PANGKATANG TALAKAYAN #1

SEKSYON: 1E1 PANGKAT #2

MGA KASAPI: LIDER:
Ma. Therese Joy Certeza Skyla Ray Castillo
Chelsea Gail Colobong
John Luis Censon
Joseph Chuason
PAKSA:
Talakayin sa pangkat ang mga artikulong isinulat ni Soriano at Pimentel. Sagutin ang
sumusunod bilang isang pangkat:

1. Sang-ayon ba kayo o hindi sa ipinahayag ni Soriano na nagsasabing ang

Filipino “ is not the language of the learned”. Pangatwiranan ang inyong sagot.
2. Alin sa mga kontra-argumento ni Pimentel ang higit na nakasapol sa mga
ipinahayag ni Soriano? Maliban rito, sa inyong palagay, ano pang matibay na
argumento ang sasagot sa mga tinuran ni Soriano.

Isulat ang inyong sagot sa mga mga tanong na ito sa pamamagitan ng maikling talata
na may 10-15 pangugusap.

1) Hindi kami sang ayon sa ipinahayag ni Soriano na nagsasabing ang wikang

“Filipino is not the language of the learned” sapagkat nagagamit ang wikang
Filipino sa iba't ibang aspekto lalo na sa mga akademikong usapin. Ito ay
kasalukuyang pinauunlad at ginagamit sa akademya at patuloy na napapalwak
ang bokabularyong Filipino sa patuloy na paggamit nito. Ang wikang Filipino ay
sumasalamin sa ating identidad sapagkat binubuklod ng wikang ito ang bawat
Pilipino saan mang sulok ng mundo patungo sa pagkakaisa at
pagkakaunawaan. Susi ito sa pagkakaisa nating mga Pilipino dahil kung wala
ang wikang ito ay magdudulot ng gulo at di pagkakaunawaan. Ito ay wika ng
kayamanan at kaunlaran dahil ang patuloy na pagmamahal at pagpapahalaga
sa wikang ito ay mag bibigay daan sa karunungan at pribilehiyo para sa mga
Pilipino. Ang ating wika, ang wikang pilipino ay siyang nagpapausbong ng ating
kultura hindi lamang sa aspekto ng ating pagka makabayan, kundi pati na din
ang ating kapasidad bilang mga akademiko at matalinong manunulat at
mananaliksik. Ang pamamaraang ito ay siyang mag bibigay daan sa pag
usbong at pag yaman ng ating wika sapagkat ang preserbasyon ng ating wika
ay patuloy na mananatili dahil dito. Hindi kami sang ayon kay Soriano sa
kadahilanang hindi naman basehan ang lenggwahe upang makagawa o
makaisip ng mga bagay na may kinalaman sa mga akademikong usapin, tignan
na lamang ang mga mauunlad na bansa tulad ng Japan at Korea, hindi nila
kinakailangang alamin o pag-aralan ang wikang Ingles upang matawag na
edukado o propesyonal. Tulad ng mga wika na ginagamit ng mauunlad na
bansang nabanggit sa itaas, ang wikang Filipino ay maaari din na tawaging
wika ng edukado kung tayong mga pilipino ay pahahalagahan at

1
 papakinabangang mabuti ang ating sariling wika. Wikang Filipino ay mahalaga
sa mga kabataan ngayon dahil dito maiintindihan nila at nagagamit ang wikang
Filipino para magkakaroon ng realisasayon kung paano ang lenguaheng ito ay
magagamit sa iba’t ibang paksang pangkarunungan . Importante at kailangan
ang patuloy na paglinang sa kakayahan ng mga bata na magamit ito sa araw-
araw sa kanilang pamumuhay bilang mga Pilipino sa susunod na henerasyon
na mag papatuloy sa pangangalaga nito.

2. Mga kontra-argumento ni Pimentel kay Soriano

Ang wikang Filipino ay higit pa sa wikang pang kalye, o pang katulong. Ani nga ni
Pimentel noong patungkulan ni Soriano na ang wikang Filipino ay pang katulong
at pang naghuhugas lang ng pinggan “May dishwasher sa bahay namin. Pero,
alam mo, pag mga malalaking kaldero ang katapat, puno ng mga latak ng mantika
at tirang ulam, kinukuskos ko nang husto ‘yon, p’re.”. Ibig sabihin niya ay walang
kinalaman ang wika upang magawa nang husto at maayos ang trabaho,pang
propesyonal man na gawain o hindi; at kahit Filipino ang nakagawiang wika at ang
kanyang nagging “mother-tounge”, hindi noon mababago na isa siyang
propesyonal at edukado. Sa iba pang pahayag ni Pimentel idinidiin niya na ang
Filipino ay maaaring tawagin rin na wika ng karunungan lalo na at kasalukuyan
itong pinauunlad at ginagamit sa akademya at mataas na edukasyon.
Sa totoo lamang, hindi mo matatawag na edukado o maalam ang isang taong
ingles lamang ang alam na lengguwahe kapag napunta siya sa lugar o sitwasyon
na hindi naman Ingles ang ginagamit na salita. Ang pagiging maalam sa Ingles ay
ni hindi nakatutulong upang maitawid ang hindi pagkakaintindihan ng dalawang
Pilipino na may magkaibang dayalekto Magandang bagay na maraming alam na
lengguwahe ang isang tao, pero dahil tayo ay Pilipino mararapat lang na unahin
natin aralin at alamin nang mabuti ang ating sariling wika. Kung sususuriing
mabuti, wala namang ipinagkaiba nang husto ang Ingles sa Filipino maliban na
lamang na Ingles ang tinaguriang “world-language” ngunit hindi nito nababago ang
katotohanang, sabihin mo man ang isang aksyon o bagay sa Ingles o sa Filipino,
basta’t nagkakaintindihan kayo ng kausap mo, magagawa at mauunawaan parin
ninyo nang eksakto ang mensahe na gustong niyong iparating ng isa’t-isa. Sa
totoo lang, pantay-pantay naman ang bawat lengguwahe. Tinagurian lang na
“world language” ang Ingles ngunit wala naman itong kaangatan sa ating wikang
Filipino. Kung tutuusin, isa ang wikang Filipino sa mga nagpapaunlad ng mga
sulatin na ginagamit sa pang akademya at ang ibang lahi rin mismo ay nag-aaral
pa ng wikang Filipino upang maintindihan ang mga sinulat natin. Ipinapakita
lamang nito na ang ating wika ay higit pa sa wikang pang katulong, pang kalye,o
kung pang ano mang gawaing bahay. Ang wikang Filipino ay katulad din ng wikang
ingles, Nihonggo, at iba pang mga wika. Ang wika, tulad ng mga nabanggit, ay
kilala at nirerespeto.