Komunikasyon at Pananaliksik sa Wika at Kulturang Pilipino

Semestre 1: aralin 1 – linggo 1

Pangalan: ________________________
Mary Faith C. Dalogdog Petsa:Setyembre
_________________
13, 2021
11- Aquila
Seksyon at Baitang: _________________ Guro:G._________________
Brian S. Delopere

1. Sa iyong palagay, ano ang kalagayan ng bansa ngayon kung hindi

pumili ng iisang wikang pambansa mula sa umiiral na humigit-
kumulang 150 wika sa kapuluan?
Sa aking opinion, lubos na maghihirap ang ating bansa hindi lamang sa
aspekto ng pakundi pati narin sa pakikipag-halubilo sa kapwa pilipino─ang
pagkakaunawaan ng mga tao sa isang lipunan ay magiging malabo. Sapagkat,
ang wika ang pinakamahalagang sangkap at ugnayan sa pakikipagkapwa-tao.
Malaki ang tungkulin ng wika sa pakikipag-unawaan at pakikisalamuha sa tao sa
kaniyang tahanan, paaralan, pamayanan, at lipunan. Ito rin ay nagbibigay-daan
sa epektibong pagpapalitan ng mga kaisipan at impormasyon. Kaya kung hindi
man pumili ng iisang wikang pambansa mula sa umiiral na humigit-kumulang 150
wika sa lipunan, hindi natin mararanasan ang pag-usbong, pag-unlad at
kasaganaan ng ating bansang kinagisnan.

2. Mas mainam kaya kung manatiling puro o walang halo ang wikang
pambansa o sang-ayon kang tumanggap ito ng ambag mula sa ibang
mga wika? Bigyang-katuwiran ang sagot.
Sang-ayon po ako na tumanggap ang ating wikang pambansa ng ambag
mula sa ibang mga wika, dahil hindi po lahat ng salita ay mayroong direktang
translasyon sa wikang Filipino. Mayroon po tayong tinatawag na hiram na salita,
ito ang mga salitang bahagi ng wikang Filipino na kinuha sa wikang dayuhan
katulad lamang ng Ingles, Kastila, at iba pa. Marami sa mga salitang ginagamit
natin ngayon sa pagsulat, pakikipag-usap, o ano pa mang paraan ng
komunikasyon ay mga hiram na salita. Ang ibig sabihin nito ay hindi sila likas na
mga kataga sa wikang Filipino pero ginagamit sila sa pakikipag-usap. Kadalasan,
ang mga salitang ito ay binigyan din ng sariling pagbabaybay ng mga pantig ng
salita sa Filipino. Marami sa mga salitang ito ay likas na ginagamit sa wikang
Ingles at Kastila. Walang salitang buhay na gaya ng Filipino ang puro, dahil sa
pagkakaiba-iba sa kultura ng mga bansa, may mga salitang banyaga na hindi
matatagpuan sa salitang Filipino kapag isinasalin sa pangyayaring ito, ang
tanging magagawa ay manghiram o di kaya ay lumikha ng bagong salita.
3. Paano kaya matitiyak ang pantay na paggamit sa Ingles at Filipino
bilang mga opisyal na wika ng bansa? Ano-anong mga hakbang ang
dapat isulong ng pamahalaan upang makamit ito?
Matitiyak ang pantay na paggamit sa Ingles at Filipino bilang mga opisyal
na wika ng bansa sa pamamagitan ng paggamit ng mga opisyal na wika na ito sa
pagtuturo sa sistemang pang-edukasyon. Ang mga wikang ito ay maaari ding
magamit bilang pangunahing mga wika para sa pagsasaliksik at pag-unlad at
batas. Ang gobyerno ang susi sa patas na paggamit sa mga wikang ito.Umang
maisakatuparan ito, dapat ipagbigay alam ng nakatatas na posisyon sa sektor ng
pamahalaan na nginangalanang departamento ng edukasyon na unahin ang
paggamit ng dalawang wika sa programa ng pagtuturo. Halimbawa, ang bilang
ng mga asignaturang itinuro sa Ingles at Filipino ay dapat na pareho. Maaari ring
utusan ng gobyerno ang departamento ng edukasyon at iba pang pribadong
paaralan na huwag hayaan na hindi maging bihasa ang mag-aaral sa paggamit
ng wikang Ingles o Filipino lalo na sa kolehiyo. Sa ganitong paraan,
makakasiguro na ang lahat ng mga mag-aaral ay may kasanayan at kaalaman
sa mga wikang ito. Bukod dito,aaari ring mag-ayos ang paaralan ng mga
paligsahan upang hikayatin ang paggamit ng dalawang wika. Ang isang
halimbawa nito ay ang pagbuo ng pananaliksik. Ang ilang mga dalubhasa sa
iba`t ibang larangan ay kailangang gumawa ng Ingles para sa mga internasyonal
na mambabasa at pag-aaral ng Filipino para sa mga lokal na mambabasa. Ito rin
ay isang patas na paraan upang magamit ang dalawang wika.

4. Bakit may mga nangungutya sa Filipino bilang opisyal na wika at

iniisip na wika lamang ito na dapat gamitin sa pakikipag-usap sa
karaniwang mga tao?
Siguro nangyayari ito sapagkat hindi sila mulat sa katotohanan na
napakahalagang mahalin ang sariling wika at ang paggamit nito bilang tanging
paraan ng pakikipag-usap sa buong bansa. Maari ring maging rason ang hindi
pagkakaroon ng sapat na kaalaman sa wikang Filipino kaya sinasabi lamang
niya na “wika lamang ito” nang hindi man lang namamalayan na ang ating wika
ay simbolo ng ating kalayaan. Gayundin, maaaring dahilan rin ng pangungutya
na ito ay ang kawalan ng paggalang at respeto sa pagkakaiba-iba ng pananalita
ng bawat tao.

5. Paano mapatataas ang prestihiyo ng Filipino bilang wikang

opisyal?
Sa pamamagitan ng paggamit ng wikang Filipino sa iba’t-ibang aspekto ng
pakikipagtalastasan, paghikayat niya sa mga guro at iba pang nasa sektor ng
edukasyon na ipalaganap ang Filipino bilang wika ng pananaliksik at diskurso,
paghikayat sa kapwa na palawakin o paunlarin ang unawa tungkol sa wikang
Filipino, at ipagbigay alam sa mga Pilipino na tungkulin nating pagyamanim at
 mahalin ang ating wika sapagkat atin ang wikang ito, maipatataas ang prestihiyo
ng Filipino bilang wikang opisyal.

6. Sa iyong palagay, maituturing bang biyaya o hindi ang pagkakaroon

ng Pilipinas ng napakaraming katutubong wika? Ipaliwanag ang
sagot.
Sa aking pananaw, maituturing po na biyaya na nagmumula sa buong
maykapal ang pagkakaroon ng iba’t ibang wikang katutubo na sinasalita sa halos
pitong libo na kapuluan, sapagkat bihira lamang po ang isang bansa na magka
meron ng napakaraming katutubong wika. At ang pagiging inklusibo ng wika ay
nagbubunga ng masiglang damdamin ng pakikiisa at pakikisangkot mula sa iba’t
ibang komunidad wika o pangkat etniko sa bansa dahil maghahatid ito ng
mensaheng sila’y kabahagi sa pagpapayabong ng wikang pambansa na siyang
ibig mangyari ng batas.

7. Bakit Tagalog ang napiling maging batayan ng wikang pambansa?

8. Paano nagpapalit-palit ng pangalan ang wikang pambansa? Bakit?

9. Paano nagkakaiba ang wikang pambansa at opisyal na wika?

10. Makatwiran bang maging wikang opisyal ng isang bansa ang

isang dayuhang wika? Bakit?