ANG KAPISTAHAN NG 8.
Magdasal para sa mga intensyon ng Santo Papa (1
BANAL NA AWA
“Hangad Kong ang Kapistahan ng Awa ay maging
kanlungan at silungan ng lahat ng tao, lalo na sa kaawa-
awang mga makasalanan..... Ang taong mangungumpisal
at tatanggap ng Banal na Komunyon ay magkakamit ng
lubos na kapatawaran sa mga kasalanan at ng
kaparusahan. Hangad Kong mataimim itong ipagdiwang
sa unang Linggo matapos ang Pasko ng Muling
Pagkabuhay. Hindi makakamit ng tao ang kapayapaan
hangga't hindi ito dumudulog sa Bukal ng Aking Awa.”
wika ni Jesus kay Sta. Faustina sa kanyang diary, # 699.
Kay laki ng pag-ibig at awa sa atin ng Panginoon na
madadama natin sa Kanyang mga katagang isinulat ni Sta.
Faustina. Subalit hindi lamang sa pagno-nobena,
pangungumpisal at pagtanggap ng Komunyon ang hinihiling
Niya sa atin bilang paghahanda sa Kapistahan ng Awa. Gusto
rin ng Panginoon na namumuhay tayo nang may pagmamahal
at awa sa kapwa. Sabi nga Niya sa Ebanghelyo, “Mapalad
ang mga mahabagin sapagkat kahahabagan sila ng Diyos.”
(Mt 5:7) Wika pa rin Niya sa Diary, “Mahigpit Kong hinihingi
ang mga gawain ng awa mula sa iyo na magmumula sa
pag-ibig sa Akin.” (diary #742) Upang marapat nating
ipagdiwang ang Kapistahan ng Awa, gawin natin ang mga
sumusunod :
1. Ipagdiwang ang Kapistahan sa ikalawang Linggo ng
Pasko ng Pagkabuhay ;
2. Tunay na magsisi at talikuran ang mga kasalanan;
3. Ibigay ang buong pananalig kay Jesus;
4. Mangumpisal sa araw o bago dumating ang kapistahan;
5. Mangumunyon sa araw ng kapistahan;
6. Pagpitaganan ang imahen ng Banal na Awa;
7. Maging mahabagin sa kapwa - sa gawa, salita at mga
panalangin para sa kanila. Maging mapagpatawad;
Sumasampalataya Ako, 1 Ama Namin, 1 Aba Ginoong Maria at
1 Luwalhati para sa 'Plenary Indulgence').
ANG NOBENA SA
BANAL NA AWA
“ Ninanais kong sa loob ng siyam na araw ay dalhin
mo ang mga tao sa bukal ng Aking awa, upang makasalok
sila doon ng lakas at pamatid-uhaw at anumang grasyang
kailangan nila sa mga kahirapan ng buhay, at lalung-lalo
na sa oras ng kamatayan.” wika ni Jesus kay Sta. Faustina.
(diary #1209)
Biyernes Santo noon ng taong 1937, nang hilingin ni Jesus
kay Sta. Faustina na magnobena bago dumating ang
Kapistahan ng Awa, mula Biyernes Santo hanggang sa
susunod na Sabado (9 na araw na magkakasunod). Si Jesus
mismo ang nagsabi ng mga intensyon para sa bawat araw. Sa
pamamagitan ng isang natatanging panalangin, dadalhin niya
sa Kanyang Puso ang iba’t-ibang mga kaluluwa sa bawat araw
at ilulubog sila sa karagatan ng Kanyang awa, magsusumamo
sa Ama - sa pamamagitan ng bisa ng Pasyon ni Jesus - para
sa mga grasya para sa kanila.
Katulad ni Sta. Faustina, gayon din ang gagawin natin
bilang paghahanda sa Kapistahan ng Awa.
PANALANGIN SA ALAS TRES NG HAPON
“Pumanaw Ka, Hesus, subalit ang Bukal ng Buhay ay
bumalong para sa mga kaluluwa at ang karagatan ng Awa
ay bumugso para sa sanlibutan. O Bukal ng Buhay, Walang
Hanggang Awa ng Diyos, yakapin Mo ang sangkatauhan at
ibuhos Mong ganap ang Iyong Sarili para sa aming lahat.”
(#1319)
1
 “O Banal na Dugo at Tubig, na dumaloy mula sa Puso ni
Hesus bilang Bukal ng Awa para sa aming lahat, ako ay
nananalig sa Iyo.” (3x) AMEN.
. Mahabaging Puso ni Jesus.
I. PANALANGIN NG PAGSISISI
Diyos ko, ako’y nagsisisi nang buong puso dahil sa aking
mga kasalanan sa paggawa ng masama at pagkukulang sa
paggawa ng kabutihan. Nagkasala ako laban sa Iyo na dapat
kong mahalin nang higit sa lahat. Sa tulong Mo, sisikapin kong
magbabago at iiwasan ang anumang naghahatid sa akin sa
kasalanan.
II. NOBENA
Unang Araw
Winika ng Panginoong Jesus kay Sta. Faustina : Sa araw
na ito, dalhin mo sa Akin ANG BUONG SANGKATAUHAN,
LALO NA ANG LAHAT NG MAKASALANAN at ilubog sila sa
karagatan ng Aking Awa. Sa ganitong paraan, mapaglulubag
mo ang Aking kalooban na nalubog sa matinding kapighatian
na dulot ng mga tao na nawalay sa Akin.
PANALANGIN :
Lubhang Maawaing Jesus, na ang katangiang likas ay ang
maging maawain sa aming lahat, at kami ay mapatawad,
huwag Mong tingnan ang aming mga kasalanan kundi ang
aming pagtitiwala na iniaalay namin sa Iyong Walang
Hanggang Kabutihan. Tanggapin kaming lahat sa tinahanan ng
Iyong Lubhang Mahabaging Puso, at huwag Mo kaming
hayaang mawalay dito. Isinasamo namin ito sa Iyo sa
pamamagitan ng Iyong Pag-ibig na nag-uugnay sa Iyo sa Ama
at sa Banal na Espiritu.
Amang Walang Hanggan, ibaling Mo ang Iyong maawaing
pagtingin sa buong sangkatauhan, at lalo na sa mga kaawa-
awang makasalanan, na nakapaloob lahat sa Lubhang
Alang-alang sa Kanyang
matinding Paghihirap, ipakita sa amin ang Iyong habag, upang
kami ay makapagbigay puri sa walang hanggang
kapangyarihan ng Iyong Awa magpakailanman. Amen.
(Dasalin ang Chaplet ng Banal na Awa at iba pang mga
panalangin mula sa p.6)
Ikalawang Araw
Winika ng Panginoong Jesus kay Sta. Faustina, Sa araw
na ito, dalhin mo sa Akin ANG LAHAT NG MGA PARI AT
RELIHIYOSO at ilubog sila sa Aking Di-malirip na Awa. Sila
ang nagbibigay sa Akin ng lakas upang mabata ang Aking
mapait na pagpapakasakit. Sa pamamagitan nila ay tila
umaagos sa sangkatauhan ang daluyan ng Aking Awa.
PANALANGIN :
Lubhang Maawaing Jesus, na siyang pinagmumulan ng
lahat ng mabuti, dagdagan Mo ang Iyong pagpapala sa mga
lalaki at babaeng itinalaga sa Iyong paglilingkod, upang
maisakatuparan nila ang mga nararapat na gawaing bunsod ng
awa; at ang lahat ng makakita nito ay magbigay puri sa Banal
na Ama ng Awa.
Amang Walang Hanggan, ibaling Mo ang Iyong maawaing
pagtingin sa kalipunan ng mga hinirang sa Iyong bukirin - sa
mga pari at mga relihiyoso. At gawaran sila ng katatagan ng
Iyong pagpapala. Sa pag-ibig ng Puso ng Iyong Anak na kung
saan sila'y nakapaloob, ibahagi sa kanila ang Iyong lakas at
liwanag, upang magabayan nila ang iba sa daan ng kaligtasan.
At may pagkakaisa ng tinig na umawit sila ng papuri sa Iyong
2
walang hanggang Awa sa lahat ng panahon
magpakailanman. Amen.
(Dasalin ang Chaplet ng Banal na Awa at iba pang mga
panalangin mula sa p.6)
Ikatlong Araw
Winika ng Panginoong Jesus kay Sta. Faustina, sa araw
na ito, dalhin Mo sa Akin ANG LAHAT NG MGA BANAL AT
MATAPAT NA TAO at ilubog sila sa karagatan ng Aking Awa.
Sila ang nagpapalubag ng Aking loob sa Daan ng Krus. Sila'y
tila patak ng kaaliwan sa gitna ng isang karagatan ng kapaitan.
Lubhang Maawaing Jesus, mula sa taguang-yaman ng
Iyong Awa, ibinabahagi Mo ang Iyong mga pagpapala nang
buong kasaganaan sa bawat isa at sa lahat. Tanggapin kami
sa tinatahanan ng Iyong Lubhang Mahabaging Puso at huwag
kaming hayaang mawalay doon. Isinasamo namin ang
biyayang ito sa Iyo alang-alang sa lubhang kamangha-
manghang pag-ibig para sa Amang sumasalangit at matinding
nagpapaalab ng Iyong Puso.
Amang Walang Hanggan, ibaling Mo ang Iyong maawaing
pagtingin sa mga matapat na tao, tulad ng ipinamana Mo sa
Iyong Anak. Alang-alang sa Kanyang matinding Paghihirap,
pagkalooban Mo sila ng Iyong Pagpapala at paligiran sila ng
Iyong patuloy na pangangalaga. Sa gayon, huwag nawa silang
mabigo sa pagmamahal o mawalan ng yamang dulot ng
pananampalatayang banal. Sa halip, kasama ng lahat ng
hukbo ng mga Anghel at mga banal, purihin nawa nila ang
Iyong Di-malirip na Awa sa habang panahon at
magpakailanman. Amen.
(Dasalin ang Chaplet ng Banal na Awa at iba pang mga
panalangin mula sa p.6)
Ikaapat na Araw
at
Winika ng Panginoong Jesus kay Sta. Faustina: Sa araw
na ito, dalhin Mo sa Akin ANG MGA HINDI NANINIWALA SA
DIYOS AT MGA HINDI PA NAKAKIKILALA SA AKIN. Nasa
isip ko rin sila noong Ako ay nasa hapis at naghihirap, at ang
kanilang ipakikitang alab sa hinaharap ang nagbigay-lugod sa
Aking Puso. Ilubog mo sila sa karagatan ng Aking Awa.
PANALANGIN :
Lubhang Maawaing Jesus, Ikaw ang liwanag ng buong
sanlibutan. Tanggapin sa tinatahanan ng Iyong Lubhang
Mahabaging Puso ang mga tao na di naniniwala sa Diyos at sa
mga hindi pa nakakikilala sa Iyo. Tulutang magliwanag sa
kanila ang sinag ng Iyong biyaya upang sila rin, kasama
naming lahat, ay kumilala sa Iyong kamangha-manghang Awa.
At huwag Mo silang hayaang mawalay mula sa tinatahanan ng
Iyong Lubhang Mahabaging Puso.
Amang Walang Hanggan, ibaling Mo ang Iyong maawaing
pagtingin sa mga hindi naniniwala sa Iyo at sa mga hindi pa
nakakikilala sa Iyo ngunit nakapaloob sa Lubhang Mahabaging
Puso ni Jesus. Akitin sila sa liwanag ng Ebanghelyo. Hindi nila
nalalaman ang malaking kasiyahan kapag ikaw ay minahal.
Ipagkaloob na sila man ay kumilala sa kagandahang-loob ng
Iyong awa sa habang panahon at magpakailanman. Amen
(Dasalin ang Chaplet ng Banal na Awa at iba pang mga
panalangin mula sa p.6)
Ikalimang Araw
Winika ng Panginoong Jesus kay Sta. Faustina : Sa araw
na ito, dalhin Mo sa Akin ANG MGA NAGLAYO NG
KANILANG SARILI SA AKING SIMBAHAN at ilubog sila sa
karagatan ng Aking Awa. Noong Ako'y nasa matinding
Paghihirap, hinati nila ang Aking Katawan at Puso, na walang
3
iba, kundi Simbahan. Sa kanilang pagbabalik sa pakikiisa sa
Simbahan, gumagaling ang Aking mga sugat at sa gayo'y
pinagagaan nila ang Aking Paghihirap.
PANALANGIN :
Lubhang Maawaing Jesus, Ikaw ang kabutihan. Hindi Mo
itinatanggi ang liwanag sa mga naghahanap nito sa Iyo.
Tanggapin sa tinatahanan ng Iyong Mahabaging Puso ang mga
naglayo ng kanilang sarili sa Iyong Simbahan. Akitin sila sa
pamamagitan ng Iyong Liwanag tungo sa pagkakaisa ng
Simbahan. At huwag silang hayaang mawalay mula sa
tinatahanan ng Iyong Lubhang Mahabaging Puso, ngunit
pangyarihin Mo na sila rin ay makapagbigay-puri sa
kagandahang-loob ng Iyong Awa.
Amang Walang Hanggan, ibaling Mo ang Iyong maawaing
pagtingin sa mga naglayo ng kanilang sarili sa Simbahang
itinatag ng Iyong Anak, sila na nag-aksaya ng Iyong mga
biyaya at ginamit sa di-wasto ang Iyong mga Pagpapala dahil
sa katigasan ng ulo at manatili sa kanilang mga pagkakamali.
Huwag Mo pong tingnan ang kanilang mga kamalian kundi ang
pag-ibig ng Iyong Anak at ang Kanyang matinding Paghihirap
na Kanyang tiniis alang-alang sa kanila. Dahil sila rin ay
nakapaloob sa Kanyang Lubhang Mahabaging Puso.
Ipagkaloob na sila rin ay kumilala sa kagandahang-loob ng
Iyong Awa sa habang panahon at magpakailanman. Amen.
(Dasalin ang Chaplet ng Banal na Awa at iba pang mga
panalangin mula sa p.6)
Ikaanim na Araw
Winika ng Panginoong Jesus kay Sta. Faustina : Sa araw
na ito, dalhin Mo sa Akin ANG MGA TAONG MAAMO AT
MABABANG-LOOB AT MGA BATANG PASLIT at ilubog sila
sa Aking Awa. Sila ang pinakamalapit na wangis ng Aking
Puso. Sila ang nagpalakas sa Akin habang Ako ay nasa
matinding paghihirap. Nakita Ko sila bilang mga Anghel sa
lupa, na laging nagbabantay sa Aking mga dambana. Ibinuhos
Ko sa kanila ang malakas na agos ng biyaya. Tanging ang
mga may kababaang-loob ang may kakayahang makatanggap
ng Aking biyaya. Ginagawaran Ko ng Aking pagtitiwala ang
mga taong may kababaang-loob.
PANALANGIN :
Lubhang Maawaing Jesus, Ikaw ang tahasang nagsabi,
"Mag-aral kayo sa akin sapagkat ako ay maamo at mababang-
loob." Tanggapin sa tinatahanan ng Iyong Lubhang
Mahabaging Puso ang lahat ng maamo at mababang-loob at
ang mga batang paslit. Sila ang nagdudulot ng matinding
kagalakan sa kalangitan, at sila ang mga itinatangi ng Amang
Banal. Sila ang matamis na halimuyak na pumpon ng bulaklak
sa harapan ng Diyos. Nalulugod ang Diyos sa kanilang
halimuyak. Sila'y may palagiang tahanan sa Iyong Lubhang
Mahabaging Puso, O Jesus, at walang humpay silang umaawit
ng mga imno ng pag-ibig at awa.
Amang Walang Hanggan, ibaling Mo ang Iyong maawaing
pagtingin sa mga maamo, at sa mga mababang-loob, at sa
mga batang paslit na nakapaloob sa tahanan na walang iba
kundi ang Lubhang Mahabaging Puso ni Jesus. Sila ang may
pinakamalapit na hawig sa Iyong Anak. Ang kanilang
halimuyak ay pumapailanlang mula sa lupa at umaabot sa
Iyong pinaka-trono. Ama ng Awa at ng lahat ng Kabutihan,
sumasamo ako sa Iyo alang-alang sa pag-ibig Mo sa mga ito,
at sa kaaliwang idinudulot nila sa Iyo : Basbasan Mo ang
buong sanlibutan, upang ang lahat ng tao ay sama-samang
umawit ng mga papuri sa Iyong Awa sa habang panahon at
magpakailanman. Amen.
(Dasalin ang Chaplet ng Banal na Awa at iba pang mga
panalangin mula sa p.6)
4

Ikapitong Araw
Winika ng Panginoong Jesus kay Sta. Faustina : Sa araw
na ito, dalhin Mo sa Akin ANG MGA TAONG GUMAGALANG
AT NAGPUPURI SA AKING AWA at ilubog sila sa karagatan
ng Aking Awa. Sila ang nagdusa ng lubos sa Aking Paghihirap
at pumasok sa kaloob-looban ng Aking espiritu. Sila ang mga
buhay na larawan ng Aking Lubhang Mahabaging Puso. Sila ay
magliliwanang nang may natatanging ningning sa kabilang
buhay. Wala isa man sa kanila ang hahantong sa apoy ng
impiyerno. Ako ang magtatanggol sa bawat isa sa kanila sa
oras ng kamatayan.
PANALANGIN :
Lubhang Maawaing Jesus, na ang Puso ay walang iba
kundi Pag-ibig, tanggapin sa tinatahanan ng Iyong Lubhang
Mahabaging Puso ang mga natatanging nagpupuri at
gumagalang sa kadakilaan ng Iyong Awa. Sila ay may lakas
na dulot ng Kapangyarihan ng Diyos. Sa gitna ng lahat ng mga
pasakit at mga kalaban, sila'y susulong nang may tiwala sa
Iyong Awa. At kaisa Mo, O Jesus, pasan-pasan nila sa kanilang
mga balikat ang buong sangkatauhan. Hindi sila hahatulan ng
mabigat, subalit yayakapin sila ng Iyong Awa sa paglisan mula
sa buhay na ito.
Amang Walang Hanggan, ibaling Mo ang Iyong maawaing
pagtingin sa mga taong nagpupuri at gumagalang sa Iyong
pinakadakilang katangian, na walang iba kundi ang Iyong di-
malirip na awa at mga taong nakapaloob sa Lubhang
Mahabaging Puso ni Jesus. Sila ang buhay na Ebanghelyo.
Ang kanilang kamay ay tigib ng mga gawa ng awa, at ang
kanilang puso ay nag-uumapaw sa kagalakan ay umaawit sa
Iyo ng Pagpuring-awit ng Awa, O Kataas-taasan!
Nagsusumamo ako sa Iyo, O Diyos : Ipakita Mo ang Iyong Awa
ayon sa pag-asa at tiwalang inilalaan nila sa Iyo. Magkaroon
nawa ng kaganapan sa kanila ang pangako ni Jesus, na
nagwika sa kanila na habang sila'y nabubuhay at lalo na sa
oras ng kanilang kamatayan, Siya sa Kanyang kaluwalhatian
ang magtatanggol sa mga taong magbibigay-galang sa
Kanyang Di-malirip na Awa. Amen.
(Dasalin ang Chaplet ng Banal na Awa at iba pang mga
panalangin mula sa p.6)
Ikawalong Araw
Winika ng Panginoong Jesus kay Sta. Faustina : Sa araw
na ito, dalhin Mo sa Akin ANG MGA KALULUWANG
NAKAHIMPIL SA PURGATORYO at ilubog sila sa kailaliman
ng Aking Awa. Tulutang ang malakas na agos ng Aking Dugo
ang magpalamig sa kanilang nakapapasong ningas. Silang
lahat ay lubos Kong minamahal. Sila ang nagbabayad-puri sa
Aking katarungan. Nasa iyong kapangyarihan ang bigyan sila
ng ginhawa. Kunin ang lahat ng mga kapatawaran mula sa
kabang-yaman ng Aking Simbahan at ialay ang mga ito para sa
kanila. O, kung alam Mo lamang ang mga pasakit na kanilang
pinagdurusahan, patuloy mo silang aalayan ng limos ng espiritu
at babayaran ang kanilang Pagkakautang sa Aking Katarungan.
PANALANGIN :
Lubhang Maawaing Jesus, Ikaw ang tahasang nagsabi na
nais Mo ay awa; kaya aking dinadala sa tinatahanan ng Iyong
Lubhang Mahabaging Puso - ang mga kaluluwa sa Purgatoryo,
mga kaluluwang malapit sa Iyo, ngunit gayunpaman ay
nangangailangang magbayad-puri sa Iyong katarungan.
Hayaang ang mga batis ng Dugo at Tubig na dumaloy mula sa
Iyong Puso ang pumaram sa mga ningas ng apoy ng
5
Purgatoryo, upang doon din ay maipagdiwang ang
kapangyarihan ng Iyong awa.
Amang Walang Hanggan, ibaling Mo ang Iyong maawaing
pagtingin sa mga kaluluwang nagdurusa sa Purgatoryo, na
nakapaloob sa Lubhang Mahabaging Puso ni Jesus.
Sumasamo ako sa Iyo, alang-alang sa nakahahapis na
Paghihirap ni Jesus na Iyong Anak, at alang-alang sa lahat ng
kapaitan na dumarang sa Kanyang Kabanal-banalang Puso :
Ipakita ang Iyong Awa sa mga kaluluwang nasa ilalim ng Iyong
makatarungang pagsusuri. Tingnan Mo sila, hindi sa ibang
paraan kundi sa pamamagitan ng mga Sugat ni Jesus na Iyong
Pinakamamahal na Anak; dahil lubos ang aming paniniwala na
walang hangganan ang Iyong kabutihan at pagkahabag. Amen.
(Dasalin ang Chaplet ng Banal na Awa at iba pang mga
panalangin mula sa p.6)
Ikasiyam na Araw
Winika ng Panginoong Jesus kay Sta. Faustina : Sa araw
na ito, dalhin Mo sa Akin ANG MGA TAONG NANLALAMIG at
ilubog sila sa kailaliman ng Aking Awa. Sila ang sumusugat ng
napakasakit sa Aking Puso. Ang espiritu Ko'y dumanas ng
nakatatakot na pagkasuya sa Hardin ng Olibo dahil sa mga
taong nanlalamig. Sila ang dahilan ng Aking palahaw: "Ama,
alisin Mo ang kalis na ito, kung loloobin Mo." Para sa kanila,
ang huling pag-asa ng kaligtasan ay ang tumakbong palapit sa
Aking Awa.
PANALANGIN :
Lubhang Mahabaging Jesus, Ikaw ang kabuuan ng Habag.
Dinadala ko ang mga taong nanlalamig sa tinatahanan ng
Iyong Lubhang Mahabaging Puso. Sa apoy na ito ng Iyong
Wagas na Pag-ibig, tulutang ang mga taong ito na nanlalamig,
na parang mga bangkay, at nagdulot sa Iyo ng malalim na
pagkasuya, ay muling mapag-alab. O Lubhang Mahabaging
Jesus, gamitin ang walang hanggang kapangyarihan ng Iyong
awa. At akitin Mo sila sa kainit-initan ng Iyong pag-ibig, at
pagkalooban Mo sila ng biyaya ng banal na pag-ibig, sapagkat
walang hihigit sa Iyong kapangyarihan.
Amang Walang Hanggan, ibaling Mo ang Iyong maawaing
pagtingin sa mga taong nanlalamig, na kabilang rin sa
nakapaloob sa Lubhang Mahabaging Puso ni Jesus. Ama ng
Awa, sumasamo ako sa Iyo na alang-alang sa matinding
Paghihirap ng Iyong Anak at alang-alang sa Kanyang tatlong-
oras na pagdurusa sa Krus: Tulutan Mong sila rin ay magbigay-
puri sa kailaliman ng Iyong Awa. Amen.
(Dasalin ang Chaplet ng Banal na Awa at iba pang mga
panalangin mula sa p.6)
CHAPLET NG
III.
BANAL NA AWA
(Gumamit ng rosaryo, sa unang tatlong butil, dasalin ang 3
magkakasunod na panalangin)
Namumuno : Ama namin, sumasalangit Ka, sambahin ang
ngalan Mo, mapasaamin ang kaharian Mo; sundin ang loob
Mo dito sa lupa para nang sa langit.
Lahat : Bigyan Mo kami ngayon ng aming kakanin sa araw-
araw at patawarin Mo kami sa aming mga sala para nang
pagpapatawad namin sa nagkakasala sa amin, at huwag Mo
kaming ipahintulot sa tukso, at iadya Mo kami sa lahat ng
masama. Amen.
Namumuno : Aba, Ginoong Maria! Napupuno ka ng grasya,
ang Panginoong Diyos ay sumasaiyo, bukod kang pinagpala sa
babaing lahat, at pinagpala naman ang iyong Anak na si Jesus.
6
Lahat : Santa Maria, Ina ng Diyos, ipanalangin mo kaming
makasalanan, ngayon at kung kami’y mamamatay. Amen.
Lahat : Sumasampalataya ako sa Diyos Amang
Makapangyarihan sa lahat, na may gawa ng langit at lupa.
Sumasampalataya ako kay Jesu-Kristo, iisang Anak
ng Diyos, Panginoon nating lahat. Nagkatawang-tao Siya
lalang ng Espiritu Santo. Ipinanganak ni Santa Mariang Birhen.
Pinagpakasakit ni Poncio Pilato, ipinako sa krus, namatay,
inilibing. Nanaog sa kinaroroonan ng mga yumao. Nang
may ikatlong araw nabuhay na mag-uli. Umakyat sa langit,
naluluklok sa kanan ng Diyos Amang Makapangyarihan sa
lahat. Doon magmumulang paririto at huhukom sa
nangabubuhay at nangamatay na tao.
Sumasampalataya naman ako sa Diyos Espiritu Santo, sa
banal na Simbahang Katolika, sa kasamahan ng mga banal, sa
kapatawaran ng mga kasalanan, sa pagkabuhay na muli ng
nangamatay na tao at sa buhay na walang hanggan. Amen.
(sa mga nag-iisang butil, dasalin ang sumusunod)
Namumuno : Ama na Walang Hanggan, iniaalay ko po sa Iyo
ang Katawan at Dugo, Kaluluwa at Pagka-Diyos ng
Kamahal-mahalan Mong Anak na si Jesu-Kristo, na aming
Panginoon at Manunubos,
Lahat : para sa ikapagpapatawad ng aming mga sala at sa
sala ng buong sansinukob.
( sa mga tig-sampung butil, dasalin ng 10x
panalanging sumusunod)
Namumuno : Alang-alang sa mga tiniis na Hirap at
Kamatayan ni Jesus,
Lahat : Kaawaan Mo po kami at ang buong sansinukob.
(bilang pangwakas, dasalin ng 3x ang sumusunod)
Lahat : Banal na Diyos, Banal na Puspos ng Kapangyarihan,
Banal na Walang Hanggan, maawa po Kayo sa amin at sa
buong sansinukob.
AMEN.
Namumuno : Manalangin tayo.
Lahat : Ama na Walang Hanggan, na walang katapusan ang
awa, at walang pagkaubos a ng kaban ng habag, tunghayan
Mo kami ng may pagmamahal at dagdagan ang Iyong awa sa
amin, upnag sa mga sandali ng kagipitan, di kami mawalan ng
pag-asa o masiraan ng loob, sa halip ay isuko ang aming
sarilinang buong pananalig sa Iyong banal na kalooban, na siya
ring Pag-ibig at Awa. (950) Amen.
IV. MGA PAPURI SA BANAL NA AWA
(Ang Pag-ibig ng Diyos ay ang bulaklak - ang bunga ay ang
Awa!)
(Tulutang basahin ng nag-aalinlangan ang mga dapat-
bigyang pansin tungkol sa Banal na Awa ng Diyos, upang sa
gayo'y maging mapagtiwala.)
Namumuno : Banal na Awa ng Diyos, na dumadaloy mula sa
kalooban ng Ama,
Tugon : Ako’y nananalig sa 'Yo. (Ito ang inyong
ang
isasagot sa bawat papuri.)
Namumuno : Banal na Awa ng Diyos, na Iyong
pinakadakilang katangian,
Namumuno : Banal na Awa ng Diyos, na hiwagang di maarok,
Namumuno : Banal na Awa ng Diyos, na bukal na daluyan
buhat sa hiwaga ng Kabanal-banalang Tatlong Persona sa
Iisang Diyos,
7
Namumuno : Banal na Awa ng Diyos, na di masayod ng
anumang kaisipan ng tao man o ng anghel,
Namumuno : Banal na Awa ng Diyos, na siyang
pinanggagalingan ng lahat ng buhay at kaligayahan,
Namumuno : Banal na Awa ng Diyos, na higit pa sa
kalangitan,
Namumuno : Banal na Awa ng Diyos, na bukal ng mga
himala at hiwaga,
Namumuno : Banal na Awa ng Diyos, na sumasakop sa
buong kalawakan,
Namumuno : Banal na Awa ng Diyos, na bumaba sa lupa sa
katauhan ng Salitang-Naging-Tao,
Namumuno : Banal na Awa ng Diyos, na bumugso mula sa
bukas na sugat ng Puso ni Jesus,
Namumuno : Banal na Awa ng Diyos, na nakapaloob sa
Puso ni Jesus para sa amin, at lalu na sa mga makasalanan,
Namumuno : Banal na Awa ng Diyos, na di-masayod sa
pagkakatatag ng Banal na Katawan ni Jesus,
Namumuno : Banal na Awa ng Diyos, na nasa pagtatatag ng
Banal na Simbahan,
Namumuno : Banal na Awa ng Diyos, na nasa sakramento
ng Banal na Binyag,
Namumuno : Banal na Awa ng Diyos, na nasa pagwawalang-
sala sa amin sa pamamagitan ni Jesu-Kristo,
Namumuno : Banal na Awa ng Diyos, na umaalalay sa amin
sa aming buong buhay,
Namumuno : Banal na Awa ng Diyos, na yumayakap sa amin
lalu na sa oras ng kamatayan,
Namumuno : Banal na Awa ng Diyos, na nagkakaloob sa
amin ng walang hanggang buhay,
Namumuno : Banal na Awa ng Diyos, na umaalalay sa amin
sa bawat sandali ng aming buhay,
Namumuno : Banal na Awa ng Diyos, na nagsasanggalang
sa amin sa apoy ng impiyerno,
Namumuno : Banal na Awa ng Diyos, na nasa pagbabalik-
loob ng mga nagmamatigas na makasalanan,
Namumuno : Banal na Awa ng Diyos, na kamangha-mangha
sa mga Anghel, at di maarok ng mga Banal,
Namumuno : Banal na Awa ng Diyos, na di masayod sa lahat
ng mga misteryo ng Diyos,
Namumuno : Banal na Awa ng Diyos, na nag-aangat sa amin
sa bawat pighati,
Namumuno : Banal na Awa ng Diyos, na bukal ng aming
kasiyahan at kagalakan,
Namumuno : Banal na Awa ng Diyos, na tumatawag sa amin
mula sa kawalan patungo sa pag-iral,
Namumuno : Banal na Awa ng Diyos, na yumayakap sa lahat
ng ginawa ng Kanyang mga kamay,
Namumuno : Banal na Awa ng Diyos, na korona ng lahat ng
Iyong mga nilikha,
Namumuno : Banal na Awa ng Diyos, na siyang aming
pinaglubugang lahat,
8

Namumuno : Banal na Awa ng Diyos, na matamis na
kaginhawahan para sa mga namimighating puso,
Namumuno : Banal na Awa ng Diyos, na tanging pag-asa ng
mga nawawalan nito,
Namumuno : Banal na Awa ng Diyos, na kapahingahan ng
mga puso, at kapayapaan sa gitna ng takot,
Namumuno : Banal na Awa ng Diyos, na kaluguran at lubos
na kasiyahan ng mga banal na kaluluwa,
Namumuno : Banal na Awa ng Diyos, na nagpapaalab ng
pag-asa laban sa nawawalan nito.
V. PANALANGIN PARA SA BIYAYA NA MAGING
MAAWAIN SA KAPWA
O Kabanal-banalang Tatlong Persona sa iisang Diyos!
Kasing dalas ng aking paghinga, kasing dami ng pagtibok ng
aking puso, kasing limit ng pagdaloy ng dugo sa aking buong
katawan, libu-libong dami na aking hangaring purihin ang
Iyong awa.
Nais kong ganap na mabago nang naaayon sa Iyong awa at
maging Iyong buhay na larawan, O Panginoon. Tulutan Mong
ang pinakabanal sa lahat ng Iyong katangian, na walang iba
kundi ang Iyong di-masayod na awa, ay dumaan sa aking puso
at kaluluwa patungo sa aking kapwa.
Tulungan Mo ako, Panginoon, na ang aking mga mata ay
maging maawain, upang hindi ako mag-alinlangan o humatol
sa panlabas na kaanyuan, kundi tumingin sa kung ano ang
maganda sa aking kapwa at tulungan silang mailigtas.
Tulungan Mo ako, na ang aking mga tainga ay maging
maawain, upang matugunan ko ang mga pangangailangan ng
aking kapwa, at hindi maging manhid sa kanilang sakit at
paghibik.
Tulungan Mo ako, O Panginoon, na ang aking dila ay
maging maawain, upang hindi ako magsalita ng makasisira sa
aking kapwa, kundi ng mga salitang nagbibigay-lugod at
pagpapatawad sa lahat.
Tulungan Mo ako, O Panginoon, na ang aking mga kamay
ay maging maawain, at mapuno ng mabubuting gawa, upang
ang gawin ko lamang ay ang mabuti para sa aking kapwa, at
akuin sa aking sarili ang mga gawaing higit na mahirap at
nakapapagod.
Tulungan Mo ako, na ang aking mga paa ay maging
maawain, upang madaliin ko ang pagtulong sa kapwa-tao, at
malabanan ang aking pagod at agam-agam. Ang aking tunay
na kapahingahan ay nasa paglilingkod sa aking kapwa.
Tulungan Mo ako, O Panginoon, upang ang aking puso ay
maging maawain, upang aking madama ang lahat ng
paghihirap ng aking kapwa. Hindi ko ipagkakait ang aking puso
kaninuman. Magiging tapat ako kahit na sa mga inaakala
kong magmamalabis sa aking kabutihan. At ipipiit ko ang aking
sarili sa Lubos na Maaawaing Puso ni Jesus. Tahimik kong
papasanin ang aking pansariling pagpapakasakit. Nawa ang
Iyong awa, Panginoon, ang manahan sa akin.
Ikaw ang nag-utos sa akin na magsanay sa tatlong antas
ng awa. Ang una ay ang gawa ng awa, sa anumang uri nito.
Ang ikalawa ay ang salita ng awa - na kung sakaling hindi ko
maisasakatuparan ang gawa ng awa, ako ay tutulong sa
pamamagitan ng aking pananalita. Ang pangatlo ay kung
sakaling hindi ko maipakikita ang aking awa sa pamamagitan
ng mga gawa at salita, mayroon akong laging maaaring gawin
sa pamamagitan ng panalangin. Mararating ng aking
panalangin ang kahit anumang hindi mararating ng aking
katawan.
9
 O aking Jesus, panibaguhin Mo ako ayon sa Iyong Sarili, ang bawat patak ng aking dugo ay dumaloy para sa Iyo,
sapagkat Ikaw lamang ang makagagawa ng lahat ng bagay. Panginoon. Ang aking kaluluwa ay isang awit ng papuri sa
(#163) pagsamba sa Iyong Awa. Minamahal Kita, O Diyos, dahil Ikaw
ay Ikaw lamang. (#1794) Amen.

VI. PANALANGIN NG PAGTITIWALA

SA BANAL NA AWA VIII. PANALANGIN KAY STA. FAUSTINA
Sta. Faustina, ikaw ang naghayag sa amin na ang iyong
O Panginoon, aming Diyos, inilalagay namin sa Iyo ang
misyon ay magpapatuloy kahit pagkatapos ng iyong kamatayan,
aming pagtitiwala sapagkat Ikaw mismo ang awa. Nagsisisi
at hindi mo kami kalilimutan. (281, 1582)
kami sa aming mga kasalanan at bumabaling sa Iyong awa.
Nananalig kaming ipagkakaloob Mo ang aming mga
Iginawad rin sa iyo ng ating Panginoon ang isang tanging
pangangailangan ng ayon sa Iyong kalooban. Tulungan Mo
karapatan, na nagsasabi sa iyo na "ibahagi ang mga biyaya
kaming magpatawad tulad ng pagpapatawad Mo sa amin.
ayon sa iyong nais, para sa mga taong nais mong bahaginan,
Nangangako kaming magiging maawaiin sa pamamagitan at kung kailan mo nais na ibahagi". (31)
ng gawa, salita at panalangin. Bagaman kami’y nagaala-ala
dahil sa aming kahinaan, kami naman ay umaasa sa Iyong Sa pagtitiwala sa pananalitang ito, hinihiling ko ang iyong
walang hanggang kabutihan at awa. Isinasalalay namin sa Iyo pamamagitan para sa mga biyayang aking kailangan, lalung
ang aming tanging buhay, ang aming kasalukuyang kalagayan lalo na...
at ang di-tiyak na kinabukasan. Sa Iyo’y aming
ipinagkakatiwala ang hinaharap ng aming daigdig, ng aming (Banggitin dito ang mga natatanging kahilingan)
bansa, ng aming Simbahan, ng aming pamilya at lahat ng
aming pangangailangan. Sa aming malakas na pagtangis, Higit sa lahat, tulungan mo kami na manalig kay Jesus tulad ng
nagsusumamo kami sa Iyong awa sa aming Iyong nilalang at iyong ginawa, upang sa gayo'y maparangalan namin ang
sa buong mundo. Tingnan Mo ang Iyong nilikha, na Iyong Kanyang Awa sa bawat sandali ng aming buhay sa lupa.
kalarawan at kawangis. Hugisin Mo kami sa puso ni Maria, sa Amen.
kapangyarihan ng Banal na Espiritu, na maging buhay na
larawan ng Iyong awa. At awitin ang papuri sa Iyong awa
magpasawalang hanggan. Amen.

VII. SA PASASALAMAT

O Jesus, Walang Hanggang Diyos, pinasasalamatan Kita

dahil sa Iyong di-mabilang na mga biyaya at mga pagpapala.
Tulutan Mong ang bawat tibok ng aking puso ay maging isang
bagong himig ng pasasalamat sa Iyo, O Diyos. Tulutan Mong
10