Kamusta kayo?

ALAM NIYO
BA?
 Isa sa dahilan kung bakit wala pang katumbas na
salitang Filipino ang napakaraming Ingles na salita ay
dahil sa matagal na panahon na hindi natin ito
pinaunlad.
 Ang wikang Ingles ang nagamit at ginagamit natin na
instrumento upang umusbong ang ating bansa.
 Kaya naman ang Ingles ang napalawak natin habang
ang wikang Filipino naman ay mistulang hindi na
nagagamit at nabibigyan ng tamang pansin.
Sa modernisadong mundo na ating ginagalawan napakaraming suliranin ang makikita sa paggamit ng wikang
Filipino kasama dito ang mga sumusunod:

Hindi pagbigay ng tamang pagpapahalaga ng mga paaralan sa tamang

paggamit ng wikang Filipino.
Kakulangan ng kaalamanan sa mga makabagong pamamaraan ng pagturo.
Miskonsepsyon sa gamit ng wika.
Kamalayang makadayuhan na nagdadahilan ng kawalan ng interes ng mga
magaaral sa sarili nating mga panitikan.
Kakulangan sa bokabularyong Filipino/Tagalog.
Ang kaisipan na madali lang ang asignaturang Filipino.
Maling pagbigkas ng mga salita na nagsasanhi ng pagkakamali sa
pagbaybay o intindi ng wikang Filipino.

Micaela Magsanay
 Suliranin ng Wikang Filipino sa Edukasyon

Ang pagpapaunlad ng Filipino ay sa pamamagitan ng

paggamit lamang. Ginamit at ginagamit pa rin ang wikang
Ingles, kung kaya't ito ang puspusang umunlad. Ito ang
yumabong at lumawak;
Samantalang ang wikang Filipino ay mistulang naluoy at
napuril dahil sa di-paggamit. Hindi kataka-taka na sa
ngayon ay magaling at matatas ang mga Pilipino sa
paggamit ng Ingles, samantalang nangangapa naman sa
paggamit ng Filipino lalong-lalo na sa pagtuturo.
•  Mula’t-sapul Ingles ang siyang kinagisnang
wikang panturo sa mga paaralan, lalung-lalo na
sa mga dalubhasaan at pamantasan, Ingles ang
siyang kinagisnang wika ng mga itinuturing na
magagaling, marurunong, mayayaman, at mga
edukado at may pinag-aralan. Itinuturing ang
Filipino bilang isang wika ng mga mangmang,
ng mga hindi nakapag-aral at ng mga mahihirap.
  Bawat Pilipino ay bilanggo ng kaniyang kinagisnang
paniniwala, kaugalian, at kalinangan, kung kaya’t ang
pangkaraniwang pangangatwiran at pakikitungo sa
kanyang kapwa-Pilipino ay ibinabatay sa itinuturo ng
kaniyang kinamulatang kaugalian, o sa kinagisnan
niyang hugis ng pag-iisip at uro ng wikain ng
kinabibilangan niyang pamayanan. Kaya ito ang sanhi
ng di-pagkakasundo at di-pagkakaunawaan hinggil sa
pagamit ng Filipino sa pagtuturo.
 Ang layunin ng dekolonisasyon ay
mapalaya ang mga Pilipino mula sa
kanilang paniniwala na hindi
kapakipakinabang at magiging sagabal
sa pagkakaroon ng sangkabansaang
pagkakaunawaan at pagkakapatiran.  
Mga Maling Pagkukuro o Pala-Palagay
sa Paggamit ng Filipino sa Pagtuturo:

     Pabayaan munang umunlad and Filipino bago ito gamitin sa

pagtuturo
     Marami pang kakulangan ang wikang pambansa kung kaya’t hindi
pa maaaring gawing wikang panturo ito.
     Maraming salitang Ingles na walang katumbas sa wikang Filipino
     Kulang pa ng mga batayang aklat sa Filipino kung kaya’t
mahihirapan ang mga guro at mga mag-aaral.

- Dulce Angeline Arellano

Mga Iminungkahing
Solusyon:
-Vinia Torralba
Upang mapaunlad  ang wikang Filipino bilang wikang pambansa ay
inirerekomenda ang mga sumusunod na solusyon:
Imulat nang maaga ang paggamit at kahalagahan  ng wikang Filipino sa
mga bata. Kung maaari ay ang mga programang ating ipapanood sa kanila ay
nasa wikang Filipino. Sa kanilang paglaki, unti-unting ipakilala at gamitin sa
kaswal na pakikipagusap ang mga malalalim na salita sa Filipino upang
mapagyaman ang kanilang bokubolaryo.
Maisagawang batas ang pagkakaroon ng mga translasyon sa lahat ng
dokumento sa wikang Filipino.
Kahit matatas sa paggamit ng wikang Ingles ang mga Pilipino, di parin
maipagkakaila na karamihan pa rin sa ating mga mamamayan ay mas
nakakaintindi ng wikang FIlipino at para mas mapalago pa ito magandang ang
bawat  dokumento na Ingles o nasa ibang wika ay mayroon ding translasyon
sa FIlipino para na rin sa karamihan ng ating kababayan na hindi
nakakaintindi ng wikang Ingles.