Professional Documents
Culture Documents
Lënda:Qytetari
Klasa VIII-A
Tema:Kultura shqiptare
PUNOI:DEA DOKO
Fusha e Myzeqesë në lashtësi quhej Gylakea, sipas emrit të komandantit grek që pushtoi
Apoloninë dhe më vonë, në lashtësinë e vonë dhe Mesjetën e hershme quhej Fusha e Savrës
(Saura). Më vonë mori emrin e sotëm Myzeqe nga familja fisnike të Muzakajve, e cila ka qenë
sundimtare e kësaj krahine gjatë shekujve të XIV dhe XV. Edhe në një dokument tjetër
venedikas të 13 qershorit të vitit 1382 përmendet për herë të parë Kulla e Pirgut në jug
të Karavastasë. Ishte Nikolla Muzaka ai, që e pa të nevojshme ndërtimin e një fortifikimi të tillë
për të mbrojtur skelën lumore me të njëjtin emër, Skela e Pirgut të Myzeqesë.
Jo shumë larg qytetit te Lushnjes ngrihet Manastiri mesjetar i Ardenicës. Ku kultura dhe
antikiteti ndërthurën në të gjithë strukturën e kishës duke e kthyer atë në një ansambël
arkitektonik mbresëlënës. Po nuk janë vetëm këto, pranë qytetit ruhen dy ura të vjetra
përkatësisht të shek XII dhe XV. Lehtësisht të vizitueshme. Sakaq pranë autostradës Lushnjë-
Fier ngrihen Kishat mesjetare të Krutjes, Bishtqethmit, Kadipashaj, Toshkëzit, Bubullimës etj.
Lushnja ka tre muze. Muzeu Historik, Shtëpinë Muze "Kongresi i Lushnjës". Muzeun kushtuar
Dëshmorëve të Lushnjës. Po ashtu në qytet ka edhe shumë momente të realizmit socialistë
mjaft të kërkuar nga tursitët amerikan, çek dhe gjerman.
Këtu ndodhet Parku Arkeologjik më i madh i vendit, dhe mund të shihni nga afër disa prej
rrënojave më mbresëlënëse të antikitetit në Shqipëri, ku spikat Qendra Monumentale
me Buleterionin e famshëm. Oktavian Augusti shkollohej pikërisht këtu përpara se të bëhej
Perandori i parë i Romës. E sikur të mos mjaftonin rrënojat apo objektet e rralla të mijëra viteve
më parë, krishtërimi ka lënë gjurmët e veta në majë të kodrës, përmes Manastirit dhe Kishës së
Shën Mërisë.
237 metra mbi nivelin e detit e vetëm 8 km larg Lushnjës ndodhen kodrat e Ardenicës, të
njohura për Manastirin e famshëm e peizazhet e jashtëzakonshme. Dyshohet se shumë
përpara ndërtimit të Manastirit, aty gjendej një tempull pagan kushtuar Artemisës, prej nga do të
rridhte dhe emri Ardenicë.
Shumë pranë qytetit të Fierit apo Ballshit ndodhet një tjetër park arkeologjik tejet i rëndësishëm,
ai i qytetit më të madh në Ilirinë e jugut, Bylisit. Nga shekulli i IV-t para Krishtit (që konsiderohet
dhe periudha e themelimit) e deri në shekullin e V-të pas Krishtit, në Bylis u ndërtuan disa
objekte madhështore të cilat kanë mbërritur deri më sot përmes rrënojave,si rrënojat e teatrit,
stadiumit, dy shëtitoreve, banesave të ndryshme, si dhe një pjesë të trashëgimisë
paleokristiane.
Parku I Karavastase është një ‘qytet’ i vërtetë ujor, me plot 228 lloje të ndryshme zogjsh që
popullojnë gjithë zonën. I përbërë nga katër laguna (Karavasta, Godulla, Godulla e Pishës,
Spiaxho), Parku falë vendndodhjes strategjike është i pasur me një larmi speciesh ku rol të
veçantë zë simboli i parkut, pelikani kaçurrel (dalmat), që bën pjesë dhe në listën e shpendëve
në ruajtje. Por shpendët janë vetëm një prej arsyeve se përse duhet vizituar parku. Pylli me
pisha i Divjakës, Ishulli i Kularit, Dunat e Oazit të Divjakës Ishulli i Pelikanit, Kordoni litoral i
Lagunës apo Pisha e Egër 400 vjeçare, janë disa prej monumenteve natyrore që ofrojnë
peizazhe të mrekullueshme .
Në vitin 1961 Berati u shpall zyrtarisht qytet muze, me pasuri të konsiderueshme monumentesh
dhe me vlera të larmishme për nga gjinitë, të cilat përbëjnë një dëshmi të trashëgimisë
kulturore, historike e artistike, të jetës e të punës, të realizuara mjeshtërisht brez pas brezi nga
banorët e tij. Nga zonifikimi dhe nga përcaktimi i kategorisë së monumenteve qyteti ndahet në
tri zona : zona muze, zona e mbrojtur dhe zona e lirë. Kalaja e Beratit,me themelet e saj ilire, e
rindërtuar disa herë në shekujt VI, XIII, XV dhe XIX ajo është sot jo vetëm një nga kështjellat më
të mëdha të banuara, por edhe një arkiv i gurtë që ofron varietete stilesh dhe kontributesh të
epokave të ndryshme: ilire, romako-bizantine, shqiptare e turke.
Nga Fieri është romancieri i njohur Jakov Xoxa, kryevepra e të cilit, “Lumi i vdekur” konsiderohet si
një sagë reale e Myzeqesë. Të tjerë personalitete mund të përmendim: antropologun Jakov Milaj;
arkitektin Sokrat Mosko, gjuhëtarët Xhevat Lloshi dhe Jani Thomai, piktorin Vilson Kilica, shkrimtarin
Nasho Jorgaqi, aktorët Albert Vërria dhe Luftar Paja, sportistët si Bardhyl Angjeli e Kujtim Majaci,
apo Miço, Vlashi dhe Marika Kallamata etj.
Personalitete te Beratit