Gülleýän gül açýan gözel Diýarymyz öz taryhyndaky beýik baýramçylygyň
mukaddes Garaşsyzlygymyzyň şanly 30 ýyllyk toýynyň uly dabaralar bilen bellenip geçilýän günlerinde ýene-de bir ýakymly pursady başdan geçirdi. Baýramçylyk mynasybetli Arkadag Prezidentimiz halkyna “Garaşsyzlyk- bagtymyz” atly ajaýyp täze kitabyny sowgat berdi. Hormatly Prezidentimiziň jöwher paýhasyndan syzylyp çykan bu kitap baky bagtymyza buýsanjyň egsilmez beýanydyr. Ol 13 bölümden ybarat bolup, türkmen, iňlis we rus dillerinde çap edildi. Milli Lidermiziň dürdäne eserinde ata-babalarymyzyň ençeme asyrlap arzuw eden ýurt Garaşsyzlygy mukaddesligi we onuň halkymyza eçilen mieleri anyk maglumatlaryň hem-de owadan fotosuratlaryň üsti bilen giňden açylyp görkezilýär. Beýik alym şahyr Döwletmämmet Azady, akyldar şahyr Magtymguly Pyragy hem öz eserlerinde türkmen halkynyň özbaşdak döwlet bolmagyny arzuwlap: Gurdugym aslynda bilgil bu zeminiň myhydyr, Erer ol erkin mydam, budur türkmen binasy..... - diýip öran jaýdar aýdypdyr. “Garaşsyzlyk-bagtymyz” atly kitap hem ata- babalarymyzyň keramatly jümlelerini “Budur türkmen binasy” diýmek bilen dünýä äşgär edýär. Arkadag Prezidentimiziň “ Garaşsyzlyk-bagtymyz” atly ajaýyp kitabyny halkyna peşgeş bermegi biz – ýaşlaryň hem-de külli türkmen halkynyň göwün guşuny al-asmana göterdi. Ýörän ýaly ýörelge, sözlän sözi görelde Arkadagymyzyň döwlet galamyndan, ýiti zehininden syzylyp çykan şeýle ajaýyp atalyk kitaplarynyň birnäçesini halkymyza sowgat bermegi biz ýaşlara hem nusga alarlyk görelde mekdebi bolup, gündelik ýan kitapçamyza öwrülýär. Biz ýaşlara döwrebap ýokary okuw jaýlarynda bilim alyp, hünär derejämizi has-da kämilleşdirmäge edýän atalyk aladalary üçin Arkadag Prezidentimize baky minnetdarlygymyzy bildirýäs. Goý, Gahryman Arkadagymyzyň jany sag, başy dik, il-ýurt bähbitli, dünýä ähmiýetli tutuş adamzat ämiýetli alyp barýan beýik işleri mundan bu ýanada rowana menzillerde rowaçlyklara beslensin.