Aula 4

ANALISA MEDIA
7 & 10 Marsu 2011

ANALIZASAUN FRAMING (KUADRU NINING)

Termu ka palavra framing orijinal hosi frame, nebe hanaran mos ho media
packaged, mak perspektivu nebe uza atu halo observasaun, analizasaun, no intrepretasaun
mensajem media nian, liu-liu mensajem faktu (notisias).
Jeralmente analizasaun framing katak metodu ida atu halo deskripsaun prosesu
seleksaun no focus ba aspektu especial realidade ida hosi media.
DEFINISI / DEFINISAUN
Tuir Robert N. Entman, “prosesu seleksaun hosi varius aspektu realita oi-oin
entaun parte especial hosi akontesementu nebe hatadaan duke aspektu seluk-seluk.
Nia mos hatur informasaun oi-oin iha kontekstu nebe special entaun parte ida hetan
alokasaun boot liu kompara parte seluk.
Tuir William A. Gamson, “Metodu narativa ka konjuntu ideas nebe organiza ho
klaru no hamosu konstruksaun sentidu akontesementu oi-oin nebe iha relasaun ho objetu
perspektivu ida. Metodu narativa ka konta ida ne’e forma package ka kuadru ninin ida.
Package ida ne’e nudar skema ka strutura hanoin hosi ema individu atu halo konstrusaun
signifikandu mensajem nebe nia hato’o , mos atu interpreta mensajem nebe nia simu’’.
Iha parte seluk tuir Danis Mcquail, framing iha signifikandu rua. Definisaun
primeiru hatudu ba metodu nebe mensajem notisias ho espesifiku haforma no
kontekstualizasaun hosi jurnalista ho metodu perspektiva oi-oin nebe logiku no organiza
iha srutura ida nebe mensajem subar an ka laten. Definisaun segundu nian relasiona ho
efeitu framing nian ba publiku, mak realidade katak audiensia nebe baibain ona atu
adopta perspektivu (frame of reference) nebe jurnalista sira hato’o atu hare realidade ho
metodu hanesan ho jurnalista ka organizasaun media nebe iha relasaun.
Bazea ba definisaun rua ne’e, ita bele hare framing iha kontekstu rua principal,
mak kontekstu psikolojia no kontekstu komunikasaun politika. Iha kontekstu psikolojia
media, framing uza atu kunyese realidade nebe aprezenta hosi media. Framing iha
konseptu psikolojia bele hare nudar koloka informasaun iha kontekstu uniku nune’e
elementu balu husi polemiku ruma atu hetan alokasaun fontes kognitivu barak liu tan.
Framing hosi perpektivu psikolojia ka level personalia nia objektivu mak hafudi
kontinuasaun ita nia baibain ona halo klasifikasaun, halo organizasaun no halo
interpretasaun ho aktivu eksperensia moris nian atu hatene lolos.
Analizasaun framing nia serve atu estudu mrtodu-metodu individu atu halo
organizasaun nia eksperiansia. Frame bele halo ema identifika no komprende aktividade
akontesementus moris nian nebe sei lao dadaun.
Iha estudu komunikasaun politika nian, framing nia funsaun boot teb-tebes.
Framing sai nudar pontu importante ida ba ita atu komprende fenomena agenda setting
no propaganda klean tan. Iha ne’e nia importansia fungsaun media nian iha kontekstu
moris politika modernu. Media no politika mundial hanesan sorin nebe besik malu iha
mundu nebe nakloke agora ne’e. Media no aktores politiku nain sira persiza malu ida ho
seluk. Produzaun mensajem media nian tenke ita hare nudar aktividade nebe nakonu ho
interese no implamentasaun poder.
 Framing iha implikasaun importante iha komunikasaun politiku. Politik nain sira
buka suporta ho obriga kompetisaun ida ho seluk. Ho jurnalista sira, politik na’in hari’i
frame notisias ruma.
Tuir mai ne’e tablu nebe iha indika oinsa framing iha kontekstu komunikasaun
politika nebe hala’o hosi jurnalista (no media) halo reportajem no defini realidade.

Framing Iha Kontekstu Komunikasaun Politika

Notisias Akontesementu ruma Nusa akontesementu ne’e sai notisias?

Definisaun realidade loos
Aprasentasaun izu loos
Hili Fatus loos
Hili fontes loos
Nusa acontesementu seluk laiha notisias?
Nusa akontesementu hanesan iha fatin seluk la iha
notisias?
Nusa realidade defini hanesan ne’e?
Nusa iha parte ruma forte tebes?
Nusa laos parte seluk?
Nusa fatus ne’e mak sai topiku?
Nusa mak laos fatus seluk?
Nusa fontes ne’e mak ema intervista?
Nusa mak laos ma seluk?

Dili, 29 Fevereiru 2011

D. Dwikori Sitaresmi, M.A.

Materi ini disarikan dari :

Narendra, Pitra. (2008). Metodologi Riset Komunikasi, Panduan Untuk Melaksanakan

Penelititan Komunikasi. Yogyakarta: BPPI Yogyakarta dan Pusat Kajian Media
dan Budaya Populer.
Catatan:
Khusus diselenggarakan untuk kepentingan perkuliahan di Jurusan Ilmu
Komunikasi Sosial, FISIP, Universidade Nasional Timor Lorosae.