State of the Language Address: Kalagayan ng Wikang Filipino sa kasalukuyang panahon

Madaming pagbabago ang naganap at magaganap habang pabago bago din tayo ng
henerasyon, at isa sa direktang na-apektuhan ng mga pagbabagong ito, ay ang ating
pambansang wika,nag kakaroon ito ng mga salitang hindi naman maituturing na isa sa ating mga
diyalekto ngunit madaming tao ang gumagamit at nakakaintindi ng mga ito.
Sa Kasalukuyang panahon na-u-uso sa mga kabataan ang mga diyalektong ‘Taglish’ o pinaikling
Tagalog at English, Ito ay isang diyalekto kung saan pinag-ha-halo ang wikang Ingles at wikang
Tagalog sa iisang pangungusap lamang. Halimbawa na lamang ng mga ito ay “Where na you,
Dito na me “ na nangangahulugang “ Nasaan ka na, Nandi-dito na ako “, wala man sa
kumpirmadong mga diyalekto ng Pilipino ang wikang ito, ayon sa datos malaking porsyento parin
ng mga Pilipino ang gumagamit nito ng hindi nila namamalayan.
Bukod sa ‘Taglish’ sumibol pa ang mga balbal na salita na hindi naman orihinal na kasama sa
Wikang Filipino, ang mga halibawa nito ay ‘Yosi’ o Tobacco, ‘Shokla’ o Bakla na pangatlong
kasarian ng tao at ‘Erpats’ na ang ibigsabihin ay Amain at mga salitang binabaliktad tulad ng
‘Etneb’ o perang papel na bente, ‘Elibap’ o pabile at ang pinaka gamit na salita ang ‘Erps’ o
Pre/Kumpare, iilan lamang ito sa mga salitang nauso at hanggang ngayon ay ginagamit parin ng
mga Pilipino sa kasalukuyang panahon
Dahil narin sa patuloy na pagbabago ng ating henerasyon, patuloy din tayong nai-
impluwensyahan ng mga banyaga, na nagiging dahilan ng pagbaba ng tingin ng ilan sa sarili
nating Wika. Tulad nalang ng paggamit ng Ingles kesa sa paggamit ng wikang Filipino
Sa kasalukuyang panahon isa na sa naging batayan ng katalinuhan ng isang tao ay ang kanyang
wikang nakasanayang gamitin, base sa aking mga nasilayan noong mga nakraang taon ng aking
pag aaral, ang unang impresyon ng mga tao sa isa na nakasanayang gumamit ng wikang Ingles
ay nakaka-angat pagdating sa katalinuhan. Isa sa nakikita kong dahilan ng ganitong impresyon ng
mga tao, ay ang naging kasanayan ng mga Pilipino, na pag nabanggit na pormal ay kailangan na
naipapahayag sa wikang Ingles, kahit na ang Wikang pambansa natin ay Filipino.
Hindi ko lubusang maisip ang dahilan kung bakit nagiging batayan ng katalinuhan ng isang tao
ang kanilang wika na nakasanayan, mapa Ingles man o Filipino, samantalang ang Pilipinas ay isa
sa mga bansa na karamihan ng mamamayan ay Billinguwal o mga taong nakakapag salita at
nakakaintindi ng dalawang magkaibang wika, isa ito sa mga dahilan kung bakit madaming
dayuhan mula sa bansa ng asya ang nagpupunta sa pilipinas upang mag-aral ng ating wika sa
bansa.
Dahil sa mga kaisipan at pagbabago na ito, ang nakikita kong kalagayan ng wikang Filipino sa
kasalukuyang panahon parehong maganda at masama, maganda ang kalagayan ng Wikang
Filipino dahil mas nakikilala ito dahil sa mga balbal na salita na nau-uso ngayon na lagi naririnig
ng mga tao sa daan, at sa masamang kalagayan naman, dahil rin sa kaisipan na ang ang
paggamit ng wikang Ingles ay nakakatalino, mas binibigyan halaga ang paggamit nito kesa sa
Wikang Filipino.

Bilang isang Pilipino, isang Billinguwal, kahit na patuloy tayo sa pag unlad, pagpahalagahan parin
natin ang Wikang naging dahilan ng pagiging Pilipino natin, ipagmalaki natin na isa tayong bansa
na dinadayo ng mga banyaga dahil sa Wikang nakasanayan natin at sa napakalawak na mga
diyalekto nito.