Professional Documents
Culture Documents
Panalangin sa Araw-araw
O Lubhang-maawaing Hesus! tagapagligtas ng mundo, bukal ng lahat ng biyaya at awa,
pinagmumulan ng lahat ng kagalingan ng tao, at ama ng lahat ng kaliwanagan, ako’y
nagpapatirapa, sumasamba’t nanalig na Ikaw ay Diyos na totoo, bugtong na Anak ng Ama, at
tunay na Anak ni Maria, buong kababaang-loob kitang pinupuri, at kinikilala ko ang Iyong
kaawaan, ang Iyong pag-ibig, at ang Iyong masigasig na kawanggawa para sa tao, at hinihiling
ko sa Iyo alang-alang sa Kabanal-banalan Mong Ngalan at sa Iyong Banal na Pagkabata na ako’y
pagkalooban Mo ng Iyong biyaya at ang hinihingi ko sa pagsisiyam na ito, kung ito’y sa
ikagagaling ng kaluluwa ko at sa lalo Mong kaluwalhatian. Amen.
Unang Araw
O Kaganda-gandahang Hesus! Na ang walang-tulad Mong kagandahan ay nakahahalina sa puso
ng mga taong nakamamalas sa iyo. Sinasamba kita sa kasamahan ng koro ng mga Angeles, na
walang-hupang nagnanais na makamalas sa Iyong mukha. Hinihiling ko sa Iyo na maibalik sa
amin ang Iyong kagandahan at mabihag nito ang aming mga puso, upang ibigin Ka namin nang
walang maliw sa buhay na ito, at sa gayo’y matamasa namin ang kagandahan Mo sa
kaluwalhatiang walang hanggan. Amen.
Ikalawang Araw
O Napakamaawaing Hesus! Na sa dakila Mong kaawaan ay naparito Ka sa Pilipinas, upang
protektahan, kupkupin, at pangalagaan ang mga nananahan dito bilang Kapitan-Heneral nila.
Sinasamba kita sa kasamahan ng koro ng mga Arcangeles, na iniukol ng Iyong kapangyarihan na
magtanggol sa mga bayan. Hinihiling ko sa Iyo na pangalagaan Mo ang aking kaluluwa at
patibayin ito sa mga kabanalan, nang kung makapagwagi ito sa tatlo niyang kaaway, ang mundo,
ang demonyo at ang katawan, ay makamit nito ang Iyong pakikipagkaibigan, ang Iyong biyaya at
ang Iyong kaluwalhatian. Amen.
Ikatlong Araw
O Katamis-tamisang Hesus! Na sa malaki Mong pag-ibig sa tao, ay lagi kang lumalapit sa kanila
nang may inspirasyon at tulong, upang maihatid sila sa pagkakilala sa Iyo. Sinasamba kita sa
kasamahan ng mga makapangyarihang espirito ng koro ng mga Principados, na pinagtagubilinan
ng Iyong kapangyarihan sa pangangalaga ng mga kaharian, upang humantong sila sa pagkakilala
ng Iyong kabanalan. Hinihiling ko sa Iyo, na ang lahat ng di-nakakaalam ng mga kautusan mo ay
mapabilang sa Simbahang Katolika, at kaming lahat ay pagkalooban Mo ng pananatiling walang
katapusan sa pananampalataya sa Iyo, nang kung matapos ang buhay namin ay kamtan namin
ang ligaya ng kaluwalhatian. Amen.
Ikaapat na Araw
O Napakalakas na Hesus! Na sa liwayway ng matuwid Mong aral, na pumapawi sa kadiliman ng
kamang-mangan at ng kailaliman, ay nagliwanag sa puso ng mga naninirahan sa mga kapuluang
ito. Sinasamba kita sa kasamahan ng koro ng mga Potestades, na pinagbigyan ng kadakilaan Mo
ng dakilang kapangyarihan laban sa mga kapangyarihan ng kadiliman. Hinihiling ko sa Iyo, na
kami ay lagi Mong lapitan sa aming pangangailangan, taglay ang liwayway ng Iyong biyaya at
ng makapangyarihan Mong kamay. Amen.
Ikalimang Araw
O Lubhang-makapangyarihang Hesus! Na ang kadakilaan Mo ay nababanaag sa mga himalang
ginawa Mo at pinamalas sa mga kapuluang ito. Sinasamba kita sa kasamahan ng banal na koro
ng mga Virtudes, na pinagkalooban ng kalakhan Mo, ng dakilang kapangyarihang gumawa ng
mga himala, para sa Iyong karangalan at kaluwalhatian. Hinihiling ko sa Iyo, nang buong
kababaang-loob, na ipagkaloob Mo, na ang kaluluwa ko’y madagdagan ng mga kabanalan at
karapatan, nang ito’y lumigaya sa walang hanggang kaluwalhatian. Amen.
Ika-anim na Araw
O Kabanal-banalang Hesus! Hari ng mga hari at Panginoon ng mga panginoon, na nanaig sa
puso ng mga tao. Sinasamba kita sa kasamahan ng koro ng mga Dominaciones, na nakahanda at
mapagkumbabang sumusunod sa Iyong kapangyarihan. Hinihiling ko sa Iyo, na ako’y laging
sumunod sa mga tinig na ipinupukaw Mo sa aking puso, at kung ako’y makapanaig sa aking mga
hilig, ay makamit ko ang Iyong biyaya, nang ako’y maging marapat lumigaya sa kaluwalhatiang
walang hanggan. Amen.
Ikapitong Araw
O Kataas-taasang Hesus! Na sa kaawaan Mo’y tumahan Ka sa Simbahang ito, na sa ilalim ng
Kabanal-banalan mong Pangalan ay itinayo dahilan sa masidhing debosyon sa Iyo, sa
ikagiginhawa ng mga nananahan sa mga kapuluang ito. Sinasamba kita sa kasamahan ng mataas
na koro ng mga Tronos, na pinagbigyan ng kalakhan Mo ng isang dakilang kalinisan at
kabanalan, nang sila’y maging karapat-dapat sa Iyong walang hanggang kabanalan. Hinihiling
ko sa Iyo, na ang kaluluwa ko’y pagkalooban Mo ng dakilang kalinisan sa kabanalan, nang
mangyaring tahanan Mo siyang walang hanggan, sa pamamagitan ng biyaya. Amen.
Ikawalong Araw
O Kapantas-pantasang Hesus! Na pinagkalooban mo ng karunungan ang mga misyonero sa mga
kapuluang ito nang kanilang maipakilala sa mga nananahan sa kaniya ang kaalaman sa
Relihiyong Katolika. Sinasamba kita sa kasamahan ng marurunong na koro ng mga Querubines,
na pinagyaman ng kadakilaan Mo ng karunungan. Hinihiling ko sa Iyo na kami’y bigyan mo ng
kaliwanagan at karunungan, nang Ika’y aming kilalanin, papurihan at dakilain sa buhay na ito, at
pagtapos, sa kaluwalhatiang walang hanggan. Amen.
Ikasiyam na Araw
O Lubhang-masintahing Hesus! Na ang pag-ibig Mo’y malinaw na naipakita sa kaagarang
pagtulong Mo sa mga pangangailangan ng mga namimintuho sa Iyo. Sinasamba kita sa
kasamahan ng masintahing koro ng mga Serafines, na nagliliyab sa kalinis-linisang pag-ibig Mo,
at nag-aalay sa Iyong kadakilaan ng lubos na pag-ibig. Hinihiling ko sa Iyo na pagliyabin mo ang
aking puso, sa matamis na liyab ng Iyong pag-ibig, kung saan ako’y mamumuhay at mamamatay
nang makamtan ko ang kaligayahan sa kaluwalhatiang walang hanggan magpakailan man.
Amen.
Pangwakas na Panalangin
O Hesus na Katamis-tamisan! Amang tunay na mapagmahal, na kumakalinga sa mga
namimintuho sa Iyo sa mga kapuluang ito ng Pilipinas, at binibigyan mo sila ng lahat ng
kanilang pangangailangan. Hinihiling ko ng buong kapakumbabaan at nagpapatirapa sa paanan
ng Iyong kadakilaan, na pagkalooban Mo ng kapayapaan at pagkakasundo ang mga Haring
Kristiyano, na talikuran ng mga herejes ang kanilang mga kamalian, na kilalanin ng mga di-
binyagan ang Iyong kadakilaan, na magpakasakit ang mga makasalanan, at ang walang-
hanggang kapahingaan para sa mga kaluluwa sa purgatoryo, at sa kalahatan, ang Iyong biyaya, at
ang tanging hinihiling namin sa pagsisiyam na ito, kung ito’y sa ikagagaling namin, at sa lalo
Mong kapurihan at kaluwalhatian. Amen.
Dalit sa Sto.Nino
Mapanghila sa sinta mo
Mapang-ibig na totoo.
Sa pagloob sa siyudad
Ay nasumpong ka sa kaban
At sa iyo nasunduan
Ang kaban ng kaawaan
At sa pagkatotoo mong lunas
Sa hirap ng tao.
Tulungi...
Bahay na kinakitaan
Niño sa iyong liwayway
Mga sundalo’y naglakbay
At kanilang pinaroonan
Doon ay ang mga tao
Tuwang lubos na nagtamo.
Tulungi...
Tulungi...
Tulungi...
Tulungi...
Tulungi...
Tulungi...
Tulungi...
Mapanghila sa sinta mo
Mapang-ibig na totoo.
PANALANGIN