng Cagayan de Oro
Tagapamanihala ng mga Paaralan: Dr. Cherry Mae L. Limbaco, CESO V

Mga Bumubuo ng Modyul para sa Mag-aaral

Manunulat: Jenelin S. Enero, MAFIL at Ma. Angelie A. Bitoon
Mga Tagasuri: Anita M. Gomez, PSDS
Maria Dulce Cuerquiz, MT
Mga Tagaguhit at Nag-layout : Mr. Ryan Roa
Ms. Mary Sieras
Mr. Allan Guibone
Mrs. Alma Sheila Alorro
Mga Tagapangasiwa
Tagapangulo: Dr. Arturo B. Bayocot, CESO III
Panrehiyong Direktor
Pangalawang Tagapangulo: Dr. Victor G. De Gracia Jr. CESO V
Pumapangalawang Panrehiyong Direktor

Cherry Mae L. Limbaco, PhD, CESO V

Tagapamanihala

Alicia E. Anghay, PhD, CESE

Pumapangalawang Tagapamanihala

Mala Epra B. Magnaong, Hepe ES, CLMD

Mga Miyembro: Lorebina C. Carrasco, OIC-CID Chief
Sol P. Aceron, Ph.D, EPS-Filipino
Brenda P. Galarpe, SSP- 1
Marisa D. Cayetuna, P-1
Marisa D. Cayetuna, P-1
Aniceta T. Batallones, MAFIL
Leonor C. Reyes, MAEDFIL
Joel D. Potane, LRMDS Manager
Lanie O. Signo, Librarian II
Gemma Pajayon, PDO II

Inilimbag sa Pilipinas ng
Departamento ng Edukasyon – Dibisiyon ng Cagayan de Oro City
Office Address: Fr. William F. Masterson Ave Upper Balulang Cagayan de Oro
Telefax: (08822)855-0048
E-mail Address: cagayandeoro.city@deped.gov.ph
 Senior High School

FILIPINO SA PILING LARANG:

TECH VOC
Kuwarter 3 – Modyul 3
Flyers, Leaflets, at Promotional Materials

Ang aklat na ito ay magkatuwang na inihanda at sinuri ng mga

edukador mula sa mga publiko at pribadong paaralan, kolehiyo, at / o
unibersidad. Hinihikayat namin ang mga guro at ibang nasa larangan ng
edukasyon na mag-email ng kanilang puna at mungkahi sa Kagawaran
ng Edukasyon sa depeddivofcdo@gmail.com

Mahalaga sa amin ang iyong mga puna at mungkahi .

Kagawaran ng Edukasyon ● Republika ng Pilipinas

 Talaan ng Nilalaman
Para Saan ang Modyul na Ito…………………………………………………………
Ano ang Inaasahan Mo………………………………………………………………..
Paano Mo Matutunan ……………………………………………………………….
Mga Icon Ng Modyul…………………………………………………………………….
Ano ang Nalalaman Mo…………………………………………………………………
Modyul 3
Aralin 3: Flyers, Leaflets at Promotional Materials …………………………1
Balikan …………………………………………………………………………………….2
Tuklasin …………………………………………………………………………………..3
Suriin ………………………………………………………………………………………5
Pagyamanin ………………………………………………………………………………7
Isaisip ………………………………………………………………………………………8
Isagawa …………………………………………………………………………………….9
Tayahin ……………………………………………………………………………………10
Karagdagang Gawain …………………………………………………………………..11
Susi sa Pagwawasto
…………………………………………………………………….12
Sanggunian………………………………………………………………………………..1
3
 Para Saan ang Modyul na Ito

Ang modyul ay isang kagamitan sa pansariling pagkatuto ng mga

aralin sa Filipino sa Piling Larang Teknikal-Bokasyunal (Tech-Voc). Sa
tulong ng mga tiyak na takdang gawain sa pagkatuto ng maayos ang
pagkabuo at kalakip ang nga kaugnay na nakaraang gawain sa pagkatuto
ay inilalahad at itinuturo ang mga aralin.
Tatalakayin dito ang iba’t ibang uri at anyo ng sulating nilinang sa
mga kakayahang magpahayag tungo sa mabisa, mapanuri, at masinop na
pagsusulat sa piniling larangan (Tech-Voc).
Ang bawat aralin, babasahin, gawain at mga pagsasanay sa bawat
serye ay iniangkop ayon sa kakayahan at interes ng mga kabataan upang
matuto sa isang makabuluhan, magkaroon ng analitikal, kritikal at
mapanuring isip upang magiging handa sa pagharap ng mga hamon sa
totoong buhay.

Alamin
Ang araling ito ay magbibigay kaalaman tungkol sa mga sulating
Teknikal-Bokasyunal tulad ng Flyers, Leaflets, at Promotional Materials.
Inaasahan na matapos mabasa ang bahaging ito, ang mga estudyante
ay nakapagsasagawa ng panimulang pananaliksik kaugnay sa kahulugan,
kalikasan, at katangian ng iba’t ibang anyo ng sulating teknikal-
bokasyunal. Kaugnay nito, ang pag-iisa isa ng mga hakbang at mga
katawagang teknikal sa paraang sistematiko at malinaw.

Ano ang Inaasahan Mo

1.Nakapagsasagawa ng panimulang pananaliksik kaugnay ng kahulugan,

kalikasan, at katangian ng iba’t ibang anyo ng sulating teknikal-bokasyunal
(CS_FTV11/12EP-Od-f-42)
2. Naiisa-isa ang mga hakbang sa pagsasagawa ng mga binasang
halimbawang sulating teknikal-bokasyunal
(CS_FTV11/12PB-Og-I-106)
3. Naililista ang mga katawagang teknikal kaugnay ng piniling anyo
(CS_FTV11/12PT-Og-I-94)
4. Naipapaliwanag nang pasalita sa paraang sistematiko at malinaw ang
piniling anyo sa pamamagitan ng angkop na termino
(CS_FTV11/12PS-Oj-I-93)
 Paano Mo Matutunan

Ngayong hawak mo na ang Modyul na ito, gawin ang mga sumusunod:

1. Basahin at sundin ang panuto sa bawat paksa.
2. Itala ang mga kaukulang punto na nangangailangan ng masusing
kasagutan.
3. Gawin ang mga Gawain sa Modyul nang may pag-unawa.
4. Sagutin ang lahat ng mga katanungan sa bawat gawain.

Mga Icon ng Modyul

Alamin Inihanay ang mga layunin sa aralin .Mahalagang
maunawaan ng mga mag-aaral kung ano ang maaasahan
nila sa aralin.
Subukin Panimulang pagtataya o gawain upang matukoy ang lawak
ng kaalaman ng mag-aaral ukol sa tatalakaying paksa.
Balikan Binabalikan ang mga dating kaalaman ng mga magaaral
tungkol sa paksa ng bawat aralin. Mahalagang matukoy ito
upang matiyak na may napadagdag pang kaalaman.
Tuklasin Inilalahad dito ang mismong aralin sa pamamagitan ng
kwento, pagsasanay ,tula, awitin ,sitwasyon at iba pang
paraan .Ginagalugad dito ang mga ideyang magkikintal ng
mahalagang kaisipan.
Suriin Inilalahad dito ang mga tanong sa sumusubok sa
pagkaunawa ng mag-aaral sa aralin.Maaari rin itong
pagtalakay sa paksa.
Pagyamanin Makapagsagawa ang mga mag-aaral ng mga gawaing
magpapatotoo ng kanilang natutuhan. Magtitipon sila ng
kanilang likhang mga sulatin at gawain batay sa natutunan
sa aralin.
Isaisip Patutunayan ng mga mag-aaral ang karunungan at
kaalamang kanyang natutunan sa pamamagitan ng
pagsusulit ,gawain at pagsasanay.
Isagawa Pagtitipon ng mga natamong kaalaman at kasanayan ng
mga mag-aaral sa gawaing replektibo upang mailalapat sa
tunay na buhay
Tayahin Tatayain ang mga mag-aaral ayon sa antas ng pagkatuto
mula sa natamong kasanayan
Karagdagang Mabibigyan ng karagdagang pagsasanay upang malinang
Gawain ang kakayahang pampagkatuto ng mga mag-aaral .
Susi sa Mga kasagutan sa anumang pagtataya,pagsasanay at mga
Pagwawasto Gawain.
 Ano ang Nalalaman Mo

I. IDENTIPIKASYON. Punan ang patlang ng wastong sagot upang mabuo

ang mga pahayag. (2 puntos bawat isa)
1. Ang flyer / leaflet at brochure ay ilang mga halimbawa ng
________________.
2. Isa sa mga pangunahing layunin ng pagsulat ng flyer ang _______________
ng mga mamimili.
3. Ang _______________ ay kadalasang binubuo lamang ng isang pahinang
nagtataglay ng impormasyon tungkol sa isang produkto o serbisyo.
4. Ang _______________ ay kalimitang mas mahabang uri ng promotional
material at may pagkakahati-hati ng mga impormasyong nakalagay rito.
5. Naglalaman ang ______________ ng mas kakaunting teksto at mas
nakatuon sa larawan o ibig iparating na mensahe sa biswal na paraan.

II. ENUMERASYON. Magbigay ng limang bagay na kadalasang matatagpuan

sa mga promotional materials. (2 puntos bawat isa)

III. SANAYSAY. Sagutin ang mga tanong. Ipaliwanag ang sagot gamit ang
mga tinalakay sa buong kabanata. (10 puntos bawat isa)

1. Ano ang kahalagahan ng isang mahusay na promotional material para sa

isang kompanya?

2. Ano ang isang epektibong promotional material para sa iyo?

3. Kung makapagbibigay ka ng isang halimbawa ng huwarang promotional

material sa mga produktong pamilyar sa iyo, sa anong produkto iyon?
Pangatwiranan
 Aralin
3
FLYERS, LEAFLETS, AT
PROMOTIONAL MATERIALS
Baitang : 12 Markahan : Ikatlo
Panahong Igugugol : Unang Linggo

Alamin

Pagkatapos ng araling ito, inaasahang maisasagawa ng mga mag-aaral ang sumusunod:

1. Naiisa-isa ang mga hakbang sa pagsasagawa ng mga binasang

halimbawang sulating teknikal-bokasyunal
(CS_FTV11/12PB-Og-I-106)

Sa araling ito, malalaman ang mga batayang kaalaman sa pagbuo ng flyers,

leaflets, at promotional materials.

Balikan

GAWAIN 1.

PANUTO: Gamitin ang grapikong presentasyon sa pagpapakita ng

pagkakatulad at pagkakaiba ng sulating Manwal at Liham Pangnegosyo,
Flyers, Leaflets at Promotional Materials. Muling magbabalik-tanaw sa
nakaraang aralin. Isulat ang sagot sa loob nito.
PAGKAKATULAD PAGKAKAIBA PAGKAKATULAD
 Pamantayan sa Pagmamarka:
Nilalaman ng Sagot – 10 puntos
Kawastuan sa Gramatika – 5 puntos
Organisasyon ng Ideya – 5 puntos
Kabuuang Puntos - 20 puntos

Tuklasin
Alam mo ba na may iba’t ibang sulating teknikal-bokasyunal? Isa na
rito ang mga sulating naglalaman ng katanungan at kasagutan hinggil sa
produkto o ang mga batayang impormasyong may kinalaman dito. Ano kaya
ang sulating ito? Sagutin mga sumusunod na katanungan.

GAWAIN 2.

PANUTO: Isulat sa patlang ang iyong sagot.

1. Sa palagay mo, bakit mahalagang pag-aralan ang pagsulat ng iba’t ibang

sulating teknikal tulad ng flyers/ leaflets at promotional materials?

2. Ano ang epekto ng paggamit ng flyers, leaflets at promotional materials sa

isang produkto?

Pamantayan sa Pagmamarka:
Nilalaman ng Sanaysay – 10 puntos
Kawastuan sa Kramatika – 5 puntos
Organisasyon ng Ideya – 5 puntos
Kabuuang Puntos - 20 puntos
 Suriin

FLYERS, LEAFLETS AT PROMOTIONAL MATERIALS

Kalimitang ipinamumudmod ang mga flyer/leaflet at promotional

material upang makahikayat sa mga tagatangkilik ng isang produkto o
serbisyo. Bukod pa rito, nagbibigay-impormasyon din ang mga materyales
na ito para sa mga mamimili o kung sinumang makababasa ng mga ito.
Kapansin-pansin din ang pagiging tiyak at direkta ng mga impormasyong
nakasulat sa mga ito. Hindi maligoy ang pagkakasulat at impormatibo sa
mga mambabasa. Ilan sa mga kadalasang nilalaman ng mga flyer/leaflet at
promotional material ay katanungan at kasagutan hinggil sa produkto o ang
mga batayang impormasyong may kinalaman dito.

Karaniwan ding nagtataglay ng mga larawan ang mga ito upang higit
na makita ang biswal na katangian ng isang produkto. Makulay rin ang mga
ito na posibleng makatulong na makahikayat sa mga potensiyal na gagamit
o susubok sa isang bagay na iniaalok o ipinaabot sa mas nakararami.
Posible ring makita ang ilang mga detalyeng may kinalaman sa pagkontak
sa mga taong nasa likod ng pagbuo ng mga nasabing materyales, gayundin
ang kanilang logo. May mga pagkakataon ding pumapasok ang paglalaro sa
mga salita at iba pang pakulo sa paglikha ng mga flyer/leaflet at
promotional material upang lalong tumatak sa mga mamimili ang pangalan
o kaya’y iba pang impormasyon hinggil sa isang produkto o serbisyo.
Makikita ito, halimbawa sa kanilang mga tag line.

KAHULUGAN AT KAIBAHAN…

Ang mga flyer at leaflet ay kadalasang inililimbag sa isang pahina

lamang. Kalimitang ginagamit ang mga ito bilang handout,
ipinamimigay upang maipakilala ang isang produkto o taong
ikinakampanya. Ginagamit din ito bilang pabatid sa mga okasyon o
bilang talaan ng mga impormasyon tungkol sa isang bagong kainan,
pasyalan o produkto, at ibang patalastas.
Ang mga iba pang mga promotional material katulad ng brochure ay
kalimitang mas mahaba sa isang pahina. Kalimitan ding nakatupi ang
mga ito na siyang nagtatakda ng pagkakahati-hati ng mga
impormasyong nakasulat dito. Nagsisilbing gabay ang brochure sa
 mga mamimili dahil naglalahad ito ng higit na detalyadong
paglalarawan sa isang produkto.

Samantala, nagagamit din bilang promotional material ang poster na

kalimitang nasa mas malaking sukat kaysa sa mga naunang
nabanggit na may higit na kaunting salitang nakasulat upang mas
mapagtuunan ng pansin ang biswal na paglalarawang nakalagay rito.
Mahalaga na ang mga flyer at iba pang mga promotional material ay
makatawag-pansin sa mga nakakakita sa nito, nang sa gayon ay
makamit ang layunin nitong makapagbigay impormasyon hinggil sa
isang produkto at makahikayat ng mga taong tatangkilik sa mga ito.
Sabihin ding importante ang disenyo, konsepto, at tekstong nakapaloob
sa gagawing promotional material. Nakaaapekto ito sa pagpukaw ng
atensiyon at sa magiging dating at tatak ng mga ito sa mga makakakita.

PROMOTIONAL MATERIALS

Ang mga promotional material ay nagsisilbing gabay tungkol sa isang

produkto o serbisyo.
Sa pagsulat ng mga promotional material, mahalagang panatilihin ang
pagiging tiyak sa mga impormasyong isusulat dito.
Mahalaga ring tandaang layunin nitong manghikayat kung kaya’t ang
mga impormasyong isusulat dito’y marapat na makatawag-pansin sa
mga makakabasa nito.
Mahalaga rin ang anyo, kulay, teksto, at pagkakabuo ng mga
promotional material Maaaring gumamit ng mga aplikasyon sa
kompyuter para sa mabilis na paggawa ng mga ito.
Kalimitang binubuo ang promotional materials ng pangalan ng
produktong nais ipakilala o ikampanya, mga tiyak na impormasyong
hinggil dito, mga piling larawan upang higit na maging malinaw ang
pagpapakita sa ibig ipatangkilik, tagline, at iba pang mahalagang
impormasyong makatutulong sa layunin ng ginagawang flyer o
promotional material.
Pormal ang kadalasang paggamit ng wika sa pagsusulat ng flyer at
promotional materials at maaaring kakitaan ng mga salitang teknikal
na kinakailangan sa isang partikular na trabaho o larangan.

LEAFLETS

Isang naka-printa na kapat ng papel,minsan nakatupi, naglalaman ng

impormasyon o advertising at karaniwan ay ipinamahagi itong libre.

Katangian at kalikasan
  May biswal na katangian- ang mga biswal ay may iba’t ibang hugis
at disenyo.
 Makulay- gumagamit ng mga kulay sa sulat at mga disenyo.
 May kontak at logo- nakalagay ang mga kontak na numero upang
maari silang tawagan at maaring makipag-ugnayan sa kanila kung
may iba pang mga katanungan.
 May mapaglarong salita- may kasamang mapaglarong salita upang
lalong maging interesado ang mambabasa.

FLYERS

Isang anyo ng papel advertisement na nilayon para sa malawak na

pamamahagi at karaniwang nai-post o ipinamahagi sa isang
pampublikong lugar o sa pamamagitan ng mail.

Katangian at kalikasan

 Tiyak at direkta- sigurado ang mga impormasyon at may direktang

patutunguhan ang bawat salita.
 Hindi maligoy- walang mabulaklak na salitang ginagamit.
 May katanungan at kasagutan- may mga paunang tanong upang
maging interesado ang mga mambabasa at may sagot din sa mga
tanong.

Pagyamanin

GAWAIN 3.

PANUTO: Bilugan ang letra ng tamang sagot.

1. Ang isang sulating teknikal tulad ng mga flyers at iba pang promo
materials ay naglalaman ng ____________.

a. layunin b. pangalan c. trabaho d. tagline

2. Ano ang kadalasang wikang ginagamit sa pagsusulat ng flyers at

promotional materials?

a. kolokyal b. Balbal c. Pormal d. di-pormal

3. Sa pagsulat ng mga promotional materials mahalagang panatilihin ang

pagiging _____________sa mga impormasyong isusulat dito.

a. tiyak b. payak c. maganda d. malawak

4. Isa sa mga katangian ng leaflets ay ang__________________.

a. hindi maligoy c. tiyak at direkta

b. makulay d. may kasagutan at katanungan

5. Ano ang layunin ng leaflets, flyers, at iba pang promotional materials?

a. layuning kumita c. layuning makilala

c. layuning manghikayat d. layuning ipamahagi

GAWAIN 4.

PANUTO: Sagutin ang mga sumusunod na katanungan. (5 puntos bawat

bilang

1. Bakit mahalaga ang mga promotional materials sa isang produkto o

serbisyo?

2. Bakit kailangang tiyak at direkta ang mga impormasyon sa pagbuo ng

leaflets?

3. Sa mga nabanggit na katangian ng promotional materials, alin dito ang

pinakamahalaga para sa iyo? Patunayan.

4. Sa pagsulat ng mga sulating teknikal, ano ang lubos mong natutunan?

Ipaliwanag.
5. Ano ang karaniwang mababasa at makikita sa mga flyers, leaflets, at iba
pang promotional materials?

___________________________________________________________________________
___

Isaisip
GAWAIN 5.

PANUTO: Punan ang patlang sa bawat bilang ng pinakaangkop na salita

upang mabuo ang pangungusap nito.(2 puntos bawat bilang)

1. Ang mga ______________ ay kadalasang inililimbag sa isang pahina

lamang.
2. Ang mga promotional material ay nagsisilbing gabay tungkol sa isang
_________________.

3. Karaniwan ding nagtataglay ng mga ___________ang mga ito upang higit

na makita ang biswal na katangian ng isang produkto.
4. Mahalaga rin ang __________,___________,_________at pagkakabuo ng mga
promotional material.
5. ____________ay isang anyo ng papel advertisement na nilayon para sa
malawak na pamamahagi at karaniwang nai-post o ipinamahagi sa isang
pampublikong lugar o sa pamamagitan ng mail.

GAWAIN 6.

PANUTO: Sagutin at ibigay ang hinihingi sa mga sumusunod:

1. Mag-isip ng isang paksa o produktong ibig gawan ng promotional
material.

2. Mamili ng isang uri ng promotional material na ibig gamitin para sa

naisip na paksa o produkto.

3. Bakit ito ang napiling gawan ng promotional material?

Isagawa

GAWAIN 7.
PANUTO: Gumawa ng aktuwal na promotional material para sa napiling
paksa o produkto. Maaaring gumamit ng kompyuter sa paggawa nito kung
mayroon.(50 puntos)

Pamantayan sa Pagmamarka:
Nilalaman ng Promotional Material – 20 puntos
Kahusayan sa Paggawa – 20 puntos
Pagkamalikhain – 10 puntos
Kabuuang Puntos 50 puntos
 Tayahin

GAWAIN 8. SANAYSAY

Panuto: Sagutin ang mga katanungan sa ibaba.

1. Magbigay ng tatlong mga katangian ng isang mahusay na promotional

material at ipaliwanag.

2. Ano kaya ang posibleng maging epekto ng wastong pagsulat ng

promotional material sa iyong magiging trabaho?

3. Para sa iyo , ano ang isang epektibong promotional material?Patunayan.

4. Ano ang natutuhan mo sa ginawang promotional material?

 Pamantayan sa Pagmamarka:
Nilalaman ng Sagot – 10 puntos
Kawastuan sa Gramatika – 5 puntos
Organisasyon ng Ideya – 5 puntos
Kabuuang Puntos - 20 puntos

Karagdagang Gawain
GAWAIN 9.

PANUTO: Magsasaliksik gamit ang mga libro, internet,o sa isang kompyuter

shop o nagpiprint ng tarpaulin, na gumagawa o may ideya sa paglay-out ng
leaflet. Sa pag-interbyu, itanong ang mga sumusunod na katanungan at
itala ang mga impormasyon.

1. Mayroon bang preperensya sa laki ng font? Sa kulay ng font? Sa itsura ng

font?

2. Mayroon bang preperensya sa larawan na ilalagay?

Pamantayan sa Pagmamarka:
Nilalaman ng Blog – 40 puntos
Kawastuan sa Kramatika – 5 puntos
Organisasyon ng Ideya – 5 puntos
Kabuuang Puntos - 50 puntos
3. May salik ba ang sariling kagustuhan sa itsura ng mga flyer at
promotional material at sa gusto ng nagpapagawa?

Pamantayan sa Pagmamarka:
Nilalaman ng Sanaysay – 10 puntos
Kawastuan sa Kramatika – 5 puntos
Organisasyon ng Ideya – 5 puntos
Kabuuang Puntos - 20 puntos
 Susi sa Pagwawasto
Panimulang Pagtataya

I. IDENTIPIKASYON
1. Promotional materials
2. Makahikayat
3. Flyer / leaflet
4. Brochure
5. Poster

II. ENUMERASYON
a. pangalan ng produkto b. paglalarawan sa produkto c. tagline ng nasabing
produkto o kompanya d. larawan o ilustrasyon e. impormasyon o akses sa
produktong nakalagay sa flyer o promotional material

III. SANAYSAY Pamantayan sa Pagmamarka:

Nilalaman ng sanaysay 10 puntos
Wikang ginamit sa pagsulat 5 puntos
Organisasyon ng sanaysay 5 puntos

GAWAIN1.at 2. Iba-iba ang kasagutan. Gamitin ang Pamantayan sa Pagmamarka

para sa mga gawaing ito
GAWAIN 3.
1. b.
2. c
3. b
4. c.
5. c
GAWAIN 4. . Iba-iba ang kasagutan. Gamitin ang Pamantayan sa Pagmamarka
para sa mga gawaing ito
GAWAIN 5.
1. flyers/leaflets
2. produkto o serbisyo
3. larawan
4. anyo, kulay, teksto
5. flyer/s
GAWAIN 6,7,8, at 9. Iba-iba ang kasagutan. Gamitin ang Pamantayan sa
Pagmamarka para sa mga gawaing ito
Sanggunian
https://www.slideshare.net/mrblueoflds/ang-teknikalbokasyunal-na-sulatin-sa-filipino-sa-
piling-larang?next_slideshow=1
https://www.google.com/search?
q=katangian+ng+leaflets+flyers&sxsrf=ALeKk01vLHyuObOk_JxCNO--
1025SVDboQ:1592532867109&tbm=isch&source=iu&ictx=1&fir=OzEOWAq4antUqM
Brainly.ph
Corazon L. Santos, et al ,Filipino sa Piling Larang Tech-Voc Patnubay ng Guro
Para sa mga katanungan o puna, sumulat o tumawag sa:

Department of Education – Bureau of Learning Resources (DepEd-BLR)

DepEd Division of Cagayan de Oro City

Fr. William F. Masterson Ave Upper BalulangCagayan de Oro
Telefax: ((08822)855-0048
E-mail Address: cagayandeoro.city@deped.gov.ph